HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Notre Dame du Laus Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Notre Dame du Laus

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Notre Dame du Laus

    Post  Mim 26th May 2010, 3:59 pm

    Laus yog ib lub zos nyob saum cov roob Alpes nyob Fab Kis qab teb sab toob fab.



    Xyoo 2008 lub 5 hlis tim 4, tus tswv qhia nyob Gap, Fab Kis teb, tau tshaj tawm tias lub Koojm Txoos tau zeem txog cov kev tshwm sim nyob Laus tias muaj tseeb.

    (Kuv tseem yuv tuaj piav txog Niam Mab Liab tshwm sim tuaj nyob Laus)
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 27th May 2010, 12:52 am



    Nyob zoo Mim,

    Zoo kwg, koj tseem nrhiav tau Niam Mab Liab nyob Laus tuaj rau peb paub txog thiab. Ua tsaug ntau. Yog ib qho zoo heev uas peb cov Ntseeg nyob Lyon yuav mus saib. Peb tab tom nrhiav cov chaw yuav mus sau siab thaum lub caij ntuj so...rau cov tsev neeg.



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 15th June 2010, 5:32 pm

    Kuv yuav rov qab tuaj piav kom tag zaj Niam Mab Liab tshwm sim nyob Laus.


    Notre Dame du Laus

    Niam Mab Liab tshwm sim nyob Laus, Fab Kis teb

    Niam Mab Liab yeej tshwm sim rau ntawm qhov chaw no tau ntau pua xyoo los lawm (ua ntej Rue du Bac, ua ntej La Salette,  ua ntej Lourdes)  tiam sis peb cov ntseeg tsis paub txog li. Thaum yus mus nrhiav hauv internet txog Niam Mab Liab kev tshwm sim, mas tsuas pom Guadalupe, Paris(Rue du Bac), La Salette, Lourdes, Fatima, etc… xwb. Tau tsis ntev no, nyuam qhuav pib pom muaj Laus. Yog li no kuv thiaj xav tuaj piav txog zaj no rau peb kom peb paub txog thiab.

    Niam Mab Liab tshwm sim pib xyoo 1664 mus txog xyoo 1718 (tau 54 xyoos nkaus). Cov tswv qhia thaum lub caij ntawd los mus rau nyem no yeej tau zeem tias muaj tseeb, tiam sis nyuam qhuav yog xyoo 2008, lub 5 hlis tim 4 xwb uas Hauv Paus Koom Txoos Kas Tos Liv nyob Rome tau los zeem officially/officiellement tias muaj tseeb. Hnub ntawd tus tswv qhia nyob Gap thiab Embrun, Fab Kis teb, hu ua Tswv Qhia Jean-Michel di Falco Léandri tau tshaj tawm tias lub Koom Txoos zeem tias Niam Mab Liab tau tshwm sim nyob Laus tiag. Muaj txog 6000 leej neeg thiab 20 leej Tswv Qhia tuaj ntau qhov tuaj koom thaj txi ntuj zeem tseeb ntawd. Lawv kuj hais tias niaj xyoo muaj txog 120,000 leej neeg tuaj xyuas thiab tuaj teev Ntuj ntawm lub tuam tsev teev Ntuj ntawd.

    Yog vim li cas thiaj tseg tau ntev ua luaj mam hnov hais txog Laus?

    Yog suav thaum Niam Mab Liab pib tshwm sim xyoo 1664 los, ces twb yog 346 xyoo lawm. Yog suav txij xyoo 1718 los (yog xyoo Benoite Rencurel tuag) ces yog 292 xyoos lawm. Nyob Laus thiab cov zej zog ib ncig ntawd mas cov neeg yeej paub txog coob, tiam sis cov ntseeg nyob thoob ntiaj teb tsis paub txog li. Niam Mab Liab yeej tau xub hais tseg lawm hais tias ntiaj teb yuav tsis nco qab txog thiab tsis quav ntsej txog cov kev tshwm sim thiab cov messages nyob Laus ib ntus ntev loo. Tiam sis muaj ib lub sij hawm ze thaum lub caij yuav kawg (End Times/Fin des Temps) mas Laus yuav rov qab nrov… no.

    Puas yog vim nyem no peb nyob ze ze lub caij kawg lawd, es peb thiaj rov hnov hais txog Laus? Qhov no tsis muaj neeg paub li. Tiam sis tam sis no Laus rov qab pib nrov lawm tiag…

    Notre Dame du Laus 2489894645_13985d4f1e

    Laus yog ib lub me nyuam zos nyob saum cov roob Alpes nyob Fab Kis qab teb sab toob fab, nyob deb li 110 km rov sab qab Grenoble, thiab deb li 80 km nram qab La Salette.

    Laus yog ib qho chaw uas NML tuaj qhia txog cov txiaj ntsim ntawm lub Cim Daws Txhaum. Peb cov neeg yuav tsum tau nquag siv txoj kev daws txhaum los pab peb hloov peb lub siab lub ntsws, lub neej, tus cwj pwm, peb thiaj yuav yoog tau HT Yes Xus thiab yuav txais kev cawm. Peb sd yeej paub lawm tias yog peb ua tej yam txhaum loj txhaum hnyav mas peb tu ncua tsis muaj Tswv Ntuj txoj sia uas yog nws lub txiaj ntsim nyob hauv peb lawm. Peb tsis muaj Tswv Ntuj txoj kev sib raug zoo nrog peb lawm. Yog peb tas sim neej lub caij ntawd ces peb yeej poob rau kev txom nyem xwb tsis tau mus nrog Tswv Ntuj nyob. Niam ML tuaj qhia thiab coj peb kom peb to taub txog thiab saib qhov no tseem ceeb, kom peb yuav tsum nrhiav kev nrog Tswv Ntuj sib raug zoo tas mus li nyob
    hauv lub Cim Daws Txhaum. Vim li ntawd nyob Laus, Niam ML thiaj tau lub npe hu ua “cov Neeg Txhaum lub Chaw Vam” (Refuge of Sinners/Refuge des pécheurs).

    Notre Dame du Laus NotredameDuLaus1_13052009_143906

    Tus me ntxhais uas pom Niam Mab Liab ntawd hu ua Benoîte Rencurel. Nws yug los lub 9 hlis tim 16 xyoo 1647 nyob lub zos Saint-Etienne d’Avançon (nws txawv lub nroog St-Etienne uas sawv daws paub). Yog lub caij Louis XIV (1638-1715) ua vaj nyob Fab Kis teb. Thiab kuj yog lub caij uas leej ntshiab Marguerite Marie Alacoque yug los thiab (xya hli tim 22 1647).

    Raws tej ntaub ntawv piav nws lub neej mas zoo li Tswv Ntuj yeej xaiv nws puag thaum me los lawm. Lawv piav hais tias thaum nws tseem mos mos liab, ntxwj nyoog yeej ntxub nws lawm. Pheej muaj tej yam txawv txav, xws li nyob nyob cas nws lub txaj (berceau) txawj ntxeev los tsuam nws zoo li xav ua kom nws txhob dim pa...

    Thaum nws muaj 5 xyoos, muaj ib zaug nws tab tom ua si nrog cov me nyuam yaus li nws, txawm cia li muaj ib tug Poj Niam zoo zoo nkauj los cab nws tes tawm mus rau ib qho thiab muab dej pov rau saum nws. Muaj ib zaug, nkawd ob viv ncaus poob zoo tsis paub kev lawm, Niam ML kuj tshwm los qhia kev rau nkawd rov los tsev.

    Xyoo 1654, nws muaj 7 xyoo xwb ces nws txiv tuag tseg nws nrog nws niam thiab ob tug viv ncaus, ua rau lawv raug kev txom nyem loj kawg nkaus, vim tsis muaj tus pab khwv noj khwv haus, pab them nuj nqes lawm. Thiab thaum nws txiv tuag tas, cov txheeb ze tuaj txeeb tej nyuag khoom vaj khoom tsev tib si mus lawm, ces lawv cia li txom txom nyem kawg nkaus li, qee hnub twb tsis tau mov noj. Vim li ntawd thaum nws muaj li kaum ob xyoos tej, nws thiaj yuav tsum pib mus ua zog, nws xub mus nrog nws tus niam qhuav nyob tau ib xyoos.  Xyoo tom qab, nws niam tso nws mus zov yaj rau ob tug tswv. Ib lis piam nws zov rau ib tug thiab
    mus nyob hauv nws noj hauv nws, lwm lis piam ho mus zov rau lwm tus thiab pw hauv nws noj hauv nws, sib hloo li ntawd.  Muaj ib tug tswv mas yog ib tug txiv neej phem phem siab luv luv npau taws sai sai li. Tiam sis vim Benoîte siab zoo zoo ces nws txawj ua tau kom tus tswv ntawd txo nws lub siab npau taws. Muaj ib tug tswv yog ib tug poj ntsuam muaj 6 leej me nyuam. Nws tsis hlub nws cov me nyuam li, pheej nquag cia lawv yoo tshaib. Benoîte pom li ntawd, nws tsis kam noj nws cov mov, nws nyiag muab rau lawv noj xwb. Ces lub lis piam uas nws nyob ntawd mas nws yoo ib lias piam. Nws mam noj mov thaum nws mus pw tom tus tswv tod xwb. Nws pheej yoo li ntawd mas ua rau nws tsis muaj zog pes tsawg. Thaum ntawd nws muaj ze ntawm 13 xyoos xwb nws twb txawj hlub luag li ntawd lawm. Vim li ntawd Tswv Ntuj thiaj li pub ib lub txiaj ntsim zoo heev rau nws.

    Notre Dame du Laus 19249_271627273568_68944523568_4319350_3875764_n

    Thaum nws muaj 12 xyoos, muaj ob tug neeg phem xav txhom nws ua phem, nws khiav mus nyob hauv cov hav iav uas muaj av nyam. Thaum nws mus hauv, av khov kho rau nws mus. Cov txiv neej ntawd lawv nws qab tuaj, tiam sis av muab lawv nyam tam sid, lawv tawm yuav luag tsis tau rov qab los tim qhov nqhuab, hos nws cia li tau kev dim. Niam ML pov hwm cov neeg uas nyiam Ntuj.

    Nws lub zos yog ib lub zos me, ces tsis muaj tsev kawm ntawv. Yog li ntawd nws tsis tau mus kawm ntawv, ces nws yeej tsis paub nyeem los paub sau li. (Tas nws lub neej, nws yeej tsis paub sau ntawv li. Peb paub txog nws lub neej, vim yog cov nyob ze nws thiab tau nrog nws ua hauj lwm tau sau tseg xwb.) Tej nws paub ces yog nws niam qhia thiab yog nws mus mloog hauv tsev teev ntuj hnub Chiv es nws kawm tau xwb. Muaj ib zaug nws hnov txiv plig qhia txog tias Niam Mab Liab muaj lub siab zoo siab hlub neeg kawg nkaus, thiab nws muaj hwj huam loj, yog leej twg tau Niam Mab Liab pov hwm nws mas tus ntawd yuav tsis poob kev ploj kev tuag mus li li. Nws hnov li ntawd, nws lub siab cia li xav xav pom Niam Mab Liab. Nws niaj hnub rau siab hais Saw Mab Liab thaum nws mus zov yaj tom teb. Nws nyiam siv sij hawm ntev ntev teev ntuj. Thaum nws nyuaj siab thaum nws zoo siab los nws hais rau Niam Mab Liab. Nws hlob zuj zus ua ib tug ntxhais muaj kev hlub luag, tsis muab hlob li, thiab siab zoo zoo ua rau sawv daws nyiam nws. Nws kuj ua tau ib tug qauv zoo rau luag xyaum. Nws tsim txiaj, nyob twj ywm ntau.

    Lub 5 hlis 1664, thaum ntawd nws muaj 17 xyoos, muaj ib hnub nws coj yaj mus noj zaub saum lub roob St. Maurice, ze ntawm nws lub zos St-Etienne, nws txawm pom ib tug txiv neej laus hnav ib ce ris tsho ua tswv qhia zoo li txheej thaum ub hais rau nws tias:

    -         “Mi ntxhais, koj tuaj dab tsi ntawm no?
    -         “Kuv tuaj zov yaj, ces kuv teev ntuj thiab kuv nrhiav dej haus xwb.”
    -         “Kuv mam muab dej rau koj haus.
    Ces tus txiv neej txawm mus ce dej nt
    awm ib lub qhov dej uas Benoîte  twb tsis nco qab pom tias muaj nyob ntawd li los rau nws haus.
    -         “Koj zoo nraug kawg li! Koj puas yog ib tug tshiab, los koj puas yog Yes Xus?
    -         “Kuv yog Maurice, yog tus uas lawv muab lub tsev teev ntuj me me puas tag ntawd fij rau… Me ntxhais, koj tsis txhob tuaj ntawm no ntxiv lawm. Vim thaj chaw no nyob rau lwm lub xeev lawm. Yog cov guards tuaj pom mas lawv yuav txeeb koj cov yaj. Koj mus saum lub hav tiaj Vallon des Fours uas nyob pem qaum zos st-Etienne. Nyob saud, koj yuav pom Tswv Ntuj leej Niam.
    -         “Tiam sis nws nyob saum ntuj lawm nev, kuv yuav pom nws li cas tau?

    -         “Nws yeej nyob saum ntuj los mas, tiam sis yog nws xav nyob ntiaj teb los tau ib yam thiab.

    Notre Dame du Laus Laus4

    Tag kis, sawv ntxov ntxov, Benoîte thiaj maj zoj zeeg mus pem qhov chaw uas tus txiv neej laus qhia rau nws, pem Vallon des Fours (Valley of Kilns) (yog txhais lus Hmoob ntshai yuav hu tias lub Tiaj cov Qhov Txos nod?). Vim thaj tsam ntawd muaj cov zeb sib (Gypsum) uas cov neeg zej zog pheej mus khaws coj los hlawv ua plaster (drywall) rau lawv ua vaj ua tsev. Thaum mus txog ped muaj ib lub me nyuam qhov tsua ntawm ib sab ib lub me nyuam pob tsuas. Benoîte txawm pom ib tug Poj Niam zoo zoo nkauj puag ib tug me nyuam tub ntawm xub ntiag. Muaj tej qhov lawv hais tias nws tuav ib tug me nyuam tub ntawm tes no thiab. Tus Poj Niam ntawd ci ntsa iab ua rau thaj tsam ntawd zoo nkauj tas hov ntau thiab hnov tsw qab ntxiag. Benoîte zoo siab kawg nkaus. St. Maurice twb xub qhia nws lawm tias nws yuav pom Tswv Ntuj leej Niam no, tiam sis Benoîte yeej tsis faj txog li hais tias yog Niam Mab Liab. Nws nug tias:

    -         “Niam tais, koj zoo nkauj kawg! Koj tuaj dab tsi ntawm no? Puas yog koj tuaj muas plaster/plâtre?”

    Tiam sis tus Poj Niam tsuas luag ntxhi xwb, nws tsis teb dab tsi li. Benoîte txav los ze zog, nws ib nyuag txaum yim (faire une reverence) rau, tsis hais lus li, tsuas nyob ntsia xwb vim zoo saib dhau. Ib me ntsis Benoîte hais tias:

    -         “Koj puas kam muab koj tus me tub rau peb nab? Yuav ua rau peb zoo siab kawg li tiag.”

    Los tus Poj Niam kuj tsuas luag ntxhi thiab xwb, tsis hais ib los li. Thaum txog caij noj sus, nws hais tias:

    -         “Koj nrog kuv noj mov os. Kuv muaj ib thooj mov ci. Wb mam muab raus hauv dej noj thiaj muag.”

    Tus Poj Niam kuj tsis hais lus li thiab. Tus Poj Niam tuav tus mi Tub tes pheej nkag mus hauv qhov tsua, ho tawm rov los, pheej mus los li ntawd nstiag to, nrog Benoîte  nyob ib hnub. Thaum txog caij mus tsev tus Poj Niam, puag nws tus me tub, nkawd nkag rau hauv qhov tsua, ces nkawd cia li ploj lawm.

    Hmo ntawd los txog tom tus tswv lub tsev, sd pom tau tias muaj ib yam dab tsi txawv lawm. Nws yeej zoo zoo siab luag ntxhi xwb thiab tham tsis tseg txog tus Poj Niam uas nws pom thiab txog tus Poj Niam cov ris tsho uas tsw tsw qab. Tham txog xwb mas qee tsam nws twb los kua muag, ua rau cov mloog ntawd sib ntxhi tias, “Tsam yog Niam Mab Liab pob?”

    Tag kis, nws rov mus qhov chaw qub ntawd. Nws kuj rov pom tus Poj Niam dua, zoo li haj yam ci tshiab dua nag hmo thiab haj yam tswv qab tshaj. Ua rau nws mas zoo siab kawg nkaus.

    Notre Dame du Laus I-Miniature-5215-la-belle-dame-du-laus

    Tus Poj Niam niaj hnub tuaj xyuas thiab nrog Benoîte nyob li ntawd kwv yees li 4 lub hlis, txij lub 5 hlis mus txog lub 8 hli kawg. Thawj ob lub hlis nws tsis tham tsis hais dab tsi tsuas niaj hnub tuaj nyob ua ke zoo siab xwb, thiab coj tus me Tub tuaj nrog Benoîte nyob. Ob lub hlis tom qab nws pib cob pib qhia Benoîte, vim nws xav npaj Benoîte ua txoj hauj lwm pab cov neeg txhaum kom lawv tig los lees txhaum thiab nyiam Tswv Ntuj. Nws qhia txog Tswv Ntuj, txog tias nyob saum Ntuj Ceeb Tsheej yuav zoo siab tas mus li tsis muaj lub caij kev zoo siab yuav hloov li. Qhia tias Tswv Ntuj pub kev zoo npaum li cas rau cov neeg coj zoo, muaj lub siab pluag, muaj lub siab ntev nyiaj kev nyuaj, thiab muaj lub siab xav ua neeg dawb huv tiag. Tus Poj Niam kuj qhia kom nws xyaum ua neeg siab dav pub taus rau luag, tsis txhob muaj lub siab lo rau tej yam tsis tseem ceeb. Nws thov ntau yam ntawm Benoîte, Benoîte kuj kam muab rau nws. Tiam sis muaj ib zaug tus Poj Niam hais rau Benoîte tias:

    -         “Koj puas kam muab ib tug yaj thiab koj tus maum tshis pub rau kuv?
    -         “Niam Tais! Tus yaj mas cia kuv mam txiav nqe tawm ntawmkuv cov nqe zog thiab pub rau koj, hos tus maum tshis mas tsis tau os, vim kuv yuav siv nws. Yog dej loj ces kuv tau caij hla dej. Txawm koj muab 30 écus los kuv yuav tsis kam li.”  


    Ces tus Poj Niam hais rau Benoîte tias nws nyiam nws tus tshis dhau lawm. Benoîte pheej muab nws cov mov ci thiab cov txiv raisins
    (grapes) pub rau tus maum tshis noj, tus Poj Niam hais rau nws tias, kom txhob muab rau tus tshis noj, tej yam luag pub rau yus mas yus muab pub rau cov neeg txom nyem mas zoo dua.  Tag kid, tus Poj Niam tseem rov qab thov yuav tus maum tshis dua ib zaug ntxiv, tiam sis Benoîte kuj tsis kam li thiab, ces tus Poj Niam thiaj hais tias:

    -         “Kuv yuav tsis thov ntxiv lawm, vim ua rau koj chis dhau (puisque cela te fache).

    Tus Poj Niam qhia kom Benoîte xyaum teev ntuj ntau tshaj qub, xa nws mus teev ntuj hauv lub tsev teev ntuj hauv zos St-Etienne. Nws tso yaj nyob yaj, nws mus teev ntuj tsheej ob peb teev, tiam sis cov yaj kuj tsis khiav tsis ploj li. Tus Poj Niam qhia Benoite hais zaj teev ntuj hu ua “Litanies de Notre-Dame de Lorette/Litany of Our Lady of Loreto.”  Benoîte kawm peb lwm xwb nws twb hais tau nco tau lawm. Niam ML kom nws qhia rau cov ntxhais nyob hauv zos St-Etienne thiab coj lawv niaj hmo tuaj hais zaj ntawd nyob hauv tsev teev ntuj raws li tus tswv qhia nyob Embrun tau kom sawv daws hais.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Notre Dame du Laus Empty Re: Notre Dame du Laus

    Post  Maiv Paj Lug 16th June 2010, 3:26 am

    Notre Dame du Laus 152610 .........Nyob zoo os Niamlaus mim aw! koj kom peb ua siab loj nyob tos koj yuav rov qab tuaj no los tos tos koj ntsia ntsoov qhov rooj li es nco nco koj li, pom dheev koj xwb siab kaj lug lawm hov ntau lawm es kuv quaj xwb os..... Notre Dame du Laus 517264


    Niamlaus Mim, koj txhais tau zoo heev , ua koj tsaug ntau ntau tsis paub txawj tag li nawb, peb tos ntsoov yuav nyeem koj cov txhais . Kuv hauj lwm ntau heev li kuv txhais tsis tau ib yam dab tsi pub sawv daws nyeem kiag li, kuv zoo siab heev uas tseem muaj koj txhais Notre Dame de Laus rau peb nyeem thiab mog.



    Notre Dame du Laus Maypa110
    <3 <3 Pab kuv rov los cuag koj Huab Tais Yesxus <3 <3
    Maivxis
    Maivxis
    Phooj Ywg
    Phooj Ywg


    Messages : 191
    Date d'inscription : 2009-11-05

    Notre Dame du Laus Empty Re: Notre Dame du Laus

    Post  Maivxis 17th June 2010, 1:22 am




    Nyob zoo os Mim .

    zoo siab kawg uas tau tuaj nyeem koj tsab Notre Dame du Laus no os
    Wow !!nws zoo heev li os Koj muab txhais tau zoo kawg li , Mim thov kom huab tais ntuj ua koj lub siab kaj lug es koj tuaj ua huab tais ntuj txoj hauj lwm li no mus kom ntev ntev os mo , Vim koj yog tus uas nws xaiv tau lawm koj kav tsij tuaj qhia txhua yam koj txawj rau peb nawb mog , Ua koj tsaug ntau os Mim , Tus me ntxhais tshaj lij thov kom koj tau huab tais ntuj lub txiaj ntsim raws li koj siab xav nawb mog ,


    Phauj maivxis .
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 17th June 2010, 3:24 pm

    Maiv Paj Lug thiab phauj Maiv Xis,

    Ua neb tsaug os. Neb tseem tuaj qhuas thiab hais lus txhawb kuv kawg nawb... Yeej xav xav kom txawj ua tau ntau yam zoo kawg li, tiam sis kuj tsis txawj li thiab, tsuas ua tau yam puav raws li yus paub xwb os...
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Notre Dame du Laus (ntxiv...)

    Post  Mim 17th June 2010, 3:50 pm

    Notre Dame du Laus 2bieqsn2

    Benoîte niaj hnub tham txog piav txog nws pom ib tug Poj Niam rau nws tus poj tswv tsev, tiam sis tus poj tswv tsev yeej tsis ntseeg li.
    Muaj ib zaug tus poj tswv tsev txawm nyiag kev tuaj nkaum tos Benoîte tuaj saib yuav muaj dab tsi. Thaum Benoîte tuaj txog, tus Poj Niam qhia rau Benoîte tias:
    -         “Koj tus poj tswv tsev twb xub tuaj nkaum ntawm qab pob zeb ntawd lawm. Koj hais rau nws hais tias kom nws tseg tsis txhob pheej siv Yes Xus lub npe dog dig. Yog nws tsis hloov mas nws yuav tsis tau nyob Ntuj Ceeb Tsheej li. Koj tus poj tswv tsev muaj ib qhov dub nyob hauv nws nruab siab. Nws yuav tsum tau mus them txim txhaum.”

    Tus poj tswv tsev hnov tus Poj Niam lub suab tiam sis tsis pom dab tsi tsuas pom Benoîte ib leeg xwb. Nws hnov cov lus ntawd nws thiaj ntshai thiab tawm los ua ib ce tshee tas, ua kua muag poob dawb vog, nws khiav mus tom zos hais rau sawv daws paub. Nws cog lus tias nws yuav pauv nws lub neej. Txij ntawd los nws thiaj mus daws txhaum thiab pauv ua ib lub neej txawv lub qub tas nrho, tsis ua neeg hais tej lus phem phem, tsis npau taws thiab nquag teev ntuj mus txog thaum nws tuag. Qhov tus poj tswv tsev hloov nws lub neej ntawd yog thawj yam hwj huam yees ntxwv uas qhia tau tias yog Niam ML tshwm sim tiag.

    Muaj ib zaug, muaj ob tug txiv neej hais lus phem thuam tus Poj Niam uas sd tsis paub yog leej twg pheej tuaj xyuas Benoîte.  Ib tug yog neeg nquag yos hav zoov. Muaj ib zaug nws txawm tuaj yos ze thaj tsam tus Poj Niam tshwm sim. Nws cia li kis tau ib yam mob txawv txawv. Kho li cas los tsis zoo, nws thiaj mus thov txhaum tag ces nws thiaj zoo lawm. Ib tug yog neeg ua hauj lwm hlawv zeb sib (platre). Muaj ib zaug nws yim hlawv ntev yim siv taws ntau los cov seb sib (platre) haj yam tawv tuaj xwb . Ces nws tau mus thov Benoîte kom Benoîte thov tus Poj Niam zam rau nws. Ua li ntawd tas, nws qhov hauj lwm thiaj mus zoo lawm.

    Zej zog sd pom tias tus ntxhais ntawd niaj hnub coj cov yaj mus noj zaub rau ib qhov chaw nkaus xwb, tsis pauv li, ntshai yaj tsis muaj
    zaub noj li lawm. Lawv thiaj mus taug xaiv rau cov tswv yaj. Cov tswv thiaj teb tias, lawv li lawv tsis quav ntsej txog tsis xav paub txog, nws yuav coj mus qhov twg los xij, tsuav yog lawv pom tias lawv cov yaj yog cov puv tshaj rog tshaj lwm tus cov yaj xwb.

    Sawv daws pom li ntawd, muaj coob leej cov uas tsis ntseeg, kuj cia li ntseeg tuaj lawm. Lawv xav tias yuav tsum muaj ib yam dab tsi xwb. Vim cov kev tshwm sim ntawd ua rau Benoîte hloov nws tus cwj pwm tas lawm ntau thiab kuj ua rau nws txoj kev ntseeg loj tuaj lawm ntau. SD pom tias cas ib tug ntxhais ruam ruam tsis tau kawm ib tug ntawv li, cia li txawj paub ntau yam txog Tswv Ntuj, txog Tswv Ntuj txoj kev hlub, txog txoj kev teev ntuj, txog txoj kev yuav tau kev zoo siab yog yus tsob hwb Tswv Ntuj, txog txoj kev yuav txom nyem loj yog yus tsis mloog Tswv Ntuj lus thiab tsuas ua ywj yus lub siab ntshaw xwb. Thiab cas tus nxthais ntawd kuj cia li txawj muaj tswv yim mus pab tau nplij tau tej neeg muaj kev nyuaj siab.

    Thaum lub 8 hli tim 28, 1664 tus Poj Niam hais rau Benoîte tias kom caw cov ntxhais nyob hauv  St-Etienne tuaj teev ntuj ntawm thaj chaw Vallon des Fours tag kis tim 29 uas yog hnub ua hmoov nco txog leej ntshiab Zam Ntxuav Plig raug lawv muab txiav taub hau.

    Hnub tim 29 ntawd, tus TP hauv zos tsis yog caw cov ntxhais xwb, nws caw tas nrho cov poj niam, cov txiv neej, cov  me nyuam yaus tib si tuaj. Lawv hu nkauj taug kev (procession) tuaj. Lawv tuaj txog thaum tav su rau ntawm thaj chaw. Nyob hauv cov neeg uas tuaj hnub ntawd kuj muaj ib tug neeg tseem ceeb thiab, yog Mr. François Grimaud. Nws yog tus juge de paix nyob hauv lub cheeb tsam
    baronnie d'Avançon. Nws saib xyuas kev thaj yeeb rau tsoom pej xeem, tiam sis nws kuj yog ib tug neeg ntseeg zoo thiab. Nws kuj tshuaj xyuas tas Benoîte cov kev tshwm sim lawm, nws pom tau tias Benoîte tsis dag. Yav tom ntej nws yuav yog ib tug uas txhawb Benoîte txoj hauj lwm.

    Hnub tim 29 ntawd thaum lub zej zog tuaj ua kev teev ntuj ntawm Vallon des Fours, Mr. François Grimaud hais rau Benoîte  kom nug saib tus Poj Niam ntawd yog leej twg. Tus Poj Niam thiaj qhia rau Benoite tias:
    -         “Kuv yog Mab Liab, yog Yes Xus Niam. Koj yuav tsis pom kuv ntawm thaj chaw no ntxiv lawm, thiab koj yuav tsis pom kuv li ib nyuag ntu lawm ov mog. Yuav yog ib lub caij rau koj ua kev them txhaum ntxuav ntsuj plig...”

    Ces Benoîte ncua tau ib lub hlis tsis pom Niam Mab Liab li. Ua rau nws niaj hnub nco Niam Mab Liab thiab los kua muag.

    Notre Dame du Laus 75412182laus-1-jpg[/center]

    Thaum lub 9 hlis yuav kawg, muaj ib hnub Benoîte tab tom saib nws cov yaj nyob ntawm tus ntug dej Avance, nws pom ib tug Poj Niam ci ci ntsa tshaj lub hnub, ci pem ib lub roob cog hmab txiv cawv hu ua roob Pindreau, tuaj rau nws. Yuav mus pem lub roob ped mas yuav tsum hla tus dej. Lub caij ntawd dej sab siv tab tom huam, tus choj lov lawm thiab ces yeej tsis tau kev hla mus li. Benoîte  thiaj li caij loo nws tus maum tshis uas nws tsis kam muab pub rau Niam Mab Liab hla dej mus.

    Mus txog pem roob, nws thiaj li rov pom Niam Mab Liab dua. Nws hais tias:

    -         “Leej me Niam siab zoo e, cas koj yuav cia ntev ua luaj, kuv tsis pom koj li!”

    Niam Mab Liab tsis teb nws lo lus, tiam sis NML qhia kom nws mus rau ib qho chaw tshiab:

    -         “Txij no mus yog koj xav pom kuv, mas koj yuav mus tom lub tsev teev ntuj me me (chapelle) hauv lub zos Laus koj thiaj pom; koj yuav paub lub tsev ntawd yog lub twg vim koj yuav hnov tsw tsw qab.”

    NML taw tes qhia txoj kev rau nws yuav taug mus, ces NML ploj ntais lawm.
    Notre Dame du Laus 19249_271627278568_68944523568_4319351_3144407_n

    Lub zos Laus yog ib lub zos me me muaj li 7-8 lub tsev xwb, nyob ib nyuag ntu kev ntawm zos St-Etienne d’ Avançon. Txij xyoo 1640 los, cov neeg hauv zos Laus tau tsa lub tsev teev ntuj me me ntawd, hu ua la Chapelle de Bon Rencontre kom lawv tau kev mus teev ntuj tej lub caij uas dej loj loj mus tsis tau tom zos St-Etienne. Yog ib lub tsev vov quav nyab ua zoo ib yam nkaus li lawv cov tsev nyob xwb. Nws twb puas puas, paug plua tshauv tas, tsis muaj neeg siv tau ntev lawm. NML xaiv thaj chaw ntawd.

    Tag kid, Benoîte thiaj taug txoj kev ntawd mus txog pem lub zos Laus, nws thiaj mus nrhiav ntev loo ncig ib lub tsev dhau ib lub
    tsev. Nws mam tuaj txog ntawm ib lub qhov rooj hnov tsw qab ntxiag, nws thiaj chaws mus saib hauv. Cas Niam ML twb sawv saum lub thaj teev ntuj uas paug ib txheej pluas  plav tas lawm. NML thiaj qhuas nws tias nws coj tau zoo kawg, vim nws tuaj nrhiav ntev loo thiaj tau, tiam sis nws tau rub nws lub siab ntev tsis tau npau taws. Benoîte zoo siab kawg tau rov pom NML. Tiam sis nws txaj muag me ntsis tias cas lub tsev yuav ceb ua luaj thiab phem tas, nws txawm hais rau NML tias:

    -         “Cia kuv muab kuv daim sev npua (apron) hlais ib sab los tiag koj ko taw os.

    Tiam sis NML teb tias:

    -         “ Tsis tas ua li ntawd, tsis ntev tom ntej no ces koj yuav pom muaj ntaub pua, muaj tswm ciab thiab ntau yam txhij txhua nyob ntawm no…

    Notre Dame du Laus 19249_271628398568_68944523568_4319360_3061517_n

    Ces tas lub caij ntuj no 1664-1665 ntawd, Benoîte niaj hnub tuaj ntawm Laus, tuaj ntsib NML. Niam ML thiaj hais tias nws xav kom tsa ib lub tsev teev ntuj rau ntawm lub tsev teev ntuj me me ntawd cia rau cov neeg txhaum tuaj lees txhaum hloov siab ntsws, thiab xav kom tsa ib lub tsev rau cov TP tuaj nyob pab cov neeg. Nws qhia rau Benoîte tias kom ua lub zoo li cas loj npaum li cas tib si. Benoîte  nug txog tias tsis muaj dab tsi los tsa lub tsev teev ntuj li. NML thiaj hais tias kom txhob txhawj, thaum txog caij, yeej yuav muaj nyiaj los siv, yuav muaj tas puas tsav yam txhij txhua los txhim kom tau lub tsev teev ntuj xwb, thiab yog cov neeg pluag txom nyem yuav siv lawv tej peev, lawv lub dag zog lub peev xwm los tsa nws lub tsev teev ntuj ntawd. Plaub xyoos tom qab xwb, lawv twb ua lub tsev teev ntuj ntawd tiav lawm.

    NML Kuj qhia kom Benoîte yuav tsum mob siab thov ntuj tsis tseg pab rau cov neeg txhaum, thiab nws pib qhia  Benoîte  kom paub txog tias cov ntsuj plig uas muaj kev txhaum yog cov zoo li cas, thiab lawv cov txhaum ua rau Tswv Ntuj tu siab npaum li cas. Txawm li ntawd los  Tswv Ntuj xav muab nws txoj kev zam txhaum rau lawv, tsuav yog lawv zoo siab txais xwb, Tswv Ntuj tsis yuam. Benoîte txoj hauj lwm uas Tswv Ntuj xa NML tuaj qhia kom nws paub ua yog pab cov neeg txhaum kom lawv tig rov los lees txhaum thiab los cuag Tswv Ntuj dua. Niam ML xaiv lub zos Laus los rau nws ua txoj hauj lwm ntawd. Niam ML qhia kom nws to taub txog tias nws lub neej yog yuav tsum niaj hnub ua lub siab ntev ntev ua zoo rau cov neeg txhaum, txais tos lawv zoo tas mus li. Tswv Ntuj kuj pub tej lub txiaj ntsim rau Benoîte kom nws txawj paub tau hauv neeg nruab siab, paub tau hais tias leej twg muaj txhaum hnyav nyob hauv nws. Benoîte kuj muaj lub txiaj ntsim to taub txog hais tias kev txhaum tsis yog ib yam me, tiam sis yog ib yam loj tiag tiag uas ua rau neeg plam txoj kev tau zoo nrog Tswv Ntuj nyob.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 17th June 2010, 4:52 pm

    Thaum lub caij ntuj no xyoo 1664-65, cov ntseeg nquag tuaj teev ntuj hu nkauj cav txog Niam Mab Liab thaum hmo ntuj, ces sd hnov txog cov xwm tshwm sim coob zuj zus. Txij li lub 3 hlis tim 19, 1665 uas yog hnub ua hmoov nco txog leej ntshiab Yos Xes, cov neeg cia li pib tuaj teev ntuj (pilgrimage) nyob Laus los mus lawm. Lawv tuaj vam khom NML pab. Lawv tuaj daws txhaum thiab txiav txim siab hloov lawv lub neej mus ua qhov zoo.

    Notre Dame du Laus 19249_271625388568_68944523568_4319342_5514008_n

    Benoîte lub neej tsuas yog nrhiav ua kom Niam Mab Liab thiab Tswv Ntuj nto koob meej xwb. Nws kawm kev txawj xav, kev thoob tsib thiab kev hlub cov neeg txhaum ntawm Niam Mab Liab los. Nws txawj siv tej lo lus pab kom lawv tig rov los cuag Tswv Ntuj. Nws pab qhia kom cov neeg nyiam HT Yes Xus hauv lub Cim Yug.

    Thaum lub 4 hlis 1665, pib muaj hwj huam yees ntxwv kho tej tus neeg mob zoo hlo. Muaj ib tug txiv neej ceg qhuav, thaum tuaj nws nrig pas xwb, thaum rov, nws kwv nws tus pas nrig saum xub pwg rov qab. Muaj ib tug txiv plig hluas hu ua Jean Peytieu tuaj pom cov neeg mob siab tuaj teev ntuj coob, tuaj daws txhaum coob, kuj ua rau nws ntseeg Benoîte thiab cov xwm tshwm sim nyob Laus. Lub caij ntawd kuj muaj ib tug tub hluas muaj 15-16 xyoo, nws tuaj teev ntuj ntawm Laus thiab. Tom qab, nws yuav xaiv ib lub neej teev ntuj nyob twj cuab, thiab nws yuav yog ib tug txhawb Benoîte tes hauj lwm thiab pab Benoîte ntau. Thaum lub 8 hli 1665, tus TP nyob Gap, hu ua TP Pierre Gaillard kuj tuaj xyuas Laus thiab. Nws pom muaj coob leej TP tuaj ua kev daws txhaum  rau cov neeg, nws pom neeg coob kub siab teev ntuj, ua rau nws xav tias yuav tsum muaj tseeb xwb. Tiam sis nws pom zoo li  sd coj tsis muaj ib tug cai li ces ua rau nws ntxhov siab, nws thiaj hais mus rau tus TP loj nyob tom Embrun.

    Thaum lub 9 hlis tim 14 xyoo 1665, tus TP loj nyob Embrun, hu ua TP Antoine Lambert, thiaj coj ib pab nrog nws tuaj pib tshawb xyuas txog cov kev tshwm sim no. Nws yog ib tug neeg tsis ntseeg txog cov xwm no li, nws xav hais tias nws yuav tuaj ua kom txoj kev cuav tawm plaws ces yuav tsis muaj hais txog ntxiv lawm. Benoîte  hnov tias nws yuav tuaj mas Benoîte  kuj ntshai thiab nyuaj siab kawg. Tiam sis NML hais rau nws kom txhob ntshai thiab NML qhia nws kom hais ib co lus teb rau TP Lambert li no: “Koj muaj lub peev xwm yuam tau kom Tswv Ntuj nqes saum ntuj los (nyob hauv lub mov thiab cov cawv), vim koj tau txais lub peev xwm ntawd thaum koj txais lub Cim Tiag Tes ua leej choj. Tiam sis koj tsis muaj lub peev xwm yuav yuam tau Tswv Ntuj leej Niam…”. Muaj ib tug txiv plig uas nyob hauv pab ntawd txawm kom Benoîte yuav tsum hais NML ua ib yam hwj huam yees ntxwv mas lawv thiaj ntseeg. Benoîte tsuas teb Niam ML cov lus saud rau lawv xwb. Txiv plig Lambert kuj qhuas Benoîte tej lus teb kawg, tiam sis nws tuaj nug Benoîte ntev loo tas los nws yeej tsis ntseeg li. Nws pom neeg tuaj coob ces nws kuj xav tias yuav ua kom muaj ib tug kev cai los kav cov kev tuaj teev ntuj ntawm thaj chaw ntawd. Nws npaj yuav tso ob tug txiv plig tuaj saib xyuas cov kev tuaj teev ntuj, thiab nws npaj hais tias yuav kho lub tsev teev ntuj me me ntawd kom loj zog. Tim 16 lub 9 hlis, nws nrog Benoîte  tham tas lawm ces nws sawv kev rov qab mus tsev, tiam sis Ntuj tsis pub, ntuj los nag hlob hlob kom nws tsis tau kev mus tsev. Ces nws thiaj nyob tos. Tim 17, los nws npaj mus tsev dua, tiam sis ntuj kuj rov los nag dua thaiv nws kev thiab.

    Thaum ntawd muaj ib tug ntxhais muaj 22 xyoos tej, hu ua Catherine Vial, uas tau ib hom mob ua kom nws ob txhais ceg cia li quav rov nraum nrob qaum, ob lub luj taws mus chwv nws ob lub pob tw, xyab tsis tau rov los li. Nws niam nws txiv nrhiav txhij nrhiav txhua kho los tsis tau li. Tab tom thaum ntawd, lawv coj tus ntxhais ntawd tuaj teev ntuj nyob Laus. Lawv ua kev thov ntuj cuaj hnub (novena) kom NML pab. Hmo tim 17 rau 18 ntawd yog hmo ua ntej hnub kawg ntawm cuaj hnub teev ntuj, tus ntxhais ntawd txawm cia li xyab tau nws ob txhais ceg rov qab, mus taus kev thiab cia li zoo hlo li lawm. Tag kis sawv ntxov, hnub tim 18, thaum TP Lambert pib ua thaj txi ntuj, tus ntxhais tuaj koom thaj txi ntuj, nws tsis zaum laub, tsis tas yuav tus hwj li yav tas los,  nws taug kev tuaj nws ib leeg xwb. Sawv daws qw zom zaws tias: “Hwj huam yees ntxwv os! Hwj huam yees ntxwv os! (Miracle!).” Txiv plig ua yuav luag tsis tsheej thaj txi ntuj. Thaum ua thaj txi ntuj tas nrho, TP maj nrawm nroos los nug tus ntxhais ntau yam, thiab nug cov neeg uas ib txwm paub txog nws qhov mob. Ces TP thiaj mam lees tias: “Tswv Ntuj tus ntiv tes nyob ntawm no tiag lauj!”

    Notre Dame du Laus N68944523568_1825703_674

    Ces txij hnub tim 18 lub 9 hlis xyoo1665 ntawd, uas yog ob hnub tom qab Benoîte hnub yug, nws tab tom muaj 18 xyoo nkaus, tus tswv qhia hauv cheeb tsam Laus thiaj zeem tias cov kev tshwm sim ntawd yog tseeb. Thiab tswv qhia kuj tso cai kom kho lub tsev teev ntuj  me me, chapelle Notre-Dame de Bon-Rencontre,  ntawd kom loj tuaj.  Thiab nws kuj xa ob tug txiv plig hluas hluas, TP Antoine Eyriey thiab TP Charles Lombard,  mus saib xyuas lub tsev teev ntuj ntawd thiab pab cov neeg uas niaj hnub tuaj teev ntuj. TP Lambert kuj tso TP Pierre Gaillard tuaj pab nkawd thiab. Tiam sis TP Antoine Eyriey nyob tsis ntev,  lawv muab dua ib tug TP tuaj hloov nws lawm.

    Neeg cia li tuaj sib laub sib lug, tuaj puv ntom nkaus qhov txhia chaw, ces cov txiv plig thiaj to taub hais tias tis yog yuav kho lub tsev
    teev ntuj me me, tiam sis yuav tsum txhim kiag ib lub tsev teev ntuj tshiab loj mas thiaj yuav ntim tas cov neeg. Ces tus TP loj uas yog TP Lambert thiaj hu TP Gaillard tuaj hauv zos Laus. Lawv thiaj sib tham ntau hnub txog kev yuav txhim ib lub tsev teev ntuj tshiab, yuav ua lub loj li cas thiab lub zoo li cas. Thaum tham tag lawm, lawv mam li paub txog tias Niam ML twb xub qhia Benoîte  tas lawm tias xav ua lub loj li cas zoo li cas. Thiab lawv mam ceeb tias cas lawv kuj txiav tau raws nkaus li Niam ML tau thov.  Muaj ib yam uas lawv tsis tau hais txog li, yog qhov tias yuav siv lub tsev teev ntuj me me (Chapelle Notre-Dame de Bon-Rencontre) zoo li cas. Tiam sis thaum ua tiav, lub tsev teev ntuj me me kuj muaj chaw huv tib si nyob rau hauv lub tsev teev ntuj loj. Lawv ua tau plaub xyoos xwb, lub tsev teev ntuj tshiab twb tiav tas. Yog muab xam tias thaj chaw ntawd tsis nyob rau ib qho yooj yim mus los li, tiam sis lawv
    kuj nrhiav tau tej ntoo tej pob zeb tas puas tsav yam ua vaj ua tsev txaus, lawv kuj thiaj tau tuaj txog ntawm chaw, thiab cov neeg zej zog yog neeg pluag, tiam sis lawv kuj muab tau nyiaj los them cov neeg tuaj txhim vaj txhim tsev, mas lub sij hawm plaub xyoos kuj yog ib qho hwj huam yees ntxwv lawm thiab.

    Cov neeg txom nyem uas tuaj teev ntuj pab txhim lub tsev teev ntuj zoo li cas?  Cov saib hauj lwm tshaj tawm rau sd tias kom thaum lawv tuaj teev ntuj ntawm Laus, thov ib leeg nqa ib lub pob zeb tuaj. Ces sawv daws zoo siab hlo ua li ntawd. Tus hlob tus yau tus laus tus hluas, leej twg tuaj thaum twg ib leeg nqa ib lub pob zeb tuaj xwb ces txij xyoo 1665 tag mus rau 1669, sawv daws txawm pluag txom nyem los yeej nqa tau pob zeb txaus txhim lub tsev teev ntuj lawm. Cov neeg tuaj ua hauj lwm txhim vaj txhim tsev los yog cov neeg tuaj teev ntuj pub nyiaj ces lawv thiaj tau txais nyiaj hli, yog lawv tsis pub nyiaj ces lawv kuj tsis tau txais nyiaj hli li. Muaj ib zaug, tau ntau hnub lawm cov neeg ua hauj lwm tsis tau nyiaj hli li lau, ces lawv txawm sib tham zom zaws tias lawv yuav tso tseg tsis
    txhim lub tsev teev ntuj ntxiv lawm. Cov saib hauj lwm kuj mob siab tshaj tawm thiab thov cov neeg tuaj teev ntuj tas zog kom pab nyiaj thiaj tau them cov neeg ua hauj lwm. Ces muaj ib hnub ib tug poj niam txawm tuaj, nws kuj hnav xws li ib tug neeg pluag pluag thiab xwb, tiam sis nws tso tau ib lub txiaj kub (un Louis d’or) muaj nqes li 5000 euros rau hauv lub pob tawb sau nyiaj. Muaj ib
    tug tswv qhia uas nws yog tus tiam lis rau tus vaj nyob Espagne, nws tau cog lus rau Niam Mab Liab nyob Laus tias yog nws zoo mas nws yuav pab nyiaj, ces nws tus mob txawm zoo tiag. Nws kuj xa tau 300 livres, muaj nqe li 135000 euros tuaj thiab. Ces cov neeg tuaj ua hauj lwm thiaj tau nyiaj hli, thiaj tsis tham qhov yuav tsum hauj lwm ntxiv lawm.

    Notre Dame du Laus N68944523568_1825698_540

    Niam ML nyob Laus yog ib leeg niam xav pab thiab kho cov neeg txhaum tej siab ntsws kom hloov los ua neeg hwm Ntuj. Nws yog cov neeg txhaum lub chaw vam khom (Refuge of Sinners). Tiam sis nws kuj xav pab cov neeg txom nyem hauv lawv lub cev thiab. Nws hais rau Benoîte tias kom siv cov roj uas nyob hauv lub teeb tsav uas taws rawv rau ntawm lub Tsev Tsam Phooj rau Yes
    Xus lub Cev (Tabernacle). Yog cov neeg mob leej twg ntseeg tiag, thiab muab cov roj ntawd los pleev lawv lub cev, thiab thov Niam Mab Liab tas nrho lawv siab ntsws, mas lawv tej mob yuav zoo hlo. Ces tsis ntev xwb, muaj coob leej mob txawj zoo hlo tiag. Thawj ob xyoos xwb, txij lub 3 hlis 1665 mus txog lub 6 hli 1667, muaj neeg tuaj teev ntuj coob coob, cov tuaj daws txhaum los coob npaud, cov tuaj txais Yes Xus lub cev los coob npaud. Lub caij ntawd, tus juge Grimaud tau sau muaj txog li 61 leeg uas tus mob zoo hlo lawm. Cov coob yog siv cov roj ntawm lub teeb. Niaj hnub nyem no los neeg yeej tseem niaj hnub siv cov roj ntawm lub teeb ntawd, thiab tseem muaj cov uas tej mob cia li zoo hlo thiab.

    Benoîte mob siab ua nws txoj hauj lwm uas Niam ML kom nws ua, yog pab cov neeg txhaum npaj lawv lub siab kom lawv txiav siab mus daws txhaum thiab nquag mus daws txhaum ntxiv, thiab yog qhia kom peb cov ntseeg saib lub Cim Yug muaj nqes. Txij lub 9 hlis 1665, Benoîte  nyuam qhuav muaj 18 xyoo xwb, nws twb pib ua nws txoj hauj lwm mus lawm. Nws twb pib nyeem tau hauv ib tug neeg nruab siab tias nws zais kev txaug kev txhaum los tsis zais lawm, thiab nws pib qhia kom tus neeg txawj txiav siab mus daws txhaum. Thiab txij 1665 thaum xyoo tas, Benoîte pib pom ib tug Tshiab, yog nws tus Tshiab Pov Hwm,  pheej nquag tuaj pab nws. Thaum ntawd nws tseem nyob hauv St-Etienne d’ Avançon, nws niaj hnub tuaj mus rau Laus.  Nws tuaj txais tos cov neeg uas tuaj teev ntuj, nws pab cov uas xav mus daws txhaum.  Nws pib teev ntuj ntau, tsaug zog tsawg tsawg li ob los peb teev ib hmos
    lawm xwb.

    Xyoo 1666, Benoîte mus cog lus nyob hauv lub koom haum Tiers-Ordre de st Dominic. Yog ib lub koom haum rau cov laics (lay people) xwb. Tiam sis lawv muaj ib tug cai uas lawv yuav tsum coj.

    Xyoo ntawd, Niam ML tuaj hais rau Benoîte li no:  
    “Kuv tau thov thaj chaw Laus ntawm kuv leej Tub cia ua ib qho chaw rau cov neeg txhaum tuaj daws txhaum, ces nws kam muab rau kuv lawm.”

    Benoîte  txoj hauj lwm tsis yog yooj yim li. Nws txhawb ob tug txiv plig kom ua siab ntev ntev thiab ua zoo hais lus zoo rau cov neeg txhaum lawv thiaj xav tuaj daws txhaum. Nws qhia rau nkawd kom nkawd ceeb toom rau cov neeg ntseeg kom paub txog qhov tias
    yog lawv tau ua ib qho txhaum hnyav mas lawv yuav tsis txhob tuaj txais Yes Xus lub Cev, yuav tsum xub mus daws txhaum ua ntej kom tas tso mam tuaj txais Yes Xus lub Cev. Nws kuj qhuab ntuas cov poj niam thiab cov ntxhais uas coj ib lub neej tsis tsim txiaj, tej zaum muaj me nyuam tseem rho me nyuam tib si. Nws tseem pab cov txiv neej uas coj ib lub neej tsis ncaj ncees, thiab cov txiv plig los cov leej tij los leej phauj uas ua tsis raws lawv txoj kev cog lus tib si. Nws qhuab ntuas cov neeg uas tsis kam mus daws txhaum kom lawv txiav siab tau mus daws txhaum. Nws taw rau tus txiv plig twg yuav pab tau lawv. Benoîte thov ntuj tsis tseg rau cov neeg txhaum. Xws li thaum lawv tab tom mus daws txhaum, nws mob siab thov ntuj pab lawv. Nws tseem ua kev yoo them txim txhaum
    pab rau lawv tib si.

    Lub Koom Txoos qhia txog kev daws txhaum zoo li no tias: “Leej Pleev tau tsim lub Cim Daws Txhaum los pab rau cov neeg txhaum nyob hauv nws lub Koom Txoos, tshwj xeeb yog cov neeg uas thaum txais lub Cim Ntxuav tas lawm,  tau rov poob rau kev txhaum hnyav… Lub Cim Daws Txhaum yog ib txog kev rau lawv rov los cuag Tswv Ntuj thiab rov tau lub txiaj ntsim dawb huv… (Lub Cim Ntxuav yog thawj daim txiag tuam rau peb mus txais Tswv Ntuj lub txiaj ntsim. Thaum peb ua lub txiaj ntsim ploj vim kev txhaum, lub Cim Daws Txhaum yog daim txiag thib ob tuam rau peb rov mus txais Tswv Ntuj lub txiaj ntsim dua)…(CEC 1446, 1441)

    Notre Dame du Laus N68944523568_1825702_432

    Lub Rooj Ncauj Lus nyob Trent, xyoo 1545-1563 tau tshaj tawm tias, ib tug neeg ntseeg yuav tsum tau mus daws nws cov txhaum hnyav kom tas huv si thiaj yuav tau txais kev cawm. Txhais hais tias yog yus tseg ib qho txhaum hnyav yus tsi daws xwb los yus yuav tsis tau txais kev cawm li. Muaj ib txhia tej zaum yuav xav tias cas yuav ua nyuaj ua luaj, vim sd tsis nyiam mus qhib yus lub qe rau leej twg. Tiam sis peb yuav tau txhob xav li ntawd. Tswv Ntujyog ib tug ntshiab tas nrho, peb yuav tsum tsis muaj ib qho dub nyob hauv peb, peb thiaj yuav nkag tau mus rau hauv Tswv Ntuj lub Ceeb Tsheej. Yog peb paub tias peb muaj ib qho dub nyob hauv peb lub siab tus ntsuj plig lawm, mas peb lub siab yeej nyob tsis tus thiab yeej tsis muaj kev kaj li. Txoj kev daws txhaum tsis yog ib lub nra hnyav rau peb ris, tiam sis yog ib txoj kev rau pebtau mus txo peb lub nra hnyav uas yog kev txhaum pov tseg kom peb rov ntsib kev
    tiaj tus kev kaj siab. Thaum peb ua txhaum peb zoo li khiav tawm ntawm peb leej Txiv lub xub ntiag mus lawm. Thaum peb mus daws txhaum yog peb rov mus cuag leej Txiv uas nthuav tes tuaj puag peb qawg peb rov rau hauv nws lub xub ntiag hlub peb xwb.

    .......Mam txxuas ntxiv........


    Last edited by Mim on 6th October 2018, 5:24 am; edited 7 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 17th June 2010, 5:12 pm



    Nyob zoo Mim,

    Ua tsaug rau nws kev tshaj lij thiab lub sij hawm muaj nqes uas los txhais tej zaj ntev npaum no rau peb nyeem. Nws lub txiaj ntsim yuav nyob mus li, nws lub txiaj ntsha yuav nyob tsis muag tag. Tus neeg siab nkiag, Tswv Ntuj tus duab ntxoo yuav roos nws mus ib txhiab, tus neeg siab zoo Tswv Ntuj lub txiaj ntsim yuav nrog nws sib puag npoo. Txhua yam nws tau muab lub dag lub zog los siv, yuav yog ib lub txiaj ntsim rau peb Haiv Hmoob nyob tsis muaj caij kawg.

    Kuv ua nws tsaug.


    Notre Dame du Laus Ange52



    cache_12.jpg
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 21st June 2010, 6:47 am



    Nyob zoo Mim,

    Hnub no kuv muab lub caij los nyeem tag nrho Niam Mab Liag nyob Laus uas nws txhais nov. Zoo kawg nkaus nawb mog. Kuv ua nws tsaug ntau, yog tsis muaj nws lub peev xwm mas ntshe Peb Hmoob yuav tsis nrog luag muaj tug ib qho li.

    Kuv hais rau nws paub tias kuv tau kho nws ib lo lus lawm; yam li nws tau sau tias: qhuav ceg. Lo lus qhuav ceg txhais tias nka tawv, yuag nka tawv, ceg me me es tsis yog ceg qhuav. Ceg qhuav txhais tias txhais ceg mob es tsis hlob, qhuav lawm.



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 21st June 2010, 12:37 pm

    Maiv Tooj wrote:

    Nyob zoo Mim,

    Hnub no kuv muab lub caij los nyeem tag nrho Niam Mab Liag nyob Laus uas nws txhais nov. Zoo kawg nkaus nawb mog. Kuv ua nws tsaug ntau, yog tsis muaj nws lub peev xwm mas ntshe Peb Hmoob yuav tsis nrog luag muaj tug ib qho li.

    Kuv hais rau nws paub tias kuv tau kho nws ib lo lus lawm; yam li nws tau sau tias: qhuav ceg. Lo lus qhuav ceg txhais tias nka tawv, yuag nka tawv, ceg me me es tsis yog ceg qhuav. Ceg qhuav txhais tias txhais ceg mob es tsis hlob, qhuav lawm.

    Tais Tooj,

    Ua li lod... Kuv tseem tsis tau paub lub ntsiab li koj hais ko li nawb, ua koj tsaug os...uas koj tuaj pab kuv kho rau... Lo lus twg kuv siv tsis yog nej cov paub yeej meem tuaj pab kho thiab qhia rau kuv thiaj paub siv lwm zaus os...
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 21st June 2010, 1:05 pm

    Notre Dame du Laus ntxiv...

    Tus ntxhiab tsw qab nyob Laus

    Notre Dame du Laus 3496513325_9cdd0ee2df

    Peb twb tau nyeem txog tias thaum Niam ML qhia kom Benoîte mus nrhiav lub tsev teev ntuj me me nyob Laus, mas Niam ML tsis qhia tias lub zoo li cas, tiam sis Niam ML qhia kom mus nrhiav lub uas “hnov tsw tsw qab.” Yog li tus ntxhiab tsw qab ntawd yog ib yam xwm nquag tshwm sim nyob hauv Benoîte lub neej. Xws li thaum HT Yes Xus yuav tshwm sim rau Benoîte nyob ntawm tus Ntoo Cuam d’Avançon (Croix d’Avançon), mas yog ib tug ntxhiab tsw tsw qab coj Benoîte mus rau ntawm thaj chaw ntawd. Ntau zaus ua ntej Niam ML yuav tshwm sim, los yog cov leej ntshiab los cov tshiab, los yog HT Yes Xus yuav tshwm sim mas Benoîte yeej xub hnov tsw tsw qab. Cov ntxhiab ntawd tsis yog tsw zoo ib yam tas nrho. Benoîte piav li no txog cov ntxhiab: “Cov tshiab tus ntxhiab tsw txawv ib tug rau ib tug, tej tug tsw heev dua lwm tus; hos Niam ML tus ntxhiab mas tsw tau muaj zog tshaj tas nrho ib tsoom tshiab thiab leej ntshiab cov ntxhiab tib si los ua ke…”

    Tsis yog Benoîte ib leeg xwb thiaj hnov cov ntxhiab tsw qab ntawd. Pib txij lub Caij Hla xyoo 1666 (Pâques 1666), cov neeg kuj pib txawj hnov tsw tsw qab thiab. Cov neeg piav zoo ib yam txog cov ntxhiab ntawd li no: “Yog ib co ntxhiab uas ua rau tus neeg cia li hnov zoo zoo siab, thiab ua rau nws nco ntsoov, thiab rub kom nws nyiam tuaj teev ntuj ntawm thaj chaw no.” Cov neeg sd yeej to taub hais tias tus ntxhiab tsw tsw qab ntawd yog qhia hais tias Niam ML yeej tuaj nyob ntawm Laus tiag. Thaum lub caij
    Hla 1666 ntawd, tus Tswv Qhia nyob Gap kuj tuaj xyuas Laus thiab. Nws piav li no txog tus ntxhiab tsw qab: “Kuv tab tom sau cov thaj txi ntuj tshwj xeeb (messes votives/votive masses) rau hauv ntawv, nyob ntawm hauv ntej lub tsev teev ntuj me me ntawd, kuv txawm cia li hnov ib tug ntxhiab tsw tsw qab, hnov ntev li 15 fiab tej. Hauv kuv lub neej kuv tsis tau hnov dua ib tug ntxhiab tsw
    qab li ntawd li, nws ua rau kuv hnov zoo zoo siab yuj plaws li. Qhov ntawd ua rau kuv haj yam ntseeg heev txog cov kev tshwm sim no, uas kuv ib txwm yeej ntseeg los. Vim cov ntxhiab tsw qab uas yus hnov nyob ntawm ib thaj chaw yeej qhia tias thaj chaw ntawd yog ib thaj chaw ntshiab, thiab muaj tej yam khoom ntshiab uas yus yuav tsum hwm…”

    ==============================================

    Muaj neeg pib nrhiav kev txo txoj kev teev ntuj nyob Laus
    (Tsis hais HT Yes Xus, tsis hais cov leej ntshiab, leej twg ua Tswv Ntuj txoj hauj lwm mas yeej yuav tsum ntsib kev raug tsim raug lem thiab kev nyuaj xwb xwb li)

    Notre Dame du Laus Notre_Dame_du_Laus_3
    Muaj coob leej ntseeg txog cov xwm tshwm sim nyob Laus, tiam sis kuj muaj coob leej uas tsis ntseeg. Cov tsis ntseeg cav hais tias yog dab phem tshwm sim tuaj xwb. Thaum lub caij ntuj no xyoo 1668-69, nyob nyob cia li pom muaj ib daig ntawv lo rau ntawm lub qhov rooj tsev teev ntuj nyob Laus, txwv tsis pub teev ntuj los yog ua tej yam ua yog kev teev hawm Tswv ntuj nyob hauv lub tsev teev ntuj ntawd lawm. Tsis paub hais tias yog leej twg ua daim ntawv ntawd li. Tsis ntev tom qab, Niam ML tshwm sim tuaj hais rau Benoîte kom muab daim ntawv tshem, yuav tsum tau mus teev ntuj, ua Thaj Txi Ntuj li yav tas nyob hauv tsev teev ntuj.

    Thaum lub 3 hlis 1669, muaj ob tug txiv plig tshiab tuaj hloov cov qub, yog TP Jean Petieu thiab TP Barthélémy Hermitte. Ob tug txiv plig no mob siab txhawb thiab pab Benoite hee. Nkawd tuaj ua hauj lwm daws txhaum nruab hnub hmo ntuj. Nkawd siv zog kawg nkaus li ua kom Benoite thiab Niam Mab liab txoj hauj lwm mus deb ib kauj ruam ntxiv.

    Cov Paj Ntshua Nplaim (Roses)


    Tim 15 lub 3 hlis ntawd
    , muaj ob peb tug txiv neej txawm tuaj hais Benoîte tias lawv yuav mus txo nws niam cov ceg hmab txiv cawv tom roob Pindreau no, ces Benoîte thiaj nrog lawv mus, nws thiaj muab lub sij hawm ntawd mus teev ntuj hauv ib lub tsev teev ntuj me me (chapelle) uas nyob ze Pindreau. Nws mus teev ntuj ntev ntev nyob hauv, ib txhia hais tias nws teev ntuj ib hmos kaj ntug nyob hauv no. Thaum sawv ntxov, Niam ML muab tau ib tsuag paj ntshua nplaim (roses) rau nws. Benoîte muab tau ib co pub rau cov neeg tuaj txo ceg hmab txiv cawv. Lawv kuj xav tsis thoob tias ua cas muaj ib co paj cauj ua luaj li (nyuam qhuav yog lub 3 hlis xwb) thiab yuav tsw qab ua luaj li, “tsw qab tshaj peb cov...”

    Xyoo 1670, Benoîte tsiv los nyob kiag hauv Laus lawm. Muaj ib tug TP loj tshiab tuaj nyob Embrun, hu ua Jean Javelly, tuaj pauv TP Lambert. Nws hnov ntau yam tsis sib thooj txog txoj kev teev ntuj nyob Laus, nws thiaj xav nug kom paub tseeb tseeb txog. Ces nws hu Benoîte thiab nws niam tuaj. Tau 10 hnub nkaus, nyob hauv lub sij hawm txij lub 5 hlis tim 26 txog lub 6 hli tim 8, lawv niaj hnub hu Benoîte mus nug, lawv tsis pub muaj neeg nrog nws li kom tsis txhob muaj neeg rau tau tswv yim rau nws thiab kom lawv thiaj txwv tau nws. Tiam sis lawv nug pes tsawg hais pes tsawg los nws teb ib yam li qub, thiab nws teb tau meej meej, tsis muaj xyem xyav li. Tsis tas li ntawd xwb, 10 hnub ntawd, Benoîte yeej yoo tsis noj ib lub mov li, los nws tsis qaug, nws lub tswv yim yeej meej pem ib yam li qub tas li, ua rau lawv cia li xav tsis thoob.

    Lub caij 10 hnub ntawd, muaj ib zaug Benoîte kuj tau pom Niam Mab Liab thaum tab tom ua thaj txi ntuj hnub Fete-Dieu (Corpus Christi or Most Holy Body and Blood of Christ). Niam ML thiaj qhia Benoîte paub tias, “Embrun yog ib qho chaw yuav tawm tsam txoj kev teev ntuj nyob Laus, tiam sis kom ua siab loj, rau siab thov nws Leej Tub Yes Xus, ua qhov zoo tas mus li xwb, thiab ua siab ntev ntev nyiaj tas puas tsav yam uas luag ua rau nws thiab ua rau Laus. Muaj ib hnub tom ntej, cov neeg ua phem ntawd yuav tau poob ntsej muag.”

    TP Jean Javelly pom kiag thaum Benoîte tab tom pom Niam ML, nws tau nug Benoîte txog tej yam Niam ML hais, ces nws ntseeg hais tias Benoîte tsis dag, nws yeej muaj txoj hmoov zoo tau pom Niam ML tiag. Ces nws tso Benoîte rov los tsev hnub tim 8 lub 6 hli xyoo 1670. Vim li ntawd kuj tsis muaj dab tsi yuav los tav Benoîte kev nyob Laus. Nws txoj hauj lwm mus tau zoo, neeg tuaj teev ntuj, tuaj daws txhaum coob dua qub ntxiv xwb. Yog neeg pheej yws txog tias sd mus xyuas Laus tas li xwb tsis tuaj teev ntuj hauv tsev teev ntuj ntawm zos li, mas TP Javelly teb lawv tias, “Tsis yog Benoîte ua kom sd tsis tuaj teev ntuj ntawm peb no, yog peb cov txhaum ua kom sd tsis tuaj xwb. Yog vim peb twb tsis kub siab tsis mob siab rau txoj kev teev ntuj ces neeg thiaj mus dua tod lawm. Peb yuav tsis txhob txwv tsis txhob tav kev, los tsis txhob ua tej yam los cuam tshuam tus poj niam ntawd uas kuv paub zoo tias yog ib tug neeg dawb huv. Peb yuav tsum tau ceev faj kom txoj kev teev ntuj tsis txhob ploj ntais hauv peb lub xeev mus, peb yuav tau koom tes nrog Benoîte kom kev teev ntuj thiaj ruaj khov nyob ntawd xwb.”

    Notre Dame du Laus 19249_271625408568_68944523568_4319345_5675600_n

    Xyoo 1671 lub 11 hlis, muaj ib tug Tswv Qhia tshiab tuaj nyob rau Embrun, nws hu ua Tswv Qhia Charles Brulard de Genlis. Nws yuav nyob txog thaum nws tuag, lub 11 hlis tim 3, 1714. Tus Tswv Qhia no yeej tsis ntseeg txog cov xwm tshwm sim nyob Laus li. Tiam sis nws kuj xav paub qhov tseeb. Ces tim 4 lub 12 hlis, 1671, nws thiaj nrog kiag Benoîte tham. Nws hu Benoîte tuaj nug. Benoîte txhos caug ntev li 3 teev tawm ntawm nws hauv ntej teb nws cov lus nug. Nws thiaj pom tau hais tias yeej yog Niam Mab Liab tshwm sim rau Benoîte tiag thiab xaiv Benoîte los ua Tswv ntuj txoj hauj lwm.

    Xyoo 1670 mus rau 1672, Niam ML kuj tseem nquag nquag tuaj xyuas Benoîte, tuaj qhuab qhia nws ntxiv txog txoj kev tos txais cov neeg tuaj teev ntuj ntawm Laus. Thiab nws qhia kom Benoîte ua ib tug neeg mloog lus. Niam ML kom Benoîte yuav tsum ceeb toom rau tej tug neeg txhaum txog lawv cov txhaum, thiab kom lawv yuav tsum mus thov Tswv Ntuj kev khuv leej lawv. Tiam sis Benoîte tsis tshua nyiam ua qhov ntawd, nws xav tias nws twb yog neeg txhaum thiab, ces muaj qee zaum nws txaj muag tsis kam mus hais rau cov neeg txhaum raws li Niam ML hais, nws tos kom Niam ML hais nws ob peb zaug lawm nws mam ua xwb, ces Niam ML kuj ntuas nws txog qhov no, tias nws yuav tsum tau ua, yuav tsum tau mus hais cov neeg txhaum.


    Muaj ntau yam lus uas Niam ML qhia rau Benoîte. Niam ML qhia kom Benoîte mus hais rau cov Txiv plig kom lawv ceev faj txog lawv tus cwj pwm uas lawv coj, thiab txog tej chaw los cov neeg uas lawv mus poog, thiab kom lawv yuav tsum ceev faj zoo tiag tiag txog cov tswv yim jansenistes. (Cov Jansenistes yog ib co txiv plig uas qhia ib lub tswv yim txawv tsis haum lub Koom Txoos kev ntseeg. Lawv ntseeg tias muaj predestination: yog lub tswv yim tias Tswv Ntuj yeej pub ua ntej kom ib pab neeg tau txais kev cawm lawm. Hos cov uas Tswv Ntuj tsis pub ces, lawv yeej tsis tau txais kev cawm li. Thiab lawv tsis nyiam txoj kev nquag mus txais Yes Xus lub Cev, vim lawv tsis ntseeg tias yog ib tug neeg tsis muaj txhaum hnyav nyob hauv nws mas nws mus txais tau Yes Xus lub Cev niaj hnub. Lawv lub tswv yim xav tias tib neeg yog neeg txhaum, mas peb tsis tsim nyog yuav niaj hnub mus txais Yes Xus lub Cev no).

    Niam ML kuj qhia rau Benoîte txog tias nws yuav tsum tau npaj siab nyiaj kev txom nyem nyuaj siab ntau heev.

    Niam ML nquag tuaj txhawb Benoîte dag zog:
    - “Me ntxhais, txhob nyuaj siab… Ua siab ntev ntev… Ua koj txoj hauj lwm luag ntxhi… tsis txhob ntxub cov uas ntxub Laus.”

    Benoîte tus Tshiab Pov Hwm kuj tuaj nrog nws tham qhia nws tas zog thiab:
    - “Thaum ib tug neeg zoo siab luag ntxhi, mas tas txhia yam nws ua kuj haum Tswv Ntuj siab. Thaum ib tug neeg npau taws, mas tsis muaj ib yam nws ua yuav ntxim Tswv Ntuj siab li.”

    Thiab nws kuj tseem hais li no txog Laus:
    - “Txoj kev teev ntuj nyob Laus yog Tswv Ntuj txoj hauj lwm. Neeg thiab dab phem yuav muab rhuav tsis tau li. Nws yuav nyob mus txog thaum ntiaj teb kawg, yuav tawg paj txi txiv ntau zuj zus tuaj xwb.”

    Notre Dame du Laus 3496515731_a222abdb63
    Txij xyoo 1669 mus txog 1679, HT Yes Xus tau tshwm sim 5 zaug rau Benoîte pom xyeem. Muaj ib Hnub Rau (Friday) hauv lub 7 hli 1673, HT Yes ua tus raug txom nyem nqaij to los ntshav liab vog dai saum Ntoo Cuam, tshwm sim tuaj. Nws hais rau Benoîte tias:
    - “Me ntxhais, kuv tshwm sim zoo li no rau koj pom kom koj tau koom kuv txoj kev raug txom nyem.”

    Txij hnub ntawd mus, niaj Hnub Rau (Friday), Benoîte nrog Yes Xus nyiaj mob dai saum Ntoo Cuam. “Nws pw xyab ua daj npab li nyob saum Ntoo Cuam, ob txhais taw sib tshooj, ib txhais nyob saum ib txhais, nws cov ntiv tes tsis kaw ntom hos zoo li txawj luv tuaj thiab txhav tshaj tej tus pas hlau.” Thaum lub caij ntawd, Niam ML nquag tuaj pab nws, txhawb nws dag zog.

    Tiam sis xyoo 1677 mus txog xyoo 1679, Benoîte tseg tsis nrog Yes Xus dai saum Ntoo Cuam, vim yog lub caij lawv tab tom txhim lub tsev rau cov txiv plig nyob. Niam ML xav kom Benoîte los pab cov neeg tuaj txhim tsev, xws li pab lawv thiab nrhiav zaub nrhiav mov rau lawv noj, thiab ua tej yam raws li lawv xav kom pab . Thaum cov hauj lwm txhim tsev tiav lawm, lub 11
    hlis 1679, Benoîte rov qab pom Yes Xus dai saum Ntoo Cuam dua nyob ntawm tus Ntoo Cuam d’Avancon, ces nws cia li rov qab tau nrog Yes Xus nyiaj mob dai saum Ntoo Cuam niaj Hnub Rau dua. Nws nyiaj mob li ntawd mus txog rau xyoo 1684. Xyoo ntawd, muaj ib hnub Niam ML hais rau Benoîte tias:
    - “Koj yuav tsis tau nyiaj cov kev txom nyem Hnub Rau lawm, tiam sis koj yuav tau nyiaj lwm yam kev txom nyem.”

    Notre Dame du Laus Benoite3
    Lub caij Benoite pw xyab tes xyab taw nrog Yes Xus dai saum ntoo cuam

    Ces txij hnub ntawd los, Benoîte tseg tsis tau nrog Yes Xus dai saum Ntoo Cuam lawm.


    Last edited by Mim on 22nd June 2010, 11:58 am; edited 5 times in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 21st June 2010, 2:22 pm

    Xyoo 1680, Francois Aubin, uas yog ib tug leej tij hom nyob twj cuab (ermite), thiab yogi b tug txheeb Benoîte tsev neeg, nws pib tuaj ua hauj lwm hauv Laus pab Benoîte thiab. Nws pw tom nws lub tsev koom haum, tiam sis nruab hnub, nws niaj hnub tuaj pab ua thaj txi ntuj thiab tuaj pab txais tos qhua. Nws yog ib tug uas Benoîte ntseeg thiab tso siab rau.

    Notre Dame du Laus N68944523568_1825696_9967
    Lub Chapelle de Bon-Recontre
    Xyoo 1684, neeg tuaj sis dug coob kawg nkaus tuaj teev ntuj nyob Laus. Cov tub rog uas nyob Gap los tuaj coob kawg nkaus, lawv tuaj daws txhaum, pauv lawv lub neej thiab qhia cov lus nyob Laus rau thoob Fab Kis Teb. Tiam sis tsis ntev tom qab ces txawm pib muaj kev nyuaj tuaj. Benoîte cia li raug dab phem tuaj tsim txom nws. Nyob hauv Benoîte lub neej, nws tau nrog dab
    phem sib tawm tsam thiab raug dab phem tsim txom nws mus txog hnub nws tuag (ib yam li Padre Pio, tiam sis yog ntau pua xyoo ua ntej Padre Pio). Tiam sis Benoîte tsis swb rau dab phem kev haub kev ntxias, nws haj yam mob siab teev ntuj tsis tseg xwb. Muaj ib hnub dab phem thiaj qhia tias yog vim li cas nws thiaj tsim txom Benoîte ua luaj.
    - “Vim nws yog tus ua kom kuv plam coob tus ntsuj plig.”

    Xyoo 1689, TP Jean Peytieu, uas yog ib tug kub siab pab cov neeg tuaj daws txhaum, tas sim neej, tshuav TP Barthelemy Hermitte lawm xwb. Nws nyob txog tim 24 lub 8 hli 1693, ces nws kuj tas sim neej thiab. Ces tus TP hu ua Jean Magnin los hloov nws. Cov txiv plig uas kuv siab pab Benoite tso nws tseg tas, ces nws yuav ntsib kev tsim txom nyuaj siab thiab kev qaug zog iub ntus ntev tsawv.

    Xyoo 1692 lub 7 hli kawg, Benoîte nrog leej tij Francois Aubin thiab ob tug txiv plig yuav tsum tau khiav tawm hauv Laus mus nkaum nyob Marseille li ib ob lub hlis, vim tus Duke de Savoy cov tub rog tuaj ntaus lub xeev Gap. Thaum cov kev kub ntxhov ntawd dhau lawm, tseem muaj dua lwm yam kev nyuaj tuaj raug Benoîte ntxiv. Xws li cov kev nyuaj nram no:

    Xyoo 1693, muaj dua ib tug txiv plig tshiab pauv TP Jean Javelly lawm. Nws hu ua TP Gabriel Viala. Tus tshiab no tsis nyiam cov xwm tshwm sim nyob Laus kiag li. Nws muaj lub tswv yim ntseeg raws cov Jansenistes. Nws xa ob tug TP tshiab tuaj nyob Laus. Ob tug TP tshiab no tsis nyiam kev teev ntuj ntau, tsis nyiam pab cov neeg, tsis nyiam ua kev daws txhaum, lawv nyiam tawm rooj ntau xwb. Tiam sis txij 1693 mus txog 1696 tseem yog Jean Magnin tuav. Ces nws tseem pab Benoîte. Ob tug tshiab los pib hauj lwm xyoo 1696, nkawd tsis yog los pab Benoîte ua hauj lwm, nkawd los nrhiav kev cuam tshuam Benoîte, thiab ua kom Benoîte txhob ua nws txoj hauj lwm pab cov neeg txhaum xwb.

    Notre Dame du Laus 10530_190586333568_68944523568_3668455_6032754_n
    Thaum pib xyoo 1697, tus TP Laurent Leotaud, kuj tuaj nyob hauv Laus pab ob tug ua ntej tuaj thiab. Nws nyob mus txog xyoo 1698 yuav tas xwb. Nws los yog ib tug tsis nyiam cov xwm tshwm sim nyob Laus kiag li thiab. Ces txij xyoo 1696 mus txog 1714, lawv hais ib co lus phem tawm txog Benoîte thiab Francois Aubin (yog tus leej tij twj cuab uas pab Benoîte). Lawv tseb kom muaj kev tsis ntseeg Benoîte thiab cov kev teev ntuj nyob Laus. Lawv hais tias Benoîte yog ib tug niag neeg vwm qaug dab peg xwb, lawv ua tas puas tsav yam kom muab Benoîte txav deb ntawm cov neeg tuaj teev ntuj hauv Laus. Hos lawv kuj mus thov tau ib daig ntawv txwv tsis pub kom Francois Aubin nyob hauv Laus lawm, nws tsuas tuaj tau Hnub Chiv xwb, thiab tsuas tuaj koom tau ib thaj Txi Ntuj xwb.

    Xyoo 1698-99 ntawd tus TP tshiab uas tuaj hloov TP Leotaud xa tau ib tsab ntawv hais phem kawg txog Benoîte thiab Laus, thiab tseem hais tsis zoo txog TP Jean Magnin tib si mus rau Tswv Qhia de Genlis. Ces Tswv Qhia txawm npaj tias yuav muab Benoîte xa mus nyob ntsiag to rau hauv ib lub tsev koom haum cov phauj. Niam Mab Liab tuaj hais rau Benoîte kom ua siab ntev ntev xwb… Nws tus Tshiab pov hwm kuj tuaj qhia hais tias tsis ntev, cov TP ua hauj lwm ntawd yuav pauv mus nyob lwm qhov chaw tas…

    Xyoo 1700, lawv txwv kiag Benoîte tsis pub nws nrog cov neeg tuaj teev ntuj txuas lus li lawm thiab tsis pub nws mus teev ntuj, mus txais Yes Xus lub Cev niaj hnub, nws tsuas mus tau hnub Chiv xwb. Tiam sis Niam ML thiab nws tus Tshiab Pov Hwm nquag tuaj nplij nws. Nkawd txhob nws kom noj mov kom txaus thiaj muaj zog, Thiab kom nws yuav tsum ua ub ua no thiaj tsis poob rau kev mluas mlob, thiab kom nws thov ntuj pab rau cov neeg uas ua phem rau yus. Tus Tshiab qhia rau Benoîte tias:
    - “Tej kev txom nyem kev sim siab ntawd yog txoj kev rau yus taug mus saum ntuj xwb…”

    Notre Dame du Laus N68944523568_1825697_324
    Txawm muaj kev txom nyem nyuaj siab li ntawd rau Benoîte los neeg kuj tseem tuaj tsis tu ncua thiab, tsuas yog tuaj tsawg lawm, vim tsis muaj kev daws txhasum ntau, tsis muaj kev teev ntuj heev li yav tas los lawm xwb. Benoîte ua siab ntev nyiaj qhov kev txom nyem no mus txog xyoo 1712 (kuj yog kaum tawm xyoo diam thiab).

    Xyoo 1712 ntawd thaum lub 9 hlis, Tswv Qhia de Genlis tso Laus rau ib pab txiv plig tshiab, cov “Peres Gardistes” saib. Cov txiv plig no yog ib co txiv plig uas nyiam kev teev ntuj, thiab lawv txhib cov neeg kom hwm HT Yes Xus lub Plawv Ntshiab (lub Siab Ntshiab)(Sacred Heart of Jesus), thiab kom thov Niam ML uas yog cov neeg txhaum lub chaw vam khom. Lawv rov muaj kev daws txhaum ntau, ua kev txhawb siab los yog sau siab (retraites) rau cov neeg. Rov qab pom coob leej tig rov los ntseeg zoo (conversions), rov qab pom muaj neeg tej mob txawj zoo hlo (guerisons). Ces txij ntawd los, Benoîte thiaj tau kev rov qab los pab cov neeg txhaum li qub. Tiam sis nws yuav tsis tshuav caij ntev lawm.

    Xyoo 1716, tim 19 lub 9 hlis, Benoîte thiab tus leej tij Francois Aubin, rov qab cog lus nyob hauv lub koom haum St Francois de Paul, uas yog ib lub koom haum cov Peres Gardistes nyiam.
    Notre Dame du Laus Fghdfgh
    Xyoo 1717, txij lub caij Leej Ntuj Plig nqes los mus, Benoîte cia li pib muaj mob. Dab phem los tseem niaj hnub tuaj tsim txom nws tas mus li thiab. Lub caij Leej Ntuj Plig nqes los ntawd, Benoîte raug dab phem tsim txom sab kawg nkaus. TP Jean-Baptiste Royere sau tseg li no:
    - “…dab phem ntaus nws thiab cab nws tau plaub teev nkaus nyob hauv nws chav pw. Tag kis sawv ntxov peb pom nws. Nws muab nws txhais caj npab dub tag rau peb xyuas. Txij hnub ntawd los, nws ib ce cia li pib o zuj zus tuaj. Nws nyiaj yam mob no nruab hnub hmo ntuj… nws hais tias, ib hlis mas ntev cuag li ib xyoos ….”

    Xyoo 1718, tim 8 lub 11 hlis, Benoîte kom lawv sau tej yam nws xav kom lawv ua (son testament/ her will) cia. Hnub Yes Xug Yug, tim 25 lub 12 1718, nws txais Yes Xus lub Cev ua zaum kawg. Tim 28, yog hnub nco txog ib tsoom me nyuam uas tau
    tuag vim Yes Xus (Holy Innocents), nws daws txhaum thiab txais lub Cim Pleev thaum yav sawv ntxov. Txij thaum ntawd mus, nws nyob zoo siab hlo. Thaum yav tsaus ntuj 8 teev, nws hais nws cov luv kawg rau cov neeg tuaj ntsauv nws lub txaj, nws hnia nws tus ntoo cuam, nws kom sawv daws hais zaj litanies de Loreto, ces nws txoj sia tas twj ywm thaum ntawd, nws ntsej muag luag ntxhi xwb. Nws tus ntsuj plig mus cuag HT Yes Xus uas nws nyiam tshaj tas puas tsav yam, thiab Niam ML lawm. Nws muaj 71 xyoos. Tim 29, lawv muab nws lub cev mus faus rau hauv lub toj ntxas nyob ze ntawm tsev teev ntuj nyob Laus. Tom qab no, lawv muab nws lub cev tshais los tso rau hauv tsev teev ntuj. Niaj hnub no nws tseem nyob qhov chaw ntawd, thiab tib neeg tuaj teev ntuj ntawd.

    Notre Dame du Laus N68944523568_1825704_1002
    Thaum nws tuag tas, lawv mam pom tias nws ib ce doog tas ntsuab tag, vim dab phem yeej tuaj tsim txom nws mus txog thaum nws tuag kiag. TP Royere sau ntawv li no tseg:
    - “Tus phauj Benoîte tuag hmo hwm txog cov Me Nyuam Dawb Huv… tas nrho dab phem teb tsis zoo siab rau nws, dab phem tsim txom nws mus txog ntua thaum nws txoj sia tu, tiam sis dab phem swb lawm…”

    Xyoo 1864, lawv pib tshawb nrhiav txog Benoîte Rencurel lub neej thiab npaj tsa nws ua leej ntshiab. Xyoo 1871 tim 7 lub 9 hlis, vaj qhia Pis Us IX (Pie IX) tsa nws ua Venerable. Xyoo 1893 tim 13 lub 3 hlis, Vaj Qhia Leon XIII tsa lub tsev teev ntuj nyob Laus ua ib lub Basilique mineure. Tiam sis xyoo 1913, lawv hais tias cov kev tshawb nrhiav txog Benoîte lub neej tsis zoo thiab tsis meej txaus, ces lawv muab txoj kev tsa Benoîte ua leej ntshiab tso tseg. Yog xyoo 1981, Vaj Qhia Zam Paj Lug II mam rov qhib kev tshawb Benoîte lub neej dua. Tam sis no peb cov ntseeg muaj cai thov Benoîte kom nws thov ntuj pab peb. Yog peb muaj ib yam kev pab uas peb paub tseeb tias yog Benoîte pab rau peb, ces peb muaj cai hais mus rau lub tsev tshawb nrhiav txog Benoîte lub neej. Yog muaj ib yam hwj huam yees ntxwv kho tau neeg mob zoo, ces luag yuav tuaj tshawb xyuas kom meej, ces yuav pab kom Benoîte nce ib theem mus ua "Blessed" (beatification). Theem kawg yog theem Vaj Qhia tsa nws ua leej ntshiab(canonization).

    Benoîte txoj hauj lwm pab cov neeg txhaum uas nws tau pib thiab muab tso tseg, muaj ntau pab txiv plig tau los tuav txog lub sij hawm niaj hnub no. Thaum lub caij Benoîte tso ntiaj teb tseg, yog cov txiv plig Gardists saib xyuas thiab leg nws tes dej num ntxiv. Ib ntus tom qab lawv muab pauv mus rau cov txiv plig Oblats de Marie Immaculee, uas yog TP Nyiaj Pov lub koom haum. Yog TP Nyiaj Pov lawv tus Fondateur, leej ntshiab Eugene Mazenod (1782-1861), coj nws lub koom haum los nyob Laus tau ib ntus txij 1819 mus txog 1841. Tus tswv qhia tshiab thaum ntawd xav kom cov Oblats tawm, ces lawv thiaj tsis nyob Laus ntxiv lawm. Ces ho yog cov Misssionaires de Notre Dame du Laus los saib xyuas. Niaj hnub tam sis no yog cov TP diocesains saib xyuas nrog rau ib co leej tij tuaj ntawm lub koom haum hu ua Les Freres de St Jean.

    Notre Dame du Laus 10530_190581108568_68944523568_3668410_3825993_n

    Niam Mab Liab tau tshwm sim txog li 2,500 zaus rau Benoîte, nyob hauv 54 xyoos hauv nws lub neej, txij thaum nws muaj 17 xyoo muas txog thaum nws tuag. Muaj coob leej tsis paub txog cov xwm nyob Laus, kuj tau thuam hais tias Niam ML tsis lam yuav tshwm sim ntau xyoo npaum nyob Medjugorje. Tiam sis Medjugorje nyuam qhuav yog 26 xyoo xwb. Niam ML xav tshwm sim ntev npaum li cas los nws yeej ua tau.

    Leej twg xav mus nyeem ntxiv mus rau hauv cov sites no:

    http://nouvl.evangelisation.free.fr/benoite_rencurel_01.htm

    http://www.immaculee.eu/nd-laus.html


    Last edited by Mim on 22nd June 2010, 12:41 pm; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 22nd June 2010, 9:50 am



    Mim,

    Zoo kawg, Benoîte zaj kwv huam. Ua tsaug rau koj kev khwv nawb.
    Laus nyob tsis deb ntawm Lyon thiab, peb tab tom nrhiav chaw yuav mus Sau Siab, yuav yog ib qho chaw zoo rau peb paub ntxiv. Ua tsaug nawb mog Mim.



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 22nd June 2010, 12:33 pm

    Maiv Tooj wrote:

    Mim,

    Zoo kawg, Benoîte zaj kwv huam. Ua tsaug rau koj kev khwv nawb.
    Laus nyob tsis deb ntawm Lyon thiab, peb tab tom nrhiav chaw yuav mus Sau Siab, yuav yog ib qho chaw zoo rau peb paub ntxiv. Ua tsaug nawb mog Mim.

    Tais Tooj,

    Ua tsaug rau koj cov lus zoo lus txhawb zog os.... Laus yeej nyob ze rau ntawm Lyon ntawm ko... Yog nej mus tau no mus xyuas mas... Yog nej mus tsheej no sim mus thov saib puas tau cov roj ntawm lub teeb los es thiaj tau siv rauv cov neeg mob os... Es puas yuav yooj yim xa tau ib qho me me tuaj rau kuv nab yuad?....Qhov no lam hais tseg xwb os... yog tau los kuv yuav zoo siab heev, tsis tau los tsis ua cas os...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 22nd June 2010, 7:57 pm



    Mim,

    Ua li os, cia yog tau mus no mam nqa ib qho roj los. Tsis paub tias lub teeb luaj li cas, ntim puas tau roj ntau es yuav txaus muab rau neeg nqa tawm. Yog tsis tau ces kuv mam ntub ib qho paj rwb xa tuaj rau koj xwb mog.



    cache_12.jpg
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 5th April 2018, 1:33 am



    Nyob zoo Mim,

    Xyoo no kuv npaj siab mus teev Ntuj nyob Notre Dame du Laus. Nws nyob tsis deb heev ntawm kuv nyob.

    Notre Dame du Laus 14979710



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 5th April 2018, 4:34 am

    Tais Tooj,

    zoo siab ntau tias koj yuav tau mus teev ntuj nyob Laus tiag tiag. Mus no ces ho thov ntuj pab rau kuv thiab kuv cov me nyuam peb thiab nawb, thiab kuv txiv thiab peb tsev neeg thiab. Thiab koj thov ntuj pab rau peb cov Hmoob Kas Tos Liv thiab kom sawv daws tsis txhob muaj kev sib thuam sib tawg os nawb. Nco ntsoov saib puas tau ib qho roj tuaj rau kuv ov.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 5th April 2018, 8:17 am



    Mim,

    Kuv thiab 3 tug phooj ywg nrog rau ib lub koom haum cov Phauj mus. Peb yuav mus nyob ob peb hnub.Ua li, kuv mam li nco ntsoov thov Ntuj rau tag nrho cov koj teev rau kuv thiab lwm yam ntxiv.



    cache_12.jpg
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 6th August 2018, 10:19 am

    Mus teev Ntuj rau Notre Dame du Laus.

    Lub 7 hli 2018 nov peb muaj 40 leej ua teev Ntuj ua ke rau Notre Dame du Laus tau 4 hnub tseem. Mus txog nrad muaj neeg coob, muaj ntau pab tuaj ntau qhov chaw tuaj sib txoos ua ke.

    Notre Dame du Laus yog ib qho chaw tshwj xeeb rau cov neeg txhaum qhov chaw so ( peb sawv daws yog neeg txhaum ntawm Tswv Ntuj xub ntiag). Cov neeg tuaj lawv tau txais txiaj ntsim ntau xws li kab mob kev nkeeg, kev nyuaj siab ntxhov plawv, kev tsis sib haum xeeb. Yog kev daws txhaum thiab muab cov roj ntawm lub teeb tsav uas taws ntawm lub tsev tsam pooj (Tabernacle) los pleev qhov mob ces zoo. Ib xyoos no mas muaj txog li 70-80 leej tau ua pov thawj txog lawv cov mob zoo thiab tej kev tsis sib haum xeeb los kuj cia li hloov ua kev hlub tshua tuaj. Tab sis tiag tiag mas txhua leej mus teev Ntuj nrad puav leej tau txais txiaj ntsim tsuas yog lawv tsis hais xwb.

    Mus daws txhaum nram Notre Dame du Laus mas yuav tau npaj ntawv so ntswg vim muaj hwj huam heev, ua rau feem ntau los kua muag. Nyob hauv kem daws txhaum lawv yeej muaj ib cov ntawv so ntswg npaj fab seeb...Yog thawj zaug kuv pom qhov chaw daws txhaum muaj phuam so ntswg.

    Yog leej twg nyob deb xav tau cov roj teeb tsav, sau ntawv ncaj qha mus kom lawv xa tuaj kuj tau.
    Lawv xa thoob ntiaj teb. Cov roj ntawm teeb tsav lawv hloov ib lis piam ib zaug, muab ntim ua tej hwj me me kom zoo nqa.

    Notre Dame du Laus Img_2018


    Last edited by Maiv Tooj on 9th August 2018, 7:18 am; edited 1 time in total



    cache_12.jpg
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 8th August 2018, 9:30 am


    Vallon les Fours.

    Vallon les Fours yog lub Dawm Qhov Txos hlawv hmoov zeb sib uas Niam Mab Liab xub los tshwm rau Benoîte pom tau 4 lub hlis.
    Dhau qhov ntawd Nws thiaj hais rau Benoîte tias: "kuv yuav tsis tshwm rau koj rau qhov nov ntxiv lawm, koj mus lawm sab zos sab tim ub, kuv mam li qhia qhov kuv yuav tshwm rau koj. Koj mus hnia qhov twg tsw tsw qab ces kuv nyog qhov ntawd..."

    Notre Dame du Laus Stetie10

    Notre Dame du Laus Img_2024

    Notre Dame du Laus Img_2025

    Notre Dame du Laus Img_2026

    Notre Dame du Laus Img_2027


    Notre Dame du Laus Img_2020

    Lub tsev teev Ntuj Yes Xus cov Ntshav muaj nqes.

    Notre Dame du Laus Img_2021

    Teev saw Mab Liab taug kev mus rau Pindreau xyuas qhov chaw Niam Mab Liab teem Benoîte tuaj mus rau sab roob tim ub.

    Notre Dame du Laus Img_2022

    Notre Dame du Laus Img_2023

    Txog ntawm ntav roob, Niam Mab Liab taw tes kom Benoîte mus pem lub zos Laus, nws yuav tuaj xyuas Benoîte nyob ped.

    COL DE L'ANGE.

    Col de l'Ange (Ncov roob tus Tshiab), yog qhov chaw uas thaum dab phem tsim txom Benoîte, hmo ntuj hmo teb nti dab phem muab Benoîte nqa mus pov pem tej hav zoov ib nta roob ( Thaum lub caij nov Benoîte twb los nyob Laus lawm). Muab ib zaug dab phem muab Benoîte nqa mus pov pem ntav roob uas peb nce nov, yog 1 teev ko taw. Tsaus ntuj nti, Benoîte kom dab phem xa Benoîte rov qab los, dab phem tsis xa ces Benoîte tus Tshiab pov hwm thiaj li tsom teeb rau nws nqes los mus rau nram zos. Peb mus txog ped ces ntsia ntsoov rau nram tsev teev Ntuj Laus.
    Peb sawv ntxov ntxov mus, thaum mus tseem tsaus ntuj, mus txog nrab ke mam li pom kev...

    Notre Dame du Laus Img_2028

    Notre Dame du Laus Img_2029

    Notre Dame du Laus Img_2030

    Notre Dame du Laus Img_2031

    Notre Dame du Laus Img_2032

    Qhov nov yog qhov uas dab phem nqa Benoîte tuaj pov tseg hmo ntuj thaum nws pw.

    ERMITE AU COL DE L'ANGE.

    Tij François Aubin, tus txiv twj cuab uas Benoîte tso siab rau thiab yog ib tug ntawm 4 leeg uas sau txog tej xwm tau tshwm rau Benoîte thiab yog tus khaws 4 phau ntawv uas sau txog Benoîte tib si. Yog muaj nws khaws cia niaj hnub no peb thiaj li paub tej uas Benoîte pom thiab Niam Mab Liab los hais rau nws ua ntu zus.

    Notre Dame du Laus Img_2034


    Notre Dame du Laus Img_2033



    Basilique Notre Dame du Laus.


    Notre Dame du Laus Notre-10

    Notre Dame du Laus Sanctu10
    Ntawm qhov lub voj voog liab liab yog lub tsev teev Ntuj thaum i me me, fab fab thiab muaj plua tsauv uas Niam Mab Liab kom Benoîte los nrhiav yog tsw tsw qab qhov twg ces yog qhov uas Niam Mab Liab yuav los tshwm rau nws pom qhov ntawd. Thaum ntawd Benoîte thiaj li taug qhov tswv qab qab tuaj txog ntawm lub tsev teev Ntuj me me, qub qub thiab fab fab cas tsw qab qhov ntawd, nws thiaj li pom Niam Mab Liab tshwm saum lub thaj Txiv Ntuj, Benoîte thiaj li yuav muab nws daim tiag xub ntiag los pua Niam Mab Liab txhais taw tsam ces pluas plav lo nws ko taw lawm.
    Zaum no lawv ua ib lub cheeb nyiaj kub ci hob los hloov lub tsev qub. Lub thaj txiv Ntuj thaum ub yog nyob ntawm lub teeb tsav qhov chaw tam sim nov.
    Yog leej twg mus nyob qhov nov teev Ntuj mas tau txiaj ntsim heev. Qhov nov lawv tis npe hu ua: "Cov neeg txhuam qhov chaw nkaum".

    Notre Dame du Laus 1c5b4d11

    Qhov sau ntawv hauv plag tsev yog Benoîte lub ntxa. Nyob kiag ntawm thaj Txiv Ntuj thiab lub tsev tsam phooj nruab nrab. Tuaj thov Ntuj saud mas tau txiaj ntsim heev.

    Notre Dame du Laus Roj11

    Cov hwj roj teeb tsav.

    Xav tau roj teeb tsav nug mus rau:
    Secrétariat du sanctuaire
    Tel: 0492509400
    sanctuaire@notre-dame-du-laus.com



    Last edited by Maiv Tooj on 12th August 2018, 8:51 pm; edited 2 times in total



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Notre Dame du Laus Empty Re: Notre Dame du Laus

    Post  Mim 8th August 2018, 10:41 am

    Tais Tooj,

    Yog kuv nyob ze no ntshai kuv twb tau nrog koj mus xyuas Laus lawm thiab os. Xyov kuv puas muaj txoj hmoo tau mus ib zaug li?
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Notre Dame du Laus Empty Re: Notre Dame du Laus

    Post  Maiv Tooj 9th August 2018, 8:28 am



    Mim,

    Koj muab lub caij tuaj nrog kuv mus Pèlerinage ib zaug os mog.
    Thaum lub 6 hli xiab kuv nrog Diocèse de Lyon mus Lourdes kuj zoo siab kawg li thiab. Zaum no kuv mus Notre Dame du Laus kuj zoo kawg li. Txaus siab kawg li.



    cache_12.jpg

    Sponsored content


    Notre Dame du Laus Empty Re: Notre Dame du Laus

    Post  Sponsored content


      Current date/time is 28th March 2024, 9:29 pm