TSIS NTSEEG TIAS YOG TSWV NTUJ PAB YUS.

Nyob Zoo cov phooj ywg,

Kuv thov sau kuv ib zag ua Tswv Ntuj tau pab kuv tiam sis kuv tseem xav tias ntshai yuav tsis yog thiab.

Thaum xyoo 2003 muaj ib hnub kuv thiab tsev neeg peb tau mus noj mov tom kuv ib yim neej tsa rooj mov. Ces hnub ntawd yog hnub vasxaum thaum peb noj mov tas ces kuv cov dab laug kuj ntim su rau peb thiab ces lawv kuj muab dej cawv 2/3 hwj rau peb coj los thiab.

Thaum peb los tsev ces peb txawm ncaj qha mus tom peb lub tsev kawm kev ntseeg vim hnub ntawd yog kuv hnub yuav mus qhia kev ntseeg rau cov ntseeg thiab. Thaum kuv qhia kev ntseeg tas li 6:30 tsaus ntuj, ces peb txawm los mus tsev. Thaum peb los txog ntawm tog kev ces txawj muaj tub ceev xwm lawv kuaj tsheb ntes cov neeg phem thiab cov neeg haus dej hauv cawv.

Thaum peb los yuav txog rau ntawm qhov chaw lawv tas kev kuaj sawv daws cov tsheb. ces kuv ntshai heev vim kuv tus ntxhais ntxawm tsis muaj lub rooj rau nws zaum (safety) thiab kuv tseem thauj ib co cawv thiab. Tiam sis tam sis tau peb pom lawv kuaj li ntawd ces kuv leej nkawm thov ntuj heev, hos kuv tsis nco qab dab tsis li vim kuv ntshai heev.

Cov tub ceev xwm yeej kuaj txhua lub tsheb, tiam sis thaum peb los txog kiag ntawm qhov chawg Stop, ces ob tug tub ceev xwm txawm cia li yoj tes kom peb cia li mus tsis txhob nres li. Hos cov tsheb ua peb ntej mas lawv muab khuam tas txhua lub, thiab kuv saib pom lub lawv peb qab los txog lawv kuj muab khuam kuaj thiab.

Thaum peb los txog tsev kuv leej nkawm hais tias yog nws thov ntuj es Tswv Ntuj pab lawv thiaj li tsis kuaj peb lub tsheb, tiam sis kuv hais rau nws tias tsis yog li ntawd, qhov lawv tsis kuaj peb lub tsheb mas yog vim lawv saib kuv lub tsheb yog hom tsheb cov neeg muaj thiab neeg zoo tsav xwb ces lawv thiaj li tsis kuaj.

Qhov kuv paub tseeb kiag ces yog tau 2 hlis tom qab, kuv txawm tsis yuav insurance rau kuv lub tsheb ntawd lawm vim lub ntawd kuv tsis tshua tsav ces cia yuav insurance rau lub niaj hnub tsav xwb. ces ib tag kis kuv txawm sawv ntxov tsav kiag lub tsheb ntawd coj mus ntiav lawv ntxuav tsis deb ntawm kuv tsev nyob li 1km xwb. ces thaum lawv ntxuav tas kuv tawm plaws ntawm qghov chaw ntxuav tsheb xwb txawm cia li muaj ib tug tub ceev xwm caum ciag kuv ces nws stop kuv kiag ces nws kuaj kuv tsis muaj insurance rau lub tseb ntawd ces nws hu kiag lawv tuaj cab kuv lub tsheb mus tsis pub kuv tsav los tsev li ces tag kis kuv mam li mus txhiv tau kuv lub tsheb los.

Ces kuv thiaj li nco txog thaum tas los Tswv Ntuj tau pab kuv lawm tiam sis kuv tseem mom Tswv ntuj txiaj ntsim thiab, ces zaumm ntawd Tswv ntuj thiaj tsis pab kuv lawm kom kuv paub kiag. Ua li nej puas muaj tej qho zoo li kuv thiaj os lawv?