Vaj Pov Hmoob tus Vaj

**Lajpovyaj** 21st June 2013, 9:03 am

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°176

Re: Vaj Pov Hmoob tus Vaj

Post Lajpovyaj 21st June 2013, 9:03 am

**Maiv Tooj** 29th October 2014, 10:59 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°177

Re: Vaj Pov Hmoob tus Vaj

Post Maiv Tooj 29th October 2014, 10:59 am

Vang Pao History

**Maiv Tooj** 23rd January 2019, 8:04 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°178

Re: Vaj Pov Hmoob tus Vaj

Post Maiv Tooj 23rd January 2019, 8:04 am

Maiv Tooj wrote:
Hmoob tus Vaj dua nra

Peb Hmoob muaj lub ntuj hlub
Ntau tiam yawm saub tso ib tug
Peb Hmoob muaj lub ntuj pov
Ntau txheej yawm saub tso ib tug los coj

Thaum ntuj tsim teb raug
Tswv Ntuj tsim muaj Hmoob thaum lub hauv paus
Thaum ntuj tshwm teb xeeb
Yawm saub tsim tau Hmoob nrog luag ua neeg

Hmoob xeeb tau nrog luag
Tsim teb rhawv chaw nyob tsheeg cuab
Hmoob tsim muaj nom muaj tsw
Tsim muaj Huab Tais Txiv Yawg ua vaj ntxwv

Tswj teb kav chaw ntswg liaj ntswg iav
Tsim muaj qoob loo cog tau nplej pob kws siav
Tswj teb kav chaw ciam dej ciam av
Tsim muaj kab hlau ua twj thaiv laj kab

Suav tuam tshoj muab tsis yeej ntau tsis tau
Thiaj koom ntau teb chaws tuaj ntaus
Hmoob thiaj tawg ua sab ua sua
Huab Tais Txiv Yawg txais kev puas tsuaj
Ua rau Peb Hmoob quaj ntsuag
Rov tos dua tus vaj nqes los dua

Ntau txheej ntau tiam dhau mus
Yawm saub rov hlub Hmoob ib ntus
Tso tus vaj tshiab los cawm Hmoob
Tseev tsom Hmoob lub koob
Coj Peb Hmoob lub neej nce ib theem
Mus rau ntiaj teb kev vam meej
Yam tsis muaj tus tau ua los
Yog Peb Yawg Hlob Vaj Pov
Tus Yawm saub muab koob hmoov
Thiaj muaj lub hwj chim coj Peb Hmoob
Mus nce tus ntaiv ntuj
Muaj koob nto npe tsim nuj
Muaj vaj huam sib luag nrog ntiaj teb neeg
Muaj koob npe nrog lub sim ceeb

Kuv me nyuam neeg thov nqa tes ua koj tsaug mog
Kuv leej niam leej txiv, huab tais vaj ntxwv, yawg hlob Vaj Pov
Thov koj mus zoo,...Tej koob Hmoov koj tau muab rau me nyuam Hmoob pem roob....Tswv Ntuj yuav muab txhiab puas zaus tshaj rau koj. Kuv tseem nco txog koj lub txiaj ntsim uas tau muab rau peb txhua leej, thaum kuv nrog koj cov me nyuam ua si nyob tim Looj ceeb. Tswb, Maiv Kaus, Maiv Ko yog tus hlob...Kuv pom koj ua lub Collège Lao Houam Phao nram Vees Cam, uas kuv cov phooj ywg tshau tsis tau mus txheej siab tau tuaj kawm kom muaj fij xws li luag...Kuv pom koj tseev tsa muaj cov Nais Khu Pab Xab Npas, muab koj nyiaj qab nas, peev qab hub los txhawm kom koj Haiv Hmoob TXAWJ. Kuv pom koj tseev tsim tau ib cov nais mom, kho mob saib kev noj qab haus huv rau txhua lub zos Hmoob. Kom Hais Hmoob muaj kev noj qab nyob zoo. Tej nyiaj txiag luag xa tuaj ua tsov ua rog, seem me me koj coj los txhawb koj Haiv Hmoob kom zoo thiaj vam meej yam coob tus twb xav tsis txog.

Yawg Hlob Vaj Pov, Tswv Ntuj tso koj los txhawb Peb Hmoob zaum no, koj yeej ua tau raws lis Peb Hmoob txoj kev thov Tswv Ntuj, Yawm Saub tau ntau txheej ntau tiam los. KOJ mus lawm, koj lub koob npe yuav nyob tsis muaj caij kawg hauv Peb Hmoob lub siab mog.
Koj mus lawm los koj nco ntsoov tig rov los saib koj haiv neeg mog.
Thov koj tsom kwm kom Peb Hmoob txawj sib hlub thiab txawj tuav rawv koj lub koob.
Yam nyob hauv kuv lub siab, kuv hais tsis tau tawm, vim tsis muaj ib los lus yuav hais tau, cia kuv tsa tes ua koj tsaug xwb mog.

Yawg Hlob, kuv hais zaj paj huam tsis tag, koj paub hais tias yog li cas.
Yawg Hlob, kuv hais zaj paj huam tsis tiav, txhais tias Hmoob tseem tos koj rov los HLUB dua Peb Hmoob rov lwm tiam...

Maiv Tooj
Tim 7 /01/2011

EXCLUSIVE!! General Vang Pao's message to the youth!

**Maiv Tooj** 25th November 2021, 4:31 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°179

Re: Vaj Pov Hmoob tus Vaj

Post Maiv Tooj 25th November 2021, 4:31 am

Zaj 552- PIAV TXOG KEEB KWM HMOOB.

Hais txog lub zim txwv Fab Kis tuaj nyob is dus din, tswj Khas Npaus Dias teb, Cob Tsib teb, thiab Los Tsuas teb.
1.Tsoom Hmoob muaj Yawg Lis Foom cov tub, zoo li Tub Npis, Tub Liab thiab Tub Ntxawg, lawv thiaj tau mus kawm ntawv xwb, raws li kuv paub.
Thaum Fab Kis nyob, mas tsoom Hmoob muaj tsawg leej kawg thiaj tau mus kawm ntawv. Yog lub Koom Txoos Catholiques tuaj ces lawv thiaj tau pab tsoom Los Tsuas uas lawv hu ua cov neeg npab noj (cov neeg nyob yaj sab) thiab tsoom Hmoob los tsoom Mab Daum tau mus kawm ntawv.
Ze lub caij Fab Kis yuav rov qab ces, Tub Npis lawv nyob rau Xeev khuam, tsoom Hmoob thiaj muaj leej puav tau kawm ntawv.
Nyob rau sab Luang Prabang, yog lub Koom Txoos catholiques pab, tsoom Hmoob thiab tsoom Khub Hmub thiaj tau mus kawm ntawv.
Lub caij Fab Kis rov qab lawd, xyoo 1954, Txiv Plig Nyiaj Pov thiaj xa Yaj Faiv Ntxhos wb mus kawm ntawv nyob nram lub nroog Paksane. Yog lub tsev kawm ntawv nto moo zoo heev nyob Los Tsuas teb.
2. Los txog 1962 lub caij Vaj Pov, tau ua nom kav pawg tub rog lawv hu ua Phaj Ob no. Mas Vaj Pov mus txog twg, los nws tau mus tsa tsev kawm ntawv, rau txhua lub zos Hmoob uas tsim nyog kom muaj.
Thaum ntawd kuv tuaj nyob Vees Cas cov tub nom uas yawg Vaj Pov tau tsa Hmoob ua Nai Khej ua tej pab thawj tub rog thiab cov uas Nws tau tas lawv ua Nai Koos los caub Moos.
Mas lawv cov tub tau tuaj kawm ntawv nyob Vees Cas, Lub Koom Txoos catholiques Txiv Plig Nyiaj Pov tau ua ib lub tsev loj kawg nyob Vees Cas.
Cov tub Nom ntawd lawv tuaj kawm ntawv muaj 100 leej nyob hauv peb tsev. Cov tub Hmoob uas Txiv Plig txais tuaj kawm ua tub tshaj Ntuj Lus lawv cov poj niam me nyuam tib si peb muaj 50 leej. Cov Niam Xib Hwb ua mov rau sawv daws noj, kuv qhia ntawv rau cov tuaj kawm ua Xib Hwb hluas thiab tsoom ntxhais kawm ua tub Tshaj Ntuj Lus.
3.Hais txog Yawg Vaj Pov, mas nws zoo li Ntuj ib tug tub txib muaj lub tswv yim pab kom tsoom Hmoob muaj kev vam meej kom luag cov Mab Sua saib tias Hmoob muaj nuj qes kawg thiab.
Vaj Pov tau tsa kom muaj coob leej ua Nai Khej, muaj coob leej ua Caub Moos, muaj ntau tus thawj tub rog thiaj li ua rau Los Tsuas teb saib tau Hmoob mus lawm ib ncua thiab. Hmoob tsoom tub ntxhais tau kawm ntawv nyob pem toj siab los twb paub sau ntawv coob leej lawm.
4. Yawg Vaj Pov no, nws ntaus phooj ywg tau zoo kawg, nws ua phooj ywg rau Fab Kis, rau Mes Kas ntaus phooj ywg tau rau Huab Tais Los Tsuas thiab cov Nom Los Tsuas.
Nws ua phooj ywg rau Huab Tais Thaib thiab cov nom Thaib los tau tib si. nws hais lus mas cov phooj ywg lawv puav leej mloog tau thiab sib raug zoo.
Lub caij Vaj Pov tas hwj chim nyob Los Tsuas teb, nws tuaj mus nyob Mes Kas teb. cov tau raws Yawg Vaj Pov tuaj, Hmoob tsoom tub tau kawm txuj qeb siab tau ntau leej lawm.
Txoj kev raws Yawg Vaj Pov tsis tau nkim zos mus ib qho li.
Hmoob nyob Los Tsuas teb tau ntev li cas kuv tsis paub. Txoom Hmoob tuaj nyob Mes Kuj teb 40 xyoo xwb twb muaj cov tau ua ua nom ua tswv tuav lub teb chaws As Mes Liv Kas thiab saib kev ruaj ntseg coob leej lawm. Cov tau raws thiab yoog yawg Vaj Pov, nyob lub teb chaws twg los zoo tuaj lawm ntau. Yog muaj ib tug tsim txiaj lawm, sawv daws yuav tau yoog kom tau tib tug yam ntxwv li nws.
Yog ib txoj kev, uas koj tau ua zoo rau tsoom neeg, li koj yog Ntuj ib tug cawm seej rau tsoom txheeb ze koj raws li Ntuj Niam Ntuj Txiv txoj kev nyiam thiab hlub lawm ntag.
Los lus kawg hais rau tsoom neeg muaj siab dawb siab huv, yus tsis tau ua nom los yus muaj ib txoj hauj lwm pab tsoom txheeb ze ua kwv ua tij nyob hauv Tswv Ntuj lub npe mas yeej zoo rau koj lawm mog.

Tim 17/11/2020.
Yaj Zoov Ntxheb X.H.