QHIA TXOG HUAB TAIS 6 TEEV NTSHAV.

1.Huab Tais cov tee Ntshav, thaum Huab Tais mus teev Ntuj nyob hauv lub Vaj Txiv Ntoo Roj Nws tawm ib ce hws yog Ntshav no
Yog cov teev uas Ntshav Huab Tais hlub lub ntiaj teb neeg tas nrho. Thaum ib tug neeg nws pluag kev hlub lawd, mas peb yuav tau taij thov teev ntshav no.  Los hlub thiab nplij tus neeg, tau raug li ntawd.

2. Huab Tais cov teev Ntshav, thaum luag hiam Huab Tais.  Luag rho Huab Tais cov Hwj Txwv, yog Ntshav Muaj hwj chim.
Ib tug neeg raug luag thuam los luag ntxub nws, nws muaj kev tu siab ua ntej. Mob nkeeg mam li raws cuag nws.  Mas peb yuav thov kom Huab Tais cov teev Ntshav no, los daws nws kev tu siab mus…

3. Huab Tais cov teev Ntshav, tawm ntawm Huab Tais lub taub hau los. uas luag muab lub kauj pos los kauv ua ib lub kauj rau Huab Tais ntoo.
Yog cov teev Ntshav, muaj hwj chim meej Mom, Koob meej.  Huab Tais ua siab ntev rau ntiaj teb neeg thuam Huab Tais.
Ib tug neeg raug luag thuam saib tsis tau nws, nws thiaj muaj kev tu siab. Peb yuav thov Huab Tais cov teev Ntshav, no los daws teeb meem hlub hom neeg raug li no.
Kom nws ua neej nyob muaj zog yeej luag kev ntxhub kev thuam kom muaj lub siab loj yeej tau nws tej kev mob nkeeg nrog kev tu siab mus…

4. Cov teev Ntshav, tawm ntawm Huab Tais ob sab tes los.  Yog Ntshav ncaj nees yus txhob tsa tes mus ntaus los hiam leej twg. Luag hiam los yus ua siab ntev zam txim rau luag.
Cov neeg raug luag ntxub, luag hiam thiab saib tsis taus nws.  Nws raug luag hiam li no, nws mam muaj kev tu siab nws muaj mob nkeeg los.
Mas yuav thov kom Huab Tais muab cov teev Ntshav no, los daws teeb meem thiab nplij nws kom nws rov muaj zog tuaj nyob ua neej txuas ntxiv mus.

5. Cov teev Ntshav, tawm ntawm Huab Tais ob sab taw lo. yog cov Ntshav qhia peb kom taug kev mus kom ncaj ke.
Txhob lam lem mus sab Xis los Sab Laug, mus tsis ncaj ke, lem mus ua kev txhaum tsis kam lees rau Huab Tais paub.
Hom neeg taug kev tsis ncaj ke, lob tau kev ua txhaum ntau, nws raug kev txaj muag, Ces nws tau nrog kev txhaum thiab kev mob nkeeg ua phooj ywg lawm.
Nws thiaj muaj mob los tau ua neeg liam sim mus, mas peb kuj yuav thov vam txog Huab Tais cov teev Ntshav no, los pab daws cov teeb meem ntawd mus.
6. Cov Ntshav uas luag xuas hmuv nkaug, Huab Tais lub Plawv, Ntshav tawm los ntawd. Yog Cov Ntshav Huab Tais tau Zam txhaum rau ntiaj teb neeg.
Yog tus tau ua txhaum loj, saib tsis taus Huab Tais lawm, tsis hwm Huab Tais, tsis teev Ntuj, tsis quav ntsej los tsis muaj kev ntseeg kev tso siab, rau Huab Tais.
Nws mag raug rau cov xwv txheej no, raug dab phem ntxias kom ua txhua yam.  Mas yuav tau txiav siab thiab cog lus, rov los cuag Huab Tais, kom nws tau dim ntawm Dab Phem cov rooj ntxiab mus.
Uas dab phem cuab tav nws kev, Thov kom Huab Tais, muab Huab Tais cov Ntshav Ntshiab no.  Los rhuav tsem mus, kom nws rov muaj kev nrog tau nyob kaj siab lug ntxiv.
Huab Tais cov Ntshav Ntshiab no, yog ib co Ntshav muaj txiaj ntsim loj tas nrho, cia tos pab txhua tus neeg vam txog, los dawv teeb meem.

Sacramento
Tim 16/3/ 2019.
Yaj Zoov Ntxheb XH.