Home
Yog koj tso siab rau Yesxus lub siab ntshiab, nws yuav ua koj siab kaj lug 
UA NTOO CUAM LUB CIM
Thaum ua:
-Yus tsa txhais tes xis rau saum hauv pliaj thiab hais tias "Hu txog Leej txiv,
nqes los rau ntawm hauv siab hais: Leej Tub,
mus rau tom sab xwb pwg lauj los rau sab xis hais tias: thiab Leej Ntuj Plig Lub Npe. Ua li.
Ua li nov mas yog hu txog lub hauv paus hauv ntsis ntawm Huab Tais Ntuj yog 3 leeg, ib tus Tswv Ntuj 3 tug Huab Tais (Mystère de le Sainte Trinité), Huab Tais Leej txiv, Huab Tais Leej Tub thiab Huab tais Leej Ntuj Plig.
LUB CIM
Tus Ntoo Cuam ntau lub Cim rau saum peb, kom peb nco ntsoov tias Tswv Ntuj Leej Tub yug los ua neeg ( Mystère de l'incarnation), los cawm peb. Nws tau tuag saum ntoo cuam, sawv rov los thiab nce mus pem Nws Txiv (Mystère de la Rédemtion).
Peb yuav tsum ua Ntoo Cuam lub Cim ntau zaus hauv ib hnub.
-Vim nws yog txoj kev ntseeg txog txoj siab nyob mus li thiab lub hauv paus hauv ntsis ntawm peb txoj kev ntseeg.
-Ua Ntoo Cuam lub Cim kom cov Dab Phem uas yuav tuaj ntxias peb lub siab khiav: Vim Yes Xus yeej lawv nyob saum ntoo cuam.
-Ua Ntoo Cuam lub Cim vim nws pub Ntuj txiaj ntsim rau peb. Tej txiaj ntsim ntawd los ntawm Yes Xus tus ntoo cuam los xwb.
