Mus ncig thaj chaw Ntshiab uas Ntawv Moo Zoo hais txog

Zoo Tswv Zov Yaj, thiab cov Phooj ywg,

Ntawm no yog ib co duab thaum lub 4 Hlis 2014, kuv poj niam wb mus xyuas cov chaw Ntshiab txhua yam raws li Ntawv Moo Zoo tau qhia txog.

Maiv Tooj,

Ua tsaug uas koj tseem muab cov duab uas Xwb Hwb Xob Tsheej lawv mus qhov chaw Ntshiab tso rau hauv nov. Thaum kuv mus qhib pom kuv kua muaj los, kuv mloog zoo li kuv twb pom Huab Tais Yes Xus lawm.

Maiv Tooj kuv tseem npaj ib pab peb yuav mus saib qhov chaw Ntshiab no thaum 2016 ntawd. Yog tias leej twg ho xav mus no haiv rau kuv paub peb mam mus sib ntsib nyob tid.

Nyob hauv kuv lub neej kuv yeej muaj txoj kev npau suav tias : muaj ib hnub kuv yuav tsum mus txog qhov chaw ntawd ib zaug xwb. Puag thaum ub xyoo 90 ntawd muaj ib pab mus kuv me nyuam tseem me, kuv nrog tsis tau lawv mus kuv quaj ib pluag, kuv ntsia lawv cov neeg uas mus ntawd mas zoo li lawv twb ntshiab tas tus. Tab sis zaum no kuv yog tus pib npaj ib pab yuav mus saib, kuv ntseeg tias, Tswv Ntuj txhawb kuv lub zog thiab nws xav kom kuv txoj kev npau suav tshwm sim tuaj raws kuv qhov kev ntshaw thiab tau cia siab los lawm ntev.

Kuv ntseeg tias peb niaj hnub kawm hauv Ntawv Ntshiab tab sis peb yuav tsum mus pom ntawm qhov muag thiab txhais tes tau kom kiag mas yuav txhawb peb txoj kev ntseeg lawm ntau.

Thov kom Tswv Ntuj nrog nej txhua tus nyob ua nej siab kaj lug.


Npaub

Nyob zoo Bao X Mary,

Zoo siab hnov nws lub moo zoo.

Yog muaj txoj hmoov tau mus xyuas txhua yam uas Haub Tais Yes Xus tus hneev taw mas yuav zoo heev. Ntawm lub teb chaws kuv nyob, tsis deb heev ces kuv yeej xav tias ib hnub twg kuv yuav mus xyuas Yes Lus Xas Les thiab Los Mas ib zaug xwb thiaj li tag; tab sis yuav tsis yog tam sim no vim kuv tseem tsis tau npaj siab.

Bao X Mary, nrog nej zoo siab uas nej yuav tau mus pom.

Nyob zoo Maiv Tooj,

2016 ntawd, koj tuaj tim fav kis tuaj es peb mus saib qhov chaw Ntshiab ntawd, yog koj tuaj ces peb mus sib ntsib nyob tid ua ke. Peb yuav npaj mus li thaum lub 10 hli los 11 hlis pib thaum 2016 ntawd. Kuv tseem tiv toj txiv plig Tshaj Xwb Thoj nyob Thaib Teb saib nws mus tau thaum lub sij hawm twg. Kuv twb nrog nws tham lawm, kuv yuav pab kom tau nws nrog peb mus. Nws yeej tias nws yuav mus vim nws kawm tas txiv plig los twb tsis tau mus li.

Maiv Tooj, yog koj tsis xav li cas caw koj tuaj nrog peb mus ua ke os kom peb ho tau sib ntsib thiab.

Npaub

Nyob zoo Npaub,

Yog thaum twg koj paub tias nej mus hnub twg tiag no koj hais rau kuv paub kom thiaj li paub thov so hauj lwm.

Yog TP.Tshaj Xwm mus thiab no kuv kuj xav mus thiab; vim kuv kuj tsis tau pom dua nws, tsuas tau sib fim hauv xov tooj thiab cab sab xwb.

Bao X Mary thiab tais Tooj,

Cas neb yuav hais tau muaj siab ua luaj li! Kheev lam thaum ntawd kuv tau nrog nej mus thiab mas yuav zoo siab heev os...

Nyob zoo Mim,

Yog koj npaj tau no peb mus ua ke ib zaug os nawb.
Koj mas koj paub ob peb hom lus ces yuav tsis yog ib qho teeb meem rau koj, ntawm kuv mas yog kuv nrog nej uas hais lus as mes kas mas yuav nyuaj rau kuv thiab kuv yuav tsis paub txog qhov lawv piav pes tsawg; tab sis tsis uas cas, kuv mam li nrhiav ntawv fab kis nyeem kom to taub xwb. Yog kuv to taub rau qhov lawv piav rau sawv daws ua ke ntawd mas yuav zoo dua thiab yog muaj lus nug los thiaj yuav tau nug ywj siab. Tab sis ntuj pub tsawg ces yuav tau zoo siab rau qhov yus muaj thiab yus tau xwb. Txawm yuav tau txog siav dua luag tej los yus yuav tsum zoo siab rau txoj hmoov uas yus muaj.