Vaj Qhia Benoit16 raug ib tug pojniam los rub hmo 24/12/09

Hnub Thursday 24/Décember/2009 Txiv Vaj Qhia Benoit16 raug ib tug pojniam hnav tsho liab muaj 25 xyoos hla chaw xov los rub Txiv Vaj Qhia ntog mus tsoo ib tug Txiv Tswv Qhia Liab nyob hauv Basilique Saint-Pierre de Rome uas Txiv Vaj Qhia tab tom tawm los yuav ua Misxas tsuas ntuj ib tag hmo rau tsoom pej xeem ntseeg. Daim Video hauv qab no yog cov neeg tuaj koom misxas yees tau ua ntej Txiv Vaj Qhia yuav ua misxas. Thaum tus pojniam ntawv raug cov kws saib Txiv Vaj Qhia coj nws mus lawm ces Txiv Vaj Qhia sawv mus ua nws thaj Misxas yam li tsis muaj dab tsi, tab sis tus Txiv Tswv Qhia Liab uas ua ke nrog tus Txiv Vaj Qhia ua khub mus ua Misxas tau raug sab heev , lawv coj nws mus pw hoob maum thiab tseem raug nws ib tug pob txha ntawm ib sab ceg lov .

Tus pojniam hnav ris tsho liab ntawv mas xyoo 2008/24 lub 12 hlis ntuj twb ua ib zaug li ntawv rau Txiv Vaj Qhia Benoit16 tab sis kuj tsis raug Txiv Vaj Qhia. Tus pojniam ntawv ua rau peb nco txog tus Txiv Vaj Qhia ZamPajLug2 tau raug ib tug Mulsulman tua yuav luag tuag. Tus Pojniam hnav liab ntawv xyoo 2008 los kuj hnav liab tib yam. Zaum no yog Zaum 2 nws tuaj rub Txiv Vaj Qhia.

Peb sawv daws yuav tsum thov Ntuj ntxiv rau Txiv Vaj Qhia, vim tias tus tuaj kub yeej tsis xav pub Txiv Vaj Qhia ua Misxas hmo ntawv, nws xav sib tus pojniam ntawv ua phem rau Txiv Vaj Qhia, tiam sis Yesxus kuj nrog nraim Txiv Vaj Qhia ua rau Txiv Vaj Qhia tseem mus ua tau Misxas rau nag hmo tsaus ntuj. Peb ua Ntuj Tsaug pub rau Txiv Vaj Qhia, thiab thov kom tus Txiv Tswv Qhia Liab raug mob zoo sai yuav rov qab los nrog sawv daws ua Misxas ntxiv.