HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Home Gallery Search
Search Query
Display results as : Posts Topics
Advanced Search
Latest images Register Log in

You are not connected. Please login or register

Tsev teev Ntuj XH.XYOOJ THOJ PAUL, zos Tiaj Ntxhw

Yesxus Pleev

Yog koj tso siab rau Yesxus lub siab ntshiab, nws yuav ua koj siab kaj lug .

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no

MUS NYEEM COV ZAJ MIXAS HNUB CHIV xyoo 2010...2012 nias ntawm nov

Search

Gallery

MOO QAIJ QAUG - Page 4 Empty

Latest topics

» Nkauj teev Ntuj
by Maiv Tooj 27th October 2024, 12:23 am

» Cov Nkauj Seev hauvTxoos Txi Ntuj Catholiques
by Maiv Tooj 26th October 2024, 9:17 pm

» NIAM MAB LIAB TSHWM SIM NYOB MEDJUGORJE
by Maiv Tooj 7th August 2024, 6:18 am

» TP.Txhiaj Foom
by Maiv Tooj 9th July 2024, 8:56 am

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj 27th March 2024, 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

Speciale Hmong Guyane

Mus ncig xyuas Hmong Guyane kev thaj yeeb

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no

MOO QAIJ QAUG - Page 4 Dsc07310

Suav neeg tuaj saib, txij hnub 17/09/2010 los mus.

+10

Tub Kawm

Tub ntsuag

dejntwstsirovqab

Yaj Suav Nus

NrhiavTswvNtuj

Maivxis

Mim

Npuagtub

Maiv Tooj

Maiv Paj Lug

14 posters

1, 2, 3, 4, 5 ... 11, 12, 13

MOO QAIJ QAUG

dejntwstsirovqab

dejntwstsirovqab: Messages : 29
Date d'inscription : 2009-11-30

Post n°76

Ua tsaug Niam Txooj Tub ( Maiv Tooj )

Post dejntwstsirovqab 1st June 2010, 7:52 am

Ua Tsaug koj cov duab os maiv tooj, xav tias ua atu lub ntees zoo tsim nyog lawm. thov kom Xib Hwb mus zoo nawb. Mus cuag Tswv Ntuj muab cuag nws cov poj yawm txwv koob.
Hlub Tshua txog X.H Tsev neeg nyob tom qab, Thov Tswj Ntuj tso Leej Tswv Yim Ntshiab los nplij lawv txhua tus kom txhob ntxhov siab kom lawv ua siab loj.
Muaj ib hnub sawv daws yuav rov sib ntsib.
ua tsaug ntau..Tswv Ntuj.
Dejntwstsirovqab.

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°77

Re: MOO QAIJ QAUG

Post Maiv Paj Lug 1st June 2010, 9:48 am

Thank Maiv Tooj!

Peb nyob deb deb peb mus saib tsis tau XH Nyiaj Hwj lub ntees tiam sis pom koj cov duab no peb kuj nrog XH NYiaj Hwj tsev neeg tu siab uas lawv tsis pom lawv txiv lawm tiam sis peb kuj zoo siab tias XH Nyiaj Hwj kuj tau ib lub ntees zoo muaj koob npe nrov, peb txhua leej txhua tus yeej muab lub siab tuaj mus koom thov ntuj nrog XH Nyiaj Hwj tsev neeg kom Huab Tais Yesxus qhib qhov rooj tos nws.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°78

Re: MOO QAIJ QAUG

Post Mim 1st June 2010, 4:07 pm

Tais Tooj,

Zoo siab uas koj tseem tau qee sij hawm zias mus koom XH Nyiaj Hwj lub ntees os... Peb sd thov ntuj pab nws tsev neeg thiab pab nws tus ntsuj plig kom Tswv ntuj nthuav tes txais nws mus nyob hauv Ntuj Ceeb Tsheej muaj kev kaj lug mus li...

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°79

MOO QAIJ QAUG

Post Maiv Paj Lug 12th June 2010, 4:28 am

Niam Num Maj TSAB, 73 xyoos, Mont de Marsan Fab Kis teb.

Tau tas sim neej rau hnub 10 lub 6 hli 2010 , nyob Mont de Marsan (40).

MOO QAIJ QAUG - Page 4 Cc_hk_070001

MOO QAIJ QAUG - Page 4 Cc_hk_070001

Tso nws lub cev nyob rau hauv lub chav tsev "Funérarium" nyob Mont de Marsan.

Yuav npaj ua kab ke rau hnub tim 11 mus txog 13.

Hnub
14 lub 6 hli, thaum 14 teev, ua Thaj Txi Ntuj nyob hauv lub tsev teev
ntuj Saint Pierre du Mont ua ntej yuav sam sab.

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°80

Re: MOO QAIJ QAUG

Post Npuagtub 27th June 2010, 5:15 am

Mp,

Thov txim kuv tsis tau tuaj hauv no lawm es thiaj li tsis pom nws qhov post txog moo qaij qaug ntawm Niam Num Maj Tsab.
Txawm twb dhau tas lawm los kuv kuj nrog lawv tsev neeg tu siab txog ntawm lawv niam tau tso lawv tseg zaum no.

Huab Tais Tswv Ntuj thov koj zam Niam Num Maj cov txhaum, thov koj txais nws tus ntsuj plig mus nyob hauv kj lub Ceeb Tsheej.
Huab Tais Yes Xus Pleev, thov koj cawm niam Num Maj, thov koj pub txiaj ntsim rau nws kom nws tsim nyog mus nyob saum Ntuj Ceeb Tsheej, Ua li.

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°81

Re: MOO QAIJ QAUG

Post NrhiavTswvNtuj 16th July 2010, 7:06 pm

Txoov fwj Tsab hnub nyoog 59 xyoos, Milwaukee USA.

Hais qhia rau nej paub tias: Txoov fwj Tsab hnub nyoog 59 xyoos, nws yog peb ib tug neeg ntseeg ntuj nyob hauv St-Michael's Church, nroog Milwaukee, Wisconsin no tau tas nws sim neej rau hnub Friday, July 16, 2010 thaum 9:25 PM no lawm.

Peb yuav muab nws thau coj los ua kab ke rau hnub tim 24 - 26 / 07 / 2010 lub lim tiam yuav los tom ntej no. Peb sib tham meej li cas lawd los kuv mam li hais tuaj qhia rau nej paub ntxiv tom qab.

Paoyang Lor
Milwaukee

MOO QAIJ QAUG - Page 4 65991939carte-de-condoleance-2-jpg

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°82

Re: MOO QAIJ QAUG

Post Npuagtub 17th July 2010, 11:12 am

Nrhiav Tswv Ntuj,

Ua tsaug rau nws tso tsab xov moo tu siab no tuaj rau peb sawv daws paub os nawv, nrog lawv tseb neeg hlub tshua txog lawv txiv Txoov fwb Tsab tau tso lawv tseg. Peb nyob deb lawm ces yuav mus nrog lawv hlub tsis tau tiam sis peb lub siab yuav thov ntuj rau Txoov Fwj kom nws tau mus tau txoj kev kaj nrig li nws lub siab ntshaw.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°83

Re: MOO QAIJ QAUG

Post Mim 2nd September 2010, 2:37 pm

Nyob zoo sawv daws,

Kuv rov qab los lawm os... Kuv los so kuv tsis tau mus ncig qhov twg li, kuv nyob hauv tsev xwb, tiam sis tsis khoom tuaj sau dab tsi li. Kuv yeej tuaj xauj nej ib ob hnub ib nyuag pliag thiab tiam sis xauj xwb tiag tiag li.

Kuv los so vim kuv tus tub Duab thiab tus nyab coj me nyuam los xyuas kuv no ces kuv thiaj npaj los so kom tau nrog nkawd nyob pov khawv me ntsis xwb. Tiam sis xyov ua cas peb xaiv tau tsis zoo sij hawm, es lub lis piam ntawd (8 hli 22- 8 hli 31)ho tab tom muaj kev txom nyem los raug peb pawg ntseeg, ces kuv kuj tau nrog kuv tus tub tus nyab nyob ib txhia thiab ho yuav tsum tau mus saib mus xyuas mus pab tsev xyom cuab ib txhia thiab.

Tus tas sim neej yog ib tug niam ntxawm Hmoob Yaj, yog ntxawm Vam Teeb Yaj; yog Nai Koo(?) Ntsuab Looj Yaj tus kwv tus poj niam. Nkawd ob niam txiv tus nyab niam tais yawm txiv thiab pog yawg tuaj puag Thaib teb tuaj xyuas nkawd yuav rov qab mus tsev. Ces hmo Friday (8 hli tim 20) ntawd lawv sawv daws tseem mus npaj nqaig npaj hno tso tag kis, Saturday (8 hli tim 21) yuav ua party rau lawv ua ntej lawv mus tsev. Lawv tso tus niam ntxawm zov tus nyab ob tug me nyuam me hauv tsev. Lawv mus lig lig ntshai ib tag hmo los dhau ib tag hmo mam los. Los txog ces tus niam ntxawm twb hais tsis taus lus lawm, hos pom ntuav ntuav thiab pom nws vau rau ntawm salon lawm. Nug ces tsuas taw taw tes rau taub hau xwb. Nws yeej ib txwm muaj mob tau hau thiab. Ces lawv thauj nws mus hoo mom emergency. Cov Drs. thaij duab tag lawv hais tias nws cov hlab ntsha saum taub hau tawg loj dhau lawm, lawv tsis kam phais lawm no ces hnub Saturday, lawv tsev neeg cia li muab qhov party cancel, thiab lawv tau txiav siab muab tej raj yaas uas pab tuav lawv niam txoj sia rho tawm, ces yav tsaus ntuj nws tau ncai sawv daws lawm. Peb ua nws lub ntees rau tim 28-29-30 lub 8 hli no.
Tim 30 sawv ntxov peb coj nws los rau hauv tsev teev ntuj ua thaj txi ntuj kawg rau nws, ces lawv muab nws xa mus rau California lawm. Lawv kuj tau hu txiv Npuag Neeb tuaj ua kab ke rau nws thiab.

Kuv twb tau rov mus ua hauj lwm tau ob hnub no lawm, tiam sis tsis tau tuaj xa xov rau nej xwb os...

Lawv e...peb tsis paub hnub twg HT Yes Xus yuav los li os...nws yeej hais tias kom peb ceev faj nraim, vim nws yuav los li tus tub sab xwb no... Peb sawv daws mas ceeb tag li tiag... Sawv daws tseem npaj hais tias yuav mus party no, cas txawm siv hais tias tuag lawm no thiab...

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°84

Re: MOO QAIJ QAUG

Post Mim 2nd September 2010, 2:48 pm

Kuv thov txim os... kuv tsis paub peb cov nom Hmoob zoo li es kuv sau "Nai Koo" rau zoo li tsis yog li, kuv mam xav xav no zoo li yog colonel Ntsuab Looj Yaj sub... Kuv twb paub nws tib si, tiam sis cas kuv pheej cim tsis tau nws lub title li na... tsis txaus ntseeg kiag li os... Nej cov paub nws zoo nej yeej paub yog leej twg lawm...

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°85

Re: MOO QAIJ QAUG

Post Maiv Tooj 2nd September 2010, 9:51 pm

Nyob zoo Mim,

Tu siab rau lub moo ploj no.
Kuv paub Colonel Tub Looj Yaj xwb, ua li puas yog npe laus hu ua Ntsuab Looj no lawm?

Peb ua neeg nyob ntiaj teb, peb nim khwv thiab tsim cuab tam toob xib li yuav nyob tsis muaj caij kawg. Tab sis muaj hnub peb kuj yuav ploj ntais mus tsis pom nyob qhov twg thiab.
Yog kawg, nyias yuav tau npaj nyias txoj kev, yuav tau tu kev kom du thiab dav, yuav tau npaj toob xib xa mus txhim ua yus lub Tsev Pem Ub tsam ib hnub twg yus cia li mus li tus tub sab, tsis tau npaj siab, mus tes dawb tes npliag ces yus mus txog ho tsis muaj chaw so. Kuv xav tias nyob ntiaj teb no peb muaj 10 hnub los ua si lom zem thiab khwv los peb yuav tseg 1mn los xa toob xib mus ua peb lub tsev pem ub. Qhov nov yuav tsis qeg peb ob qho luaj nti luaj raus, tsuas yog peb lub siab ntsws xav xwb twb tau lawm. Yog peb niaj hnub nyob laj laug luas, thaum yuav siv mam xav txog ces lij lawm...

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°86

Re: MOO QAIJ QAUG

Post Maiv Paj Lug 3rd September 2010, 5:17 am

Mim wrote:Nyob zoo sawv daws,

Kuv rov qab los lawm os... Kuv los so kuv tsis tau mus ncig qhov twg li, kuv nyob hauv tsev xwb, tiam sis tsis khoom tuaj sau dab tsi li. Kuv yeej tuaj xauj nej ib ob hnub ib nyuag pliag thiab tiam sis xauj xwb tiag tiag li.

Kuv los so vim kuv tus tub Duab thiab tus nyab coj me nyuam los xyuas kuv no ces kuv thiaj npaj los so kom tau nrog nkawd nyob pov khawv me ntsis xwb. Tiam sis xyov ua cas peb xaiv tau tsis zoo sij hawm, es lub lis piam ntawd (8 hli 22- 8 hli 31)ho tab tom muaj kev txom nyem los raug peb pawg ntseeg, ces kuv kuj tau nrog kuv tus tub tus nyab nyob ib txhia thiab ho yuav tsum tau mus saib mus xyuas mus pab tsev xyom cuab ib txhia thiab.

Tus tas sim neej yog ib tug niam ntxawm Hmoob Yaj, yog ntxawm Vam Teeb Yaj; yog Nai Koo(?) Ntsuab Looj Yaj tus kwv tus poj niam. Nkawd ob niam txiv tus nyab niam tais yawm txiv thiab pog yawg tuaj puag Thaib teb tuaj xyuas nkawd yuav rov qab mus tsev. Ces hmo Friday (8 hli tim 20) ntawd lawv sawv daws tseem mus npaj nqaig npaj hno tso tag kis, Saturday (8 hli tim 21) yuav ua party rau lawv ua ntej lawv mus tsev. Lawv tso tus niam ntxawm zov tus nyab ob tug me nyuam me hauv tsev. Lawv mus lig lig ntshai ib tag hmo los dhau ib tag hmo mam los. Los txog ces tus niam ntxawm twb hais tsis taus lus lawm, hos pom ntuav ntuav thiab pom nws vau rau ntawm salon lawm. Nug ces tsuas taw taw tes rau taub hau xwb. Nws yeej ib txwm muaj mob tau hau thiab. Ces lawv thauj nws mus hoo mom emergency. Cov Drs. thaij duab tag lawv hais tias nws cov hlab ntsha saum taub hau tawg loj dhau lawm, lawv tsis kam phais lawm no ces hnub Saturday, lawv tsev neeg cia li muab qhov party cancel, thiab lawv tau txiav siab muab tej raj yaas uas pab tuav lawv niam txoj sia rho tawm, ces yav tsaus ntuj nws tau ncai sawv daws lawm. Peb ua nws lub ntees rau tim 28-29-30 lub 8 hli no.
Tim 30 sawv ntxov peb coj nws los rau hauv tsev teev ntuj ua thaj txi ntuj kawg rau nws, ces lawv muab nws xa mus rau California lawm. Lawv kuj tau hu txiv Npuag Neeb tuaj ua kab ke rau nws thiab.

Kuv twb tau rov mus ua hauj lwm tau ob hnub no lawm, tiam sis tsis tau tuaj xa xov rau nej xwb os...

Lawv e...peb tsis paub hnub twg HT Yes Xus yuav los li os...nws yeej hais tias kom peb ceev faj nraim, vim nws yuav los li tus tub sab xwb no... Peb sawv daws mas ceeb tag li tiag... Sawv daws tseem npaj hais tias yuav mus party no, cas txawm siv hais tias tuag lawm no thiab...

Nyob zoo Niamlaus Mim , hnub no kuv zoo siab ntau tias koj mus so txaus rov qab tuaj fim peb dua lawm. Ab yom cas zaj History koj piav saum toj no yuav txaus tu siab ua luaj, peb sawv daws thov ntuj ua ke pab rau nej tus niam ntxawm tus ntsuj plig mog. Thiab thov kom nws tsev neeg nyob tom qab ras xeev los qhib qhov muag sib hlub tshaj qub mus lawm yav tom ntej, tso ib txhia kev tu siab cia vim hais tias peb tsuas sib ncaim ib ntus xwb peb txhua tus twb yuav rov qab tau mus sib ntsib dua lwm sab, yog peb txhua tus muaj kev ntseeg ruaj peb yuav nyiaj tau txoj kev sib ncaim kom txog hnub uas peb thib ho yuav ncaim sawv daws thiab .

Peb ua neeg nyob ces peb tsuas ua neej xam hnub dhau hnub xwb thiab peb tsuas noj hnub xam hnub xwb twb tsis paub tag kis xyov yus puas tseem yuav tau nyob nrog luag noj ntxiv lawm, li no peb ib tug txhob saib ib tug qis qis vim peb txawj tuag tib yam . Thov kom sawv daws muab tej yam no los xav zoo zoo es txhob ua lub siab nqaim nqaim cia sawv daws sib hlub hais lus kom zoo thiab sib pab xwb ces zoo tshaj li lawm os.

Mim,ua tsaug ntau koj tuaj tshaj moo qaij qaug rau peb txhua tus , thov kom Huab Tais Ntuj khuv leej tsev neeg uas tau txoj kev ntxhov siab nawb mog.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°87

Re: MOO QAIJ QAUG

Post Mim 3rd September 2010, 12:14 pm

Tais Tooj thiab Maiv Paj Lug,

Ua neb tsaug os. Lawv tsev neeg yeej zoo siab kawg hais tias muaj nej sawv daws thov Ntuj pab lawv kom lawv ua tau lub siab loj... Nyob li yog ib tug neeg twb mob ntev ntev lawm ces sd yeej paub hais tias nws yuav ncaim ib hnub. Tiam sis tus niam ntxawm no tseem niaj hnub nyob cus plaws, ces ua rau sawv daws pheej xav tsis thoob hais tias nws ncaim lawm no xwb os...

Tais Tooj, yog colonel Ntsuab Looj Yaj tus kwv tus poj niam los mas.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°88

Niam XH Txooj Mab Thoj

Post Mim 6th September 2010, 3:16 am

Puag thaum lub 8 hli tim 7 lawm, TP Tshaj Xwm tau xa ib tsab ntawv li no tuaj rau sawv daws. Txawm lig lawm los kuv muab tso rau qhov no

Thov peb sib pab hlub txog XH Txooj Mab thiab nws poj niam

Xib Hwb Txooj Mab Thoj ua Xib hwb los tau muaj 16 xyoo nws muaj 4 leeg tub, tus tub hlob muaj 16 xyoo tus yau muaj ib xyoo ntau tab tom txhoj pob. Tau 4 xyoo dhau los no XH Txooj Mab ua Xib hwb saib cov ntseeg nyob hauv lub zos Mae La Noi yog ib lub zos Hmoob ua nyob deb thiab no heev ces nws poj niam pib muaj mob ua rau ob tug tsuas pom mus tsev tshuaj tas mus li. Lub xyoo dhau los no ob tug thiaj li tau mus saib kws tshuaj zoo zoo ces kws tshuaj thiaj li hlais nws ib qho nqaij ntawm nws lub qhov ntswg ua mob mob mus saib thiaj li paub tias nws tau ib tug mob cancer. Lub xyoo no kuv los nyob tsev Hauv Paus Hmoob thiaj li kom ob tug rov los mus nyob pem ob tug lub zos kuv ho pab nrhiav tshuaj pab ob tug.

“Txiv plig kuv nco nco koj es kuv kom Txooj Mab coj kuv tuaj xyuas koj tab sis Txooj Mab tias koj hauj lwm ntau ntau tuaj los tsam tsis ntsib koj es nws thiaj li tsis coj kuv tuaj xyuas koj. Kuv tseem hnov tias koj mus lwm teb chaws lawm es ib hli koj mam li rov los. Kuv tos tos koj kuv xav tias tshai kuv yuav tos tsis tau koj rov los txog, ces kuv niaj hnub noj koj cov tshuaj tab koj tsis xyeej tuaj xyuas kuv los koj tseem hlub txog kuv xa tshuaj tuaj rau kuv noj. Txiv plig tu siab tshaj kuv paub zoo tias ua tib neeg ces yeej yuav muaj hnub tuag xwb tab sis kuv txhawj kuv cov me nyuam me me dhau tsis muaj kuv lawm lawv yuav zoo li cas. Cov lus ua XH Txooj Mab Poj niam hais rau kuv.

Ob tug txom nyem kawg li, nws poj niam noj tsis tau dab tsi li ib tug yuag yuag, ntawm nws caj dab o ib thooj kuj yog mob rau nws sab qhov ntswg ces kws tshuaj kom ob tug tuaj kho nyob tseej maim tab sis ob tug txiav txim siab tias yuav siv Hmoob li tshuaj ntsuab ces tam sim no ob tug thiaj li yuav tsum tuaj kho nyob tsev kho mob.

Kuv xav thov txog nej sawv daws pab ob tug ua siab loj thiab nyiaj txiag rau ob tug mus kho mob, kuv paub tias ob tug yuav zoo siab heev thiab siab loj tuaj yog muaj ib tug pab me ntsis. Tsis tas li ntawd thov nej sawv daws thov ntuj rau ob tug thiab. “Yam twg uas nej tau ua rau cov me tshaj hauv kuv tsoom kwv nej tau ua rau kuv lawm”

Txiv Plig Tshaj Xwm Thoj

Fr. Chakrit Saethao

Hmong Catholic Center

88 Chotana Road

Muag, Chiangmai 50300

Thailand

Kuv xav hais tias nej sawv daws yeej tau txais ib yam li kuv thiab ces kuv txawm tsis tau coj tuaj tso rau hauv no. Txog tav no kuj tsis hnov leej twg hais dab tsi txog li. Ces hnub hmos kuv ho rov qab tau txais ib tsab xov ntxiv. Yog ib tsab xov tu siab. Kuv xav hais tias tsam nej ho tsis txais cov xov no, ces kuv muab tuaj qhia nej sawv daws.

Nyob zoo Tsoom Ntseeg sawv daws

Niam XH Txooj Mab thaum tseem ua neej nyob nws tos ntsoov kom kuv mus xyuas nws, “Txiv plig kuv ntshai tsam kuv tuag es tsis tau ntsib koj” Ob tug rov tuaj pw tsev tshuaj lawv dai tshuaj rau niam XH kuv nqa qhov nyiaj uas cov ntseeg nram Milwaukee xa tuaj mus rau nws. Nws zoo siab kawg luag ntxhi thiab nrog kuv tham, kuv saib mas qhov nyiaj ntawv yuav muaj nqe loj tshaj rau nws. Kuv nrog nws tham nws tu siab rau nws qhov txhaum, nws lees txhaum nyob ntawm nws tus txiv xub ntiag txog tej yam uas nws tau ua tsis zoo rau nws tus txiv. Ces kuv muaj qhua tuaj xyuas kuv, kuv hais rau nws tias tag kis kuv xa qhua rov tas kuv yuav rov tuaj xyuas neb.

Noj su tas XH. Txooj Mab hu los rau kuv tias nws nkee heev heev. Kuv thiab ob tug XH nrog kuv mus txog nws sab heev, lawv rau pa rau nws xwb, tus kws kho mob tuaj xyuas muab nws tes nqa los tsis muaj zog, muab txhais taw nqa los tsis muaj zog, thaum tus kho mob rov qab lawm. Peb thov ntuj ua lub cim pleev rau nws tas. Kuv khoov mus hais lus rau nws ze ze “kuv yog txiv plig, kuv tuaj teev ntuj rau koj, ua lub cim pleev rau koj lawm, Tswv Ntuj nrog koj nyob txhob ntshai, txhob txhawj txog koj cov me nyuam peb yuav saib lawv zoo zoo, Tswv Ntuj yuav saib xyuas lawv”. Ces nws nti thiab sib zog nqa nws sab tes yuav tuaj khawm kuv, kuv plws nws tau hau, nws muaj ib lub kua muag ntws tawm ntawm nws lub kaum muag los. Ib nyuag pliag ntxiv ces nws tas sim neej lawm, kuv thiab XH uas nrog kuv mus peb mus ua tej ntaub ntawv neeg tuag tas thiab nrhiav hleb, nrhiav tsheb rau ob tug los mus tsev ua ntej, peb rov mus ua ntawv tuag nyob tom cov nom Thaib tas thiaj li lawv nkawd qab.

Tej yam uas pom nyob hauv kab ke pab tuag,

- Muaj neeg tuaj xyuas ob tug coob kawg, tuaj nrog zov tas hnub tas hmo.

- Muaj cov ntseeg uas ob tug tau mus nyob hauv lawv lub zos kuj tuaj xyuas nkawd, yog ib qho zoo kawg li.

- Muaj ntau leej tuaj pab, tu siab, tab sis kuj muaj coob leej tuaj hais tej lus ub lus no, “los ntseeg lawm thiaj li tuag, yog qhwv tshuaj ntsuab mas yuav tsis tuag, tsis ua zoo tu thiaj li tuag lawm…”

Thov nej sawv daws ho nrog nkawd tu siab thov ntuj pab nkawd ua siab loj.

Thov Ua sawv daws tsaug uas nej tau hlub thiab tau pab

Thov Tswv Ntuj nrog nraim sawv daws

TP Tshaj Xwm

Peb yuav nrog XH Txooj Mab tu siab tias nws poj niam tau tso nws thiab nws cov me nyuam tseg lawm thiab peb yuav thov Tswv Ntuj pab nws txhawb nws. Tsis tas li ntawd xwb, yog nej leej twg tseem muaj lub siab xav pab nyiaj mus rau nws tsev neeg los tsis tau lig li.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°89

Re: MOO QAIJ QAUG

Post Maiv Tooj 6th September 2010, 7:42 am

Nyob zoo Mim,

Ua tsaug koj coj cov ntawv nov tuaj tso rau peb hnov...Nyeem tej moo tu siab no mas tauv tsis taus yus lub kua muag li...Thaum yau ces sawv daws hlob zuj zus, ib sij hnob tias tus yug tau ib tug me nyuam...Ib sij huam cas txawm siv ploj zuj zus lawm tiag...Tsis ntev twb yuav tag ib txheej...Tu siab kawg nkaus.

Mim, kuv tsis tau txais os, yog kuv tau ces kuv twb tso rau s d nyeem ntev lawm. Tej thaum koj tau txais tej tsab xov, tsim nyog tshaj tawm no ces koj muab tso thiab es s d thiaj paub nawb.

Ua li, mam xyuas nrog cov ntseeg nyob Cheeb Tsam seb yuav pab tau li cas.

Ua tsaug nawb mog Mim.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°90

Muaj Kev Tu Siab

Post Mim 29th December 2010, 6:15 am

Nyob zoo cov phooj ywg sawv daws,

Hnub no kuv muaj ib lub moo tsis zoo tuaj hais qhia rau nej. Kuv tau hais rau Maiv Paj Lug thiab Tais Tooj nkawd tias kuv yuav tuaj mus rau California lawm ces yuav tsis tuaj fim nej li iblub lis piam lawm no. Hnub no kuv tseem nyob rau Santa Anna, California. Yuav rov mus tsev rau hnub tim 31 lub 12 hlis no, ces yog nag kis lawm xwb.

Qhov kuv tau tuaj yog vim kuv tus niam ntxawm Nchaiv Yias Yaj tau mus pw tsev kho mob, nws tau mob stroke, ntshav tawg rau nws lub paj hlwb lawm. Nws tsev neeg tau coj nws mus phais taub hau, xav hais tias yuav pab tau nws. Tiam sis hmoov tsis muaj, txawm phais tas los nws kuj tsis zoo zuj zus tuaj li, ces nws tau tas txoj sia rau hnub Monday/Lundi, tim 27 lub 12 hlis no lawm. Xav hais tsab xov rau Txiv Suav Nus paub kom nws mus pab hais rau cov kwv tij nyob rau Guyane paub thiab, tshwj xeeb yog xav kom hais rau Txiv Txoov Yeeb, dab Ciaj Tsheej kom hais mus rau kuv niam thiab kuv txiv nkawd nyob Saul paub thiab no.

Es kuv hais li no xwb, thov nej sawv daws thov ntuj pab rau kuv tus txiv ntxawm tsev neeg thiab kom lawv ua lub siab loj txais lawv txoj kev txom nyem. Lawv tus nyab los nyuam qhuav tuag tau ob lub hlis nkaus thiab xwb, ces niam ntxawm twb ho tso lawv tseg thiab mas lawv kuj yog tau kev txom nyem kawg li. Es peb sawv daws ho thov ntuj pab rau lawv thiab os nawb...

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°91

Re: MOO QAIJ QAUG

Post Maiv Tooj 29th December 2010, 6:25 am

Nyob zoo Mim,

Pab tsev neeg xyom cuab tu siab mog.
Txoj sia tsis yog yam yuav txuas tau es yuav sib pab tuav kom nyob, yog yam txawj yug txawj ploj es txog hnub ploj ces yuav khuv xim npaum li cas los yuav ploj mus. Tu siab kawg nkaus, twb tssi tau laus thiab es txawm siv tso lub neej tseg...Ua siab loj nawb mog, hais rau Zoov Txhiaj lawv tsev neeg thiab cov kwv tij ua siab loj nawb...Peb yuav pab thov Tswv Ntuj tsom kwm lawv tsev neeg.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°92

Re: MOO QAIJ QAUG

Post Mim 29th December 2010, 7:07 am

Ua tsaug os Tais Tooj,

Kuv tsis nco qab hais txog qhov tias lawv npaj yuav ua nws lub ntees rau lub lis piam tom ntej, uas yog tim 8,9,10 lub 1 hls 2011. Lawv kuj xa xov mus rau TP Cwj Vuam lawm thiab. Yog nws thov tau ntawv, tej zaum nws kuj yuav tuaj xyuas thiab no. Ntawm cov kab lis kev cai ces lawv tso rau Deacon Soob Naim lawv pawg ntseeg Fresno tuaj ua pub rau lawv. Ntawm kuv ces xyov kuv puas yuav rov tuaj tau lawm, vim kuv twb thov ib lis piam so lawm. Yog kuv ho tuaj tau los mam rov tuaj, yog tuaj tsis tau los kuv kuj zoo siab twb tuaj pom thaum nws tseem muaj txoj sia lawm.

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°93

Re: MOO QAIJ QAUG

Post Maiv Paj Lug 29th December 2010, 9:16 am

Nyob zoo Mim, peb txhua leej txhua tus pab koj tus txiv ntxawm Nchaiv Yias Yaj tsev neeg tu siab rau lub sij hawm Christmas thiab xyoo tshiab no nawb mog. Peb sawv daws yuav sib pab thov ntuj kom lawv ua siab loj kom dhau lub caij ntxhov siab no mus.

Lawv e! tos Huab Tais Yesxus hais tias, nej ua neej nyob nco ntsoov txhob tsaug zog , vim tus Tswv Yuav los tsev thaum twg nej twb tsis paub no muaj tseeb tiag tiag li. Peb ua neej nyob, peb yuav nco ntsoov tias peb txawj tuag, txawm nyob dhau hnub no los xyov puas yuav nyob dhau tag kis. Li no peb ua neej nyob peb yuav tsum sib sib hlub xwb, ib tug txhob ntxub ib tug , sawv daws yuav tau xyaum hais lus kom zoo txhawb tej neeg nyob ntawm peb ib sab, peb yuav tau pab tus neeg ntxhov siab thiab hlub tus txom nyeem.

Peb yuav tsum paub tias peb ua neej nyob, peb zoo li ib co tub rog, peb peem hauv lub hav tuag txhua hnub, thaum twg phom raug tus twg ces tus ntawv kawg ntog, tuag mus li, tus neeg tuag rau kev mob kev ntshaj los muaj coob npaum, tus tuag rau kev plhom sij ntawm tej kev los muaj coob npaum, tus mus sib ntaus tuag los muaj, ib hnub neeg muaj tuag sib laub sib lug, yus twb tsis paub yus thib yuav raug phom thaum twg, lam peem hla lub hav mos txwv mus li seb raug yus thaum twg ces kawg tuag thaum ntawd.

Txoj kev tuag yog yam peb noob neej khiav tsis dim. Li no peb tsis txhob muab tej yam nyob ntiaj teb uas yog ua zoo rau daim tawv saib hlob, peb txhob nyiam ua neeg nplua nuj, txhob nyiam ua neeg ntshaw kev plees kev yi yam yuav tsis kav yus lub neej mus ib txhid. Peb yuav tau ua neej qhib qhov muag, peb txhob pw nrog peb tej kev txhaum thiab kev ntshaw ntiaj teb kev lom zem. Peb nco ntsoov tias txoj sia yog yam muaj nqis tshaj rau peb nkaus xwb, thov peb sib hlub sib pab kom txhua leej txhua tus noj sib npaug, haus sib npaug, peb thov sib hlub kom kaj siab lug xwb mog. Yog peb txawj sib hlub sib pab sib txhawb ces txhua yam hauv ntiaj teb no peb yuav tsis ntshaw lawm os mog.

Thaum ib tug neeg txoj sia tu nrho lawm ces nws tus ntsuj plig yeej mus rau hauv kev txiav txim lawm, peb yuav hlub hlub cov tseem muaj txoj sia nyob tom qab, tus mus lawm ces yog Tswv Ntuj lub luag hauj lwm saib xyuas nws lawm xwb, peb neeg ntiaj teb lub luag hauj lwm yog hlub cov tom qab. Rau siab thov ntuj kom Huab Tais Yesxus khuv leej tus tuag tus ntsuj plig, muaj ib hnub yog peb ncaj ncees hauv ntiaj teb no tiag peb yeej yuav rov sib pom pem ntuj ceeb tsheej.

Qhib nej lub qhov muag, saib tej huab tej cua, saib tej nroj tej tsuag, saib tej me nas me noog ya saum ntuj, saib tej lwg dai dawb vog ntawm tej, yam no yog Tswv Ntuj lub hwj huam qhia tau tias Tswv Ntuj yog tus tsim txhua yam rau peb qhov muag pom thaum peb tseem ua neej nyob. Peb nco ntsoov ua Ntuj tsaug txhua hnub ua Tswv ntuj tseem pub peb txoj sia tsis tau tu, peb tseem pom tag kis ntxiv. Txoj sia yog yam paj tshab Tswv Ntuj pub zoo tshaj plaws rau peb, li no peb ua Tswv Ntuj tsaug hnub dhau hnub nawb mog cov kwv tij neej tsa tseem muaj txoj sia.

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°94

Re: MOO QAIJ QAUG

Post Yaj Suav Nus 30th December 2010, 4:47 am

Nyob zooMim,
Nag hmo kuv tsis khoom tuaj ces kuv tsis tau tuaj pom koj tshaj lub moo tas sim neej.
Kuv mam mus tshaj qhia rau cov kwv tij li koj hais. Ua tsaug rau koj cov lus tshaj moo tas sim neej os!
Sis ntsib dua lwm zaus.

Y. Suav Nus

Invité: Guest

Post n°95

nug moo

Post Invité 30th December 2010, 3:06 pm

Nyob zoo kwv Suav Nus
Kuv yog koj 1 tug tij laug ( npawg ) nyob Fresno USA. Kuv npe hu ua Nkias Tswb Hawj kuv yog nej yawm txiv Zoov Kos Hawj
tus xeeb ntxwv thaum ub nyob lub zos Pham Las Mus, hnub no kuv xav tuaj xyuas kwv Nkias Teeb nej sawv daws xwb tsis
muaj tus lus dab tsi thiab os, nej SD. puas nyob zoo ? nej dab laug Zam Choj & Soob Naij peb nyob zoo. Yog koj pom kuv
tsab ntawv no lawm no koj sau ntawv tuaj kuv paub kuv kuj xav nrog koj tham ua si thiab.

Lub xyoo tshiab 2011 tuaj no thov kom Huab Tais Tswv Ntuj nrog nej nyob ua nej siab kaj lug.

Nkias Tswb Hawj

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°96

Re: MOO QAIJ QAUG

Post Npuagtub 1st January 2011, 11:40 am

Mim wrote:Ua tsaug os Tais Tooj,

Kuv tsis nco qab hais txog qhov tias lawv npaj yuav ua nws lub ntees rau lub lis piam tom ntej, uas yog tim 8,9,10 lub 1 hls 2011. Lawv kuj xa xov mus rau TP Cwj Vuam lawm thiab. Yog nws thov tau ntawv, tej zaum nws kuj yuav tuaj xyuas thiab no. Ntawm cov kab lis kev cai ces lawv tso rau Deacon Soob Naim lawv pawg ntseeg Fresno tuaj ua pub rau lawv. Ntawm kuv ces xyov kuv puas yuav rov tuaj tau lawm, vim kuv twb thov ib lis piam so lawm. Yog kuv ho tuaj tau los mam rov tuaj, yog tuaj tsis tau los kuv kuj zoo siab twb tuaj pom thaum nws tseem muaj txoj sia lawm.

Nyob zoo Mim thiab cov phooj ywg,

Mim hnub no kuv nyuam qhuav mus noj mov ntsib Kwv Zoov Phooj nws hais tias TP. Cwm Vuam Chiv yuav tuaj koom Koj tus niam ntxawm lub teev thiab kuv kuj yuav mus koom rau zaumno thiab vam tias peb yuav tau sib ntsib rau lub week yuav los no.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°97

Re: MOO QAIJ QAUG

Post Mim 4th January 2011, 3:12 pm

XH Npuag Tub,

Zoo siab uas nej pawg ntseeg yuav tuaj ua kuv tus niam ntxawm lub ntees os. Kuv yeej xav tuaj pom nej ua kawg nkaus li, tiam sis ntshai kuv yuav tuaj tsis tau ntxiv lawm,vim kuv twb take kuv qhov vacation tas lawm thiab zoo li kuv muaj hauj lwm yuav tau los ua. Hais txog ntawm TP Cwj Vuam mas tsis tau meej kiag li, vim nws mus thov daim visa ntawm thuj Mes Lis Kas nyuaj me ntsis. Nag hmo nws hais tuaj tias cia hnub no nws rrov mus his lawv ntxiv thiab tso mam hais tuaj no mas kuv tseem tsis tau hnov xov li. Twb ti ti li lawm,xyov puas yuav tau li lauj?...

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°98

Re: MOO QAIJ QAUG

Post Npuagtub 4th January 2011, 3:21 pm

Mim,

Kuv tsis paub yog TP. Cwm vuam ua li cas xwb??? Raws li muaj XH. nyiam lwm thiab nws tus tij laug nkawd tuaaj hauv peb no mas kuv hnov XH. Soob Naib hais tias lawv tuaj tsis need visa li no nas, tiam sis kuj tsis paub yog li cas thiab li cas los xij txawm nws tuaj tsis tau los peb mam li ua li peb niam zaum ua rau kpj tus niam ntxawm.....tu siab tias koj tuaj koom tsis tau nrog peb xwb os..

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°99

Re: MOO QAIJ QAUG

Post Mim 4th January 2011, 10:46 pm

XH Npuag Tub,

Yog li koj hais, muaj ib txhia yog lawv tau daim passport xyoo 2004-2005, ces lawv tuaj tsis nyuaj,tiam sis raws kuv to taub mas TP Cwj Vuam daim passport yog xyoo 2006, ces As Mes Lis Kas thiaj ua nyuaj rau nws. Tam sis no, nws yuav tsum mus ua dua ib daig tshiab ces nws yuav tuaj thaum twg los tsis nyuaj nyuaj lawm no nas... Thiab yog koj yuav mus ntsib As Mes Lis Kas mas koj yuav tsum tau teem luv kawg twb yuav tsum yog 48 xuab moo ua ntej, koj thiaj mus ntsib lawv tau. Tsis tas li ntawd koj tseem yuav tsum muab kom tau daim death certificate rau lawv thiab no ces thiaj li siv sij hawm ntev ntev...Ces twb ti ti li no lawm, xyov puas yuav tuaj tau?...

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°100

Re: MOO QAIJ QAUG

Post Mim 6th January 2011, 11:36 am

Zoo li TP Cwj Vuam thov tau ntawv lawm, nws yuav tuaj ncaj qha rau Los Angeles, ces mam mus rau Fresno,mam mus rau North Carolina, mam los rau Detroit ces mam mus tsev sub no.

Sponsored content

Sponsored content

Post n°101

Re: MOO QAIJ QAUG

Post Sponsored content

1, 2, 3, 4, 5 ... 11, 12, 13

Similar topics

» Xov Xwm Yawg Hlob Vang Pao lub moo qaij qaug 06/01/2011

Niam Mab Liab

Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.

Tshiab Mis Kas Ees

MOO QAIJ QAUG - Page 4 Saint-10

Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.

NtawvXamNyoog2017_18_B.

Ntawv Xam Nyoog xyoo B : 2017-2018

Nias ntawm daim duab mus saib daim ntawv teev:

KEV KAWM

Qhia Ntuj kev cai tus sau Maiv Tooj

QHIA NTUJ KEV CAI Sau Tim 12/5HLIS/2010

tus sau

Maiv Tooj

Ntuj kev cai lub ntsiab nias hauv no

KEEB KWM

T.P Nyiaj Pov Keeb Kwm Niam Ntawv thoob teb thiab nws lub txiaj ntsim hlub Hmoob

MOO QAIJ QAUG - Page 4 Post-311

T.P Neej Vaj lub cawv xeeb thiab nws lub txhiaj ntsim hlub Hmoob

MOO QAIJ QAUG - Page 4 Certif11

NKAUJ TEEV NTUJ

Nkauj Teev Ntuj Kas Tos Liv MOO QAIJ QAUG - Page 4 Cours-10

MOO QAIJ QAUG - Page 4 Cours-10

KOOM TXOOS

KOOM TXOOS KAS TOS LIV LIS XWM MOO QAIJ QAUG - Page 4 Fig110

MOO QAIJ QAUG - Page 4 Fig110

CAW LOS NYEEM NTAWV

XH Yaj Zoov Ntxheb lub tsev Thoob Tsib MOO QAIJ QAUG - Page 4 Zoontx10

MOO QAIJ QAUG - Page 4 Zoontx10

Current date/time is 24th November 2024, 10:57 am