Nom Vaj Thoj txais lub cim Tiag Tes

**Maiv Tooj** 28th January 2011, 10:01 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Nom Vaj Thoj txais lub cim Tiag Tes

Post Maiv Tooj 28th January 2011, 10:01 am

LTH. Nom Vaj thoj thiab nws poj niam, nkawd tau nrog Txiv Plig Nkaj Xyaum ua hauj lwm lub caij Txiv Plig Nkaj Xyaum tseem ua hauj lwm pab cov Hmoob ntseeg nyob rau ntawm Fresno no.
Tam sim no nkawd cov me nyuam kuj loj hlob tas ces nkawd thiaj txiav siab mloog Huab Tais Ntuj lub suab hu nkawd los ua Tswv Ntuj tej dej num rau cov ntseeg nyob rau ntawm ST. Mary Church.

Nom Vaj Thoj tau txais lub cim Tiag Tes los ua ib tug Leej Tsob Hwb (LTH.) lub 1 hlis tim 15 / 2011
Nyob rau ntawm lub nroog Fresno, California. Peb sawv daws zoo siab tias tau muaj ib tug LTH. los coj thiab pab cov Hmoob ntseeg nyob rau ntawm lub tsev teev ntuj St. Mary Church no lawm.

Hnub tom qab lub 1 hlis tim 16 / 2011, peb sawv daws kuj tau nrog LTH. Nom Vaj thiab nws tsev neeg noj ib pluas mov zoo siab, Cov ntseeg thiab nws cov phooj ywg sawv daws kuj tuaj coob kawg li ua rau kem tsev noj mov puv nkaus.
Txij no mus cov ntseeg nyob rau ntawm lub Tsev Teev Ntuj St. Mary Church lawv yuav muaj kev tso siab thiab vam meej nyob hauv lawv txoj kev ntseeg ntxiv mus lawm yav tom ntej tsis zoo li yav dhau los uas txij li Txiv Plig Nkaj Xyaum tau ncaim lawv mus rau tom Oakland, California ces lawv tsis muaj ib leeg txiv coj lawv kev lawm. Kuv xa lub moo no rau nej yog vim kuv xav tias tsim nyog peb tsoom Hmoob ntseeg txog ntuj nrog pab ntseeg nyob rau ntawm lub Tsev Teev Ntuj St. Mary Church zoo siab.

LTH. Xov Tsheej.

Nom Vaj Thoj txais lub cim Tiag Tes

LTH. Nom Vaj thiab nws poj niam

Nom Vaj Thoj txais lub cim Tiag Tes Nom_va12

LTH. Nom Vaj tsev neeg thiab cov phooj ywg
LTH. Nom Vaj Thoj sawv nruab nrab

Nom Vaj Thoj txais lub cim Tiag Tes Nom_va13

sab laug mus rau sab xis. LTH. Zoov Ntxheb
Txiv Plig Tswv Yeej, LTH. Txooj Tswb,
Tus kawg sab xis LTH. Xov Tsheej

**Mim** 29th January 2011, 4:31 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°2

Re: Nom Vaj Thoj txais lub cim Tiag Tes

Post Mim 29th January 2011, 4:31 am

Tais Tooj,

Ua koj tsaug uas koj coj tsab xov no tuaj qhia rau peb paub os. Kuv yeej tau hnov tias muaj ib tug Hmoob Thoj tab tom kawm ua deacon/tsob hwb no tiam sis kuv tsis paub tias nws twb kawm tas thiab txais lub cim Tiag Tes lawm no. Zoo siab uas peb muaj ib tug Tsob Hwb tshiab.

Peb sawv daws yuav tsum nco ntsoov thov ntuj pab peb cov txiv plig thiab cov tsob hwb Hmoob,kom Tswv Ntuj txhawb lawv lub dag lub zog thiab tshoj lawv lub tswv yim lub siab kom lawv ua tau Tswv Ntuj txoj hauj lwm raws li Tswv Ntuj nyiam.

Thov kom peb cov txiv plig thiab cov tsob hwb nco ntsoov HT Yes Xus lo lus nyob hauv MK 9: 35-37, nws hais rau nws cov thwj tim thaum lawv sib cav tias leej twg yog tus loj dua:
"Yog leej twg xav ua tus loj dua cov, mas nws yuav tsum ua tus me dua cov, thiab ua sawv daws tus tub txib."

Kuv tus kheej, kuv xav tias peb tib neeg lub siab mas tsuas xav ua tus loj xwb, xav kom lwm tus mloog yus hais, tsis xav ua tus txo hwj chim mloog luag hais li. Kuv vam hais tias peb cov txiv plig thiab cov tsob hwb yuav to taub HT Yes Xus lo lus no. Lawv yog peb sawv daws cov coj, tiam sis lawv yuav tsum ua neeg txo hwj chim.