Cov Leej Ntshiab nyuam qhuav tsa tshiab

Les Saints Contemporains par KTOTV

Cov Leej Ntshiab yeej ib txwm muaj tau ntau tiam los lawm. Yam li Leej Ntshiab Martin, thaum Tiam 4 nyob rau teb chaws Fab Kis thiab Saint Vincent de Paul, cov pluag tus tub txib, thaum Tiam 18. Coob leej nyob ntsiag tos, ua raws li lub Cim Ntxuav, tab sis loj heev rau ntawm Tswv Ntuj xub ntiag, tshua coob leej thiab uas tsuas muaj Tswv Ntuj tib leeg thiaj paub hauv lawv lub siab. Haiv neeg Ntshiab tsuas muaj coob zuj zus, Hauv Paus Xa Lus Zam, tau sau rau nws phau Ntawv lub caij tom ntej tias: Kuv pom ib pab neeg coob coob, pab neeg Ntshiab coob coob uas tsis muaj leej twg yuav suav txheeb, ua tej pwb pawg, muaj ntau haiv neeg, ntau hom lus, sawv ntawm lub theej kiab ib sab thiab ntawm tus Yaj Ntshiab uas hnav tsoos tsho dawb ci ntsa iab, tuav ib tug cwj mem ntawm tes, thiab tshaj ib lub suab nrov hais tias:" Txoj kev thaj yeeb yog Tswv Ntuj muab, nws zaum lub theej kiab nrog rau tus Yaj Ntshiab."
Ua kom tau txhawb Tsoom Ntseeg Catholique, Koom Txoos tau txais paub tham tsam li 40.000 tus Leej Ntshiab coj los ua qauv. Txhua xyoo, muaj tsa Leej Ntshiab ntxiv, vim nyias muaj nyias tus yam ntxwv thiab kev txawj, kev zoo. Tsis yog yuav kom yus ua tau tus zoo tshaj, tab sis tsuav yog yus nyiam Tswv Ntuj thiab nyiam luag tej tag nrho nws siab ntsws thiab nws lub zog xwb ces tau lawm.
Ua ntej Vaj Qhia yuav tsa ib tug ua Leej Ntshiab, nws yuav ntsuam ntev loo, seb tej tim khawv txog tus neeg ntawd lub neej puas nyog ib tug zoo neeg tsim nyog thiab seb thov txog nws yuav tsum muaj ib qho hwj huam yees ntxwv, ces Vaj Qhia mam tshaj tawm ua "Neeg siab Dawb". Tom qab yog rov muaj hwj huam yees ntxwv zaum ob ntxiv ces Vaj Qhia mam tsa ua Leej Ntshiab.

Txiv Vaj Qhia Zam Paj Lug II, tau tsa tag nrho 1341 tus ua cov Siab Ntshiab thiab tsa 482 tus Leej Ntshiab. Cov Leej Ntshiab ua nto moo tshaj yog: Leej Ntshiab Maximilien Kolbe, St Maria Faustina Kowalska thiab Padre Pio.

Tom qab no, Txiv Vaj Qhia Bes Nes Div 16, tau tshaj cov neeg ntseeg zoo raws txog Ntuj kev cai, xyoo 2005, nws tau tsa Vaj Qhia Zam Paj Lug II ua cov Siab Ntshiab. Tsis ntev tom qab xwb, nws lub hwj huam Ntshiab loj zuj zus. Tsis ntev tom qab no, tsaib no hnub tim 11 lub 10 hli 2011, Txiv Vaj Qhia tau tsa Jeanne Jugan uas yog tus tsim lub Koom Haum "Cov Phauj lub neej txom nyem" ua Leej Ntshiab. Nws tus thib 29 uas Txiv Vaj Qhia Npes Nes Div 16 tsa ua Leej Ntshiab.


Saint Maximilien Kolbe



Keeb kwm ntawm Leej Ntshiab Maximilien Kolbe, yog ib tug Txiv Plig Polonais, thaum Tsov Rog Ntiaj teb zaum 2, lawv mus raug txim rau Yias Lab Mas teb, lawv yuav muab ib tug txiv tsev tua, tus txiv tsev quaj quaj tias ntshe nws yuav tsis pom nws cov niam tub li lawm. Ces Txiv Plig Maximilien Kolbe thiaj tias yog li ces kom lawv muab nws tua taj tus txiv tsev...Ces lawv thiaj muab nws tua rau hnub tim 14 lub 8 hli 1941. Hnub tom qab, uas yog hnub Niam Mab Liab mus saum Ntuj, lawv muab nws lub cev coj mus pov rau lub qhov txos hlawv...

Tus yawg uas Saint Maximilien Kolbe tau tuag taj, kuj tuaj koom hnub uas Txiv Vaj Qhia tsa Saint Maximilien Kolbe ua Leej Ntshiab Tim Khawv kev Ntseeg...rau hnub tim 10 lub 10 hli 1982. Nyob rau Tuam Tsev Leej Ntshiab Pob Zeb, nyob Los Mas.