Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II, 2015-2016

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 22nd January 2016, 1:45 pm

    TIM 23 LUB 1 HLIS 2016

    Hnub Xya Lis Piam Ob Nruab Xyoo C Nruab Lis Piam Xyoo II
    Hwm LN Vincent, LN Marianne Cope, thiab Niam Mab Liab

    Zaj Nyeem IB: 2 XM 1: 1-4, 11-12, 19, 23-27


    1 Thaum Xas Ws tuag tas, Das Vis mus tua yeej cov As Mas Les rov los txog, nws los nyob Xis Las ob hnub. 2 Hnub peb, ib tug neeg khiav ntawm Xas Ws lub yeej los. Nws cov khaub ncaws ntuag tas, nws taub hau paug hmoov av tas. Thaum nws los txog ntawm Das Vis, nws txhos caug ntua hauv av pe Das Vis. 3 Das Vis hais rau nws tias : "Koj tuaj qhov twg tuaj?" Nws teb tias : "Kuv khiav dim ntawm lub yeej His Xas Lais los." 4 Das Vis nug tias : "Ua cas lawm ? Koj qhia kuv saib!" Tus khiav los teb tias : "Tsoom pej xeem khiav tas tso tsam rog tseg. Muaj coob leej kawg tau ntog thiab tuag lawm. Xas Ws thiab nws tus tub Yos Nas Thas kuj tuag huv tib si lawm."
    11 Ces Das Vis dua rhe nws lub tsho. Cov neeg nrog nws lawv kuj dua lawv tej tsho. 12 Sawv daws nyiav, sawv daws quaj thiab yoo mov mus txog tsaus ntuj. Lawv quaj Xas Ws thiab nws tus tub Yos Nas Thas. Lawv quaj txog HUAB TAIS haiv neeg thiab txog cov His Xas Lais uas tau raug hniav ntaj tua:
    19 "Tu siab ua luaj! His Xas Lais lub koob meej,
    nyob lwj ntsuav saum koj cov roob !
    Cas cov tub rog thiaj vau tas lawm?
    23 Xas Ws thiab Yos Nas Thas, ob tug peb hlub peb tshua,
    nkawd ua neej tsis muaj sib cais, nkawd tuag los tuag ua ke nraim.
    Nkawd nrawm dua dav ya, muaj zog dua tsov.
    24 Cov poj niam His Xas Lais, nej yuav tsum nyiav Xas Ws,
    nws yog tus muab ntaub tsuj ntaub npuag rau nej hnav,
    tus dai lias nyiaj lias kub rau nej tej tsoos tsho.
    25 Ua cas cov tub rog thiaj tuag thaum tsam rog tab tom kub tshaj?
    Yos Nas Thas ntog nyob saum koj cov nco roob!
    26 Kuv mob siab vim koj, kuv tus kwv Yos Nas Thas !
    Koj yog tus kuv hlub tshua dua ntais;
    Koj txoj kev hlub tseem zoo tshaj ib tug poj niam kev hlub.
    27 Vim li cas cov tub rog thiaj ntog tas ,
    cov ntaj cov hmuv ua rog thiaj puas tas?"

    NPN 80: 2-3, 5-7

    Txais: (4b) Huab Tais, cia koj lub ntsej muag ci tuaj,
    ces peb yuav txais kev cawm.

    Tswv zov His Xas Lais, thov koj mloog,
    Koj yog tus coj Yos Xes xws li coj ib pab yaj,
    Koj yog tus zaum saum cov Tshiab Kes Lus Npis, cia li ci ntsa iab
    tuaj rau Es Fais, Npes Yas Mis thiab Mas Nas Xes hauv ntej.
    Tsa koj lub peev xwm kom tsim dheev,
    koj cia li tuaj cawm peb.

    Txais: (4b) Huab Tais, cia koj lub ntsej muag ci tuaj,
    ces peb yuav txais kev cawm.


    HUAB TAIS muaj hwj huam tas nrho, koj yuav npau taws hov ntev
    rau koj haiv neeg uas thov koj?
    Koj tau cia lawv noj mov ntxuag kua muag,
    Thiab cia lawv haus dej kua muag ntau heev lawm.
    Koj cia cov nyob ze peb sib nug txog peb,
    Thiab cia peb cov yeeb ncuab tau kev luag peb.

    Txais: (4b) Huab Tais, cia koj lub ntsej muag ci tuaj,
    ces peb yuav txais kev cawm.


    As Les Lus Yas: HAUJ LWM 16: 14B

    Txais: As les lus yas, as les lus yas.

    Huab Tais, thov koj qhib peb lub siab
    kom peb mloog koj leej Tub cov lus.

    Txais: As les lus yas, as les lus yas.

    Ntawv Moo Zoo: MK 3: 20-21

    20 Yes Xus los tsev, ces rov muaj neeg coob coob tuaj sib sau,
    Yes Xus lawv tsis xyeej noj mov li.
    21 Yes Xus cov neeg hnov li ntawd, lawv tawm tuaj ntes nws,
    vim lawv hais tias : "Nws tsis meej pem lawm."



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 24th January 2016, 12:29 pm

    TIM 25 LUB 1 HLIS 2016

    Hnub Ob Lis Piam Peb Caij Nruab Xyoo C Nruab Lis Piam Xyoo II
    Nco txog Hnub Yes Xus Hu LN Paj Lug Tig Los Ntseeg

    Zaj Nyeem Ib: HAUJ LWM 22: 3-16


    Paj Lug hais rau cov neeg li no:
    3 "Kuv yog ib tug Yus Das. Kuv yug los nyob Tas Xis nyob Xis Lis Xias teb. Tab sis kuv tuaj hlob nyob hauv lub tsheej no. Nkas Mas Lias yog kuv tus xib hwb, nws qhia kuv kom ua raws nraim peb cov yawg koob Txoj Cai. Mas kuv yeej kub siab kawm txog Tswv Ntuj ib yam li nej nyem no. 4 Kuv hiam cov neeg uas coj Txoj Kev ntawd txog qhov tuag. Kuv tau muab saw hlau los khi poj niam txiv neej huv tib si, thiab coj lawv mus pov rau hauv tsev loj faj. 5 Tus thawj leej choj thiab pab txwj laus tib si puav leej ua tim khawv pom kuv tau ua li ntawd tiag. Kuv tseem tau txais lawv ib co ntawv hais txog cov kwv tij nyob Das Mas thiab. Ces kuv thiaj sawv kev mus Das Mas. Kuv npaj siab mus khi cov nyob Das Mas coj los rau txim nyob Yes Lus Xas Les. 6 Kuv tseem tab tom mus kev, tshuav tsis deb yuav txog Das Mas, thaum ntawd twb yuav tav su, cia li muaj ib qho pom kev ci dawb paug loj loj tuaj saum ntuj tuaj vij kuv. 7 Kuv poob nthav pem teb, kuv hnov ib lub suab hais rau kuv tias : 'Xauv, Xauv, vim li cas koj hiam kuv ?' 8 Kuv teb tias : 'Huab Tais, koj yog leej twg ?' Ces lub suab ntawd teb kuv tias : 'Kuv yog tus Yes Xus Nas Xas Les uas koj hiam.' 9 Cov neeg nrog kuv kuj pom qhov pom kev ci dawb loj loj thiab, tab sis lawv tsis hnov lub suab hais lus rau kuv. 10 Kuv hais ntxiv tias : 'Huab Tais, kuv yuav ua dab tsi ?' Huab Tais thiaj hais rau kuv tias : 'Koj sawv, koj mus Das Mas. Mus txog tod, mas lawv mam qhia tias koj yuav ua dab tsi.' 11 Thaum ntawd kuv tsis pom kev kiag li, vim qhov pom kev ci fam kuv qhov muag. Kuv cov phooj ywg thiaj tuav kuv tes, coj kuv mus txog Das Mas. 12 Nyob Das Mas muaj ib tug hu ua As Nas Nias, nws yog ib tug neeg hwm Ntuj zoo raws li Txoj Cai. Cov Yus Das nyob hauv lub tsheej ntawd sawv daws hais lus zoo txog nws. 13 Nws tuaj xyuas kuv. Thaum nws tuaj txog mas nws hais rau kuv tias : 'Xauv, kuv tus kwv, koj rov pom kev mog.' Kuv cia li pom nws tam sim ntawd. 14 Nws hais ntxiv tias : 'Peb cov yawg koob tus Tswv Ntuj yeej ib txwm xaiv koj lawm, kom koj paub nws lub siab, kom koj pom tus siab ncaj, thiab kom koj hnov lub suab tawm hauv nws lub ncauj los. 15 Vim tias koj yuav ua nws tim khawv nyob ntawm zeej tsoom xub ntiag. Koj yuav ua tim khawv txog tej yam koj tau pom tau hnov. 16 Ua li mas koj tseem yuav tos dab tsi ntxiv ? Koj kav tsij txais lub cim ntxuav thiab koj hu txog nws lub npe kom nws ntxuav koj cov txhaum.'

    Los: HAUJ LWM 9: 1-22

    1 Hais txog Xauv, mas nws yeej niaj hnub xyu, xav ntsoov txog qhov hem thiab tua Huab Tais cov thwj tim. Nws mus cuag tus thawj leej choj. 2 Nws thov kom tus thawj leej choj muab ntawv tso cai rau nws mus xyuas hauv cov tsev txoos nyob Das Mas saib puas muaj cov neeg npuab Txoj Kev. Yog muaj, mas nws muab lawv khi cab mus pem Yes Lus Xas Les, tsis hais poj niam los txiv neej . 3 Thaum nws tab tom mus kev, yuav txog Das Mas, ces ib sij huam, muaj ib qho pom kev ci dawb vog tuaj saum ntuj tuaj ncig nws. 4 Nws ntog rau pem teb. Nws hnov ib lub suab hais rau nws tias : "Xauv, Xauv, tim li cas koj hiam kuv ?" 5 Xauv teb hais tias : "Huab Tais, koj yog leej twg ?" Lub suab ntawd hais tias : "Kuv yog Yes Xus, tus uas koj hiam. 6 Koj sawv, koj mus hauv lub nroog. Yuav muaj neeg qhia koj tias yuav ua dab tsi." 7 Cov neeg nrog Xauv ua ke mus kev sawv daws nres. Lawv ntshai ntshai hais tsis taus ib lo lus : lawv kuj hnov lub suab meej, tab sis lawv tsis pom dab tsi. 8 Xauv sawv hauv av los, nws qhov muag rua pliav, tab sis nws tsis pom kev li. Lawv tuav nws tes coj nws mus hauv lub nroog Das Mas. 9 Nws nyob peb hnub, tsis pom kev, tsis noj tsis haus dab tsi li. 10 Nyob Das Mas, muaj ib tug thwj tim hu ua As Nas Nias. Huab Tais yees tawm los hais rau nws tias : "As Nas Nias." As Nas Nias teb tias : "Huab Tais, kuv nyob ntawm no." 11 Huab Tais hais ntxiv tias : "Koj sawv, koj mus tom txoj kev uas hu ua Kev Ncaj, koj mus hauv Yus Das tsev, koj nrhiav ib tug neeg hu ua Xauv nyob Tas Xis tuaj. Tam sim no nws tab tom teev Ntuj. 12 Nws pom ib tug txiv neej hu ua As Nas Nias chaws los tsa tes rau saum nws kom nws rov pom kev tuaj." 13 As Nas Nias teb tias : "Huab Tais, kuv tau hnov ntau leej hais tias tus neeg ntawd ua phem kawg rau koj cov Ntshiab nyob Yes Lus Xas Les. 14 Nws tuaj ntawm no, vim nws tau cai ntawm cov leej choj tuaj khi cov neeg uas hu txog koj lub npe tas huv tib si." 15 Tab sis Huab Tais hais rau As Nas Nias hais tias : "Koj mus mog, vim tus neeg ntawd yog ib rab twj uas kuv xaiv los coj kuv lub Npe mus rau cov neeg teev dab, rau cov vaj, thiab rau cov tub His Xas Lais. 16 Kuv yuav qhia nws tias nws yuav tsum raug tsim txom npaum li cas vim kuv lub Npe." 17 As Nas Nias thiaj mus. Nws chaws mus hauv lub tsev ntawd. Nws tsa tes rau saum Xauv, nws hais tias : "Xauv, kuv tus kwv, yog Huab Tais xa kuv tuaj, yog tus Yes Xus uas tau tawm los rau koj pom tom txoj kev uas koj tuaj. Nws xa kuv tuaj kom koj rov qab pom kev, thiab kom koj tau txais Leej Ntuj Plig Ntshiab puv hauv koj.” 18 Tam sim ntawd muaj tej daim zoo li nplai ntses poob ntawm Xauv qhov muag los, ces nws rov qab pom kev. Lawv ua lub cim ntxuav rau nws Tam sim ntawd. 19 Ces nws noj mov, nws rov qab muaj zog. Xauv nrog cov thwj tim nyob ob peb hnub hauv Das Mas. 20 Ces ib sij huam nws cia li mus nyob hauv cov tsev Txoos, nws qhia tias Yes Xus yog Tswv Ntuj Leej Tub. 21 Tas tsoom neeg uas tau hnov nws, mas lawv poob siab. Lawv hais tias : "Tus no tsis yog tus uas nyob Yes Lus Xas Les, nws hiam cov neeg hu txog lub Npe ntawd lod ? Puas yog nws txhob txwm tuaj ntawm no kom tau ntes cov neeg ntseeg, muab lawv khi, thiab cab lawv mus rau cov Thawj Leej Choj ?" 22 Hos Xauv, mas nws muaj zog zuj zus tuaj. Nws nrog cov Yus Das nyob Das Mas sib cav, nws ua pov thawj hais tias Yes Xus yog Leej Pleev tiag.

    NPN 117: 1BC, 2

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    Tas ib tsoom kuj cuab, nej cav lus zoo txog HUAB TAIS.
    Tas ib tsoom haiv neeg, nej cav txog nws lub hwj chim.

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    Vim nws lub siab hlub peb nyob ruaj nreb,
    HUAB TAIS lub siab pheej xeeb mus ib txhiab ib txhis.

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: Kuv yog tus xaiv nej hauv lub ntiaj teb los
    thiab xa nej mus kom nej txi ib co txiv uas yuav nyob mus li.

    Txais: As les lus yas, as les lus yas.

    Ntawv Moo Zoo: MK 16: 15-18

    15 Yes Xus hais rau lawv tias : "Nej mus thoob qab ntuj, nej tshaj lub Moo Zoo rau txhua leej txhua tus. 16 Tus twg ntseeg thiab txais lub cim ntxuav, mas Ntuj yuav cawm nws, hos tus tsis ntseeg yuav raug txim. 17 Cov cim no yuav nrog nraim cov uas yuav ntseeg : lawv hu txog kuv lub npe, lawv yuav ntiab dab tau, lawv yuav hais ib co lus tshiab, 18 lawv yuav tuav nab tau, yog lawv haus tshuaj lom neeg, tshuaj yuav tsis ua xwv txheej rau lawv, thaum lawv tsa tes rau saum cov neeg mob, mas cov mob yuav zoo."




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 25th January 2016, 7:12 am

    TIM 26 LUB 1 HLIS 2016

    Hnub Peb Lis Piam Peb Caij Nruab Xyoo C Nruab Lis Piam Xyoo II
    Hwm LN Timothy thiab Titus, ob tug Tswv Qhia

    Zaj Nyeem Ib: 2 TMT 1: 1-8

    1 Kuv, Paj Lug, uas yog Yes Xus Pleev tus Hauv Paus Xa Lus, vim Tswv Ntuj xav kom muaj li ntawd, kom kuv tau tshaj tias Tswv Ntuj cog lus yuav pub txoj sia uas nyob hauv Yes Xus Pleev, 2 kuv sau ntawv tuaj rau Tis Mos Tes, kuv tus tub zoo nyiam. Thov kom Leej Txiv Tswv Ntuj, thiab peb tus Huab Tais Yes Xus Pleev khuv leej koj, pub txiaj ntsim thiab kev thaj yeeb rau koj. 3 Kuv ua tus Tswv Ntuj uas kuv tsob hwb tsaug raws li kuv cov poj yawm ib txwm ua los, kuv muaj lub siab dawb paug nruab hnub hmo ntuj nco txog koj tsis tseg thaum lub caij kuv teev ntuj. 4 Thaum kuv nco txog koj cov kua muag, mas kuv lub siab kub lug xav pom koj, kom kuv rov zoo siab. 5 Kuv nco txog txoj kev ntseeg ncaj ncees, uas nyob hauv koj. Yog txoj kev ntseeg uas tau xub nyob hauv koj pog Laus Is, thiab nyob hauv koj niam Aws Nis Kes. Kuv tso siab lug tias txoj kev ntseeg ntawd nyob hauv koj thiab. 6 Yog vim li ntawd, kuv thov ntuas koj, kom koj rov tsa lub txiaj ntsim uas Tswv Ntuj tso rau hauv koj hnub kuv tiag tes rau koj kom sawv. 7 Lub tswv yim uas Tswv Ntuj pub rau peb tsis yog ib lub tswv yim muaj kev ntshai, yog ib lub tswv yim muaj zog, muaj kev nyiam, muaj kev pab yus tswj yus tus kheej. 8 Li ntawd koj yuav tsis txhob txaj muag ua tim khawv pub rau peb tus Huab Tais los txaj muag vim kuv ua Yes Xus tus neeg raug txim. Tiam sis koj yuav zoo siab nrog kuv raug txom nyem vim lub Moo Zoo, thiab tso siab lug rau Tswv Ntuj lub hwj huam.

    Los: TIS TOS 1: 1-5

    1 Kuv, Paj Lug, Tswv Ntuj tus tub txib, thiab Yes Xus Pleev tus Hauv Paus Xa Lus, uas coj cov neeg Tswv Ntuj xaiv los txais kev ntseeg thiab txais txoj kev paub qhov tseeb uas qhia kev hwm Ntuj, 2 thiab pab kom lawv muaj txoj kev tso siab tias yuav tau txoj sia nyob mus li raws li Tswv Ntuj tsus txawj dag tau cog lus puag thaum ntxov ub lawm. 3 Thaum txog lub caij teem, nws tau tshaj tawm nws lo lus raws li peb tus Tswv Ntuj cawm neeg tau txib kom kuv ua. 4 Kuv sau ntawv tuaj rau Tis Tos, kuv ib tug tseem tub nyob hauv peb txoj kev ntseeg. Thov kom Leej Txiv Tswv Ntuj, thiab Yes Xus Pleev, tus cawm peb, pub txiaj ntsim thiab kev thaj yeeb rau koj. 5 Tos kuv tau tso koj tseg nyob Khes Tas, yog vim xav cia koj npaj tas ib puas tsav yam hauv tus txheej txheem kom tiav ces koj thiaj tau tsa ib co Txwj Laus nyob hauv txhua lub nroog, raws li kuv tau qhia koj.

    NPN 96: 1-2A, 2B-3, 7-8A, 10


    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Nej hu ib zaj nkauj tshiab rau HUAB TAIS,
    tas ntiaj teb neeg nej hu nkauj rau HUAB TAIS.
    Nej hu nkauj rau HUAB TAIS, nej cav txog nws lub npe.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Hnub dhau hnub nej tshaj txog nws txoj kev cawm neeg.
    Nej cav txog nws lub koob meej rau cov neeg tsis paub Ntuj,
    cav txog nws cov hauj lwm loj rau txhua haiv neeg.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Cov yim neeg nyob hauv cov haiv neeg, nej muab rau HUAB TAIS,
    nej muab lub koob meej thiab lo lus qhuas lus cav rau HUAB TAIS
    nej muab rau HUAB TAIS lub koob meej uas phim nws lub npe!

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Nej hais rau cov naiv neeg tias: HUAB TAIS ua vaj.
    Nws tau tsim lub ntiaj teb kom nyob ruaj, muab tshem tsis tau,
    nws tswj cov haiv neeg raws txoj kev ncaj.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    As Les Lus Yas: MT 11: 25


    Txais: As les lus yas, as les lus yas. lleluia, alleluia.

    Leej Txiv, HUAB TAIS kav lub ntuj lub teb, peb cav txog koj,
    koj tau qhia tej yam neeg tsis paub txog Ntuj Ceeb Tsheej rau cov neeg me.

    Txais: As les lus yas, as les lus yas.

    Ntawv Moo Zoo: MK 3: 31-35


    31 Yes Xus niam thiab nws cov kwv tij tuaj txog, lawv nyob nraum zoov, lawv kom luag mus hu Yes Xus. 32 Muaj ib pab neeg zaum ncig Yes Xus, lawv hais rau nws tias : "Koj niam nrog koj cov kwv thiab cov muam tuaj nyob nraud, lawv nrhiav koj." 33 Yes Xus teb rau lawv tias : "Leej twg yog kuv niam ? Leej twg yog kuv kwv tij ?" 34 Yes Xus ntsia cov neeg zaum ncig nws, nws hais tias : "Kuv niam thiab kuv cov kwv tij nyob ntawm no. 35 Leej twg ua raws li Tswv Ntuj lub siab, tus ntawd yog kuv ib leeg kwv, ib leeg muam thiab ib leeg niam."



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 27th January 2016, 4:17 am

    TIM   27   LUB   1   HLIS    2016

    Hnub Plaub Lis Piam Peb Nruab Xoo C Nruab Lis Piam II
    Hwm LN Angela Merici

    Zaj Nyeem Ib:    2 XM 7:  4-17


    4 Hmo ntawd, Nas Taas hnov Tswv Ntuj lo lus no : 5 "Koj mus hais rau kuv tus tub txib Das Vis tias ‘HUAB TAIS hais li no : Puas yog koj yuav txhim ib lub tsev rau kuv nyob txawm hauv ? 6 Txij hnub kuv tau coj tsoom tub ki His Xas Lais tawm Hais Nkws Tos teb los txog tav no, kuv tsis tau nyob hauv ib lub tsev li. Kuv tau tshais chaw mus li nyob hauv ib lub Tsev Tsam Phooj xwb. 7 Tas lub caij kuv tau nrog tsoom tub ki His Xas Lais tshais chaw mus mus los los, kuv puas tau hais rau ib tug txwj laus uas kuv tau tsa los coj kuv haiv His Xas Lais tias: Ua cas nej tsis txhim ib lub tsev ntoo ciab rau kuv nyob?' 8 Nyem no koj mus hais rau kuv tus tub txib Das Vis tias : HUAB TAIS Xas Npas Os hais li no : Kuv yog tus tau rho koj hauv cov tshav zaub thiab hauv nruab nrab pab yaj los tsa ua tus tswj kuv tsoom pej xeem His Xas Lais. 9 Kuv tau nrog koj nyob nraim txhua qhov txhia chaw koj tau mus txog.  Kuv tau rhuav koj cov yeeb ncuab tib si nyob ntawm koj xub ntiag. Kuv yuav pub kom koj lub npe nto moo loj cuag li cov vaj loj tshaj nyob thoob tas ntiaj teb.  10 Kuv yuav muab ib qho chaw rau kuv haiv neeg His Xas Lais nyob; kuv yuav muab lawv cog rau ntawd, kom lawv nyob ruaj tsis muaj neeg yuav thab txog lawv ntxiv.  Cov neeg phem kuj yuav tsis hiam lawv li yav tas los ntxiv,  11 xws li thaum lub caij kuv tau tsa ib co txwj laus txia los coj kuv haiv His Xas Lais. Kuv yuav cia lawv so tsis tau ntaus lawv cov yeeb ncuab ntxiv.  HUAB TAIS yuav ua kom koj loj, HUAB TAIS yuav sau koj ua Ib Tsev Neeg.  12 Thaum koj sim neej dua tas thiab koj mus nrog koj cov poj yawm txwv koob sib puag pw lawm, kuv yuav cia koj ib tug xeeb ntxwv tawm ntawm koj roj ntsha los hloov koj chaw; Kuv yuav nres nws txoj kev ua vaj kom nyob ruaj nreb. 13 Nws yog tus yuav tsa ib lub tseb rau kuv lub npe, ces kuv yuav ua kom nws txoj kev ua vaj  nyob ruaj mus li. 14 Kuv yuav ua nws txiv, nws yuav yog kuv leej tub. Yog nws ua qhov phem, kuv yuav siv pas los rau txim rau nws xws li tib neeg siv, kuv yuav nplawm nws xws li tib neeg nplawm. 15 Tab sis kuv yuav tsis thau kuv lub txiaj ntsim ntawm nws los xws li kuv tau thau ntawm tus xub ua vaj dua koj. 16 Koj tsev neeg thiab koj txoj kev ua vaj yuav nyob mus li nyob ntawm kuv xub ntiag. Koj lub theej kiab yuav nyob ruaj nreb mus ib txhis."  
    17 Nas Taas piav qhia cov lus nws tau hnov thiab txhua yam nws tau pom tib si rau Das Vis mloog.

    NPN     89:  4-5, 27-28, 29-30

    Txais:   (29a) Kuv yuav hlub kuv tus tub txib mus li.  

    Kuv tau cog ib lo lus nrog tus kuv xaiv,
    kuv tau cog lus khov rau kuv tus tub txib Das Vis tias :
    Kuv yuav tsa koj caj ces kom nyob ruaj mus li,
    kuv yuav txhim ib lub theej kiab rau koj zaum tiam dhau tiam.

    Txais:   (29a) Kuv yuav hlub kuv tus tub txib mus li.

    Nws yuav hu kuv tias : "Koj yog kuv txiv,
    kuv tus Tswv Ntuj,  kuv lub Tsua, tus cawm kuv."
    Hos kuv yuav tsa nws ua tij,
    ua tus loj tshaj tsoom vaj hauv ntiaj teb.

    Txais:   (29a) Kuv yuav hlub kuv tus tub txib mus li.

    Kuv yuav hlub nws mus li,  
    Kuv lo lus kuv nrog nws cog yuav nyob ruaj khov.
    Kuv tsa kom nws caj ces nyob ib txhis,
    tsa nws lub theej kiab nyob ntev li lub ntuj.

    Txais:   (29a) Kuv yuav hlub kuv tus tub txib mus li.

    As Les Lus Yas

    Txais:   As les lus yas, as les lus yas.

    Lub noob nplej yog Tswv Ntuj lo lus, leej Pleev yog tus tseb cov noob nplej;
    txhua tus uas tuaj cuag nws yuav ciaj nyob mus li.

    Txais:   As les lus yas, as les lus yas.

    Ntawv Moo Zoo:   MK 4:  1-20

    1 Yes Xus rov qhia dua nyob ntawm ntug dej ntuj. Ib pab neeg coob kawg sis sau nyob ze nws, nws thiaj nce mus hauv ib lub nkoj nyob saum dej ntuj, nws zaum hauv, hos tas ib tsoom neeg nyob saum av, tim ntug nqhuab. 2 Yes Xus ua paj lug qhia ntau yam rau lawv. Thaum nws qhia lawv, nws hais tias : 3 "Nej mloog saib ! Tus neeg tseb nplej tawm mus tseb. 4 Thaum nws tseb, muaj ib co noob poob rau ntawm ntug kev, ces noog ya tuaj noj lawm. 5 Muaj ib co noob poob rau hauv thaj av pob zeb. Nyob ntawd tsis muaj av ntau, ces noob tuaj kaus sai, vim av tsis tob. 6 Thaum hnub tuaj ziab, cov yub ntsws tas, vim cov yub tsis muaj cag, ces cov yub cia li qhuav. 7 Tseem muaj ib co noob poob rau hauv cov pos. Pos hlob tuaj laum cov yub, ces cov yub ntawd txhawv tsis taus. 8 Hos muaj ib co noob poob rau hauv thaj av zoo. Cov yub nplej ntawd hlob thiab huam, txhawv ua hnab. Tej lub noob txi peb caug lub nplej, tej lub txi rau caum lub, tej lub txi ib puas lub." 9 Ces Yes Xus hais tias : "Leej twg muaj pob ntseg mloog, mas cia nws mloog." 10 Thaum Yes Xus nyob ntawm ib qho xu kev lawm, cov neeg nrog nws ua ke thiab Pab Kaum Ob nug nws txog cov paj lug ntawd. 11 Yes Xus hais rau lawv tias : "Ntuj pub cov lus tob qhia txog Tswv Ntuj lub Ceeb Tsheej rau nej. Hos cov neeg no, lawv nyob sab nraud, ces ib puas tsav yam yog paj lug rau lawv. 12 Kom xwv lawv sib zog ntsia, los lawv tsis pom, lawv mloog ntsoov, los lawv tsis to taub, tsam lawv yuav tsum hloov siab, ces Ntuj ho yuav zam rau lawv." 13 Yes Xus hais rau lawv tias : "Nej tsis to taub zaj paj lug no lod ? Yog li, nej yuav ua cas to taub cov paj lug tas huv si ? 14 Tus tseb noob, nws tseb Lo Lus. 15 Cov uas nyob ntawm ntug kev txais Lo Lus, yog cov neeg uas tau hnov Lo Lus. Tab sis, Xas Tas tuaj rho Lo Lus uas nyuam qhuav tseb rau hauv lawv tam sim ntawd lawm. 16 Cov uas txais cov noob tseb rau hauv thaj av pob zeb, yog cov neeg uas thaum lawv hnov Lo Lus, lawv zoo siab txais. 17 Tab sis lawv tsis muaj cag nyob nruab siab, thiab lawv yog neeg tsis ruaj : thaum muaj kev txom nyem los kev raug luag hiam vim Lo Lus, mas lawv ntog tam sim ntawd. 18 Tseem muaj ib co txais cov noob tseb rau hauv cov pos : yog cov neeg uas tau hnov Lo Lus. 19 Tab sis ntiaj teb kev txob xeeb, nyiaj txiag kev ntxias, thiab lub siab ntshaw ntau yam txeem mus laum Lo Lus, ces Lo Lus txi tsis taus txiv. 20 Hos cov uas txais cov noob tseb rau hauv thaj av zoo yog cov neeg uas hnov Lo Lus, lawv txais, thiab lawv txi txiv. Ib tug txi peb caug lub, ib tug txi rau caum lub, lwm tus txi ib puas lub."



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 27th January 2016, 4:33 am

    TIM 28 LUB 1 HLIS 2016

    Hnub Tsib Lis Piam Peb Caij Nruab Xyoo C Nruab Lis Piam Xyoo II
    Hwm LN Tos Mas Aquinas, ua Leej Choj thiab Kws cov Txuj Ntshiab (Doctor of the Church)

    Zaj Nyeem Ib: 2 XM 7: 18-19, 24-29


    Tus yaj saub Nas Taas nrog Das Vis tham tas,
    18 ces Das Vis nkag mus hauv tsev, nws mus zaum nyob ntawm HUAB TAIS xub ntiag, nws hais tias : "HUAB TAIS Tswv Ntuj, kuv yog leej twg, kuv tsev neeg yog leej twg, koj thiaj yuav coj kuv mus taug ib txog kev zoo npaum li no ? 19 Koj twb ua zoo npaum li ntawd los koj tseem xav tias tsawg dhau, Huab Tais Tswv Ntuj, koj tseem cog lus yuav ua zoo rau koj tus tub txib tsev neeg mus deb lawm yav tom ntej ntxiv thiab.
    24 Koj tau tsa His Xas Lais ua koj haiv neeg mus li. HUAB TAIS, koj yog lawv tus Tswv Ntuj. 25 Nyem no, HUAB TAIS, thov koj nco ntsoov lo lus koj tau cog rau koj tus tub txib thiab rau nws tsev neeg, thov koj ua raws nraim li koj tau hais. 26 Koj lub npe yuav nto moo lug mus li. Luag yuav hais tias HUAB TAIS Xas Npas Os ua Tswv Ntuj rau His Xas Lais. Koj tus tub txib Das Vis tsev neeg yuav nyob mus li nyob ntawm koj xub ntiag. 27 HUAB TAIS Xas Npas Os, His Xas Lais tus Tswv Ntuj, koj yog tus tau qhia koj tus tub txib tias: ‘Kuv yuav tsim ib tsev neeg rau koj.’ Yog vim li ntawd kuv thiaj muaj cuab kav thov koj. 28 HUAB TAIS Tswv Ntuj, koj yog Tswv Ntuj, koj cov lus yog qhov tseeb. Koj tau cog lus zoo li ntawd rau koj tus tub txib. 29 Yog li thov koj tso koj lo lus foom hmoov zoo rau saum koj tus tub txib tsev neeg, kom nws tsev neeg nyob ntawm koj xub ntiag mus li; HUAB TAIS Tswv Ntuj, vim koj yog tus tau cog lus lawm, koj lo lus foom hmoov yuav ua kom koj tus tub txib tsev neeg muaj txoj hmoov zoo mus ib txhiab ib txhis."

    NPN 132: 1-2, 3-5, 11, 12, 13-14


    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    HUAB TAIS, thov koj nco ntsoov txog Das Vis,
    nco txog nws txoj kev txom nyem kev khwv;
    nco txog lo lus nws tau cog rau HUAB TAIS,
    lub yeem nws tau fiv rau Yas Kos tus Huab Tais Muaj Hwj Huam:

    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    "Kuv yuav tsis chaws mus hauv kuv lub tsev tsam phooj,
    yuav tsis qhau cev pw saum kuv lub txaj,
    yuav tsis pub kuv ob lub qhov muag qi,
    tsis kheev kuv ob daim tawv muag swb tus dab ntub,
    yog kuv tsis xub nrhiav tau ib qho chaw rau HUAB TAIS nyob,
    tsis tau txhim ib lub tsev rau Yas Kos tus HUAB TAIS Muaj Hwj Huam so."

    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    HUAB TAIS tau cog lus rau Das Vis,
    yog ib lo lus ruaj, nws yuav tsis thim nws lo lus :
    " Ib tug tawm hauv koj los
    Yog tus kuv yuav tsa los zaum saum koj lub theej kiab.

    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    Yog koj cov tub khaws cov lus kuv nrog lawv cog,
    thiab ua raws li cov lus kuv qhia kom lawv ua,
    mas lawv phaj tub kuj yuav tau
    zaum saum koj lub theej kiab mus li."

    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    Vim HUAB TAIS tau xaiv Xis Yoos,
    nws nyiam Xis Yoos dua lwm qhov los ua nws chaw nyob:
    "Xis Yoos yog kuv qhov chaw so mus li,
    kuv yuav nyob saum Xis Yoos, vim kuv nyiam nws dua.”

    Txais: (Lk 1: 32b) Huab Tais Tswv Ntuj yuav muab nws txiv Das Vis lub theej kiab rau nws.

    As Les Lus Yas: NPN 119: 105


    Txais: As les lus yas, as les lus yas.

    Koj lo lus yog lub teeb rau kuv ko taw,
    yog qhov pom kev kaj kuv txoj hau kev.

    Txais: As les lus yas, as les lus yas.

    Ntawv Moo Zoo: MK 4: 21-25


    21 Yes Xus hais rau lawv tias : "Thaum yus taws ib lub teeb nqa los, yus puas muab txawb hauv qab pob tawb los hauv qab txag, es tsis muab txawb saum tus ncej teeb li? 22 Vim tsis muaj ib yam zais ntshis cia, uas yuav tsis tshwm rau luag pom, tsis muaj ib yam npog rawv uas yuav tsis tawm los rau luag paub. 23 Leej twg muaj pob ntseg mloog, mas cia nws mloog !" 24 Ces Yes Xus hais rau lawv tias : “Nej ceev faj txog tej yam uas nej hnov ! Ntuj yuav xuas lub tawb uas nej luj rov los luj rau nej, thiab Ntuj tseem yuav ntxiv rau nej. 25 Vim tias tus uas twb muaj lawm, Ntuj yuav pub ntxiv rau nws, hos tus tsis muaj, mas Ntuj tseem yuav rho qhov nws muaj mus.”




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 28th January 2016, 5:00 am

    TIM 29 LUB 1 HLIS 2016

    Hnub Rau Lis Piam Peb Caij Nruab Xyoo C Nruab Lis Piam II

    Zaj Nyeem Ib: 2 XM 11: 1-4A, 5-10A, 13-17


    1 Thaum rov qab chiv xyoo tshiab, yog lub caij cov vaj sawv kev rov mus ntaus rog. Das Vis tso Yuas thiab nws cov thawj tub rog nrog nws pab tub rog huv tib si mus. Lawv mus tua yeej cov As Mos thiab mus vij lub tsheej Las Npas. Hos Das Vis nws nyob nws Yes Lus Xas Les. 2 Muaj ib hnub yav hnub qaij thaum twb ze yuav tsaus ntuj lawm, Das Vis nyuam qhuav pw so me ntsis sawv ntawm nws lub txaj los, nws tawm mus ncig nyob saum vaj ntxwv lub qaum ru tsev tiaj, nws txawm ntsia pom ib tug poj niam da da dej. Tus poj niam ntawd zoo nkauj kawg. 3 Das Vis tso neeg mus nug tias tus poj niam ntawd yog leej twg. Lawv teb tias : "Yog Npes Xas Npes, Es Lias tus ntxhais, uas yog Us Lis tus neeg His Tis poj niam." 4 Ces Das Vis tso neeg mus coj Npes Xas Npes tuaj. Npes Xas Npes tuaj ces Das Vis txawm nrog nws pw. Ces nws rov mus tsev lawm. 5 Tsis ntev Npes Xas Npes xeeb tub. Nws xa lus tuaj rau Das Vis tias : "Kuv xeeb tub lawm !" 6 Ces Das Vis fi xov mus rau Yuas tias : "Koj xa tus neeg His Tis hu ua Us Lis los rau kuv." Yuas xa Us Lis rov los rau Das Vis. 7 Thaum Us Lis los txog, Das Vis nug tias Yuas thiab tsoom tub rog nyob zoo li cas lawm, kev ntaus rog mus zoo li cas. 8 Ces Das Vis hais rau Us Lis tias : "Koj mus tsev mog ! Koj mus so hnub puav." Us Lis thiaj tawm hauv vaj ntxwv lub tuam tsev mus, muaj neeg nqa tus vaj cov zaub mov ib qho lawv nws qab mus tsev. 9 Tab sis Us Lis tsis mus nram nws tsev, nws nrog tus vaj cov tub zov keeb pw ntawm tus vaj lub qhov rooj loog. 10 Muaj neeg mus qhia Das Vis tias : "Us Lis tsis mus nram nws tsev."
    13 Hnub tom qab, Das Vis caw nws tuaj nrog Das Vis noj mov, ces Das Vis muab cawv rau nws haus kom qaug. Hmo ntawd Us Lis rov tawm mus pw nrog nws tus tswv cov tub zov keeb dua xwb, nws tsis nqes mus nram nws tsev li. 14 Hnub tom qab ntxiv, Das Vis sau ib tsab ntawv mus rau Yuas, nws muab rau Us Lis nqa mus. 15 Nyob hauv tsab ntawv nws hais rau Yuas tias : "Nej muab Us Lis mus rau hauv qhov chaw uas rog kub tshaj tej, nej cia nws mus nej sawv daws thaub rov qab, cia lawv tua nws kom nws tuag." 16 Thaum Yuas coj nws pab tub rog mus vij lub nroog, nws muab Us Lis mus rau ntawm qhov chaw uas nws paub tias muaj cov yeeb ncuab ntaus heev tshaj. 17 Ces thaum cov yeeb ncuab nyob hauv nroog tawm tuaj ntaus Yuas tog, Das Vis cov tub rog tuag ob peb leeg; Us Lis, tus neeg His Tis, kuj tuag thiab.

    NPN 51: 3-4, 5-6AB, 6BCD-7, 10-11

    Txais: (3a) Thov koj khuv leej peb, Huab Tais, vim peb tau ua txhaum lawm.

    Tswv Ntuj, thov koj khuv leej kuv, vim koj lub siab zoo;
    thov koj so kuv qhov txhaum pov tseg, vim koj muaj kev hlub loj tas nrho.
    Thov koj ntxuav kuv lub txim pov tseg kom tas
    thiab koj muab kub qhov txhaum tshem mus kom kuv dawb huv tuaj.

    Txais: (3a) Thov koj khuv leej peb, Huab Tais, vim peb tau ua txhaum lawm.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    “Kuv tau ua txhaum rau koj ib leeg xwb,
    kuv tau ua qhov uas koj saib yog phem.”

    Txais: (3a) Thov koj khuv leej peb, Huab Tais, vim peb tau ua txhaum lawm.

    Txawm kuv tau ua yam koj saib yog qhov phem
    koj tau ua ncaj ncees thaum koj txiav txim rau kuv,
    neeg xyeej tsis tau koj thaum koj rau txim.
    Koj twb paub tias kuv yeej yug los muaj txhaum,
    kuv yeej yog neeg txhaum txij thaum kuv niam xeeb kuv.

    Txais: (3a) Thov koj khuv leej peb, Huab Tais, vim peb tau ua txhaum lawm.

    Thov koj cia kuv hnov cov suab lom zem thiab suab luag,
    ces cov pob txha uas koj tau tsoo tawg yuav rov muaj kev zoo siab.
    Thov koj fee ntsej muag mus deb ntawm kuv cov txhaum,
    koj so kuv lub txim pov tseg huv tib si.

    Txais: (3a) Thov koj khuv leej peb, Huab Tais, vim peb tau ua txhaum lawm.

    As Les Lus Yas: MT 11: 25

    Txais: As les lus yas, as les lus yas.

    Peb cav txog koj, Leej Txiv, tus Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MK 4: 26-34

    26 Yes Xus hais tias : Tswv Ntuj lub Ceeb Tsheej zoo xws li ib tug neeg pov ib co noob rau nruab a : 27 Nws txawm pw los nws sawv, hmo ntuj los nruab hnub, lub noob tuaj kaus thiab hlob, nws tsis paub tias lub noob hlob zoo li cas. 28 Av xwb tim txawj xeeb kom hloov : xub ua yub tas, ua plab nab, ces nplej txhawv puv hnab. 29 Thaum nplej siav, tus neeg ntawd xuas liag hlais tam sis ntawd, vim qoob siav lawm. 30 Yes Xus tseem hais tias : "Peb yuav muab Tswv Ntuj lub Ceeb Tsheej piv rau dab tsi ? Thiab peb yuav ua paj lug qhia txog Tswv Ntuj lub Ceeb Tsheej zoo li cas ? 31 Tswv Ntuj lub Ceeb Tsheej yog zoo li ib lub noob zaub roj, uas thaum luag muab tseb rau hauv av, mas lub noob ntawd me tshaj lwm cov noob nyob ntiaj teb no. 32 Tab sis thaum tseb tas lawd, lub noob hlob, nws siab dua lwm cov zaub huv si ; nws ncau ceg deb, ces tej noog ya saum ntuj tau kev los nkaum hauv nws qhov ntxoov." 33 Yes Xus siv ntau hom paj lug zoo li no los qhia Lo Lus rau lawv, raws li lawv mloog tau. 34 Tsis muaj ib yam uas nws tsis ua paj lug hais. Thaum tshuav cov thwj tim nrog nws nyob xwb, nws txhais txhua yam huv tib si rau lawv.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 29th January 2016, 4:52 am

    TIM 30 LUB 1 HLIS 2016

    Hnub Xya Lis Piam Peb Nruab Xyoo C Nruab Lis Piam II
    Hwm Niam Mab Liab

    Zaj Nyeem Ib: 2 XM 12: 1-7A, 10-17


    1 HUAB TAIS xa tus yaj saub Nas Taas tuaj cuag Das Vis. Nws mus hauv Das Vis tsev, nws hais rau Das Vis tias : "Muaj ob tug txiv neej nyob hauv ib lub nroog, ib tug yog neeg nplua nuj, ib tug yog neeg pluag. 2 Tus nplua nuj muaj nyuj muaj yaj coob kawg. 3 Hos tus pluag nws kawg muaj ib tug maum yaj nkaus xwb uas nws muas los. Nws tu tus maum yaj ntawd, cia tus maum yaj hlob nrog nws cov me nyuam, cia nrog nws noj mov, nrog nws haus dej, cia nws puag ntawm nws xub ntiag, zoo cuag li yog nws tus ntxhais. 4 Muaj ib tug qhua tuaj hauv tus nplua nuj tsev. Tus nplua nuj tsis xav muab nws ib tug tsiaj los tua rau tus qhua noj, ces nws mus ntes tus pluag tus yaj los tua txais tus qhua ntawd." 5 Das Vis npau taws heev rau tus nplua nuj, nws hais tias : "Yog HUAB TAIS muaj txoj sia tiag mas tus niag ua li ntawd tsim nyog tuag ! 6 Vim nws tau ua ib qho phem heev, nws tsis hlub neeg li, nws yuav tsum them plaub npaug rau tus yaj ntawd." 7 Ces Nas Taas hais rau Das Vis tias : "Tus neeg ntawd yog koj ! HUAB TAIS , His Xas Lais tus Tswv Ntuj hais li no :
    10 Txij no mus, hniav ntaj yuav tsis zam koj tsev neeg ntxiv lawm, vim koj tau ua phem tsis saib kuv, koj tau coj Us Lis tus neeg His Tis poj niam los ua koj poj niam.’ 11 HUAB TAIS hais li no : ‘Kuv yuav ua kom muaj xwv txheej phem tawm hauv koj tsev neeg kiag tuaj raug koj. Kuv yuav muab koj cov poj niam mus rau lwm tus txiv neej yuav; nws yuav tab meeg nrog lawv pw thaum nruab hnub nrig. 12 Koj mas koj nyiag zais ntshis ua txhaum, tab sis kuv yuav tab meeg ua tej ntawd kom tawm los rau tsoom His Xas Lais pom thaum nruab hnub nrig." 13 Ces Das Vis hais rau Nas Taas tias : "Kuv tau ua txhaum rau HUAB TAIS lawm !" Nas Taas hais rau Das Vis tias : "HUAB TAIS zam koj qhov txhaum rau koj, koj yuav tsis tuag. 14 Tab sis vim koj tau ua kom HUAB TAIS tu siab loj, mas tus me nyuam uas xeeb los rau koj yuav tuag."
    15 Hais li ntawd tas Nas Taas rov mus lawm. HUAB TAIS ua kom Das Vis tus me nyuam uas yug ntawm Us Lis tus poj niam los muaj mob, ces nws pib mob heev. 16 Das Vis thov Ntuj rau tus me nyuam. Nws yoo tsis noj ib lub mov, nws mus tsev, hmo ntawd nws pw hauv av tsis pua dab tsi thiab vov hnab tsaj xwb. 17 Cov neeg laus nyob hauv nws tsev sawv daws tuaj sawv ntsug ncig nws, tsa kom nws sawv hauv av los, tab sis nws tsis kam; nws kuj tsis nrog lawv noj mov li thiab.

    NPN 51: 10-11, 12-13, 14-15


    Txais: (12a) Tswv Ntuj, thov koj tsim ib lub siab huv lis si rau kuv.

    Tswv Ntuj, thov koj tsim ib lub siab huv rau kuv ;
    koj cog dua ib lub tswv yim khov rau hauv kuv.
    Koj txhob ntiab kuv mus deb ntawm koj lub ntsej muag,
    txhob thau koj lub tswv yim ntshiab ntawm kuv mus.

    Txais: (12a) Tswv Ntuj, thov koj tsim ib lub siab huv lis si rau kuv.

    Koj ua kom kuv rov zoo siab, vim koj cawm kuv,
    koj pub ib lub tswv yim xav to taub rau kuv.
    Kuv yuav qhia koj txoj kev rau cov neeg yuam kev,
    cov neeg txhaum yuav rov los cuag koj.

    Txais: (12a) Tswv Ntuj, thov koj tsim ib lub siab huv lis si rau kuv.

    Tthov koj cawm kuv ntawm kev raug txim, kuv tus Tswv Ntuj,
    kuv tus nplaig yuav cav txog qhuas txog koj txoj kev ncaj !
    HUAB TAIS, koj qhib kuv di ncauj,
    kuv lub ncauj yuav cav lus zoo txog koj.

    Txais: (12a) Tswv Ntuj, thov koj tsim ib lub siab huv lis si rau kuv.

    As Les Lus Yas: Zam 3: 16

    Txais: As les lus yas, as les lus yas.

    Tswv Ntuj hlub lub ntiaj teb npaum li ntawd, nws thiaj tso nws tib leeg Tub los
    kom leej twg ntseeg nws, tus ntawd yuav tau txoj siab nyob mus li.

    Txais: As les lus yas, as les lus yas.

    Ntawv Moo Zoo: MK 4: 35-41

    35 Hnub ntawd, thaum tsaus ntuj zuag, Yes Xus hais rau lawv tias : "Peb hla mus sab ntug dej tid." 36 Ces lawv tso tsoom sid tseg. Lawv coj Yes Xus mus, nws cia li mus zoo li ntawd rau hauv nkoj. Muaj ib co nkoj nrog nws mus thiab. 37 Muaj ib nthwv khaub zeeg cua loj kawg sawv tuaj. Dej nphau nphwv los rau hauv nkoj, ces lub nkoj twb puv dej tas lawm. 38 Yes Xus nyob tom tw nkoj, nws tsaug zog saum lub hauv ncoo. Lawv tsa Yes Xus, lawv hais rau nws tias : "Xib Hwb, peb yuav tuag, koj tsis quav ntsej lod ?" 39 Yes Xus tsim dheev, nws txwv cua, nws hais rau dej ntuj tias : "Tswm seeb ! Koj nyob twj ywm !" Ces cua tu nrho, dej ntuj rov tus yees. 40 Yes Xus hais rau lawv tias : "Ua cas nej ntshai ua luaj ? Nej tseem tsis tau ntseeg lod ?" 41 Lawv ntshai kawg, lawv sib tham hais tias : "Tus ntawd yog leej twg ? Txawm tias yog cua thiab dej ntuj los yeej mloog nws lus ?"



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 31st January 2016, 12:23 pm


    TIM 1 LUB 2 HLIS 2016

    Hnub Ob Lis Piam Plaub Nruab Xyoo C Nruab Lis Piam Xyoo II

    Zaj Nyeem Ib: 2 XM 15: 13-14, 30; 16:5-13


    15 13 Muaj ib tug neeg tuaj qhia Das Vis tias : "Cov His Xas Lais hloov siab mus npuab As Ntxas Los lawm." 14 Ces Das Vis hais rau nws cov tub txib uas nrog nws nyob Yes Lus Xas Les tias : "Peb khiav mus ! Yog tsis khiav mas peb yuav tsis dim ntawm As Ntxas Los. Nej tsuag tsuag khiav, tsam As Ntxas Los tuaj sai, ces nws caum tau peb, peb yuav raug xwv txheej loj thiab nws yuav xuas ntaj tua tas lub nroog huv tib si." 30 Das Vis nce phab toj mus pem lub Roob Txiv Ntoo Roj, nws quaj tsis ntsiag li. Nws npog taub hau thiab mus ko taw liab. Tas cov neeg nrog nws sawv daws kuj npog taub hau thiab lawv kuj quaj thaum lawv taug kev.
    16 5 Thaum Das Vis tuaj txog lub zos Npas Hus Lis, muaj ib tug txiv neej hu ua Xis Mes uas nws yog Zes Las tub, thiab yog ib xeem li Xas Ws tsev neeg, nws tawm hauv zos tuaj thiab nws hais ib co lus phem kawg. 6 Nws txawb pob zeb rau vaj Das Vis thiab rau tus vaj cov tub txib tas tib si; cov tub txib thiab cov tub zov keeb sawv daws thaiv Das Vis, lawv nyob ntawm nws sab xis thiab sab laug huv si. 7 Xis Mes cem Das Vis tias : "Khiav mus ! khiav mus, niag tua neeg, niag neeg siab phem! 8 Yog HUAB TAIS ua pauj rau Xas Ws tsev neeg cov roj ntsha uas koj tau hliv, thaum koj txeeb nws tus vaj ua. Nyem no HUAB TAIS thiaj cia koj tus tub As Ntxas Los ua vaj. Koj yuav raug rhuav vim koj tua neeg." 9 As Npis Sais, uas yog Xes Lus Yas yug, hais rau tus vaj tias : "Huab tais vaj ntxwv, ua cas koj cia niag dev tuag aws no tsawm koj li no ? Thov koj cia kuv mus txiav nws taub hau saib!" 10 Tab sis tus vaj teb tias : "Xes Lus Yas ob tug tub, tsis yog kuv hauj lwm thiab tsis yog neb hauj lwm! Tos nws cem los ntshai yog HUAB TAIS hais rau nws tias : 'Koj cem Das Vis mas.' Yog li yuav tsis muaj leej twg muaj cuab kav hais tau rau nws tias: 'Ua cas koj ua li ntawd ?" 11 Das Vis hais rau As Npis Sais thiab tas nws cov tub txib tias : "Nej xav saib yog tus tub kuv yug kiag twb xav muab kuv tua, mas tus Npes Yas Mis ntawd haj yam muaj cai ntxub kuv. Nej cia nws cem nws, vim ntshai yog HUAB TAIS kom nws cem. 12 Nyaj tej zaud HUAB TAIS yuav pom kuv txoj kev txom nyem ces nws yuav muab ib yam zoo rau kuv los pauj cov lus tsawm uas raug kuv hnub no." 13 Ces Das Vis thiab nws cov neeg taug kev mus ntxiv, hos Xis Mes kuj taug kev ib sab raws roob caum Das Vis, nws ke mus kev ke foom lus phem, ke txaw pob zeb thiab txawb av tuaj.

    NPN 3: 2-3, 4-5, 6-7

    Txais: (8a) Huab Tais, thov koj sawv tsees los cawm kuv.

    HUAB TAIS, kuv cov yeeb ncuab coob tas nrho !
    Cov sawv los ntxeev siab rau kuv coob kawg !
    Coob leej hais txog kuv tias :
    “Yuav tsis muaj kev cawm siav rau nws nyob hauv Tswv Ntuj.”

    Txais: (8a) Huab Tais, thov koj sawv tsees los cawm kuv.

    HUAB TAIS, koj yog daim leem phiaj thaiv kuv,
    koj yog kuv lub koob meej, yog tus tsa kuv taub hau.
    Thaum kuv tsa suab nrov hu HUAB TAIS,
    nws teb kuv saum nws lub roob ntshiab tuaj.

    Txais: (8a) Huab Tais, thov koj sawv tsees los cawm kuv.

    Thaum kuv mus pw tsaug zog,
    kuv tsim rov los vim HUAB TAIS nres kuv.
    Kuv tsis ntshai cov neeg coob coob
    uas sawv vij vog ib ncig kuv thoob plaws.

    Txais: (8a) Huab Tais, thov koj sawv tsees los cawm kuv.

    As Les Lus Yas: LK 7: 16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo: MK 5: 1-20

    1 Yes Xus thiab nws cov thwj tim tuaj txog sab ntug dej ntuj tim ub, yog sab Nkes Las Xes teb chaws. 2 Thaum Yes Xus nqes plhuav nkoj, tam sis ntawd, muaj ib tug neeg raug ib tug dab tsis huv tawm hauv cov toj ntxas tuaj cuag Yes Xus : 3 Nws yeej nyob hauv cov toj ntxas, tsis muaj leej twg khi tau nws cia li, tab yog xuas saw hlau los yeej tsis tau li. 4 Vim lawv twb muab xauv tes thiab saw hlau xauv nws tib si los nws ua saw hlau tu tas, ua xauv tes lov tas, yeej tsis muaj leej twg muaj peev xwm tswj tau nws li. 5 Niaj hnub niaj hmo nws nyob hauv cov toj ntxas thiab nyob pem tej roob, nws qw tas mus li, thiab nws muab pob zeb los tsoo nws kom mob. 6 Thaum nws pom Yes Xus tseem nyob deb, nws khiav loo tuaj, nws txhos caug ntua ntawm Yes Xus xub ntiag, 7 ces nws qw nrov nrov tias : “Yes Xus, Tswv Ntuj Nyob Siab Leej Tub, koj xav ua dab tsi rau kuv ? Kuv hu txog Tswv Ntuj thov koj, koj txhob tsim txom kuv,” 8 vim Yes Xus tau hais rau nws tias : "Dab tsis huv, koj tawm ntawm tus neeg no mus !" 9 Yes Xus nug nws tias : "Koj lub npe hu ua li cas ?" Nws teb tias : "Kuv lub npe hu ua Npoj, vim peb coob leej kawg." 10 Nws thov Yes Xus heev kawg kom txhob ntiab nws tawm ntawm thaj chaw ntawd mus. 11 Thaum ntawd, muaj ib pab npua coob coob tab tom noj zaub saum lub roob. 12 Cov dab tsis huv thov Yes Xus tias : "Koj xa peb mus lawm hauv cov npua ntawd, cia peb nkag mus nyob hauv." 13 Yes Xus tso lus rau lawv. Ces cov dab tsis huv tawm mus, lawv nkag mus hauv cov npua. Ces tas pab npua dhia puag saum lub tsag mus rau hauv dej ntuj, pab npua ntawd kwv yees muaj ob txhiab tus, cia li poob deg tuag tas rau hauv dej ntuj. 14 Cov zov npua tso tes khiav, lawv mus qhia lub moo ntawd rau hauv nroog thiab hauv cov zos. Ces neeg tuaj mus xyuas saib muaj xwm zeej dab tsi. 15 Thaum lawv tuaj txog ze ntawm Yes Xus, lawv pom tus neeg raug dab zaum ntawd hnav ris tsho tib si, thiab nws meej pem lawm, ces lawv ntshai vim tus neeg ntawd yeej yog tus tau raug tus dab Npoj tiag. 16 Cov uas tau pom, lawv piav txog qhov uas tshwm sim rau tus neeg raug dab, thiab rau pab npua. 17 Ces lawv thov kom Yes Xus txav mus deb ntawm lawv teb chaws. 18 Thaum Yes Xus nce mus hauv nkoj, tus neeg raug dab thov kom Yes Xus cia nws nrog Yes Xus mus. 19 Tab sis Yes Xus tsis kheev, nws hais rau tus raug dab tias : "Koj rov mus tsev, rov mus nrog koj tsev neeg nyob, koj qhia lawv txog tas txhua yam uas Huab Tais tau ua rau koj thiab txog nws tau khuv leej koj li cas." 20 Ces tus raug dab rov mus, nws tshaj txhua yam uas Yes Xus tau ua rau nws nyob lub xeev Des Kas Pos Lis. Cov uas tau hnov, lawv sawv daws qhuas kawg.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 1st February 2016, 12:53 pm

    TIM 2 LUB 2 HLIS 2016

    Nco txog Niam Mab Liab thiab Yos Xes coj Yes Xus mus fij rau Ntuj

    Zaj Nyeem Ib: MAS LAS KIS 3: 1-4


    1 Kuv yuav xa kuv tus tub tshaj xov mus tho kev ua kuv ntej. Ib sij huam, tus Huab Tais uas nej nrhiav nws yuav chaws los hauv nws kem tsev ntshiab. Tus tub tshaj xo tuav lo lus tau cog, tus uas nej nrhiav nws tuaj txog ntawd lawm ! Tsoom peeb zeej tus HUAB TAIS hais li ntawd : 2 Hnub nws tuaj txog, leej twg yuav nyob taus ? Thaum nws yuav tawm tuaj leej twg yuav sawv taus ntsug tos nws ? Vim nws yuav zoo li tus nchuav hlau cov hluav taws, zoo li tshuaj ntxhua khaub ncaws dawb. 3 Nws yuav tuaj zaum nchuav nyiaj kom huv, nws yuav ua kom Les Vis cov tub huv tuaj; nws yuav nchuav lawv ib yam li nchuav kub thiab nchuav nyiaj, kom lawv yog cov cev thaj txi Ntuj raws kev ncaj. 4 Ces HUAB TAIS yuav zoo siab txais Yus Das thiab Yes Lus Xas Les thaj txi Ntuj, ib yam li yav thaum ub lub caij uas dhau tas los lawm .

    NPN 24: 7, 8, 9, 10


    Txais: (Cool Leej twg yog tus vaj muaj koob meej? HUAB TAIS yog tus muaj koob meej!

    Cov rooj vag, nej tsa nej daim txiag puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais: Leej twg yog tus vaj muaj koob meej? HUAB TAIS yog tus muaj koob meej!

    Leej twg yog tus vaj muaj koob meej?
    Yog tus HUAB TAIS muaj zog, muaj peev xwm,
    tus HUAB TAIS muaj peev xwm yeej tsam rog.

    Txais: Leej twg yog tus vaj muaj koob meej? HUAB TAIS yog tus muaj koob meej!

    Cov rooj vag, nej tsa nej daim txiag puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais: Leej twg yog tus vaj muaj koob meej? HUAB TAIS yog tus muaj koob meej!

    Tus vaj muaj koob meej ntawd yog leej twg?
    Tuas HUAB TAIS kav tsoom peeb zeej, nws yog tus vaj muaj koob meej.

    Txais: Leej twg yog tus vaj muaj koob meej? HUAB TAIS yog tus muaj koob meej!

    Zaj Nyeem Ob: HEB 2: 14-18


    14 Vim cov me nyuam koom ib co ntshav, ib ce nqaij, mas Yes Xus kuj nrog lawv koom, kom nws txoj kev tuag yeej tus tuav txoj kev tuag lub hwj huam, tus ntawd yog tus dab phem Xas Tas. 15 Yes Xus npo cov uas mag kev tuag muab lawv ua qhev nyob hauv txoj kev ntshai tuag tas ib sim neej. 16 Yes Xus tsis tuaj cawm cov Tshiab. Nws tuaj cawm Has Nplas Has tsoom xeeb ntxwv. 17 Vim li no, nws thiaj yuav tsum yug los zoo ib yam li nws cov kwv, nws thiaj ua tau ib tug Leej Choj uas ib txhij khuv leej neeg thiab npuab Tswv Ntuj. Nws so tsoom pej xeem cov txhaum pov tseg. 18 Vim nws tau raug kev sim siab, mas nws thiaj txawj pab cov raug kev sim siab.

    As Les Lus Yas: LK 2: 32


    Txais: As les lus yas, as les lus yas. lleluia, alleluia.

    Ib qho pom klev tawm tuaj kaj cov pej kum haiv neeg
    thiab lub koob meej rau koj haiv His Xas Lais.

    Txais: As les lus yas, as les lus yas.

    Ntawv Moo Zoo: LK 2: 22-40

    22 Thaum txog lub caij yuav ua kab ke ntxuav ob niam tub raws li Mais Xes Txoj Cai, Mab Liab thiab Yos Xes nkawd coj Yes Xus mus pem Yes Lus Xas Les, kom tau cev tus me nyuam rau Huab Tais. 23 Vim Huab Tais Txoj Cai sau tias : "Txhua tus me nyuam tub xub yug, yuav muab qee rau Huab Tais." 24 Nkawd tseem yuav cev ib co txim rau Ntuj raws li Huab Tais Txoj Cai uas sau cia tias : muab ib nkawg nquab lwb rwg, los ob tug thav nquab dawb. 25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus neeg ntawd yog neeg ncaj thiab nyiam teev Ntuj. Nws tos tus yuav tuaj nplij His Xas Lais. Leej Ntuj Plig Ntshiab nyob roos nws. 26 Leej Ntuj Plig Ntshiab tshoj nws ces nws paub tias yog nws tsis tau pom Huab Tais tus Pleev, mas nws yuav tsis tuag. 27 Leej Ntuj Plig coj nws tuaj nyob hauv lub Tuam Tsev Teev Ntuj. Thaum Mab Liab thiab Yos Xes nkawd coj tus me nyuam mos Yes Xus tuaj ua cov kab ke raws Txoj Cai, 28 Xis Mes Oos txais tus me nyuam los rau hauv nws ob txhais npab, nws cav lus zoo txog Tswv Ntuj tias : 29 Tus Tswv, nyem no koj tso koj tus tub txib mus kaj lug, raws li koj lo lus, 30 vim kuv qhov muag tau pom koj txoj kev cawm neeg, 31 uas koj npaj nyob ntawm ib tsoom haiv neeg xub ntiag, 32 yog qhov pom kev tawm tuaj kaj cov pej kum haiv neeg, yog koj tsoom pej xeem His Xas Lais lub koob meej. 33 Yes Xus niam thiab txiv qhuas cov lus nkawd hnov hais txog tus me nyuam. 34 Xis Mes Oos foom hmoov zoo rau lawv, nws hais rau Mab Liab, Yes Xus niam tias : "Koj yuav pom , tus me nyuam no yuav ua chaw rau ntau leej His Xas Lais ntog thiab ntau leej rov sawv. Nws yog ib lub cim ua kom sawv daws sib cav. 35 Hos ntawm koj, mas ib rab ntaj yuav hno koj tus plig, kom xwv tej lus uas coob leej xav tuaj nruab siab tawm los rau sawv daws paub.
    36 Tseem muaj ib tug yaj saub poj niam, hu ua As Nas, yog Fas Nus Ees tus ntxhais, xeem As Ntxes. Nws lub hnub nyoog laus lawm. Thaum dhau lub caij nws nyob ua nkauj xwb lawm, mas nws mus nrog nws tus txiv nyob tau xya xyoo, 37 ces nws ua poj ntsuam laus li ntawd txog yim caum plaub xyoos. Nws tsis nrug ntawm lub Tuam Tsev Teev Ntuj li. Nws yoo mov thiab hais cov zaj teev Ntuj los hawm Tswv Ntuj thawm hnub thawm hmo. 38 Tib lub sij hawm ntawd, As Nas kuj tuaj nyob ntawd thiab, nws cav lus zoo txog Tswv Ntuj, nws hais txog tus me nyuam rau txhia leej txhia tus uas tos txog txoj kev txhiv Yes Lus Xas Les. 39 Thaum lawv ua txhua yam raws li Huab Tais Txoj Cai tas lawm, lawv rov mus Nkas Lis Lais, hauv lawv lub nroog Nas Xas Les. 40 Hos ntawm tus me nyuam, nws hlob, nws muaj zog zuj zus, kev thoob tsib puv nws siab ntsws. Tswv Ntuj lub txiaj ntsim nyob saum nws.

    Los: LK 2: 22-32

    22 Thaum txog lub caij yuav ua kab ke ntxuav ob niam tub raws li Mais Xes Txoj Cai, Mab Liab thiab Yos Xes nkawd coj Yes Xus mus pem Yes Lus Xas Les, kom tau cev tus me nyuam rau Huab Tais. 23 Vim Huab Tais Txoj Cai sau tias : "Txhua tus me nyuam tub xub yug, yuav muab qee rau Huab Tais." 24 Nkawd tseem yuav cev ib co txim rau Ntuj raws li Huab Tais Txoj Cai uas sau cia tias : muab ib nkawg nquab lwb rwg, los ob tug thav nquab dawb. 25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus neeg ntawd yog neeg ncaj thiab nyiam teev Ntuj. Nws tos tus yuav tuaj nplij His Xas Lais. Leej Ntuj Plig Ntshiab nyob roos nws. 26 Leej Ntuj Plig Ntshiab tshoj nws ces nws paub tias yog nws tsis tau pom Huab Tais tus Pleev, mas nws yuav tsis tuag. 27 Leej Ntuj Plig coj nws tuaj nyob hauv lub Tuam Tsev Teev Ntuj. Thaum Mab Liab thiab Yos Xes nkawd coj tus me nyuam mos Yes Xus tuaj ua cov kab ke raws Txoj Cai, 28 Xis Mes Oos txais tus me nyuam los rau hauv nws ob txhais npab, nws cav lus zoo txog Tswv Ntuj tias : 29 Tus Tswv, nyem no koj tso koj tus tub txib mus kaj lug, raws li koj lo lus, 30 vim kuv qhov muag tau pom koj txoj kev cawm neeg, 31 uas koj npaj nyob ntawm ib tsoom haiv neeg xub ntiag, 32 yog qhov pom kev tawm tuaj kaj cov pej kum haiv neeg, yog koj tsoom pej xeem His Xas Lais lub koob meej.



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 2nd February 2016, 8:57 am

    TIM 3 LUB 2 HLIS 2016

    Hnub Plaub Lis Piam Plaub Nruab Xyoo C Nruab Lis Piam II
    Hwm LN Blaise; LN Ansgar

    Zaj Nyeem Ib: 2 XM 24: 2, 9-17


    2 Vaj Das Vis hais rau Yuas thiab cov thawj hauv nws tus pab tub rog tias : "Nej mus ncig xyuas cov xeem His Xas Lais txij Das mus rau Npes Xas Npes, nej txheeb cov neeg tas tib si, kom kuv paub meej tias muaj pes tsawg leej neeg."
    9 Yuas los hais qhia rau Das Vis tias cov neeg nws mus txheeb muaj pes tsawg leej: Nyob hauv cov His Xas Lais muaj yim pua txhiab leej txiv neej muaj riam phom uas lawv txawj tua ntaj, nyob hauv cov Yus Das muaj tsib puas txhiab leej. 10 Tom qab ntawd Das Vis lub siab nyob tsis tus, nws hais rau HUAB TAIS tias : "Kuv tau ua ib qho txhaum loj nyob hauv tej yam kuv tau ua! HUAB TAIS, thov koj zam txhaum rau koj tus tub txib, vim kuv tau ua yuam kev loj." 11 Tag kis sawv ntxov, thaum Das Vis sawv los, tus yaj saub Nkas, uas yog Das Vis tus saub, hnov HUAB TAIS lo lus hais rau nws tias: 12 "Koj mus hais rau Das Vis tias HUAB TAIS hais li no : Kuv muab peb yam rau koj, koj xaiv ib yam ces kuv yuav tso yam ntawd los raug koj." 13 Ces tus yaj saub Nkas mus hais qhia rau Das Vis, nws nug tias : "Koj puas nyiam cia koj lub teb chaws tshaib plab peb xyoos ? Los koj puas yeem swb koj cov yeeb ncuab peb hlis, cia koj khiav lawv hos lawv caum koj tua? Los koj puas yeem cia koj lub teb chaws raug mob aws peb hnub ? Nyem no, koj xav tswv yim ces koj hais rau kuv saib kuv yuav teb dab tsi rau tus xa kuv tuaj." 14 Das Vis hais rau Nkas tias : "Kuv nyob rau ib qho kev nyuaj loj. Ntshai yeem cia Tswv Ntuj txhais tes ntaus peb, vim nws khuv leej neeg kawg nkaus, tsis yeem cia tib neeg txhais tes ntaus peb." 15 Ces Das Vis yeem xaiv tus mob aws. Thaum lub caij hlais cov nplej mov mog yog lub caij uas cov pej xeem pib mob aws . HUAB TAIS tso mob aws los raug cov His Xas Lais txij thaum sawv ntxov mus txog lub caij nws teem. Muaj txog xya caum txhiab leej neeg tuag nyob hauv lub teb chaws txij Das mus rau Npes Xas Npes. 16 Tab sis thaum tus Tshiab xyab tes yuav tso aws mus rau Yes Lus Xas Les, HUAB TAIS ho rov thim xav, nws hais rau tus tshiab rhuav neeg txoj sia tias : "Txaus lawm ! Nkaum koj txhais tes rov qab." Thaum ntawd Tswv Ntuj tus Tshiab nyob ze ntawm As Laus Nas uas yog ib tug neeg Yes Npws Xis lub tshav ntaus nplej. 17 Thaum Das Vis pom tus tshiab uas tso aws tuaj rau tsoom pej xeem, Das Vis hais rau HUAB TAIS tias : "Kuv yog tus tau ua txhaum, kuv, tus tswv zov pab yaj, yog tus tau ua tsis zoo xwb. Cov ntawd yog pab yaj. Lawv tsis tau ua phem dab tsi. Thov kom koj txhais tes ntaus kuv thiab kuv tsev neeg xwb mas !"

    NPN 32: 1-2, 5, 6, 7

    Txais: (5c) Huab Tais, kuv tau ua txhaum lawm thov koj zam rau kuv.

    Hmoov zoo rau tus uas luag thim nws qhov txhaum lawm,
    tus uas lawv npog nws qhov txhaum rau.
    Hmoov zoo rau tus neeg uas HUAB TAIS tsis suav txim rau nws,
    tus uas lub tswv yim tsis muaj ib qho kev siab phem.

    Txais: (5c) Huab Tais, kuv tau ua txhaum lawm thov koj zam rau kuv.

    Kuv lees kuv qhov txhaum rau koj,
    kuv tsis muab kuv qhov txhaum npog cia.
    Kuv hais tias: “Kuv lees kuv qhov txhaum rau HUAB TAIS,”
    ces koj muab kuv lub txim ntawm kuv qhov txhaum tshem tas.

    Txais: (5c) Huab Tais, kuv tau ua txhaum lawm thov koj zam rau kuv.

    Vim li no txhua tus neeg muaj kev ntseeg ntuj
    yuav tsum teev ntuj hu txog koj haum lub caij muaj kev nyuaj siab.
    Txawm tias dej tob phwj yaws
    los dej yuav tsis nce mus txog nws.

    Txais: (5c) Huab Tais, kuv tau ua txhaum lawm thov koj zam rau kuv.

    Koj yog kuv lub chaw nkaum, koj yuav thaiv kuv ntawm txoj kev nyuaj;
    nyob ncig kuv, koj yuav cia ib co suab qw zoo siab txog kev twj lij.

    Txais: (5c) Huab Tais, kuv tau ua txhaum lawm thov koj zam rau kuv.

    As Les Lus Yas: Zam 10: 27

    Txais: As les lus yas, as les lus yas.

    Huab Tais hais tias, kuv cov yaj mloog kuv lub suab,
    kuv paub lawv, thiab lawv caum kuv qab.

    Txais: As les lus yas, as les lus yas.

    Ntawv Moo Zoo: MK 6: 1-6

    1 Yes Xus tawm hauv qhov chaw ntawd mus, nws rov mus lub zos nws nyob hlob, cov thwj tim kuj nrog nws mus thiab. 2 Hnub Xas Npas Tos, Yes Xus qhia hauv tsev txoos. Muaj neeg coob tuaj mloog, lawv hnov nws cov lus, lawv ceeb tas, lawv hais tias : "Nws tau tej ntawd qhov twg los ? Lub siab thoob tsib thiab cov hwj huam yees ntxwv loj uas nws ob txhais tes ua, yog leej twg pub rau nws? 3 Tus ntawd tsis yog tus kws ntoo, uas yog Mab Liab tus tub lod ? Nws tsis yog Yas Kos, Yos Xes, Yus Das thiab Xis Moos lawv kwv tij lod ? Hos nws cov muam, tsis yog cov nrog peb nyob ua ke lod ?” Lawv tsis zoo siab rau Yes Xus. 4 Ces Yes Xus hais rau lawv tias : "Ib tug Yaj Saub yeej raug luag hwm nws, tsuas yog nyob hauv lub zos nws hlob, hauv nws cov txheeb ze thiab nws tsev neeg, thiaj tsis muaj neeg xav hwm nws xwb." 5 Vim li ntawd, Yes Xus ua tsis tau ib yam hwj huam yees ntxwv nyob ntawd li, nws tsuas tsa tes rau tus puav tuag ceg los tuag tes kom zoo xwb. 6 Nws xav tsis thoob txog qhov lawv tsis ntseeg nws.



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 3rd February 2016, 4:59 pm

    TIM 4 LUB 2 HLIS 2016

    Hnub Tsib Lis Piam Plaub Nruab Xyoo C Nruab Lis Piam Xyoo II

    Zaj Nyeem Ib: 1 VAJ 2: 1-4, 10-12


    1 Thaum yuav txog nws lub caij tuag, nws qhuab qhia nws tus tub Xas Los Moos tias : 2 "Kuv yuav mus taug txoj kev neeg sawv daws taug. Koj ua siab loj thiab coj kom phim ib tug txiv neej yawg. 3 Koj yuav tsum coj HUAB TAIS koj tus Tswv Ntuj txoj cai, koj yuav taug nws tej kev, mloog nws tej lus qhia lus ntuas, tej cai nws tau txiav, raws li tau sau tseg nyob hauv Mais Xes txoj cai, ces koj thiaj yuav ua dab tsi los ua tau raws li koj lub siab xav thiab raws li koj npaj, 4 thiab kom HUAB TAIS thiaj ua raws li lo lus nws tau cog rau kuv no : 'Yog koj cov tub ua lawv lub neej coj tus yam ntxwv zoo nyob ntawm kuv xub ntiag, yog lawv muab tas lawv lub siab thiab tus ntsuj plig los taug txoj kev zoo, mas koj yuav muaj neeg zaum saum cov His Xas Lais lub theej kiab tas mus li tsis tu ncua."
    10 Ces Das Vis mus nrog nws cov yawg koob pw tsaug zog lawm, lawv muab nws mus los nyob hauv Das Vis lub tsheej. 11 Das Vis tau ua vaj kav His Xas Lais yog plaub caug xyoo: Nws ua vaj xya xyoo nyob Hes Nploos, thiab peb caug peb xyoos nyob Yes Lus Xas Les. 12 Xas Los Moos nce zaum nws txiv Das Vis lub theej kiab, nws txoj kev ua vaj nyob ruaj nreb.

    NPN: 1 XWM 29: 10, 11AB, 11D-12A, 12BCD

    Txais: (12b) HUAB TAIS, koj yog tus nyob siab dua txhua leej.

    Thov kom koj nto koob meej lug, HUAB TAIS,
    His Xas Lais tus Tswv Ntuj peb leej Txiv,
    Kom koj nto koob meej mus li tsis txawj kawg.

    Txais: (12b) HUAB TAIS, koj yog tus nyob siab dua txhua leej.

    Huab Tais, kev muaj npe loj thiab kev muaj hwj huam yog koj li,
    kev muaj hwj chim, kev ci ntsa iab, kev nto koob meej yog koj tug.

    Txais: (12b) HUAB TAIS, koj yog tus nyob siab dua txhua leej.

    HUAB TAIS, koj yog tus nyob siab dua txhua leej,
    txoj kev ua vaj yog koj li, HUAB TAIS;
    txhua tus tsa koj ua hau saib sawv daws;
    kev nplua nuj thiab kev muaj meej mom yog koj pub.

    Txais: (12b) HUAB TAIS, koj yog tus nyob siab dua txhua leej.

    Koj txhais tes tuav lub hwj huam thiab hwj chim;
    koj muaj cai pub lub meej mom loj thiab lub zog rau txhua leej.X

    Txais: (12b) HUAB TAIS, koj yog tus nyob siab dua txhua leej.

    As Les Lus Yas: MK 1: 15

    Txais: As les lus yas, as les lus yas.

    Tswv Ntuj lub Ceeb Tsheej nyob ze lawm;
    nej cia li los lees txhaum thiab ntseeg txog lub Moo Zoo.

    Txais: As les lus yas, as les lus yas.

    Ntawv Moo Zoo: MK 6: 7-13

    7 Yes Xus hu Pab Kaum Ob los cuag nws, ces nws xa lawv ua tej pab ob leeg mus. Nws pub hwj huam ntiab dab tsis huv rau lawv. 8 Yes Xus qhia lawv kom txhob nqa dab tsi taug kev li, tsuas nqa tib rab pas nrig xwb. Txhob ntim mov, txhob nqa hnab ruas, txhob ntim xim nyiaj rau hauv duav siv. 9 Nws hais tias : "Nej rau khau khiab xwb, txhob hnav ob lub tsho." 10 Yes Xus tseem hais rau lawv tias : "Nej chaws mus hauv lub tsev twg, nej yuav nyob hauv lub tsev ntawd mus txog hnub nej rov qab. 11 Yog qhov chaw twg tsis txais nej, thiab luag tsis mloog nej, nej tso qhov chaw ntawd tseg, nej nchos cov plua av lo nej qab xib taws pov tseg, cia ua tim khawv txiav txim rau lawv." 12 Cov thwj tim tawm mus, lawv tshaj kom tsoom sid tig los hloov siab tshiab. 13 Lawv ntiab ntau tus dab phem, thiab lawv muab roj pleev ntau leej tuag tes tuag taw, thiab kho ntau tus neeg mob zoo.



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 4th February 2016, 10:09 am

    TIM 5 LUB 2 HLIS 2016

    Hnub Rau Lis Piam Plaub Nruab Xyoo C Nruab Lis Piam Xyoo II
    Hwm LN As Nkas Tas (Agatha), nkauj tuag ua tim khawv

    Zaj Nyeem Ib: NPES XIS LAS 47: 2-11


    2 Yam li thaum ua thaj txi Ntuj koom siab, luag muab cov roj tshem cia rau ib cag, Das Vis kuj zoo ib yam li ntawd, nws raug xaiv tawm ntawm tsoom tub His Xas Lais los. 3 Das Vis nrog tus tsov ua si zoo li yog ib tug thav tshis, nws nrog cov dais ua si zoo li yog ib co yaj nyob hauv pab tsiaj. 4 Thaum nws tseem tub hluas xwb nws tua tau tus neeg loj loj, nws daws nws haiv neeg chaw txaj muag. Nws xuas tes muab hlua roj hmab txawb pob zeb mus raug tus neeg khav theeb Nkaus Lias ntog. 5 Vim Das Vis hu txog tus Tswv Ntuj Nyob Siab, Tswv Ntuj ua kom nws sab npab xis muaj zog tua tau ib tug tub rog muaj peev xwm, thiab tsa tau His Xas Lais lub hwj chim kom rov sawv. 6 Vim li ntawd tsoom poj niam thiaj cav nws lub koob meej tias nws tua yeej ib vam leej, lawv qhuas nws thiab cav txog Huab Tais, lawv muab ib lub mom teev kub ua vaj muaj hwj chim rau nws. 7 Nws tua cov yeeb ncuab nyob ib ncig kom tu noob, nws ua kom cov Fis Lis Tis ploj ntais mus, tsis hnov lawv npe nrov los txog hnub no. 8 Das Vis ua yam twg nws hais ua tsaug rau thiab cav txog tus Ntshiab, tus Tsawv Ntuj Nyob Siab; nws nyiam tus tsim nws, nws muab tas nws lub siab los hu nkauj cav txog. 9 Das Vis tso tej pab tub hu nkauj nyob ze ntawm lub thaj txi Ntuj, kom muaj suab nkauj nrov zoo mloog. 10 Nws teem kom muaj ntau lub ntees lom zem nyob hauv ib lub xyoo, thiab nws npaj kom yog ib co ntees ci ntsa iab zoo saib; kom muaj neeg cav lus zoo txog Huab Tais lub npe ntshiab, thiab kom suab paj nruag nrov ncha ntws hauv lub tuam tsev teev Ntuj txij thaum kaj ntrug mus. 11 Ces Huab Tais ntxuav Das Vis cov txhaum pov tseg, nws tsa kom Das Vis lub meej mom nyob mus li. Huab Tais nrog Das Vis cog lus cia nws ua vaj thiab muab ib lub theej kiab nto koob meej rau Das Vis nyob hauv haiv His Xas Lais.

    NPN 18: 31, 47+50, 51

    Txais: (47b) Thov kom Tswv Ntuj tus Cawm kuv nto koob meej!

    Tswv Ntuj txoj kev zoo tas tsis muaj yuam kev,
    HUAB TAIS lo lus tsis muaj yam cuav txuam xyaw.
    Nws yog daim leem phiaj thaiv cov tuaj nkaum hauv nws.

    Txais: (47b) Thov kom Tswv Ntuj tus Cawm kuv nto koob meej!

    HUAB TAIS muaj txoj sia ! Kom lub tsua cawm kuv nto koob meej lug!
    Tus Tswv Ntuj uas cawm kuv, nws nto koob meej loj.
    Li ntawd, HUAB TAIS, kuv yuav cav txog koj rau tsoom kuj cuab paub.
    Kuv yuav hu nkauj cav lus zoo txog koj lub npe.

    Txais: (47b) Thov kom Tswv Ntuj tus Cawm kuv nto koob meej!

    Koj yog tus muab kev yeej loj kawg nkaus rau koj tus vaj,
    Thiab koj ua siab zoo rau tus koj tau pleev,
    Rau Das Vis thiab nws caj ces mus li ib txhis.

    Txais: (47b) Thov kom Tswv Ntuj tus Cawm kuv nto koob meej!

    As Les Lus Yas: LK 8: 15


    Txais: As Les Lus Yas, as les lus yas.

    Lawv muaj hmoov zoo cov uas muaj ib lub siab dav coj raws lo lus
    thiab lawv txi txiv ntsu vim lawv mob siab rau.

    Txais: As Les Lus Yas, as les lus yas..

    Ntawv Moo Zoo: MK 6: 14-29

    14 Tus vaj Hes Los hnov hais txog Yes Xus, vim Yes Xus lub npe nto moo loj, ces luag tej hais tias : "Zam Ntxuav Plig sawv hauv cov tuag rov qab los, vim li ntawd, cov hwj huam yees ntxwv thiaj tawm hauv nws tuaj." 15 Hos ib txhia hais tias : ‘Yog Es Lias.’ Lwm cov hais tias : ‘Yog ib tug yaj saub xws li tej yaj saub.’ 16 Tab sis Hes Los hnov hais txog Yes Xus, nws hais tias : "Yog tus Zam uas kuv tau txiav nws caj dab, nws sawv rov los lawm." 17 Yog tim Hes Los Dias Hes, mas Hes Los thiaj xa neeg mus ntes Zam thiab muab saw hlau khi Zam rau hauv tsev loj faj. Hes Los Dias yog Hes Los tij laug Fis Lis Pos tus poj niam, tab sis Hes Los yuav los ua nws poj niam. 18 Zam hais rau Hes Los tias : "Koj tsis muaj cai yuav koj tij laug tus poj niam." 19 Ces Hes Los Dias ntxub Zam tas siab tas ntsws. Nws xav muab Zam tua, tab sis nws tua tsis tau, 20 vim Hes Los ntshai Zam, thiab nws paub tias Zam yog ib tug neeg siab ncaj siab ntshiab, ces Hes Los txuag Zam. Thaum Hes Los hnov Zam hais lus, mas nws ntxhov siab kawg. Hes Los kuj nyiam mloog Zam thiab. 21 Muaj ib lub zoo sij hawm los txog, yog hnub tsuj xeeb Hes Los yug. Hes Los ua ib roog qav caw cov nom tswv hauv nws lub tuam tsev, cov thawj tub rog, thiab cov nom loj hauv xeev Nkas Lis Lais tuaj koom. 22 Thaum ntawd, Hes Los Dias tus ntxhais chaws los dhia seev cev. Nws dhia tau ntxim Hes Los thiab cov qhua koom rooj qav ntawd siab kawg. Ces tus vaj hais rau tus ntxhais tias : "Koj thov saib koj xav yuav dab tsi, kuv yuav muab rau koj." 23 Ces tus vaj cog lus rau tus ntxhais tias : "Koj thov yam twg, mas kuv yuav muab rau koj, tab yog ib nrab ntawm lub teb chaws kuv kav !" 24 Tus ntxhais tawm plaws mus nug nws niam tias : "Kuv yuav thov dab tsi ?" Leej niam hais tias : "Zam Ntxuav Plig lub taub hau." 25 Tam sim ntawd, tus ntxhais rov ntsuj los ntawm tus vaj, nws hais tias : "Kuv xav kom koj muab Zam Ntxuav Plig lub taub hau tso hauv ib lub phaj, cev rau kuv tam sim no." 26 Tus vaj tu siab kawg, tab sis vim nws tau cog lus thiab vim muaj cov qhua, nws thiaj tsis xav thim nws lo lus. 27 Ces tus vaj txib ib tug zov keeb tam sim ntawd, kom mus nqa Zam lub taub hau los. 28 Tus zov keeb mus txiav Zam caj dab hauv tsev loj faj, nws nqa Zam lub taub hau txawb hauv ib lub phaj los cev rau tus ntxhais. Tus ntxhais muab rau nws niam. 29 Zam cov thwj tim hnov li ntawd, lawv tuaj kwv Zam lub cev mus tso rau hauv ib lub ntxa.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 5th February 2016, 6:20 am

    TIM 6 LUB 2 HLIS 2016

    Hnub Xya Lis Piam Plaub Nruab Xyoo C Nruab Lis Piam Xyoo II
    Hwm LN Paj Lug (Paul) Miki thiab cov…, tuag ua tim khawv.

    Zaj Nyeem Ib: 1 VAJ 3: 4-13


    4 Tus vaj Xas Los Moos mus rau nram Nkas Npas Oos, mus txi Ntuj nyob ntawd, vim thaj chaw txi Ntuj loj tshaj nyob ntawd; Xas Los Moos twb tau hlawv txog txhiab tus tsiaj los txi Ntuj nyob saum lub thaj ntawd lawm. 5 Nyob Nkas Npas Oos, hmo ntuj HUAB TAIS tawm tuaj rau Xas Los Moos pom xyeem nyob hauv npau suav. Tswv Ntuj hais tias : "Koj thov qhov koj xav tau ces kuv yuav muab rau koj." 6 Xas Los Moos teb tias : "Koj tau hlub koj tus tub txib Das Vis uas yog kuv txiv, vim nws taug kev nyob ntawm koj xub ntiag, nws taug raws txoj kev mloog lus, txoj kev ncaj ncees thiab txoj kev ua siab ncaj. Koj tau ua zoo rau nws los txog hnub no, koj tseem tau cia kom nws ib tug tub zaum nyob saum nws lub theej kiab. 7 HUAB TAIS kuv tus Tswv Ntuj, nyem no koj tau tsa kuv, koj tus tub txib, ua vaj hloov kuv txiv Das Vis chaw. Kuv yog ib tug me nyuam tub hluas xwb, kuv tsis txawj ntaus thawj li. 8 Koj tus tub txib nyob nruab nrab haiv neeg uas koj tau xaiv, yog ib haiv neeg coob tas nrho suav tsis txheeb tshuaj tsis txhua. 9 Thov koj pub ib lub siab thoob tsib txawj xav tom ntej tom qab zoo rau koj tus tub txib kom nws txawj tswj tau koj haiv neeg, kom nws txawj pom tias qhov twg yog zoo, qhov twg yog phem. Vim tias leej twg thiaj yuav txawj coj koj haiv neeg coob tas npaud ?" 10 HUAB TAIS zoo siab tias Xas Los Moos tau thov qhov ntawd. 11 Ces Tswv Ntuj hais rau Xas Los Moos tias : "Koj tau thov li ntawd, koj tsis tau thov kom koj tau ua neej laus nkoos, tsis thov kom muaj nyiaj muaj kub, tsis thov kom tau rhuav koj cov yeeb ncuab txoj sia, tiam sis koj tau thov txoj kev to taub txawj xav tom ntej tom qab kom paub tias qhov twg thiaj yog qhov zoo. 12 Li ntawd mas kuv yuav ua raws li koj thov, kuv pub ib lub siab thoob tsib thiab ntse rau koj, yav tas los lawd tsis tau muaj leej twg ntse zoo li ntawd, thiab yav tom ntej los kuj yuav tsis muaj leej twg ntse zoo li ntawd ntxiv. 13 Tab yog tej yam koj tsis tau thov los kuv tseem yuav muab rau koj tib si: kev nplua nuj thiab kev nto koob meej tshaj tas txhia tus vaj tib si.

    NPN 119: 9, 10, 11, 12, 13, 14

    Txais: (12b) Huab Tais, thov koj qhia koj txoj cai lij choj rau kuv. Lord, teach me your statutes.

    Yuav ua cas ib tug hluas txoj kev thiaj yuav ntshiab ?
    Yog yuav ua raws li koj cov lo lus.

    Txais: (12b) Huab Tais, thov koj qhia koj txoj cai lij choj rau kuv.

    Kuv nrhiav koj tas siab tas ntsws,
    thov koj txhob cia kuv ncaim mus deb koj cov lus qhia.

    Txais: (12b) Huab Tais, thov koj qhia koj txoj cai lij choj rau kuv.

    Kuv khaws koj cov lus koj tau cog rau nruab siab
    kom kuv tsis txhob ua txhaum rau koj.

    Txais: (12b) Huab Tais, thov koj qhia koj txoj cai lij choj rau kuv.

    HUAB TAIS, ua kom koj nto koob meej !
    Thov koj qhia koj txoj cai lij choj rau kuv.

    Txais: (12b) Huab Tais, thov koj qhia koj txoj cai lij choj rau kuv.

    Kuv di ncauj tshaj tas nrho cov lus
    cob qhia tawm ntawm koj lub ncauj los.

    Txais: (12b) Huab Tais, thov koj qhia koj txoj cai lij choj rau kuv.

    Kuv zoo siab taug txoj kev ua raws li koj lo lus,
    Zoo npaum li kuv yog neeg nplua nuj muaj txhij txhua.

    Txais: (12b) Huab Tais, thov koj qhia koj txoj cai lij choj rau kuv.

    As Les Lus Yas: ZAM 10: 27

    Txais: As les lus yas, as les lus yas.

    Huab Tais hais tias, kuv cov yaj mloog kuv lub suab;
    kuv paub lawv, lawv lawv kuv qab.

    Txais: As les lus yas, as les lus yas.

    Ntawv Moo Zoo: MK 6: 30-34

    30 Cov Hauv Paus Xa Lus los sib sau ncig Yes Xus, lawv piav tas puas tsav yam uas lawv tau ua thiab tau qhia. 31 Ces Yes Xus hais rau lawv tias : "Nej los rau ib qho chaw xu kev tsis muaj neeg, nej so me ntsis." Vim cov neeg tuaj thiab cov rov mus coob, ces cov Hauv Paus Xa Lus tsis xyeej noj mov. 32 Lawv thiaj caij nkoj mus rau ib qho chaw xu ke, tsis muaj neeg. 33 Tsoom sid pom cov Hauv Paus Xa Lus caij nkoj mus, coob leej twb mem tau lawm. Ces sawv daws khiav ko taw hauv cov nroog tuaj mus. Lawv xub mus txog chaw. 34 Thaum Yes Xus nqes nkoj, nws pom ib pab neeg coob coob, nws hlub lawv, vim lawv zoo li cov yaj uas tsis muaj tswv zov. Ces Yes Xus pib qhuab qhia lawv ntev loo txog ntau yam.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 7th February 2016, 4:06 pm

    TIM 8 LUB 2 2016

    Hnub Ob Lis Piam Tsib Nruab Xyoo C Nruab Lis Piam Xyoo II
    Hwm LN Jerome Emiliani; LN Josephine Bakhita

    Zaj Nyeem Ib: 1 VAJ 8: 1-7, 9-13


    1 Cov txwj laus His Xas Lais, cov thawj nres xeem thiab cov tub nom tub tswv hauv haiv neeg His Xas Lais sawv daws tuaj sib sau nrog Xas Los Moos nyob Yes Lus Xas Les, vim yuav coj HUAB TAIS lub Xab Cog Lus ntawm Das Vis lub tsheej Xis Yoos los mus. 2 Tas tsoom neeg His Xas Lais tuaj sib sau nyob ncig vaj Xas Los Moos yog thaum nqaum paj nqaum nruas lub hlis Es Thas Nis (lub xya hli). 3 Thaum cov txwj laus His Xas Lais tuaj txhij lawm, cov Leej Choj kwv lub Xab Cog Lus thiab lub tsev tsam phooj sib ntsib nrog rau cov twj txi ntuj uas nyob hauv lub tsev tsam phooj huv si. Cov leej choj thiab cov Les Vis yog cov kwv. 5 Vaj Xas Los Moos thiab tas tsoom His Xas Lais sawv daws nrog nws sib sau nyob ntawm lub Xab Cog Lus, lawv tua yaj tua nyuj coob coob suav tsis txheeb los txi Ntuj nyob ntawd. 6 Cov Leej Choj coj HUAB TAIS lub Xab Cog Lus los txawb rau nws qhov chaw hauv Kem Ntshiab, hauv qab cov Tshiab Kes Lus Npis cov tis , nyob hauv lub Tuam Tsev Teev Ntuj. 7 Cov Tshiab Kes Lus Npis nthuav lawv cov tis puag saud los roos lub Xab Cog Lus thiab nws cov nqaj kwv.
    9 Tsis muaj dab tsi nyob hauv lub Xab Cog Lus, kawg muaj ob daim txiag zeb uas Mais Xes muab rau hauv thaum nyob saum roob Hos Les uas HUAB TAIS tau nrog cov tub ki His Xas Lais cog lus thaum lawv tawm ntawm Hais Nkws Tos teb los xwb. 10 Thaum cov Leej Choj tawm hauv Kem Ntshiab los, muaj ib twv huab los nyob puv HUAB TAIS lub Tuam Tsev tas tib si. 11 Cov Leej Choj ua tsis tau cov kab ke ntxiv mus vim twv huab ntawd, vim HUAB TAIS lub hwj chim los nyob puv HUAB TAIS lub Tuam Tsev. 12 Ces Xas Los Moos hais tias : "HUAB TAIS yeej txaus siabj los nyob hauv tauv huab dub. 13 Kuv ua tau ib lub tsev phim tus vaj nyob rau koj lawm, yog lub tsev koj yuav nyob mus li."

    NPN 132: 6-7, 8-10

    Txais: (8a) HUAB TAIS, thov koj nce mus nyob hauv koj lub chaw so.

    Peb tau hnov txog qhov ntawd nyob Es Fas Tas,
    peb nrhiav tau nws tom cov nras teb Yas Aj.
    Peb kav tsij nkag mus hauv Huab Tais lub tsev,
    peb txhos caug pe ntawm nws lub rooj tiag taw.

    Txais: (8a) HUAB TAIS, thov koj nce mus nyob hauv koj lub chaw so.

    HUAB TAIS, thov koj nce mus nyob hauv koj lub chaw so,
    koj thiab lub Xab Cog Lus uas muaj koj lub hwj chim.
    Kom koj cov leej choj hnav txoj kev ncaj,
    kom cov neeg ntseeg txog koj qw zoo siab.
    Vim koj tus tub txib Das Vis,
    thov koj txhob tsis kam mloog koj tus pleev lo lus thov

    Txais: (8a) HUAB TAIS, thov koj nce mus nyob hauv koj lub chaw so.

    As Les Lus Yas: MT 4: 23

    Txais: As les lus yas, as les lus yas.

    Yes Xus tshaj lub Moo Zoo txog lub Ceeb Tsheej
    thiab nws kho txhua yam mob nyob hauv cov neeg.

    Txais: As les lus yas, as les lus yas.

    Ntawv Moo Zoo: MK 6: 53-56

    53 Cov thwj tim hla dhau dej ntuj, lawv tuaj txog Nkes Nes Xas Les, lawv nqes nkoj. 54 Thaum lawv nqes plhuav nkoj, muaj neeg cim tau Yes Xus tam sis ntawd. 55 Cov neeg uas cim tau Yes Xus khiav thoob ib cheeb tsam ntawd, lawv mus kwv cov neeg muaj txiab nkeeg saum tej lub txaj lev tuaj rau Yes Xus. Lawv hnov luag hais tias Yes Xus nyob qhov twg, mas lawv kwv cov neeg mob tuaj rau ntawd. 56 Yes Xus mus txhua txhia qhov chaw, hauv cov zos, cov nroog, thiab pem yaj sab, lawv coj neeg mob tuaj tso rau ntawm tej tshav puam, lawv thov Yes Xus kom nws cia lawv kov nws, tab yog kov nws tw tsho xwb kuj tau. Cov neeg uas tau kov Yes Xus puav leej dim ntawm lawv tus mob




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 8th February 2016, 10:11 am

    TIM   9   LUB   2   HLIS    2016

    Hnub Peb Lis Piam Tsib Nruab Xyoo C Nruab Lis Piam Xyoo II

    Zaj Nyeem Ib:    1 VAJ 8:  22-23, 27-30


    22 Xas Los Moos sawv nyob ze HUAB TAIS lub thaj txi Ntuj, nyob ntawm tsoom His Xas Lais xub ntiag, nws tsa tes rau saum Ntuj.  23 Nws hais tais : "HUAB TAIS, His Xas Lais tus Tswv Ntuj, tsis muaj lwm tus Tswv Ntuj yuav zoo cuag li koj nyob saum ntuj los nyob ntiaj teb no lawm. Koj ua raws li lo lus hlub koj tau cog rau koj cov tub txib yog lawv mloog koj tas siab tas ntsws.
    27 Tswv Ntuj puas yuav nrog neeg nyob ntiaj teb no tiag ? Vim tias lub ntuj saud thiab cov txheej ntuj siab twb ntim tsis tau koj, mas lub tsev kuv ua no haj yam yuav ntim tsis tau koj!  28 HUAB TAIS kuv tus Tswv Ntuj, thov koj saib txog  koj tus tub txib cov lus thiab zaj thov koj thiab thov koj mloog koj tus tub txib no lub suab hu thov koj hnub no. 29 Nruab hnub hmo ntuj thov koj dauv muag saib ntsoov lub tuam tsev no, yog lub tsev uas koj hais tias : 'Kuv lub npe yuav nyob ntawm no !' Thov koj mloog kuv koj tus tub txib cov lus thov koj nyob ntawm thaj chaw no. 30 Thov koj mloog koj tus tub txib thiab mloog koj haiv His Xas Lais cov lus thov koj nyob ntawm thaj chaw no. Thov koj nyob saum koj lub chaw saum ntuj mloog peb thiab zam txhaum rau peb."

    NPN       PS 84:  3, 4, 5+10, 11

    Txais:    (2) Tswv Ntuj muaj hwj huam, koj lub chaw nyob zoo xis siab tiag!

    Kuv tus plig xyu seev yees yuj plaws
    rau HUAB TAIS cov tshav loog.
    Kuv lub siab lub cev quaj
    ntshaw txog tus Tswv Ntuj muaj txoj sia.

    Txais:    (2) Tswv Ntuj muaj hwj huam, koj lub chaw nyob zoo xis siab tiag !

    Tej me noog liaj  nrhiav tau chaw nyob,
    tej noog luv nrhiav tau zes puag me nyuam,
    nyob saum koj cov thaj txi ntuj nas HUAB TAIS muaj hwj huam,
    kuv tus vaj, kuv tus Tswv Ntuj,

    Txais:    (2) Tswv Ntuj muaj hwj huam, koj lub chaw nyob zoo xis siab tiag !

    Cov neeg nyob hauv koj tsev lawv hmoov zoo :
    lawv tau kev cav txog koj tsis tseg.
    Tswv Ntuj, thov koj saib daim leem phiaj thaiv peb,
    thov koj ntsia tus koj tau pleev lub ntsej muag.

    Txais:    (2) Tswv Ntuj muaj hwj huam, koj lub chaw nyob zoo xis siab tiag!

    Kuv yeem nyob ib hnub hauv koj cov tshav loog
    zoo dua nyob ib txhiab hnub lwm qhov chaw,
    kuv yeem sawv ntawm kuv tus Tswv Ntuj lub taw rooj
    zoo dua nyob hauv cov tsis hwm ntuj tejtsev tsam phooj.

    Txais:    (2) Tswv Ntuj muaj hwj huam, koj lub chaw nyob zoo xis siab tiag !

    As Les Lus yas :   NPN 119:  36, 29B

    Txais:   As les lus yas, as les lus yas.

    HUAB TAIS, rub kuv lub siab kom xib mus rau koj tej cai lij choj,
    thiab pub lub txiaj ntsim rau kuv ua raws koj txoj cai.    

    Txais:   As les lus yas, as les lus yas.

    Ntawv Moo Zoo:    MK 7:  1-13

    1 Cov Fas Lis Xais thiab tus puav Kws Ntawv Ntshiab tuaj Yes Lus Xas Les tuaj, lawv sib sau ntsauv Yes Xus. 2 Lawv pom tus puav thwj tim xuas tes tsis huv noj mov, yam li lawv tsis xub ntxuav tes tso, 3 vim tias cov Fas Lis Xais, thiab tas cov Yus Das huv tib si, mas lawv tsis noj mov yog lawv tsis xub ntxuav tes zoo zoo tso raws li tej laus ib txwm coj los. 4 Thaum lawv mus kav kiab kav khw rov los, yog lawv tsis tau xub pov dej rau lawv tso, mas lawv tsis noj mov. Tseem muaj ntau yam uas cov Yus Das ua raws li tej laus qhia kom ua : xws li ntxuav khob, ntxuav hub, thiab tej tais tooj dag. 5 Vim li ntawd, cov Fas Lis Xais thiab cov kws Ntawv Ntshiab thiaj nug Yes Xus tias : "Ua cas koj cov thwj tim tsis ua raws li tej laus kev cai ib txwm qhia kom ua, lawv cia li xuas tes tsis huv noj mov ?" 6 Yes Xus teb rau lawv tias : "Neeg zoo sab nraud, His Xais tau hais raug kawg txog nej nyob hauv phab Ntawv Ntshiab no: ‘Haiv neeg no tsuas hwm kuv ntawm di ncauj xwb, lawv lub siab nyob deb kuv. 7 Lawv lam teev kuv dag, tej kev cai lawv qhia tsuas yog tib neeg tej kev cai xwb.’ 8 Nej tso Tswv Ntuj lo lus qhia tseg, nej muab nej khi rau neeg tej kev cai." 9 Thiab Yes Xus tseem hais rau lawv tias : "Nej muaj tswv yim kawg rhuav Tswv Ntuj txoj cai kom nej tau khaws nej txoj cai. 10 Xws li Mais Xes yeej tau qhia tias : ‘Koj yuav hwm koj niam koj txiv, tus tsawm niam tsawm txiv, yuav raug lub txim tuag !’ 11 Tab sis nej mas nej hais tias : ‘Yog ib tug twg hais rau nws niam nws txiv tias : cov nyiaj txiag uas kuv yuav cia los pab koj, mas yog kos npas lawm- txhais tias muab qee rau Ntuj lawm, 12 ces nej tsis hais kom nws ua dab tsi ntxiv rau nws niam nws txiv li. 13 Nej yeem rhuav Tswv Ntuj lo lus tsis yeem tso nej txoj cai uas yog nej tsim thiab nej coj tiam dhau tiam los mus. Nej tseem ua ntau yam ntxiv zoo li ntawd !"



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 9th February 2016, 5:28 am

    Tag kis yog Hnub Plaub Txais Tshauv lawm, yog nej leej twg muaj sij hawm no ces thov caw nej mus koom thaj txi ntuj ua lub txoos txais tshauv pi blub Caij 40. Tag kis peb sawv daws cov uas muaj hnub nyoog li 14 xyoos mus txog 60 xyoo tsis muaj mob, peb yuav tsum tau yoo mov caiv nqaij thiab yuav tau caiv tej yam uas peb nyiam nyiam ua, tiam sis yog tej yam tsis zoo rau peb lub cev los peb tus ntsuj plig.

    TIM   10   LUB   2   HLIS    2016

    Hnub Plaub Txais Tshauv – Pib Caij Plaub Caug





    Zaj Nyeem Ib:    YOS ES 2:12-18


    12 HUAB TAIS hais li no : "Lub sij hawm no, nej mob siab rov qab los cuag kuv; nej yoo mov, nej quaj, nej nyiav zoo li cov ntoo xyom. 13 Nej tsis txhob ua nej tej tsho ntuag,nej yuav ua nej lub siab ntuag thiaj yog. Nej rov qab los cuag nej tus HUAB TAIS Tswv Ntuj. Vim nws muaj kev hlub mos nyoos, nws khuv leej neeg tas nrho, nws npau taws qeeb, nws muaj lub siab zoo tas nrho, nws tsis xav pom neeg raug txim. 14 Tej zaum nws yuav tsis rau txim, tiam sis nws yuav foom hmoov zoo rau nej, ces nej yuav muaj qoob thiab muaj cawv txi rau nej tus HUAB TAIS Tswv Ntuj.  
    15 Nej tshuab puab nyob saum Xis Yoos ! Nej teem ib lub hnub nyoog ua kev yoo tshaib thiab tshaj tawm ib lub caij tuaj sib txoos ua ke. 16 Nej hu tas tsoom pej xeem tuaj, nej sau tas nej lub cuab zej cuab zos tuaj; nej hu cov laus huv si, nej sau coj cov me nyuam yaus thiab cov tseem noj mis tib si tuaj. Tus vauv yuav tso nws lub paim tseg, tus nyab yuav tso nws lub chaw tseg. 17 Cov Leej Choj, HUAB TAIS cov tub txib,  yuav tuaj quaj nyob hauv lub tshav ntawm kis nruab nrab lub qhov rooj thiab lub thaj txi Ntuj, lawv yuav quaj hais tias : "HUAB TAIS, thov koj txuag koj haiv neeg ! Koj txhob tso koj lub cuab tam rau hauv txoj kev txaj muag, txhob cia cov kuj cuab hnyos koj haiv neeg. Vim li cas koj cia cov haiv neeg tau kev thuam tias : His Xas Lais tus Tswv Ntuj dua qhov twg lawd ?" 18 Ces HUAB TAIS muaj khib txog nws lub teb chaws, nws hlub nws haiv neeg.

    NPN   51:  3-4, 5-6AB, 12-13, 14 + 17

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Tswv Ntuj, thov koj khuv leej kuv vim koj lub siab zoo;
    thov koj so kuv qhov txhaum pov tseg, vim koj muaj kev hlub loj tas nrho.  
    Thov koj ntxuav kuv lub txim pov tseg kom tas  
    thiab muab kuv qhov txhaum tshem mus kom kuv dawb huv tuaj.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    “Kuv tau ua txhaum rau koj ib leeg xwb,
    kuv tau ua qhov uas koj saib yog tsis zoo.”

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Tswv Ntuj, thov koj tsim ib lub siab huv lis si rau kuv,
    thiab rov muab ib lub tswv yim nyob ruaj nreb rau kuv.
    Koj tsis txhob muab kuv ntiab mus deb ntawm koj,  
    thiab txhob rho koj leej Tswv Yim Ntshiab tawm ntawm kuv mus.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Thov koj pub kom kuv rov muaj kev zoo siab nyob hauv koj txoj kev cawm
    thiab ua kom kuv muaj ib lub tswv yim xav mloog koj.
    HUAB TAIS, thov qhib kuv di ncauj,
    ces kuv lub ncauj yuav tshaj koj lub koob meej.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Zaj Nyeem Ob:   2 KOS LIS NTHOS  5:  20—6:2

    20 Peb yog cov uas Tswv Ntuj xa mus ua Leej Pleev cov tiam lis ; yog zoo li Tswv Ntuj siv peb lub ncauj mus qhuab qhia. Peb tuav txog Leej Pleev lub npe thov nej tas zog, kom nej cia li nrog Tswv Ntuj rov sib haum xeeb. 21 Tswv Ntuj ua kom tus uas tsis paub txoj kev txhaum, txia ua kev txhaum, kom nws pab peb, ces peb nyob hauv nws, mas peb plhis mus ua Tswv Ntuj txoj kev ncaj.
    1 Vim peb yog cov neeg nrog Leej Pleev ua hauj lwm, mas peb thov qhuab ntuas nej, kom nej txhob txais Ntuj lub txiaj ntsim dag. 2 Vim Tswv Ntuj hais tias: ‘Lub sij hawm zoo, kuv tau teb rau koj raws li koj thov. Hnub cawm neeg, kuv tau cev tes pab koj.’ Lub sij hawm zoo, yog nyem no. Hnub cawm neeg, yog nyem no.

    Zaj Tshaj Lub Moo Zoo:     NPN 95:  8

    (Lub Caij 40 peb tsis hais As les lus yas lawm ces thiaj muab hloov hu li no lawm)

    Hnub no yog nej hnov nws lub suab,
    nej tsis txhob ua nej lub siab tawv ncauj.

    Ntawv Moo Zoo:   MT 6:  1-6, 16-18

    1 “Nej ceev faj, nej txhob ua ncaj nyob ntawm neeg xub ntiag xwb, kom luag qhuas nej. Yog nej ua li ntawd, mas nej yuav tsis txais koob haum ntawm nej Txiv nyob saum ntuj. 2 Thaum koj pub rau luag, koj txhob tshuab hom ua koj ntej. Cov neeg zoo sab nraud ua li ntawd nyob hauv cov tsev txoos thiab nyob ntawm tej kev, kom sawv daws cav lus zoo txog lawv. Kuv hais tseeb rau nej, lawv twb txais lawv cov koob haum tas lawm. 3 Hos koj, mas thaum koj pub rau luag, koj txhob cia koj sab tes laug paub qhov uas sab tes xis ua.  4 Li ntawd, tsis muaj neeg paub tias koj tau pub. Ces koj Txiv uas nws pom hauv qhov chaw nraim yuav pauj rau koj. Teev Ntuj nyob hauv qhov chaw nraim.  
    5 Thaum nej teev Ntuj, nej txhob ua li cov neeg zoo sab nraud : lawv nyiam sawv ntsug hauv cov tsev txoos, thiab ntawm tej kev tshuam, kom sawv daws pom lawv. Kuv hais tseeb rau nej, lawv twb txais lawv cov koob haum lawm. 6 Hos koj, mas thaum koj teev Ntuj, koj mus nyob twj ywm hauv koj kem txaj, kaw koj qhov rooj ces koj teev koj Txiv uas nws nyob hauv qhov chaw nraim. Koj Txiv uas nws pom hauv qhov chaw nraim, yuav pauj rau koj.
    16 Thaum nej yoo mov, nej txhob ua ntsej muag ntshaus xws li cov neeg zoo sab nraud : lawv ua ntsej muag mluas mluas, kom luag pom meej tias lawv yoo mov. Kuv hais tseeb rau nej tias cov neeg ntawd twb txais lawv cov koob haum tas lawm. 17 Hos koj, mas thaum koj yoo mov, koj yuav pleev tshuaj tsw qab saum taub hau, koj ntxuav muag, 18 kom txhob muaj neeg paub tias koj yoo mov, tsuas kawg koj Txiv uas nws nyob hauv qhov chaw nraim tib leeg paub xwb. Koj Txiv pom hauv qhov chaw nraim yuav pauj rau koj.”


    Lub Caij Plaub Caug yog lub caij peb tso kev ua txhaum tseg xyaum ua neeg ntshiab


    Nej rov qab mus nyeem zaj piav txog lub Caij 40 hauv no:
    http://hmongcatholique.forumdediscussions.com/t296-hnub-txais-tshauv-thiab-caij-40




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 10th February 2016, 5:19 pm

    TIM  11  LUB  2  HLIS   2016

    Hnub Tsib tom qab Hnub Plaub Txais Tshauv

    Zaj Nyeem Ib:    Txoj Cai Ob 30:  15-20


    15 Koj saib ! Hnub no kuv muab kev muaj txoj sia thiab kev vam meej, kev tuag thiab kev puas tsuaj tso ntawm koj xub ntiag. 16 Yog koj mloog HUAB TAIS, koj tus Tswv Ntuj cov lus qhia uas hnub no kuv muab rau koj no, yog koj nyiam nws, taug nws txoj kev, ua raws nws tej lus qhia, nws txoj cai thiab tej yam nws tau txiav, mas koj yuav muaj txoj sia thiab koj yuav huam vam tuaj; HUAB TAIS koj tus Tswv Ntuj yuav foom hmoov zoo rau koj hauv lub teb chaws uas koj tab tom yuav nkag mus nyob ua koj lub teb chaws. 17 Tab sis yog koj ntxeev siab, koj tsis mloog lus thiab koj cia luag ntxias tau koj mus nrog luag pe thiab tsob hwb lwm cov dab, 18 mas hnub no kuv hais rau nej : nej yuav ploj mus xwb, nej yuav tsis tau nyob ntev xyoo hauv lub teb chaws uas nej hla tus dej Yos Las Das mus txeeb los ua nej tug. 19 Hnub no, kuv muab lub ntuj lub teb nrog kuv ua tim khawv tias : kuv cia koj xaiv saib koj xav yuav txoj sia, los txoj kev tuag, lo lus zoo los lo lus phem. Koj xaiv txoj sia mog ! Koj thiab koj cov xeeb ntxwv thiaj yuav muaj txoj sia nyob,  20 vim koj nyiam HUAB TAIS, koj tus Tswv Ntuj, koj mloog nws lub suab, thiab npuab nws ruaj nreb. Vim koj txoj sia yog qhov ntawd, thiab yog qhov ntawd yuav ua kom koj tau ua neej ntev xyoo hauv lub teb chaws uas HUAB TAIS tau cog lus rau koj cov yawg koob Has Nplas Has, His Xas Has thiab Yas Kos tias yuav muab pub rau lawv.

    NPN   1:  1-2, 3, 4 + 6

    Txais:  (40:5a) Muaj hmoov zoo yog cov uas tso siab rau Huab Tais.

    Muaj hmoov zoo yog tus uas tsis coj raws tus neeg phem zaj tswv yim,
    los taug cov neeg txhaum txoj kev,  
    los zaum nrog cov neeg saib tsis taus luag tej,
    tiam sis nws zoo siab hlo coj HUAB TAIS txoj cai,
    thiab nws xav ntsoov HUAB TAIS txoj cai nruab hnub hmo ntuj.

    Txais:  (40:5a) Muaj hmoov zoo yog cov uas tso siab rau Huab Tais.

    Nws zoo li ib tsob ntoo cog nyob ze cov dej ntws,  
    nws txi txiv raws caij raws nyoog,
    thiab nws tej nplooj tsis txawj zeeg li.  
    Nws ua yam twg tau yam ntawd .

    Txais:  (40:5a) Muaj hmoov zoo yog cov uas tso siab rau Huab Tais.

    Cov neeg phem tsis zoo li ntawd,
    lawv zoo li cov npluag nplej uas cua muab nplawm tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais:  (40:5a) Muaj hmoov zoo yog cov uas tso siab rau Huab Tais.

    Zaj Tshaj Ntawv Moo Zoo:  MT 4:  17

    Huab Tais hais tias, nej yuav thim xav,
    Ntuj lub Ceeb Tsheej tuaj txog ze lawm.

    Ntawv Moo Zoo:  LK 9:  22-25

    22 Yes Xus tseem hais tias : "Neeg Leej Tub yuav tsum raug txom nyem loj. Cov txwj laus, cov Thawj Leej Choj, thiab cov Kws Ntawv Ntshiab yuav muab nws xyeeb pov tseg. Nws yuav raug luag tua, tab sis hnub peb nws yuav sawv rov los."  23 Yes Xus hais rau sawv daws tias : "Leej twg xav los raws kuv, nws yuav tsis txhob nco txog nws, nws yuav niaj hnub kwv nws tus ntoo cuam, ces nws yuav lawv kuv qab. 24 Vim tias tus xav cawm nws txoj sia, mas nws yuav ua nws txoj sia ploj. Hos tus twg ua nws txoj sia ploj vim kuv, mas tus ntawd cawm nws txoj sia. 25 Yog ib tug neeg txeeb tau lub ntiaj teb tas huv si los ua nws tug, tab sis nws ua nws ploj, los ua nws tus kheej puas tsuaj, mas nws tau dab tsi zoo ?


    Last edited by Mim on 11th February 2016, 5:39 am; edited 2 times in total

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 11th February 2016, 5:27 am

    TIM 12 LUB 2 HLIS 2016

    Hnub Rau tom qab Hnub Plaub Txais Tshauv

    Zaj Nyeem Ib: HIS XAIS 58: 1-9A


    1 HUAB TAIS hais li no: "Koj kav tsij qw tiag mas, txhob tso tseg, tsa koj lub suab kom nrov li lub hom, koj tshaj rau kuv haiv neeg tias lawv ua kev phem, rau Yas Kos tsev neeg tias lawv ua kev txhaum. 2 Lawv niaj hnub nrhiav kuv, lawv xav paub kuv tej kev xws li ib lub kuj cuab xav coj kev ncaj thiab tsis tso nws tus Tswv Ntuj txoj cai pov tseg. Lawv thov kom kuv muab tej txoj cai ncaj rau lawv, lawv xav kom Tswv Ntuj nyob ze lawv. 3 ‘Vim li cas peb thiaj yuav yoo mov, yog koj twb tsis pom, los ua kev them txim txhaum yog koj twb tsis quav ntsej txog ?’ Yog vim li no : hnub nej yoo mov, nej tseem ua hauj lwm nrhiav qhov zoo rau nej thiab nej tseem yuam nej cov tub zog, 4 thaum nej yoo mov nej tseem nrhiav kev sib cav sib ceg, siv zog xuas nrig rau tus pluag txom nyem. Yoo mov raws li niaj hnub no nej yoo xwb mas yeej tsis muaj leej twg mloog nej lub suab nyob saum txheej siab. 5 Txoj kev yoo zoo li ntawd puas yog txoj uas kuv nyiam, hu puas tau tias yog ib hnub them txim txhaum zoo rau neeg tiag? Ua taub hau qaij das xws li ib tug tauj deg, tso cev pw saum ntaub tsaj thiab plua tshauv, puas yog qhov koj hu ua kev yoo, puas yog ib hnub uas HUAB TAIS nyiam ? 6 Txoj kev yoo raws li kuv nyiam yog zoo li no – ntawm no yog HUAB TAIS hais : tshem cov saw khi tsis ncaj ncees, daws cov hlua quab yuam neeg, tso cov neeg raug hiam kom tau kev twj lij, muab txhua yam quab lov pov tseg, 7 muab koj mov los faib rau tus neeg tshaib noj, caw cov txom nyem tsis muaj chaw nyob los so hauv koj tsev, muab ris tsho rau neeg liab qab koj pom tau hnav, thiab tsis txhob tig nrob qaum rau tus txheeb ze koj. 8 Yog koj ua li no , mas koj qhov pom kev yuav ci tawm tuaj xws li thaum hnub tuaj, koj lub qhov txhab yuav zoo sai, koj txoj kev ncaj ncees yuav mus ua koj ntej, HUAB TAIS lub hwj chim yuav lawv koj qab. 9 Yog koj qw mas HUAB TAIS yuav teb, yog koj hu, nws yuav hais tias : "Kuv nyob ntawm no."

    NPN 51: 3-4, 5-6AB, 18-19

    Txais: (19b) Tswv Ntuj, koj tsis thuam tus tu siab rau nws cov txhaum thiab ua neeg me.

    Tswv Ntuj, thov koj khuv leej kuv, vim koj lub siab zoo;
    thov koj so kuv qhov txhaum pov tseg, vim koj muaj kev hlub loj tas nrho.
    Thov koj ntxuav kuv lub txim pov tseg kom tas
    thiab koj muab kub qhov txhaum tshem mus kom kuv dawb huv tuaj.

    Txais: (19b) Tswv Ntuj, koj tsis thuam tus tu siab rau nws cov txhaum thiab ua neeg me.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    “Kuv tau ua txhaum rau koj ib leeg xwb,
    kuv tau ua qhov uas koj saib yog tsis zoo.”

    Txais: (19b) Tswv Ntuj, koj tsis thuam tus tu siab rau nws cov txhaum thiab ua neeg me.

    Vim koj tsis zoo siab txais cov kev txi ntuj;
    yog kuv hlawv tsiaj txi ntuj, koj yuav tsis txais.
    Kuv txoj kev txi ntuj, Tswv Ntuj, yog muaj ib lub tswv yim xav lees txhaum,
    muaj ib lub siab xav lees txhaum thiab ua neeg me, Tswv ntuj, koj yuav tsis thuam.

    Txais: (19b) Tswv Ntuj, koj tsis thuam tus tu siab rau nws cov txhaum thiab ua neeg me.

    Zaj Tshaj lub Moo Zoo: AS MOS 5: 14

    Nej nrhiav qhov zoo txhob nrhiav qhov phem
    ces nej yuav muaj txoj sia nyob,
    thiab Huab Tais yuav nrog nraim nej.

    Ntawv Moo Zoo: MT 9: 14-15

    14 Zam cov thwj tim tuaj cuag Yes Xus, lawv hais tias : "Peb yoo mov, cov Fas Lis Xais kuj yoo. Vim li cas koj cov thwj tim tsis yoo ?" 15 Yes Xus teb tias : “Thaum nraug vauv tseem nrog nws cov phooj ywg nyob, mas lawv puas ntoo xyom ? Tiam sis muaj ib hnub, luag coj nraug vauv lawm, mas lawv mam li yuav yoo mov.”



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 12th February 2016, 5:59 am

    TIM 13 LUB 2 HLIS 2016

    Hnub Xya tom qab Hnub Plaub Txais Tshauv

    Zaj Nyeem Ib: HIS XAIS 58: 9B-14


    HUAB TAIS hais li no:
    9b Yog koj tshem txoj kev quab yuam neeg ntawm koj mus, yog koj tsis tsa nrig liam rau luag, yog koj tsis hais cov lus phem, 10 Yog koj faib mov rau tus neeg tshaib noj, yog koj pab tus neeg txom nyem, mas koj qhov pom kev yuav sawv tuaj nyob hauv qhov tsaus ntuj, koj txoj kev tsaus ntuj yuav pom kev nrig li thaum tav su. 11 HUAB TAIS yuav coj koj kev mus li, nws yuav pub rau koj haus kom zoo nqhis nyob hauv teb chaws qhuav. Nws yuav ua kom koj cov pob txha rov muaj zog, koj yuav zoo li ib lub vaj muaj dej ywg, koj yuav zoo li lub qhov dej txhawv uas dej ntws tsis txawj nqhuab. 12 Koj yuav rov tsa cov qub vaj tse uas vau lawd, koj yuav rov tsa cov qub taw ntsa txheej thaud kom siab, luag yuav hu koj ua “tus kho phab ntsa tawg,” “tus rov txhim tej tsev vau.” 13 Yog koj tsis hla hnub xas npas tos, tsis ua hauj lwm hnub ntshiab ntawd, yog koj hu hnub xas npas tos ua "Hnub qab zib", hu HUAB TAIS hnub ntshiab ua "tsim nyog hwm", yog koj hwm hnub ntawd koj tsis mus kev deb, tsis ua hauj lwm, tsis hais lus xaiv lus ncua, 14 ces koj yuav muaj kev zoo siab puv npo nyob hauv HUAB TAIS, kuv yuav coj koj mus taug kev muaj hwj chim ntxiag saum cov toj roob siab nyob hauv lub teb chaws, kuv yuav muab koj txiv Yas Kos lub cuab tam los yug koj. Vim HUAB TAIS lub ncauj tau hais li ntawd.

    NPN 86: 1-2, 3-4, 5-6

    Txais: (11ab) Thov koj qhia koj txoj kev rau kuv, Huab Tais,
    kuv thiaj paub taug raws koj txoj kev ncaj.

    Thov koj khoov cuab pob ntseg mloog kuv, HUAB TAIS, thov teb kuv,
    vim kuv txom nyem thiab kuv pluag.
    Thov koj txuag kuv tus ntsuj plig, vim kuv npuab koj;
    thov koj cawm koj tus tub txib uas tso siab rau koj,
    Koj yog kuv tus Tswv Ntuj.

    Txais: (11ab) Thov koj qhia koj txoj kev rau kuv, Huab Tais,
    kuv thiaj paub taug raws koj txoj kev ncaj.

    Thov koj khuv leej kuv, Huab Tais,
    vim kuv hu koj tas hnub.
    Thov koj pub kev zoo siab rau koj tus tub txib tus ntsuj plig,
    vim kuv tsa kuv tus ntsuj plig yuj plaws tuaj rau koj, Huab Tais.

    Txais: (11ab) Thov koj qhia koj txoj kev rau kuv, Huab Tais,
    kuv thiaj paub taug raws koj txoj kev ncaj.

    Huab Tais, koj muaj lub siab zoo thiab txawj zam txhaum,
    koj txoj kev siab zoo loj tas nrho rau cov uas hu txog koj.
    HUAB TAIS, thov koj mloog kuv zaj thov ntuj
    thiab cuab pob ntseg rau kuv lub suab thov.

    Txais: (11ab) Thov koj qhia koj txoj kev rau kuv, Huab Tais,
    kuv thiaj paub taug raws koj txoj kev ncaj.


    Zaj tshaj Lub Moo Zoo: ES XES KIAS 33: 11

    Huab Tais hais tias, kuv tsis zoo siab pom tus neeg phem raug txoj kev tuag,
    kuv xav pom kom nws tig los ua neeg zoo, ces nws thiaj yuav ciaj.

    Ntawv Moo Zoo: LK 5: 27-32

    27 Dhau tej ntawd tas lawm, Yes Xus tawm mus. Nws ntsia pom ib tug sau se hu ua Les Vis zaum ntawm lub rooj se. Yes Xus hais rau nws tias : "Koj raws kuv mus." 28 Ces Les Vis sawv, nws tso tas ib puas tsav yam tseg, nws raws Yes Xus mus. 29 Les Vis ua ib rooj qav loj txais Yes Xus hauv nws tsev. Muaj ib pab neeg sau se coob thiab tseem muaj lwm cov neeg nrog lawv zaum ntawm rooj mov. 30 Cov Fas Lis Xais thiab lawv cov Kws Ntawv Ntshiab yws yws rau Yes Xus cov thwj tim hais tias : "Vim li cas nej nrog cov neeg sau se thiab cov neeg txhaum noj haus ua ke ?" 31 Yes Xus teb tias : "Tsis yog cov neeg noj qab nyob zoo yuav vam txog kws kho mob. Yog cov muaj txiab muaj nkeeg. 32 Kuv tsis tuaj hu cov neeg ncaj, kuv tuaj hu cov neeg txhaum kom tig los yuav lub siab tshiab."



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 14th February 2016, 4:43 pm

    TIM 15 LUB 2 2016

    Hnub Ob Lis Piam Ib Caij 40 Xyoo C Nruab Xyoo II

    Zaj Nyeem Ib: LES VIS 19: 1-2, 11-18


    1 HUAB TAIS hais rau Mais Xes tias : 2 "Koj yuav hais rau tsoom tub ki His Xas Lais tias : Nej yuav ua neeg ntshiab, vim kuv yog nej tus HUAB TAIS Tswv Ntuj, kuv Ntshiab.
    11 Koj yuav tsis txhob ua tub sab, tsis txhob hais lus dag, los hais tej yam tsis muaj tseeb rau lwm tus. 12 Koj yuav tsis txhob lam tuav txog kuv lub npe cog lus dag kom ntxias tau luag ntseeg koj, vim koj ua li ntawd yog ua saib tsis taus koj tus Tswv Ntuj lub npe. Kuv yog HUAB TAIS. 13 Koj yuav tsis txhob nrhiav kev noj luag los nyiag luag tug: koj yuav tsis txhob khaws tus tub ntiav zog nws tus nqe zog cia rau ntawm koj kom txog tag kis. 14 Koj yuav tsis txhob foom lus phem rau tus neeg ruam tsis txawj hais lus, thiab tsis txhob muab ib yam mus thaiv tus dig muag kev, tiam sis koj yuav ntshai koj tus Tswv Ntuj. Kuv yog HUAB TAIS. 15 Koj yuav tsis txhob coj tsis ncaj thaum koj txiav txim rau luag. Tsis txhob ntshai txiav txim rau ib tug neeg vim nws pluag los puas rau ib tug nom loj vim nws muaj meej mom, tiam sis koj yuav txiav txim rau txhua tus raws txoj kev ncaj nkaus xwb. 16 Koj yuav tsis txhob muab koj tsev neeg xyav moo phem, tsis txhob ua kom tus nyob ze ntawm koj tau lub neej nyuaj siab. Kuv yog HUAB TAIS. 17 Koj yuav tsis txhob ntxub koj tus kwv tij nyob hauv koj nruab siab. Koj yuav cem yuav qhuab qhia tus nyob ze ntawm koj, koj thiaj yuav tsis tau ris nws qhov txhaum. 18 Koj yuav tsis txhob nrhiav kev rob caub thiab yuav tsis txhob chim ntev ntev rau cov me nyuam nyob hauv koj haiv neeg. Koj yuav nyiam tus nyob ze koj ib yam li koj nyiam koj. Kuv yog HUAB TAIS.

    NPN 19: 8, 9, 10, 15


    Txais: (Zam 6:63b) Huab Tais, koj cov lus yog tswv yim thiab yog txoj sia.

    HUAB TAIS txoj cai zoo tas nrho,
    nws ntxiv siav rau ntsuj plig;
    HUAB TAIS tus txhooj tsim nyog ntseeg,
    nws ua kom tus neeg ruam thoob tsib tuaj.

    Txais: Huab Tais, koj cov lus yog tswv yim thiab yog txoj sia.

    HUAB TAIS cov lus qhuab qhia yog lus ncaj
    ua kom neeg lub siab kaj.
    HUAB TAIS lo lus qhia ntshiab si,
    ua kom neeg qhov muag pom kev.

    Txais: Huab Tais, koj cov lus yog tswv yim thiab yog txoj sia.

    Txoj kev hwm HUAB TAIS dawb huv,
    nws yuav nyob mus li;
    HUAB TAIS cov lus txiav txim yog lus tseeb,
    yog cov lus txiav txim ncaj.

    Txais: Huab Tais, koj cov lus yog tswv yim thiab yog txoj sia.

    Thov kom cov lus ntawm kuv lub ncauj zoo ntxim koj siab
    thiab txoj kev xav hauv kuv nruab siab nyob ntawm koj xub ntiag,
    HUAB TAIS, kuv lub tsua thiab tus txhiv kuv.

    Txais: Huab Tais, koj cov lus yog tswv yim thiab yog txoj sia.

    Zaj Tshaj lub Moo Zoo: 2 KOS LIS MTHOS 6: 2B

    Lub sij hawm zoo, yog nyem no.
    Hnub muaj kev cawm neeg, yog nyem no.

    Ntawv Moo Zoo: MT 25: 31-46

    31 “Thaum Neeg Leej Tub yuav rov los, nws yuav muaj koob meej. Tas tsoom Tshiab yuav nrog nws los. Nws yuav zaum saum nws lub theej kiab muaj koob meej. 32 Tas ib tsoom haiv neeg yuav sib sau nyob ntawm nws xub ntiag. Nws yuav cais tsoom neeg xws li tus zov yaj cais cov yaj ntawm cov tshis. 33 Nws yuav cia cov yaj rau ntawm nws sab xis, cia cov tshis rau ntawm nws sab laug. 34 Ces tus Vaj yuav hais rau cov nyob sab xis tias : “Nej los mog ! Nej yog cov uas kuv Txiv pub txoj hmoov zoo rau. Nej txais lub Ceeb Tsheej uas Ntuj npaj tseg rau nej txij puag thaum pib tsim lub sim ceeb los ua nej tug. 35 Vim tias kuv tshaib plab, nej pub rau kuv noj ; kuv nqhis dej, nej pub rau kuv haus, kuv yog ib tug pej kum neeg, nej txais kuv ; 36 kuv liab qab, nej muab rau kuv hnav ; kuv mob, nej tuaj xyuas kuv ; kuv nyob hauv tsev loj faj, nej tuaj tsham kuv.” 37 Ces cov neeg ncaj yuav teb tias : “Huab Tais, thaum twg peb tau pom koj tshaib plab ces peb tau pub rau koj noj, pom koj nqhis dej, ces peb tau muab rau koj haus, 38 pom koj yog ib tug pej kum neeg, ces peb tau txais koj, pom koj liab qab ces tau muab rau koj hnav ? 39 Pom koj mob los nyob hauv tsev loj faj, ces peb tau tuaj xyuas koj ?” 40 Tus Vaj yuav teb rau lawv li no : “Kuv hais tseeb rau nej. Nej tau ua npaum li cas rau cov me tshaj hauv kuv tsoom kwv, mas yog nej ua rau kuv.” 41 Ces tus vaj yuav hais rau cov nyob sab laug tias : “Nej txoj hmoov phem. Nej khiav mus deb kuv, mus nyob hauv cov hluav taws kub tsis txawj tuag, uas Ntuj npaj rau tus dab phem thiab nws cov dab. 42 Vim thaum kuv tshaib plab nej tsis pub rau kuv noj, kuv nqhis dej nej tsis pub rau kuv haus, 43 kuv yog ib tug pej kum neeg nej tsis txais kuv, kuv liab qab nej tsis muab rau kuv hnav, kuv mob thiab kuv nyob hauv tsev loj faj nej tsis tuaj xyuas kuv.” 44 Ces cov ntawd yuav teb rau tus Vaj tias : “Huab Tais, thaum twg peb tau pom koj tshaib plab los nqhis dej, pom koj yog ib tug pej kum neeg, pom koj liab qab, pom koj mob los nyob hauv tsev loj faj, ces peb tsis tau pab koj ?” 45 Ces tus Vaj yuav teb rau lawv tias : “Kuv hais tseeb rau nej, nej tsis tau ua rau cov me tshaj hauv kuv tsoom kwv npaum li cas, mas yog nej tsis tau ua rau kuv.” 46 Ces cov no yuav mus raug txim ib txhiab ib txhis. Hos cov siab ncaj yuav mus txais txoj sia.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 15th February 2016, 9:00 am

    TIM 16 LIB 2 HLIS 2016

    Hnub Peb Lis Piam Ib Caij 40 Xyoo C Nruab Lis Piam Xyoo II

    Zaj Nyeem Ib: HIS XAIS 55: 10-11


    Huab Tais hais li no:
    10 Xws li cov nag thiab cov daus uas poob saum ntuj los, lawv tsis rov mus saum ntuj ua ntej lawv yuav tsum xub ywg lub ntiaj teb tas tso, kom av muaj chiv thiab av zoo, thiaj yuav txi tau noob qoob noob loo rau tus tswv teb thiab pub tau mov rau neeg noj. 11 Lo lus tawm ntawm kuv lub ncauj los kuj zoo ib yam li ntawd thiab, nws yuav tsis rov los cuag kuv qhua qhawv, nws yuav tsum tau ua qhov kuv xav kom ua tso, thiab ua kom tiav txoj hauj lwm kuv xa nws mus ua tso."

    NPN 34: 4-5, 6-7, 16-17, 18-19

    Txais: (18b) Tswv Ntuj cawm tus neeg ncaj ntawm txhua yam kev nyuaj.

    Nej nrog kuv cav txog HUAB TAIS lub koob meej,
    peb sawv daws ua ke qhuas nws lub npe.
    Kuv nrhiav HUAB TAIS, nws tau teb kuv,
    thiab tau cawm kuv ntawm kuv tej kev ntshai.

    Txais: (18b) Tswv Ntuj cawm tus neeg ncaj ntawm txhua yam kev nyuaj.

    Nej vam txog nws ces nej yuav zoo siab luag ntxhi,
    nej ntsej muag yuav tsis liab vim nej tau txaj muag.
    Thaum tug neeg pluag hu, HUAB TAIS hnov,
    thiab yuav cawm nws ntawm tas nws tej kev nyuaj.

    Txais: (18b) Tswv Ntuj cawm tus neeg ncaj ntawm txhua yam kev nyuaj.

    HUAB TAIS muaj qhov muag pom cov neeg ncaj,
    muaj pob ntseg hnov lawv lub suab quaj.
    HUAB TAIS tawm tsam cov neeg ua phem,
    rhuav lawv kom lub ntiaj teb txhob nco txog lawv ntxiv.

    Txais: (18b) Tswv Ntuj cawm tus neeg ncaj ntawm txhua yam kev nyuaj.

    Thaum cov neeg ncaj hu, HUAB TAIS hnov lawv,
    Nws cawm lawv ntawm tas lawv tej kev nyuaj.
    HUAB TAIS nyob ze ze cov neeg siab lwj siab ntuag,
    thiab nws cawm cov uas tas kev cia siab.

    Txais: (18b) Tswv Ntuj cawm tus neeg ncaj ntawm txhua yam kev nyuaj.

    Zaj Tshaj lub Moo Zoo: MT 4: 4B

    Neeg tsis kawg muab mov los yug sia xwb,
    neeg tseem yuav muab txhua lo lus tawm ntawm Tswv ntuj lub ncauj los yug sia thiab.

    Ntawv Moo Zoo: MT 6: 7-15

    7 Thaum nej teev Ntuj, nej txhob ntuas mus ntuas los zoo li cov neeg teev dab : lawv xav tias yog lawv hais lus ntau, mas dab yuav mloog lawv zoo dua. 8 Nej txhob ua zoo li lawv. Vim nej Txiv paub tias qhov twg yog qhov nej yuav tsum muaj, tab yog nej tseem tsis tau thov, nws twb xub paub lawm. 9 Nej yuav teev Ntuj zoo li no :
    "Peb Txiv nyob saum ntuj, koj lub Npe ntshiab nto moo lug.
    10 Koj lub Ceeb Tsheej los txog.
    Kom muaj raws li koj nyiam nyob ntiaj teb no li nyob saum ntuj.
    11 Thov koj pub mov txaus peb noj hnub no.
    12 Koj zam peb cov nuj nqis zoo li peb zam rau cov tshuav nqi ntawm peb.
    13 Koj txhob tso peb raug kev ntxias. Thov koj npo peb dim ntawm kev phem."
    14 Yog nej zam rau cov neeg ua txhaum rau nej, mas nej Txiv nyob saum ntuj kuj yuav zam rau nej thiab. 15 Hos yog nej tsis zam txhaum rau luag, mas nej Txiv kuj yuav tsis zam rau nej.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 16th February 2016, 5:02 am

    TIM 17 LUB 2 HLIS 2016

    Hnub Plaub Lis Piam Ib Caij 40 Xyoo C Nruab Lis Piam Xyoo II
    Hwm Xya tus Leej Ntshiab Tsim Tsa lub Koom Haum cov Servites

    Zaj Nyeem Ib: YOS NAS 3: 1-10


    1 HUAB TAIS lo lus nrov tuaj rau Yos Nas zaum ob tias : 2 "Koj sawv kev, koj yuav mus kom txog Nis Nis Vas, lub tuam tsheej, koj yuav tshaj rau lawv raws li kuv qhia rau koj hais." 3 Yos Nas sawv los npaj tau, nws muab kev mus lawm Nis Nis Vas raws HUAB TAIS lo lus. Lub tsheej Nis Nis Vas yog ib lub tsheej loj kawg nkaus, yuav mus peb hnub ke thiaj hla dhau lub tsheej. 4 Yos Nas Nkag mus hauv lub nroog, nws mus kev ib hnub. Ces nws tshaj tawm rau sawv daws tias : "Tshuav plaub caug hnub ntxiv xwb, ces lub tsheej Nis Nis Vas yuav raug rhuav tas." 5 Cov neeg nyob Nis Nis Vas cia li ntseeg Tswv Ntuj; lawv ceeb toom kom sawv daws yoo mov thiab lawv hnav ntaub tsaj, tsis hais tus hlob los tus yau. 6 Lub moo no kuj nrov tuaj txog tus vaj nyob Nis Nis Vas; nws sawv tsees ntawm nws lub theej kiab mus hle nws lub tsho loj tseg, nws muab zoj ib lub hnab tsaj los npua, nws mus zaum hauv cov tshauv. 7 Ces lawv mus qw thoob plaws lub nroog Nis Nis Vas raws li tus vaj lo lus ceeb toom tias : "Tej neeg thiab tej tsiaj txhu, cov tsiaj loj thiab tsiaj me, sawv daws yuav tsis txhob noj dab tsi li, tsis noj mov tsis haus dej li. 8 Tus twg kuj yuav tsum npua hnab tsaj thiab yuav hu txog Tswv Ntuj tas zog, nyias yuav tso nyias txoj kev ua phem tseg, yuav cheem nyias ob txhais tes kom txhob ua txhaum ntxiv. 9 Tsis muaj neeg paub, tiam sis tej zaum Tswv Ntuj siab yuav nqig, nws yuav thim xav, yuav thim nws txoj kev npau taws, ces peb sawv daws yuav tsis tuag ." 10 Tswv Ntuj pom lawv mob siab siv zog kom tso lawv txoj kev ua txhaum ua phem tseg, ces Tswv Ntuj hloov siab, nws thim txoj kev rau txim uas nws npaj rau lawv, nws tsis nplua lawv raws li nws tau hais.

    NPN 51: 3-4, 12-13, 18-19

    Txais: (19b) Tswv Ntuj, koj tsis thuam tus tu siab rau nws cov txhaum thiab ua neeg me.

    Tswv Ntuj, thov koj khuv leej kuv vim koj lub siab zoo;
    thov koj so kuv qhov txhaum pov tseg, vim koj muaj kev hlub loj tas nrho.
    Thov koj ntxuav kuv lub txim pov tseg kom tas
    thiab muab kuv qhov txhaum tshem mus kom kuv dawb huv tuaj.

    Txais: Tswv Ntuj, koj tsis thuam tus tu siab rau nws cov txhaum thiab ua neeg me.

    Tswv Ntuj, thov koj tsim ib lub siab huv lis si rau kuv,
    thiab rov muab ib lub tswv yim nyob ruaj nreb rau kuv.
    Koj tsis txhob muab kuv ntiab mus deb ntawm koj,
    thiab txhob rho koj leej Tswv Yim Ntshiab tawm ntawm kuv mus.

    Txais: Tswv Ntuj, koj tsis thuam tus tu siab rau nws cov txhaum thiab ua neeg me.

    Vim koj tsis zoo siab txais cov kev txi ntuj;
    yog kuv hlawv tsiaj txi ntuj, koj yuav tsis txais.
    Kuv txoj kev txi ntuj, Tswv Ntuj, yog muaj lub tswv yim xav lees txhaum;
    yog muaj ib lub siab xav lees txhaum thiab ua neeg me, Tswv ntuj, koj yuav tsis thuam.

    Txais: Tswv Ntuj, koj tsis thuam tus tu siab rau nws cov txhaum thiab ua neeg me.

    Zaj Tshaj lub Moo Zoo: YOS ES 2: 12-13

    HUAB TAIS hais tias, lub sij hawm no,
    nej muab tas nrho nej lub siab tig rov los cuag kuv,
    vim kuv muaj lub siab hlub thiab khuv leej neeg.

    Ntawv Moo Zoo: LK 11: 29-32

    29 Thaum tej pab neeg coob coob tuaj sib txiv nyob ua ke, Yes Xus pib hais lus li no : "Tiam neeg no yog ib tiam neeg phem. Lawv taij ib lub cim, tab sis lub cim lawv yuav pom kawg yog Yos Nas lub cim xwb. 30 Vim tias Neeg Leej Tub yog ib lub cim rau tiam neeg no, xws li Yos Nas yog ib lub cim rau cov neeg nyob Nis Nis Vas. 31 Hnub txiav txim, tus poj vaj nyob Naj Fab yuav nrog tiam neeg no sawv, nws yuav muab txim rau tiam neeg no, vim nws tuaj puag tim npoo ntiaj teb tuaj mloog Xas Los Moos cov lus thoob tsib. Hos nyob ntawm no, twb muaj tus loj dua Xas Los Moos ! 32 Hnub txiav txim, cov neeg nyob Nis Nis Vas yuav nrog tiam neeg no sawv rov los, lawv yuav muab txim rau tiam neeg no, vim tias thaum Yos Nas tuaj qhia lawv, mas lawv thov txhaum, hos nyob ntawm no twb muaj tus loj dua Yos Nas !






    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 17th February 2016, 7:00 am

    TIM 18 LUB 2 HLIS 2016

    Hnub Tsib Lis Piam Ib Caij 40 Xyoo C Nruab Lis Piam Xyoo II

    Zaj Nyeem Ib: ES THES C: 12, 14-16, 23-25
    (Raws ‘New American Bible Rev. Ed.’)

    12 Tus poj vaj Es Thes nyuaj siab loj kawg nkaus, nws kuj tig mus thov thiab vam khom HUAB TAIS pab.
    14 Nws thiaj thov His Xas Lais tus Huab Tais Tswv Ntuj li no: “Kuv tus Huab Tais, koj ib leeg yog peb tus Vaj. Thov koj tuaj pab kuv vim kuv ib leeg xwb, tsis muaj leej twg pab, tsuas muaj koj ib leeg xwb. 15 Kuv tab tom yuav pheej hmoo rau kuv txoj sia. 16 Txij thaum kuv yug los, kuv tau hnov hais nyob hauv kuv haiv neeg tias, Huab Tais, koj yog tus tau xaiv His Xas Lais hauv txhua haiv neeg los, thiab peb phaj txiv hauv lawv cov yawg koob los ua koj tug mus ib txhis, thiab koj tau ua zoo rau lawv raws li koj tau cog lus.
    23 HUAB TAIS, thov koj nco ntsoov peb. Thov koj tawm tuaj thaum peb ntsib kev txom nyem, thiab thov koj muab ib lub siab loj rau kuv, koj uas yog tus Vaj kav tas txhua cov dab, tus Tswj kav tas txhua tus nom tswv. 24 Thov koj muab ib co lus rau kuv qhov ncauj uas txawj ntxias kom tsov seej thiab txawj tig tsov lub siab mus ntxub peb tus yeeb ncuab, kom nws thiab nws cov neeg koom siab ploj mus kom tas. 25 HUAB TAIS, thov koj muab koj lub hwj huam los cawm peb, thiab thov koj pab kuv, vim kuv ib leeg xwb, tsis muaj leej twg pab, tsuas muaj koj ib leeg xwb.

    NPN 138: 1-2AB, 2CDE-3, 7C-8

    Txais: (3a) Huab Tais, thaum kuv hu koj, koj tau teb kuv.

    HUAB TAIS, kuv ua koj tsaug tas siab tas ntsws,
    vim koj tau hnov kuv lub ncauj cov lus thov;
    kuv hu nkauj cav txog koj nyob ntawm cov tshiab xub ntiag;
    kuv khoov pe hawm koj nyob hauv koj lub tuam tsev ntshiab
    thiab ua tsaug rau koj lub npe.

    Txais: (3a) Huab Tais, thaum kuv hu koj, koj tau teb kuv.

    Koj muaj lub siab zoo thiab lub siab pheej xeeb,
    koj lub npe thiab koj txoj kev cog lus
    loj tshaj tas txhua yam;
    thaum kuv hu tuaj pab, koj teb kuv,
    koj ntxiv zog rau kuv kom kuv lub zog loj tuaj.

    Txais: (3a) Huab Tais, thaum kuv hu koj, koj tau teb kuv.

    Koj txhais tes xis cawm kuv.
    HUAB TAIS yuav ua kom tiav tej yam nws npaj ua rau kuv. ;
    HUAB TAIS, koj lub siab zoo nyob mus li;
    thov koj txhob tso peb pov tseg, koj yog tus tsim peb los.

    Txais: (3a) Huab Tais, thaum kuv hu koj, koj tau teb kuv.

    Zaj Tshaj lub Moo Zoo: NPN 51: 12A, 14A

    Tswv Ntuj, thov koj tsim ib lub siab huv lis si rau kuv,
    thov koj pub kom kuv rov muaj kev zoo siab nyob hauv koj txoj kev cawm

    Ntawv Moo Zoo: MT 7: 7-12

    Yes Xus hais tias:
    7 "Nej thov, ces nej yuav tau txais, nej nrhiav, ces nej yuav ntsib, nej khob qhov rooj, ces luag yuav qhib rau nej. 8 Vim tias leej twg thov, nws yuav tau txais ; leej twg nrhiav, nws yuav ntsib ; leej twg khob qhov rooj, mas yuav muaj tus qhib qhov rooj rau nws. 9 Nej leej twg tus tub taij mov, nej puas yuav muab ib lub pob zeb rau nws noj ? 10 Yog nej tus tub taij ib tug ntses, nej puas yuav muab ib tug nab rau nws ? 11 Txawm tias nej yog neeg phem, tsis kav nej txawj pub tej yam zoo rau nej cov me nyuam. Li ntawd nej Txiv nyob saum ntuj haj yam txawj pub qhov zoo tshaj rau cov neeg thov nws. 12 Tas ib puas tsav yam uas nej xav kom luag ua rau nej, mas nej yuav xub ua rau luag tso : Txoj Cai thiab cov Yaj Saub qhia li ntawd.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 18th February 2016, 5:17 am

    TIM 19 LUB 2 HLIS 2016

    Hnub Rau Lis Piam Ib Caij 40 Xyoo C Nruab Lis Piam Xyoo II

    Zaj Nyeem Ib: ES XES KIAS 18: 21-28


    21 Yog tus muaj ib lub siab phem tseg tsis ua txhaum ntxiv, nws coj kuv cov lus qhia thiab nws ua raws nraim txoj kev ncaj kev zoo, mas nws yuav muaj txoj sia, nws yuav tsis tuag. 22 Kuv yuav tsis nco txog nws cov txhaum ib qho li, nws yuav ciaj vim nws ua qhov zoo. 23 Kuv puas yuav zoo siab tau yog kuv pom ib tug neeg txhaum tuag? Huab Tais TSWV NTUJ hais lus. Ntshai kuv yuav zoo siab dua yog nws tso nws txoj kev ua phem tseg kom nws tau txoj sia. 24 Tab sis yog tus neeg siab ncaj nws ncaim ntawm txoj kev ncaj thiab nws mus ua txhaum xws li tus neeg tsis hwm Ntuj ua kam, mas tus neeg ntawd nws puas tsim nyog muaj txoj sia nyob ? Nws cov hauj lwm zoo uas thaum ub nws ua, kuv yuav tsis nco txog li. Vim nws tau tso kev ntseeg tseg thiab mus ua txhaum, vim li no nws yuav tsum tuag. 25 Tiam sis nej hais tias: “HUAB TAIS ua tsis ncaj ?” Tsev neeg His Xas Lais, nej mloog zoo zoo, puas yog kuv ua tsis ncaj ? Zoo li yog nej ua tsis ncaj los tsis sub ? 26 Tus neeg siab ncaj nws ncaim ntawm txoj kev ncaj mus ua txhaum, ces nws tuag, yog vim nws tau ua txhaum nws thiaj yuav tsum tuag. 27 Hos tus neeg siab phem nws tso nws txoj kev ua phem pov tseg, nws los ua qhov ncaj qhov zoo, ces nws txoj sia yuav nyob. 28 Vim nws tso nws txoj kev phem pov tseg, mas nws yuav muaj txoj sia nws yuav tsis tuag.

    NPN 130: 1-2, 3-4, 5-6, 7-8

    Txais: (3) Huab Tais, yog koj cim ntsoov peb cov txhaum, leej twg yuav nyob taus?

    Kuv nyob hauv qab tiv txwv hu txog koj, HUAB TAIS,
    HUAB TAIS, thov koj mloog kuv lub suab!
    Thov koj cuab pob ntseg mloog kuv lo lus thov koj.

    Txais: (3) Huab Tais, yog koj cim ntsoov peb cov txhaum, leej twg yuav nyob taus?

    HUAB TAIS, yog koj cim ntsoov peb cov txhaum
    leej twg thiaj yuav nyob taus?
    Tab sis nyob ntawm koj muaj kev zam txhaum,
    thov kom sawv daws hawm koj.

    Txais: (3) Huab Tais, yog koj cim ntsoov peb cov txhaum, leej twg yuav nyob taus?

    Kuv tso siab rau HUAB TAIS,
    kuv tus ntsuj plig tso siab rau nws lo lus.
    Kuv tus ntsuj plig tos ntsoov HUAB TAIS
    heev tshaj cov zov keeb tos lub caij kaj ntug.
    His Xas Lais, koj yuav tos ntsoov HUAB TAIS.

    Txais: (3) Huab Tais, yog koj cim ntsoov peb cov txhaum, leej twg yuav nyob taus?

    Vim HUAB TAIS muaj lub siab zoo,
    thiab nws muaj txoj kev cawm nplua mias,
    nws yuav cawm His Xas Lais
    ntawm tas lawv tej kev txhaum.

    Txais: (3) Huab Tais, yog koj cim ntsoov peb cov txhaum, leej twg yuav nyob taus?

    Zaj Tshaj lub Moo Zoo: ES XES KIAS 18: 31

    HUAB TAIS hais tias, nej cia li tso tas nej tej kev ua txhaum pov tseg,
    thiab yuav dua ib lub siab tshiab thiab ib lub tswv yim tshiab.

    Ntawv Moo Zoo: MT 5: 20-26

    20 "Kuv hais rau nej : yog nej tsis ua siab ncaj dua cov Kws Ntawv Ntshiab thiab cov Fas Lis Xais, mas nej yuav mus tsis tau hauv Ntuj lub Ceeb Tsheej. 21 "Nej hnov cov lus qhia rau tej laus thaud tias : "Koj tsis txhob tua neeg. Tus twg tua neeg, nws yuav raug luag txiav txim rau nws. 22 Hos kuv, mas kuv hais rau nej : Leej twg npau taws rau nws tus kwv, nws yuav raug txim ntawm tsev hais plaub. Yog nws hais rau nws tus kwv tias "Niag ruam !" mas nws yuav raug txim ntawm lub rooj txwj laus Xas Nes Nrees. Yog nws hais rau nws tus kwv tias : "Niag vwm", mas nws yuav raug txim nyob hauv dab phem cov hluav taws. 23 Thaum koj cev ib co txim rau saum lub thaj txi Ntuj, yog koj nco dheev tias koj tus kwv tau muaj lus rau koj lawm. 24 Mas koj cia li tso koj cov txim rau ntawm lub thaj txi Ntuj, koj mus nrog koj tus kwv hais kom haum tso, koj mam rov los cev koj cov txim. 25 Thaum koj nrog tus neeg ntxub koj tseem ua ke mus kev, koj kav tsij nrog nws hais kom haum, tsam nws coj koj mus kom rau tus txiav txim, ces tus txiav txim muab koj cob rau tub ceev xwm kom muab koj kaw hauv tsev loj faj. 26 Kuv hais tseeb rau koj, koj yuav tawm tsis tau hauv tsev loj faj, mus txog thaum koj rho nyiaj qab nas txog npib kawg nkaus los them.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: COV ZAJ NYEEM NRUAB LIS PIAM XYOO II, 2015-2016

    Post  Mim on 18th February 2016, 5:20 am

    TIM   19   LUB   2   HLIS    2016

    Hnub Rau Lis Piam Ib Caij 40 Xyoo C Nruab Lis Piam Xyoo II  

    Zaj Nyeem Ib:    ES XES KIAS   18:  21-28


    21 Yog tus muaj ib lub siab phem tseg tsis ua txhaum ntxiv, nws coj kuv cov lus qhia thiab nws ua raws nraim txoj kev ncaj kev zoo, mas nws yuav muaj txoj sia, nws yuav tsis tuag. 22 Kuv yuav tsis nco txog nws cov txhaum ib qho li, nws yuav ciaj vim nws ua qhov zoo. 23 Kuv puas yuav zoo siab tau yog kuv pom ib tug neeg txhaum tuag? Huab Tais TSWV NTUJ hais lus. Ntshai kuv yuav zoo siab dua yog nws tso nws txoj kev ua phem tseg kom nws tau txoj sia. 24 Tab sis yog tus neeg siab ncaj nws ncaim ntawm txoj kev ncaj thiab nws mus ua txhaum xws li tus neeg tsis hwm Ntuj ua kam, mas tus neeg ntawd nws puas tsim nyog muaj txoj sia nyob ? Nws cov hauj lwm zoo uas thaum ub nws ua, kuv yuav tsis nco txog li. Vim nws tau tso kev ntseeg tseg thiab mus ua txhaum, vim li no nws yuav tsum tuag. 25 Tiam sis nej hais tias: “HUAB TAIS ua tsis ncaj ?” Tsev neeg His Xas Lais, nej mloog zoo zoo, puas yog kuv ua tsis ncaj? Zoo li yog nej ua tsis ncaj los tsis sub? 26 Tus neeg siab ncaj nws ncaim ntawm txoj kev ncaj mus ua txhaum, ces nws tuag, yog vim nws tau ua txhaum nws thiaj yuav tsum tuag. 27 Hos tus neeg siab phem nws tso nws txoj kev ua phem pov tseg, nws los ua qhov ncaj qhov zoo, ces nws txoj sia yuav nyob. 28 Vim nws tso nws txoj kev phem pov tseg, mas nws yuav muaj txoj sia nws yuav tsis tuag.

    NPN    130:  1-2, 3-4, 5-6, 7-8

    Txais:    (3) Huab Tais, yog koj cim ntsoov peb cov txhaum, leej twg yuav nyob taus?  

    Kuv nyob hauv qab tiv txwv hu txog koj, HUAB TAIS,
    HUAB TAIS, thov koj mloog kuv lub suab!
    Thov koj cuab pob ntseg mloog kuv lo lus thov koj.    

    Txais:    (3) Huab Tais, yog koj cim ntsoov peb cov txhaum, leej twg yuav nyob taus?

    HUAB TAIS, yog koj cim ntsoov peb cov txhaum
    leej twg thiaj yuav nyob taus?
    Tab sis nyob ntawm koj muaj kev zam txhaum,
    thov kom  sawv daws hawm koj.

    Txais:    (3) Huab Tais, yog koj cim ntsoov peb cov txhaum, leej twg yuav nyob taus?

    Kuv tso siab rau HUAB TAIS,
    kuv tus ntsuj plig tso siab rau nws lo lus.
    Kuv tus ntsuj plig tos ntsoov HUAB TAIS
    heev tshaj cov zov keeb tos lub caij kaj ntug.
    His Xas Lais,  koj yuav tos ntsoov HUAB TAIS.  

    Txais:    (3) Huab Tais, yog koj cim ntsoov peb cov txhaum, leej twg yuav nyob taus?

    Vim HUAB TAIS muaj lub siab zoo,  
    thiab nws muaj txoj kev cawm nplua mias,
    nws yuav cawm His Xas Lais
    ntawm tas lawv tej kev txhaum.

    Txais:    (3) Huab Tais, yog koj cim ntsoov peb cov txhaum, leej twg yuav nyob taus?

    Zaj Tshaj lub Moo Zoo:      ES XES KIAS 18:  31

    HUAB TAIS hais tias, nej cia li tso tas nej tej kev ua txhaum pov tseg,
    thiab yuav dua ib lub siab tshiab thiab ib lub tswv yim tshiab.

    Ntawv Moo Zoo:    MT 5:  20-26

    20 "Kuv hais rau nej : yog nej tsis ua siab ncaj dua cov Kws Ntawv Ntshiab thiab cov Fas Lis Xais, mas nej yuav mus tsis tau hauv Ntuj lub Ceeb Tsheej.  21 "Nej hnov cov lus qhia rau tej laus thaud tias : "Koj tsis txhob tua neeg. Tus twg tua neeg, nws yuav raug luag txiav txim rau nws. 22 Hos kuv, mas kuv hais rau nej : Leej twg npau taws rau nws tus kwv, nws yuav raug txim ntawm tsev hais plaub. Yog nws hais rau nws tus kwv tias "Niag ruam !" mas nws yuav raug txim ntawm lub rooj txwj laus Xas Nes Nrees. Yog nws hais rau nws tus kwv tias : "Niag vwm", mas nws yuav raug txim nyob hauv dab phem cov hluav taws. 23 Thaum koj cev ib co txim rau saum lub thaj txi Ntuj, yog koj nco dheev tias koj tus kwv tau muaj lus rau koj lawm. 24 Mas koj cia li tso koj cov txim rau ntawm lub thaj txi Ntuj, koj mus nrog koj tus kwv hais kom haum tso, koj mam rov los cev koj cov txim. 25 Thaum koj nrog tus neeg ntxub koj tseem ua ke mus kev, koj kav tsij nrog nws hais kom haum, tsam nws coj koj mus kom rau tus txiav txim, ces tus txiav txim muab koj cob rau tub ceev xwm kom muab koj kaw hauv tsev loj faj. 26 Kuv hais tseeb rau koj, koj yuav tawm tsis tau hauv tsev loj faj, mus txog thaum koj rho nyiaj qab nas txog npib kawg nkaus los them.

    Sponsored content

    Re: COV ZAJ NYEEM NRUAB LIS PIAM XYOO II, 2015-2016

    Post  Sponsored content Today at 11:30 pm


      Current date/time is 6th December 2016, 11:30 pm