Huab Tais Ntuj 10 lo lus Qhia Movie

Mim thiab XH.Npuag Tub,

Neb pab nrhiav seb puas tau zaj MOVIE " Ten Commandments (Charlston Heston) " nov ua lus Mes Kas tuaj tso nrog zaj ua lus Fab Kis?

Ua tsaug.

Ob daim videos nram no yog 10 Lo Lus Qhia ua lus Aas kiv

Nyob zoo sawv daws,

Lub Caij 40 yog ib lub caij uas lawv nquag tso zaj movie "10 Lo Lus Qhia" rau neeg xyuas. Nws yeej yog hais txog Tswv Ntuj muab 10 Lo Lus Qhia rau Mais Xes coj los qhia rau tsoom His Xas Lais. Tiam sis nws tsis yog hais txog qhov ntawd nkaus xwb. Zaj no tseem piav txog Tswv Ntuj tau xaiv Mais Xes los ua tus cawm tsoom His Xas Lais dim ntawm txoj kev ua qhev nyob Hais Nkws Tos teb. Mais Xes yog ib tug piv txwv qhia txog HT Yes Xus yog tus cawm peb tib neeg dim ntawm txoj kev ua kev txhaum qhev.

Hmo uas Mais Xes npaj coj cov His Xas Lais khiav tawm Hais Nkws Tos teb hu ua "Passover," txhais tias "Hmo Hla." Hmo ntawd Mais Xes kom cov His Xas Lais yuav tsum tua ib tug yaj, muab cov ntshav los pleev cov (ncej) puab rooj. Lawv yuav tsum muab cov nqaij los ua siav thiab noj kom tas hmo ntawd. Lawv noj lawv pluas hmo ntawd mas lawv npaj tas puas tsav yam kom tiav tiav, lawv sia siv khov kho noj mov sawv ntsug, mloog ntsoov Mais Xes lo lus ceeb toom kom sawv kev. Thaum hmo ntuj ntawd, txoj kev tuag yuav nqes los hla Hais Nkws Tos teb. Yog lub qhov rooj twg pleev ntshav yaj lawm mas txoj kev tuag yuav hla dhau plaws mus, yog lub qhov rooj twg tsis pleev ntshav, ces txoj kev tuag yuav nkag mus hauv lub tsev ntawd thiab yuav txo tus tub hlob txoj sia. Tus yaj ntawd kuj yog ib lub cim qhia txog HT Yes Xus yog tus Yaj uas tuag thiab hliv nws roj ntsha los txhiv peb ntawm txoj kev tuag thiab.

Yog vim li no peb thiaj siv lo lus "lub Caij Hla" rau lub caij peb ua hmoov nco txog Yes Xus raug txom nyem, tuag thiab sawv rov los (Easter).

Nyob zoo sawv daws. Zaj Movie HT 10 lo lus qhia no kuj yog ib zaj ntev kawg, thiab yog ib zaj uas Tswv Ntuj tau pub Mais Xes ua tau hwj huam ntau tshaj rau tus vaj Fas las oos pom. Nyob rau cov yaj saub ua ntej thaum HT Yes xus tsis tau yus los, es tau ua hwj huam yeeg ntxwv loj tshaj, ntshais tsuas yog Mais xes thiab Es Lias, nkaws thiaj ua hwj huam ntau tshaj co xwb. Yog li Zaj Movie no, kuj yog ib zaj zoo saib txhawb yus lub siab ntseeg ruaj thiab khov. Thaum kuv nyuam qhuav pom mas uas rau kuv lub siab kub lug, txog Tswv Ntuj lub hwj huam. Vim Mais xes tau tsa teg kom lub pas dej hiav txwv liab qhuav ua kev plav tshauv tog rau cov Hig xas lais hla mus. Tiam sis lawv tseem tsi zeem tseeb Tswv Ntuj, lawv tseem muab nyiaj muab kub los ncuav ua ib tus mlom lawv teev. Li ntawd Tswv Ntuj thiaj tsi txaus siab rau cov His xas lai. Nyob rau peb tiam nyem no kuj yuav nco ntsoov txhob muab Tswv Yes xus tej txiaj ntsim uas Nws tau muab Nws txoj sia los tuag. 3 Hnub Nws tau ua hwj huam, yeej txoj kev tuag sawv rov los. Peb txhob tso txoj kev ntseeg tseg li cov His xas lais nawb. Tsam ib hnub peb raug xwv txheej ces tsi muaj twg pab tau peb lawm og cov phooj ywg.