PHAU NTAWV MAB LIAB RAWS YES XUS TUS NTOO CUAM QAB

   
TEEM   I:
      Yes Xus Raug Txiav Txim Tuag.
Jesus Coondemed.



Tus Coj: Leej Pleev peb hawm koj,thiab peb cav txog koj.
S.D: Vim koj cawm tas lub qab ntuj neeg,los ntawm koj tus ntoo cuam ntshiab.
T.C : Nws yog hnub 6 thaum sawv ntxov uas kuv pom kuv tus tub.  Yog thawj zaug uas kuv tau pom Nws,txij lawv coj Nws lawm. Nws tej tawv nqaij doog ntshav thiab los ntshav,mas zoo li ib rab ntaj chob tob tob hauv kuv lub plawv, ua rau kuv kua muag ntws si tawm los ntws nto raws kuv ob sab plhu.  Thaum ntawd, Pis Las Tos, nyob ntawd lub rooj txiav txim, nug pab neeg coob tias, vim li cas lawv thiaj xav muab kuv tus tub tua. Cov nyob ib ncig ntawd, lawv qw tias,"Muab Nws tua!" Kuv xav thov lawv kom tsum,tab sis kuv paub qhov no yuav tsum muaj. Ces kuv sawv ib sab ntsia thiab quaj ntsiag to.
S.D: Huab Tais Yes Xus,                                                                               Nws yog ib qhov xav nyuaj kawg rau kuv,txog qhov uas koj niam txoj kev chim,thiab thaum lawv txiav txim tuag rau Koj. Tiam sis hnub no ne! Thaum kuv cib nyeej rau lwm tus...?"Muab Nws tua!" Tej no tsis yog kuv ua rau koj thiab ua rau Koj niad lub kua muag poob thiab chim siab lod!     Huab Tais Yes Xus, thov koj zam txim rau kuv.
Peb Txiv Nyob saum ntuj...
Koj nyob kaj lug Mab Liab...
Huab Tais Leej Txiv....

THEEM II:
           Yes Xus kwv Nws Tus Ntoo Cuam.
                        Tahes the Cross.



T.C: Leej Pleev Peb hawm Koj,thiab peb cav txog Koj.
S.D:  Vim Koj cawm lub qab ntuj neeg los ntawm Koj tus ntoo cuam ntshiab.

T. C: Thaum Kuv muaj zog me ntsis,ces kuv raws pab neeg coob, mus tom lub qhov rooj uas yuav mus hauv lub Vaj. Ib lub qhov rooj qhib,ces Kuv tus tub tawm ntog zuj zis los. Cov peeb lawv Nws qab, thiab luag Nws zom zaus.  Ob tug neeg luag ib tug ntoo cuam thiab muab tso rau saum Nws xub pwg. Ces lawv muab Nws thawb mus taug kev lawm. Kuv tiv tsis taus qhov lawv ua rau Nws,ces mob kuv siab.  Kuv xav mus txeeb tus ntoo cuam kwv. Tiam sis kuv paub qhov no yuav tsum muaj, ces kuv taug kev ntsiag to twj ywm.

S.D: Huab Tais Yes Xus. Thov Koj zam txim rau kuv,uas muaj ntau zaus kuv tau tsub kom Koj tus ntoo cuam  hnyav tuaj. Vim kuv ua neeg qi muag, tsis pab cov neeg nruab zej zog,tej kev mob thiab ua neeg twm zeej.
Zam txim rau kuv,uas tau ua neeg taug xaiv,txog qee leej thiab pheej nrhiav kev khiav kom txhob ntsib cov neeg xav vam txog kuv.
Thov koj pab kuv kom kuv txawj ua xws li Mab Liab tsuas nrhiav tos nrhw pab lwm tus kom lawv tus ntoo cuam sib tuaj. Yes Xus koj zam rau kuv mog.

Peb txiv nyob saum ntuj...
Koj nyob Kaj lug Mab Liab...
Huab Tais Leej Txiv....


THEEM III:
         Yes Xus Ntog Thawj Zaug.
                   The First Fall.



T.C: Leej Pleev peb hawm Koj, thiab peb cav txog Koj.
S.D: Vim Koj cawm lub Qab Ntuj Neeg los ntawm Koj tus Ntoo Cuam Ntshiab.
T.C: Kuv raws ze kuv tus Tub qab thiab pom Nws ntog, mus pem lub Roob Khauj Khaum Taub Hau.  Tsis muaj ib yam, dab tsi uas yuav ua rau kuv mob tshaj,qhov uas kuv pom Nws raug mob. Kuv poob siab nthav thaum kuv pom Nws ntog ntsej muag ti av, tus ntoo cuam caij npliag lias rau saum Nws nraub qaum. Thaum ntawd kuv xav tias, kuv tus tub ntxim hlub twb tuag lawd. Ces kuv tshee na thoob ib ce.  Tom qab cov peeb tau muab Nws ncaws, Nws maj mam sawv thiab tshais ruam mus ntxiv, los lawv tseem nplawm Nws. Kuv xav muab kuv lub cev mus thaiv Nws. Tiam sis kuv paub qhov no yuav tsum muaj, ces kuv tshais ruam mus thiab quaj ntsiag to.

S.D: Huab Tais, Koj khuv Leej kuv,Kuv tsis zoo li Mab Liab. Muaj pes tsaug zaus uas kuv twb pom koj ntog es kuv tsis tsa kojthiab tsis paub txawj txog koj!
Muaj pes tsawg zaus uas kuv pom tib neeg yuam kev, es kuv tseem luag lawv!
Muaj pes tsawg zaus uas kuv cia li npau taws rau lwm tus uas tsis ua ncaj rau lawv.
Mab Liab tau siv tas nrho Nws txoj kev hlub los txhawb koj. Huab Tais pab kuv ua tib yam li ntawd los pab koj, thiab pab rau lwm tus. Huab Tais koj khuv leej kuv yuas.

Peb Txiv Nyob saum Ntuj...
Koj nyob Kaj Lug Mab Liab...
Huab Tais Leej Txiv....

THEEM  IV:
         Yes Xus Ntsib Nws Niam Quaj.
                Mother and Son.



T.C: Leej Pleev Peb Hawm Koj, thiab Peb cav txog koj.
S.D: Vim Koj Cawm lub qab ntuj neeg los ntawm Koj tus Ntoo Cuam Ntshiab.

T.C: Kuv txeem mus dhau pab neeg coob thiab nrog Kuv tus Tub mus kev ua ke.
Kuv qw nrov nrov rau Nws,ces Nws nres. Wb ob lub qhov muag sib ntsia, Kuv ob lub mas chim thiab quaj, Nws ob lub mas yam li tsis meej ped thiab mob kawg. Kuv mloog li Kuv tsis muaj peev xwm pab tau nws li;ces Nws ob lub qhov muag qhia kuv tias, " Muaj peev xwm mas!" Nws yeej muaj lub hom phiaj rau tej no."
Ces Nws mua=s ntog, mus ntog, Kuv paub tias, Nws hais yog lawd. Kuv thov Ntuj twj ywm lawv Nws qab.

S.D: Huab Tais Yes Xus, thov koj zam txim rau kuv,uas muaj ntau zaus wb ob lub qhov muag tau sib ntsib,tab sis kuv tig kuv ob lub fee das.Thov Koj zam txim rau kuv, uas muaj ntau zaus kuv tau yws yws rau koj thiab lwm tus.
Kuv tau txhawj txog tej yam me me, cia li tsis muaj peev xwm, thiab tsis qhib ntsej los mloog, koj cov lus kom muaj peev xwm.
Yog lawm Huab Tais peb cov qhov muag yeej tau sib ntsib ntau zaus, tiam sis tsis tawg paj txi txiv li.

Peb Txiv nyob saum Ntuj...
Koj nyob kaj Lug Mab Liab...
Huab Tais Leej Txiv....

THEEM  V:
         Xis Moos pab Yes Xus kwv Ntoo cuam.
                                     Helped By Simon.



T.C: Leej Pleev peb hawm Koj,thiab peb cav txog Koj.
S.D: Vim koj cawm lub qab ntuj neeg los ntawm koj tus ntoo cuam Ntshiab.

T.C:  Tam sim no, kuv muaj peev xwm pom kuv tus Tub lub ntsej muag, uas tsis muaj neeg pab tau sim kwv Nws qhov hnyav.  Mus ib kauj ruam, nws tshais kauj ruam kawg.  Ces kuv hnov txhua qhov mob nyob hauv kuv lub siab,thiab kuv xav kom txhua yam cia li tiav kiag mus.  Ces kuv hnov ua vig voog, nyob ze tod Yes Xus tuaj.  Cov peeb tau thau ib tug txiv neej ua nws tuaj tawm tsam, ntawm pab neeg coob, lawv yuam nws kwv ib tog ntoo cuam.  Kom sib me ntsis rau kuv tus tub lub nra.
Nws nug peeb tias,yog vim li cas thiaj zoo li no?
Kuv paub, ces kuv raws Nws qab ntsiag to.

S.D: Huab Tais Yes Xus, muaj ntau zaus, kuv tsis kam pab koj. Kuv yog ib tug neeg qia dub uas tseem tau twv koj cov lus. Txhob cia kuv ua zoo li Xis Moos, pub kom kuv txawj xav li peb niam Mab Liab.
Tus uas raws Koj qab ntsiag to thiab hawm Koj.
   
Peb Txiv nyob saum ntuj...
Koj nyob kaj lug Mab Liab...
Huab Tais Leej Txiv....


THEEM    VI
         Ib Tug poj Niam So Yes Xus lub Ntsej Muag.
                     The Holy Face.



T.C: Leej Pleev peb hawm koj, thiab peb cav txog  Koj.
S.D:Vim Koj cawm lub qab ntuj neeg los ntawm Koj tus Ntoo Cuam Ntshiab.


T.C: Kuv tab tom raws Yes Xus lawv Nws qab ze ze txawm muaj ib tug poj niam txeem dhau cov peeb los. Nws muab txoj phuam vov ntsej muag los pib so kuv tus Tub cov hws. Ntws ntawd lub ntsej muag lo ntshav.
Cov Peeb cia li muab nws rub kiag rov qab. Nws lub ntsej muag ntsia zoo li hais tias, "Vim li cas nej thiaj li ua li no rau nws?"
Kuv paub li ntawd,kuv mus ntsiag to nrog txoj kev ntseeg.

S.D: Huab Tais Yes Xus, tus poj niam ntawd, muab qhov zoo tshaj uas nws muaj peev xwm muab pub rau Koj.
Hos nyob hauv kuv, mas tsuas xav kom kuv tau ntau tshaj qhov kuv pub. muaj caij nyoog rau kuv ntau kawg,kom kuv tau pub rau Koj. Muaj zoo caij yuav pub rau luag, tiam sis kuv cia luag dhau mus. Tsis ua dab tsi rau luag.
Kuv tus cawm seej, txhob cia kuv nug tias vim li cas!
Huab Tais pab kuv kom kuv pub tau txhua yam kuv muaj rau koj.

Peb Txiv Nyob Saum Ntuj...
Koj Nyob Kaj Lug Mab Liab...
Huab Tais Leej Txiv....


THEEM   VII:
         Yes Xus Ntog Zaum Ob.
                The Second Fall.



T.C: Leej Pleev peb hawm Koj, thiab peb cav txog Koj.
S.D: Vim Koj cawm lub qab ntuj neeg los ntawd koj tus Ntoo cuam Ntshiab.

T.C: Kuv Tus Tub rov Qab Ntog Ib Zaug Ntxiv,Ua rau kuv lub siab mob tshaj plaws, Kuv ntshai tsam kuv tus Tub tuag. Kuv pib txav mus cuag Nws, tab sis cov Peeb tsis pub. Nws maj mam sawv mus qaug pes coog lawm, pom kuv tus Tub ntog, rov sawv, thiab pib mus ntxiv. Ua rau kuv mob thiab npau taws kawg. Tiam sis kuv paub qhov no yuav tsum muaj li ntawd, kuv cia li mus ntsiag to.

S.D: Huab Tais tas tsoom neeg, Mab Liab thiaj yog tus uas ntseeg koj tshaj thiab lawv Koj qab.  Nws yeej tsis nre li tab txawm Nws mob npaum twg.
Ntau zaus kuv tsis tig raws koj,vim kuv tej kev ua txhaum  thiaj tau ua kom lwm tus tsis kam los cuag koj.
Kuv thov Koj khuv leej kuv.

Peb Txiv nyob saum ntuj....
Koj nyob kaj lug Mab Liab...
Huab Tais Leej Txiv....

THEEM   VIII:
         Yes Xus Hais Lus Rau Cov Poj Niam.
                        The Holy Women.



T.C: Leej Pleev peb hawm Koj, thiab peb cav txog Koj.
S,D: Vim Koj cawm lub qab ntuj neeg los ntawd Koj tus Ntoo Cuam Ntshiab.

T.C: Kuv lawv Yes Xus qab nrug li ob peb kauj ruam, ces Kuv pom Nws nres.
Muaj ib co poj niam quaj rau Nws,vim lawv hlub Nws.
Yes Xus hais rau lawv tias, kom txhob poob kua muag rau Nws.  Lawv muaj caij ntau los lees Nws ua lawv tus Cawm Seej;Lawv ua ib yam nkaus li feem coob uas tsis kam lees txais tos Nws.
Nws tau hais rau lawv tias,kom lawv rov poob kua muag rau lawv tus kheej. Cov kua muag uas yuav coj lawv rov los hloov siab dua.
Lawv tsis pom qhov ntawd,thiab qhov Nws taug kev mus txog txoj kev tuag.
Kuv pom nws mus ntxiv,ces kuv raws nws qab ntsiag to.

S.D: Huab Tais, kuv tus Cawm Seej.
Ntau zaus kuv tau ua zoo li cov poj niam ntawd,Kuv tsuas pom, lwm tus cov txhaum thiab saib tsis taus lawv.
Muaj tsawg tsawg zaus kawg,uas kuv pom kuv li kev txhaum, thiab thov txog koj kev zam txhaum.
Huab Tais,Koj tau qhia kuv los ntawd, cov poj niam no.
Huab Tais, thov Koj zam txim rau Kuv, vim kuv dig muag.

Peb Txiv nyob saum ntuj...
Koj nyob Kaj Lug Mab Liab...
Huab Tais Leej Txiv....


THEEM   IX:
         Yes Xus Ntog Zaum Peb.
                The Third Fall.



T.C: Leej Pleev peb hawm Koj thiab peb cav txog Koj.
S.D: Vim Koj cawm lub qab ntuj neeg, los ntawm Koj tus Ntoo Cuam Ntshiab.
T.C: Yes Xus ntog zaum no, mas ua rau kuv meem txog kawg.  Tsis yog ntog ntawm roob pob zeb xwb,tseem yog qhov uas twb yuav txog saum lub roob tua neeg.
Cov tub rog qw thiab yuam Nws,lawv cab Nws mus txog qhov kawg.
Thaum kuv xav txog tias,lawv yuav ua li cas rau Nws,mas kuv lub plawv dhia dhia heev.
Tiam sis kuv paub tej no yuav tsum muaj,ces kuv nce roob ntsiag to raws Nws qab mus.

S.D: Yes Xus tus kuv hlub,kuv paub tias ntau zaus kuv tau pab lwm tus. Tiam sias thaum nyuaj rau kuv los ua rau kuv mob siab, ces kuv tso lawv tseg,dag ub dag no kom tau kev dim.
Huab Tais, pab kuv kom ua zoo li Koj Niad, Mab Liab. Thiab tswj kuv ob txhais tes los pab rau cov neeg xav tau kev pab.

Peb Txiv nyob saum ntuj...
Koj nyob Kaj Luag Mab Liab...
Huab Tais Leej Txiv...


THEEM   X:
        Yes Xus Raug Lawv Muab Tsoos Tsho Hle.
                        The Garment Stripping.



T.C: Leej Pleev Peb Hawm Koj, thiab Peb Cav Txog Koj.
S.D: Vim Koj Cawm Lub Qab Ntuj Neeg Los Ntawm Kon tus Ntoo Cuam Ntshiab.

T.C: Kuv xav tias, Yes Xus yuav tau so,thaum lawv tshem tus Ntoo Cuam saum Nws xub Pwg.Tiam sis cov peeb cia li muab Nws cov tsoos tsho hle tawm.  
Nws cov tawv nqaij lo ntshav qhuav tas. Pom Kuv tus tub raug mob ua rau kuv nyiaj tsis taus.
Tiam sis kuv paub tias, yuav tsum muaj li ntawd,ces kuv sawv ib sab quaj ntsiag to.

S.D: Huab Tais,nyob hauv kuv lub neej,kuv kuj tsis tau dua koj tej tsoos tsho.Tab sis kuv tau tshem tej npe zoo hauv lwm tus,los ntawm kev hais lus dog dig tsis tseem ceeb,kev saib tsis taus luag,los ntawm kev ntxub neeg.
Yes Xus, Muaj ntau txoj kev uas kuv tau ua txhaum rau Koj. Los ntawm tej uas kuv ua rau lwm tus raug mob.
Pab kuv kom kuv txawj pom Koj nyob hauv txhua tus leej tib neeg.

Peb Txiv nyob saum ntuj...
Koj nyob kaj Lusg Mab Liab...
Huab Tais Leej Txiv...


THEEM   XI:
        Yes Xus Raug Ntsia Saum Ntoo Cuam.
                       Jesus Nailed To He Cross.



T.C: Leej Pleev Peb Hawm Koj, Thiab Peb cav Txog Koj.
S.D: Vim Koj Cawm Lub qab Ntuj Neeg Los Ntawm Koj Tus Ntoo Cuam Ntshiab.

T.C: Lawv muab Nws tso rau saum Ntoo Cuam, Nws Tus Kheej zoo siab hlo,rau lawv muab ntias hlau los ntsia Nws. Thaum lawv ntsia Nws tes taw to tas, mas kuv hnov ib qho mob hauv kuv lub plawv li rab ntaj chob.
Ces lawv muab Nws tus Ntoo Cuam tsa. Nyob ntawd, kuv pom kuv tus Tub uas kuv hlub tshaj, raug lawv tsim txom ces kuv nyiaj tsis taus rau lub neej ua leej tib neeg rau ntiaj teb.
Tiam sis kuv paub qhov no yuav tsum muaj li ntawd.  Ces kuv sawv ib sab thov Ntuj ntsiag to.

S.D: Huab Tais, tej mob uas koj tau tiv rau kuv. Thiab tej mob uas Koj Niam tau txais, uas pom Nws Leej tub tuag, kom tau hlub kuv!
Li ntawd,los Koj thiab Leej Niad,yeej txaus siab yuav zam txim rau ku.
Yog kuv them kuv cov txim txhaum sai,mas thov pab kuv, kom kuv zam dhau kev ua txhaum.

Peb Txiv nyob saum ntuj...
Koj nyob kaj lug Mab Liab...
Huab Tais Leej Txiv...      

THEEM   XII
       Yes Xus Tuag Saum Ntoo Cuam.
                Jesus Dies On The Cross.



T.C: Leej Pleev Peb Hawm Koj,Thiab Peb cav txog Koj.
S,D: Vim Koj Cawm Lub Qab Ntuj Neeg los ntawd Koj Tus Ntoo Cuam Ntshiab.

T.C: Puas muaj ib yam mob siab tshaj qhov, uas Leej Niam tau pom Nws Leej tub tuag nthi, ntawm Nws ob lub qhov muag?
Kuv yog tus ua coj tus Cawm Seej los rau ntiaj teb no,thiab ntia ntsoov Nws hlob.  Tiam sis tsis muaj peev xwm pab Nws,tsuas sawv hauv tus qab Ntoo Cuam, saib Nws nyo hau thiab tuag.
Nws lub neej ua neeg rau ntiaj teb thiab kev npau taws, tau ploj yaj tag. Tiam sis kuv kev chim npau taws haj yam loj tuaj.
Tab sis qhov no yuav tsum muaj, ces kuv ua ib siab txais,kuv sawv ib sab quaj tu siab nyob ntsiag to.

S.D: Kuv tus Yes Xus, Khuv leej kuv,uas kuv tej txhaum tau ua rau Koj thiab lwm tus raug mob.
Kuv ua Koj tsaug,uas Koj tau qhia Koj txoj kev hlub loj tas nrho.
Koj tau hais tias,Kev hlub tiag, yog yus tso yus txoj sia los pab yus tus phooj ywg.
Thov cia kuv ua Koj tus phooj ywg,qhia rau kuv kom kuv txawj ua lub neej pub rau lwm tus,thiab txhob cia kuv ua tsis tau rau Koj.

Peb Txiv Nyob saum ntuj...
Koj nyob kaj lug Mab Liab...
Huab Tais Leej Txiv...


THEEM    XIII:
         Txo Yes Xus Saum Ntoo Cuam Los.
                        The Descent.



T.C: Leej Pleev Peb Hawm Koj, Thiab peb cav txog Koj.
S.D: Vim Koj Cawm tas lub qab ntuj Neeg los ntawd Koj tus Ntoo Cuam Ntshiab.

T.C: Peb coj Yes Xus mus rau hauv lub ntxa, uas kuv tau npaj tseg.  Kuv quaj kuag muag los twj ywm
thiab kuj zoo siab ntsiag to.
Kuv saib kuv tus Tub, ntxim hlub ib zaug ntxiv ua zaum kawg,ces kuv tawm los lawm.
Lawv kaw lub rooj ntxa li kuv tau xav, Kuv paub qhov no yuav tsum muaj.
Nws yuav tsum yoj Koj!  Kuv nyob hauv txoj kev ntseeg ntiag to tos.

S.D: Muaj tseeb lawm, kuv tus Huab Tais.
Qhov no yuav tsum muaj li ntawd,vim Koj hlub kuv,Thiab tsis yog lwm yam li.
Koj tsuas nug tias,kuv puas ua lub neej zoo.  Koj tsis tau hais tias, lub neej yuav yooj yim.  Kuv txaus siab muab kev txhaum pov tseg,thiab ua lub neej rau Koj ib leeg,thiab rau kuv tej kwv tij nkauj muam.

Peb txiv nyob saum ntuj...
Koj nyob kaj lug Mab Liab...
Huab Tais Leej Txiv...

THEEM    XV:
       Yes Xus Sawv Hauv Cov Tub Tuag Rov Los.



T.C: Leej Pleev Peb Hawm Koj,Thiab Peb cav Txog Koj.
S.D: Vim Koj Cawm Lub qab Ntuj Neeg, los ntawm,Koj tus Ntoo Cuam Ntshiab.
T.C: Kuv Txaus siab tshaj plaws uas Kuv tus Tub muab Nws txi Ntuj rau peb.
Tab sis kuv mloog zoo li tas txhua yam ploj tag, vim kuv tsis muaj tus Kuv hlub tshaj nrog kuv nyob lawm.
Tab sis ob hnub tom qab txoj kev ploj tag ntawd,tau ntxiv tshaj qhov kuv ntseeg tau! Nws tau sawv rov los!
Peb tus Cawm Seej tau qhib qhov rooj rau txoj sia tshiab.
Qhov ntawd yog txoj kev uas yuav tsum muaj---Vim tias txoj kev hlub uas tsis paub ploj rau Koj,yuav tsis kawg rau tej yam tshwm sim tuaj ntawd.
Kuv zoo siab tas mus li,tiam sis tsis yog ntsiag to li kev tu siab uas dhau los lawm.

S.D: Kuv tus Cawm Seej,Ua Koj tsaug! Ua tsaug rau Koj txoj kev hlub uas tsis paub kawg,Uas pab kuv sawv hauv kuv cov txhaum rov los.
Kuv yuav rov sim ua lub neej kom zoo dua. Pab kuv nco ntsoov txoj kev hlub muaj nqe no.
Peb tus Cawm Seej, uas Sawv Rov Los, Leej Niam Mab Liab, qhia kuv kom txawj ua zoo li Koj.Thiab faib kuv cov kev hlub Nws, los pauj ntxiv mus.

Peb Txiv nyob saum ntuj...
Koj nyob Kaj Lug Mab Liab...
Huab Tais Leej Txiv...


Tus txhais:
Yaj Zoov Ntsias
Tus kho:
Yaj Zoov Ntxheb Xib Hwb.