HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


NTEV LOO LOS LAWM Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


+6
Lajpovyaj
Mim
Bao X Mary
Maiv Paj Lug
Maiv Tooj
Ntxhuav Mom Xyooj
10 posters

    NTEV LOO LOS LAWM

    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    NTEV LOO LOS LAWM Empty NTEV LOO LOS LAWM

    Post  Ntxhuav Mom Xyooj 14th March 2013, 7:43 pm

    Ua cas ntev loo lawm tsis pom Maiv Paj Lug tuaj li ne...........

    Puas yog nws mus vacation rau txawv teb chaws lawm lod?
    Lub vas sab no ces txias to lawm xwb, zoo li nroj twb pib tuaj lawm sub.
    Maiv Paj Lug koj mus dua twg lawm os?
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NTEV LOO LOS LAWM Empty Re: NTEV LOO LOS LAWM

    Post  Maiv Tooj 15th March 2013, 6:42 am



    Nyob zoo kwv Ntxhiav Mom,

    Kuv los kuj tsis paub tias Maiv Paj Lug muaj hauj lwm dab tsi es nws thiaj tsis tuaj xyuas peb, pab peb, tham rau peb mloog lawm. Lub siab xav mas xav kom sawv daws noj qab nyob zoo, kab ntsab es ib leeg tuaj tham ib los, ib leeg piav ib yam kom Peb Hmoob ho ib nyuag vam meej me ntsis. Tab sis xav tsis raws xav, tug muaj ub, tug muaj no ces zoo li mus tsis taus deb. Tab sis tsis ua cas, yog leej twg khoom los tuaj zov tsev tos es thaum twg cov ho khoom los mam li tuaj. Yog peb tsis ua siab tawv thiab kub siab ces ntshe txheej yuav tos dhau txheej, tis yuav tos dhau tis ntshe Peb Hmoob yuav tsis nrog luag muaj ib yam dab tsi li.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NTEV LOO LOS LAWM Empty Re: NTEV LOO LOS LAWM

    Post  Maiv Paj Lug 15th March 2013, 9:30 am

    Nyob zoo os Maiv Tooj thiab NTxhuav Mom,....kuv tseem niaj hnub tuaj saib sawv daws, tiam sis xyoo no poob rau xyoo ntxhov siab thiab tsis qab siab sau ntawv dab tsi li lawm.

    Kuv niam mus teb chaws Meskas los ces yeej sawv tsis taus li es pw hoob maum rov lso tsev tas li, peb nyuam qhuav paub tias nws muaj mob cancer rau hauv siab ntsws, peb nij hnub coj nws mus cuag specialiste xwb es ntxhov siab heev li, cov yau los tsis paub dab tsi li ces nyuaj kuv siab kawg li es tsis paub yuav ua cas lawm thiaj tsis qab siab tuaj sau ntawv...cia seb lawv puas pab tau li cas tso mam tuaj qhia sawv daws paub os.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    NTEV LOO LOS LAWM Empty Re: NTEV LOO LOS LAWM

    Post  Bao X Mary 15th March 2013, 2:33 pm

    Maiv Paj Lug aw... peb ho pab thov Ntuj rau koj niam thiab kom Tswv Ntuj pab kom nws lub cev muaj zog ntaus tej kab mob phem ntawd pov tseg mus os. Kuv hais rau koj tias peb ua neej nyob ces muab yus tsev neeg lub neej thiab txoj sia khuam rau Tswv Ntuj ib hnub dhau ib hnub, ib hmos dhau ib hmos xwb os. Ua siab
    loj os mog.

    Ntawm kuv tus kheej los kuv niam kuv txiv puas leej tau mob phem thiab tab sis tam sim no zoo li nkawd ho ib nyuag zoo zog lawm. Muab lub neej khuam rau Tswv Ntuj xwb os.

    Thov kom Tswv Ntuj pub lub zog rau koj niam thiab nej tsev neeg.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTEV LOO LOS LAWM Empty Re: NTEV LOO LOS LAWM

    Post  Mim 15th March 2013, 3:03 pm

    Nyob zoo Maiv Paj Lug.

    Yog koj niam muaj mob los txhob ua siab deb es ho tuaj hais qhia peb kom sawv daws sib pab thov ntuj rau koj niam thiab nej tsev neeg thiab mas lod? Yog koj ntsiag to xwb ces peb tsis paub li, pheej xav tias ntshai koj tsis nco qab sawv daws lawm no...

    Tiam sis zaum no peb paub lawm ces peb mam thov ntuj pab koj niam os nawb.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NTEV LOO LOS LAWM Empty Re: NTEV LOO LOS LAWM

    Post  Maiv Paj Lug 16th March 2013, 4:00 am

    Nyob zoo os Bao Mary X thiab Niamlaus Mim,

    Tam sim no ces Dr hais tias lawv tseem yuav contact ib tug Phychologue rau peb tsev neeg, nrog peb cov me tub me nyuam tham kom siab loj thiab cov specialistes yuav nrog peb tham seb peb yeem kom lawv kho li cas.

    1/ Tso tshuaj rau lub cev tua tus kab mob cancer no pov tseg, tiam sis yuav ua rau nws yuag plaub hau hle tag vim cov tshuaj yuav muaj zog ua rau nws yuav ntuav heev, yog zoo ces plaub hau mam rov qab hlav tom qab tuaj.

    2/ Yuav muab nws plhais siab nstws hlais qhov cancer pov tseg.

    3/ xuas fais fab hlawv, yog qhov cancer me me xwb.

    3 qho lawv hais rau peb nod mas xyov peb niam puas yuav uv taus, rau qhov nws lub plawv tsis muaj zog, nws yog neeg muaj tention plawv dhiav nrawm heev...thaum lub plawv dhia nrawm lawm ua rau txoj sia tu sai.

    Peb cov me nyuam yuav tau nrog cov kws tshuaj thiab tus Phycologue rau tsev neeg tham kom zoo tso...qhov twg los yeej nyuaj heev li nawb.....

    Ua tsaug nej txhua tus tseem yuav pab peb tsev neeg thov ntuj rau peb niam thiab os mog. Yog peb niam lub plawv thev tau ces kho xwb yuav zoo rau qhov nws qhov mob tseem me tsis tau huam loj no os.

    Kuj muaj ntau tus neeg mob cancer kho plaub hau hle tas ce skuj zoo rov qab hlav tuaj zoo lawm thiab. Peb tso siab rau Tswv Ntuj nrog nraim peb os .
    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    NTEV LOO LOS LAWM Empty Re: NTEV LOO LOS LAWM

    Post  Ntxhuav Mom Xyooj 16th March 2013, 8:04 am

    Nyob zoo os Maiv Paj Lug

    Thaum kuv hnov dheev tias koj niam mob, kuv muaj kev txhawj xeeb txog koj
    niam kawg thiab os Maiv Paj Lug. Kuv yeej paub tias, koj niam mob li ntawd, nej cov me tub me nyuam muaj kev nyuaj siab heev. Nej tso siab rau
    Tswvntuj xwb nawv mog. Txoj kev mob tsis yog yus ib leeg thiaj li tau xwb
    nws muaj thoob ntiaj teb lawm, yus xav li no es yus thiaj li ua taus siab loj nawv mog Maiv Paj Lug. Kuv twb thov Tswvntuj rau koj niam lawm
    thiab es thov kom tus Dr. yuav kho koj niam ntawd siv nws tej txuj ci zoo
    los kho niam kom tsuas muaj zoo xwb thiab thov kom Tswvntuj txhais tes roos rawv tus Dr. tej txuj ci kho mob ntawd thiab thov Tswvntuj lub hwj chim mus ua tus Dr. ntawd kom nws muaj lub siab hlub txog niam es pab kho niam mus rau qhov zoo nawv mog. Txhua yam kuv taij thiab thov los nov
    kuv vam txog Huab Tais Yesxus pleev lub npe thov, Amen
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NTEV LOO LOS LAWM Empty Re: NTEV LOO LOS LAWM

    Post  Mim 16th March 2013, 12:04 pm

    Nyob zoo Maiv Paj Lug,

    Nej kuj tseem muaj ob peb txog kev yuav taug. Nej kav tsij nrog cov kws tshuaj tham kom zoo zoo es mam xaiv txoj uas yuav zoo tshaj mog. Tiam sis yuav tsum txhob tos ntev dhau.

    Kuv lam piav me me txog tias 8-9 xyoos dhau los lawm, kuv tus txiv mob cancer thooj siab. Cov kws tshuaj hais tias yog tseem me mas lawv yuav txiav txim siab phais xwb, tiam sis vim nws loj dhau lawm ces phais tsis tau lawm. Tsuas tshuav ib txoj kev lawm xwb yog tso tshuaj tua (Chemo) saib puas pab xwb. Kuv tus txiv hais tias xyov li, yuav ua li cas. Nws hais tias yog tso tshuaj es yus sab sab es twb ho tsis zoo thiab no ntshai yeem tis tso kav liam. Nws tsis txiav txim li ces pheej tos li ib hlis ntxiv nws mam hais tias kav liam lam tso tshuaj saib zoo li cas, no ces thaum ntawd twb lig dhau lawm, tshuaj tsis ua dab tsi rau cov kab mob lawm.

    Kuv lam piav li no kom nej yuav tsum mob siab ua sai thiab xwb os.



    Lajpovyaj
    Lajpovyaj
    Phooj Ywg
    Phooj Ywg


    Messages : 112
    Date d'inscription : 2009-12-03
    Age : 64
    Localisation : USA

    NTEV LOO LOS LAWM Empty Re: NTEV LOO LOS LAWM

    Post  Lajpovyaj 17th March 2013, 1:49 pm

    Maiv Paj Lug wrote:Nyob zoo os Maiv Tooj thiab NTxhuav Mom,....kuv tseem niaj hnub tuaj saib sawv daws, tiam sis xyoo no poob rau xyoo ntxhov siab thiab tsis qab siab sau ntawv dab tsi li lawm.

    Kuv niam mus teb chaws Meskas los ces yeej sawv tsis taus li es pw hoob maum rov lso tsev tas li, peb nyuam qhuav paub tias nws muaj mob cancer rau hauv siab ntsws, peb nij hnub coj nws mus cuag specialiste xwb es ntxhov siab heev li, cov yau los tsis paub dab tsi li ces nyuaj kuv siab kawg li es tsis paub yuav ua cas lawm thiaj tsis qab siab tuaj sau ntawv...cia seb lawv puas pab tau li cas tso mam tuaj qhia sawv daws paub os.
    Maivpajlug.
    Kuv nrog koj nyuaj siab txog koj niam tus mob heev tab sis kom koj ua siab loj mog tam sim no lawv txawj kho heev lawm.
    Kuv xav tias koj txhob mus ntseeg Hmoob tej dej tshuaj thiab Hmoob tej khawv koob mog.kav tsij coj koj niam mus kho li luag txoj kev kho xwb yeej yuav zoo mog.
    Kuv twb tham ntau zaus rau nej tias kuv twb mob cancer xyoo 2006 luag twb muaj peev xwm kho tau zoo nyob txog tav nov tsis tuag rau tus mob no tab sis yog thaum mus tso tshuaj thiab hlawv kuv ho tsis kam tho ntawm caj dab es tso mis mus yug kuv lub cev ces kuv noj tsis taus mov kuv ntuav heev kuv yuag heev xwb.lawv cov uas tso cai luag tho qhov ntawm caj dab dai 1 taub mis mus yug lub cev ces luag rog phaws li qub tsis sem.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NTEV LOO LOS LAWM Empty Re: NTEV LOO LOS LAWM

    Post  Maiv Paj Lug 18th March 2013, 5:45 am

    Ua tsaug rau nej txhua tus,Ntxhuav Mom, Mim, thiab Laopaoyang....

    Kuv tseem muaj kev cia siab tias lawv yuav kho tau thiab pab tau li Laopaoyang hais ...kuv niam mas pheej ntseeg tshuaj hmoob, nws nij hnub mus nrhiav sthuaj hmoob los qhwv nws hauv siab...nws hais tias nws mloog nws hauv siab khoob thiab ua tau pa dua qub lawm, kuv xav mas nsthe yog kuv niam lam hais kom peb txhob txhawj rau nws xwb os....tseem tos cov spécialistes hu tuaj teem sij hawm rau peb mus cuag lawv seb yuav kho qhov twg zoo dua. Tam sim no mas nws kuj yuag ntau heev lawm, thiab nws hnoos tau nsthav...nws zaum qhov twg ce stsuag zog qhov ntawv....zoo li tus neeg tsis cus li, tiam sis nws hais tias nws kuj noj qab nyob zoo kawg li kom peb txhob txhawj no tiag.

    Kuv xav mas nsthe qhov yuav tso Chimio ua ntej seb zoo li cas. Ua tsaug nej txhua tus , nrog nej tham tas zoo li siab kaj zog lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NTEV LOO LOS LAWM Empty Re: NTEV LOO LOS LAWM

    Post  Maiv Tooj 18th March 2013, 6:49 am



    Nyob zoo Maiv Paj Lug,

    Peb ua neej nyob taws tsaug tsis pom tom ntej, tsuas paub hnub zoo xwb tsis paub hnub twg yuav ntsib pes tsawg ntu kev ti kev nqaim. Li cas los yuav tau ua siab tawv thiab tos txhua yam phem thiab zoo ntawm yus lub neej niaj hnub. Hnub no yus xav tia syus nyuaj siab tshaj li, tab sis yog thaum yus mus txog tom ntsis, yus tig rov saib qab yus mam xav tias cas thaum i kuv nim hais tias kuv nyuaj nyuaj siab, yog tig tau rov qab kuv yuav tsis nyuaj siab rau tej qhov uas tsis tsim nyog kuv muab kuv lub dag zog mus sem rau, kuv yuav tseg kuv lub dag zog cia nyob thiab kuv yuav zoo siab hom khaj, vim hnub no kuv ttig ntsia cas kuv sim neej es tsuas yog nyuaj siab xwb. Tiag yog kuv tsis paub cais qhov zoo thiab qhov phem hauv kuv lub neej kub thiaj li ntxhov siab tas li. Nov lam hais ib qho sab sij huam xwb tsis yog kuv hais nws niam kev muaj txiab xeeb zaum no, thov zam.

    Hais txog koj niam tus mob, yeej yog ib qho mob loj, tab sis yuav tau ua siab loj, ntshe yog ho paub tau lig lawm xwb, yog paub ntxov ntxov thaum nyuam qhuav pib mob xwb mas lub zwj ceeb no cancer tsis yog ib tug mob ntshai heev li txheej thaum ub lawm, yeej muaj feem yuav kho tau zoo ntau thiab. Kev tso Chimio mas zaum no zoo li kuj ua tau zoo lawm ntau yuav piv rau thaum ub, cov neeg tso chimio kuj yeej los yog khees lawm ntau, yuav tau tso siab lug thiab yuav pab tau koj niam kom kaj siab. Kev kaj siab yog hauv tshuaj zoo tshaj puas tsav yam.
    Dua li, koj niam yuav tsis txhob siv tshuaj hmoob ntxiv, vim tej yam kob ntoo, tshuaj ntsuab yug tsis paub txog, nws tsis haum rau yus tus mob los yog tsis haum rau cov tshuaj uas Kws Tshuaj muab mas yuav tsis txhob lam tau lam siv tsam ces tseem ua rau yus nyuaj siab tshaj qub.

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    NTEV LOO LOS LAWM Empty Re: NTEV LOO LOS LAWM

    Post  Tub Kawm 18th March 2013, 4:54 pm

    Nyob zoo sawv daws, tseg tau ntev lawm tsi tuaj xyuas nej li, cas nej txhuas tus twb tham txog ntau yam ua luaj. Thov kom nej sawv daws rau siab khwv kom peb muaj txhij txhua og nawb, kuv ces zoo li huab cua tsis tshua zoo, es ntuj pos huab niab es kuv thiaj tsis tuaj yooj yim raws siab xav los saws daws zam rau kuv. Txhob poob siab rau kuv mog.

    Maiv paj cas koj niam yuav tau ib mob txaus txhawj ua luaj, muab xav mas tej zaum yuav nyuaj koj siab kawg li, ntshais koj twb tsis muaj siab tuaj nthuav txhua yam li og. Txawm li cas los koj yuav tsum ua siab loj nawb. Tej zaum yog nrhiav tsi tau raug cov tshuaj haum rau koj niam qhov mob xwb, vam hais tias hnub twg nej nrhiav tau tshuaj haum ces yuav zoo xwb. Txhob muab txhawj txhawj dhau og, kav tsij nrhiav tshuaj rau thiab teev ntuj pab kom nws yuav zoo xwb. Thov kom Tswv Ntuj tso Nws lub hwj chim los roos koj niam thiab tshem koj niam tus mob kom muaj zoo.

    NTAWM NO THOV HAIS RAU SAWV DAWS COV UA TUAJ HAUV VAS SAB NO, THOV KOM PEB TXHUA TUS NROG TEEV NTUJ PAB MAIV PAJ NIAM. VIM PEB YOG NEEG NTSEEG PEB YUAV TSUM VAM TXOG TSWV NTUJ LUB ZOG PAB PEB, TEJ YAM PEB UA TSIS TAU LAWM TSWV NTUJ MUAJ PEEV XWM YUAV UA TAU. Tiam sis yog peb ib tus thov xwb, mas yuav tsi muaj zog npaum li peb sawv daws coob, koj los thov kuv los thov, ces Tswv Ntuj yuav teb peb tej lus thov sai. Yog li sawv daws yuav tau nrog teev ntuj pab nawb.
    Lajpovyaj
    Lajpovyaj
    Phooj Ywg
    Phooj Ywg


    Messages : 112
    Date d'inscription : 2009-12-03
    Age : 64
    Localisation : USA

    NTEV LOO LOS LAWM Empty Re: NTEV LOO LOS LAWM

    Post  Lajpovyaj 10th July 2013, 12:03 am

    Maiv Paj Lug wrote:Ua tsaug rau nej txhua tus,Ntxhuav Mom, Mim, thiab Laopaoyang....

    Kuv tseem muaj kev cia siab tias lawv yuav kho tau thiab pab tau li Laopaoyang hais ...kuv niam mas pheej ntseeg tshuaj hmoob, nws nij hnub mus nrhiav sthuaj hmoob los qhwv nws hauv siab...nws hais tias nws mloog nws hauv siab khoob thiab ua tau pa dua qub lawm, kuv xav mas nsthe yog kuv niam lam hais kom peb txhob txhawj rau nws xwb os....tseem tos cov spécialistes hu tuaj teem sij hawm rau peb mus cuag lawv seb yuav kho qhov twg zoo dua. Tam sim no mas nws kuj yuag ntau heev lawm, thiab nws hnoos tau nsthav...nws zaum qhov twg ce stsuag zog qhov ntawv....zoo li tus neeg tsis cus li, tiam sis nws hais tias nws kuj noj qab nyob zoo kawg li kom peb txhob txhawj no tiag.

    Kuv xav mas nsthe qhov yuav tso Chimio ua ntej seb zoo li cas. Ua tsaug nej txhua tus , nrog nej tham tas zoo li siab kaj zog lawm.
    Maiv paj lug.
    Tau 1 ntus no tsis hnov koj tuaj qhia txog koj niam tus mob li lawm.Kuv thov nug koj tias nej ho txiav txim siab coj koj niam mus kho li cas thiab zoo li cas lawm no ho tuaj tham pub peb paub mog.Txij hnub kuv tau tuaj hnov tias koj niam tau tus mob li koj hais mas kuv kuj nrog koj thiab koj tsev neeg txhawj hlob txhawj yau tsis paub yuav pab koj li cas li tsuas yog niaj hnub tuaj saib hauv lub website Hmong catholique no seb puas pom koj tuaj tham txog koj niam tus mob kws kho mob ho pab kho txog qhov twg thiab ho zoo li cas lawm xwb mog.Yog zoo li cas no ho tuaj tham qhia peb thiab peb thiaj li kaj siab me ntsis mog.
    Tub Ntxaws
    Tub Ntxaws


    Messages : 20
    Date d'inscription : 2012-02-21
    Localisation : Tub Ntxaws

    NTEV LOO LOS LAWM Empty Re: NTEV LOO LOS LAWM

    Post  Tub Ntxaws 5th October 2013, 1:06 pm

    Nyob zoo niam ntxawm thiab nej txhua txhia tus uas tau cheb lub vaj tsev tseem noj qab nyob zoo li cas lawm xwb. tau ntev heev tuaj tsi tau li kuv vam thiab cia siab hais tias nej txhua tus yeej tuaj tsi tu ncua rau siab ntso leg lub luag hauj lwm muaj ib hnub huab tais ntuj yeej pub koob haum rau nej txhua tus. Peb mam sib ntsib dua nyob zoo nawb. Ntawm no kuv hais rau niam ntxawm ua tsaug rau koj tus ua niam tseem pab tau kuv tuaj tau nros nej tham thiab os nawb. Lub txiaj ntsim kuv yuav pauj tsi tau rau koj tus ua niam li os.mam ntsib dua nawb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NTEV LOO LOS LAWM Empty Re: NTEV LOO LOS LAWM

    Post  Maiv Tooj 6th October 2013, 9:01 am

    Nyob zoo Tub Ntxawg,

    Zoo siab tau ntsib koj hnub no.
    Yeej paub tias ntuj deb kev ncuas ntev es thaum twg khoom los mam tuaj nawb mog. Peb leej twg khoom los mam li tuaj nyob zov tsev tos nej. Lub siab xav ces yeej xav kom ib leeg tuaj tham ib los, ib leeg tuaj qhia ib yam kom peb paub ntau tab sis xav tssi raws li xav ces tuaj tau li cas los tuaj li ntawd mog.

    Yog muaj caij no ho tuaj tham tej kwv huam nej teb chaws rau peb mloog thiab nawb.
    xiong_jp
    xiong_jp


    Messages : 11
    Date d'inscription : 2012-08-08
    Age : 71
    Localisation : FRANCE Orleans

    NTEV LOO LOS LAWM Empty XIONG J. P 30/10/ 2013 tau ntev loo lawm

    Post  xiong_jp 30th October 2013, 11:58 am

    Nyob zoo maiv paj lug thiab phauj maiv tooj. Cov kwv tij nkauj muam nej sawv daws, Cas ib sij huam xwb twb rov txog lub caij ntuj no lawm, Lub caij lub nyoog cas yuav khiav ceev ua luaj, Peb lub neej txoj sia cas yuav luv ua luaj, Ib pliag ntshis xwb cas yus txawm siv laus laus lawm, Xyoo peb sawv kev tim yeej thoj nam thaib teb tuaj rau fab kis, Yog xyoo 1978  Thaum ntawd kuv muaj  26 xyoo xwb tseem hluas heev, Yus mloog zoo li twb tsis tau ntev, Nyuam qhuav yog hnub I xwb, Tab sis mus saib iav no ua cas yus txawm siv tsheej ib tug yawg laus laus lawm, Muab xav los mas ntxim tu siab kawg li tiag cov phooj ywg, Kuv lam hais ob peb lo lus tso dag rau nej sawv daws mloog xwb, Txhob xav li cas.

    Maiv paj lug. Kuv tau hnov koj hias tias. Koj niam tau ib tug mob ua rau koj txhawj thiab ntxhov siab kawg no, Ua li los tau ib ntus no lawm nws ho nyob li cas lawm ?  Peb kev ua neej nyob rau tiam no ces. Peb sawv daws ib leeg yeej muaj ib tug mob, Vim peb txhua tus puav leej lo nraug Oo thiab nkauj Iab nkawd lub keeb txhaum lawm, Vim hnub txheej tshoj thaum ub, Nyob hauv ntawv hauv paus zaj  3: 1 - 24  Hais tias nraug Oo thiab nkauj Iab nkawd tsis mloog Tswv Ntuj lo lus qhia, Tswv Ntuj twb ceeb toom rau nkawd tias. Nyob hauv lub vaj txiv ntoo no, Neb noj tau txhua tsob txiv ntoo, Tab sis neb tshwj tsob nyob hauv lub plawv vaj,  Neb tsis txhob kov tsis txhob noj li, Yog neb noj neb kov hnub twg ces neb tuag xwb !!

     Tab sis nraug Oo thiab nkauj Iab nkawd tseem txhob txwm noj kiag lub txiv toj txiv taug, Uas Tswv Ntuj txwv tsis pub noj ntawd, Vim li ntawd niaj hnub no peb txhua tus neeg nyob ntiaj teb no, Txawm yuav yog mob yam mob dab tsi los xij, Yeej yog los ntawm cov kua toj kua taug uas lub txiv thaum ub Tswv Ntuj txwv tsis pub noj los xwb, Txij  hnub nraug Oo thiab nkauj Iab noj lub txiv toj txiv taug lawm ces, Neeg ntiaj teb tsis yog muaj mob xwb, Tseem txawj tuag lawm thiab, Tsis tas li ntawd neeg tseem txawj ua neeg siab phem rov tua neeg ntxiv thiab, Tas txhua yam phem tshwm sim tuaj no, Puav leej yog tawm ntawm lub txiv toj txiv taug tuaj xwb, Tsw Ntuj muaj ib lo lus sau tseg nyob hauv ntawv hauv paus,

    Zaj  3: 19 - 20  hais tias neeg yog av xwb, Txij hnub neeg tau ua txhaum lawm ces, Kawg neeg yuav tsum rov mus ua av xwb, Peb txhua tus neeg nyob rau tiam neej no ces, Txawm yuav zoo nkauj zoo nraug yuav nplua nuj npaum twg, Yuav txawj ntse siab npaum li cas los, Qhov zoo zoo rau neeg lub  neej txoj sia ces Txij li  60 los 70  Xyoo rov los xwb, Dhau ntawd ces tsuas yog nyob tos tuag lawm xwb, Peb lub cev av tiam neej no ces. Muab los piv tau raws li peb mus ncig teb chaws Voyage  es lawv ntaus thwj rau peb phau PASSEPORT Tias, Koj nyob tau ib hlis los ob hlis ces, Thaum txog hnub ntawd ces yus tej kwv tij neej tsa txawm yuav cheem yus nyob npaum li cas los, Yeej nyob tsi tau ntxim lawm, Vim txog hnub yus yuav tsum tau mus lawm xwb, Peb kev ua neej nyob rau tiam no ces,

    Thaum txog hnub peb lub caij nyoog nyob tag lawm ces yus tsev neeg txawm yuav hlub tshuam yus npaum li cas los yeej cheem tsis tau li, Tab sis peb sawv daws txhob rawm tag kev cia siab li cov neeg uas lawv tsis muaj kev tso siab rau Tswv Ntuj, Yog peb ntseeg txog YesXus tej lus qhia txog txoj sia kom yeej kev tuag zaum ob mas, Txawm tias. Peb lub cev av no tuag zaum ib lawm los, Tshuav peb tus ntsuj plig tsis tuag, Tswv Ntuj mam li muab lub cev qaum Ntuj uas nws muaj leej Ntuj plig ntshiab rau peb tus ntsuj plig hnav kom peb hloov tau mus ua Tswv Ntuj cov tub ki tshiab tsis lo nraug Oo nkauj Iab lub keeb txhaum uas tsis mloog lus lawm, Hais txog qhov no mas yuav tsum yog peb ntseeg tau tias. YesXus yog tus los cawm peb ntawm tus nywj tuag uas thaum ub Kas Ee tua As npes tuag,

    Hmoob hais tias. Yog Tub tis nplug tua qav cim kaw tuag, Thiaj ua tau tus nywj tuag no rau neeg ntiaj teb ris hnyav tas nrho, Yeej tsis muaj leej twg yuav dhia dim tau li, Yog peb neeg ntiaj teb leej twg tsis kam ntseeg tias. YesXus yog tus los cawm neeg kom dim ntawm tus nywj tuag no ces, Txawm nws lub cev av no tuag zaum ib no tas los, Nws tus ntsuj plig tseem yuav tau tuag zaum ob ntxiv thiab, Kev tuag zaum ob yog zaum kawg uas tsis tau ua neeg ntxiv lawm, Peb kev thov Ntuj pab peb tej neeg mob uas txaus txhawj thiab ntshai mas, Peb yuav tau ua siab loj tso siab rau Tswv Ntuj, Vim peb yog neeg xwb. Peb tsis paub qhov tseeb tias nws yog li cas tiag, Ces thaum peb muaj ib tug neeg mob heev txaus txhawj lawm,

    Thaum peb thov Tswv Ntuj pab peb tus neeg mob ntawd, Txawm yog nws tus mob cia li zoo raws li peb tau thov los haj yam zoo xwb, Hos yog nws ho tsis zoo los peb txhob tu siab rau Tswv Ntuj. Vim Tswv Ntuj yeej paub tias, Txog nws lub caij mus lawm, Peb yuav tsis txhob tu siab tias. Ua cas kuv twb ntseeg Ntuj npaum no, Cas Ntuj tsis pab li, Yog peb txiav siab los ua ib tug tso siab rau Tswv Ntuj lawm tiag mas, Peb yuav tau muab siab rau tiag tiag kom to taub meej tseeb, Peb thiaj tsis yuam kev thaub qab rov mus ntseeg tej yam cuav,  Kuv hais los xaus li no xwb, sib ntsib dua mog      Sau   Npe   XIONG   J . P
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NTEV LOO LOS LAWM Empty Re: NTEV LOO LOS LAWM

    Post  Maiv Paj Lug 3rd November 2013, 9:47 am

    Nyob zoo Tijlaug Xiong_JP,

    Thov txim ntau kuv tuaj teb koj lig zog lawm, vim yog kuv mus Cholet ntev loo nyuam qhuav los txog hmo no xwb, Hmoob Cholet noj tsiab 30 lub week-end tag no lom zem xauv npo tiam sis peb ces nyob  tim hoob maum ntxhov siab nyho, los yeej zoo dua qhov mus tawm rooj nrog luag nquam paj nquam ruas. Ua Tswv Ntuj tsaug ntau txhua yam nws pub peb.

    Kuv zoo siab Tijlaug Xiong_JP koj tuaj sau tau ib co ntawv zoo heev los daws peb kev nyuaj siab, ua rau peb tso siab thiab paub ntau yam.

    Ntawm kuv niam ces nws tus mob yeej tsis zoo os, ib hnub loj zus lawm... DR pab tshuaj kom txhob hnov mob xwb, thiab lawv hais tias muaj ib qho mob nce los rau saum taub hau lawm thiab, cia lawv txhaj tshuaj ntxiv seb qhov mob ntawv puas yaj, yog tias tsis yaj es tseem loj tuaj ces lawv yuav pab tsis tau peb...li no kuv thiaj thov sawv daws pab thov ntuj rau kuv niam, thov ntuj pab kom Tswv Ntuj nres nws qhov mob kom nws tau hnov tsawg thiab txhawb kuv niam lub siab kom kaj siab lug li thauv Huab Tais Yesxus nyiaj nws tus mob them peb cov txim txhaum.

    Leej twg ho muaj Expérience txog tus mob ntawd thiab no los tuaj tham pub rau peb tsev neeg, kom peb ho paub txog thiab, ua nej sawv daws tsaug os.

    Kuv xav paub txog cov neeg muaj txheeb ze los sis txij nkawm, los tej neeg txheeb ze, tuaj peb sawv daws tham kom kuv ho txhob pom kuv ib leeg xwb es kuv thiaj zoo siab txais tej yam tshwm sim no hauv kuv tsev neeg thiab os. Ua tsaug ntau...

    maiv paj lug.
    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    NTEV LOO LOS LAWM Empty Re: NTEV LOO LOS LAWM

    Post  Ntxhuav Mom Xyooj 12th November 2013, 6:01 am

    Maiv Paj Lug

    Kuv paub hais tias, nej tsev neeg muaj kev nyuaj siab thiab txhawj xeeb kawg li os.
    Kuv tsis pom qab yuav hais zaj twg es thiaj li plij tau nej lub siab.

    Kuv thov kom Tswvntuj tus muaj hwj chim tas nrho dauv muag ntsia koj niam txhua lub
    sij hawm thiab thov Tswvntuj tuaj plij nej tsev neeg txhua leej lub siab nawv mog.

    Ntxhuav Mom Xyooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NTEV LOO LOS LAWM Empty Re: NTEV LOO LOS LAWM

    Post  Maiv Tooj 12th November 2013, 8:55 am



    Nyob zoo Maiv Paj Lug,

    Hnov koj niam lub moo noj tsis qab nyob tsis zoo, kuj ua rau peb sawv daws nrog nej tsev neeg nyuaj siab thiab hlub tshua txog koj niam. Li cas los yuav tau ua siab loj thiab tso siab rau Tswv Ntuj. Ntiaj teb no peb tsuas los hla ib lwm xwb, HT.Yes Xus thiaj hais tag los hais dua kom peb yuav nco ntsoov xa toob xib mus npaj peb lub tsev pem Ntuj.
    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    NTEV LOO LOS LAWM Empty Re: NTEV LOO LOS LAWM

    Post  Tub ntsuag 24th December 2013, 11:54 am

    nyob zoo sawv daws tau ntev loo lawm kv tsi tau tuaj nrog nej tham li vim yog khuam siab me ntsis xwb .kv vam tias nej txhua leej yuav noj qab nyob zoo og nawb. Mam sib ntsib dua.

    Sponsored content


    NTEV LOO LOS LAWM Empty Re: NTEV LOO LOS LAWM

    Post  Sponsored content


      Current date/time is 28th March 2024, 6:39 pm