Xyaum ua neeg me thaum yus mus ua qhua thiab txais qhua

**Maiv Paj Lug** 15th July 2010, 5:33 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Xyaum ua neeg me thaum yus mus ua qhua thiab txais qhua

Post Maiv Paj Lug 15th July 2010, 5:33 am

Lus Kas ntawv Moo Zoo ( 14 : 7 ):

Muaj ib tug neeg caw Yesxus mus noj mov, Yesxus pom hais tias muaj qhua tuaj coob , cov neeg mus xaiv tej qho chaw zoo zaum tshaj plaws hauv rooj mov ces Yesxus txawm hais ib qho lus paj lug li nram no :

<< Thaum muaj ib tug neeg caw koj mus noj ib pluas mov hauv nws rooj tshoob , koj tsis txhob mus xaiv qhov chaw zoo tshaj plaws zaum, tsam lawv kuj caw tej tus neeg tseem ceeb dua koj tuaj thiab ces tus neeg caw nej sawv daws ho yuav hais rau koj tias " koj sawv cia qhov chaw no rau lwm tus zaum " thaum ntawv koj yuav txaj muag, vim hais tias tshuav qhov chaw seem puag nram qab rau koj zaum lawm xwb.

Yog luag caw koj mus koom noj ib pluas mov hauv ib rooj tshoob, koj yuav xyaum ua neeg me, koj yuav xub mus xaiv qhov chaw ti ti puag nram qab zaum ua ntej, yog tus tswv tsev caw nej sawv daws tuaj pom koj nyob tsis zoo chaw nws yuav hais rau koj tias : Phoojywg koj txav los zaum pem toj no koj thiaj tau zoo chaw zaum . Thaum ntawv koj yuav tau ntsej muag nyob hauv cov neeg tuaj koom noj lawv pluas mov .

Kuv hais tseeb rau nej, yog nej xyaum ua neeg me, luag yuav muab nej tsa rau chaw siab, yog nej xyaum ua ua neeg loj , luag yuav muab nej txo rau chaw qis.>>

Yesxus tig mus hais rau tus neeg caw Yesxus :

<< Thaum koj pub ib pluas tshais los sis ib plua hmo rau lwm tus noj, koj tsis txhob caw koj cov phoojywg, koj tsis txhob caw koj kwv koj tij, koj tsis txhob caw koj tsev neeg uas txheeb koj, koj tsis txhob caw cov neeg nyob ze ntawm koj tog vaj tog tsev uas yog neeg muaj nyiaj muaj txiaj nplua nuj, vim hais tias lawv kuj yuav caw koj mus noj tib yam, lawv yuav pauj yuav them koj tus nqi rau koj , koj yuav tsis tau txiaj ntsim ntxiv vim koj tus nqi twb them tas lawm.

Yog koj xav pub ib plua noj rau lwm tus, koj kav tsij npaj mus caw cov neeg txom nyeem, cov neeg muaj mob, cov neeg xiam oob khab,cov neeg tuag tes tuag taw, thiab cov neeg dig muag tuaj noj, koj yuav zoo siab tshaj vim lawv yuav them tsis tau koj tus nqi rau koj , ces koj yuav tau koob hmoov thiab nyob kaj siab lug vim HUAB TAIS NTUJ yuav them koj tus nqi rau koj thaum txog lub caij neeg yuav sawv hauv cov tub tuag rov qab los.>>

**Npuagtub** 15th July 2010, 11:05 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°2

Re: Xyaum ua neeg me thaum yus mus ua qhua thiab txais qhua

Post Npuagtub 15th July 2010, 11:05 am

<< Thaum koj pub ib pluas tshais los sis ib plua hmo rau lwm tus noj, koj tsis txhob caw koj cov phoojywg, koj tsis txhob caw koj kwv koj tij, koj tsis txhob caw koj tsev neeg uas txheeb koj, koj tsis txhob caw cov neeg nyob ze ntawm koj tog vaj tog tsev uas yog neeg muaj nyiaj muaj txiaj nplua nuj, vim hais tias lawv kuj yuav caw koj mus noj tib yam, lawv yuav pauj yuav them koj tus nqi rau koj , koj yuav tsis tau txiaj ntsim ntxiv vim koj tus nqi twb them tas lawm.

Yog koj xav pub ib plua noj rau lwm tus, koj kav tsij npaj mus caw cov neeg txom nyeem, cov neeg muaj mob, cov neeg xiam oob khab,cov neeg tuag tes tuag taw, thiab cov neeg dig muag tuaj noj, koj yuav zoo siab tshaj vim lawv yuav them tsis tau koj tus nqi rau koj , ces koj yuav tau koob hmoov thiab nyob kaj siab lug vim HUAB TAIS NTUJ yuav them koj tus nqi rau koj thaum txog lub caij neeg yuav sawv hauv cov tub tuag rov qab los.>>

Xyaum ua neeg me thaum yus mus ua qhua thiab txais qhua Repas20noces

Mp,

Nws tso tau ib zaj lus zoo heev, tiam sis peb ntiaj teb tib neeg txoj kev xav tsis zoo li Tswv Ntuj txoj.
Peb muaj tsawg leej kawg thiaj li yuav coj tau haum Tswv Ntuj siab xwb.

LO LUS NUG.

1. Thaum nej npaj ib rooj tshoob los yog ib rooj mov txhawb siab nej niaj zuas caw cov neeg zoo li cas ?

2. Nej yuav caw cov neeg txheeb ze nej ua ib txwm caw nej mus koom laws los nej yuav caw cov caw tsis tau nej ib zaug li ?

3. Peb feeb coob mas peb tsuas caw tej txheeb ze, tej phooj ywg sib raug zoo ua peb niaj hnub noj sib hlub haus sib ce xwb, nej puas uas li ntawd thiab?

4. Nej puas yuav kam caw cov neeg txom nyem quaj ntsuag tsis muaj tsev nyob tom tej kev tuaj koom nej rooj tshoob los rooj mov ?

5. Peb tsuas caw cov pab tau peb xwb, nej puas ua li no thiab ?

LO LUS NCO NTSOOV.

" Thaum txog hnub kawg cov neeg siab ncaj yuav sawv rov los mas Tswv Ntuj yuav pauj rau koj. " Lk. 14:14