Lub Lis Piam Ntshiab

Lub Lis Piam Ntshiab yog lub lis piam txij Hnub Chiv Nqaum Nplooj (Palm Sunday) mus rau Hnub Chiv Hla (Easter Sunday). Nyob hauv lub Lis Piam Ntshiab, muaj 3 hnub tseem ceeb:
- Hnub Tsib Nsthiab (Holy Thursday/Jeudi Saint),
- Hnub Rau Ntshiab (Good Friday/Vendredi Saint),
- Hnub Xya Ntshiab (Holy Saturday/Samedi Saint).

Peb hnub ntawd yog peb hnub kawg hauv Yes Xus lub neej ua neeg nyob ntiaj teb. Phim peb cov ntseeg Kas Tos Luiv yuav tsum mus koom cov txoos teev ntuj peb hnub ntawd. Kuv muab piv rau qhov hais tias thaum peb muaj ib tug tas sim neej, peb twb mus saib mus xyuas li ob peb hnub nyob tas hmo thiab. Yog li ntawd niaj xyoo thaum txog Yes Xus lub caij tuag thiab sawv rov los peb kuj yuav tau mus saib mus xyuas thiab.

Hnub Tsib Ntshiab, peb nco txog Yes Xus noj nws pluas mov kawg. Nws muab dej los ntxuav nws cov thwj tim ko taw, muab phuam los so. Yog hmo nws ua thawj thawj thaj txi Ntuj, nws tuav mov mog, tsa muag thov ntuj, thiab muab ntais faib rau nws cov thwj tim noj, nws hais tias: "Qhov no yog kuv lub Cev." Nws tseem tuav lub ntim, tsa muag thov ntuj, thiqab muab cev rau nws cov thwj tim haus, nws hais rau lawv tias: "Qhov no yog kuv cov Ntshav."
Hmo ntawd peb thiaj mus teev ntuj thaum yav tsaus ntuj thiab ua kev nco txog Yes Xus ntxuav ko taw thiab Yes Xus tsim lub Cim Yug. Hmo ntawd kuj yog hmo uas Yes Xus raug lawv ntes (vim muaj tus ntxeev siab, uas yog Yus Das Is Kas Lis Yos). Thaum ua lub txoos mas thiaj muaj ntxuav ko taw, thiab thaum ua thaj txi ntuj tas, peb thiaj taug kev (ua procession) nqa lub Cim Yug mus tso rau ib qho chaw uas sawv daws nyob thov ntuj nrog Yes Xus zov hmo raws lub sij hawm yus muaj.

Nag hmo yog Hnub Tsib Ntshiab, peb muaj mus teev ntuj thaum yav 7:00 teev tsaus ntuj. Ua ntej ntawd, thaum 6:00 teev, peb sawv daws nyias nqa nyias ib yam khoom noj tuaj, sawv daws koom noj ib pluag hmo, nco txog Yes Xus thiab nws cov thwj tim noj pluas hmo kawg nrog Yes Xus. Thaum ua thaj txi ntuj tas, cov ntseeg kuj nyob li 5 feeb tej thov ntuj ntawm lub Cim Yug thiab. Kuv xav mas peb nyob ntev tsis txaus. Tiam sis twb lig lawm ces zoo li sawv daws maj maj mus tsev. Peb cov Hmoob tsis tuaj coob, tsuas tuaj plaub tsib leeg xwb. Tej zaum peb tseem tsis tau muab Yes Xus txoj kev raug txom nyem raug tuag ua ib qho loj. Yog vim Yes Xus raug txom nyem raug tuag, nws thiaj cawm tau peb ntawm peb tej kev txhaum. Tiam sis zoo li peb tseem tsis tau saib qhov ntawd muaj nqes heev.

Hnub no yog Hnub Rau Ntshiab. Yog hnub lawv muab Yes Xus ntsia dai rau saum ntoo cuam. Nws nyob tau peb teev dai vias saum ntoo cuam xwb, ces nws txoj sia tu nrho lawm. Nyob hauv ntawv piav tias thaum lub caij nws tuag ntawd, lub ntuj cia li tsaus hos av qeeg, thiab daim ntaub hauv lub tuam tsev teev ntuj nyob Yes Lus Xas Les ntuag rhe ua ob sab. Yes Xus txoj sia tu yog thaum 3:00 teev yav hnub qaij.

Hnub no kev cai peb tsis ua thaj txij ntuj, tiam sis peb muaj mus taug Nto Cuam txoj kev hauv tsev teev ntuj, thiab mus ua lub txoos teev ntuj txais Yes Xus lub Cev xwb. Thaum ua lub txoos teev ntuj, peb muaj ua kev hawm tus Ntoo Cuam, vim Yes Xus tuag saum ntoo cuam los cawm peb. Hnub no, peb mus pib kev Taug Ntoo Cuam Txoj Kev thaum 12:00 tav su. Tahum 1:00 teev, ces peb pib ua kev teev ntuj hawm Ntoo Cuam, nyeem zaj piav txog Yes Xus raug txom nyem, thiab txais Yes Xus lub Cev.

Hnub Xya Ntshiab. Hnub Xya Ntshiab,Yes Xus nyob hauv ntxa ib hnub. Tag kis Hnub Xya Ntshiab, thaum nruab hnub, tav li 2:00 teev, yog leej twg xav nqa zauj nqa mov mus rau txiv plig foom hmoov zoo rau, ces lawv nqa mus.
Dua li ntawd tsis ua dab tsi. Tiam sis thaum yav tsaus ntuj, peb ua kev nco txog Yes Xus ciaj sawv rov los thaum ib tag hmo. Thaum ub cov ntseeg mus ua thaj txi ntuj thaum ib tag hmo. Tiam sis nyem no, ntau qhov chaw muab hloov los ua thaum ntxov lawjm. Hauv peb tsev teev ntuj, peb ua thaum 7:30 tsaus ntuj.

Hmo ntawd, (hu ua Easter Vigil/Veillee Pascale) peb pib nyob tsaus ntuj nti, ces txiv plig taws ib lub cub tawg tshiab thiab taws ib tug tswm ciab Hla tshiab, ua lub cim qhia tias Yes Xus nyob hauv qhov tuag tsaus nti, tiam sis nws sawv rov los muaj txoj sia, nws yog qhov pom kev rau ntiaj teb neeg sawv daws. Hmo ntawd yog hmo ua lub Cim Ntxuav, lub Cim Txhab Zog rau cov neeg los ntseeg tshiab. Thiab hmob ntawd peb ua kab ke txais tos cov uas twb ntxuav plig tas tom lwm lub koom txoos lwm tiam sis lawv xav los ua neeg ntseeg raws Kas Tos Liv. Cov los tshiab thiab ntxuav plig tshiab ntawd kuj txais Yes Xus lub Cev thawj zaug hmo ntawd thiab. Yog ib hmos sawv daws zoo siab, vim HT Yes Xus tau cawm sawv daws thiab yeej kev tuag lawm.

Hnub Chiv Hla. Yog hnub tom qab Hnub Xya Ntshiab. Yog hnub uas Peb zoo siab rau Yes Xus txoj kev yeej kev tuag thiab sawv rov los lawm. Peb sawv daws tuaj mus koom thaj txi ntuj, rov cog lus xws li thaum peb txais lub Cim Ntxuav dua tias peb nrauj dab phem thiab yuav teev Tswv ntuj ib leeg xwb.

Ua tsaug os niamlaus Mim , koj tuaj qhia tau zoo kawg li, hnub no kuv mus koom teev ntuj thaum 3:00PM hauv tsev teev ntuj, peb kuj raws ntooi cuam , yog thawj zaug kuv mus koom teev ntuj hnub Good Friday , kuj ua rau kuv siab kaj lug. Kuv pom qhov texte hauv qab no nyob ntawm daim ntawv lawv sau qhia peb tias: Tus cim ntoo cuam txhais li cas. Kuv lam muab sau rau hauv qab no peb sawv daws tau nyeem khaws tseg, tej zaum nej cov hlob twb paub lawm tiam sis tseem tshuav peb cov yau tsis tau paub, nov yog thawj zaug kuv mam paub tias txhais li cas.





Le signe de croix



Au nom du Père :


La main sur le front.


Je voudrais écrire Dieu sur tous mes rêves.

Je voudrais marquer Dieu sur toutes mes idées.

Je voudrais que la main de Dieu

soit sur toutes mes pensées



Au nom du Fils :

La main sur le Cœur.

Je voudrais dire Dieu,

Je voudrais chanter Dieu

Avec tous les mots de mon amour.

Je voudrais planter Dieu

Dans tous les jardins de ma tendr esse.



Au nom du Saint Esprit :

La main qui fait la traversée

Et le voyage depuis une épaule

Jusqu’à l’autre épaule.

Je voudrais écrire Dieu

Sur tout moi-même.

Je voudrais m’habiller de Dieu

De haut en bas

Et d’une épaule à l’autre.



Je voudrais que le grand vent de l’Esprit

Souffle d’une épaule sur l’autre,

D’un bout du monde à l’autre

Jusqu’aux extrémités de la terre.


by Jean Debruynne


________________________




The sign of the cross

In the name of the Father :

The hand on the forehead.

I would write about God all my dreams.

I wish to express my ideas about God.

I want the hand of God

either on all my thoughts



On behalf of the Son:

Hand on Heart.

I would say God

I want to sing God

With all the words of my love.

I want to plant God

In all the gardens of my tendr esse.



On behalf of the Holy Spirit :

The hand that made the crossing

And the trip from a shoulder

Until the other shoulder.

I would write God

On all myself.

I would dress in God

Downward

And a shoulder to the other.



I would like the great wind of the Spirit

Breath of a shoulder on the other,

From one end of the world to another

Ends of the earth.

___________________________





Tus cim ntoo cuam


Hu txog Leej Txiv :

Muab thxais tes rau saum hauv pliag,

Kuv xav sau tias Tswv Ntuj nyob hauv kuv cov npau suav.
Kuv xav sau tias kuv cim Tswv Ntuj hauv kuv lub tswv yim.
Kuv xav kom Tswv Ntuj txhais tes los nyob ntxhua zaus hauv kuv txoj kev xav.



Hu txog Leej Tub :

Muab txhais tes rau ntawm hauv siab,

kuv xav qhia txog Tswv Ntuj.
Kuv xav hu nkauj cav txog Tswv Ntuj,
nrog txhua lo lus hauv kuv txoj kev hlub.
Kuv xav cog Tswv Ntuj,
rau hauv txhua lub vaj zaub mos.



Hu txog Leej Ntuj Plig :

Muab txhais tes hla,
ntawm sab xwb pwg laug mus rau sab xwb pwg xis.

Kuv xav sau Tswv Ntuj rau ntawm kuv tus kheej
Kuv xav hnav Tswv Ntuj saum taub hau ti hauv ko taw
thiab kom looj tas nrho kuv ob sab xwb pwg.


Kuv xav kom kob cua hlob ntawm Leej Ntuj Plig
tshuab hla kuv ob sab xwb pwg ib sab dhau ib sab,
tshuab kom thoob plaws ntiaj teb ib sab
mus txog ntiaj teb kawg lwm sab.

Maiv Paj Lug,

Ua tsaug koj tuaj tso ib co lus piav txog lub Cim Ntoo Cuam. Nws yog ib co lus zoo kawg mas. Lub Cim Ntoo Cuam mas nyias xav muab txhais ua ntau yam ntsiab raws li nyias xav los yeej tau. Ntau zaus thaum peb ua Cim Ntoo Cuam, peb lam yoj yoj tes dhau ntawm ntsej muag xwb twb tsis xav txog dab tsi li. Peb yuav tsum tau xav txog tias peb ntaus Yes Xus lub cim rau ntawm peb, kom peb nco ntsoov tias peb yog Yes Xus neeg, peb yog Tswv Ntuj me nyuam lawm, peb yuav tsum coj ib tug yeeb yam kom phim peb yog Tswv Ntuj neeg.

Nyob zoo cov phooj ywg sawv daws,
Kuv thov hais ob los xwb:
Ntoo Cuam lub cim mas peb kawg yuav tau yuav raws Li lub Koom Txoos Catholique txhais xwb.
Qov zoo mas peb nyias txhob txhais li nyias siab nyiam, Txawm yog leej twg yuav txhais li cas los xij peem; ceev faj ! txhob coj mus tshaj qhia rau lwm leej lwm tus.
Ua tsaug.

Y.Suav Nus

Nyob zoo os MP , Thiab Mim , Ua tsaug ntau ntau rau Neb os mog , Ua neb tau tuaj qhia txog tus Ntoo cuam rau peb sawv daws os , Zoo siab heev li os Vim kuj muaj peb ntau tus uas tseem tsis tau paub tseeb hais tias Tus ntoo cuam uas peb pheej Niaj hnub siv ntawd nws yog dab tsi thiab txhais hais li cas no os, Neb tuaj qhia zoo heev li os , Thov kom huab tais ntuj foom koob hmoov zoo rau neb os mog , Thiab thov kom leej tshiab los nyob rau hauv neb kom neb txoj kev txhaj lij no haj yam loj hlob ntxiv lawm yav tom ntej os nawb mog ,

Maivxis .