COV ZAJ NYEEM NRUAB LIS PIAM XYOO II, 2015-2016

TIM    16    LUB    6    HLI     2016

Hnub Tsib Lis Piam Kaum Ib Nruab Xoo C Nruab Lis Piam Xyoo II

Zaj Nyeem Ib:      NPES XIS LAS   48:   1-14

1 Tus Yaj Saub Es Lias sawv tuaj xws li ib lub cub tawg, nws lo lus cig npaum li ib teg tsau. 2 Nws ua kom kev tshaib plab tuaj raug lawv, nws lub siab kub lug ua kom lawv tuag tas ntau. 3 Nws hais Huab Tais lo lus los muab cov dej nag saum ntuj kaw ntom nti. Nws kuj ua hluav taws nqes saum ntuj los peb zaug. 4 Es Lias, koj ua ib co hwj huam yees ntxwv loj ua luaj! Leej twg yuav khav tau tias nws ua tau tej yam loj ib yam li koj ? 5 Koj hais tus Nyob Siab lo lus los tsa ib tug tuag kom sawv hauv ntuj txiag teb tsaus los. 6 Koj tau txo ib co vaj kom poob rau hauv kev puas ntsoog, koj ua kom lawv lub hwj chim tawg tas, thiab koj txo cov neeg muaj npe kom poob hwj chim nyob saum lawv lub txaj mob. 7 Nyob saum roob Xis Nais koj tau hnov ib co lus qhuab lus ntuas;  nyob saum roob Hos Les, koj tau hnov ib co lus ceeb toom txog kev yuav nplua txim. 8 Koj tau pleev roj rau tej tus vaj kom lawv nrhiav kev ua pauj. Koj tau pleev roj rau ib tug yaj saub kom los hloov koj. 9 Ib lub khaub zeeg hluav taws nqa koj mus, koj caij ib lub tsheb uas yog nees hluav taws luab. 10 Muaj ntawv sau tseg tias Ntuj xaiv koj kom koj rov los thaum lub caij teem, koj yuav los ua kom Ntuj siab nqig thaum nws lub caij npau taws. Koj yuav coj phaj txiv lub siab tig rov los hlub phaj tub. Koj yuav rov tuaj tsa cov xeem Yas Kos kom sawv.  11 Cov neeg uas yuav tau pom koj, mas lawv txoj hmoov zoo, ib yam li cov uas twb xub tuag nyob hauv kev sib hlub lawm thiab; vim tias peb kuj yuav muaj txoj sia nyob.  

12 Thaum Es Lias mus nkaum hauv lub khaub zeeg hluav taws lawm, mas Es Lis Xais txais tau Es Lias lub tswv yim ob npaus los nyob puv hauv nws. Tas Es Lis Xais sim neej tsis muaj ib tug nom yuav ua tau kom nws ntshai, tsis muaj leej twg yuav yeej  tau nws. 13 Tsis muaj ib yam yuav nyuaj dhau rau nws. Nws twb tuag lawm los nws lub cev tseem ua yaj saub tau. 14 Thaum nws ua neej nyob nws ua hwj huam yees ntxwv txaus qhuas, thaum nws tuag lawm, nws tseem tau ua tej yam loj kawg nkaus.

NPN    97:   1-2, 3-4, 5-6, 7

Txais:   (12a) Nej cov neeg ncaj, nej yuav zoo siab nyob hauv HUab Tais!

HUAB TAIS ua vaj, kom lub ntiaj teb hom zoo siab,
kom cov pov txwv uas muaj ntau lub dhia daj dhia luag !
Cov huab thiab qhov tsaus ntuj dub nciab nyob ncig nws ;
kev ncaj thiab kev txiav txim yog chaw txawb nws lub theej kiab.

Txais:   (12a) Nej cov neeg ncaj, nej yuav zoo siab nyob hauv HUab Tais!

Hluav taws mus ua nws ntej,
cig mus kub cov neeg ntxub nws uas nyob ncig nws.
Nws cov kab xob laim ci tuaj kaj lub qab ntuj ;
ntiaj teb pom, ntiaj teb tshee na ;

Txais:   (12a) Nej cov neeg ncaj, nej yuav zoo siab nyob hauv HUab Tais!

Cov toj roob yaj xws ciab ntab nyob ntawm HUAB TAIS xub ntiag,
ntawm tus HUAB TAIS kav tas ntiaj teb xub ntiag.
Yim txheej cuaj txheej ntuj tau tshaj nws txoj kev ncaj,
tas ib tsoom haiv neeg tau pom nws lub hwj chim :

Txais:   (12a) Nej cov neeg ncaj, nej yuav zoo siab nyob hauv HUab Tais!

Kom tsoom neeg teev mlom txaj muag,
vim lawv tau ntsej muag nyob hauv tej yam tsis muaj nqes.
Tas ib tsoom dab tuaj txhos caug pe ntawm HUAB TAIS xub ntiag .

Txais:   (12a) Nej cov neeg ncaj, nej yuav zoo siab nyob hauv HUab Tais!

As Les Lus Yas:    LOS MAS  8:   15BC

Txais:   As  les lus yas, as les lus yas.    

Nej tau txais ib lub tswv yim ua tub ki tshiab,
Nws qhia peb hu Tswv Ntuj tias : ‘As Npas ! Txiv !’

Txais:   As  les lus yas, as les lus yas.    

Ntawv Moo Zoo:    MT  6:   7-15

Yes Xuas hais rau nws cov thwj tim tias:
7 “Thaum nej teev Ntuj, nej txhob ntuas mus ntuas los zoo li cov neeg teev dab : cov neeg teev dab xav tias yog lawv hais lus ntau, mas dab yuav mloog lawv zoo dua. 8 Nej txhob ua zoo li lawv. Vim nej Txiv paub tias qhov twg yog qhov nej yuav tsum muaj, tab yog nej tseem tsis tau thov, nws twb xub paub lawm. 9 Nej yuav teev Ntuj zoo li no : ‘Peb Txiv nyob saum ntuj, ua kom koj lub Npe ntshiab nto moo lug. 10 Koj lub Ceeb Tsheej kom los txog. Kom muaj raws li koj nyiam nyob ntiaj teb no li nyob saum ntuj. 11 Thov koj pub mov txaus peb noj hnub no. 12 Koj zam peb cov nuj nqis rau peb zoo li peb zam rau cov tshuav nqi ntawm peb. 13 Koj txhob tso peb raug kev ntxias. Thov koj npo peb dim ntawm kev phem.’ 14 Yog nej zam rau cov neeg ua txhaum rau nej, mas nej Txiv nyob saum ntuj kuj yuav zam rau nej thiab. 15 Hos yog nej tsis zam txhaum rau luag, mas nej Txiv kuj yuav tsis zam rau nej thiab.

TIM 17 LUB 6 HLI 2016

Hnub Rau Lis Piam Kaum Ib Nruab Xyoo C Nruab Lis Piam Xyoo II

Zaj Nyeem Ib: 2 VAJ 11: 1-4, 9-18, 20

1 Thaum As Thas Lias uas yog Os Kos Xias niam, hnov hais tias nws tus tub tuag lawm, mas As Thas Lias pib muab caj ces ua vaj tua tu noob nrho. 2 Tab sis Yes Hos Ses Npas uas yog tus vaj Yes Hos Las tus ntxhais thiag yog Os Kos Xias tus muam nyiag nqa Os Kos Xias tus tub Yuas khiav. Nws muab Yuas thiab Yuas ib tug niam yug mov coj mus nkaum nyob hauv chav tsev uas muaj cov txaj pw. Ces As Thas Lias thiaj tua tsis tau nws. 3 Yes Hos Ses Npas zais Yuas li ntawd tau rau xyoo nyob hauv HUAB TAIS lub Tuam Tsev. Rau xyoo ntawd yog As Thas Lias kav lub teb chaws. 4 Thaum lub xyoo xya tuaj txog, tus Leej Choj Yes Hos Yas Das tso neeg mus hu cov thawj tub rog saib ib puas leej hauv cov Kas Lias thiab cov thawj tub zov keeb tuaj cuag nws nyob hauv HUAB TAIS lub Tuam Tsev. Nws nrog lawv cog lus ruaj thiab kom lawv tsa tes tib si, ces nws muab tus vaj tus tub rau lawv pom.

9 Cov thawj tub rog saib ib puas leej ua tas puas tsav yam raws li tus Leej Choj Yes Hos Yas Das kom ua. Lawv nyias coj nyias cov neeg tuaj cuag tus Leej Choj Yes Hos Yas Das, cov uas tsis raug ua hauj lwm hnub xas npas tos ntawd thiab cov raug ua hauj lwm zov keeb rau hnub ntawd tuaj tib si. 10 Tus Leej Choj muab vaj Das Vis cov hmuv thiab cov leem phiaj uas nyob hauv Huab Tais lub tuam tsev los faib rau lawv. 11 Cov tub zov keeb sawv ua tej leej ntawm lub tuam tsev ces kaum sab nrad mus rau ces kaum sab ped, lawv tuav hmuv ntawm tes, lawv sawv ncig lub thaj txi Ntuj thiab ncig lub Tuam Tsev. 12 Ces Yes Hos Yas Das coj tus vaj tus tub Yuas tawm los, Yes Hos Yas Das muab lub mom teev kub rau tus me nyuam vaj ntoo, muab cov kauj tes rau nws coj, thiab pleev roj tsa nws ua vaj. Ces sawv daws npuaj teg thiab qw tias : "Thov kom tus vaj siav ntev kom nws nyob ntev niaj ntau xyoo !"

13 As Thas Lias hnov cpv tub zov keeb thiab tsoom pej xeem suab qw ntsuag qees, nws txawm sawv kev tuaj ntawm lub Tuam Tsev uas tsoom pej xeem nyob. 14 Thaum As Thas Lias pom tus vaj sawv ntsug ntawm tus ncej ntawm qhov rooj tuam tsev raws li txoj cai, thiab pom cov thawj tub rog thiab cov neeg tshuab hom nyob ze tus vaj, tas tsoom pej xeem zoo siab ke qw ke tshuab hom, As Thas Lias dua rhe nws cev khaub ncaws, nws qw tias : "Lawv ntxeev siab lawm! Lawv ntxeev siab lawm!" 15 Ces tus Leej Choj Yes Hos Yas Das ceeb toom rau cov thawj tub rog tias : "Nej coj As Thas Lias tawm ntawm lub Tuam Tsev mus. Yog leej twg raws nws nej xuas ntaj tua pov tseg !" Tus Leej Choj hais li no vim nws xav tias yuav tsis txhob cia As Thas Lias tuag nyob hauv lub Tuam Tsev Teev Ntuj. 16 Lawv ntes As Thas Lias, coj nws los txog nws lub tsev vaj loog ntawm lub Qhov Rooj Nees, lawv thiaj muab nws tua nyob ntawd.

17 Yes Hos Yas Das nrog tus vaj thiab tsoom pej xeem cog lus rau HUAB TAIS tias lawv yuav ua HUAB TAIS haiv neeg. Tus vaj thiab tsoom pej xeem kuj muaj sib cog lus thiab. 18 Tas ces tsoom pej xeem sawv daws mus tom lub tsev teev Npas Has, lawv muab lub tsev rhuav, muab cov thaj cov mlom tsoo pov tseg tas, thiab lawv muab tus Leej Choj Npas Has hu ua Mas Taas tua nyob ntawm cov thaj txi Npas Has. Yes Hos Yas Das tso ib cov tub zov keeb mus zov lub tuam tsev teev ntuj.

20 Tas tsoom sid sawv daws zoo siab, thiab lub nroog nyob ntsiag to, vim zaum no Lawv tau muab ntaj tua As Thas Lias tuag nyob hauv tus vaj lub tuam tsev lawm.

NPN 132: 11, 12, 13-14, 17-18

Txais: (13) Huab Tais tau xaiv Xis Yoos ua nws qhov chaw nyob.

HUAB TAIS tau cog lus rau Das Vis,
yog ib lo lus ruaj, nws yuav tsis thim nws lo lus :
Ib tug tawm hauv koj roj ntsha los
Yog tus kuv yuav tsa los zaum saum koj lub theej kiab.

Txais: (13) Huab Tais tau xaiv Xis Yoos ua nws qhov chaw nyob.

Yog koj cov tub khaws cov lus kuv nrog lawv cog,
thiab ua raws li cov lus kuv qhia kom lawv ua,
mas lawv phaj tub kuj yuav tau
zaum saum koj lub theej kiab mus li."

Txais: (13) Huab Tais tau xaiv Xis Yoos ua nws qhov chaw nyob.
Vim HUAB TAIS tau xaiv Xis Yoos,
nws nyiam Xis Yoos dua lwm qhov los ua nws chaw nyob:
"Xis Yoos yog kuv qhov chaw so mus li,
kuv yuav nyob saum Xis Yoos, vim kuv nyiam nws dua.”

Txais: (13) Huab Tais tau xaiv Xis Yoos ua nws qhov chaw nyob.
Nyob hauv Xis Yoos, kuv yuav ua kom Das Vis hlav ib tug kub,
Kuv yuav taws ib lub teeb rau tus kuv pleev roj rau.
Kuv yuav muab kev txaj muag rau nws cov yeeb ncuab hnav,
hos kuv lub teev kub nyob saum nws taub hau yuav ci hob."

Txais: (13) Huab Tais tau xaiv Xis Yoos ua nws qhov chaw nyob.
As Les Lus Yas: MT 5: 3

Txais: As les lus yas, as les lus yas.

Cov pluag hauv nruab siab tau txoj hmoov zoo,
vim Ntuj lub Ceeb Tsheej yog lawv li.

Txais: As les lus yas, as les lus yas.

Ntawv Moo Zoo: MT 6: 19-23

Yes Xus hais rau nws cov thwj tim tias:
19 "Nej txhob sau tej txhab cuab tam cia nyob ntiaj teb no, vim muaj kab rws kab lia txo, thiab muaj tub sab tho qhov tsev tuaj nyiag. 20 Nej yuav sau tej txhab cuab tam cia nyob saum ntuj : nyob saud, tsis muaj kab rws kab lia txo, tsis muaj tub sab tho qhov tsev tuaj nyiag. 21 Vim tias, koj txhab cuab tam nyob qhov twg, koj lub siab kuj yuav nyob qhov ntawd.

22 "Lub teeb pom kev rau lub cev yog lub qhov muag. Yog koj lub qhov muag zoo, mas tas koj lub cev yuav pom kev nrig. 23 Tab sis yog koj lub qhov muag muaj mob, mas tas koj lub cev yuav nyob tsaus ntuj nti. Yog qhov pom kev uas nyob hauv koj twb tsaus nti lawm, mas qhov tsaus ntuj haj yam yuav ua cas tsaus loj heev.

TIM    18    LUB    6    HLI     2016

Hnub Xya Lis Piam Kaum Ib Nruab Xyoo C Nruab Lis Piam Xyoo II

Hwm Niam Mab Liab

Zaj Nyeem Ib:       2  XWM  24:  17-25

17 Thaum leej choj Yes Hos Yas Das tuag tas lawm, cov ntaus thawj Yus Das tuaj pe tus vaj Yuas. Tus vaj mloog lawv cov tswv yim. 18 Ces cov Yus Das tso HUAB TAIS lub Tuam Tsev pov tseg, tso lawv cov yawg koob tus Tswv Ntuj pov tseg. Lawv mus teev lwm cov dab tej ncej tej mlom. Vim lawv ua txhaum li ntawd mas Tswv Ntuj npau taws rau Yus Das thiab rau Yes Lus Xas Les. 19 Nws xa ib co Yaj Saub tuaj hais rau lawv kom lawv rov qab los cuag HUAB TAIS. Tab sis thaum cov Yaj Saub hais lus rau lawv, lawv tsis quav ntsej mloog li. 20 Tswv Ntuj lub tswv yim thiaj los nyob hauv Ntxas Kas Lias uas yog tus Leej Choj Yes Hos Yas Das tus tub. Ntxas Kas Lias sawv ntsug saum ib qho chaw siab hais rau tsoom sid tias : "Tswv Ntuj hais li no : Vim li cas nej hla HUAB TAIS cov lus qhia mus ua ib qhov tsis zoo?  Vim nej tso HUAB TAIS pov tseg mas HUAB TAIS yuav tso nej pov tseg thiab." 21 Ces cov Yus Das sib koom siab hiam Ntxas Kas Lias. Lawv ua raws li tus vaj lus ceeb toom kom lawv xuas pob zeb los tua nws tuag nyob ntawm lub tshav ntawm HUAB TAIS lub Tuam Tsev. 22 Tus vaj Yuas tsis hnov qab Ntxas Kas Lias txiv Yes Hos Yas Das lub txiaj ntsim lawm, nws muab Ntxas Kas Lias tua. Thaum Ntxas Kas Lias yuav tuag nws qw tias : "Muaj HUAB TAIS pom, yuav khaum nej!"
23 Thaum xyoo yuav tas, cov tub rog As Las Mais sawv tuaj ntaus Yuas. Lawv tuaj ntaus yeej Yus Das teb thiab yeej Yes Lus Xas Les. Lawv muab tas cov thawj tub rog Yus Das tua thiab lawv xa tas puas tsav yam lawv lwg tau mus rau lawv tus vaj nyob Das Mas. 24 Cov tub rog As Las Mais tuaj tsis coob, tab sis HUAB TAIS cia lawv yeej ib pab tub rog Yus Das coob, vim lawv tso HUAB TAIS lawv cov yawg koob tus Tswv Ntuj pov tseg. Ces thiaj khaum tus vaj Yuas . 25 Thaum cov As Las Mais rov qab, lawv tso Yuas raug mob loj heev. Nws cov tub txib koom siab ua phem rau nws, lawv xav ua pauj vim nws tau muab tus leej choj Yes Hos Yas Das tus tub tua tuag lawm. Lawv muab Yuas tua nyob hauv nws lub txaj. Nws tuag tas, lawv muab nws faus nyob hauv Das Vis lub tsheej, tab sis tsis faus rau ntawm cov vaj cov ntxa.

NPN     89:  4-5, 29-30, 31-32, 33-34

Txais:   (29a) Kuv yuav hlub kuv tus tub txib mus li.  

Kuv tau cog ib lo lus nrog tus kuv xaiv,
kuv tau cog lus khov rau kuv tus tub txib Das Vis tias :
Kuv yuav tsa koj caj ces kom nyob ruaj mus li,
kuv yuav txhim ib lub theej kiab rau koj zaum tiam dhau tiam.

Txais:   (29a) Kuv yuav hlub kuv tus tub txib mus li.

Kuv yuav hlub nws mus li,  
Kuv lo lus kuv nrog nws cog yuav nyob ruaj khov.
Kuv tsa kom nws caj ces nyob ib txhis,
tsa nws lub theej kiab nyob ntev li lub ntuj.

Txais:   (29a) Kuv yuav hlub kuv tus tub txib mus li.

Yog nws cov tub tso kuv txoj cai lij choj pov tseg,
tsis mus taug kuv tej txhooj,
yog lawv hla kuv txoj cai kuv tau txiav tseg
thiab tsis khaws kuv cov lus qhia.

Txais:   (29a) Kuv yuav hlub kuv tus tub txib mus li.

Kuv yuav xuas qws rau txim rau lawv txoj kev ua phem,
xuas hlua nplawm lawv qhov kev txhaum.
Tab sis, kuv yuav tsis txiav kuv txoj kev hlub lawv,
kuv yuav tsis thim cov lus kuv cog rau nws.

Txais:   (29a) Kuv yuav hlub kuv tus tub txib mus li.

As Les Lus Yas:     2  KLN  8:  9

Txais:  As les lus yas, as les lus yas.

Yes Xus Pleev  yog tus nplua nuj, tab sis nws ua kom nws pluag,
kom xwv nws txoj kev pluag ua nej nplua nuj tuaj.

Txais:  As les lus yas, as les lus yas.

Ntawv Moo Zoo:     MT  6:  24-34

Yes Xus hais tias:
24 "Tsis muaj leej twg tsob hwb ob tug tswv tau : nws yuav ntxub ib tug, nyiam lwm tus, nws yuav npuab ib tug, thuam lwm tus. Nej ib txhij tsob hwb Tswv Ntuj thiab nyiaj txiag tsis tau. 25 Yog vim li ntawd, kuv thiaj hais rau nej tias : Nej txhob txhawj txog nej txoj sia tias yuav muab dab tsi los noj, txhob txhawj txog nej lub cev tias yuav muab dab tsi los hnav. Nej txoj sia tsis muaj nqis dua txhiam xws thiab nej lub cev tsis muaj nqi dua tej tsoos hnav lod ? 26 Nej ntsia cov noog saum ntuj saib : lawv tsis tseb nplej, tsis hlais nplej, tsis sau qoob rau hauv txhab li, tsis kav nej Txiv nyob saum ntuj pub rau lawv noj. Nej tsis muaj nqi dua cov noog ntawd lod ? 27 Yog nej leej twg txhawj txhawj, nws puas rub tau nws txoj sia kom ntev ib nyuag chim ntxiv ? 28 Hais txog tej tsoos tsho, nej yuav txhawj dab tsi ? Nej ntsia cov paj hmab paj ntoos nyob tom tej nras saib lawv hlob zoo li cas:  Lawv tsis khwv, tsis ua maj ua ntuag li.  29 Kuv hais rau nej, tab yog Xas Los Moos, txawm nws muaj koob meej nto moo lug, tsis kav nws tsis tau hnav zoo npaum li ib lub paj ntoos li. 30 Yog tias Tswv Ntuj twb muab zam zoo npaum ntawd rau tej nroj nruab nrag , uas hnub no ciaj, tag kis luag twb yuav muab pov hlawv hauv qhov txos, mas nws haj yuav tsis ua zoo tshaj rau nej lod, cov niag neeg uas ntseeg tsis ti txha ? 31 Li no nej txhob ua siab fab tias : 'Peb yuav noj dab tsi ?’ los ‘Peb yuav haus dab tsi?’ los ‘Peb yuav hnav dab tsi?'  32 Tej ntawd, yog tas puas tsav yam uas cov neeg teev pej kum dab nrhiav. Nej Txiv nyob saum ntuj yeej paub tias nej yuav tsum muaj tej ntawd huv tib si. 33 Ntawm nej, nej yuav xub nrhiav Tswv Ntuj lub Ceeb Tsheej thiab nws txoj kev ntshiab tso, ces Ntuj yuav pub tas puav tsav yam ntawd tib si ntxiv rau nej thiab. 34 Nej txhob ua siab fab txog tag kis : tag kis mam li txhawj rau tag kis. Vim niaj hnub twb muaj kev nyuaj txaus rau hnub ntawd lawm.”

TIM 20 LUB 6 HLI 2016

Hnub Ob Lis Piam Kaum Ob Nruab Xyoo C Nruab Lis Piam Xyoo II

Zaj Nyeem Ib: 2 VAJ 17: 5-8, 13-15A, 18

5 Sas Mas Nes Xes uas yog cov As Xis Lias tus vaj tuaj txeeb tau His Xas Lais teb, thiab nws tuaj vij ntaus lub tsheej Xas Mas Lias tau peb xyoos. Xyoo ntawd, 6 thaum Os Xes ua vaj kav His Xas Lais tau cuaj xyoos lawm, tus vaj As Xis Lias ntaus tau lub tsheej Xas Mas Lias. Nws coj cov His Xas Lais mus nyob txim nyob As Xis Lias teb. Nws coj lawv mus nyob Has Las, nyob ntawm tus ntug dej Has Npos hauv lub xeev Nkos Xas, thiab nyob hauv cov nroog Mes Dias. 7 Cov xwm tshwm sim zoo li ntawd yog vim cov His Xas Lais ua txhaum rau HUAB TAIS lawv tus Tswv Ntuj, uas yog tus tau coj lawv tawm ntawm Hais Nkws Tos teb los, thiab pab lawv dim ntawm tus vaj Hais Nkws Tos Fas Las Oos tes, thiab kuj yog vim cov His Xas Lais mus teev lwm cov dab qhuas thiab. 8 Lawv mus coj cov haiv neeg uas HUAB TAIS tau ua kom swb thiab ntiab khiav ntawm cov His Xas Lais mus lawv tej kev cai dab qhuas, thiab lawv kuj coj raws li tej kev cai dab qhuas uas cov vaj His Xas Lais coj los tshiab.
13 HUAB TAIS twb tau kom cov Yaj Saub xub ceeb toom rau His Xas Lais thiab rau Yus Das tias : "Nej tso nej tus yam ntxwv phem pov tseg, nej tig los coj kuv cov lus qhia raws nraim li txoj cai kuv tau ceeb toom rau nej cov yawg koob thiab raws li kuv tau kom kuv cov tub txib Yaj Saub qhia rau nej." 14 Tab sis cov His Xas Lais tsis mloog, lawv ua caj qwb txhav qhi xws li lawv cov poj yawm txwv koob uas tsis ntseeg HUAB TAIS lawv tus Tswv Ntuj. 15 Lawv thuam nws cov kev cai lij choj thiab lo lus nws tau nrog lawv cov yawg koob cog; lawv thuam HUAB TAIS cov lus ceeb toom rau lawv.
18 Ces HUAB TAIS npau taws heev rau cov His Xas Lais, nws muab lawv tshem deb ntawm nws ntsej muag. Tsuas tshuav tib lub xeem Yus Das lawm xwb.

NPN 60: 3, 4-5, 12-13

Txais: (7b) Thov koj muab koj txhais tes xis los pab peb, Huab Tais, thov koj teb peb mas.

Tswv Ntuj, koj ntiab peb, koj ua kom peb tawg tas,
koj tau npau taws rau peb : zaum no, thov koj rov los coj peb mas !

Txais: (7b) Thov koj muab koj txhais tes xis los pab peb, Huab Tais, thov koj teb peb mas.

Koj ua lub teb chaws qeeg tas, ua kom av tawg tej kab pleb :
thov koj kho cov kab pleb ntawd rau, vim teb chaws ua zog koog.
Koj tau cia koj haiv neeg raug kev nyuaj loj;
koj muab ib co cawv muaj zog rau peb haus, peb taub hau kiv pes lees.

Txais: (7b) Thov koj muab koj txhais tes xis los pab peb, Huab Tais, thov koj teb peb mas.

Tswv Ntuj, puas yog koj tso peb tseg lawm
Koj thiaj tsis kam nrog peb cov tub rog tawm mus ntaus tsam ntxiv?
Thov koj tuaj pab peb ntaus cov tiv peb,
vim neeg txoj kev pab tsis zoo dab tsi rau peb.

Txais: (7b) Thov koj muab koj txhais tes xis los pab peb, Huab Tais, thov koj teb peb mas.

As Les Lus Yas: HNPL 4: 12

Txais: As les lus yas, as les lus yas.

Tswv Ntuj lo lus muaj txoj sia thiab ua tau hauj lwm,
nws tsom tau neeg tej kev xav thiaj tej zaj tswv yim hauv nruab siab.

Txais: As les lus yas, as les lus yas.

Ntawv Moo Zoo: MT 7: 1-5

Yes Xus hais tias:
1 "Nej txhob txiav txim, Ntuj thiaj yuav tsis txiav txim rau nej ; 2 vim tias, nej txiav txim li cas rau luag, Ntuj yuav txiav txim ib yam li ntawd rau nej; nej luj li cas rau luag, Ntuj kuj yuav luj li ntawd rau nej. 3 Ua cas koj pom tus quav nplej nyob hauv koj tus kwv tij qhov muag, tab sis tus nqaj ntoo nyob hauv koj qhov muag, koj ho tsis pom? 4 Koj tseem hais rau koj tus kwv tij tias : "Cia kuv rho tus quav nplej hauv koj qhov muag pov tseg," tab sis ib tug nqaj twb nyob hauv koj qhov muag ! 5 Neeg uas zoo sab nraud, koj xub rho tus nqaj hauv koj qhov muag tso, koj thiaj li pom kev rho tus quav nplej hauv koj tus kwv tij qhov muag.”

TIM 21 LUB 6 HLI 2016

Hnub Peb Lis Piam Kaum Ob Nruab Xyoo C Nruab Lis Piam Xyoo II

Hwm LN Aloysius Gonzaga

Zaj Nyeem Ib: 2 VAJ 19: 9B-11, 14-21, 31-35A, 36

9 Xes Nas Kes Lis, cov As Xis Lias tus vaj, rov qab tso dua ib co tiam lis tuaj cuag Es Xes Kais, nws hais rau lawv tias : "Nej mus hais zoo li no rau Es Xes Kais, cov Yus Das tus vaj: “Koj tsis txhob cia koj tus Tswv Ntuj dag koj, koj tso tso siab vim nws hais tias Yes Lus Xas Les yuav tsis poob rau hauv tus vaj As Xis Lias tes. 11 Tiam sis koj twb paub txog tej yam uas cov vaj As Xis Lias tau ua los rhuav ntau lub teb chaws lawm. Koj puas xav tias koj yuav dim ?
14 Es Xes Kais txais tau tsab ntawv ntawm cov tiam lis, nws muab los nyeem. Ces nws mus pem HUAB TAIS lub Tuam Tsev, nws nthuav tsab ntawv tso rau ntawm HUAB TAIS xub ntiag, 15 nws thov ntuj zoo li no: "HUAB TAIS, His Xas Lais tus Tswv Ntuj, koj zaum saum koj lub theej kiab nyob saum cov Tshiab Kes Lus Npis, koj tib leeg yog tus Tswv Ntuj , koj tswj tas ib puas xyeem teb chaws muaj vaj nyob ntiaj teb no. Koj yog tus tau tsim lub ntuj lub teb.
16 HUAB TAIS, thov koj tig ntsej los mloog,
thov koj qhib qhov muag los saib.
Koj tau hnov Xes Nas Kes Lis cov lus,
nws tso neeg tuaj thuam tus Tswv Ntuj muaj txoj sia.
17 HUAB TAIS, yeej muaj tseeb tias cov vaj As Xis Lias tau rhuav ntau lub teb. 18 Lawv tau muab luag cov dab qhuas pov rau hauv hluav taws, vim cov dab ntawd tsis yog ib co tswv ntuj, lawv yog neeg txhais tes txua xwb, lawv yog ntoo, yog pob zeb xwb, cov vaj As Xis Lias thiaj tau muab rhuav tas tib si. 19 Tab sis nyem no, HUAB TAIS, peb tus Tswv Ntuj, thov koj cawm peb dim ntawm Xes Nas Kes Lis tes. Kuv thov koj ! Ces txhua lub teb chaws muaj vaj nyob ntiaj teb no yuav paub tias koj tib leeg yog Tswv Ntuj, HUAB TAIS !"
20 Ces His Xais, As Mos tub, tso neeg mus hais rau Es Xes Kais tias : " HUAB TAIS , His Xas Lais tus Tswv Ntuj hais li no : ‘Kuv hnov koj zaj thov ntuj uas koj hais txog tus vaj As Xis Lias, Xes Nas Kes Lis lawm.’” 21 HUAB TAIS cov lus tsawm Xes Nas Kes Lis yog li no:
“Tus nkauj tsim txiaj, leej ntxhais Xis Yoos ntxub koj thiab thuam koj.
Tus ntxhais Yes Lus Xas Les co hau lawv koj qab.
31 Vim tias yuav muaj ib pab seem tawm hauv Yes Lus Xas Les tuaj,
ib co neeg yuav dim ntawm lub roob Xis Yoos los.
HUAB TAIS Xas Npas Os txoj kev hlub thiab kev khib yuav ua tau qhov ntawd.”
32 HUAB TAIS hais txog tus vaj As Xis Lias li no tias:
“Nws yuav tsis tau chaws mus hauv lub nroog,
Nws yuav tsis tau tua xub mus rau hauv,
Nws yuav tsis tau tuav leem phiaj mus ntaus lub nroog,
Nws yuav tsis tau tsa ntsa vij lub nroog.
33 Nws yuav rov taug txoj kev coj nws tuaj rov qab mus,
Nws yuav tsis tau chaws mus hauv lub nroog no. Yog HUAB TAIS lo lus ceeb toom.
34 Kuv yuav txuag thiab yuav cawm Yes Lus Xas Les, vim kuv
thiab vim kuv tus tub txib Das Vis."
35 Hmo ntawd HUAB TAIS tus Tshiab tawm mus ntaus ib puas yim caum tsib txhiab tus neeg As Xis Lias tuag nyob hauv lawv lub yeej. 36 Ces Xes Nas Kes Lis, tus vaj As Xis Lias, tso lub yeej tseg, nws khiav rov mus tsev nyob Nis Nis Vas.

NPN 48: 2-3AB, 3CD-4, 10-11

Txais: (9d) Tswv Ntuj txuag nws lub tsheej mus li.

HUAB TAIS loj tas nrho, yeej tsim nyog peb cav txog nws
hauv peb tus Tswv Ntuj lub tsheej.
Nws lub roob ntshiab, uas zoo tshaj txhua lub roob,
yog txoj kev zoo siab rau tas ntiaj teb neeg

Txais: (9d) Tswv Ntuj txuag nws lub tsheej mus li.

Roob Xis Yoos, thaj chaw dai siab nyob qaum teb,
tus tuam vaj lub tsheej,
Tswv Ntuj saib koj tej vaj tej tse,
nws nto moo lug yog koj lub ntsa loog zeb.

Txais: (9d) Tswv Ntuj txuag nws lub tsheej mus li.

Tswv Ntuj, peb xav txog koj txoj kev hlub
nyob hauv koj lub tuam tsev.
Ib yam li koj lub npe, Tswv Ntuj, koj lub koob meej
ncha mus txog npoo ntiaj teb kawg.
Txoj kev ncaj ncees nyob puv nkaus koj txhais tes xis.

Txais: (9d) Tswv Ntuj txuag nws lub tsheej mus li.

As Les Lus Yas: ZAM 8: 12

Txais: As les lus yas, as les lus yas.

Huab Tais hais tias: Kuv yog qhov pom kev kaj lub ntiaj teb,
leej twg los raws kuv mas nws yuav tauj qhov pom kev kaj nws lub neej.

Txais: As les lus yas, as les lus yas.

Ntawv Moo Zoo: MT 7: 6, 12-14

Yes Xus hais tias:
6 "Nej txhob muab tej yam ntshiab pub rau dev noj, txhob muab nej cov hlaws npliag deg pov rau ntawm npua xub ntiag, tsam npua tsuj ces npua tig rov los dua nej.
12 "Nej yuav ua rau luag tej tas ib puas tsav yam uas nej xav kom luag ua rau nej. Txoj Cai thiab cov Yaj Saub yog li ntawd.
13 “Nej chaws ntawm lub qhov rooj nqaim mus mog. Vim lub qhov rooj loj thiab txoj kev loj kev dav yog txoj coj neeg mus rau lub qhov tuag, muaj coob leej taug txoj kev ntawd. 14 Hos lub qhov rooj nqaim nqaim thiab txoj kev ti ti thiaj yog txoj coj neeg mus txog txoj sia. Muaj tsawg leej nrhiav tau txoj kev ntawd taug.”

MUAB  COJ  LOS  XAV:

Ntawm no kuv xav hais ob peb lo lus txog Yes Xus cov lus hnub no. Peb hnov Yes Xus hais rau peb tias yog peb xaiv lub qhov rooj loj thiab txoj kev loj kev dav mas peb yuav ntsib kev puas tsuaj xwb, kom peb yuav tsum xaiv lub qhov rooj nqaim nqaim thiab txoj kev ti ti mas peb thiaj yuav mus tau txoj sia.

Peb Hmoob, los yog tib neeg txhua leej txhua tus yeej tsuas nrhiav kev yooj yim thiab kev ywj siab xwb, tsis muaj leej twg nyiam kev nyuaj li. Peb sawv daws ua dab tsi los xav ua qhov yooj yim nkaus xwb.  Raws li kuv to taub mas txoj kev loj kev dav ces yog kev yooj yim thiab ywj siab ntag thiab yog txoj uas ntiaj teb neeg sawv daws nyiam.   Tswv Ntuj txoj kev uas peb cov neeg ntseeg yuav tsum taug mas yog lub qhov rooj nqaim nqaim thiab yog txoj kev ti ti uas muaj tsawg tsawg tus xaiv. Tab peb cov ntseeg kiag los lam muaj lub npe ntseeg, tiam sis tsawg tsawg tus thiaj kam taug txoj kev ntawd,  cov coob yeej xaiv raws ntiaj teb sawv daws xaiv xwb.  Yog vim li cas thiaj zoo li ntawd?  Vim hais tias txoj kev nqaim kev ti mas yog kev nyuaj, peb yuav tsum tau mob siab thiab siv zog tiag, peb yuav tau txog siav thiab tawm hws mus taug txoj kev ntawd.  Piv txwv ib qho me me rau peb tias yog vim li cas kev ntseeg yog kev nyuaj:  Yog vas xaum vas thiv, peb cov ntseeg mas peb yuav tsum npaj tias peb yuav mus teev ntuj, ces vas xaum tsaus ntuj ntawd peb tseem yuav tau mus pw kom ntxov ib yam li niaj hnub peb mus ua hauj lwm thiab;  vas thiv los peb tseem yuav tsum tau sawv ntxov los npaj thiaj tsis mus lig lig tom tsev teev ntuj thiab;  ces zoo li peb tsis muaj caij yuav tau so los yuav ua ywj siab li. Tiam sis cov neeg uas tsis mus teev ntuj, txawm yuav ntseeg thiab tsis nsteeg, los lawv tau tau zoo ua kev lom zem nyob lig lig hmo vas xaum vim lawv yuav tso siab lug pw lig lig hnub vas thiv, ces zoo li lawv lub neej yooj yim dua thiab tseem muaj kev lom zem ywj siab.

Muaj coob leej neeg ntseeg pom li no thiab nyiam txoj kev yooj yim thiab ywj siab ces lawv cia li pib nyob lig lig tsis sawv mus teev ntuj, ces thaum yus ncua ib zaug lawm mas yus cia li yuav ncua zaum ob zaum peb ntxiv ces cia li ua neeg nkees nkees mus teev ntuj, ces cia li tsis mus zuj zus, ces cia li tsis mus li lawm. Qhov no txhais tau hais tias tus ua li ntawd raug thiab swb rau dab phem txoj kev haub kev ntxias lawm. Vim dab phem tsis xav kom peb nyiam Tswv ntuj, mloog Tswv ntuj thiab ua raws li nws txoj cai. Tus neeg ua li ntawd nws yog zoo li Yes Xus hais, thaumYes Xus hais txog tias, tus neeg ntseeg tsis ciaj tsis tuag, tus tsis mob siab mas nws yuav muab ntuav tawm pov tseg. Vim li no yog peb xav tau txoj sia nrog Tswv ntuj nyob, peb yuav tsum tau xaiv lub qhov rooj nqaim thiab txoj kev ti ti, peb yuav ua nyuaj rau peb tus kheej, peb mob siab kub siab rau peb txoj kev ntseeg thiab kev mus teev ntuj.

Nyob zoo Mim,

Ua tsaug rau koj cov zaj nyeem txhua hnub thiab tseem txhais tej los lus tseem ceeb rau peb sawv daws kom ras xeev thiab. Ua tsaug ntau.

Peb twb txiav siab los ua ib tug neeg ntseeg lawm, peb yuav tsum xyaum ua neeg ntseeg tiag, txhob ua tus neeg ntseeg tsis qab tsis tsuag, txhob ua tus neeg ntseeg yuav lub npe xwb. Ntau zaud peb xaiv qhov yooj yim, peb hais ib cov lus uas twb tsis yog Tswv Ntuj cov LUS, xws li: "Tswv Ntuj pom hauv yus lub siab ntsws, yus tsis mus teev Ntuj los Tswv Ntuj yeej paub tias yus ntseeg". Tej los lus nov mas kuv xav tias yus muab hais yooj yim dhau lawm kom yus muaj cai ua li yus xav ua xwb. Ntshe yuav tsis yog li Tswv Ntuj txoj cai. Tej tug kuj xav mus ua tej yam dab qhuas xws li hu plig, saib neeb tej, nws kuj hais tias: "Peb cov kas tos liv mas ua tau kawg." No tab sis ntshe yog yus hais yus tus kheej xwb tsis yog Tswv Ntuj txoj cai.
Tswv Ntuj txoj cai twb yog ib txoj cai yooj yim tshaj mas peb yuav txhob txhab, txhob ntxiv lwm txoj cai ntxiv kom nyuaj dua rau peb.

TIM    22   LUB   6   HLI    2016

Hnub Plaub Lis Piam Kaum Ob Nruab Xyoo C Nruab Lis Piam II  
 
Hwm  LN  Paulinus nyob Nola, LN John Fisher thiab LN Thomas More

Zaj Nyeem Ib:      2 VAJ  22:   8-13; 23:1-3

8 Tus thawj Leej Choj His Kis Yas Hus hais rau tus tuav ntawv hu ua Xas Fas tias : "Kuv nrhiav tau phau ntawv Txoj Cai nyob hauv lub Tuam Tsev teev HUAB TAIS." Ces His Kis Yas Hus muab phau ntawv rau Xas Fas nyeem. 9 Xas Fas mus cuag tus vaj thiab hais rau nws tias : "Koj cov tub txib muab cov pob zeb nyiaj nyob hauv lub Tuam Tsev nchuav tas lawm thiab muab cov nyiaj faib rau cov neeg saib hauj lwm kho HUAB TAIS lub Tuam Tsev Teev Ntuj lawm." 10 Xas Fas kuj hais rau tus vaj tias : "Tus Leej Choj His Kis Yas Hus muab tau ib phau ntawv rau kuv."  Ces nws nyeem phau ntawv rau tus vaj mloog.  11 Tus vaj hnov cov lus nyob hauv phau ntawv Txoj Cai, mas nws dua rhe nws cov khaub ncaws. 12 Nws ceeb toom rau tus Leej Choj His Kis Yas Hus, rau As His Kas uas yog Xas Fas tub, rau As Npos uas yog Mis Kais Yas tub, rau Xas Fas tus tuav ntawv, thiab rau tus nom As Xais Yas tias : 13 "Nej mus sawv kuv thiab tsoom pej xeem chaw nug HUAB TAIS txog cov ntsiab lus nyob hauv phau ntawv nyuam qhuav nrhiav tau no saib. Ntshai HUAB TAIS npau taws heev kawg rau peb lawm, vim peb cov yawg koob tsis tau mloog cov lus xws li hais nyob hauv phau ntawv, lawv tsis tau ua raws nraim li tau sau tseg nyob hauv."
23  1 Ces tus vaj hu tas tsoom txwj laus nyob Yus Das teb thiab nyob Yes Lus Xas Les tuaj. 2 Tus Vaj nce mus pem HUAB TAIS lub Tuam Tsev, tas tsoom neeg nyob Yus Das teb thiab nyob Yes Lus Xas Les, tas cov Leej Choj, cov Yaj Saub, tas tsoom pej xeem me hlob me yau kuj nrog tus vaj mus. Tus vaj nyeem tas nrho cov lus nyob phau ntawv cog lus uas nrhiav tau nyob hauv HUAB TAIS lub Tuam Tsev rau sawv daws mloog. 3 Tus vaj sawv nyob ntawm tus ncej, nws cog lus rau HUAB TAIS tias lawv yuav caum HUAB TAIS, yuav coj HUAB TAIS cov lus qhia, cov kev cai thiab lij choj, tas lawv siab ntsws tas lawv ntsuj plig;  lawv rov cog lus dua  raws li lo lus cog sau tseg nyob hauv phau ntawv ntawd. Tas tsoom pej xeem kuj pom zoo nrog tus vaj cog lus.

NPN      119:   33, 34, 35, 36, 37, 40

Txais:   (33a) Huab Tais, thov koj qhia kom kuv taug raws koj txoj cai lij choj.  

HUAB TAIS, thov koj qhia txoj kev coj raws koj cov cai lij choj rau kuv,
Kom kuv coj tau raws nraim li ntawd.

Txais:   (33a) Huab Tais, thov koj qhia kom kuv taug raws koj txoj cai lij choj.  

Thov koj ua kom kuv to taub, ces kuv yuav coj koj Txoj Cai,
kuv yuav muab tas kuv lub siab lub ntsws los khaws koj Txoj Cai.

Txais:   (33a) Huab Tais, thov koj qhia kom kuv taug raws koj txoj cai lij choj.  

Thov koj coj kuv kev kom kuv taug raws koj cov lus qhia,
vim kuv zoo siab nyob hauv koj cov lus qhia.

Txais:   (33a) Huab Tais, thov koj qhia kom kuv taug raws koj txoj cai lij choj.  

Thov koj tig kuv lub siab kom xib mus rau cov kev cai koj tau txiav,
txhob pub qaij mus rau kev nrhiav nyiaj txiag.

Txais:   (33a) Huab Tais, thov koj qhia kom kuv taug raws koj txoj cai lij choj.  

Thov koj tig kuv qhov muag mus deb txoj kev tsis tseem ceeb,
koj pub txoj sia rau kuv nyob hauv koj txoj kev.

Txais:   (33a) Huab Tais, thov koj qhia kom kuv taug raws koj txoj cai lij choj.  

Koj ntsia saib, kuv ntshaw koj cov cai lij choj tiag,
thov koj muab txoj sia rau kuv vim koj txoj kev ncaj.

Txais:   (33a) Huab Tais, thov koj qhia kom kuv taug raws koj txoj cai lij choj.  

As Les Lus yas:       ZAM  15:  4A, 5B

Txais:   As les lus yas, as les lus yas.

Huab Tais hais tias, nej yuav nyob hauv kuv ib yam li kuv nyob hauv nej.
Tus uas nyob hauv kuv nws yuav txi txiv ncw.

Txais:   As les lus yas, as les lus yas.

Ntawv Moo Zoo:      MT  7:   15-20

Yes Xus hais tias:
15 “Nej ceev faj txog cov yaj saub cuav, lawv txia ua ib co yaj tuaj cuag nej, tab sis nyob sab hauv, lawv yog ib co hma nrhiav ncauj. 16 Nej ntsia lawv lub txiv lawv txi nej yuav paub. Luag puas de txiv cawv saum ib tsob los de txiv ncuav pias saum ib tsob nrhab ?  17 Ib yam li ntawd, tus ntoo zoo yeej txi ib co txiv zoo, hos tus ntoo lwj yeej txi ib co txiv phem. 18 Tsob ntoo zoo txi tsis tau txiv phem, hos tsob ntoo lwj txi tsis tau txiv zoo. 19 Tsob ntoo twg tsis txi txiv zoo, luag yuav muab ntov mus pov hlawv. 20 Li ntawd, thaum nej pom lawv cov txiv, ces nej yuav paub lawv.”



COJ LOS XAV:

Hnub no kuv tsis muaj dab tsi ntau yuav coj los hais, tiam sis kuv tsuas yog xav kom peb mloog Yes Xus lo lus tias "ceev faj txog cov yaj saub cuav." Kuv mloog mas cas zoo li peb Hmoob niaj hnub no txawj sawv tej tus yaj saub cuav. Yav thaum ub mas peb Hmoob sawv saub mas yog lawv hais raws li Hmoob tej qub kev cai thiab tej qub kev ntseeg xwb, zaum no Hmoob cia li txawj muaj saub txog kev ntseeg Ntuj tib si lawm thiab. Peb yuav tsum tau ceev faj tiag peb thiaj tsis mus ntseeg yuam kev. Kuv tau hnov txog tej tus saub Hmoob uas hais tias lawv yog Yes Xus tib si lawm, thiab kuv kuj tau hnov txog tias peb cov ntseeg Kas Tos Liv muaj ib txhia cia li nrog lawv mus kub siab mob siab ntseeg txog cov yaj suab cuav lawm. Mas ua rau kuv kuj tu siab loj. Thov kom peb yuav tsum kawm kom peb paub peb txoj kev ntseeg zoo zoo es txhob maj maj mus mloog tej saub sawv tshiab no.

Maiv Tooj wrote:

Nyob zoo Mim,

Ua tsaug rau koj cov zaj nyeem txhua hnub thiab tseem txhais tej los lus tseem ceeb rau peb sawv daws kom ras xeev thiab. Ua tsaug ntau.

Peb twb txiav siab los ua ib tug neeg ntseeg lawm, peb yuav tsum xyaum ua neeg ntseeg tiag, txhob ua tus neeg ntseeg tsis qab tsis tsuag, txhob ua tus neeg ntseeg yuav lub npe xwb. Ntau zaud peb xaiv qhov yooj yim, peb hais ib cov lus uas twb tsis yog Tswv Ntuj cov LUS, xws li: "Tswv Ntuj pom hauv yus lub siab ntsws, yus tsis mus teev Ntuj los Tswv Ntuj yeej paub tias yus ntseeg". Tej los lus nov mas kuv xav tias yus muab hais yooj yim dhau lawm kom yus muaj cai ua li yus xav ua xwb. Ntshe yuav tsis yog li Tswv Ntuj txoj cai. Tej tug kuj xav mus ua tej yam dab qhuas xws li hu plig, saib neeb tej, nws kuj hais tias: "Peb cov kas tos liv mas ua tau kawg." No tab sis ntshe yog yus hais yus tus kheej xwb tsis yog Tswv Ntuj txoj cai.
Tswv Ntuj txoj cai twb yog ib txoj cai yooj yim tshaj mas peb yuav txhob txhab, txhob ntxiv lwm txoj cai ntxiv kom nyuaj dua rau peb.

Nyob zoo tais Tooj,

Zoo siab koj tuaj pab kuv txhab tej yam ntxiv rau, vim yeeej muaj ntau ntau yam nyob hauv peb lub neej ua neeg ntseeg uas peb ua tsis raws coj tsis haum Tswv ntuj txoj cai li. Tsuas yog tuaj hais ib ob yam piv txwv xwb. Yog muaj coob leej tuaj sib nthuav kom deb kom dav mas peb sawv daws thiaj li yuav xeev yuav ras txog. Ua tsaug os.

TIM    23    LUB    6    HLI     2016

Hnub Tsib Lis Piam Kaum Ob Nruab Xyoo C Nruab Lis Piam II

Zaj Nyeem Ib:     2 VAJ  24:   8-17

8 Yes Hos Yas Tshis muaj kaum yim xyoo thaum nws sawv ua vaj kav Yus das teb. Nws kav nyob Yes Lus Xas Les tau peb hlis xwb. Nws niam hu ua Nes Hus Tas, yog Es Nas Thas nyob Yes Lus Xas Les tus ntxhais. 9 Yes Hos Yas Tshis ua tsis ntxim HUAB TAIS siab ib yam li nws cov phaj txiv tau ua los lawm.
10 Yog thaum lub caij nws ua vaj,  tus vaj Nas Npws Kos Dos Nos Xos cov thawj tub rog coj cov tub rog Npas Npis Los tuaj ntaus Yes Lus Xas Les. Lawv tuaj vij lub nroog tas. 11 Thaum lawv tab tom vij lub nroog, tus vaj Nas Npws Kos Dos Nos Xos kuj tuaj txog Yes Lus Xas Les tib si.  12 Ces tus vaj Yus Das Yes Hos Yas Tshis nrog nws niam, nws cov thawj tub rog, nws cov tub nom tub tswv  thiab nws cov neeg sam sawv daws thov swb rau tus vaj Npas Npis Los. Ces tus vaj Npas Npis Los coj lawv mus kaw.  Yog xyoo yim uas Nas Npws Kos Dos Nos Xos tau sawv ua vaj.  
13 Nas Npws Kos Dos Nos Xos nqa tas cov nyiaj cov kub uas nyob hauv HUAB TAIS lub Tuam Tsev, thiab nyob hauv tus vaj Yus Das lub tuam tsev mus, thiab nws muab tej twj nyiaj twj kub uas His Xas Lais tus vaj Xas Los Moos tau nchuav los siv rau hauv HUAB TAIS lub Tuam Tsev tsoo tawg tas, thiaj muaj raws li HUAB TAIS lo lus ceeb toom tseg lawm. 14 Nws coj tas lub nroog Yes Lus Xas Lus tsoom nom tswv, cov neeg tseem ceeb, cov muaj koob muaj npe, cov kws ntaus nyiaj ntaus hlau mus tas tis si, lawv muaj txog li kaum txhiab leej neeg  mus tas nrho, nws tsuas tseg cov neeg pluag pluag nyob hauv lub teb chaws xwb. 15 Nws coj tus vaj Yes Hos Yas Tshis mus nyob txim nyob Npas Npis Los;  nws kuj coj tus vaj niam, tus vaj cov poj niam, cov tub nom  tub tswv leg dej num, cov neeg tseem ceeb huv si mus nyob txim nyob Npas Npis Los. 16 Kuj tseem muaj cov tub rog yog xya txhiab leej, cov kws ntaus nyiaj ntaus hlau yog ib txhiab leej, cov no yeej tau xyaum ua tub rog txawj tuav riam tuav phom huv tib si,  tas sawv daws  tau raug tus vaj Npas Npis Los coj lawv mus nyob txim nyob npas Npis Los tib si thiab.  
17 Tus vaj Npas Npis Los tsa Yes Hos Yas Tshis tus txiv ntxawm hu ua Mas Tas Nais Yas ua vaj hloov Yes Hos Yas Tshis, thiab muab Mas Tas Nais Yas lub npe hloov hu ua Xes Des Kias.

NPN    79:   1B-2, 3-5, 8, 9

Txais:   (9) Huab Tais, thov koj cawm peb kom koj lub npe nto koob meej.  

Tswv Ntuj, cov kuj cuab tuaj txeeb koj lub cuab tam lawm,
lawv ua tsis zoo rau koj lub tuam tsev ntshiab,
lawv tsoo rhuav Yes Lus Xas Les pob tag.
Lawv muab koj cov tub txib lub cev
pub rau cov noog ya saum ntuj noj,
muab koj cov ntseeg lub cev pub rau ntiaj teb cov tsiaj qus dua.

Txais:   (9) Huab Tais, thov koj cawm peb kom koj lub npe nto koob meej.

Lawv nchuav koj cov ntseeg tej ntshav zoo li dej
Uas ntws sis laub sis lug ncig Yes Lus Xas Les,
tsis muaj leej twg yuav faus lawv lub cev.
Cov neeg nyob ze peb ua tub qaug peb,
cov nyob ncig peb thuam peb luag peb.
HUAB TAIS, koj yuav npau taws hov ntev? Koj puas yuav npau mus li?
Koj txoj kev khib puas yuav kub cuag hluav taws?

Txais:   (9) Huab Tais, thov koj cawm peb kom koj lub npe nto koob meej.

Thov koj txhob nco txog peb cov yawg koob tej txhaum , txhob cia peb ris
muab koj lub siab khuv leej neeg tuaj pab peb sai sai,
vim peb poob rau qhov qis kawg nkaus lawm

Txais:   (9) Huab Tais, thov koj cawm peb kom koj lub npe nto koob meej..

Tswv Ntuj peb tus cawm seej, thov koj pab peb,
vim koj lub npe nto koob meej lug;
Thov cawm peb thiab zam peb cov txhaum rau peb
vim koj lub npe zoo.

Txais:   (9) Huab Tais, thov koj cawm peb kom koj lub npe nto koob meej.

As Les Lus Yas:        ZAM  14:23

Txais:   As les lus yas, as les lus yas.

Yog leej twg nyiam kuv nws yuav coj rawv kuv lo lus,
ces kuv Txiv yuav nyiam nws.
Kuv Txiv wb yuav tuaj nyob hauv nws.

Txais:   As les lus yas, as les lus yas.

Ntawv Moo Zoo:       MT  7:   21-29

Yes Xus hais tias:
21 “Tsis yog cov uas hu kuv ua : ‘Huab Tais, Huab Tais,’ yuav tau mus hauv Ntuj lub Ceeb Tsheej tas tus, tsuas yog cov ua raws li kuv Txiv nyob saum ntuj lub siab nyiam xwb thiaj tau mus. 22 Hnub ntawd, yuav muaj coob leej hais rau kuv tias : ‘Huab Tais, Huab Tais, peb twb tau tuav koj lub npe ua yaj saub ne ? Peb twb tau tuav koj lub npe ntiab dab ne ? Peb twb tau tuav koj lub npe ua hwj huam yees ntxwv ne ?’ 23 Ces kuv yuav tab meeg teb rau lawv tias : ‘Kuv tsis tau paub nej dua! Nej txav mus deb ntawm kuv, cov niag neeg ua phem.’
24 Leej twg mloog kuv cov lus uas kuv hais no, thiab nws ua raws li ntawd, mas nws piv tau rau ib tug neeg xyuam xim uas txhim tsev rau saum tsua. 25 Thaum los nag hlob, dej sab siv huam, cua tshuab ntsawj lub tsev, tab sis tsev tsis vau, vim lub tsev cog ruaj khov rau saum tsua. 26 Hos leej twg hnov kuv cov lus kuv hais no, tab sis nws tsis ua raws li ntawd, mas nws piv tau rau ib tug neeg ruam txhim tsev rau saum tej av suab puam. 27 Thaum los nag hlob, dej sab siv huam, cua tshuab ntsawj lub tsev, ces lub tsev vau tas puas tas tib si.”  
28 Thaum Yes Xus hais cov lus ntawd tas, tsoom sid qhuas nws cov lus qhia,  29 vim nws qhia lawv zoo li ib tug neeg muaj hwj chim, tsis zoo li lawv cov Kws Ntawv Ntshiab.

TIM     24    LUB    6    HLI     2016

Hnub Rau Lis Piam Kaum Ob Nruab Xoo C Nruab Lis Piam Xyoo II

Hwm LN Zam Ntxuav Plig  Hnub Yug  -- Thaj Txi Ntuj hmo ua ntej (Vigil)

Zaj Nyeem Ib:     YES LES MIAS  1:   4-10

4 HUAB TAIS lo lus hais rau kuv li no:  5 "Thaum kuv tseem puab koj hauv koj niam plab, kuv twb paub koj lawm. Koj tseem tsis tau yug los, kuv twb xaiv koj, kuv twb tsa koj ua Yaj Saub rau cov kuj cuab lawm." 6 Kuv hais tias : "HUAB TAIS, koj ntsia saib, kuv tsis txawj hais lus, kuv yog ib tug me nyuam yaus xwb!" 7 HUAB TAIS teb tias : "Koj tsis txhob hais tias : 'Kuv yog ib tug me nyuam yaus xwb!' Koj yuav mus cuag cov neeg kuv xa koj mus, thiab koj yuav hais txhua yam kuv qhia koj hais rau lawv. 8 Koj tsis txhob ntshai lawv, vim kuv nrog koj nraim, kuv yuav txuag koj. Yog HUAB TAIS lo lus ceeb toom." 9 Ces HUAB TAIS cev tes tuaj chwv kuv qhov ncauj, nws hais rau kuv tias : "Ntawm no kuv muab kuv cov lus rau hauv koj qhov ncauj. 10 Ntsia saib, hnub no kuv tsa koj rau saum cov kuj cuab thiab cov teb chaws,  koj yuav ua kom tawg  thiab yuav tsoo kom vau tas, koj yuav rhuav thiab ua kom tsis muaj ntxiv, koj yuav txhim thiab yuav cog rau.”

NPN     71:   1-2, 3-4A, 5-6AB, 15AB + 17

Txais:   (6)  Txij thaum kuv tseem nyob hauv kuv niam plab los, koj yog kuv lub zog.

Huab Tais, kuv tuaj nkaum nyob hauv koj,
thov tsis txhob cia kuv raug kev txaj muag ib zaug li.
Thov tuaj pab kub nyob hauv koj txoj kev ncaj, thov tso kuv dim;
khoov  koj lub pob ntseg los mloog kuv, thov cawm kuv.

Txais:   (6)  Txij thaum kuv tseem nyob hauv kuv niam plab los, koj yog kuv lub zog.

Thov koj yog lub tsua rau kuv ua chaw nkaum,    
yog lub yeej thaiv kuv ntawm xwv txheej,    
vim koj yeej yog kuv lub tsua thiab lub yeej ntsa zeb.    
Kuv tus Tswv Ntuj, thov npo kuv ntawm cov neeg phem txhais tes.

Txais:   (6)  Txij thaum kuv tseem nyob hauv kuv niam plab los, koj yog kuv lub zog.

Huab Tais, koj yog kuv txoj kev cia siab,
Tswv Ntuj, koj yog tus kuv ntseeg siab txij thaum hluas los.      
Kuv tso siab plhuav rau koj txij thaum kuv yug poob los,  
txij thaum kuv tseem nyob hauv kuv niam plab los, koj yog kuv lub zog.

Txais:   (6)  Txij thaum kuv tseem nyob hauv kuv niam plab los, koj yog kuv lub zog.

Kuv lub ncauj yuav tshaj txog koj txoj kev ncaj
thiab koj txoj kev cawm neeg hnub dhau hnub.
Tswv Ntuj, koj tau qhuab qhia kuv txij thaum yau los,    
los txog hnub no, kuv tshaj tawm koj cov hauj lwm txaus qhuas.

Txais:   (6)  Txij thaum kuv tseem nyob hauv kuv niam plab los, koj yog kuv lub zog.

Zaj Nyeem Ob:     1 POB ZEB  1:  8-12

Coc hmov tshua:
8 Txawm nej tsis tau pom Yes Xus Pleev los nej nyiam nws, thiab txawm nej tsis pom nws nyem no los nej ntseeg nws, ces nej muaj ib txog kev zoo siab loj uas piav tsis tau, 9 vim nej tso siab lug tias yuav tau txais raws li nej txoj kev ntseeg qhia rau nej tos ntsoov, uas yog txoj kev cawm nej tus plig. 10 Hais txog txoj kev cawm ntawd, mas cov Yaj Saub twb tau tshawb nrhiav thiab tau tshuaj txog huv si lawm.  Ces lawv cov lus saub yog tshaj txog lub txiaj ntsim uas Ntuj tshwj zias tseg cia rau nej. 11 Leej Pleev leej Tswv Yim uas nyob hauv cov yaj saub thiaj qhia kom lawv xub tshaj txog tias Leej Pleev yuav raug txom nyem, tiam sis tom qab nws txoj kev txom nyem, nws yuav nto koob meej. Lawv kuj tau nrhiav kom paub saib yuav yog lub caij twg thiab yog cov sij hawm zoo li cas tej xwm ntawd mam tshwm sim tuaj.  12 Thaum ntawd Ntuj tau qhia cov Yaj Saub paub tias thaum lawv ua saub tshaj tej ntawd mas tsis yog lawv ua rau lawv hos yog lawv ua rau nej. Lawv cov lus yog hais txog  lub Moo Zoo uas cov tub tshaj Ntuj lus tau xa tuaj rau nej paub nyob hauv Leej Ntuj Plig Ntshiab uas nqes saum ntuj los lawm. Tab yog cov Tshiab mas lawv ntshaw kom tau pom tej ntawd ib muag kawg.

As Les Lus Yas:     ZAM  1:  7; LK  1:  17

Txais:   As les lus yas, as les lus yas.

Nws tuaj kom tau ua tim khawv txog qhov pom kev,
Thiab kom tau npaj ib haiv neeg tsim nyog txais Huab Tais.

Txais:   As les lus yas, as les lus yas.

Ntawv Moo Zoo:      LK  1:   5-17

5 Lub zim txwv Hes Los ua vaj kav Yus Das teb, muaj ib tug Leej Choj hu ua Ntxas Kas Lias, nws yog phiaj Leej Choj As Npias. Nws poj niam hu ua Es Lis Xas Npes, yog As Loos ib tug ntxhais xeeb ntxwv. 6 Nkawd ob niam txiv yog neeg ncaj nyob ntawm Tswv Ntuj xub ntiag. Nkawd ua raws nraim li Huab Tais cov lus qhia thiab cov cai tas huv si, tsis muaj ib qho xyeej. 7 Tiam sis nkawd tsis muaj me nyuam li, vim Es Lis Xas Npes xeeb tub tsis tau, thiab nkawd hnub nyug kuj laus lawm. 8 Muaj ib hnub, Ntxas Kas Lias tab tom leg Leej Choj txoj kab xwm nyob ntawm Tswv Ntuj xub ntiag, vim txog lub caij nws phiaj Leej Choj rov leg kab xwm dua. 9 Lawv ntaus txheeb raws li cov Leej Choj kev cai ua kam, ces Ntxas Kas Lias raug ua tus chaws mus hlawv xyab hauv Huab Tais Kem Ntshiab. 10 Lub caij hlawv xyab, tas tsoom pej xeem teev Ntuj nyob sab nraud. 11 Huab Tais tus Tshiab tawm tuaj sawv ntsug nyob ntawm lub thaj xyab sab xis rau nws pom. 12 Ntxas Kas Lias pom dheev, nws ua siab nphau npog, nws ntshai kawg. 13 Tab sis tus Tshiab hais rau Ntxas Kas Lias tias : "Ntxas Kas Lias, koj txhob ntshai, vim Ntuj mloog koj cov lus thov lawm. Koj poj niam Es Lis Xas Npes yuav yug ib tug tub rau koj, koj yuav tis nws npe hu ua Zam. 14 Nws yuav ua kom koj kaj siab thiab zoo siab tas nrho. Thaum nws yug los, coob leej kuj yuav zoo siab, 15  vim nws yuav yog ib tug loj nyob ntawm Huab Tais xub ntiag. Nws yuav tsis haus cawv tsis haus tej yam  ntsim muaj zog. Txij nruab thiab los, Leej Ntuj Plig Ntshiab yuav nyob puv hauv nws. 16 Nws yuav coj coob leej tub ki His Xas Lais rov los cuag Huab Tais, lawv tus Tswv Ntuj. 17 Nws yuav tau Es Lias lub tswv yim thiab lub hwj huam, nws yuav taug kev mus ua Huab Tais ntej kom tau coj cov ua txiv lub siab tig rov los rau lawv cov me nyuam, coj cov neeg tawv ncauj qig lus rov los taug cov neeg ncaj txoj kev thoob tsib; ces nws yuav npaj ib haiv neeg kom tsim nyog txais Huab Tais.


TIM     24    LUB    6    HLI     2016

Hwm LN Ntshiab Zam Ntxuav Plig Hnug Yug  -  Thaj Txi Ntuj thaum nruab hnub.  

Zaj Nyeem Ib:     HX  49:   1-6

1 Cov pov txwv, nej mloog kuv hais, cov haiv neeg nyob deb, nej muab siab rau mloog .
Txij thaum kuv tseem tsis tau yug los, HUAB TAIS yeej hu kuv lawm,
thaum kuv tseem nyob hauv kuv niam plab, HUAB TAIS tuav kuv npe lawm.
2 Nws muab kuv lub ncauj los ua ib rab ntaj ntse zuag plias,
nws muab kuv zais rau hauv nws txhais tes qhov ntxoov ntxoo.
Nws muab kuv los ua ib xib xub vos ntse ntse, zais ntim hauv nws lub raj xub.
3 HUAB TAIS hais rau kuv tias : "His Xas Lais, koj yog kuv tus tub txib, kuv yuav nto koob meej nyob hauv koj."
4 Kuv xav twj ywm tias : "Kuv khwv dag xwb tsis tau ib qho zoo,
kuv nkim kuv lub zog sab dag xwb tsis tau dab tsi.”
Tas sis HUAB TAIS twb yog tus tuaj kuv tog, kuv tus nqi zog yog nyob ze kuv tus Tswv Ntuj.
5 Nyem no HUAB TAIS tau hais lawm. Nws yog tus tau puab kuv ua nws tus tub txib
thaum kuv tseem nyob hauv kuv niam plab, kom tau coj Yas Kos rov los cuag nws,
thiab kom tau sau His Xas Lais rov los nrog nws ua ke.
Ces kuv muaj koob meej nyob ntawm HUAB TAIS qhov muag; kuv tus Tswv Ntuj yog kuv lub zog.  
6 Nws hais tias : "Tsawg dhau rau koj ua kuv tus tub txib xwb,
kom rov tsa cov xeem Yas Kos kom sawv, thiab coj cov His Xas Lais seem kom rov qab los,
kuv tseem yuav muab koj ua lub teeb ci ntsa kaj cov kuj cuab,
kom kuv txoj kev cawm ri mus txog npoo ntiaj teb.

NPN       139:   1B-3, 13-14AB, 14C-15

Txais:   (14) Kuv cav txog koj vim koj puab kuv tau zoo tas nrho.  

HUAB TAIS, koj tsom kuv, koj paub kuv :
koj paub thaum kuv sawv thiab thaum kuv zaum ;
koj nyob deb tsom paub tas tej kuv xav.
Koj saib nraim kuv  thaum kuv mus kev los thaum kuv zaum,
koj paub txhua yam kuv ua.

Txais:   (14) Kuv cav txog koj vim koj puab kuv tau zoo tas nrho.

Koj yog tus tsim kuv lub tswv yim tej plab plaw ;
koj xaws kuv ntxiv kuv hauv kuv niam plab.
Kuv cav lus zoo txog koj, vim koj tej dej num txaus qhuas :
koj tsim kuv zoo ua luaj, koj cov dej num zoo tas nrho

Txais:   (14) Kuv cav txog koj vim koj puab kuv tau zoo tas nrho.

Koj paub kuv txhij txhua thoob plaws.
Vim koj pom thaum kuv cov pob txha pib tsheej los,
pom  thaum kuv xeeb los nyob hauv qhov chaw nraim,
pom thaum kuv niam xaws kuv tsheej zuj zus hauv nws nrog cev.  

Txais:   (14) Kuv cav txog koj vim koj puab kuv tau zoo tas nrho.

Zaj Nyeem Ob:    HAUJ LWM  13:   22-26

Paj Lug ntuas cov Yus Das tias:
22 Tswv Ntuj muab Xas Ws txo tsis pub nws ua cov Yus das tus vaj ntxiv, Tswv Ntuj tsa Das Vis ua lawv tus vaj. Tswv Ntuj ua pov thawj txog Das Vis tias : "Kuv nrhiav tau Das Vis, Yes Xes tus tub. Nws yog tus neeg ntxim kuv siab, nws yuav ua raws li kuv lub siab xav tas huv si."  23 Nyob hauv Das Vis cov xeeb ntxwv, raws li Tswv Ntuj tau cog lus, nws tsa Yes Xus ua tus cawm seej los pab His Xas Lais. 24 Zam xub tuaj ua ntej, tuaj npaj kev rau Yes Xus yuav tuaj;  nws tshaj rau haiv His Xas Lais kom lawv sawv daws txais kab ke ntxuav thiab lees txhaum. 25 Thaum Zam ua nws txoj hauj lwm yuav tiav, nws hais tias : "Kuv tsis yog tus uas nej xav;  tus ntawd yuav lawv kuv qab, nws twb tuaj lawm. Kuv tsis tsim nyog daws nws txoj hlua khau."
26 Cov kwv tij, uas nej yog Has Nplas Has cov tub, thiab nej sawv daws cov uas hwm Tswv Ntuj nyob ntawm no, cov lus xa moo txog txoj kev cawm neeg twb tuaj txog peb sawv daws lawm.

As Les Lus Yas:      LK  1:  76

Txais:   As les lus yas, as les lus yas.

Koj, me tub, luag yuav hu koj ua Leej Nyob Siab tus yaj saub,
Vim koj yuav mus ua Huab Tais ntej, koj yuav npaj nws txoj kev.

Txais:   As les lus yas, as les lus yas.

Ntawv Moo Zoo:     LK  1:   57-66, 80

57 Thaum txog  Es Lis Xas Npes lub caij daws cev lawm, nws yug tau ib tug tub. 58 Es Lis xas Npes  cov neeg koom zej koom zos thiab cov kwv tij neej tsa hnov tias Huab Tais hlub nws kawg, lawv nrog nws zoo siab. 59 Thaum txog hnub yim, lawv tuaj ua lub cim txiav rau tus me nyuam, lawv npaj yuav tis lub npe Ntxas Kas Lias rau nws raws nws txiv. 60 Tiam sis nws niam hais tias : "Tsis yog. Tus me nyuam yuav hu ua Zam." 61 Lawv hais rau leej niam tias : "Tsis muaj ib tug hauv koj cov txheeb ze hu li ntawd." 62 Ces lawv piav tes rau leej txiv saib nws xav kom lawv tis tus me nyuam npe li cas. 63 Leej txiv kom lawv muab ib daim txiag los, nws sau ntawv tias : "Nws lub npe hu ua Zam." Sawv daws ceeb tas. 64 Tam sis ntawd, leej txiv lub ncauj qhib plho, tus nplaig muag nthas, nws hais tau lus, nws cav txog Tswv Ntuj. 65 Tsoom neeg nyob ze nkawd sawv daws tau ntshai kawg. Ces nyob pem toj siab hauv xeev Yus Das, sawv daws tham txog tej xwm ntawd ncha ntws. 66 Cov uas tau hnov txog tej xwm no, muab khaws cia rau nruab siab, lawv hais tias : "Tus me nyuam ntawd yuav hlob los yog ib tug zoo li cas ?" Vim Huab Tais txhais tes yeej nrog nraim tus me nyuam ntawd tiag.
80 Tus me nyuam hlob tuaj, nws lub tswv yim ntse zuj zus. Nws mus nyob hauv teb chaws suab puam mus txog hnub nws tab meeg tawm los rau cov His Xas Lais pom.

TIM 25 LUB 6 HLI 2016

Hnub Xya Lis Piam Kaum Ob Nruab Xyoo C Nruab Lis Piam Xyoo II

Hwm Niam Mab Liab

Zaj Nyeem Ib: SEEV 2: 2, 10-14, 18-19

2 HUAB TAIS ua siab tsis hlub neeg li, nws hlawv Yas Kos cov vaj tse tas huv si;
nws npau taws, nws tsoo cov yeej ntsa zeb thaiv tus ntxhais Yus Das tawg tas.
Nws muab lawv pov tseg rau hauv av;
nws ua kom lub teb chaws thiab cov tswj teb chaws tau kev poob tsim.
10 Tus ntxhais Xis Yoos cov txwj laus zaum ntsiag to hauv av,
lawv nphoo plua tshauv rau lawv taub hau, lawv npua hnab tsaj.
Cov ntxhais nyob Yes Lus Xas Les nyo hau ntsia hauv av.
11 Kuv quaj ua kuv qhov muag puas, kuv siab ntsws lwj tag;
kuv cov kua tsib txeej mus ntxaum av vim tus ntxhais nyob hauv
kuv haiv neeg puas ntsoog tas lawm, ua rau cov me nyuam yau thiab cov me
nyuam mos tsaus muag ntog pawg lug hauv tej tshav puam hauv lub Tsheej.
12 Cov me nyuam nug lawv niam tsis tseg tias : "Mov nyob qhov twg ?”
Lawv tsaus muag zoo li cov neeg raug mob hnyav nyob ntawm tej tshav puam
hauv nroog, ces lawv nyob hauv lawv niam xub ntiag tso lawv tus plig ncaim mus.
13 Ntxhais Yes Lus Xas Les, kuv yuav piav li cas txog koj, yuav muab koj piv rau dab tsi?
Ntxhais Xis Yoos, leej twg thiaj yuav cawm tau koj, thiab yuav nplij tau koj ?
Vim koj txoj kev puas kev ntsoog loj cuag li lub hiav txwv, leej twg thiaj yuav kho tau koj ?
14 Koj cov yaj saub tau pom tej yam cuav tsis muaj tseeb txog koj, ua kom fam koj qhov muag;
Lawv tsis hais koj cov txhaum meej rau koj thiaj yuav pab tau koj maim dhau txoj hmoov phem.
Lawv tsuas tau hais lus dag pom tej yam cuav zoo kawg nkaus txog koj xwb.
18 Ntxhais Xis Yoos, koj hu txog HUAB TAIS, koj ntsaj rau nws!
Nruab hnub hmo ntuj, koj ua kua muag poob, cia kom ntws zoo li ib tug dej,
tsis txhob pub koj tau so, tsis txhob cia koj qhov muag tau qi.
19 Hmo ntuj koj sawv raws txhua txhua lub caij zov hmo,
koj tsa suab quaj, pib thaum nyuam qhuav tsaus ntuj mus,
qhib koj lub siab cia tawm ntws lug li dej nyob ntawm HUAB TAIS xub ntiag,
tsa koj ob txhais tes rau nws, thov kom nws pab koj cov me nyuam txoj sia,
vim lawv tshaib plab tsaus muag tas rau ntawm txhua txoj kev tshuam.

NPN 74: 1-2, 3-5, 6-7, 20-21

Txais: (19b) Huab Tais, thov koj nco ntsoov txog koj cov neeg txom nyem tus ntsuj plig.

Tswv Ntuj, vim li cas koj muab peb tso pov tseg ntev ua luaj?
Vim li cas koj ua kev npau taws ncho pa lug rau koj pab yaj nyob hauv koj lub nras?
Thov koj rov nco txog koj pab yaj uas koj tau tu txij thaum ub los,
koj haiv neeg uas koj tau txhiv los ua koj lub cuab tam,
lub roob Xis Yoos uas koj xaiv los ua koj lub chaw nyob.

Txais: (19b) Huab Tais, thov koj nco ntsoov txog koj cov neeg txom nyem tus ntsuj plig.

Tig koj ko taw mus ncig tej qub vaj tse uas vau tas.
Mus ncig koj lub tsev ntshiab uas yeeb ncuab lwg tas lawm du lug.
Lawv tuaj qw tias lawv yeej ntawm thaj chaw uas peb sib sau kam;
lawv tsa lawv tus chij rau ntawd ua cim tias lawv yeej lawm.
Lawv ua zoo li ib pab neeg nqa taus yuav tuaj ntov ib koog ntoo.

Txais: (19b) Huab Tais, thov koj nco ntsoov txog koj cov neeg txom nyem tus ntsuj plig.

Lawv xuas taus phua cov ntoo xuas txaug txiav cov txiag,
xuas roob rauj tsoo kom tawg tas ntsoog tas .
Lawv muab koj lub tuam tsev hlawv kom kub hnyiab,
ua kom nws vau ti av; lawv tau thuam lub tsev teev koj lub npe.

Txais: (19b) Huab Tais, thov koj nco ntsoov txog koj cov neeg txom nyem tus ntsuj plig.

Thov koj nco txog lo lus koj tau cog rau peb!
vim tej qhov tsua hauv lub teb chaws hloov ua chaw sib nkaug sib tua tas.
Thov kom tus uas raug luag quab yuam txhob poob ntsej muag ntxiv,
kom tus pluag thiab tus txom nyem cav lus zoo txog koj lub npe !

Txais: (19b) Huab Tais, thov koj nco ntsoov txog koj cov neeg txom nyem tus ntsuj plig.

As Les lus Yas: MT 8: 17

Txais: As les lus yas, as les lus yas.

Leej Pleev tshem peb tej kev ceg tawv,
nws ris peb tej kev mob kev ntsaj.

Txais: As les lus yas, as les lus yas.

Ntawv Moo Zoo: MT 8: 5-17

5 Thaum Yes Xus mus hauv Kas Fas Naus, ib tug xab txheeb txav los ze Yes Xus, nws thov tias : 6 "Huab Tais, kuv tus tub txib pw tom tsev, nws tes taw tuag tas. Nws mob heev kawg." 7 Yes Xus teb tias : "Kuv yuav mus kho nws." 8 Tus xab txheeb hais ntxiv tias : "Huab Tais, kuv tsis tsim nyog koj chaws los hauv kuv tsev, tsuav yog koj hais ib los lus xwb ces kuv tus tub txib yuav zoo hlo. 9 Txawm tias kuv yog ib tug neeg zwm rau tus loj, kuv kuj muaj ib co tub rog zwm rau kuv thiab. Yog kuv hais rau ib tug tias : 'Koj mus !' nws cia li mus, kuv ho hais rau lwm tus tias : 'Koj los,' nws kuj cia li los. Kuv hais rau kuv tus tub txib tias : 'Koj ua qhov no !' nws cia li ua.’" 10 Yes Xus hnov nws hais li ntawd, Yes Xus qhuas. Yes Xus hais rau cov neeg raws nws tias : "Kuv hais tseeb rau nej, kuv tsis tau pom ib tug neeg ntseeg npaum li ntawd hauv cov His Xas Lais. 11 Kuv hais rau nej, yuav muaj neeg coob tuaj Toob Fab thiab Xib Fab tuaj nrog Has Nplas Has, nrog His Xas Has thiab Yas Kos noj rooj qav hauv Ntuj lub Ceeb Tsheej. 12 Hos Ntuj yuav muab cov tub hauv Ceeb Tsheej rho mus pov rau hauv qhov tsaus ntuj nraum zoov : nyob nraud, sawv daws yuav quaj tom hniav nkawv. 13 Yes Xus hais rau tus xab txheeb tias : "Koj rov mus ! Koj yuav tau raws li koj lub siab ntseeg !" Ces tam sis ntawd, tus tub txib zoo hlo.
14 Yes Xus mus hauv Pob Zeb tsev. Nws pom Pob Zeb niam tais pw saum txaj, mob kub cev. 15 Yes Xus tuav nws txhais tes, tus mob kub cev thim hlo. Ces Pob Zeb niam tais sawv los, nws tsob hwb Yes Xus.
16 Yav tsaus ntuj, luag coj ib co neeg raug dab coob leej tuaj cuag Yes Xus. Nws hais ib lo lus los ntiab cov dab ntawd thiab nws kho cov neeg mob zoo tas huv si. 17 Ua li mas muaj raws li Yaj Saub His Xais lo lus tias : “ Nws tshem peb tej kev ceg tawv, nws ris peb tej kev mob kev ntsaj.”

TIM 27 LUB 6 HLI 2016

Hnub Ob Lis PiamKaumPebNruabXyoo C Nruab Lis PiamXyoo II

Hwm LN Cyril nyob Alexandria

ZajNyeemIb: AM 2:6-10, 13-16

6 HUAB TAIS hais li no:
Vim His XasLaispebqhotxhaum, thiab vim plaubqho,
Mas kuv tau txiav txim lawm kuv yuav tsis thim lus:
7 Yog vim lawv muab tus neeg ncaj muag yuav nyiaj
thiab muab tus neeg pluag pauv ib nkawm khau khiab;
Lawv muab tus neeg tsis muaj peev xwm taub hau tsuj ntiag rau hauv av
thiab ntiab tus neeg me tseev kom txav tawm txhob thaiv lawv kev;
leej tub thiab leej txiv ob leeg koom mus deev ib tug poj niam xwb,
ces nkawd ua tsis hwm kuv lub npe ntshiab;
8 yog vim lawv hnav cov tsho uas luag coj tuaj yuam nqi cia
coj mus pw ze ntawm txhua lub thaj txi dab,
thiab lawv haus cov neeg tshuav lawv nqi tej cawv
nyob hauv cov tsev teev lawv cov dab.
9 Kuv yog tus tau ua kom cov As Mos Lis swb rau lawv
txawm cov As Mos Lis loj thiab siab cuag cov ntoo ciab
txawm lawv khov npaum cov ntoo qhib;
kuv tau rhuav cov txiv uas lawv txi nyob saud
thiab tau txiav lawv cov cag uas nyob hauv.
10 Kuv yog tus tau coj nej tawm ntawm Hais Nkws Tos teb los,
Thiab coj nej ncig tau plaub caug xyoo nyob teb chaws suab puam
nej mam los txeeb tau cov As Mos Lis lub te chaws ua nej lub.

13 Hais rau nej paub, kuv yuav cia nej zom nyob ntawm chaw
xws li ib lub tsheb nog cov tes nplej puv puv zom nyob ntawm chaw.
14 Tus neeg nrawm yuav khiav tsis taus
hos tus neeg muaj zog yuav siv tsis tau nws lub zog,
tus neeg siab tawv yuav cawm tsis tau nws txoj sia;
15 tus tua hneev yuav nyob tiv tsis taus ntxiv,
tus neeg taw nrawm yuav khiav tsis dim,
tus caij nees yua cawm tsis tau nws txoj sia,
16 hos tus neeg muaj peev xwm tshaj nyob hauv cov neeg siab tawv
yuav khiav liab qab ploog thaum txog hnub ntawd; HUAB TAIS hais li.

NPN 50: 16BC-17, 18-19, 20-21, 22-23

Txais: (22a) Nej cov uas tsis nco txog Tswv Ntuj li, nej nco ntsoov qhov no.

“Vim li cas nej qog kuv cov kev cai lij choj
thiab lees kuv txoj kev cog lus ntawm nej lub ncauj,
tiam sis nej ntxub txoj cai nruj
thiab muab kuv cov lus pov tseg nraum nej nrob qaum?”

Txais: (22a) Nej cov uas tsis nco txog Tswv Ntuj li, nej nco ntsoov qhov no.

Nej pom ib tug tub sab thaum twg, nej nrog kiag nws ua phooj ywg,
Nej txaus siab npo nrog cov deev luag txij nkawm ua ke.

Nej qhib ncauj lug hais lus phem,
Nej tso plhuav nej tus nplaig hais qhov dag.

Txais: (22a) Nej cov uas tsis nco txog Tswv Ntuj li, nej nco ntsoov qhov no.

“koj zaum tsaws hais lus phem txog koj tus kwv tij,
koj xyav lus moo cua txog koj niam tus tub.
Thaum koj ua zoo li no, kuv puas yuav tsum ua ntsej lag muag dig?
Los koj puas xav tias kuv zoo nkaus li koj?
Zaum no kuv yuav muab txim rau nej, yuav hais meej kom nej pom tseeb.”

Txais: (22a) Nej cov uas tsis nco txog Tswv Ntuj li, nej nco ntsoov qhov no.

Nej yuav tsum mloog, nej cov uas tsis quav ntsej txog Tswv Ntuj,
Tsis li ces kuv yuav muab nej rhuav, yuav tsis muaj neeg cawm tau nej.
Tus uas cev ib co lus zoo los txi Ntuj, tus ntawd ua kuv nto koob meej.
Tus neeg taug txoj kev ncaj, kuv yuav pub nws pom Tswv Ntuj txoj kev cawm.

Txais: (22a) Nej cov uas tsis nco txog Tswv Ntuj li, nej nco ntsoov qhov no.

As Les LusYas: NPN 95: 8

Txais: As les lus yas, as les lus yas.

Yog hnub no, nej hnov nws lub suab,
txhob cia nej lub siab tawv ncauj.

Txais: As les lus yas, as les lus yas.

Ntawv Moo Zoo: MT 8:18-22

18 Yes Xus pom neeg coob tuaj ntsauv nws, nws kom lawv mus lawm sab ntug dej tim ub. 19 Ces muaj ib tug Kws Ntawv Ntshiab txav los hais rau nws tias : "Xib Hwb, txawm koj mus qhov twg, los kuv yuav raws koj mus." 20 Yes Xus hais rau nws tias : "Hma muaj hma lub qhov nkaum, cov noog saum ntuj, lawv kuj muaj lawv lub zes nyob, hos Neeg Leej Tub tsis muaj chaw rau ncoo." 21 Nyob hauv cov thwj tim, muaj ib tug hais rau Yes Xus tias : "Huab Tais, thov koj cia kuv mus faus kuv txiv tso." 22 Tab sis Yes Xus hais rau nws tias : "Koj raws kuv mus, cia cov tuag mam li faus lawv cov tuag."

TIM    28    LUB    6    HLI     2016

Hnub Peb Lis Piam Kaum Peb Nruab Xyoo C Nruab Lis Piam Xyoo II

Hwm LN Irenaeus, Tswv Qhia ua Tim Khawv

Zaj Nyeem Ib:      AM  3:   1-8;  4:   11-12

1 Cov tub kis His Xas Lais, nej mloog lo lus no, yog lo lus HUAB TAIS qhuab qhia nej, nws qhuab qhia tas nrho tsev neeg kuv tau coj tawm hauv Hais Nkws Tos teb los. 2 Tas tib si cov tsev neeg nyob ntiaj teb, kuv tsuas xaiv nej xwb. Vim li ntawd, kuv thiaj yuav rau txim rau nej vim nej cov txhaum tas tib si. 3 Ob tug neeg tsis tau xub hais kom sib haum, nkawd puas yuav ua ke taug kev ? 4 Tus tsov ntxhuav nyob hauv hav zoov, yog nws tsis pom nqaij, nws puas yuav nyooj ? Tus me nyuam tsov ntxhuav nyob hauv nws lub qhov, yog nws tsis tau tom dab tsi nws puas yuav quaj ? 5 Yog tsis rau w mas noog puas yuav mag rooj ntxiab nyob hauv av ? Yog ib rooj ntxiab tsis mag dab tsi nws puas yuav dhia tawm? 6 Yog muaj tus tshuab hom nyob hauv lub nroog mas tsoom pej xeem puas yuav nyob twj ywm tsis ntshai li ? Puas yuav muaj ib yam xwv txheej tshwm tuaj raug lub tsheej yog tias HUAB TAIS tsis tau tso tuaj?  7 Yeej tseeb tias, HUAB TAIS Tswv Ntuj nws tsis lam ua ib yam uas nws tsis tau xub qhia nws rau cov tub txib yaj saub paub tso. 8 Tsov ntxhuav nyooj mas puas muaj neeg uas yuav tsis ntshai ? HUAB TAIS Tswv Ntuj hais lus mas, leej twg thiaj yuav tsis kam ua saub ?
4   11 Kuv tau rhuav nej loj zoo li thaud Tswv Ntuj rhuav Xos Dos Mas thiab Nkos Mos Las:  Nej zoo li ib tug ceg kub hnyiab rho hauv hluav taws los xwb, tsis kav nej tseem tsis kam los cuag kuv li. HUAB TAIS hais li ntawd. 12 Li ntawd, His Xas Lais, kuv yuav npaj ua li no rau nej. Vim kuv yuav ua li ntawd rau nej, His Xas Lais, mas nej kav tsij npaj siab yuav tau ntsib nej tus Tswv Ntuj .

NPN     5:   4B-6A, 6B-7, 8

Txais:   (9a) Huab Tais, thov coj kuv mus taug koj txoj kev ncaj.

Sawv ntxov tsees, kuv tuaj teev koj, kuv tos kuj lo lus teb.
Vim koj, Tswv Ntuj,  tsis nyiam txoj kev phem;
Tus neeg phem tuaj nyob tsis taus ntawm koj xub ntiag;
Cov neeg thuam luag sawv ntsug tsis taus rau koj ntsia.

Txais:   (9a) Huab Tais, thov coj kuv mus taug koj txoj kev ncaj..

Koj ntxub tas tsoom neeg nrhiav ua phem;
Koj rhuav cov neeg hais lus dag;
Cov neeg nyiam tua neeg thiab cov neeg ua cuav,
mas HUAB TAIS ntxub lawv tas siab.

Txais:   (9a) Huab Tais, thov coj kuv mus taug koj txoj kev ncaj.

Hos ntawm kuv, vim koj muaj kev khuv leej loj tas nrho,
kuv yuav nkag los hauv koj tsev,
Kuv yuav khoov hauv koj lub tuam tsev ntshiab
los pe hawm koj, HUAB TAIS.

Txais:   (9a) Huab Tais, thov coj kuv mus taug koj txoj kev ncaj.

As Les Lus Yas:      NPN  130:   5

Txais:   As les lus yas, as les lus yas.

Kuv tso siab rau HUAB TAIS,  
kuv tus ntsuj plig tso siab rau nws lo lus.  

Txais:   As les lus yas, as les lus yas.

Ntawv Moo Zoo:      MT  8:   23-27

23 Yes Xus nce mus hauv nkoj, cov thwj tim lawv nws qab nce mus hauv thiab. 24 Ces dej sawv nphau tej niag twv hauv dej ntuj tuaj. Cov nplaim dej nphau tuaj npog nkaus lub nkoj. Hos Yes Xus tsaug zog lawm. 25 Cov thwj tim los ze Yes Xus, lawv tsa nws tias : "Huab Tais, koj cawm peb, peb yuav tuag !" 26 Yes Xus hais rau lawv tias : "Vim li cas nej ntshai, ua cas nej ntseeg me ua luaj ?" Ces Yes Xus sawv ntsug, nws txwv cua thiab dej ntuj. Dej cia li rov tus yees. 27 Cov neeg ntawd nyob hab nuv cia ; lawv sib hais zom zaws tias : "Tus ntawd yog leej twg ? Tab yog cua thiab dej ntuj los yeej mloog nws lus !"

TIM    29   LUB   6   HLI     2016  

Hnub Plaub Lis Piam Kaum Peb Nruab Xyoo C

Hwm ob tug Hauv Paus Xa Lus LN Pob Zeb  thiab Paj Lug – Thaj Txi Ntuj hmo ua ntej

Zaj Nyeem Ib:     HAUJ LWM  3:   1-10

1 Pob Zeb thiab Zam nkawd nce mus pem lub Tuam Tsev Teev Ntuj, mus teev ntuj thaum teev cuaj. 2 Thaum ntawd, lawv coj ib tug neeg tuag ceg nruab thiab los lawm tuaj. Lawv niaj hnub muab nws tso rau ntawm lub qhov rooj mus hauv lub Tuam Tsev Teev Ntuj uas hu ua Qhov Rooj Zoo Nkauj, kom nws tau kev thov khawv ntawm cov neeg uas chaws mus hauv. 3 Thaum nws pom Pob Zeb thiab Zam nkawd tab tom yuav chaws mus hauv, ces nws thov khawv ntawm nkawd.  4 Pob Zeb ntsia ntsoov nws, Zam kuj ntsia ntsoov thiab, Pob Zeb hais tias : "Koj ntsia wb mas." 5 Tus tuag ceg ntsia nkawd, nws  tos ntsoov tias nws yuav tau ib yam dab tsi. 6 Tab sis Pob Zeb hais tias : "Nyiaj thiab kub kuv tsis muaj, tab sis qhov kuv muaj, mas kuv muab pub rau koj : Kuv tuav txog Yes Xus Pleev nyob Nas Xas Les lub npe, koj sawv tsees mus kev !" 7 Ces Pob Zeb tuav nkaus tus tuag ceg sab tes xis, rub nws sawv. Tam sim ntawd, nws ob txhais taw thiab nws ob lub pob luj taws muaj zog tuaj. 8 Nws tib plhaw sawv tsees, ces nws pib mus taus kev. Nws nrog nkawd chaws mus hauv lub Tuam Tsev, nws ke mus kev ke dhia tej paj paws thiab cav txog Tswv Ntuj. 9 Tas tsoom neeg sawv daws pom nws mus kev thiab cav txog Tswv Ntuj,  10 lawv zeem tau tias yog tus zaum kam thov khawv ntawm lub Qhov Rooj Zoo Nkauj tiag. Sawv daws poob siab tas thiab tsis pom qab yuav xav li cas txog qhov uas tau tshwm sim tuaj rau tus tuag ceg.

NPN     19:   2-3, 4-5

Txais: (5) Lawv lo lus xa moo nrov mus thoob ntiaj teb.
los: As les lus yas.

Cov txheej ntuj saud piav txog Tswv Ntuj lub koob meej,
lub qab ntuj khwb tshaj cov hauj lwm nws txhais tes tsim los.
Nruab hnub hais lo lus rau nruab hnub mloog,
Hmo ntuj qhia rau hmo ntuj paub txog.

Txais: (5) Lawv lo lus xa moo nrov mus thoob ntiaj teb.
los: As les lus yas.

Tsis muaj ib lo lus los ib zaj lus piav
Uas leej tib neeg yuav tsis hnov txog.
Lawv lub suab yeej ncha puv tas ntiaj teb,
lawv lo lus xa moo yeej nrov txog tim npoo ntuj.

Txais: (5) Lawv lo lus xa moo nrov mus thoob ntiaj teb.
los: As les lus yas.

Zaj Nyeem Ob:    NKAS LAS TIAS  1:   11-20

11 Cov kwv tij, kuv xav kom nej paub tias, lub Moo Zoo uas kuv tuaj qhuab qhia rau nej, mas tsis yog tuaj ntawm tib neeg tuaj.  12 Kuv tsis tau txais thiab tsis tau kawm lub Moo Zoo ntawm tib neeg los, tiam sis yog Yes Xus Pleev yees tawm los qhia rau kuv paub. 13 Nej yeej tau hnov lawm tias, thaum kuv tseem coj cov Yus Das kev cai, kuv tau coj zoo li cas; kuv tau siv zog hiam Tswv Ntuj lub Koom Txoos kawg nkaus, kuv tau nrhiav kev kom tau rhuav lub Koom Txoos pov tseg,  14 kuv yog ib tug mob siab kawm txog cov Yus Das txoj kev cai dua cov nyob hauv kuv phaum neeg, vim kuv kub siab lug rau kuv cov yawg koob tej kab lis kev cai.
15 Tiam sis Tswv Ntuj, tus uas tau qee kuv txij thaum kuv tseem nyob hauv kuv niam plab lawm, thiab tau hu kuv nyob hauv nws lub txiaj ntsim,  16 nws tau txaus siab cia nws Leej Tub tawm los rau kuv pom, kom kuv tshaj txog nws rau cov neeg teev pej kum dab. 17 Kuv tsis tau mus nrog tib neeg muaj cev nqaij thiab roj ntsha tham sai sai tam sis ntawd, kuv kuj tsis mus cuag cov xub ua Hauv Paus Xa Lus nyob Yes Lus Xas Les; kuv ncaj qha mus rau As Las Npias teb tas, kuv mam rov los rau Das Mas. 18 Twb peb xyoos tom qab lawm, kuv thiaj mam mus pem Yes Lus Xas Les, mus cuag Pob Zeb; kuv nrog nws nyob tau kaum tsib hnub . 19 Tiam sis kuv tsis tau ntsib lwm tus Hauv Paus Xa Lus li, tsuas tau ntsib Yas Kos, uas yog Huab Tais tus kwv tij xwb.  20 Qhov kuv tau sau rau nej ntawm no, kuv hais tau nyob ntawm Tswv Ntuj xub ntiag tias kuv tsis dag.

As Les Lus Yas:     JN  21:   17

Txais:   As les lus yas, as les lus yas.

Huab Tais, koj paub tas ib puas tsav yam,
koj paub tias kuv nyiam koj tiag.

Txais:   As les lus yas, as les lus yas.

Ntawv Moo Zoo:     ZAM  21:   15-19

15 Thaum lawv noj tshais tas, Yes Xus hais rau Xis Moos Pob Zeb tias : "Xis Moos, Zam tus tub, koj puas nyiam kuv dua lawv cov ntawd ?" Pob Zeb hais rau Yes Xus tias : "Huab Tais, koj paub tias kuv nyiam koj tiag." Yes Xus hais rau Pob Zeb tias : "Koj pub rau kuv cov me nyuam yaj tau noj." 16 Yes Xus rov hais zaum ob tias : "Xis Moos, Zam tus tub, koj puas nyiam kuv ?" Pob Zeb hais rau Yes Xus tias : "Huab Tais, koj paub tias kuv nyiam koj tiag." Yes Xus hais rau nws tias : "Koj saib kuv cov yaj." 17 Yes Xus tseem rov hais dua zaum peb rau Pob Zeb tias : "Xis Moos, Zam tus tub, koj puas nyiam kuv tiag ?” Pob Zeb tu siab rau qhov Yes Xus hais rau nws zaum peb tias : "Koj puas nyiam kuv tiag ?" Pob Zeb hais rau Yes Xus tias : "Huab Tais, koj paub tas ib puas tsav yam, koj paub tias kuv nyiam koj tiag." Yes Xus hais rau Pob Zeb tias : "Koj pub rau kuv cov yaj tau noj. 18 Kuv hais qhov muaj tseeb tiag rau koj : Thaum koj tseem hluas, koj muab koj txoj siv koj sia koj, koj xav mus qhov twg los koj mus koj. Tiam sis thaum koj laus lawm, koj yuav tsa tes cia lwm tus kho siv rau koj sia, cia luag coj koj mus hauv qhov chaw uas koj tsis xav mus." 19 Yes Xus hais qhov ntawd qhia rau Pob Zeb tias nws yuav tuag zoo li cas kom Tswv Ntuj nto koob meej. Yes Xus hais li tas, nws hais rau Pob Zeb tias : "Koj raws kuv mus."



TIM    29   LUB   6   HLI     2016  

Hnub Tsib Lis Piam Kaum Peb Nruab Xyoo C

Hwm ob tug Hauv Paus Xa Lus LN Pob Zeb  thiab Paj Lug – Thaj Txi Ntuj hnub ntawd

Zaj Nyeem Ib:     HAUJ LWM  12:   1-11

1 Kwv yees tib lub sij hawm ntawd, Hes Los ntes ib co neeg nyob hauv lub Koom Txoos thiab tsim txom lawv. 2 Nws tua Zam tus tij laug Yas Kos, xuas ntaj txiav nws taub hau. 3 Thaum Hes Los pom tias cov Yus Das zoo siab rau qhov nws ua ntawd, ces nws tso neeg mus ntes Pob Zeb thiab. Thaum ntawd yog lub caij noj cov ncuav mov tsis rau poov xab.  4 Hes Los ntes tau Pob Zeb, nws coj Pob Zeb mus kaw hauv tsev loj faj. Nws kom plaub pab tub rog zov rawv, ib pab muaj plaub leeg. Hes Los npaj tias thaum ua lub Ntees Hla tas nrho, mas nws yuav coj Pob Zeb tawm los rau ntawm tsoom pej xeem xub ntiag. 5 Thaum lawv muab Pob Zeb kaw hauv tsev loj faj, mas lub Koom Txoos thov Tswv Ntuj tsis tseg rau Pob Zeb.
6 Txog hnub Hes Los yuav coj Pob Zeb tawm los, hmo ua ntej kiag Pob Zeb pw tsaug zog nyob nruab nrab ob tug tub rog, ob txog hlua khi rawv nws cia, hos tseem muaj ib co zov qhov rooj nyob sab nraud saib lub tsev loj faj thiab. 7 Ib sij huam, Huab Tais tus Tshiab cia li los sawv nyob ze ntawm Pob Zeb, thiab muaj ib qho ua kom kem tsev pom kev lug. Tus Tshiab diaj Pob Zeb, tsa nws sawv, hais rau nws tias : "Koj sawv tsees tam sis no !" Cov hlua khi Pob Zeb ob txhais tes cia li plam plaws tas. 8 Tus Tshiab hais ntxiv tias : "Muab koj txoj siv sia thiab rau koj nkawm khau !" Pob Zeb ua li ntawd tas, tus Tshiab hais tias : "Muab koj lub tsho ntev hnav ces koj lawv kuv qab !" 9 Ces Pob Zeb lawv tus Tshiab qab tawm mus. Pob Zeb tsis paub meej tias puas yog tiag, nws xav tias yog nws ua yog toog pom xwb. 10 Nkawd mus hla thawj pab zov keeb, thiab tseem mus dhau pab ob ntxiv thiab, nkawd thiaj txog lub qhov rooj hlau uas yuav tawm sab nraud mus rau hauv nroog. Lub qhov rooj hlau cia li qhib plho rau nkawd, nkawd tawm plaws mus txog ntawm ib txog kev, ces tus Tshiab cia li ploj ntais ncaim mus lawm. 11 Pob Zeb thiaj tsim dheev, nws hais tias : "Zaum no, kuv paub tseeb lawm tias Huab Tais tau xa nws tus Tshiab tuaj pab kuv kom kuv dim ntawm Hes Los tes thiab kom cov Yus Das txhob tau pom raws li lawv vam vam."

NPN     34:   2-3, 4-5, 6-7, 8-9

Txais:   Huab Tais tus tshiab yuav tuaj cawm cov uas hwm nws.  

Kuv yuav cav txog HUAB TAIS txhua lub sij hawm;
nws lub koob meej yuav nyob rawv ntawm kuv lub ncauj.
Kuv tus plig txoj kev khav yog nyob hauv HUAB TAIS;
tus neeg me yuav hnov thiab yuav zoo siab.

Txais:   Huab Tais tus tshiab yuav tuaj cawm cov uas hwm nws.

Nej nrog kuv cav txog HUAB TAIS,
peb sawv daws ua ke qhuas nws lub npe.
Kuv nrhiav HUAB TAIS; nws teb kuv,
Nws cawm kuv dim ntawm kuv tas kuv tej kev ntshai.

Txais:   Huab Tais tus tshiab yuav tuaj cawm cov uas hwm nws..

Nej vam txog HUAB TAIS, ces kev zoo siab yuav ua nej ci ntsa iab,
koj ntsej muag yuav tsis liab ploog vim kev txaj muag.
Thaum tus pluag hu, HUAB TAIS mloog
thiab yuav cawm nws ntawm tas nws tej kev nyuaj ntxhov.

Txais:   Huab Tais tus tshiab yuav tuaj cawm cov uas hwm nws.

HUAB TAIS tus tshiab tsa tsev tsam phooj
ncig cov neeg hwm HUAB TAIS, nws npo lawv.
Nej saj ces nej yuav pom  HUAB TAIS siab zoo npaum li cas.
Tus muab HUAB TAIS ua nws lub chaw nkaum tau txoj hmoov zoo.

Txais:   Huab Tais tus tshiab yuav tuaj cawm cov uas hwm nws.

Zaj Nyeem Ob:      2 TMT  4:   6-8, 17-18

6 Ntawm kuv, Paj Lug, mas luag twb muab kuv hliv los txi Ntuj lawm, twb txog lub caij kuv yuav mus lawm. 7 Kuv tau sib tw txaus, kuv khiav mus txog chaw lawm; kuv tau ceev txoj kev ntseeg cia. 8 Nyem no mus, lub kaus mom muaj kev ncaj nyob tos kuv lawm xwb. Yog Huab Tais tus txiav txim ncaj yuav muab rau kuv thaum txog hnub ntawd, tsis yog muab rau kuv ib leeg xwb, nws tseem yuav muab rau tas ib tsoom neeg nyiam nws thiab tos ntsoov lub caij nws yuav
17 Huab Tais yog tus tau pab kuv thiab muab nws lub zog rau kuv kom kuv tshaj lo lus kom lo lus nrov mus txog cov neeg teev pej kum dab pob ntseg. Nws tau npo kuv dim ntawm tsov ntxhuav lub qhov ncauj. 18 Huab Tais yuav npo kuv dim ntawm txhua yam kev nkhaus thiab yuav cawm kuv thaum nws coj kuv mus rau nws lub Ceeb Tsheej nyob saum Ntuj. Thov kom Huab Tais nto koob meej mus ib txhiab ib txhis. Ua li.


As Les Lus Yas:     MT  16:   18

Txais:   As les lus yas, as les lus yas.

Koj yog Pob Zeb, kuv yuav txhim kuv lub Koom Txoos rau saum lub pob zeb no.
Dab phem teb cov rooj vag yuav tiv tsis yeej lub pob zeb no.

R. Alleluia, alleluia Txais:   As les lus yas, as les lus yas.

Ntawv Moo Zoo:     MT  16:   13-19

13 Thaum Yes Xus tuaj txog cheeb tsam ntawm Xes Ntxas Les Fis Lis Pos, nws nug cov thwj tim tias : "Luag tej hais tias Neeg Leej Tub yog leej twg ?" 14 Lawv teb tias : “Ib txhia hais tias yog Zam Ntxuav Plig, ib txhia hais tias yog Es Lias, tseem muaj lwm cov hais tias yog Yes Les Mias los yog ib tug hauv cov yaj saub.” Yes Xus hais tias : 15 "Nej ne, nej hais tias kuv yog leej twg ?" 16 Xis Moos Pob Zeb teb tias : "Koj yog Leej Pleev, yog tus Tswv Ntuj Muaj Txoj Sia Leej Tub." 17 Yes Xus teb rau Pob Zeb tias : "Xis Moos, Yos Nas tub, koj txoj hmoov zoo, vim tsis yog nqaij thiab ntshav qhia koj paub txog qhov no, yog kuv Txiv nyob saum ntuj qhia koj. 18 Ua li mas kuv hais rau koj : Koj yog Pob Zeb, kuv yuav txhim kuv lub Koom Txoos rau saum lub pob zeb no, ces dab phem teb cov rooj vag yuav tiv tsis yeej nws. 19 Kuv yuav muab Ntuj lub Ceeb Tsheej cov yawm sij rau koj tuav. Koj khi yam twg nyob ntiaj teb no, Ntuj yuav saib yam ntawd yog khi nyob saum ntuj. Koj daws yam twg nyob ntiaj teb no, Ntuj yuav saib yam ntawd yog daws nyob saum ntuj."

TIM 30 LUB 6 HLI 2016

Hnub Tsib Lis Piam Kaum Peb Nruab Xyoo C Nruab Lis Piam Xyoo II

Hwm Koom Txoos Kas Tos Liv Thawj Cov Tuag Ua Tim Khawv

Zaj Nyeem Ib: AM 7: 10-17

10 As Mas Xias, tus Leej Choj nyob Npes Thes, tso neeg mus hais rau tus vaj His Xas Lais Yes Los Npuag tias : "As Mos ntxias His Xas Lais tsev neeg kom lawv ntxeev siab rau koj. Lub teb chaws nyiaj tsis tau nws tej lus ntxiv lawm. 11 Vim As Mos hais zoo li no : ‘Yes Los Npuag yuav raug ntaj tua, Tsoom His Xas Lais yuav mus raug txim nyob deb lawv teb chaws.’" 12 Ces As Mas Xias hais rau As Mos tias : "Niag txawj ua saub, koj cia li khiav, koj khiav mus nyob Yus Das teb! Koj mus ua Saub nyob ntawd nrhiav noj nrhiav haus. 13 Koj tsis txhob ua Saub nyob Npes Thes ib zaug ntxiv. Vim yog tus vaj qhov chaw ntshiab thiab nws lub tuam tsev teev Ntuj." 14 As Mos teb rau As Mas Xias tias : "Kuv ib txwm tsis tau ua saub los yog ua thwj tim nrog ib pab saub. Kuv ib txwm yog neeg zov yaj thiab neeg tu cov ntoo xis kas mos xwb. 15 Tiam sis HUAB TAIS tau tuaj hu kuv ntawm kuv pab yaj, nws hais rau kuv tias: ‘Koj mus ua Yaj Saub rau kuv haiv His Xas Lais.’ 16 Nyem no koj yuav tsum mloog HUAB TAIS lo lus. Koj hais tias kom kuv txhob ua Yaj Saub cem His Xas Lais, kom kuv txhob qhuab qhia His Xas Has tsev neeg. 17 Mas zaum no HUAB TAIS hais li no : Koj tus poj niam yuav tau tab meeg mus ua poj ntiav nyob hauv nroog, thiab koj cov tub koj cov ntxhais yuav raug ntaj tua; koj tej liaj tej teb yuav raug luag muab kos ua tej kab sib faib yuav; koj tus kheej yuav mus tuag nyob hauv ib lub teb chaws tsis huv. His Xas Lais yuav raug mus nyob txim deb deb lawv teb lawv chaws."

NPN 19: 8, 9, 10, 11

Txais: (10cd) Huab Tais cov lus txiav txim yog lus tseeb,
txhua lo lus nws txiav yog qhov ncaj.

HUAB TAIS txoj cai zoo tas nrho,
nws ntxiv siav rau tus ntsuj plig;
HUAB TAIS tus txhooj tsim nyog yuav,
nws ua kom tus neeg ruam thoob tsib tuaj.

Txais: (10cd) Huab Tais cov lus txiav txim yog lus tseeb,
txhua lo lus nws txiav yog qhov ncaj.

HUAB TAIS cov lus qhuab qhia yog lus ncaj
ua kom neeg muaj kev zoo siab.
HUAB TAIS lo lus meej kawg nkaus,
ua kom qhov muag pom kev.

Txais: (10cd) Huab Tais cov lus txiav txim yog lus tseeb,
txhua lo lus nws txiav yog qhov ncaj.

Kev hwm HUAB TAIS yog txoj kev dawb huv,
kev hwm Huab Tais yuav nyob mus li.
HUAB TAIS cov lus txiav txim yog lus tseeb,
Txhua lo lus nws txiav yog qhov ncaj.

Txais: (10cd) Huab Tais cov lus txiav txim yog lus tseeb,
txhua lo lus nws txiav yog qhov ncaj.

Nws cov lus txiav txim, tsim nyog ntshaw dua kub,
Tsim nyog ntshaw dua ib txhab tseem kub,
qab zib dua cov kua zib,
los cov zib mu ntawm daim nas muv.

Txais: (10cd) Huab Tais cov lus txiav txim yog lus tseeb,
txhua lo lus nws txiav yog qhov ncaj.

As Les Lus yas: 2 KLN 5: 19

Txais: As les lus yas, as les lus yas.

Tswv Ntuj ua kom lub ntiaj teb neeg nrog nws rov sib haum xeeb nyob hauv Leej Pleev,
nws xav kom peb tshaj tawm txog tias Tswv Ntuj tau nrog neeg sib haum xeeb lawm.

Txais: As les lus yas, as les lus yas.

Ntawv Moo Zoo: MT 9: 1-8

1 Yes Xus nce mus hauv nkoj, nws hla dej rov los txog nws lub nroog. 2 Thaum ntawd, luag nqa ib tug tuag ceg pw saum ib lub txaj tuaj rau Yes Xus. Yes Xus pom lawv ntseeg, nws hais rau tus tuag ceg tias : "Me tub, koj tso siab mog ! Koj cov txhaum daws tas lawm." 3 Thaum ntawd, muaj ob peb tug Kws Ntawv Ntshiab xav twj ywm hauv nruab siab tias : ‘Tus neeg ntawd thuam Ntuj.’ 4 Tab sis Yes Xus paub qhov lawv xav, nws hais tias : "Vim li cas nej xav tej yam phem rau nruab siab ? 5 Lo lus twg hais yooj yim dua, puas yog lo tias : 'Koj cov txhaum daws tas lawm,' los yog lo tias 'koj sawv mus kev ?' 6 Tiam sis kom nej paub tias Neeg Leej Tub muaj lub hwj huam daws txhaum tau nyob ntiaj teb no," cesYes Xus hais rau tus tuag ceg tias : "Koj sawv, nqa koj lub txaj, koj rov mus tsev". 7 Ces tus tuag ceg sawv, thiab nws rov mus tsev. 8 Tsoom sid pom li ntawd, sawv daws ntshai. Lawv cav txog Tswv Ntuj vim nws pub lub hwj huam loj npaum li no rau neeg.

Mim wrote:TIM    28    LUB    6    HLI     2016

Hnub Peb Lis Piam Kaum Peb Nruab Xyoo C Nruab Lis Piam Xyoo II

Hwm LN Irenaeus, Tswv Qhia ua Tim Khawv

Zaj Nyeem Ib:      AM  3:   1-8;  4:   11-12

1 Cov tub kis His Xas Lais, nej mloog lo lus no, yog lo lus HUAB TAIS qhuab qhia nej, nws qhuab qhia tas nrho tsev neeg kuv tau coj tawm hauv Hais Nkws Tos teb los. 2 Tas tib si cov tsev neeg nyob ntiaj teb, kuv tsuas xaiv nej xwb. Vim li ntawd, kuv thiaj yuav rau txim rau nej vim nej cov txhaum tas tib si. 3 Ob tug neeg tsis tau xub hais kom sib haum, nkawd puas yuav ua ke taug kev ? 4 Tus tsov ntxhuav nyob hauv hav zoov, yog nws tsis pom nqaij, nws puas yuav nyooj ? Tus me nyuam tsov ntxhuav nyob hauv nws lub qhov, yog nws tsis tau tom dab tsi nws puas yuav quaj ? 5 Yog tsis rau w mas noog puas yuav mag rooj ntxiab nyob hauv av ? Yog ib rooj ntxiab tsis mag dab tsi nws puas yuav dhia tawm? 6 Yog muaj tus tshuab hom nyob hauv lub nroog mas tsoom pej xeem puas yuav nyob twj ywm tsis ntshai li ? Puas yuav muaj ib yam xwv txheej tshwm tuaj raug lub tsheej yog tias HUAB TAIS tsis tau tso tuaj?  7 Yeej tseeb tias, HUAB TAIS Tswv Ntuj nws tsis lam ua ib yam uas nws tsis tau xub qhia nws rau cov tub txib yaj saub paub tso. 8 Tsov ntxhuav nyooj mas puas muaj neeg uas yuav tsis ntshai ? HUAB TAIS Tswv Ntuj hais lus mas, leej twg thiaj yuav tsis kam ua saub ?
4   11 Kuv tau rhuav nej loj zoo li thaud Tswv Ntuj rhuav Xos Dos Mas thiab Nkos Mos Las:  Nej zoo li ib tug ceg kub hnyiab rho hauv hluav taws los xwb, tsis kav nej tseem tsis kam los cuag kuv li. HUAB TAIS hais li ntawd. 12 Li ntawd, His Xas Lais, kuv yuav npaj ua li no rau nej. Vim kuv yuav ua li ntawd rau nej, His Xas Lais, mas nej kav tsij npaj siab yuav tau ntsib nej tus Tswv Ntuj .

NPN     5:   4B-6A, 6B-7, 8

Txais:   (9a) Huab Tais, thov coj kuv mus taug koj txoj kev ncaj.

Sawv ntxov tsees, kuv tuaj teev koj, kuv tos kuj lo lus teb.
Vim koj, Tswv Ntuj,  tsis nyiam txoj kev phem;
Tus neeg phem tuaj nyob tsis taus ntawm koj xub ntiag;
Cov neeg thuam luag sawv ntsug tsis taus rau koj ntsia.

Txais:   (9a) Huab Tais, thov coj kuv mus taug koj txoj kev ncaj..

Koj ntxub tas tsoom neeg nrhiav ua phem;
Koj rhuav cov neeg hais lus dag;
Cov neeg nyiam tua neeg thiab cov neeg ua cuav,
mas HUAB TAIS ntxub lawv tas siab.

Txais:   (9a) Huab Tais, thov coj kuv mus taug koj txoj kev ncaj.

Hos ntawm kuv, vim koj muaj kev khuv leej loj tas nrho,
kuv yuav nkag los hauv koj tsev,
Kuv yuav khoov hauv koj lub tuam tsev ntshiab
los pe hawm koj, HUAB TAIS.

Txais:   (9a) Huab Tais, thov coj kuv mus taug koj txoj kev ncaj.

As Les Lus Yas:      NPN  130:   5

Txais:   As les lus yas, as les lus yas.

Kuv tso siab rau HUAB TAIS,  
kuv tus ntsuj plig tso siab rau nws lo lus.  

Txais:   As les lus yas, as les lus yas.

Ntawv Moo Zoo:      MT  8:   23-27

23 Yes Xus nce mus hauv nkoj, cov thwj tim lawv nws qab nce mus hauv thiab. 24 Ces dej sawv nphau tej niag twv hauv dej ntuj tuaj. Cov nplaim dej nphau tuaj npog nkaus lub nkoj. Hos Yes Xus tsaug zog lawm. 25 Cov thwj tim los ze Yes Xus, lawv tsa nws tias : "Huab Tais, koj cawm peb, peb yuav tuag !" 26 Yes Xus hais rau lawv tias : "Vim li cas nej ntshai, ua cas nej ntseeg me ua luaj ?" Ces Yes Xus sawv ntsug, nws txwv cua thiab dej ntuj. Dej cia li rov tus yees. 27 Cov neeg ntawd nyob hab nuv cia ; lawv sib hais zom zaws tias : "Tus ntawd yog leej twg ? Tab yog cua thiab dej ntuj los yeej mloog nws lus !"

Nyob zoo Mim,

Koj tso hnub hwm LN. Irenaeus.

LN Irenaeus yog thawj tug Tswv Qhia ntawm peb lub zos, yog tus xub txhim thawj thawj lub tsev teev Ntuj hauv Fab Kis teb, uas nyob rau Lyon. Niaj hnub no nws lub tsev teev Ntuj tseem tshuav qua tsev, cov phab ntsa me ntsis, thiab lub thajw txi Ntuj nyob hauv qab lub tuam tsev teev Ntuj Primatial Saint Jean Bâptiste. LN Irenaeus yog tus uas xaiv 4 phau ntawv Moo Zoo: Mas Tais, Lus Kas, Mas Kos thiab Zam uas peb siv niaj hnub no. Vim lub caij ntawd cov los mas tsim cov ntseeg Yes Xus heev ces LN Irenaeus thiaj li xaiv cov phau Ntawv Moo Zoo uas hais ncaj nruab nrab kom cov neeg ntseeg txhob raug xwm txheej. Li nov thiaj li tso lwm phau ntawv Moo Zoo tseg lawm. Thaum uas tsis tau txiav tus txhooj kom siv 4 phau nov xwb mas muaj ntau phau Ntawv Moo Zoo.

Nyob zoo tais Tooj,

Ua tsaug koj tuaj qhia peb txog LN. Irenaeus tej qub chaw uas nyob ze ntawm nej thia qhia txog tej yam nws tau ua.  Nram no kuv ho tuaj piav ntxiv me me thiab.




LN.  Irenaeus

Raws li ntaub ntawv hais mas LN.  Irenaeus yug nyob nruab nrab ntawm cov xyoo kwv yees 115 AD mus rau 142 AD nyob Turkey teb thiab tuag xyoo kwv yees 202.  Nws niam nws txiv yog neeg Hes Las(Greek).  Yog li ntawd peb pom tias nws tsis tau nrug deb cov Hauv Paus Xa Lus pes tsawg.  Lub caij nws ua tswv qhia nyob Fa Kis teb mas Lyon hu ua Lugdunum, hos Fab Kis teb hu ua Gaul. Cov Los Mas yog cov tswv tuaj kav Gaul. Nws yog ib tug uas thaum yav hluas tau hnov tau pom LN Polycarp uas yog ib tug tswv qhia tau kawm kiag ntawm tus Hauv Paus Xa Lus LN Zam los. LN Polycarp tuag kwv yees xyoo 155 AD.

LN Irenaeus txoj hauj lwm tseem ceeb uas peb paub txog yog nws cov phau ntawv uas nws tau sau los nthuav tawm txog thiab cem cov kev ntseeg yuam kev hu ua “Gnosticism” thiab qhia kom cov ntseeg yuav tsum ceev faj. Thaum ntawd cov Gnostics khav tias lawv thiaj yog cov paub thiab cov tau txais kev cawm, vim lawv muaj Yes Xus ib co lus uas tsis muaj lwm cov paub li. Cov gnoctics ntawd lawv tsis kam yuav phau Ntawv Cog Qub Lus, tiam sis lawv kuj tau sau ntau phau ntawv piav txog Yes Xus thiab ces LN Irenaeus  thiaj tau ua ib tug neeg sau txog thiab hais txog tias cov Ntawv Ntshiab twg tseem ceeb, thiab cov Ntawv Moo Zoo twg thiaj yog cov tseeb uas yog cov Hauv Paus Xas Lus cov lus tiag.  Nws yog ib tug tau pab kom lub Koom Txoos yuav tsum khaws cov Ntawv Ntshiab tseeb xwb (Canon ).  Tej zaum nej twb tau hnov hais txog  Tos Mas Phau Ntawv Moo Zoo, thiab ib ob phau ntawv ntxiv uas lawv tau siv Tos Mas npe ua tus sau lawm. Cov ntawv no mas cov kws Ntawv Ntshiab hais tias zoo li yog cov Gnostics thiab cov Mas Nis tau sau cia.

TIM    1   LUB   7   HLI     2016

Thawj Hnub Rau Lis Piam Kaum Peb Nruab Xyoo C Nruab Lis Piam Xyoo II

Thawj Hnub Rau hauv lub hlis yog ib hnub uas Yes Xus tau xav kom peb ua kev thov ntuj tshwj xeeb txog nws lub Plawv Ntshiab. Yog peb leej twg muaj caij mas peb yuav tsum tau mus koom thaj Txi Ntuj thiab txais Yes Xus lub Cev los ua kev them txim txhaum. Yes Xus tau hais cov lus no rau LN Marguerite Marie Alacoque: "Vim kuv lub Plawv muaj kev khuv leej ntau puv phwj yaws,  kuv thiaj cog lus tias kuv txoj kev hlub muaj hwj huam loj tas nrho yuav pub rau cov neeg uas mus txais lub Cim Yug hauv Thawj Hnub Rau cuaj lub lub hlis sib law, lub txiaj ntsim kom tau txoj kev daws txhaum thaum kawg: lawv yuav tsis tuag nyob hauv kuv txoj kev npau taws, lawv yuav tau xub txais cov Cim thaum kawg tso; ces kuv lub Plawv yuav yog lawv qhov chaw vam khom tso siab lug thaum lawv lub caij kawg ntawd."

Los hwm LN Junipero Serra thiab

Zaj Nyeem Ib:     AM  8:   4-6, 9-12

4 Nej cov uas tsuj ntiag cov txom nyem  thiab rhuav cov pluag nyob hauv lub teb chaws, nej mloog kuv hais . 5 Nej hais tias : "Thaum twg hli xiab mam dhau kom peb tau muag peb cov qoob lau ? Thaum twg Xas Npas Tos mam dua, kom peb  tau muag peb cov nplej mov mog?  Peb yuav xuas cov kawm yau tsis txwm tawv los yeem, yuav siv thooj hlau kom hnyav tshaj, yuav kho kom peb rab teev tsis txwm choj thaum peb luj. 6 Peb yuav muab nyiaj los muas cov neeg pluag, yuav muab ib nkawm khau khiab los muas cov neeg txom nyem. Tab yog cov nplej muaj npluag ntau los peb tseem yuav sau nqe tib si."
9 HUAB TAIS Tswv Ntuj ceeb toom li no tias : “Hnub ntawd kuv yuav ua kom lub hnub poob qho thaum tav su, kuv yuav ua lub ntiaj teb tsaus ntuj nti thaum nruab hnub nrig. 10 Kuv yuav ua kom nej tej hnub nyoog lom zem hloov ua hnub nyoog tu siab, nej tej zaj kwv txhiaj yuav hloov ua tej zaj nyiav. Kuv yuav ua kom nej txhua tus npua ntaub tsaj thiab kom nej txhua tus taub hau do.  Kuv yuav ua kom muaj kev quaj kev nyiav loj npaum nkaus li thaum muaj ib tug tub twm zeej ploj; ces hnub ntawd yuav kawg rau kev txom nyem loj.” 11 Huab Tais Tswv Ntuj hais tias: Yeej yuav muaj ib lub caij uas kuv yuav xa kev tshaib kev nqhis tuaj rau lub teb chaws; tsis yog tshaib mov los nqhis dej, tiam sis yog tshaib nqhis kev mloog HUAB TAIS lo lus. 12 Lawv yuav taug kev txij ib lub hiav txwv mus rau lwm lub, txij pej fab mus rau naj fab, lawv yuav nrhiav HUAB TAIS lo lus, tab sis lawv yuav nrhiav tsis tau !

NPN     119:   2, 10, 20, 30, 40, 131

Txais:   (MT 4:4) Neeg tsis kawg muab mov xwb los yug siav xwb,
neeg tseem muab txhua lo lus tawm ntawm Tswv Ntuj lub ncauj los yug siav thiab."

Cov tau txoj hmoov zoo yog cov coj HUAB TAIS txoj cai,
yog cov nrhiav nws tas siab tas ntsws.

Txais:   (MT 4:4) Neeg tsis kawg muab mov xwb los yug siav xwb,
neeg tseem muab txhua lo lus tawm ntawm Tswv Ntuj lub ncauj los yug siav thiab.".

Kuv nrhiav koj tas siab tas ntsws,
Thov koj txhob cia kuv yuam kev mus deb koj cov lus qhia.

Txais:   (MT 4:4) Neeg tsis kawg muab mov xwb los yug siav xwb,
  neeg tseem muab txhua lo lus tawm ntawm Tswv Ntuj lub ncauj los yug siav thiab."

Kuv tus plig yuj pluj plaws nqhis txog
koj cov cai lij choj txhua lub sij hawm.

Txais:   (MT 4:4) Neeg tsis kawg muab mov xwb los yug siav xwb,
  neeg tseem muab txhua lo lus tawm ntawm Tswv Ntuj lub ncauj los yug siav thiab."

Kuv tau xaiv txoj kev npuab koj,
kuv lub siab ua raws nraim koj cov cai koj txiav.

Txais:   (MT 4:4) Neeg tsis kawg muab mov xwb los yug siav xwb,
  neeg tseem muab txhua lo lus tawm ntawm Tswv Ntuj lub ncauj los yug txoj sia thiab."

Koj ntsia saib, kuv nyiam koj cov cai lij choj tiag,
thov koj muab txoj sia rau kuv vim koj muaj kev ncaj ncees.

Txais:   (MT 4:4) Neeg tsis kawg muab mov xwb los yug siav xwb,
  neeg tseem muab txhua lo lus tawm ntawm Tswv Ntuj lub ncauj los yug siav thiab."

Kuv rua ncauj txog siav huas pa,
Vim kuv tshaib nqhis koj cov lus qhia.

Txais:   (MT 4:4) Neeg tsis kawg muab mov xwb los yug siav xwb,
  neeg tseem muab txhua lo lus tawm ntawm Tswv Ntuj lub ncauj los yug siav thiab."


As Les Lus yas:     MT  11: 28

Txais:    As les lus yas, as les lus yas.

Huab Tais hais tias: "Tas nej sawv daws uas nej khwv thiab
ris nra hnyav, nej tuaj cuag kuv, kuv yuav cia nej so los siav.

Txais:    As les lus yas, as les lus yas.

Ntawv Moo Zoo:      MT  9:  9-13

9 Thaum Yes Xus tab tom taug kev mus ntxiv dhau ntawd, nws pom ib tug neeg hu ua Mas Tais zaum ntawm lub rooj sau se. Yes Xus hais rau nws tias : "Koj raws kuv mus !" Ces tus neeg ntawd sawv tsees raws Yes Xus mus. 10 Thaum Yes Xus zaum noj mov hauv (Mas Tais) tsev, muaj ib co neeg sau se thiab ib co neeg txhaum coob tuaj nrog Yes Xus thiab cov thwj tim noj mov. 11 Cov Fas Lis Xais pom li ntawd, ces lawv hais rau cov thwj tim tias : "Vim li cas nej tus Xib Hwb nrog cov sau se thiab cov neeg txhaum noj mov ?" 12 Yes Xus hnov qhov lawv hais, nws teb tias : "Tsis yog cov neeg noj qab nyob zoo thiaj  vam txog kws kho mob, tsuas yog cov neeg muaj mob thiaj vam txog xwb. 13 Nej yuav kawm lo lus no lub ntsiab cia: 'Qhov kuv xav tau yog txoj kev khuv leej, tsis yog thaj txi Ntuj.' Vim kuv tsis yog tuaj hu cov neeg ncaj, kuv tuaj hu cov neeg txhaum."

TIM    2   LUB   7   HLI     2016

Thawj Hnub Xya Lis Piam Kaum Peb Nruab Xyoo C Nruab Lis Piam II

Hwm Niam Mab Liab

Niam Mab Liab tau tuaj hais thiab thov nyob Fatima xyoo 1917 kom cov ntseeg sawv daws ua kev thov ntuj tshwj xeeb tsib lub hlis sib law thaum txog thawj Hnub Xya hauv lub hlis.  Muaj 4 yam nyob hauv txoj kev teev ntuj tshwj xeeb ntawd uas yog peb yuav tsum ua los them txim txhaum pab lub ntiaj teb neeg vim ntiaj teb neeg tsis saib Tswv Ntuj, tsis nco nws txiaj ntsim li, thiab peb ua los thov kev thaj yeeb rau ntiaj teb neeg:  Ib peb yuav tau mus daws txhaum, yim hnub ua ntej hnub ntawd los yim hnub tom qab hnub ntawd kuj tau los yog mus tau hnub ntawd kiag haj yam zoo; Ob , peb yuav mus txais Yes Xus lub Cev rau hnub ntawd, txhais hais tias peb yuav mus koom Thaj Txi Ntuj; Peb, peb yuav hais txoj Saw Mab Liab kom thoob 5 yag hnub ntawd; Plaub, peb yuav tau nyov 15 nas this xav txog Yes Xus lub neej raws li cov txiaj ntsim hauv txoj Saw Mab Liab.

Zaj Nyeem Ib:     AM  9:   11-15

11  “Lub caij ntawd kuv yuav rov tsa Das Vis lub khaub tsev, kuv yuav rov kho nws tej phab ntsa ntuag, kuv yuav rov tsa nws tej phab ntsa uas vau tas; kuv yuav rov txhim kom rov zoo li yav thaud dua.  12 Ces lawv yuav rov mus txeeb kom tau Es Dos thiab txeeb kom tau cov kuj cuab uas thaud ris kuv lub npe.” Yog tus HUAB TAIS uas yuav ua qhov ntawd cov lus ceeb toom.
13 HUAB TAIS ceeb toom tias :  “Lub caij ntawd cov laij teb yuav mus caum cuag cov sau qoob,  cov tub txiav txiv cawv yuav caum cuag cov tseb noob. Kua txiv cawv yuav txhawv pem tej hauv roob thiab yuav ntws lug puv tej pov roob.
14 Kuv yuav rov tsa kuv haiv His Xas Lais kom sawv. Lawv yuav rov txhim tsa lawv cov tsheej uas vau tas, lawv yuav rov los nyob hauv. Lawv yuav cog cov vaj txiv cawv, lawv yuav tau cawv haus. Lawv yuav ua vaj zaub, lawv yuav tau zaub noj. 15 Kuv yuav cog kuv haiv neeg rau hauv lawv lub teb chaws, ces tsis muaj leej twg yuav tuaj rho tau lawv ntawm lub teb chaws kuv tau muab rau lawv. Yog HUAB TAIS koj tus Tswv Ntuj hais li ntawd.

NPN      85:   9AB + 10, 11-12, 13-14

Txais:    (9b) Huab Tais hais txog kev thaj yeeb rau nws haiv neeg.

Kuv mloog saib HUAB TAIS Tswv Ntuj hais dab tsi:
Yog nws foom kev thaj yeeb rau nws haiv neeg thiab cov ntseeg nws.
Nws txoj kev cawm los txog ze cov hwm nws lawm,  
Nws lub koob meej yuav tsa tsev nyob hauv peb teb chaws.
.

Txais:    (9b) Huab Tais hais txog kev thaj yeeb rau nws haiv neeg.

Kev hlub thiab kev tseeb yuav los sib ntsib,
Kev ncaj ncees thiab kev thaj yeeb los sib qawm.
Kev tseeb yuav txhawv tawm hauv ntiaj teb los,
kev ncaj ncees yuav dauv muag ntsia saum ntuj tuaj.

Txais:    (9b) Huab Tais hais txog kev thaj yeeb rau nws haiv neeg.

HUAB TAIS kiag yuav pub kev vam meej,
peb cov av yuav ntsu qoob ntsu  loo,
Kev ncaj ncees yuav mus ua Huab Tais ntej,
txoj kev cawm yuav taug nws hneev taw.

Txais:    (9b) Huab Tais hais txog kev thaj yeeb rau nws haiv neeg.

As Les Lus Yas:      ZAM  10:   27

Txais:   As les lus yas, as les lus yas.

Huab Tais hais tias: Kuv cov yaj mloog kuv lub suab,
Kuv paub lawv, lawv caum kuv qab.

Txais:   As les lus yas, as les lus yas.

Ntawv Moo Zoo:     MT  9:   14-17

14 Zam cov thwj tim tuaj cuag Yes Xus, lawv hais tias : "Peb yoo mov, cov Fas Lis Xais kuj yoo. Vim li cas koj cov thwj tim tsis yoo ?" 15 Yes Xus teb tias : “Cov qhua tuaj noj tshoob puas yuav ntoo xyom thaum nraug vauv tseem nyob? Muaj ib hnub, thaum luag coj nraug vauv lawm, mas lawv mam li yuav yoo mov. 16 Tsis muaj leej twg ntxiv ib daim ntaub tshiab rau ib lub qub tsho,vim daim ntaub ntxiv ntawd yuav rub lub qub tsho, ces haj yam ntuag loj. 17 Luag kuj tsis xuas hnab tawv qub los ntim cawv tshiab ; vim cov hnab tawv qub yuav tawg, ces cawv yuav nchuav tas, cov hnab kuj yuav puas tas. Luag thiaj muab cawv tshiab ntim hauv hnab tshiab, cov hnab thiab cov cawv thiaj yuav kav ntev.”

TIM 4 LUB 7 HLI 2016

Hnub Ob Lis Piam Kaum Plaub Nruab Xyoo C Nruab Lis Piam Xyoo II

Zaj Nyeem Ib: OS XES 2: 16, 17C-18, 21-22

Huab Tais hais tias:
16 "Kuv yuav ua kom nws rov nyiam kuv, kuv yuav coj nws mus hauv teb chaws suab puam, kuv yuav hais lus rau nws lub siab mloog. 17 Nyob ntawd, nws yuav teb kuv zoo li thaum nws tseem hluas, zoo li thaum nws tawm hauv Hais Nkws Tos teb los." 18 HUAB TAIS hais zoo li no : "Hnub ntawd, koj yuav hu kuv tias : 'Kuv tus txiv.' Koj yuav tsis hu kuv ntxiv tias : 'Kuv tus Npas Has.' 21 Kuv yuav qhaib koj rau kuv tas ib sid. Kuv yuav qhaib koj nyob hauv txoj kev ncaj thiab txoj cai, txoj kev sib nyiam sib hlub thiab txoj kev khuv leej. 22 Kuv yuav qhaib koj nyob hauv txoj kev ua siab ncaj, ces koj yuav paub HUAB TAIS."

NPN 145: 2-3, 4-5, 6-7, 8-9

Txais: (8a) HUAB TAIS muaj kev hlub mos nyoos thiab khuv leej neeg.

Kuv yuav niaj hnub cav txog koj lub koob meej,
kuv yuav cav lus zoo txog koj lub npe mus li ib txhiab ib txhis.
HUAB TAIS loj tas nrho, tsim nyog cav txog nws ;
nws loj tas nrho, neeg ntsuas tsis tau.

Txais: (8a) HUAB TAIS yog kev hlub mos nyoos thiab kev khuv leej neeg.

Sawv daws yuav qhuas txog koj tej hauj lwm txheej dhau txheej,
Lawv yuav tshaj koj txoj kev muaj hwj xyeej rau neeg paub.
Koj cov hauj lwm qhia txog koj lub hwj huam hwj chim loj ci ntsa iab,
kuv yuav hais tag hais thiab txog koj cov dej num tsim nyog qhuas.

Txais: (8a) HUAB TAIS yog kev hlub mos nyoos thiab kev khuv leej neeg.

Neeg yuav hais txog koj lub hwj huam txaus ntshai,
kuv yuav tshaj koj lub hwj huam loj kawg nkaus.
Neeg yuav cav txog koj lub siab zoo siab dav tas nrho,
thiab yuav qw ntsuag qees cav txog koj lub siab ncaj.

Txais: (8a) HUAB TAIS yog kev hlub mos nyoos thiab kev khuv leej neeg.

HUAB TAIS lub siab hlub mos nyoos thiab khuv leej neeg,
nws npau taws qeeb, nws lub siab hlub neeg tas nrho.
HUAB TAIS ua siab zoo rau txhua leej txhua tus,
nws lub siab khuv leej tas puas tsav yam nws tau tsim.

Txais: (8a) HUAB TAIS yog kev hlub mos nyoos thiab kev khuv leej neeg.

As Les Lus Yas: 2 TM 1: 10

Txais: As les lus yas, as les lus yas.

Peb tus Huab Tais Yes Xus Pleev tau rhuav txoj kev tuag lawm,
thiab nws lub Moo Zoo ua kom txoj sia ci tawm tuaj rau neeg pom.

Txais: As les lus yas, as les lus yas.

Ntawv Moo Zoo: MT 9: 18-26

18 Yes Xus tseem tab tom hais lus rau lawv, muaj ib tug nom tuaj txog, nws txhos caug ntua ntawm Yes Xus, nws thov tias : "Kuv tus ntxhais txoj sia nyuam qhuav tu. Thov koj tuaj tsa tes rau saum nws, ces nws yuav rov muaj txoj sia." 19 Yes Xus sawv los, nws lawv tus nom qab mus, nws cov thwj tim kuj mus thiab. 20 Muaj ib tug poj niam tsob ntshav tau kaum ob xyoos lawm, nws txav los ze ntawm Yes Xus nraub qaum, nws kov Yes Xus lub tw tsho. 21 Vim nws xav hauv siab tias : ‘Tsuav yog kuv kov tau nws lub tsho xwb, mas kuv yuav dim.’ 22 Yes Xus tig loo ntsia, nws pom tus poj niam, ces nws hais rau tus poj niam tias : "Tus ntxhais, koj tso siab, koj lub siab ntseeg cawm koj lawm." Tus poj niam cia li dim plaws ntawm tus mob txij ntawd los.
23 Yes Xus tuaj txog tus nom lub tsev, nws pom cov txiv raj thiab pom neeg coob ua ntxhov hnyo. Yes Xus hais tias : "Nej tawm mus. Tus me ntxhais tsis tuag, nws tsaug zog xwb." Sawv daws luag Yes Xus zom zaws. 25 Thaum cov neeg tawm nraum zoov tas, Yes Xus chaws mus hauv, nws tuav tus ntxhais txhais tes, ces tus ntxhais sawv los. 26 Ces lub moo ntawd nto mus thoob thaj tsam ntawd.

TIM 5 LUB 7 HLI 2016

HnubPeb Lis PiamKaumPlaubNruabXyoo C Nruab Lis PiamXyoo II

Hwm Ln Anthony Zaccaria, Ln Es Lis Xas Npes nyob Portugal

Zaj NYeem Ib: OS XES 8: 4-7, 11-13

HuabTais hais tias:
4 Lawv tau tsa lawv cov vaj kav His Xas Lais, tab sis lawv tsis tau nug kuv puas pom zoo tso, lawv tau tsa lawv cov tswj, tab sis lawv tsis hais kuv paub li. Lawv muab lawv tej nyiaj tej kub los nchuav ua mlom rau lawv teev, ces cov mlom ntawd yuav raug muab rhuav. 5 Xas Mas Lias, kuv tsis nyiam koj tus mlom xyuas nyuj kiag li. Kuv lub siab npau taws heev rau nws. Yuav hov ntev His Xas Lais cov tub lub siab thiaj mam muab tso tseg? 6 Nws tsuas yog kws txawj puab puab tawm los xwb, tsis yog ib tug tswv ntuj . Qhov tseeb, tus xyuas nyuj Xas Mas Lias yuav raug hluav taws hlawv ua hmoov tas. 7 Lawv tseb cua, lawv yuav sau cua daj cua dub. Lawv cov nplej yuav tsis txhawv hnab nplej; cov hnab nplej yuav tsis qoos tsis muaj hmoov nplej. Yog qoos, cov pej kum neeg yuav tuaj noj tas.
11 Cov Es Fais tau tsa ntau lub thaj txi Ntuj los daws kev txhaum. Tab sis lawv tsuas siv cov thaj ntawd los ua txhaum xwb. 12 Kuv sau ntau lo lus qhia rau lawv coj, tab sis lawv saib zoo li yog ib tug pej kum neeg tej lus xwb. 13 Lawv nyiam tua tsiaj txi Ntuj, kom lawv yeej meem txi! Lawv nqhis nqaij, kom lawv yeej meem noj ! HUAB TAIS tsis txaus siab txais tej ntawd. Txij no mus, HUAB TAIS yuav nco ntsoov lawv cov txhaum, nws yuav rau txim rau lawv, lawv yuav rovq ab mus nyob Hais Nkws Tos teb dua.

NPN 115:3-4, 5-6, 7AB-8, 9-10

Txais: (9a) His Xas Lais tsev neeg tso siab rau Huab tais.

Peb tus Tswv Ntuj nyob txheej ntuj saud ;
Nws xav ua dab tsi, nws ua tau tas.
Lawv cov dab yog mlom nyiaj mlom kub,
Yog neeg ob txhais tes puab tawm los.

Txais: (9a) His Xas Lais tsev neeg tso siab rau Huab tais..

Lawv muaj qhov ncauj, tab sis tsis txawj hais lus ;
Lawv muaj qhov muag, tab sis tsis pom kev.
Lawv muaj pob ntseg, tab sis lawv tsis hnov lus ;
Lawv muaj qhov ntswg, tab sis tsis hnov ntxhiab ;

Txais: (9a) His Xas Lais tsev neeg tso siab rau Huab tais.

Lawv muaj ob txhais tes, tab sis tsis txawj kov dab tsi ;
Lawv muaj ob txhais taw, tab sis tsis txawj mus kev ;
Cov neeg puab lawv los yuav zoo ib yam li lawv,
Cov tso siab rau lawv kuj yuav zoo ib yam li ntawd.

Txais: (9a) His Xas Lais tsev neeg tso siab rau Huab tais.

His Xas Lais tsev neeg, nej tso siab rau Huab Tais,
Nws yog tus tuaj pab peb tus tuaj thaiv peb.
As loos tsev neeg, nej tso siab rau Huab Tais,
Nws yog tus tuaj pab peb tus tuaj thaiv peb.

Txais: (9a) His Xas Lais tsev neeg tso siab rau Huab tais.

As Les Lus yas: JN 10:14

Txais: As les lus yas, as les lus yas.

Huab Tais hais tias: Kuv yog tus zoo tswv zov yaj;
kuv paub kuv cov yaj, cov uas yog kuv li paub kuv.

Txais: As les lus yas, as les lus yas.

Ntawv Moo Zoo: MT 9: 32-38

32 Lawv nyuam qhuav tawm mus xwb, luag twb coj ib tug neeg tsis txawj hais lus tuaj cuag Yes Xus, vim nws raug ib tug dab phem. 33 Yes Xus ntiab tus dab, ces tus neeg cia li hais lus tau. Tas tsoom sid qhuaskawg, lawv hais tias : "Tsis tau pom dua tej yam zoo li ntawd nyob hauv haiv His Xas Lais ib zaug li." 34 Tab sis cov Fas Lis Xais hais tias : "Nws hu tusTuamThawj dab tuaj ntiab dab."
35 Yes Xus mus ncig txhua cov nroog thiab cov zos huv si, nws qhia sawv daws nyob hauv cov tsev txoos, nws tshaj lub Moo Zoo txog Ntuj lub Ceeb Tsheej, nws tseem kho sawv daws tej txiab xeeb thiab tej mob nkeeg tas huv si. 36 Yes Xus pom tsoom tej pab neeg coob, nws hlub lawv, vim sawv daws muaj kev nyuaj thiab tsis muaj tus pab, lawv zoo li ib co yaj tsis muaj tsw zov. 37 Yes Xus thiaj hais rau nws cov thwj tim tias : "Qoob loo ntau kawg, tab sis cov tub zog tsawg. 38 Nej thov tus Tswv qoob kom nws xa ib co tub zog tuaj sau nws cov qoob."

TIM 6 LUB 7 HLI 2016

Hnub Plaub Lis Piam Kaum Plaub Nruab Xyoo C

Hwm Ln Maria Goretti, tuag ua tim khawv txog kev ua neeg dawb huv

Zaj Nyeem Ib: OS XES 10: 1-3, 7-8, 12

1 His Xas Lais yog ib tsob hmab txiv cawv txi txiv ncw ncw. Lawv yim txi txiv ntau, lawv yim txhim thaj txi dab ntau tuaj. Lawv lub teb chaws yim npluaj nuj tuaj, lawv yim tsa ncej teev dab ntau ntxiv. 2 Lawv muaj ob lub siab, li ntawd mas lawv yuav tsum them txim txhaum. Huab Tais yuav muab lawv tej thaj txi dab ntxeev, yuav rho lawv tej ncej teev dab pov tseg. 3 Ces lawv yuav hais tias: "Peb tsis muaj vaj lawm, vim peb tsis tau hwm HUAB TAIS. Tiam sis txawm tus vaj kiag los nws yuav ua tau dab tsi pab peb?"
7 Tsis muaj Xas Mas Lias teb ntxiv. Tus vaj yuav raug cab mus zoo xws ib tug quav nplej ntab saum nplaim dej. 8 Cov chaw teev mlom saum tej ncov roob yog His Xas Lais chaw ua txhaum. Luag yuav tuaj muab rhuav pov tseg. Pos thiab nrhab yuav hlob tuaj laum lawv cov thaj txi dab. Lawv yuav hais rau cov hauv toj tias: "Nej los vov peb mas !" thiab rau cov hauv pes tias: "Nej vau los rau saum peb mas !"
12 Nej kav tsij tseb noob raws kev ncaj ncees, thiab kav tsij sau cov qoob raws kev hwm Ntuj; nej cia li mus luaj dua teb tshiab vim txog caij nej nrhiav HUAB TAIS lawm, mus txog hnub nws ywg txoj kev ncaj los rau saum nej.

NPN 105: 2-3, 4-5, 6-7

Txais: (4b) Nej yuav nrhiav Huab Tais lub ntsej muag mus li.

Nej hu nkauj rau nws, nej ntaus suab paj nruag cav txog nws,
nej tshaj tawm txog tej yam loj nws tau ua.
Nej txais koob meej nyob hauv nws lub npe,
nej cia li zoo siab, nej cov uas muaj lub siab nrhiav HUAB TAIS!

Txais: (4b) Nej yuav nrhiav Huab Tais lub ntsej muag mus li.

Nej nrhiav Huab Tais thiab nws lub zog,
nej nrhiav nws lub ntsej muag mus li.
Nej nco ntsoov txog cov hwj huam txaus qhuas nws tau ua,
nws cov hauj lwm loj, thiab cov lus txiav txim nws lub ncauj tau hais.

Txais: (4b) Nej yuav nrhiav Huab Tais lub ntsej muag mus li.

Nej yog Has Nplas Has tsoom xeeb ntxwv, nws cov tub txib,
yog Yas Kos cov tub, nws pab neeg nws tau xaiv!
Huab Tais nws yog peb tus Tswv Ntuj,
tas ntiaj teb yuav raws nws txiav.

Txais: (4b) Nej yuav nrhiav Huab Tais lub ntsej muag mus li.

As Les Lus Yas: MK 1: 15

Txais: As les lus yas, as les lus yas.

Tswv Ntuj lub Ceeb Tsheej nyob ze lawm:
Nej cia li thov txhaum thiab ntseeg lub Moo Zoo.

Txais: As les lus yas, as les lus yas.

Ntawv Moo Zoo: MT 10: 1-7

1 Yes Xus hu nws kaum ob leeg thwj tim los ntawm nws, nws muab lub hwj huam ntiab tau cov dab tsis huv tawm thiab kho tau txhua yam kev mob nkeeg kev txiab xeeb kom zoo hlo rau lawv. 2 Kaum ob leeg Hauv Paus Xa Lus muaj npe li no : 3 Tus ib, Xis Moos uas tseem hu ua Pob Zeb, ces As Nres, Xis Moos tus kwv, Yas Kos, Ntxes Npes Dais tub, Zam, Yas Kos tus kwv, Fis Lis Pos thiab Npas Tos Los Mas Yos, Tos Mas thiab Mas Tais, tus sau se, Yas Kos, uas yog As Fas Yos tub, tiab Thas Dais Yos, 4 Xis Moos tus Ntxes Los, thiab Yus Das Kas Lis Yaus tus muab Yes Xus muag rau luag. 5 Yes Xus xa kaum ob leeg no mus tshaj lub Moo Zoo, nws qhia lawv tias :
"Nej tsis txhob mus cuag cov neeg teev dab, txhob mus hauv ib lub nroog Xas Mas Lias li. 6 Nej mus cuag cov yaj ploj hauv haiv His Xas Lais tso. 7 Thaum nej taug kev, nej ceeb toom tias: ‘Ntuj lub Ceeb Tsheej tuaj txog ze lawm.’”

TIM 7 LUB 7 HLI 2016

Hnub Tsib Lis Piam Kaum Plaub Nruab Xyoo C Nruab Lis Piam Xyoo II

Zaj Nyeem Ib: OS XES 11: 1-4, 8E-9

Huab Tais hais tias:
1 Thaum His Xas Lais tseem yog ib tug me nyuam kuv twb nyiam nws lawm, kuv tau hu kuv tus tub khuam nyob Hais Nkws Tos teb kom los.
2 Tab sis kuv yim hu lawv mas lawv yim txav mus deb kuv. Lawv txi cov dab Npas Has, lawv hlawv xyab rau cov mlom dab.
3 Hos kuv yog tus uas tau hwj Es Fais xyaum mus kev, kuv tuav lawv txhais npab; lawv tsis to taub tias kuv saib xyuas lawv.
4 Kuv xuas ib co hlua tib neeg cab lawv mus, yog ib co hlua muaj kev hlub. Kuv tu lawv zoo li ib leeg niam nqa hlo nws tus me nyuam los npuab nws sab plhu. Kuv khoov cev mus rau lawv pub mov rau lawv noj.

8e Kuv lub siab lub plawv ntxeev tas nphau tas, kuv tej plab plaw qaub tas.
9 Kuv yuav tsis tso kuv lub siab npau taws, kuv yuav tsis rhuav Es Fais dua ntxiv; vim kuv yog Tswv Ntuj, kuv tsis yog tib neeg; kuv yog tus Ntshiab nyob nruab nrab hauv nej, kuv yuav tsis cia cov nplaim taws tuaj rhuav nej pov tseg.

NPN 80: 2AC + 3B, 15-16

Txais: (4b) Huab Tais, cia peb pom koj lub ntsej muag ces peb yuav tau txais kev cawm.

His Xas Lais tus tswv zov yaj e, thov cuab pob ntseg mloog.
Koj zaum saum cov tshiab kes lus npis, thov koj ci ntsa tuaj.
Koj tsa koj lub hwj huam kom tsim dheev.

Txais: (4b) Huab Tais, cia peb pom koj lub ntsej muag ces peb yuav tau txais kev cawm.

HUAB TAIS kav ib tsoom tshiab,
thov koj rov dauv muag dua ntsia saum ntuj los.
Thov koj los tu tsob txiv cawv no,
thov koj txuag yam uas koj txhais tes xis tau cog,
neeg tus tub uas koj tau ua kom muaj zog.

Txais: (4b) Huab Tais, cia peb pom koj lub ntsej muag ces peb yuav tau txais kev cawm.

As Les Lus yas: MK 1: 15

Txais: As les lus yas, as les lus yas.

Tswv Ntuj lub Ceeb Tsheej nyob ze lawm,
Nej cia li lees txhaum thiab ntseeg lub Moo Zoo.

Txais: As les lus yas, as les lus yas.

Ntawv Moo Zoo: MT 10: 7-15

Yes Xus hais tias:
7 “Thaum nej taug kev, nej ceeb toom tias: ‘Ntuj lub Ceeb Tsheej tuaj txog ze lawm.’ 8 Nej kho cov muaj mob kom zoo, nej tsa cov tuag kom ciaj rov los, nej kho cov mob ruas kom huv tuaj, nej ntiab dab kom khiav tawm. Nej tau txais dawb, nej rov pub dawb.
9 Nej txhob muab kub, muab nyiaj, los xim nyiaj qhwv rau hauv duav siv.
10 Txhob ris hnab taug kev, txhob nqa ob lub tsho, txhob nqa khau los nrig pas : vim tias tus tub zog tsim nyog txais nws pluas mov los noj.
11 Nej mus hauv lub nroog los lub zos twg, nej nug kom tau ib tug neeg muaj meej mom, nej nyob hauv nws tsev mus txog hnub nej rov qab.
12 Thaum nej chaws mus hauv ib lub tsev, nej foom key kaj lug rau lub tsev ntawd.
13 Yog lub tsev ntawd tsim nyog txais, mas nej txoj key kaj lug yuav nqes los nyob hauv lawv. Yog lub tsev ntawd tsis tsim nyog txais, ces nej txoj key kaj lug yuav rov los roos nej.
14 Yog leej twg tsis txais nej, thiab tsis mloog nej cov lus, nej cia li tawm hauv lub tsev ntawd los lub nroog ntawd mus. Nej yuav nchos cov plus av lo nej ko taw pov tseg.
15 Kuv hais tseeb rau nej : Txog Hnub Txiav Txim, teb chaws Xos Dos Mas thiab Nkos Mos Las yuav raug txim hnyav tsis cuag li lub nroog ntawd.”

TIM 8 LUB 7 HLI 2016

Hnub Rau Lis Piam Kaum Plaub Bruab Xyoo C Nruab Lis Piam Xyoo II

Zaj Nyeem Ib: OS XES 14: 2-10

Huab Tais hais tias:
2 Cov His Xas Lais, nej rov qab los cuag HUAB TAIS nej tus Tswv Ntuj mas ! Nej tau ua txhaum, nej thiaj ntog.
3 Nej npaj ib co lus ces nej yuav rov mus cuag HUAB TAIS; nej yuav hais rau nws tias : "Thov koj tshem peb cov txhaum pov tseg, koj tsuas saib qhov zoo nyob hauv peb xwb. Peb yuav tsis muab heev nyuj txi rau koj, peb yuav muab peb di ncauj rau koj.
4 As Xws yuav cawm tsis tau peb. Peb yuav tsis caij nees ntxiv, peb yuav tsis hais rau cov mlom uas yog peb txhais tes ua tias : ‘Peb tus Tswv Ntuj !’ Vim tsuas yog nyob ze ntawm koj xwb tus me nyuam ntsuag thiaj tau txais kev hlub."
5 Ces HUAB TAIS hais tias : "Kuv yuav kho lawv txoj kev ntxeev siab kom lawv zoo hlo. Kuv yuav hlub lawv tas siab tas ntsws, vim kuv tsis npau taws rau lawv ntxiv.
6 Kuv yuav zoo li ib co dej lwg los ywg His Xas Lais, lawv yuav tawg paj zoo li lub paj lis, lawv yuav nrhau cag tob xws li cov ntoo ciab nyob Lis Npaas.
7 Lawv yuav hlav kaus ncau mus deb, lawv yuav zoo saib xws li ib co txiv ntoo roj, yuav tsw qab xws li cov ntoo ciab Lis Npaas.
8 Lawv yuav rov los zaum hauv kuv qhov ntxoov ntxoo. Lawv yuav cog qoob cog loo; lawv yuav tawg paj xws li cov hmab txiv cawv thiab yuav nto moo xws li cov cawv nyob Lis Npaas.
9 Es Fais puas tseem muaj kev yuav mus teev mlom ntxiv? Kuv yog tus mloog lawv tej lus thov, kuv saib xyuas lawv. Kuv zoo puav tam li ib tug ntoo thuv ntsuab mus li. Yog vim muaj kuv, lawv, thiaj txi txiv tau.
10 Tus neeg thoob tsib yuav txawj to taub txog tej yam no, tus neeg ntse yuav paub zoo txog. HUAB TAIS txoj kev yog kev ncaj, cov neeg siab ncaj taug nws txoj kev, hos cov neeg txhaum ntog hauv txoj kev ntawd."

NPN 51: 3-4, 8-9, 12-13, 14 + 17

Txais: (17b) Kuv lub ncauj yuav tshaj txog koj lub koob meej.

Tswv Ntuj, thov koj khuv leej kuv, vim koj lub siab zoo;
thov koj so kuv qhov txhaum pov tseg, vim koj kev hlub loj tas nrho.
Thov koj ntxuav kuv lub txim pov tseg,
thiab koj muab kuv qhov txhaum tshem mus.

Txais: (17b) Kuv lub ncauj yuav tshaj txog koj lub koob meej.

Koj nyiam ib lub siab tsis muaj kev dag,
koj qhia kev thoob tsib rau kuv puag hauv kuv nruab siab
Koj muab his xos ntxuav kuv qhov txhaum ces kuv yuav huv tuaj;
Koj ntxuav kuv mas kuv yuav dawb dua daus.

Txais: (17b) Kuv lub ncauj yuav tshaj txog koj lub koob meej.

Tswv Ntuj, thov koj tsim ib lub siab huv lis si rau kuv,
thiab rov muab ib lub tswv yim nyob ruaj nreb rau kuv.
Koj tsis txhob muab kuv ntiab mus deb ntawm koj,
thiab txhob rho koj leej Tswv Yim Ntshiab tawm ntawm kuv mus.

Txais: (17b) Kuv lub ncauj yuav tshaj txog koj lub koob meej.

Thov koj pub kom kuv rov zoo siab nyob hauv koj txoj kev cawm
thiab ua kom kuv muaj ib lub tswv yim xav mloog koj.
HUAB TAIS, thov qhib kuv di ncauj,
ces kuv lub ncauj yuav tshaj koj lub koob meej.

Txais: (17b) Kuv lub ncauj yuav tshaj txog koj lub koob meej.

As Les Lus yas: ZAM 16: 13A; 14: 26D

RTxais: As les lus yas, as les lus yas.

Thaum Leej Tswv Yim qhia qhov tseeb tuaj txog,
Nws yuav coj nej mus rau qhov tseeb tas huv si
Thiab yuav pab kom nej rov nco txog txhua yam kuv hais rau nej.

Ntawv Moo Zoo: MT 10:16-23

16 Kuv xa nej xws li ib co yaj mus nyob hauv nruab nrab ib co hma. Mas nej ua neeg xyuam xim xws li nab, ua siab dawb xws li nquab." 17 Nej ceev faj txog neeg : lawv yuav mus kom nej rau cov rooj txwj laus txiav txim, lawv yuav nplawm nej hauv cov tsev txoos. 18 Luag yuav coj nej mus rau cov nom thiab cov vaj vim kuv, kom nej tau ua tim khawv txog kuv nyob ntawm cov nom tswv thiab cov teev pej kum dab xub ntiag. 19 Thaum luag ntes nej, mas nej tsis txhob txhawj tias yuav hais li cas thiab yuav teb dab tsi. Thaum txog sij hawm teb, Ntuj yuav muab cov lus teb rau nej. 20 Li ntawd, yuav tsis yog nej hais lus, yog nej Txiv tus Ntsuj Plig yuav hais tawm hauv nej los.
21 "Tus tij yuav muab tus kwv muag rau luag tua, leej txiv yuav mus kom nws tus me nyuam rau luag. Tej me nyuam yuav sawv tiv niam thiab txiv, thiab yuav muab nkawd rau luag tua. 22 Sawv daws yuav ntxub nej vim kuv lub npe. Tab sis, tus twg ua siab ntev nyiaj mus txog qhov kawg, mas nws yuav txais kev cawm.
23 "Yog luag caum nej hauv lub nroog no, mas nej khiav mus rau lwm lub. Yog luag tseem caum nej hauv lub nroog ntawd thiab, nej yuav khiav rau lwm lub nroog dua ntxiv. Kuv hais tseeb rau nej, thaum Neeg Leej Tub los txog, nej tseem khiav tsis tau ncig txhua cov nroog hauv His Xas Lais teb.