Lub Lis Piam Ntshiab

**Mim** 16th April 2011, 6:48 am

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Lub Lis Piam Ntshiab

Post Mim 16th April 2011, 6:48 am

LUB LIS PIAM NTSHIAB / HOLY WEEK / LA SEMAINE SAINTE

Lub Lis Piam Ntshiab pib txij Hnub Chiv Nqaum Nplooj(Palm Sunday/Dimanche des Rameaux) mus txog Hnub Xya Ntshiab(Holy Saturday/Samedi Saint). Yog lub lis piam kawg ntawm Yes Xus lub neej nyob ntiaj teb no. Yog lub lis piam uas Yes Xus raug txom nyem thiab raug tuag.

Yog li tag kis, tim 17 lub 4 hlis 2011, yog Hnub Chiv Nqum Nplooj. Peb yuav ua kev nco txog HT Yes Xus caij ib tug luj los mus rau hauv nroog Yes Lus Xas Les, ua ntej thaum lawv yuav ntes nws thiab yuav tsim txom nws. Thaum ntawd, Yes Xus cov thwj tim thiab ib co neeg coob coob hle lawv tej tsho los puas muab nlooj los pua kev rau Yes Xus caij luj taug mus hauv nroog. Lawv sawv daws qw cav txog Yes Xus yog tus tuaj saum Tswv Ntuj tuaj. Peb zaj nkauj “Faj Tim HT Ntshiab” yog zaj uas cov neeg hu cav tog Yes Xus thaum nws nkag mus hauv nroog Ye Lus Xas Les. Hnub no, peb mus teev ntuj mas peb xub mus nyob ntawm qhov rooj, nyias mus khaws nyias ib tug nlooj palm tuav ntawm tes. Txiv plig xub foom hmoov zoo rau cov nplooj, ces yuav nyeem zaj piav txog Yes Xus caij tus luj los mus hauv nroog Yes Xus Xas Les. Nyeem ntawv tas ces yuav hu nkauj thiab cov neeg sawv daws yoj lawv cov nplooj taug kev los mus lawm hauv tsev teev ntuj, mam pib ua thaj txi ntuj ntxiv mus.

Hnub Ob Ntshiab(Holy Monday), Hnub Peb Ntshiab(Holy Tuesday), thiab Hnub Plaub Ntshiab (Holy Wednesday), mas kuj tsis muaj dab tsi. Tiam sis Hnub Tsib Ntshiab (Holy Thursday), Hnub Rau Ntshiab (Good Friday), thiab Hnub Xya Ntshia(Holy Saturday) yog peb hnub tseem ceeb ntawm Yes Xus txoj kev raug txom nyem, raug tuag. Peb hnub ntawd lawv hu ua “the Easter Triduum.”

Peb yog ib tug neeg ntseeg Kas Tos Liv mas phim peb yuav tau qee caij qee nyoog mus koom cov kev teev ntuj peb hnub ntawd. Cav cuag yog peb muaj ib lub ntees ploj tuag, peb twb nyob peb hnub plaub hnub los mus koom lub ntees ntawd. Yog li tsim nyog peb yuav saib HT Yes Xus lub ntees muaj nqes rau peb thiab.

HnubTsib Ntshiab: Kev cai, hnub ntawd cov txiv plig tsis ua thaj txi ntuj yav sawv ntxov los yav nruab hnub li. Tsuas yog Tswv Qhia thiaj ua tau ib thaj txi ntuj los tsim cov roj ntshiab (holy oils) xwb. Cov txiv plig ua thaj txi ntuj yav tsaus ntuj, ua kev nco tog Yes Xus noj pluas hmo kawg nrog nws cov thwj tim, nws ntxuav lawv ko taw thiab nws tsim lub Cim Yug. Tsis paub nyob lwm qhov lawv ua li cas, hos nyob hauv peb church mas hmo ntawd, nyias nqa nyias ib qho zaub mov tuaj thaum 6 moo taus ntuj. Swv daws xub koom noj hmo ua ke tas, ces thaum 7 teev 30 peb mam pib thaj txi ntuj. Hmo ntawd mast xiv plig yuav ua keb ke ntxuav ko taw nrog tib si. Vim hmo ntawd thaum noj hmo tas, Yes Xus yuav raug luag tuaj ntes nws mus txiav txim ib hmos, mas peb siv cov ntaub thiab tsho txi ntuj liab. Tsos liab yog txhais tias Ye Xus yuav tau hliv nws cov roj ntsha hmo ntawd. Thaum ua thaj txi ntuj tas, peb kuj muaj li 15 fiab los mus ua kev pe hawm HT Yes Xus nyob hauv lub Cim Yug (Adoration of the Eucharist).

Hnub Rau Ntshiab/Good Friday: hnub ntawd tsis muaj thaj txi ntuj li, hauv tsev teev ntuj los lawv muab lub Cim Yug tshem mus tso rau ib qho xu kev lawm, tej ntaub ntawm tej thaj txi ntuj los lawv muab yaws tas tib si, vim hnub ntawd yog hnub tu siab, Yes Xus raug muab dai rau saum ntoo cuam, ces thaum yav li 3 teev hnub qaij nws tuag, yav tsaus ntuj lawv twb tuaj muab nws lub cev daws mus tso rau hauv ntxa lawm. Hauv peb churh, peb muaj ua kev teev ntuj nyeem ntawv piav txog Yes Xus kev txom nyem, kev tuag rau yav tav su 12 teev, muaj kev hawm tus Ntoo Cuam, thiab txais Yes Xus lub Cev. Yav 1 teev ntawd mas peb muaj teev Ntoo Cuam Txoj Kev (the Stations of the Cross).

Hnub Xya Ntshiab nruab hnub: hnub no yog hnub Yes Xus lub cev nyob hauv ntxa, tsis muaj ua thaj txi ntuj li. Peb tsuas muaj kev teev ntuj rau zaub mov xwb. Yog leej twg xav nqa nws cov nqaij cov zaub cov mov uas nws yuav npaj noj rau Hnub Hla (Easter) tuaj rau txiv plig foom koob foom hmoov zoo rau mas peb muaj ib lub caij teem rau kom lawv tuaj.

Hmo Hla/ Easter Vigil/la Veille de Pâques: Yog Hnub Xya Ntshiab thaum tsaus ntuj . Peb ua moov nco txog HT Yes Xus sawv rov los hmo ntawd thaum ntxov ntxov lawm. Thaum ub mas peb ua thaj txi ntuj Hmo Hla thaum ib tag hmo. Tiam sis nyiam no lub Koom Txoos muab hloov los mus ua rau yav 8 teev los 10 teev ntawd lawm. Tej zaum tej qhov chaw tseem ua thaum ib tag hmo thiab.

Thaj txi ntuj pib nyob hauv kev tsaus ntuj, tsis taws teeb li. Cov ntseeg sawv daws xub mus nyob ntawm qhov rooj los nraum zoov (saib huab cua puas zoo txaus), nyias tuav nyias ib tug tswm ciab. Txiv plig taws ib lub cub tawg tshiab, ces mam muab tus Tswm Ciab Hla tshiab los zes ntawm lub cub tawg, ces mam zes rau sawv daws cov tswm ciab. Sawv daws hu nkauj zoo siab thiab nkag los hauv tsev teev ntuj, mam pib ua thaj txi ntuj. Hmo ntawd kuj yog hmo ua lub Cim Ntxuav rau cov neeg npaj txais lub Cim Ntxuav thiab ua cov kab ke tos txais cov uas los lwm lub church los ua neeg ntseeg Kas Tos Liv.

Hnub Chiv Hla, peb ua hmoov txog HT Yes Xus sawv rov los .

Last edited by Mim on 16th April 2011, 12:10 pm; edited 1 time in total

**Maiv Tooj** 16th April 2011, 8:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Lub Lis Piam Ntshiab

Post Maiv Tooj 16th April 2011, 8:43 am

Nyob zoo Mim,

Ua tsaug uas nws muaj lub siab dawb tuaj qhia lub Lia Piam Ntshiab ntxaws kom peb paub meej dua ntxiv. Ntau zaud, peb paub Ntuj kev cai zoo, peb xav tias peb paub tag, paub zoo heev lawm, tab sis kuj tseem tshuav kis puav uas peb paub tsis tau txog thiab. Yog ib hnub qheb ib qho, ib hmos tham ib zaj ntxiv mas peb yuav paub txog txoj kev ntseeg zoo dua ntxiv.

Mim, yog nws khoom no rov nyeem nws cov ntawv dua, zoo li nws ntau yuam kev lo puav lawm.

Lub Lis Piam Ntshiab AFP_100328pape-benoit-xvi-rameaux_4

**Npuagtub** 18th April 2011, 6:37 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°3

Re: Lub Lis Piam Ntshiab

Post Npuagtub 18th April 2011, 6:37 am

Nyob zoo Mim thiab cov phooj ywg,

Ua tsaug Mim koj tuaj sau tau zoo heev hais txog lub Lis piam Ntshiab ( Holy Week ) rau sawv daws kawm. Kuv tsuas yog tuaj sau me ntsis ntxiv rau lub Lis piam Ntshiab ( Holy week ).

Pib txij hnub ua hmoov Nquam Nplooj ( Palm Sunday ) mas lawv muab ntau liab los yog ntaub txam xem los npog tej duab tseem ceeb nyob hauv lub tsev teev ntuj mus txog hnub Yes Xus sawv rov los ( Easter Sunday ).

Hnub 5 Ntshiab hmo ( Holy Thursday ) Yes Xus tsim lub lub Cim Yug ( Holy Eucharist ) thaum ua lub txoos tas Txiv Plig lawv coj lub Cim Yug mus cia rau ib qho chaw zoo zoo mus txog hnub Easter Sunday mam li coj rov los tso rau hauv lub tsev teev Ntuj.