TSEV KHO THIAB KAWM HAIS LUS HMOOB

Nyob zoo sawv daws,

Cas hnub no kuv pom nej hais tau ib co lus txaus luag kawg li thiab... Cov lus nej hais mas kuv xav tias yog cov Hmoob ua movie lam siv kom txaus luag xwb no... Tiam sis lawv siv li ntawd ces peb cov Hmoob muaj ib txhia cia li kawm li ntawd lawm tiag tiag xwb...

Raws kuv paub mas peb Hmoob yeej ib txwm hais ob niam txiv (rau ib nkawm niam txiv), ob txiv tub (rau leej txiv thiab ib tug tub los ib tug ntxhais), ob niam tub (rau leej niam thiab ib tug tub los ib tug ntxhais), Hmoob yeej tsis siv ib niam txiv los ib niam ntxhais, ib txiv ntxhais li. Tej zaum muaj ib txhia xav xyaum Mes Kas ces lam hais ib niam txiv, tiam sis lawv tsis xav tswv yim, vim yog muaj plaub niam txiv lawm no, lawv yuav hu ua ob niam txiv ces thaum ntawd Hmoob tsis to taub tias xyov yog ob niam txiv los yog plaub niam txiv li lawm.

Kuv yeej hnov dua Hmoob hais txog leej niam nrog ob tug me nyuam, Hmoob hais tias lawv peb niam tub, hos yog leej txiv nrog 3 tug me nyuam ces yog plaub txiv tub. Yog peb siv raws li Hmoob ib txwm siv mas peb tsis muaj yuam kev, tiam sis yog siv li no mas peb yuav tsis paub tseeb tias xyov lawv xav hais li cas tiag.

Nyob zoo cov phooj ywg sawv daws,

Raws li kuv tau nug los ntawm 10 leej txiv neej thiab 10 leej poj niam uas muaj hnub nyoog 50 xyoo rov saud nrog rau nej cov tau sau tuaj teb rau kuv mas tsis muaj ib tug yuav hais tias cov hais li sau los saud yog tseem lus Hmoob li, Nej tau muab ib txog kev pab kom kuv haj yam xa sau txuas ntxiv… Li ntawd kuv yuav rov sau raws li nej cov nej sawv daws twb tau sau lawm thiab kuv thov ntxiv ib co ntxiv kom zoo pab sawv daws to taub zog. Yog ib co lus tham ntev hauj sim thovnej ua siab ntev ov !

Cov lus teb :

Ib niam txiv = tus txiv neej thiab nws tus poj niam.
Yog ib lo lus hais tso daj tso luag kom txaus luag xwb.
Qhov tseem lus Hmoob mas yog 2 NIAM TXIV (tus niam thiab tus txiv yog 2 leeg tsis yog 1 leeg xwb)
(yog xav siv los lus 1 yuav tau hais tias 1 NKAWM NIAM TXIV mas thiaj raug vim nkawd yog txij nkawm)

2 nkawm niam txiv = 4 niam txiv
3 nkawm niam txiv = 6 niam txiv
thc…
Ntau zaus mas yog tshaj 2 niam txiv lawm cov laus neeg lawv tsis tshua hais 4 niam txiv los 6 niam txiv lawm, lawv hais 2 NKAWM NIAM TXIV, 3 NKAWM NIAM TXIV thc…

Tus txiv thiab nws tus niam hlob nrog rau tus niam yau yuav hu li cas ?
Los lus no teb nyuaj kawg… Ib txhia hais tias 3 niam txiv (txhais tias yog 3 leeg) tab sis muaj teeb meem rau qhov tias 3 niam txiv kuj tsis yog 3 leeg, yog 6 leej los yog 3 nkawm niam txiv, tej tus laus neeg kuj hais tias thaum lawv hais tej rooj plaub ntug uas yog tus txiv, niam hlob thiab niam yau mas lawv kuj tau siv lo lus tias nej 3 tug niam txiv (3 niam txiv mas sawv daws yeej to taub vim lub caij ntawd kawg yog lawv 3 leej xwb thiaj tsis sib haum)
Muaj tej tus txiv neej muaj 3 tug poj niam kuj hais tau tias 4 niam txiv (tus txiv muaj pes tsawg poj niam ces suav cov poj niam thiab tus txiv huv si yam li: 3,4,5,6…niam txiv)
Los lus teb yog li no:
3 niam txiv niam hlob niam yau, cov niam txiv niam hlob niam yau.
4 niam txiv niam hlob niam nrab niam yau, cov niam txiv niam hlob niam nrab niam yau.
5 niam txiv niam hlob (niam 1) niam 2, niam 3 niam 4 (niam yau) cov niam txiv niam 1,niam2, niam 3, niam 4.
Lo lus teb no yog ib lo lus qhia meej tias cov niam txiv muaj tsawg leej thiab kom leej twg hnov los paub tseeb tias lawv yog ib co niam hlob niam yau.
Muaj lwm lo lus hais tias: COV NIAM TXIV HLOB NIAM TXIV YAU.

Ib txiv tub = leej txiv thiab nws tus tub
Yog ib lo lus tso daj tso luag xwb.
Qhov tseem lus Hmoob yog 2 TXIV TUB vim leej txiv thiab nws tus tub yog 2 leeg.

Leej txiv thiab nws 2 los 3 tug tub yuav hais li cas ?
Leej txiv thiab nws 2 tug tub ces yog 3 TXIV TUB vim leej txiv thiab nws 2 tug tub yog 3 leeg.
Tshaj 1 tug tub lawm ces suav cov tub nrog rau leej txiv ya li: 3.4.5.6. txiv tub. Yog tsis xav hais kom paub tias lawv muaj pes tsawg leej ces hais lo lus tias: COV TXIV TUB.


Ib txiv ntxhais = leej txiv thiab nws tus ntxhais
Yog ib lo lus tso daj tso luag xwb.
Qhov tseem lus Hmoob yog 2 TXIV TUB vim leej txiv thiab nws tus ntxhais yog 2 leeg.

Leej txiv thiab nws 2 los 3 tug ntxhais yuav hais li cas ?
Leej txiv thiab nws 2 tug ntxhais kuj yog 3 TXIV TUB vim leej txiv thiab nws 2 tug ntxhais yog 3 leeg.
Tshaj 1 tug ntxhais lawm ces suav cov ntxhais nrog rau leej txiv yam li: 3.4.5.6. TXIV TUB. Tsis xav hais kom paub tseeb tias lawv muaj pes tsawg leej ces hais tias: COV TXIV TUB.

Ib niam tub = leej niam thiab nws tus tub.
Yog ib lo lust so daj tso luag xwb.
Qhov tseem lus Hmoob tiag yog 2 NIAM TUB vim leej niam thiab nws tus tub yog 2 leeg.
Leej niam thiab nws 2 3 tug tub yuav hais li cas ?
Leej niam thiab nws 2 tug tub ces yog 3 NIAM TUB
Leej niam thiab nws 3 tug tub kuj yog 4 NIAM TUB
Tshaj 1 tug tub lawm suav cov tub nrog leej niam yam li: 3.4.5.6. NIAM TUB. Tsis xav hais kom paub tseeb tias muaj tsawg leej ces hais: COV NIAM TUB.

Ib niam ntxhais = leej niam thiab nws tus ntxhais.
Yog ib lo lus tso daj tso luag xwb.
Qhov tseem lus Hmoob yog 2 NIAM TUB vim yog leej niam thiab nws tus ntxhais yog 2 leeg.

Leej niam thiab nws 2 los 3b tug ntxhais yuav hais li cas ?
Leej niam thiab nws 2 tug ntxhais yog 3 NIAM TUB vim leej niam thiab nws 2 tug ntxhais yog 3 leeg.
Leej niam thiab nws 3 tug ntxhais kuj yog 4 NIAM TUB vim leej niam thiab nws 3 tug ntxhais yog 4 leeg.

Ob peb lo lus pab to taub zoo dua:
Leej txiv thiab nws tus tub = 2 TXIV TUB
Leej txiv thiab nws tus ntxhais = 2 TXIV TUB
Leej niam tiab nws tus tub = 2 NIAM TUB
Leej niam thiab nws tus ntxhais = 2 NIAM TUB
Thaum ib tug poj niam muaj me nyuam hauv plab tej laus hais tias: poj niam ces XEEB TUB, luag yeej tsis hais tias poj nia ces xeeb ntxhais ib zaug li. Txawm yuav yog tub los ntxhais yeej hais tias poj niam XEEB TUB.

Ib kwv tij = tus tij thiab tus kwv.
Yog ib lo lus tso daj tso luag xwb.
Qhov tseem lus Hmoob yog 2 KWV TIJ vil tus tij thiab tus kwv yog 2 leeg.

Tus tij thiab nws 2 los 3 tug kwv yuav hais li cas ?
Tus tij thiab nws 2 tug kwv yog 3 KWV TIJ vim tus tij thiab nws 2 tug kwv yog 3 leeg.
Tus tij thiab nws 3 tug kwv yog 4 KWV TIJ vim tus tij thiab nws 3 tug kwv yog 4 leeg.
Tshaj 1 tub kwv lawm ves suav cov kwv nrog rau tus tij yam li : 3.4.5.6. KWV TIJ, Tsis xav hais kom paub tias pes tsawg leej kwv tij ces hais tias : COV KWV TIJ.

Ib nus muag (ib nus muam) = tus nus thiab tus muam (tus nus hlob tus muam)
Yogi b lo lus tso daj tso luag xwb.
Qhov tseem lus Hmoob yog 2 NUS MUAG (2 nus muam) vim tus nus thiab tus muam yog 2 leeg.

Tus nus thiab 2 los 3 tug muam yuav hais li cas ?
Yus nus thiab 2 tug muam yog 3 NUS MUAG vim tus nus thiab 2 tug muam yog 3 leeg.
Tus nus thiab 3 tus muam yog 4 NUS MUAG vim tus nus thiab 3 tug muam yog 4 leeg.
Tshaj 1 tug muam lawm ces suav cov muam nrig rau tus nus yam li: 3.4.5.6. NUS MUAG. Tsis xav kom paub tias muaj tsawg leej nus muag ces hais: COV NUS MUAG.

Ib muag nus (ib muam nus) = tus muam tiab tus nus (tus muam hlob tus nus)
Yogi b lo lus tso daj tso luag xwb.
Qhov tseem lus Hmoob yog 2 NUS MUAG vim tus muam thiab nws tus nus yog 2 leeg.
Txawm tias tus muam yog tus hlob los yeej hais tib yam 2 NUS MUAG raws nraim lit us nus yog tus hlob.

Tus muam thiab 2los 3 tug nus yuav hais li cas ?
Tus muam thiab ob tug nus yog 3 NUS MUAG vim tus muam thiab nws 2 tug nus yog 3 leeg
Tus muam tiah nws 3 tug nus yog 4 NUS MUAG vim tus muam thiab nws tus 3 tug nus yog 4 leeg.
Tshaj 1 tug nus lawm ces suav cov nus nrog rau tus muam yam li: 3.4.5.6. NUS MUAG. Tsis xav hais kom paub tias muaj tsawg leej ces hais: COV NUS MUAG.

Ib viv ncaus = tus viv thiab tus ncaus (viv = tus niam laus = tus hlob) (ncaus = niam hluas = tus yau)
Yog ib los lu tso daj tso luag xwb.
Qhov tseem lus Hmoob yog 2 VIV NCAUS vim tus viv thiab tus ncaus yog ob leeg.
Tshaj 1 ib tug ncaus lawm ces suav cov ncaus nrog rau tus viv yam li: 3.4.5.6. VIV NCAUS. Tsis xav kom paub tias muaj tsawg leej viv ncaus ces hais tias: COV VIV NCAUS.

Yog tias kuv hais qhov twg tsis yog lawm los kuv thov nej pab qhia thiab pab kuv kho rau ov ! vim cov lus tham no tsuas yog tham raws li hnov los ntawm cov neeg thiab cov zej zog nyob ua ke xwb, yeej paub tias muaj ntau ntau lub zos los yog ntau thaj chaw uas Hmoob nyob nyias yuav hais txawv lis nyias thaj chaw uas nyias yeej ib txwm hnov thiab hais kam los lawm.

Hnub no kuv nrog nej tham li no xwb lwm lub sij hawm mam rov tham dua lwm yam.

Y. Suav Nus

Ua tsaug ntau nawd Suav Nus,

Koj tuaj qhia li no ces kuv paub qhov tseeb lawm, tiam sis tshuav ib lo lus kuv tseem nkag siab tsis tau zoo, vim li cas OB TXIV TUB :" tus Ntxhais thiab Leej Txiv" ho ua tau 3 leeg?) Thov koj pab rov qab qhia dua. Ua tsaug ntau

Ib txiv ntxhais = leej txiv thiab nws tus ntxhais
Yog ib lo lust so daj tso luag xwb.
Qhov tseem lus Hmoob yog 2 TXIV TUB vim leej txiv thiab nws tus ntxhais yog 3 leeg.

Maiv Paj Lug wrote:Ua tsaug ntau nawd Suav Nus,

Koj tuaj qhia li no ces kuv paub qhov tseeb lawm, tiam sis tshuav ib lo lus kuv tseem nkag siab tsis tau zoo, vim li cas OB TXIV TUB :" tus Ntxhais thiab Leej Txiv" ho ua tau 3 leeg?) Thov koj pab rov qab qhia dua. Ua tsaug ntau

Ib txiv ntxhais = leej txiv thiab nws tus ntxhais
Yog ib lo lust so daj tso luag xwb.
Qhov tseem lus Hmoob yog 2 TXIV TUB vim leej txiv thiab nws tus ntxhais yog 3 leeg.

Nyob zoo Maiv Paj Lug,
Yog kuv maj me ntsis lawm ces ntaus tau yuam kev xwb vim tus sauv 2 thiab 3 nyob ua ke thiab ntaus tas tso siab dhau tsis nco rov los xyuas, kuv twb kho rau lawm. Ua tsaug koj pab qhia, yog qhov twg koj pom tias kuv ntaus yuam kev los yog sau tsis raug no thov pab qhia ntxiv ov !

Y. Suav Nus

Yaj Suav Nus wrote:Nyob zoo cov phooj ywg sawv daws,

Nyob zoo os Suav Nus zoo siab uas tau tuaj ntsib koj os nej txawj sau ntawv kawg li os es ua li cov lus Hmoob no tseem yuav coj los txhais dua li no thiab es thiaj li yog lod .

Ua li es kuv pheej hnov luag tej hais tias ob niam txiv no es ib co ho hais tias ib niam txiv no thiab , ua li yog qhov twg tiag ma lod , koj sim qhia rau kuv saib yuad ..!

Ua tsaug ua ntej os mog



Maivxis .

Maivxis wrote:

Yaj Suav Nus wrote:Nyob zoo cov phooj ywg sawv daws,

Nyob zoo os Suav Nus zoo siab uas tau tuaj ntsib koj os nej txawj sau ntawv kawg li os es ua li cov lus Hmoob no tseem yuav coj los txhais dua li no thiab es thiaj li yog lod .

Ua li es kuv pheej hnov luag tej hais tias ob niam txiv no es ib co ho hais tias ib niam txiv no thiab , ua li yog qhov twg tiag ma lod , koj sim qhia rau kuv saib yuad ..!

Ua tsaug ua ntej os mog



Maivxis .

Nyob zoo Maiv Xis,
Raws li kuv twb tau sau nyob rau saud lawm:
Qhov tiag yeej yog 2 niam txiv lawm (1 niam txiv tsuas yog lus tso daj tso luag xwb)
Lo lus tias "1 niam txiv" los "ib niam tub" ntawd mas tej zaum ho yog raws li XH. Npuag Tub hais los kuv kuj tseem tsis tau paub thiab, (saib cov Hmoob nyob Suav teb puas hais li xwb ? Kuv kuj tsis paub cov Hmoob cob Tsib puas hai li thiab ?)
Ua tsaug rau koj lo lus nug nawb.

Y. Suav Nus

Kuv tau nyeem ntau lo lus thiab ntau tus niam ntawv uas koj xav hais tias Hmoob tsim nyog yuav tau pauv thiab siv. Tej tus niam ntawv kuj siv tau tej tug kuj siv tsis tau vim tsis tsim nyog uas yuav tau pauv. Kuv xav hais tias yog yuav pauv ces tsuas saib txij li cov ob tug mus rau cov plaub tug ntawv xwb. Cov suab ces yuav cov uas twb tau tsim los lawm xwb. Kuv ntseeg hais tias Hmoob AsMeskas yuav kawm tau cov niam ntawv tau pauv nyob rau hauv no tiamsis yuav ua rau Hmoob lwm teb chaws yuav tsum tau kawm tus niam ntawv Asmeska nrog rau tus niam ntawv tshiab. Yog lam muab pauv dog dig li tau sau rau hauv no xwb yuav ua rau peb Hmoob hais lus Hmoob tsis meej, thiab yuav hais tsis muaj hauv paus hauv ntsis. Xws li Nkauj-->Gaoj es aoj ho yog dab tsi. Kuv xav mas siv auj---> gauj zoo dua li tsim ib lub suab tshiab tshiab...saib kom zoo seb puas yuav muaj nuj nqis rau ib tsoom Hmoob....

Npuagtub wrote:Nyob zoo cov phooj ywg,

Lub sij hawm tam sis no muaj ntau leej nyias kuj tau muab cov ntawv hmoob no hloov ib co li nyias lub siab nyiam tiam sis nws kuj tsis muaj peev xwn hloov kom tas nrho los yog tsim ib co tshiab tas huv si, nws tsuas xav sau li nws siab xav tias yog xwb, yog li peb yuav kho los yuav hloov ib yam dab tsi mas yuav tsum muaj ntau leej cov kws txawj los nrog cov kws tswv uas tau tsim cov ntawv koom kho ua ke mas thiaj li yuav yog raws txoj cai thiab thiaj yuav siv tau rau sawv daws. Muaj ib txhia tau sau ib co ntawv hmoob tshiab zoo li no:


LO YOG thiab LO TSIS YOG

np --------- b
npua -------- bua
tus npua -------- tus bua
nph -------- --bh
nphoo -------- bhoo
nphoo av -------- bhoo av

npl ---------bl
nplua -------- blua
txoj kev nplua -------- txoj kev blua

nplh -------- ---blh
nplhaib --------blhaib
lub nplaib -------- lub blhaib

nk ---------- g
nkauj -------- gaoj
zoo nkauj -------- zoo gaoj

nkh ----------- gh
nkhaus -------- ghaus
txoj kev nkhaus -------- txoj kev ghaus

nts --------- j
ntse -------- je
tus neeg ntse -------- tus neeg je

ntx ----------- dx
ntxias -------- dxias
ntxias neeg -------- dxias neeg

ntsh ----------- jh
ntshiab -------- jhiab
dej ntshiab -------- dej jhiab

ntxh ---------dxh
ntxhw -------- dxhw
tus ntxhw -------- tus dxhw

Lus meskas, JES = Lus Hmoob Ntses.
Lus Fabkis, JES = Lus Hmoob, ZES.

Lus meskas, GES = Lus Hmoob, NTSES.
Lus Fabkis, GES = Lus Hmoob, ZES.

Suab -------- Shuab

Phom -------- Pom

rab phom loj -------- rab pom loj

lus Meskas P = Lus hmoob PH.
Lus Fabkis P = Lus Hmoob P.

Plhom --------Plom

Ib Plhom = Ib Plom

Muaj ib co lawv tsis siv tus ( S ) ua lib cim lawm, lawv muab tus ( S ) los siv rau lo lus muaj ntau yam li:

ib tug nab ---------- 0b tug nab (s)
ib tug qaib ---------- 0b tug qaib (s)

Cov lus hloov no feem ntau kuv pom yog cov Hmoob nyob Meskas lawv yog cov muab hloov ntau dua cov Hmoob nyob rau lwm qhov chaw. Tej yam hloov zoo li no yuav ua rau peb cov me nyuam tsis nkag siab kawm txog tus ntawv hmoob no.

Tij laug TxawjP,

Zoo siab txais tos koj tuaj xyuas peb.

Cov ntawv Hmoob yuav hloov no ces yog Hmoob ib txwm nyiam phov xwb, thaum twg los tsuas yuav tsim yuav ua xwb tsis nqes tes ib zaug li. Nyob ntau txheej ntau tis, muaj ib tug ua tau ib yam ces khaus khaus siab khaus ntsws li yuav tsum muab rhuav tshem kom siab nqeg xwb. Yog ntse, xav kom ntse tshab thiaj zoo tso siab kiag rau nws pab, yog yuav ruam ces ruam kiag kom thiaj ho nyob luag vaj huam. Kuag kab kuag hlau mas hais tsis tau, nyuaj kawg. Tej ntawv no ces lam rau taws quav nyab ua ncho pa hlob tuaj deb ntsia pom xwb, mus txog ces plaub qaib tsis ciaj ncaig li. Tham kho mas muaj zog kawg, tab sis thaum yuav rhov nyiaj thiab muab lub caij lub nyoog los nqes tes tiag mas ploj tag lawm.