MOO QAIJ QAUG

Maiv Tooj wrote:Nyob zoo tub Liaj Pov,

Ua tsaug uas nws coj lub moo no tuaj rau kwv tij neej tsa sawv daws paub.

Pab tsev xyom cuab tu siab.

Ua li tus tij laug Xyooj Tsab nov yog leej twg, kuv puas paub nws?
Sawv daws sib ncaim ntev ntev lawm, muaj tej tug yus tsis nco qab npe los yog tsis nco tus neeg lawm.

Ua tsaug.

Niam ntxawm.
Tus xiong cha no yog 1 tug ua nai thab hamthiab ua 1 zaug toj xeem.Nws yog tus Xiong cha uas koj muab nws ua koj 1 tug Moderator tom Hmoob tshav ntuj los mas.

Nyob zoo ib tsoom kwv tij sawv daws,

Tsoos Xyooj, yug los xyoo 1973, ua yog nyuas ( Teej Xyooj ) tus nyaaj, tau tas sim neej rau hnub tim 22 lub 11 hli 2015 thaum 20 teev nyob lub zos GIANG DONG, nroog DAK LAK, Cob Tsib Teb.

Vim li, nyuas thov sawv daws pab thov Ntuj rau nws tug plij (lub zoo npe yog Mab Liab)

Ua tsaug sawv daws

Nyuas,

TEEJ XYOOJ

Tub Laj Pov,

Ua tsaug ntau uas nws tuaj qhia XH.Xyooj Tooj lub moo ploj rau peb paub.
Pab tsev xyom cuab tu siab.
Ib ntrsais muag xwb es twb tag ib sim neej lawm os yuad!
Kuv ncaim lawv thaum nws nyuam qhuav yuav poj niam xwb, kuv twb nco tsis tau nws poj niam xyov zoo li cas lawm.

Nyob zoo Laj pov,

Ua cas XH Xyooj Tooj kuj tsis tau muaj hnub nyoog pes tsawg txawm siv cia li ncaim mus lawm os. Koj puas paub nws puas muaj ib tug mob li cas ho ncaim peb mus lawm?

Kuv nrog nws tsev neeg tu siab vim txoj kev sib ncaim, thiab mam thov ntuj pab rau nws tsev neeg.

XH.Xyooj Vaj, thaum ub nyob Simouang, Laos.
Zaum no nyob rau Carpentras tau tag sim neej rau hnub no ( Tim 08-04-2016. Tsis tau paub tseeb tab sis zoo li yuav ua lub ntees rau lwm lub week end (16-18/04/2016 ntawd.

Yog mus ua hauj lwm es txoj saw hlau cab khoom poob los raug nws, nws thiaj li tau tag txoj sia rau hnub no lawm.

Nrog XH Xyooj Vaj tsev neeg tu siab os. Cas nws kuj tseem hluas thiab, cia li mus raug xwv txheej li ntawd lawm? Qhia tau tias peb yeej tsis paub hnub peb yuav mus li.

Peb mam thov ntuj rau nws thiab nws tsev neeg.

Maiv Tooj wrote:


XH.Xyooj Vaj, thaum ub nyob Simouang, Laos.
Zaum no nyob rau Carpentras tau tag sim neej rau hnub no ( Tim 08-04-2016. Tsis tau paub tseeb tab sis zoo li yuav ua lub ntees rau lwm lub week end (16-18/04/2016 ntawd.

Yog mus ua hauj lwm es txoj saw hlau cab khoom poob los raug nws, nws thiaj li tau tag txoj sia rau hnub no lawm.

XH.Xyooj Vaj cov kwv tij thiab poj tub se kuj ua tau ib lub ntees tsim nyog kawg rau nws. Nws tseem hluas heev, tshuav 4 lub hlis xwb nws twb yuav mus so noj nyiaj laus; tab sis txoj hmoov tsis pub nws tau nyob noj nws lub zog uas khwv tag ib sim neej. Tab sis zoo siab uas nws hnub kawg, nws tej poj niam me nyuam thiab tsoom kwv tij neej tsa ua tau lub ntees zoo heev rau nws. Yog thawj zaug uas kuv pom ib lub ntees uas yog cov tub ntxhais hluas tab dab tab qhua, lawv ua zaub mov ntws lug rau sawv daws noj txhua pluas. Thov qhuas thiab ua lawv tsaug. Uas lawv tseem khaws Hmoob kev cai thiab coj Hmoob lub neej mus rau kev vam meej.

MUAS NPLIAJ YIG.

Thov tshaj Muas Npliaj Yig lub moo ploj rau ib tsoom txheeb ze txhua leej.

Muas Npliaj Yig nyob Lyon, Fab Kis teb,

Yug nyob Cob Tsib teb, xeev Yen Bai, xyoo 1932

tau tag sim neej rau hnub tim 17/11/2016.

Yuav ua nws lub pag lub xau rau

hnub tim 26/11/ nov txij li 14h mus txog rau hnub tim 28/11/2016 sawv ntxov.

Nyob rau lub Salle la Liberté
Chemin de la Ravary
01250 Montagnat

Txheej txheem lub pag lub xau:

Samedi:
- 10h sawv ntxov Xa Plig
- 14h txais qhua
- 20h teev Ntuj tsaus ntuj

Dimanche:
- Ua hauv qhua  thaum sawv ntxov
- 14h teev Ntuj
- Rub Rooj yav tav su dua
- 20h teev Ntuj tsaus ntuj

Lundi:
- 10h Mus rau tsev teev Ntuj,  509 Rue de la Mairie , Jassans Rottier. (01480)
- Sam sab 11h30 ntawm lub toj ntxas Jassans Rotier deb 500m ntawm tsev teev Ntuj.

Tél : 06.17.16.48.61 ou 06.16.86.07.62

THOJ CAIV KAUB.

Thoj Caiv Kaub nyob Chatillon sur Chalaronne (01),
tau tag sim neej rau hnub no, tim 17/03/2017 nov thaum 14 teev tav su dua.
Nws tab tom ua hauj lwm, plawv cia li nres, ces nws tau tag txoj sia lub neej lawm.

Tseem tsis tau paub yuav ua lub ntees li cas.

Maiv Tooj wrote:THOJ CAIV KAUB.

Thoj Caiv Kaub nyob Chatillon sur Chalaronne (01),
tau tag sim neej rau hnub no, tim 17/03/2017 nov thaum 14 teev tav su dua.
Nws tab tom ua hauj lwm, plawv cia li nres, ces nws tau tag txoj sia lub neej lawm.

Tseem tsis tau paub yuav ua lub ntees li cas.

Lub ntees yuav ua rau lub week end 25-26/03/2017.

Nyob rau lub tsev:

Domaine Des Alizés
Adresse : 435 D306, 69830 Saint-Georges-de-Reneins.

Txiv Plig Neej Vaj los yog Père René CHARRIER tau tso peb tseg lawm, hmo tim 20 mus rau 21 lub 6 hli ntuj 2017 nyob rau lub nroog Nantes (44).

Txiv Plig Neej Vaj tau sau tseg tias thaum nws puv 120 xyoo, nws xav kom peb cov Hmoob sib pab nta nws lub ntees nyob rau lub zos Pontmain (53).
Cov Txiv Plig nyob Pontmain, lawv zoo siab tos peb cov Hmoob, tab sis peb yuav tau ua raws li lawv txoj cai thiab.

Yog li, hais qhia rau ib tsoom kwv tij phooj ywg paub tias Txiv Plig Neej Vaj lub ntees, yuav npaj raws li no :

Samedi 24-06-2017 : Xa plig rau yav hnub qaij
Dimanche 25-06-2017 : Teev Ntuj
Lundi 26-06-2017 : Lub txoos teev Ntuj ua ntej coj tus qauv mus zais

(Thaum peb teem tau lub caij tseeb peb mam rov tshaj tawm rau nej)

Txiv Plig Neej Vaj tau muab tas nrho nws lub neej coj los txhawb thiab pab peb cov Hmoob txoj kev ntseeg.
Vam tias nej sawv daws yuav tuajnpab thov Ntuj rau nws raws nws lub siab xav.

Lub hauv paus Aumônerie Fab Kis Teb

Xaiv Tsom kuj yuav qhia zoo li no thiab
-- Le vendredi tej pab kwv tji txog no - Ces yav tsaus ntuj, ua
kab ke xa plig ntus 1 rau
Txiv Plig Neej Vaj
- Le samedi soir ua ke ntus 2

- Dimanche matin messe solennelle 10h

Ua li thiaj pom tseeb tias
= sawv daws rov sib koom siab koom ntsws dua ua ke
1 : ua Ntuj tsaug vim T.P. Neej Vaj tau khwv pab tshaj Ntuj rau peb
tsoom Hmoob
2 : thov Ntuj zam T.P. tej txhaum thiab txais nws pem Tswv Ntuj lub
Ceeb Tsheej

Thaum ua li, kev ntseeg + Kev TSO SIAB LUG .TXOG LUB NEEJ NYOB KAJ
LUG KAJ NRIG pem Tswv Ntuj lub Ceeb Tsheej haj yam ua cag ruaj
hauv sawv daws lub siab
Kev nyob thaj yeeb nyab xeeb nyob tus nqes los rau saum neb
tsev neeg thiab tsoom Hmoob sawv daws luib siab

T.P. Thiaj Foom omi

Tau hais yuam kev me ntsis rau TP.Neej Vaj lub ntees, tiag mas yog Yuam kev me ntsis txog lub ntees, QHOV TSEEB
Arrivee le samedi.....Le soir kab ke Ntus 1
Dimanche soir kab ke Ntus 2
Lundi a 10h messe d'enterrement et puis l'enterrement

Thov txim ntau Tsam kuv sab dhau lauj !

T.P.Txhiaj Foom

Nyob zoo ib tsoom kwv tij phooj ywg sawv daws,

Raws li nej ib txhia twb paub ua ntej : Txiv Plig Neej Vaj tau tso peb tseg rau hnub tim 20 lub 6 hli ntuj 2017, thaum 23 teev ib tag hmo lawm.

Txiv plig tau sau tseg tias thaum nws puv 120 xyoo, xav kom cov hmoob sib pab npaj nws lub ntees nyob rau Pontmain thiab coj nws mus sam sab nrog nws cov kwv tij Oblats.

Yog li, peb yuav tau ua raws li lawv txoj cai, yuav muab ncua tsis tau ntev tshaj li hnub tim 24-25-26 lub 6 hli ntuj tuaj no.

Peb pab pawg ntseeg hmoob Kav tos lis yuav tau sib koom siab npaj nws lub ntees raws li lub no :

Hnub tim 24 :
- 18h30 : noj hmo ua ke
- 20h00 : Npaj ua kab ke xa plig ( ntu 1 & 2 )

Hnub tim 25 :
- 10h00 : Teev Ntuj ua lus Hmoo
- 12h00 : noj su
- 14h00 txog 18h00 : Lus pov thawj
- 18h30 : noj hmo
- 20h00 : teev saw Mab Liab

Hnub tim 26 :
- 10h00 : Cov Txiv Plig Oblats coj lub txoos teev Ntuj ua lus Fab Kis
- 11h00 : Coj txiv plig mus sa sab

Thaum Txiv Plig Neej Vaj tseem muaj txoj sia nyob, nws vam tias hnub twg nws tau tas sim neej, cov Hmoob yuav tuaj pab thov Ntuj rau nws.

Ua nej sawv daws tsaug.

YAJ Xaiv-Tsom
Sawv cev ntawm Aumônerie Hmoob

Txiv plig neegjvaj tau tos sim neeg rau hnub tim 20 lub 6 hli 2017 thaum ib tag hmo
Tim 21 lub 6 hli 2017 Yaj Xaiv Tsom coj wb ib niam txiv thiab Muas Ntsum Laj ib niam txis
Peb 5 leeg nqa khaub ncaws mus kho rau Txiv plig hnav 11h00 tsaus ntuj Peb ma rov qab los txog tsev
Hais rau ib tsoom hmoob paub

XH.Nyiaj Lwm Vaj

Hnov txog lub moo tu siab tp neej vaaj tau tso peb tsoom hmoob thoob ntiaj teb tseg. Ua li vaam thiab cia siab tias tp yuav tau mus nyob ntawm peb txiv tswv ntuj lub teb chaws. Txawm tias tp tsi yog hmoob roj hmoob ntshav Los. Nws zoo siab kawm hmoob txuj rov pab rau peb tsoom hmoob yog li thov peb leej txiv tswv ntuj txais nws tug ntsuj plig Los so hauv nws lub teb chaws mus li. Amee

Nyob zoo tais Tooj,

Peb sawv daws kuj tu siab tias TP Neej Vaj tau tso peb tseg lawm. Nej ua sai sai li no ces peb npaj tsis tau dab tsi tuaj pab rau nws lub ntees li, thiab cov xav tuaj los yuav tuaj tsis tau li. Dab tsi los yeej yuav hnyav rau nej cov nyob tim nej ntau xwb lau. Tiam sis yog peb cov nyob deb leej twg ho xav xa me me nyiaj txiag tuaj pab nej no yuav xa rau leej twg? Txawm yuav tuaj txog lig los nyaj tsis ua li cas.

Peb mam thov ntuj rau TP thiab rau nws tsev neeg os.

Nyob zoo Mim,

Koj xa ua Paypal raws E_mail los tau, xa ua Western union los haj yam zoo.
Xa rau Yaj Xaiv Tsom, peb tus Tswj Tsev Hauv Paus Hmoob ntseeg Fab Kis teb.
Kuv tseem nug mus lawm, cia nws muab nws adresse tuaj tso kuv mam xa hauv message rau koj.
Yog xa ua Paypal ces xa raws E-mail xwb.

ntawm no mus        kuv yuav los hais
zaj txhiaj txhais        txiv plig neej vaj
tus siab ncaj tswv ntuj tso pub
nws los hlub        cob qhia tsoom hmoob
khaws zaj tshoob hmoob txuj txhua tsav
vim nws xav nrhiav txoj kev zoo
ntau caum xyoo        nws nrog hmoob nyob
rau siab cob coj        hmoob tub txawj
los ntaus thawj        tsim ntawv cob qhia
tseem khaws cia ceev hmoob teej tug
niam txiv yug        ib cuaj ob plaub
raws li paub ib cuaj peb tsib
ces nws pib kawm txuj kawm ci
tsis ntev hli ib cuaj tsib caug
nws kem caug        txais ua leej choj
ntuj thiaj coj        tuaj txog vees cam
ncig xeev kham        los rau moos loob
nws ncig thoob        thiaj nce roob nyuj
kaum hli ntuj        ib cuaj tsib ob
nrog hmoob nyob zos Phuaj Thoos
cog qoob loo tu tsiaj tu txhuv
coj siab puv zoo tam leej txiv
tsis coj viv cob qhia ntuj lus
hmoob txhua tus muaj kev ruaj siab
yoog txuj tshiab txais ntuj koob hmoov
teb chaws hloov        ib cuaj rau ob
hmoob khiav nyob mus rau moos loob
mus nyob thoob        xab nyab npus lis
ces txiv plig rov mus vees cam
rog lwj lam tseem tsis tau kaj
hmoob txhua thaj tsis tau kev zoo
los txog xyoo        ib cuaj xya tsib
teb chaws txhib        hmoob thiaj tau khiav
los cawm siav        rau teb chaws thaib
neej vaj saib cov hmoob txom nyem
lub neej lem nyob tsis muaj av
nws thiaj xav        tsim neej rau hmoob
thiaj ncig thoob        nkis yas daim av
nws thiaj xav        coj hmoob mus sim
tus txiaj ntsim        neej hmoob rov ntsib

hmoob siab sib         ib cuaj xya xya
lub suab ncha         hmoob mus nkis yas
tham tsis tas lub zos kas kaus
hmoob tej laus         xeem tuaj ntov zoov
luag looj koov         cov neeg txum cuab
txawm ua nyuab los hmoob siab ntev
muaj txiv tsev         txiv plig neej vaj
coj siab ncaj pab hmoob tiv thaiv
kom lus xais hmoob tsis txhob ntsib
hmoob thiaj pib         tsim vaj tsa tsev
tau tsis ntev kas kaus ciaj nroog
hmoob xyaum yoog         nyob haum txoj cai
tsis nco ntshai         hmoob rau siab khwv
tes tawm hlwv         los hmoob tsis quaj
neej hmoob ruaj qoob loo puv teb
coj muag deb        nyob txhua lub nroog
nom tswv poog        qhuas tias hmoob ncaj
muaj neej vaj        mob siab qhia hmoob
nrhiav noob qoob los rau hmoob cog
tsim zej zog tsa tsev kawm txuj
nyob luag ntuj        xyaum kawm luag ci
ntau caum hli        hmoob kawm luag txuj
tsev teev ntuj        hmoob kuj tsim muaj
muaj qhua tuaj        hmoob kuj txais tos
nyob tsheej zos        muaj peb caug noj
hu sib coj        txhua tsav sib hlub
yam tsob yu neej vaj muab noob
kom peb hmoob tsuas nyob luag ntxhi
txiv yuav txi phaum tas phaum thiab
tas puas txhiab        kom hmoob loj hlob
yuav thaj tsob        nco ntsoov sib koom
thiaj thov foom        nco ntsoov txiv plig
tus txiaj ntsig        tsis muaj hnub kawg
tas txoj yawg        dab neeg tseem khaws
hmoob sawv daws yuav nco nws ib txhis
nawb txiv plig neej vaj…


Sau los ntawm Maiv Tooj Lis
Dhos los ntawm Ntxoov L. Vaj

4/9/2010