HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Peb los ntseeg Ntuj Kev Cai li cas ? Empty

Latest topics

» COV ZAJ NYEEM Hnub Chiv 2021-2022 Xyoo C
by Mim Today at 3:12 pm

» COV ZAJ NYEEM NRUAB LIS PIAM XYOO II 2021-2022
by Mim 17th August 2022, 2:38 pm

» Qhia Ntuj Kev Cai.
by Tub Kawm 11th July 2022, 3:08 am

» HMOOB NPAM NAJ XEES
by Maiv Tooj 1st July 2022, 8:52 am

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Mim 16th April 2022, 8:18 am

» MOO QAIJ QAUG
by Maiv Tooj 7th April 2022, 2:51 am

» Txiv Tswv QhiaTxwj Choo Thoj nyob los tsuas
by Maiv Tooj 16th March 2022, 6:54 am

» Zaj thov Ntuj rau cov neeg mob.
by Maiv Tooj 17th February 2022, 11:22 pm

» XH. Yaj Zoov Ntxheb lub Tsev THOOB TSIB
by Maiv Tooj 19th January 2022, 7:52 am

» Xib Hwb Thoj Xyooj lub neej
by Maiv Tooj 19th January 2022, 7:49 am

» COV ZAJ NYEEM RAU CAIJ YES XUS YUG LOS
by Mim 24th December 2021, 8:00 pm

» ZAJ THOV NTUJ RAU OB TUG TXWJ NKAWM.
by Maiv Tooj 10th December 2021, 6:10 am

Suav neeg tuaj saib, txij hnub 17/09/2010 los mus.


    Peb los ntseeg Ntuj Kev Cai li cas ?

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5487
    Date d'inscription : 2009-08-18

    Peb los ntseeg Ntuj Kev Cai li cas ? Empty Peb los ntseeg Ntuj Kev Cai li cas ?

    Post  Maiv Tooj 27th February 2021, 11:12 am

    PEB TAU NTSIB NTUJ KEV CAI LI CAS ?
    Lauj fav Tswb

    Xyoo 1957, tsis nco tias lub hlis twg, cov Hmoob nyob Xeev Samneua tau Sawv Vaj tias Peb Vaj Hmoob yuav nqes los hlub Hmoob. Ces Hmoob yuav muaj nom muaj tswv ib yam li lwm haiv neeg, yuav muaj teb chaws , muaj nroog, muaj kiab khws ci ntsa iab. Ua li ntawd tau ib tog xyoo, tab sis ho tsis pom dab tsi tshwm sim ces peb txawm tsis ntseeg lawm.
    Txuas ntawd los peb txawm tau hnov tias muaj ib tug Fab Kis hu ua Nyiaj Pov txawj txawj hais lus Hmoob nrog ib tug Hmoob Yaj hu ua Txoov Yeeb tuaj nyob rau nram nroog Samneua. Nkawd kuj piav txog HUAB TAIS NTUJ yog tus loj dua tej nom tej tswv hauv lub qab ntuj khwb. Nws yog tus tsim ntuj tsim teb, tsim tas puas tsav yam. Niaj hnub no nyob saum Ntuj thiab nyob tas qhov txhia chaw. Nws nrog peb nyob nraim, peb thiaj ua neej tau. Nws tsis muab hlob, nws ua li peb niam peb txiv ua rau peb. Kuv tsuas hnov cov laus hais li nov xwb, kuv kuj tsis pom nkawd thiab.
    Tsis ntev pes tsawg tom qab, tau hnov tias cov Hmoob nyob nroog Samneua sab Xib = sab Hnub Tuaj, lawv Txiav Dab lawm ntau yim. Ib lis piam tom qab txawm siv hnov tias cov Hmoob Tsab nyob rau lub zos Na Ping kuj txiav Dab ib nrab lawm thiab. Kuv txiv Nkaj Yaj Lauj thiab kuv tij laug Vam Lwm Lauj nkawd txawm hais tias lwm lub lis piam peb yuav tos Txiv Plig thiab Xib Hwb nkawd tuaj Txiav peb Dab thiab.
    Txiav Dab yog muab xwm kab, Dab roog, thaj neeb, hlua pauv ( hlua khi tes), xauv tooj liab thiab lwm yam uas hais txog Dab hlawv pov tseg. Thiab los Ntseeg txog kev teev hawm tshiab. Txiav Dab tag, lub siab nyob kaj lug. Muaj mob muaj nkeeg, mus yuav tshuaj los noj, los txhaj xwb ces zoo lawm. Tseg ncua qhov ua neeb ua yaig, teem qaib teem npua, fiv nyuj fiv twm, tseg ncua kev ua neeb ua yaig ntau nruas npig npig npag npag tsheej qas tag hmo. Hnub Chiv, cov Hmoob Ntseeg nyob ib cheeb tsam ncig nroog tuaj teev Ntuj ua ke rau hauv Samneua. Txwv laus puaj tiad yeej muaj cov Los Tsuas, cov Nyab Laj ntseeg ua ntej lawm, vim yeej muaj ib lub Tsev Teev Ntuj qub qub lawm. Tab sis xyov ua cas ho tsis muaj ib tug Nyab Laj los ib tug Los Tsuas yuav tuaj hais txog Tswv Ntuj rau Peb Hmoob li.
    Peb txais kev ntseeg tag yog xyoo 1958 lub 7 hli, TP. Nyiaj Pov thiaj pab txais peb 7 leej tub hluas tuaj kawm ntawv thiab kawm kev Ntseeg rau luv zos Roob Nyuj Qus, Xeev Luang Prabang. Peb mus kawm tau 5 lub hlis, peb mam rov los tsev.
    Peb mus txog Roob Nyuj Rus, TP. Nyiaj Pov thiab cov Hmoob ntseeg nyob ntawd yeej ua tau ib lub tsev rau TP. Nyob, ib lub tsev teev Ntuj, ib lub tsev kawm ntawv, ib lub tshuab kaw ntoo thiab ib tug ncej kiv cua ua Taws Xob rau cua ntau lawm.
    Thaum peb 7 leej rov qab los Samneua mas TP. Thuiab XH. Txoov Yeeb nkawd ob niam txiv phaj cuab tsaws yim nrog nrog peb mus nyob rau Samneua. Lub 1 hlis ntuj 1959, peb tau caij ib lub tsheb camion tub rog, taug kev los rau Phone Savane ces mam caij dav hlau rau Samneua.
    Peb los txog Samneua, TP. Mam li mus muas ob lub tracteurs 35 zog nees, ib lub tshuab kaw ntoo tuaj. Thov cov neeg ntseeg tuaj txiav ntoo ciab ntoo thuv coj los kaw ua ncej, nqaj, txiag coj los ua tsev nyob, tsev teev Ntuj, tsev kawm ntawv…
    Lub 9 hlis xyoo 1960, Samneua tawg, tau poob rau Nplog Liab tes ces tau TP. Tau khiav thiab tso tag puas tsav yam pov tseg.
    Mam rov los pib dua lub neej tshiab nyob Vees Cam, txhim tau 4 lub tsev pob zeb nyob hauv Simuang, Vees Cam. Yuav tau ib thaj av nyob Thaj Nkoj, yug qaib ntej qe thiab nyuj tso kua mis thiab npuas dawb. Cov nyuj tso kua mis nov, yog thawj thawj lub tsev yug nyob Los Tsuas teb, ib tug maum nyuj tso kua mis thaum lub caij ntawm yog 500.000 kips, xam rau ib tug xib hwb qhia ntawv lub nyiaj hli mas yuav tsum yog 28 xyoo mam yuav tau ib tug maum nyuj tso kua mis.
    Xyoo 1974, nyuam qhuav mus pib ua ib cov teb ntxiv rau Muang Kasy. Rov yuav dua tracteur, ntau lub tshuab, ua vaj ua tsev loj. Tau faib cov Xib Hwb hluas uas nyuam qhuav kawm tiav thiab yuav poj niam mus nyob.
    Nyob Simuang , muaj cov Xib Hwb laus, cov nyuam qhuav kawm tias yuav poj niam , ib cov Tim Hwb, 3 tug tub npaj kawm Txiv Plig, 6 tus ntxhais ua phauj thiab npaj ua phauj, tag nrho lawv muaj 34 leeg tsis xam cov niam xib hwb thiab cov me nyuam. Tsis tag li, tseem txais cov tub ntxhais txom nyem tuaj nyob noj haus thiab kawm ntawv. Tseem txais tej kwv tij neej tsa Hmoob tuaj pw noj haus nyob kho mob. Tseem tshuav ntau yam tham tsis tag.
    - Yog Koom Haum Catholique Allemagne ua tus pab nyiaj txiag tuaj tsim toob xib, yug cov xib hwb thiab tub kawm ntawv.
    - Yog lub teb chaws txhob tawg mas xav tias niaj hnub nyem no tej hauj lwm uas tau tham los no yuav tawg paj txi txiv rau peb Hmoob. Txawm poob li no lawm los peb ua Tswv Ntuj, cov pej xeem Catholiques thiab cov Nom Tswv Allemagne tsaug tsis txawj tag. Peb pauj tsis tau nej cov txiaj ntsim, peb tsuas foom ib los lus zoo rau nej kom nej muaj koob nrov npe mus txhiab niag tim puas xyoo.

    Sau npe: Lauj fav Tswb
    Kuv yog cov Hmoob coj Catholique los ntawm Xeev Houaphane Samneua, Nplog teb.
    Kuv yug 1945




      Current date/time is 19th August 2022, 6:06 pm