Txiv Vaj Qhia Npes Nes Div XVI tso tes hauj lwm tseg.

**Maiv Tooj** 13th March 2013, 6:29 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°26

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 6:29 am

THAJ MIS XAS UA NTEJ YUAV MUS XAIV VAJ QHIA 2013.

**Maiv Tooj** 13th March 2013, 6:41 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°27

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 6:41 am

NQUAM LOS MUS XAIV VAJ QHIA HAUV LUB TSEV TEEV NTUJ SAINTE SIXTINE.

Daim hauv qab no hais me me xwb.

**Maiv Tooj** 13th March 2013, 7:11 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°28

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 7:11 am

PA TAWS NCHO TIM VAS TIS KAAS.

Txiv Vaj Qhia Npes Nes Div XVI tso tes hauj lwm tseg. - Page 2 Proxy_10

Nag hmo tim 12/03/2013, 115 leeg Tswv Qhia Liab (Cardinaux) tau nkag mus kaw rau hauv lub tsev teev Ntuj Sainte Sixtine, mus xaiv dua ib tug hloov Hauv paus Xas Lus Pob Zeb. Thaum lawv mus xaiv tus Vaj Qhia tshiab mas lawv kaw rau sab hauv tsis pub kom muaj neeg mus ntxig tau thiab ho rau tswv yim los nyiag hloov tau; li ntawd lawv thiaj li xauv yuam sij rau sab hauv txog thaum lawv xaiv tau. Nag hmo lawv xaiv ib tsam ces pom ib cov pa taws dub ncho, txhais tias xaiv tsis tau tus Vaj Qhia tshiab. Hnub no thaum tav su thiab 5h30 yuav tsaus ntuj, ncho cov pa taws txho tsawv, tsis dub heev lawm, txhais tias lawv mem tau tsiam tsawv tab sis kuj tseem tsis tau xaiv tau thiab. Tej zaud ntshe yuav ncua rau taig kis, tim 16/03/2013 mam li yuav paub tus Txiv Vaj Qhia tshiab.

Txiv Vaj Qhia Npes Nes Div XVI tso tes hauj lwm tseg. - Page 2 Pape-b10

TSOOM NEEG TIV NAG MUS TOS TUS VAJ QHIA TSHIAB.

Muaj ib txhia, hle khau tsuj pob zeb txias, txhos caug, tiv nag teev Ntuj rau tsoom Tswv Qhia tab tom xaiv tus Vaj Qhia tshiab.

Lub tshav puam Leej Ntshiab Pob Zeb neeg tsaus nti, lawv tuaj tos tus Vaj Qhia tshiab, vim 19 teev, tej zaud tseem yuav tso pa taws tawm ib zaug ntxiv thiab.

19h08 Yauj! muaj cov pa taws dawb tshwm lawm, yog lawv xaiv tau tus Vaj Qhia tshiab lawm.
Tag nrho cov tswb tsev teev Ntuj nyob Los Mas (Rome) nrov ntshoo ntxooj.

**Maiv Tooj** 13th March 2013, 9:01 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°29

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 9:01 am

TUS VAJ QHIA TSHIAB

Tswv Qhia Jorge Mario Bergoglio,neeg Av Zaas Tis Nas,

ua tus Vaj Qhia tshiab hu ua Fas Las Xuas I (François 1er).

Txiv Vaj Qhia Npes Nes Div XVI tso tes hauj lwm tseg. - Page 2 86063410

Hnub tim 13/03/2013, thaum 8h15 tsaus ntuj, xaiv tau Vaj Qhia François.

Tau 1300 xyoo los lawm uas tsis muaj Vaj Qhia uas tsis yog neeg Yus Lauv.
Tswv Qhia Jorge Mario Bergoglio yog neeg Av Zaas Tis Nas, caj ces neeg thoj nam Is Tas Lias. Nws yug xyoo 1936 hnub nyug 76 xyoo, nws txais lub Cim Tiag Tes xyoo 1969?, hauv lub Koom Haum cov Txiv Plig Zes Xus (Jésuite).

Nws yog ib tug ze Vaj Qhia Zam Paj Lug II, thiab thaum 2005, nws yog tus tau suab tau dua tom qab Txiv Vaj Qhia Npes Nes Div XVI. Nws tos yim xyoo tom qab, nws ho tau los zaum Pob Zeb lub theej kiab. Thaum lawv xaiv tau nws, tus Tswv Qhia twb los tshaj ntev tsawv tab sis nws tsis tawm los li, vim nws tseem quaj ntev ntev mam li tawm lo. Nws quaj, vim lub luag hauj lwm yuav nyhav heev rau tej lub caij zoo li lub zwj ceeb no.

Nws thawj lo lus, kom sawv daws pab thov Ntuj rau Txiv Vaj Qhia Npes Nes Div XVI tag ces kom sawv daws thov Ntuj rau nws tus kheej thiab ib leeg thov Ntuj rau ib leeg.

Nws yog ib tug neeg nyob ze cov pluag, nyiam pab cov pluag. Nws yuav yog ib tug Vaj Qhia rau cov pluag, li ntawd nws thiaj xaiv lub npe François, txhais tias cov pluag. Vim Leej ntshiab François, nws tso txhua yam tseg mus ua neeg pluag, pluag cuab tam xwb tsis pluag siab ntsws.

Txiv Vaj Qhia Npes Nes Div XVI tso tes hauj lwm tseg. - Page 2 Pape-f10

Txiv Vaj Qhia Npes Nes Div XVI tso tes hauj lwm tseg. - Page 2 Pape-b11

Last edited by Maiv Tooj on 13th March 2013, 9:15 am; edited 1 time in total

**Maiv Tooj** 13th March 2013, 9:05 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°30

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 9:05 am

NOUVEAU PAPE - L'Argentin Jorge Mario Bergoglio devient François 1er, 266e pape

Vaj Qhia François I yog tus Vaj Qhia 266

**Mim** 13th March 2013, 12:42 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°31

Re: Txiv Vaj Qhia Npes Nes Div XVI tso tes hauj lwm tseg.

Post Mim 13th March 2013, 12:42 pm

Nyob zoo tais Tooj,

Ua tsaug uas koj tuaj tso cov zaj hais txog tus Vaj Qhia tshiab Pope Francis/Pape Francois. Kuv tos hais tias ntshai cov Tswv Qhia yuav xaiv ntev zog mam tau no, tiam sis lawv kuj xaiv sai kawg thiab.

Zoo siab hais tias peb tau ib tug Vaj Qhia tshiab lawm lau! Saib mas zoo li nws yog ib tug neeg nyiam txoj kev teev ntuj, qhov ntawd yog ib qho zoo heev li. Tim peb no lawv tsis qhia tias nws quaj es nws thiaj tsis tawm los sai no li. Kuv xav hais tias txoj hauj lwm ua Vaj qhia yeej yog ib txog hauj lwm hnyav heev, tos nws thiaj li quaj. Txawm li cas los ua ntej nws yuav foom hmoov zoo rau sawv daws, nws twb xub thov kom cov neeg sawv daws thov ntuj rau nws. Yog li peb yuav tsum tau txhawb nws tas zog nyob hauv peb txoj kev thov ntuj rau nws tsis tseg, kom nws thiaj yuav ua tau HT Yes Xus tes dej num zoo.

Peb ua Tswv ntuj tsaug, vim nws tsa tau ib tug tub txib zoo rau peb lawm.

**Tub ntsuag** 13th March 2013, 2:57 pm

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°32

Re: Txiv Vaj Qhia Npes Nes Div XVI tso tes hauj lwm tseg.

Post Tub ntsuag 13th March 2013, 2:57 pm

Mim wrote:Nyob zoo tais Tooj,

Ua tsaug uas koj tuaj tso cov zaj hais txog tus Vaj Qhia tshiab Pope Francis/Pape Francois. Kuv tos hais tias ntshai cov Tswv Qhia yuav xaiv ntev zog mam tau no, tiam sis lawv kuj xaiv sai kawg thiab.

Zoo siab hais tias peb tau ib tug Vaj Qhia tshiab lawm lau! Saib mas zoo li nws yog ib tug neeg nyiam txoj kev teev ntuj, qhov ntawd yog ib qho zoo heev li. Tim peb no lawv tsis qhia tias nws quaj es nws thiaj tsis tawm los sai no li. Kuv xav hais tias txoj hauj lwm ua Vaj qhia yeej yog ib txog hauj lwm hnyav heev, tos nws thiaj li quaj. Txawm li cas los ua ntej nws yuav foom hmoov zoo rau sawv daws, nws twb xub thov kom cov neeg sawv daws thov ntuj rau nws. Yog li peb yuav tsum tau txhawb nws tas zog nyob hauv peb txoj kev thov ntuj rau nws tsis tseg, kom nws thiaj yuav ua tau HT Yes Xus tes dej num zoo.

Peb ua Tswv ntuj tsaug, vim nws tsa tau ib tug tub txib zoo rau peb lawm.

**Maiv Tooj** 13th March 2013, 7:18 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°33

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 13th March 2013, 7:18 pm

Nyob zoo Mim thiab Tub Ntsuag,

Mim,

Qhov Txiv Vaj Qhia quaj tsis yog lawv txhob txwm hais, yog kuv saib Direct es tus Tswv Qhia txhawb dej num twb los tshaj tag ntev ntev los nws pheej tsis tawm los ces tus tub xov xwm hais lus tsis tseg, nws thiaj hais xwb os, tsis yog muaj nyob hauv cov txheej txheem. Tab sis ntawm kem xaiv Vaj Qhia los rau ntawm sam thiaj qhov rais ntawd yeej muaj ib kem tshwj xeeb rau cov xaiv tau los so kom siab tus tso mam tshwm rau tsoom sid. Kem ntawd lub hu ua "Lub paim (kem txaj)kua muag".

Txiv Vaj Qhia Fas Las Xiv Xes yeej paub tias nws tau ib lub luag hauj lwm nyhav ris, nws thiaj kom sawv daws teev Ntuj rau nws tus kheej thiab rov sib pab teev rau sawv daws.

Txiv Vaj Qhia Npes Nes Div XVI tso tes hauj lwm tseg. - Page 2 Benoit11

Txiv Vaj Qhia Npes Nes Div XVI los nrog Txiv Vaj Qhia Fas Las Xis Xes I ua ke. (Thaum nyuam qhuav xaiv tau kiag).

**Maiv Tooj** 14th March 2013, 7:39 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°34

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 14th March 2013, 7:39 am

VAJ QHIA FAS LAS XIV XES KOS.

Thawj thawj tus Vaj Qhia Fas Las Xiv,
Thawj thawj tus Vaj Qhia As Mes Kas Qab Teb,
Thawj thawj tus Vaj Qhia jésuite.

Txiv Vaj Qhia tshiab, nws xaiv lub npe Leej Ntshiab Fas Las Xiv Xes, vim nws nyiam coj li neeg pluag, ua li neeg pluag, pab cov neeg pluag. Nws tau tsim ntau lub Tsev (Foyer) thiab Tsev Kho mob rau cov neeg txom nyem nyob Av Zaas Tis NAs teb. Nws tsis kam nyob hauv Cov Tswv Qhia lub vaj loog, nws nyob ib lub tsev dog dig li txhua leej, muaj tej zaum mas nws tsis pw hauv tsev, nws mus nrog ib tug Txiv Plig nyob tom lub zos “tsev pheeb suab, lub zos quav sw (bidon ville). Nws mus qhov twg, nws tsis caij tsheb muaj cua sov kom neeg tsav, nws caij tsheb khiav raws nroog (bus) li cov pej xeem sawv daws.
Txiv Vaj Qhia tsis yog cov Tswv Qhia Liab nyob hauv Tuam Ceeb Vas Tis Can, nws ib txwm ua nws lub luag hauj lwm nyob Buenos Aires. Nws tuaj nyob Los Mas lawm ntshe tsoom neeg tid yuav nco nws heev. Yam li nws thawj thawj los lus hais tias: “Kaw qhov rooj (Conclave), yog lawv xaiv ib tug Tswv Qhia rau lub Koom Txoos, lawv xaiv tau nws uas nyob qab ntuj kawg los.”

Txiv Vaj Qhia Npes Nes Div XVI tso tes hauj lwm tseg. - Page 2 1er_so10

Txiv Vaj Qhia Npes Nes Div XVI tso tes hauj lwm tseg. - Page 2 Les-pr10

Hnub no, tim 14/03/2013, yog Txiv Vaj Qhia thawj thawj hnub zaum theej kiab, tuav nws thawj lo lus nag hmo xaiv tau hais, nws hais tias: “Taig kis, kuv yuav mus teev Niam Mab Liab.” Ces hnub no, nws noj tshais tag, thawj qhov hauj lwm uas nws xub pib, yog sawv kev mus teev Niam Mab Liab tom lub Tuam tsev tees Ntuj “Niam Mab Liab tus Hlob (Basilique Sainte-Marie Majeure)”. Nws mus, muaj lub tsheb tshwj xeeb tos nws, tab sis nws tsis kam caij, nws nrog ob peb tug Txiv Plig, lawv caij tsheb khiav raws nroog (Bus) mus, mus txog nws nqa ib pob paj me me mus hawm Niam Mab Liab, nws nyob ntev li 20 fiab ces lawv rov los tsev tom Vas Tis Kaas.

Txiv Vaj Qhia Npes Nes Div XVI tso tes hauj lwm tseg. - Page 2 13619210

Txiv Vaj Qhia Npes Nes Div XVI tso tes hauj lwm tseg. - Page 2 Afp10

Yav tav su, nws ua thawj lub Thaj Txiv Ntuj vaj qhia hauv lub tsev teev Ntuj Sainte Sixtine, uas lawv xaiv Vaj Qhia hnub hmos. Yog nws thawj lub Thawj Txi Ntuj vaj qhia thiab yog lub Thawj Txiv Ntuj kaw lub Rooj xaiv vaj qhia.
Nws cov lus ntuas hauv Thawj Txiv Ntuj tsis yog ib cov lus tshiab li nws lub hwj chim vaj qhia tshiab, nws yeej hais cov lus qub li thaum nws tseem nyob Boenos Aires. Nws hais 3 los lus no rau sawv daws:
- Mus kev, yeej meem mus txhob zo li, yog so ces kawg tsis zoo xwb.
- Txhim kho, nyeej meem txhim kom ruaj khov, txhob ua tsev xuab zeb nws tsis tuav.
- Daws txhaum.

Huab Tais Yes Xus hais rau Pob Zeb tias : « Koj yog Pob Zeb, kuv yuav tsa kub lub Koom Txoos rau saum lub Pob Zeb no. » Thaum nws hais li no, tsis yog hais thaum Pob Zeb twb tuag lawm, nws hais thaum tseem ciaj sia, li ntawd peb yuav ua tus Pob Zeb ciaj sia, mus txhob so. Peb yuav mus nrog tus Ntoo Cuam, thiaj yog nrog Yes Xus. Yog peb tsis mus nrog tus ntoo cuam, ces yog peb mus nrog dab phem xwb tsis yog mus nrog Yes Xus.

Txiv Vaj Qhia Npes Nes Div XVI tso tes hauj lwm tseg. - Page 2 Pape-f11

Txiv Vaj Qhia Fas Las Xiv Xes Kos, tsis coj tus Ntoo Cuam Vaj Qhia,
Nws coj nws tus qub Ntoo Cuam Txiv Tswv Qhia qub xwb.

**Maiv Tooj** 14th March 2013, 9:01 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°35

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 14th March 2013, 9:01 am

Txiv Vaj Qhia Fas Las Xiv Xes Kos caij tsheb ntiav.

Txiv Vaj Qhia Npes Nes Div XVI tso tes hauj lwm tseg. - Page 2 Les-pr11

Txiv Vaj Qhia Fas Las Xiv Xes Kos tsis kam caij lub tsheb tshwj xeeb rau Vaj Qhia.

Nws tuaj yeem caij lub tsheb ntiav khiav ncig nroog nrog cov pluag.

Nws coj li tus neeg pluag, tsis yog lam ua kom luag qhuas, nws yeej ua nruab siab tuaj, thaum lawv xaiv tau nws, ua ntej nws yuav foom hmoov zoo rau tsoom neeg tuaj tos nws, nws thiaj kom lawv thov Ntuj rau nws ua ntej. Nov piv tau tias nws hais tias nws yog neeg tib yam li sawv daws, nws tsis loj tshaj sawv daws.

Txiv Vaj Qhia Npes Nes Div XVI tso tes hauj lwm tseg. - Page 2 86063411

Nag hmo pas taws ncho
Nag hmo pas taws ncho dawb.

Txiv Vaj Qhia Npes Nes Div XVI tso tes hauj lwm tseg. - Page 2 Goelan10

Hnub no me nquav los so
Hnub no ua me nquab chaws tsaws.

**Mas Lias** 14th March 2013, 11:14 pm

Mas Lias

Mas Lias: Tuaj Tshiab; Messages : 57
Date d'inscription : 2012-03-09

Post n°36

Re: Txiv Vaj Qhia Npes Nes Div XVI tso tes hauj lwm tseg.

Post Mas Lias 14th March 2013, 11:14 pm

Maiv Tooj wrote:

Txiv Vaj Qhia Fas Las Xiv Xes Kos caij tsheb ntiav.

Txiv Vaj Qhia Fas Las Xiv Xes Kos tsis kam caij lub tsheb tshwj xeeb rau Vaj Qhia.

Nws tuaj yeem caij lub tsheb ntiav khiav ncig nroog nrog cov pluag.

Nws coj li tus neeg pluag, tsis yog lam ua kom luag qhuas, nws yeej ua nruab siab tuaj, thaum lawv xaiv tau nws, ua ntej nws yuav foom hmoov zoo rau tsoom neeg tuaj tos nws, nws thiaj kom lawv thov Ntuj rau nws ua ntej. Nov piv tau tias nws hais tias nws yog neeg tib yam li sawv daws, nws tsis loj tshaj sawv daws.

Nag hmo pas taws ncho
Nag hmo pas taws ncho dawb.

Hnub no me nquab los so
Hnub no ua me nquab chaws tsaws.

**Mas Lias** 14th March 2013, 11:21 pm

Mas Lias

Mas Lias: Tuaj Tshiab; Messages : 57
Date d'inscription : 2012-03-09

Post n°37

Re: Txiv Vaj Qhia Npes Nes Div XVI tso tes hauj lwm tseg.

Post Mas Lias 14th March 2013, 11:21 pm

Nyob zoo MaivTooj,

Cov duab koj tso no zoo nkauj kawg, pom tus nquab tsaws saum kav qhov txos mas ua rau yus zoo siab, tso siab tias yuav muaj tej yam zoo lawm yav tom ntej.

Ua koj tsaug.

**Mim** 15th March 2013, 5:54 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°38

Re: Txiv Vaj Qhia Npes Nes Div XVI tso tes hauj lwm tseg.

Post Mim 15th March 2013, 5:54 am

Txiv Vaj Qhia Npes Nes Div XVI tso tes hauj lwm tseg. - Page 2 Seagulls

Nyob tim no, lawv tso daim duab txog tus seagull (Kuv tsis paub lus Hmoob hu lis cas, tiam sis nws yog ib tug noog uas pheej ya ntawm ntug dej, lus Hmoob hu ua noog dej los hu li cas? Nej paub lub npe tseeb no nej qhia kuv thiab)

Lawv piav li no nyob ntawm daim duab:
"Muaj ib tug noog dej los tsaw saum lub hau khwb lub raj pa taws. Nws tsaws saum ntev loo zoo li tos cov pa taws yuav tawm los. Ces nws ya lawm. Nws ya tas tsis ntev xwb ces cov pa taws dawb txawm tawm los qhia tias xaiv tau Vaj Qhia lawm.
Ces peb ho hnov tias tus Vaj qhia tshiab hu ua Francis, raws leej ntshiab Francis of Assisi, uas nyiam ua phooj ywg nrog cov tsiaj muaj kooj tis..."

Muab hauv http://crownofstars.blogspot.co.uk/2013/03/of-smoke-and-seagulls.html

Last edited by Mim on 15th March 2013, 6:27 am; edited 1 time in total

**Mim** 15th March 2013, 6:11 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°39

Re: Txiv Vaj Qhia Npes Nes Div XVI tso tes hauj lwm tseg.

Post Mim 15th March 2013, 6:11 am

Kuv pom lawv tso ob peb qho chaw ib daig duab zoo li no:

Txiv Vaj Qhia Npes Nes Div XVI tso tes hauj lwm tseg. - Page 2 Images?q=tbn:ANd9GcSus98JyhL3g2KrGuLzVyKOee5n85n7eVYU_jtxdUdIXRCSLfiKRw

Yog ib daig duab uas peb pom peb tug Vaj Qhia ua ke. Tiam sis lawv tsis tso tias yog yees xyoo twg. Tiam sis peb pom meej tias sab laug rau sab xis yog Vaj Qhia Npes Nes Dis XVI, Vaj Qhia Francis, thiab Vaj Qhia Zam Paj Lug II. Thaum lub caij ntawd ob tug tseem yog Tswv Qhia xwb. Kuv xav tias tus neeg yees daim duab no yeej tsis paub txog tias yuav yog peb tug Vaj Qhia li.

**Mim** 16th March 2013, 11:40 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°40

Re: Txiv Vaj Qhia Npes Nes Div XVI tso tes hauj lwm tseg.

Post Mim 16th March 2013, 11:40 am

Nyob Florida, lawv ua xov xwm tawm Hnub Tsib(Thursday)16/03/2013 dhau los no tias Hnub Plaub(Wednesday)tim 15/03/2013 thaum lub caij lawv tab tom tshaj tawm nyob Vatican tias xaiv tau Vaj Qhia tshiab lawm, mas nyob Florida lawv muaj ib co neeg pom ib tauv haub txawv txawv nyob saum ntuj. Lawv yees tau duab tib si tso tawm news raws li hauv daim video no:

**Maiv Tooj** 18th March 2013, 7:34 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°41

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 18th March 2013, 7:34 am

Nyob zoo Mim,

Ua tsaug ntau rau qhov duab no, yog ib lub txiaj ntsim uas Tswv Ntuj tsom kwm nws pab yaj.

Txiv Vaj Qhia Fas Las Xiv Xaws Kos teev Ntuj tus Tshiab thawj zaug,
Hnub Chiv tim 17 lub 3hlis 2013.

Txiv Vaj Qhia Npes Nes Div XVI tso tes hauj lwm tseg. - Page 2 18495810

Txiv Vaj Qhia Fas Las Xiv Xaws Kos tawm tuaj teev cov Tshiab thawj zaug
ntawm nws lub qho rais tig rau lub tshav puam Leej Ntshiab Pob Zeb, Hnub Chiv 17-03-2013.

Neeg tuaj mus hawm Txiv Vaj Qhia coob coob, ua rau cov kev hauv lub nroog Los Mas raug kaw ntau txoj. Hnub no muaj tshaj 150.000 leej neeg tuaj nrog Txiv Vaj Qhia teev cov Tshiab. Lub tshav puam Leej Ntshiab Pob Zeb tsis txaus, neeg tseem sawv rau ntawm txoj kev loj puv tag thiab.
Txiv Vaj Qhia thawj sob lus yog hais tias : « Tsoom phooj ywg, kuv muab kuv lub siab tag nrho los ua nej sawv daws tsaug thiab kuv thov nej sawv daws rau siab thov Ntuj rau kuv uas yog Vaj Qhia Fas Las Xiv Xaws Kos. »
Nws hais ntxiv tias :
-« Tswv Ntuj tsis nkees zam txhaum rau peb li, tsuas yog peb thiaj li nkeeg thov txhaum ntawm nws xwb (…). Nws yog leej txiv siab zoo tas nrho uas zam tas mus li thiab muaj lub siab khuv leej txhua txhia leej. »
-« Ib nyuag sib khuv leej me ntsis mas yuav hloov tau lub ntiaj teb, yuav ua rau lub ntiaj teb tsis txias heev thiab ncaj ncees dua. »
-Jorge Bergoglio (Vaj Qhia Fas Las Xiv Xaws Kos) yog neeg Av Zas Tis Nas, tab sis yog caj ces neeg Is Tas Lis, li ntawd nws thiaj xaiv lub npe pov hwm Is Tas Lis, Fas Las Xiv Xaws Kos nyob Av Xij, li ntawm kom kuv txoj kev ntseeg muaj zog nrog daim av uas yog kuv tsev neeg keeb kwm.»

**Tub Kawm** 18th March 2013, 6:54 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°42

Re: Txiv Vaj Qhia Npes Nes Div XVI tso tes hauj lwm tseg.

Post Tub Kawm 18th March 2013, 6:54 pm

Nyob zoo cov phooj ywg. Thov ua tsau rau nej tau tuaj tso tej xwm no rau peb paub og, yog tsi muaj nej txhua tus ces peb twb paub tsi txog tej noj. Tos peb paub ces twb ntev heev lawm og.

Niam hlob thiab Maiv Paj, kuv thov ua neb tsaug ntau ntau, vim muaj neb ob leej los tsim lub Vas sab no, peb thiaj tau tuaj pom txhua yam tshwm tshiab hauv no og. Lub Vas sab no yog ib lub teeb kaj peb txoj hau kev, yog ib hauv tshuaj qhib kuv lub qhov muam kom pom deb dav. Kuv thov ua tsaug rau tus tswv tau tsim lub Vas sab no.

Thov kom Tswv Ntuj Leej Tswv Yim Ntshiab nrog nej txhuas leej. Sib ntsib dua.

**Maiv Tooj** 19th March 2013, 9:55 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°43

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 19th March 2013, 9:55 am

Nyob zoo Tub Kawm,

Yog Tswv Ntuj lub hwj hiam ua kom Maiv Paj Lug wb sib ntsib,
Yog Tswv Ntuj Leej Tub ua kom Maiv paj Lug wb sib paub,
Yog Leej tswv Yim Ntshiab ua kom Maiv Paj Lug muaj lub laj lim tswv yim tsim lub Vas Sab no.

Thiaj ua ntsaum kwv pleb, tseem ntsib tau nej nyob deb li deb,
Thiaj ua noog sau zes, thiaj ua tau ib qho chaw rau sawv daws tuaj ua ke.

Lub siab xav ces xav kom tus txawj tuaj nthuav, tus tsis txawj tuaj xyuas
Xav kom tus paub tuaj sau, tus tsis paub ho tuaj nyeem kom paub.

Yog peb muaj txoj kev sib pab peb yuav huaj vam
Yog peb muaj kev sib haum xeeb peb yuav nyob thaj yeeb.

Txiv Vaj Qhia Npes Nes Div XVI tso tes hauj lwm tseg. - Page 2 210

TXIV VAJ QHIA QHEB TSHIAB NWS LUB THEEJ KIAB.

Résumé de la Messe d'Installation du Pape François

Hnub Tsib (Tuesday) tim 19-03-2013 muaj ib pab neeg coob thaj tsam 200.000 leej sawv ntxov ntxov tuaj rau ntawm lub tshav puam Leej Ntshiab pob Zeb, nyob lub nroog Los Mas,tuaj koom Thaj Txi Ntuj tsa Txiv Vaj Qhia Fas Las Xiv Xaws Kos, 6 hnub tom qab uas lawv xaiv tau nws los ua tus Vaj kav lub Koom Txoos Kas Tos Liv.

Txiv Vaj Qhia Fas Las Xiv Xaws Kos caij ib lub tsheb qheb lug, mus ncig hauv tsoom ntseeg uas tuaj xyuas nws ntawm lub Tuam Tsev teev Ntuj Leej Ntshiab Pob Zeb uas cov kab ke pib thaum 9h30 sawv ntxov.

Nws hloov tsis caij cov tsheb leem iav li uas ob tug Vaj Qhia dhau los, txog tej qhov muaj cov neeg tuag tes taw, nws kuj nqes ntawm nws lub tsheb los foom hmoov zoov rau tej tug neeg mob.

Muaj cov Tiam Lis 132 teb chaws pej kum, 6 tus vaj ntxwv, cov Tuam Thawj Tim Tswv thiab cov nom kav teb chaws, cov Thawj coj kev ntseeg muaj meej mom tuaj thoob qab ntuj tuaj koom lub Txoos tsa Txiv Vaj Qhia hnub no.

Thiab ntau pua txhiab tus neeg ntseeg tuaj koom lub Thaj txi Ntuj nov, tej zaud thaum tsam Txiv Vaj Qhia Zam Paj Lug II ua Leej Ntshiab thaum hnub tim 1-05-2011, tseem muaj tshaj 1 plhom nrab (1.500.000) tuaj sib txoos rau qhov chaw nov.

Yog thawj thawj zaug uas ib tug Tuam Thawj lub Koom Txoos Ov Taus Dov (Ortodoxe), Bartholomée I, nyob Constantinople tuaj koom ib lub Thaj txi Ntuj tsa ib tug Vaj Qhia tshiab txij thaum Koom Txoos Los Mas thiab Ov Taus Dov sib ncaim xyoo 1054 los.

Muaj cov Tiam Lis Muv Xis Lis thiab Yus Das tuaj thiab.

Txoj hlab khuam thiab ntiv nplaib Cuab Ntses.

Txiv Vaj Qhia Npes Nes Div XVI tso tes hauj lwm tseg. - Page 2 Franci10

Txiv Vaj Qhia Npes Nes Div XVI tso tes hauj lwm tseg. - Page 2 57319010

Lub tsho tshaj sab, lub txiaj xiav duab cim txhais tias Yes Xus tus kwv luag, ntawm tus Vaj Qhia tshiab, Leej Pleev ua cov npe ntawv liab (IHS) ua ib ke zoo li lub hnub ci ntsa rau saum ib tug ntoo cuam liab thiab tom ntsis hlw, muaj 3 tug ntsia hlau cim txog Yes Xus txoj kev raug txom nyem.

Nyob sab hauv qab cov Koom Haum Yes Xus lub cim, muaj ib lub hnub qub kub daj, cim Nkauj Tsim txiaj Mab Liab, thiab ib lub paj nroj cim Leej Ntshiab Yos Xes, uas yog tus Leej Ntshiab tsob hwb lub Koom Txoos Kas Tos Liv uas lub hmoov poob rau hnub tim 19 lub 3 hlis no kiag thiab.
Txij thaum Hnub Plaub dhau los uas lawv xaiv tau nws, tshwj xeeb Hnub Chiv dhau los thaum lawv teev tus Tshiab, Txiv Vaj Qhia tau hais meej txog kev khuv leej uas « yuav ua rau lub ntiaj teb tsis txias heev thiab ncaj ncees dua ».
Txiv Tswv Qhia Fab Kis Jean-Louis Tauran muab txoj hlab khuam, uas yog ib txoj hlab ntaub los khuab rau ntawm ob sab xwb pwg nrog rau « ntiv nplhaib cuab ntses », yog lub cim ua Vaj Qhia. Ntiv nplhaib cuab ntse yog lub cim uas Pob Zeb yog tus neeg cuab ntses los ua tus neeg cuab ntsuj plig.

« Ntiv nplhaib cuab ntses » yog tus Tswv Qhia laus tshaj Mgr Angelo Sodano, yuav muab ntxig rau Txiv Vaj Qhia tus ntiv coj nplhaib sab tes lauj ua ntej yuav pib ua Thaj Txi Ntuj. Yog ib nti nplhaib nyiaj dawb thiab txhawb kub daj ua tus duab Leej Ntshiab Pob Zeb tuav tus yuam sij Tswv Ntuj lub ceeb tsheej.
Muab ntiv nplhaib thiab txoj hlab khuam tso ib hmos saum Leej Ntshiab Pob Zeb lub ntxa hauv tsev teev Ntuj tag mam li muab coj los rau tus Vaj Qhia tshiab coj.
Thaj Mis Xas uas tsa Vaj Qhia no muaj 150 tus Tswv Qhia Liab, uas 114 tug yog « Koom Txoos cov tub huab tais” uas xaiv tau nws lub lis piam tag los no.

Txiv Vaj Qhia tau hais rau tsoom nom tswv kav teb chaws kom lawv hlub cov neeg me, cov muag luav thiab cov ruam. Kom sawv daws sib pab txuag tej nroj tsuag thiab txhua yam muaj sia hauv lub ntiaj teb no kom muaj txoj kev thaj yeeb.

Last edited by Maiv Tooj on 20th March 2013, 8:40 am; edited 1 time in total

**Maiv Tooj** 19th March 2013, 10:21 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°44

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 19th March 2013, 10:21 am

Daim video nov yog hnub no tim 19-03-2013, uas yog hnub tsa Txiv Vaj Qhia Fas Las Xiv Xaws Kos.

Commencement du ministère pétrinien de l'évêque de Rome

**Maiv Tooj** 19th March 2013, 11:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°45

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 19th March 2013, 11:43 am

Tub Kawm,

ua tsaug ntau uas koj tseem qhia Zoo Tswv Zov Yaj zaj lus txog Txiv Vaj Qhia Fas Las Xiv Xaws Kos rau peb thiab. Kuv muab nqa los tso rau hauv nov thiab kom muaj txhua dua ntxiv.

Yam li hmoob tsis tau txhais ib cov npe kom meej, muaj civ tov civ yam lu npe, txhais tsis txhua. Ces nyob ntawm seb tus neeg txhais nws muab los ntawm xeem lus twg los, mas yuav txhais ib nyuag txawv me ntsis.

Mar
01/13
Xov xwm tuaj ntawm Vas Tis Kaas.

Tus Tso Cov Lus No: Zoo Tswv Zov Yaj
Tso Rau Hnub:Friday, 1 March 2013 07:12

Vaj Qhia hais tias : “Txuas ntxiv ntawm no mus, nws tsuas yog ib tug uas xav ncig mus tsim koob hmoov tseg rau hauv lub ntiaj teb no lawm xwb.”

Vaj Qhia hais li no tag, ces nws foom hmoov zoo co co tes rau sawv daws thiab hais nyob zoo rau nws cov Thwj Tim ua zaum kawg.

Tom qab ntawd, tas nrho cov Tswv Qhia Liab thiab tus thawj ntawm cov Tswv Qhia Liab hu ua Thas Xib Xis Os Npus Thoos, yuav yog cov sawv cev tuav Vaj Qhia lub luag hauj lwm tswj hwm tas tsoom neeg ntseeg Kav Tos Liv nyob thoob ntiaj teb uas coob txog ntawm 1,200 plhom tus neeg ntseeg Ntuj, mus txog lub caij rov tsa dua tau ib tug Vaj Qhia tshiab.

Tus txheej txheem uas Vaj Qhia Npes Nes Dis 16 tso nws lub luag hauj lwm Vaj Qhia tseg, mas yog pib ntawm cov tub rog Xas Vis Kav, uas yog cov pov hwm Vaj Qhia tau cia ib cov tub ceev xwm Vas Tis Kaas mus txais lub luag hauj lwm saib xyuas kev ruaj ntseg rau hauv Vaj Qhia lub tsev nyob ntawm nroog Khas Thees Kaas Dos Fos.

Yog vim li ntawd, ces ib cheeb tsam ntawm Khas Thees Kaas Dos Fos thiaj ua rau muaj tib neeg nyob ntsawm nkaus, uas yog lawv mus nyob tos saib Vaj Qhia Npes Nes Dis 16.

Lub caij thaum Vaj Qhia lub dav hlau kiv ntas sawv yas kiag thiab thaum lub tswb hauv lub tuam tsev teev Ntuj Leej Ntshiab Pob Zeb nrov kiag, ces tas nrho tsoom neeg uas mus tos saib Vaj Qhia muab tus chij Vas Tis Kaas me me uas sawv daws tuav ntawm tes ntxuaj zom zaws thoob plaws hauv ib cheeb tsam Khas Thees Kaas Dos Fos.

Qhov sawv daws ua li no, mas yog ib lub cim qhia tias : “Tus txheej txheem uas Vaj Qhia Npes Nes Dis 16 tau tso lub luag hauj lwm ua Vaj Qhia tseg tiav tag nrho thiab nws caij dav hlau ya ncaim ntawm cov Tswv Qhia Liab hauv lub loog Vas Tis Kaas mus lawm.”

Kwv tij phooj ywg, lub caij uas thaum Vaj Qhia Npes Nes Dis 16 sawv nyob saum lub qhov rais ntawm nws lub tsev hais lus rau sawv daws, mas Vaj Qhia tau hais tias : “Nws tsis yog Vaj Qhia ntxiv lawm, tiam sis nws yog ib tug uas tab tom yuav mus tsim koob hmoov tseg rau lub neej yav kawg hauv lub ntiaj teb no lawm xwb.”

Vaj Qhia hais ntxiv tias : “Nws muaj kev sov siab heev heev uas yav dhau los nws tau nrog sawv daws nyob ua ke thiab ib ncig ntawm nws mas muaj tej yam zoo nkauj. Ua tsaug rau txoj kev phooj ywg thiab txoj kev sib nyiam sib hlub uas tau muab pub rau nws.”

Li ntawd, mas xav hais qhia rau peb ib tsoom Hmoob sawv daws tias : “Tus Vaj Qhia Npes Nes Dis 16 no, yog thawj tug Vaj Qhia uas twb tau 598 xyoo los lawm, tseem tsis tau muaj dua ib tug Vaj Qhia twg uas kam tso lub luag hauj lwm ua Vaj Qhia tseg, vim feem ntau mas lawv ua Vaj Qhia mus txog hnub txoj sia tu kiag thiaj mam tso tseg.”

Yog vim li ntawd, Vaj Qhia Npes Nes Dis 16 thiaj hais ib los ntxiv tias : “Vaj Qhia thov cog lus tias nws yuav mloog thiab hwm tus Vaj Qhia tshiab yam kawg siab kawg ntsws.”

Li ntawd, ces tom qab ntawm Vaj Qhia Npes Nes Dis 16 tso lub luag hauj lwm tseg kom muaj kev xaiv tsa dua tus tshiab, nws thiaj tau txais lub suab npe zoo heev tias : “Tus Vaj Qhia nto koob meej ntawm nroog Los Mas.”

Thiab tas tsoom neeg ntseeg Kav Tos Liv nyob thoob ntiaj teb tseem yuav hu nws lub npe Vaj Qhia Npes Nes Dis 16 li qub.

Tsis tas li ntawd, nws tseem hnav lub tsho tshaj sab dawb li qub, tiam sis tsis hnav lub tsho loj looj lub tsho tshaj sab dawb uas muaj npab lawm thiab yuav tsis coj ib cov cim qhia txog lub hwj chim ua Vaj Qhia lawm. Hos ntiv nplhaib Fiv Xaws Mees Lees, uas Vaj Qhia thiaj muaj cai coj xwb los kuj yuav muab tso tseg thiab nws lub thwj kuj yuav raug muab tsoo pov tseg.

Yog vim li ntawd, mas txij no mus tas tsoom Tswv Qhia Liab hauv Vas Tis Kaas yuav muaj kev sab laj yam ntsiag ntsiag hais txog tus yuav los ua Vaj Qhia tshiab ntxiv rau thaum lub 3 hlis nrab, kom tus Vaj Qhia tshiab muaj caij me ntsis npaj tus kheej ua ntej yuav txog lub caij Hmoov Hla, uas yog ib lub sij hawm tseem ceeb kawg nkaus ntawm cov neeg ntseeg Kav Tos Liv, uas sawv daws yuav npaj rau thaum hnub tim 24 lub 3 hlis.

Paj nruag

Zaj no Haam Kub txhais nyob Lomsak.

Hnub tim 28 lub 2 hlis xyoo 2013

Mar
18/03/2013

XOV XWM TUAJ NTAWM VAS TIS KAAS

Tus Tso Cov Lus No: Zoo Tswv Zov Yaj
Tso Rau Hnub:Monday, 18 March 2013 08:01

Tas cov neeg ntseeg Kav Tos Liv, sawv daws muaj kev zoo siab uas xaiv tsa tau ib tug Vaj Qhia tshiab rau hnub tim 13 lub 3 hlis no. Nws lub npe hu ua Vaj Qhia Fas Ntshis Kus (Francis).

Hnub tim 13 lub 3 hlis no, lub Koom Txoos Kav Tos Lis xaiv rau ib tug Vaj Qhia tshiab lawm.TusVaj Qhia tshiab ntawd yog ib tug neeg As Zees Tis Nas. Yog thawj tug neeg As Zees Tis Nas uas tau ua Vaj Qhia nyob hauv 1,300 xyoo dhau los no. Vim tau 1,200 xyoo los, tsis muaj ib tug Vaj Qhia uas yog haiv neeg sab hnub poob.TusVaj Qhia tshiab no nws lub npe hu ua Fas Ntshis Kus. Vaj Qhia Fas Ntshis Kus yog ib tug neeg coj zoo heev uas tas tsoom neeg ntseeg Kav Tos Liv nyob thoob ntiaj teb hwm thiab ib txwm qhuas nws. Kev xaiv tsa Vaj Qhia xyoo 2005, mas Vaj Qhia Fas Ntshis Kus tau suab tim 2 ntawm cov Tswv Qhia Liab. Tab sis nws swb Vaj Qhia Npes Nes Dis tim 16, ces nws thiaj tsis tau ua Vaj Qhia. Tab sis zaum no Vaj Qhia Fas Ntshis Kus tau suab ntau tshaj los ntawm 115 tus Tswv Qhia Liab uas tuaj ntawm 48 lub teb chaws nyob thoob ntiaj teb tuaj. Tam sim no Vaj Qhia Fas Ntshis Kus hnub nyoog muaj 76 xyoo. Vaj Qhia Fas Ntshis Kus tau txais lub npe hu ua Fas Ntshis Kus xws li tusLeejNtshiab Fas Ntshis Kus nyob As Xis Xis.LeejNtshiab Fas Ntshis Kus nyob As Xis Xis tau uaLeejNtshiab nyob hauv tiam neeg tim 12.LeejNtshiab Fas Ntshis Kus yog tus zoo siab tso nws lub neej nplua nuj muaj noj muaj haus pov tseg. Nws ua neeg me thiab coj ib lub neej xws li cov neeg pluag. Nws nrog cov neeg pluag sib fim, nws tsis ua neeg muab hlob thiab tsis kam nyob hauv txoj kev nplua nuj ntxiv. Vim li ntawd, tas ib tsoom neeg thiaj qhuas txogLeejNtshiab Fas Ntshis Kus nyob As Xis Xis. Ces nws thiaj tau uaLeejNtshiab.TusVaj Qhia Fas Ntshis Kus tam sim no, yog tus Vaj Qhia tim 266. Txij thaum lub hauv paus los txog tam sim no, lubKoomTxoos Kav Tos Liv twb tau muaj 266 tus Tswv Qhia lawm.

Vaj Qhia Fas Ntshis Kus lub keeb : Vaj Qhia Fas Ntshis Kus yug hnub tim 17 lub 12 hlis xyoo 1936 nyob hauv lub tuam ceeb Npuas Nos Ais Les, uas yog lub tuam ceeb nyob As Zees Tis Nas teb. Vaj Qhia Fas Ntshis Kus txiv yog ib tug neeg thojNamhaiv neeg Is Tas Lias. Nws ua hauj lwm nyob hauv tshav tsheb nqaj hlau. Fas Ntshis Kus niam, yog ua niam tsev xwb. Vaj Qhia Fas Ntshis Kus muaj 7 leej kwv tij. Thaum Fas Ntshis Kus muaj 32 xyoos, mas nws tau txais lub Cim Tiag Tes ua Leej Choj nyob hauv lub Koom Haum Yes Xus Is, uas tsim nyob hauv tiam neeg 16. Xyoo 1992, Fas Ntshis Kus tau txais lub Cim Tiag Tes tsa nws ua Tswv Qhia. Xyoo 1998, Fas Ntshis Kus raug tsa ua Tswv Qhia Liab nyob Npuas Nos Ais Les. Xyoo 2005, Fas Ntshis Kus raug xaiv ua ib tug nyob hauv cov Tswv Qhia Liab uas muaj cai xaiv tsa los ua Vaj Qhia.

Hnub tim 15 lub 3 hlis no, Vaj Qhia Fas Ntshis Kus koom nrog cov Tswv Qhia Liab ua thawj thaj txi Ntuj ua ke nyob hauv Vas Tis Kas. Tsis tas li ntawd, nyob hauv lub tuam ceeb Npuas Nos Ais Les, nyob As Zees Tis Nas teb, uas yog lub teb chaws Vaj Qhia Fas Ntshis Kus yug los, mas muaj tsoom pej xeem ntau pua txhiab leej sib sau ua kev lom thiab dhia zoo siab hom khaj nyob ntawm tej ntug kev. Vim lawv zoo siab uas muaj ib tug neeg As Zees Tis Nas tau ua Vaj Qhia nyob Los Mas.TusTxoov Tim Tswv As Zees Tis Nas kuj xa kev zoo siab mus txog rau Vaj Qhia Fas Ntshis Kus thiab, vam tias Vaj Qhia Fas Ntshis Kus yuav coj lubKoomTxoos Kav Tos Liv kom nyob thaj yeeb thiab nrog tas ntiaj teb sib haum xeeb. Vaj Qhia Fas Ntshis Kus tseem yuav nrog tas ib tsoom Tswv Qhia Liab sib ntsib ib zaug ntxiv. Vim tias tseem muaj ntau tus Tswv Qhia Liab uas lawv hnub nyoog tshaj 80 xyoo, ces lawv tsis muaj cai koom nyob hauv kev xaiv tsa ua Vaj Qhia lawm. Tom qab ntawd, Vaj Qhia Fas Ntshis Kus yuav mus ntsib Npes Nes Dis tim 16 uas nws yog tus Vaj Qhia qub. Ces tas tsoom neeg ntseeg nyob hauv lubKoomTxoos Kav Tos Liv zoo siab thiab cia siab tias Vaj Qhia Fas Ntshis Kus yuav coj lubKoomTxoos mus raws txoj kev thaj yeeb thiab nrog txhua lub teb chaws sib haum xeeb.

Txiv Vaj Qhia Npes Nes Div XVI tso tes hauj lwm tseg. - Page 2 77596210

Mar
19/03/ 2013

VAJ QHIA FAAS NTSHIS KUS

Tus Tso Cov Lus No: Zoo Tswv Zov Yaj
Tso Rau Hnub:Tuesday, 19 March 2013 01:46

Kwv tij phooj ywg, hnub tim 19 lub 3 hlis no, mas tas nrho cov Tswv Qhia Liab 115 leeg, tau txiav siab meej xaiv tus Tswv Qhia Liab Npes Nkos Nkias, uas yog tus Tswv Qhia saib lub Ceeb Koom Txoos Npus Es Ais Les, uas nyob As Zees Tis Nas teb los ua Vaj Qhia lawm.

Yog vim li ntawd, ces tus Tswv Qhia Liab Npes Nkos Nkias thiaj tau xaiv ib lub npe tshiab rau nws tus kheej hu ua “Vaj Qhia Faas Ntshis Kus.”

TusVaj Qhia Faas Ntshis Kus no, mas yog tus los hloov Vaj Qhia Npes Nes Dis 16 thiab yog tus Vaj Qhia 266.

Vaj Qhia Faas Ntshis Kus, nws hnub nyoog twb yog 76 xyoo lawm. Thaum nws tseem ua Tswv Qhia nyob As Zees Tis Nas teb, mas nws hlub cov neeg txom nyem heev kawg nkaus.

Piv txwv : Nyob As Zees Tis Nas teb, mas ze ntawm lub tuam ceeb Npus Es Ais Les, muaj ib cov neeg txom txom nyem heev nyob hauv thaj tsam Xos Das Tis, mas lawv coob txog ntawm 15,000 tus neeg.

Thaj tsam Xos Das Tis uas cov neeg txom nyem ntawd nyob, mas tej kev tsheb tsuas yog kev av xwb. Hos lawv tej vaj tse, mas yog ib cov tsev uas tsis ruaj thiab tsis khov pes tsawg. Lawv cov dev mas kuj coob kawg, tiam sis tib cov yuag yuag xwb.

Yog vim kev txom nyem, ces thiaj ua rau 50% ntawm cov tub ntxhais hluas uas hnub nyoog txij li 12-13 xyoos, mas lawv raug cov neeg nplua nuj ua liaj rau saum lawv nraub qaum, ces lawv haus tshuaj nees heev heev. Hos cov me nyuam no txiv kiag, los feem coob lawv kuj yog ib cov neeg quav cawv thiab sawv daws muaj yaj phom tas tus.

Nyob rau hauv thaj tsam Xos Das Tis ntawd, mas muaj ib tug poj niam hu ua Es Thes Ntsis Mes Nes, hnub nyoog 48 xyoo. Nws ua ib cov mov mog xyaw nqaij coj mus muag tom khw, ces xyoo 2007, nws txawm mob hnyav heev thiab mus pw hauv tsev kho mob.

Lub caij ntawd, tus Tswv Qhia Liab Npes Nkos Nkias uas zim txwv no yog peb tus Vaj Qhia tshiab Faas Ntshis Kus, mas nws txawm mus tsham tus poj niam Es Thes Ntsis Mes Nes uas tseem pw nyob rau hauv tsev kho mob.

Es Thes Ntsis Mes Nes thiaj hais tias : “Tswv Qhia Npes Nkos Nkias tau nug txog kuv tus mob tag, ces nws los tuav kuv txhais tes, nws muab ib txoj saw Mab Liab pub rau kuv coj thiab thov Ntuj foom hmoov zoo rau kuv.”

Thaum Tswv Qhia tuav nkaus kuv txhais tes, mas kuv mloog yog thooj li Huab Tais Yes Xus tuav kuv txhais tes. Yog vim li ntawd, ces ib lub lis piam tom qab kuv tus mob txawm zoo hlo lawm.

Kwv tij, nyob rau hauv thaj tsam Xos Das Tis, mas cov neeg txom nyem pom tias tus Tswv Qhia Liab Npes Nkos Nkias hlub lawv heev, vim tias Tswv Qhia mus tsham lawv tsis tseg.

Tsis tas li ntawd xwb, xyoo 2007, tus Tswv Qhia Liab Npes Nkos Nkias kuj tau txhim ib lub tsev los pab kho 12 tug tub hluas uas lawv haus tshuaj nees. Hos xyoo 2008, mas nyob rau hauv lub lis piam ntshiab uas yog hnub tsib ntshiab, mas Tswv Qhia Liab Npes Nkos Nkias tau ntxuav 12 tug tub hluas ntawd cov ko taw, kom lawv rov sib nyiam sib hlub thiab hloov siab los ua neeg zoo.

Lub caij ntawd, cov los pav uas muag tshuaj nees, mas lawv npau taws heev kawg nkaus. Vim tias Tswv Qhia Npes Nkos Nkias tau pab ib cov neeg txom nyem kom tso kev haus tshuaj nees tseg.

Yog vim li no, ces cov los pav muag tshuaj nees thiaj li nroo nroo tias : “Yog Tswv Qhia Npes Nkos Kias tseem pheej ua txoj hauj lwm pab cov neeg txom nyem kom txhob haus tshuaj nees ntxiv, mas ntshe nws yuav tsis muaj txoj sia nyob ntev.”

Thaum cov los pav yws yws thiab tshaj tej lus li no tawm, ces thiaj ua rau cov neeg ntseeg Kav Tos Liv hauv lub Ceeb Koom Txoos Npus Es Ais Les hais rau Tswv Qhia Npes Nkos Kias tias : “Koj txhob ntshai, koj tej hauj lwm, mas yog ib cov hauj lwm tseem ceeb kawg nkaus. Thov koj ua ntxiv mus, txhob tso tseg.”

Kwv tij, qhov uas Tswv Qhia Liab Npes Nkos Nkias pab cov neeg txom nyem kom lawv dim ntawm kev haus tshuaj muaj yees, mas txhais tias : “Nws muaj lub siab kub lug xav cawm cov neeg txom nyem ntawd kom lawv dim ntawm kev tsaus ntuj.”

Yog vim li ntawd, ces thiaj muaj ib tug txiv neej hu ua Mos Lis Xyaus, nws tau tshaj lus tawm tias : “Peb tus Tswv Qhia Liab Npes Nkos Nkias, mas nws siab zoo thiab kub siab teev hawmTswvNtuj heev.”

Yog vim muaj tus Tswv Qhia ntawd, ces kuv thiaj paub Huab Tais Yes Xus Pleev zuj zus. Txhua txhia lub caij, mas nws tuav rawv kuv txhais tes, ces kev thaj yeeb nyab xeeb thiaj li nqes los rau hauv kuv tej siab ntsws.

Kwv tij, nyob rau hauv lub Ceeb Koom Txoos Npus Ais Es Les, uas nyob As Zees Tis Nas teb, mas tau muaj ib tugTxiv Plig hu ua As Nres, nws hnub nyoog 42 xyoos, nws tau tshaj lus tawm tias : “Peb tus Tswv Qhia Liab Npes Nkos Nkias muaj ib lub hom phiaj xav fim nrog luag tej, xav pab cov neeg muaj mob thiab xav pab cov neeg txom nyem.”

Tsis tas li ntawd,Txiv Plig As Nres tseem hais ntxiv tias : “Peb tus Tswv Qhia no nws lub cim xeeb mas zoo kawg nkaus. Vim tias nws tau ntsib tus twg lawm, mas ob peb lub hlis tom qab nws tseem nco tau lawv lub npe thiab.”

Thaum nws hais tej lo lus nplij ib cov neeg uas lawv raug kev nyuaj siab ntxhov plawv, mas nws nco ntsoov txog cov neeg ntawd tag mus li.

Kwv tij phooj ywg, cov neeg ntseeg hauv lub Ceeb Koom Txoos Npus Es Ais Les, mas lawv sawv daws kuj qhuas txog Tswv Qhia tej lus uas tshab txhais txog Ntuj lub Moo Zoo, vim ua rau coob coob leej txoj kev ntseeg loj hlob zuj zus tuaj.

Piv txwv : Muaj ib tug poj niam hu ua Mab Liab Kos Xis Nos, hnub nyoog 56 xyoo, nws ua 3 yam hauj lwm nyob rau hauv lub nroog Leej Ntshiab Mis Kas, yam li :

Nws pab qhia Ntuj kev cai rau ib cov neeg ntseeg.
Nws mus xyuas tej tug neeg muaj mob nyob hauv cov tsev kho mob.
Thaum nws hnov tias muaj ib tug neeg twg tau tag sim neej, mas nws kuj mus xyuas thiab hais tej lo lus nplij tsev neeg ntawd lub siab kom tso siab lug rauTswvNtuj.

Xyoo 1988, tus poj niam Mab Liab Kos Xis Nos yuav txiv, ces nws tus txiv nkawd tau thov kom Tswv Qhia Liab Npes Nkos Nkias pab foom hmoov zoo rau nkawd lub ntees tshoob thiab pab qhia lub Cim Cog Lus rau nkawd.

Tiam sis tau 5 xyoos tom qab, Mab Liab Kos Xis Nos tus txiv raug xwv txheej ces txawm tag sim neej lawm. Thaum ntawd, mas Mab LiabKosXis Nos muaj 3 tug me nyuam, nws tau hais qhia rau Tswv Qhia Liab Npes Nkos Nkias paub tias : “Nws tus txiv tau tag sim neej lawm”.

Thaum Tswv Qhia paub tej xwm li no, mas kuj ua rau Tswv Qhia hlub Mab Liab Kos Xis Nos, ces Tswv Qhia thiaj muab me ntsis nyiaj pub rau Mab LiabKosXis Nos thiab nrhiav ib txoj hauj lwm rau nws ua kom tau me ntsis nyiaj los yug nws 3 tug me nyuam.

Yog vim li ntawd, ces Mab Liab Kos Xis Nos thiaj tshaj lus tawm tias : “Peb tus Tswv Qhia Liab Npes Nkos Nkias, mas nws kuj yog peb ib tug phooj ywg thiab kuv saib nws thooj li yog kuv txiv. Thaum kuv raug kev nyuaj siab ntxhov plawv, mas Tswv Qhia nrog kuv nyuaj siab ib yam nkaus”.

Kwv tij phooj ywg, peb zoo siab uaTswvNtuj tsaug, uas 115 tug Tswv Qhia Liab nyob rau hauv ntau lub teb chaws tau xaiv tus Tswv Qhia Liab Npes Nkos Nkias los ua Vaj Qhia. Yog thawj thawj zaug uas ib tug Tswv Qhia Liab nyob sab As Mes Lis Kas qab teb tau los ua Vaj Qhia kav tas nrho tsoom neeg ntseeg Kav Tos Liv nyob thoob ntiaj teb.

Li ntawd, xav hais qhia rau peb ib tsoom Hmoob tias : “Vaj Qhia Faas Ntshis Kus, mas nws hlub cov neeg txom nyem heev kawg nkaus thiab xav pab cov neeg uas niaj hnub ntsaub yeeb ntsaub tshuaj kom thim rov los ua neeg zoo.”

Ua li mas, kom sawv daws pab thov Ntuj pub rau Vaj Qhia Faas Ntshis Kus, uas yog peb tus Vaj Qhia tshiab, kom nws txoj hauj lwm ua Vaj Qhia tawg paj txi txiv raws liTswvNtuj lub siab xav thiab kom nws muaj peev xwm coj tau cov neeg ntseeg Kav Tos Liv hla dhau tej xwv txheej nyuaj nyuaj hauv lub ntiaj teb no.

**Maiv Tooj** 20th March 2013, 9:26 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°46

Re: Txiv Vaj Qhia Npes Nes Div XVI tso tes hauj lwm tseg.

Post Maiv Tooj 20th March 2013, 9:26 am

Ncig ib lwm mus xyuas Vas Tis Kaas...Vaj Qhia cov toob xib!

Txiv Vaj Qhia Npes Nes Div XVI tso tes hauj lwm tseg. - Page 2 A56acf10

Tus cuab ntses tiv nplhaib:

Vaj Qhia ntiv nplhaib yog ib lub cim tseem ceeb heev rau lub hwj chim Vaj Qhia. Txheej thaum ub yog siv los ua lub thwj ntaus kaw tej ntawv tseem ceeb kom txhob muaj neeg nyiag qheb tau nyeem. Thaum tus vaj qhia tuag, muab rab rauj nyiaj los tso lub nplhaib kom tawg, txheej zaum no tsuas muab thuam thiab kaus qhov duab tawm. Txhua zaud uas muaj ib tug vaj qhia tshiab mas lawv rov ntau dua ib lub nplhaib tshiab rau nws. Vaj Qhia Npes Nes Div XVI ntiv nplhaib mas yuav tsis muab tsoo, yuav muab khaws tseg cia saib rau Vas Tis Kaas lub tsev qub hum.
Lub nplhaib sawv cev Leej Ntshiab Pob Zeb thiab ua kom nco txog ntu Ntawv Ntshiab uas tus Thwj Tim cuab tau ntses ntau tshwj xeeb qhov uas Yes Xus qhia nws pov vas rau.

Txiv Vaj Qhia Npes Nes Div XVI tso tes hauj lwm tseg. - Page 2 Pape_310

Tus cwj pob khaub lig: Lub pob vaj qhia yog tus pas coj txoj kev ntseeg raws li lub Koom txoos tau txiav, ntxuas rau ib tug khaub lig uas yog Tswv Ntuj peb leeg (Leej txiv, Leej Tub thiab Leej Ntuj Plig). Nws yog lub cim vaj qhia muaj hwj huam vim tsuas yog vaj qhia tib leeg thiaj li siv xwb.

Txiv Vaj Qhia Npes Nes Div XVI tso tes hauj lwm tseg. - Page 2 Pape_410

Lub kaus mom dawb:

Tsis yog vaj qhia tib leeg xwb thiaj muaj cai hnav lub tsho tshaj sab dawb. Tab sis nws tib leeg xwb thiaj li ntoo lub mom dawb, cov tswv qhia lawv ntoo feem ntau yog liab.

Lub mom yog siv los kauv cov leej choj qhov taub hau chais.

Chais ib tog taub hau, muaj tej lub Koom Haum Ntseeg Yes Xus, lawv chais tus ua leej choj lub tiaj hau. yog lub cim tso lub ntiaj teb, tib yam nkaus li hloov nws cev khaub ncaws thiab hloov npe tshiab, yog ib qho kab ke rau kev tuag thiab rov yug dua tshiab uas nws tshem cov txhaum hauv nruab nrog.

Txiv Vaj Qhia Npes Nes Div XVI tso tes hauj lwm tseg. - Page 2 Pape_510

Nkawm khau liab:

Nkawm khau liab los txog rau Npes Nes Div XV (1914-22), ua ib qho paj ntaub ua tus khaub lig rau saum nkawm khau kom ua chaw rau tsoom ntseeg nyo mus nwj vaj qhia ko taw. Tom qab no muab txoj kev cai no hloov los nwj ntiv nplhaib cuab ntses ntawm tes lawm. Niaj hnub no, txoj kev cai tseem nyob thiab tus vaj qhia yuav tsum rau nkawm khau liab. Vaj Qhia Zam Paj Lug II xaiv nkawm khau tsaus me ntsis, tab sis Vaj Qhia Npes Nes Div XVI, xaiv nkawm liab tshiab. Vaj Qhia Fas Laas Xiv Xaws Kos xav hloov tej yam xyeem qhov muag tshiab tshiab hauv lub Koom txoos, nws hais tias "lub hwj chim loj tiag yog lub luag hauj lwm pab luag tej" ces nws tsis rau nkawm khau liab, nws xaiv qhov uas zoo li zeej tsoom, tham li zeej tsom, nyob li zeej tsoom.

Tsos liab tshiab yog lub cim nco txog cov tuag ua tim khawv cov ntsha ntws.

Txiv Vaj Qhia Npes Nes Div XVI tso tes hauj lwm tseg. - Page 2 Pape_610

Lub tsho tshaj sab dawb:
Lub tsho tshaj sab dawb, peb txeev pom kam Vaj Qhia hnav lub tsho tshaj sab dawb, tsis yog nws cev khaub ncaws ib txwm hnav. Thaum ub vaj qhia hnav lub tsho tshaj sab liab tab sis txij thaum Vaj Qhia Pis Us V xaiv lub tsho daawb; vim nws nyob lub Koom Haum cov Txiv Plig Dos Mis Niv Kas uas hnav dawb.

Txiv Vaj Qhia Npes Nes Div XVI tso tes hauj lwm tseg. - Page 2 Pape_710

Txoj xiv thiab hlab ntxhoo dawb:
Txoj xiv thiab hlab ntxhoo dawb zoo tib yam li lub kaus mom, txoj siv dawb yog lub cim vaj qhia. Nws yog ntaub npuag ci laim thiab ua hlab ntxhoo xov kub.

Txiv Vaj Qhia Npes Nes Div XVI tso tes hauj lwm tseg. - Page 2 Pape_810

Lub khwb taub hau liab:
Lub khwb taub hau liab zoo tsis txawv Père Noël lub. Yog ib lub kaus mom liab plooj ntaub paj dawb, qhov ntau yog ntoo thaum lub caij ntuj no. Txij thaum Vaj Qhia Kes Maas XIV thaum Tiam 18 (1700 tawm) tab sis Npes Nes Div XVI rov qab muab coj los rau nws siv.

Txiv Vaj Qhia Npes Nes Div XVI tso tes hauj lwm tseg. - Page 2 Pape_910

Daim Thav Ntxwv:
Daim thav ntxwv yog ib daim ntaub luv luv kh

Lub pib cawv:

Lub pib cawv yog lub pib thaum cev mov cev cawv, Tswv Ntuj foom hmoov zoo rau cov mov mog thiab cawv, ib tug vaj qhia twg, nws muaj nws lub pib cawv.

**Npuagtub** 22nd March 2013, 4:44 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°47

Re: Txiv Vaj Qhia Npes Nes Div XVI tso tes hauj lwm tseg.

Npuagtub 22nd March 2013, 4:44 am

Maiv Tooj wrote:

Xob tua Tuam Tsev Leej Ntshiab Pob Zeb lub ruv.
Tim 11/02/2013 thaum 18teev.

Tshaj tawm hnub tim 12/02/2013

Hnub uas Txiv Vaj Qhia Npes Nes Div 16 tshaj tias nws yuav tso Koom Txoos lub luag hauj lwm tseg thaum sawv ntxov ces tsaus ntuj 18teev (6 teev), xob tua lub lub ruv Tuam tsev teev Ntuj Pob Zeb (Basilique St.Pierre). Cov tub xov xwm BBC nyob txawm ntawm chaw, lawv thiaj nias tau cov duab uas nej pom nov, yog thaum xob tab tom tua lub Tuam tsev teev Ntuj Leej Ntshiab Pov Zeb lub ruv.

Raws kev cai mas teb chaws no, xob tsis tua lub caij ntuj no, yog lub caij ntuj kub mas kuj muaj xob tua thiab, tab sis lub caijntuj tsaug mas tsis muaj xob nroo, xob tua li, vim cov cua txias txias lawm ces tsis muaj qhov cua kub cua txias los sib chwv. Kuj txawv kawg nkaus tias hnub ntawd (tim 11/02/2013) mas xob nroo, xob quaj ib hnub kiag li nyob tim lub nroog Los Mas (Rome).

Txiv Vaj Qhia tso tes dej num tseg, kuj ua rau sawv daws xav tsis tag li pheej muaj qhov txhawj txog lub neej tom ntej. Yam li Leej Ntshiab Mas Las Kis (saint Malachie) tau hais tseg thaum Tiam XII (1100 tawm) tias tus Vaj Qhia 112 yuav yog tus kawg ntawm Koom Txoos ces Txiv Vaj Qhia Npes Nes Div 16 nov yog tus vaj Qhia ua ntej tus zeeg 112 txhais tias nws yog tus Vaj Qhia ua ntej tus kawg thiab cov phiaj zeb uas lawv tso rau tim lub Tuam Tsev teev Ntuj Leej Ntshiab Pob Zeb, tau hais tseg tias hnub uas txaug cov Vaj Qhia cov npe puv cov phiaj zeb ntawd ces yag lub caij kawg, ua li ua ntej Vaj Qhia Zam Paj Lug II, ces tshuav txaus ob los peb lub npe lawm xwb tag lawm. Puas yog tias HT.Yes Xus yuav rov los li Nws tau hais. Thiab puas yog Hauv paus Xa Lus Zam cov lus sau txog "Lub Caij Tom Ntej" puas yog tab tom tshwm sim rau niaj hnub no? (Cov lus nov yog kuv lam hais xwb, txhob muab ntau nqe nyhav).

Qhov nov tsis txhais tias yuav yog tus kawg, tab sis tej zaud yuav muaj kev rov qab hloov ib yam tshiab hauv lub Koom txoos Kev Ntseeg. Yam li txoj kev ntseeg puag thaum chiv keeb puam kwm los mas yeej muaj pib, nce mus txog qhov siab kawg nkaus. Thaum cov neeg tau zoo lawm ces tsis nco qab txog Tswv Ntuj, ua lwj ua liam ces Ntuj rov nplua, rov poob qes txog qhov kawg, Ntuj rov cawm dua, thaum vam txog Ntuj cawm, Ntuj rov cawm ces sawv daws ho rov qab ntseeg dua tshiab, rov qab mus dua ib theem. Thaum nce siab ces rov poob dua, nws ua li nov pes tsawg zaus los mus txog niaj hnub no. Zaum no mas neeg tsis nco txog Ntuj li, tsuas taus yuav ua qhov phem tshaj uas yuav ua tau rau nyias tus kheej xwb, tsis muaj kev hlub kev khuv leej lwm tus li, txawm yuav liam npaum li cas los tsis paub txaj muag, tsis paub txuag tus kheej li lawm...Thaum neeg poob ti qhov kawg mas tej zaud Ntuj yuav rov hloov neeg lub siab tshiab. Liam dhau qhov liam lawm ces kawg rov ua zoo xwb.

Thiab ib qho uas txawv tshaj mas yog hnub tim 27/01/2013, ob tug nquab uas Txiv Vaj Qhia tso ya ntawm 200 tus hluas uas mus teev Ntuj tim Vas Tis Kas li txhua xyoo, cia li muaj ib tug noog dej (mouette) ya los muab nkawd tom. Muaj ib tug ces ntxeem ntxeem ya tau lawm hos ib tug ces los tsaws nkaum ntawm Txiv Vaj Qhia lub qhov rais tab sis tus noog dej cia li los muab nws tom ntxiv, ua rau tus nquab raug mob sab kawg.

Daim duab nov yog thaum tus noog dej tab tom tom tus nquab ntawm Txiv Vaj Qhia Npes Nes Div lub qhov rais. (Raws kev cai mas cov noog dej no tsis tom lwm cov noog li dav, liaj, plas los uab lag. Cov neeg dej no mas nyob ntawm ntug hiav txwv los yog cov ntug dej uas ze hiav txwv, noj tej nyuag kab thiab ntses los roob ris, cw tej ntawm tej ntug dej xwb, nws tsis txhoj puab thiab tsiv).

Nyob zoo Cov Phooj Ywg sawv daws,

Thov peb sawv daws txhob xav ntau txog daim video no, tej zaum yog lawv muab ua photoshop xwb, vim tiam neej no neeg keej heev lawm. Pev yauv tau ua ib co neeg muaj tswv yim me ntsis...

**Maiv Tooj** 22nd March 2013, 8:19 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°48

Re: Txiv Vaj Qhia Npes Nes Div XVI tso tes hauj lwm tseg.

Maiv Tooj 22nd March 2013, 8:19 am

Nyob zoo XH.Npuag Tub,

Qhov xob tua Tuam Tsev teev Ntuj Leej Ntshiab Pob Zeb, tsis yog lawv lam dhos video, muab photoshop ua xwb. Yog tiag tiag mas, thaum ntawd yeej tshaj tawm xov xwm thoob plaws ntiaj teb. Lawv thaij tau, vim Vaj Qhia Npes Nes Div tab tom tshaj tias nws yuav tso Koom Txoos tes dej num tseg no ces cov Tub Xov Xwm thiaj li nyob rawv tim Vas Tis Kaas, thaum xob tua thiaj li thaij tau, yog tua ob zaug tib qho chaw es lawv thiaj li thaij tau zaum ob.

**Maiv Tooj** 22nd March 2013, 8:24 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°49

Re: Txiv Vaj Qhia Npes Nes Div XVI tso tes hauj lwm tseg.

Maiv Tooj 22nd March 2013, 8:24 am

LUB CIM NTXUAV KO TAW.

Hnub 5 Ntshiab yog hnub ua lub cim ntxuav ko taw. Txiv Vaj Qhia Fas Las Xiv Xaws Kos yuav mus ua thaj Txiv Ntuj ntxuav ko taw hauv ib lub tsev loj faj rau cov me nyuam tsis tau muaj hnub nyug. Txiv Vaj Qhia yeej txeev mus ua lub Txoos Hnub Tsib Ntshiab rau hauv cov Tsev Loj faj, tsev laus, Tsev Kho mob los yog hauv cov Koom Haum neeg txom nyem.

**Ntxhuav Mom Xyooj** 22nd March 2013, 10:26 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°50

Re: Txiv Vaj Qhia Npes Nes Div XVI tso tes hauj lwm tseg.

Ntxhuav Mom Xyooj 22nd March 2013, 10:26 am

Nyob zoo XH. Npuag Tub thiab Maiv Tooj

Ua li neb puas paub tias thaum xob tua lub tuam tsev teev ntuj tid ua li puas muaj kev puas ntsoog ab tsi thiab puas ua rau lub tsev khis thiab ntuag ib qho qhov twg li?

Kuv tus kheej kuv xav tias thaum xob tua tas yog tsis pom ib qho puas ntsoog li mas yog Tswvntuj los nrog peb lub Koom Txoos Kav tos liv nyob
nraim. Tswvntuj tsis tso peb pov tseg.

Hos yog yeej puas ntsoog me ntsis thiab no ntshe yog nyob hauv peb lub Koom Txoos Kas Tos Liv peb tau ua ib qho tsis ntxim Tswvntuj siab lawm xwb.

Hos hais txog cov noog dej(seago) tom txiv Vaj qhia cov nquab ntawd mas
hom noog dej ntawd kuv yeej pom dua lawm yeej tom cov Os kaus ncauj liaj nyob tom hiav txwv lawm. Thaum cov Os kaus ncauj liab ntawd ya plaws ces cov niag noog dej ntawd yeej ya npho mus txais nkaus tom kiag
tau nqa mus noj lawm ntag.

Txhob ntaus siab me nawv mog cov kwv tij phooj ywg sawv daws, peb yeej nyob rau tiam kawg lawm. Tsis muaj ib haiv neeg twg uas tsis paub txog
Yesxus lub MOO ZOO li. Txawm tias cov Qhab liab qab nyob tom hav zoov los twb paub tias muaj Yesxus lawm. Thaum Yesxus lub Moo Zoo no nrov mus thoob txhua haiv neeg lawm ces Tswvntuj yog tus ncaj ncees tshaj.
Tswvntuj tsis yog qhia cov neeg txawj ntse paub txog nws xwb. Tswvntuj qhia txhua haiv neeg cov tsis tau paub kev vam meej kom paub txhua. Ces
lwm hnub thiaj li tsis muaj chaw tib.

Tej yam xwm txawv txawv tshwm sim tuaj li ntawd, peb txhob poob siab.
Peb yim huab nyob nruaj nreb hauv txoj kev ntseeg txog Yesxus mus li.

Ntxhuav Mom Xyooj