Teev Ntuj 9 hnub.

**Maiv Tooj** 26th June 2013, 6:30 pm

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Teev Ntuj 9 hnub.

Post Maiv Tooj 26th June 2013, 6:30 pm

Teev Ntuj 9 hnub.

Kev teev Ntuj thov txiaj ntsim nws muaj ob peb yam sib txawv xws li:

1- yog yus maj tam sim ntawd, yug hu txog Ntuj tam sim ntawd.
2- Nrog ib pab sib sau teev Ntuj ua ke, thov Ntuj rau lub hom phiaj peb xav tau.
3- Ua Thaj Txiv Ntuj, lub caij Thov Ntuj yuav cev sawv daws cov lus thov Ntuj.
4- Yus tus kheej xav thov txiaj ntsim ntawm Tswv Ntuj, Niam Mab Liab los yog ntawm ib tug Leej Ntshiab uas tshwj xeeb rau yam xwm ntawd; xws li:
- LN. Yos Xes yog rau yus nrhiav hauj lwm los yug ncauj yug los, koob lub neej, los yog yus lub neej pheej tsis sawv, tseg tsis tau nyiaj txiag, tsis koob ncauj.
- LN. Fuas yog thov rau cov neeg tsis muaj tub ki, cov neeg raug luag hiam nyob nkuaj, cov neeg muaj mob los txom nyem.
- LN. Fis Los Mes yog thov rau cov neeg muaj mob.
- LN. François de Padoue thov rau yus tej khoom ploj, yus txoj kev ntseeg ploj, yus txoj kev hlub ploj thc...

Yog thov ib tug LN tshwj xeeb rau ib qhov uas yus xav tau, yus teev Ntuj yus ib leeg hauv tsev xwb tab sis yuav tsum teev 9 hnub sib lawv. Kev teev Ntuj 9 hnub no mas Pevb Hmoob ua Ntuj Kev Cai qeeb lig, peb tseem tsis tau paub txog; tab sis luag pej kum uas ib txwm ua Ntuj Kev cai los mas luag muaj ib txoj kev cai teev los lawm ntav. Nws zoo li yus ua zog, yog ua tsis thawm hnub ces tsis tau nqe zog puv. Thov ib tug LN, nws muaj nws cov lus thov sib txawv.