Niaj Xyoo teev Saw Mab Liab Rau Ib Tsoom Leej Choj

**Mim** 15th June 2012, 2:57 pm

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Niaj Xyoo teev Saw Mab Liab Rau Ib Tsoom Leej Choj

Post Mim 15th June 2012, 2:57 pm

Kuv xub tuaj tso qhov no rau hauv cov zaj nyeem nruab lis piam lawm, tiam sis kuv xav tias tej zaum zoo muab tso rau hauv chav teev ntuj no thiab, ces kuv ho coj los tso rau hauv chav no ntxiv.

Niaj Xyoo teev Saw Mab Liab Rau Ib Tsoom Leej Choj Sacredheart1

Hnub no vim yog hnub hwm HT Yes Xus lub Plawv Ntshiab mas yog ib hnub peb thov ntuj pab rau tas ib tsoom leej choj nyob hauv lub Koom Txoos Kas Tos Liv nyob thoob ntiaj teb tib si.

Hnub no muaj txog 60 lub tuam tsev teev ntuj (shrines) nyob 60 lub teb chaws sib koom hais txoj Saw Mab Liab los thov ntuj pab cov leej choj. Tiam sis lawv ua "relay/relais" hais txoj Saw Mab Liab. Kuv tsis paub tias lawv pib hais nyob lub teb chaws twg, tiam sis kuv paub tias xws li lawv hais nyob Knock, Ireland, tas ces lawv xa tuaj rau tim EWTN nyob As Mes Kas teb, thaum lawv hais tas nyob ntawm no lawm ces lawv xa mus rau tim Germany. kuv nyuam qhuav tau nrog EWTN hais txoj Saw Mab Liab pab rau cov leej choj.

Xyoo no yog xyoo 3 uas lawv tau ua txoj kev hais Saw Mab Liab thov ntuj rau cov leej choj:

The 3rd Annual Global Rosary Relay for Priests

Join in praying 60 Rosaries in 60 countries

15th June 2012

Ntawm no yog ib daig video uas tsaib no (2011) lawv tau ua los piav txog txoj kev teev txoj Saw Mab Liab 24 teev thov ntuj rau ib tsoom leej choj. Lawv niaj xyoo ua li ntawd rau hnub hwm HT Yes Xus lub Plawv Ntshiab. Vim li ntawd ib xyoos twg yuav txawv hnub thiab hli me ntsis, tsaib no yog hnub tim 1 lub 7 hli 2011, xyoo no yog hnub no, tim 15 lub 6 hli 2012.

Daim video hauv qab no yog thaum lawv hais txoj Saw mab Liab hnub no nco txog HT Yes Xus txoj kev txom nyem, nyob EWTN, Irondale, xeev Alabama.

Last edited by Mim on 16th June 2012, 4:49 am; edited 2 times in total

**Maiv Tooj** 15th June 2012, 6:58 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Niaj Xyoo teev Saw Mab Liab Rau Ib Tsoom Leej Choj

Post Maiv Tooj 15th June 2012, 6:58 pm

Niaj Xyoo teev Saw Mab Liab Rau Ib Tsoom Leej Choj 55571310

Nyob zoo Mim,

Zoo kawg, tej yam kev teev Ntuj tshwj xeeb li yuav tsum muab ua ib lub Topic rau nws ib qho, hnub qab nram ntsis xav rov nrhiav thiaj nrhiav yooj yim. Li ntawd ntau zaud, kuv pom muaj tej zaj lus, kuv thiaj muab faib mus rau ib qho tshiab, kom nrhiav tau yooj yim.

Mim, nws yog tus noj txhij paub txhua, nws tseem tau ua hauj lwm nyob hauv lub Koom Txoos thiab; zoo nkaus li nws nyob ze tej kab ke teev Ntuj thiab lub Ntsiab Koom Txoos dua peb sawv daws. Yog tej thaum yuav txog tej lub caij "teev Ntuj tshwj xeeb" li no, xav kom nws xub tshaj ib ob hnub ua ntej kom tus xav koom ho muaj caij npaj thiab. Vim peb ib leeg nyob ib sab ntuj, peb lub caij tsis sib xws, ib tug txawv ib tug li lawm ib hnub ib hmos, ces twb yog ua ntej ib tug li ib hnub lawm.

Ua tsaug Mim.

Niaj Xyoo teev Saw Mab Liab Rau Ib Tsoom Leej Choj Gif-bo10

**Mim** 16th June 2012, 5:01 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: Niaj Xyoo teev Saw Mab Liab Rau Ib Tsoom Leej Choj

Post Mim 16th June 2012, 5:01 am

Nyob zoo tais Tooj,

Yeej yog li koj hais, yog kuv xub tuaj tso ntxov me ntsis ces sawv daws thiaj npaj koom tau. Thov txim ntawm sawv daws, vim kuv nyuam qhuav pom kiag sai sai ntawd thiab xwb, kuv cia li tuaj tso, yeej paub tias yuav lig zog rau nej ib txhia lawm. Nej mam li ho hais ib txoj Saw Mab Liab pab rau ib tsoom leej choj nej tus kheej los yeej tau thiab. Cia lwm xyoo tso uas kuv paub tseeb lawm tias lawv yuav muaj teev Saw Mab liab li ntawd no ces kuv mam tuaj hais kom peb sawv daws nco qab koom os nawb.