MUS saib cov NEEG RAUG TXIMnyob Thaib teb.

Bangkok, 13 juin 2011

Nyob zoo ib tsoom phooj ywg,

Hnub no yog thawj zaug kuv mus xyuas cov Hmoob raug txim hauv nkuaj nyob Bangkok. Cov neeg ua hauj lwm hauv koom haum Haut Commissariat pour les Réfugiés HCR hu kuv mus txhais lus Hmoob rau lawv. Cov neeg no yoag 6 leej Allemands thiab ib tug pog Canadienne. Mus ua ntaub ntawv 1 teev thiab zov 1 teev tos ua ntej qhib rooj vag (Xov ntxaij hlau li cooj qaib). Ua rau yus thiaj pom tias cov muaj hwj huam thiab cov raug quab yuam. Ua rau npaum nkaus tej lus ploj tag 5 fiab nrhiav tsis tau ib los lus hais. Ua rau kuv tseem nco xyoo 1975, yus niam yus txiv nyob hauv yeej tawg rog Soptuang. Lub nkuaj xov ob txheej ntxhaij hlau nrug 1 mtuaj nruab nrab. Cov neeg raug txim nyias hnav nyias lub tsho daj ntaus ib tug numéro, zoo siab tas nrho pom peb…Cov raug txim sib huas ntias tuaj khawm phab ntsa cug pob ntseg. 5 fiab, tub ceev xwm taug kab los mloog sawv daws tham lus qog qees. Muaj ntau xeem neeg hais ntau xeem lus plis plos, yuav tsum hais ob peb lwm lo qub lus thiaj sib mloog tau. Muaj 3 yig Hmoob Yaj, 1 yig Hmoob Lauj. Lawm khiav Cob Tsib teb ntawm ob peb lub zos nyiag tuaj poob rau Thaib. Koom Tshaj kev cai hiam lawv thiaj xuas kev khiav, lawv yog cov Protestants : « Vietnam Good News Mission Church ».

Thaum lawv hnov kuv lub suab hais lus Hmoob ua rau lawv kua muag teev yees. Lawv twb tuaj raug txim tau 5 lub hlis lawm, tsis muaj leej twg nrog tau lawv txuas lus. Lawv tsuas txawj lus Hmoob thiab lo puav lus Cob Tsib xwb. Txiv neej kaw ib nkuag, poj niam me nyuam kaw ib nkuag, kaw ntau xeev neeg ua ke. Lawv cov me nyuam mob kev txhab liab vog puv cev. Kuv hais kom lawv mus cuag kws tshuaj hauv yeej. Lawv teb tias yog peb yeem rov qab mus qub vaj qub tsev ces kws tshuaj kam kho, yog peb yuav nyob tuaj txog lawm, no ces lawv puam chawj peb mob qhov twg los xij peem peb tsis pub ib lub tshuaj li. Cov HCR yuav tau mis, txiv ntoo, dej haus, qab zib rau cov me nyuam…Cov poj niam piav tias thaum lawv rov mus txog chaw, lwm cov neeg raug txim los tshawb lawv tej hnab, txhav ib co noj lawm. Lawv yuav coj mus faib kom txhua rau lawv cov. Sawv daws mas tshaib tshaib plab. Ib hnub, luag muab 3 phaj mov rau ib yig 7 leej me nyuam noj. Lawv tshaib dej thiab tshaib plab. Cov Hmoob no txom nyem kawg nkaus. Cov lus kawg lawv hais rau kuv :
-Tsis txhob tso lawv pov tseg.
-Txhob xa lawv rov qab, lawv kawg raug tua tuag.
-Thov ib lub teb chaws txais lawv.

Zam Thaiv Yaj, qhia ntawv Fab Kis nyob Bangkok, yog tus piav zaj lus no rau sawv daws mloog.

Muab los ntawm tsev Hmoob Kas Tos Liv Fab Kis teb.

Tsis ntev no zoo li muaj dua ob peb yim Hmoob Cob Tsib khiav los txog rau Thaib teb, kuj raug Tseem Hwv Thaib muab ntes coj mus kaw lawm thiab. Khuv leej lawv kawg nkaus.

Kwv tij Hmoob, nyob qhov twg los ntshe yuav tau yoog lub teb chawd ntawd, yuav tau mloog lub teb chaws ntawd mog. Txhob ntshaw luag lub neej zoo yuav ua rau yus ua neeg poob moos. Txhob saib luag hlob yuav ua rau yus siab ntsws ntxhov...