COV ZAJ NYEEM NRUAB LIS PIAM 2012

**Mim** 26th May 2012, 4:40 am

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°51

Re: COV ZAJ NYEEM NRUAB LIS PIAM 2012

Post Mim 26th May 2012, 4:40 am

Tim 26 lub 5 hlis 2012 Xyoo B

Hauj Lwm 28: 16-20 + 30-31

16 Thaum peb tuaj txog hauv Los Mas lawm, mas lawv cia Paj Lug nws nyob nws hauv ib lub tsev, tsuas muaj tus tub rog uas zov nws nrog nws nyob xwb. 17 Peb hnub tom qab, Paj Lug nqua hu cov thawj coj Yus Das hauv lub nroog tuaj sib txoos ua ke. Thaum lawv tuaj txog tas, Paj Lug hais rau lawv tias : "Kwv tij, kuv tsis tau ua dab tsi txhaum peb haiv neeg, los txhaum peb cov yawg koob tej kev cai, tsis kav lawv ntes kuv nyob Yes Lus Xas Les, thiab lawv muab kuv rau cov Los Mas. 18 Thaum cov Los Mas tshuaj lus tas, lawv xav tso kuv mus, vim kuv tsis tau ua dab tsi txaus ris lub txim tuag. 19 Tab sis cov Yus Das tsis kam tso kuv, mas kuv thiaj tau hu txog Xes Ntxas pab, tsis yog kuv xav liam dab tsi rau kuv haiv neeg. 20 Vim li no, mas kuv thiaj xav ntsib nej thiab nrog nej tham tias yog vim His Xas Lais txoj kev tso siab, mas kuv thiaj li raug txoj saw no khi."
30 Paj Lug nyob tau ob xyoos nkaus hauv lub tsev uas nws ntiav. Nws txais cov neeg uas tuaj xyuas nws tas huv tib si. 31 Nws tshaj cov lus txog Tswv Ntuj lub Ceeb Tsheej, thiab qhia txog Huab Tais Yes Xus Pleev. Nws tso siab lug qhia, tsis muaj leej twg txwv nws li.

Zam 21: 20-25

20 Pob Zeb tig ntsia tom qab, nws pom tus thwj tim uas Yes Xus nyiam lawv nkawd qab. Yog tus uas thaum lawv noj hmo, nws tig mus pheeb rau ntawm Yes Xus hauv siab, thiab nug tias : 'Huab Tais, tus muab koj rau luag yog leej twg?'. 21 Pob Zeb pom tus thwj tim ntawd, Pob Zeb hais rau Yes Xus tias : "Huab Tais, tus ntawd ned ?" 22 Yes Xus hais rau Pob Zeb tias : "Yog kuv xav kom nws nyob mus txog hnub kuv rov los kuj xij, tsis yog koj hauj lwm. Hos koj, mas koj raws kuv mus." 23 Lo lus no ncha mus hauv cov kwv tij tias : 'Tus thwj tim ntawd yuav tsis tuag.' Tab sis Yes Xus tsis tau hais rau Pob Zeb tias : 'Nws yuav tsis tuag', Yes Xus tsuas tau hais tias : 'Yog kuv xav kom nws nyob txog hnub kuv rov los, kuj xij' no xwb.
24 Yog tus thwj tim ntawd ua tim khawv txog tej xwm no thiab yog nws muab sau cia. Peb paub tias nws cov lus ua pov thawj muaj tseeb. 25 Tseem tshuav ntau yam kawg uas Yes Xus tau ua, yog yuav sau ib yam zuj zus tas huv tib si, mas kuv xav tias lub ntiaj teb yuav ntim tsis tas cov ntawv uas sau txog nws tej hauj lwm.

**Mim** 28th May 2012, 8:56 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°52

Re: COV ZAJ NYEEM NRUAB LIS PIAM 2012

Post Mim 28th May 2012, 8:56 am

Tim 28 lub 5 hlis 2012 Xyoo B

1 Pob Zeb 1: 3 - 9.

3 Peb cav lus zoo txog Tswv Ntuj, uas yog peb tus Huab Tais Yes Xus Pleev Leej Txiv. Leej Txiv lub siab khuv leej neeg kawg, nws thiaj ua kom peb rov yug los tshiab, thiab muaj chaw tso siab nyob hauv Yes Xus Pleev txoj kev sawv ntawm cov tub tuag rov los. 4 Tswv Ntuj xav pub lub cuab tam uas tsis txawj lwj, tsis tsuas, thiab tsis txawj nphob rau peb. Tswv Ntuj tshwj zias lub cuab tam ntawd rau peb nyob saum Ntuj. 5 Yog vim nej ntseeg, mas Tswv Ntuj lub hwj huam thiaj txuag nej, kom nej tau txais txoj kev cawm neeg, uas yuav tawm tuaj hnub kawg. 6 Vim tej ntawd, mas tab nej txawm raug txom nyem, nej muaj kev tu siab, los nej raug sim siab ib ntus ntxiv, los nej tseem zoo siab luag ntxhwb ntxhi. 7 Ntuj sim nej txoj kev ntseeg zoo li luag sim tej kub txawj puas nyob hauv hluav taws. Nej txoj kev ntseeg muaj nqi dua kub, hnub Yes Xus Pleev yuav los, mas Ntuj yuav cav lus zoo txog nej, Ntuj yuav pub koob meej rau nej, thiab yuav muab hwj chim rau nej. 8 Nej tsis tau pom Yes Xus Pleev, tsis kav nej nyiam nws. Nej txawm tsis pom nws los nej ntseeg, mas nej muaj ib txog kev zoo siab uas piav tsis tau thiab nto koob meej lug, 9 nej paub meej tias nej yuav tau txais yam uas nej ntseeg, yog txoj kev cawm nej tus plig.

Mas Kos 10 : 17 - 27.

17 Thaum Yes Xus tab tom sawv kev mus, muaj ib tug neeg khiav los txhos caug ntawm Yes Xus xub ntiag, nws nug tias : "Xib Hwb siab zoo, kuv yuav ua dab tsi thiaj yuav tau txais txoj sia nyob mus li los ua cuab tam ?" 18 Yes Xus hais rau nws tias : "Vim li cas koj hais tias kuv siab zoo ? Tsis muaj leej twg siab zoo, tsuas kawg Tswv Ntuj tib leeg xwb. 19 Koj paub cov lus qhia tias : koj txhob tua neeg, txhob zes luag txij luag nkawm, txhob ua tub sab, txhob ua tim khawv cuav, txhob ua luam cuav, hwm koj niam koj txiv." 20 Tus neeg ntawd teb rau Yes Xus tias : "Xib Hwb, txij thaum kuv yav hluas los, kuv yeej coj raws nraim li ntawd." 21 Yes Xus ntsia nws, ces Yes Xus nyiam nws. Yes Xus hais rau nws tias : "Tsuas tshuav ib yam xwb uas koj tsis muaj : koj mus muab koj lub cuab tam muag, muab tus nqi pub rau cov pluag, koj thiaj yuav tau ib lub cuab tam muaj nqis nyob saum ntuj. Ces koj tuaj raws kuv." 22 Tus neeg ntawd hnov lo lus no, nws lub ntsej muag ntshaus tas, ces nws rov mus tu siab nrho, vim nws muaj cuab yeej cuab tam ntau.

COV ZAJ NYEEM NRUAB LIS PIAM 2012 - Page 3 Gallery-32x 23 Ces Yes Xus ntsia ib ncig nws, nws hais rau cov thwj tim tias : "Cov neeg nplua nuj mus hauv Tswv Ntuj lub Ceeb Tsheej mas nyuaj npaum no!" 24 Cov thwj tim yoob tas rau cov lus no. Tab sis Yes Xus rov hais rau lawv tias : "Kuv cov me nyuam, kev mus hauv Tswv Ntuj lub Ceeb Tsheej mas yeej nyuaj kawg nkaus! 25 Ib tug ntxhuav yuav nkag hauv lub qhov koob yooj yim dua ib tug nplua nuj nkag mus hauv Tswv Ntuj lub Ceeb Tsheej." 26 Cov thwj tim yim huab yoob heev. Lawv sib tham tias : "Leej twg thiaj yuav txais kev cawm tau?" 27 Yes Xus ntsia lawv, nws hais tias : "Yog neeg xwb, mas yeej tsis tau, tab sis rau Tswv Ntuj mas tau. Vim Tswv Ntuj ua tau tas ib puas tsav yam."

**Mim** 29th May 2012, 3:30 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°53

Re: COV ZAJ NYEEM NRUAB LIS PIAM 2012

Post Mim 29th May 2012, 3:30 pm

Tim 29 lub 5 hlis 2012 Xyoo B

1 Pob Zeb 1 : 10 - 16.

10 Txoj kev cawm(nej tus ntsuj plig) ntawd, mas cov Yaj Saub twb tau nrhiav, thiab tau tshuaj txog lawm. Lawv tau tshaj lus txog lub txiaj ntsim uas Ntuj tshwj zias tseg cia rau nej. 11 Lawv tau nrhiav kom lawv paub txog lub caij thiab cov xwm raws li Leej Pleev lub Tswv Yim uas nyob Hauv lawv qhia rau lawv. Nws tau zeem tseeb tias Leej Pleev yuav xub raug txom nyem, ces yav tom qab, Leej Pleev yuav muaj koob meej. 12 Ntuj tau qhia cov Yaj Saub paub tias, cov lus lawv tshaj tawm, mas lawv tsis yog cov yuav pom, nej yog cov yuav pom. Lawv tsuas yog leg dej num rau tej yam hais txog lub Moo Zoo, uas nyem no cov tub tshaj Ntuj lus xa tuaj rau nej, nyob hauv Leej Ntuj Plig Ntshiab uas nqes saum ntuj los. Tab yog cov Tshiab, los lawv yeej ntshaw dauv muag los ntsia tej yam ntawd.
13 Cia nej lub tswv yim nyob cus ciav, tsis txhob coj lub neej quav dej quav cawv, thiab yuav tsum tso siab lug rau lub txiaj ntsim, uas thaum Yes Xus Pleev tawm los, nws yuav nqa los rau nej. 14 Nej ua ib co me nyuam mloog lus, tsis txhob ywj mloog nej lub siab ntshaw xws li yav thaud, uas nej tseem tsis tau paub tab. 15 Nej yuav coj ib tug cwj pwm ntshiab xws li Tus hu nej, uas nws yog tus ntshiab, 16 vim muaj lus sau tseg tias : ‘Nej yuav ua neeg siab ntshiab vim kuv ntshiab.’

Mas Kos 10 : 28 - 31.

28 Pob Zeb hais rau Yes Xus tias : “Peb mas peb tau tso ib puas tsav yam tseg, peb los raws koj.” 29 Yes Xus hais tias : "Kuv hais tseeb rau nej, tsis muaj ib tug neeg uas tau tso vaj tse, kwv tij, nkauj muam, niam, txiv, me tub me nyuam, thiab liaj teb tseg vim kuv thiab vim lub Moo Zoo, 30 uas yuav tsis tau txais, txij hnub no mus, ib puas npaug ntxiv ntawm vaj tse, kwv tij, nkauj muam, niam, txiv, me tub me nyuam, liaj teb, ntxiv rau kev raug luag hiam, thiab lwm tiam, yuav tau txoj sia nyob mus li. 31 Coob leej ua ntej, yuav tuaj puag tom qab, hos coob leej tuaj tom qab, yuav ua ntej.”

**Mim** 29th May 2012, 3:33 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°54

Re: COV ZAJ NYEEM NRUAB LIS PIAM 2012

Post Mim 29th May 2012, 3:33 pm

Tim 30 lub 5 hlis 2012 Xyoo B

1 Pob Zeb 1: 18-25

18 Nej yuav tsum paub tias, tsis yog tej yam txawj puas, xws li nyiaj los kub thiaj txhiv tau nej ntawm tus yam ntxwv phem nej txais ntawm nej poj yawm txwv koob los, 19 tiam sis yog ib co ntshav muaj nqi loj, yog tus yaj tsis muaj chaw xyeej, tsis tsuas ib tee, yog Leej Pleev cov ntshav. 20 Thaum Ntuj tsis tau tsim, teb tsis tau raug, Tswv Ntuj twb xaiv Leej Pleev lawm. Thaum txog lub zwj ceeb kawg, Tswv Ntuj tso Leej Pleev tawm los vim nej. 21 Yog nyob hauv Leej Pleev, mas nej thiaj tau kev ntseeg txog Tswv Ntuj, uas yog tus tsa Leej Pleev sawv hauv cov tuag los, thiab tus muab hwj chim rau Leej Pleev. Vim li ntawd, nej txoj kev ntseg, thiab kev tso siab thiaj nyob hauv Tswv Ntuj.
22 Vim nej mloog txoj kev tseeb, mas nej thiaj ua kom nej lub siab huv tuaj, kom nej tau sib hlub xws li ib co kwv tij. Nej lub siab yuav kub lug rau txoj kev nyiam uas txhawv hauv nruab plawv tuaj. 23 Nej tsis rov yug ntawm ib lub noob txawj lwj, nej rov yug dua tshiab ntawm ib lub noob tsis txawj lwj thiab muaj txoj sia mus li : lub noob ntawd, yog Tswv Ntuj Lo Lus muaj txoj sia nyob ib txhis mus li. 24 Vim tias, Leej tib neeg zoo li tsob nroj, neeg lub hwj chim zoo li lub paj nroj : tsob nroj ntsws, ces lub paj zeeg. 25 Tsuas tshuav Huab Tais Lo Lus thiaj nyob tas ib txhiab ib txhis. Lub Moo Zoo, uas tuaj txog nej, yog Lo Lus ntawd.

Mas kos 10 : 32 - 45.

32 Yes Xus thiab cov thwj tim tab tom taug kev nce mus pem Yes Lus Xas Les. Yes Xus mus ua lawv ntej. Lawv poob siab tas, hos cov neeg raws lawv mus kuj ntshai tas. Yes Xus rov hu Pab Kaum Ob los ze nws, ces nws pib hais txog tej yam uas yuav tuaj raug nws li no : 33 "Zaum no, peb nce mus pem Yes Lus Xas Les, mas luag yuav muab Neeg Leej Tub rau cov thawj leej choj thiab cov kws Ntawv Ntshiab. Lawv yuav txiav lub txim tuag rau nws, yuav muab nws rau cov neeg teev pej kum dab. 34 Lawv yuav thuam nws, nto aub ncaug rau nws, muab nws nplawm thiab muab nws tua. Peb hnub tom qab, nws yuav sawv rov los."
35 Ntxes Npes Dais ob tug tub hu ua Yas Kos thiab Zam txav los ze Yes Xus, nkawd hais rau Yes Xus tias : "Xib Hwb, qhov wb yuav thov ntawm koj, mas wb xav kom koj ua rau wb." 36 Yes Xus hais rau nkawd tias: "Neb xav kom kuv ua dab tsi rau neb ?" 37 Nkawd hais tias : "Thov koj pub wb ib tug zaum ntawm koj sab xis, ib tug zaum ntawm koj sab laug nyob hauv koj lub hwj chim." 38 Yes Xus hais rau nkawd tias : "Neb tsis paub neb thov dab tsi. Neb puas haus taus lub ntim uas kuv yuav haus ? Thiab txais taus lub cim ntxuav uas kuv yuav txais ?” 39 Nkawd teb tias : “Wb ua tau.” Yes Xus hais rau nkawd tias : “Lub ntim uas kuv yuav haus, neb kuj yuav haus, thiab lub cim ntxuav uas kuv yuav txais, neb kuj yuav txais. 40 Hos qhov yuav zaum ntawm kuv sab xis los sab laug, tsis yog kuv yuav muab rau neb. Ntuj npaj qhov ntawd rau leej twg, mas yog leej twg tug.” 41 Kaum leej thwj tim hnov li ntawd, lawv tsis txaus siab rau Yas Kos thiab Zam nkawd. 42 Yes Xus hu cov thwj tim los ntawm nws. Nws hais rau lawv tias : "Nej paub tias cov uas luag saib lawv yog thawj coj hauv cov kuj cuab, mas lawv kav sawv daws xws li ib co tswv. Thiab cov loj yuam sawv daws nruj. 43 Nyob hauv nej, mas yuav tsis zoo li ntawd : leej twg xav ua tus loj nyob hauv nej, nws yuav ua nej tus tub txib. 44 Hos leej twg xav ua tus ntaus thawj hauv nej, nws yuav ua sawv daws tus qhev. 45 Vim tias, Neeg Leej Tub tsis tuaj kom luag tsob hwb nws, nws tuaj tsob hwb sawv daws thiab muab nws txoj sia los ua nqi txhiv coob leej."

**Mim** 2nd June 2012, 5:50 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°55

Re: COV ZAJ NYEEM NRUAB LIS PIAM 2012

Post Mim 2nd June 2012, 5:50 pm

Tim 31 lub 5 hlis 2012 Xyoo B

Hnub ua hmoov nco txog Niam Mab Liab mus saib Es Lis Xas Npes

Xaiv nyeem zaj: Xos Fos Nias 3: 14-18a

14 Ntxhais Xis Yoos, koj cia li qw zoo siab! Tsoom His Xas Lais, nej qw luag ntxhi mog! Ntxhais Yes Lus Xas Les, muab tas koj lub siab los zoo siab lom zem mog! 15 HUAB TAIS tau tshem lub txim uas nyob rawv saum koj mus lawm; nws tau ua kom koj cov yeeb ncuab thim rov qab tas. HUAB TAIS, tus vaj kav His Xas Lais, tuaj nyob hauiv koj. Koj yuav tsis ntshai raug xwv txheej ntxiv. 16 Hnub ntawd luag yuav hais rau Yes Lus Xas Les tias: Xis Yoos, koj txhob ntaus siab me! Txhob cia koj txhais tes tshee! 17 HUAB TAIS, koj tus Tswv Ntuj nyob hauv koj, yog tus cawm seej muaj hwj huam loj. Nws yuav zoo siab tas nrho vim koj. Nws yuav ua kom koj tshiab tuaj nyob hauv nws txoj kev nyiam. Nws yuav zoo siab dhia luag ntxhi vim koj, 18 xws li yog ib hnub ua ntees lom zem

Los: Los Mas 12: 9-16

9 Nej tsis txhob ua txuj nyiam luag tej. Nej yuav ntxub txoj kev phem. Nej muab nej lub siab khi ruaj nreb rau hauv txoj kev zoo. 10 Nej yuav sib hlub vim nej yog ib co kwv tij. Nej ib leeg yuav saib ib leeg tsim nyog qhuas. 11 Thaum nej pab luag tej, mas nej txhob ua neeg tub nkeeg. Nej ua neeg siab kub : vim nej tsob hwb Huab Tais. 12 Nej yuav xyiv fab nyob hauv txoj kev tso siab rau Ntuj. Thaum nej raug txom nyem, mas nej ua siab ntev mog. Nej yuav nquag teev Ntuj. 13 Nej yuav pab cov ntshiab. Nej yuav xyiv fab txais cov qhua tuaj so hauv nej tsev.
14 Nej yuav foom lus zoo rau cov neeg hiam nej. Foom lus zoo xwb, txhob foom lus phem. 15 Thaum nej nrog cov neeg zoo siab nyob ua ke, mas nej kuj yuav nrog lawv zoo siab luag ntxhi. Thaum nej nrog cov neeg quaj ntsuag nyob ua ke, mas nej kuj yuav nrog lawv quaj. 16 Nej nrog sawv daws muaj ib lub siab ib lub tswv yim. Nej txhob nyiam ua neeg muab hlob. Nej yuav cia nej lub siab xib rau cov neeg me. Txhob xav tias nej paub txuj ci dua luag tej.

Lus Kas 1 : 39 - 56

COV ZAJ NYEEM NRUAB LIS PIAM 2012 - Page 3 Visitation_edited 39 Tau ob peb hnub, ces Mab Liab sawv kev mus, nws rau siab ntso mus pem toj siab, rau ib lub nroog nyob xeev Yus Das. 40 Nws chaws mus hauv Ntxas Kas Lias tsev, nws foom lus nyob kaj lug rau Es Lis Xas Npes. 41 Thaum Es Lis Xas Npes hnov Mab Liab foom kev kaj lug, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv Es Lis Xas Npes. 42 Ces Es Lis Xas Npes tsa suab hlo hais nrov nrov tias : "Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov. 43 Ua cas Ntuj thiaj pub kom kuv tus Huab Tais leej niam tuaj xyuas kuv ? 44 Koj saib, thaum kuv hnov dheev koj lub suab foom kev kaj lug nrov txog kuv pob ntseg, tus me nyuam hauv kuv plab dhia zoo siab. 45 Tus tau ntseeg tias cov lus Huab Tais hais rau nws yuav tsheej xeeb, mas nws txoj hmoov zoo !"
46 Ces Mab Liab hais tias : "Kuv tus plig cav txog Huab Tais lub hwj chim, 47 kuv lub tswv yim hom khaj nyob hauv Tswv Ntuj, tus Cawm kuv, 48 vim nws dauv muag ntsia nws tus ntxhais txib hauv txheej qis. Vim li ntawd, txij no mus, txhua tiam neeg yuav hais tias kuv txoj hmoov zoo, 49 vim tus Muaj Hwj Huam ua tej yam loj rau kuv, nws lub npe Ntshiab. 50 Nws lub siab hlub roos cov neeg hwm nws tiam dhau tiam. 51 Nws sab npab nthuav nws lub zog rau sawv daws pom. Cov neeg uas lub siab muab hlob, Huab Tais ua kom lawv tawg. 52 Huab Tais nchuav cov muaj hwj huam poob ntawm lawv lub theej kiab. Nws tsa cov neeg hauv txheej qis kom siab. 53 Nws pub tej yam zoo rau cov neeg tshaib noj seem noj so, hos nws ntiab cov neeg muaj rov qab mus tes qhuav. 54 Huab Tais pab nws tus tub txib His Xas Lais, vim nws nco ntsoov tias nws lub siab hlub neeg, 55 nws ua raws li nws tau tshaj rau peb cov yawg koob, nws ua zoo tas nrho rau Has Nplas Has thiab Has Nplas Has cov xeeb ntxwv mus ib txhiab ib txhis."
56 Mab Liab nrog Es Lis Xas Npes nyob peb lub hlis tej, ces nws rov mus tsev.

**Mim** 2nd June 2012, 6:21 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°56

Re: COV ZAJ NYEEM NRUAB LIS PIAM 2012

Post Mim 2nd June 2012, 6:21 pm

Tim 1 lub 6 hlis 2012 Xyoo Xyoo B

4 : 7 - 13.

7 Lub caij uas tas txhua yam yuav kawg, los txog ze lawm. Li ntawd, nej yuav ua neeg thoob tsib, yuav noj me haus tsawg, kom nej tau teev Ntuj. 8 Nej yuav kub siab sib nyiam sib hlub zoo, vim txoj kev nyiam thaiv ntau yam txhaum. 9 Nej ib leeg yuav xyiv fab txais ib leeg zoo, tsis txhob nroo. 10 Nej ib leeg yuav tsob hwb ib leeg, raws li lub txiaj ntsim nej tau txais, nej yuav ua xws li ib co tub txib uas tau txais ntau yam txiaj ntsim ntawm Tswv Ntuj : ces nej yuav rov sib faib cov txiaj ntsim ntawd. 11 Tus txawj hais lus, mas nws yuav hais Tswv Ntuj cov lus. Tus saib txoj kev teev Ntuj, mas nws yuav nco ntsoov tias nws txais txoj hauj lwm ntawm Tswv Ntuj los. Sawv daws cov hauj lwm yuav ua kom Tswv Ntuj nto koob meej, nyob hauv Yes Xus Pleev, uas nws muaj koob meej, thiab muaj hwj huam mus tiam dhau tiam. Ua li.

12 Cov zoo nyiam, nej txhob poob siab txog cov hluav taws kub tuaj sim nej siab, xws li nej tsis to taub txog tej xwm ntawd. 13 Nej nrog Leej Pleev raug txom nyem npaum li cas, nej yuav zoo siab npaum li ntawd thiab, ces thaum nws lub hwj chim yuav tawm los rau pom xyeem, mas nej yuav tau nyob hauv txoj kev kaj siab lug, nej yuav lom zem.

Mas Kos 11 : 11 - 26.

11 Yes Xus mus hauv Yes Lus Xas Les, nws chaws mus hauv lub Tuam Tsev Teev Ntuj, nws ntsia txhua yam nyob ncig nws. Thaum ntawd twb lig lawm, nws tawm mus. Nws nrog Pab Kaum Ob leeg mus Npes Tas Nias. 12 Hnub tom qab, thaum lawv tawm hauv Npes Tas Nias mus, Yes Xus tshaib plab. 13 Nws tuaj deb pom ib tsob txiv ncuav pias muaj nplooj, nws mus xyuas saib puas muaj dab tsi noj. Tab sis thaum nws mus txog ze, tsob ncuav pias tsuas muaj nplooj xwb : vim tsis yog lub caij txi txiv. 14 Yes Xus hais rau tsob txiv ncuav pias tias : "Txij no mus, kom txhob muaj neeg noj koj tej txiv ib zaug ntxiv li!" Cov thwj tim hnov Yes Xus hais li ntawd.

15 Lawv tuaj txog Yes Lus Xas Les. Yes Xus chaws mus hauv lub Tuam Tsev Teev Ntuj, nws ntiab cov tub luam tuaj muag thiab cov tuaj yuav toob xib hauv lub Tuam Tsev Teev Ntuj. Nws ntxeev cov tub pauv nyiaj tej rooj, thiab cov muag nquab tej tog zaum. 16 Nws tsis kheev leej twg nqa toob xib hla hauv lub Tuam Tsev. 17 Yes Xus qhia lawv, nws hais rau lawv tias : "Ntawv tau sau tseg tias : Kuv lub tsev yuav hu ua tsev teev Ntuj, cia rau ib tsoom haiv neeg ? Tab sis, nej muab kuv lub tsev ua tub sab lub qhov nkaum !" 18 Cov thawj leej choj thiab cov kws Ntawv Ntshiab hnov, ces lawv nrhiav saib yuav ua cas muab Yes Xus tua. Tab sis lawv kuj ntshai Yes Xus thiab, vim tas tsoom pej xeem zoo siab rau Yes Xus cov lus qhia. 19 Thaum tsaus ntuj, Yes Xus tawm hauv nroog mus sab nraud. 20 Tag kis sawv ntxov, Yes Xus lawv hla mus, lawv pom tsob txiv ncuav pias qhuav ti nkaus cag. 21 Pob Zeb nco dheev txog, nws hais rau Yes Xus tias : "Xib Hwb, koj saib : tsob txiv ncuav pias uas koj tsawm qhuav tas lawm." 22 Yes Xus teb rau lawv tias : "Nej ntseeg Tswv Ntuj mog. 23 Kuv hais tseeb rau nej, yog leej twg hais rau lub roob no tias : "Koj txav, koj dhia lawm hauv dej ntuj," yog tias tus ntawd tsis ua xyem xyav hauv siab li, thiab nws ntseeg tias qhov nws hais yuav tshwm sim tiag, mas qhov ntawd yuav tsheej xeeb rau nws tau. 24 Vim li ntawd, kuv thiaj hais rau nej tias : tas puas tsav yam uas thaum nej teev Ntuj, nej thov, nej cia li ntseeg tias nej twb tau txais lawm, ces Ntuj yuav pub yam ntawd rau nej. 25 Hos thaum nej tab tom sawv ntsug teev Ntuj, yog nej muaj ib lo lus tsis txaus siab rau ib tug, mas nej zam rau nws, kom xwv nej Txiv nyob saum ntuj zam txhaum rau nej thiab. [26]

**Mim** 2nd June 2012, 6:23 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°57

Re: COV ZAJ NYEEM NRUAB LIS PIAM 2012

Post Mim 2nd June 2012, 6:23 pm

Tim 2 lub 6 hli 2012 Xyoo B

Yus Das 17 + 20b-25

17 Hos nej, uas yog cov zoo nyiam, mas nej nco ntsoov txog txhua yam peb tus Huab Tais Yes Xus Pleev cov Hauv Paus Xa Lus tau xub hais qhia nej. 20 Nej thov Leej Ntuj Plig Ntshiab. 21 Nej nyob ruaj nreb hauv txoj kev nyiam Tswv Ntuj. Nej ua neej tos ntsoov peb tus Huab Tais Yes Xus Pleev txoj kev khuv leej neeg, vim nws yuav pub txoj sia nyob mus li. 22 Nej khuv leej cov neeg ua xyem xyav, nej cawm lawv, nej npo lawv dim ntawm hluav taws. 23 Hais txog lwm cov neeg, nej ib txhij hlub lawv thiab ntshai lawv. Nej yuav ntxub lawv, nej loj xov ntxub lawv lub tsho uas lawv lub cev nqaij tau tsuas rau. 24 Kuv cav lus zoo txog Tus Muaj Hwj Huam uas txuag nej kom txhob ntog, thiab nws ua kom nej nyob ruaj, kom nej tsis muaj chaw xyeej, kom nej nyob luag ntxhwb ntxhi, lom zem ntsuag qees nyob hauv Tswv Ntuj Tib Leeg. 25 Kuv cav lus zoo txog Tib Leeg Tswv Ntuj, Tus Cawm peb nyob hauv peb tus Huab Tais Yes Xus Pleev : Nws muaj koob meej thiab muaj hwj xyeej. Kev tswj fwm thiab kev muaj hwj huam yog nws tug, txij puag hnub txheej tshoj thaum ub mus txog txhiab tiam. Ua li.

Mas Kos 11 : 27 - 33.

27 Yes Xus lawv rov qab los hauv Yes Lus Xas Les. Thaum Yes Xus mus mus los los hauv lub Tuam Tsev Teev Ntuj, cescov thawj leej choj, cov kws Ntawv Ntshiab thiab cov txwj laus tuaj cuag nws. 28 Lawv hais rau nws tias : "Koj tau cai qhov twg los, koj thiaj ua tej ntawd ? Leej twg muab cai rau koj kom ua li ntawd ?" 29 Yes Xus teb rau lawv tias : "Kuv kuj yuav nug nej ib lo thiab. Nej teb kuv, kuv mam li qhia nej tias kuv tau cai ntawm leej twg los ua tej ntawd. 30 Zam lub cim ntxuav puas tuaj ntawm Ntuj los ntawm neeg tuaj ? Nej teb kuv saib." 31 Ces lawv sib tham tias : "Yog peb hais tias : 'Tuaj ntawm Ntuj tuaj,' nws yuav hais tias : 'Ua cas nej tsis ntseeg txog nws ?' 32 Yog peb hais tias : Tuaj ntawm neeg tuaj ? Lawv kuj ntshai tsoom sid, vim tas sawv daws saib Zam yog ib tug yaj saub tiag. 33 Ces lawv teb li no rau Yes Xus : "Peb tsis paub." Yes Xus hais rau lawv tias : "Kuv kuj yuav tsis qhia nej tias kuv tau cai ntawm leej twg los ua tej ntawd thiab."

**Mim** 4th June 2012, 10:53 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°58

Re: COV ZAJ NYEEM NRUAB LIS PIAM 2012

Post Mim 4th June 2012, 10:53 am

Tim 4 lub 6 hli 2012 Xyoo B - Nruab Xyoo Lis Piam 9

2 Pob Zeb 1: 2-7

2 Thov kom nej tau txais txiaj ntsim thiab kev thaj yeeb ntau nyob hauv txoj kev paub Tswv Ntuj thiab paub peb tus Huab Tais Yes Xus. 3 Tswv Ntuj lub hwj huam tau pub tas puas tsav yam txiaj ntsim hais txog txoj sia thiab qhia kev hwm Ntuj. Nws tau ua kom peb paub tus tau siv nws lub hwj chim thiab nws lub siab ntshiab los hu peb. 4 Yes Xus lub hwj chim thiab lub siab ntshiab muab cov lus tsim txiaj thiab cov lus cog loj pub rau peb. Vim cov lus Ntuj cog no, mas peb koom tau Ntuj lub hwj chim, thiab peb dim ntawm txoj kev lwj uas yug ntawm ntiaj teb kev ntshaw los. 5 Nej yuav siv zog muab nej txoj kev ntseeg los tsim kev zoo, muab kev paub txuj los tsim kev zoo, 6 nej yuav caiv txaj haum txoj kev paub txuj, nej yuav caiv txaj tswj lub cev phim ib lub siab ruaj nreb, nej yuav muab lub siab ruaj nreb los txhim txoj kev teev Ntuj, 7 nej yuav muab kev teev Ntuj los tsim txoj kev phooj ywg, thiab muab kev phooj ywg los tsim kev nyiam.

Mas Kos 12: 1-12

COV ZAJ NYEEM NRUAB LIS PIAM 2012 - Page 3 Paran15_400_466 1 Yes Xus pib hais tej zaj paj lug li no : "Muaj ib tug neeg cog tau ib daim teb txiv cawv. Nws xov laj kab ncig, nws txaug ib lub zeb tsuam cawv, thiab nws txhim ib lub lawj siab siab. Nws ntiav ib co tub zog saib, ces nws tawm rooj mus ua qhua deb. 2 Thaum txog caij, nws xa ib tug tub txib mus cuag cov zov teb, kom lawv muab ib feem ntawm cov txiv cawv rau nws. 3 Tab sis lawv nthos nkaus tus tub txib, muab nws ntaus tas, kom nws rov qab mus tes dawb tes npliag. 4 Tus tswv teb xa dua ib tug tub txib mus : cov tub zog kuj ntaus nws taub hau thiab ua tub qaug nws. 5 Tus tswv teb rov xa dua ib tug mus : cov tub zog muab tus tub txib ntawd tua. Lawv kuj ua ib yam li ntawd rau ntau tus tub txib, lawv muab ib co ntaus, muab ib co tua. 6 Tus tswv teb tseem tshuav ib tug neeg ntxiv, yog nws tus tub uas nws nyiam. Nws xa tus tub mus tom qab, nws xav tias : "Lawv yuav hwm kuv tus tub." 7 Tab sis, cov tub zog sib tham tias : "Tus ntawd yog tus yuav txais cuab tam. Tsuag tsuag ! Peb muab nws tua, lub cuab tam thiaj yuav yog peb tug." 8 Ces lawv nthos nkaus nws, muab nws tua thiab coj nws mus pov tseg rau tom ntug teb. 9 Tus tswv teb yuav ua dab tsi ? Nws yuav tuaj muab cov zov teb tua, thiab yuav muab daim teb txiv cawv pub rau lwm cov neeg. 10 Nej tsis tau nyeem cov lus no hauv Ntawv lod : Lub pob zeb uas cov tub txhim tsev muab pov tseg, hloov ua lub pob zeb txheem ncov ruv tsev. 11 Qhov ntawd, yog tuaj ntawm Huab Tais tuaj, yog ib yam zoo nkauj zoo saib rau peb qhov muag ntsia." 12 Lawv to taub tias Yes Xus zaj paj lug no tsom lawv hais. Lawv nrhiav kev ntes Yes Xus, tab sis lawv ntshai tsoom sid. Ces lawv tso Yes Xus tseg, lawv rov mus.

**Mim** 8th June 2012, 7:56 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°59

Re: COV ZAJ NYEEM NRUAB LIS PIAM 2012

Post Mim 8th June 2012, 7:56 am

Nyob zoo sawv daws uas nej tuaj nyeem cov zaj nyeem niaj hnub. Muaj qee ntu ces kuv cia li tsis khoom tuaj tso li, kuv mam tuaj tso tom qab xwb los nej mam tuaj nyeem tom qab os nawb.

**Mim** 8th June 2012, 7:58 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°60

Re: COV ZAJ NYEEM NRUAB LIS PIAM 2012

Post Mim 8th June 2012, 7:58 am

Tim 5 lub 6 hli 2012 Xyoo B

2 Pob Zeb 3: 12-15a + 17-18

12 Vim nej tos Tswv Ntuj lub Hnub Nyoog, mas nej xav kom Tswv Ntuj lub Hnub Nyoog los txog sai dua. Hnub ntawd cov txheej ntuj yuav kub hnyiab thiab yuav plam tas, hluav taws yuav kub txhua tsav txhua yam yaj tas huv tib si. 13 Peb tos txog ib lub ntuj tshiab thiab ib lub ntiaj teb tshiab, raws li Tswv Ntuj tau cog lus tias : txoj kev ncaj yuav nyob txawm hauv lub ntuj tshiab thiab lub ntiajteb tshiab ntawd. 14 Cov zoo nyiam, lub caij nej tos no, nej yuav rau siab ua kom Tswv Ntuj pom tias nej tsis tsuas ib tee qias, thiab tsis muaj ib qho xyeej, ces thaum Huab Tais los txog, nws yuav pom nej nyob hauv txoj kev kaj siab lug. 15 Nej yuav peb tus Huab Tais txoj kev ua siab ntev yog kev cawm nej.
17 Cov zoo nyiam, kuv xub qhia nej paub kom nej ceev faj, nej txhob cia cov tsis hwm Ntuj pus nej kom nej ncaim ntawm txoj kev ruaj nreb. 18 Nej yuav hlob nyob hauv peb tus Huab Tais Cawm Seej Yes Xus Pleev lub txiaj ntsim, thiab hlob nyob hauv txoj kev paub nws. Lub koob meej yog nws tug lub zim txwv no mus rau txhiab tiam. Ua li.

Mas Kos 12 : 13 - 17.

13 Cov Yus Das xa ob peb tugFas Lis Xais thiab ob peb tug hes los dias tuaj sim Yes Xus. Lawv yuav lem kom nws hais
lus yuam kev. 14 Lawv tuaj txog, lawv hais rau Yes Xus tias : "Xib Hwb, peb paub tias koj yog ib tug neeg hais qhov tseeb, thiab koj tsis tsa leej twg cai, vim koj tsis saib tib neeg sab nraud. Koj tsuas qhia Tswv Ntuj txoj kev raws qhov tseeb xwb. Puas kheev them se rau Xes Ntxas los tsis kheev ? Peb puas yuav tsum them se los tsis them ?" 15 Tab sis Yes Xus paub tias lawv siab nkhaus, ces nws hais rau lawv tias : "Ua cas nej xav sim kuv ? Muab ib lub txiaj nyiag los rau kuv saib." 16 Lawv muab ib lub txiaj nyiag los, Yes Xus thiaj hais rau lawv tias : "Tus duab no yog leej twg tus ? Thiab cov npe ntawv hauv no yog leej twg li ?" Lawv hais rau Yes Xus tias : "Yog Xes Ntxas li." 17 Ces Yes Xus hais rau lawv tias :
"Yam twg yog Xes Ntxas tug, ces nej muab rau Xes Ntxas, yam twg yog Tswv Ntuj tug, mas nej muab rau Tswv Ntuj." Ces lawv nyob hab nuv cia, xav tsis tau dab tsi txog nws.

**Mim** 8th June 2012, 8:00 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°61

Re: COV ZAJ NYEEM NRUAB LIS PIAM 2012

Post Mim 8th June 2012, 8:00 am

Tim 6 lub 6 hli 2012 Xyoo B

2 Tis Mos Tes 1: 1-3 + 6-12

1 Kuv yog Paj Lug, Yes Xus Pleev tus Hauv Paus Xa Lus, vim Tswv Ntuj xav kom muaj li ntawd, kom kuv tau tshaj tias Tswv Ntuj cog lus yuav pub txoj sia uas nyob hauv Yes Xus Pleev. 2 Kuv sau ntawv tuaj rau Tis Mos Tes, kuv leej tub zoo nyiam. Thov kom Leej Txiv Tswv Ntuj, thiab peb tus Huab Tais Yes Xus Pleev khuv leej koj, pub txiaj ntsim thiab kev thaj yeeb rau koj. 3 Nruab hnub hmo ntuj, kuv teev Ntuj, kuv tuav txog koj lub npe,thiab kuv ua Tswv Ntuj tsaug. Tswv Ntuj yog tus uas kuv muab ib lub siab dawb siab huv los teev, raws li kuv cov yawg koob tus lwj lwm.
6 Yog vim li ntawd, kuv thov ntuas koj, kom koj rov txhib lub txiaj ntsim uas Tswv Ntuj tso rau hauv koj hnub kuv tiag es rau koj. 7 Lub tswv yim uas Tswv Ntuj pub rau peb tsis yog ib lub tswv yim ntshai, yog ib lub tswv yim muaj zog, ib lub tswv yim nyiam, ib lub tswv yim pab yus tswj yus lub neej. 8 Koj txhob txaj muag ua tim khawv zeem peb tus Huab Tais. Txhob txaj muag zeem kuv uas yog Yes Xus tus neeg nyob txim. Koj yuav zoo siab nrog kuv raug txom nyem vim lub Moo Zoo. Koj muaj Tswv Ntuj lub zog nres koj. 9 Tswv Ntuj yog tus cawm peb. Nws lo lus ntshiab hu peb, tsis yog vim peb cov dej num. Nws hu peb vim nws pom zoo hu, thiab vim nws xav pub txiaj ntsim. Tswv Ntuj twb pub nws cov txiaj ntsim rau peb txij puag hnub txheej tshoj thaum ub nyob hauv Yes Xus Pleev. 10 Nyiam no, lub txiaj ntsim ntawd tawm tuaj rau pom xyeem nyob hauv Yes Xus Pleev, tus cawm peb. Yes Xus rhuav kev tuag, thiab nws lub Moo Zoo ua kom txoj sia tsis txawj tuag ci tuaj. 11 Ntuj tsa kuv ua tus ceeb toom, ua tus Hauv Paus Xa Lus, ua tus kws Txoj Cai tsob hwb lub Moo Zoo ntawd. 12 Yog vim qhov ntawd, kuv thiaj rov ntsib kev raug xwv txheej dua. Tab sis kuv tsis txaj muag, vim kuv paub tias kuv tso siab rau leej twg. Kuv ntseeg tas siab tas ntsws tias nws muaj peev xwm txuag Ntuj cov lus qhia uas kuv ceev tseg mus txog lub hnub nyoog Yes Xus rov los.

Mas Kos 12 : 18 – 27

18 Ib co xas dus kais tuaj cuag Yes Xus. Lawv yog cov uas hais tias neeg tuag yuav tsis sawv rov los. Lawv nug Yes Xus tias : 19 "Xib Hwb, Mais Xes sau cia rau peb tias: "Yog leej twg ib tug kwv tij tuag tseg poj niam cia, tsis tau muaj me nyuam, mas tus kwv yuav tsum qaws tus niam tij kom tsa tau tus kwv tij ntawd lub keeb sawv." 20 Muaj xya leej kwv tij. Thawj tug yuav poj niam, nws tuag, tsis tau muaj tub ki. 21 Tus ob qaws tus niam tij ntawd, nws kuj tuag tsis tau muaj tub ki ; tus peb kuj tuag ib yam li ntawd. 22 Xya leej kwv tij ntawd yeej tsis muaj tub ki li. Thaum lawv tuag tas lawm, tus poj niam kuj tuag thiab. 23 Txog caij neeg lub cev sawv rov los, lawv kuj yuav sawv rov los, mas tus poj niam ntawd yuav yog leej twg tus ? Vim lawv xya tus kwv tij puav leej tau yuav nws ua lawv poj niam." 24 Yes Xus hais rau lawv tias : "Puas yog vim nej tsis paub Ntawv Ntshiab thiab tsis paub Tswv Ntuj lub hwj huam, nej thiaj yuam kev ? 25 Vim tias, thaum neeg lub cev yuav sawv hauv cov tuag los, sawv daws yuav tsis yuav poj niam, tsis yuav txiv, sawv daws yuav zoo li cov Tshiab nyob saum ntuj. 26 Hais txog cov tuag kev sawv rov los, nej puas tau nyeem Mais Xes phau Ntawv, zaj hais txog Tsob Pos, uas Tswv Ntuj hais rau Mais Xes tias : Kuv yog Has Nplas Has tus Tswv Ntuj, His Xas Has tus Tswv Ntuj, Yas Kos tus Tswv Ntuj. 27 Tswv Ntuj tsis yog cov tuag tus Tswv Ntuj. Yog cov neeg ciaj tus Tswv Ntuj. Nej yuam kev lawm deb."

Last edited by Mim on 8th June 2012, 8:07 am; edited 1 time in total

**Mim** 8th June 2012, 8:02 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°62

Re: COV ZAJ NYEEM NRUAB LIS PIAM 2012

Post Mim 8th June 2012, 8:02 am

Tim 7 lub 6 hli 2012 Xyoo B

2 Tis Mos Tes 2: 8-15

8 Koj nco ntsoov txog Yes Xus Pleev, uas nws sawv hauv cov tub tuag rov los, nws yug hauv Das Vis haiv neeg los, raws li lub Moo Zoo kuv qhia. 9 Vim kuv nyiam Leej Pleev, kuv thiaj raug txom nyem thiab raug saw hlau xauv kuv xws li ib tug neeg tau ua phem. Tab sis Tswv Ntuj lo lus tsis raug saw hlau xauv. 10 Kuv ua siab ntev nyiaj txhua yam pab Ntuj cov xaiv, kom lawv tau txais kev cawm, thiab txais lub hwj chim nyob mus li nyob hauv Yes Xus Pleev. 11 Lo lus no, yog ib lo lus tseeb :
Yog peb nrog Leej Pleev tuag,
mas peb yuav nrog nws muaj txoj sia.
12 Yog peb ntseeg ruaj nreb, mas peb
yuav nrog nws ua vaj.
Yog peb tsis lees nws, mas nws yuav
tsis lees peb.
13 Yog peb ua neeg ntxeev siab, los nws
Tsis ntxeev siab, vim nws yuav rov
tsis lees nws tsis tau.

14 Koj yuav nco ntsoov txhua yam no, yuav ua pov thawj nyob ntawm Tswv ntuj xub ntiag tias yuav tsum tseg tsis txhob muab tej lus los ua chaw sib cav ntev ntev. Vim qhov ntawd tsuas ua kom cov neeg mloog kev sib cav lub tswv yim ploj xwb. 15 Koj yuav yuam koj tus kheej mus nyob ntawm Tswv Ntuj xub ntiag xws li ib tug neeg siab ruaj, xws li ib tug tub zog tsis muaj chaw txaj muag, xws li ib tug neeg ncaj ncees uas cev Ntuj lo lus tseeb.

Mas Kos 12 : 28 - 34.

28 Ib tug kws Ntawv Ntshiab hnov lawvsib cav, nws pom tias Yes Xus teb raug kawg rau cov xas dus kais, nws txav los nug Yes Xus tias : "Nyob hauv cov lus qhia tas huv tib si, lo lus qhia twg yog thawj lo lus qhia ?" 29 Yes Xus teb rau nws tias : "Thawj lo lus qhia yog lo lus no : "His Xas Lais, koj mloog mog ! Peb tus Huab Tais Tswv Ntuj tib leeg xwb yog Huab Tais. 30 Koj yuav nyiam koj tus Huab Tais Tswv Ntuj tas siab tas ntsws, tas koj tus ntsuj plig, tas koj lub tswv yim thiab tas koj lub zog. 31 Lo lus qhia ob yog lo lus no : Koj yuav nyiam tus nyob ze koj ib yam li koj nyiam koj. Tsis muaj lwm lo lus qhia loj dua ob lo lus no." 32 Tus kws Ntawv Ntshiab hais rau Yes Xus tias : "Koj hais raug kawg, Xib Hwb, koj hais qhov tseeb : muaj ib tug Huab Tais Tswv Ntuj xwb, tsis muaj dua lwm tus Tswv Ntuj dhau ntawm nws. 33 Kev nyiam Tswv Ntuj tas yus lub siab lub ntsws, tas yus lub tswv yim thiab tas yus lub zog, thiab nyiam tus nyob ze yus ib yam li yus nyiam yus, yog zoo tshaj tej tsiaj hlawv thiab tej thaj txi Ntuj huv tib si." 34 Yes Xus pom tus kws Ntawv Ntshiab txhab ib lo lus thoob tsib, ces nws hais rau tus kws Ntawv Ntshiab tias : "Koj nyob tsis deb ntawm Tswv Ntuj lub Ceeb Tsheej lawm." Ces tsis muaj leej twg muaj cuab kav nug Yes Xus ntxiv.

**Mim** 8th June 2012, 8:09 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°63

Re: COV ZAJ NYEEM NRUAB LIS PIAM 2012

Post Mim 8th June 2012, 8:09 am

Tim 8 lub 6 hli 2012 Xyoo B

2 Tis Mos Tes 3: 10-17

10 Ntawm koj, mas koj tau ua raws li kuv cov lus qhia, raws li kuv tus yam ntxwv, kuv tus nru lus, kuv kev ntseeg, kuv lub siab ntev, kuv lub siab nyiam, thiab kuv lub siab pheej xeeb. 11 Koj tau nrog kuv raug luag hiam thiab raug txom nyem nyob As Nthias Kias, nyob Is Kos Nias, nyob Lws Ros. Puas tshuav ib txog kev hiam uas kuv tsis tau raug ? Huab Tais tau npo kuv ntawm txhua txoj kev raug luag hiam los. 12 Ua li mas, cov uas xav muaj txoj sia nyob hauv Leej Pleev, thiab xav ua neeg hwm Ntuj, yeej yuav raug luag hiam. 13 Ntawm cov neeg txhaum, thiab cov neeg dag noj dag haus, lawv yeej yuav hlob rau hauv txoj kev phem ntxiv : lawv ib txhij dag luag tej, thiab mag luag tej dag lawv. 14 Ntawm koj, mas koj nyob twj ywm hauv txoj kev koj tau kawm, vim koj paub tias yog qhov tseeb. Koj paub tias koj tau txais tej yam ntawd ntawm cov xib hwb twg. 15 Koj yeej paub Ntawv Ntshiab txij thaum yau los. Cov Ntawv Ntshiab
muaj peev xwm pub kev thoob tsib rau koj. Kev thoob tsib coj yus mus rau kev cawm neeg nyob hauv txoj kev ntseeg
txog Yes Xus Pleev. 16 Tas cov Ntawv Ntshiab huv tib si, yog Tswv Ntuj tshoj neeg kom muab sau tseg. Cov Ntawv Ntshiab zoo pab yus qhia txuj, zoo pab yus tiv cov neeg dag, pab kho tej zaj yuam kev, pab mus taug kev ncaj. 17 Ua li mas, Tswv Ntuj tus neeg hlob tiav lawm. Nws muaj txhij muaj txhua pab nws ua cov hauj lwm zoo.

Mas Kos 12 : 35 - 37.

35 Thaum Yes Xus qhia hauv lub Tuam Tsev Teev Ntuj, nws hais tias : "Vim li cas cov kws Ntawv Ntshiab ntawd hais tias Leej Pleev yog Das Vis tub ? 36 Tab sis Leej Ntuj Plig tshoj Das Vis kom nws hais cov lus no : Huab Tais hais rau kuv tus Huab Tais tias : Koj zaum ntawm kuv sab xis, mus txog hnub kuv muab koj cov yeeb ncuab rau hauv koj qab xib taws. 37 Das Vis hu Leej Pleev ua Huab Tais ; ua cas Leej Pleev ho yog Das Vis tub thiab ?" Ces tsoom neeg coob zoo siab mloog Yes Xus.

**Mim** 8th June 2012, 4:29 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°64

Re: COV ZAJ NYEEM NRUAB LIS PIAM 2012

Post Mim 8th June 2012, 4:29 pm

Tim 9 lub 6 hli 2012 Xyoo B

2 Tis Mos Tes 4: : 1 - 8.

1 Kuv tsa suab thov koj nyob ntawm Tswv Ntuj thiab Yes Xus Pleev xub ntiag, uas nws yog tus yuav txiav txim rau cov neeg ciaj thiab cov neeg tuag, thiab kuv thov los ntawm nws txoj kev tshwm sim tawm tuaj thiab ntawm nws txoj kev ua Vaj, 2 thov koj tshaj Lo Lus mog, yeej meem tshaj tsis tseg , tsis muaj caij muaj thaum, txhob ntshai hais, txhob ntshai cem, hais tas zog, rub lub siab ntev ntev thiab muaj lub siab kub xav qhuab qhia neeg. 3 Vim muaj ib lub caij tom ntej, tib neeg yuav tsis kam mloog txoj kev cai ncaj lawm, lawv yuav ua ywj li lawv lub siab xib rau txoj kev phem. Yuav khaus lawv pob ntseg, ces lawv yuav nrhiav ntau tus xib hwb, 4 lawv yuav tig pob ntseg mus deb ntawm txoj kev tseeb, yuav tig mus mloog dab neeg. 5 Ntawm koj mas koj yuav xyuam xim rau txhua yam. Koj ua siab ntev ris txoj kev sim siab. Koj ua tus tub tshaj lub Moo Zoo cov hauj lwm. Koj leg koj txoj kab xwm kom tiav log zoo tshaj plaws. 6 Ntawm kuv, mas txog lub caij hliv kuv roj ntsha los txi Ntuj lawm, txog lub caij kuv yuav mus lawm. 7 Kuv tau ntaus ib ntsug zoo rog mus txog qhov kawg, kuv tau khiav mus txog chaw lawm. Kuv tau ceev txoj kev ntseeg cia. 8 Nyem no, Huab Tais twb npaj tau lub mom yeej kub phim cov neeg ncaj rau kuv lawm. Txog hnub ntawd, Huab Tais tus uas txiav txim ncaj ncees, yuav muab lub mom them rau kuv, tsis yog yuav muab rau kuv ib leeg xwb , nws yuav muab rau tas tsoom neeg muaj lub siab nyiam thiab tos nrhw lub Hnub Nyoog nws yuav tawm los.

Mas Kos 12 : 38 - 44.

COV ZAJ NYEEM NRUAB LIS PIAM 2012 - Page 3 RH-WidowsMite2 38 Thaum Yes Xus qhia sawv daws, nws tseem hais tias : "Nej ceev faj txog cov kws Ntawv Ntshiab uas nyiam hnav tej lub tsho ntev ntev ua zam piav yeev, nyiam kom luag hawm lawv tom tej tshav puam, 39 nyiam zaum cov rooj kim txwv pem hauv ntej hauv tsev txoos thiab thawj cov rooj zaum thaum lawv noj nqaij haus cawv. 40 Lawv huab tej poj ntsuam lub cuab tam noj tas, tsis kav lawv tseem ua txuj teev ntuj ntev ntev kawg. Lawv yuav raug txiav txim hnyav dua lwm tus."

41 Yes Xus zaum ncaj rau lub xab ceev nyiaj. Nws ntsia zeej tsoom tso lawv cov txiaj toog rau hauv lub xab ceev nyiaj. Cov nplua nuj coob leej tso nyiaj ntau rau hauv. 42 Muaj ib tug poj ntsuam pluag pluag tuaj tso ob lub txiaj toog me me raug ob peb nyuag xus xwb. 43 Ces Yes Xus hu nws cov thwj tim los ze nws, nws hais rau lawv tias : "Kuv hais tseeb rau nej, tus poj ntsuam pluag pluag no tau tso nyiaj ntau dua cov huv tib si rau hauv lub xab ceev nyiaj. 44 Vim tas cov neeg tso nyiaj ntawd rho lawv tej nyiaj seem mus tso, hos tus poj ntsuam nws muab raws nws txoj kev pluag, tiam sis nws rho tas nrho nws lub cuab tam, tas nrho qho uas yuav yug nws txoj sia los tso rau."

**Mim** 15th June 2012, 6:39 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°65

Re: COV ZAJ NYEEM NRUAB LIS PIAM 2012

Post Mim 15th June 2012, 6:39 am

Tim 11 lub 6 hli 2012 Xyoo B
Hwm tus Hauv Paus Xa Lus Npas Nas Npas

Hauj Lwm 11: 21b-26 + 13: 1-3

21 Thaum ntawd cov neeg txais kev ntseeg thiab tig los cuag Huab Tais coob kawg. 22 Lub Koom Txoos nyob Yes Lus Xas Les hnov lub moo ntawd, lawv thiaj xa Npas Nas Npes mus nyob As Nthias Kias. 23 Thaum Npas Nas Npes tuaj txog, nws pom Tswv Ntuj lub txiaj ntsim, mas nws zoo siab hlo. Nws pab lawv ua siab loj siab tawv kom lawv nyob ruaj nreb hauv txoj kev ntseeg txog Huab Tais. 24 Npas Nas Npes yog ib tug neeg zoo. Leej Ntuj Plig Ntshiab nyob puv hauv nws, thiab nws yog ib tug neeg ntseeg ruaj. Ib pab neeg coob kawg los ntseeg txog Huab Tais ntxiv. 25 Ces Npas Nas Npes mus nrhiav Xauv nyob Tas Xis. 26 Thaum nws nrhiav tau Xauv lawm, mas nws coj Xauv los nyob As Nthias Kias. Nkawd nyob li ntawd ib xyoos hauv lub Koom Txoos, nkawd qhia ib pab neeg coob kawg. Yog nyob As Nthias Kias mas luag thiaj pib hu cov thwj tim ua cov Pleev.
13 1 Lub Koom Txoos nyob As Nthias Kias muaj ib co yaj saub thiab ib co kws txoj cai : yog Npas Nas Npes, Xis Mes Oos uas luag hu nws ua Nis Zes, Lus Xyus tus nyob Xis Les Nas teb tuaj, Mas Nas Ees uas thaum yau nws nrog tus vaj Hes Los ua phooj ywg, thiab Xauv. 2 Muaj ib hnub, lawv tab tom ua lub txoos teev ntuj, thiab coj cov kab ke yoo, mas Leej Ntuj Plig Ntshiab hais rau lawv tias : "Nej qee Npas Nas Npes thiab Xauv nkawd, vim kuv hu nkawd mus ua dua ib txog hauj lwm." 3 Ces thaum lawv yoo mov tas thiab teev Ntuj tas, lawv tsa tes rau saum nkawd, lawv xa nkawd mus.

Mas Tais 5 : 1 - 12.

1 Yes Xus pom neeg coob coob tuaj, nws nce mus saum lub roob. Nws zaum. Cov thwj tim txav los ze Yes Xus. 2 Ces Yes Xus tsa ncauj qhia lawv hais tias : 3 "Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li. 4 Cov tau txoj hmoov zoo, yog cov siab zoo, vim lawv yuav txais lub ntiaj teb los ua lawv tug. 5 Cov tau txoj hmoov zoo, yog cov quaj ntsuag, vim Ntuj yuav nplij lawv. 6 Cov tau txoj hmoov zoo, yog cov tshaib thiab nqhis txoj kev ncaj, vim Ntuj yuav daws lawv qhov nqhis. 7 Cov tau txoj hmoov zoo, yog cov hlub luag tej, vim Ntuj yuav hlub lawv. 8 Cov tau txoj hmoov zoo, yog cov siab huv, vim lawv yuav pom Tswv Ntuj. 9 Cov tau txoj hmoov zoo, yog cov tsim kev thaj yeeb, vim Ntuj yuav hu lawv ua Tswv Ntuj cov me nyuam. 10 Cov tau txoj hmoov zoo, yog cov raug luag hiam vim txoj kev ncaj, Ntuj lub Ceeb Tsheej yog lawv tug. 11 Thaum luag thuam nej, hiam nej, thiab liam ntau yam phem rau nej vim kuv, mas nej txoj hmoov zoo. 12 Nej zoo siab thiab nej hom khaj mog, vim nej yuav tau txais koob haum loj nyob saum ntuj. Cov yaj saub ua nej ntej, kuj raug luag hiam zoo li ntawd thiab.

**Mim** 15th June 2012, 6:41 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°66

Re: COV ZAJ NYEEM NRUAB LIS PIAM 2012

Post Mim 15th June 2012, 6:41 am

Tim 12 lub 6 hli 2012 Xyoo B

Vaj Phau Ib 17 : 7 - 16.

7 Tab sis tau ib ntus los ces tus dej qhuav tas, vim ntuj tsis los nag nyob hauv lub teb chaws. 8 Ces Es Lias hnov HUAB TAIS ib lo lus hais rau nws tias : 9 "Koj sawv kev mus tom lub zos Xas Les Tas uas zwm rau Xis Doos. Koj yuav mus nyob ntawd. Tam sim no kuv qhia ib tug poj ntsuam nyob tod kom nws pub mov rau koj noj." 10 Es Lias thiaj li sawv kev mus Xas Les Tas. Thaum nws tuaj txog ntawm ntug zos, nws ntsib ib tug poj ntsuam tab tom nrhiav taws rauv. Nws thov tus poj ntsuam tias : "Thov koj mus nqa ib qho dej tuaj pub rau kuv haus mog !" 11 Tus poj ntsuam txawm tig hlo yuav rov mus nqa dej. Es Lias txawm qw rau tus poj ntsuam ntxiv tias : "Thov koj nqa ib qho ncuav mov nyob hauv koj txhais tes tuaj rau kuv noj thiab !" 12 Tus poj ntsuam teb tias : "Kuv tuav txog koj tus HUAB TAIS Tswv Ntuj muaj txoj sia lub npe, kuv hais qhov tseeb tiag ! Kuv tsis muaj ib lub ncuav mov siav lawm. Kuv kawg tshuav me ntsis hmoov nplej nyob hauv lub qab hub xwb. Thiab tshuav me ntsis roj nyob hauv lub qab taig xwb. Zaum no, kuv tseem tab tom yuav tuaj mus nrhiav ib tsuag taws los rauv, tso kuv yuav ua ib lub ncuav mov rau kuv tus tub wb noj. Ces wb yuav nyob tos txog lub caij wb tuag tshaib xwb." 13 Es Lias hais rau tus poj ntsuam tias : "Koj txhob txhawj, koj xub mus nrhiav taws rauv tso. Ces koj los ua ib lub ncuav mov nqa tuaj rau kuv noj. Koj mam li mus ua rau neb ob niam tub noj. 14 Vim His Xas Lais tus Tswv Ntuj cog lus tias lub hub hmoov nplej yuav tsis txawj tas, lub tais ntim roj yuav tsis txawj qhuav mus txog hnub Tswv Ntuj yuav tso dej los ywg lub ntiaj teb." 15 Ces tus poj ntsuam mus ua raws li Es Lias qhia. Lawv peb leeg tau noj ncuav mov tsau. 16 Ib ntus ntev loo lub hub rau hmoov nplej tsis txawj tas, lub tais ntim roj tsis txawj qhuav, xws li Tswv Ntuj tau kom Es Lias hais rau tus poj ntsuam.

Mas tais 5: 13-16

13 "Nej yog cov ntsev las lub ntiaj teb. Tab sis yog ntsev tsuag lawm, yuav muab dab tsi ua kom ntsev rov qab daw tuaj? Ntsev tsuag tsis zoo ua dab tsi, tsuas kawg muab pov tseg nraum zoov rau neeg tsuj xwb. 14 "Nej yog lub teeb ci rau lub ntiaj teb. Ib lub nroog txhim rau saum ib lub ncov roob, yuav muab zais tsis tau. 15 Hos, luag kuj tsis taws teeb coj mus zais rau hauv qab txee, luag muab txawb saum tus ncej teeb, lub teeb ci rau tas cov neeg nyob hauv tsev pom kev. 16 Li ntawd, nej lub teeb yuav tsum ci nyob ntawm zeej tsoom xub ntiag, kom lawv pom nej cov dej num zoo, ces lawv yuav cav txog nej Txiv nyob saum ntuj.

**Mim** 15th June 2012, 6:44 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°67

Re: COV ZAJ NYEEM NRUAB LIS PIAM 2012

Post Mim 15th June 2012, 6:44 am

Tim 13 lub 6 hli 2012 Xyoo B
Hwm LN Anthony of Padua/St Antoine de Padou

Vaj Phau Ib 18 : 20 - 39.

20 Tus vaj As Kas hu tas tsoom His Xas Lais thiab lawv cov yaj saub tuaj nyob saum lub roob Kas Mes. 21 Es Lias txav los ze tsoom sid, nws hais tias : "Nej yuav xuas ob txhais ceg deeg pauv mus txog thaum twg ? Yog tias HUAB TAIS yog Tswv Ntuj ces nej raws nws mas ! Yog tias Npas Has yog Tswv Ntuj ces nej raws Npas Has mas !" Tsoom sid teb tsis tau dab tsi rau Es Lias. 22 Es Lias hais ntxiv tias : "Tshuav kuv ib leeg ua HUAB TAIS tus Yaj Saub xwb, hos Npas Has cov yaj saub muaj plaub puas tsib caug leej.
23 Nej coj ob tug thav nyuj tuaj rau peb. Cov yaj saub Npas Has yuav xaiv ib tug rau lawv. Thaum lawv tua thiab phais tas lawm, mas lawv yuav muab tso rau saum ib co taws, tab sis tsis txhob rauv taws li. Kuv kuj yuav npaj ib tug ntsuag nyuj thiab, kuv kuj yuav tsis rauv taws hlawv. 24 Nej yuav xub hu txog nej tus tswv ntuj lub npe, hos kuv yuav hu txog HUAB TAIS lub npe. Tus tswv ntuj uas tso hluav taws los hlawv cov tsiaj mas tus ntawd thiaj yog tus tseem Tswv Ntuj tiag." Tsoom sid teb tias : "Zoo kawg." 25 Ces Es Lias hais rau Npas Has cov yaj saub tias : "Nej xaiv ib tug ntsuag nyuj, nej ua ua ntej vim nej yog cov coob. Nej hu txog nej tus tswv ntuj lub npe xwb, nej tsis txhob rauv taws li." 26 Lawv muab tus nyuj tua, thaum lawv tseev tas, mas lawv hu txog Npas Has lub npe txij sawv ntxov mus txog tav su, lawv hais tias : "Npas Has, thov koj teb peb mas !" Tab sis tsis hnov ib lub suab li. Lawv dhia, lawv kim caug ntawm lub thaj txi ntuj uas lawv txhim. 27 Thaum txog tav su, Es Lias thuam lawv tias : "Nej qw nrov dua mas ! Nws yog ib tug tswv ntuj, ntshai nws muaj chaw ntxhov siab ntau los nws muaj hauj lwm ntau. Los ntshai nws muaj chaw tawm rooj lawm. Los tej zaus nws tsaug zog lawm. Nej hu tiag mas nws yuav tsim los, nws yeej yuav teb nej xwb !" 28 Lawv haj yam qw nrov dua tuaj thiab lawv xuas ntaj xuas riam los hlais lawv kom ntshav los raws li lawv kev cai ua kam. 29 Thaum tav su dua lawm, lawv cov yaj saub hais li ub li no mus txog lub caij yuav cev cov txim. Tab sis tsis hnov ib lub suab los ib lo lus teb li.
30 Es Lias thiaj hais rau tsoom sid tias : "Nej sawv daws txav los ze kuv." Sawv daws thiaj txav los ntawm Es Lias. Es Lias thiaj rov tsa HUAB TAIS lub thaj uas puas tas lawm. 31 Es Lias muab kaum ob lub pob zeb raws li Yas Kos kaum ob leeg tub. Yas Kos yog tus uas HUAB TAIS hais rau nws tias : Koj lub npe yuav hu ua His Xas Lais. 32 Es Lias muab cov pob zeb ntawd los txhim ua ib lub thaj rau HUAB TAIS. Nws khawb ib tug kwj ntim taus ob kawg noob ncig lub thaj. 33 Nws teeb cov taws rauv, nws muab tus thav nyuj phais thiab tso rau saum cov taws. 34 Ces nws hais tias : "Nej ntim plaub hub dej thiab nej nqa los nchuav rau saum tus nyuj thiab cov taws." Lawv ua li ntawd tas. Es Lias hais tias : "Nej ua zaum ob mas !" Lawv tseem ywg dej zaum ob. Es Lias tseem rov hais tias: "Nej ua zaum peb ntxiv mas !" Lawv thiaj ua zaum peb ntxiv. 35 Dej nyab lub thaj txi Ntuj tas, tus kwj kuj puv dej tas. 36 Thaum txog lub caij txi Ntuj, tus Yaj Saub Es Lias txav los hais tias : "HUAB TAIS, uas koj yog Has Nplas Has, His Xas Has thiab His Xas Lais tus Tswv Ntuj, koj ua kom tsoom sid paub tias koj yog tus Tswv Ntuj nyob hauv His Xas Lais mas! Koj ua kom lawv paub tias kuv yog koj tus tub txib ! Yog vim koj qhia mas kuv thiaj ua tej no. 37 HUAB TAIS, thov koj teb kuv ! Ces tas tsoom pej xeem nyob ntawm no thiaj yuav paub tias koj yog Tswv Ntuj, koj yog tus ua kom lawv lub siab rov tig los cuag koj." 38 Ces HUAB TAIS cov hluav taws nqes los hlawv tus nyuj thiab cov taws thiab los nqus cov dej nyob hauv tus kwj tas. 39 Tas tsoom sid ntshai poob siab nthav. Tas sawv daws ntog khwb rwg hauv av, lawv hais tias : "HUAB TAIS yog Tswv Ntuj tiag ! HUAB TAIS yog tus tseem Tswv Ntuj tiag !"

Mas Tais 5 : 17 - 19.

17 Nej txhob xav tias kuv tuaj rhuav Txoj Cai thiab cov Yaj Saub : kuv tsis tuaj rhuav, kuv tuaj qhia ntxiv kom thoob. 18 Vim tias qhov kuv hais rau nej muaj tseeb : lub ntuj lub teb yuav dua, tab sis tsis muaj ib tug txwm ntawv, los ib lub cim ntawv me me hauv Txoj Cai yuav ploj. Tas ib puas tsav yam nyob hauv Txoj Cai yuav tsum tshwm sim tuaj tso. 19 Tus twg hla ib txog cai me, thiab nws qhia kom luag ua xws li nws, mas Ntuj yuav saib tus ntawd qis tshaj cov nyob hauv Ntuj lub Ceeb Tsheej. Hos tus ua raws Txoj Cai tas huv si, thiab nws qhia kom luag ua xws li nws, Ntuj yuav saib nws yog tus loj nyob hauv Ntuj lub Ceeb Tsheej.

**Mim** 15th June 2012, 6:46 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°68

Re: COV ZAJ NYEEM NRUAB LIS PIAM 2012

Post Mim 15th June 2012, 6:46 am

Tim 14 lub 6 hli 2012 Xyoo B

Vaj Phau Ib 18: 41-46

41 Es Lias hais rau As Kas tias: “Nce mus, mus noj mov thiab haus dej, vim kuv hnov nag los nrov nroo ntws lawm.” 42 Thaum As Kas tseem nce mus noj mov thiab haus dej lawm, Es lias nce mus saum lub ncov roob Kas Mes. Nws khoov rau hauv av, muab nws ntsej muag chaws rau hauv nws ob lub hauv caug, 43 nws hais rau nws tus tub txib tias: “Nce mus lawm saud, mus nuam ntsia rau sab muaj dej hiav txwv.” Tus tub txib txawm nce mus nuam ntsia, nws hais tias: “Tsis muaj dab tsi li.” Es Lias rov hais tias: “Koj yuav tsum rov nce mus xya zaus.” 44 Thaum nws nce mus zaum xya, tus tub txib hais tias: “Pom ib tauv huab me me luaj ib nyuag txhais tes, nce hauv hiav txwv tuaj.” Ces Es Lias hais tias: “Nce mus hais rau As Kas li no: ‘Nog koj lub tsheb thiab kav tsij nqes mus tsam los nag thaiv koj kev.’” 45 Ib pliag ntshis xwb, lub ntuj tsaus nti, cua nplawm ntws, ces los nag hlob hlob kawg. As Kas nce loo saum tsheb thiab sawv kev mus rau lub nroog Yis Les Ees. 46 Tiam sis HUAB TAIS txhais tes nyob rawv saum Es Lias, ces Es lias zawm siv khov kho thiab nws khiav ua As Kas ntej mus txog ntua Yis Les Ees.

Mas Tais 5 : 20 - 26.

20 "Kuv hais rau nej : yog nej tsis ua siab ncaj dua cov Kws Ntawv Ntshiab thiab cov Fas Lis Xais, mas nej yuav mus tsis tau hauv Ntuj lub Ceeb Tsheej. 21 "Nej hnov cov lus qhia rau tej laus thaud tias : "Koj tsis txhob tua neeg. Tus twg tua neeg, nws yuav raug luag txiav txim rau nws. 22 Hos kuv, mas kuv hais rau nej : Leej twg npau taws rau nws tus kwv, nws yuav raug txim ntawm tsev hais plaub. Yog nws hais rau nws tus kwv tias "Niag ruam !" mas nws yuav raug txim ntawm lub rooj txwj laus Xas Nes Nrees. Yog nws hais rau nws tus kwv tias : "Niag vwm", mas nws yuav raug txim nyob hauv dab phem cov hluav taws. 23 Thaum koj cev ib co txim rau saum lub thaj txi Ntuj, yog koj nco dheev tias koj tus kwv tau muaj lus rau koj lawm. 24 Mas koj cia li tso koj cov txim rau ntawm lub thaj txi Ntuj, koj mus nrog koj tus kwv hais kom haum tso, koj mam rov los cev koj cov txim. 25 Thaum koj nrog tus neeg ntxub koj tseem ua ke mus kev, koj kav tsij nrog nws hais kom haum, tsam nws coj koj mus kom rau tus txiav txim, ces tus txiav txim muab koj cob rau tub ceev xwm kom muab koj kaw hauv tsev loj faj. 26 Kuv hais tseeb rau koj, koj yuav tawm tsis tau hauv tsev loj faj, mus txog thaum koj rho nyiaj qab nas txog npib kawg nkaus los them.

**Mim** 15th June 2012, 2:10 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°69

Re: COV ZAJ NYEEM NRUAB LIS PIAM 2012

Post Mim 15th June 2012, 2:10 pm

Tim 15 lub 6 hli 2012 Xyoo B

Hwm HT Yes Xus lub Plawv Ntshiab – Solemnity of the Most Sacred Heart of Jesus

COV ZAJ NYEEM NRUAB LIS PIAM 2012 - Page 3 Sacred-heart-of-jesus Os Xes 11 : 1, 3-4, 8c - 9.

1 Thaum His Xas Lais tseem yog ib tug me nyuam kuv twb nyiam nws lawm, kuv hu kuv tus tub nyob Hais Nkws Tos teb kom los. 3 Kuv yog tus qhia Es Fais xyaum mus kev, kuv puag lawv hauv kuv txhais npab. Tiam sis lawv tsis to taub tias kuv yog tus saib xyuas lawv. 4 Kuv siv tib neeg txoj kev ua zoo los cob lawv, kuv tis ib co hlua muaj kev hlub tswj lawv. Kuv ua xws li ib tug neeg nqa hlo nws tus me nyuam mos los npuab rau nws sab plhu. Kuv khoov qis qis mus rau nws, mus pub nws noj. 8 Kuv lub siab thim hlo nyob hauv kuv, kuv ib ce tshee muag nthas vim txoj kev khuv leej. 9 Kuv yuav tsis tso kuv lub siab npau taws. Kuv yuav tsis rov rhuav Es Fais ntxiv, vim kuv yog Tswv Ntuj, kuv tsis yog tib neeg. Kuv yog tus Ntshiab Nyob hauv nruab nrab nej, kuv yuav tsis tuaj rhuav nej pov tseg.

Es Fes Xos 3: 8-12, 14-19

8 Ntuj pub lub txiaj ntsim no rau kuv, tus me dua cov hauv tsoom ntshiab, kom kuv tshaj Leej Pleev cov paj tshab uas neeg ntsuas tsis tau rau cov teev pej kum dab, neeg ntsuas tsis tau rau cov teev pej kum dab, 9 kom kuv qhia sawv daws paub tseeb tias cov txuj ci zais tob tob yog dab tsi : cov txuj no nyob zais ntshis tau txhiab tiam hauv Tswv Ntuj, hauv tus tsim tas ib puas tsav yam. 10 Nyem no, cov Tshiab ua vaj txheeb, thiab cov Tshiab muaj hwj huam saum cov txheej ntuj pom Tswv Ntuj lub Koom Txoos, lawv thiaj paub Tswv Ntuj txoj kev thoob tsib uas tsis txawj kawg. 11 Vim Tswv Ntuj ib txwm npaj tej no nyob hauv peb tus Huab Tais Yes Xus Pleev. 12 Yog vim li no, peb muaj cuab kav tso siab lug txav los ze txoj kev ntseeg txog Leej Pleev
14 Vim tej uas tau hais no, mas kuv txhos caug nyob ntawm Leej Txiv xub ntiag, 15 yog Leej Txiv uas tas ib tsoom ua txiv nyob saum ntuj, thiab nyob ntiaj teb no, txais lub npe txiv ntawm nws los. 16 Kuv thov kom Leej Txiv pub nws lub zog loj zog nchav los pab nej txoj sia sab hauv, nyob hauv Leej Ntuj Plig, thov nws pub raws nraim li nws lub hwj chim nplua nuj. 17 Kuv thov kom Leej Pleev los nyob txawm hauv nej lub siab, vim nej ntseeg, ces nej yuav nrhau cag rau hauv txoj kev nyiam, thiab nej cog lub siab rau hauv txoj kev nyiam. 18 Nej yuav txais ib lub zog pab nej, kom nej nrog tsoom ntshiab to taub Leej Pleev txoj kev nyiam dav npaum li cas, ntev li cas, siab li cas, tob li cas. 19 Nej yuav paub Leej Pleev txoj kev nyiam, uas tob tshaj txhua txoj kev paub txuj. Ces txhua hom txiaj ntsim hauv Tswv Ntuj yuav los nyob puv hauv nej.

Zam 19: 31-37

31 Hnub ntawd yog Hnub Npaj, mas cov Yus Das tsis xav cia cov tuag lub cev dai saum ntoo cuam hnub Xas Npas Tos, vim tias hnub Xas Npas Tos ntawd yog ib lub hnub nyoog loj. Cov Yus Das thov Pis Las Tos kom muab cov neeg dai saum ntoo cuam ob sab ceg lov thiab muab lawv lub cev txo nqes los. 32 Cov tub rog thiaj tuaj muab thawj tug ob sab ceg lov, thiab muab lwm tus uas nrog nws dai saum ntoo cuam ob sab ceg lov. 33 Thaum lawv los txog ntawm Yes Xus, lawv pom nws twb tuag lawm, lawv tsis muab nws ob sab ceg lov, 34 tab sis ib tug tub rog xuas nws rab hmuv hno Yes Xus phab tav, tam sis ntawd ib co ntshav thiab ib co dej tawm los. 35 Tus uas tau pom qhov ntawd ua pov thawj hais. Nws ua tim khawv hais qhov tseeb, nws paub tias qhov nws hais muaj tiag. Nws hais tej ntawd kom nej ntseeg. 36 Tej xwm no tshwm sim kom muaj raws li Ntawv sau cia tias : Nws cov pob txha tsis lov ib tug li. 37 Tseem muaj lwm lo lus hauv Ntawv hais tias : Lawv yuav ntsia tus uas lawv nkaug.

**Mim** 15th June 2012, 2:41 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°70

Re: COV ZAJ NYEEM NRUAB LIS PIAM 2012

Post Mim 15th June 2012, 2:41 pm

Hnub no vim yog hnub hwm HT Yes Xus lub Plawv Ntshiab mas yog ib hnub peb thov ntuj pab rau tas ib tsoom leej choj nyob hauv lub Koom Txoos Kas Tos Liv nyob thoob ntiaj teb tib si.

Hnub no muaj txog 60 lub tuam tsev teev ntuj (shrines) nyob 60 lub teb chaws sib koom hais txoj Saw Mab Liab los thov ntuj pab cov leej choj. Tiam sis lawv ua "relay/relais" hais txoj Saw Mab Liab. Kuv tsis paub tias lawv pib hais nyob lub teb chaws twg, tiam sis kuv paub tias xws li lawv hais nyob Knock, Ireland, tas ces lawv xa tuaj rau tim EWTN nyob As Mes Kas teb, thaum lawv hais tas nyob ntawm no lawm ces lawv xa mus rau tim Germany. kuv nyuam qhuav tau nrog EWTN hais txoj Saw Mab Liab pab rau cov leej choj.

Xyoo no yog xyoo 3 uas lawv tau ua txoj kev hais Saw Mab Liab thov ntuj rau cov leej choj:

The 3rd Annual Global Rosary Relay for Priests

Join in praying 60 Rosaries in 60 countries

15th June 2012

Ntawm no yog ib daig video uas tsaib no (2011) lawv tau ua los piav txog txoj kev teev txoj Saw Mab Liab 24 teev thov ntuj rau ib tsoom leej choj. Lawv niaj xyoo ua li ntawd rau hnub hwm HT Yes Xus lub Plawv Ntshiab. Vim li ntawd ib xyoos twg yuav txawv hnub thiab hli me ntsis, tsaib no yog hnub tim 1 lub 7 hli 2011, xyoo no yog hnub no, tim 15 lub 6 hli 2012.

Daim video hauv qab no yog thaum lawv hais txoj Saw mab Liab hnub no nco txog HT Yes Xus txoj kev txom nyem, nyob EWTN, Irondale, xeev Alabama.

Last edited by Mim on 16th June 2012, 4:51 am; edited 1 time in total

**Mim** 15th June 2012, 5:50 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°71

Re: COV ZAJ NYEEM NRUAB LIS PIAM 2012

Post Mim 15th June 2012, 5:50 pm

Tim 16 lub 6 hli 2012 Xyoo B

COV ZAJ NYEEM NRUAB LIS PIAM 2012 - Page 3 Immaculate_heart Hwm Niam Mab Liab lub Plawv tsis lo txhaum
Memorial of the Immaculate Heart of the Blessed Virgin Mary

Vaj Phau Ib 19 : 19 - 21.

19 Ces Es Lias sawv kev mus. Nws mus nrhiav tau Es Lis Xais uas yog Xas Fas tus tub. Es Lis Xais tab tom laij ib thaj teb uas muaj kaum ob plag. Nws tab tom laij plas kawg. Es Lias hla mus ze ntawm Es Lis Xais, nws pov rhees nws lub tsho tshaj sab rau saum Es Lis Xais xub pwg. 20 Ces Es Lis Xais tso plhuav nws cov nyuj tseg, nws khiav khiav mus caum Es Lias. Nws hais tias : "Koj cia kuv mus hais ob peb lo lus nplij kuv niam thiab kuv txiv tso, ces kuv yuav nrog koj mus." Es Lias teb tias : "Koj rov mus. Kuv tau ua dab tsi rau koj ?" 21 Es Lis Xais thiaj rov mus, nws muab nws nkawm nyuj tua. Nws muab rab voom los rauv hau nqaij kom siav, ces nws muab faib rau cov neeg nrog nws ua hauj lwm noj, ces nws sawv mus nrog Es Lias, nws ua Es Lias tus tub txib.

Lus Kas 2 : 41 - 52.

41 Yes Xus niam thiab txiv nkawd niaj xyoo mus ua lub Ntees Hla pem Yes Lus Xas Les. 42 Thaum Yes Xus muaj kaum ob xyoos lawm, lawv mus ua lub Ntees Hla pem Yes Lus Xas Les raws li kev cai ua Ntees Hla. 43 Dhau cov hnub ntawd tas, ces Yos Xes thiab Mab Liab nkawd sawv kev rov mus, hos tus me tub Yes Xus tseem nyob Yes Lus Xas Les, nws niam thiab nws txiv tsis paub. 44 Nkawd xav tias nkawd tus tub nrog pab neeg tuaj ua ke rov qab lawm. Ces nkawd mus ib hnub ke, nkawd mam li pib nrhiav nkawd tus tub hauv cov txheeb ze thiab cov swm neeg. 45 Nkawd nrhiav tsis tau, nkawd rov mus nrhiav nws pem Yes Lus Xas Les. 46 Nkawd nrhiav peb hnub, thiaj nrhiav tau Yes Xus nyob hauv lub Tuam Tsev Teev Ntuj. Nws zaum hauv nruab nrab cov kws Txoj Cai, nws mloog lawv thiab nug lawv. 47 Cov neeg uas tau hnov Yes Xus hais lus, puav leej yoob tas rau nws lub tswv yim ntse thiab nws cov lus teb. 48 Thaum nkawd pom Yes Xus, nkawd xav tsis thoob, ces Yes Xus niam hais rau Yes Xus tias : "Me tub, vim li cas koj ua li ntawd rau wb ? Saib ! Koj txiv wb nrhiav koj, wb ntxhov siab tas nrho." 49 Yes Xus hais rau nkawd tias : "Vim li cas neb nrhiav kuv ? Neb tsis paub tias kuv yuav leg kuv Txiv cov hauj lwm lod ?” 50 Mab Liab thiab Yos Xes nkawd tsis to taub lo lus uas Yes Xus hais rau nkawd. 51 Yes Xus nrog nkawd rov mus Nas Xas Les. Nws mloog nkawd lus. Yes Xus niam khaws tej ntawd huv tib si cia rau nruab siab.

**Mim** 19th June 2012, 8:52 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°72

Re: COV ZAJ NYEEM NRUAB LIS PIAM 2012

Post Mim 19th June 2012, 8:52 am

Tim 18 lub 6 hli 2012 Xyoo B

Vaj Phau Ib 21 : 1 - 16.

1 Nas Npos nyob Yis Les Ees. Nws muaj ib lub vaj txiv cawv nyob puab tus vaj Xas Mas Lias hu ua As Kas lub tsev. 2 As Kas hais zoo li no rau Nas Npos tias : "Koj muab koj lub vaj txiv cawv rau kuv ua kuv lub vaj cog zaub. Vim koj lub vaj txiv cawv twb nyob ze ze kuv tsev. Kuv mam li muab dua ib lub vaj txiv cawv zoo dua rau koj. Los puas yog koj xav yuav nyiaj mas kuv yuav muab nyiaj rau koj." 3 Tab sis Nas Npos hais rau As Kas tias : "Thov kom HUAB TAIS tsis txhob cia kuv tso kuv cov yawg koob tej qub txeeg qub teg rau koj !" 4 As Kas rov mus tsev, nws chim, nws ua ntsej muag dub nciab, nws tsis zoo siab rau lo lus Nas Npos hais rau nws tias : 'Kuv yuav tsis tso kuv cov yawg koob tej qub txeeg qub teg rau koj.' Nws mus pw saum txaj, nws fee plhu, nws tsis xav noj mov. 5 Nws tus poj niam Zes Xas Npes los hais rau nws tias : "Vim li cas koj thiaj chim siab ? Koj tsis noj mov!" 6 As Kas teb tias : "Vim kuv hais rau Nas Npos tias : 'Muab koj lub vaj txiv cawv rau kuv, kuv mam muab nyiaj rau koj. Los yog koj nyiam, kuv muab dua lwm lub vaj txiv cawv los pauv.' Tab sis nws hais tias:'kuv tsis muab kuv lub vaj txiv cawv rau koj." 7 Ces Zes Xas Npes hais rau As Kas tias: "Koj kam yog ib tug vaj His Xas Lais diam! Kav tsij sawv tsees los noj mov. Koj kav tsij zoo siab! Kuv yuav muab Nas Npos lub vaj rau koj."

8 Zes Xas Npes yuav As Kas lub npe los sau ib tsab ntawv. Nws ntaus tus vaj lub thwj rau saum tsab ntawv. Nws xa mus rau cov txwj laus thiab cov nom nrog Nas Npos nyob. 9 Nyob hauv tsab ntawv ntawd, Zes Xas Npes sau tias: "Nej tshaj ib lub caij yoo mov. Nej cia Nas Npos mus zaum ntawm tsoom sid hauv ntej. 10 Nej coj ob tug tim khawv los nyob ntawm Nas Npos xub ntiag. Ob tug tim khawv ntawd nkawd yuav liam tias : 'Koj tau thuam Tswv Ntuj thiab thuam tus vaj !' Ces nej coj Nas Npos tawm mus nraum zoov thiab nej xuas pob zeb txawb kom nws tuag." 11 Cov nom tswv thiab cov txwj laus nyob hauv Nas Npos lub nroog sawv daws ua zoo li Zes Xas Npes qhia kom ua nyob hauv nws tsab ntawv nws sau tuaj rau lawv. 12 Lawv yoo mov thiab lawv kom Nas Npos mus zaum ntawm tsoom sid hauv ntej. 13 Ces ob tug tim khawv tuaj sawv ntawm Nas Npos xub ntiag thiab liam tias Nas Npos tau thuam Tswv Ntuj thiab thuam tus vaj. Ces lawv coj Nas Npos tawm ntawm lub nroog mus thiab lawv txawb pob zeb ntaus nws tuag. 14 Lawv ua li ntawd ces lawv tso neeg mus hais rau Zes Xas Npes tias : "Peb tau xuas pob zeb txawb tua Nas Npos tuag lawm."

15 Thaum Zes Xas Npes hnov tias Nas Npos tuag lawm, nws hais rau As Kas tias : "Koj sawv mus yuav Nas Npos lub vaj txiv cawv los ua koj tug. Nws tsis xav muab rau koj kom nws tau nyiaj. Zaum no nws tsis nyob, nws tuag lawm." 16 Thaum As Kas hnov tias Nas Npos tuag lawm, ces nws sawv. Nws nqes mus nram Nas Npos lub vaj, nws yuav Nas Npos lub vaj los ua nws tug.

Mas Tais 5: 38-42

38 Nej hnov tej lus qhia tias : Qhov muag pauj qhov muag, kaus hniav pauj kaus hniav. 39 Hos kuv hais rau nej : nej tsis txhob nrog tus neeg phem sib cav. Yuav ua li no : leej twg ib ncuav pias rau koj sab plhu xis, tig sab plhu laug rau nws thiab. 40 Leej twg xav ua plaub rau koj kom tau koj lub tsho, mas koj muab koj lub tsho tshaj sab ntxiv rau nws thiab. 41 Leej twg thov koj xa nws mus ib ncuas kev, mas koj nrog nws mus ob ncuas. 42 Leej twg thov koj, mas koj pub rau nws. Leej twg xav txais nyiaj ntawm koj, mas koj txhob tig nraub qaum rau nws.

**Mim** 19th June 2012, 8:54 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°73

Re: COV ZAJ NYEEM NRUAB LIS PIAM 2012

Post Mim 19th June 2012, 8:54 am

Tim 19 lub 6 hli 2012 Xyoo B

Vaj Phau Ib 21 : 17 - 29.

17 HUAB TAIS hais rau Es Lias tias : 18 "Koj sawv mus cuag tus vaj His Xas Lais hu ua As Kas nyob Xas Mas Lias teb. Tam sim no nws nyob hauv Nas Npos lub vaj txiv cawv, nws mus txeeb lub vaj los ua nws tug. 19 Koj yuav mus hais li no rau nws : "HUAB TAIS hais li no: 'Koj tua neeg thiab koj tseem txeeb nws tug yuav ! Vim li ntawd, Tswv Ntuj hais tias nyob ntawm qhov chaw uas cov dev yaim Nas Npos cov ntshav, mas dev kuj yuav yaim koj cov ntshav thiab."

20 As Kas hais rau Es Lias tias : "Kuv tus yeeb ncuab, koj caum tau kuv lawm lod ?" Es Lias teb tias : "Kuv caum tau koj lawm, vim koj ua phem. Koj ua qhov tsis ntxim HUAB TAIS siab. 21 Kuv yuav tso kev txom nyem tuaj raug koj. Kuv yuav cheb koj caj ces neeg pov tseg. Kuv yuav rhuav koj cov txiv neej, tsis hais cov ua qhev los cov ua tswv. 22 Kuv yuav ua kom koj tsev neeg raug xwv txheej xws li Yes Los Npuag thiab Npas Sas nkawd ob tsev neeg, vim koj ua kom kuv npau taws thiab ua kom His Xas Lais ua txhaum." 23 HUAB TAIS kuj foom ib lo lus phem rau Zes Xas Npes tias dev yuav sib huas dua Zes Xas Npes lub cev nyob hauv thaj teb nyob Yis Les Ees. 24 Nyob hauv As Kas lub tsev, tus twg tuag nyob hauv nroog mas dev yuav noj nws, tus twg tuag nyob tom hav xub tsuag mas cov dav yuav noj nws.

25 Tsis muaj ib tug neeg ua phem xws li As Kas ua. Nws ua tej yam tsis haum HUAB TAIS siab vim yog nws tus poj niam ntxias nws. 26 Nws ua raws ib txog kev phem kawg, nws teev dab zoo li cov As Mos uas HUAB TAIS ntaus lawv tawg tas.

27 Thaum As Kas hnov cov lus ntawd, As Kas dua rhe nws cev khaub ncaws, nws mus hnav ntaub tsaj ntxhib npog nws cev nqaij xwb, nws yoo mov thiab nws pw hauv cov ntaub tsaj. Nws maj mam mus kev qeeb qeeb. 28 Ces HUAB TAIS hais rau Es Lias tias : 29 "Koj puas pom tias As Kas yeem ua tus neeg me nyob ntawm kuv xub ntiag ? Vim nws yeem ua tus me li ntawd mas kuv yuav tsis tso xwv txheej los nphav nws. Yog thaum nws tus tub yuav nce ua vaj mas kuv thiaj yuav tso xwv txheej los nphav nws tus tub tsev neeg."

Mas Tais 5: 43-48

43 "Nej hnov tej lus qhia tias : Koj yuav nyiam tus nyob ze koj, koj yuav ntxub koj tus yeeb ncuab. 44 Tab sis, kuv hais rau nej tias : nej yuav nyiam nej cov yeeb ncuab, nej yuav thov Ntuj rau cov tsim txom nej ; 45 nej thiaj yog nej Txiv nyob saum ntuj cov tub ; vim nej Txiv ua kom lub hnub tuaj ziab cov neeg phem thiab cov neeg zoo, nws ua kom nag los rau cov siab ncaj thiab cov siab nkhaus. 46 Yog nej nyiam cov neeg nyiam nej, mas nej yuav tau koob haum dab tsi ? Tab yog cov sau se, lawv kuj txawj nyiam li ntawd. 47 Yog nej tshwj zias nej cov lus foom zoo rau nej cov kwv tij xwb, mas nej tau ua dab tsi zoo tshaj luag ? Tab yog cov neeg teev pej kum dab, los lawv kuj txawj ua li ntawd. 48 Hos nej, mas nej yuav ua neeg zoo tshaj, vim nej Txiv nyob saum ntuj yog tus zoo tshaj.

**Mim** 20th June 2012, 1:37 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°74

Re: COV ZAJ NYEEM NRUAB LIS PIAM 2012

Post Mim 20th June 2012, 1:37 am

Tim 20 lub 6 hli 2012 Xyoo B

Vaj Phau Ob 2 : 1 + 6 - 14.

1 HUAB TAIS xa ib lub khaub zeeg cua tuaj nqa Es Lias mus saum ntuj mas yog zoo li no : Es Lias thiab Es Lis Xais nkawd yuav tawm hauv Zis Nkas mus.
6 Es Lias hais rau Es Lis Xais tias : "Koj nyob ntawm no. HUAB TAIS xa kuv mus txog tus dej Yos Las Das xwb." Tab sis Es Lis Xais teb tias : "Kuv cog lus tias kuv yuav tsis tso koj tseg li." Ces nkawd ob leeg mus ntxiv. 7 Thaum nkawd tab tom mus sawv ze ntawm ntug dej Yos Las Das, muaj tsib caug tus tij yaj saub tuaj. Lawv tuaj nres nyob deb ntawm nkawd. 8 Es Lias hle nws lub tsho tshaj sab, nws muab kauv zoj thiab nws muab nplawm cov dej. Tus dej cia li faib ua ob sab, ces nkawd hla dej ko taw tsis ntub dej li. 9 Thaum nkawd hla dhau lawm, Es Lias hais rau Es Lis Xais tias : "Koj thov saib kuv ua puas tau dab tsi rau koj, cheem kuv tseem tsis tau ncaim koj mus ?" Es Lis Xais teb tias : "Kuv thov koj muab koj lub tswv yim ib feem loj los pub rau kuv ua kuv lub cuab tam." 10 Es Lias hais tias : "Koj thov ib yam nyuaj ! Yog koj pom kuv nce mus saum ntuj mas koj yuav tau txais kuv lub tswv yim. Yog koj tsis pom kuv mas koj yuav tsis tau txais." 11 Nkawd ke tham li ntawd ke mus kev. Cia li muaj ib lub tsheb hluav taws thiab ob tug nees hluav taws tuaj nyob ntawm nkawd kis nruab nrab. Ces Es Lias nce mus saum lub tsheb ntawd thiab nrog lub khaub zeeg cua mus lawm saum ntuj.
12 Es Lis Xais pom Es Lias mus, nws qw tias : "Txiv ! Txiv ! His Xas Lais lub tsheb thiab nws cov nees !" Ces Es Lis Xais tsis pom ntxiv lawm. Es Lis Xais nthos nkaus nws lub tsho muab dua rhe ua ob daig. 13 Nws khaws nkaus Es Lias lub tsho tshaj sab uas poob rau hauv av. Thiab nws rov qab los ntawm ntug dej Yos Las Das. 14 Es Lis Xais muab Es Lias lub tsho los nplawm cov dej nws hais tias : "Es Lias tus HUAB TAIS Tswv Ntuj nyob qhov twg ?" Nws ntaus cov dej, dej cia li faib kiag ua ob sab, ces Es Lis Xais hla dej.

Mas Tais 6: 1-6 + 16-18

1 Nej ceev faj, nej txhob ua ncaj nyob ntawm neeg xub ntiag xwb, kom luag qhuas nej. Yog nej ua li ntawd, mas nej yuav tsis txais koob haum ntawm nej Txiv nyob saum ntuj. 2 Thaum koj pub rau luag, koj txhob tshuab hom ua koj ntej. Cov neeg zoo sab nraud ua li ntawd nyob hauv cov tsev txoos thiab nyob ntawm tej kev, kom sawv daws cav lus zoo txog lawv. Kuv hais tseeb rau nej, lawv twb txais lawv cov koob haum tas lawm. 3 Hos koj, mas thaum koj pub rau luag, koj txhob cia koj sab tes laug paub qhov uas sab tes xis ua. 4 Li ntawd, tsis muaj neeg paub tias koj tau pub. Ces koj Txiv uas nws pom hauv qhov chaw nraim yuav pauj rau koj. 5 "Thaum nej teev Ntuj, nej txhob ua li cov neeg zoo sab nraud : lawv nyiam sawv ntsug hauv cov tsev txoos, thiab ntawm tej kev tshuam, kom sawv daws pom lawv. Kuv hais tseeb rau nej, lawv twb txais lawv cov koob haum lawm. 6 Hos koj, mas thaum koj teev Ntuj, koj mus nyob twj ywm hauv koj kem txaj, kaw koj qhov rooj ces koj teev koj Txiv uas nws nyob hauv qhov chaw nraim. Koj Txiv uas nws pom hauv qhov chaw nraim, yuav pauj rau koj.
16 Thaum nej yoo mov, nej txhob ua ntsej muag ntshaus xws li cov neeg zoo sab nraud : lawv ua ntsej muag mluas mluas, kom luag pom meej tias lawv yoo mov. Kuv hais tseeb rau nej tias cov neeg ntawd twb txais lawv cov koob haum tas lawm. 17 Hos koj, mas thaum koj yoo mov, koj yuav pleev tshuaj tsw qab saum taub hau, koj ntxuav muag, 18 kom txhob muaj neeg paub tias koj yoo mov, tsuas kawg koj Txiv uas nws nyob hauv qhov chaw nraim tib leeg paub xwb. Koj Txiv pom hauv qhov chaw nraim yuav pauj rau koj.

**Mim** 21st June 2012, 7:28 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°75

Re: COV ZAJ NYEEM NRUAB LIS PIAM 2012

Post Mim 21st June 2012, 7:28 pm

Tim 21 lub 6 hli 2012 Xyoo B

Hnub hwm LN Aloysius Gonzaga

Npes Xis Las 48 : 1 - 14.

1 Ces tus Yaj Saub Es Lias sawv tuaj xws li ib lub cub tawg,
nws lo lus cig lam lug li ib teg tsau.
2 Nws yog tus ua kom kev tshaib plab tuaj raug lawv,
thiab nws yog tus ua kom lawv tshuav tsawg,
vim nws muaj lub siab kub.
3 Nws siv Huab Tais lo lus los kaw cov dej nag saum ntuj,
thiab peb zaug nkaus, nws ua hluav taws poob saum ntuj los.
4 Es Lias,koj muaj koob meejloj nyob hauv koj cov hwj huam yeesntxwv!
Leej twg yuav khav tau tias nws loj ib yam li koj ?
5 Koj tau chua ib tug neeg ntawm kev tuag thiab ntawm ntuj txias teb
tsaus rov los
vim koj siv tus Nyob Siab Tshaj lo lus.
6 Koj tau ua kom ib co vaj poob rau hauv kev xyob txhiaj,
koj kuj tau txo kom tej tus neeg nto moo ploj ntawm lawv txaj chaw
pw mus.
7 Koj tau hnov ib co lus cem nyob saum roob Xis Nais,
hos saum roob Hos Les, koj tau hnov ib co lus txiav txim tias yuav
ua pauj.
8 Koj tau pleev roj tsa tej tus vaj sawv kom lawv yog cov ua pauj,
thiab tau tsa tej tus Yaj Saub los hloov koj.
9 Ib lub khaub zeeg cua hluav taws nqa koj mus lawm,
ib lub tsheb nees hluav taws thauj koj lawm.
10 Muaj ntawv sau tseg tias koj raug xaiv ua dej num rau lub caij
nyuaj yav tom ntej,
kom cheem tau Huab Tais txoj kev npau taws ua ntej hnub nws yuav
los,
kom coj tau phaj txiv lub siab rov los npuab phaj tub,
thiab kom rov tsa tau cov xeem Yas Kos sawv.
11 Cov neeg uas yuav pom koj, lawv txoj hmoov zoo,
thiab cov neeg uas pw tsaug zog nyob hauv kev sib hlub kuj hmoov
zoo,
vim peb yeej yuav muaj txoj sia nyob tiag.

12 Thaum Es Lias mus ploj hauv lub khaub zeeg hluav taws lawm,
Es Lis Xais txais tau Es Lias lub tswv yim los nyob puv hauv
nws.
Tas nws sim neej tsis muaj ib tug nom twg yuav ua tau kom nws
ntshai,
Kuj tsis muaj leej twg yuav ua tau kom nws swb.
13 Tsis muaj ib yam twg yuav loj dhau rau nws.
Nws twb tuag lawm los nws lub cev tseem ua Yaj Saub.
14 Thaum ua neej nyob nws ua hwj huam yees ntxwv,
thaum tuag lawm, nws tseem ua tej yam hauj lwm loj txaus qhuas,
tseem tau raug xa tawm mus deb ntawm nws lub teb chaws
thiab raug muab tseb puv ntiaj teb.

Mas Tais 6 : 7 - 15.

7 Thaum nej teev Ntuj, nej txhob ntuas mus ntuas los zoo li cov neeg teev dab : cov neeg teev dab xav tias yog lawv hais lus ntau, mas dab yuav mloog lawv zoo dua. 8 Nej txhob ua zoo li lawv. Vim nej Txiv paub tias qhov twg yog qhov nej yuav tsum muaj, tab yog nej tseem tsis tau thov, nws twb xub paub lawm. 9 Nej yuav teev Ntuj zoo li no : "Peb Txiv nyob saum ntuj, koj lub Npe ntshiab nto moo lug. 10 Koj lub Ceeb Tsheej los txog. Kom muaj raws li koj nyiam nyob ntiaj teb no li nyob saum ntuj. 11 Thov koj pub mov txaus peb noj hnub no. 12 Koj zam peb cov nuj nqis zoo li peb zam rau cov tshuav nqi ntawm peb. 13 Koj txhob tso peb raug kev ntxias. Thov koj npo peb dim ntawm kev phem." 14 "Yog nej zam rau cov neeg ua txhaum rau nej, mas nej Txiv nyob saum ntuj kuj yuav zam rau nej thiab. 15 Hos yog nej tsis zam txhaum rau luag, mas nej Txiv kuj yuav tsis zam rau nej.