Zov Hmo tos Yesxus sawv rov los Lisieux 2012 ( Leej Ntshiab Thérèse)

**Maiv Paj Lug** 9th April 2012, 8:06 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 9th April 2012, 8:06 am

Nyob zoo ib tsoom kwv tij phoojywg, kuv tau mus ob peb hnub tsis tau tuaj saib nej yog kuv mus ua kev zoo siab zov hmo tos Yesxus Sawv rov los nyob Lisieux lawm. Xyoo no kuv muaj kev kaj siab thiab zoo siab, vim yog thawj zaug kuv mus txog Leej Ntshiab Thérèse qhov chaw, kuv mus nyob tau peb hnub hauv Foyer Louis et Zélie Martin yog Leej Ntshiab Thérèse niam thiab txiv qhov chaw tos txais qhua.

Kuv tau nrog ib tsoom neeg thoob ntuj tuaj zov hmo, tau mus ncig xyuas Leej Ntshiab Thérèse qhov chaw nyob, paub Leej Ntshiab Thérèse zoo dua qub, thiab kuv zoo siab txais txiaj ntsim ntau yam nyob Lisieux.

Kuv tau ntsib neeg coob tuaj teb chaws Usa, teb chaws Iran, teb chaws Africa, teb chaws Fab Kis thiab lwm qhov tuaj, kuv yog ib tug Hmoob mus xwb ces muaj neeg coob leej xav paub txog kuv, lawv caw kuv mus hu ib txoj nkauj teev ntuj ua lus Hmoob, kuv kuj mus hu tau ib txoj nkauj Ave Maria ua lus Hmoob rau cov neeg tuaj thoob ntuj tuaj mloog, kuv ib leeg xwb mas kuv tshee kawg tiam sis muaj Niam Mab Liab , muaj Leej Ntshiab Thérèse thiab muaj Huab Tais Yesxus txhawb kuv lub zog, kuv kuj hu tau nkauj raws sawv daws nyiam thiab qhuas, kuv thov kom sawv daws thov ntuj rau kuv haiv Hmoob uas nyuam qhuav los paub Yesxus muaj 60 xyoo , lawv sawv daws zoo siab thov ntuj rau peb haiv Hmoob nrog kuv ua ke.

LISIEUX VEILLER PASCAL 07-08 /04/ 2012

Thawj hnub mus txog lub tuam Tsev Teev Ntuj loj thiab qhov chaw kuv yuav mus so ob hnub Foyer Louis et Zélie Martin.

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0825

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0825

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0911

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0910

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0826

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0827

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0828

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0829

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0830

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0912

Zov Hmo tos Yesxus sawv rov los Lisieux 2012 ( Leej Ntshiab Thérèse) Dscf0913

ib chim khoom mam tso duab ntxiv

Zov Hmo tos Yesxus sawv rov los Lisieux 2012 ( Leej Ntshiab Thérèse) Maypa110

Pab kuv rov los cuag koj Huab Tais Yesxus

**Maiv Tooj** 9th April 2012, 10:13 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Tooj 9th April 2012, 10:13 am

Nyob zoo Maiv Paj Lug,

Yog ib qho koob hmoov zoo uas nws tau mus hu ib zaj nkauj Hmoob rau ntau haiv neeg hnov. Peb txawm yog ib haiv neeg me nyob rau ntiaj teb no xwb los peb yeej yog ib haiv neeg loj nyob ntawm Tswv Ntuj xub ntiag ib ym li luag tej thiab. Ua tsaug ntau rau nws lub laj lim uas muaj peev xwm coj peb lub npe Hmoob mus rau luag paub thiab tseem kom lawv pab thov Ntuj rau peb haiv Hmoob thiab. Ua tsaug ntau.

**Tub Kawm** 9th April 2012, 11:36 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°3

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Tub Kawm 9th April 2012, 11:36 pm

Nyob zoo Maiv paj thiab N.hlob, Mp kuv Zoo siab hais tias Nws tau mus nrog lawv koom zov hmo tos HT Yes xus sawv rov los og. Yog ib lub koob hmoov loj kawg uas Nws tau mus nrog luas lwm haiv neeg ua lub Koob Tsheej nco txog Yes xus yeej txoj kev tuag sawv rov los lawm. Maiv paj Nws mas muaj peev xwm kawg li ib sij huam ib sij huam tau mus nrog luas pej kum neeg ua hauj lwm thiab qhia peb hmoob kab li lev cais rau luas, thiab thov kom luas txhawb peb hmoob luj neej ntseeg kom vam meej og. Thov qhua nws thiab ua tsau ntau rau Nws og nwb. Kawv no thov kom HT Ntuj xa Nws Leej Tswv Yim Ntshiab los txhawb nws kom nws rau siab tshaj Peb haiv hmoob poob qab txoj kev ntseeg rau luas pej kum neeg paub og. Nyob zoo

**Maiv Tooj** 10th April 2012, 3:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Tooj 10th April 2012, 3:54 am

Nyob zoo tub Txawj Tuam,

Leej Ntshiab Thérèse de Lisieux yog ib tug Leej Ntshiab hluas thiab muaj hwj huam heev, nws yog tus Leej Ntshiab uas thaum Marcel Van tseem ua neej nyob, Van nyob Cob Tsib Qaum teb, nws yog me nyuam hluas xwb, Leej Ntshiab Thérèse tuaj xyuas nws, hais Ntuj Lus rau Van (tuaj raws lub tswv yim), Van thiaj li muaj cuab kav tiv tag nrho tej teeb meem txhua yam thaum lub teb chaws nchuav, thiab tuaj yeem muab txoj sia mus raug tsim txom yam tsis xav kev tau zoo. Nws twb khiav mus txog yav Qab teb, tab sis nws txiav txim siab rov mus rau yav Qaum teb, mus pab cov neeg uas vam txog nws. Daim duab uas nej pom Marcel Van ev ib lub poob puab me me nraum nraub qaum yog thaum nws tab tom sawv kev yuav rov mus rau Cob tsib Qaum teb, yog txoj kev uas nws taug tsis rov qab.

**Ntxhuav Mom Xyooj** 10th April 2012, 5:42 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°5

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Ntxhuav Mom Xyooj 10th April 2012, 5:42 am

Nyob zoo Maiv Tooj thiab Maiv Paj Lug
Ua tsaug ntau uas neb tseem tso tau cov duab rau peb saib thiab tham txog
cov leej ntshiab rau peb paub. Maiv Paj Lug nws muaj peev xwm kawg nws
tseem mus hu ib zaj nkauj Hmoob nrog lwm haiv neeg nws ib leeg xwb. Yog
kuv mus hu li nws tas mas ntshe kuv yuav tawm ib ce hws. Pom cov tsev teev ntuj mas zoo nkauj kawg, ua tsaug ntau os Maiv Paj Lug thiab Maiv Tooj. Xyoo 2007 kuv tuaj tim Fabkis kuv tau mus xyuas leej ntshiab
Bernadette lub cev uas lawv muab lum rau hauv ib lub hleb iav cia neeg mus
saib. Lub nroog ntawd kuv tsis nco qab npe lawm, tab sis kuv pom muaj cov
tsev teev ntuj mas zoo nkauj kawg thiab ntxim li yuav khov heev.

Nyob zoo rau nej txhua leej ntawm peb txhua tus muaj yeej nrog HT. Yesxus
tau sawv hauv qhov tuag los lawm.

sib ntsib dua.

**Maiv Paj Lug** 10th April 2012, 7:54 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°6

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 7:54 am

Ntxhuav Mom Xyooj wrote:Nyob zoo Maiv Tooj thiab Maiv Paj Lug
Ua tsaug ntau uas neb tseem tso tau cov duab rau peb saib thiab tham txog
cov leej ntshiab rau peb paub. Maiv Paj Lug nws muaj peev xwm kawg nws
tseem mus hu ib zaj nkauj Hmoob nrog lwm haiv neeg nws ib leeg xwb. Yog
kuv mus hu li nws tas mas ntshe kuv yuav tawm ib ce hws. Pom cov tsev teev ntuj mas zoo nkauj kawg, ua tsaug ntau os Maiv Paj Lug thiab Maiv Tooj. Xyoo 2007 kuv tuaj tim Fabkis kuv tau mus xyuas leej ntshiab
Bernadette lub cev uas lawv muab lum rau hauv ib lub hleb iav cia neeg mus
saib. Lub nroog ntawd kuv tsis nco qab npe lawm, tab sis kuv pom muaj cov
tsev teev ntuj mas zoo nkauj kawg thiab ntxim li yuav khov heev.

Nyob zoo rau nej txhua leej ntawm peb txhua tus muaj yeej nrog HT. Yesxus
tau sawv hauv qhov tuag los lawm.

sib ntsib dua.

Ntxuav Mom, Leej Ntshiab Bernadette yog tus koj mus saib nws, peb twb tso nws keeb kwm rau hauv no thiab, yog koj xav rov qab nyeem kom nco tau me ntsis tej chaw koj tuaj ncig xyuas, caw koj mus nyeem thiab saib duab tau : https://hmongcatholique.forumdediscussions.com/t30-sau-siab-mus-ncig-xyuas-leej-ntshiab-bernadette

Hais txog kev mus sau siab hu nkauj Teev Ntuj lus Hmoob rau lwm haiv neeg mloog mas yog yus ib leeg yus yeej tshee tsawv thiab tu siab tias cas tsis muaj Hmoob coob leeg me ntsis kom thiaj txaus lwm haiv pom ,mloog thiab nrog yus zoo siab, thaum twg kuv tawm rooj mus sau siab cuag Tswv Ntuj tsis pom muaj Hmoob li , tsawg zaus thiaj tau nrog Maiv Tooj ua ke xwb.

Nyob Fab Kis Teb Hmoob sawv saub coob li coob,tus hais li cas los muaj tas, tiam sis thaum twg yog mus ua Txoos Teev Ntuj mas tsis pom Hmoob.

Pab kuv rov los cuag koj Huab Tais Yesxus

**Maiv Paj Lug** 10th April 2012, 8:08 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°7

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 8:08 am

Maiv Tooj wrote:

Nyob zoo Maiv Paj Lug,

Yog ib qho koob hmoov zoo uas nws tau mus hu ib zaj nkauj Hmoob rau ntau haiv neeg hnov. Peb txawm yog ib haiv neeg me nyob rau ntiaj teb no xwb los peb yeej yog ib haiv neeg loj nyob ntawm Tswv Ntuj xub ntiag ib ym li luag tej thiab. Ua tsaug ntau rau nws lub laj lim uas muaj peev xwm coj peb lub npe Hmoob mus rau luag paub thiab tseem kom lawv pab thov Ntuj rau peb haiv Hmoob thiab. Ua tsaug ntau.

Maiv Tooj, xyov li tiag, cas kuv mus txog twg pheej muaj neeg txib kuv txog ntawv, ua li kuv hais rau koj thaum wb mus pem T.P Cwj VuamChiv, Tswv ntuj txawj txawj txib yus ua hauj lwm tsis tseg. Yus tias yus mus xyuas xwb, thaum mus txog lawm pheej muaj sij hawm rau lwm haiv neeg xav nug thiab xav hnov yus. Kuv zoo siab kawg uas coob leej ntau tus hnov txog peb haiv Hmoob lawv zoo siab nrog peb ib haiv neeg tsawg tsawg kuj los cuag Tswv ntuj lawm thiab, zoo li ib pab yaj los ntxiv, muaj neeg hais li ntawv rau kuv.

Pab kuv rov los cuag koj Huab Tais Yesxus

**Maiv Paj Lug** 10th April 2012, 8:15 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°8

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 8:15 am

Txawj Tuam wrote:Nyob zoo Maiv paj thiab N.hlob, Mp kuv Zoo siab hais tias Nws tau mus nrog lawv koom zov hmo tos HT Yes xus sawv rov los og. Yog ib lub koob hmoov loj kawg uas Nws tau mus nrog luas lwm haiv neeg ua lub Koob Tsheej nco txog Yes xus yeej txoj kev tuag sawv rov los lawm. Maiv paj Nws mas muaj peev xwm kawg li ib sij huam ib sij huam tau mus nrog luas pej kum neeg ua hauj lwm thiab qhia peb hmoob kab li lev cais rau luas, thiab thov kom luas txhawb peb hmoob luj neej ntseeg kom vam meej og. Thov qhua nws thiab ua tsau ntau rau Nws og nwb. Kawv no thov kom HT Ntuj xa Nws Leej Tswv Yim Ntshiab los txhawb nws kom nws rau siab tshaj Peb haiv hmoob poob qab txoj kev ntseeg rau luas pej kum neeg paub og. Nyob zoo

Nyob zoo Txawj Tuam, ham tsis yog li koj hais lawm os, ib sij huam ib sij huam tawm rooj tas li, tiam sis lub sij hawm tawm rooj los tseem yog qee kiag yus lub sij hawm hauj lwm mus xwb thiaj tau tawm rooj, yog yus tseem khuv xim hauj lwm thiab ces yeej tsis tau mus li os.

Txawj Tuam lub tsev kuv mus so, yog cov ntxhais Cob Tsib kawm ua phauj tuav, thaum mus kuv pom lawv kuv nco txog nej txhua tus nyob Cob Tsib kawg li.

Pab kuv rov los cuag koj Huab Tais Yesxus

**Maiv Paj Lug** 10th April 2012, 8:49 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°9

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 8:49 am

TEEV NTUJ ZOV HMO

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0910

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0911

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0912

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0913

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0914

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0915

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0916

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0917

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0918

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0919

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0920

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0921

Pab kuv rov los cuag koj Huab Tais Yesxus

**Maiv Paj Lug** 10th April 2012, 9:09 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°10

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 9:09 am

HNUV CHIV YESXUS YEEJ TXOJ KEV TUAG SAWV ROV LOS

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0922

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf0923

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1010

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1011

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1012

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1013

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1014

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1015

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1016

Pab kuv rov los cuag koj Huab Tais Yesxus

**Maiv Paj Lug** 10th April 2012, 9:29 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°11

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 10th April 2012, 9:29 am

HNUB MONDAY NTSHIAB

Ua ntej kuv yuav sawv kev rov los tsev, kuv mus ncig xyuas Leej Ntshiab Thérèse ua ntej

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1017

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1017

Kuv tsis tuag, kuv mus rau txoj sia

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1018

Tim 10 lub 8hli,
Yog nej paub txog lub tswv yim qias neeg uas los mooj kuv,
Nco ntsoov thov Ntuj rau kuv,
Kom kuv tsis txhob mloog dab phem tej kev haub ntxias.
Yog ib qho cuab tam phem tshaj uas los mooj kuv lub tswv yim.

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1110

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1110

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1111

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1019

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1020

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1112

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1113

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1114

Zov Hmo tos Yesxus sawv rov los Lisieux 2012 ( Leej Ntshiab Thérèse) _scf1115

Pab kuv rov los cuag koj Huab Tais Yesxus

**Maiv Tooj** 10th April 2012, 6:27 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Tooj 10th April 2012, 6:27 pm

Nyob zoo Maiv Paj Lug,

Peb Hmoob txoj kev ntseeg feem coob ces zoo li Zaj Lus "cov noob zaub uas tseb rau ntawm ntug kev" xwb tiag, tos nws mus txog qhov twg los tssi pom Hmoob mus.

(Co noob poob ntawm ntug kev
= Yog cov uas hnov Tswv Ntuj cov lus, tab sis dab phem los ntxias lawv, los muab Tswv Ntuj cov lus tshem hauv lawv lub siab tawm. Ces thaum txog tej lub caij nyuaj, lawv cia li tso lawv txoj kev ntseeg pov tseg. Kom lawv txhob tau txoj kev Cawm.)

Maiv, yog nws xyeej no pab txhais Leej Ntshiab Thérèse de Lisieux lub neej me ntsis rau peb paub, vim nws yog ib tug Leej Ntshiab loj thiab muaj txiaj ntsim heev rau Tiam 20 no.

**Mim** 11th April 2012, 4:48 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°13

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Mim 11th April 2012, 4:48 am

Nyob zoo Maiv Paj Lug,

Nrog koj zoo siab heev uas koj tau mus koom nrog lawv zov hmo tos HT Yes Xus sawv rov los nyob Lisieux. LN Therese yog ib tug LN muaj lub siab xav mus tshaj lub Moo Zoo rau lwm teb chaws, tiam sis nws xaiv ib lub neej twj cuab nyob xais ntshis tsis muaj neeg paub txog. Nws txoj kev tshaj lub Moo Zoo yog tshaj nyob hauv txoj kev nyiam Tswv Ntuj hauv tej yam me me hauv yus lub neej niaj hnub xwb. Yog ib txoj hmoov zoo uas koj tau mus pom nws tej qub chaw teev ntuj thiab ua neej. Koj zoo li lub noob nplej muaj kev ntseeg, koj mam li coj los ua kom tawg paj txi txiv kev ntseeg ntau ntau pub rau peb cov Hmoob os nawb.

**Ntxhuav Mom Xyooj** 11th April 2012, 5:31 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°14

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Ntxhuav Mom Xyooj 11th April 2012, 5:31 am

Nyob zoo Maiv Paj Lug
Hais txog Hmoob sawv saub coob mas tim USA mas haj yam coob. Hmong cov pojniam thiab txiv neej txawj ua saub tas tus, txawj ua neeb tib si. Kuv muajob peb tug kwv tij nyob rau Fresno California nrad mus kawm cov ntawv Hmoob Phab Haub uas yog Yaj Soob Lwj tsim ces cia li ua saub vwm li. Lawvmuaj ib txhia cia li hais tias America teb yuav kub nyiab ces lawv cia likhiav rov mus nyob rau Thaib teb lawm. Xyoo 2011 cob rau 2012 kuv mus xyuas Hmoob tsiab 30 nram Fresno California kuv 2 niag kwv tij nrad tseemtham hais tias nyob rau Fresno yuav yog ib lub pas dej ntsuab xiab txij lub nroog Merced mus ti nkaus rau nroog Bakerfield no ces lawv tseem yuavnpaj khiav los mus nyob rau lub nroog Sacramento. Lawv tseem hais rau kuv tias kom kuv txhob ntseeg ntseeg Yesxus, kom cia li los nrog lawv ua ib pab Hmoob tus vaj twb yuav nqis los. Yesxus ces twb tag zim txwv rau xyoo2000 lawm. Muaj ntau pab ntau pawg kawg cov saub vwm, muaj qee pab mas lawv yeej yog teev kiag tus yawm ntxwg kiag. Thaum lawv muaj ib tug neeg tuag mas lawv tsis tshuab qeej ntaus nruas li cov coj kev cai poj yawm thiab lawv tsis tua nyuj tua twm ntau ntau
li qub lawm. Muaj ib tug hu ua Zeb Lauj nyob hauv peb lub Koom Txoos Kas
Tos Liv nram Fresno yog tus tawm mus teev kiag yawm ntxwg nyoog ntag. Tam sim niaj hnub no nws txawj piav ntau tsav ntau yam kawg, txawj saib
hnub xam nyoog kawg.

Maiv Paj Lug txawm tias nws mus sau siab es tsis muaj Hmoob tuaj koom los txhob poob siab kom nws nco txog zaj nkauj hais tias:
KUV TAU TXIAV TXIM SIAB CIA LOS RAWS YESXUS'

Lub caij no ze li HT. Yesxus hais lawm tiag caw nej mus nthuav ntawv
saib hauv MAS TAIS: 24, 4-14 thiab 24, 15-24.

Ua tsaug ntau

Ntxhuav Mom Xyooj

**Maiv Tooj** 11th April 2012, 9:34 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°15

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Tooj 11th April 2012, 9:34 am

Nyob zoo sawv daws,

Kwv Ntxhuav Mom Xyooj,

Cas nws hais txaus ntshai ua luaj li...! Zaum no cov neeg Sawv saub mas coob tiag tiag li yam txaus ntshai. Thaum ub yeej muaj sawv saub, ua Niam txiv, Sawv Niam Toj Txiv Toj tab sis yeej huj sim, zaum no mas coob tiag tiag li. Cov ua ua saub nrog Tswv Ntuj kev ntseeg Yes Xus Catholic los muaj, cov ua ua suab nrog kev ntseeg Yes Xus xyaw kev teev dab nrog rau lwm yam los muaj li. Cov neeg nov mas lawv tseem khav tias lawv cuag tau Ntuj cuag tau dab tib si mas lawv loj heev lawm. Muaj ib tug Hmoob Yaj, thaum ub nws kuj yog ib tug coj ntawm ib pawg ntseeg Catholic, zaum no nws mua sawv saub, saub vwm saub pam neej pam dab, nrog cov ciaj thiab cov tuag sib tham tau sab npais no mas nws tseem muaj cuab kav hais tias nws yog tus Yes Xus Hmoob, thaum nws yuav los yug ua neeg, nws hais li cas los Tswv Ntuj tsis pub nws los yug ua neeg li, thaum nws hais tias nws yuav yug los pab kho mob rau Hmoob no mas tswv Ntuj thiaj tso nws los yug. Zaum no mas nws xav nrog Nais Phoo Vaj pov tham thaum twg los yeej tau li no. Nws hais tias nws tau Qaum Ntuj tus xov tooj ntawm tes tib si yuav hu mus nrog Ntuj tham thaum twg los yeej tau... Rolling Eyes

(tab sis Ntuj tus xov tooj ntawm tes nws hais nov yog ib tug poj saub nyob Fab kis teb tus xwb). Tus yawg no nws cab tau neeg coob zuj zus mus vwm nrog nws lawm. Tej tug txiv neej yawg ntse ntsuav, cas cia li tso kev ntseeg tseg mus raws yawg ntawd lawm thiab. Yawg ntawd saib mob rau luag tej mas kom hlawv ntawv yaj khaum ceeb khaum txog txhiab pua lub xwb...

Ntshe yuav txog lub caij uas Huab tais Yes Xus yuav rov los txiav txim rau cov neeg ciaj neeg tuag los cas neeg yuav vwm txab vwm tshawv li!

Leej Ntshiab Thérèse de Lieux twb hais tias tos nws hnub nyug 15 xyoos xwb nws twb txiav txim siab mus ua Phauj kom tau thov Ntuj rau cov ntsuj plig uas yuam kev. Vim nws pom cov ntsuj plig uas poob rau dab phem teb mas poob cuag li thaum los daus es paj daus poob saum ntuj los (cov teb chaws uas tsis los daus, nej tsis tau pom dua ces daus poob cuag li nag poob).

**Maiv Paj Lug** 12th April 2012, 2:39 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°16

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 12th April 2012, 2:39 am

Ntxhuav Mom Xyooj wrote:Nyob zoo Maiv Paj Lug
Hais txog Hmoob sawv saub coob mas tim USA mas haj yam coob. Hmong cov pojniam thiab txiv neej txawj ua saub tas tus, txawj ua neeb tib si. Kuv muajob peb tug kwv tij nyob rau Fresno California nrad mus kawm cov ntawv Hmoob Phab Haub uas yog Yaj Soob Lwj tsim ces cia li ua saub vwm li. Lawvmuaj ib txhia cia li hais tias America teb yuav kub nyiab ces lawv cia likhiav rov mus nyob rau Thaib teb lawm. Xyoo 2011 cob rau 2012 kuv mus xyuas Hmoob tsiab 30 nram Fresno California kuv 2 niag kwv tij nrad tseemtham hais tias nyob rau Fresno yuav yog ib lub pas dej ntsuab xiab txij lub nroog Merced mus ti nkaus rau nroog Bakerfield no ces lawv tseem yuavnpaj khiav los mus nyob rau lub nroog Sacramento. Lawv tseem hais rau kuv tias kom kuv txhob ntseeg ntseeg Yesxus, kom cia li los nrog lawv ua ib pab Hmoob tus vaj twb yuav nqis los. Yesxus ces twb tag zim txwv rau xyoo2000 lawm. Muaj ntau pab ntau pawg kawg cov saub vwm, muaj qee pab mas lawv yeej yog teev kiag tus yawm ntxwg kiag. Thaum lawv muaj ib tug neeg tuag mas lawv tsis tshuab qeej ntaus nruas li cov coj kev cai poj yawm thiab lawv tsis tua nyuj tua twm ntau ntau
li qub lawm. Muaj ib tug hu ua Zeb Lauj nyob hauv peb lub Koom Txoos Kas
Tos Liv nram Fresno yog tus tawm mus teev kiag yawm ntxwg nyoog ntag. Tam sim niaj hnub no nws txawj piav ntau tsav ntau yam kawg, txawj saib
hnub xam nyoog kawg.

Maiv Paj Lug txawm tias nws mus sau siab es tsis muaj Hmoob tuaj koom los txhob poob siab kom nws nco txog zaj nkauj hais tias:
KUV TAU TXIAV TXIM SIAB CIA LOS RAWS YESXUS'

Lub caij no ze li HT. Yesxus hais lawm tiag caw nej mus nthuav ntawv
saib hauv MAS TAIS: 24, 4-14 thiab 24, 15-24.

Ua tsaug ntau

Ntxhuav Mom Xyooj

Maiv Tooj wrote:

Nyob zoo sawv daws,

Kwv Ntxhuav Mom Xyooj,

Cas nws hais txaus ntshai ua luaj li...! Zaum no cov neeg Sawv saub mas coob tiag tiag li yam txaus ntshai. Thaum ub yeej muaj sawv saub, ua Niam txiv, Sawv Niam Toj Txiv Toj tab sis yeej huj sim, zaum no mas coob tiag tiag li. Cov ua ua saub nrog Tswv Ntuj kev ntseeg Yes Xus Catholic los muaj, cov ua ua suab nrog kev ntseeg Yes Xus xyaw kev teev dab nrog rau lwm yam los muaj li. Cov neeg nov mas lawv tseem khav tias lawv cuag tau Ntuj cuag tau dab tib si mas lawv loj heev lawm. Muaj ib tug Hmoob Yaj, thaum ub nws kuj yog ib tug coj ntawm ib pawg ntseeg Catholic, zaum no nws mua sawv saub, saub vwm saub pam neej pam dab, nrog cov ciaj thiab cov tuag sib tham tau sab npais no mas nws tseem muaj cuab kav hais tias nws yog tus Yes Xus Hmoob, thaum nws yuav los yug ua neeg, nws hais li cas los Tswv Ntuj tsis pub nws los yug ua neeg li, thaum nws hais tias nws yuav yug los pab kho mob rau Hmoob no mas tswv Ntuj thiaj tso nws los yug. Zaum no mas nws xav nrog Nais Phoo Vaj pov tham thaum twg los yeej tau li no. Nws hais tias nws tau Qaum Ntuj tus xov tooj ntawm tes tib si yuav hu mus nrog Ntuj tham thaum twg los yeej tau... (tab sis Ntuj tus xov tooj ntawm tes nws hais nov yog ib tug poj saub nyob Fab kis teb tus xwb). Tus yawg no nws cab tau neeg coob zuj zus mus vwm nrog nws lawm. Tej tug txiv neej yawg ntse ntsuav, cas cia li tso kev ntseeg tseg mus raws yawg ntawd lawm thiab. Yawg ntawd saib mob rau luag tej mas kom hlawv ntawv yaj khaum ceeb khaum txog txhiab pua lub xwb...

Ntshe yuav txog lub caij uas Huab tais Yes Xus yuav rov los txiav txim rau cov neeg ciaj neeg tuag los cas neeg yuav vwm txab vwm tshawv li!

Leej Ntshiab Thérèse de Lieux twb hais tias tos nws hnub nyug 15 xyoos xwb nws twb txiav txim siab mus ua Phauj kom tau thov Ntuj rau cov ntsuj plig uas yuam kev. Vim nws pom cov ntsuj plig uas poob rau dab phem teb mas poob cuag li thaum los daus es paj daus poob saum ntuj los (cov teb chaws uas tsis los daus, nej tsis tau pom dua ces daus poob cuag li nag poob).

Nyob zoo Ntxhuav Mom thiab Maiv Tooj,

Hahahaha....kuv twb hais tias txhob luag lwm tus no los kuv npo tsis tau kuv qhov kev luag, kuv ke nyeem neb cov ntawv ke luag, kuv luag kuv xwb tsis yog luag cov neeg sawv saub, vim thaum ub kuv tsis tau paub Tswv ntuj zoo mas kuv cav yuav ntseeg cov niag neeg sawv saub vwm ntawv tsawm tsawd thiab. Tiam sis zaum no kuv tsis ntseeg cov neeg ntawv ib qho me me li lawm, kuv tsuas ntseeg Koos Txoos Kas Tos Liv nkaus lawm xwb thiaj tsis yuam kev.

Kuv mus sau siab nyob Lisieux Teev Ntuj zov hmo, kuv tau qhia peb haiv Hmoob rau cov neeg tuaj coob kawg, hnub tom qab muaj ob tug yawg Fab Kis, nkawv kuj tuaj so hauv lub tsev Foyer uas kuv so thiab, nkawv hais rau kuv tias, yog vim li cas peb Hmoob ho muaj kev ntseeg loj npaum li kuv es kuv puas ntseeg Boudha, vim nkawv ib tug ntawv yog neeg teev Boudha, nws nrog nws tus phoojywg tuaj sau siab tiam sis nws teev Boudha.

Kuv teb rau tus neeg teev Boudha ntawv hais tias: " Kuv hais ncaj rau koj nawb, cov neeg teev Boudha mas muaj sagesse ( = thoob tsib ), tiam sis Boudha txoj kev thoob tsib ntawv coj Boudha yuam kev rau txoj kev mus thawj thiab, vim Boudha ntseeg tias tuag yuav rov los thawj thiab ua dua neeg hauv ntiaj teb. Ntawm kuv tus kheej Boudha tsis yog qhov tseeb, tsis yog tus tseem Tswv Ntuj.

Tus yawg teev Boudha teb kuv tias : " Tiam sis Boudha twb muaj kev thoob tsib tob heev li es kuv puas paub ?".

Kuv teb nws tias : " Kuv paub kawg! Boudha ces thoob tsib npaum nkaus li Tswv Ntuj thawj tus Tshiab uas ntxeev siab rau Tswv ntuj ntag mas."

Nws tus phoojywg ntseeg Yesxus hais tias: " Koj pom lawm los? kuv hais koj tsis ntseeg cia seb tus me nyuam ntxhais ntawv hais kiag koj puas ntseeg. Ces peb sawv daws sawv mus noj hmo.

Pab kuv rov los cuag koj Huab Tais Yesxus

**Maiv Paj Lug** 12th April 2012, 2:55 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°17

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 12th April 2012, 2:55 am

Mim wrote:Nyob zoo Maiv Paj Lug,

Nrog koj zoo siab heev uas koj tau mus koom nrog lawv zov hmo tos HT Yes Xus sawv rov los nyob Lisieux. LN Therese yog ib tug LN muaj lub siab xav mus tshaj lub Moo Zoo rau lwm teb chaws, tiam sis nws xaiv ib lub neej twj cuab nyob xais ntshis tsis muaj neeg paub txog. Nws txoj kev tshaj lub Moo Zoo yog tshaj nyob hauv txoj kev nyiam Tswv Ntuj hauv tej yam me me hauv yus lub neej niaj hnub xwb. Yog ib txoj hmoov zoo uas koj tau mus pom nws tej qub chaw teev ntuj thiab ua neej. Koj zoo li lub noob nplej muaj kev ntseeg, koj mam li coj los ua kom tawg paj txi txiv kev ntseeg ntau ntau pub rau peb cov Hmoob os nawb.

Nyob zoo Niamlaus Mim,

Kuv zoo siab ntau rau koj cov lus hais zoo rau kuv os nawd, kuv xav kom kuv txawj tawg paj txi txiv es seb kuv puas yuav txi tau kev ntseeg loj thiab ruaj mus.

Niamlaus Mim, kuv nyiam tus LN Thérèse no kawg li, kuv mloog tau tias LN Thérèse tus yam ntxwv txheeb kuv dua, LN Thérèse txoj kev ntseeg yooj yim li kuv txoj xwb, nws tsis tau ua tej yam txiaj ntsim loj loj , LN Thérèse tsuas zoo li koj hais saum toj nod : "Nws txoj kev tshaj lub Moo Zoo yog tshaj nyob hauv txoj kev nyiam Tswv Ntuj hauv tej yam me me hauv yus lub neej niaj hnub xwb."

Li no LN Thérèse thiaj txheeb kuv dua, vim kuv muaj tej yam me me hauv kuv lub neej txoj kev ntseeg tuaj tshaj thiab xwb, kuv ntseeg lawm hais tias tsis tas peb yuav ua txhij ua txhua kom Tswv Ntuj pom los qhua peb thiaj tau txiaj ntsim, qhov peb yuav tau txiaj ntsim ces yog kiag li peb muaj thiab hlub xwb yeej tau lawm.

Leej Ntshiab Thérèse tsis tau ua tej yam loj loj, txoj kev nws tau ua LN, yog nws tso siab thiab nyiam Tswv ntuj xwb.

Pab kuv rov los cuag koj Huab Tais Yesxus

**Ntxhuav Mom Xyooj** 13th April 2012, 5:27 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°18

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Ntxhuav Mom Xyooj 13th April 2012, 5:27 am

Nyob zoo Maiv Paj Lug
Kuv nyiam koj cov lus teb rau tus yawg Fakis uas ntseeg Budda ntawd kawg,kuv thov qhuas nws. Nws muaj Tswvntuj leej tswv yim ntshiab nrog nraim nws, nws thiaj li teb tau sai sai thiab yog li nws hais lawm. Tus ntseegBudda ntawd yog nws txawj thim xav nws yuav tso txoj kev ntseeg Budda tsegnws yuav los cuag Huab Tais Yesxus thiaj yog txoj tseeb.

Cov saub cuav tshwm tuaj coob heev, peb cov uas ntseeg Yesxus yuav tau ceev faj tshaj plaws. Rau qhov muaj qee leej saub cuav txawj ua hwj huamyees ntxwv lawv muaj peev xwm txawj ua hwj huam ua rau cov neeg ntseeg nws tau thiab ua rau cov neeg ntuj xaiv yuam kev tau. Vim tias yuav muaj tej tus pleev cuav lawv yuav hais tias lawv yog Yesxus kiag los muaj.

Thov kom peb txhua leej cov uas tuaj sib ntsib hauv vas sab no ceev faj
rau cov saub cuav thiab ceev faj rau txhua fab kev haub kev ntxias, vim
tias peb nyob rau tiam uas Huab Tais Yesxus hais tias yuav muaj cov saub
cuav coob heev. Zaum no peb twb pom kiag thiab hnov kiag lawm, tej Huab
Tais Yesxus hais hais ntawd twb tshwm sim zuj zus li hais ntawd lawm.

Kuv muab ib sob lus xav los ntawm kuv tso rau nej txhua tus nyeem seb nej yuav txiav txim siab li cas?

Yog tias nyob nyob muaj tej tus neeg muaj hwj chim tshwm tuaj es nws muab Tswvntuj phau ntawv NTSHIAB los tso rau ntawd, es hais rau peb cov
uas ntseeg Yesxus tias kom peb cia li ntxub phau ntawv NTSHIAB thiab cia
li los nti qaub ncaug rau phau ntawv ntawd peb caj dab thiaj li yuav tsis tu. Thaum zoo li no lawm nej yuav txiav txim siab li cas?

Ua tsaug ntau.

Ntxhuav Mom Xyooj

**Maiv Tooj** 13th April 2012, 6:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°19

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Tooj 13th April 2012, 6:08 am

Kwv Ntxhuav Mom,

Thaum ntawd ces kuv thov kom HTN uas muaj hwj huam tas nrho pab cawm seb puas tau kuv, yog tsis tau los kuv cia lawv txiav kuv caj dab kav liam, vim twb tsis muaj qab hau dab tsi yuav nyob ntxiv lawm. Li cas los lub ntiaj teb no peb tsuas los hla ib lwm xwb, yuav tsis nyob ib txhiab ib txhid. Ntxov mus ntxov tau zoo, yog tseem nyob ntxiv thiab tsam ho ua txhaum ces ho yuav tsis tau mus saum Ntuj, yuav tau mus ua dab qheb rau dab tsim tag ib txhid ntshe thaum ntawd yus yuav khuv xim heev.

Kuv pom cov sawv saub tshiab no mas kuv tsis thuam lawv, vim lawv twb tsis paub tias lawv raug dab phem los tsav lawv lawm, lawv tseem zoo siab tias yog lawv muaj hwj huaj xwb no. Pom lawv mas tu siab kawg nkaus thiab rau siab thov Ntuj, teev Ntuj ntxiv kom HTN tsom kwm yus txhua lub sij hawm xwb.

**Ntxhuav Mom Xyooj** 15th April 2012, 7:38 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°20

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Ntxhuav Mom Xyooj 15th April 2012, 7:38 am

Nyob zoo Mai Tooj
Nws hais tau raws li kuv lub siab xav thiab tiag. Tos kuv ho muab sob lus hais li ntawd los tso rau hauv vas sab no los vim nyob hauv peb txoj kev
ntseeg Ntuj yeej muaj qauv tshwm sim los zoo li ntawd. Xws li thaum Huab Tai Yesxus raug luag ntes lawm es Pob Zeb twb tsis kam lees Yesxus 3 zaug
ua ntej qaij tsis tau qua thaum sawv ntxov. Kuv thiaj li muab sob lus hais li ntawd rau peb xav es thov nej zam txim rau kuv thiab. Vim peb txhua leej nyias muaj nyias kev ntseeg txawv nyias. Rau qhov muaj qeej leej kuj ntseeg Ntuj zoo tshaj plaws txog thaum kawg kiag yuav tuag no ho
tsis kam lees paub Tswvntuj li lawm.

**Maiv Paj Lug** 15th April 2012, 9:18 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°21

Re: Zov Hmo tos Yesxus sawv rov los Lisieux 2012 ( Leej Ntshiab Thérèse)

Post Maiv Paj Lug 15th April 2012, 9:18 am

Ntxhuav Mom Xyooj wrote:Nyob zoo Maiv Paj Lug
Kuv nyiam koj cov lus teb rau tus yawg Fakis uas ntseeg Budda ntawd kawg,kuv thov qhuas nws. Nws muaj Tswvntuj leej tswv yim ntshiab nrog nraim nws, nws thiaj li teb tau sai sai thiab yog li nws hais lawm. Tus ntseegBudda ntawd yog nws txawj thim xav nws yuav tso txoj kev ntseeg Budda tsegnws yuav los cuag Huab Tais Yesxus thiaj yog txoj tseeb.

Leej twg tau mus nkag rau hauv Boudha lawm tawm nyuaj os Ntxhuav Mom, Tus neeg twg teev boudha txhob nrog cam, cam ib hnub los yuav tsis tas, Boudha siv sagesse(wisdom) los cam yus , yog yus kev ntseeg me yus yeej ntseeg kiag boudha, li ntawv coob leej ntau tus sab as xias, lawv teev boudha loj heev, kuv yeej tsis nrog lawv tham, tsuas yog thaum tus yawg saud nug kiag kuv ces kuv thiaj teb kiag qhov tsawg uas kuv paub rau nws tsis pom qab teb kuv xwb, tus yawg saud twb tsis paub Tswv Ntuj tus Tshiab ntxeev siab rau Tswv Ntuj xyov yog leej twg, ces nws thiaj tsum.

Ntxhuav Mom Xyooj wrote:

Cov saub cuav tshwm tuaj coob heev, peb cov uas ntseeg Yesxus yuav tau ceev faj tshaj plaws. Rau qhov muaj qee leej saub cuav txawj ua hwj huamyees ntxwv lawv muaj peev xwm txawj ua hwj huam ua rau cov neeg ntseeg nws tau thiab ua rau cov neeg ntuj xaiv yuam kev tau. Vim tias yuav muaj tej tus pleev cuav lawv yuav hais tias lawv yog Yesxus kiag los muaj.

Thov kom peb txhua leej cov uas tuaj sib ntsib hauv vas sab no ceev faj
rau cov saub cuav thiab ceev faj rau txhua fab kev haub kev ntxias, vim
tias peb nyob rau tiam uas Huab Tais Yesxus hais tias yuav muaj cov saub
cuav coob heev. Zaum no peb twb pom kiag thiab hnov kiag lawm, tej Huab
Tais Yesxus hais hais ntawd twb tshwm sim zuj zus li hais ntawd lawm.

Ua tsaug koj cov lus tshaj kom peb txhua tus ceev faj, peb lub hom phiaj kev Ntseeg Ntuj tuaj sib ntsib rau vas sab Hmoob Kas Tos Liv hauv no yeej yog tuaj sib pab sib qhia thiab sib kawm kom muaj kev ntseeg nruaj txhob yuam kev, txhob thim rov qab thiab txhob tso peb txoj kev ntseeg Koos Txoos Kas Tos Liv tseg. Txawm yuav nyuaj npaum twg, cia peb tuaj sib pab, sib txhawb thiab sib qhia kom txhob qaug.

Ntxhuav Mom Xyooj wrote:
Kuv muab ib sob lus xav los ntawm kuv tso rau nej txhua tus nyeem seb nej yuav txiav txim siab li cas?

Yog tias nyob nyob muaj tej tus neeg muaj hwj chim tshwm tuaj es nws muab Tswvntuj phau ntawv NTSHIAB los tso rau ntawd, es hais rau peb cov
uas ntseeg Yesxus tias kom peb cia li ntxub phau ntawv NTSHIAB thiab cia
li los nti qaub ncaug rau phau ntawv ntawd peb caj dab thiaj li yuav tsis tu. Thaum zoo li no lawm nej yuav txiav txim siab li cas?

Ua tsaug ntau.

Ntxhuav Mom Xyooj

Ntxuav Mom koj qhaub lus nug mas yog ib qhaub lus nyuaj thiab txaus nsthai kawg nkaus, yus tus kheej yeej xav tias yus xum tuag li LN Pob Zeb hais rau Yesxus ntag, vim tiam sij hawm no tsuas yog lus nug xwb, yog thaum muaj tseeb thiab txog kiag lawm, ntshe yus yuav raug dab ntxwj nyoog ntxias li LN Pob Zeb, yus yuav tshee tshee thim ib nrab los muaj.

Yog li no mas niaj hnub peb thiaj thov ntuj kom peb txhob thim txoj kev ntseeg thaum peb raug ntxias, yog thaum peb zog qaug peb yuav swb, thov Tswv ntuj tuaj rub peb ua ntej peb yuav ua txhaum .

Yog peb kawm txog cov Leej Ntshiab lub neej, yuav pab tau peb pom tias cov Leej Ntshiab yeej txoj kev tuag tsis thim Tswv Ntuj txog thaum tuag kiag.

Ntawm kuv tus kheej kuv yuav tsis thim thiab nto Tswv Ntuj phau Ntawv Ntshiab, yog lawv tua kuv, kuv xum tuag, tuag daim tawv txoj sia tsis tuag, kuv yuav thov Tswv Ntuj pub kom kuv txoj kev tuag ua ib qho txiaj ntsim rau cov neeg tom qab.

Pab kuv rov los cuag koj Huab Tais Yesxus