Leej Ntshiab François d'Assise

**Maiv Paj Lug** 2nd October 2011, 5:29 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Leej Ntshiab François d'Assise

Post Maiv Paj Lug 2nd October 2011, 5:29 am

LEEJ NTSHIAB FRANCOIS D'ASSISE LUB NEEJ

St François d'Assise yog ib tug tub rog yug los nyob hauv ib tse neeg nplua nuj, nws yog ib tug tub muaj peev xwm, thiab nws nyiam kom nws yog ib tug tub rog muaj koob nto npe, tiam sis nws ho muaj ib lub siab xav paub Tswv Ntuj.

Muaj ib hnub nws txawm mus ntaus rog, raug nws sab thiab raug coob leej ntau tus tub rog tuag thiab raug sab, nws lub siab tsis kheev, nws tso plhuav txoj kev ua rog tseg, nws tau khiav mus quaj ib leeg, nws mus txog ib lub qub tsev teev Ntuj, twb pob tag, tshuav ib sab phab ntsa thiab tsHuav ib tug ntoo cuag dai ntawm sab phab ntsa, nws txawm mus txhos caug quaj thiab hais tias, yog Tswv Ntuj muaj tseeb, thov kom Tswv Ntuj ua rau nws paub.

Ces tus Ntoo Cuam nyob tim sab phab ntsa cia li hais lus rau Saint Françoise D'Assise, tus ntoo cuam hais tias : " kuv xav kom koj txhim kuv lub tsev teev ntuj no rov sawv li qub". Tus ntoo cuam nrog nws hais lus tag ces nws siab kaj lug, vim nws nrhiav tau qhov nws xav tau lawm.

Saint François d'Assise thiaj li mus muab nws tej cuab yeej cuab tam pub cov pluag tag nrho, nws hnav ris tsho khaub hlab li cov neeg pluag, nws thiaj pib sawv kev ntawm lub zos Assise mus cuag Vaj Qhia Rome, teb chaws Italy.

Hmo Saint François d'Assise sawv kev mus cuag vaj qhia, Tswv Ntuj kuj los ua ib zaj npau suav rau Txiv Vaj Qhia tias muaj ib tug tub txom txom nyeem khaub khaub hla mas nim xuas sab xub pwg txheem ib lub tsev teev ntuj, txheem txheem yuav pob mas khiav loo mus tuaj lwm sab txheem, ua li ntawv ib hmo kaj ntug, Txiv Vaj Qhia tsis to taub li.

Saint François d'Assise tuaj mus cuag Vaj Qhia, ib txhia neeg mas thuam nws thiab cem nws kawg, luag hais tias niag neeg pluag ua luaj, txawm mus txog Rome los xyov luag puas yuav pub nws nkag mus hauv Vaj Qhia lub tuam tsev. Los Saint François d'Assise yeej mus kom tau, ces hnub Saint François d'Assise tuaj txog ROME, nws xav ntsib Txiv vaj Qhia, ces cov neeg hauv thiaj mus hais rau Txiv Vaj Qhia, Txiv Vaj Qhia mam hais rau Saint François d'Assise hais tias :" tus ua Tswv Ntuj ua rau kuv pom hauv npau suav ntshe txamw yog koj ntag pob? ". Ces nws mloog Saint François d'Assise piav yam nws pom thiab hnov, ces Vaj Qhia thiaj tso cai rau nws mus txhim kho lub qub tseev teev ntuj nyob lub nroog Assise.

Li no txhua yam peb muaj kev ntseeg, peb nrhiav tiag peb yuav ntsib li Saint François d'Assise.

SAINT FRANCOIS D'ASSISE MOVIE

Pab kuv rov los cuag koj Huab Tais Yesxus

**Maiv Tooj** 9th October 2011, 8:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Leej Ntshiab François d'Assise

Post Maiv Tooj 9th October 2011, 8:28 am

Nyob zoo Maiv Paj Lug,

Ua tsaug nws muab St.François d'Assise keeb kwm tuaj rau peb paub. Peb me nyuam neeg, ntau zaud peb ntsib kev nyuaj siab ntxhov plawv, peb tws kev, peb yuav tau muab cov Leej Ntshiab lub neej los ua qauv, txhawb peb lub siab mas peb yuav rov pom kev, muaj zog tuaj.

Thaum ST.François d'Assise muab nws cov cuab tam pub rau cov pluag mas nws txiv cem nws heev, muab nws caum ntaus...Muaj ib zaug nws thauj nees mus ua luam (lawv yog tub luam), ces nws muag hum (khoom)tag, nws txawm muag tus nees tib si, nws txawm muab coj mus pub rau cov pluag tag ces rov los txog nws txiv thiaj muab nws caum ntau thiab muab nws ntiab khiav...

Ntev tom qab no mas Leej Ntshiab François d'Assise txom nyem heev tshaj plaws, tsis muaj noj muaj haus li, nws noj mov mog tawv ntse dej xwb. Nws nyob xyaw kab xyaw noog,...Zoo li nws paub tej nas noog lus, tej nas noog los nrog nws nyob, tsis ntshai li...Thaum lub caij nws lub neej yuav tag, nws mus nyob twj cuab pem qhov tsua, nws mob mob ces ib cov Tij Tab Seeb thiaj mus kwv nws. Lawv kwv kwv los txog ib tog kev, tsaus ntuj lawm ces lawv los pw hauv ib lub qab tsuas, no no ces muaj ib tug Tij txawm yws yws tias yog tim Leej Ntshiab François es lawv thiaj li tau tiv no li ntawd pw. Ces Leej Ntshiab François txawm cev nws tus ntiv tes mus ib nyuag taum tus Tij ntawd hais tias: "Nim no koj heev los!" Ces lawv cia pw lawm, cas cia li pw ib hmo sov sov, tsis no lawv li. Yam li lawv twb tsis muaj pam vov, pw nrog lawv cov khaub ncaws hnav ntawm cev xwb, sab nraum tej taw tsua mas tes los khov tag qhov txhia chaw, tab sis lawv tsis hnov no lawv li...Leej Ntshiab François tau ua hwj huam yees ntxwv ntau ntau zaus uas suav tsis txheeb li. Tom qab nws tas txog sia, nws kuj yog ib tug Leej Ntshiab tseem ceeb heev hauv Koom Txoos Kas Tos Liv. Nws yug xyoo 1182, thiab tuag xyoo 1226. Xyoo 1228 Vaj Qhia Grégoire IX tsa nws ua Leej Ntshiab.

Leej Ntshiab François zaj Thov Ntuj.

Huab Tais Tswv Ntuj,

Ua kom kuv yog ib tug cwj rau koj txoj kev pheej xeeb rau.

Qhov twg uas muaj kev ntxub ntxaug, kom kuv muab kev nyiam rau.

Qhov twg uas muaj kev lim hiam, kom kuv muab kev zam txim rau.

Qhov twg uas muaj kev sib tawg, kom kuv muab qaws rau.

Qhov twg uas muaj qhov yuam kev, kom kuv muab kev ncaj ncees rau.

Qhov twg uas muaj qhov xyem xyav, kom kuv muab txoj kev ntseeg rau.

Qgov twg uas tag kev cia siab, kom kuv muab txoj kev vam rau..

Qhov twg uas muaj kev tsaus ntuj, kom kuv muab qhov pom kev rau.

Qhov twg uas muaj kev tu siab, kom kuv muab kev xyiv fab rau.

Ua kom kuv tsuas nrhiav...

Last edited by Maiv Tooj on 12th October 2011, 10:33 am; edited 2 times in total

**Maiv Paj Lug** 10th October 2011, 8:21 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°3

Re: Leej Ntshiab François d'Assise

Post Maiv Paj Lug 10th October 2011, 8:21 am

Wow.....Maiv Tooj, zoo heev li ntshai peb yuav tau nrhiav Saint François d'Assise cov kwv huam los piav sau ua lus Hmoob pab txhawb peb ua neeg tib tshaib tiv no nyob ntiaj teb no ....kuj tshuav lwm tus Leej Ntshiab muaj hwj huaj kawg li thiab, yam li Saint Antoine de Padou...mus rau Saint Benoit...hiab lwm cov mas raug kev xom nyeem kawg nkaus los lawv yeej ua ib siab lawv Huab Tais Yesxus qab tsis thim tso siab lug.

Pab kuv rov los cuag koj Huab Tais Yesxus

**Maiv Tooj** 12th October 2011, 11:16 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Leej Ntshiab François d'Assise

Post Maiv Tooj 12th October 2011, 11:16 am

Thaum Leej Ntshiab François d'Assise muab cov nqe hum thiab tus nqes nees pub rau tus Txiv Plig kom muab kho lub tsev teev Ntuj Damien pob tag, uas Maiv Paj Lug hais saud. Tus Txiv Plig tsis kam yuav, tab sis nws muab cuam kiag rau ntawm qab qhov rais tsev teev Ntuj. Nws rov los txog tsev, nws txiv tsis zoo siab rau nws, nws txiv xav muab nws ntiab tawm tsev, tab sis ho xav tias tsis txhob ntiab tawm tsev, tab sis kom nws los lees tias hnub twg yog nws txiv tag lub neej txoj sia, nws yuav tsis nws txiv tej qub txeeg qub tug ib qho li. Nws tseem coj Leej Ntshiab François d'Assise mus cuag Txiv Tswv Qhia, kom Txiv Tswv Qhia nrog hais tib si. Thaum hais tag ces François hle nws cov khaub ncaws cev rau nws txiv, thiab hais tias: Txoj niaj hnub no, kuv hu koj ua txiv nyob saum daim av; tab sis txij no mus: kuv yuav muaj cuab kav hais kiag tias: Kuv txiv nyob saum ntuj, yog tus uas kuv muab tag nrho kuv lub cuab tam thiab kuv lub siab rau. Ces Txiv Tswv Qhia khuv leej nws heev, ua kua muag txia txev thiaj li hle kiag nws lub tsho tshaj sab los kauv nws, thiab muab ib tug tub teb uas tab tom tuaj txog ntawd cev khaub ncaws rau François hnav. Nws hnav khaub ncaws tag, nws mus nraum zoov, nws muab hmoov sib los ntse ua ib tug ntoo cuam loj loj, cim thaum tus Cawm Seej raug txom nyem, ces nws khiav mus hauv hav zoov thiab hu nkauj cav txog Tswv Ntuj lub koob meej. Nyob hauv hav zoo, muaj cov tub sab phem muab nws ntaus ntau sab kawg nkaus. Yog xyoo (1206) uas nws muaj 24 xyoo.

Leej Ntshiab François d'Assise lub npe ua niam txiv tis tau yog hu ua Paul no, tab sis nws txawj lus Fab Kis thiab ces lawv thiaj cia li muab nws hu ua François siav npe raws li cov ntawv Fab Kis uas nws paub.

**Maiv Tooj** 1st December 2013, 1:45 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Leej Ntshiab François d'Assise

Post Maiv Tooj 1st December 2013, 1:45 pm

LEEJ NTSHIAB FAAS NTSHIS KUS LUB NEEJ
Tus Tso Cov Lus No: Zoo Tswv Zov Yaj
Tso Rau Hnub:Tuesday, 29 October 2013 08:29

Kwv tij phooj ywg, tus Leej Ntshiab Faas Ntshis Kus no mas nws yug los xyoo 1182, nyob rau hauv lub nroog As Xis Xis, Is Tas Lias teb. Leej Ntshiab Faas Ntshis Kus txiv hu ua Pob Zeb Npes Nas Dos, nws yog ib tug los pav uas nplua nuj heev hauv lub nroog As Xis Xis.

Pob Zeb Npes Nas Dos uas yog Faas Ntshis Kus txiv, nws txoj lag luam mas yog muag cov ntaub xov uas zoo zoo nkauj rau tsoom pej xeem hauv lub nroog As Xis Xis coj mus xaws ris tsho hnav, ces thiaj ua rau nws nplua nuj.

Thaum Faas Ntshis Kus hnub nyoog 20 xyoo, mas nws yog ib tug tub hluas uas muab nws txiv tej nyiaj txiag mus siv ua si dog dig xwb. Tab sis thaum Faas Ntshis Kus hnub nyoog 21 xyoos, mas nws raug sau mus ua tub rog 1 xyoos.

Thaum Faas Ntshis Kus ua tub rog tag thiab rov los tsev, ces Faas Ntshis Kus txawm ua rau nws txiv tu siab heev. Vim tias Faas Ntshis Kus muab nws txiv tej nyiaj txiag coj mus pub dawb rau cov neeg txom nyem uas Faas Ntshis Kus tau ntsib lawv nyob ntawm tej ntug kev.

Tsis tas li ntawd xwb, Faas Ntshis Kus kuj mus fim cov neeg mob ruas thiab, ces tej yam li no ua rau Faas Ntshis Kus txiv npau taws heev thiab hais kom Faas Ntshis Kus yuav tsum them tej nyiaj txiag ntawd rov qab rau nws txiv kom tag.

Xyoo 1205, Faas Ntshis Kus mus teev Ntuj twj ywm nyob rau hauv ib lub tsev teev Ntuj, ces Faas Ntshis Kus txawm hnov Huab Tais Yes Xus lub suab hais rau nws tias : “Faas Ntshis Kus, yog koj nyiam kuv, mas koj yuav nco ntsoov txog kuv lub tsev uas yog lub Koom Txoos Kav Tos Liv. Vim tam sim no kuv lub tsev khaub khaub hlab dhau lawm, ces thov koj mus pab txhim kho kuv lub tsev ntawd nawb mog.”

Yog vim li ntawd, ces txij xyoo 1205 los mus, Faas Ntshis Kus thiaj li hloov dua siab tshiab thiab tig los hnav ris tsho xws li cov neeg txom nyem.

Xyoo 1206, nyob rau ntawm ib thaj tsam uas muaj neeg coob coob taug kev mus mus los los,FaasNtshis Kus thiaj tau muab nws tej nyiaj txiag thiab nws cov ris tsho uas zoo zoo nkauj cev rov rau nws txiv tib si. Yeeb vim Faas Ntshis Kus txiav siab meej lawm tias nws yuav mus ua ib tug tub tshaj Ntuj Lus.

Txij ntawd los mus, mas txhua txhia hnub Faas Ntshis Kus siv sij hawm ntau heev los teev Ntuj twj ywm. Tau ob peb xyoos tom qab, xws li xyoo 1209, txawm pib muaj 8 tug tub hluas koom nrog Faas Ntshis Kus tsa ib lub Koom Haum hu ua “LUB KOOM HAUM COV NEEG THEM TXIM TXHAUM NYOB AS XIS XIS.”

Thaum Faas Ntshis Kus lawv tsa tau lub Koom Haum no lawm, ces lawv txawm pib mus tshaj Ntuj Lus rau cov neeg uas nyob ib cheeb tsam ntawm lub nroog As Xis Xis, kom sawv daws tig los yuav lub siab tshiab mloog Tswv Ntuj lus.

Xyoo 1212, tau muaj ib tug ntxhais hluas nkauj hu ua Nkas Ras, nws thiaj koom nrog ib cov ntxhais tsim ib lub Koom haum thooj nkaus li Faas Ntshis Kus lub, tab sis lawv ho yog tib cov poj niam uas coj lub neej tab seeb xav los pab tshaj Ntuj Lus xws li Faas Ntshis Kus.

Yog vim li ntawd, thiaj pib muaj ib cov Txiv Plig thiab ib cov Leej Phauj uas coj lub neej raws li Faas Ntshis Kus tus lwj lwm.

Xyoo 1219, Faas Ntshis Kus nrog nws cov phooj ywg hauv lub Koom Haum mus tsham ib tug thawj coj Mawv Xis Lim uas nyob Hais Nkws Tos teb. Tus thawj coj Mawv Xis Lim no npe hu ua As Mas Lis Kas Mis.

Lub hom phiaj uas Faas Ntshis Kus lawv mus fim tus thawj coj Mawv Xis Lim, mas yog vim Faas Ntshis Kus xav kom muaj kev thaj yeeb nyob nruab nrab ntawm cov neeg ntseeg Ntuj thiab ntawm cov Mawv Xis Lim.

Tab sis tau tsis ntev hli xwb, ces tus thawj coj Mawv Xis Lim uas hu ua As Mas Lis Kas Mis, nws txawm hloov siab tig los ntseeg txog Tswv Ntuj tib yam li Faas Ntshis Kus lawv.

Xyoo 1220-1226, Faas Ntshis Kus muaj mob hnyav ntau yam, xws li mob nws thooj siab thiab mob qhov muag, ces thaum kawg Faas Ntshis Kus txawm dig muag lawm. Hos xyoo 1224, Faas Ntshis Kus kuj mob nws 2 txhais tes thiab 2 txhais taw nrog rau mob nws lub hauv siab heev heev, thooj nkaus li thaum Huab Tais Yes Xus raug luag nkaug nws lub hauv siab thiab raug luag ntsia 4 txhais tes taw rau saum tus ntoo cuam.

Xyoo 1226 thaum lub 10 hli ntuj tim 3, Faas Ntshis Kus mob hnyav heev, ces thaum kawg Faas Ntshis Kus thiaj tau tag sim neej lawm.

Xyoo 1228, tus Vaj Qhia Nqes Nkuas 9, tau tshaj lus tawm rau tsoom neeg ntseeg Kav Tos Liv nyob thoob ntiaj teb tias : “Faas Ntshis Kus yog ib tugLeej Ntshiab nyob saum Tswv Ntuj lub Ceeb Tsheej.”

Li ntawd, mas hais qhia rau sawv daws tias : “Xyoo 1209, uas yog thaum Faas Ntshis Kus pib tsim nws lub Koom Haum, mas tsuas muaj 8 leej txiv neej nrog Faas Ntshis Kus tsim nws lub Koom Haum xwb. Tab sis xyoo 2013 no kiag, nyob thoob ntiaj teb cov Txiv Plig uas zwm rau Faas Ntshis Kus lub Koom Haum, mas lawv coob txog ntawm 27,000 tawm leej.”