Txiv Plig Neej Vaj

**Maiv Tooj** 21st June 2017, 9:17 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°76

Re: Txiv Plig Neej Vaj

Post Maiv Tooj 21st June 2017, 9:17 am

TXIV PLIG NEEJ VAJ TAU TSO PEB TSEG LAWM

Txiv Plig Neej Vaj los yog Père René CHARRIER tau tso peb tseg lawm, hmo tim 20 mus rau 21 lub 6 hli ntuj 2017 nyob rau lub nroog Nantes (44).

Txiv Plig Neej Vaj tau sau tseg tias thaum nws puv 120 xyoo, nws xav kom peb cov Hmoob sib pab nta nws lub ntees nyob rau lub zos Pontmain (53).
Cov Txiv Plig nyob Pontmain, lawv zoo siab tos peb cov Hmoob, tab sis peb yuav tau ua raws li lawv txoj cai thiab.

Yog li, hais qhia rau ib tsoom kwv tij phooj ywg paub tias Txiv Plig Neej Vaj lub ntees, yuav npaj raws li no :

Samedi 24-06-2017 : Xa plig rau yav hnub qaij
Dimanche 25-06-2017 : Teev Ntuj
Lundi 26-06-2017 : Lub txoos teev Ntuj ua ntej coj tus qauv mus zais

(Thaum peb teem tau lub caij tseeb peb mam rov tshaj tawm rau nej)

Txiv Plig Neej Vaj tau muab tas nrho nws lub neej coj los txhawb thiab pab peb cov Hmoob txoj kev ntseeg.
Vam tias nej sawv daws yuav tuajnpab thov Ntuj rau nws raws nws lub siab xav.

Lub hauv paus Aumônerie Fab Kis Teb

**Maiv Tooj** 18th July 2017, 3:57 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°77

Re: Txiv Plig Neej Vaj

Post Maiv Tooj 18th July 2017, 3:57 pm

\"Maiv Tooj" le jeudi 22 juin 2017 wrote:

Nyob zoo ib tsoom kwv tij phooj ywg sawv daws,

Raws li nej ib txhia twb paub ua ntej : Txiv Plig Neej Vaj tau tso peb tseg rau hnub tim 20 lub 6 hli ntuj 2017, thaum 23 teev ib tag hmo lawm.

Txiv plig tau sau tseg tias thaum nws puv 120 xyoo, xav kom cov hmoob sib pab npaj nws lub ntees nyob rau Pontmain thiab coj nws mus sam sab nrog nws cov kwv tij Oblats.

Yog li, peb yuav tau ua raws li lawv txoj cai, yuav muab ncua tsis tau ntev tshaj li hnub tim 24-25-26 lub 6 hli ntuj tuaj no.

Peb pab pawg ntseeg hmoob Kav tos lis yuav tau sib koom siab npaj nws lub ntees raws li lub no :

Hnub tim 24 :
- 18h30 : noj hmo ua ke
- 20h00 : Npaj ua kab ke xa plig ( ntu 1 & 2 )

Hnub tim 25 :
- 10h00 : Teev Ntuj ua lus Hmoo
- 12h00 : noj su
- 14h00 txog 18h00 : Lus pov thawj
- 18h30 : noj hmo
- 20h00 : teev saw Mab Liab

Hnub tim 26 :
- 10h00 : Cov Txiv Plig Oblats coj lub txoos teev Ntuj ua lus Fab Kis
- 11h00 : Coj txiv plig mus sa sab

Thaum Txiv Plig Neej Vaj tseem muaj txoj sia nyob, nws vam tias hnub twg nws tau tas sim neej, cov Hmoob yuav tuaj pab thov Ntuj rau nws.

Ua nej sawv daws tsaug.

YAJ Xaiv-Tsom
Sawv cev ntawm Aumônerie Hmoob

**Maiv Tooj** 18th July 2017, 3:58 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°78

Re: Txiv Plig Neej Vaj

Post Maiv Tooj 18th July 2017, 3:58 pm

[quote="Maiv Tooj" jeudi 22 juin 2017]

Txiv plig neegjvaj tau tos sim neeg rau hnub tim 20 lub 6 hli 2017 thaum ib tag hmo
Tim 21 lub 6 hli 2017 Yaj Xaiv Tsom coj wb ib niam txiv thiab Muas Ntsum Laj ib niam txis
Peb 5 leeg nqa khaub ncaws mus kho rau Txiv plig hnav 11h00 tsaus ntuj Peb ma rov qab los txog tsev
Hais rau ib tsoom hmoob paub

XH.Nyiaj Lwm Vaj

[/quote]

**Maiv Tooj** 18th July 2017, 3:59 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°79

Re: Txiv Plig Neej Vaj

Post Maiv Tooj 18th July 2017, 3:59 pm

[quote="Maiv Tooj" 27 juin 2017]

[/quote]

**Maiv Tooj** 18th July 2017, 4:00 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°80

Re: Txiv Plig Neej Vaj

Post Maiv Tooj 18th July 2017, 4:00 pm

Maiv Tooj wrote:

TP. Neej Vaj kev pab Hmoob.

ntawm no mus kuv yuav los hais
zaj txhiaj txhais txiv plig neej vaj
tus siab ncaj tswv ntuj tso pub
nws los hlub cob qhia tsoom hmoob
khaws zaj tshoob hmoob txuj txhua tsav
vim nws xav nrhiav txoj kev zoo
ntau caum xyoo nws nrog hmoob nyob
rau siab cob coj hmoob tub txawj
los ntaus thawj tsim ntawv cob qhia
tseem khaws cia ceev hmoob teej tug
niam txiv yug ib cuaj ob plaub
raws li paub ib cuaj peb tsib
ces nws pib kawm txuj kawm ci
tsis ntev hli ib cuaj tsib caug
nws kem caug txais ua leej choj
ntuj thiaj coj tuaj txog vees cam
ncig xeev kham los rau moos loob
nws ncig thoob thiaj nce roob nyuj
kaum hli ntuj ib cuaj tsib ob
nrog hmoob nyob zos Phuaj Thoos
cog qoob loo tu tsiaj tu txhuv
coj siab puv zoo tam leej txiv
tsis coj viv cob qhia ntuj lus
hmoob txhua tus muaj kev ruaj siab
yoog txuj tshiab txais ntuj koob hmoov
teb chaws hloov ib cuaj rau ob
hmoob khiav nyob mus rau moos loob
mus nyob thoob xab nyab npus lis
ces txiv plig rov mus vees cam
rog lwj lam tseem tsis tau kaj
hmoob txhua thaj tsis tau kev zoo
los txog xyoo ib cuaj xya tsib
teb chaws txhib hmoob thiaj tau khiav
los cawm siav rau teb chaws thaib
neej vaj saib cov hmoob txom nyem
lub neej lem nyob tsis muaj av
nws thiaj xav tsim neej rau hmoob
thiaj ncig thoob nkis yas daim av
nws thiaj xav coj hmoob mus sim
tus txiaj ntsim neej hmoob rov ntsib

hmoob siab sib ib cuaj xya xya
lub suab ncha hmoob mus nkis yas
tham tsis tas lub zos kas kaus
hmoob tej laus xeem tuaj ntov zoov
luag looj koov cov neeg txum cuab
txawm ua nyuab los hmoob siab ntev
muaj txiv tsev txiv plig neej vaj
coj siab ncaj pab hmoob tiv thaiv
kom lus xais hmoob tsis txhob ntsib
hmoob thiaj pib tsim vaj tsa tsev
tau tsis ntev kas kaus ciaj nroog
hmoob xyaum yoog nyob haum txoj cai
tsis nco ntshai hmoob rau siab khwv
tes tawm hlwv los hmoob tsis quaj
neej hmoob ruaj qoob loo puv teb
coj muag deb nyob txhua lub nroog
nom tswv poog qhuas tias hmoob ncaj
muaj neej vaj mob siab qhia hmoob
nrhiav noob qoob los rau hmoob cog
tsim zej zog tsa tsev kawm txuj
nyob luag ntuj xyaum kawm luag ci
ntau caum hli hmoob kawm luag txuj
tsev teev ntuj hmoob kuj tsim muaj
muaj qhua tuaj hmoob kuj txais tos
nyob tsheej zos muaj peb caug noj
hu sib coj txhua tsav sib hlub
yam tsob yu neej vaj muab noob
kom peb hmoob tsuas nyob luag ntxhi
txiv yuav txi phaum tas phaum thiab
tas puas txhiab kom hmoob loj hlob
yuav thaj tsob nco ntsoov sib koom
thiaj thov foom nco ntsoov txiv plig
tus txiaj ntsig tsis muaj hnub kawg
tas txoj yawg dab neeg tseem khaws
hmoob sawv daws yuav nco nws ib txhis
nawb txiv plig neej vaj…

Sau los ntawm Maiv Tooj Lis
Dhos los ntawm Ntxoov L. Vaj

4/9/2010

**Maiv Tooj** 18th July 2017, 4:06 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°81

Re: Txiv Plig Neej Vaj

Post Maiv Tooj 18th July 2017, 4:06 pm

Maiv Tooj wrote:

Txiv Plig Neeg Vaj lub txiaj ntsim

Tus sau: Yaj Tub, USA,
Tim 08 April 2010 - 01:15 AM

Puag thaum peb----------- tsis tau paub qab hau
Tseem taws tsau---------- roj nyuj thiab roj npuas
Tus tub hluas -------------tuaj nrog Txiv Plig Nyiaj Pov
Luaj thiab ntov------------ havzoov ua kev rau Hmoob taug
Txoj kev qaug -------------ua Mab ua Suav qhev
Hmoob thiaj pom kev ----------txawj nrog luag kawm txuj kawm ci
Cov muab siav khi------------ rau Vaj Leej Txiv thiab Vaj Leej Tub
Muaj kev rub lub-------------- neej mus ib theem
Txhua tus zeem--------------- Tswv Ntuj ua nws txiv
Thiaj li chiv----------------- tau lub neej zoo tawm ntawm kev txom nyem
Yog yuav them--------------- koj tej nqi dag zog
Them kom txog------------- thaum tau mus nyob Ceeb Tsheej
Los peb yeej ----------------yuav them tsis tas
Zos Nkws Yas---------------- yuav ua thaj chaw nco
Hmoob thov tso------------ Txiv Plig Neej Vaj lub npe
Kom nyob ze -------------txhua tus lub siab lub ntsws
Muaj kev tws -----------------tsis paub ua zaj twg
Mam thov koj lub npe ywg--------------- kom lub siab kaj
Hmoob rab ntaj ------------------ua ib txwm ntse
Thiaj yuav hle ------------------tau Hmoob teeb meem
Thiaj yuav cheem -------------------tau Hmoob tus yeeb ncuab
Thiab yuav qhuab----------------- kom Hmoob vam meej
Lub Koob Tsheej---------------------- peb tau tuaj koom no
Thov Vaj Leej Txiv tso------------------ koob tso hmoov
Kom los ntxoov-------------------- txhua tus lub dag lub zog
Txhua yam yog ----------------Txij Plig Neej Vaj tau ua
Thov kom ruaj------------------ li tsua thiab khov li zeb
Los txhawb peb----------------- sawv daws lub neej yav pem suab
Thaum kawg thov muab------------------ peb txhua tus txoj sia
Sib cog cia ----------------------ua Txij Plig Neej Vaj tsaug

**Maiv Tooj** 18th July 2017, 4:07 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°82

Re: Txiv Plig Neej Vaj

Post Maiv Tooj 18th July 2017, 4:07 pm

Maiv Tooj wrote:

Paj Huam TP. Neej Vaj

1___ntawm no wb..........yuav seev paj huam
2___hais cuam tshuam ....Txiv Plig neej Vaj
3___Hlub Hmoob tshaj ....hauv nws lub neej
4___tso nws teej ........nws niam tom qab
5___hlob pes nrab .......muaj kaum ib xyoos
6___ncaim lub moos ......tuaj mus kawm txuj
7___Vim Tswv Ntuj .......tau hu nws ntev
8___hauv nws tsev .......raug kev txom nyem
9___txoj kev phem .......yog nws txiv tuag
10__tseg ua ntsuag ......tsis muaj tus hlub!!!
11__pab niam tub ........muaj ob tug muam
12__los mus tshuam ......rau tus kwv ntxawg
13__nyob sib qawg .......nrog leej niam zoo
14__tau ntau xyoo .......lawv mus kawm ntawv
15__lub caij sawv .......lawv ci pob zeb
16__vim kev deb .........lub caij no no
17__lawv nqa hlo ........thwv cib taug kev
18__kom sov ntev ........thiaj li tsis txhav
19__vim lub lav .........lawv mus kawm ntxuj
20__nyob nroog nruj .....mas deb kawg nkaus
21__noj tsis txaus ......yoo tshaib yoo nqhis
22__ib lub hlis .........noj ob zaug nqaij
23__yog lub caij ........noj xaus xib xoos
24__Hauv koos txoos .....nws ob tug muam
25__kuj rhais ruam ......cev siab ua phauj
26__kwv ntxawg nkaus ....thiaj yuav poj niam
27__tseg lawv niam ......xyoo peb caug tsib (35)
28__Neej Vaj pib ........tuaj mus kawm txuj
29__Xaiv Tswv Ntuj ......thaum xyoo tsib caug (50)
30__nws kem caug ........txais ua Leej Choj!!!
31__Ntuj thiaj coj ......tuaj txog Vees Cam
32__ncig Xeev Kham ......los rau moos loob
33__nws ncig thoob ......thiaj nce roob nyuj
34__kaum hli ntuj .......xyoo tsib caug ob (52)
35__nrog Hmoob nyob .....tu tsiaj tu txhuv
36__coj siab puv ........zoo tam leej txiv
37__txiv plig siv .......cob qhia Ntuj lus
38__Hmoob txhua tus .....muaj kev tso siab
39__yoog txuj tshiab ....mloog txiv plig qhia
40__Hmoob thiaj cia .....txiav dab zuj zus
41__Mloog Yes xus .......los txog hnub no
42__kom Hmoob nco........Txiv Plig Neej Vaj
43__tau muab tshaj.......rau caum lub xyoo
44__tuaj xa moo..........thiab cawm Hmoob dim
45__pub txiaj ntsim......ua ntej tsov rog
46__nyob sab nplog.......xyoo xya caum tsib (75)
47__teb chaws txhib......Hmoob thiaj tau khiav
48__los cawm siav........rau teb chaws thaib
49__Neej Vaj saib........peb Hmoob txom nyeem
50__Lub neej lem ........nyob tsis muaj av!!!
51__Txiv plig xav........tsim neej rau Hmoob
52__mus ncig thoob.......teb chaws Nkws Yas
53__mus xyuas tas........txiv plig thiaj nrhiav
54__coj Hmoob khiav......kom luag tso cai
55__yuav npaj sai........coj Hmoob mus sim
56__lub hwj chim.........Txiv Plig Neej Vaj
57__tau mus tshaj........rau neeg pej kum
58__Vim Yes Xus..........twb nrog nws nyob
59__muab Hmoob cob.......rau Txiv Plig tes
60__Ua txiv nres.........ces luag thiaj kheev
61__Txiv Plig Teev.......ces luag thiaj kam
62__Hmoob Thoj Nam.......xyoo xya caum xya (77)
63__lub suab ncha .......tuaj mus nkws yas
64__tham tsis tas........lus zos Kas Kaus
65__Hmoob tej laus.......xeem tuaj ntov zoov
66__luag looj koov.......cov neeg txum cuab
67__txawm ua nyuab.......los Hmoob siab ntev
68__muaj txiv tsev.......Txiv Plig Neej Vaj
69__coj siab ncaj........pab Hmoob tiv thaiv
70__kom lus xaiv.........Hmoob tsis txhob ntsib!!!
71__thiaj mus pib........tsim vaj tsa tsev
72__tsis tau ntev .......kas kaus ciaj nroog
73__hmoob xyaum yoog ....hauv luag txoj cai
74__tsis nco ntshai......thiab rau siab khwv
75__tes tawm hlwv .......los hmoob tsis quaj
76__neej hmoob ruaj......qoob loo puv teb
77__coj muag deb ........nyob txhua lub nroog
78__nom tswv poog .......qhuas tias hmoob ncaj
79__muaj Neej Vaj .......mob siab qhia hmoob
80__nrhiav noob qoob ....los rau hmoob cog
81__tsim zej zog ........qhia Hmoob ua kev
82__txhim muaj tsev .....Teev Ntuj huv si
83__Hmoob txuj ci........vam meej zuj zus
84__muaj ib ntus ........Txiv Plig Neej Vaj
85__kuj tau saj .........noob txiv lwm tsib
46__thaum nws ntsib......tub tsav dav hlau
87__uas nqa tau..........sab thaib los txog
88__Hmoob muab cog.......teb chaws Nkws Yas
89__kuj ciaj tas.........tawg paj txi txiv
90__Hmoob thiaj siv .....los txog hnub no!!!
91__kom peb nco..........Txiv Plig Neej Vaj
92__tus siab ncaj........Tswv Ntuj tso pub
93__nws los hlub.........cob qhia tsoom Hmoob
94__xyaum qhov zoo.......txhua yam txhua tsav
95__kom muaj hnav........li lwm haiv neeg
96__kom peb ntseeg.......Huab Tais Yesxus
97__hauv cov lus.........Txiv plig neej vaj
98__tuaj pub tshaj.......rau caum lub xyoo
99__thiaj li zoo los xaus li no!!!
100__thiaj li zoo los xaus li no!!!!

**Maiv Tooj** 18th July 2017, 4:07 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°83

Re: Txiv Plig Neej Vaj

Post Maiv Tooj 18th July 2017, 4:07 pm

Maiv Tooj wrote:TP.Txhiaj Foom tsab E_mail

Envoyé le : Jeudi 29 juin 2017 10h19
Objet : Zoo tag npaud

MAIIV TOOJ
Koj 2 zag ntawd, kuv twm tas ZOO TAG NPAUD
zoo, li TU ES UNE VRAIE POETE......tres douee
J'espere que nos amis Hmoob ouvriront FACE BOOK
Ils vont surement apprecier ces 2 textes et , bien sur , te remercier

Ici l'INTERNET est en panne..et ne peux envoyer mon texte sur T.P.Neej Vaj
J'ai envoye mon texte a Lomsak...Donc il sera publie sur
mais ton texte est bien meilleur.

Paix sur toi et ta famille

T.P.

• jun 29 à 7h02 PM
À
• Daniel Taillez

Père Taillez,

Nous ne vous remercions jamais assez Père,
Jadis au pays perché sur les rochers
Vous nous avez tiré les bras
Quand étions si bas
Sans chaussures ni sandales
Aux pieds nus du sommets des montagnes
Grâce à vous que nous marchions la tête levée
Aussi haut que permet à l'humanité
Bien chaussés, assis sur fauteuil douillet
Sans moquerie ni abaisser
La joie et le bonheur sont au rendez vous
Grâce à votre amour à Jésus pour nous
Nous ne vous remercions jamais assez
Si ce n'est quelques mots sur du papier.

Anne Yang.

Hello Maiv Tooj
MERCI 1.000 fois pour tes mots très clairs de gratitude
A l'avenir tu vas être une écrivain célèbre,
Continues
Amities

T.P.

**Maiv Tooj** 18th July 2017, 4:31 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°84

Re: Txiv Plig Neej Vaj

Post Maiv Tooj 18th July 2017, 4:31 pm

NCO NTSOOV TXOG TXIV PLIG NEEJ VAJ

Cov kwv tij phooj ywg hmov thiab tshua , nyob hauv lub zos POOS MEES ( uas kuv nyob, hauv Fab Kis teb ) ) mas, peb tau hnov tias hnub tim 20 lub 6 hlis Txiv Plig Neej ( uas hnub nyoog 93 xyoo ) tau tas sim neej .. Peb tsoom ntseeg tu siab kawg- Ua li txog lub caij peb ua cov kab ke pam tuag, mas pab 1 uas nrog peb koom siab koom ntsws sib sau ua cov kab ke xa plig yog T.P. Neej Vaj cov kwv tij txheeb thiab cov swm neeg - lawv muaj txog 7 leej. Thaj tsam lawv nyob kuj deb ntawm POOS MEES kwv yees 300 km.
Pab 2 muaj 200 tawm tus phooj ywg Hmoob tuaj rau lub zos Poos Mees. Txhais tias sawv daws nco ntsoov txog Txiv Plig Neej Vaj tej txiaj ntsim kawg nkaus. Qhov kawg ces hnub 26, lub 6 hlis 2017, peb tau muab T.P.Neej Vaj mus sam sab.
Cov kwv tij Hmoob coob ( uas sib koom siab koom ntsws lub caij ntawd ), mas lawv tsev neeg kuj nyob Fab Kis teb thiab teb chaws Nkws Yaj - Cov tuaj ntawm Nkws Yas thiaj yog 2 tug Leej Tsob Hwb, uas yog Nkaj Mas thiab Nyiaj Teeb – Hos muaj peb ib cov kwv tij uas tau kub siab nthuav piav ntau lo lus qhuas txog T.P. ntau yam hauj lwm tshaj lub Moo Zoo rau peb cov kwv tij hauv teb chaws Los Tsuas , teb chaws Fab Kis thiab teb chaws Nkws Yas ( uas nyob tim As Mes Lis Kas qab teb ).T.P.Neej Vaj tau siv zog ua Ntuj tej hauj lwm tshaj Ntuj Lus rau peb tsoom kwv tij Hmoob tau muaj kwv yees 62 xyoo diam - Zoo li hmo no peb tsis muaj sij hawm rov hais tag nrho cov kwv tij Hmoob ntawd tej lus qhuas txog T.P. Neej Vaj . Tsam yog 30- 40 phab ntawv twb yuav tsis txaus los mus hais lawv cov zaj lus hais ntawd – Peb sawv daws tso siab lug tias : hnub tim 20 lub 6 lis ntawd, mas Huab Tais Yes Xus kuj tau zoo siab txais T.P. nyob pem Tswv Ntuj lub Ceeb Tsheej- Hos tsis yog Huab Tais Yes Xus tib leeg tau zoo siab txais T.P. los mus pib coj lub neej ntshiab, lub neej nyob kaj lug kaj nrig nyob pem Tswv Ntuj lub Ceeb Tsheej rov mus txog txhiab niag tim puas xyoo- Saib :hnub tim 20 ntawd mas nyob pem Tswv Ntuj lub Ceeb Tsheej mas ntau txhiab tus kwv tij kuj npuaj tes txais T.P. los nrog lawv nyob mus li ntag “. ! l
Hais 2-3 lo lus txog T.P. Neej Vaj lub neej : nws tau txais lub Cim Tiag txhim tsa nws ua Leej Choj xyoo 1950 ,-- nws ua tub tes hauv lub Koom Haum : « Cov tub tshaj Ntuj Lus Aus Nplas ntawm Mab Liab, uas tsis tau lo neeg lub keeb txhaum « . Hos 10 xyoo ua ntej mas qhov uas raug nws siab tshaj plaws thiaj yog qhov tias nws xav mus tshaj Ntuj Lus nyob pej kum teb- Ua li, xyoo 1952, nws caij nkoj mus tim Los Tsuas teb – Nws xub kawm xeem lus Los Tsuas .Ces Tswv Qhia tim lub tuam ceeb Vees Cas xa T.P.mus pem lub zos Phas Toos.., uas tsis deb ntawm lub tuam ceeb Moos Loos - Nyob Vees Cas, txij ntawm xyoo 1962 mus ,nws kuj nrog T.P.Nyiaj Pov, T.P.Npus Sas thiab kuv, nyob Simuong ,kuj nyob hauv lub tsev qhia Ntuj kev cai thiab kev tshaj Ntuj lus rau cov tub hluas uas npaj siab ua Xib Hwb nyob pem roob- Xyoo 1976,T.P.Neej Vaj cia li rov qab los hauv Fab teb. Nws kuj tau khwv mus xyuas nws cov kwv tij hauv ntau lub zos, ntau lub nroog- Ces xyoo 1977, nws pom zoo sawv kev mus pab 100 tawm yim Hmoob, uas lawv npaj siab coj lub neej tshiab nyob puag tim teb chaws Nkws Yas, nyob As Mes Lis Kas Naj. Tseem hwv Fab Kis kuj qhuas txog nws tej hauj lwm kawg nkaus, vim nws tau pab txhawb nqa cov kwv tij hauv teb chaws Nkws Yas ntawd, ces xyoo 1978 T.P. tau txais ib qhov paj tshab, uas muaj nqe heev, yog tseem hwv Fab Kis tau pub rau nws ntag- Tom qab ntawd T.P. Neej Vaj rov los saib peb cov kwv tij Hmoob nyob thoob Fab Kis teb. Txij ntawm Fab Kis qaum teb mus nram qab teb, nws los mus xyuas ntau pab Hmoob yam khwv kawg nkaus.- Xyov li lauj, nws khwv tsav tsheb pes tsawg txhiab Kilomet los mus pab xyuas Hmoob thiab qhia Ntuj kev cai rau ,ua lub Cim Ntxuav rau ntau pab , pub lawv txais lub Cim daws txhaum thiab nws niaj hnub ua Thaj Txi Ntuj, tsis tu ncua- -
Tas nws sim nej mas T.P. Neej Vaj tau khwv dag zog los pab ntau txhiab tus Hmoob – Ua li nws tau ua siab loj siab tawv qhawv los ua tub tshaj Ntuj , tsis tu ncua li –Yog vim qhov ntawd ces T.P.Neej Vaj cov kwv tij hauv teb chaws Fab Kis thiab cov Hmoob coob leej thiaj qhuas txog nws thiab nco txog nws tej txiaj ntsim.

PAJ NRUAG
Ib zaj lus, muas phim yuav tshaj mus rau nej kuj mloog mus zoo li no. Thaum peb sib sau ua ke coob hnub 24 thiab 25, peb kuj tau zoo siab mloog ib zag nkauj Fab Kis - Tus sau zaj lus ntawd yog T.P.Neej Vaj tus phauj . Nws lub npe hu ua Mos Nis Kas..Lub ntsiab lus ntawm zaj nkauj kuj hais txog T.P. lub neej ua tub tshaj Ntuj Lus.. Tsam yus tsis muaj sij hawm txhais tas zaj nkauj ntawd ua lus Hmoob- ; Thov kom nej mloog 3-4 nqe lus uas yog tej nqe lus tseem ceeb .
Txiv Plig Lws Nes hmov thiab tshua: Tim Los Tsuas teb mus ces nyob teb chaws Nkws Yas teb thiab Fab Kis, koj tau siv tas koj txoj sia tas zaj tas zog los pab txhawb nqa thiab hlub tshua cov kwv tij Hmoob- Koj tau muab tas koj lub tswv yim thiab koj lub zog los hlub tshua thiab txhawb zog rau peb cov phooj ywg Hmoob- Koj tau ua lawv luag nyob hauv txoj kev paub Tswv Ntuj , hauv txoj kev nyiam Huab Tais Yes Xus thiab kev vam txog Huab Tais Yes Xus , uas yog tus Huab Tais cawm neeg .
Ib zaj lus uas koj hais qhia rau peb ntau zaus kuj mus li no tias : nyob puag tim Los Tsuas teb, koj siv sij hawm ntev zog los mus xyuas cov kwv tij Hmoob uas nyob pem lawv tej zos - Thaum twg muaj kev lom zem , koj nrog Hmoob taug kev lom zem ua ke,. Thaum tej tug neeg raug kev nyuaj siab ntxhov plawv, koj nrog lawv koom ua ib lub siab. Tsis tas li ntawd, koj tseem txhim tsa ib lub tsev teev Ntuj thiab txhim tsa ib lub tsev kho mob los pab kho cov neeg muaj mob nkeeg.
Teb chaws Los Tsuas tawg los ua teb chaws Koom Tshaj- Koj thiaj li yuav tsum rov qab los hauv teb chaws Fab Kis..Tab sis koj tsis tso cov kwv tij Hmoob tseg- Xyuas teb chaws Nkws Yas , koj tau siv zog los pab saib ib cov kwv tij Hmoob , uas khiav tsov khiav rog – Nyob hauv lub zos Kas Kaus ntawd ,ces koj rov ua li yav dhau lawm los lawm : koj pab Hmoob cog zaub, txhim tsa tej tsev thiab tsev kawm ntawv - Txhais tias : tsis tau so li – tab sis koj ua mus ntxiv tas zog.
Lub ntsiab lus ntawm koj lub neej kuj mus li no tias : koj tau hlub tshua cov kwv tij Hmoob tas siab tas ntsws, -koj saib lawv zoo li lawv yog koj tsev neeg ntag- Hmoob saib koj los ua lawv niam lawv txiv- Koj saib lawv los ua koj cov me tub me nyuam
Ua li , hmo no, koj cov kwv tij Fab Kis thiab cov phooj ywg Hmoob, peb sib koom siab koom ntsws thiaj nco txog koj tej txiaj ntsim, tsis tu ncua hais tias : »UA KOJ TSAUG NTAU « thiab hais 1.000 zaus : B R A V O « Mos Nis Kas.

PAJ NRUAG
Cov kwv tij, 2 zaj lus tseem ceeb , uas xaus tsab ntawv no kuj yuav hais txog qhov no :1 : Tsim nyog ua Ntuj tsaug, yog vim tej pab Hmoob tau tig los ntseeg Ntuj -2 : Nrog cov tub hluas tham.
1 : Tsim nyog ua Ntuj tsaug, yog vim tej pab Hmoob tau tig los ntseeg Ntuj. Txij ntawm hnub 24 rov mus ntxog hnub 26, lub 6 hlis dhau los lawm ,mas nej coob leej tau siv nyiaj txiag thiab tau siv sij hawm los sib koom siab koom ntsws ua cov kab ke xa plig , nyob hauv lub zos POOS MEES, kuj yog vim nej nco ntsoov txog T.P. Neej Vaj txiaj ntsim. Hos nyob hauv kev nco ntsoov ntawd, nej thiaj lees tias nej zoo siab ua neeg ntseeg . Mas tsim nyog ua Tswv Ntuj tsaug .Saib : nej ib tau txiav txim tso siab rau Tswv Ntuj, tsis tu ncua, twb tau muaj 3 xyoo los 35 xyoo, kuj yog vim Leej Ntuj Plig Ntshiab tau nqes los tshoj nej tej siab ntsws. Ces 100% peb sawv daws tso siab lug tias txij ntawm no mus lawm yav tom ntej, nej thiaj haj yam yuav coj lub neej nyob ntawm Tswv Ntuj tog ntxiv mus. ( Hes Nplaws 6 ;9 ) - Ces Tswv Ntuj kev thaj yeeb nyab xeeb yuav tau nyob txawm hauv nej siab , tsis tu ncua, yam yuav tau nyob ruaj nreb, uas yuav tsis muaj caij kawg… »
Cov kwv tij, peb yuav sib koom siab koom ntsws ua Tswv Ntuj tsaug, vim Nws tau rub nej los ntseeg Ntuj thiab tso siab lug rau Tswv Ntuj tib leeg xwb
.2 :. Nrog cov tub hluas tham : : peb yuav nrog lawv tham txog dab tsi thiab dab tsi ? Thov kom nej ua niam ua txiv nrhiav zoo sij hawm nrog nej cov tub hluas tham txog lub neej ua Leej Choj ( los ua Txiv Plig )…vim tias nyob hauv tej pawg ntseeg Kav Tos Liv, nyob thoob ntiaj teb, mas cov Leej Choj kuj muab siab rau pab coj cov ntseeg kev, yam kev ntseeg thiaj rov ua cag ruaj zuj zus nyob hauv lawv tej siab ntsws
Cov niam txiv, thov kom nej ua niam ua txiv rov kub siab hu txog Ntuj pab , ces thov Ntuj tas zog, kom xwv hauv teb chaws Fab Kis, teb chaws Mes Kas, nyob Nkws Yas, nyob Los Tsuas teb ,nyob Thaib teb ,nyob Cob Tsib teb thiab nyob Suav teb, thiaj yuav tau muaj cov Txiv Plig Hmoob coob… Hos thov kom nej kub siab rau thov Tswv Ntuj kom Nws xaiv ib cov tub hluas Hmoob coob los mus kawm txuj ci, ces npaj siab ua Leej Choj..Thaum nej thov Tswv Ntuj zoo li ntawd mas phim yuav nco ntsoov txog lo lus Huab Tais Yes Xus cog tseg tias : »Nej thov, ces nej yuav tau txais « ( Mas Tais 7 :7- Mas Kos 11 :24 + Lus Kas 11 :9 )

Zaj nkauj : Kuv nyob no, Ntuj…..
Kuv tso kuv txoj sia….
Nyob hauv koj tes…..