Thov tau Ntuj txiaj ntsim "me nyuam mob".

**Maiv Tooj** 30th November 2009, 6:46 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Thov tau Ntuj txiaj ntsim "me nyuam mob".

Post Maiv Tooj 30th November 2009, 6:46 am

Muaj ib zaug, kuv ib tug me nyuam mob ntawg ntiag ces nws cia li tsis nco qab lawm.
Thaum kuv puag nws, nws tseem zoo, ces kuv muab rau kuv tus muam puag, kuv mus nrhiav tshuaj los zaws...Thaum kuv tus muam pom tias tus me nyuam yuav tsis zoo, ces nws nqa los rau tom kem txais qhua, nws tsis kam nyob tom txaj lawm. Ces kuv hais nws tias muab me nyuam rau kuv...Nws cev kuv tus me nyuam los, kuv saib cas kuv tus me nyuam tsis zoo lawm...ntsej muag poob tag, kua ncauj, kua ntswg tawm ntshiab si xwb...tsis ua pa lawm...
Ces tam sim ntawd kuv tsis paub ua cas, kuv muab kuv lub taub hau nyo rau hauv kuv tus me nyuam xub ntiag, kuv hais tias:

Tswv Ntuj txoj sia yog koj muab!
Koj zam txhaum rau kuv!
Kuv twb tsis tau ua txhaum dab tsi!
Yog kuv tsis paub, kuv ua ua txhaum lawm los koj zam rau kuv!

Thaum ntawd kuv tsis pom dab tsi nyob hauv ntiaj teb no li lawm.
Tiag tiag mas kuv qe muag rau ntawm kuv tus me nyuam hauv siab.
Tab sis sij hawm ntawd, kuv pom lub Ntuj tshiab tshiab, Lub ntuj huv huv, kuv muaj ib qhov mus deb deb puag saum ub, kuv tsis nco qab txog ib yam dab tsi nob ntiaj teb nov li lawm. Zoo li kuv lub tswv yim mus txog ntua Huab Tais Ntuj txheej huab sab saud ( Yog 2h ib tag hmo). Qhov kuv pom no, nws zoo nkauj tshaj tej yam peb niaj hnub pom nyob ntiaj teb no. Kuv piav tsis tau rau nej li qhov kuv pom. Vim tsis muaj nyob lub ntiaj teb no...Ces thaum kuv twb hais kuv cov lus tsis tau tu, kuv tus me nyuam twb quaj txham nto plaws ua rau kuv tus muam cia li ntshai kuv lawm...

Dhau nov los, raws kws tshuaj soj ntsuam pom thiab cov Electroencephalogrammes mas kuv tus me nyuam no yuav yog ib tug neeg tswv yim tsis tus, kawm tsis tau ntawv...Tab sis kuv tus me nyuam no ho ntse heev, kawm ntawv zoo, nws hla hoob ob zaug thiab zaum no 22 xyoos xwb nws tias ingégneur lawm..

Last edited by Maiv Tooj on 6th November 2016, 9:30 am; edited 1 time in total

**Maivxis** 30th November 2009, 12:12 pm

Maivxis

Maivxis: Phooj Ywg; Messages : 191
Date d'inscription : 2009-11-05

Post n°2

Re: Thov tau Ntuj txiaj ntsim "me nyuam mob".

Post Maivxis 30th November 2009, 12:12 pm

Maivtooj aws !!!! nrog koj zoo siab os ,
Yog lawm tswv ntuj yeej muaj tiag , thiab nws yuav pab koj thaum lub caij ua koj muaj kev nyuaj siab,Koj lub siab dawb paug thov txog nws koj yuav tau li koj thov tiag los mas ,
Tab sis yuav tsis yog lam tau lam thov nawb , thaum koj hu txog nws lub sij hawm ntawd ua li koj hais os ntiaj deb yeej tsis hnov muaj dab tsi li lawm tsuas yog tsuav tswv ntuj lawm xwb , Yog txog thaum koj muaj kev nyuaj siab npaum li ntawd tiag ma koj yeej pom kiag ntawm qhov muag ntag , Kuv tseeg tau koj hais tias nws muaj tiag ,
Vim kuv tus kheej twb tau ntsib los lawm thiab ,
Cia lwm zaus kuv li mam piav rau nej mloog os mog ,
Maivtooj aws .!!!! Twb yog koj muaj txoj kev zoo es , KOj thiaj li tau txais tswv ntuj Lub Txiaj Ntsim os mog .

Thov kom tswv Ntuj hlub peb os , thiab kom tswv ntuj ua nws lub siab kaj lug nawb mog .

Maivxis .

**Mim** 30th November 2009, 4:10 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: Thov tau Ntuj txiaj ntsim "me nyuam mob".

Post Mim 30th November 2009, 4:10 pm

Tais Tooj,

Koj hmoov zoo kawg nkaus, koj muaj Tswv Ntuj lub txiaj ntsim es thaum koj tsis muaj kev mus lawm, koj hu Tswv Ntuj thiaj teb koj os.....Zoo kawg nkaus li nawb... Kuv zoo siab nrog koj ua Tswv Ntuj tsaug....