Nyob ruaj nreb hauv txoj kev ntseeg txog Yesxus tus cawm seej

**Ntxhuav Mom Xyooj** 1st March 2012, 7:36 am

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°1

Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 1st March 2012, 7:36 am

Peb tau txiav txim siab los cuag Yesxus lawm,
peb yuav tsum nquag nyeem phau ntawv Moozoo kom thoob lub hauv paus mus txog rau lub hauv ntsis.
Cim thiab nco cia,tshawb fawb kom mus pom txoj kev mus ntuj ceeb tsheej.
Tswvntuj cov lus qhia peb kom mus taug txoj kev tseeb.
Ntiaj teb neeg muaj ntau txoj kev hais tias yuav mus ntuj ceeb tsheej,
tab sis muaj ib txog xwb thiaj li mus txog ntuj ceeb tsheej,txoj ntawd yog Yesxus.
Yog li ntawd,thaum peb ntseeg Yesxus lawm,peb tsis txhob nkim peb lub caij lub nyoog.
Peb yuav tau pauv tus cwj pwm qub mus ua tus cuj pwm tshiab.
Txoj qub kev uas peb tau taug los peb tso plhuav tseg ua hmab tu hlua pluam
txhob nco txog thiab txhob siv ntxiv li lawm.
Qhov nov txhais tau tias peb tso plhuav tej qub kev cai tseg thiab tej kev lim hiam,kev ntxub ntxaug,kev plees kev yi,kev xyav luag moo tsis zoo thiab kev taug xaiv.
Txawm tias peb twb los ntseeg Yesxus lawm los peb tseem tso tsis taus tej
saum no tseg ces peb tseem ua dab toj dab qhev li qub.
Peb txoj kev ntseeg Yesxus yuav tsum yog 100% txhob pub 1% rau dab nkag los nyob li,
mas peb thiaj li yuav dawb huv tau mog cov kwv tij phooj ywg.
Peb yog neeg lo lub keeb txhaum lawm,peb txhob tsub txhaum ntxiv.
Yesxus hais tias,nej cov uas ris lub nra nyhav,txav los cuag kuv,kuv yuav txo kom
nej lub nra sib. Kuv tus kheej thiab tus plig zoo siab hom khaj tias kuv txoj kev cia siab tseem tsis tau tag.

**Ntxhuav Mom Xyooj** 1st March 2012, 7:57 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°2

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 1st March 2012, 7:57 am

Kuv tus kheej thaum kuv tshawb fawb pom qhov tseeb kuv mam li tig rov los xav tias yog kuv twb tuag ua ntej thaum kuv tseem tsis tau los cuag Yesxus, ntshai kuv tus ntsuj plig yuav tu siab heev thiab kuv tus kheej tsis tsim nyog yug los ua neeg ib zaug nyob rau lub ntiaj teb no.
Mam li ntsib nej dua mog cov phooj ywg.

Ntxhuav Mom Xyooj

**Maiv Tooj** 1st March 2012, 8:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Nyob ruaj nreb hauv txoj kev ntseeg txog Yesxus tus cawm seej

Post Maiv Tooj 1st March 2012, 8:23 am

Nyob zoo Ntxhuav mom Xyooj,

Zoo siab nws tuaj sau tej zaj zoo heev rau peb tau xyaum.
Nws hais yog kawg, nws cov lus yeej raug tag nrho, txoj kev nrhiav Tswv Ntuj lub Ceeb Tsheej, xav tias nyuaj kawg, tab sis yog tib zoo xav mas kuj tsis nyuaj kiag li thiab. Peb txhua leej yuav xyaum li nws hais, kom peb yoog tsis tau ntau los thov kom yoog tau me ntsis ces twb yuav daws peb txoj kev nyuag lawm ntau. Yog peb coj lub neej li Tswv Ntuj qhia peb, peb yuav pom NWS lub Ceeb Tsheej thiab ntiaj teb no los peb yuav muaj lub neej kaj siab ua.

Kwv tij Ntxhuav Mom Xyooj, kuv pom koj muaj txoj kev ntseeg zoo thiab koj thoob tsib heev, kuv thov koj tuaj nrog peb sib coj nrhiav Tswv Ntuj mog.

Hnub no tau nyeem koj cov lus nyiaj lus kub, zoo kuv siab tshaj tsis muaj yam los pauv tau.

Kuv thov ua koj tsaug.

**Ntxhuav Mom Xyooj** 2nd March 2012, 5:18 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°4

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 2nd March 2012, 5:18 pm

Ob peb lo lus kom peb ho ras txog thiab. Peb cov uas laus zuj zus lawm
txoj kev muaj mob nkeeg yuav muaj ntau dua yav thaud uas peb tseem hluas.Txawm li cas los xij,peb tso siab plhuav rau Tswvntuj xwb,peb ua tiagnyiaj ntxeem li Yesxus nws twb ua tus qauv nyiaj tas puas tsav yam kev nyuaj siab,raug luag ntxub,luag nto,luag nplawm dai saum ntoo cuamthiab nws tseem ris ntiaj teb neeg cov txhaum nyhav tshaj plaws,nyhav thiab tsis nyhav mas nws ntsub ntsub tawm kiag ib ce hws ntshav. Hais raupeb kwv tij Hmoob uas twb los ntseeg Yesxus lawm kom peb nco ntsoov Yesxuslub txiaj ntsig uas nws ris peb cov txhaum nyhav npaum li ntawd. Es pebtsis txhob xav tias cas muaj mob tag npaum no ces mus saib nyaig saib tessaib hmoov. Hmoob muaj ib lo lus tias,dawj qab zeb ces yeej pom roob ris,yog thaum koj mus saib yaig lawm,luag yuav tsum hais ib yam dabtsi rau kojxwb thiaj tag,luag yuav tias koj yuav tau ua ib tug nyuj dab,lossis vim koj pog koj yawg,koj niam koj txiv lub ntxa yuav tau ua ib thaj neeb mus kho ntxa.

**Ntxhuav Mom Xyooj** 2nd March 2012, 5:47 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°5

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 2nd March 2012, 5:47 pm

Ces thaum ntawd yus ho xav tias twb lawb dab lawm ces cia coj thaj neeb
ntawd mus ua rau tom cov kwv tij uas tseem coj qub kev cai tsev. Kwv tij
Hmoob sawv daws,Tswvntuj tsis ruam li peb xav ntawd,tab txawm koj yuav coj
thaj neeb ntawd mus ua rau puag tim Nplogteb,Thaibteb,Fabkis teb los
Tswvntuj yeej paub thiab pom tag huv si,yus lubsiab xav li cas xwb Tswv
Ntuj twb paub qhov yus xav ntawd lawm. Muaj 2 yam ua rau peb poob kev
ntseeg Yesxus yooj yim tshaj plawd. 1. Kev mob nkeeg. 2. Kev plees kev yi.
Kuv tshawb fawb pom tau tias peb cov Hmoob ntseeg Yesxus nyob hauv lub
Koomtxoos Catholic uas xub xub ntseeg puag thaum TP.Nyiajpov tuaj rau
Roobnyujqus ntawd,ziag no ib txhia rov mus ua neeb ua yaig dua lawm rov
coj qub kev cai dua,hos ib txhia tseem ntseeg ntuj li qub,tab sis ua txhua
yam qub kev cai nrog rau txoj kev ntseeg Yesxus. Qhov nov txhais tau tias
NKIM CAIJ NKIM NYOOG LOS NTSEEG YESXUS. Kwv tij Hmoob aw..txoj kev tua
tsiaj tua txhuv los theej yus lub txhoj nws twb tag zim txwv puag thaum
Yesxus tuag dai ncuv saum ntoo cuam lawm nawv mog Hmoob.

**Ntxhuav Mom Xyooj** 2nd March 2012, 6:27 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°6

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 2nd March 2012, 6:27 pm

Zoo nkaus li cov tshuaj uas twb tag zim txwv lawm expire es peb tsis saib
vasthib li peb lam noj tas zog lub tshuaj ntawd tsis muaj kuab lawm.
Tsiaj theej tsis tau neeg lub txhoj lawm,neeg thiaj li theej tau neeg lub
txhoj xwb,yog li ntawd Yesxus uas tuaj ntawm Tswvntuj tuaj los yug ua
neeg li peb es nws thiaj li theej tau peb lub txhoj nawv mog kwv tij
Hmoob. Peb los ntseeg Yesxus lawm,peb tsis tshawb fawb,tsis ceev faj,tsis
kawm kom peb paub ces thaum muaj mob nkeeg tuaj peb tsuav xav tias ua txhua yam rau tsuav yog zoo xwb. Nws tsis yog li ntawd,kom nco ntsoov tias
peb lub cev nqaij no yuav mus ua avib hnub twg xwb,yog li ntawd tshuav peb
tus ntsuj plig ne yuav mus qhov twg,tus ntsuj plig yog tus yuav nyob ib
txhiab ib txhis tsis txhawj tuag. Txawm tias ntsuj plig yuav mus nyob rau
ntuj ceeb tsheej los rau dab teb ntsuj plig yeej tsis tuag li. Qhov peb
los ntseeg Yesxus no yog peb ntseeg rau peb tus ntsuj plig xwb. Yog li
ntawd peb tsis txhob cia hauv peb siab tseem muaj dab ib qhov puav pheej
nrog peb ua ntej peb yuav ncaim lub ntiaj no mus.

**Tub Kawm** 2nd March 2012, 8:23 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°7

Re: Nyob ruaj nreb hauv txoj kev ntseeg txog Yesxus tus cawm seej

Post Tub Kawm 2nd March 2012, 8:23 pm

Ntxhuav Mom Xyooj wrote:Ces thaum ntawd yus ho xav tias twb lawb dab lawm ces cia coj thaj neeb
ntawd mus ua rau tom cov kwv tij uas tseem coj qub kev cai tsev. Kwv tij
Hmoob sawv daws,Tswvntuj tsis ruam li peb xav ntawd,tab txawm koj yuav coj
thaj neeb ntawd mus ua rau puag tim Nplogteb,Thaibteb,Fabkis teb los
Tswvntuj yeej paub thiab pom tag huv si,yus lubsiab xav li cas xwb Tswv
Ntuj twb paub qhov yus xav ntawd lawm. Muaj 2 yam ua rau peb poob kev
ntseeg Yesxus yooj yim tshaj plawd. 1. Kev mob nkeeg. 2. Kev plees kev yi.
Kuv tshawb fawb pom tau tias peb cov Hmoob ntseeg Yesxus nyob hauv lub
Koomtxoos Catholic uas xub xub ntseeg puag thaum TP.Nyiajpov tuaj rau
Roobnyujqus ntawd,ziag no ib txhia rov mus ua neeb ua yaig dua lawm rov
coj qub kev cai dua,hos ib txhia tseem ntseeg ntuj li qub,tab sis ua txhua
yam qub kev cai nrog rau txoj kev ntseeg Yesxus. Qhov nov txhais tau tias
NKIM CAIJ NKIM NYOOG LOS NTSEEG YESXUS. Kwv tij Hmoob aw..txoj kev tua
tsiaj tua txhuv los theej yus lub txhoj nws twb tag zim txwv puag thaum
Yesxus tuag dai ncuv saum ntoo cuam lawm nawv mog Hmoob.

Nyob zoo Tij laus Ntxhuav mom, xyov koj ua tij los kuv, tiam sis lam hu koj ua tij ib zaug. Zoo siab ntau tau ntsib koj hauv hmoob catholique no og. Yeej yog li koj hais lawm, txoj kev ntseeg mas tsi hais cov Kav tos liv los cov Plos tes tas los lwm cov. Yeej muaj qee yam ua rau neeg hnov qab HT Ntuj. vim neeg tsi muaj zog txaus thiab niaj hnub pheeb rau txoj kev ua txhaum tas mus li xwb. Yog li neeg thiaj tso Txoj kev ntseeg zuj zug. Muaj ib txhia tso kev ntseeg tseg. Vim yog yog lub teb chaws nyob tsi thaj yeeb es tsi muaj cov XH los cov TP tuaj qhia lawv lawm ces lawv tsi paub txoj kev teev ntuj lawm lawv thiaj tso tseg. Muaj ib txhia neeg ntseeg tiam si ho tseem siv kev saib tes saib hmoov thiab lwm yam coj los txuam rau hauv. Vim tias lawv tsis tso phluav lawv lub neej rau HT Yes Xus ua tus kav, lawv thiaj tseem siv tej ntawd. Vim lawv tsi paub tias HT Yes xus yog tus tswv kav lub ntuj ntiaj teb. Lawv tsuas lam ntseeg xwb qhov tseeb mas lawv tsi paub Yes Xus tus lwj lwm. Muaj ib txhia poob kev ntseeg vim rau luas das thiab ntshaw nyiaj txiag dhau lawv thiaj poob. Muaj ib txhia tso kev ntseeg tseg. Vim yog tej kev lom zem tuaj laum lawv. lawv thiaj hnov qab Tswv Ntuj lawm. Kwv tij hais txog cov neeg tso txoj kev ntseeg tseg mas yeej muaj ntau yam kuv twb hais tsis ntxawg. Tiam sis sawv daws nco ntsoov tis HT Yes Xus yog tus yeeb ib puas tsav yam. Yog peb xav kom peb nyob ruaj nreb hauv txoj kev ntseeg, mas peb yuav nquag mus nrog tsoo ntseeg teev ntuj thiab ua Mis xas txhua txhia hnub chiv, kom peb paub tias Tswv Ntuj cov lus qhia zoo li cas? Peb thiaj to taub HT Ntuj. Qhov ob, peb yuav vam txog niam Mab Liab pab thov Tswv Ntuj rau peb, kom peb txhob poob kev ntseeg.

**Maiv Paj Lug** 2nd March 2012, 9:28 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°8

Re: Nyob ruaj nreb hauv txoj kev ntseeg txog Yesxus tus cawm seej

Post Maiv Paj Lug 2nd March 2012, 9:28 pm

Ntxhuav Mom Xyooj wrote:
Kuv tus kheej thaum kuv tshawb fawb pom qhov tseeb kuv mam li tig rov los xav tias yog kuv twb tuag ua ntej thaum kuv tseem tsis tau los cuag Yesxus, ntshai kuv tus ntsuj plig yuav tu siab heev thiab kuv tus kheej tsis tsim nyog yug los ua neeg ib zaug nyob rau lub ntiaj teb no.
Mam li ntsib nej dua mog cov phooj ywg.

Ntxhuav Mom Xyooj

Nyob zoo Ntxhuav Mom Xyooj,

Hnub no peb txhua tus zoo siab ua Tswv Ntuj tsaug uas tseem coj koj tuaj ntxiv peb, peb kev sib pab sib txhawb sib hlub yog koom taug ib txoj kev zoo thiab tseeb, peb txbhua tus zoo siab txais koj txhua hnub tuaj txhawb sawv daws txoj kev ntseeg.

Koj cov lus saum no mas tseem ceeb tshaj, nyob hauv kuv lub neej txhua hnub kuv yeej xav tias vim kuv niam kuv txiv los ntseeg Kas Tos Liv, kuv muaj hmoo kuv thiaj yug los nyob hauv ib tse neeg ntseeg qhov tseeb, yog tias kuv niam kuv txiv tsis yog Kas Tos Liv ntshe kuv twb tsis paub txoj kev ntseeg tseeb, ntshe kuv tseem mus ua neeg ntseeg lwm yam uas tsis yog koom lub koos txoos Kas Tos Liv.

Lub Koos Txoos Kas Tos Liv mas muaj txhua txhua lub cim, thaum yus yug mus txog thaum yus tuag. Yog yus tsis paub lub Koos Txoos Kas Tos Liv ntshe yus yuav tsis tau txhua lub cim thiab thaum yus txoj siav tu nrho lawm yuav tu siab mus tag ib sim.

Zoo siab ntau uas peb txhua tus nyob hauv Koos Txoos Kas Tos Liv, thov kom Tswv Ntuj txhais tes roos nej txhua tus

**Ntxhuav Mom Xyooj** 12th March 2012, 1:54 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°9

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 12th March 2012, 1:54 pm

NYEEM NTAWV NTSHIAB.

Peb txoj kev ntseeg Tswvntuj peb ntseeg rau peb tus ntsuj plig peb vam thiab cia siab tias yuav mus ntuj ceeb tsheej ib hnub twg. Yog li ntawd peb cov ua pej xeem peb yuav mob siab kawm kev ntseeg tiag tiag kom peb no paub ibyam li cov XH. thiab TP. los kom paub dua haj yam zoo. Yog peb tsis kawmtiag es peb txawm yuav cia rau cov XH.thiab TP. lawv tau mus ntuj ceeb tsheej xwb lod? Peb nyias yuav tau nrhiav nyias kev ntseeg es txhob tos XH.thiab TP. lawv xwb, vim kev ntseeg peb tseemtshuav ntau yuav kawm tsispaub tag li. Yesxus cov lus zoo li cov tshuaj vitamin peb niaj hnub yuavtsum noj kom roj ntsha khiav zoo es thiaj li yuav tsis muaj mob. Yog peb tsis kawm kev ntseeg tiag ces zoo li peb lub siab khoob loj khoob lug.Cua tuaj seem twg tuaj los peb tsis paub,thaum ntawd ces peb yuav qaug.CUA TUAJ txhais tias yog kev haub kev ntxias. Peb nyob rau tiam 21 no muajkev haub kev ntxias ntau tsav ntau yam txhua phab txhua pheev kawg kiag.Yog peb kawm Yesxus cov lus ces zoo nkaus li peb noj tshuaj tiv thaiv peb lawm,kev haub kev ntxias tseem yuav tuaj seem twg tuaj los peb txawj ceevfaj thiab xyuam xim lawm. Yog li ntawd
cov kwv tij Hmoob ntseeg Yesxus, thov caw nej nyeem ntawv NTSHIAB thiab
mog. Txhob nkees nyeem,nquag nrhiav txoj kev zoo taug. Ua tsaug.

NIAS NTAWM NO MUS NYEEM NTAWV NTSHIAB:

**Ntxhuav Mom Xyooj** 20th March 2012, 12:03 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°10

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 20th March 2012, 12:03 pm

Kev ntseeg npaj cia rau ntsuj plig.

Kev ntseeg ntuj yog txoj kev tseem ceeb, ntseeg npaj cia rau ntsuj plig kev zoo siab mus ib txhis. Tsis tas li ntawd, tseem ntseeg ua kev zoo mobnkeeg tib si. Rau qhov thaum Yesxus los ntiaj teb no, nws cawm tau cov neeg mob txhua yam, thiab cawm tau cov neeg raug dab.

Nyob ruaj nreb hauv txoj kev ntseeg txog Yesxus tus cawm seej Lourde10

Nyob ruaj nreb hauv txoj kev ntseeg txog Yesxus tus cawm seej Lourde10

Xyoo 1988 thaum lub 6 hli kuv tau mob ko taw vwm. Ib xyoos twg mas yeej mob 2-3 zaug li. Cov uas tsis tau mob dua ko taw vwm mas tsis paub tias mob npaum li cas. Thaum mob mas mob heev tshaj plaws, mob rau ntawm tus ntiv taw xoo, Kuv mus ntsib Dr. mob heev dhau lawm kuv kom Dr. cia li muabkuv tus ntiv taw xoo ntawd txiav pov tseg kiag no mas Dr. luag kuv tsis taus li nws tseem mus tham rau lwm tus Dr. tias kuv xav muab kuv tus ntivtaw txiav no mas nkawd ob leeg luag kuv tsis taus li thiab. Hom ko taw vwm no feem ntau mob rau cov txiv neej xwb, cov poj niam lucky kawg. Xyoo 2007 kuv npaj siab yuav mus Fabkis teb npaj mus da dej rau nram Lourdes. Hnuv kuv yuav sawv kev mus, kuv tau thov Ntuj tias:

" Tswvntuj tus muaj hwg huam tas nrho,hnub no kuv yuav sawv kev mus Fabkis teb, thov koj txhob tso kuv tseg, thov koj nrog nraim kuv, thov koj hwj rawv lub dav hlau uas kuv yuav caij mus rau Fabkis teb, kom kuv tau mus pom thaj chaw niam Mabliab tshwm sim, thaum kuv mus txog lawm thov koj tso koj lub hwj chim thiab koj txhais tes dawb huv los kho kuv tus ntiv taw xoo mob ntawd kom zoo thiab tej mob nkeeg hauv kuv lub cev kom zoo hlo, raws li koj pom zoo os kuv tus Tswvntuj. Txhua yam kuv taij thiab thov los no, kuv vam txog Yesxus pleev lub npe thov, Amen."

Ces thaum kuv mus txog tim Fabkis teb kuv ib tug tij laug thiaj li coj kuv mus pem Lourdes thiaj li mus pom lub qab tsuas niam Mabliab tshwm sim ntawd ua rau kuv zoo siab heev ces kuv thiaj li mus da dej hauv kem tsev, muaj ob tug txiv neej nyob ntawd hais rau kuv tias kuv yuav hu 2 zaj nkauj yog French los yog English? ces kuv hais tias English ces nkawd pab kuv hu thiab, peb hu zaj Peb Txiv nyob saum Ntuj thiab zaj Koj Nyob Zoo Mabliab. Thaum ntawd kuv tsis quaj tab sis kuv kua muag mas poob sis laub sis lug los li, ces hu 2 zaj nkauj tas 2 tug txiv neej ntawd ib leej tuav kuv ib sab tes coj kuv mus da dej muab kuv raus tag nrho ploj taub hau tib si thiab ib tug tseem ce ib taij dej rau kuv hais tias kom kuv haus tais dej ntawd, ces kuv haus tag kuv thiaj li tawm los, kuv mloog li kuv zoo siab heev,kaj siab lug.

Txij thaum ntawd los txog tam sim no kuv ko taw vwm tsis mob lawm. Tswv Ntuj lub hwj huam mas loj tas nrho, kuv ua Tswvntuj tsaug.

**Maiv Tooj** 21st March 2012, 9:09 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: Nyob ruaj nreb hauv txoj kev ntseeg txog Yesxus tus cawm seej

Post Maiv Tooj 21st March 2012, 9:09 am

Nyob zoo kwv Ntxhuav Mom Xyooj,

Ua tsaug rau nws cov lus thoob tsib. Txhua yam nws tham, yog ib hauv tshuaj zoo rau peb txhua leej ras xeev. Yog yus muaj txoj kev ntseeg zoo thiab tseeb tiag tiag, tsis txhob ua xyem xyav mas txhua zaud yus thov Ntuj yeej khev heev. Tab sis ntau zaud, yus lub ncauj lam hais Huab Tais, Huab Tais no xwb, lub siab twb tsis ntseeg ces thiaj thov tsis tau txiaj ntsim.

**Npuagtub** 21st March 2012, 10:12 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°12

Re: Nyob ruaj nreb hauv txoj kev ntseeg txog Yesxus tus cawm seej

Post Npuagtub 21st March 2012, 10:12 am

Ntxhuav Mom Xyooj wrote:

Kev ntseeg npaj cia rau ntsuj plig.

Kev ntseeg ntuj yog txoj kev tseem ceeb, ntseeg npaj cia rau ntsuj plig kev zoo siab mus ib txhis. Tsis tas li ntawd, tseem ntseeg ua kev zoo mobnkeeg tib si. Rau qhov thaum Yesxus los ntiaj teb no, nws cawm tau cov neeg mob txhua yam, thiab cawm tau cov neeg raug dab.

Xyoo 1988 thaum lub 6 hli kuv tau mob ko taw vwm. Ib xyoos twg mas yeej mob 2-3 zaug li. Cov uas tsis tau mob dua ko taw vwm mas tsis paub tias mob npaum li cas. Thaum mob mas mob heev tshaj plaws, mob rau ntawm tus ntiv taw xoo, Kuv mus ntsib Dr. mob heev dhau lawm kuv kom Dr. cia li muabkuv tus ntiv taw xoo ntawd txiav pov tseg kiag no mas Dr. luag kuv tsis taus li nws tseem mus tham rau lwm tus Dr. tias kuv xav muab kuv tus ntivtaw txiav no mas nkawd ob leeg luag kuv tsis taus li thiab. Hom ko taw vwm no feem ntau mob rau cov txiv neej xwb, cov poj niam lucky kawg. Xyoo 2007 kuv npaj siab yuav mus Fabkis teb npaj mus da dej rau nram Lourdes. Hnuv kuv yuav sawv kev mus, kuv tau thov Ntuj tias:

" Tswvntuj tus muaj hwg huam tas nrho,hnub no kuv yuav sawv kev mus Fabkis teb, thov koj txhob tso kuv tseg, thov koj nrog nraim kuv, thov koj hwj rawv lub dav hlau uas kuv yuav caij mus rau Fabkis teb, kom kuv tau mus pom thaj chaw niam Mabliab tshwm sim, thaum kuv mus txog lawm thov koj tso koj lub hwj chim thiab koj txhais tes dawb huv los kho kuv tus ntiv taw xoo mob ntawd kom zoo thiab tej mob nkeeg hauv kuv lub cev kom zoo hlo, raws li koj pom zoo os kuv tus Tswvntuj. Txhua yam kuv taij thiab thov los no, kuv vam txog Yesxus pleev lub npe thov, Amen."

Ces thaum kuv mus txog tim Fabkis teb kuv ib tug tij laug thiaj li coj kuv mus pem Lourdes thiaj li mus pom lub qab tsuas niam Mabliab tshwm sim ntawd ua rau kuv zoo siab heev ces kuv thiaj li mus da dej hauv kem tsev, muaj ob tug txiv neej nyob ntawd hais rau kuv tias kuv yuav hu 2 zaj nkauj yog French los yog English? ces kuv hais tias English ces nkawd pab kuv hu thiab, peb hu zaj Peb Txiv nyob saum Ntuj thiab zaj Koj Nyob Zoo Mabliab. Thaum ntawd kuv tsis quaj tab sis kuv kua muag mas poob sis laub sis lug los li, ces hu 2 zaj nkauj tas 2 tug txiv neej ntawd ib leej tuav kuv ib sab tes coj kuv mus da dej muab kuv raus tag nrho ploj taub hau tib si thiab ib tug tseem ce ib taij dej rau kuv hais tias kom kuv haus tais dej ntawd, ces kuv haus tag kuv thiaj li tawm los, kuv mloog li kuv zoo siab heev,kaj siab lug.

Txij thaum ntawd los txog tam sim no kuv ko taw vwm tsis mob lawm. Tswv Ntuj lub hwj huam mas loj tas nrho, kuv ua Tswvntuj tsaug.

Wow.....Ntxhuav Mom,
koj muaj ib co lus pov thawj zoo heev, ua tsaug rau koj qhov sharing rau peb os nawv.

Khuv xim kawg, kuv twb nyob Fab Kis tau ze 10 xyoo tiam sis kuv twb mus tsis tau txog qhov chaw nws mus thiab lwm thaj chaw muaj txiaj ntsim ntshiab huv nyob Fab kis li. Nws muaj hmoo zoo heev, nws tau txais Tswv Ntuj lub txiaj ntsim zoo li nws lub siab xav.

**Ntxhuav Mom Xyooj** 26th March 2012, 7:29 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°13

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 26th March 2012, 7:29 pm

TUS NAB TOOJ THIAB YESXUS
Xam Phaj tshooj 21, 4-9 thiab Zam tshooj 3 nqi 14

Nyob ruaj nreb hauv txoj kev ntseeg txog Yesxus tus cawm seej _sacre10 Puab thaum ub nyob teb chaws suab puam neeg raug nab tom tuag coob heev ces Maisxes thiaj li nchuav ib tug nab tooj. Yog leej twg raug nab muaj taug tom ces nws ntsia tus nab tooj ntawd ib muag ces nws tsis tuag. NtawmYesxus kuj piv li tus nab tooj ntawd thiab. Tam sim no yog leej twg ntseegtxog Yesxus thiab tso siab rau nws ua raws nraim ib yam li Yesxus qhia ces tus ntsuj plig yuav tsis tuag yuav muaj txoj sia nyob ntev dhawv mus ib txhis. Ua ntej thaum peb tsis tau los cuag Yesxus mas peb tus ntsujplig nyob ntshaus ntsho xwb. Tom qab uas peb los cuag Yesxus lawm mas pebtus ntsuj plig nyob luag ntxhi xwb. Yog li ntawd, peb txhob cia peb tus ntsuj plig tu siab. Yuav ua li cas ua kom peb tus ntsuj plig txhob tu siabPeb yuav tswj peb lub siab kom tus tus, txhob tso peb lub siab ywj fab ywjfwj rau txhua yam kev yuav ua txhaum xws li kev plees nkauj nraug thiab kev mob nkeeg. Peb tuaj nyob rau teb chaws USA thiab Fabkis peb tej nkaws niam txiv nyias ua nyias hauj lwm ib leeg nyias ua nyias ib lub tsev ua laj kam kom ceev faj zoo txhob ntshaw luag teej luag tug.

Nyob ruaj nreb hauv txoj kev ntseeg txog Yesxus tus cawm seej Moise-11 Vim tias peb mus ua laj kam nrog luag yog 8 xuab moos diam ces peb los nrog peb tus txij nkawm nyob tsawg tshaj. Peb yog ib tug ntseeg Yesxus tiag tiag tsim nyog peb txhob mloog peb lub cev ntshaw. Peb lub cev no txawj ntshaw ntau tsav ntau yam yuav ua rau peb poob rau txoj kev txhaum. Vim tias lub cev no tsis yog lub yuav mus ntuj ceeb tsheej los sis mus dab phem teb, lub cev no thiaj li txawj ntshaw ntau tsav ntau yam. Thaum peb yuav ntxee mus rau sab kev nkauj nraug mas peb yuav tig los saib rau Tswvntuj 10 lo lus nqi 6. Ho hais los rau sab kev mob nkeeg peb mus ntsib kws kho mob thiab thov Tswvntuj los tshem mob nkeeg xwb, txhob mus saib yaig saib hmoov saib phaib saib tes ua khaw koob los yog ua neeb. Nco ntsoov tig los saib Tswvntuj 10 lo lu nqi 1.

Tso siab plhuav rau Tswvntuj ib leeg xwb.

**Mim** 27th March 2012, 7:17 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°14

Re: Nyob ruaj nreb hauv txoj kev ntseeg txog Yesxus tus cawm seej

Post Mim 27th March 2012, 7:17 am

Nyob zoo Ntxhuav Mom,

Kuv nyiam koj zaj tus nab tooj no, koj hais tau zoo kawg li. Ua tsaug rau koj cov lus txhawb peb sawv daws txoj kev ceev faj txog kev ua txhaum.

Kuv yuav thov ntxiv ob peb lo lus rau koj zaj os nawb. Thaum ub Mais Xes muab tus nab tooj dai tsa rau saum ncej rau cov neeg tau taug nab saib kom lawv txhob tuag. Tus nab tooj yog ib lub cim qhia txog HT Yes Xus yuav raug luag muab nws ntsia dai rau saum Ntoo Cuam. Peb txhua leej txhua tus yug los ua neeg yeej tau taug nab tas nrho, cov taug nab no yog lub keeb txhaum thiab yog peb cov kev ua txhaum. Thaum peb saib HT Yes Xus dai saum ntoo cuam, peb tu siab nrho rau peb cov txhaum thiab peb txiav txim siab tsis txhob ua txhaum ntxiv ces peb tus ntsuj plig yuav tsis tuag. Tsis tas li ntawd xwb, peb lub cev nqaij los muaj ib hnub, yog thaum ntiaj teb kawg, yuav tau sawv rov los muaj txoj sia ib yam li Yes Xus lub Cev thiab.

Peb txoj kev ntseeg lub hom phiaj ces yog vam txog qhov tias yuav tau nrog HT Yes Xus muaj txoj sia thiab zoo siab tas mus li tsis txawj kawg.

**Ntxhuav Mom Xyooj** 3rd April 2012, 7:14 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°15

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 3rd April 2012, 7:14 am

ZAM NTAWV MOO ZOO
1, 1-18

FIS LIS POS
2, 1-11

Nyob ruaj nreb hauv txoj kev ntseeg txog Yesxus tus cawm seej Holysp11 Kuv yuav muab ib zaj lus piv txwv los ntawm kuv los phim rau zaj ZAM NTAWVMOO ZOO thiab FIS LIS POS los txuam rau kom peb ho to taub yooj yim me ntsis.Kuv lub tsev nyob rau puag tom ntuj zos(country side)muaj hav ntoo nyob ibncig ntawm tsev. Kuv lub tsev muaj 2 them los yog 2 xab. Muaj ib hnub kuvtxawm nce mus rau sab saud kuv tig ntsia mus rau nram qab tsib taug. Lub caij ntawd yog lub 6 hli ntuj, kuv cog dib,pob kws, taub thiab zaub. Cov pob kws nyuam qhuav txij hauv caug. Kuv ntsia mus rau nram cov teb zaub ib me ntsis cas kuv pom nkag dub vog cuag me nyuam qaib nrad,cas kuv saib zoo zoo ua ciav yog ib pab yij zoo nkauj heev los rheeb rheeb kab thiab npauj npauj av nrad. Ib me pliag xwb cas txawm siv pom ib tug yij cia li ya plaws na has ua cas muaj ib tug dav cia li ya plho los ntsiab nkaus tus yij ya ntawd nqa tiaj lias nyhav ncawv dua tim cov hav ntoo lawm lau.

Thaum ntawd kuv cia li hlub pab yij ntawd heev, kuv xav tias hmo ntuj los kuv yeej hnov hma los quaj quaj tsem tsem nrad. Yog li ntawd mas ntshe pab yij no yeej raug hma tom thiab raug dav tsuab nruab hnub hmo ntuj li lau.'' Ces kuv cia li xav tias kheev kuv lam txawj txia es kuv yuav txia ntshis ua ib tug yij mus nrog pab yij ntawd tham kiag es mus qhia rau lawv hais tias kom lawv cia li los nyob ntawm kuv lub qab sam thiaj kom zoo nkauj rau kuv qab vag tsib taug es ntshe lawv thiaj li yuav tsis tuag.

Yus yog neeg xwb, yus yuav txia tsis tau mus ua ib tug yij. Tab sis ntawm Tswvntuj mas Tswvntuj ua tau. Txij thaum nkauj Iab nraug Oo nkawd tau ua txhaum los mus lawm, peb ntiaj teb neeg txhua tus yug los yeej lo lub keeb txhaum ntawd. Peb yug los ua neej nyob rau lub ntiaj teb no, thaum yug mus txog thaum laus tuag ces peb yeej poob mus rau hauv dab phem teb txhua txhua leej. Yog li ntawd Tswvntuj hlub neeg kawg nkaus, Tswvntuj tau tshuab tus ntsuj plig rau neeg Tswvntuj thiaj xav kom neeg tus ntsuj plig rov qab mus nrog Tswvntuj nyob pem Tswvntuj lub qab sam thiaj los lub ntuj ceeb tsheej. Yog li ntawd Tswvntuj thiaj li txia ntshis yug los ua neeg li peb los nrog peb tham los qhia peb tias muaj ib txoj kev mus ntuj ceeb tsheej, txoj kev ntawd yog Yesxus. Yog peb nyeem nyob hauv ZAM tshooj 1 mas peb yuav pom tej yam txawv thiab txaus siab kawg yam li LEEJ LO LUS YEEJ NYOB TXAWM. Tab sis peb ua tib zoo xav thiab tshawb fawb mas ua cas nws ho yug los ua neeg puag tom qab Has Nplas Has thiab Mais Xes thiab cov yaj saub huv tib si. Peb sim xav seb Tswvntuj lub hwj chim mas loj tshaj tas ib puas
tsav yam tiag. Tswvntuj ua rau peb tus ntsuj plig rov zoo siab luag ntxhi tuaj. Tswvntuj tau qhib ib txoj kev muaj nqis tsim nyog tshaj plaws rau peb. Nws tseem muaj nqis tshaj nyiaj thiab kub. Yog peb yuav txiav txim siab tiag tiag mus taug txoj kev muaj nqis ntawd, mas peb yuav tau khwv tiag, txhim kho tej pob caus hauv peb lub siab kom du lug.

Vim tias txoj kev muaj nqis ntawd nqaim heev,peb tsis txiv tiag tiag peb yuav nkag mus tsis tau. Nyob rau txoj kev nqaim ntawd tom kev muaj ib lub computor luj peb lub siab zoo li thaum peb yuav mus caij dab hlau es muaj ib lub rooj vag luj peb lub cev seb peb puas nqa tej yam khoom txhaum cai nyob hauv peb lub cev.

Nyob ruaj nreb hauv txoj kev ntseeg txog Yesxus tus cawm seej P1030516

**Npuagtub** 3rd April 2012, 8:38 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°16

Re: Nyob ruaj nreb hauv txoj kev ntseeg txog Yesxus tus cawm seej

Post Npuagtub 3rd April 2012, 8:38 am

Ntxhuav Mom,

Koj zaj lus no zoo heev thiab txhawb tau peb ntau leej kom lub siab tawg txawj thim xav los nyob hauv txoj kev ntseeg ntuj ruaj khov.

Thov kom nej cov ua muaj txoj kev ntseeg ruaj kho, yuav tsum paub tias txij hnub ua hmoov txais Tshauv (Ash Wednesday) los mus txog hnub Yes Xus sawv hauv txoj kev tuag rov los yog dab tsi thiab nej ho ua dab tsi, nej puas tsim nyog txais yam nej niaj hnub hais niaj hnub qhia niaj hnub tos ib lub xyoos puag ncig rov los txog ib zaug. Yog nej mus koom cov txoos tsis tau txhua lub los thov nej ua tiag mus koom kom tau 2-3 lub txoos nyob hauv lub Lis Piam Ntshiab ib yam li hnub ua hmoov nqaum nplooj, (palm Sunday) hnub tsib ntshiab hmo Yes Xus tsim lub Cim Yug (Holy Thursday) hnub 6 Ntshiab, hnub 7 Ntshiab thiab hnub ua Hmoov Yes Xus sawv rov los (Easter Sunday).

Peb puas yuav hais tau tias peb muaj kev ntseeg zoo tiam sis peb tsis muaj sij hawm mus koom tej lub txoos tseem ceeb txog yus txoj kev ntseeg ? Peb puas hais tau tias peb ntxub peb cov txhaum tiam sis peb ho tsis muaj sij hawm mus koom lub txoos ua txog Yes Xus raug txom nyem vim peb cov txhaum? Peb puas hais tau tias peb yog neeg ntseeg ntuj tiam sis ib xyoos peb mus txog lub tsev teev ntuj 1-2 zaug xwb? Txawm nej nyob tsis muaj hmoob tsis muaj pab muaj pawg ua lub txoos hais lub hmoob los yog nej muaj txoj kev ntseeg tiag mas nej yuav tau mus koom cov txoos no kom tau vim yog ib co txoos tseem ceeb heev rau peb. Peb txhua tus yuav tsum paub txog peb txoj kev ntseeg tej kab xwm luag niaj hnub niaj xyoo ua nyob hauv lub tsev teev ntuj, mas saib peb puas tsim nyob mus txhos caug nyob ntawm Huab Tais Yes Xus tus Ntoo Cuam.

**Bao X Mary** 3rd April 2012, 1:18 pm

Bao X Mary

Bao X Mary: Phooj Ywg; Messages : 168
Date d'inscription : 2011-07-09

Post n°17

Re: Nyob ruaj nreb hauv txoj kev ntseeg txog Yesxus tus cawm seej

Post Bao X Mary 3rd April 2012, 1:18 pm

Ntxhuab Mom,

Zoo siab uas peb tseem muaj ib tug muaj kev ntseeg ruaj nreb li koj los txhawb peb sawv daws lub zog os. Kuv xav kom peb txhua tus xav li koj cov lus koj hais xwb. Ntawm peb txoj kev ntseeg ces yeej hais li koj cov lus koj sau. Peb kev ntseeg ces yeej npaj rau peb tus ntsuj plig xwb. Thaum txog hnub kawg tsis txhob muaj ib qhov puav pheej txog dab phem ib qhov li. Koj cov lus txhawb tau peb sawv daws lub zog kawg li. Ua Tswv Ntuj tsaug, uas Nws pub lub tswv yim thoob tsib rau koj tau sau tej yam muaj nuj nqes los txhawb peb txoj kev ntseeg os mog.

**Ntxhuav Mom Xyooj** 3rd April 2012, 5:03 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°18

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 3rd April 2012, 5:03 pm

Nyob zoo XH. Npuag Tub thiab Bao X. Mary

XH. Npuag Tub kuv ua koj tsaug uas koj tseem qhia txog lub caij Yesxus
raug kev txom nyem no rau kuv thiab.

Kuv ces yeej tsis paub tus txheej txheem nyob hauv lub Koom Txoos Kas Tos
Liv zoo li. Tsuas yog nyeem thiab tshawb fawb nyob hauv phau Bible nkaus
xwb. Paub tsis npaum li cov uas tau mus kawm kiag thiaj li paub txog tus
cag thiab cov ceg. Kuv ces tsuas paub txij cov nplooj los xwb, thaum twg
yog nplooj zeeg lawm ces, rov tos txog lub caij nplooj rov hlav xwb. Muaj
3 yig Hmoob xwb, peb mus koom nrog nplog yog cov coob, ces txiv plig Nyab
Laj tuaj ua lub thaj txi ntuj rau peb, tab sis tseem ua lus Asmelikas xwb.
Txiv plig Nyab Laj los kuj hais lus Asmelikas tsis meej thiab mas qhov yuav to taub mas nyuaj kawg.

**Npuagtub** 3rd April 2012, 5:51 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°19

Re: Nyob ruaj nreb hauv txoj kev ntseeg txog Yesxus tus cawm seej

Post Npuagtub 3rd April 2012, 5:51 pm

Ntxhuav Mom,

Nej nyob tsis muaj Hmoob Catholic coob los tsis ua cas, qhov tseem ceeb yog yus lub siab ntseeg xwb, mus koom nrog lwm yam neeg los zoo ib yam, yog ua kom yus paub tias txoj kev ntseeg yus coj no muaj tej yam tshwj xeeb heev, twb tsis hais nej cov nyob tsis muaj pab pawg, peb cov nyob ua pab ua pawg los feem coob twb tsis mus koom cov txoos teev ntuj tseem ceeb nyob nruab xyoo thiab mas nawv. Muaj ib txhia ces lam los ua neeg ntseeg xwb, yeej tsis tau pom tej kab ke ua nyob hauv cov hnub Ntshiab ib zaug li.

Nyob hauv peb no los hmo Yes Xus tsim lub Cim Yug (Holy Thursday, Holy Friday thiab Holy Saturday) peb cov hmoob mus koom cov meskas thiab xwb tiam sis peb kuj muaj feem nrog cov meskas sib pab ua lub txoos ua ke, xws li hu nkauj, faib lub Cim Yug, nyeem ntawv thiab lwm yam.

**Ntxhuav Mom Xyooj** 25th April 2012, 7:05 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°20

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 25th April 2012, 7:05 am

NYUJ VAG TEEM

Nyob zoo cov phooj ywg sawv daws
Hmong muaj ib lo lus hais tias NYUJ VAG TEEM.
Nyob hauv peb kev ntseeg NTUJ kuv xav tias tus yuav txiav txim rau ib tsoom neeg ntiaj teb tsuas kawg yog YEXUS tib leeg xwb. Peb cov uas kawm
txog Tswvntuj kuv muab xav los thiab tshawb fawb pom tau tias peb txhua leej tib neeg yug los ua neeg nyob rau lub ntiaj teb no Tswvntuj yeej npajtau peb ib leeg muaj ib pob film thaij duab rau peb coj los ua neej nyob rau lub ntiaj teb no. Txog hnub peb rov qab peb yuav nqa pob film ntawdrov mus rau Tswvntuj tso rau peb saib. Tej yam yav tag los peb tau ua thiab pom, tej kev peb tau ua zoo thiab phem ntawd yuav tshwm pom nyob hauv peb pob film. Qhov ntawd yog peb 2 lub qhov muag thiab lub siab puas yog? Vim hais tias tej yam peb tau ua zoo thiab phem dhau los ntawd peb 2 lub qhov muaj yeej pom thiab lub siab paub es peb thiaj li nqis tes ua qhov ntawd. Yog li ntawd peb tsis txhob muab peb pob film thaij ua dog ua dig tsam lwm hnub peb txaj muag ntsia peb pob film tim ntsej tim muag ntawm Huab Tais Yesxus xub ntiag. Lub sij hawm ntawd peb
yuav tsis muaj ib lo lus tawm tsam tias tim tus ntawd, los tim tus tod
vim txhua yam peb tau ua los uas peb tsis nco qab lawm los yeej yuav tshwm rau peb nco thiab pom tag nrho txij thaum peb yug los mus txog thaum tuag. Muaj ib lo lus nyob hauv ntawv NTSHIAB MASTAIS 7,1-5 hais
tias luag yuav muab koj rab teev rov lug rau koj.

Cov kwv tij phooj ywg hmov thiab tshua, yog li ntawd peb yuav tau cia peb pob film thaij tej yam uas haum Tswvntuj. Txhob thaij tej yam uas
peb xav tias nraim nkoos ntshe Tswvntuj tsis pom lwm hnub yeej yuav tshwm nyob hauv peb pob film tib si.

Ua tsaug ntau rau tus nyeem kuv zaj no.

Nyob ruaj nreb hauv txoj kev ntseeg txog Yesxus tus cawm seej 391px-10

**Maiv Paj Lug** 25th April 2012, 7:37 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°21

Re: Nyob ruaj nreb hauv txoj kev ntseeg txog Yesxus tus cawm seej

Post Maiv Paj Lug 25th April 2012, 7:37 am

Ntxhuav Mom Xyooj wrote:

NYUJ VAG TEEM

Nyob zoo cov phooj ywg sawv daws
Hmong muaj ib lo lus hais tias NYUJ VAG TEEM.
Nyob hauv peb kev ntseeg NTUJ kuv xav tias tus yuav txiav txim rau ib tsoom neeg ntiaj teb tsuas kawg yog YEXUS tib leeg xwb. Peb cov uas kawm
txog Tswvntuj kuv muab xav los thiab tshawb fawb pom tau tias peb txhua leej tib neeg yug los ua neeg nyob rau lub ntiaj teb no Tswvntuj yeej npajtau peb ib leeg muaj ib pob film thaij duab rau peb coj los ua neej nyob rau lub ntiaj teb no. Txog hnub peb rov qab peb yuav nqa pob film ntawdrov mus rau Tswvntuj tso rau peb saib. Tej yam yav tag los peb tau ua thiab pom, tej kev peb tau ua zoo thiab phem ntawd yuav tshwm pom nyob hauv peb pob film. Qhov ntawd yog peb 2 lub qhov muag thiab lub siab puas yog? Vim hais tias tej yam peb tau ua zoo thiab phem dhau los ntawd peb 2 lub qhov muaj yeej pom thiab lub siab paub es peb thiaj li nqis tes ua qhov ntawd. Yog li ntawd peb tsis txhob muab peb pob film thaij ua dog ua dig tsam lwm hnub peb txaj muag ntsia peb pob film tim ntsej tim muag ntawm Huab Tais Yesxus xub ntiag. Lub sij hawm ntawd peb
yuav tsis muaj ib lo lus tawm tsam tias tim tus ntawd, los tim tus tod
vim txhua yam peb tau ua los uas peb tsis nco qab lawm los yeej yuav tshwm rau peb nco thiab pom tag nrho txij thaum peb yug los mus txog thaum tuag. Muaj ib lo lus nyob hauv ntawv NTSHIAB MASTAIS 7,1-5 hais
tias luag yuav muab koj rab teev rov lug rau koj.

Cov kwv tij phooj ywg hmov thiab tshua, yog li ntawd peb yuav tau cia peb pob film thaij tej yam uas haum Tswvntuj. Txhob thaij tej yam uas
peb xav tias nraim nkoos ntshe Tswvntuj tsis pom lwm hnub yeej yuav tshwm nyob hauv peb pob film tib si.

Ua tsaug ntau rau tus nyeem kuv zaj no.

[/url][/center]

Nyuaj Vag Teem yog dab tsi nab? Puas yog Hmoob tus vaj Txiav txim? Hmoob ces thaum ub tsis paub Yesxus, txhua tus yeej ntseeg tias yaj saub siv yis thiab nyuj vag teem thiaj li yog tus txiav txim rau neeg mus thawj thiab no xwb mas. Tiam sis yeej tsis muaj lwm lub qhov rooj nkag mus pem leej txiv yog leej twg tsis taug ntawm Yesxus.

Lub npe nyuj vag teem no ntshe yog ntxwj nyug pob los? cas lub npe pib kiag xwb twb hu ua NYUJ no ua ntej lawm, txaus nsthai heev.

Hmoob mas ib nyuag mob xwb los twb hais tias yuav ua nyuj dab, NYUJ DAB no ntshe yog ua pauj ntxwg nyug. Txaus ntshai thiab nawd yom.

**Ntxhuav Mom Xyooj** 24th May 2012, 6:32 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°22

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 24th May 2012, 6:32 am

KUV NTSEEG YESXUS LAWM
TXOJ KEV TUAG KUV TSIS NTSHAI PES TSAWG LAWM
Peb txoj kev ntseeg Yesxus zoo nkaus li lub tsheb ua muaj insurance cover 100% Yuav caij lub tsheb ntawd mus rau hauv nroog loj uas muaj tsheb coob
thiab muaj tub sab coob heev tsoo tsheb los yus yeej tsis ntshai yuav nkag mus rau hauv nroog li. Txawm tias yuav muaj neeg phem tsoo tsheb thiab lwm tus tsav tsheb uas tsis xyuam xim yuav los tsoo yus los yus tso siab plhuav tias yus twb muaj insurance cover 100% lawm. Ciaj thiab tuag los yus yeej tsis ntshai kiag li. Peb txoj kev ntseeg nws kuj zoo li ntawd thiab. Txawm tias nyob rau lub ntiaj teb no yuav muaj kev mob nkeeg ntau tsav ntau yam los txo yus txoj sia cev nqaij daim tawv kom yus ploj mus los yus yeej tsis ntshai yus tso siab plhuav rau Yesxus tias nws yeej tuav rawv yus tus ntsuj plig, vim Yesxus twb hlub ntiaj teb neeg tag npaum nws thiaj li ua zaj ua ntxeev los qhia peb thiab tuaj yeem tuag zoo li tus tsiaj los theej peb txhua tus lub txhoj. Peb txhob
ntshai tus tua tau peb lub cev xwb nws yeej tua tsis tau yus tus ntsuj plig, Peb tsuas ntshai tus uas tua tau peb lub cev thiab tseem muaj cuab
kav muab peb tus ntsuj plig pov rau hauv lub pas leej faj.

Thaum yus tsis tau muaj kev tso siab rau Yesxus mas muaj mob nkeeg loj mas yus ntshai tsam tuag kawg. Niaj hnub no cov uas laus zuj zus lawm los kuj ntshai tsam muaj ib hnub twg ces yuav tuag, khiav qab teb rau qaum teb mus nrhiav lub teb chaws nyob kom haum tej huab cua es txhob muaj mob nkeeg los kuj yog vim ntshai txoj kev tuag xwb. Thaum peb muaj kev tso siab rau Tswvntuj lawm txoj kev tuag tsis ntshai pes tsawg lawm.

Ib lo ntxiv, koj hais tias koj tso siab thiab ntseeg ntuj zoo kawg, kuv los kuv kuj hais tias kuv ntseej ntuj zoo kawg. Tab sis cia txog thaum kawg txoj sia yuav tu, yog tsis nrhiav txoj qub kev cai los txuam rau mas thiaj li xam tau mog kwv tij Hmoob.

Ua tsaug ntau rau tus uas nyeem kuv sob lus no.

**Ntxhuav Mom Xyooj** 1st June 2012, 10:30 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°23

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 1st June 2012, 10:30 pm

ZAM 9, 39

Peb haiv Hmoob feem coob cov uas kawm ntawv siab thiab ua nom ua tswv los yog cov uas pom kev deb txawj ntse dua tsis kam txo hwj chim los lees txais yuav Yesxus los ua lawv tus cawm seej.

Yog li ntawd, Yesxus thiaj muaj ib sob lus nyob hauv ZAM 9, 39 hais tias kuv tuaj hauv lub ntiaj teb no yog tuaj txiav txim: kom xwv cov uas qhov muag tsis pom kev, rov pom kev tuaj; hos kom cov neeg pom kev ua neeg dig muag.

Peb yuav tau xav tswv yim thiab tshawb fawb txog Yesxus sob lus no kom peb cim thiab nco rau nruab siab. Nej sim ua tib zoo ntsia thiab saib nej yeej pom tau tias peb cov Hmoob uas ua nom ua tswv thiab kawm ntawv mus qib siab lawv yeej tsis kam txo hwj chim los pe hawm Tswvntuj li puas yog? Txawm tias peb yuav kawm ntawv siab txog qib twg, ua nom ua tswv txog qib twg los peb yuav tau txo hwj chim lo pe hawm Tswv ntuj. Nyob rau lub ntiaj teb no txawm koj yuav ua ib tug huab tais kav ib lub teb chaws, thiab ua ib tug president kav ib haiv neeg los ib lub koom haum twg los puav leej nyob qab tswj hwm ntawm Tswv ntuj tag nrho. Yog li ntawd peb lub hwj chim peb tsuas tsa thaum peb khiav peb lub luag hauj lwm uas peb kav ntawd xwb. Ntawm Tswvntuj mas peb yuav tau txo hwj chim peb thiaj li yog neeg pom kev.

Tsis tas li ntawd, peb cov Hmoob uas ntse ntse uas tseem paub dab qhua zoo los lawv kuj tsis los ntseeg Yesxus. Vim muaj ib yam ab tsi los thaiv los npogg lawv qhov muag kom lawv dig muag kom lawv txhob paub txog Yesxus txoj kev HLUB neeg ntiaj teb.

Peb cov Hmoob uas ntseeg Yesxus lawm; thaum ntej peb yog neeg dig muag
tib yam, tab sis zaum no peb yog neeg pom kev lawm, vim peb txo hwj chim los txais yuav Yesxus ua peb tus TSWV cawm seej.

**Ntxhuav Mom Xyooj** 8th November 2012, 5:09 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°24

Re: Nyob ruaj nreb hauv txoj kev ntseeg txog Yesxus tus cawm seej

Post Ntxhuav Mom Xyooj 8th November 2012, 5:09 pm

YESXUS YOG TUS TUAJ NTAWM TSWVNTUJ TUAJ NWS YOG TSWVNTUJ LEEJ TUB TIAG
Nyob hauv Zam Ntawv Moo Zoo: 10,22-30

Nyob ruaj nreb hauv txoj kev ntseeg txog Yesxus tus cawm seej Sacred10

Lub sij hawm ntawd, cov Yusdas ua hmoov ntxuav lub tuam tsev teev ntuj. Yog lub caij ntuj tsaug. Yesxus mus mus los los nyob hauv lub tuam tsev teev ntuj ntawm Xaslosmoos lub qab ruv. Ces cov Yusdas tuaj ntsauv ncig Yesxus, lawv hais rau Yesxus tias: Koj yuav cia peb ua xyeem xyav txog tav twg? Seb koj yog Leej Pleev no koj qhia meej rau peb mas! Yesxus teb rau lawv tias: Kuv qhia rau nej lawm, tiam sis nej tsis ntseeg. Cov hauj lwm uas kuv tuav txog kuv txiv lub npe los ua, lawv ua kuv tim khawv. Tiam sis nej tsis ntseeg, vim nej tsis yog kuv cov yaj. Kuv cov yaj mloog kuv lub suab, kuv paub kuv cov yaj, lawv kuj raws nraim kuv. Kuv yuav muab txoj sia nyob mus li rau lawv. Lawv yuav tsis ploj ib zaug li. Tsis muaj ib tug twg yuav txeeb tau kuv cov yaj ntawm kuv txhais tes. Tej yam kuv Txiv muab rau kuv mas yog tej yam loj tshaj tej: Tsis muaj leej twg yuav txeeb tau tej yam ntawd ntawm kuv Txiv txhais tes. --KUV TXIV WB YOG IB TUG XWB.

Cov Yusdas thiab Faslisxais lawv tsis nyiam Yesxus kiag li. Lawv yeej teev Tswvntuj thiab, tab sis Tswvntuj twb los nrog lawv nyob kiag lawm los ua hwj huam yees ntxws rau lawv pom kiag los lawv tseem tsis ntseeg qees thiab. Ntawm peb mas peb hnov txog Yesxus lub MOO ZOO xwb peb ntseeg lawm. Peb ntseeg tias Yesxus YOG TSWVNTUJ LEEJ TUB TIAG TIAG.

Thaum lawv muab Yesxus tua dai saum NTOO CUAM lawm, lawv xav tias ntshe Yesxus txoj kab xwm tshaj lub MOO ZOO tag li ntawd lawm xwb lauv!!! Tab sis Yesxus lub MOO ZOO haj yam nto koob meej ncha mus thoob plawv lub qab ntuj khwb thiab ncha txog niaj hnub nim no. Qhov no, kom peb cov ntseeg Yesxus nco ntsoov tias nws yog Tswvntuj leej tub tiag tiag li. Peb tsis txhob ua xyeem xyav txog peb txoj kev ntseej NTUJ peb thiaj li yuav nyob ruaj khov, thaum peb raug kev haub ntxias, kev sim siab los ntawm kev mob nkeeg, kev sib cav sis ceg, kev tsis sib nyiam sib hlub, kev lus xaiv sib ntxub. Tej yam no yog dab ntxwg nyoog kom peb ua xwb.
Peb yuav tsis pom dab ntxwg nyoog los sawv rawv ntawm peb ib sab, tab sis ntxwg nyoog los txhoov peb lub siab kom peb tsis faj txog ces peb cia li ua qhov phem ntawd thiaj li haum ntxwg nyoog lub siab. Dab ntxwg nyoog muab yus tsev neeg kiag rov ua rau yus xwb, yog yus tsis paub thiab tsis ua tib zoo xav ces yus yeej tsis paub tias yog ntxwg nyoog los txhoov yus lub siab lawm es yus thiaj pheej hais tej lo lus phem txog luag tej ces yus pheej xav tias cas yus niag poj niam los tus txiv los yus kwv yus tij yuav phem ua luaj rau yus. Qhov tseeb tiag yog ntxwg nyoog yeej nyob txuam hauv tej lo lus phem ntawd lawm.

Kuv mob siab kawg: Kuv pom peb cov Hmoob ntseeg Yesxus nyob lub Koom Txoos Kastosliv coob kawg rov mus ua neeb saib yaig, kuv pab lawv tus ntsuj plig tu siab heev. Ntxwg nyoog txoj kev haub ntxias niaj hnub no mas muaj zog kawg nawv tsoom Hmoob ntseeg Yesxus sawv daws yuav tsum tau ceev faj tshaj plaws. Yog peb tsis tawv tiag thiab thov Tswvntuj txhua hnub txhua hmo peb yuav maim tsis dhau ntxwg nyoog txoj kev haub ntxias.
Peb twb pom nyob haub ntawv NTSHIAB lawm. Yesxus twb ua tus qauv rau peb lawm. Yesxus ua hauj lwm nrog nws cov thwj tim, nws yeej ib sij mus thov ntuj rau tej qhov chaw xu ke tsis tseg li. Yog li ntawd, txoj kev thov ntuj ntawm yus txhua hnub yuav muaj nco txog Tswvntuj ua Tswvntuj tsaug tsis tseg yam lub teeb cig nplaim tas mus li.

Qhov loj tshaj plaws, peb tso siab plhuav dai dhuam rau saum Tswvntuj ib
leeg xwb. Txhob tso siab rau tej yam nyob ntiaj teb no kiag li.

Kuv muab tshawb fawb los mus thiab xav mas haiv neeg twg yog haiv neeg ntseeg kev cai Yesxus haiv neeg ntawd thiaj li muaj txoj kev hlub loj dua. Lawv muaj lub siab hlub ua tau niam tau txiv mus hlub ib tsoom me nyuam ntsuag nyob thoob plaws lub qab ntuj khwb no. Tej lub teb chaw raug kev txom nyem loj, tsuas kawg yog cov haiv neeg ntseeg Yesxus thiaj li mus pab cov neeg raug kev txom nyem ntawd xwb. Nej puas pom ib lub koom haum twg uas yog cov ntseeg Muslim thiab Budda es tej lub teb chaws raug kev txom nyem tshaib nqhis es lawv tau mus pab? Kuv tsis pom muaj li. Kawg yog cov koom haum ntseeg Yesxus nkaus thiaj li muaj txoj kev hlub loj tshaj plaws hauv lub ntiaj teb no. Yog li ntawd, kom peb ua tib zoo xav zoo zoo tshawb fawb kom tseeb YOG YESXUS TIB LEEG THIAJ LI YOG TUS MUAJ TXOJ KEV HLUB LOJ TSHAJ PLAWS TUAJ NTAWM TSWVNTUJ TUAJ TIAG TIAG LI. Peb ntseeg Yesxus lawm peb tsis txhob thim rov qab.

Thaum Yesxus tuag nws muab nws txi rau Ntuj. Txij thaum ntawd los txog niaj hnub no, lub ntiaj teb neeg thiaj li tau kev dim ntawm txoj kev ua txhaum lawm. Lub ntiaj teb neeg thiaj li tshiab zuj zus tuaj, pom kev zuj zus lawm vim Yesxus muab nws txi rau Ntuj.

Peb cov Hmoob ntseeg Yesxus sawv daws aw... peb nim niaj hnub niaj asthiv mus teev Tswvntuj, thaum peb ntsib kev nyuaj siab, peb puas yuav ceev faj tiag maj!!!! Vim peb cov Hmoob ntxeev siab dhau kuv yuav hais ib zaj lus kwv huam seb nej xav li cas?

Dab ntxwg nyoog hais tias: go ahead, kav tsij rau rau siab mus teev hawm nej tus Tswvntuj kom kawg siab kawg ntsws, kuv mus zaum pem roob tos, txheem puab tsaig tib si, thaum Dr. tsis lav kho koj tus mob lawm, ces koj yeej yuav ncaj qha los cuag kuv xwb mas, vim nyob hauv koj lub siab tseem muaj kuv cov puav pheej. Koj lub ntees tuag koj nim yuav ua ntees li Yesxus qhia los kuv yeej muaj cai(claim)rho tau koj tus ntsuj plig cab nrog kuv mus nyob nrog pas leej faj.

Kwv tij Hmoob kuv pom tau tias peb cov ntseeg Yesxus kev cai lawm los feem coob thaum muaj mob yuav tuag tiag pheej rov mus ua li kuv zaj lus kwv huam saud xwb tiag. Yog nej leej twg cov ntseeg Yesxus lawm tau nyeem kuv sob lus no lawm, thov nej ceev faj tsis txhob ua raws li zaj kwv huam saum toj no nawv mog kwv tij Hmoob. Thov kom nej nyob ruaj nreb khov kho ntawm txoj kev ntseeg Tswvntuj mus ib txhis.

Ntxhuav Mom Xyooj

Nyob ruaj nreb hauv txoj kev ntseeg txog Yesxus tus cawm seej Images16

Last edited by Ntxhuav Mom Xyooj on 9th November 2012, 11:58 am; edited 1 time in total

**NrhiavTswvNtuj** 9th November 2012, 9:43 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°25

Re: Nyob ruaj nreb hauv txoj kev ntseeg txog Yesxus tus cawm seej

Post NrhiavTswvNtuj 9th November 2012, 9:43 am

Nyob zoo Ntxhuav Mom,

Ua tsaug rau koj zaj kwv huam, yog ib zaj tseem ceeb heev, yog Peb Hmoob Ntseeg xav qheb qhov muag ntsia mas muaj nuj nqes heev. Kuv los kuj hais ib yam li koj zaj kwv huam thiab, kuv pom cov ntseeg ua siab me thaum txog lub caij kawg mas kuv nrog lawv tus ntsuj plig tu siab kawg li.

Hais txog kev ntswv siab, kev tsis sib haum xeeb ntawm txhua leej mas kuv los yeej pom tias tuaj kuab yeej yuj rawv sawv daws siab, yog tsis ceev faj ces yeej mas kiag tuaj kub rooj ntxiab xwb. Yog paub ceev faj, txhob khib xeeb, txhob ciaj caub, thaum luag ua phem thiab khib yus ntawd txhob chim, ua siab tus yees thiab teev Ntuj rau tus ua phem rau yus, thov ib tug Leej Ntshiab pab thov Ntuj rau tus uas ua phem rau yus, thov kom nws ntiab tuaj kub kom txav deb ntawm tus neeg ntawd thiab thov kom tus neeg ntawd thim xav es tsis txhob ua tuaj kub qhev. Yus thov Ntuj thiab coj lub siab tus yees xwb mas yuav zoo duav qhov yus chim, tu siab thiab khib xeeb. Yog yus tsis thov Ntuj es yus mob siab mas teeb meem haj yam loj dua ntxiv, vim muaj kev iab kev daw ces tuaj kub muaj zog heev, nws muaj zog lawm ces nws haj yam ntxias neeg ntxiv. Yog yus sib nyiam sib hlub ces tuaj kub lub zog yuav ntaug.