Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


UA KOOB TSHEEJ YES XUS YUG LOS XYOO 2018 - Page 11 Empty

Suav neeg tuaj saib, txij hnub 17/09/2010 los mus.


    UA KOOB TSHEEJ YES XUS YUG LOS XYOO 2018

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 8th October 2019, 6:20 pm

    TIM 9 LUB 10 HLI 2019

    Hnub Plaub Lis Piam Nees Nkaum Xya Nruab Xyoo C Nruab Lis Piam Xyoo I

    Hwm LN Denis thiab cov nrog nws tuag ua Tim Khawv; hwm LN John Leonardi

    Zaj Nyeem Ib: YOS NAS 4: 1-11


    1 Yos Nas chim kawg thiab nws npau taws tias Tswv Ntuj tsis ua li nws hais rau lub nroog Nis Nis Vas. 2 Nws thov HUAB TAIS zoo li no : "HUAB TAIS, puas yog li kuv hais thaum kuv tseem nyob hauv kuv lub teb chaws ? Tos kuv tau xub khiav mus rau Tas Xis los yog vim kuv yeej paub tias koj yog ib tug Tswv Ntuj khuv leej neeg, koj lub siab mos thiab muag, koj npau taws qeeb, koj lub siab zoo loj tas nrho, koj rov thim koj txoj kev xav ua phem. 3 HUAB TAIS, nyem no thov koj thau kuv txoj sia mus, vim yog kuv tuag mas zoo dua kuv muaj txoj sia nyob." 4 HUAB TAIS teb tias : “Puas tsim nyog koj yuav npau taws ?” 5 Yos Nas tawm hauv lub nroog mus zaum nyob ntawm ib qho chaw nyob rov sab toob fab ntawm lub nroog. Nws ua ib lub tsev pheeb suab rau nws nkaum ntxoov ntxoo, nws zaum ntsia tos saib puas yuav muaj dab tsi tshwm sim tuaj raug lub nroog.
    6 Ces HUAB TAIS Tswv Ntuj ua kom muaj ib tsob hmab taub hwb hlob tuaj roos Yos Nas, kom tshav txhob kub nws taub hau thiab kom nws txoj kev chim siab ploj. Yos Nas pom tsob hmab taub hwb, nws zoo siab kawg nkaus. 7 Tab sis tag kis sawv ntxov, Tswv Ntuj ua kom muaj kab tuaj txo txoj hmab taub, ces txoj hmab ntsws tas. 8 Thaum lub hnub tuaj siab lawm, Tswv Ntuj ua kom muaj ib nthwv cua kub lug tshuab sab hnub tuaj tuaj, lub hnub ziab rau Yos Nas taub hau ua kom nws twb yuav tsis nco qab. Ces Yos Nas thov tuag xwb, nws hais tias : "Kuv tuag zoo dua kuv muaj txoj sia nyob."
    9 HUAB TAIS hais rau Yos Nas tias : "Puas tsim nyog koj npau taws rau txoj hmab taub ntawd?" Yos Nas teb tias : "Yeej tsim nyog kuv npau taws, kuv mas npau taws kawg nkaus xav tuag lawm xwb." 10 Ces HUAB TAIS hais tias : "Koj mob siab rau txoj hmab taub ntawd, uas koj twb tsis tau siv zog cog, koj tsis tau ua kom hlob, nws tuaj nws nyob hauv ib hmos, ces nws rov tuag nws mus nyob hauv ib hmos thiab. 11 Kuv ne, vim li cas kuv thiaj yuav tsis mob siab rau lub tsheej loj Nis Nis Vas? Muaj tshaj ib puas nees nkaum txhiab leej neeg nyob hauv, lawv twb tsis paub tias lawv sab xis yog sab twg sab laug yog sab twg, thiab kuj tseem muaj covtsiaj txhu ntau uas tsis tau hais txog."

    NPN 86: 3-4, 5-6, 9-10

    Txais: (15) Huab Tais, koj siab zoo thiab khuv leej neeg.

    Thov koj khuv leej kuv, Huab Tais,
    vim kuv hu koj tas hnub.
    Thov koj ua kom koj tus tub txib tus ntsuj plig zoo siab,
    vim kuv tsa kuv tus ntsuj plig yuj plaws tuaj rau koj, Huab Tais.

    Txais: (15) Huab Tais, koj siab zoo thiab khuv leej neeg.

    Huab Tais, koj muaj lub siab zoo thiab txawj zam txhaum,
    koj ua siab zoo tas nrho rau cov uas hu txog koj.
    HUAB TAIS, thov koj mloog kuv zaj thov ntuj
    thiab cuab pob ntseg rau kuv lub suab thov.

    Txais: (15) Huab Tais, koj siab zoo thiab khuv leej neeg.

    Huab Tais, tas ib tsoom kuj cuab
    uas koj tau tsim los yuav tuaj pe hawm koj;
    Lawv yuav cav txog koj lub npe muaj koob meej.
    Koj loj tas nrho, koj ua hwj huam txaus qhuas,
    Koj tib leeg yog Tswv Ntuj.

    Txais: (15) Huab Tais, koj siab zoo thiab khuv leej neeg.

    As Les Lus Yas: LM 8: 15BC

    Txais: As les lus yas, as les lus yas.

    Nej tau txais ib lub tswv yim ua tub sau,
    lub tswv yim ntawd qhia kom peb hu tias : ‘As Npas ! Txiv !’

    Txais: As les lus yas, as les lus yas.

    Ntawv Moo Zoo: LK 11: 1-4

    1 Muaj ib zaug, Yes Xus teev ntuj nyob ib qho chaw. Thaum nws teev ntuj tas lawm, nws ib tug thwj tim hais rau nws tias: "Huab Tais, koj qhia peb teev Ntuj xws li Zam qhia nws cov thwj tim saib."
    2 Yes Xus hais rau lawv tias : "Thaum nej teev Ntuj, nej hais li no : Txiv, ua kom koj lub Npe ntshiab,
    3 kom koj txoj kev tswj kav los txog ! Thov koj niaj hnub pub mov txaus rau peb noj hnub ntawd.
    Koj zam txhaum rau peb zoo li peb zam rau cov tshuav peb nqi. Koj txhob cia peb poob rau hauv txoj kev ntxias.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 9th October 2019, 6:14 pm

    TIM 10 LUB 10 HLI 2019

    Hnub Tsib Lis Piam Nees Nkaum Xya Nruab C Nruab Lis Piam Xyoo I

    Zaj Nyeem Ib: MAS LAS KIS 3: 13-20B


    13 HUAB TAIS hais li no : "Nej hais lus nchav lus phem txog kuv, tsis kav nej tseem hais tias : ‘Peb tau hais lus tsis zoo li cas txog koj ?’ 14 Nej hais tias : ‘Kev tsob hwb Tswv Ntuj tsis zoo dab tsi. Peb tau coj nws cov lus qhia, peb tau ua kev tu siab nyob ntawm tus HUAB TAIS kav tsoom tshiab xub ntiag, peb tau tus dab tsi zoo? 15 Nyem no peb hais tias cov neeg tau hmoov zoo yog cov neeg muab hlob, cov ua phem yog cov vam meej. Lawv sim Tswv Ntuj tab sis lawv kuj tsis raug nplua dab tsi.’”
    16 Ces cov hwm HUAB TAIS sib tham, HUAB TAIS cua pob ntseg ua zoo mloog lawv. Ces lawv muab sau tseg rau hauv ib phau ntawv nyob ntawm HUAB TAIS xub ntiag, tias cov twg yog cov hwm Huab Tais thiab tso siab rau nws lub npe. 17 Tus HUAB TAIS kav tsoom tshiab hais li no : "Thaum txog hnub kuv teem tseg mas cov ntawd yuav yog kuv tug, lawv yuav yog kuv cov neeg tshwj xeeb. Kuv yuav khuv leej lawv xws li ib leeg txiv khuv leej nws tus tub uas tsob hwb nws. 18 Ces thaum ntawd nej yuav rov qab pom tias tus neeg ncaj txawv tus neeg nkhaus li cas, tus tsob hwb Tswv Ntuj txawv tus tsis tsob hwb nws li cas . 19 Vim Huab Tais lub Hnub Nyoog yuav tawm tuaj ntaiv cuag li ib lub qhov txos, ces cov neeg muab hlob thiab tas cov neeg siab phem yuav zoo li ib co quav nyab; lub hnub nyoog uas yuav tuaj ntawd, yuav hlawv lawv tas huv tib si, kom tsis txhob tshuav ib tug cag los ib tug kav li,” tus Huab Tais kav tsoom tshiab hais li ntawd. 20 “Tab sis nej cov uas hwm kuv lub npe, mas lub Hnub pub txoj kev ncaj yuav sawv tuaj rau nej, nws cov sab yuav ci tuaj kho nej kom nej tej mob zoo hlo."

    NPN 1: 1-2, 3, 4+6

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Muaj hmoov zoo yog tus uas tsis coj
    raws tus neeg phem zaj tswv yim,
    los taug cov neeg txhaum txoj kev,
    los zaum nrog cov neeg saib tsis taus luag tej,
    tiam sis nws zoo siab hlo coj HUAB TAIS txoj cai,
    thiab nws xav ntsoov HUAB TAIS txoj cai nruab hnub hmo ntuj.

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Nws zoo li ib tsob ntoo cog nyob ze cov dej ntws,
    nws txi txiv raws caij raws nyoog,
    thiab nws tej nplooj tsis txawj ntsws li.
    Nws ua yam twg tau yam ntawd. .

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Cov neeg phem tsis zoo li ntawd,
    lawv zoo li cov npluag nplej uas cua muab nplawm tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    As Les Lus yas: HL 16: 14B

    Txais: As les lus yas, as les lus yas.

    HUAB TAIS, thov koj qhib peb tej siab ntsws
    kom peb mloog koj leej Tub cov lus.

    Txais: As les lus yas, as les lus yas

    Ntawv Moo Zoo: LK 11: 5-13


    5 Yes Xus hais rau lawv tias : "Yog nej leej twg muaj ib tug phooj ywg tuaj cuag nej thaum ib tag hmo, thiab hais rau nej tias : 'Phooj ywg, koj txais peb lub ncuav mov rau kuv, 6 vim kuv ib tug npawg mus tawm rooj los txog hauv kuv tsev, kuv tsis muaj dab tsi rau nws noj li.' 7 Hos tus nyob hauv tsev teb tias : 'Txhob txob kuv, lub qhov rooj twb xauv lawm, kuv cov me nyuam peb twb pw tas, kuv sawv tsis taus los muab dab tsi rau koj lawm.' 8 Kuv hais rau nej tias, tab yog nws tsis sawv los muab vim tus ntawd yog nws phooj ywg, tsis kav nws yeej yuav sawv los muab rau tus ntawd raws li nws thov, vim nws taij tsis tseg."
    9 "Li ntawd, kuv hais rau nej tias: Nej thov, ces nej yuav tau txais, nej nrhiav, ces nej yuav ntsib; nej khob ces qhov rooj yuav qhib rau nej. 10 Vim tias leej twg thov, nws yuav tau txais, leej twg nrhiav, nws yuav ntsib, hos leej twg khob qhov rooj, luag yuav qhib rau nws. 11 Nyob hauv nej, leej txiv twg yuav muab ib tug nab rau nws tus tub yog tus tub tai jib tug ntses? 12 Los yuav muab ib tug kab lij tshooj rau yog nws tus tub tai jib lub qe? 13 Txawm tias nej yog neeg phem, tsis kav nej twb txawj pub tej yam zoo rau nej cov me nyuam. Ua li mas Leej Txiv nyob saum ntuj nws puas tsis haj yam yuav txawj pub Leej Ntuj Plig Ntshiab rau cov uas thov nws?"


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 10th October 2019, 3:03 am

    TIM 11 LUB 10 HLI 2019

    Hnub Rau Lis Piam Nees Nkaum Xya Nruab Xyoo C Nruab Lis Piam Xyoo I

    Hwm LN Vaj Qhia Zam XXIII

    Zaj Nyeem Ib: YOS ES 1: 13-15; 2: 1-2


    13 Cov Leej Choj, nej sia siv , nej cia li quaj cia li nyiav ! Cov ua tub txib nyob ntawm thaj txi Ntuj, nej cia li quaj qw nrov nrov ! Kuv tus Tswv Ntuj cov tub txib, nej cia li tuaj nyob hmo ntuj, nej hnav ntaub tsaj mog ! Vim luag tsis pub muaj cov txim thiab cov dej caw txi Ntuj nyob hauv nej tus Tswv Ntuj lub tsev lawm. 14 Nej ceeb toom ib lub sij hawm ntshiab los yoo mov, teem ib lub hnub nyoog loj los sib sau, nej hu tas cov txwj laus thiab tas tsoom neeg nyob hauv lub teb chaws tuaj sib koom nyob hauv HUAB TAIS nej tus Tswv Ntuj lub tsev, nej tsa suab nrov nrov quaj thov HUAB TAIS.” 15 Vim txog hnub phem lawm! HUAB TAIS lub hnub nyoog tuaj txog ze lawm tiag! Yog ib lub hnub nyoog uas coj kev puas mtsoog tuaj ntawm tus muaj hwj huam tas nrho tuaj.
    2 1 “Nej tshuab hom Nyob Xis Yoos mas ! Nyob saum kuv lub roob ntshiab nej tshuab kub twg ceeb toom rau sawv daws! Kom tas cov neeg nyob hauv lub teb chaws ntshai tshee na, vim HUAB TAIS lub hnub nyoog tuaj txog ze lawm, twb nyob ntawm no lawm ! 2 Yog ib hnub muaj kev tsaus ntuj thiab muaj kev tu siab, yog ib hnub pos huab nti thiab tsaus ntuj dub nciab. Xws li lub hnub tawm tuaj ziab zuj zus saum cov roob, muaj ib haiv neeg coob coob thiab muaj zog, cia li nchuav nthwv tuaj. Tsis tau muaj dua ib haiv neeg zoo li ntawd txij thaum ntxov ub los; yuav tsis rov muaj dua zoo li ntawd ntxiv ntau txhiab ntau tiam tom ntej lawm.

    NPN 9: 2-3, 6+16, 8-9

    Txais: (9) Huab Tais yuav txiav txim ncaj ncees rau lub sim ceeb.

    HUAB TAIS, kuv muab tas kuv siab ntsws los ua koj tsaug,
    kuv tshaj txog koj cov hauj lwm tsim nyog qhuas.
    Kuv zoo siab, kuv hom khaj nyob hauv koj;
    Tus Tswv Nyob Siab, kuv hu nkauj cav txog koj lub npe.

    Txais: (9) Huab Tais yuav txiav txim ncaj ncees rau lub sim ceeb.

    Koj tsawm cov kuj cuab, koj rhuav tus tsis hwm Ntuj,
    koj ua kom lawv lub npe ploj mus tas ib txhis.
    Tsoom kuj cuab zom av rau hauv lub qhov ntuj lawv tau khawb,
    lawv ko taw daig hauv rooj ntxiab uas lawv tau cuab.

    Txais: (9) Huab Tais yuav txiav txim ncaj ncees rau lub sim ceeb.

    HUAB TAIS zaum ua vaj mus ib txhiab ib txhis,
    nws teeb nws lub theej kiab khov kho tos lub caij txiav txim.
    Nws txiav txim rau lub sim ceeb raws txoj kev ncaj.
    Nws tswj kav tsoom haiv neeg raws txoj kev haum pheej.

    Txais: (9) Huab Tais yuav txiav txim ncaj ncees rau lub sim ceeb.

    As Les Lus yas: ZAM 12: 31B-32

    Txais: As les lus yas, as les lus yas.

    Huab Tais hais tias: Zaum no tus Tswj lub ntiaj teb no
    yuav raug ncaws pov rau nraum zoov.
    Thaum luag tsa kuv siab rau saum ntiaj teb lawm,
    mas kuv yuav rub tas txhua leej kom los cuag kuv."

    Txais: As les lus yas, as les lus yas.

    Ntawv Moo Zoo LK 11: 15-26

    Yes Xus caum ib tug dab ruam tsis txawj hais lus tawm hauv ib tug neeg mus.
    15 Tab sis ib txhia hauv cov neeg nyob ntawd hais tias : "Yog nws hu txog Npes Ntxes Npus tus thawj dab phem nws thiaj ntiab tau dab." 16 Tseem muaj ib txhia xav sim Yes Xus, ces lawv thov kom Yes Xus ua ib lub cim tawm saum ntuj tuaj. 17 Tab sis Yes Xus paub qhov lawv xav, nws hais rau lawv tias : "Lub teb chaws twg rov tawm tsam nws tus kheej, mas nws kawg raug kev puas tsuaj; tej vaj tse ib lub yuav vau tsuam ib lub. 18 Yog tias Xas Tas rov tawm tsam Xas Tas tus kheej, mas nws lub ceeb tsheej yuav ua cas nyob tau ruaj ? Vim nej hais tias kuv tuav txog Npes Ntxes Npus los ntiab dab no. 19 Yog kuv tuav txog Npes Ntxes Npus los ntiab dab no, nej cov neeg ne lawv tuav txog leej twg los ntiab dab ? Ua li mas, nej cov neeg yog cov yuav txiav txim rau nej. 20 Hos yog tias kuv tuav txog Tswv Ntuj tus ntiv tes los ntiab dab, mas yog vim tias Tswv Ntuj lub Ceeb Tsheej los txog nej lawm.
    21 Thaum ib tug neeg muaj zog tuav ntaj tuav hmuv zov nws lub vaj loog, mas nws lub cuab tam nyob nyab xeeb. 22 Tab sis, thaum twg lwm tus muaj zog dua nws tuaj ntaus yeej nws, ces lawv txeeb nws cev ris tsho hlau uas yog nws lub chaw tso siab mus, thiab muab nws tej cuab yeej cuab tam sib faib tas.
    23 Leej twg tsis nrog kuv, ces yog nws tiv kuv. Leej twg tsis nrog kuv sau los ua ke, ces yog nws muab w pov tseg tas xwb.
    24 Thaum dab tsis huv tawm hauv ib tug neeg mus, nws mus ua loj leeb rau hauv tej teb chaws qhuav, nrhiav ib lub chaw so, tab sis nrhiav tsis tau, ces nws hais tias : 'Kuv yuav rov mus nyob hauv lub tsev uas kuv tawm los.' 25 Thaum dab tsis huv rov qab los txog, nws pom lub tsev cheb huv si thiab tu du lug cia. 26 Ces nws mus coj xya tus dab uas tseem tsiv tsaim dua nws nkag los nyob hauv lub tsev ntawd. Thaum kawg, tus neeg ntawd lub neej phem dua qhov qub lawm ntau."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 11th October 2019, 4:07 am

    TIM 12 LUB 10 HLI 2019

    Hnub Xya Lis Piam Nees Nkaum Xya Nruab Xyoo C Nruab Lis Piam Xyoo I

    Zaj Nyeem Ib: YOS ES 4: 12-21


    Huab Tais hais tias:
    12 “Kom cov haiv neeg tsim dheev los, kom lawv sawv tuaj mus tom lub hav tiaj Yos Xas Fas. Kuv yuav zaum nyob ntawd txiav txim rau tas txhia lub kuj cuab nyob ib ncig. 13 Siv nej rab liag mus hlais, vim qoob twb siav lawm. Nej tuaj tsuj cov txiv cawv vim lub tsu ua cawv puv lawm. Cov rhawv puv phwj yaws, vim lawv txoj kev phem loj tas nrho ! 14 Neeg coob tis ua coob tuaj nyob hauv lub hav txiav txim, vim HUAB TAIS lub hnub nyoog tuaj txog ze ze nyob hauv lub hav txiav txim lawm. 15 Lub hnub thiab lub hli tsaus nti, cov hnub qub tsis ntsa lawm. 16 HUAB TAIS nyooj laws saum Xis Yoos tuaj, nws ua nws lub suab nrov hauv Yes Lus Xas Les tuaj. Lub ntuj lub ntiaj teb co qeeg nkaws, tab sis HUAB TAIS yog nws haiv neeg chaw nkaum, nws yog tsoom tub ki His Xas Lais lub ntsa zeb thaiv lawv!
    17 Ces nej yuav paub tias kuv yog HUAB TAIS nej tus Tswv Ntuj, uas nyob saum kuv lub roob Ntshiab Xis Yoos. Yes Lus Xas Les yuav yog ib qho chaw ntshiab, cov pej kum neeg yuav tsis hla hauv nws mus ntxiv lawm. 18 Hnub ntawd, ib co cawv tshiab yuav nrog saum cov roob los, kua mis yuav ntws pem tej pov roob los; dej yuav ntws lug hauv txhia tus kwj nyob Yus Das teb. Ib tug dej yuav txhawv ntawm HUAB TAIS lub tsev los ywg lub vov hav Sis Tis. 19 Hais Nkws Tos teb yuav yog ib lub teb chaws puas rsuaj puas ntsoog tas, Es Dos yuav hloov ua ib thaj suab puam qhuav qhawv, vim lawv tau hiam tsoom tub ki Yus Das, lawv tau ua kom cov ntshav tsis muaj txhaum ntws nyob hauv lawv teb chaws. 20 Tab sis Yus Das teb yuav muaj neeg nyob tas mus li, thiab Yes Lus Xas Les yuav nyob mus tiam dhau tiam. 21 Kuv yuav ua pauj rau lawv cov ntshav, kuv yuav tsis zam txim." HUAB TAIS ua tsev nyob saum Xis Yoos.

    NPN 97: 1-2, 5-6, 11-12

    Txais: (12) Cov neeg ncaj, nej yuav zoo siab nyob hauv Huab Tais!

    HUAB TAIS yog vaj ntxwv, kom lub ntiaj teb zoo siab;
    kom cov pov txwv ntau lub luag ntxhi.
    Cov huab thiab qhov tsaus ntuj nyob ncig nws,
    kev ncaj ncess thiab kev txiav txim yog lub taw
    ntsa txheem nws lub theej kiab.

    Txais…

    Cov roob yaj tas xws li ciab ntab yaj
    nyob ntawm Huab Tais xub ntiag,
    ntawm tus HUAB TAIS kav tas lub ntiaj teb xub ntiag.
    Lub ntuj tshaj txog nws txoj kev ncaj ncees,
    tas txhua haiv neeg pom nws lub hwj chim.

    Txais…

    Qhov pom kev ci tawm tuaj kaj tus neeg ncaj,
    kev zoo siab ci tuaj rau tus neeg siab zoo.
    Cov neeg ncaj nej zoo siab nyob hauv HUAB TAIS,
    nej ua tsaug rau nws lub npe ntshiab.

    Txais…

    As Les Lus Yas: LK 11: 28

    Txais: As les lus yas, as les lus yas.

    Cov muaj hmoov zoo yog cov uas mloog
    Tswv Ntuj Lo Lus thiab ua raws li ntawd,

    Txais: As les lus yas, as les lus yas.

    Ntawv Moo Zoo: LK 11: 27-28

    27 Thaum Yes Xus tseem hais tej lus ntawd, muaj ib tug poj niam nyob hauv nruab nrab tsoom sid tsa suab hais nrov nrov rau Yes Xus tias : "Lub plab uas tau nqa koj thiab lub xub ntiag uas pub mis rau koj tau txoj hmoov zoo !"
    28 Tab sis Yes Xus hais tias : "Cov uas mloog Tswv Ntuj Lo Lus thiab ua raws li ntawd, mas lawv thiaj yog cov tau txoj hmoov zoo."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 13th October 2019, 3:46 pm

    TIM 14 LUB 10 HLI 2019

    Hnub Ob Lis Piam Nees Nkaum Yim Nruab Xyoo A Nruab Lis Piam Xyoo I

    Hwm LN Callistus I

    Zaj Nyeem Ib: LOS MAS 1: 1-7


    1 Kuv, Paj Lug, uas yog Yes Xus Pleev ib tug tub qhe, raug Ntuj hu kuv los ua Hauv Paus Xa Lus, thiab qee kuv los tshaj Tswv Ntuj lub Moo Zoo, 2 uas Tswv Ntuj tau xub cog lus txog ua ntej rau hauv nws cov yaj saub tej ntawv ntshiab tseg lawm, 3 yog lub Moo Zoo hais txog nws Leej Tub, uas yug hauv Das Vis caj ces los raws li neeg ntiaj teb. 4 tiam sis nws yog Tswv Ntuj Leej Tub muaj hwj huam raws li Leej Tswv Yim tus ntshiab huv, vim nws txoj kev sawv hauv cov tub tuag rov los, peb tus Huab Tais Yes Xus Pleev. 5 Nyob hauv nws, peb tau txais txiaj ntsim ua hauv paus xa lus kom peb tau qhia txog txoj kev mloog lus raws txoj kev ntseeg rau tas cov neeg teev pej kum dab paub, ces nws lub npe yuav tau koob meej. 6 Nej kuj yog ib co nyob hauv cov neeg ntawd thiab; nej raug hu los ua Yes Xus Pleev tug. 7 Kuv xa lus tuaj rau tas cov neeg uas Tswv Ntuj nyiam nyob Los Mas; nws hu nej los ua neeg ntshiab. Thov kom nej txais txiaj ntsim thiab kev thaj yeeb tuaj ntawm peb Leej Txiv Tswv Ntuj, thiab ntawm Huab Tais Yes Xus Pleev tuaj.

    NPN 98: 1, 2-3AB, 3CD-4

    Txais: (2a) Huab Tais ua kom neeg paub txog nws txoj kev cawm.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    nws sab npab ntshiab tau ua.

    Txais: (2a) Huab Tais ua kom neeg paub txog nws txoj kev cawm.

    HUAB TAIS ua kom neeg paub txog nws txoj kev cawm,
    nws ua kom cov haiv neeg pom nws txoj kev ncaj
    Nws rov nco txog nws txoj kev ua zoo thiab kev pheej xeeb
    rau tsev neeg His Xas Lais.

    Txais: (2a) Huab Tais ua kom neeg paub txog nws txoj kev cawm.

    Tas cov npoo ntiaj teb kawg tau pom
    peb tus Tswv Ntuj txoj kev cawm neeg.
    Tas txhua teb chaws, nej hu nkauj
    zoo siab rau HUAB TAIS,
    nej qw suab nkauj, nej cav txog nws.

    Txais: (2a) Huab Tais ua kom neeg paub txog nws txoj kev cawm.

    As Les Lus Yas: NPN 95: 8

    Txais: As les lus yas, as les lus yas.

    Hnub no, yog nej hnov nws lub suab,
    Txhob ua nej lub siab tawv ncauj.

    Txais: As les lus yas, as les lus yas.

    Ntawv Moo Zoo: LK 11: 29-32

    29 Thaum tej pab neeg coob ntxiv tuaj, Yes Xus pib hais lus li no tias: "Tiam neeg no yog ib tiam neeg phem. Lawv taij ib lub cim, tab sis tsis muaj ib lub cim rau lawv pom, tsuas kawg muaj Yos Nas lub cim xwb. 30 Ib yam li Yos Nas yog ib lub cim rau cov neeg nyob Nis Nis Vas, Neeg Leej Tub kuj yuav yog ib lub cim rau tiam neeg no. 31 Txog hnub txiav txim, tus poj vaj nyob Naj Fab yuav nrog tiam neeg no sawv rov los, nws yuav muab txim rau lawv, vim nws tuaj puag tim npoo ntiaj teb kawg tuaj mloog Xas Los Moos cov lus thoob tsib; hos nyob ntawm no, twb muaj tus loj dua Xas Los Moos. 32 Txog hnub txiav txim, cov neeg nyob Nis Nis Vas yuav nrog tiam neeg no sawv rov los, lawv yuav muab txim rau tiam neeg no, vim tias thaum Yos Nas tuaj ceeb toom rau lawv, mas lawv tso kev txhaum tseg, hos nyob ntawm no twb muaj tus loj dua Yos Nas."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 14th October 2019, 6:04 am

    TIM 15 LUB 10 HLI 2019

    Hnub Peb Lis Piam Nees Yim Nruab Xyoo C Nruab Lis Piam Xyoo I

    Hwm LN Teresa de Jesus, Nkauj Tsim Txiaj ua Kws cov Txuj Ntshiab

    Zaj Nyeem Ib: LM 1: 16-25


    Cov kwv tij nkauj muad:
    16 Kuv tsis txaj muag txog lub Moo Zoo li; nws yog Tswv Ntuj lub hwj huam cawm tas txhua tus neeg uas ntseeg, xub cawm cov Yus Das ua ntej, ces cov Hes Las. 17 Vim nyob hauv lub Moo Zoo, Tswv Ntuj txoj kev ncaj tawm tuaj vim muaj kev ntseeg thiab kom muaj kev ntseeg, xws li ntawv sau tseg tias : ‘Tus neeg siab ncaj vim txoj kev ntseeg yuav muaj txoj sia.’
    18 Tswv Ntuj lub siab npau taws tawm saum ntuj los raug tas neeg tej kev tsis hwm Ntuj thiab tej kev nkhaus, vim lawv txoj kev nkhaus thaiv qhov tseeb tsis pub tawm los. 19 Lawv yeej paub meej txog tej yam uas txawj qhia txog Tswv Ntuj rau neeg , vim Tswv Ntuj tau ua kom lawv paub txog lawm. 20 Vim txij puag thaum ntuj tsim teb raug los, txhua yam uas neeg pom tsis tau txog Tswv Ntuj, xws li nws lub hwj huam nyob mus li thiab nws lub hwj chim ua Tswv Ntuj, neeg lub tswv yim yeej tsom tau nyob hauv tej yam nws tau tsim los. Vim li ntawd, cov neeg tsis ncaj hais tsis tau tias lawv tsis muaj txhaum. 21 Vim lawv twb paub Tswv Ntuj, tab sis lawv tsis cav txog nws lub koob meej tias nws yog Tswv Ntuj, lawv tsis ua nws tsaug, hos lawv yeem xav tej zaj tswv yim tsis tseem ceeb dab tsi, ces lawv lub siab vwm nyob hauv qhov tsaus ntuj nti. 22 Lawv khav tias lawv thoob tsib, tab sis lawv vwm tas. 23 Lawv muab tus Tswv Ntuj nyob mus li lub hwj chim hloov los ua tej tus duab xws li duab neeg uas txawj tuag, los duab noog, los duab tsiaj txhu muaj plaub txhais tes taw, los duab nab.
    24 Vim li ntawd Tswv Ntuj thiaj tso lawv pov tseg rau hauv lawv txoj kev ua phem ua qias raws li lawv lub siab ntshaw, hauv txoj kev ua neeg tsis dawb huv, hauv txoj kev lawv rov sib siv lawv lub cev los ua kev tsis tsim txiaj. 25 Lawv hloov txoj kev tseeb txog Tswv Ntuj los ua kev dag; ces lawv yeem mus teev hawm thiab tsob hwb tej yam uas yog tsim tawm los, tsis yog tus tsim tas txhua yam uas nws nto koob meej mus ib txhiab ib txhis. Ua li.

    NPN 19: 2-3, 4-5

    Txais: (2a) Cov txheej ntuj saud tshaj txog Tswv Ntuj lub koob meej.

    Cov txheej ntuj saud tshaj txog Tswv Ntuj lub koob meej,
    lub qab ntuj khwb tshaj cov hauj lwm nws txhais tes tsim los.
    Nruab hnub hais lo lus rau nruab hnub mloog,
    Hmo ntuj qhia rau hmo ntuj paub txog.

    Txais: (2a) Cov txheej ntuj saud tshaj txog Tswv Ntuj lub koob meej.

    Tsis muaj ib lo lus los ib zaj lus piav
    Uas leej tib neeg yuav tsis hnov txog.
    Lawv lub suab yeej ncha puv tas ntiaj teb,
    lawv lo lus xa moo yeej nrov txog tim npoo ntiaj teb kawg.

    Txais: (2a) Cov txheej ntuj saud tshaj txog Tswv Ntuj lub koob meej.

    As Les Lus Yas: HES NPLAWS 4: 12

    Txais: As les lus yas, as les lus yas.

    Tswv Ntuj lo lus muaj sia thiab ua tau hauj lwm,
    nws txawj tsom tau tej tswv yim thiab
    tej kev xav nyob hauv neeg nruab siab.

    Txais: As les lus yas, as les lus yas.


    Ntawv Moo Zoo: LK 11: 37-41

    37 Thaum Yes Xus hais lus tas nrho, muaj ib tug Fas Lis Xais caw Yes Xus mus noj mov tim nws tsev. Yes Xus chaws mus hauv tsev, nws mus xyab ntawm rooj mov. 38 Tus Fas Lis Xas pom li ntawd, ces nws poob siab rau qhov Yes Xus tsis xub ntxuav tes tso mam noj mov. 39 Tab sis Huab Tais hais rau tus Fas Lis Xais ntawd tias : "Nej cov Fas Lis Xais mas nej ntxuav khob ntxuav phaj sab nraud kom huv, tab sis nej muaj kev tub sab thiab kev phem nyob puv nkaus nej sab hauv. 40 Neeg vwm ! Tus tsim sab nraud nws tsis tsim sab hauv thiab lod ? 41 Hais txog tej yam nyob sab hauv mas nej yuav tsum muaj qhov pub rau luag, ces txhua yam yuav dawb huv rau nej.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 15th October 2019, 6:24 am

    TIM      16      LUB      10      HLI      2019

    Hnub Plaub Lis Piam Nees Nkaum Yim Nruab Xyoo C Nruab Lis Piam Xyoo I  
     
    Hwm LN Hedwig; hwm LN Margaret Mary Alacoque

    Zaj Nyeem Ib:        LM  2:   1-11


    1 Txhua tus leej tib neeg uas txiav txim rau luag tej, koj yuav hais tsis tau tias koj tsis txhaum  Thaum koj txiav txim rau luag, mas yog koj rov txiav txim rau koj ntag, vim tias koj yog tus txiav txim, tab sis koj twb ua ib yam nkaus li ntawd thiab. 2 Peb paub hais tias Tswv Ntuj yeej txiav txim raws txoj kev ncaj rau cov neeg uas ua tej txhaum ntawd. 3 Leej tib neeg, koj puas xav tias txawm koj txiav txim rau cov neeg ua tej txhaum ntawd, thiab txawm koj twb ua ib yam nkaus los koj yeej yuav dim ntawm Tswv Ntuj txoj kev txiav txim ?  4 Los koj puas muab Tswv Ntuj lub siab nplua nuj txoj kev ua zoo, txoj kev ua siab ntev ua tiag nyiaj koj tej kev phem, thiab txoj kev ua siab dav, saib tsis rau nqe, vim koj tsis paub tias Tswv Ntuj txoj kev ua zoo yuav tshoj koj kom koj tig los hloov dua siab tshiab? 5 Vim koj ua koj lub siab tawv qhawv txhav qhi tsis tuaj yeem thov txhaum, mas koj tsub Tswv Ntuj txoj kev thoj chim rau koj mus txog hnub Tswv Ntuj npau taws, thiab hnub nws txoj kev txiav txim ncaj ncees yuav tawm plaws tuaj.  6 Ces nws yuav pauj rau nyias raws li nyias cov hauj lwm. 7 Rau cov uas ua lub siab ntuj ntev mus taug txoj kev ua zoo, nrhiav lub koob meej, lub  hwj chim thiab kev ciaj nyob mus li, mas nws yuav muab txoj sia nyob mus li los pauj rau lawv. 8 Hos cov uas lawv ua neeg twm xeeb tsis xav mloog txoj kev tseeb tiam sis lawv mloog txoj kev phem, mas Tswv Ntuj yuav muab txoj kev npau taws thiab meem txom los pauj rau lawv. 9 Txhua tus neeg uas mus taug txoj kev phem, mas nws yuav raug kev txom nyem thiab kev txhawj xeeb; tus neeg Yus Das yuav xub raug, ces tus Hes Las kuj yuav raug thiab. 10 Hos txhua tus uas ua qhov zoo, mas nws yuav txais lub koob meej, lub hwj chim, thiab txoj kev thaj yeeb; tus neeg Yus Das yuav xub txais, ces tus Hes Las kuj yuav txais thiab. 11 Vim Tswv Ntuj tsis tsa leej twg cai.

    NPN        62:   2-3, 6-7, 9

    Txais:   (13b) Huab Tais, koj them rau txhua tus raws li nyias cov hauj lwm.

    Kuv tus plig tau nyob tiaj tus tsuas yog nyob hauv Tswv Ntuj;
    Kuv txoj kev cawm seej tuaj ntawm nws tuaj.
    Nws ib leeg yog kuv lub tsua, yog tus cawm kuv,
    yog kuv lub yeej ntsa zeb, kuv yuav tsis ntshai li..

    Txais:   (13b) Huab Tais, koj them rau txhua tus raws li nyias cov hauj lwm.

    Kuv tus plig, koj txoj kev tiaj tus yog Tswv Ntuj ib leeg,
    nws yog kuv lub chaw tso siab.
    Nws ib leeg yog kuv lub tsua, yog tus cawm kuv,
    yog kuv lub yeej ntsa zeb : kuv yuav tsis tshee li.

    Txais:   (13b) Huab Tais, koj them rau txhua tus raws li nyias cov hauj lwm.

    Tas ib tsoom neeg, nej tso siab rau nws txhua lub sij hawm.
    Nej qhib lug nej lub siab rau nws mog ;
    Tswv Ntuj yog peb qhov chaw vam khom.

    Txais:   (13b) Huab Tais, koj them rau txhua tus raws li nyias cov hauj lwm.

    As Les Lus Yas:        ZAM  10:   27

    Txais: As les lus yas, as les lus yas.

    Huab Tais hais tias, kuv cov yaj mloog kuv lub suab;
    kuv paub kuv cov yaj, lawv caum kuv qab nraim.

    Txais: As les lus yas, as les lus yas.

    Ntawv Moo Zoo:        LK  11:   42-46

    Huab Tais hais tias:
    42 “Nej tsoom Fas Lis Xais, nej txoj hmoov phem! Vim nej them se ib feem kaum ntawm cov pum hub, zaub txhwb, thiab ntawm txhua yam txuj lom nyob hauv vaj. Tab sis nej tsis ua raws txoj kev ncaj thiab txoj kev nyiam Tswv Ntuj li. Nej twb yuav tsum ua raws li nej tau ua, tab sis txhob tso qhov tod pov tseg. 43 Nej tsoom Fas Lis Xais, nej txoj hmoov phem, vim nej nyiam zaum thawj lub rooj kim txwv hauv cov tsev txoos, thiab nyiam kom luag hawm nej tom tej tshav puam ! 44 Nej txoj hmoov phem, vim nej zoo li tej ntxa uas tsis muaj dab tsi qhia tias yog ntxa, ces sawv daws mus tsuj saud.”  
    45 Ces ib tug Kws Lij Choj hais rau Yes Xus tias : "Xib Hwb, koj hais tej ntawd mas kuj raug peb thiab." 46 Yes Xus thiaj hais tias : "Nej, cov Kws Lij Choj, nej kuj tau txoj hmoov phem thiab, vim nej nog tej lub nra hnyav ceeb laj ris kawg rau tsoom neeg sawv daws, tab sis nej twb tsis tsa nej tus nyuag ntiv tes mus kov tej nra ntawd.”



    Last edited by Mim on 17th October 2019, 8:28 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 17th October 2019, 7:54 am

    TIM 17 LUB 10 HLI 2019

    Hnub Tsib Lis Piam Nees Nkaum Yim Nruab Xyoo C Nruab Lis Piam Xyoo I

    Hwm LN Ignatius nyob Antioch, Tswv Qhia tuag ua Tim Khawv

    Zaj Nyeem Ib: LM 3: 21-30


    Cov kwv tij nkauj muad:
    21 Nyem no, Tswv Ntuj txoj kev ncaj tawm tuaj rau neeg pom, tsis yog nyob hauv Txoj Cai tiam sis Txoj Cai thiab cov Yaj Saub tau zeem tseeb txog. 22 Kev ntseeg txog Yes Xus Pleev pub Tswv Ntuj txoj kev ncaj rau tas txhua leej uas ntseeg, vim tsis muaj ib co neeg txawv lwm cov, 23 sawv daws puav leej tau ua txhaum tas huv tib si, thiab tsis tau Tswv Ntuj lub hwj chim li. 24 Yog nws lub txiaj ntsim uas nws pub dawb paug rau sawv daws ua kom sawv daws ncaj tuaj tau, vim txoj kev txhiv uas nyob hauv Yes Xus Pleev, 25 tus uas Tswv Ntuj tso tuaj ua nqi them txim txhaum nyob hauv nws cov ntshav vim txoj kev ntseeg, kom tau ua pov thawj txog nws txoj kev ncaj, vim nws zam rau sawv daws lawv tej txhaum uas lawv tau ua ua ntej lawm. 26 Tswv Ntuj ua lub siab ntev ntev nyiaj ris neeg tej kev phem, kom tau ua pov thawj txog nws txoj kev ncaj rau lub sij hawm niaj hnub no pom tias nws yog tus ncaj, thiab tus pub kev ncaj rau cov neeg ntseeg txog Yes Xus.
    27 Puas muaj ib lub sij hawm twg rau peb khav? Tsis muaj li. Puas muaj ib txoj cai twg? Txoj cai ntawm kev ua hauj lwm lod? Tsis tau li. Tsuas muaj txoj kev ntseeg xwb. 28 Peb paub tias neeg ncaj tuaj tau vim txoj kev ntseeg, tsis yog vim nws ua raws Txoj Cai.
    29 Tswv Ntuj puas yog cov Yus Das tus Tswv Ntuj nkaus xwb? Nws tsis yog cov neeg teev pej kum dab tus Tswv Ntuj thiab lod? Nws yeej yog cov neeg teev pej kum dab tus Tswv ntuj thiab. 30 Vim tsuas muaj ib tug Tswv Ntuj xwb; nws ua kom cov neeg txais lub cim txiav ncaj tuaj vim lawv txoj kev ntseeg ; hos nws ua kom cov neeg tsis tau txais lub cim txiav ncaj tuaj nyob hauv txoj kev ntseeg thiab.

    NPN 130: 1B-2, 3-4, 5-6AB

    Txais: (7) Huab Tais muaj kev khuv leej thiab kev cawm neeg zoo txhij txhua.

    HUAB TAIS, kuv nyob hauv qab tiv txwv hu txog koj,
    HUAB TAIS, thov koj mloog kuv lub suab!
    Thov koj cuab pob ntseg mloog kuv lub suab thov koj.

    Txais: (7) Huab Tais muaj kev khuv leej thiab kev cawm neeg zoo txhij txhua.

    HUAB TAIS, yog koj cim ntsoov peb cov txhaum
    leej twg thiaj yuav nyob taus, Huab Tais?
    Tab sis nyob ntawm koj muaj kev zam txhaum,
    ces sawv daws yuav hwm koj.

    Txais: (7) Huab Tais muaj kev khuv leej thiab kev cawm neeg zoo txhij txhua.

    Kuv tso siab rau HUAB TAIS,
    kuv tus ntsuj plig tso siab rau nws lo lus.
    Kuv tus ntsuj plig tos ntsoov HUAB TAIS
    heev tshaj cov zov keeb tos lub caij kaj ntug.

    Txais: (7) Huab Tais muaj kev khuv leej thiab kev cawm neeg zoo txhij txhua.

    As Les Lus Yas: ZAM 14: 6

    Txais: As les lus yas, as les lus yas.

    Huab Tais hais tias: Kuv yog Txoj Kev,
    yog Qhov Tseeb, thiab yog Txoj Sia.
    Tsis muaj leej twg mus cuag Leej Txiv tau,
    yog nws tsis mus ntawm kuv mus.

    Txais: As les lus yas, as les lus yas.

    Ntawv Moo Zoo: LK 11: 47-54

    Huab Tais hais tias:
    47 ”Nej txoj hmoov phem, nej cov uas txhim cov yaj saub tej ntxa, uas yog nej phaj txiv tau muab lawv tua. 48 Vim li ntawd, nej ua tim khawv txog thiab pom zoo tias qhov nej phaj txiv ua yog hauj lwm zoo: lawv yog cov muab tua, hos nej yog cov txhim ntxa. 49 Yog vim li ntawd Tswv Ntuj txoj kev Thoob Tsib thiaj hais tias : ‘Kuv yuav xa ib co yaj saub thiab ib co hauv paus xa lus mus rau lawv, lawv yuav muab ib co tua thiab hiam ib co,’ 50 kom tas cov yaj saub tej ntshav uas raug muab nchuav txij thaum ntuj tsim teb raug los, yuav tsum poob rau tiam neeg no ris, 51 txij As Npes cov ntshav los txog Ntxas Kas Lias cov ntshav, tus uas raug tua ntawm kis nruab nrab lub thaj txi Ntuj thiab thaj Chaw Ntshiab. Kuv hais rau nej tias tiam neeg no yeej yuav tau ris lub txim ntawd. 52 Nej tsoom Kws Lij Choj, nej txoj hmoov phem, vim nej muab tus yuam sij qhib txoj kev txawj ntse rho tawm lawm; nej tus kheej tsis kam nkag mus hauv, hos cov xav nkag mus los nej thaiv tsis pub lawv mus."
    53 Thaum Yes Xus tawm ntawd mus lawm, cov Kws Ntawv Ntshiab thiab cov Fas Lis Xais pib nrhiav kev ua phem tas zog rau nws, thiab kom nws hais txog ntau tsav ntau yam, 54 vim lawv xav cuab ntxiab tos rawv yuav ntes nws yog nws hais ib lo lus txawv li cas.


    **********************************************************

    TIM 17 LUB 10 HLI

    HWM LN IGNATIUS NYOB ANTIOCH, TSWV QHIA TUAG UA TIM KHAWV


    Yog xav xaiv cov zaj nyeem tshwj xeeb rau hnub hwm Leej Niam ntawm txoj Saw Mab Liab raws li nram no los tau:

    Zaj Nyeem Ib: FLP 3: 17C-4:1

    17 Cov kwv tij sawv daws, nej yoog raws li kuv tus lwj lwm mog. Nej ntsia ntsoov cov neeg uas coj raws li peb tus piv txwv. 18 Vim tias, raws li kuv twb tau hais rau nej ntau zaus lawm, thiab kuv hais rau nej zaum no nrog lub kua muag, muaj coob leej coj xws li lawv yog cov yeeb ncuab ntxub Yes Xus tus ntoo cuam. 19 Cov neeg ntawd, lawv yuav poob rau hauv txoj kev tuag thaum kawg xwb. Lawv tus huab tais yog lawv lub plab, lawv muab tej yam phim yuav txaj muag los khav, lawv lub tswv yim tsuas xav ntsoov txog tej yam nyob ntiaj teb no xwb. 20 Tiam sis ntawm peb mas peb yog pej xeem qaum ntuj, ces peb tos ntsoov ib tug cawm seej tuaj saum ntuj tuaj, Huab Tais Yes Xus Pleev; 21 nws yuav muab peb lub cev txom nyem no hloov ua ib lub cev muaj hwj chim, xws li nws lub; nws ua li ntawd tau, vim nws muaj hwj huam ua kom txhua tsav txhua yam zwm rau nws.
    3 1 Li ntawd, kuv cov kwv tij uas kuv nyiam thiab kuv nco, nej yog kuv qhov chaw zoo siab, yog kuv lub koob meej. Nej nyob ruaj nreb li no hauv Huab Tais mog, cov zoo nyiad.

    NPN 34: 2-3, 4-5, 6-7, 8-9


    Txais: Huab Tais cawm kuv dim ntawm tas kuv tej kev ntshai.

    Kuv yuav cav txog HUAB TAIS txhua lub sij hawm;
    nws lub koob meej yuav nyob rawv ntawm kuv lub ncauj.
    Kuv tus plig txoj kevnto koob meej yog nyob hauv HUAB TAIS;
    tus neeg me yuav hnov kuv thiab yuav zoo siab.

    Txais: Huab Tais cawm kuv dim ntawm tas kuv tej kev ntshai.

    Nej nrog kuv cav txog HUAB TAIS,
    peb sawv daws ua ke qhuas nws lub npe.
    Kuv nrhiav HUAB TAIS; nws teb kuv,
    Nws cawm kuv dim ntawm tas kuv tej kev ntshai.

    Txais: Huab Tais cawm kuv dim ntawm tas kuv tej kev ntshai.

    Nej vam txog HUAB TAIS, ces kev zoo siab yuav ua nej ci ntsa iab,
    koj ntsej muag yuav tsis liab ploog vim kev txaj muag.
    Thaum tus pluag txom nyem hu, HUAB TAIS mloog
    thiab yuav cawm nws ntawm tas nws tej kev nyuaj ntxhov.

    Txais: Huab Tais cawm kuv dim ntawm tas kuv tej kev ntshai.

    HUAB TAIS tus tshiab tsa tsev tsam phooj
    ncig cov neeg hwm HUAB TAIS, nws cawm lawv dim.
    Nej saj ces nej yuav pom tias HUAB TAIS siab zoo npaum li cas.
    Tus muab HUAB TAIS ua nws lub chaw nkaum tau txoj hmoov zoo.

    Txais: Huab Tais cawm kuv dim ntawm tas kuv tej kev ntshai.

    As Les Lus Yas: YAS KOS 1: 12

    Txais: As les lus yas, as les lus yas.

    Tus tau txoj hmoov zoo yog tus uas ua tiag nyiaj dhau txoj kev ntxias,
    Vim thaum Ntuj sim nws siab tas, mas nws yuav tau txais lub mom teev kub pub txoj sia.

    Txais: As les lus yas, as les lus yas

    Ntawv Moo Zoo: ZAM 12: 24-26

    Yes Xus hais rau nws cov thwj tim tias:
    24 “Kuv hais qhov muaj tseeb tiag rau nej : Yog lub noob nplej uas poob rau hauv av tsis tuag, mas nws nyob nws, ua ib lub noob twm zeej. Hos yog nws tuag, mas nws txi txiv ntau.
    25 Tus twg nyiam nws txoj sia, mas nws plam nws txoj sia. Hos tus twg tsis khuv xim nws txoj sia nyob hauv lub qab ntuj no, mas nws yuav ceev tau nws txoj sia kom ciaj nyob mus li.
    26 Tus twg tsob hwb kuv, mas nws yuav tsum los raws kuv. Kuv nyob qhov twg, kuv tus tub txib kuj yuav nyob qhov ntawd thiab. Leej Txiv yuav muab tus uas tsob hwb kuv saib rau qhov siab.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 17th October 2019, 9:45 am

    TIM 18 LUB 10 HLI 2019

    Hnub Rau Lis Piam Nees Nkaum Yim Nruab Xyoo C Nruab Lis Piam Xyoo I

    Hwm LN Lus Kas, tus sau Ntawv Moo Zoo

    Zaj Nyeem Ib: 2 TM 4: 10-17B


    Tus hmov tshua,
    10 Des Mas uas nyiam lub ntiaj teb dua ntais, nws tso kuv tseg thiab nws sawv kev mus rau Tes Xas Los Nis lawm; Khes Xees mus Nkas Las Tias teb, hos Tis Tos mus Das Mas Tias teb lawm. 11 Tshuav Lus Kas tib leeg nrog kuv nyob xwb. Koj mus coj Mas Kos nrog koj tuaj thiab, vim nws yog ib tug pab tau kuv zoo hauv txoj hauj lwm tshaj Ntuj lus. 12 Kuv tau xa Tis Sis Kos mus nyob Es Fes Xos lawm. 13 Thaum koj tuaj, thov koj pab nqa kuv lub tsho tshaj sab uas kuv tso nyob Thuas, hauv Kas Pos tsev tuaj, thiab koj nqa cov phau ntawv tuaj, tseem ceeb tshaj yog cov tawv sau ntawv.
    14 Tus kws nchuav tooj As Les Xas Nraws tau ua phem kawg rau kuv; cia Huab Tais mam li ua pauj rau nws raws li nws tau ua. 15 Koj tus kheej yuav tau ceev faj zoo txog nws thiab, vim nws yog ib tug yeeb ncuab tawm tsam peb txoj kev tshaj lub Moo Zoo heev kawg.
    16 Thawj zaug uas kuv tau mus hais ntawm cov nom txiav txim xub ntiag, mas tsis muaj leej twg tuaj nres kuv tog li, sawv daws tso kuv pov tseg tas tib si. Kuv thov kom Ntuj txhob suav txim rau lawv! 17 Tab sis Huab Tais tau sawv nrog nraim kuv, thiab tau muab lub zog los txhawb kuv, kom kuv tshaj lub Moo Zoo kom txhij txhua tiav log, ces tas cov neeg teev pej kum dab thiaj tau hnov txog.

    NPN 145: 10-11, 12-13, 17-18

    Txais: (12) Huab Tais, koj cov phooj ywg tshaj rau neeg paub txog
    koj lub Ceeb Tsheej muaj hwj chim ci ntsa iab.

    HUAB TAIS, cia tas koj cov hauj lwm ua koj tsaug,
    thiab cia cov uas nyiam koj cav txog koj.
    Cia lawv qhuas txog koj lub Ceeb Tsheej muaj hwj chim
    thiab piav txog koj lub hwj huam loj.

    Txais: (12) Huab Tais, koj cov phooj ywg tshaj rau neeg paub txog
    koj lub Ceeb Tsheej muaj hwj chim ci ntsa iab.

    Cia lawv qhia rau neeg paub txog koj lub hwj huam loj
    thiab koj lub Ceeb Tsheej muaj hwj chim ci ntsa iab.
    Koj lub Ceeb Tsheej yog ib lub Ceeb Tsheej txais tas txhua tiam neeg,
    thiab koj txoj kev tswj kav yuav nyob mus lj dhau txhua tiam.

    Txais: (12) Huab Tais, koj cov phooj ywg tshaj tawm txog
    koj lub Ceeb Tsheej muaj hwj chim ci ntsa iab.

    Huab Tais ua ncaj nyob hauv tas nws tej kev
    nws yog tus ntshiab nyob hauv tas nws tej dej num.
    Huab Tais nyob ze tas cov uas hu txog nws,
    tas cov uas muaj lub siab hu txog nws tiag.

    Txais: (12) Huab Tais, koj cov phooj ywg tshaj rau neeg paub txog
    koj lub Ceeb Tsheej muaj hwj chim ci ntsa iab.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: yog kuv xaiv nej hauv lub ntiaj teb los
    Kom nej mus txi ib co txiv uas yuav nyob ruaj.

    Txais: As les lus yas, as les lus yas.

    Ntawv Moo Zoo: LK 10: 1-9

    1 Dhau qhov ntawd lawm, Huab Tais tseem xaiv xya caum ob leeg thwj tim; nws xa lawv mus tej pab ob leeg, ua nws ntej mus rau hauv txhua lub nroog thiab txhua qhov chaw uas nws yuav mus. 2 Nws hais rau lawv tias : "Qoob loo zoo sau muaj ntau kawg, tab sis cov tub zog muaj tsawg. Nej thov tus Tswv qoob kom nws xa ib co tub zog tuaj sau nws cov qoob. 3 Nej kav tsij mus! Kuv xa nej zoo li ib co yaj mus nyob nruab nrab ib cov hma. 4 Nej tsis txhob nqa nas nyiaj, txhob ris hnab, txhob nqa khau, txhob hu leej twg ntawm kev. 5 Nej chaws mus hauv lub tsev twg, nej xub hais tias : "Kom lub tsev no nyob kaj lug lau!" 6 Yog muaj txoj kev kaj lug ib leeg tub nyob ntawd, mas nej txoj kev kaj lug yuav roos nws. Yog tsis muaj, mas nej txoj kev kaj lug yuav rov los rau nej. 7 Nej nyob hauv lub tsev ntawd, nej noj nej haus tej yam uas lawv muaj hauv tsev, vim tus tub zog tsim nyog txais ib tug nqi zog. Nej txhob tawm hauv ib lub tsev mus nyob dua lwm lub. 8 Nej mus hauv lub nroog twg, yog luag txais nej, nej noj tej yam uas luag muab rau nej. 9 Nej kho cov neeg mob hauv lub nroog ntawd kom zoo, thiab nej hais rau lawv tias : "Tswv Ntuj lub Ceeb Tsheej tuaj txog ze nej lawm."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 18th October 2019, 7:08 am

    TIM      19      LUB      10      HLI      2019

    Hnub Xya Lis Piam Nees Nkaum Yim Nruab Xyoo C Nruab Lis Piam Xyoo I

    Hwm LN John de Brébeuf thiab Isaac Jogues, thiab cov…, tuag ua Tim Khawv

    Zaj Nyeem Ib:        LM  4:   13, 16-18


    Cov kwv tij,
    13 Tswv Ntuj tsis yog cog lus nyob hauv txoj cai tias nws yuav pub lub sim ceeb no rau Has Nplas Has thiab nws tsoom xeeb leej xeeb ntxwv ua lawv tug, hos yog cog lus nyob hauv txoj kev ncaj uas txhawv ntawm kev ntseeg los.
    16 Yog vim li ntawd, nws yog ib yam uas tau txais los ntawm kev ntseeg los, mas nws thiaj yog ib lub txiaj ntsim pub dawb; thiab lo lus uas Tswv Ntuj cog ntawd yog cog rau tas Has Nplas Has tsoom xeeb leej xeeb ntxwv huv tib si, tsis yog rau cov coj raws Txoj Cai xwb, tiam sis yog rau cov uas coj raws li Has Nplas Has txoj kev ntseeg huv tib si thiab; Has Nplas Has yog tas nrho peb sawv daws txiv,  17 raws li muaj sau tseg tias : ‘Kuv muab koj ua txiv rau ntau tej haiv neeg.’ Nws yog peb sawv daws txiv nyob ntawm Tswv Ntuj xub ntiag, tus Tswv Ntuj uas nws ntseeg txog, tus uas pub txoj sia rau cov neeg tuag, thiab tus hu tej yam tseem tsis tau xeeb kom xeeb tau los nyob.
    18 Has Nplas Has ntseeg, txawm nws twb tsis pom muaj chaw tso siab li los nws tseem tso siab qees, nws ntseeg tias nws yuav tau ua ntau haiv neeg txiv, raws nraim li lo lus hais tias : ‘Koj tsoom xeeb ntxwv yuav muaj npaum li ntawd.’

    NPN        105:   6-7, 8-9, 42-43

    Txais: (8a) Huab Tais nco ntsoov nws lo lus nws tau cog mus ib txhis.

    Nej, Has Nplas Has tsoom xeeb ntxwv,
    uas yog Huab Tais cov tub txib,
    Nej, Yas Kos cov tub, uas yog cov Huab Tais tau xaiv,
    HUAB TAIS yog peb tus Tswv Ntuj tiag,
    Nws tej cai tswj tas qhov txhia chaw hauv lub ntiaj teb.

    Txais: (8a) Huab Tais nco ntsoov nws lo lus nws tau cog mus ib txhis.

    Nws nco ntsoov mus li cov lus nws cog cia,
    yog ib co lus cog ruaj rau txhiab tiam tub ki.
    Yog cov lus nws tau nrog Has Nplas Has cog,
    thiab nws tau rov zeem tseeb rau His Xas Has.

    Txais: (8a) Huab Tais nco ntsoov nws lo lus nws tau cog mus ib txhis.

    Vim HUAB TAIS rov nco txog nws lo lus ntshiab
    uas nws tau hais rau nws tus tub txib Has Nplas Has.
    Nws coj nws haiv neeg tawm los luag ntxhi ,
    nws coj cov neeg nws tau xaiv tawm los, lawv qw zoo siab.

    Txais: (8a) Huab Tais nco ntsoov nws lo lus nws tau cog mus ib txhis.

    As Les Lus Yas:        ZAM  15:   26B, 27A

    Txais: As les lus yas, as les lus yas.

    Huab Tais hais tias:  leej Tswv Yim muaj qhov tseeb yuav ua tim
    khawv txog kuv, thiab nej kuj yuav ua kuv tim khawv ib yam.

    Txais: As les lus yas, as les lus yas.

    Ntawv Moo Zoo:        LK  12:   8-12

    Yes Xus hais rau nws cov thwj tim tias:
    8 “Kuv hais rau nej tias: txhua leej uas lees kuv nyob ntawm tsoom neeg xub ntiag, mas Neeg Leej Tub kuj yuav lees tus ntawd nyob ntawm Tswv Ntuj cov Tshiab xub ntiag thiab. 9 Leej twg tsis lees kuv nyob ntawm tsoom neeg xub ntiag, mas kuj yuav tsis muaj tus lees nws nyob ntawm Tswv Ntuj tsoom Tshiab xub ntiag thiab.
    10 Yog leej twg hais ib lo lus phem txog Neeg Leej Tub, mas Ntuj yuav zam tau rau nws. Tab sis tus twg thuam Leej Ntuj Plig Ntshiab, mas Ntuj yuav tsis zam rau nws li.
    11 Thaum luag coj nej mus sawv hauv cov tsev txoos, ntawm cov thawj coj thiab cov nom tswv xub ntiag, mas nej tsis txhob txhawj tias nej yuav ua li cas, siv dab tsi nej thiaj tau cai, thiab yuav hais dab tsi ; 12 vim lub sij hawm ntawd, Leej Ntuj Plig Ntshiab mam li yuav qhia kom nej hais dab tsi."

    **************************************************

    TIM      19      LUB      10      HLI
       

    HWM LN JOHN DE BRÉBEUF THIAB LN ISAAC JOGUES, LEEJ CHOJ TUAG UA TIM KHAWV NROG LAWV COV KWV LUAG


    Yog xav xaiv cov zaj nyeem tshwj xeeb rau hnub hwm LN John de Brebeuf thiab cov... raws li nram no los tau:  

    Zaj Nyeem Ib:        2 KLN  4:   7-15

    Cov kwv tij nkauj muad:
    7 Peb tso yam muaj nqis loj no nyob hauv tej lub hub av, kom sawv daws pom tseeb tias lub hwj huam loj ntawd yog tuaj ntawm Tswv Ntuj tuaj, tsis yog tawm hauv peb los. 8 Luag tsim txom peb qhov txhia chaw tuaj, tab sis peb tsis raug luag tsuj lwj tas; peb tws kev, tab sis peb tsis tws kev tas nrho. 9 Peb raug luag caum peb tua, tab sis lawv caum tsis cuag peb; peb raug luag thawb rau hauv av, tab sis peb tsis raug luag rhuav tu noob. 10 Peb ris raws Yes Xus txoj kev tuag nyob hauv peb lub cev tas mus li, kom Yes Xus txoj sia tawm tuaj rau sawv daws pom xyeem nyob hauv peb lub cev thiab. 11 Vim tias txawm peb tseem muaj txoj sia nyob los, niaj hnub peb yeej raug luag yuav muab peb tua vim Yes Xus, kom xwv Yes Xus txoj sia tawm los rau neeg pom xyeem nyob hauv peb lub cev nqaij txawj tuag. 12 Li ntawd txoj kev tuag lis nws lub luag hauj lwm nyob hauv peb, hos txoj sia lis nws lub luag hauj lwm nyob hauv nej.
    13 Vim peb tau ib lub tswv yim ntseeg raws li muaj sau hauv Ntawv tseg tias : “Kuv ntseeg, kuv thiaj hais li.” Ntawm peb los, peb ntseeg ces peb thiaj hais li thiab. 14 Peb paub tseeb tias, tus tsa Huab Tais Yes Xus sawv rov los, nws kuj yuav tsa peb nrog Yes Xus sawv rov los thiab; thiab nws yuav coj peb nrog nej mus nyob ze nws. 15 Tas puas tsav yam yeej yog ua rau nej, kom Ntuj lub txiaj ntsim nthuav dav mus txog rau neeg coob zuj zus tuaj, ces thiaj yuav ua kom muaj kev ua Ntuj tsaug ntau npaug tuaj, kom Tswv Ntuj muaj koob meej.

    NPN        126:   1BC-2AB, 2CD-3, 4-5, 6

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Thaum HUAB TAIS coj Xis Yoos cov neeg mus nyob txim rov los,
    peb zoo li yog ib co neeg ua npau suav.
    Peb lub ncauj muaj suab luag ntxhi
    peb tus nplaig qw nkauj zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Tej pej kum haiv neeg hais nroo ntws tias :
    "HUAB TAIS ua tej yam loj tas nrho rau lawv !"
    HUAB TAIS yeej tau ua tej yam loj rau peb tiag,
    peb zoo siab kawg nkaus.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    HUAB TAIS, thov koj sau peb tej cuab yeej cuab tam rov qab los
    zoo puav tam li dej sab siv huam nyob teb chaws suab puam.
    Cov neeg tseb nplej ntxuag kua muag,
    lawv yuav sau nplej ntxuag kev zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    Thaum mus, lawv quaj kua muag poob,
    vim lawv ris cov seev noob mus,
    thaum rov los, lawv qw suab zoo siab,
    vim lawv ris cov rev nplej tshiab los.

    Txais: (5) Cov neeg tseb nplej ntxuag kua muag yuav sau nplej ntxuag kev zoo siab.

    As Les Lus Yas:         MT  28:   19A, 20B

    Txais:    As les lus yas, as les lus yas.  
    .
    Huab Tais hais tias: Nej mus qhuab qhia rau tas txhua haiv neeg,
    kuv yuav nrog nej nyob nraim mus li txog thaum ntiaj teb kawg.

    Txais: As les lus yas, as les lus yas.

    Ntawv Moo Zoo:        MT  28:   16-20

    16 Pab Kaum Ib leeg mus txog Nkas Lis Lais teb. Lawv mus saum lub roob uas Yes Xus teem rau lawv.
    17 Thaum lawv pom Yes Xus, lawv pe nws; Tiam sis ib txhia tseem ua xyem xyav.
    18 Yes Xus txav los ze lawv, nws hais rau lawv tias: "Ntuj pub ib puas tsav yam hwj huam rau kuv nyob saum ntuj thiab nyob ntiaj teb no.
    19 Nej mus, nej ua kom tas ib tsoom haiv neeg los ua kuv thwj tim. Nej hu txog Leej Txiv, Leej Tub thiab Leej Ntuj Plig Ntshiab lub npe, nej ntxuav lawv.
    20 Nej qhia kom lawv coj tas puas tsav yam uas kuv tau qhia rau nej. Hos kuv, mas kuv niaj hnub nrog nej nyob mus txog lub zim txwv thaum lub caij kawg.”



    Last edited by Mim on 21st October 2019, 2:55 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 21st October 2019, 2:45 am

    TIM 21 LUB 10 HLI 2019

    Hnub Ob Lis Piam Nees Nkaum Cuaj Nruab Xyoo C Nruab Lis Piam Xyoo I

    Zaj Nyeem Ib: LM 4: 20-25


    Cov kwv tij nkauj muad,
    20 Has Nplas Has tsis muaj lub siab ua xyem xyav tsis ntseeg Tswv Ntuj txoj kev cog lus li, nws txoj kev ntseeg tsuas loj muaj zog tuaj xwb, ua kom nws cav txog Tswv Ntuj lub koob meej. 21 Nws tso siab lug tias qhov Tswv Ntuj tau cog lus, nws yeej muaj lub peev xwm ua kom tau. 22 Yog vim li no Has Nplas Has txoj kev ntseeg thiaj raug muab suav ua kev ncaj ncees rau nws.” 23 Tab sis lo lus uas sau tias: “raug muab suav ua kev ncaj ncees rau nws,” tsis yog hais rau Has Nplas Has ib leeg xwb; 24 lo lus ntawd kuj yog hais rau peb sawv daws huv tib si thiab, nws kuj yuav raug muab suav ua kev ncaj ncees pub rau peb thiab, yog tias peb ntseeg txog tus tau tsa Yes Xus peb tus Huab Tais sawv hauv cov tub tuag rov los, 25 uas nws raug luag muab muag vim peb cov txhaum, thiab nws sawv rov los kom peb tau txais kev ua neeg ncaj ncees.

    NPN: LK 1: 68B-69, 70-72, 73-75

    Txais: (68) Peb cav txog Huab Tais, His Xas Lais tus Tswv Ntuj;
    nws tuaj xyuas nws haiv neeg lawm.

    Nws tau tuaj xyuas nws haiv neeg thiab tuaj txhiv lawv dim.
    Nws tau tsa ib tug cawm seej muaj hwj huam rau peb,
    yug tawm ntawm nws tus tub txib Das Vis tsev neeg los.

    Txais: (68) Peb cav txog Huab Tais, His Xas Lais tus Tswv Ntuj;
    nws tuaj xyuas nws haiv neeg lawm..

    Txheej thaum ub, nws tau siv cov yaj saub los cog lus tias :
    nws yuav cawm peb ntawm peb cov yeeb ncuab,
    thiab ntawm tas cov uas ntxub peb txhais tes.
    Nws tau cog lus tias nws yuav khuv leej txog peb phaj txiv
    thiab nws yuav nco ntsoov txog nws txoj kev cog lus ntshiab.

    Txais: (68) Peb cav txog Huab Tais, His Xas Lais tus Tswv Ntuj;
    nws tuaj xyuas nws haiv neeg lawm..

    Yog lo lus nws tau nrog peb yawg koob Has Nplas Has cog tias:
    Nws yuav tso peb dim ntawm yeeb ncuab txhais tes,
    peb yuav muaj kev twj lij teev hawm nws tsis muaj kev ntshai,
    tau kev ua neeg ntshiab neeg ncaj ncees raws li
    nws nyiam niaj hnub hauv peb lub neej.

    Txais: (68) Peb cav txog Huab Tais, His Xas Lais tus Tswv Ntuj;
    nws tuaj xyuas nws haiv neeg lawm.

    As Les Lus yas: MT 5: 3

    Txais: As les lus yas, as les lus yas.

    Cov muaj hmoov zoo yog cov pluag hauv nruab siab,
    vim Ntuj lub Ceeb Tsheej yog lawv li.

    Txais: As les lus yas, as les lus yas.

    Ntawv Moo Zoo: LK 12: 13-21

    13 Muaj ib tug neeg hauv tsoom sid hais rau Yes Xus tias : "Xib Hwb, koj hais kom kuv tij laug faib peb lub cuab tam rau kuv thiab." 14 Yes Xus hais rau nws tias : "Npawg, leej twg tsa kuv ua tus txiav txim los tus faib cuab tam rau neb ?" 15 Ces nws hais rau pab neeg ntawd tias : "Nej ceev faj, nej yuav txuag kom nej txhob muaj kev ntshaw tau ntau, vim tias neeg txawm nplua nuj npaum twg los nws txoj sia tsis yog nyob hauv nws lub cuab tam."
    16 Ces Yes Xus hais zaj paj lug no rau lawv : "Muaj ib tug neeg nplua nuj, nws cov teb ntsu qoob loo kawg nkaus. 17 Nws rov nug nws tus kheej tias : 'Kuv yuav ua li cas ne, vim kuv tsis muaj chaw rau kuv cov qoob lawm?' 18 Ces nws hais tias : 'Kuv yuav ua li no : kuv yuav rhuav kuv cov txhab, yuav rov ua dua ib co txhab loj dua; kuv yuav sau kuv cov qoob loo thiab lwm yam huv si los tso rau hauv. 19 Ces kuv yuav hais rau kuv tus plig tias : Me ntsuj plig, koj muaj qoob loo cuab tam ntau kav koj ntev niaj ntau xyoo, kav tsij mus so, mus noj mus haus, mus ua lom zem xauv npo.’ 20 Tab sis Tswv Ntuj hais rau nws tias : 'Neeg vwm ! Hmo no kiag, luag yuav coj koj tus ntsuj plig rov qab, tej yam uas koj npaj tau, yuav yog leej twg tug?’ 21 Li no, tus uas khaws kev nplua nuj hauv ntiaj teb rau nws tus kheej kuj yuav zoo li ntawd thiab, vim nws tsis muaj yam kev nplua nuj nyob hauv Tswv Ntuj."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 21st October 2019, 5:32 am

    TIM 22 LUB 10 HLI 2019

    Hnub Peb Lis Piam Nees Nkaum Cuaj Nruab Xyoo C Nruab Lis Piam Xyoo I

    Hwm LN Vaj Qhia John Paul II (Zam Paj Lug II)

    Zaj Nyeem Ib: LM 5: 12, 15B, 17-19, 20B-21


    Cov kwv tij nkauj muad,
    12 Vim ib tug neeg ces kev txhaum tau tshwm los nyob hauv lub ntiaj teb, thiab kev txhaum kuj coj kev tuag los, ces txoj kev tuag thiaj raug tas zeej tsoom, vim sawv daws ua txhaum.
    15b Yog tias coob leej tuag vim ib tug neeg xwb ua txhaum, mas Tswv Ntuj lub txiaj ntsim thiab ib tug neeg xwb, Yes Xus Pleev lub txiaj ntsim paj tshab haj yam ntws lug los rau coob leej ntau tus.
    17 Yog tias ib tug neeg tau ua txhaum, ces kev tuag tau ua vaj kav txhua tus vim ib tug ntawd, mas cov uas tau txais txiaj ntsim koob hmoov ntau thiab txais kev ncaj ua paj tshab, lawv haj yam yuav tau ua vaj nyob hauv txoj sia vim Yes Xus Pleev tib leeg . 18 Li ntawd, yog ib tug neeg qhov txhaum pus tas ib zeej tsoom mus rau kev raug txim, mas ib tug neeg txoj kev ua ncaj kuj pus tas ib zeej tsoom mus rau kev dim thiab rau txoj sia. 19 Li ntawd, vim ib tug neeg txoj kev tsis mloog lus, ces cov coob thiaj ua neeg txhaum, mas vim ib tug neeg txoj kev mloog lus, ces cov coob kuj tau kev ua neeg ncaj.
    20b Qhov twg muaj kev txhaum ntau, mas haj yam muaj txiaj ntsim ntau ntws lug. 21 Ces ib yam li txoj kev txhaum ua vaj nyob hauv txoj kev tuag, ib yam li ntawd, lub txiaj ntsim kuj ua vaj nyob hauv txoj kev ncaj, kom tau pub txoj sia nyob mus li nyob hauv Yes Xus Pleev peb tus Huab Tais.

    NPN 40: 7-8A, 8B-9, 10, 17

    Txais: (8a+9a) Huab Tais, kuv nyob ntawm no; kuv tuaj ua raws koj nyiam.

    Koj tsis ntshaw tej tsiaj los tej txhiam xws txi rau koj,
    tiam sis koj muab pob ntseg rau kuv kom kuv cuab ntsej mloog lus.
    Koj tsis xav tau tsiaj hlawv txi ntuj los tsiaj hlawv them txim txhaum,
    kuv thiaj hais tias: “Kuv nyob ntawm no, cia kuv tuaj.”

    Txais: (8a+9a) Huab Tais, kuv nyob ntawm no; kuv tuaj ua raws koj nyiam.

    Nyob hauv kauj ntawv muaj lus sau tseg rau kuv tias:
    “Ua ywj koj lub siab, kuv tus Tswv Ntuj,
    yog yam ntxim kuv siab,
    koj txoj cai nyob rawv hauv kuv nruab plaw!”

    Txais: (8a+9a) Huab Tais, kuv nyob ntawm no; kuv tuaj ua raws koj nyiam.

    Kuv tau tshaj txog koj txoj kev ncaj
    rau tsoom neeg coob tuaj sib txoos ua ke,
    kuv tsis tau kaw kuv lub qhov ncauj,
    HUAB TAIS, koj yeej paub.

    Txais: (8a+9a) Huab Tais, kuv nyob ntawm no; kuv tuaj ua raws koj nyiam.

    Thov kom txhua leej uas nrhiav koj
    zoo siab hom khaj nyob hauv koj,
    thiab kom cov uas nyiam koj txoj kev cawm
    cav tsis tseg tias: “HUAB TAIS nto koob meej.”

    Txais: (8a+9a) Huab Tais, kuv nyob ntawm no; kuv tuaj ua raws koj nyiam.

    As Les Lus yas: LK 21: 36

    Txais: As les lus yas, as les lus yas.

    Nej yuav ceev faj txhua lub sij hawm thiab yuav teev Ntuj,
    nej thiaj yuav muaj zog sawv taus ntseg
    ntawm Neeg Leej Tub xub ntiag."

    Txais: As les lus yas, as les lus yas.

    Ntawv Moo Zoo: LK 12: 35-38

    Yes Xus hais rau nws cov thwj tim tias:
    35 "Nej yuav sia siv rawv thiab taws teeb nraim,
    36 nej ua zoo li ib co tub txib uas tos ntsoov lawv tus tswv mus noj tshoob yuav rov los. Thaum nws rov los txog, nws yuav khob qhov rooj, ces lawv yuav qhib plho rau nws tam sis ntawd.
    37 Cov tub txib uas thaum tus tswv los txog, nws pom lawv zov hmo tos, mas lawv txoj hmoov zoo. Kuv hais tseeb rau nej tias, tus tswv yuav sia siv, yuav coj lawv mus zaum ntawm rooj thiab yuav nqa mov los tiam lawv.
    38 Txawm tias tus tswv yuav los txog thaum lub caij zov hmo teev ob los teev peb los xij, yog nws pom lawv zov hmo zoo li ntawd, mas cov tub txib ntawd txoj hmoov zoo !”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 22nd October 2019, 2:16 pm

    TIM 23 LUB 10 HLI 2019

    Hnub Plaub Lis Piam Nees Nkaum Cuaj Nruab Xyoo C Nruab Lis Piam Xyoo I

    Hwm LN John Capistrano

    Zaj Nyeem Ib: LM 6: 12-18


    Paj Lug sau ntawv rau cov ntseegLos Mas tias:
    12 Nej txhob cia kev txhaum ua vaj kav nej lub cev uas txawj tuag, kom nej thiaj tsis mloog nej lub cev tej kev ntshaw. 13 Nej txhob cia nej tes taw qhov muag ua ib co cuab yeej txhawb txoj kev tsis ncaj mus rau kev ua txhaum, nej yuav siv nej tus kheej rau Tswv Ntuj, xws li ib co neeg ciaj sawv hauv qhov tuag rov los lawm, thiab muab nej tes taw qhov muag ua ib co cuab yeej txhawb txoj kev ncaj mus rau Tswv Ntuj. 14 Kev txhaum yuav kav tsis tau nej, vim nej tsis zwm rau txoj cai, tiam sis nej zwm rau lub txiaj ntsim.
    15 Yog li yuav zoo li cas? Peb puas yuav ua txhaum vim peb tsis zwm rau txoj cai tiam sis peb zwm rau lub txiaj ntsim? Yeej yuav tsis muaj tau li ntawd li. 16 Nej puas paub tias thaum nej rov muab nej zwm rau ib tug tswv kom nej ua nws cov qhev mloog lus, mas nej yog tus tswv uas nej mloog ntawd cov qhev? Li ntawd yog nej ua kev txhaum cov qhev ces nws coj nej mus rau txoj kev tuag; hos yog nej ua kev mloog lus cov tub txib, ces nws coj nej mus txais txoj kev ncaj. 17 Peb ua Tswv Ntuj tsaug, vim txawm tias yav thaud nej tau ua kev txhaum qhev, los nej tuaj yeem muab nej lub siab tas nrho los mloog txoj kev cai ntseeg uas nej tau cog lus tias nej yuav coj. 18 Nej tau dim ntawm kev txhaum lawm, ces nej los ua kev ncaj cov tub txib.

    NPN 124: 1B-3, 4-6, 7-8

    Txais: (8a) Peb txoj kev vam yog nyob hauv Huab Tais lub npe.

    Yog HUAB TAIS tsis txhob tuaj peb tog,
    His Xais Lais yuav tsum hais tias:
    yog HUAB TAIS tsis txhob tuaj peb tog,
    thaum cov neeg tuaj tua peb,
    mas lawv yeej yuav muab peb nqos ciaj,
    vim lawv npau taws cuag hluav taws kub rau peb.

    Txais: (8a) Peb txoj kev vam yog nyob hauv Huab Tais lub npe.

    Ntshai dej twb los nyab peb tas,
    tus dej twb phwj tuaj tshoob peb mus tas;
    Dej sab siv twb huam tuaj tshoob peb mus tas.
    Peb kav tsij cav lus zoo txog HUAB TAIS,
    Vim nws tsis tau pub kom peb raug lawv xo peb !

    Txais: (8a) Peb txoj kev vam yog nyob hauv Huab Tais lub npe.

    Peb zoo puav tam li tus noog dim
    ntawm tus cuab ntxiab lub vas ;
    lub vas ntuag rhe, peb dim plaws lawm.
    Peb qhov chaw vam khom yog
    nyob hauv HUAB TAIS lub npe,
    nws uas yog tus tsim lub ntuj lub teb.

    Txais: (8a) Peb txoj kev vam yog nyob hauv Huab Tais lub npe.

    As Les Lus Yas: MT 24: 42A, 44

    Txais: As les lus yas, as les lus yas.

    Nej yuav zov hmo nraim,
    Vim nej tsis paub tias Neeg Leej Tub yuav los lub caij twg.

    Txais: As les lus yas, as les lus yas

    Ntawv Moo Zoo: LK 12: 39-48

    Yes Xus hais rau nws cov thwj tim tias:
    39 “Nej yeej paub tias yog tus tswv tsev paub lub sij hawm twg tub sab yuav tuaj, mas nws yuav zov nraim tsis cia tub sab tho nws qhov tsev. 40 Nej kuj ib yam thiab, nej yuav npaj kom txhij, vim yog lub sij hawm uas nej tsis nco faj, mas Neeg Leej Tub thiaj yuav los ." 41 Ces Pob Zeb hais tias : "Huab Tais, koj hais zaj paj lug no, puas yog koj hais rau peb xwb, los yog hais rau sawv daws ?" 42 Huab Tais teb hais tias : "Leej twg yog tus tub txib pheej xeeb thiab xyuam xim, uas tus tswv tsev tsa nws saib tus tswv cov tub zog kom thaum txog caij nws faib txhiam laj txhiam xws rau lawv raws caij raws nyoog? 43 Tus tub txib uas thaum tus tswv rov los txog, nws pom tab tom lis nws tej dej num li ntawd, mas nws txoj hmoov zoo. 44 Kuv hais tseeb rau nej, tus tswv yuav tsa nws saib tus tswv lub cuab tam tas huv si. 45 Tab sis yog tus tub txib ntawd xav hauv siab tias 'kuv tus Tswv yuav los lig,' ces nws pib muab tus tswv tej tub txib ntxhais txib ntaus, nws noj nws haus kom qaug, 46 tus tub txib no tus tswv yuav los txog hnub uas nws tsis nco faj, thiab lub sij hawm uas nws tsis paub, tus tswv yuav ntiab tus tub txib no tawm kom mus nrog cov tsis hwm Ntuj nyob. 47 Tus tub txib twg uas nws yeej paub qhov uas tus tswv xav kom ua, tab sis nws tsis npaj dab tsi li, thiab tsis tau ua raws li qhov tus tswv xav kom ua, mas tus tub txib ntawd yuav mag tus tswv rab nplawm sab ntsuav. 48 Hos tus tub txib uas yeej tsis paub qhov tus tswv xav kom ua li, thiab nws kuj tau ua tej yam tsim nyog ntaus kom sab, mas nws yuav mag tus tswv nplawm sib dua; vim tias tus uas Ntuj tau pub ntau rau, Ntuj kuj yuav taij ntau rov qab; tus uas Ntuj tso ntau yam rau nws ceev, mas Ntuj yuav kom nws xa ntau dua rov qab.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 23rd October 2019, 6:06 am

    TIM 24 LUB 10 HLI 2019

    Hnub Tsib Lis Piam Nees Nkaum Cuaj Nruab Xyoo C Nruab Lis Piam Xyoo I

    Hwm LN Anthony Mary Claret, ua Tswv Qhia

    Zaj Nyeem Ib: LM 6: 19-23


    Paj Lug sau ntawv rau cov neeg Los Mas tias:
    19 Kuv piav raws li tib neeg xwb, vim nej muaj qhov tsis zoo nyob hauv nej lub cev. Yam li thaum ub, nej tau cia nej tes taw qhov muag swb rau txoj kev phem kev tsis huv thiab rau txoj kev ua txhaum ntau zuj zus; zaum no, nej kuj yuav muab nej tes taw qhov muag los zwm rau txoj kev ncaj kom nej ua tau neeg ntshiab dawb huv.
    20 Thaum nej tseem ua kev txhaum qhev, mas nej tsis zwm rau txoj kev ncaj li. 21 Tiam sis thaum ntawd, nej tau dab tsi zoo los ntawm tej yam nej tau ua uas nyem no nej rov txaj muag rau nej txog? Vim qhov kawg, tej ntawd yuav coj nej mus rau hauv txoj kev tuag xwb. 22 Tiam sis nyem no nej dim ntawm txoj kev ua txhaum qhev los ua Tswv Ntuj cov tub txib lawm, mas qhov zoo rau nej yog qhov tias nws yuav ua neeg ntshiab dawb huv, ces qhov kawg nej yuav tau txoj sia nyob mus li. 23 Vim tias tus nqi zog uas txoj kev txhaum them los yog txoj kev tuag, hos cov paj tshab uas Tswv Ntuj pub yog txoj sia nyob mus li nyob hauv Yes Xus Pleev peb tus Huab Tais.

    NPN 1: 1-2, 3, 4+6

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Muaj hmoov zoo yog tus uas tsis coj
    raws tus neeg phem zaj tswv yim,
    los taug cov neeg txhaum txoj kev,
    los zaum nrog cov neeg saib tsis taus luag tej,
    tiam sis nws zoo siab hlo coj HUAB TAIS txoj cai,
    thiab nws xav ntsoov txog
    HUAB TAIS txoj cai nruab hnub hmo ntuj.

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Nws zoo li ib tsob ntoo cog nyob ze cov dej ntws,
    nws txi txiv raws caij raws nyoog,
    thiab nws tej nplooj tsis txawj ntsws li.
    Nws ua yam twg tau yam ntawd. .

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    Cov neeg phem tsis zoo li ntawd,
    lawv zoo li cov npluag nplej uas cua muab nplawm tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais: (NPN 40:5a) Cov muaj hmoov zoo yog cov uas tso siab rau Huab Tais.

    As Les Lus Yas: FLP 3: 8-9

    Txais: As les lus yas, as les lus yas.

    kuv saib tas puas tsav yam tsis muaj qab hau, kom kuv
    tau Leej Pleev ua kuv tug thiab kom kuv tau nyob hauv nws.

    Txais: As les lus yas, as les lus yas.

    Ntawv Moo Zoo: LK 12: 49-53

    Yes Xus hais rau nws cov thwj tim tias:
    49 "Kuv tuaj zes taws rau lub ntiaj teb, kuv xav kom kheev lam cov hluav taws ntawd twb cig hlob lawm. 50 Muaj ib lub cim ntxuav uas kuv yuav tsum tau mus txais; kuv lub siab ntxhov hnyo mus txog thaum tej ntawd tiav tas. 51 Nej puas xav tias kuv tuaj ua kom muaj kev thaj yeeb nyob ntiaj teb no ? Tsis yog kuv tuaj ua qhov ntawd. Kuv hais rau nej tias, yog kuv tuaj ua kom muaj kev sib ncaim sib cais. 52 Txij no mus, ib tse neeg muaj tsib leeg yuav sib ncaim sib cais, peb leeg yuav tiv ob leeg, ob leeg yuav tiv peb leeg ; 53 txiv yuav tiv tub, tub yuav tiv txiv, niam yuav tiv ntxhais, ntxhais yuav tiv niam, poj yuav tiv nyab, nyab yuav tiv poj."



    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 24th October 2019, 5:34 am

    TIM 25 LUB 10 HLI 2019

    Hnub Rau Lis Piam Nees Nkaum Cuaj Nruab Xyoo C Nruab Lis Piam Xyoo I

    Zaj Nyeem Ib: LM 7: 18-25A


    Paj Lug sau ntawv rau cov ntseeg nyob Los Mas tias:
    18 Kuv paub tias qhov zoo yeej tsis nyob txawm hauv kuv, los yog hauv kuv lub cev li. Lub siab xav ua yam zoo mas yeej nyob rawv ntawd, tab sis yuav ua kiag qhov zoo mas ua tsis tau. 19 Vim tias kuv tsis ua qhov zoo uas kuv xav ua, hos kuv ua qhov phem uas kuv tsis xav ua. 20 Yog kuv ua qhov kuv tsis xav ua, mas tsis yog kuv ua qhov ntawd, yog txoj kev txhaum uas nyob hauv kuv ua qhov ntawd. 21 Ces kuv thiaj pom tias muaj ib yam zoo li no: thaum kuv xav ua qhov zoo, mas qhov phem tawm plaws tam sim ntawd los ua ntej. 22 Kuv yeej txaus siab tas nrho rau Tswv Ntuj Txoj Cai nyob puag hauv kuv nruab siab, 23 tab sis kuv pom tias muaj dua lwm txoj cai tswj kuv lub cev, uas pheej tawm tsam tiv txoj cai nyob hauv kuv lub tswv yim, nws muab kuv mus zwm rau txoj kev ua txhaum uas nyob hauv kuv lub cev. 24 Kuv yog ib tug neeg txom nyem tas nrho tiag ! Leej twg yuav npo tau kuv dim ntawm lub cev uas pus kuv mus rau txoj kev tuag ? 25 Ua Tswv Ntuj tsaug vim yog Yes Xus Pleev peb tus Huab Tais.

    NPN 119: 66, 68, 76, 77, 93, 94

    Txais: (68b) Huab Tais, thov koj qhia koj cov cai lij choj rau kuv.

    Thov koj qhia kev thoob tsib thiab kev paub txuj rau kuv,
    vim kuv tso siab rau koj cov lus qhia.

    Txais: (68b) Huab Tais, thov koj qhia koj cov cai lij choj rau kuv.

    Koj yog tus siab zoo siab dav tas nrho,
    thov koj qhia koj cov cai lij choj rau kuv.

    Txais: (68b) Huab Tais, thov koj qhia koj cov cai lij choj rau kuv.

    Thov cia koj txoj kev ua siab zoo nplij kuv,
    raws li koj tau cog lus rau koj cov tub txib.

    Txais: (68b) Huab Tais, thov koj qhia koj cov cai lij choj rau kuv.

    Thov kom koj muab koj txoj kev khuv leej rau kuv, ces kuv
    yuav muaj txoj sia, vim koj Txoj Cai yog kuv kev zoo siab.

    Txais: (68b) Huab Tais, thov koj qhia koj cov cai lij choj rau kuv.

    Kuv yuav tsis hnov qab koj cov lus qhia ib zaug li,
    Vim koj cov lus qhia ua kom kuv rov muaj txoj sia.

    Txais: (68b) Huab Tais, thov koj qhia koj cov cai lij choj rau kuv.

    Kuv yog koj tug, thov koj cawm kuv mas !
    Vim kuv tau nrhiav koj cov lus qhia.

    Txais: (68b) Huab Tais, thov koj qhia koj cov cai lij choj rau kuv.

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: LK 12: 54-59

    54 Yes Xus hais rau tsoom neeg sawv daws tias : "Thaum nej pom huab sawv laum sab hnub poob, tam sis ntawd, nej hais tias ntuj yuav los nag, ces kuj los nag tiag. 55 Thaum cua nplawm sab qab teb tuaj, nej hais tias ntuj yuav sov, ces muaj li ntawd tuaj tiag. 56 Neeg zoo nraum tawv, nej twb paub ntsuas lub ntuj lub teb tus yam ntxwv, ua cas nej tsis paub ntsuas lub zim txwv no li? 57 Vim li cas nej tsis txiav rau nej tus kheej tias qhov twg yog qhov ncaj?
    58 Yog koj nrog koj tus yeeb ncuab taug kev mus cuag nom, mas nyob ntawm kev, koj yuav tsum nrog nws sib hais kom haum ua ntej, tsam nws coj koj muse kom rau tus nom txiav txim, ces nom txiav txim muab koj cob nkaus rau tub ceev xwm, tub ceev xwm muab koj pov rau hauv tsev loj faj. 59 Kuv hais rau koj tias: Koj yuav tsis tawm hauv tsev loj faj los mus txog thaum koj rho nyiaj qab nas txog xus kawg los them kom tas rau tso.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 25th October 2019, 3:30 am

    TIM 26 LUB 10 HLI 2019

    Hnub Xya Lis Piam Nees Nkaum Cuaj Xyoo C Nruab Lis Piam Xyoo I

    Zaj Nyeem Ib: LM 8: 1-11


    Cov kwv tij nkauj muad:
    1 Nyem no tsis muaj txim tuaj raug cov neeg nyob hauv Yes Xus Pleev lawm, 2 vim tias Leej Ntuj Plig uas pub txoj sia nyob hauv Yes Xus Pleev nws Txoj Cai tau txhiv koj ntawm txoj kev txhaum thiab kev tuag txoj cai lawm. 3 Yam uas txoj cai ua tsis tau vim lub cev nqaij ua kom txoj cai tsis muaj zog, mas Tswv Ntuj ua tau: Nws xa nws Leej Tub tuaj yug muaj ib lub cev nqaij xws li lub cev nqaij muaj txhaum, kom vim kev txhaum, nws tau muab txim rau txoj kev txhaum uas nyob hauv neeg lub cev.. 4 Ces txoj kev ua raws li Txoj Cai qhia thiaj tshwm sim los nyob hauv peb, vim peb tsis coj tus yam ntxwv raws li lub cev, peb coj tus yam ntxwv raws li Leej Tswv Yim. 5 Vim cov neeg ua neej mloog lub cev, mas lawv tsuas xav ntsoov txog yam uas lub cev nyiam; cov neeg ua neej mloog Leej Tswv Yim, mas lawv xav ntsoov txog yam uas Leej Tswv Yim nyiam. 6 Yam uas lub cev ntshaw tsuas coj mus rau kev tuag. Yam uas Leej Tswv Yim nyiam coj mus rau txoj sia thiab txoj kev kaj siab lug. 7 Yam uas lub cev ntshaw nws ua yeeb ncuab rau Tswv Ntuj, nws tsis zwm rau Tswv Ntuj Txoj Cai, vim nws yeej zwm tsis tau. 8 Cov neeg zwm rau lub cev, lawv ua xis Tswv Ntuj siab tsis tau. 9 Ntawm nej, mas nej tsis zwm rau lub cev, nej zwm rau Leej Tswv Yim, yog tias Tswv Ntuj Leej Tswv Yim nyob txawm hauv nej. Leej twg tsis muaj Leej Pleev tus Leej Tswv Yim nyob hauv nws mas nws tsis yog Leej Pleev tug. 10 Yog Leej Pleev nyob hauv nej, tab yog nej lub cev tuag vim kev txhaum, los nej lub tswv yim muaj txoj sia vim kev ncaj. 11 Yog tus uas tau tsa Yes Xus sawv hauv cov tuag rov los nws lub tswv yim nyob txawm hauv nej, mas nws kuj yuav pub txoj sia rau nej lub cev txawj tuag thiab, vim nws Leej Ntuj Plig uas nyob txawm hauv nej.

    NPN 24: 1B-2, 3-4AB, 5-6

    Txais: (6) HUAB TAIS, ntawm no yog haiv neeg uas nsthaw pom koj lub ntsej muag.

    Lub ntiaj teb thiab puas tsav yam nyob hauv yog HUAB TAIS li,
    lub sim ceeb thiab cov neeg nyob hauv yog nws tug.
    Vim nws yog tus tau tsim lub ntiaj teb txawb rau saum cov hiav txwv
    thiab muab tso rau saum cov dej ntws.

    Txais: (6) HUAB TAIS, ntawm no yog haiv neeg uas nsthaw pom koj lub ntsej muag.

    Leej twg thiaj yuav nce tau mus rau saum HUAB TAIS lub roob?
    Leej twg thiaj yuav mus sawv taus nyob hauv nws thaj chaw ntshiab?
    Yog tus uas txhais tes tsis muaj txhaum, lub siab dawb huv,
    tus uas tsis ntshaw tej yam tsis muaj qab hau.

    Txais: (6) HUAB TAIS, ntawm no yog haiv neeg uas nsthaw pom koj lub ntsej muag.

    Nws yuav tau txais HUAB TAIS lo lus foom koob hmoov,
    yog paj tshab tuaj ntawm Tswv Ntuj tus cawm nws tuaj.
    Lawv yuav zoo li no, tsav neeg uas nrhiav Tswv Ntuj,
    tsoom uas nrhiav Yas Kos tus Tswv Ntuj lub ntsej muag.

    Txais: (6) HUAB TAIS, ntawm no yog haiv neeg uas nsthaw pom koj lub ntsej muag.

    As Les Lus Yas: EXK 33: 11

    Txais: As les lus yas, as les lus yas.

    Huab Tais hais tias: Kuv tsis zoo siab kom tus neeg phem tuag,
    tiam sis kuv zoo siab kom nws tig los ua zoo, nws thiaj yuav tau txoj sia.

    Txais: As les lus yas, as les lus yas.

    Ntawv Moo Zoo: LK 13: 1-9


    1 Tib lub zim txwv ntawd, muaj ib co neeg tuaj qhia rau Yes Xus txog cov neeg Nkas Lis Lais uas Pis Las Tos muab lawv cov ntshav hliv xyaw rau cov ntshav tsiaj uas lawv muab txi Ntuj. 2 Ces Yes Xus hais rau lawv tias : "Nej puas xav tia vim cov Nkas Lis Lais ntawd tau ua txhaum loj dua lwm cov neeg nyob Nkas Lis Lais, lawv thiaj raug tsim txom zoo li ntawd ? 3 Kuv hais rau nej tias lawv tsis tau ua txhaum loj dua luag tej. Tab sis, yog nej sawv daws tsis hloov siab tig los ua zoo, mas nej kuj yuav tuag ib yam li ntawd thiab. 4 Hos kaum yim leej neeg uas tus pej thuam Xis Los Es vau los tsuam tuag, mas nej puas xav tias lawv yog neeg txhaum loj dua ib tsoom neeg nyob Yes Lus Xas Les huv si ? 5 Kuv hais rau nej tias lawv tsis yog neeg txhaum loj dua luag. Tab sis yog nej tsis hloov siab tig los ua zoo, mas nej sawv daws kuj yuav tuag ib yam li ntawd thiab."
    6 Yes Xus tseem hais zaj paj lug no thiab: "Muaj ib tug neeg cog tau ib tsob txiv ncuav pias rau hauv nws lub vaj txiv ntoo. Nws tuaj de txiv ncuav pias, tab sis tsis pom muaj txiv li. 7 Ces nws hais rau tus tub txib zov vaj tias : "Koj saib ! Tau peb xyoos no kuv tuaj de txiv ncuav pias, kuv yeej tsis pom ib lub txiv li. Koj muab tsob ntoo ncuav pias ntov. Yuav cia nws nyob nkim av ua dab tsi ?" 8 Tus tub txib zov vaj teb rau tus tswv vaj tias : "Huab Tais, thov koj cia tsob ntoo nyob xyoo no ntxiv. Kuv yuav khawb av ncig lub hauv paus thiab npoog chiv rau. 9 Tej zaum yav tom ntej, tsob ntoo yuav txi txiv. Yog tsis txi, koj mam muab ntov."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 27th October 2019, 6:41 am

    TIM 28 LUB 10 HLI 2019

    Hnub Ob Lis Piam Peb Caug Nruab Xyoo C Nruab Lis Piam Xyoo I

    Hwm LN Xis Moos thiab Yus Das(Jude), ob tug Hauv Paus Xa Lus

    Zaj Nyeem Ib: EFX 2: 19-22


    Paj Lug sau ntawv tias:
    9 Li ntawd, nej tsis yog ib co pej kum neeg, los ib co qhua ntxiv lawm, tiam sis nej koom ua ib cuab nrog cov neeg ntshiab thiab nej yog Tswv Ntuj tsev neeg,
    20 uas yog txhim rau saum cov Hauv Paus Xa Lus thiab cov Yaj Saub ua cov taw ntsa, Yes Xus Pleev yog lub pob zeb txheem tas lub tsev.
    21 Nyob hauv Leej Pleev, lub tuam tsev sib dhos zoo thiab hlob ua ib lub tuam tsev teev ntuj ntshiab nyob hauv Huab Tais.
    22 Nyob hauv Leej Pleev, nej kuj raug muab teeb ua ke tsim tsa ua ib lub tsev rau Tswv Ntuj nyob, nyob hauv Leej Ntuj Plig.

    NPN 19: 2-3, 4-5

    Txais: (5) Lawv lo lus xa moo nrov mus thoob ntiaj teb.

    Cov txheej ntuj saud piav txog Tswv Ntuj lub koob meej,
    lub qab ntuj khwb tshaj cov hauj lwm nws txhais tes tau ua.
    Nruab hnub hais lo lus rau nruab hnub hnov,
    Hmo ntuj qhia rau hmo ntuj paub txog.

    Txais: (5) Lawv lo lus xa moo nrov mus thoob ntiaj teb.

    Tsis muaj ib lo lus los ib zaj lus piav
    Uas leej tib neeg yuav tsis hnov txog.
    Lawv lub suab yeej ncha puv tas ntiaj teb,
    lawv lo lus xa moo yeej nrov txog tim npoo ntiaj teb kawg.

    Txais: (5) Lawv lo lus xa moo nrov mus thoob ntiaj teb.

    As Les Lus Yas: Te Deum

    Txais: As les lus yas, as les lus yas.

    Tswv Ntuj, peb cav txog koj,
    peb tshaj tias koj yog Huab Tais;
    tsoom Hauv Paus Xa Lus uas
    muaj koob meej lawv cav txog koj.

    Txais: As les lus yas, as les lus yas.

    Ntawv Moo Zoo: LK 6: 12-16

    12 Ob peb hnub ntawd, Yes Xus nce mus pem roob mus teev Ntuj, nws teev Tswv Ntuj ib hmos nkaus.
    13 Thaum kaj ntug, nws hu nws cov thwj tim los ntawm nws, nws xaiv kaum ob leeg nyob hauv lawv, nws hu cov ntawd ua Hauv Paus Xa Lus.
    14 Muaj Xis Moos, uas nws tis npe hu ua Pob Zeb rau, As Nres, Pob Zeb tus kwv, Yas Kos, Zam, Fis Lis Pos, Npas Tos Los Mas Yos,
    15 Mas Tais, Tos Mas, Yas Kos uas yog As Fas Yos tub, Xis Moos Siab Kub,
    16 Yus Das, Yas Kos tub, thiab Yus Das Kas Lis Yaus, uas yog tus ntxeev siab.


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 28th October 2019, 6:55 am

    TIM 29 10 HLI 2019

    Hnub Peb Lis Piam Peb Caug Nruab Xyoo C Nruab Lis Piam Xyoo I

    Zaj Nyeem Ib: LM 8: 18-25


    Paj Lug sau ntawv tias:
    18 Kuv saib tias tej kev txom nyem nyob hauv lub caij nyem no tsis muaj nuj nqes dab tsi li yog muab los piv rau lub hwj chim uas yuav tawm tuaj rau peb pom xyeem. 19 Vim tas puas tsav yam Ntuj tsim los yeej tos ntshis ntshaw pom lub caij Tswv Ntuj cov me nyuam yuav tawm los rau sawv daws pom xyeem xwb. 20 Tas puas tsav yam Ntuj tsim los puav leej zwm rau kev tsis muaj nuj nqes, tsis yog vim lawv tuaj yeem zwm rau, hos yog vim tus muab lawv mus zwm rau, nws xav kom lawv muaj txoj kev cia siab tias: 21 lawv yuav dim ntawm txoj kev ua kev ploj kev tuag qhev thiab los mus txais txoj kev twj lij muaj hwj chim ua Tswv Ntuj tsoom tub ki.
    22 Peb paub tias, tas puas tsav yam Ntuj tsim los yeej nyiaj zaj mob ntsaj qaws xws li ib tug poj niam yuav daws cev los txog lub zwj ceeb no. 23 Tsis yog tas puas tsav yam ntsaj xwb, tab txawm peb twb yog cov tau txais Leej Ntuj Plig thawj cov txiv, tsis kav peb tseem mob ntsaj qaws nyob hauv peb nruab siab, vim peb cia siab tos rawv lub caij peb yuav tau ua cov tub sau, uas yog lub caij txhiv peb lub cev. 24 Peb tau txais kev cawm nyob hauv txoj kev cia siab tos rawv ntawd. Thaum yus tau pom yam uas yus cia sia tos rawv lawm, mas tsis muaj kev cia siab tos ntxiv. Leej twg thiaj yuav cia siab tos rawv yam nws twb tau pom lawd? 25 Tab sis thaum peb cia siab tos rawv yam peb tsis tau pom, mas peb yuav ua siab ntev tos.

    NPN 126: 1BC-2AB, 2CD-3, 4-5, 6

    Txais: (3a) Huab Tau tau ua tej yam loj tas nrho rau peb.

    Thaum HUAB TAIS coj Xis Yoos cov neeg mus nyob txim rov los,
    peb zoo li ib co neeg ua npau suav.
    Peb lub ncauj muaj suab luag nqhua,
    peb tus nplaig qw nkauj zoo siab.

    Txais: (3a) Huab Tau tau ua tej yam loj tas nrho rau peb.

    Tej pej kum cuab hais nroo ntws tias :
    "HUAB TAIS ua tej yam loj tas nrho rau lawv !"
    HUAB TAIS yeej tau ua tej yam loj rau peb tiag,
    peb zoo siab tas nrho.

    Txais: (3a) Huab Tau tau ua tej yam loj tas nrho rau peb.

    HUAB TAIS, thov koj hloov peb txoj hmoov phem kom
    ua hmoov zoo ntws lug xws li dej sab siv
    huam nyob teb chaws suab puam.
    Cov neeg tseb nplej ntxuag kua muag,
    lawv yuav sau nplej ntxuag kev lom zem.

    Txais: (3a) Huab Tau tau ua tej yam loj tas nrho rau peb.

    Thaum mus, lawv quaj,
    vim lawv ris cov seev noob yuav coj mus tseb,
    thaum lawv rov los, lawv hu nkauj,
    vim lawv ris cov res nplej tshiab los.

    Txais: (3a) Huab Tau tau ua tej yam loj tas nrho rau peb.

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: LK 13: 18-21

    18 Yes Xus hais tias : "Tswv Ntuj lub Ceeb Tsheej yog zoo li cas ? Kuv yuav muab piv rau dab tsi ?
    19 Tswv Ntuj lub Ceeb Tsheej zoo li ib lub noob zaub roj uas ib tug neeg nqa mus tseb rau hauv nws lub vaj. Lub noob hlob loj tsheej ib tsob me nyuam ntoo, ces cov noog ya saum ntuj los nkaum hauv nws cov ceg."
    20 Yes Xus tseem hais tias : "Kuv yuav muab Tswv Ntuj lub Ceeb Tsheej piv rau dab tsi ?
    21 Tswv Ntuj lub Ceeb Tsheej piv tau rau ib co poov xab uas ib tug poj niam muab do rau hauv peb kawg hmoov nplej kom cov hmoov su tuaj tas huv si."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 29th October 2019, 5:45 pm

    TIM 30 LUB 10 HLI 2019

    Hnub Plaub Lis Piam Peb Caug Nruab Xyoo C Nruab Lis Piam Xyoo I

    Zaj Nyeem Ib: LM 8: 26-30


    Cov kwv tij nkauj muad:
    26 Leej Ntuj Plig tuaj pab peb cov neeg tsis muaj zog, vim peb tsis txawj thov ntuj kom zoo txaus, tab sis Leej Ntuj Plig ua tus sawv peb chaw thov Ntuj nyob hauv tej lub suab nroo suab ntsaj uas piav tsis tau. 27 Tus uas tsom tau hauv neeg nruab siab, nws paub tias Leej Ntuj Plig xav kom tau dab tsi, vim Leej Ntuj Plig ua tus sawv cov ntshiab chaw thov Ntuj raws nraim li Tswv Ntuj lub siab xav.
    28 Peb paub tias tas txhua tsav puas yam ua hauj lwm kom tau txhawb cov uas nyiam Tswv Ntuj mus rau qhov zoo, yog cov uas raug xaiv raws li nws lub hom phiaj. 29 Cov neeg uas Tswv Ntuj xub xaiv lawm, nws yeej pub txoj hmoo rau lawv kom lawv yoog tau raws li nws Leej Tub tus duab, ces Leej Tub thiaj yog tus xub yug los dua tas ib tsoom kwv coob coob. 30 Cov uas Tswv Ntuj pub txoj hmoov ntawd rau lawv, mas nws kuj xaiv lawv thiab; cov uas Tswv Ntuj xaiv lawv, mas nws kuj ua kom lawv ncaj tuaj thiab; cov uas Tswv Ntuj ua kom lawv ncaj tuaj, mas nws kuj ua kom lawv muaj hwj chim thiab.

    NPN 13: 4-5, 6

    Txais: 6a) Huab Tais, kuv kev tso siab yog koj txoj kev khuv leej. .
    HUAB TAIS, kuv tus Tswv Ntuj, thov koj teb kuv mas!
    Thov koj ua kom kuv qhov muag pom kev,
    kom kuv txhob tsaug zog hauv kev tuag tus dab ntub,
    Kuv tus yeeb ncuab thiaj tsis tau kev khav tias: "Kuv yeej nws lawm."
    Cov ntxub kuv thiaj tsis zoo siab pom kuv poob qis.

    Txais: 6a) Huab Tais, kuv kev tso siab yog koj txoj kev khuv leej.

    Kuv tso siab plhuav rau koj txoj kev khuv leej,
    Kuv lub siab yuav hom khaj vim koj cawm kuv.
    Kuv yuav hu nkauj txog HUAB TAIS tias:
    “Nws tau hlub kuv ua zoo rau kuv.”

    Txais: 6a) Huab Tais, kuv kev tso siab yog koj txoj kev khuv leej.

    As Les Lus Yas: 2 TXLN 2: 14

    Txais: As les lus yas, as les lus yas.

    Tswv Ntuj hu peb los ntseeg lub Moo Zoo kom peb tau txais
    peb tus Huab Tais Yes Xus Pleev lub hwj chim ua peb tug.

    Txais: As les lus yas, as les lus yas.

    Ntawv Moo Zoo: LK 13: 22-30

    22 Yes Xus mus hla hauv cov nroog thiab cov zos, nws qhia sawv daws. Nws taug kev mus rau Yes Lus Xas Les. 23 Muaj ib tug hais rau Yes Xus tias : "Huab Tais, cov yuav txais kev cawm puas yog cov tsawg xwb?" Yes Xus hais rau lawv tias : 24 "Nej ua tiag tiv qhawv mus hauv lub qhov rooj nqaim mog. Kuv hais rau nej tias: coob leej yuav nrhiav kev mus lawm hauv, tab sis lawv yuav mus tsis tau. 25 Thaum tus tswv tsev sawv mus xauv qhov rooj lawm, ces nej sawv nyob nraum zoov, nej yuav khob qhov rooj thiab yuav hais tias : 'Huab Tais, koj qhib qhov rooj rau peb mas,' ces nws yuav teb rau nej tias : 'Kuv tsis paub nej nyob qhov twg tuaj.' 26 Ces nej yuav hais rau nws tias : ‘Peb twb tau noj thiab tau haus nyob ntawm koj xub ntiag, hos koj twb tau qhia sawv daws nyob hauv peb cov tshav puam.’ 27 Ces tus tswv tsev yuav hais rau nej tias : 'Kuv tsis paub nej nyob qhov twg tuaj. Nej txav mus deb ntawm kuv, tas nej cov uas ua tsis ncaj huv tib si. 28 Nej mus nyob qhov chaw uas nej yuav quaj ncia thiab tom hniav nkawd. Ces nej yuav pom Has Nplas Has, His Xas Has, Yas Kos, thiab ib tsoom yaj saub nyob hauv Tswv Ntuj lub Ceeb Tsheej, hos nej yuav raug luag ntiab mus nyob sab nraud. 29 Luag yuav tuaj Xib Fab thiab Toob Fab tuaj, tuaj Naj Fab thiab Pej Fab tuaj. Sawv daws yuav tuaj zaum ntawm rooj qav nyob hauv Tswv Ntuj lub Ceeb Tsheej. 30 Ces muaj ib co neeg ua luag qab, yuav tau ua ntej, hos ib co ua ntej yuav tau ua qab."



    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 30th October 2019, 6:42 am

    TIM 31 LUB 10 HLI 2019

    Hnub Tsib Lis Piam Peb Caug Nruab Xyoo C Nruab Lis Piam Xyoo I

    Zaj Nyeem Ib: LM 8: 31B-39


    Cov kwv tij nkauj muad:
    31b Yog Tswv Ntuj tuaj peb tog, mas leej twg yuav tiv tau peb ? 32 Tswv Ntuj twb tsis txuag nws Leej Tub, nws cia nws Leej Tub rau luag ntes kom pab tau peb txhua leej, yog li nws puas yuav tsis pub txhua yam rau peb nrog nws Leej Tub? 33 Leej twg yuav muaj cuab kav tsa suab liam rau cov neeg uas Tswv Ntuj xaiv ? Tswv Ntuj yog tus zam peb lub txim ua kom peb ncaj ncees tuaj. 34 Leej twg yuav muab txim tau? Yog Yes Xus Pleev uas nws tuag, nws sawv rov los, nws nyob ntawm Tswv Ntuj sab xis thov Tswv Ntuj rau peb tsis tseg xwb. 35 Leej twg yuav cais tau peb ntawm Leej Pleev txoj kev hlub? Puas yog kev nyuaj siab los kev txhawj xeeb, kev raug luag hiam los kev tshaib kev nqhis, kev pluag liab qab los kev raug xwv txheej, los kev raug luag tua?
    36 Muaj lus sau tseg tias: “Vim koj mas lawv thiaj muab peb tua tas hnub. Luag saib peb yog ib co yaj uas lawv yuav muab tua.”
    37 Tab yog peb raug tej yam ntawd los, peb yog cov neeg yeej tas txhua yam nyob hauv Yes Xus uas nws nyiam peb. 38 Vim kuv paub tseeb tias tsis muaj dab tsi, txawm yuav yog txoj kev tuag los txoj sia, tsoom tshiab los tsoom ua vaj txheeb, txhua yam uas nyem no muaj nyob los txhua yam yuav muaj nyob rau yav tom ntej, cov muaj hwj huam, 39 los tas txhua yam nyob saum ntuj thiab nyob nruab yeeb, txhua yam uas Ntuj tsim los, yeej tsis muaj ib yam yuav cais tau peb ntawm Tswv Ntuj txoj kev hlub peb nyob hauv peb tus Huab Tais Yes Xus Pleev li.

    NPN 109: 21-22, 26-27, 30-31

    Txais: (26b) HUAB TAIS, thov koj cawm kuv vim koj khuv leej neeg.

    HUAB TAIS kuv tus Tswv Ntuj, thov koj pab kuv vim koj lub npe.
    Nyob hauv koj lub siab dav khuv leej neeg, thov koj cawm kuv dim,
    Vim kuv txom nyem thiab pluag kug,
    kuv nplooj siab ntuag tas nyob hauv kuv..

    Txais: (26b) HUAB TAIS, thov koj cawm kuv vim koj khuv leej neeg.

    HUAB TAIS, kuv tus Tswv Ntuj, thov koj pab kuv mas !
    Thov koj cawm kuv vim koj khuv leej neeg.
    Koj ua kom lawv paub tias yog koj txhais tes ua tej ntawd,
    HUAB TAIS, kom lawv paub tias koj yog tus ua.

    Txais: (26b) HUAB TAIS, thov koj cawm kuv vim koj khuv leej neeg.

    Kuv yuav muab tas kuv lub siab hais ua tsaug rau HUAB TAIS ,
    Kuv yuav cav txog nws nyob hauv nruab nrab tsoom neeg,
    Vim nws sawv nraim ntawm tus neeg pluag sab xis,
    Kom tau cawm nws ntawm cov yuav muab nws tus ntsuj plig rau txim.

    Txais: (26b) HUAB TAIS, thov koj cawm kuv vim koj khuv leej neeg.

    As Les Lus Yas: LK 19: 38; 2:14

    Txais: As les lus yas, as les lus yas.

    Tus Vaj uas tuaj ntawm Huab Tais lub npe tuaj nto koob meej.
    Nyob saum cov txheej ntuj siab, Tswv Ntuj nto meej nto moo,
    nyob ntiaj teb, tsoom neeg Tswv Ntuj nyiam, nyob thaj yeeb.

    Txais: As les lus yas, as les lus yas.

    Ntawv Moo Zoo: LK 13: 31-35

    31 Tib lub sij hawm ntawd, ib co Fas Lis Xais txav los hais rau Yes Xus tias : "Koj khiav ntawm no mus, vim Hes Los xav muab koj tua." 32 Yes Xus hais rau lawv tias : "Nej mus hais rau tus hma ntawd tias : ‘Hnub no thiab tag kis, kuv ntiab dab phem thiab kho cov neeg mob, ces hnub peb, kuv ua dej num tiav tas lawm. 33 Tab sis hnub no, tag kis thiab nag kis, kuv yuav tsum taug kuv txoj kev mus ntxiv, vim tias tsis phim kom ib tug yaj saub tuag nyob deb ntawm Yes Lus Xas Les.’
    34 Yes Lus Xas Les, Yes Lus Xas Les, koj muab cov yaj saub tua, koj xuas pob zeb txawb cov uas raug xa tuaj cuag koj. Muaj pes tsawg zaus kuv xav sau koj cov me nyuam los ua ke xws li ib tug poj qaib sau nws cov me nyuam rau hauv nws qab tis. Tab sis nej tsis kam ! 35 Nyem no, nej lub tsev yuav raug muab tso pov tseg rau nej. Kuv hais rau nej tias: nej yuav tsis pom kuv ntxiv mus txog hnub uas nej hais tias: ‘Tus tuaj ntawm Huab Tais lub npe tuaj nto koob meej.’"


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 31st October 2019, 8:33 am

    TIM      1      LUB      11      HLIS      2019

    Thawj Hnub Rau Lis Piam Peb Caug Xyoo C Nruab Lis Piam Xyoo I

    Hwm tas ib tsoom Leej Ntshiab  

    Yog ib hnub uas tsoom ntseeg yuav tsum mus teev ntuj ib yam li Hnub Chiv (Holiday of Obligation/ Fête d’Obligation).

    Zaj Nyeem Ib:        QYTN  7:   2-4, 9-14

    2 Kuv, Zam, rov pom dua ib tug Tshiab tawm sab Toob Fab tuaj ; nws nqa tus Tswv Ntuj muaj txoj sia lub thwj. Nws hu ib suab nrov nrov rau plaub tug Tshiab uas tau txais txoj hauj lwm tso xwv txheej rau lub ntiaj teb tias : 3 “Nej txhob rawm tso xwv txheej mus rau lub ntiaj teb, los lub hiav txwv, los tej ntoo. Tos peb ntaus cim rau saum Tswv Ntuj cov tub txib hauv pliaj tso.” 4 Ces kuv hnov tias lawv ntaus cim rau npaum no leej : ib puas plaub caug plaub txhiab leej nyob hauv tas nrho cov xeem His Xas Lais.
    9 Dhau tej ntawd tas lawm, kuv pom ib pab neeg coob coob suav tsis txheeb; muaj tas txhua teb chaws, txhua haiv neeg, txhua xeem lus tib si nyob hauv. Lawv sawv ntsug ze ntawm lub theej kiab, nyob ntawm Leej Yaj xub ntiag. Lawv hnav tsho tiab dawb ntev, thiab tuav tej rev nplooj ntoo txoob ntawm tes. 10 Lawv ua ib lub suab qw nrov nrov muaj ceem tias : “Kev cawm seej yog peb tus Tswv Ntuj uas nws zaum saum lub theej kiab tug, thiab yog Leej Yaj tug !” 11 Ces tas tsoom Tshiab uas sawv ncig lub theej kiab, ncig cov txwj laus thiab plaub Leeg Muaj Txoj Sia, lawv txhos caug, ntsej muag khoov ti av pe Tswv Ntuj. 12 Lawv hais tias : “Lo Lus cav, lub hwj chim, kev thoob tsib, kev ua tsaug, kev nto koob meej, kev muaj hwj huam thiab muaj zog yog peb tus Tswv Ntuj li, mus tas ib txhiab ib txhis ! Ua li.” 13 Ib tug txwj laus txawm hais rau kuv tias : “Cov neeg uas hnav tsho tiab dawb ntev ntawd yog leej twg ? Lawv tuaj qhov twg tuaj ?” 14 Kuv teb tias : “Huab Tais, koj thiaj yog tus paub xwb.” Nws rov hais tias : “Lawv yog cov uas hla dhau txoj kev raug luag hiam hnyav los. Lawv tau ntxhua lawv cov tsho tiab ntev thiab ua kom dawb nyob hauv Leej Yaj cov ntshav.”

    NPN        24:   1BC-2, 3-4AB, 5-6

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Lub ntiaj teb thiab puas tsav yam nyob hauv yog HUAB TAIS li,
    lub sim ceeb thiab cov nyob hauv yog nws tug.
    Vim nws yog tus tsim lub ntiaj teb los txawb rau saum cov hiav txwv
    thiab muab tsa rau saum cov dej ntws.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Leej twg thiaj yuav nce tau mus saum HUAB TAIS lub roob?
    Los leej twg thiaj yuav mus sawv taus nyob hauv nws thaj chaw ntshiab?
    Yog tus uas txhais tes tsis muaj txhaum, lub siab dawb huv,
    tus uas tsis ntshaw tej yam tsis muaj qab hau.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    HUAB TAIS yuav foom koob hmoov rau nws. ,
    yog paj tshab tuaj ntawm Tswv Ntuj tus cawm nws tuaj.
    Lawv yuav zoo li no, tsav neeg uas nrhiav Tswv Ntuj,
    cov uas nrhiav Yas Kos tus Tswv Ntuj lub ntsej muag.

    Txais: (6) Huab Tais, lawv yog haiv neeg uas ntshaw pom koj lub ntsej muag.

    Zaj Nyeem Ob:        1 ZAM  3:   1-3

    Cov zoo nyiad,
    1 Nej ntsia saib, Leej Txiv txoj kev hlub peb loj tas npaum no, peb thiaj tau lub npe hu ua Tswv Ntuj cov me nyuam; peb yeej yog Tswv Ntuj cov me nyuam tiag tiag! Tos lub ntiaj teb tsis paub peb los vim lawv twb tsis paub Tswv Ntuj.
    2 Cov zoo nyiad, zaum no peb yog Tswv Ntuj cov me nyuam lawm. Qhov uas yav tom ntej peb yuav plhis mus zoo li cas, tseem tsis tau tawm los rau peb qhov muag pom xyeem. Peb paub tau tias, thaum qhov ntawd tawm los rau peb qhov muag pom, mas peb yuav zoo li Leej Pleev, vim nws zoo li cas mas peb yuav pom Nws zoo li ntawd. 3 Tus twg tso siab rau Leej Pleev, mas nws kuj yuav dawb huv tuaj, vim Leej Pleev yog tus dawb huv.

    As Les Lus Yas:        MT  11:   28

    Txais: As les lus yas, as les lus yas.

    Huab Tais hais tias: “Nej tuaj cuag kuv mas, tas nej sawv daws
    uas nej khwv thiab ris nra hnyav! Kuv yuav cia nej so los siav.

    Txais: As les lus yas, as les lus yas.

    Ntawv Moo Zoo:        MT  5:   1-12A


    1 Yes Xus pom neeg coob coob tuaj, nws nce mus saum lub roob. Nws zaum, cov thwj tim txav los ze nws. 2 Ces Yes Xus tsa ncauj qhia lawv hais tias : 3 "Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li. 4 Cov tau txoj hmoov zoo, yog cov quaj ntsuag, vim yuavmuaj tus nplij lawv. 5 Cov tau txoj hmoov zoo, yog cov siab zoo, vim lawv yuav txais lub ntiaj teb los ua lawv tug. 6 Cov tau txoj hmoov zoo, yog cov tshaib thiab nqhis txog txoj kev ncaj, vim Ntuj yuav daws lawv qhov nqhis. 7 Cov tau txoj hmoov zoo, yog cov khuv leej luag, vim Ntuj yuav khuv leej lawv. 8 Cov tau txoj hmoov zoo, yog cov siab dawb siab huv, vim lawv yuav pom Tswv Ntuj. 9 Cov tau txoj hmoov zoo, yog cov tsim kev thaj yeeb, vim lawv yuav hu ua Tswv Ntuj cov tub ki. 10 Cov tau txoj hmoov zoo, yog cov raug luag hiam vim txoj kev ncaj, Ntuj lub Ceeb Tsheej yog lawv tug. 11 Nej tau txoj hmoov zoo thaum luag cem nej, hiam nej, thiab liam ntau yam phem tsis muaj tseeb rau nej vim kuv. 12 Nej yuav zoo siab thiab hom khaj, vim nej yuav tau txais koob haum loj nyob saum ntuj.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 1st November 2019, 3:35 pm

    TIM 2 LUB 11 HLIS 2019

    Thawj Hnub Xya Lis Piam Peb Caug Nruab Xyoo C Nruab Lis Piam Xyoo I

    Nco txog ib tsoom neeg tau tas sim neej lawm (All Souls/Fête des Morts)

    Zaj Nyeem Ib: THOOB TSIB 3: 1-9


    1 Cov neeg ncaj tus ntsuj plig nyob hauv Tswv Ntuj txhais tes, tsis muaj ib yam kev txom nyem dab tsi yuav raug tau lawv. 2 Lawv zoo li yog tuag lawm rau cov neeg tsis muaj tswv yim, luag saib lawv txoj kev tas lub neej yog ib yam kev txom nyem loj, 3 thiab saib lawv txoj kev ncaim peb mus yog ib txog kev puas tsuaj loj. Tab sis cov neeg ncaj ntawd nyob hauv kev thaj yeeb lawm. 4 Tib neeg xav tias lawv raug nplua loj, tab sis ntawm lawv mas lawv tso siab lug tias lawv yuav muaj txoj sia nyob mus li. 5 Lawv raug ib txog kev txom nyem sib, tab sis lawv yuav txais txiaj ntsim koob hmoov loj, vim Tswv Ntuj tau sim lawv, ces nws pom tias lawv tsim nyog ua nws tug. 6 Tswv Ntuj tau sim cov neeg siab ncaj zoo li sim kub nyob hauv lub yeej vub, nws tau pom zoo txais lawv los ua nws li zoo li tej cov txim nyob saum lub thaj txi Ntuj. 7 Thaum txog lub caij Tswv Ntuj tuaj xyuas lawv, mas lawv yuav ci ntsa iab; lawv yuav khiav nrawm cuag li hluav taws ri mus kis tej roob nqeeb qhuav. 8 Lawv yuav txiav txim rau cov kuj cuab, lawv yuav tswj cov haiv neeg, Huab Tais yuav yog lawv tus vaj mus ib txhis. 9 Cov neeg tso siab rau Huab Tais yuav to taub txoj kev tseeb, cov neeg npuab Huab Tais yuav nyob ze nws hauv txoj kev nyiam: Vim Huab Tais tshwj zias nws lub txiaj ntsim thiab nws txoj kev khuv leej rau nws cov ntshiab, thiab nws txoj kev hlub tshua rau nws cov xaiv.

    NPN 23: 1-3A, 3B-4, 5, 6

    Txais: (1) Huab Tais yog tus tswv zov yaj saib kuv,
    kuv yuav tsis tshaib txog dab tsi li.
    Los: (4) Txawm kuv taug kev hauv ib lub hav tsaus nti,
    los kuv tsis ntshai dab tsi phem, vim koj nrog nraim kuv.

    HUAB TAIS yog tus tswv zov yaj saib kuv,
    kuv yuav tsis tshaib txog dab tsi li.
    Nws cia kuv so nyob hauv tej tshav zaub mos ntsuab xiab;
    Nws coj kuv mus nyob ze cov dej tus yees;
    nws ua kom kuv tus ntsuj plig rov muaj zog tuaj.

    Txais…

    Nws coj kuv mus taug tej kev ncaj, vim nws lub npe.
    Txawm kuv taug kev hauv ib lub hav tsaus nti,
    kuv tsis ntshai dab tsi phem, vim koj nyob rawv ntawm kuv ib sab,
    koj rab nplawm thiab rab pas nrig ua kuv luag.

    Txais…

    Koj rau ib rooj mov rau ntawm kuv xub ntiag
    rau kuv cov yeeb ncuab ntsia ntsoov;
    koj muab roj pleev kuv taub hau;
    kuv lub ntim puv phwj yaws.

    Txais…

    Txiaj ntsim thiab kev ua zoo raws kuv nraim
    niaj hnub hauv kuv lub neej;
    Kuv lub chaw nyob yog nyob hauv HUAB TAIS tsev
    mus ntev niaj ntau xyoo lawm yav tom ntej.

    Txais…

    Zaj Nyeem Ob: LOS MAS 5: 5-11

    Paj Lug sau ntawv tias:
    5 Kev tso siab ua kom peb tsis muaj chaw khuv xim, vim Leej Ntuj Plig Ntshiab, uas peb tau txais, nw tau hliv Tswv Ntuj txoj kev nyiam rau hauv peb nruab siab lawm. 6 Vim tias thaum lub caij peb tseem tsis tau muaj tus tuaj pab, thaum txog lub hnub nyoog teem tseg, Leej Pleev tau tuag kom tau pab cov neeg tsis hwm Ntuj. 7 Yog yuav tsum tuag kom tau pab ib tug neeg ncaj, mas yus twb txiav txim siab nyuaj; yog yuav tuag kom tau pab ib tug neeg siab zoo mas nyaj tej zaum yus yuav muaj peev xwm zog. 8 Tiam sis yam uas zeem tseeb tias Tswv Ntuj hlub peb yog qhov tias thaum peb tseem yog neeg txhaum, Leej Pleev tuag kom tau pab peb. 9 Nyem no peb twb muaj kev ncaj nyob hauv Leej Pleev cov roj ntsha lawm, mas nws haj yam yuav cawm peb ntawm Ntuj txoj kev npau taws. 10 Yog tias thaum peb tseem ua yeeb ncuab rau Tswv Ntuj, nws Leej Tub txoj kev tuag twb ua kom peb nrog Tswv Ntuj rov sib haum xeeb, mas nyem no thaum peb nrog Tswv Ntuj rov sib haum xeeb lawm, mas Tswv Ntuj Leej Tub txoj sia haj yam yuav cawm tau peb. 11 Tsis tas li xwb, peb tseem khav tau tias peb nyob hauv Tswv Ntuj vim peb tus Huab Tais Yes Xus Pleev, tus uas tau ua kom zaum no peb muaj kev haum xeeb nrog Tswv Ntuj.

    Los: LM 6: 3-9

    Paj Lug sau ntawv tias:
    3 Nej puas paub txog tias thaum peb tau txais lub Cim Ntxuav nyob hauv Yes Xus Pleev, mas kuj yog peb sawv daws tau txais lub Cim Ntxuav nyob hauv Yes Xus txoj kev tuag thiab? 4 Li ntawd thaum peb txais lub Cim Ntxuav peb kuj nrog Yes Xus tuag mus zwm ntxa thiab, kom, ib yam li Leej Pleev tau sawv hauv cov tub tuag rov los vim Leej Txiv lub hwj huam tau tsa nws sawv, peb kuj yuav tau coj dua ib lub neej tshiab thiab.
    5 Vim tias yog peb nrog Leej Pleev koom ua ib tug nyob hauv txoj kev tuag zoo li nws txoj, mas peb kuj yuav nrog Leej Pleev koom ib txoj kev sawv rov los thiab. 6 Peb yuav tsum to taub tias peb tus qub neeg raug muab ntsia nrog Yes Xus dai saum ntoo cuam lawm, kom peb lub cev uas xib rau kev txhaum tsis txhob muaj zog kav peb, peb thiaj tsis txhob ua kev txhaum cov qhev ntxiv. 7 Vim tias tus neeg tuag tau txais kev zam nws cov txhaum tas lawm; 8 ua li mas yog peb tau nrog Leej Pleev tuag, mas peb ntseeg tias peb kuj yuav tau nrog nws muaj txoj sia nyob thiab. 9 Peb paub tias Leej Pleev tau sawv hauv qhov tuag los lawm, nws yuav tsis tuag ntxiv, txoj kev tuag tsis muaj cuab kav tuaj raug nws ib zaug ntxiv lawm.

    As Les Lus Yas: MT 25: 34

    Txais: As les lus yas, as les lus yas.

    Nej los mog ! Nej cov uas kuv Txiv pub txoj hmoov zoo rau nej,
    los txais lub Ceeb Tsheej uas yeej npaj tseg rau nej
    txij puag thaum pib tsim lub sim ceeb los lawm ua nej tug.

    Txais: As les lus yas, as les lus yas.

    Ntawv Moo Zoo: ZAM 6: 37-40

    Yes Xus hais rau pab neeg coob coob tias:
    37 “Txhua yam uas kuv Txiv muab rau kuv yuav los cuag kuv. Hos tus tuaj cuag kuv, kuv yuav tsis ntiab nws rau nraum zoov.
    38 Vim kuv nqes saum ntuj los, tsis yog los ua ywj kuv siab, yog los ua raws li Tus Xa kuv tuaj lub siab.
    39 Tus Xa kuv tuaj lub siab xav yog zoo li no : Kom kuv tsis txhob ua ib yam uas nws muab rau kuv ploj li, thiab hnub kawg, kom kuv tsa yam ntawd sawv rov los.
    40 Qhov uas kuv Txiv nyiam yog zoo li no : kom leej twg pom Leej Tub thiab ntseeg txog Leej Tub, mas nws yuav muaj txoj sia nyob mus li, thiab Hnub Kawg, kuv yuav tsa nws sawv rov los."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 3rd November 2019, 12:35 pm

    TIM      4      LUB      11      HLIS      2019

    Hnub Ob Lis Piam Peb Caug Ib Nruab Xyoo C Nruab Lis Piam Xyoo I

    Hwm LN Charles Borromeo, ua Tswv Qhia

    Zaj Nyeem Ib:        LM  11:   29-36


    Cov kwv tij nkauj muad:
    29 Yog Tswv Ntuj tau pub txiaj ntsim rau thiab tau hu leej twg, mas tsis muaj thim li lawm. 30 Ib yam li thaum ntej, nej yog cov tsis kam mloog Tswv Ntuj lus, nyem no nej ho tau txais Tswv Ntuj txoj kev khuv leej, vim cov His Xas Lais txoj kev tsis mloog lus. 31 Ib yam li ntawd nyem no, lawv yog cov tsis mloog Tswv Ntuj lus, kom xwv yog vim nej txoj kev tau txais Tswv Ntuj txoj kev khuv leej, mas lawv kuj yuav tau txais kev khuv leej thiab. 32 Vim Tswv Ntuj tso tas ib zeej tsoom neeg mus poob rau hauv txoj kev tsis mloog lus, kom nws tau kev khuv leej tas sawv daws.
    33 Ua cas Tswv Ntuj txoj kev nplua nuj, txoj kev thoob tsib thiab txoj kev paub txuj yuav tob ua luaj! Neeg tsom tsis tau nws tej lus txiav txim, neeg tsis to taub nws tej kev li!
    34 “Vim leej twg thiaj yuav paub tau zaj uas Huab Tais xav ? Leej twg thiaj yuav qhia tswv yim tau rau nws?
    35 Los leej twg puas tau pub txiaj ntsim paj tshab rau Tswv Ntuj, ces nws yuav kom Tswv Ntuj them rov rau nws ?”
    36 Vim tias txhua yam yog tuaj ntawm Tswv Ntuj tuaj, txhua yam yog nws ua kom tshwm sim los, txhua yam yog nws ua rau nws. Lub hwj chim thiaj yog Tswv Ntuj tug mus tag ib txhiab ib txhis. Ua li.

    NPN        69:   30-31, 33-34, 36-37

    Txais: (14c) Huab Tais, koj muaj txoj kev hlub loj, thov koj teb kuv.

    Kuv poob rau kev txom nyem thiab kev muaj mob,
    Tswv Ntuj, tso koj txoj kev cawm tuaj pab txuag kuv.
    Kuv yuav hu ib zag nkauj cav txog Tswv Ntuj lub npe,
    kuv yuav ua nws tsaug kom nws nto koob meej.

    Txais: (14c) Huab Tais, koj muaj txoj kev hlub loj, thov koj teb kuv.

    Cov neeg me nej pom, ces nej yuav zoo siab kawg nkaus ;
    Cov uas nrhiav Tswv Ntuj, nej lub plawv yuav rov ciaj sia tuaj;
    Vim HUAB TAIS mloog cov pluag zaj lus thov;
    nws tsis ntxub nws cov neeg uas raug coj mus kaw.

    Txais: (14c) Huab Tais, koj muaj txoj kev hlub loj, thov koj teb kuv.

    Vim Tswv Ntuj yuav cawm Xis Yoos,
    nws yuav rov txhim cov tsheej hauv Yus Das teb.
    Lawv yuav nyob hauv lub teb chaws,
    lawv yuav tau lub teb chaws ua lawv tug.
    Tswv Ntuj cov tub txib tej xeeb ntxwv yuav tau
    lub teb chaws los ua lawv lub cuab tam;
    cov uas nyiam nws lub npe yuav tau nyob rau hauv.

    Txais: (14c) Huab Tais, koj muaj txoj kev hlub loj, thov koj teb kuv.

    As Les Lus yas:        ZAM  8:   31B-32

    Txais: As les lus yas, as les lus yas.

    Huab Tais hais tias: Yog nej nyob hauv kuv cov lus,
    mas nej yuav yog kuv cov tseem thwj tim thiab nej yuav paub qhov tseeb.

    Txais: As les lus yas, as les lus yas.

    Ntawv Moo Zoo:        LK  14:   12-14

    12 Yes Xus hais rau tus Fas Lis Xais uas caw nws tuaj noj mov tias : "Thaum koj npaj ib roog su los ib roog hmo, koj txhob caw koj cov phooj ywg, los koj cov kwv tij nkauj muam, los koj cov neej tsa, los cov neeg nplua nuj uas nyob ze koj, tsam lawv ho rov caw koj thiab ces koj twb tau txais kev pauj lawm.
    13 Thaum koj ua ib roog qav, koj yuav caw cov pluag, cov tu tes tu taw, cov ceg tawv, cov dig muag.
    14 Koj hmoov yuav zoo, vim lawv tsis muaj dab tsi yuav pauj rov rau koj. Thaum lub caij cov neeg siab ncaj sawv rov los, mas koj mam yuav txais kev pauj."

    *********************************

    TIM      4      LUB      11      HLIS  

    HWM LN CHARLES BORROMEO, UA TSWV QHIA


    Yog xav xaiv cov zaj nyeem tshwj xeeb rau hnub hwm LN Charles Borromeo raws li nram no los tau:  

    Zaj Nyeem Ib:        LM  12:   3-13

    Cov kwv tij nkauj muad:
    3 Yog vim lub txiaj ntsim uas kuv tau txais mas kuv thiaj hais rau nej sawv daws tias kom nej tsis txhob coj tus yam ntxwv muab muab hlob tsis phim qhov nej yuav tsum coj, tiam sis nyias yuav coj tus yam ntxwv ua neeg thoob tsib raws li nyias lub siab ntseeg, uas Tswv Ntuj pub rau nyias. 4 Peb muaj ib lub cev xwb thiab ntau txhais tes muaj taw; peb tej tes taw tsis ua ib txog hauj lwm xwb.  5 Peb kuj ib yam, peb muaj coob leej koom ua ib lub cev xwb nyob hauv Leej Pleev thiab peb yog tes taw ib leeg rau ib leeg. 6 Peb nyias muaj nyias txoj kev txawj raws li lub txiaj ntsim nyias tau txais, ua li mas peb yuav tsum tau siv peb tej kev txawj ntawd: Tus txawj ua yaj saub nws yuav ua kom haum raws li txoj kev ntseeg; 7 tus txawj ua hauj lwm tshaj txoj kev ntseeg, nws yuav ua hauj lwm tshaj txoj kev ntseeg; tus txawj ua xib hwb qhia luag, nws yuav ua xib hwb qhia luag; 8 tus txawj ntuas neeg, nws yuav ua tus ntuas neeg; tus nyiam pub rau luag, nws yuav ua siab dav fo pub; tus txawj ua thawj coj, nws yuav kub siab lug coj; tus nyiam pab cov neeg txom nyem, nws yuav ua ntsej muag luag ntxhi pab.
    9 Nej tsis txhob lam ua txuj xwb nej yuav nyiam luag tiag tiag; nej yuav khiav mus deb ntawm txoj kev phem, thiab muab nej khi ruaj nreb rau txoj kev zoo. 10 Nej yuav sib hlub xws li ib pab kwv tij; nej yuav ib leeg hwm ib leeg, ua kom nej yog tus xub hwm luag. 11 Nej ua siab nquag plias tsis txhob ua neeg nkees, ua neeg muaj lub siab kub nyob hauv Leej Ntuj Plig, nej tsob hwb Huab Tais. 12 Nej yuav zoo siab nyob hauv nej txoj kev tso siab; nej ua siab ntev nyiaj tej kev txom nyem; nej mob siab nquag teev Ntuj tsis tseg. 13 Nej yuav tso nyiaj pab cov ntshiab tej kev siv. Nej yuav ua zoo txais cov qhua tuaj so hauv nej tsev.

    NPN        89:   2-3, 4-5, 21-22, 25+27

    Txais: (2) Kuv yuav hu nkauj mus li cav txog HUAB TAIS lub siab zoo.

    Kuv yuav hu nkauj mus li cav txog HUAB TAIS tej kev ua zoo,
    kuv lub ncauj yuav tshaj txog koj txoj kev pheej xeeb mus tiam dhau tiam.
    Vim koj tau hais tias: “Kuv lub siab zoo yuav nyob ruaj mus li;”
    nyob saum ntuj koj tau cog koj txoj kev pheej xeeb kom ruaj nreb.

    Txais: (2) Kuv yuav hu nkauj mus li cav txog HUAB TAIS lub siab zoo.

    Kuv tau cog ib lo lus nrog tus kuv xaiv,
    kuv tau cog lus khov rau kuv tus tub txib Das Vis tias :
    Kuv yuav tsa koj caj ces kom nyob ruaj mus li,
    kuv yuav txhim ib lub theej kiab rau koj zaum tiam dhau tiam.

    Txais: (2) Kuv yuav hu nkauj mus li cav txog HUAB TAIS lub siab zoo.

    Kuv nrhiav tau kuv tus tub txib Das Vis,
    kuv tau muab kuv cov roj ntshiab los pleev nws.
    Kuv txhais tes yuav nrog nraim nws mus li,
    Thiab kuv txhais npab yuav ua kom nws muaj zog.

    Txais: (2) Kuv yuav hu nkauj mus li cav txog HUAB TAIS lub siab zoo.

    Kuv txoj kev ncaj thiab kev khuv leej yuav nrog nraim nws,
    nyov hauv kuv lub npe, nws yuav tsa nws hauv pliaj kom siab.
    Nws yuav hu kuv tias : "Kuv txiv, kuv tus Tswv Ntuj,
    kuv lub Tsua, kuv tus Cawm Seej!"

    Txais: (2) Kuv yuav hu nkauj mus li cav txog HUAB TAIS lub siab zoo.

    As Les Lus Yas:        JN  10:   14

    Txais: As les lus yas, as les lus yas.

    Huab Tais hais tias: Kuv yog tus zoo tswv zov yaj;
    kuv paub kuv cov yaj, kuv cov yaj paub kuv.

    Txais: As les lus yas, as les lus yas.

    Ntawv Moo Zoo:        JN  10:   11-16

    Yes Xus hais tias:
    11 Kuv yog tus zoo tswv zov yaj; tus zoo tswv zov yaj siv nws txoj sia los pab nws cov yaj.
    12 Tus neeg raug ntiav zov, nws tsis yog tus tswv, cov yaj tsis yog nws li; thaum nws pom hma tuaj, nws tso cov yaj pov tseg, nws khiav mus lawm; hma muab cov yaj kwv mus, ua pab yaj tawg tas.
    13 Vim tias nws tsuas yog tus ntiav zov kom tau nyiaj xwb, nws tsis txhawj dab tsi txog cov yaj.
    14 Kuv yog tus zoo tswv zov yaj; kuv paub kuv cov yaj, kuv cov yaj paub kuv,
    15 ib yam li Leej Txiv paub kuv thiab kuv paub Leej Txiv; kuv siv kuv txoj sia pub rau kuv cov yaj.
    16 Kuv tseem muaj ib co yaj uas tsis nyob hauv lub nkuaj no. Kuv yuav tsum coj cov ntawd kev thiab; lawv yuav mloog kuv lub suab, ces yuav muaj ib pab yaj, thiab ib tug tswv zov yaj xwb.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 4th November 2019, 5:05 am

    TIM 5 LUB 11 HLIS 2019

    Hnub Peb Lis Piam Peb Caug Ib Nruab Xyoo C Nruab Lis Piam Xyoo I

    Zaj Nyeem Ib: LM 12: 5-16AB


    Cov kwv tij nkauj muad:
    5 Peb muaj coob leej, koom ua ib lub cev xwb nyob hauv Leej Pleev thiab peb yog tes taw ib leeg rau ib leeg. 6 Peb nyias muaj nyias txoj kev txawj raws li lub txiaj ntsim nyias tau txais, ua li mas peb yuav tsum tau siv peb tej kev txawj ntawd: Tus txawj ua yaj saub nws yuav ua kom haum raws li txoj kev ntseeg; 7 tus txawj ua hauj lwm tshaj txoj kev ntseeg, nws yuav ua hauj lwm tshaj txoj kev ntseeg; tus txawj ua xib hwb qhia luag, nws yuav ua xib hwb qhia luag; 8 tus txawj ntuas neeg, nws yuav ua tus ntuas neeg; tus nyiam pub rau luag, nws yuav ua siab dav fo pub; tus txawj ua thawj coj, nws yuav kub siab lug coj; tus nyiam pab cov neeg txom nyem, nws yuav ua ntsej muag luag ntxhi pab.
    9 Nej tsis txhob lam ua txuj xwb nej yuav nyiam luag tiag tiag; nej yuav khiav mus deb ntawm txoj kev phem, thiab muab nej khi ruaj nreb rau txoj kev zoo. 10 Nej yuav sib hlub xws li ib pab kwv tij; nej yuav ib leeg hwm ib leeg, ua kom nej yog tus xub hwm luag. 11 Nej ua siab nquag plias tsis txhob ua neeg nkees, ua neeg muaj lub siab kub nyob hauv Leej Ntuj Plig, nej tsob hwb Huab Tais. 12 Nej yuav zoo siab nyob hauv nej txoj kev tso siab; nej ua siab ntev nyiaj tej kev txom nyem; nej mob siab nquag teev Ntuj tsis tseg. 13 Nej yuav tso nyiaj pab cov ntshiab tej kev siv. Nej yuav ua zoo txais cov qhua tuaj so hauv nej tsev.
    14 Nej yuav foom lus zoo rau cov neeg hiam nej, nej foom lus zoo xwb, txhob foom lus phem rau. 15 Nej pom leej twg zoo siab mas nej yuav nrog lawv zoo siab, nej pom leej twg quaj mas nej kuj yuav nrog lawv quaj. 16a Nej yuav sib hwm ib leeg saib tau sib leeg; nej tsis txhob ua neeg muab hlob, nej yuav ntaus phooj ywg nrog cov neeg me.

    NPN 131: 1BCDE, 2, 3

    Txais: Nyob hauv koj, Huab Tais, kuv nrhiav tau txoj kev kaj lug.

    HUAB TAIS, kuv lub siab tsis khav theeb,
    kuv tsis tsa hau siab los ntsia luag.
    Kuv tsis nrhiav tej yam loj nto koob meej,
    los tej yam tob uas kuv lub tswv yim tsis duav.

    Txais: Nyob hauv koj, Huab Tais, kuv nrhiav tau txoj kev kaj lug.

    Kuv cia kuv tus plig nyob tus tus ntsiag to
    zoo li tus me nyuam uas cais mis lawm;
    xws tus me nyuam cais mis lawm nyob hauv nws niam xub ntiag,
    kuv tus plig kuj zoo li ntawd nyob hauv kuv.

    Txais: Nyob hauv koj, Huab Tais, kuv nrhiav tau txoj kev kaj lug.

    His Xas Lais, koj cia li tso siab rau HUAB TAIS,
    txij nyem no mus tas ib txhiab ib txhis.

    Txais: Nyob hauv koj, Huab Tais, kuv nrhiav tau txoj kev kaj lug.

    As Les Lus yas: MT 11: 28

    Txais: As les lus yas, as les lus yas.

    Huab Tais hais tias: Tas nej sawv daws uas nej khwv thiab ris
    nra hnyav, nej tuaj cuag kuv mas ! Kuv yuav cia nej so los siav.

    Txais: As les lus yas, as les lus yas.

    Ntawv Moo Zoo: LK 14: 15-24

    15 Cov neeg tuaj noj mov ntawd muaj ib tug hais rau Yes Xus tias : "Tus uas yuav tau noj mov nyob hauv Tswv Ntuj lub Ceeb Tsheej, mas nws txoj hmoov zoo." 16 Yes Xus hais rau nws tias : "Muaj ib tug neeg ua ib roog qav loj, nws caw neeg coob coob kawg. 17 Thaum txog caij noj, nws xa nws tus tub txib mus nqua hu cov neeg nws tau caw tias : 'Nej tuaj, nyem no npaj tau txhij tas lawm.' 18 Tab sis cov raug caw, tus twg los muaj chaw tab kaum tas huv si. Thawj tug hais rau tus tub txib tias : 'Kuv yuav tau ib daim teb, kuv yuav tsum mus xyuas. Thov koj zam rau kuv.' 19 Hos muaj ib tug hais tias : 'Kuv yuav tau tsib nkawg txiv nyuj, kuv yuav mus sim kuv cov nyuj. Thov koj zam rau kuv.' 20 Lwm tus hais tias : 'Kuv nyuam qhuav yuav poj niam, kuv tuaj tsis tau.' 21 Tus tub txib rov los qhia tej ntawd rau nws tus tswv. Ces tus tswv tsev npau taws, nws hais rau tus tub txib tias : 'Koj maj zeeg mus tom cov tshav puam thiab cov kev hauv nroog, koj coj cov pluag, cov tu tes tu taw, cov dig muag, thiab cov ceg tawv, sawv daws tuaj hauv no.' 22 Ces tus tub txib hais tias : 'Huab tais, kuv twb ua raws li koj hais lawm, tsis kav tseem tshuav chaw seem thiab.' 23 Tus tswv hais rau tus tub txib tias : 'Koj tawm mus taug tej kev loj, taug tej ntug laj kab, koj coj kom tau neeg tuaj, kom kuv lub tsev puv nkaus.' 24 Li ntawd, kuv hais rau nej tias cov neeg uas raug caw, yuav tsis muaj ib tug tau saj kuv rooj qav li."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Mim on 5th November 2019, 3:05 am

    TIM 6 LUB 11 HLIS 2019

    Hnub Plaub Lis Piam Peb Caug Ib Nruab Xyoo C Nruab Lis Piam Xyoo I

    Zaj Nyeem Ib: LM 13: 8-10


    Paj Lug sau ntawv tias:
    8 Nej tsis txhob tshuav leej twg nuj nqis li, tiam sis yam nej tshuav yog yuav tsum sib nyiam sib hlub. Vim tus nyiam luag tej, mas nws ua raws li Txoj Cai qhia tas huv tib si lawm.
    9 Cov lus qhia hais tias : “Koj txhob zes luag txij luag nkawm, koj txhob tua neeg, koj txhob ua tub sab tub nyiag, koj lub siab yuav tsis txhob ntshaw,” cov lus qhia no thiab lwm cov lus qhia lub ntsiab yog nyob hauv lo lus nram no tas huv tib si: “Koj yuav nyiam luag tej ib yam li koj nyiam koj.”
    10 Leej twg nyiam luag tej, mas nws tsis ua ib qho phem rau luag. Li ntawd, txoj cai lub hom phiaj yog: txoj kev nyiam.

    NPN 112: 1B-2, 4-5, 9

    Txais: (5a) Tus neeg ua siab zoo thiab qiv rau cov neeg txom nyem yuav tau hmoov zoo.

    Tus muaj hmoov zoo yog tus uas hwm HUAB TAIS,
    thiab nyiam coj Huab Tais cov lus qhia tas siab tas ntsws.
    Nws caj ces yuav muaj hwj chim nyob ntiaj teb,
    caj ces neeg siab ncaj yuav tau txais koob hmoov.

    Txais: (5a) Tus neeg ua siab zoo thiab qiv rau cov neeg txom nyem yuav tau hmoov zoo.

    Tus neeg ncaj ci hauv qhov tsaus ntuj tuaj ua lub teeb kaj cov neeg ncaj,
    nws ua siab zoo, khuv leej luag, thiab coj ncaj.
    Tus neeg txawj hlub luag thiab qiv rau luag nws txoj hmoov zoo.
    Nws tswj nws tej hauj lwm raws txoj kev ncaj.

    Txais: (5a) Tus neeg ua siab zoo thiab qiv rau cov neeg txom nyem yuav tau hmoov zoo.

    Nws tsis qia dub nws pub ntau rau cov pluag :
    nws txoj kev ua siab dav yuav nyob mus li,
    nws yuav tau ntsej muag, nws yuav muaj koob meej.

    Txais: (5a) Tus neeg ua siab zoo thiab qiv rau cov neeg txom nyem yuav tau hmoov zoo.

    As Les Lus yas: 1 PZ 4: 14

    Txais: As les lus yas, as les lus yas.

    Yog nej raug luag cem vim Leej Pleev lub npe,
    mas nej txoj hmoov zoo,
    vim Tswv Ntuj Leej Tswv Yim tuaj roos nej.

    Txais: As les lus yas, as les lus yas.

    Ntawv Moo Zoo: LK 14: 25-33

    25 Tej pab neeg coob coob nrog Yes Xus taug kev. Yes Xus tig los hais rau lawv tias :
    26 "Leej twg los raws kuv, yog nws tsis ntxub nws niam nws txiv, nws poj niam me nyuam, nws cov kwv tij thiab cov muam, thiab nws txoj sia, mas tus ntawd ua tsis tau kuv thwj tim.
    27 Leej twg tsis kwv nws tus ntoo cuam thiab tsis lawv kuv qab, mas nws ua tsis tau kuv thwj tim.
    28 Yog nej leej twg xav txhim ib tug pej thuam, nws puas tsis xub los zaum xam saib yuav siv nyiaj npaum li cas, thiab ntsuas saib nws puas muaj nyiaj txaus ua kom tiav tso ?
    29 Tsam nws pib txhim cov taw ntsa tas, ho ua tsis tau kom tiav, ces tas cov neeg pom yuav thuam nws hais tias :
    30 ‘Saib ! Tus neeg no pib txhim, nws ho tsis muaj cov peev los ua kom tiav !’
    31 Los ib tug vaj yuav sawv kev mus ua rog ntaus lwm tus vaj, nws puas tsis xub zaum xam saib nws muaj kaum txhiab leej tub rog, nws puas yuav tiv tau tus vaj uas coj nees nkaum txhiab leej tuaj ?
    32 Yog nws paub tias yuav tiv tsis tau, mas thaum lwm tus vaj tseem tuaj txog deb, nws yuav xa ib pab tiam lis mus thov kom cia lub teb chaws nyob thaj yeeb.
    33 Nej kuj zoo ib yam li ntawd, yog nej leej twg tsis tso tas nws lub cuab tam tseg, mas nws ua tsis tau kuv thwj tim.”



    Sponsored content

    UA KOOB TSHEEJ YES XUS YUG LOS XYOO 2018 - Page 11 Empty Re: UA KOOB TSHEEJ YES XUS YUG LOS XYOO 2018

    Post  Sponsored content


      Current date/time is 26th May 2020, 10:37 pm