COV NTSEEG KAV TOS LIV TXOJ CAI LIJ CHOJ

KAV TOS LIV yog txhais li cas?

Kav Tos Liv yog txhais hais tias: "SIB KOOM UA KE"

Tsab kev cai Lij Choj Vas Tis Cas 2 tau pib hais thiab tsim los ntawm tus Vaj Qhia Zam 23. Yog hnub tim 11 lub 10 hli xyoo 1962. Tiam sis Vaj Qhia Zam 23 twb laus heev lawm, ces nws ua tsab ntawv tssi tau tiav nws tuag lawm. Nws tuag rau lub 6 hli tim 3 xyoo 1963. Vaj Qhia Paj Lug 6 thiaj ua tiav rau xyoo 1965.

Tsab kev cai Lij Choj muaj ntau tshooj thiab ntau qib uas hais thiab kav mus raws li nyias yam kev ua thiab teev hawm. Ntawm no tsuas muab ib nqes me me los piav rau nej tau yoog thiab ua raws li txoj kev ntseeg uas nej muaj nyob hauv nej tus kheej xwb. Yam li nyob hauv tshooj 64 qib 1-3, hais txog lub Koom Txoos thiab neeg kev lis kev cai thiab tus neeg coj kev ntseeg tus yam ntxwv.

Txoj cai nqi kav lub Koom Txoos hais tias:
Txhua tus neeg ntseeg muaj cai tsim kho kev thaj yeeb kom ntiaj teb neeg muaj kev ywj pheej txog kev ua neej mus raws li nyias txoj kab lis kev cai thiab Ntuj txoj kev cai. Txhua tus neeg muaj cai ua neeg raws nyias feem cuam uas Ntuj pub rau nyias. Ua neeg nyob yuav tsum muaj kev sib pab thiab sib koom siab thiaj yog raws li txoj kev ntseegthiab cov kev cai qhia haus kev ua neeg ntseeg Ntuj kom ua kev zoo thiab maim kev ua phem.

Tsoom neeg ntseeg Kav Tos Liv yuav tsum paub thiab coj raws li Vaj Qhia cov lus uas nws yog tus hloov Yes Xus chaw ua tus coj peb. Vaj Qhia tsis tau txwv kom peb leej twg ua los puas coj raws li nws hais xwb. Tiam sis yog koj ntseeg Ntuj tiag, ces cia li yuav thiab ua xwb. Txoj kev ntseeg Ntuj yog ua raws li Ntuj cov kev cai qhia thiab hwm neeg cov kev cai, kev coj noj coj ua kom muaj kev ncaj ncees.

Lub Koom Txoos cov kev cai Lij Choj yog qhia txog neeg kev coj siab, coj ntsws thiab kev twj lij ntawm txoj kev tsob hwb Tswv Ntuj kom raws kev ncaj, kom neeg txawj tsim kev zoo thiab txuag tau kev ntshai ntawm neeg tus ntsuj plig.

Kev coj siab coj ntsws hauv ib tug neeg ntseeg yog yuav ua zoo li cas?

Lub ntsiab yog:
A: Tsim kev phooj ywg nrog Tswv Ntuj.
B: Tsim kev phooj ywg nrog neeg.
C: Kom paub Tswv Ntuj zoo.
D: Kom muaj feem cuam nyob hauv Tswv Ntuj rau tiam no thiab lwm tiam.

Muaj 2 yam uas Koom Txoos qhia txog kev ua Ntuj kev cai:

1: Txiaj Ntsim koob hmoov.
2: Kev txhaum (Ua phem ces muaj txhaum, ua kev zoo ces tau txiaj ntsim).

TXOJ KEV CAI LIJ XHOJ TRENT SAU TSEG MUAJ TIAS:
1: Ua ib lub cheeb Koom Txoos, yuav tsum muaj tsev kawm txuj ua Leej Choj.
2: Ua ib lub tsev teev Ntuj, yuav tsum muaj lub tsev kawm ntawv nrog.

Tsab kev cai Lij Choj Vas Tis Kas 2 no nws muaj kev tso ywj pheej, ua raws li yuav ua tau xwb. Yog li ntawd, thiaj muaj ntau lub tsev kawm ntawv uas tau raug muab kaw lawm.
Tsuas ua raws li qhov tseeb xwb, yam li:
1: Raws li tsoom ntseeg pom zoo.
2: Ua raws li lub Koom Txoos nyob thoob ntiaj teb.
3: Ua qghov tsis mauj kev ua xyem xyav li, qhov uas yog thiab muaj xwb.
Tsis tas li ntawd, tseem muaj qhov tso cai kom siv tau neeg kev lis kev cai thiab siv nyias xeem lus los teev Ntuj tau. Yuav tsum hwm txhuia haiv neeg tej kev lis kev cai yam muaj nqis thiab.

Luv Koom txoos yog Ntuj li, tiam sis neeg kav. Neeg thiaj li yuav tsum ua raws li neeg siab thiab neeg lub tswv yim xav. Txhua txoj cai hauv lub Koom Txoos los hauv tsev teev Ntuj tsis hais thaum ub los nyem no, yog neeg txoj kev lis kev cai tsim los kav neeg. Tsis txhob muab saib loj loj, ces yus yuav yuam kev. Qhov tseem ceeb, yog kev zoo thiab kev ncaj ncees nyob hauv yus nruab siab rau Ntuj thiab neeg.

Yog vim txoj kev cai nruj nyob hauv txoj cai Vas Tis Kas 1, mas cov Lus Taws Las (Luthérien=Protestant) thiaj li tau tawm hauv Kas Tos Liv mus rau xyoo 1517. lawv mus tsim dua ib lub Koom Txoos tshiab uas teev hawm Yes Xus.

KAWG NOV YOG LUS NTUAS

Peb yog neeg ntseeg Ntuj, peb yuav tsum muaj kev thoob tsib ua neeg ncaj thiab tsis xam khib. Yus ua dab tsi los yus yuav tsum paub tias yog yus ua rau Ntuj, tsis yog yus ua rau yus thiab ua rau neeg xwb. "Kuv ua, mas tsis yog vim tus neeg ntawd yog neeg ntseeg Ntuj, tiam sis vim kuv yog neeg ntseeg Ntuj."

Koj puas nug koj tus kheej zaum puav tias:

1- Kuv puas yog ib tug neeg ntseeg Kas Tos Liv tiag?
2- Kuv puas txaus siab ua li Vaj Qhia hais?
3- Kuv puas yog ib tug neeg tsis muab hlob?
4- Kuv pab lub tsev teev Ntuj, lub Koom Txoos yog dab tsi?
5- Kuv puas tau ntxub leej twg?
6- Kuv ntseeg Ntuj yog vim li cas thiab yog vim dab tsi?

Luv ntsiab lus huv tib si hauv cov lus tau hais los nov, txhais hais tias: Ntuj tso yus los ua neeg kom tau pab Tswv Ntuj thiab neeg tej hauj lwm uas vam txog yus. Thiaj muaj lo lus hais tias: "Yuav tsum sib pab sib hlub". Tiam sis neeg lub siab twm xeeb thiaj yuav tsum tsim kom muaj txoj cai Lij Choj los pab kav thiab daws teeb meem, neeg thiaj nyob tau ua ke thiab muaj kev thaj yeeb rau ntiaj teb.

NEEG TUB NKEEG, koj mus xyuas saib tus ntsaum nws ua zoo li cas. Koj saib nws tus yam ntxwv, koj yuav thoob tsib tuaj (CPL 6:6)