Lub Caij Tos Huab Tais

**Mim** 27th November 2010, 6:36 pm

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Lub Caij Tos Huab Tais

Post Mim 27th November 2010, 6:36 pm

Peb Hmooblub xyoo laus twb los xaus zom zaws tas lawm, hos lub xyoo tshiab twb tawm tuaj lawm. Tej zaum tseem tshuav qee pab uas mam muab lub xyoo laus xaus rau lub hlis tom ntej.

Nyob hauv peb txoj kev ntseeg, peb kuj muaj ib lub sij hwm pib xyoo tshib thiab. Peb lub xyoo laus teev ntuj ces los xaus rau hnub xya 11 hlis tim 27 no lawm, hos lub xyoo teev ntuj tshiab ces pib rau hnub Chiv 1 hauv lub Caij Tos Huab Tais/Advent/Avent uas xyoo 2010 no yog poob rau lub 11 hlis tim 28.

Lub Caij Tos Huab Tais yog 4 hnub Chiv ua ntej Hnub Nyoog Yes Xus Yug los/Christmas/Noel. Yog ib lub caij uas peb cov ntseeg yuav tsum npaj siab txais tos HT Yes Xus yuav yug los. Hnub no thaum peb mus teev ntuj yuav muaj ob yam txawv: Yam ib yog txiv plig yuav hnav cov tsoos tsho xiav tsam xem, yog ib lub cim qhia kom peb yuav tsum ua kev them txim txhaum, yuav tsum hloov peb lub siab los ua neeg zoo neeg hwm ntuj tshaj qub peb thiaj yuav tsim nyog txais HT Yes Xus los nyob hauv peb nruab sib. Yam ob yog thaum peb mus koom thaj txi ntuj mas txiv plig yuav pib taws ib tug tswm ciab xiav tsam xem. Tus tswm ciab qhia tias kom peb nco ntsoov txog tias hnub no yog hnub peb pib ua kev npaj siab tos HT Yes Xus ntag.

Last edited by Mim on 11th December 2010, 8:38 am; edited 1 time in total

**Maiv Tooj** 28th November 2010, 10:34 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: Lub Caij Tos Huab Tais

Post Maiv Tooj 28th November 2010, 10:34 am

Dynamic Glitter Text Generator at TextSpace.net

Lub caij tos Huab Tais, yog rov pib dua xyoo tshiab teev Ntuj. Lub xyoo laus los xaus rau Nruab Xyoo teev Ntuj. Li no Hnub no yog thawj Hnub Chiv Tos Huab Tais, yog hnub Xyoo Tshiab rau ntawv xam nyoog teev Ntuj. Xyoo no peb mus rau xyoo A ntawm cov zaj nyeem.

Hnub Chiv 12/12/2010, yog Hmoov cov Tsev Neeg, yog Hnub uas lawv yuav nqa tus nplaim teeb Npes Les Hes los txog rau Fab Kis teb. Keeb kwm nqa nplaim teeb Npes Les Hes yog xub pib tim Autriche. Lawv mus teev Ntuj tim Npes Les Hes thaum lub Caij Tos Huab Tais ces lawv txawm nqa tau ib tug nplaim teeb los taws rau hauv lub Tuam Tsev teev Ntuj nyob Vienne xyoo 1985. Txij ntawd los ces cia li riv mus thoob Europe. Lawv coj los taws rau cov tsev teev Ntuj txhua nrho thiab yog cov tsev neeg muaj txiab xeeb los kev ntxhov siab, coj mus taws rau hauv tsev kuj tau.

Lub Caij Tos Huab Tais Lumiere-bethleem-9

**Mim** 11th December 2010, 10:52 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: Lub Caij Tos Huab Tais

Post Mim 11th December 2010, 10:52 am

Kuv tau tuaj pib piav me me txog lub Caij Tos Huab Tais(Advent/Avent) lawm, tiam sis kuv piav tsis tau tas. Yog li kuv yuav rov tuaj ntxiv raws li kuv paub.

Lub Caij Tos Huab Tais Second_week_of_advent_poster-p228596001022442039t5wm_400

Hnub Chiv tas los yog nub Chiv 2 Tos HuabTais. Peb taws ob tug tswm ciab thaum peb mus koom thaj txi ntuj.

Tag kis yog Hnub Chiv 3 Tos Huab Tais. Peb yuav taws tus tswm ciab liab dawb lias (pink), vim hais tias tshuav tsis ntev lawm twb yuav txog hnub Yes Xus yug los. Peb sawv daws zoo siab.

Hnub Chiv tom ntej no (Tsis yog tag kis), yog Hnub Chiv kawg ntawm lub Caij Tos Huab Tais lawm, peb yuav taws tas nrho 4 tug tswm ciab.

Yog vim li cas thiaj hu ua lub Caij Tos Huab Tais? Peb tos dab tsi los yog tos leej twg?

1)Peb tos tias tshuav tsis ntev ces twb txog lub hnub nyoog nco txog Yes Xus yug los. HT Yes Xus yuav tsis rov yug los ua ib tug me nyuam mos liab ntxiv lawm, peb ua kev nco txog hnub nws yug los xwb. Txawm li ntawd los yog ib hnub tseem ceeb, vim yog nws tau yug los ces peb thiaj tau txais kev cawm dim ntawm kev txaug kev txhaum.
2)Peb tos thiab thov kom HT Yes Xus yug los nyob hauv peb nruab siab hauv sab ntsuj plig. Ib yam li yog yus nyiam ib tug neeg mas tus neeg ntawd nyob rawv hauv yus nruab siab. Ib yam li ntawd, peb hais tias peb yog neeg ntseeg Yes Xus, ua li peb puas nyiam Yes Xus ntau tshaj kom peb muaj Yes Xus nyob rawv hauv peb nruab siab thiab? Lub caij Tos Huab Tais yog lub caij rau peb xyaum nyiam Tswv Ntuj kom peb muaj Tswv Ntuj nyob rawv hauv peb.
3)Peb kuj tos ntsoov hais tias muaj ibb hnub twg, HT Yes Xus yuav rov los hauv ntiaj teb no dua. Yeej muaj sau tseg lawm hais tias nws yuav rov los ib yam li thaum nws nce mus saum ntuj thiab, nws yuav rov los nyob saum huab saum cua, thiab muaj hwj chim ci ntsa iab. Peb tsis paub hais tias yuav yog hnub twg, lub caij twg li, tiam sis niaj xyoo txog lub Caij Tos Huab Tais, mas peb nyeem txog HT Yes Xus tej lus uas nws tau ceeb toom tseg txog tias thaum lub ntiaj teb uas peb paub yuav kawg, yuav muaj xwm dab tsi tshwm sim, thiab ntiaj teb neeg yuav zoo li cas...Peb nyeem thiab qhib peb lub tswv yim txog tej lus no, kom peb ceev faj nraim tias lub ntiaj teb yuav kawg thaum twg tsis tseem ceeb rau peb, qhov tseem ceeb yog qhov tias peb lub neej yeej yuav kawg ib hnub. Peb yuav npaj rawv kom yog peb lub neej kawg thaum lub caij twg los xij, peb tau mus nrog Tswv Ntuj nyob xwb...

Hauv lub Caij Tos Huab Tais, peb yuav tos li cas? Yuav ua dab tsi los npaj tos?

Thaum ub mas tas ib tsoom ntseeg yuav tau ua kev yoo mov yoo nqaij ib yam li lub Caij 40 thiab. Tiam sis txij li lub rooj ncauj lus Vatcan II los, mas cov thawj coj Koom Txoos Kas Tos Liv tau muab qhov kev yoo ntawd tshem tawm lawm. Peb txoj kev yoo yog yoo peb lub siab phem, xyaum ua neeg siab zoo tuaj; yoo peb lub siab npau taws, xyaum ua siab ntev tuaj. Qhov loj tshaj yog xyaum muab peb lub siab los nyiam Tswv Ntuj ntseeg Tswv Ntuj dua qub, xyaum nquag teev ntuj dua qub…

Tam sis no lub Caij Tos Huab Tais twb txog nrab lawm, tiam sis yeej tseem tsis tau lig… Peb yuav tau siv lub caij uas tseem tshuav no (ob lub lis piam) los npaj peb lub siab tiag tiag kom peb tsim nyog txais HT Yes Xus tuaj nyob rau hauv peb nruab siab…

Lub Caij Tos Huab Tais Images?q=tbn:ANd9GcQACNFmd0hkJ-KrAn55OU_gnIEiX0BNMOxiWgorPxWSJuoeaxXg

Peb ib ob hnub twb yuav tsum tau da dej ntxuav peb lub cev… Tau pes tsawg hnub, pes tsawg hli, pes tsawg xyoolawm uas peb tsis tau mus daws txhaum ntxua peb tus ntsuj plig kom dawb huv?... Lub caij no yog lub caij uas peb yuav tau npaj mus daws txhaum napj peb lub siab ua ntej YesXus yug los.

**Maiv Tooj** 21st February 2013, 8:42 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°4

Re: Lub Caij Tos Huab Tais

Post Maiv Tooj 21st February 2013, 8:42 am

LUB CAIJ TOS HUAB TAIS.

Lub caij tos Huab Tais muaj plaub lis piam los cim Yes Xus Pleev , kom paub xws li : Xeeb ua neeg, muaj leej Ntuj Plig, tuag thiab txiav txim. Lub Lis Piam kawg tsis tsxhua tag, vim cov txiaj ntsim uas muab rau cov Leej Ntshiab ntawm lub cim tom qab (Txiav txim) yuav tsis kawg ib zaug li. Muaj plaub yam tshwm sim tab sis qhov ntau lub Koom Txoos nyiam hais txog ntu (1) qhov muaj nroj ntsha yug los ua neeg thiab ntu (2)thaum txiav txim ntau dua : yam li txoj kev tu siab es yoo tshaib rau kev tu siab yog thaum txiav txim thiab thaum zoo siab yug los ua neeg ho yoo tshaib rau kev zoo siab.
Yav thaum ub mas lub Caij Tos Huab tais, lub Koom Txoos kuj yoo mov tib yam li lub caij Plaub Caug thiab.
Ua ntej uas Tswv Ntuj Leej Tub yug ua neeg, muaj cev nqaij daim tawv, peb ua ib cov neeg tsis paub qab hau, dig muag tsis pom kev, tsis paub qhov zoo, peb poob rau txoj kev txhaum tas ib txhiab ib txhi, poob ua dab cev qhev, sib yoog tug kawg tug txoj kev lim hiam ua phem, peb nyob hauv lub neej tsaus ntuj nti, thoj nam poob teb chaws. Li ntawd peb thiaj xav tau ib tug Kws Tshuaj kho peb cov mob, ib tug txhiv peb, ib tug cawm peb thiab ib tug coj peb, ib tug qhia qhov pom kev, ib tug Cawm Seej. Li ntawd peb thiaj hu nkauj cav txog Tswv Ntuj siab zoo, txawj hlub neeg.

**Bao X Mary** 11th November 2013, 5:23 pm

Bao X Mary

Bao X Mary: Phooj Ywg; Messages : 168
Date d'inscription : 2011-07-09

Post n°5

Re: Lub Caij Tos Huab Tais

Post Bao X Mary 11th November 2013, 5:23 pm

Maiv Tooj thiab Mim,

Tus tswm ciab dawb muaj lub cim qhia li cas ?

Raws li kuv nyeem mas nws muaj lub cim tias: Yes Xus tus Cawm Seej,Yaj txi Tswv Ntuj." Neb ho sim hais kom meej rau kuv sob.

Ua tsaug os.

**Maiv Tooj** 12th November 2013, 9:25 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°6

Re: Lub Caij Tos Huab Tais

Post Maiv Tooj 12th November 2013, 9:25 am

Nyob zoo Bao X Mary,

Tswm ciab dawb, yog thaum txais lub Cim Ntxuab muab tus tswm ciab dawb taws ntawm tus tswm ciab Hmoov Hla rau tus ntxuav plig, yog cim HT.Yes Xus qhov pom kev kaj tus ntxuav plig.

Dua li, tswm ciab dawb yog ua kom muaj hwj huam, muaj kev thoob tsib tog nrog, ua kom kev ntseeg muaj zog, tiv thaiv (roos) thiab yaug kom huv.

Kuv hais li no xwb seb Mim puas tuaj teb koj li cas ntxiv.

**Bao X Mary** 13th November 2013, 11:35 am

Bao X Mary

Bao X Mary: Phooj Ywg; Messages : 168
Date d'inscription : 2011-07-09

Post n°7

Re: Lub Caij Tos Huab Tais

Post Bao X Mary 13th November 2013, 11:35 am

Maiv Tooj,

Ua tsaug uas koj tau tuaj qhia rau kuv.

Tsis nco lawm, kuv hais lub caij tos Huab Tais nws muaj 4 tug tswm ciab, txhua tus tswm ciab nws muaj lub cim tias yog li cas tab sis nws muaj ib tug tswm ciab dawb tom qab 4 tug ntawd thiab. Tus ntawd lub cim raws li kuv nyeem ntawv mes kas mas hais tias yog " Yes Xus, tus Yaj txi Tswv Ntuj Ntuj, tus Cawm Seej no." Tab sis kuv kuj tsis to taub zoo thiab ces kuv thiaj tuaj noog Mim neb.

Ua tsaug rau neb txhua yam uas tau pab kuv thiab peb sawv saws txog kev ntseeg.

Npaub

**Mim** 13th November 2013, 4:30 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°8

Re: Lub Caij Tos Huab Tais

Post Mim 13th November 2013, 4:30 pm

Nyob zoo Bao X Mary thiab tais Tooj,
Kuv los kuj tsis paub ntau thiab tiam sis cia kuv ho tuaj piav raws li kuv to taub thiab xwb.

LUB NTSIAB NTAWM TUS TSWM CIAB

Nyob hauv txoj kev cai Kas Tos Liv mas muaj taws tswm ciab nyob hauv tej kev teev ntuj thiaj tej kab lis kev cai tas mus li, tsuas yog thaum mus daws txhaum thiaj tsis muaj taws tswm ciab xwb.
Lub hauv paus siv tswm ciab yog los ntawm cov neeg His Xas Lais los. Thaum ub lawv yeej taws tswm ciab nyob hauv lawv txoj kev pe hawm Tswv Ntuj. HT Yes Xus thiab nws cov Hauv Paus Xa Lus lawv puav leej yog neeg His Xas Lais, yog li ntawd thaum Yes Xus tuag tas thiab nce mus saum ntuj lawm, nws cov thwj tim kuj khaws tej kev cai taws tswm ciab ntawd nyob hauv lawv tej kev teev hawm Tswv Ntuj ib yam.
Koom Txoos Kas Tos Liv siv cov tswm ciab dawb ntau xwb, xws li thaum ua thaj txi ntuj (yuav tsum muaj tsawg kawg yog ob tug tswm ciab taws txawb saum thaj txi ntuj), thaum txais lub Cim Ntxuav, thaum ua kev teev ntuj rau ib tug mob, thaum teev ntuj ua kev zoo siab los ua ntuj tsaug, yeej siv cov tswm ciab dawb nkaus xwb. Tiam sis thaum lub Caij Tos Huab Tais mas thiaj siv cov tswm ciab xiav los puas tsam xem, thiab paj yeeb.

Lub ntsiab ntawm tus tswm ciab yog li cas?
Tus tswm ciab yog ib lub cim ua kom peb nco txog HT Yes Xus. Nws tau hais tias, “Kuv yog lub ntiaj teb neeg qhov pom kev.” Tus nplaim taws tswm ciab qhia tias HT Yes Xus yeej tseem yog peb txhua tus qhov pom kev niaj hnub no. Tus tsos dawb qhia hais tias HT Yes Xus yog Tswv Ntuj tus Yaj dawb huv, uas tau los tuag theej peb lub txim txhaum. Tus Tswm Ciab Hla uas txiv plig taws thaum Hmo Hla yog tus tswm ciab zeem txog HT Yes Xus, uas nws tau raug txom nyem tsim txom, raug nkaug thiab tuag kom tau cawm peb thiab nws tau sawv rov los dua. Nws yog peb txoj kev cawm seej, nws yog peb qhov pom kev, nws yog peb txoj sia nyob hauv Tswv Ntuj. Hmo Hla ntawd peb txhua tus neeg ntseeg kuj taws ib tug tswm ciab me uas yog coj mus zes ntawm tus Tswm Ciab Hla. Cov neeg txais lub Cim Ntxuav tshiab los yeej tau txais ib tug tswm ciab uas coj mus taws ntawm tus Tswm Ciab Hla thiab. Tus tswm ciab me no qhia rau peb nco tias, peb txhua tus yuav saib HT Yes Xus yog peb qhov pom kev qhia peb ua neej. Thiab nws tseem qhia kom peb nco tias, peb kuj yuav tsum coj Yes Xus qhov pom kev mus pub rau lwm tus thiab. Peb yog zoo li ib qho pom kev me me ci pub rau lwm tus.

Lub caij Tos Huab Tais, peb muaj 4 tug tswm ciab txawb ncig ib lub voj voog hus ua “Advent Wreath.” 4 tug tswm ciab ntawd qhia tias muaj plaub Hnub Chiv ua ntej Yes Xus yug los. Cov tswm ciab ntawd muaj ntsiab zoo li no: peb tug tswm ciab xiav los tsam xem muaj lub ntsiab tias lub Caij Tos Huab Tais yog ib lub caij uas peb yuav xav txog peb lub neej tej kev txaug kev txhaum, ces peb yuav tu siab thiab yuav hloov siab hloov ntsws tig los ua zoo coj zoo kom haum li Tswv ntuj nyiam, peb thiaj li yuav npaj tau ib lub siab dawb huv tsim nyog txais tos tus me nyuam Yes Xus. Hnub Chiv 3, peb taws tus tswm ciab paj yeeb, vim hnub ntawd yog ib hnub peb zoo siab tias tshuav tsis ntev lawm xwb, Yes Xus twb yuav yug los. Muaj qee zaum, kuj muaj ib tug tswm ciab dawb nyob hauv nruab nrab lub voj voog. Yuav tsum tos txog hmo ua ntej Yes Xus yug (tim 24) los puas hnub Yes Xus yug (tim 25) mam li taws tus tswm ciab dawb, ua lub cim tias Yes Xus uas yog ntiaj teb neeg qhov pom kev thiab yog tus yaj dawb huv yug los lawm.

**Maiv Tooj** 13th November 2013, 8:31 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°9

Re: Lub Caij Tos Huab Tais

Post Maiv Tooj 13th November 2013, 8:31 pm

Nyob zooo Mim thiab Bao X Mary,

Bao X Mary,

Ua koj tsaug ntau rau koj cov lus nug, yog ib qho tseem ceeb yuav qhia lub ntsiab kev ntseeg rau Peb tsoom Hmoob coob leej ua paub lawm tab sis tsis nco qab lawm los ho tsis tau paub txog. Koj muaj txoj hmoov zoo, koj ua tus neeg me tshaj ntawm cov neeg me, koj txo koj lub hwj chim qes tshaj qhov koj paub, Tswv Ntuj yuav roos koj thiab tsa koj siab. Kuv ua koj tsaug ntau rau koj tus qauv zoo.

Mim,

Ua tsaug ntau rau koj cov lus teb, teb tau ntxaws heev. Koj muaj Tswv Ntuj lub txiaj ntsim nyob hauv koj, txhua yam koj hais, nws muaj kev thoob tsib thiab lub ntsiab lus zoo yam li yog Tswv Ntuj qes koj los hais.

Mim, kuv paub tias koj khwv heev, tus tub zog zoo, txog qhov twg los muaj hauj lwm ua tsis xyeej; tab sis koj yog ib tug ntawm cov tau ua hauv paus nrog TP.Nyiaj Pov txhais cov Ntawv Ntshiab ua lus hmoob, koj tsis paub ntau los yeej paub tsawg; koj tau nrog cov txwj laus thaum ub uas lawv paub cov tseem lus hmoob thiab cov ntsiab lus hmoob zoo, xav thov koj lauj koj lub caij tuaj sau ntau yam khaws tseg thiab tau qhia Peb Hmoob thoob ntuj mog. HT.Yes Xus yog Peb tsoom ntseeg qhov pom kev, KOJ yog Peb Hmoob tes tsau taws mus nrhiav HT.Yes Xus qhov pom kev...Thov koj ua siab ntev tuaj txhawb Peb Hmoob thiab qheb Peb Hmoob lub siab kom txhob poob rau kev tsaus ntuj uas lawv twb tsis paub.

Cov tsos cwm ciab thaum lub caij tos Huab Tais, yog los ntawm lub teb chaws ntawd xaiv tsos tswm ciab, nyob Fab Kis teb, yog 4 tug tswm ciab liab txhais tias hluav taws pom kev tshiab, nyob Suède yog dawb txhais tias dawb huv, nyob Autriche los USA yog tsam xem (xiav liab) txhais tias yus yog neeg txhaum yuav rau siab teev ntuj daws txhaum.

Last edited by Maiv Tooj on 14th November 2013, 9:48 am; edited 1 time in total

**Bao X Mary** 14th November 2013, 7:55 am

Bao X Mary

Bao X Mary: Phooj Ywg; Messages : 168
Date d'inscription : 2011-07-09

Post n°10

Re: Lub Caij Tos Huab Tais

Post Bao X Mary 14th November 2013, 7:55 am

Mim thiab Maiv Tooj,

Ua neb tsaug uas neb tau tuaj qhia meej rau kuv txog cov tswm ciab thiab lub caij tos Huab Tais, nws ua rau kuv pom kev lawm ntau.

Kuv ntseeg tias Tswv Ntuj coj kuv tuaj nhriav tau nej, yav dhau los kuv noog leej twg los zoo li luag tsis teb rau kuv raws siab, zoo li pluas mov uas pheej noj tsis tsau, zoo li tshuav ib yam. Kuv yog ib tug neeg nyiam kawm thiab xav paub qhov tseeb ces kuv pheej tshawb nrhiav. Txij thaum kuv tuaj nrhiav tau nej lub forum no mas ua rau kuv kaj siab lawm ntau kawg, kuv tsis paub yam twg kuv noog nej mas nej teb rau kuv tam sid, thiab nej qhia kiag qhov tseeb, kuv kuj tuaj nyeem tej yam kuv twb tsis tau paub thiab tau hnov los, nws txhawb kuv lub zog kawg li.

Ua nej txhua tus tsaug ua tau muab nej lub sij hawm los tshaj Tswv Ntuj ub Moo Zoo rau ntiaj teb paub, kom peb txoj kev ntseeg nyob ruaj nreb hauv Tswv Ntuj mus li. Nej tau txoj hmoov zoo os mog, Maiv Tooj, Mim , Maiv Paj Lug thiab txhau tus ua tau muab lub tswv yim dag zog los tshaj Tswv Ntuj lub Moo Zoo. Tswv Ntuj yuav nrog nraim nej nyob ua nej siab kaj lug mus li.

Kuv tseem tshuav ntau yam kuv yuav tuaj noog ntxiv, vim kuv xav paub thiab xav kawm kom kuv paub qhov tseeb, es kuv ua Maiv Tooj, Mim Maiv Paj neg tsaug tsis txawj tag nawb mog.

Tswv Ntuj ua nej siab kaj lug.

Npaub

**Maiv Tooj** 14th November 2013, 10:27 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°11

Re: Lub Caij Tos Huab Tais

Post Maiv Tooj 14th November 2013, 10:27 am

Kwv huam hais txog 4 tug tswm ciab thaum lub caij tos Huab Tais.

4 tug tswm ciab cig ntsiag to ntawm lub voj nplooj txawb tswm ciab lub caij tos Huab tais. Txawm hnov cov tswm ciab sib tham...
Thawj tug tswm ciab, xyu ib suab thiab hais tias: "Kuv npe hu ua Kev Thaj Yeeb, kuv cig tau tus nplaim ci lam lug, tab sis tib neeg tsis nyiam kev thaj yeeb, lawv tsis kam yuav kuv." Tus nplaim teeb yau zuj zus ces tuag lawm.

Tus tswm ciab ob hais tias: "Kuv lub npe hu ua Kev Ntseeg, tab sis kuv cia li tsis muaj nqes lawm. Tib neeg tsis xav paub txog Tswv Ntuj. Kuv tus nplaim tsis muaj nqes dab tsi." Ces nws tuag.

Tus peb tu tu siab thiab hais ib lub suab mos mos tias: "Kuv lub npe hu ua Kev Hlub, kuv tsis muaj zog cig lawm. Tib neeg ua tug tsis paub kuv, lawv tsuas paub lawv tus kheej xwb tsis paub txog cov uas lawv yuav tsum nyiam."
ces tus tswm ciab peb cia li tuag lawm thiab.

Tam sim ntawd muaj ib tug me nyuam nkag los rau hauv chav tsev ua kua muag teev yees hais tias: "Koj txoj hauj lwm yog ci es tsis yog yuav tuag. "txawm cia li hnov tus tswm ciab plaub lub suab hais tias: "Txhob txhawj dab tsi li! Thaum twg uas kuv tseem cig, peb yuav muab kuv zes rau cov yeej tau. Kuv lub npe yog Tso Siab."

Ces tus me nyuam nthos nkaus tus tswm ciab cig, muab zes rau Thaj Yeeb, Kev Ntseeg thiab Kev Hlub.