HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Ntuj txias teb tsaus nyob qhov twg? Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    Ntuj txias teb tsaus nyob qhov twg?

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Ntuj txias teb tsaus nyob qhov twg? Empty Ntuj txias teb tsaus nyob qhov twg?

    Post  Maiv Paj Lug 26th September 2011, 9:33 am

    NNTUJ TXIAS TEB TSAUS KEV THEM TXIM RAU COV NEEG TXHAUM .

    Ntuj txias teb tsaus nyob qhov twg? 216px-10

    Ntuj txias teb tsaus nyob hauv nruab av, plawv nruab ntiag ntiaj teb peb nyob,ze dab phem teb. Dab phem teb nyob hauv plawv av, muaj cov dej kub dej npau.


    Peb muaj ib tug neeg txoj sia tu, thaum nws tus ntsuj plig mus cuag Tswv Ntuj, nws tos txiav txim rau nws, yog tias nws tus ntsuj plig tau mus hauv chaw them txim, sim saib nws yuav mus zoo li cas thaum tus Tswv txiav txim rau nws.

    Saint Catherine de Gênes piav txog txoj kev mus them txim, qhia tias tus ntsuj plig nws mus nws ib leeg hauv chaw them txim, vim nws tu siab heev rau nws txoj kev txhaum, kev qias, vim nws nyob tsis tau ze ntawm tus muaj hwj huam dawb ci ntsa ib sab, nws yeem mus txhiab hlawv, ntxuav nws tej txhaum kom huv si ua ntej yuav rov los cuag tus Muaj Hwj Huam dawb huv tshaj lub hnub ci.

    Nws cov lus piav : Vim tus nstuj plig tsuas nrhiav tau chaw so thiab chaw kaj nyob ntawm Tswv NTuj tus ua tsim nws, li ntawv lwm qhov chaw ces tsuas yog hauv dab phem teb. Thaum tus ntrusj plig lub cev qaug nyob ntiaj teb, nws tus ntsuj plig yuav tau sawv mus cuag Tswv Ntuj, tus ntsuj plig tau ua txhaum, phem qias, yuav tau mus qhov chaw nws lub txim tos nws.

    Yog tus ntsuj plig pom tau tias muaj qhov chaw them txim kom rov dawb huv tsim nyog mus cuag Tswv Ntuj, tus ntsuj plig xum mus ntxuav txim, rau qhov Tswv Ntuj Ntshiab tshaj txhua yam, yus Ntshiab tsis txaus, yus tus ntsuj plig tsis yeem mus. Vim qhov chaw them txim thiaj yog qhov mus cuag tau Tswv Ntuj .

    Kuv hais rau nej ntxiv tuaj ntawm Tswv Ntuj tuaj, Ntuj Ceeb Tsheej tsis muaj qhov rooj nkag, tiam sis tus twg los yeej xav mus kom tau hauv Ntuj Ceeb Tsheej, vim Tswv Ntuj zoo tag nrho , nws yog qhov pom kev, qhov kaj siab, thiab qhov chaw so tsis muaj hnub kawg.

    Tiam sis kuv pom tau tias tus ntsuj plig phem qias tsis dawb huv, mus txog ntawm Tswv Ntuj , nws dhiav mus dab phem teb , vim nws thev tsis tau txoj kev qias neeg ntawm nws tus kheej yuav mus nyob ze Tswv Ntuj tus Nto Moo Muaj Hwj Huam, nws dhia ceev tshaj mus dab phem teb kom ploj ntawm Tswv Ntuj xub ntiag.

    Yog tus Ntusj Plig twg, pom qhov chaw them txim qhib tos nws, nws yeej xum mus them txim txamw yuav ntev npaum twg rau nws los tsuav nws tseem muaj kev cia siab, txawm yuav tsim txom nws nyuaj npaum twg los nws paub tias yuav muaj hnub kawg rau nws them txim, nws yuav tau mus nyob ntawm tus Tswv Ntuj nto moo lub xub ntiag, yus muaj lub peev xwm ntsia tau tus tsim nws.


    Ntuj txias teb tsaus nyob qhov twg? 306px-10

    Sainte Madeleine de Pazzi kuj yog tus Tswv Ntuj pub txiaj ntsim rau nws mus pom thiab piav txog cov neeg them txim raws nyias txoj kev txhaum , tus ncauj ntau, tus neeg txhaum tsawg, tus neeg thuam lwm tus, tus neeg tsis muaj kev zam, cov neeg qia dub, cov neeg pom nws tus kheej zoo tshaj ,cov neeg ua txhaum tsis txaus mus dab phem teb , mus them txim hauv ntuj txias teb tsaus.


    Muaj ib hmos, Sainte Madeleine de Pazzi mus ncig ua si hauv nws lub vaj paj monastère, tuaj ib nthwv cua txias rau nws, nws tau muaj extase (nws hab lawm), cov phauj nyob lub monastère hnov nws qw tias : << ua li kuv mam mus, kuv mam mus, kuv mam mus , kuv mam mus... >> yog Saint Madeleine tus Tshiab caw nws mus ncig hauv ntuj txias teb tsaus....nws tej lus qw rau txhua tus Phauj ntshai tshee na, vim Sainte Madeleine de Pazzi, nkag los ntawm lawv zoo li muaj dab tsi muab nws zawm, khoov nkag zoo li ntsej muag piam tas, tiam sis qhov tseeb, yog Sainte Madeleine muaj extase twb tsis nco qab lawm, thiaj nkag nkag zoo li tus neeg ntsej muag dawb tas, sawv daws hnov nws hais ntxiv tias " OH! pab os , pab os, Tswv Ntuj dawb huv, thov cawm os, cawm os...Oh! Tswv Ntuj cov ntshav ntshiab muaj nqis thov koj los ywg, los cawm lawv os, cawm cov neeg ntsuj plig? Cov ntsuj plig raug tsim txom daws nej cov txim , cas tsim txom ua luaj, tiam sis nej ho zoo siab ua luaj thiab? cov qhov raug nej tsim no cas yuav ua rau nej zoo siab? tseem tshuav cov qhov tob dua no thiab...vuag! cas tseem muaj cov phauj thiab txiv plig nyob hauv no thiab? Tswv Ntuj, cas lawv yuav raug tsim txom sab npaum no, loj npaum no, Tswv Ntuj tus dawb huv tus ncaj ncees, koj txoj kev hlub loj tiag tiag ua rau lawv zoo siab them txim nyhav npaum no, txaus nsthai dhau pom lawv raug ntxwj nyoog tsim loj kawg nkaus, los lawv paub tias ib hnub twg lawv yuav tau los nyob ze koj, nej raug hlawv los nej zoo siab , cas khuv leej nej ua luaj.

    Thaum Sainte Madeleine tawm hauv kem them txim rau cov phauj thiab cov txiv plig los, nws tus Tshiab coj nws mus rau ib kem me nyuam yaus them txim, lawv cov txhaum ntau kawg, lawv tiv dej kub dej npau muab lawv lub cev ua khov tsheej phiaj, ua rau Sainte Madeleine tshee thiab ntshai ti nkaus txha, nws qw ib suab, Tswv Ntuj! cas lawv yuav raug tsim txom txaus nsthai ua luaj, nyuaj ua luaj, nws tseem pom nws tus nus nyob hauv thiab, nws hais rau nws tus nus tias << Me Nus, koj nyob ntawm no thiab los, rau siab them koj cov txim tiag mog, Tswv Ntuj yuav tos koj mus nrog nws nyob, koj yuav dim kev txim ib hnub, koj zoo siab hlo them, kuv zoo siab hlo rau nej, tiam sis kuv khuv leej nej dhau, khuv leej tsis txawj tag, kuv nsthai heev.

    nws mus hauv qab ib kem, nws pom cov neeg dag them txim, lawv cov qhov ncauj ib leeg ntim ib lub qhov ncauj hlau hlawv yaj liab ploog, << Cas nej yuav raug tsim txom nyhav ua luaj, dab phem tseem los tsim tau nej rau cov kem no thiab? cas lawv yuav mus dab tuag ua luaj, txaus nsthai dhau, los nej zoo siab them txim , khuv leej nej, khuv leej nej.....>>

    txuas ntxiv........
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Bao X Mary 26th September 2011, 10:32 am

    Maiv Paj Lug aw..

    Cas koj yuav txhais tau ib zaj txaus ntshai ua luaj thiab kuj ho muaj kev cia siab tias thaum them txim tag kuj yuav tau mus nrog Tswv Ntuj nyob thiab.Xij peem tsuav yog thaum them txim tas tseem tau mus nrog Tswv Ntuj nyob thiab ces xij peem lauj, peb tib neeg yeej poob rau txoj kev txhaum lawm ces. Licas los Huab Tais Yes Xus haj yam raug kev tsim txom thiab raug kev txom nyem rau peb cov txhaum kom xwv peb leej twg ntseeg thiab coj rawv nws tej lus, thiab lees peb tej txhaum kom xwv txog hnub kawg Tswv Ntuj zam txhaum rau peb. Thaum them txim tas Tswv Ntuj tseem cia peb mus nrog Nws nyob ces zoo kawg lawm os. Nws hlub peb tshaj es Nws thiaj cia Nws leej Tub twm zeej los raug txim nhyav tshaj rau peb li. Txawm tias peb mus them txim los twb tsis hnav npaum Nws leej Tub os.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Paj Lug 27th September 2011, 4:56 am

    Yog mas niamlaus Bao X Mary, yog tias thaum kawg muaj kev txhaum ntau thaum yus mus txog ntawm tus Tswv lawm ces kawg yog tseem muaj kev cia siab ces yeej ua li cov ntsuj plig ua ntej peb xwb tiag, kawg dhia mus them txim, txawm yuav nyuaj npaum twg los zoo siab hlo them tsuav tseem muaj kev cia siab, tiam sis cov ntsuj plig coob tshaj plaws yog cov tsis kam them txim tsis kam pom Tswv Ntuj lub ntsej muag, vim lawv paub tias saib Tswv Ntuj lub ntseg muag tseem ua muaj kev tsim txom loj tshaj , qhov ntawv yog kev Hlub ncaj ncees ntawm Tswv Ntuj.

    Sainte Thérèse tau hais tseg tias qhov zoo yuav tsum kom them txim hauv ntiaj teb no kom tas, txhob ntshaw mus them txim hauv ntuj txias teb tsaus, vim peb tsis paub yam txim tos peb ntawv nyuaj npaum cas, yog leej twg paub , nws yuav tsis yeem mus them txim sab nruab yeeb, nws yuav nyiaj nws kev nyuaj kev mob kev nkees thiab kev raug neeg tsim nws li Huab Tais Yesxus tau ua dhau los.

    Ntuj txias teb tsaus nyob qhov twg? 220px-10

    Thaum ub muaj ib tug yawg hais rau nws tsev neeg tias :" kuv mob ua luaj, nyiaj tsis taus li lawm, yog kuv tuag ntshe kuv dim plaws kuv tej niag kev mob ntawm no". Ces ib tsam tsaus ntuj, neeg pw tas, nws tus Tshiab txawm los ua ib zaj looj tsim rau nws " Yog koj tuag hmo no, koj yuav tau mus them txim li 1 feeb hauv ntuj txias teb tsaus koj li tau mus pem Ntuj Ceeb Tsheej, yog koj yeem them txim hauv yaj ceeb no ces koj yuav tau nyiaj 3 lub xyoo tus mob no kom tas koj sim neej rau xyoo 3 ces koj tau mus pem Ntuj Ceeb Tsheej.

    Tus yawg ntawv txawm quaj ntsaj quaj ntsaj teb tus Tshiab hais tias : " Oh yo!!! twb mob kuv npaum no lawm ais, tseem hais tias kom nyiaj 3 xyoos thiab ces kawg kuv yeem mus them txim hauv ntuj txias teb tsaus ais 1 feeb xwb ces tau mus pem ntuj lawm". Ces tus Tshiab thiaj ploj . qaib qua thawj tsig tus yawg txoj sia txawm tu....

    Tus yawg mus txog ntuj txias teb tsaus, nws mus nyob tau peb tiam hauv ntuj txias teb tsaus, nws quaj quaj quaj txom nyeem ntsuav, dej los tsis tau haus, plab los tshaib, hluav taws los txhiab tas niaj tas tiam, nws khuv xim tus Tshiab cov lus hais rau nws tias yog nws them txim hauv yaj ceeb ces 3 xyoos xwb tau mus pem ntuj ceeb tsheej, cas zaum no nws twb los ntev ntev ntev, los them txim dhau lawm pes tsawg tiam los tsis tau mus pem ntuj li, nws nyob txom nyeem tshaj saum yaj ceeb, tseem nyiaj kev tsim txom mob nsaj tshaj lawm pes tsawg npaug saum yaj ceeb.....

    Ces muaj ib hnub nws tus Tshiab txawm tswm rau nws pom hauv ntuj txias teb tsaus, ces tus yawg ntawv quaj qw quaj qw hais tias : " Cas koj dag kuv? koj twb tias kuv los them txim li 1 feeb xwb ces tau mus pem ntuj ceeb tsheej no ne? cas zaum no kuv los ntev ntev hauv no, tiam tas tiam tuaj los kuv tsis tau mus pem ntuj ceeb tsheej li?...Ces tus Tshiab txawm teb nws tias :" Kuv tsis tau dag koj, hauv nruab yeeb thiab yaj ceeb sij hawm tsis xib xws, nruab yeeb tsis muaj sij hawm , yaj ceeb suav caij suav nyoog, tiam sis nruab yeeb yog ib txhis, tsis muaj kawg tsis muaj xaus. koj twb los tsis tau muaj ib feeb hauv nruab yeeb no es koj siv nroo ua luaj, kheev lam koj yeem them txim yaj ceeb mas, koj lub cev tuag saum yaj ceeb nyuam qhuav tu siav tseem sov so saum koj lub txaj twb tsis tau muaj ib feeb, ntshe yuav ntev koj li tau mus pem ntuj ceeb tsheej". Ces tus yawg txawm qw qw qw tus Tshiab tias : " Vuag!!! kuv twb los ntev npaum no ais koj tseem hais tias kuv lub cev nyuam qhuav tu siav sod so saum kuv lub txaj xwb, kheev yog kuv rov tau, kuv yuav rov mus hauv kuv lub cev yuad, kuv li mus nyiaj kuv tus mob thiab nyob qhia txhua leej txhua tus kom txhob yeem los them txim hauv ntuj txias teb tsaus, thov koj khuv leej kuv, cia kuv rov qab mus them kuv lub txim saum yaj ceeb....".

    Ua ciab kaj ntug plaws, yaj ceeb qaib qua zom zaws, tus yawg txawm cia li xeev rov los, nws tus mob ntsaj saum nws lub txaj looj nws lub cev txhav tas ib nrab, nws ua pa tsis tau pes tsawg, tiam sis tus yawg luag ntxhi, txhua leej txhua tus tuaj xyuas nws, pom tus yawg zoo siab hu nkauj cav txog Tswv Ntuj lub siab zoo, tus yawg zoo siab nyiaj nws tus mob, nws qhia sawv daws txog nws txoj kev mus them txim ntuj txias teb tsaus mas tus mob nws nyiaj nod twb tsis piv ib qho me me li tus mob nws nyiaj hauv ntuj txias teb tsaus....sawv daws kuj ceeb tas nrho, vim txhua zaus tus yawg no nws tus mob huam tuaj mas nws cem thiab thuam Tswv ntuj, zaum no nws tus mob huam nws nyiaj thiab hu nkauj qhuas cav txog Tswv Ntuj siab zoo, ua rau coob leej ntau tus tau pom li ntawv, lawv kuj zoo siab los txiav txim ua ntuj kev cai, vim lawv ntseeg tus yawg ntawd....Tus yawg nod tau mob 3 lub xyoo txwm nkaus li nws hais rau lawv ces nws tus mob txawm zoo, thaum nws zoo tas, nws tseem nrog nws tsev neeg nyob ntev xyoo tom qab nws txoj sia mam tu, nws txoj sia tu vim lub cev laus nkoos lawm, tsis yog tuag kev mob kev ntsaj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Tooj 27th September 2011, 6:03 am



    Nyob zoo Maiv Paj Lug,

    Ua tsaug rau nws lub caij nyoog uas los nrhiav thiab txhais cov lus no rau peb nyeem. Tu siab kawg, uas ua neeg tsis txawj ua neeg zoo ntxim Tswv Ntuj siab. Yog yus paub tias ua li cas thiaj yog ua zoo ntshe yuav rau siab ua kom zoo tshaj li yuav zoo tau. Tab sis nyob ntiaj teb muaj ntau tsav ntau yam, neeg tsis xav ib yam, yus xav tias yus ua zoo los tsis haum luag, yus xav tias yus nyob tij ywm los tsis haum luag...Ces thiaj xyuam khuav tsawv lawm xwb. Yog paub tias Tswv Ntuj txoj kev taug yog txoj twg, ntshe yuav taug tij ywm xwb ais txhob ua txhaum li...

    Nyeem nws cov kwv huam nov, nco txog tus tTxiv Tab Seeb (monk, Moine) uas hla ntawm lub Thaj Txiv Ntuj hauv tsev teev Ntuj tsis hwm ais tuag mus them txim rov los thov Padre Pio pab thov Ntuj rau nws kom tau mus Pem Ntuj Ceeb Tsheej, Padre Pio teb tias "Taig kis neeg tuaj peb ua Mis Xas kuv mam li thov Ntuj rau koj". Ces tus Txiv Twj Cuab hais tib los npaw taws heev hais tias: "Siab Phem!" no ces ploj ntais lawm. Yam li yuav tos ib hmos xwb los twb tos tsis taus li lawm...Ntshe yog zoo li koj hais no, yaj ceeb ces yog ib feeb, nruab yeeb ces yog suav tsis txheeb. Yaj ceeb yog ib ncua, nruab yeeb ces ntev ntev suav tsis txhua.

    Maiv, kuv xav tias nyob nyob yog koj muaj caij, koj muab cov uas peb tau sau nov nyeem ua ib cov videos thiab muab kaw ua CD rau cov laus tau mloog. Kom txhua leej tau paub txog qhov zoo qhov phem.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Bao X Mary 27th September 2011, 6:16 am

    Thov Ntuj pab kom txhob tau mus them txim txhaum hauv dab phem teb lauj, kom them tas rau ntiaj teb no xwb os. Txaus ntshai hwv lawm os.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Paj Lug 28th September 2011, 3:20 am

    Maiv Tooj,

    Koj hais tau ib lub zoo tswv yim kawg, kuv xav tias yog Txiv Laus Txooj tub khoom no , kuv xav thov nws pab nyeem thiab kaw rau kuv ua video no? vim txiv laus lub suab txiv neej hais lus tau muaj suab nrov zoo dua, txiv laus txooj tub lub suab hais lus hauv video mas zoo kawg li nas. J:



    Bao X Mary,

    Yeej txaus nsthai hos ntuj txias teb tsaus thiab dab phem teb na...yog leej twg qhib pob ntseg mloog, qhib qhov muag kom pom deb dua kev lom zem yaj ceeb no mas nws thiaj yuav paub txog tej no, thiaj yuav ceev faj rau tus kheej tus ntsuj plig.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Paj Lug 28th September 2011, 4:19 am

    Txuas ntxiv....

    NTUJ TXIAS TEB TSAUS NYOB QHOV TWG?

    Ntuj txias teb tsaus nyob qhov twg? 35360810

    Muaj peb yam kev zoo siab rau cov ntsuj plig them txim nyob hauv ntuj txias teb tsaus :

    _Yam ib, yog them txim nrog txiaj ntsim paub tseeb tias yuav tau mus pem ntuj ceeb tsheej hnub los txog. Kev them txim tsuas muaj txhawb tus ntsuj kom tshiab zuj zus tuaj, kev txhaum ploj mus , ua tsis tau txhaum ntxiv rau Tswv Ntuj .


    _Yam ob, muaj hnub kawg rau kev them txim, cov neeg nyob yaj ceeb kuj pab tau cov ntsuj plig them txim kom cov txim tag sai, li no coob leej ntau tus Leej Ntshiab thiaj yoo mov thiab ua tej yam khuv leej kom pab tau cov ntsuj plig them txim kom tag sai. Cov ntsuj plig them txim muaj kev zoo siab tiv mob tiv ntsaj , yim mob yim ntsaj, yim them txim tas sai, ua rau Tswv Ntuj zoo siab. Tswv Ntuj zoo siab rau lawv, ces lawv zoo siab them txim vim kev sib cuag los yuav txog.

    _Yam Peb, txoj kev zoo siab them txim hauv ntuj txias teb tsaus yog kev HLUB, kev hlub pab tau ntsuj plig them txim yooj yim, txawm nyuaj npaum twg los kev hlub loj dua ntsuj plig txoj kev them txim, txaus siab hlo them. Them txim hauv ntuj txias teb tsaus yeej tsis yooj yim ,yog kev tsim txom sab tshaj plaws raws rau tus ntsuj plig txhaum , nyhav los sib, yus ev yus cov txhaum.

    Ntuj txias teb tsaus nyob qhov twg? 26990210

    Kev them txim hauv ntuj txias teb tsaus, ntev, los luv ? ntsuj plig them txim raws li kev txhaum tau ua nyob yaj ceeb, muaj them txim ib pliag mus rau 1xuaj moos, 1 xuaj moos mus rau 1 hli, 1 hli mus rau 1 xyoo, 1 xyoos mus rau 1 tiam dhau tiam, nyob ntawm yus kev txhaum coj yus mus ntev los luv . Nyob hauv Ntuj txias teb tsaus, tus ntusj plig rov thov tsis tau ntuj pab nws, tiam sis tus tsuj plig thov tau ntuj pab rau cov neeg tseem nyob yaj ceeb, yog cov neeg nyob yaj ceeb thov ntuj rau nws thiaj pab tau nws them txim kom tag, kom sai. Li no thaum neeg nyob yaj ceeb thov ntuj pab rau cov ntsuj plig them txim, lawv dim sai hauv lawv txoj kev mob ntsaj, neeg yaj ceeb txoj kev thov ntuj muaj nqis tshaj nyiaj thiab kub, hnub no yog cov ntsuj plig ua ntej yus mus them txim, tsam lawm hnub ho yog yus thib mus,li no yog yus nco thov ntuj rau cov ntsuj plig xub mus , lawm hnub lawv yuav nco ntsoov thov Ntuj rov los pab yus tom qab thaum lawv mus pem ntuj ceeb tsheej lawm.

    Thaum peb rau dab ntxwj nyoog ntxias ua txhaum, peb thov cov ntsuj plig nyob hauv ntuj txias teb tsaus kom lawv thov ntuj pab peb kom peb dim, cov ntsuj plig them txim hauv ntuj txias teb tsaus thov ntuj pab peb, Tswv Ntuj pub txiaj ntsim rau lawv cov txim kom tas sai, peb los kuj tau txais txiaj ntsim kev cawm kev pab tuaj ntawm Tswv Ntuj los ntawm cov ntsuj plig them txim nyob ntuj txias teb tsaus.

    mus nyeem qhov link hauv qab no kuj qhia tob :IB PHAU NTAWV QHIA TXOG NTUJ TXIAS TEB TSAUS


    Ntuj txias teb tsaus nyob qhov twg? 35333410

    Cov ntsuj plig nyob ntuj ceeb tsheej thov Ntuj tau pab rau cov neeg tseem nyob yaj ceeb thiab nruab yeeb tib si, li no, peb nyob yaj ceeb, peb rau siab thov cov Leej Ntshiab kom thov ntuj pab peb.

    Yog peb muaj ib tug neeg tuag tus ntsuj plig mus pem ntuj ceeb tsheej lawm, peb kev thov ntuj rau nws, yuav tsis txais lawm, tiam sis Tswv Ntuj yeej tsis pub peb txoj kev thov ntuj ntawv xiam, Tswv Ntuj yuav xa peb cov lus thov ntuj rau peb tus neeg tuag mus pab rau lwm tus nyob ntuj txias teb tsaus uas ib txwm tsis muaj neeg thov ntuj pab lawv.

    Li no txoj kev thov ntuj muaj nqi tshaj nyiaj thiab kub, yog leej twg thov ntuj hnub twg, nws yuav tau txais hnub ntawd.

    txuas ntxiv....
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Tooj 28th September 2011, 6:34 am



    Nyob zoo Maiv Paj Lug,

    Ua tsaug rau nws cov zaj no, hais tau zoo heev...Zoo heev...Tab sis txaus ntshai heev...Tu siab heev...

    Maiv, cia seb koj txiv laus puas khoom los nyeem nws cov zaj no. Yog nws khoom no kuv mam li kaw xa tuaj, yog tsis khoom no ces koj mam hais kiag xwb mas yuad...! :A

    Zoo kawg li nawb, nws cov zaj no...Ua li nov mas yuav qheb peb qhov muag kom sawv daws rau siab teev Ntuj, Daws Txhaum thiab xyaum ua neeg zoo, neeg ncaj ncees me ntsis.o)
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Maiv Tooj 29th September 2011, 6:56 pm

    Zaj nkauj Thov Ntuj rau cov ntsuj plig Tham Txim.


    Thaum teev Ntuj tag, yuav xaus, hais zaj no tag ces xaus:

    ZAJ NKAUJ THOV NTUJ RAU COV NTSUJ PLIG THEM TXIM.




















    Huab Tais Yes Xus,
    zam txim rau peb cov txhaum,
    Thaiv peb ntawm dab phem cov hluav taws,
    Coj tag nrhov cov ntsuj plig mus saum Ntuj,
    Tshwj Xeeb cov uas vam txog KOJ txoj kev KHUV LEEJ.

    Sponsored content


    Ntuj txias teb tsaus nyob qhov twg? Empty Re: Ntuj txias teb tsaus nyob qhov twg?

    Post  Sponsored content


      Current date/time is 28th March 2024, 1:13 pm