Ib tug Ntxhais Burmese (tuaj Burma teb tuaj)

Nyob zoo sawv daws,

Kuv tsis tshua khoom sau zaj li lawm. Hnub Chiv dhau los no peb ua thaj txi ntuj kawg nyob hauv peb lub tsev teev ntuj Our Lady Of Good Counsel Church, vim hais tias peb cov neeg tsawg tsawg lawm ces peb lub tsev teev ntuj los loj dhau rau peb thiab peb tsis muaj nyiaj txaus los tu lub tsev, peb yuav tau mus koom lwm lub tsev teev ntuj. Lub lis piam no yog ib lub lis piam uas peb tu khoom thiab yuav thauj tej yam peb yuav siv mus tso rau lub tsev teev ntuj tshiab. Yog li ntawd kuv yuav tso ib zaj hais txog ib yam txawv txawv uas tshwm sim rau ib tug me ntxhais Burmese. Cov neeg Burmese nyob tom lub nroog Monmouth, Illinois hu nws tuaj. Lawv yog ib co neeg ntseeg Protestants, tiam sis lawv ua lawv church ua lawv lus. Lawv mus siv ib lub Baptist Church los teev ntuj.

Lawv caw tus me ntxhais ntawd tuaj vim muaj ib yam txawv txav tshwm sim rau nws. Nws piav hais tias ob xyoos dhau los, nyob nyob cia li sawv tej caj liab liab los dawb dawb ntawm nws txhais quav npab. Thaum ntej nws xav tias yog nws tau allergy, tiam sis kws tshuaj hais tias tsis yog no. Tej caj uas sawv ntawd yog ib co txwm ntawv sau ua ib co lus uas yog cov lus nyob hauv Ntawv Moo Zoo. Cov neeg uas pom cov lus ntawd sau rau ntawm nws txhais npab, lawv kuj mob siab ntseeg ntuj tuaj no... Lawv xav hais tias yog dab phem ua mas dab phem yuav tsis siv ib co lus ua kom neeg mob siab rau Tswv Ntuj tuaj nod...

Tej zaum Tswv Ntuj siv txhua tsav txhua yam los ua kom neeg lees paub Tswv Ntuj... Thiab puas yog hais tias lub ntiaj teb yuav puas li cas los pauv li cad?...


Yog nej xav mus nyeem zaj no ces nej taum hauv qab no:

http://www.reviewatlas.com/Featured/x438672007/-Miracles-are-happening

Nyob zoo Mim,

Tswv Ntuj yeej ua txhua tsav txhua yam los ua pov thawj kom neeg ras xeev, kom neeg nco ntsoov Tswv Ntuj. Muaj tej tug neeg mas nws kub txog 80°c=176 degrés Fahrenheit, yam uas neeg lub cev yuav thev tsis tau. Neeg lub cev tsuas kub txog 42 °c xwb, twb tssi tau txog 42°c twb tuag ua ntej lawm. Tab sis yog thaum Tswv Ntuj ua mas nws kuj tsis tuag thiab...Nws nyob nws.

Qhov zoo mas txhob tos kom pom tej yam hwj huam mam ntseeg, mam li teev Ntuj, qhov zoo mas yuav tsum teev tas mus li txhob tos kom muaj hwj huam...Vim yuav tsawg tsawg zaus thiaj li yuav muaj hwj huam. Tsis li ntawd ces tej thaum tseem yog Dab Phem los ntxias los yus twb tsis paub txog thiab.

Mim, xyo li os, peb nyias khwv khwv nyias ais twb tssi khoom tuaj sau ib yam tseem ceeb li thiab tiag. Lub Week End nov los peb muaj mus noj mov Hav Zoov thiab ces tsis khoom li. Ob lub Week end rov tom ntej, yuav mus nrog TP.Cwj Vuam Chiv lawv sab laj puag xyoo Paris thiab yuav mus ncig teb chaws me ntsis thiab ces seb leej twg khoom los ho tuaj saib tsev thiab nawb...

Cov kwv tij uas tuaj nyeem, yog nej muaj tej zaj zoo no xav kom nej coj tuaj tso rau peb nyeem thiab os nawb.