Keeb Kwm hais neeg His Xas Lais thiab kev ntseeg.

**Maiv Tooj** 16th September 2013, 1:48 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Keeb Kwm hais neeg His Xas Lais thiab kev ntseeg.

Post Maiv Tooj 16th September 2013, 1:48 am

Keeb Kwm haiv neeg His Xas Lais thiab kev ntseeg Catholique.

Tiam 11 ua ntej Yes Xus: Vaj Xas Ws, thawj tug vaj ntxwv His Xas Lais ( kav tag nrho 12 xeem His Xas Lais).

Thaj tsam -1010 Das Vis los ua huab tais Yus Das (kav ob xeem nram qab teb thiab kaum xeem His Xas Lais pem qaum teb) yog kav tag nrho His Xas Lais teb.

Thaj tsam - 1000 Vaj Das Vis ntau tau Yes Lus Xas Les.

Thaj tsam - 970 Vaj Das Vis tuag, Xas Los Moos pib ua vaj.

- 967 Vaj Xas Los Moo pib txhim lub tsev teev Ntuj Yes Lus Xas Les ( yog thawj thawj lub tsev teev Ntuj.)

Thaj tsam -931 Vaj Xas Los Moos tuag, teb chaws His xas Lais thiab Yus Das teb sib faib.

-597 Yes Lus xas Les poob thawj zaug rau Nabuchodonosor vaj Npas Npis Los Nias tes thiab coj cov Yus das mus ua qhev thawj zaug.

-587 Nabuchodonosor rov ntau Yes Lus xas Les zaum ob, rov ntes cov Yus das coj mus ua qhev rau Npas Npis Los teb, thiab rhuav lub tuam tsev teev Ntuj Xas Los Moos ( thawj lub tsev teev Ntuj).

- 597 thiab -587 txog rau - 538 Cov Yus Das uas raug ua qhev nyob Npas Npis Los teb rov qab los rau Hias Xas Lais teb.

- 520 rau -515 Rov txhim lub tuam tsev teev Ntuj (lam txhim lub nyuag dog dig), lub tuam tsev teev Ntuj nyob Yes Lus Xas Les (yog txhim zaum ob).

- 19 Yawg Hlob Vaj Hes Los, txhim ib lub tuam tsev zoo nkauj heev rau qhov qub chaw lub tsev teev Ntuj qub, rau Yes Lus xas Les ( yog lub lub tuam tsev zaum peb).

Thawj tsam - 10, muab lub tuam tsev zeeg peb txi rau Tswv Ntuj.
+64 tom qab Yes Xus, ua lub tuam tsev teev Ntuj tiav, yog lub tsev teev Ntuj zeeg peb.

+66 rau 70 Cov Yus Das tawm tsam cov Los Mas thawj zaug
+70 Cov Los Mas muab lub tsev tuam tsev teev Ntuj hlawv ( yog rhuav lub tsev teev Ntuj zaum peb...los txog niaj hnub no tsis tau rov tsa ntxiv li lawm)

+132 rau 135 Cov Yus das rov tawm tsam cov Los Mas zaum ob.
+132-134 Tus Thawj coj cov Yus das tawm tsam, Bar-Kokheba, tsa lub puav nyuag tsev los ua thaj txi ntuj rau lub tuam tsev teev Ntuj tej nyuag qub chaw seem, yog tsa lub tuam tsev zaum plaub. Los Mas muab cov His Xas Lais faib mus thoob ntuj, tsis pub nyob ua ke kom txhob tau tawm tsam lawv. (tsis muaj teb chaws His Xas Lais lawm).

+ 636 cov Muv Xis Lim tsuj teb chaws Pas Les Tis Nias.

1948 Ntiaj teb rov tshaj ib lub teb chaws rau His xas Lais.

Keeb Kwm hais neeg His Xas Lais thiab kev ntseeg. Captur11

Last edited by Maiv Tooj on 1st May 2023, 5:13 am; edited 5 times in total

**Maiv Tooj** 17th September 2013, 9:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Keeb Kwm hais neeg His Xas Lais thiab kev ntseeg.

Post Maiv Tooj 17th September 2013, 9:23 am

3 zaug 14 tiam.

Raws li Hauv Paus Xa Lus Mas Tais hais hau Ntawv Cog Lus Tshiab,
txij Has Nplas Has los rau Yes Xus muaj 3 zaug 14 tiam neeg.
Yam li txhua zaud muaj 14 tiam sib xws,
xws li txij Has Nplas Has los rau vaj Das Vis muaj 14 tiam,
txij vaj Das Vis rau cov Yus Das poob cev qhev rau Npas Npis Los muaj 14 tiam,
txij His xas Lais poob cev qhev rau Npas Npis Los rau Yes Xus Pleev muaj 14 tiam
(lawv suav ib tiam neeg, tsis yog ib sim neej,
yog ib tiam neeg tshiab zoo li tus niam tus txiv yug tus me nyuam ces yog ib tiam tshiab).

Keeb Kwm hais neeg His Xas Lais thiab kev ntseeg. Longev10

TXHEEJ THAUM UB MUAJ SIA NYOB NTEV HEEV.

Txheej thaum ub neeg muaj sia nyob ntev heev,
txheej thaum As Das, pom tias nyob yuav luag 1000 xyoo,
Ib ntus tom qab no nqes los ua 300 tawm xyoo,
ho rov nce mus ze 1000 xyoo, los mus txog Nom Hes,
cov hnub nyug cia li nqes zuj zus los txog ze 100 rau Yos Xes uas yog Yas Kos tus tub txheej
los rau niaj hnub no uas rov nce me ntsis li thaum Yos Xes txheej.

Ib ntus thaum xyoo 1000 los rau xyoo 1100-1200 nram ntej ntawd mas neeg nyob txog 35 xyoo tej xwb twb tuag tas lawm. Tam sim no neeg rov nyob ntev dua, kuj ze ntawm 100 xyoo zuj zus lawm thiab. Tsis paub yog tim li cas neeg siav ho yuav cia li hloov li ntawd. Yog nyob ntev li txheej thaum ub mas yuav muaj caij ua ntau yam dua.

Keeb Kwm hais neeg His Xas Lais thiab kev ntseeg. Longiv11

Last edited by Maiv Tooj on 1st May 2023, 5:21 am; edited 4 times in total

**Maiv Tooj** 17th September 2013, 10:05 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Keeb Kwm hais neeg His Xas Lais thiab kev ntseeg.

Post Maiv Tooj 17th September 2013, 10:05 am

LEEJ NTUJ PLIG NQES LOS

XEEB KOOM TXOOS KEV NTSEEG.

La pentecôte txhais hais tias Hnub 50, yog tsoom ntseeg ib lub hmoov hais txog 50 hnub tom qab Yes Xus Sawv rov los, Leej Ntuj Plig los rau Yes Xus cov thwj tim thiab tsoom neeg nyob ua ke ntawm Yes Lus Xas Les pom. Thaum lawv pom tag, muaj 3000 leej los Ntxuav Plig hnub ntawd kiag.

Xyoo ntawd yog xyoo 30, yog txij hnub uas Leej Ntuj Plig nqes los ntaw thiaj li xeeb muaj lub Koom Txoos Catholique. Pob Zeb ntuas tsoom sid thawj thawj zaug thiab muaj hwj huam tshwm sim tuaj kom txhua haiv neeg uas nyob ntawm qhov chaw ntawd to taub cov lus uas Pob Zeb hais li yog hais lawv xeem lus kiag.

Yog thawj zaug uas Pob Zeb muaj peev xwm tshaj txoj kev ntseeg lub Moo Zoo,
tshaj txoj kev ntseeg lub ntsiab yam tsiss ntshai.

- tshaj txog txoj kev sawv rov los uas lawv pom kiag ntawm qhov muag.
- Tshaj tias Yes Xus Pleev yog tus cawm seej, tus Huab Tais, tus uas Tswv Ntuj Hlub tas nrho thiab nws tshwm raws nraim li Ntawv Faj Lem sau tseg, lis cov Yaj saub Yus das tau hais tseg.
- Nquag hu kom los ntseeg thiaj tau txais kev cawm.

Keeb Kwm hais neeg His Xas Lais thiab kev ntseeg. Pentec10

Last edited by Maiv Tooj on 1st May 2023, 5:23 am; edited 3 times in total

**Maiv Tooj** 18th September 2013, 9:02 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Keeb Kwm hais neeg His Xas Lais thiab kev ntseeg.

Post Maiv Tooj 18th September 2013, 9:02 am

KEEB KWM KWM KOOM TXOOS CATHOLIQUE THAUM HAUV PAUS LOS MUS.

Keeb Kwm hais neeg His Xas Lais thiab kev ntseeg. 18137410

Xyoo 40, tsa lub Koom Txoos Kev Ntseeg nyob Antioche, Turquie teb.

Xyoo 40, lub npe Ntseeg Yes Xus (Chrétien = Christ) tshwm sim los.

Xyoo 52, Hauv Paus Xa Lus Paj Lug mus tshaj Ntuj Lus zaum 2 nyob Antioche (Syrie) Turquie teb los.

Xyoo 53, Hauv Paus Xa Lus Paj Lug mus nyob Ephèse, Turquie teb.

Xyoo 58, Hauv Paus Xa Lus Paj Lug mus Kos Lis Nthos, yog thaum nws sau cov tsab ntawv rau cov Los Mas (Grèce).

Xyoo 101, Hauv Paus Xa Lus Zam (tus sau Zam Ntawv Moo Zoo) Tswv Qhia nyob Ephèse tuag (Turquie teb).

Xyoo 107, Xis Mes Oos, Tus Tswv Qhia 2 nyob Yes Lus Xas Les raug tsim txom.(His xas Lais teb).

Xyoo 140, Tswv Qhia Hyginus tuag nyob Italie teb. (Vaj Qhia)

Xyoo 144, ntiab Marcion tawm ntawm Koom Txoos Catholique Los Mas, vim nws tsis kam lees tias Ntawv Cog Qub Lus thiab Ntawv Cog Lus Tshiab sib raws li; nws tias Cov Qub Lus yog xub tshaj ua ntej, cov Lus Tshiab yog muaj raws li Tswv Ntuj tau cog lus tseg. Nws hais tias tus Tswv Ntuj hauv Ntawv Cog Qub Lus yog tus Tswv Ntuj lim hiam, siab luv thiab nplua neeg, tus Tswv Ntuj hauv Ntawv cog lus Tshiab yog tus Tswv Ntuj Hlub neeg thiab txawj khuv leej.

Xyoo 154, Anicet los ua Tswv Qhia ( Vaj Qhia) nyob Los Mas (Italie).

Xyoo 180, Tswv Qhia Irénée nyob Lyon tshaj thawj tsab ntawv tawm teev txog thawj cov Tswv Qhia ( Vaj Qhia) nyob Los Mas (Fab Kis teb)

Xyoo 195, Tsim txoj cai xaiv 4 phau "Ntawv Moo Zoo" nyob Italie teb uas peb niaj hnub siv nov.

Xyoo 235 tim 21 lub 11 hlis, Antère, tej zaud yog ib tug Grec, los ua Tswv Qhia rau Los Mas, thiab hloov tus nyob Pontien (Italie).

Xyoo 236 tim 3 lub 1 hlis, Tswv Qhia Antère tuag, lawv muab nws tso rau hauv lub qab tiv rau neeg tuag (catacombe) St-Calixte.(Italie)

Xyoo 236, tim 10 lub 1 hlis Fabien los ua Tswv Qhia rau Los Mas (Vaj Qhia).

Xyoo 250, tim 10 lub 1 hlis, Tswv Qhia Fabien raug tsim txom tag ces muab nws txiav ua tej yav, yog vaj txheeb Decius kom tsim nws, thiab muab nws tso rau hauv lub qab tiv rau neeg tuag (catacombe) St-Calixte.(Italie). Thaum ub mas cov Vaj Txheeb Los Mas ua phem heev rau tsoom ntseeg Yes Xus, lawv ntau rog tsis yeej los hiam cov ntseeg tias yog tim lawv tsis nrog teev dab thiaj ntau rog tsis yeej; muaj mob, muaj tuag aws los tias yog tim cov ntseeg, ces tsis ntev tsis ntev yeej muab cov ntseeg tsim txom thiab tua ib zaug, luaj zus tua ib tog zus tuaj.

Xyoo 251 lus 3 hlis, Cornaille los ua Tswv Qhia Los Mas (vaj qhia).

Xyoo 252 lub 12 hlis, vaj txheeb Gallus tso qeb txam ntes Tswv Qhia Cornaille, coj mus rau Centumcellae (Italie).

Xyoo 253 lub 1 hlis, Tswv Qhia Cornaille nyob Los Mas tuag nyob rau Centumcellae (Civita Vecchia).

Xyoo 254 lub 5 hlis tim 12, Etienne los ua Tswv Qhia (vaj qhia) rau Los Mas.

Xyoo 257 lub 8 hli tim 2, Etienne Tswv Qhia nyob Los Mas tuag.

Xyoo 257 lub 8 hli tim 31, Sixte II, yog ib tug neeg Grec, los ua vaj qhia rau Los Mas.

Xyoo 258 lub 8 hli tim 6, Tswv Qhia Sixte II tab tom teev Ntuj ntawm lub toj ntxas Calixte nyob nroog Los Mas uas faus cov vaj qhia uas tuag lawd, vaj txheeb Valérien cov peeb tuaj ntes nws, muab nws tsuav.

Xyoo 301, vaj Tiridate II coj nws tsoom pej xeem los txais lub Cim Ntxuav ua Ntuj Kev Cai, nws muab txoj kev ntseeg Yes Xus Catholique los ua txoj kev ntseeg ntawm tseem hwv teb chaws Arménie.

Xyoo 312 lub 10 hli tim 28, vaj txheeb Koos Taas Tees (Constantin) muab lub cim ntseeg Yes Xus ntau rau ntawm nws cov peeb daim leem phiaj tiv ntaj, tua yeej nws tus yeeb ncuab Maxence ntawm tus choj Milvius, nyob deb 3km ntawm nroog Los Mas (Italie teb).

Xyoo 313 lub 3 hli, vaj txheeb Licinus thiab vaj txheeb Constantin, nyob Milan, tso lus rau cov Los Mas txhob ua phem cov neeg ntseeg Yes Xus (Italie teb).

Xyoo 325 lub 5 hlis tim 23, Rooj Ncauj Lus nyob Nicée ( thaum lub caij no cov ntseeg Yes Xus xeeb ua ntau yam saub sib txuam, lub Rooj Ncauj Lus Nicée no thiaj rov kho zaj "Kuv Ntseeg" dua tshiab, kom cais thiab paub tseeb tias pab twg yog pab twg. Ntawm Peb Hmoob, tsis tau txhais cov zaj teev Ntuj tag, peb thiaj muaj ib zaj xwb. Tab sis ntawm lwm haiv neeg uas ua Ntuj Kev Cai los ntev lawm, lawv ua tej hauj lwm txhais ntawv txhij txhua mas lawv muaj ob zaj "Kuv ntseeg" tseem ceeb sib txawv. Ib zaj lawv tis npe hu ua "zaj ntseeg cov Hauv paus Xas Lus", yog zaj uas Cov Hauv Paus xa Lus tsim thaum Yes Xus nyuam qhuav tso lawv tseg. Thiab zaj ob "Kuv ntseeg Nicée" yog zaj uas kho tshiab kom txhob yuam kev rau ib cov saub tshiab txuam kev ntseeg Yes Xus.

Xyoo 326 lub 4 hlis tim 3, yog thawj thawj zaug uas ua Hmoov Hla (nyob Italie). Txij thaum no los thiaj li ua Hmoov Hla Catholique txhua xyoo los mus. Vim lub Koom txoos raug tsim txom ua ntu zus los mus, thiaj li tsis tau kev tso cai los teev hawm li txoj kev ntseeg tiag. Hnub no, Tseem hwv Los Mas tau hwj huam ntawm Huab Tais Tswv Ntuj los ces lawv thiaj li rov hwm cov neeg ntseeg thiab pub txoj kev ywj pheej rau lawv.

Xyoo 334, Mirian, vaj teb chaws Ibérie (Géorgie tam sim no), los ua Ntuj Kev Cai.

Xyoo 354, Tswv Qhia nroog Los Mas, xaiv lub Hmoov Yes Xus Yug Los, nws muab tso rau hnub tim 25 lub 12 hlis, kom dhos rau haiv neeg Los Mas lub Hmoov Hnub Luv caij ntuj no. ( Hnub 25-12 hlis yog hnub ua hnub luv tshaj plaws nyob rau sab qaum kab hnub, cov Los Mas lawv ua ib lub hmoov loj, li Hmoob lub Peb Caug). Tiag mas Yes Xus hnub yug tiag yog thaj tsam li 6 hnub tom qab hnub 25 lub 12 hlis.

Last edited by Maiv Tooj on 1st May 2023, 6:00 am; edited 6 times in total

**Tub Kawm** 1st October 2013, 5:41 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°5

Re: Keeb Kwm hais neeg His Xas Lais thiab kev ntseeg.

Post Tub Kawm 1st October 2013, 5:41 am

Nyob Niam Hlob, thov ua tsaug rau Nws tuaj sau txog Keeb Kwm kev ntseeg rau peb paub og. Yog ib qhov yuav txhawb tau cov ntseeg lub zog, kom sawv daws paub txog Keeb kwm kev ntseeg lub hauv paus nawb.
Thov rov tuaj sau ntxiv. Ua tsaug.

**Maiv Tooj** 9th October 2013, 9:42 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: Keeb Kwm hais neeg His Xas Lais thiab kev ntseeg.

Post Maiv Tooj 9th October 2013, 9:42 am

Nyob zoo Tub Kawm,

Yog kawg, kuv pom tias peb yog neeg ntseeg tab sis tshuav tej keeb kwm kev ntseeg peb tseem tsis tau paub tag; kuv thiaj nrhiav yam puav los txhais rau peb nyeem. Tseem tshuav ib zaj txog lub Koom Txoos keeb kwm raug sib faib sib cais ua ntu zus thaum Yes Xus tuag kiag los txog rau niaj hnub no; tab sis ob hnub no khwv khwv li ces cia hnub puav yog xyeej thaum twg mam li tuaj txhais rau sawv daws nyeem.