December 21. 2012 Ntiaj teb yuav kawg

**samxiong** 16th July 2012, 8:30 am

samxiong: Tuaj Tshiab; Messages : 34
Date d'inscription : 2011-11-14

Post n°1

December 21. 2012 Ntiaj teb yuav kawg

Post samxiong 16th July 2012, 8:30 am

Cov Saub tej lus tau hais ncha nrooj txog December 21, 2012

Saub tej kev xav li cov Yaj Saub"Prophecy" mas tsis yog muaj rau tiam no los
sis niaj hnub no xwb. Saub tej lus kwv yees yeej muaj los puag thaum chiv
keeb hwj huam los lawm. Tej yam saub tau kwv yeej kuj muaj raws nraim li tau
hais tseg ua ntej lawm. Tab sis tej yam kuj ho tsis muaj raws lis tau hais
tseg thiab. Tej xov xwm no hais tawm ntxua qhov, thiab ua rau ib txhia neeg
tsis ceev faj cia li ntseeg thiab ua ywj fab ywj fwj tag kuj muaj lawm.

Xws li saub tau hais ua zog koog txog lub ntiaj teb yuav kawg rau thaum
December 21, 2012. Tab sis yeej tsis muaj ib tug yuav muab tau ib yam los
ua pov thawj tseeb hais tias lub ntiaj teb yuav kawg rau hnub ntawd tiag
tiag li...Lawv tsuas yog lam muab tej yam xws li: Nostradamus, Hopis, Mayans,
thiab phau ntawv Bible uas yog Tswv Ntuj txoj lus.

Tab sis mas nyob rau cov ntseeg Ntuj, tsis hais Catholic, los sis cov Christians
sawv daws yeej tsis ntseeg txog tej lus saub no. Muaj ib feem kuj lam ntseeg
thiab. Tab sis nyob rau hauv Tswv Ntuj txoj lus yeej tsis tau teem ib lub caij
rau neeg ntiaj teb tseg hlo li.

Tswv Ntuj txoj lus yeej hais meej meej lawm hais tias: Txog hnub ntawd yeej
tsis muaj leej twg paub. Txawm yog Leej Tub los yeej tsis paub. Tsuas yog
Leej Txiv ib leeg thiab li paub xwb.

Tej xwm txheej uas yuav muaj tshwm sim rau niaj hnub no, los sis tom ntej yuav
yog huab cua, dej nyab, av qeeg, neeg tej tswv yim txawj ntse, yuav sib ntaus sib tua. Thiab tej neeg nplua nuj yuav kav neeg ntiaj teb txoj kev noj nyob,
lawv yuav ua li cas rau neeg ntiaj teb los yuav ua tau yam phem yam tsis zoo
los tau.

Kuv xav hais tias peb cov ntseeg Huab Tais Ntuj...Peb tsis ntseeg cov saub tej
lus hais...Tab sis peb yeej ntseeg hais tias muaj Dab Ntxwg Nyoog ua hauj lwm
loj kawg nyob lub ntiab teb hauv tib neeg lub siab"DEVIL SPIRIT-EVOLUTION OF HUMANITY", thias peb paub npaj nyias tus kheej hais tias peb nyob rau ntu twg
lawm.

**Maiv Tooj** 16th July 2012, 8:47 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: December 21. 2012 Ntiaj teb yuav kawg

Post Maiv Tooj 16th July 2012, 8:47 am

Nyob zoo dab laug Samxiong,

Ua tsaug uas nws tuaj sau ib zaj lus zoo kawg rau peb ras xeev lub zwj ceeb no. Yog kawg, coob leej neeg txhob txwm tau dej tso ua dej hlob kom zoo dov cav xwb; qhov hais ntiaj teb yuav kawg no mas yeej hais ua ntu zus los lawm yeej tsis pom ib qho twg tshwm tiag, twb tsis muaj tseeb npaum li thaum i Txiv Plig lawv yuav tuaj peb teb chaws Npam Naj Vas thiab tom Xas Niam uas cov sawv vaj hais tias: " Niam Txiv yuav nqes saum ntuj los, yuav caij dav dawb ya nruab ntug tuaj, Niam Txiv sia ib txoj siab tooj ci daj rhuv." ===> Tsis ntev kiag xwb, TP.Nyiaj pov thiab XH.Txoov Yeeb txawm caij dav hlau tuaj nqes Xas Niam, TP. sia ib txoj siv, rhais tus nti cuam daj rhuv ci hob tiag...

Lawv hem kom neeg ntshai, txhawj ces rau siab mus xyuas cov Saub cuav, "cov saub uas rau dab phem tsav" siv lawv ua choj tuam ntxias kom neeg qaug siab kom neeg poob rau txoj kev haub kev ntxias, ncaim ntawm Ntuj mus ua txhaum.