Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Suav neeg tuaj saib, txij hnub 17/09/2010 los mus.


    TP.Txhiaj Foom lub TSEV Ntawv

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 18th July 2017, 3:38 pm




    KUV TUS PLIG CAV TXOG HUAB TAIS NTUJ



    Cov kwv tij hmov thiab tshua, hnub no zoo hnub, rau qhov tias : yog Hnub Chiv- yog Huab Tais Ntuj hnub- Yog hnub uas peb zoo siab nco tias Tswv Ntuj Leej Tub sawv hauv ntxa rov los ciaj sia rov mus txog txhiab niag tim puas xyoo. Yeej yog raws li Ntawv Ntshiab tshaj lus tawm zoo li no tias : « Yes Xus sawv hauv qhov tuag los lawm –Nws yuav tsis rov tuag dua- Txoj kev tuag tsis muaj cuab kav tuaj raug nws ib zaug ntxiv’’ « ( Los Mas 6 : 9 ). Li ntawd peb zoo siab ntseeg ruaj nreb khov kho tias Huab Tais Yes Xus yog tus Huab Tais cawm neeg dim ntawm qhov phem thiab kev txhaum
    Cov kwv tij, hmo no, nej yuav zoo siab mloog ib zaj teev hawm Tswv Ntuj ,yam tus Nkauj Tsim Txiaj Mab Liab cav txog Tswv Ntuj kev hlub neeg uas loj tas nrho - Mas , lub caij ntawd ,tus Nkauj Tsim Txiaj Mab Liab hnov Ntuj tus Tshiab Nkas Nplias Lo Lus tias : Tswv Ntuj xaiv Mab Liab los ua niam xeeb tus Huab Tais cawm neeg. Mab Liab txais Leej Ntuj Plig Ntshiab lub hwj huam nqes los roos nws. Ces Mab Liab xeeb tub tau… Hos tib lub caij ntawd Tswv Ntuj tus Tshiab qhia xov xwm txawv txav rau Mab Liab tias : nws tus phauj Es Lis Xas Npes kuj tau xeeb tub tau rau hli lawm. – 2 hnub tom qab ces Mab Liab zoo siab sawv kev mus cuag Es Lis Xas Npes .Thaum Es Lis Xas Npes hnov Mab Liab foom kev kaj lug, mas nws tus me nyuam dhia hauv nws plab , thiab Leej Ntuj Plig Ntshiab los nyob puv Es Lis Xas Npes lub siab- Ces Es Lis Xas Npes tsa suab hlo hais nrov nrov tias : « Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov – Ua cas Ntuj thiaj pub kom kuv tus Huab Tais leej niam tuaj xyuas kuv ? K - Ua li ntawd, tus tau ntseeg tias cov lus Huab Tais hais rau nws yuav tsheej xeeb, mas nws txoj hmoov zoo ! »’

    Cov kwv tij, ib pliag saum no, nej yuav tau mloog tus Nkauj Tsim Txiaj Mab Liab zaj lus teev hawm Tswv Ntuj uas nws hlub neeg tas nrho :

    PAJ NRUAG PEB TXIV NYOB SAUM NTUJ
    Tus Nkauj Tsim Txiaj Mab Liab cav lus zoo txog Tswv Ntuj tias « Kuv tus plig cav txog Huab Tais Ntuj lub hwj chim- Kuv lub tswv yim hom khaj nyob hauv Tswv Ntuj uas nws cawm kuv== Kuv tus Huab Tais, nws ntsia txog nws tus ntxhais tsis muaj tsim - Txij no mus ,lub qab ntuj neeg yuav hais tias kuv txoj hmoov zoo == Tus muaj hwj huam tas nrho, nws ua tej yam loj rau kuv- Nws lub npe ntshiab == Huab Tais lub siab hlub cov neeg hwm Ntuj- Huab Tais hlub lawv txog txhiab niag tim puas xyoo == Huab Tais muab nws lub hwj huam rau sawv daws pom == Cov neeg uas lawv lub siab muab hlob, Huab Tais ntaus lawv kom lawv tawg == Cov neeg zaum ua vaj, Huab Tais ua kom lawv nqes ntawm lawv lub rooj zaum == Cov neeg me , Huab Tais tsa lawv nyob qhov chaw siab == Cov neeg uas lawv tshaib plab, Huab Tais ua kom lawv muaj == Cov neeg uas lawv muaj, Huab Tais ntiab lawv kom rov qab mus , lawv txhais tes qhuav - Huab Tais nco ntsoov txog Huab Tais lub siab zoo == Huab Tais nco ntsoov txog lo lus uas nws hais rau peb lub keeb == Huab Tais Leej Txiv , Huab Tais Leej Tub Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej, xws li txheej laus thaud los .Ua li » Lus Kas 1 : 26-55
    Cov kwv tij hmov thiab tshua, ib zaj lus ( uas tsim nyog peb tsoom ntseeg yuav khaws tseg ) thiaj yog lo lus no : peb kuj muaj cai hais zaj lus teev hawm Tswv Ntuj ib yam nkaus li tus Nkauj Tsim Txiaj Mab Liab ntag
    Zoo li thawj thawj qib lus tias : « Kuv tus plig cav txog Huab Tais Ntuj lub hwj chim- Kuv lub tswv yim hom khaj nyob Tswv Ntuj uas nws cawm kuv..
    Tim li cas peb yuav kub siab hais tau tib zaj cav txog Huab Tais Tswv Ntuj ntawd ? Vim tias ib txwm los peb nco ntsoov tias txhua txhia zaus peb teev hawm Tswv Ntuj mas qhov loj tshaj plaws yog kev cav txog Tswv Ntuj thiab kev ua Ntuj tsaug thiab kev nco txog Tswv Ntuj txiaj ntshav txiaj ntsim – Hos peb niaj hnub kuj muab siab rau thov Tswv Ntuj pab txhawb nqa peb tej siab ntsws thiab txuag peb lub cev nqaij daim tawv ces peb coj tau peb lub neej ntxiv mus -- .Qhov ntawd yeej zoo heev , tab sis tsis yog qhov tim 1 hauv peb tej zaj teev hawm Tswv Ntuj . Peb yuav nco tias : qhov loj tshaj plaws yog kev cav txog Tswv Ntuj lub koob meej thiab kev ua Ntuj tsaug thiab kev nco txog Tswv Ntuj txiaj ntshav txiaj ntsim
    Tsis tas li ntawd xwb , tshuav lo lus tim 2 tias : Kuv lub tswv yim hom khaj nyob hauv Tswv Ntuj uas nws cawm kuv. Saib : peb nco tias peb tau txais lub Cim Ntxuav, mas peb Leeg Huab Tais tau so peb tej txhaum tas huv tib si thiab Tswv Ntuj tau pab peb rov yug los dua tshiab, yam peb tau txais Ntuj tej txiaj ntsim uas muaj nqe tas nrho. Tab sis peb tseem rov ntog hauv qhov txhaum,, Yog vim qhov ntawd ces peb sawv daws yuav tsum thov Ntuj rov cawm peb dim ntawm qhov txhaum dua, tsis tu ncua .Li ntawd ces peb yim coj lub neej ntxiv mus, peb yim rov hom khaj nyob hauv Tswv Ntuj uas nws cawm peb ntag . Ces Tswv Ntuj niaj hnub yog tus tseem ceeb tshaj plaws hauv peb tej nplooj siab nplooj ntsws -Tsuas yog peb muaj Huab Tais Yes Xus hauv peb nruab siab , peb thiaj paub lub hauv paus thiab lub hauv ntsis ntawm peb lub neej..Peb mam li nyob taus, ces pom kev lug.

    PAJ NRUAG = KOJ NYOB ZOO , MAB LIAB ,,,
    Thov nej mloog ib qib lus ntxiv uas yog ib feem nyob hauv zaj nkauj teev hawm Tswv Ntuj, uas tus Nkauj Tsim Txiaj Mab Liab tau hais . Yam li : « Tus muaj hwj huam tas nrho,,nws ua tej yam loj rau kuv- Nws lub npe ntshiab ».Peb tseem nco ntsoov txog 2-3 txiaj ntsim loj, uas Tswv Ntujn tau pub rau Mab Liab .Yam li :
    1 : Tswv Ntuj tau pub Leej Ntuj Plig Ntshiab rau Mab Liab kom xwv Mab Liab siab dawb huv tshaj plaws, tsis tau lo rau neeg lub keeb txhaum. Yeej yog raws li tus Tshiab Nkas Nplias tau hais tawm tias : » Koj tau koob tau hmoov tshaj ib tsoom poj niam huv tib si,
    2 : Tswv Ntuj tau xaiv nws tus ntxhais txib Mab Liab tias nws yuav yug ib tug tub, yog ib tug loj , uas yog tus Huab Tais Cawm neeg – yog Huab Tais Yes Xus ntag
    3 : Thaum Yes Xus dai ntawm tus Ntoo Cuam, nws pom nws niam thiab tus thwj tim Zam - Yes Xus hais rau nws niam tias : »Niad, nyem no mus lawm yav tom ntej, Zam thiaj yog koj tus tub »..thiab Yes Xus hais rau Zam tias : » Tus ntawd yog koj niam » . Txij lub sij hawm ntawd los, tus thwj tim coj Mab Liab mus nyob hauv nws tsev «
    Cov kwv tij , peb zoo siab saib Tus Nkauj Tsim Txiaj Mab Liab loj, vim tias nyob ntawm Tswv Ntuj lub xub ntiag peb kuj yog Mab Liab cov me tub me nyuam- Nws hlub peb kawg nkaus.
    ==== Tshuav qib lus no tias : == Huab Tais lub siab hlub cov neeg hwm Ntuj- Huab Tais hlub lawv txog txhiab niag tim puas xyoo » - Cov kwv tij, qib lus no mas yeej raug peb siab kawg nkaus ,zoo cuag qib lus hauv Zam Tsab Ntawv 1 tias : » Tswv Ntuj yog Txoj Kev Nyiam - Nws xa nws Leej Tub Twm Zeej tuaj nyob ntiaj nteb no, kom xwv peb ciaj sia nyob hauv nws Leej Tub « 1 Zam 4 :8-9
    Muab txhais tias : ob qib lus ntawd kuj qhia zaj tswv yim meej meej pem los raug peb siab. Saib nyob thooj ntiaj teb thiaj yuav tsum tsis txhob muaj ib tug tib neeg , uas yuav ua siab yau tias : kuv mus qhov twg kuj xij mas tsis muaj leej twg saib xyuas- tsis muaj leej twg uas yuav nyiam, yuav hlub tshua kuv lauj - Yuav tsum tsis xav li ntawd los mas - Vim tias yuav tsa muag los txais Tswv Ntuj Leej Txiv thiab Huab Tais Yes Xus nqes los hauv yus, ces qhib ncauj los hu txog Tswv Ntuj tuaj pab – Ces yuav kub siab thov Ntuj pab - yuav thov Ntuj thiab tso siab rau Ntuj, raws li Yes Xus tus piv txwv thiab nyob hauv Huab Tais Yes Xus tias : »Txiv , kuv ua koj tsaug ntau vim tias koj yeej ib txwm mloog kuv lub suab. Txiv khuv leej neeg tas nrho, thov koj nres kuv lub siab – Thov koj hlub tshua kuv os mog - Xub ua tsaug « .
    Cov kwv tij ,« Tswv Ntuj lub txiaj ntsim nplua nuj tas nrho « ( Es Fes Xos 2 ; 7 ) ,ces Tswv Ntuj yuav muab nws lub hwj huam( uas loj tas nrho) los pub peb coj lub neej nyob thaj yeeb nyab xeeb thiab nyob tiaj nyob tus , tsis tu ncua.

    TEEV NTUJ : Txiv siab zoo tas nrho, thov koj tshoj peb tsoom Hmoob huv tib si kom xwv lawv kub siab lug tso lawv lub neej rau hauv koj txhais tes. Ua koj tsaug ntau

    Tej zaj nkauj : Kuv tus plig cav txog …
    Tus Zoo Tswv Zov Yaj…
    Kuv tso kuv txoj sia
    Tus tuaj cuag Yes Xus , nws yuav tsis tshaib
    Tas sawv daws neeg nyob hauv ntiaj teb

    T.P. Txhiaj Foom omi










    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 19th July 2017, 9:24 am




    TSWV NTUJ LUB NPE

    Thawj thawj zaus yus los mus ntsib ib tug neeg ,mas yus nrog nws sib tham ua si mas ib ntsis yus cia li nug tus ntawd tau tias :” Koj lub npe hu ua li cas ?” Mas peb sawv daws , uas yog neeg ntseeg Ntuj, twb tau muaj 5 xyoo los 40 xyoo , thiaj tsim nyog tso lo lus nug Huab Tais Tswv Ntuj:” ”Tswv Ntuj od, koj yog ib tug Huab Tais zoo li cas lawm ?”
    Mas hauv Ntawv Ntshiab yeej muaj ntau nqe lus uas qhia qhov tseeb rau peb txog Tswv Ntuj tej siab ntsws,,Zoo li hauv Nkauj Paj Nruag 103,peb zoo siab khaws lus no tseg tias: ” Kuv tus plig, koj cav lus zoo txog Huab Tais- Nws txeeb koj txoj sia ntawm qhov ntxa los- Nws lub siab hlub nqee mos nyoos roos koj – Huab Tais khuv leej neeg - Nws npau taws qeeb- Nws hlub neeg tas nrho – Nws tsis nplua peb xws li peb tau txhaum – Nws tsis pauj rau peb raws li tej txhaum peb ua- Huab Tais zoo li ib leeg txiv tsev hlub nqee mos nyoos nws cov me nyuam “
    Cov kwv hmov tshua od , nqe lus ntawd kuj nplij peb siab, kuj yog vim peb ntseeg khov kho tias niaj hnub Huab Tais Tswv Ntuj “ xyeeb tau peb cov txhaum mus deb peb, deb cuag li sab hnub tuaj nyob deb sab hnub poob”
    Saib Nkauj Paj Nruag 117 ,kuj luv luv kawg, ( zoo li tsuas muaj 2 qib lus xwb ) tab sis nws rub peb siab los mus cuag Tswv Ntuj, raws qhov tseeb tias : “ Tas tsoom kuj cuab, nej cav lus zoo txog Huab Tais – Tas ib tsoom haiv neeg , nej cav txog nws lub koob meej, vim nws lub siab hlub muaj zog tas nrho - Huab Tais lub siab pheej xeeb mus ib txhiab ib txhis. As les lus yas”
    Tsis tas li ntawd peb tsoom ntseeg zoo siab khaws ib qib lus hauv thawj tsab ntawv, uas tus Hauv Paj Lug Zam sau tias : “ Txwv Ntuj yog txoj kev nyiam” yog qib lus 8, hauv nqe lus 4
    Cov kwv tij, cov ntseeg hauv Fab Kis kuj hais kam zaj nkauj teev Ntuj li no tias :” Huab Tais Tswv Ntuj yog kev hlub - Yog qhov pom kev lug _ Tswv Ntuj kuj yog peb Txiv “

    PAJ NRUAG
    Cov kwv tij phooj ywg, xyoo 2013 thiab xyoo 2017, mas peb tus Vaj Qhia Faas Xuas tau tshaj tej lus tseem ceeb , uas tau muab luam tawm tseg hauv ib phau ntawv uas lub ntsiab lus hais tias; TSWV NTUJ LUB NPE HU UA TXOJ KEV KHUV LEEJ LUAG. Ces thov kom nej khaws Vaj Qhia tej lo lus tseeb.
    Zoo li lo lus no uas hais txog txoj kev sib zam, raws li yus twm tau hauv Mas Tais Ntawv Moo Zoo zaj 18 .qib 21 – 22 tias : “Hnub ntawd, Pob Zeb nug Yes Xus zoo li no tias :” Huab Tais yog tus kwv ua txhaum rau kuv, kuv yuav zam pes tsawg zaus ? Kuv puas yuav zam,txog 7 zaus ?” –Yes Xus mam li teb tias :’ Kuv tsis hais rau koj tias “7 zaus”- Kuv hais rau koj tias “ Yuav zam txog 77 zaus”……Vaj Qhia mam li hais txog zaj lus tseem ceeb ntawd txog qhov tias :” Tus loj leeb rov los tsev “ uas peb twm tau hauv Lus Kas Ntawv Moo Zoo , zaj 15,qib 11 txog qib 32 :”Thaum tus tub tseem los txog deb ,nws txiv twb pom nws - Leej txiv hlub kawg- nws khiav mus puag tus tub caj dab, thiab nwj nws tus tub ntev loo vim tias tus tub ploj lawm- nyem no rov nrhiav tau nws .”
    Ua li, Vaj Qhia nthuav piav zaj lus no tias : tus tub loj leej thiaj yog peb cov neeg huv tib si, nyob thoob ntiaj teb, vim tias peb yog neeg txhaum – Hos leej txiv ,uas khuv leej tus tub thiaj yog Huab Tais Tswv Ntuj ntag . Nws niaj hnub TOS NRHW saib : peb puas tu siab ntawm peb tej txhaum, ces peb sawv kev rov los thov txim ntawm Tswv Ntuj - Peb yuav nco tias yeej tsis muaj ib tug tib neeg txhaum uas Tswv Ntuj yuav cia tus neeg ntawd mag qhov txhaum, ntxiv mus- Tab sis Tswv Ntuj uas khuv leej neeg tas nrho, nws yuav muab nws lub hwj huam los so peb tej txhaum pov tseg

    ZAJ TU SIAB : “ Kuv tus Huab Tais,koj lub siab zoo tas nrho- koj zoo nyiam tas nrho.- Neeg lub txhaum tsis ntxim koj lub siab – Kuv tseem ua txhaum rau koj- Kuv tu siab nrho – Kuv tsis ua txhaum lwm zaus , thiab kuv xav them txim - Koj pub txiaj ntsim pab kuv ua li –
    Vaj Qhia hais ntxiv tias:” Ntawm Tswv Ntuj mas ib txwm los nws tau muab nws lub hwj huam loj tas nrho los khuv leej neeg tas nrho- Yeej tsis muaj ib nyuag zaus uas Tswv Ntuj yuav hais tseg rau yus tias :”Ntawm kuv mas kuv ceeb laj zam txhaum rau koj ib zaug ntxiv lauj ! “



    Vaj Qhia tseem tshaj tej lo lus ntuas peb zoo li no ::” Hauv Mas Tais Ntawv Moo Zoo ,zaj 5 qib 48 ,,Yes Xus tshaj lo lus no tias :” Nej yuav ua neeg siab ntshiab ib yam li nej Txiv nyob saum ntuj uas nws yog tus Tswv siab ntshiab “
    Vaj Qhia muab Huab Tais Yes Lo Lus txhais zoo li no tias:” Tus tib neeg ntseeg txiav txim coj lub neej siab ntshiab, mas nws yuav tsum coj tus yam ntxwv zoo li no tias : nws niaj hnub ua nws lub neej nyob ntawm Tswv Ntuj lub xub ntiag - Nws yuav kub siab tiv thaiv ntau zaj lus ntxias nws los poob hauv qhov txhaum- Lub ntsiab lus tseem ceeb hauv tus tib neeg ntseeg lub neej kuj mus li tias : nws yuav ua tus khuv leej neeg tas nrho ib yam li Huab Tais Tswv Ntuj, uas nws khuv leej neeg tas nrho ntag “

    PAJ NRUAG
    Cov kwv tij, Vaj Qhia nthuav piav 7 yam tus yam ntxwv los mus taug lub neej khuv leej neeg tiag tiag , hais tias ; 1 ; “Yus los mus ntsib ib tug neeg uas nws ua xyem xyav , tsis pom qab xav txog kev txhim kho nws tej nplooj siab nplooj ntsws hauv nws lub neej- Yuav tsum ntxiv tswv yim rau…- 2 : Cov tsis tau kawm ntaub ntawv : mas yuav qhia ntawv rau 3 : Ib cov neeg ua txhaum rau yus ; mas yuav tsum qhuab qhia Ntuj Kev Cai rau – 4 : ib cov neeg raug kev nyuaj siab ntxhov plawv- mas yuav tsum nplij lawv siab kom zoo – 5 : Ib cov neeg tau ua txhaum rau yus- mas yuav tsum zam lawv qhov txhaum – 6 : yus ceeb laj nrog ib cov neeg nyob ua ke – mas yus yuav tsum ua siab ntev rau - :7 : thov Ntuj txhawb nqa cov neeg uas ciaj siav thiab thov Ntuj cov neeg uas lawv tau tas sim neej
    Ces hais 2 zaj lus ua piv txwv 1 :”nej yuav sib hlub, vim nej yog ib co kwv tij” – 2: “ Nej txhob pauj qhov phem uas luag tau ua rau nej” Los Mas 12: 3 - 21
    Vaj Qhia Faas Xuas tseem tshaj lo lus no tseg: “ Tus tib neeg twg mob siab khuv leej luag tej ob cag,mas “ nws yees muab Tswv Ntuj kev khuv leej neeg tawm tuaj rau sawv daws pom xyeem ntawm qhov muag “ 2 Kos Lis Nthos 4 ; 10- 11…..
    Cov kwv tij lo lus ( nej nyuam qhuav mloog ),mas muab txhais tias; peb tus Huab Tais Tswv Ntuj uas peb tsis tau pom ) nws vam txog peb cov me neeg los mus tshaj lub Moo Zoo tias : Tswv Ntuj lub npe hu ua TXOJ KEV KHUV LEEJ NEEG - Yog thaum peb muab siab rau khuv leej neeg rau sawv daws ob cag pom xyeem… Peb cheem peb lub ncauj, ces thiaj tsis npau taws…los thaum peb zam luag tej lawv tej txhaum.
    Cov kwv tij, peb kuj yuav coj rawv tus Hauv Paus Xa Lus tej lo lus tias :” Tswv Ntuj xa peb mus ua Huab Tais Yes Xus cov tiam lis- Ces peb nrog Huab Tais Yes Xus koom siab koom ntsws ua Huab Tais hauj lwm tshaj lub Moo Zoo ,,kuj yog vim peb tus yam ntxwv khuv leej neeg ntag “ 2 Kos Lis Nthos 5 : 20 txog 6 : 1
    Cov kwv tij, phim peb yuav ua Ntuj tsaug tas zog, vim tias Tswv Ntuj pub peb ua Ntuj lub luag hauj lwm,,raws li tus Hauv Paus Lus lo lus hais tias :” Thaum peb hais lus nyob hauv Huab Tais Yes Xus Pleev, mas peb hais dawb paug- Peb hais raws li ib co neeg uas Tswv Ntuj xa tuaj….Huab Tais yog tus muaj hwj huam…Huab Tais hais lus nyob hauv peb “ 2 Kos Lis Nthos 2: 27 + 13 : 3

    PAJ NRUAG
    …Cov kwv tij ,tas tsoom neeg nyob thoob ntiaj teb yeej ntshaw txog kev nyob kaj lug kaj nrig,kev sib haum xeeb thiab kev thaj yeeb nyab xeeb, kom xwv sawv daws thiaj nyob tau…Mas nyob rau hauv nws tsab ntawv, peb tus Vaj Qhia Faas Xuas hais tseg teg :”
    A : Cov neeg uas lawv yuav soj qab kev thaj yeeb nyab xeeb hauv lawv nruab siab yog cov neeg uas lawv xyiv fab kub siab zam txhaum rau luag lwm leej lwm tus ,
    B : Ces muaj tej yam hauj lwm uas tsoom neeg yuav tsum ua kiag- Yam li 1
    ..yuav tsis npau taws- 2 : Yuav tsis ntaus leej twg kiag – 3 : Lawv yuav tsis cob caub rau luag
    Phim yuav muabv Vaj Qhia ob lo lus ntawd txhais zoo li no tias : YUAV SIV ZOG KHUV LEEJ LUAG . Vaj Qhia tshaj tej lo lus ntxiv : Leej Txiv kuj taug txoj kev khuv leej luag zoo tshaj plaws tiag – Tab sis Tswv Ntuj cov me nyuam kuj yuav tsum taug txoj kev khuv leej luag, raws li Tswv Ntuj tus piv txwv. Tsuas yog cov neeg ua li ntawd mas tsim nyog muaj lub npe tias ; lawv yog Tswv Ntuj cov me nyuam.
    Vaj Qhia tshaj 2-3 lo lus n txiv tias : peb yuav nco ntsoov tias Tswv Ntuj xub khuv leej peb tsoom neeg ua ntej, ces phim peb yuav taug txoj kev khuv leej luag los mus pauj qhov muaj nqe tshaj plaws uas Tswv Ntuj tau pub dawb tuaj rau peb ntag- Lo lus qhia tias : ib cov neeg khuv leej luag tej kuj ua lub luag hauj lwm uas peb yuav tsum .mas zoo heev . = Hos lwm pab lwm pawg kuj tus tsis kam mloog lo lus ntawd – Lawv ua ywj lawv siab mas tsis ua li cas . Qhov ntawd tsis yog lauj
    Cov kwv tij, nyob ntawm Tswv Ntuj lub xub ntiag, mas 100% ntawm tas tsoom neeg nyob thoob ntiaj teb thiaj yuav tsum kub siab mloog Ntuj Lo Lus qhia ntawd, ces kev sib haum xeeb thiab nyob thaj yeeb nyab xeeb yuav tawg paj txi txiv tau nyob hauv tas txhia teb chaws nyob thoob ntiaj teb
    Cov kwv tij, Vaj Qhia tseem tshaj 2 qib lus tseem ceeb txhawv ntawm NTAWV NTSHIAB- Lo lus 1 hais li no :”Nej tsis txhob npau taws tsheej hnub, mus txog thaum hnub poob qho - Nej txhob cia dab phem tau kev kav nej lub siab “ Es Fes Xos 4: 26- 27 - Ho lo lus 2 mas puag tas, nej twb tau mloog lawm 2 zaug diam .Yog lo lus no tias :” Cov tau txoj hmoov zoo yog cov hlub luag tej, vim Ntuj yuav hlub lawv” Mas Tais 5 : 7
    TEEV NTUJ : Peb Txiv siab zoo tas nrho nyob saum ntuj, peb zoo siab ua koj tsaug, vim tias koj tau pab hu peb cov kwv tij Hmoob coob hauj sim los tig los yuav lub siab tshiab ces Leej Ntuj Plig Ntshiab tau nqes los tshoj lawv tej siab ntsws mus teev hawm Tswv Ntuj tib leeg - Lawv nyob kaj lug kaj nrig coj rawv Ntawv Moo Zoo tias : “:” Cov tau txoj hmoov zoo yog cov hlub luag tej, vim Ntuj yuav hlub lawvyuam” . Peb Txiv khuv leej neeg tas nrho, “ koj lub siab hlub nyob mus li ib txhiab ib txhis - Koj txhob tso cov hauj lwm tawm ntawm koj txhais tes pov tseg ( Nkauj Paj Nruag 137,8 ) _ Peb yuav kub siab mloog koj tej lus,tsis ncua..Peb zoo siab ua koj cov me tub me, tag mus li
    T.P Txhiaj Foom omi

    Zaj nkauj teev Ntuj
    Thaum peb muaj kev hlub
    Huab Tais Yes Xus Txoj Kev Thaj yeeb
    Kev thaj, kev thaj yeeb
    Peb sawv daws yog ib tsev neeg




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 19th July 2017, 9:25 am



    NPN 23 TUS ZOO TSWV ZOV YAJ

    -- Cov phooj ywg hmov thiab tshua , hnub no zoo hnub ., yog Hnub Chiv uas peb tsoom ntseeg zoo siab sib sau ua Thaj Txi Ntuj, yam peb nco txog Tswv Ntuj tej txiaj ntsim pab cawm neeg.
    Hnub no , nej yuav zoo siab rov mloog dua Nkauj Paj Nruag 23/
    NPN ntawd lub ntsiab lus kuj yog zoo li no : TUS ZOO TSWV ZOV YAJ -Thov kom nej mloog NPN 23 ntawd,

    “ Tus Zoo Tswv Zov Yaj, nws saib kuv - kuv tsis paub txoj kev tshaib, txoj kev nqhis , txoj kev txhawj – Tus Zoo Tswv Zov Yaj , nws tso kuv nyob hauv tej tshav zaub mos - Nws coj kuv mus so nyob ze dej - Kuv haus nws cov dej laj kuv lub siab -=-Tus Zoo Tswv Zov Yaj , nws pom kuv nyiam nws lub npe – Nws coj kuv mus kev – Kuv taug ib lub hav tsaus ntuj qas nti, kuv tsis nco qab ntshai – Tus Zoo Tswv Zov Yaj ,koj rab pas nrig nyob ze kuv ua kuv luag – Koj xav nplij kuv lub sab- Koj tsa koi rab pas nrig nyob ze kuv ---Cov neeg ntxub xav hnyos kuv- Koj npaj ib roog qav nyob ntawm kuv xub ntiag – Koj pleev tshuaj tsw qab rau saum kuv taub hau- Koj hliv cawv puv lub ntim rau kuv hauj lwmkuv- Kuv lub tsev yog lub tsev teev kuv tus Huab Tais – Tas kuv sim neej , kuv xav tuaj xyuas nws lub tsev-- Tus Zoo Tswv Zov Yaj, nws saib kuv - kuv tsis paub txoj kev tshaib, txoj kev nqhis , txoj kev txhawj
    Cov kwv tij phooj ywg, nyob tim teb chaws His XAS LAIS, cov pej xeem huab hwm ua ntau hauj lwm los mus yug lawv tsev neeg- Hos ib yam tseem ceeb thiaj yog qhov tias lawv muab siab rau yug lawv ib cov yaj- Nruab hnub los tej hmo, ces cov neeg zov yaj nyob nruab liab nruab teb, saib lawv cov yaj tag mus li –Ces hais tau tias : kev zov thiab kev yug yaj ntawd thiaj yog lawv txoj sia Tsis muaj tej hnub so li lauj—Hos ib tug dev kuj nrog cov zov yaj nyob los saib cov yaj ntawd thiab .
    Ua li, cov pej xeem His Xas Lais uas lawv mloog Huab Tais Yes Xus zaj paj lug hais txog TUS ZOO TSWV ZOV YAJ , mas lawv to taub yooj yim tias Yes Xus saib xyuas thiab khuv leej nws cov thwj tim. Ntawm peb sawv daws, mas peb ib txhij to taub zaj paj lug ntawd yooj yim thiab peb zoo siab ntseeg tias :Yes Xus siv nws Txiv zaj hwj huam ( uas loj kawg nkaus ) los pov hwm peb sawv daws ib leeg dhau ib leeg ib tug dhau ib tug.- .Huab Tais lub luag hauj lwm saib peb thiab zov peb raws kev nyiam kev hlub thiaj yog Yes Xus txoj sia
    Cov kwv tij, dhau NPN 23 ntawd mus, mas peb zoo siab twm thiab khaws tseg ntau ntau zaj lus tseem ceeb uas tseem nthuav piav tib zaj ntawd tias : Yes Xus yog tus Zoo Tswv Zov Yaj. Ib ntsis thiaj yuav tau twm 3-4 zaj lus ntawd

    PAJ NRUAG
    Zoo li nyob rau hauv Zam Ntawv Moo Zoo, hauv zaj 10, Huab Tais Yes Xus tshaj lus meej pem zoo li no tias :” Kuv yog tus Zoo Tswv Zov Yaj : tus Zoo Tswv Zov Yaj siv nws txoj sia los pab saib nws cov yaj - kuv yog tus Zoo Tswv Zov Yaj - Kuv kuv paub kuv cov yaj - kuv cov yaj paub kuv , ib yam Leej Txiv paub kuv thiab kuv paub Leej Txiv- Kuv siv kuv txoj sia rau kuv cov yaj… Kuv cov yaj mloog kuv lub suab- kuv paub lawv- Lawv raws nraim kuv - Kuv pub txoj sia nyob mus li rau lawv- Lawv yuav tsis tuag ib zaug li -- Tsis muaj leej twg yuav chua tau lawv ntawm kuv txhais tes- Kuv Txiv yog tus loj tshaj txhua tsav txhua yam ,nws muab cov yaj no rau kuv pab saib --Leej Txiv thiab kuv , wb yog ib twg xwb” Zam 10 :11-16 + 27- 30
    Cov kwv tij, tej qib lus meej pem ntawd kuj raug peb siab tias : “Kuv paub kuv cov yaj - kuv cov yaj paub kuv , ib yam Leej Txiv paub kuv thiab kuv paub Leej Txiv” Lo lus :” “Kuv paub kuv cov yaj - kuv cov yaj paub kuv” mas yuav txhais li cas ? Muab txhais : Yes peb yog poj niam - Yus hnub nyoog muaj tsawg xyoo ? Yus noj qab nyob zoo..los yus raug muab nkeeg mas tej yam ntawd huv si, uas nyob sab nraud, Huab Tais paub tag - Hos qhov loj dua qhov ntawd , yog qhov tias tas ib puas tsav yam, hauv qhov tob hauv peb nruab siab- Yus tsis xav ntsib lwm tus …los yus khuv leej luag tej tiag . Huab Tais paub tas - Yus muab siab coj lub neej ntshiab dawb huv. raws li Tswv Ntuj lub siab xav…los yus tseem mag kev tsis huv, kev phem , mas Huab Tais paub tas..Yus ntshaw txog Ntuj tej txiaj ntsim pab txhim kho peb tej siab ntsws, mas Huab Tais paub tas
    Hos lwm zaj lus tseem ceeb tias :” Kuv siv kuv txoj sia rau kuv cov yaj”…mas muab txhais tias : Huab Tais tau muab nws txoj sia los txi Ntuj, nyob saum Ntoo Cuam kom tau pab txhim kho tej pab neeg kom rov huv tuaj…Mas Huab Tais tseem ua qhov ntawd tag mus li, tsis tu ncua…Ces peb niaj hnub tsa muag los ntsia tus Ntoo Cuam los hu txog Huab Tais pab ..
    Lo lus tias :” - Kuv pub txoj sia nyob mus li rau lawv- Lawv yuav tsis tuag ib zaug li – Mas txhais tias : Txoj sia nyob mus li ua Ntuj cov me nyuam, kawg yog Huab Tais Yes Xus ua tus pub tuaj rau peb, tsuas yog peb qhib peb siab los txais..ces hnub dhau hnub, Huab Tais tseem ua qhov loj tshaj plaws los cawm peb ntag- Huab Tais tseem ua qhov ntawd tag mus li, tsis tu ncua…
    Zaj lus tias :”Kuv Txiv muab cov yaj no rau kuv pab saib . -- Tsis muaj leej twg yuav chua tau lawv ntawm kuv txhais tes- “Ces muab txhais tias : Huab Tais Yes Xus yog tus kav ( thiab tus zov ) peb tej nplooj siab nplooj ntsws- Huab Tais yog tus cawm peb ntawm dab phem ces “Tsis muaj leej twg yuav chua tau lawv ntawm kuv txhais tes-“
    Cov kwv tij ,,hauv peb nruab siab ,Huab Tais Yes Xus thiaj yog tus hlub tshua, peb , tus khuv leej peb tas nrho
    Ua li ntawd “ peb paub qhov tseem ceeb tias : peb nyob ntawm tog zoo, yog tog uas pab peb txais kev cawm” Hes Nplaws 6: 9
    “ Tus Zoo Tswv Zov Yaj, nws saib kuv - kuv tsis paub txoj kev tshaib, txoj kev nqhis , txoj kev txhawj – Tus Zoo Tswv Zov Yaj , nws tso kuv nyob hauv tej tshav zaub mos - Nws coj kuv mus so nyob ze dej - Kuv haus nws cov dej laj kuv lub siab -=-Tus Zoo Tswv Zov Yaj , nws pom kuv nyiam nws lub npe – Nws coj kuv mus kev – Kuv taug ib lub hav tsaus ntuj qas nti, kuv tsis nco qab ntshai – Tus Zoo Tswv Zov Yaj ,koj rab pas nrig nyob ze kuv ua kuv luag – Koj xav nplij kuv lub sab- Koj tsa koi rab pas nrig nyob ze kuv ---Cov neeg ntxub xav hnyos kuv- Koj npaj ib roog qav nyob ntawm kuv xub ntiag – Koj pleev tshuaj tsw qab rau saum kuv taub hau- Koj hliv cawv puv lub ntim rau kuv hauj lwmkuv- Kuv lub tsev yog lub tsev teev kuv tus Huab Tais – Tas kuv sim neej , kuv xav tuaj xyuas nws lub tsev-- Tus Zoo Tswv Zov Yaj, nws saib kuv - kuv tsis paub txoj kev tshaib, txoj kev nqhis , txoj kev txhawj

    PAJ NRUAG




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th September 2017, 10:02 am




    TUS PAB TXHIM KHO

    Cov kwv tij , txhua txhia zaus uas peb qhib Ntawv Moo Zoo, mas peb thiaj lees tias : Huab Tais Yes Xus, Tswv Ntuj Leej Tub, yog TUS PAB TXHIM KHO peb lub cev nqaij thiab ib txhij kho peb tus ntsuj plig .. Hos muaj tej pab neeg xav zoo li no tias “ Huab Tais tau muab nws tej kev hlub ( uas muaj zog tas nrho ) los pab cov me neeg kom zoo . Mas Huab Tais tau ua hwj huam yees ntxwv, mas tsuas yog thaum Yes Xus tau coj nws lub neej nyob puag tim His Xas Lais teb xwb , twb tau muaj txog 1984 xyoo – Hos , lub zim txwv no, Huab Tais tsis ua li ntawd lawm lauj “ - Cov kwv tij, hais qhov tseeb , mas lub zim txwv no Huab Tais Yes Xus lub hwj huam tseem ciaj sia uas nws yees pab txhawb nqa peb lub neej kom zoo
    Cov kwv tij , peb tsoom ntseeg nyob kaj lug kaj nrig los mus ntseeg ruaj nreb khov kho tias : txhua txhia hnub no , Huab Tais Yes Xus yog tus Huab Tais cawm neeg – Nws kuj muaj peev xwm TXHIM KHO peb tus ntsuj plig thiab ib txhij pab txhim kho peb lub cev nqaij ,daim tawv .
    Hes Nplaws 13 : 8 : Huab Tais Yes Xus Pleev yog tus zoo li qub mus li –Yav thaud, nws yog tus zoo li cas – Tam sim no, nws kuj yog zoo li qub – Nws yuav yog li qub mus li
    Mas thov kom nej nrog peb koom hais zaj nkauj teev Ntuj, los mus thov Ntuj txhab zog ( thiab txhawb qhov pom kev lug ) rau peb lub siab ntseeg

    AS LES LUS YAS , LEEJ NTUJ PLIG, KOJ LOS MAS…
    PAJ NRUAG

    Qhov ib mas peb yuav rov qhib Ntawv Moo Zoo, saib :Huab Tais ( uas nws muaj hwj huam tas nrho ) nws pab txhim kho cov neeg mob kom zoo . Hos nws tseeem ua tib yam li ntawd tsis tu ncua
    Zoo li Mas Tais Ntawv Moo Zoo kuj tshaj zaj lus no tias :” Yes Xus mus ncig txhua cov nroog thiab cov zos huv si- Nws kho sawv daws tej txiab xeeb thiab tej mob nkeeg tas huv si - Yes Xus pom tsoom pej xeem, nws hlub lawv kawg “ Mas Tais 9 :35- 36.
    Cov kwv tij hmov thiab tshua, Yes Xus tso nws lub zos Nas Xas Les los mus mus ncig txhua cov nroog thiab cov zos huv si- Nws kho sawv daws tej txiab xeeb thiab tej mob nkeeg tas huv si” ..- LO LUS NUG : Tim li cas Huab Tais Yes Xus ua tej yam ntawd ? Ntawv Moo Zoo teb tias : » Yes Xus pom tsoom pej xeem, nws hlub lawv kawg
    Mas Kos Ntawv Moo Zoo kuj qhia peb zoo li no tias : « Muaj ib tug neeg mob ruas tuaj cuag Yes Xus- Nws thov Yes Xus pab- Nws txhos caug taij tias : « Yog koj xav mas koj yeej ua tau kom kuv rov zoo »- Yes Xus kuj hlub tus neeg ntawd - Yes Xus mam li cev tes tuav nws thiab hais rau nws tias : » Kuv xav- koj huv tuaj mas » - Tam sim ntawd, tus mob ruas tso tus neeg ntawd tseg - Ces nws cia li huv hlo » MK 1 : 40- 42….
    Mas .peb tsoom ntseeg kuj nco tias : lub caij puag thaud ntawd,cov neeg mob ruas nyob tsis tau hauv tej zos, tej nroog - Li cas los, Yes Xus ib siab pab..Nws tsis ntshai yuav raug mob ruas. Nws khuv leej tus neeg txom txom nyem- Nws hais tias : Kuv xav- koj huv tuaj mas » - Tam sim ntawd, tus mob ruas tso tus neeg ntawd tseg - Ces nws cia li huv hlo »
    Cov kwv tij, niaj hnub nyem no Huab Tais Yes Xus Pleev yog tus zoo li qub mus li –Yav thaud,nws yog tus zoo li cas – Tam sim no, nws kuj yog zoo li qub – Nws yuav yog li qub mus li…Yog vim qhov ntawd ces nyob hauv peb zos ,thaum peb ib tug kwv tij raug mob nkeeg ,mas ib cov neeg hauv nws tsev nrhiav tej hom tshuaj sai sai .Ib ntsis thiaj yuav tau pom 5 los 12 tus kwv tij neej tsa yuav sawv kev los tuaj tus neeg mob ntawd lub tsev - ces lawv muab siab rau thov Ntuj tas zog los txhawb nqa tus neeg mob nkeeg ntawd - Ib txhia kuj ib txhij tsa tes rau saum nws thiab lawv kub siab hu txog Tswv Ntuj pab.. Tsis nyeem zaj ub zaj no uas tau sau hauv ib phau ntawv- tab sis lawv xev lawv tej lo lus vam txog Tswv Ntuj thiab vam txog Huab Tais Yes Xus pab- Yeej muaj tej lub caij uas cov neeg mob nkeeg rov kheev zog….Li cas los, yeej muaj ib yam loj, uas tshwm sim tuaj hauv cov neeg mob ntawd tej siab ntsws ; yam li lawv tsis ua siab yau tab sis lawv rov ua siab loj siab tawv, ces Huab Tais Yes Xus yees pub kom tus neeg mob ntawd lub siab rov nyob thaj yeeb nyab xeeb , rov nyob tiaj nyob tus dua .
    PEB SIB KOOM SIAB hu txog Huab Tais Yes Xus pab peb : 
    Huab Tais siab zoo tas nrho , koj yog ib tug kws tshuaj pab txhim kho cov neeg mob hais txog ntau yam. Peb ntseeg ruaj nreb khov kho tias koj tej kev hlub muaj zog tas nrho Thov koj pov hwm thiab saib xyuas peb ib cov kwv tij neej tsa uas raug mob nkeeg hauv peb tej zej zos. Huab Tais siab zoo tas nrho, thov koj hlub tshua peb cov kwv tij Hmoob tas huv tib si, nyob thoob ntiaj teb- Thov koj pub peb coj lub neej nyob thaj yeeb nyab xeeb, nyob ntawm koj xub ntiag tas mus li..Huab Tais, koj yog peb qhov chaw vam khom , tsis tu ncua .

    PAJ NRUAG
    Zaj 2 tias : Huab Tais Yes Xus pab txhim kho peb tej siab ntsws.
    Cov kwv tij hmov thiab tshua, peb kuj nco txog tej qib lus tseem ceeb hauv Ntawv Cog Qub Lus. Zoo li nyob hauv phau ntawv Es Xes Kias , peb mloog tej qib lus uas qhia peb hais txog Tswv Ntuj tej hauj lwm pab txhim kho peb tej siab ntsws . Mas tsim nyog khaws Tswv Ntuj tej qib lus hauv phau ntawv Es Xes Kias hais tias : “ Kuv yuav hliv dej ntshiab tws tuaj saum nej , ces nej yuav huv tuaj- Kuv yuav so tej yam sw thiab nej tej mlom dab pov tseg kom nej huv tuaj - Kuv yuav pub ib lub siab tshiab rau nej - Kuv yuav muab kuv lub tswv yim rau hauv nej : Es Xes Kias 36 : 25- 27
    Mas peb tsoom ntseeg txog lub Moo Zoo kuj nco tias : Tswv Ntuj Leej Tub tuag nyob saum ntoo cuam - Nws kuj sawv rov los thiab nws rov mus saum ntuj . Mas lub zim txwv no , Huab Tais Yes Xus thiaj yog tus so peb tej txhaum , kom xwv peb thiaj rov huv tuaj– Yes Xus kuj yog tus pub ib lub siab tshiab rau peb - Yes Xus yog tus muab nws lub tswv yim rau hauv peb ntag .
    Zoo li hauv Ntawv Moo Zoo, peb kuj mloog Yes Xus tej lus tseem ceeb uas hais txog lub Cim Ntxuav –zoo li tej lo lus uas xauv Mas Tais Ntawv Moo Zoo tias : Yes Xus hais cov lus no rau nws 12 tus thwj tim,,tias : » Ntuj pub ib puas tsav yam hwj huam rau kuv nyob saum ntuj thiab nyob ntiaj teb no - Nej mus- nej ua kom tas ib tsoom haiv neeg tig los ua kuv thwj tim – Nej qhia kom lawv coj tas puas tsav yam lus uas kuv tau qhia rau nej – Nej hu txog Leej Txiv, Leej Tub thiab Leej Ntuj Plig Ntshiab lub npe , nej ntxuav lawv – Hos kuv ,mas kuv niaj hnub nrog nej nyob nraim , mus txog lub zim txwv ntiaj teb kawg « Mas Tais 28 :18-20
    Cov kwv tij od, peb tsoom ntseeg zoo siab nco ntseeg tias : Huab Tais Yes Xus ( uas nws niaj hnub nrog nej nyob nraim ) nws vam txog lub Koom Txoos los qhia lub Moo Zoo thiab pub lub Cim Ntxuav kom xwv tej pab neeg coob txia ntshis ua Tswv Ntuj cov me tub me nyuam zoo nyiam .

    Cov kwv tij, peb zoo siab ntseeg khov kho tias : »Huab Tais Yes Xus , niaj hnub no , pab txhim kho peb tej siab ntsws kom rov huv tuaj,, Hos ,thaum twg ib tug neeg txais lub Cim Ntxuav ntawm Huab Tais Yes Xus tuaj, mas tus neeg ntawd rov yug los tshiab- Ces Leej Ntuj Plig Ntshiab « kuj yog peb txoj sia- Nws yog tus coj peb lub neej « Nkas Las Tias 5 :25
    Tsis tas li ntawd xwb, txhua txhia lub caij peb txais tej lub Cim uas pab cawm peb lub siab , mas Huab Tais kuj rov txhim kho peb tej siab ntsws dua, zoo li lub Cim Txhab Zog, lub Cim Yug – lub Cim daws txhaum . lub Cim Pleev cov neeg mob, lub Cim Cog Lus thiab lub Cim Tiag Tes. – Hos lub caij twg peb rov txais Ntawv Ntshiab twj ywm nyob hauv yus tsev los puas yog Hnub Chiv uas peb tsoom ntseeg sib sau ua Thaj Txi Ntuj , mas Huab Tais rov txhim kho peb tej siab ntsws dua, tsis tu ncua –
    Cov kwv tij od, peb zoo siab ntseeg khov kho tias : Huab Tais Yes Xus yog tus kws tshuaj uas peb txhim kho peb lub cev kom xwv peb coj tau lub neej nyob tiaj tus- Hos Huab Tais muab nws tej kev hlub uas muaj zog tas nrho los txhim kho peb tej siab ntsws kom rov huv zuj zus, tsis tu ncua….Yog vim li ntawd,peb hais tau tias : »Fab hauv yus tus ntsuj tus plig, mas peb yog cov neeg nplua nuj, kuj yog vim Huab Tais Yes Xus thiab Leej Ntuj Plig Ntshiab niaj hnub ua Ntuj lub luag hauj lwm tseem ceeb uas pab txhim kho peb tej siab ntsws kom rov huv zuj zus ntag
    = Thov kom nej khaws tej qib lus hauv Ntawv Ntshiab tseg tias : : Huab Tais Yes Xus Pleev yog tus zoo li qub mus li –Yav thaud, nws yog tus zoo li cas – Tam sim no, nws kuj yog zoo li qub – Nws yuav yog li qub mus li .Hes Nplaws 13 : 8
    Cov kwv tij, tsim nyog tshaj tus Hauv Paus Xa Lus Paj Lug zaj lus los pab peb NTSEEG TIAS HUAB TAIS TSWV NTUJ PHEEJ XEEB tias :
    « Nej ua siab kaj lug mus li – Nej teev Ntuj tsis tseg- Tab txawm muaj xwm dab tsi tshwm sim tuaj, los nej yuav ua Ntuj tsaug- Tswv Ntuj xav kom nej ua li ntawd nyob hauv Huab Tais Yes Xus Pleev - … Thov kom Tswv Ntuj kev thaj yeeb nyab xeeb ua kom nej ntshiab tuaj – Thov kom nej txuag tau nej lub tswv yim nej tus plig kom nej lub cev txhob muaj chaw xyeej, mus txog lub caij peb tus Huab Tais Yes Xus Pleev rov los- Tswv Ntuj ( uas nws tau hu nej tig los ua neeg ntseeg ) nws pheej xeeb – Nws yuav nres nej kom ruaj nreb- Nws yuav txuag nej ntawm tus phem ‘ 1 Tes Xas Los Nis 6 : 26- 24 + 2 Tes Xas Los Nis 3:3
    Thov kom nej khaws tus Hauv Paus Xa Lus Paj Lug lo lus tseg hauv nej nruab siab, mus li .Yog qib lus no tias :
    Tswv Ntuj pheej xeeb – nws yuav nres peb kom ruaj nreb

    TEJ ZAJ NKAUJ TEEV NTUJ :
    = Tswv Ntuj tsim peb los ua neeg …
    = Neeg tsis kawg muab mov….
    = As les lus yas: Yes Xus sawv rov los…

    Txiv Plig Txhiaj Foom omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th September 2017, 10:04 am




    “TXOJ KEV NYOB KAJ LUG KAJ NRIG TXHAWV NTAWM KEV SIB NYIAM SIB HLUB TUAJ“.



    Tej lo lus no kuj yog lub ntsiab lus ntawm ib zaj lus qhuab qhia tseem ceeb , uas xyoo 2015 Vaj Qhia Faas Xuas tau tshaj tawm rau cov txij nkawm los coj lub neej sib nyiam sib hlub ntxiv mus ces yuav tau nyob kaj lug kaj nrig . Ces tsim nyog tshaj Vaj Qhia tej zaj lus qhuab qhia rau peb cov kwv tij Hmoob ua raws li Vaj Qhia tej lus. Ces nthuav piav 8 nqe lus raws li Vaj Qhia zaj tswv yim tseem ceeb .
    = Thawj nqe lus kuj tshaj li no tias : “ Ib tsev neeg ( uas sib nyiam sib hlub ), mas hauv lub Koom Txoos, peb saib qhov ntawd loj . Lub Koom Txoos kuj zoo siab tshaj lub Moo Zoo los txhab zog rau cov txij nkawm uas taug txoj kev sib nyiam sib hlub raws kev ruaj nreb khov kho - Saib ib tsev neeg ( uas ob tug niam txiv,ib leeg pheej xeeb rau ib leeg – ib tug pheej xeeb rau ib tug ) mas hauv ntau pawg ntseeg nyob thoob ntiaj teb, mas lub Koom Txoos kuj saib tej tsev neeg uas coj lub neej zoo li ntawd loj = Ua li, lub Koom Txoos lub hom phiaj tseem ceeb kuj mus li no tias : yuav tsum ua ntau ntau yam kom xwv txoj kev nyob kaj lug kaj nrig tawg paj txi txiv hauv tas tej tsev neeg huv tib si nyob thoob ntiaj teb
    = Nqe lus ob kuj tshaj lus txog lub Cim Cog Lus tias : “ Lub Koom Txoos yuav tsum rov ntuas cov niam txiv tias : nej yuav nco tias : nyob tas qhov txhia chaw, nyob thoob ntiaj teb, ntau pab neeg kuj ntshaw txog kev sib nyiam sib hlub, uas txhawv ntawm lub Cim Cog Lus . Mas nej lub neej tsa ib cuab ib yig kuj mus raws qhov yog , mas nej yuav nyob kaj lug kaj nrig kuj yuav tau tshwm sim tuaj kuj yog vim nej tau txais lub Cim Cog Lus lauj – Hnub dhau hnub , ob tug niam txiv kuj yuav xyaum ua siab ncaj , siab ncees , ua siab zoo dav fo, ib tug rau ib tug ,ib leeg rau ib leeg, tsis tu ncua . Yog vim nej tau txais lub Cim Cog Lus lawm , mas nej yuav ua neeg nplua nuj zuj zus hauv lub neej sib npuab siab zuj zus ntag.
    = Nqe lus 3 rov tshaj lus hais txog cov kab ke pab tas tsoom txij nkawm- Vaj Qhia Faas Xuas tshaj lus txog qhov ntawd .Peb nrog Vaj Qhia nco txog tej qib lus hauv Ntawv Ntshiab, hais tias :” Thaum chiv lub keeb, tus Tsim neeg , nws tsim kom muaj txiv neej thiab poj niam, thiab Tswv Ntuj hais tias:” Vim qhov ntawd, mas txiv neej yuav tso nws niam nws txiv tseg mus npuab nws poj niam- Ob tug ntawd yuav ua ib lub cev nqaij xwb . Qhov uas Tswv Ntuj sau los ua ke , mas neeg tsis txhob muab cais“ ( Mas Tais 19 , 4 - 6 . = Hauv Paus 2: 24.
    Vaj Qhia mam li hais tseg tias : yog vim txiv neej thiab poj niam sib koom siab koom ntsws - ces nkawd cog lus tseg tias nkawd yuav tau coj ib lub neej ruaj nreb khov kho thiab nkawd yuav tau kev xeeb me tub me nyuam - Yog vim qhov ntawd ces tsuas muaj ib txoj cai kav sawv daws neeg Kas TosLiv xwb, yam li yuav cia ib tug txiv neej los mus yuav ib tug poj niam , uas yuav tsis txhob muab nkawd cais . Yog vim qhov ntawd yuav tsis cia ib tug txiv neej los mus yuav ib tug txiv neej - yuav tsis txhob cia ib tug poj niam los mus yuav ib tug poj niam . Qhov ntawd yeej yuam kev ntag – Lo lus tias 2 tug txiv neej ua tau txij nkawm,,los : 2 tug poj niam ua tau txij nkawm . Ob nyuag lus ntawd thiaj tsis mus raws tseem txoj cai, uas ib txwm los Tswv Ntuj tau tshaj tawm kiag .
    Li ntawd , yuav tsum mloog txoj cai uas Tswv Ntuj tau txhim tsa, kom xwv cov neeg thiaj tau kev xeeb me tub me nyuam - Ces qhov kawg ces ntiaj teb neeg thiaj huam vam tau .

    PAJ NRUAG
    Nqe lus 4 mas Vaj Qhia tshaj lus meej pem txog poj niam lub hwj chim : yav dhau los ,hauv tej lub teb chaws, ib cov pej xeem huab hwm kuj hais kam lo lus no tias : cov poj niam lub hwj chim nyob ntawm txheej qis dua cov txiv neej – Hos cov txiv neej lub hwj chim thiaj yuav tsum loj dua cov poj niam lub . Hos, nyob hauv Vaj Qhia tsab ntawv, peb thiaj nyeem tau lwm zaj lus tseem ceeb dua tej zaj lus, uas yav dhau los tej pab neeg mag lawv tej zaj tswv yim qub - Yam li, nyob hauv tas txhia teb chaws, nyob thoob ntiaj teb no ,tsim nyog khaws txoj cai tseem ceeb tseg tias : tus txiv neej thiab tus poj niam nkawd muaj hwj chim loj sib npaug zog = ces peb tsoom ntseeg sawv daws yuav tsum nco tias : txoj cai tshiab ( uas mus raws Vaj Qhia lo lus hais ) mas yog vim Leej Ntuj Plig Ntshiab lub txiaj ntsim nqes los tshoj neeg tej siab ntsws - Yog vim qhov ntawd ces peb vam ntsoov tias : nyem no mus lawm yav tom ntej , cov pej xeem huab hwm ( uas nyob hauv tas qhov txhia chaw nyob thoob ntiaj teb ) kuj yuav muab siab rau mloog Vaj Qhia tej lo lus tseem ceeb tias : tus txiv neej thiab tus poj niam kuj muaj hwj chim loj sib npaug zog- Nkawd mam li sib hwm, ces ob tog ntawd coj tau lub neej nyob kaj lug kaj nrig

    = Nqe lus 5 : Lub Cim Cog Lus yog Tswv Ntuj ib lub txiaj ntsim : Vaj Qhia tshaj lus zoo li no tias : thaum 2 tug txiv hluas thiab niam hluas txiav txim siab los mus txais lub Cim Cog Lus, hauv tsev Teev Ntuj, mas phim nkawd yuav xav tias : “ Wb xav txais lub Cim Cog Lus, kuj yog vim Tswv Ntuj tau hu wb los mus ua qhov ntawd ntag “
    Hais qhov tseeb mas lub Cim Cog Lus yog ib lub Cim muaj nqe kawg , yam Tswv Ntuj yog tus pub txiaj ntsim muaj nqe rau niam txiv , kom xwv nkawd thiaj yuav kub siab xyaum coj lub neej ntshiab dawb huv. Ua li ntawd . 2 tug neeg ntseeg ntawd ( uas nkawd ua niam ua txiv ) haj yam yuav rov paub tseeb tias : dhau lub caij nkawd yuav tso lub ntiaj teb no tseg lawd, mas nkawd yuav tau kev nce mus pem Tswv Ntuj lub Ceeb Tsheej , thiab yuav tau nyob kaj lug kaj nrig, rov mus txog txhiab niag tim puas xyoo .
    Nqe lus 6 : Txhawb nqa tus tib neeg lub neej thiab txoj sia : Vaj Qhia Faas Xuas tshaj tej lus tseem ceeb no tias : “Huab Tais tau pub ob tug niam txiv yug ib tug me nyuam lawm mas Tswv Ntuj vam txog nkawd los mus txhawb nqa tus me nyuam ntawd txoj sia kom loj hlob zuj zus“ .. Vaj Qhia tseem tshaj lus no tias : “ Tus tib neeg twg mas nws txoj sia ua neeg kuj muaj nqe loj kawg nkaus. Ces luag lwm leej lwm tus tsis muaj cai rho tus me nyuam tawm ntawm leej niam lub cev - Tus neeg twg kuj xij mas yeej muaj cai yuav tau loj hlob zuj zus rov mus txog hnub uas Tswv Ntuj yuav hu tus tib neeg tso lub ntiaj teb no tseg. Li ntawd yuav tsum mloog Huab Tais Ntuj Lo Lus Qhia 5 tias : “ Tsib : koj tsis txhob tua neeg” .
    Nqe lus 7 : Hais txog cov poj niam uas tau xeeb tus me nyuam : Vaj Qhia kuj tshaj lus nplij cov poj niam uas tau xeeb me nyuam tias : Tswv Ntuj vam txog nej los mus yug ib cov me nyuam . Mas nej thiaj yuav nyob kaj lug kaj nrig los mus ua lub luag hauj lwm loj kawg nkaus ntawd- Tab txawm nej nyuaj siab ntxhov plaws npaum li cas , los nej yuav thov Ntuj tas zog, kom xwv nej tej kev nyob kaj lug ntawd thiaj yuav tau nyob rawv, mus li . Nyob nyob, nej cov me nyuam thiaj yuav tau nyob kaj lug kaj nrig coj nws lub neej ib yam nkaus li nej ua niam ua txiv ntag .
    Nqe lus 8 : Hais txog kev soj qab qhuas txog Ntuj txiaj ntsim : Vaj Qhia txhob txwm tshaj lus los ntxiv tswv yim rau cov niam txiv tias : nej yuav tau soj qab qhuas txog Ntuj tej txiaj ntsim kuj yog thaum nej sib sau teev hawm Tswv Ntuj hauv nej tsev – Txhua txhia zaus uas nej ua qhov ntawd mas nej cov me nyuam thiaj yuav tau nrog nej ua niam ua txiv koom siab koom ntsws saib kev ntseeg loj - Nyob nyob, nej cov me nyuam thiaj yuav paub tias : , txoj kev nyiam Tswv Ntuj thiab kev teev hawm Tswv Ntuj kuj yog lub hauv paus ntawm kev ua neeg nplua nuj ,hauv yus tus ntsuj plig , mus raws qhov tseeb .

    T.P. Txhiaj Foom omi 30.8. 2017










    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 7th September 2017, 9:01 am









    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 14th September 2017, 12:32 pm



    HUAB TAIS UA SIAB ZOO - Nkauj Paj Nruag -Zaj 145.


    Cov kwv tij hmov thiab tshua, hnub no zoo hnub. Yog Hnub Chiv uas peb tsoom ntseeg zoo siab nrog peb ib cov phooj ywg sib sau los cav lus zoo txog Huab Tais Tswv Ntuj –Hnub no , nej yuav mloog tej qib lus hauv Nkauj Paj Nruag 145, uas lub ntsiab lus kuj mus li no tias :
    Tswv Ntuj muaj hwj huam thiab siab zoo tas nrho .
    Thawj 9 qib lus kuj hais li no tias : “ Kuv tus Tswv Ntuj ,kuv tus Vaj, kuv cav lus zoo txog koj - Kuv yuav foom koob meej rau koj lub npe mus ib txhiab ib txhis …HUAB TAIS loj tas nrho- tsim nyog cav txog nws . Nws loj tas nrho, neeg ntsuas tsis tau….Sawv daws yuav cav txog koj lub siab zoo dav tas nrho. Luag yuav npuaj teg cav txog koj lub siab ncaj .. HUAB TAIS yog tus hlub mos nyoos thiab khuv leej – Nws npau taws qeeb –Nws lub siab phwj kev hlub- HUAB TAIS ua siab zoo rau txhua leej txhua tus – Nws lub siab hlub mos nyoos puag nws tej num “
    Cov kwv tij , xam pom tias nej tseem nco tias : nyob rau hauv NTAWV NTSHIAB, txij ntawm phab 217 rov mus txog phab 377, nej thiaj nrhiav tau 150 Nkauj Paj Nruag ( NPN ) ntawd tas huv tib si. Hos, nyob rau hauv ntau tej pab ntseeg huv tib si, peb niaj hnub sib sau los hais cov Nkauj Paj Nruag huv tib si : yeej yog tej zaj teev hawm Tswv Ntuj lub koob meej thiab yog tej zaj thov Tswv Ntuj pab txhawb nqa kev ntseeg kom rov ruaj nreb khov kho zuj zus tag
    Hos thov kom nej mloog tej lo lus nthuav piav 9 qib lus ntawd
    Qib 1 kuj sau li no : “ Kuv tus Tswv Ntuj ,kuv tus Vaj, kuv cav lus zoo txog koj - Kuv yuav foom koob meej rau koj lub npe mus ib txhiab ib txhis… Cov kwv tij, peb tus Huab Tais Tswv Ntuj, tus tsim ntuj tsim teb, mas nws yog peb tus Vaj. Nws saib xyuas thiab nws pov hwm sawv daws neeg ,tsis hais tias Tswv Ntuj tsuas pov hwm tej pab neeg uas ntseeg txog nws xwb , xws li cov His Xas Lais, cov Kav Tos Liv , cov Plos Tes Taas thiab cov Os Thos Dos . Hos peb zoo siab ntseeg tias : Huab Tais Tswv Ntuj niaj hnub pov hwm sawv daws neeg huv tib si. Ua li, hauv tej pab neeg ntseeg, mas peb thawj hauj lwm uas peb niaj hnub ua kuj mus li no tias : peb foom koob meej rau Tswv Ntuj lub npe mus ib txhiab ib txhis…
    Cov kwv tij, txij ntawm qib 7 rov mus txog qib 9, thiaj pom muaj 3-4 lo lus uas tsim nyog khaws tseg tias: yog lo lus :.. “koj lub siab zoo “…thiab lo lus tias” Nws yog tus hlub mos nyoos thiab khuv leej “ thiab lo lus tias ”nws lub siab phwj kev hlub”…Vim li cas tsim nyog khaws tseg tej qib lus ntawd ? Vim tias yeej raug peb siab thiab peb tsis xav kom nkag rau hauv peb ntseg sab xis…ces yuav tawm ntawm sab laug lauj !! !
    Thov kom nej rov mloog tej lus ntawd : HUAB TAIS loj tas nrho- tsim nyog cav txog nws . Nws loj tas nrho, neeg ntsuas tsis tau….Sawv daws yuav cav txog koj lub siab zoo dav tas nrho. Luag yuav npuaj teg cav txog koj lub siab ncaj .. HUAB TAIS yog tus hlub mos nyoos thiab khuv leej – Nws npau taws qeeb –Nws lub siab phwj kev hlub- HUAB TAIS ua siab zoo rau txhua leej txhua tus – Nws lub siab hlub mos nyoos puag nws tej num
    IB ZAJ NKAUJ
    Vam tias nej yuav zoo siab txais 2- 3 qib lus ntxiv tias HUAB TAIS ,koj tej num yuav ua ke cav txog koj- hos cov ntseeg txog koj yuav foom lus zoo rau koj - “Lawv yuav hais txog koj txoj kev ua vaj nto koob meej - Lawv yuav piav koj cov hauj lwm muaj hwj xyeej –Tswv Ntuj cov lus puav leej hais qhov tseeb tas huv si- Nws cov hauj lwm tas huv si, yog nws lub siab hlub ua – HUAB TAIS txheem cov neeg ntog txhua leej txhua tus- Nws tsa cov neeg khoov nkoos “
    Tej lo lus no tias :”:” HUAB TAIS ,koj tej num yuav ua ke cav txog koj- hos cov ntseeg txog koj yuav foom lus zoo rau koj “thiaj yog lo lus tseeb uas qhia peb tias : tas ib puav tsav yam nyob ntiaj teb ciaj sia kuj yog vim Tswv Ntuj niaj hnub pab tsim kom ciaj sia nyob- Tej yam ntawd yog Tswv Ntuj tej qav tej num= Ua li, txhua txhia zaus peb sib sau teev hawm Tswv Ntuj thiab foom lus zoo rau Tswv Ntuj, mas peb mam li nqa tej yam ntawd los cev rau Tswv Ntuj - Zoo li peb sau tej ntawd hauv peb txhais tes los nco txog Tswv Ntuj lub hwj huam uas loj tas nrho…Cov kwv tij, peb yuav ntseeg ruaj nreb khov kho txog qhov ntawd…ces peb haj yam yuav saib peb tej kev teev Ntuj loj ,hais tias : Huab Tais Tswv Ntuj siv peb cov me neeg los ua tej yam muaj nqe tag nrho paud
    Hos tshuav lwm qib lus tias : Lawv yuav hais txog koj txoj kev ua vaj nto koob meej - Lawv yuav piav koj cov hauj lwm muaj hwj xyeej - Tswv Ntuj cov lus puav leej hais qhov tseeb tas huv si- Nws cov hauj lwm tas huv si, yog nws lub siab hlub ua – HUAB TAIS txheem cov neeg ntog txhua leej txhua tus- Nws tsa cov neeg khoov nkoos “
    Cov kwv tij, ib txwm cov neeg His Xas Lais thiab tas tsoom ntseeg txog Huab Tais Yes Xus, peb ib txwm sib koom siab khaws Ntuj Lo Lus tias : Tswv Ntuj cov lus puav leej hais qhov tseeb tas huv si- Nws cov hauj lwm tas huv si, yog nws lub siab hlub ua.
    Cov kwv tij ; tim li cas peb muaj peev xwm hais tias : Tswv Ntuj cov lus puav leej hais qhov tseeb tas huv si ? kuj yog vim lub caij puag thaum ub, Tswv Ntuj tau tshaj lo lus tseeb rau cov His Xas Lais tias : yav tom ntej, mas kuv yuav xa tus cawm nej dim ntawm qhov txhaum ces nej yuav txais ib lub siab ntshiab dawb huv –Ces tau muaj ib hnub zoo tshaj plaws, uas Tswv Ntuj Leej Tub nqes los ua neeg kom tau pab cawm peb…Peb zoo siab ntseeg tias Yes Xus yug los nyob hauv lub nroog Npes Les Hes. uas yog raws li Tswv Ntuj tej qub lus ntag- Cov kwv tij, peb zoo siab ntseeg khov kho tias : Tswv Ntuj cov lus puav leej hais qhov tseeb tas huv si-
    Cov kwv tij ,peb kuj zoo siab khaws Ntuj Lo Lus no tseg tias : HUAB TAIS txheem cov neeg ntog txhua leej txhua tus- Nws tsa cov neeg khoov nkoos “..Saib : thaum twg peb mam li ntog ? Kuj yog vim peb tsis muaj zog tiv thaiv tej zaj lus haub lus ntxias, ces peb ntog hauv qhov txhaum…Thaum ntawd, tseev kom peb txhob ua siab yau tias :”Tsam yuav tsis muaj chaw vam khom - yuav tsis muaj leej twg txheem peb rov sawv dua lauj !” Cov kwv tij, peb yeej muaj chaw vam khom - Peb niaj hnub muaj tus Huab Tais cawm peb : yog Huab Tais Yes Xus ntag. Nws yees muab nws tej kev hlub los so peb tej txhaum. Nws yog tus txhim kho peb tej siab ntsws kom rov ntshiab dawb huv , tsis tu ncua .

    PAJ NRUAG
    Cov kwv tij , hauv 7 nqe lus nej yuav mloog no mas yuav tau muaj 6 zaus nej yuav rov mloog dua lo lus “ sawv daws” los lo lus” txhua tus”,,xws li hauv qib lus no tias:” HUAB TAIS pub kom txhua tus muaj sia tau noj tsau “,mas txhais tias Tswv Ntuj siab zoo rau txhua txhia tus neeg = Thov kom nej mloog nqe lus zoo :
    “ Sawv daws ntsia koj, vam ntsoov koj= Koj pub txhiam xws rau lawv raws caij raws nyoog- Koj qhib koj txhais tes, koj pub kom txhua tus muaj sia tau noj tsau- HUAB TAIS ua ncaj hauv txhua txoj kev- Nws pheej xeeb nyob hauv txhua txoj hauj lwm- HUAB TAIS nyob ze cov neeg sawv daws uas tuav txog nws lub npe- Nws pub rau cov neeg hwm nws raws li lawv xav yuav - Nws mloog lawv lub suab quaj qw – Nws cawm lawv – HUAB TAIS txuag tas cov neeg uas lawv nyiam hwm nws – Nws rhuav tshem cov tsis hwm nws huv tib si - Kuv lub ncauj yeej meem cav txog HUAB TAIS, kom txhua lub cev nqaij foom lus zoo rau - Nws lub npe ntshiab mus ib txhiab ib txhis “
    Nqe lus no yog Tswv Ntuj LO LUS - Yog lo lus tseeb, uas rub peb siab los ntseeg Ntuj khov kho.…….
    = Lo lus tias “ Sawv daws ntsia koj, vam ntsoov koj - Koj qhib koj txhais tes, koj pub kom txhua tus muaj sia tau noj tsau:” yeej yog lo lus txhib peb siab los khaub zig txog Tswv Ntuj, vam txog Tswv Ntuj hlub peb sawv daws hauv tas txhua hnub peb ciaj sia coj peb lub neej nyob ntiaj teb no –Ua li, tsis muaj ib tug tib neeg uas Tswv Ntuj tsis nco qab txuag- Yeej tsis muaj ib tug tib neeg uas Tswv Ntuj saib qis qis . Yeej tsis muaj ib tug tib neeg uas yuav ua siab yau , ces yuav hais tias:”
    “Tsis muaj leej twg saib yus loj.. Tswv Ntuj hlub tshua tas sawv daws neeg sib npaug zog tiag “…Cov kwv tij, Tswv Ntuj lo lus ntawd tias: ““ Sawv daws ntsia koj, vam ntsoov koj - Koj qhib koj txhais tes, koj pub kom txhua tus muaj sia tau noj tsau:” thiaj yog lo lus tseeb, uas txhab zog rau yus tej kev ntseeg. Ces niaj hnub peb nyob thaj yeeb nyab xeeb tau , tsis tu ncua .
    Qhov tias peb niaj hnub muaj zog ces thiaj khwv ua hauj lwm los yug yus tsev neeg, ,mas phim yuav nco tias : “Tswv Ntuj pov hwm kuv tas npaud, ces kuv tau kev ua kuv tej hauj lwm kom tiav “. Ces yuav tsa peb lub siab los niaj hnub nco txog Tswv Ntuj tej txiaj ntsim los mas
    == Lo lus tias : “HUAB TAIS ua ncaj hauv txhua txoj kev- Nws pheej xeeb nyob hauv txhua txoj hauj lwm- HUAB TAIS nyob ze cov neeg sawv daws uas tuav txog nws lub npe”, mas txhais tias
    Peb zoo siab khaws lo lus no tseg tias : “HUAB TAIS ua ncaj hauv txhua txoj kev- Nws pheej xeeb nyob hauv txhua txoj hauj lwm- HUAB TAIS nyob ze cov neeg sawv daws uas tuav txog nws lub npe ..Ua li Huab Tais Tswv Ntuj lub tswv yim txawv peb cov neeg sawv daws,,vim tias muaj tej hnub peb ib siab hais lus zoo, los hais lo lus qhuas txog ib tug, uas nrog yus nyob, los nws nrog yus koom ua tib txoj hauj lwm hauv tib qhov chaw xws li yus..Tab sis yus cheem tsis tau yus lub ncauj – Tsam yus npau taws sai sai ua luaj…Hos ntawm Tswv Ntuj mas nws tsis ua raws li yus. Saib : Tswv Ntuj lub siab zoo dav fo : nws txawj qis muag ,yog thaum yus tsis txawj cheem yus lub ncauj . Tswv Ntuj pheej xeeb nyob hauv txhua txoj hauj lwm- HUAB TAIS nyob ze cov neeg sawv daws uas tuav txog nws lub npe- Ua Ii ntawd, peb niaj hnub yuav xyaum coj tus yam ntxwv tshiab . Ces luag lwm leej lwm tus thiaj nyob kaj lug – Tus ntawd wb lub siab nyob thaj yeeb nyab xeeb.
    Cov kwv tij ,nyem no mus thiaj rov tso dua 2-3 nqe lus uas nej tau mloog,,yam li
    …Kuv tus Tswv Ntuj ,kuv tus Vaj, kuv cav lus zoo txog koj - Kuv yuav foom koob meej rau koj lub npe mus ib txhiab ib txhis …HUAB TAIS loj tas nrho- tsim nyog cav txog nws . Nws loj tas nrho, neeg ntsuas tsis tau….Sawv daws yuav cav txog koj lub siab zoo dav fo tas nrho. Luag yuav npuaj teg cav txog koj lub siab ncaj .. HUAB TAIS yog tus hlub mos nyoos thiab khuv leej – Nws npau taws qeeb –Nws lub siab phwj kev hlub- HUAB TAIS ua siab zoo rau txhua leej txhua tus – Nws lub siab hlub mos nyoos puag nws tej num “---HUAB TAIS ,koj tej num yuav ua ke cav txog koj- hos cov ntseeg txog koj yuav foom lus zoo rau koj - “Lawv yuav hais txog koj txoj kev ua vaj nto koob meej - Lawv yuav piav koj cov hauj lwm muaj hwj xyeej –Tswv Ntuj cov lus puav leej hais qhov tseeb tas huv si- Nws cov hauj lwm tas huv si, yog nws lub siab hlub ua – HUAB TAIS txheem cov neeg ntog txhua leej txhua tus- Nws tsa cov neeg khoov nkoos “Sawv daws ntsia koj, vam ntsoov koj= Koj pub txhiam xws rau lawv raws caij raws nyoog- Koj qhib koj txhais tes, koj pub kom txhua tus muaj sia tau noj tsau- HUAB TAIS ua ncaj hauv txhua txoj kev- Nws pheej xeeb nyob hauv txhua txoj hauj lwm- HUAB TAIS nyob ze cov neeg sawv daws uas tuav txog nws lub npe- Nws pub rau cov neeg hwm nws raws li lawv xav yuav - Nws mloog lawv lub suab quaj qw – Nws cawm lawv – HUAB TAIS txuag tas cov neeg uas lawv nyiam hwm nws – Nws rhuav tshem cov tsis hwm nws huv tib si - Kuv lub ncauj yeej meem cav txog HUAB TAIS, kom txhua lub cev nqaij foom lus zoo rau - Nws lub npe ntshiab mus ib txhiab ib txhis “…….
    XAV HAIS IB LO LUS NUG NEJ TIAS : hauv 3 qib lus no tias
    = Tswv Ntuj muaj hwj huam thiab zoo tas nrho
    = HUAB TAIS lub siab phwj kev hlub
    = Tswv Ntuj cov lus hais qhov tseeb tas huv si.
    Hos nag kis thiaj rov twm 3 qib lus ntawd dua, ces kawm hauv nruab siab puas tau ?
    …..Yog ua tau qhov no mas nej yuav ua neeg nplua nuj zuj zus hauv txoj kev paub Huab Tais Tswv Ntuj ntag . lus raug nej siab kawg nkaus ? Yog tias muaj, mas saib nej .puas yuav sau 3 qib lus dua hauv ib phau ntawv sau ?- Ces tag kis thiaj rov twm dua thiab kawm hauv nruab siab-
    Hos yuav tshaj tej nqe lus ntxiv uas tsim nyog khaws tseg, tsis tu ncua :
    ++ NPN 103 : “ HUAB TAIS hlub mos nyoos – Nws khuv leej neeg- Nws hlub neeg tas nrho- Nws tsis nplua peb xws li peb tau txhaum- Nws tsis pauj rau peb raws li tej txhaum peb ua – Nws hlub nqee mos nyoos nws cov me nyuam l tsis muaj hnub kawg – Nws ua ncaj rau cov ua raws li nws txib kom ua.”
    ++ NPN 25 : “ HUAB TAIS , cov neeg tos koj, tsis muaj ib tug poob ntsej muag li.-- Koj yog tus Tswv Ntuj cawm kuv – HUAB TAIS, koj xav txog kuv vim koj siab zoo “
    ++ NPN 27 : “ HUAB TAIS yog kuv qhov pom kev- Nws yog tus cawm kuv- Kuv yuav ntshai leej twg ? Kuv thov ib yam ntawm HUAB TAIS ; thov kom tas kuv sim neej, kuv niaj hnub tau nyob hauv HUAB TAIS tsev, kom kuv tau nuam ntsia saib Huab Tais zoo npaum li cas - Kuv xav ntsuam xyuas nws lub tuam tsev..HUAB TAIS , koj mloog kuv lub suab hu txog koj ! Thov koj hlub- koj teb kuv mas - Koj txhob tso kuv pov tseg- Tswv Ntuj , koj yog tus cawm kuv- Tab txawm kuv niam thiab kuv txiv muab kuv pov tseg, los HUAB TAIS yuav khaws kuv – Kuv paub tseeb tias kuv yuav tau pom HUAB TAIS lub siab zoo nyob hauv tsoom neeg ciaj lub teb chaws- Koj tos ntsoov HUAB TAIS mog ! Koj ua tus muaj zog - koj yuav ua siab loj siab tawv qhawv mog ! Koj tos ntsoov HUAB TAIS mog ! “

    ++ Mas Tais 7:7 – 11 :”Nej thov,ces nej yuav tau txais,- Nej nrhiav,ces nej yuav tau ntsib - Nej khob qhov rooj, ces luag yuav tau qhib- Nej Txiv nyob saum ntuj haj yam txawj pub qhov zoo tshaj rau cov neeg thov nws “
    ++ Zam 11:41- 42:” Txiv, kuv ua koj tsaug vim koj mloog kuv - Kuv paub tias koj yeej ib txwm mloog kuv “
    ++ Nkas Las Tias 2:20 : “ Huab Tais Yes Xus Pleev txoj sia ciaj nyob hauv kuv – Tswv Ntuj Leej Tub nyiam kuv tas npaud, ces nws rov muab nws rau luag, kom nws pab tau kuv “
    ++ Es Fes Xos 3: 20 :” Tswv Ntuj muaj hwj huam ua hauj lwm nyob hauv peb. Hos nws ua ntau tshaj qhov peb thov, thiab ntau tshaj qhov peb xav tau “

    T.P.
    ZAJ NKAUJ TEEV NTUJ : Koj txhob ntshai , kuv yuav nrog….













    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 22nd October 2017, 7:39 am






    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 12th January 2018, 10:25 pm



    KOM LAWV SAWV DAWS KOOM UA IB LEEG

    Cov kwv tij hmov thiab tshua, hnub no peb thiaj rov zoo siab tuaj cuag nej
    dua .Ua li thiaj vam ntsoov tias nej yuav soj qab Tswv Ntuj kev thaj yeeb
    nyab xeeb thiab kev kaj lug kaj nrig nqes los txeem hauv nej tej siab
    ntsws, tsis tu ncua. Zoo li hnub no mas lub ntsiab lus kuj mus zoo li no tias:

    KOM LAWV SAWV DAWS KOOM UA IB LEEG .

    Qib lus no kuj nyob
    hauv Zam Ntawv Moo Zoo, uas nyob hauv zaj 17, qib 21. Nej tseem nco
    txog zaj 17 ntawd, uas yog ib zaj teev hawm Tswv Ntuj- Yog zaj lus uas
    Huab Tais Yes Xus tau hais., yog hnub uas ib pab neeg yuav ntes Yes Xus
    –Hos lawv yuav txiav txim thiaj muab Yes Xus dai saum tus Ntoo Cuam.
    Hos phim yuav to taub tias niaj hnub nyem no ,xyoo 2018 no, Huab Tais
    tseem tshaj tib qib lus ntawd tawm rau peb tsoom kwv tij Hmoob sawv
    daws, kom xwv peb tsoom Hmoob kub siab nrog lwm pab lwm pawg neeg
    sib koom siab koom ntsws thiab sib haum xeeb tsis tu ncua .

    PAJ NRUAG : Thaum peb nyiam peb hlub....

    NUG : Lo lus qhuab qhia tias :KOM LAWV SAWV DAWS KOOM UA IB
    LEEG, mas peb yuav ua li cas los coj rawv mus raws qhov tseeb ?
    TEB : Xam pom tias nej coob leej nco ntsoov txog Tswv Ntuj ntau lo lus.
    Zoo li qib lus uas yus twm tau hauv Mas Tais Ntawv Moo Zoo., hauv zaj
    23 ,hais tias :peb sawv daws yog ib cov kwv tij . Mas Tais 23,qib 8.
    Mas phim yuav nco tias: lwm pab lwm pawg, tsis hais lwm pab neeg, uas
    daim tawv liab ( uas hais tau lwm xeev lus )-.Tsis hais cov pawg neeg daim
    tawv dawb los daim tawv dub – Mas raws li Tswv Ntuj tej zaj lus thoob tsib
    hais, mas tas tsoom neeg huv tib si yog ib cov kwv tij - Vim tias tas
    tsoom neeg huv tib si kuj muaj ib tug tswv, uas kaj sawv daws neeg nyob
    tas qhov txhia chaw hauv lub qab ntuj. ,Nws yog sawv daws niam thiab
    txiv ntag - Tus tseem tswv ntawd ( uas muaj hwj chim loj tas nrho ) thiaj
    yog Huab Tais Tswv Ntuj- Tus tsim tas tsoom neeg huv tib si yog Tswv Ntuj
    ntag.
    Cov kwv tij, peb yeej nco txog ntau qib lus hauv Ntawv Ntshiab uas qhia
    zaj lus tseeb ntawd rau peb . Xws li qib lus no tias :”Muaj ib tug Tsw Ntuj
    xwb -Tswv Ntuj xav kom tas zeej tsoom txais kev cawm thiab paub
    qhov tseeb “ 1 Tis Mos Tes 2 : 4-5.

    === Cov kwv tij, hais rau nej paub tias xyoo 2013, Vaj Qhia Faas Xuas
    kuj tshaj 4 zaj lus tseem ceeb los mus txhib peb tej siab ntsws kom xwv
    PEB SAWV DAWS KOOM UA IB LEEG - Vaj Qhia caw peb rov nco
    ntsoov txog 4 qib lus tseem ceeb hauv NTAWV NTSHIAB. –Ua li, thov
    kom nej qhib nej siab los khaws 4 qib lus ntawd tseg: 1 : “Huab Tais Yes
    Xus Pleev txoj kev nyiam taij peb tas zog ( 2 Kos Lis Nthos 5;14 ). Txhais
    tias : tsim nyog yuav nco ntsoov tias Huab Tais Yes Xus, uas nws” nyiam
    peb sawv daws mus txog thaum kawg”, yam li mus txog hnub nws dai
    saum tus ntoo cuam..Thaum peb nuam ntsia tus Ntoo Cuam mas peb
    yuav zoo siab ntseeg tias :: Huab Tais hu peb los mus taug kev khuv leej
    neeg ,raws li Yes Xus tus piv txwv …== .2:” Nej yuav sib nyiam sib hlub ib
    yam li kuv tau nyiam nej - Qhov no yuav ua kom sawv daws paub tias nej
    yog kuv cov thwj tim” ( Zam 13 : 34 ) , Txhais tias : peb yog cov tub tshaj
    Ntuj Lub Moo Zoo, kuj yog thaum peb kub siab sib nyiam sib hlub… ==3 : :”
    Nej sawv daws koom ua ib leeg,kom xwv lub qab ntuj neeg thiaj yuav tau
    ntseeg” ( Zam 17:21 ). Txhais tias : Huab Tais Yes Xus xav rub tej pab
    neeg tej siab ntsws kom sib nyiam sib hlub mas peb thiaj yuav xyiv fab
    koom ua ib leeg, raws li Huab Tais Yes Xus lo lus hais, thiaj yog..== 4 : “
    Cov tau txoj hmoov zoo yog cov tsim kev thaj yeeb. vim Ntuj yuav hu lawv
    ua Tswv Ntuj cov me nyuam “( Mas Tais 5: 9) Mas txhais tias : yog peb
    tsim kev thaj yeeb mas thaum txog hnub peb yuav ua 1 siab 2 qi, peb thiaj
    yuav tau nyob kaj lug kaj nrig los mus nrog tas tsoom Leej Ntshiab nyob,
    ua ib tsev neeg, nyob pem Tswv Ntuj lub Ceeb Tsheej , rov mus txog
    txhiab niag tim puas xyoo lauj .
    PAJ NRUAG : Ntuj lub txiaj ntsim ua siab nphau npog
    Cov kwv tij, peb niaj hnub muaj peev xwm ua ntau yam hauj lwm KOM
    LAWV SAWV DAWS KOOM UA IB LEEG…..Qhov muaj nqe tshaj plaws
    thiaj yog peb tej zaj lus teev hawm Tswv Ntuj thiab TSO SIAB LUG
    RAU TSWV NTUJ. Vim tias peb tej zaj teev hawm Tswv Ntuj thiaj muaj
    hwj huam loj kawg nkaus ) -Peb nyias thov Ntuj rau hauv peb nyias nruab
    siab kom xwv Tswv Ntuj txhawb nqa nyias tej siab ntsws. Qhov no mas
    peb muaj peev xwm ua tiag. Tiam sis peb yuav vam txog Tswv Ntuj pov
    hwm sawv daws neeg, uas yog cov neeg nyob ze peb thiab cov neeg uas
    nyob deb . Ua li peb yuav muab ib lub siab zoo dav fo los txhawb nqa lawv
    coob , zoo li peb thov Ntuj kom xwv kev thaj yeeb nyab xeeb rov tshwm
    sim tuaj nyob tim Xis Lias teb , His Xas Lais teb thiab Is Laas teb sai los tim
    Suav teb, tim Nyab Laj teb thiab Los Tsuas teb huv tib si .
    Nyem no mus thiaj yuav hais

    5 - 6 yam uas peb ua tau KOM LAWV
    SAWV DAWS KOOM UA IB LEEG -

    1 : Yuav thov txim ntawm luag tej,
    yog dhau lub caij peb tau cem lwm tus,
    2 : Yuav zam txim rau luag, kuj
    yog dhau lub caij uas lwm tus tau cem yus, los nws tau npau taws rau yus

    3 : yus muab siab rau qhuas luag, kuj yog dhau lub caij lwm tus tau ua
    yam hauj lwm muaj nqe, ces yus nuam ntsia lwm tus, thiab yus qhuas txog
    nws-
    4 : yus kub siab mus xyuas ib tug swm neeg los ib tug phooj ywg,
    uas raug mob hnyav.
    5 : Yus hnov txog ib tug swm neeg uas pluag pluag,
    ces nws tshaib tshaib plab, ces yus cia li sawv kev los mus pub mov rau
    nws noj -
    6 : Yus hnov tias tus no los tus nyob tod, nws tej siab ntsws
    txias, tsis tshua teev Ntuj pes tsawg,
    - Ces yus txhob txwm mus xyuas tus
    ntawd, ces yus maj mam ntxiv tswv yim rau…thiab yus thov Tswv Ntuj nqes
    los tshoj tus neeg ntawd lub siab kom nws rov tig los yuav lub siab tshiab
    dua
    Cov kwv tij,thov kom nej nco tias : Huab Tais Tswv Ntuj hu peb tsoom neeg
    sawv daws los mus tsim kev thaj yeeb nyab xeeb,,ces thiaj pab KOM
    LAWV SAWV DAWS KOOM UA IB LEEG- Yeej yog ib txoj hauj lwm
    tseem ceeb kawg

    TEEV NTUJ : Huab Tais Leej Txiv, Tswv Ntuj khuv leej neeg tas nrho, koj
    pub peb ua ntau yam hauj lwm kom xwv LAWV SAWV DAWS KOOM UA
    IB LEEG- Koj tso siab rau peb cov neeg kawg nkaus- Peb zoo siab ua koj
    tsaug..Thov koj ntxiv zog rau peb tsoom kwv tij Hmoob kom xwv peb kub
    siab ua tas ib puas tsav yam hauj lwm los mus tsim kev thaj yeeb nyab
    xeeb ,tsis tu ncua- NTUJ AIB – Peb thov koj ,Huab Tais Leej Txiv siab zoo
    Zaj lus nkauj : Kev thaj kev thaj yeeb...... Thaum peb nyiam peb hlub …
    Koj txhob ntshai……

    ( T.P. Txhiaj Foom omi




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 31st January 2018, 11:22 pm




    KUV TUS PLIG CAV TXOG HUAB TAIS NTUJ



    Cov kwv tij hmov thiab tshua, hnub no zoo hnub, rau qhov tias : yog Hnub Chiv- yog Huab Tais Ntuj hnub- Yog hnub uas peb zoo siab nco tias Tswv Ntuj Leej Tub sawv ntawm roj ntxas rov los ciaj sia rov mus txog txhiab niag tim puas xyoo. Yeej yog raws li Ntawv Ntshiab tshaj lus tawm zoo li no tias : « Yes Xus sawv hauv qhov tuag los lawm –Nws yuav tsis rov tuag dua- Txoj kev tuag tsis muaj cuab kav tuaj raug nws ib zaug ntxiv’’ « ( Los Mas 6 : 9 ). Li ntawd peb zoo siab ntseeg ruaj nreb khov kho tias Huab Tais Yes Xus yog tus Huab Tais cawm neeg dim ntawm qhov phem thiab kev txhaum
    Cov kwv tij, hmo no, nej yuav zoo siab mloog ib zaj teev hawm Tswv Ntuj ,yam tus Nkauj Tsim Txiaj Mab Liab cav txog Tswv Ntuj kev hlub neeg uas loj tas nrho - Mas , lub caij ntawd ,tus Nkauj Tsim Txiaj Mab Liab hnov Ntuj tus Tshiab Nkas Nplias Lo Lus tias : Tswv Ntuj xaiv Mab Liab los ua niam xeeb tus Huab Tais cawm neeg. Mab Liab txais Leej Ntuj Plig Ntshiab lub hwj huam nqes los roos nws. Ces Mab Liab xeeb tub tau… Hos tib lub caij ntawd Tswv Ntuj tus Tshiab qhia xov xwm txawv txav rau Mab Liab tias : nws tus phauj Es Lis Xas Npes kuj tau xeeb tub tau rau hli lawm. – 2 hnub tom qab ces Mab Liab zoo siab sawv kev mus cuag Es Lis Xas Npes .Thaum Es Lis Xas Npes hnov Mab Liab foom kev kaj lug, mas nws tus me nyuam dhia hauv nws plab , thiab Leej Ntuj Plig Ntshiab los nyob puv Es Lis Xas Npes lub siab- Ces Es Lis Xas Npes tsa suab hlo hais nrov nrov tias : « Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov – Ua cas Ntuj thiaj pub kom kuv tus Huab Tais leej niam tuaj xyuas kuv ? K - Ua li ntawd, tus tau ntseeg tias cov lus Huab Tais hais rau nws yuav tsheej xeeb, mas nws txoj hmoov zoo ! »’

    Cov kwv tij, ib pliag saum no, nej yuav tau mloog tus Nkauj Tsim Txiaj Mab Liab zaj lus teev hawm Tswv Ntuj uas nws hlub neeg tas nrho :

    PAJ NRUAG PEB TXIV NYOB SAUM NTUJ

    Tus Nkauj Tsim Txiaj Mab Liab cav lus zoo txog Tswv Ntuj tias « Kuv tus plig cav txog Huab Tais Ntuj lub hwj chim- Kuv lub tswv yim hom khaj nyob hauv Tswv Ntuj uas nws cawm kuv== Kuv tus Huab Tais, nws ntsia txog nws tus ntxhais tsis muaj tsim - Txij no mus ,lub qab ntuj neeg yuav hais tias kuv txoj hmoov zoo == Tus muaj hwj huam tas nrho, nws ua tej yam loj rau kuv- Nws lub npe ntshiab == Huab Tais lub siab hlub cov neeg hwm Ntuj- Huab Tais hlub lawv txog txhiab niag tim puas xyoo == Huab Tais muab nws lub hwj huam rau sawv daws pom == Cov neeg uas lawv lub siab muab hlob, Huab Tais ntaus lawv kom lawv tawg == Cov neeg zaum ua vaj, Huab Tais ua kom lawv nqes ntawm lawv lub rooj zaum == Cov neeg me , Huab Tais tsa lawv nyob qhov chaw siab == Cov neeg uas lawv tshaib plab, Huab Tais ua kom lawv muaj == Cov neeg uas lawv muaj, Huab Tais ntiab lawv kom rov qab mus , lawv txhais tes qhuav - Huab Tais nco ntsoov txog Huab Tais lub siab zoo == Huab Tais nco ntsoov txog lo lus uas nws hais rau peb lub keeb == Huab Tais Leej Txiv , Huab Tais Leej Tub Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej, xws li txheej laus thaud los .Ua li » Lus Kas 1 : 26-55
    Cov kwv tij hmov thiab tshua, ib zaj lus ( uas tsim nyog peb tsoom ntseeg yuav khaws tseg ) thiaj yog lo lus no : peb kuj muaj cai hais zaj lus teev hawm Tswv Ntuj ib yam nkaus li tus Nkauj Tsim Txiaj Mab Liab ntag
    Zoo li thawj thawj qib lus tias : « Kuv tus plig cav txog Huab Tais Ntuj lub hwj chim- Kuv lub tswv yim hom khaj nyob Tswv Ntuj uas nws cawm kuv..
    Tim li cas peb yuav kub siab hais tau tib zaj cav txog Huab Tais Tswv Ntuj ntawd ? Vim tias ib txwm los peb nco ntsoov tias txhua txhia zaus peb teev hawm Tswv Ntuj mas qhov loj tshaj plaws yog kev cav txog Tswv Ntuj thiab kev ua Ntuj tsaug thiab kev nco txog Tswv Ntuj txiaj ntshav txiaj ntsim – Hos peb niaj hnub kuj muab siab rau thov Tswv Ntuj pab txhawb nqa peb tej siab ntsws thiab txuag peb lub cev nqaij daim tawv ces peb coj tau peb lub neej ntxiv mus -- .Qhov ntawd yeej zoo heev , tab sis tsis yog qhov tim 1 hauv peb tej zaj teev hawm Tswv Ntuj . Peb yuav nco tias : qhov loj tshaj plaws yog kev cav txog Tswv Ntuj lub koob meej thiab kev ua Ntuj tsaug thiab kev nco txog Tswv Ntuj txiaj ntshav txiaj ntsim
    Tsis tas li ntawd xwb , tshuav lo lus tim 2 tias : Kuv lub tswv yim hom khaj nyob hauv Tswv Ntuj uas nws cawm kuv. Saib : peb nco tias peb tau txais lub Cim Ntxuav, mas peb Leeg Huab Tais tau so peb tej txhaum tas huv tib si thiab Tswv Ntuj tau pab peb rov yug los dua tshiab, yam peb tau txais Ntuj tej txiaj ntsim uas muaj nqe tas nrho. Tab sis peb tseem rov ntog hauv qhov txhaum,, Yog vim qhov ntawd ces peb sawv daws yuav tsum thov Ntuj rov cawm peb dim ntawm qhov txhaum dua, tsis tu ncua .Li ntawd ces peb yim coj lub neej ntxiv mus, peb yim rov hom khaj nyob hauv Tswv Ntuj uas nws cawm peb ntag . Ces Tswv Ntuj niaj hnub yog tus tseem ceeb tshaj plaws hauv peb tej nplooj siab nplooj ntsws -Tsuas yog peb muaj Huab Tais Yes Xus hauv peb nruab siab , peb thiaj paub lub hauv paus thiab lub hauv ntsis ntawm peb lub neej..Peb mam li nyob taus, ces pom kev lug

    PAJ NRUAG = KOJ NYOB ZOO , MAB LIAB ,,,
    Thov nej mloog ib qib lus ntxiv uas yog ib feem nyob hauv zaj nkauj teev hawm Tswv Ntuj, uas tus Nkauj Tsim Txiaj Mab Liab tau hais . Yam li : « Tus muaj hwj huam tas nrho,,nws ua tej yam loj rau kuv- Nws lub npe ntshiab ».Peb tseem nco ntsoov txog 2-3 txiaj ntsim loj, uas Tswv Ntujn tau pub rau Mab Liab .Yam li :
    1 : Tswv Ntuj tau pub Leej Ntuj Plig Ntshiab rau Mab Liab kom xwv Mab Liab siab dawb huv tshaj plaws, tsis tau lo rau neeg lub keeb txhaum. Yeej yog raws li tus Tshiab Nkas Nplias tau hais tawm tias : » Koj tau koob tau hmoov tshaj ib tsoom poj niam huv tib si,
    2 : Tswv Ntuj tau xaiv nws tus ntxhais txib Mab Liab tias nws yuav yug ib tug tub, yog ib tug loj , uas yog tus Huab Tais Cawm neeg – yog Huab Tais Yes Xus ntag
    3 : Thaum Yes Xus dai ntawm tus Ntoo Cuam, nws pom nws niam thiab tus thwj tim Zam - Yes Xus hais rau nws niam tias : »Niad, nyem no mus lawm yav tom ntej, Zam thiaj yog koj tus tub »..thiab Yes Xus hais rau Zam tias : » Tus ntawd yog koj niam » . Txij lub sij hawm ntawd los, tus thwj tim coj Mab Liab mus nyob hauv nws tsev «
    Cov kwv tij , peb zoo siab saib Tus Nkauj Tsim Txiaj Mab Liab loj, vim tias nyob ntawm Tswv Ntuj lub xub ntiag peb kuj yog Mab Liab cov me tub me nyuam- Nws hlub peb kawg nkaus.

    ==== Tshuav qib lus no tias : == Huab Tais lub siab hlub cov neeg hwm Ntuj- Huab Tais hlub lawv txog txhiab niag tim puas xyoo » - Cov kwv tij, qib lus no mas yeej raug peb siab kawg nkaus ,zoo cuag qib lus hauv Zam Tsab Ntawv 1 tias : » Tswv Ntuj yog Txoj Kev Nyiam - Nws xa nws Leej Tub Twm Zeej tuaj nyob ntiaj nteb no, kom xwv peb ciaj sia nyob hauv nws Leej Tub « 1 Zam 4 :8-9
    Muab txhais tias : ob qib lus ntawd kuj qhia zaj tswv yim meej meej pem los raug peb siab. Saib nyob thooj ntiaj teb thiaj yuav tsum tsis txhob muaj ib tug tib neeg , uas yuav ua siab yau tias : kuv mus qhov twg kuj xij mas tsis muaj leej twg saib xyuas- tsis muaj leej twg uas yuav nyiam, yuav hlub tshua kuv lauj - Yuav tsum tsis xav li ntawd los mas - Vim tias yuav tsa muag los txais Tswv Ntuj Leej Txiv thiab Huab Tais Yes Xus nqes los hauv yus, ces qhib ncauj los hu txog Tswv Ntuj tuaj pab – Ces yuav kub siab thov Ntuj pab - yuav thov Ntuj thiab tso siab rau Ntuj, raws li Yes Xus tus piv txwv thiab nyob hauv Huab Tais Yes Xus tias : »Txiv , kuv ua koj tsaug ntau vim tias koj yeej ib txwm mloog kuv lub suab. Txiv khuv leej neeg tas nrho, thov koj nres kuv lub siab – Thov koj hlub tshua kuv os mog - Xub ua tsaug « .
    Cov kwv tij ,« Tswv Ntuj lub txiaj ntsim nplua nuj tas nrho « ( Es Fes Xos 2 ; 7 ) ,ces Tswv Ntuj yuav muab nws lub hwj huam( uas loj tas nrho) los pub peb coj lub neej nyob thaj yeeb nyab xeeb thiab nyob tiaj nyob tus , tsis tu ncua
    TEEV NTUJ : Txiv siab zoo tas nrho, thov koj tshoj peb tsoom Hmoob huv tib si kom xwv lawv kub siab lug tso lawv lub neej rau hauv koj txhais tes. Ua koj tsaug ntau

    Tej zaj nkauj : Kuv tus plig cav txog …
    Tus Zoo Tswv Zov Yaj…
    Kuv tso kuv txoj sia
    Tus tuaj cuag Yes Xus , nws yuav tsis tshaib
    Tas sawv daws neeg nyob hauv ntiaj teb

    T.P. Txhiaj Foom omi










    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 12th February 2018, 9:49 pm



    LUB   CAIJ   40



    Cov kwv tij hmov thiab tshua,  peb sawv daws yuav nco ntsoov tias lub 4 hlis hnub 1 ,peb yuav ua Hmoov Hla, yam peb yuav zoo siab teev hawm Huab Tais Yes Xus, uas tau HLA  ntawm txoj kev tuag mus ciaj sia mus li - Mas ua ntej ntawm mus txog lub 4 hlis, peb tsoom ntseeg mob siab coj ib txoj cai tseem ceeb ,uas peb hu  qhov ntawd ua LUB  CAIJ  40 -
    Lub caij 40 thiaj yuav pib rau lub 2 hlis no ,hnub tim  14, 2018 –Yog ib hnub tseem ceeb rau peb lub Koom Txoos Kav Tos Liv ,  vim yuav yog  thawj hnub  hauv lub CAIJ  40 –Yog hnub uas peb  tsoom  ntseeg yuav nqis tes ua 2 yam tseem ceeb.yam li peb yuav thov Ntuj rov pab peb :
    –  Qhov 1 : kom Tswv Ntuj txhim  kho peb tej siab ntsws dua
     - Qhov 2 : kom peb lub siab kub lug siab taug txoj kev sib  nyiam sib hlub raws qhov tseeb.
    Ib tsoom kwv tij sawv ,daws, lub 2 hlis ,hnub 14  los puas yog hnub 18, uas yog Hnub Chiv ( Sunday – Dimanche ), peb yuav kub siab mus txais hmoov tshauv- Kom peb tsoom ntseeg yuav nco ntsoov qib lus tseem ceeb no tseg tias :”KOJ NCO NTSOOV TIAS KOJ YOG  AV - KOJ YUAV ROV QAB  MUS  UA  AV “ – Qhov no  txhais hais tias :  peb lub neej nyob ntiaj teb no tsis nyob mus li  -Thaum peb  muaj hnub nyug lawm ,mas peb yuav tso lub  ntiaj teb  no tseg –Txog peb hnub kawg, peb yuav sawv nraim nyob ntawm Tswv Ntuj lub xub  ntiag, ces Huab Tais Tswv Ntuj yuav soj ntsuam  tas ib puas tsav yam hauv peb lub neej.- saib peb  puas tsim nyog mus  pem Tswv Ntuj lub Ceeb Tsheej los puas mus nram teb chaws them txim txhaum.?
     Cov kwv tij zoo nyiam hnub 14 los hnub 18  mas yog lub caij peb yuav soj ntsuam xyuas txog peb lub neej tias : ua li,peb puas coj lub neej dawb huv kom xwv peb thiaj yuav tsim nyog nce mus pem Tswv Ntuj lub Ceeb Tsheej ?
    Tom qab ntawd, mas nyob rau hauv tas 40 hnub ntawd , peb yuav muab siab rau ua ob peb  yam tseem ceeb xws li  “
    :”Peb yuav thov Ntuj pab txhim kho peb tej siab ntsws kom rov dawb huv tuaj -  

    Peb tsoom ntseeg thiaj yuav muab siab rau teev hawm Tswv Ntuj raws li Huab Tais Yes Xus tus piv txwv.-   Peb thiaj yuav mob siab rau twm cov zaj Nkauj Paj Nruag, xws li Nkauj Paj Nruag 130,  hais li no tias.
    1: Kuv nco hauv qab tiv txwv- Huab Tais awb , kuv hu txog koj- Huab Tais, koj mloog kuv lub suab yuad !
    2 :  Koj yuav tig ntsej los mas !  Koj yuav mloog kuv lo lus thov koj.
    3 :Koj tsis txhob nco peb cov txhaum-  Yog koj nco,mas tsis muaj leej twg yuav nyob taus
    4 : Kuv paub koj yog tus zam txhaum- Kuv tuaj pe koj –Kuv tso siab rau koj
    5 :  Kuv tus plig tos txog koj zoo li tus peeb zov hmo tos txog lub caij kaj ntug
    6 :  Txoj kev zam, txoj kev cawm neeg yog nyob hauv koj - Tus yuav cawm His Xas Lais  ntawm lub txim txhaum kawg yog koj .
    7 :Huab Tais Leej Txiv , Huab Tais Leej Tub, Huab Tais Leej  Ntuj Plig muaj koob meej nto moo lug, lub zim txwv no mus txog fab lwm txheej ,xws li txheej laus thaud los. Ua li.
       Cov kwv tij, 2 qib lus tseem ceeb nyob hauv zaj no tias : “ Kuv paub koj yog tus zam txhaum- Txoj kev zam, txoj kev cawm neeg  yog  nyob hauv koj “.Yog li  ntawd mas lub Caij 40 peb yuav kub siab khaws cov lus ntawd tseg hauv peb nruab siab, ib yam nkaus li qib lus hauv Lus Kas Ntawv Moo Zoo tias:”Tsis muaj ib yam uas Tswv Ntuj ua tsis tau “ Lus Kas 1,37
    .Li  ntawd, thaum twg peb tu siab rau peb tej txhaum, mas  tsim nyog peb tsa ncauj los taij thov kom Tswv Ntuj pab zam peb tej txhaum .Peb thiaj yuav kub siab thov Ntuj tas zaj tas zog pab peb- Peb yuav txhob tso lwm yam los laum peb lub siab kiag- Tsuas yog qhov ntawd xwb  -  
        Cov kwv tij, peb kuj yuav nco txog Nkauj Paj Nruag 51, uas muaj lub ntsiab lus zoo li  no tias : TSWV  NTUJ  SIAB  DAV TAS  NRHO - ZAJ  NKAUJ  LEES  TXIM  TXHAUM
    Lo lus txais :  Koj lub siab zoo, Huab Tais, koj zam rau kuv-  Koj lub siab hlub neeg, Huab  Tais , koj so kuv cov txhaum.
    4  : HUAB  TAIS , thov koj ntxuav kuv qhov phem kom tag – yaug kuv qhov txhaum kom kuv huv tuaj .
    8 : Koj nyiam qhov tseeb hauv neeg nruab siab-
        Koj qhia kev thoob tsib hauv kuv nruab plawv .
    9 : Koj ntxuav kuv, mas kuv yuav dawb dua  daus.
    11 : Thov koj fee ntsej muag deb ntawm kuv cov txhaum .
          Koj so kuv cov txhaum pov tseg huv tib si
    12 : Tswv Ntuj , thov koj tsim ib lub siab huv rau kuv .
          Koj tso dua ib lub tswv yim khov rau hauv kuv .
    14 : Koj ua kom kuv rov zoo siab, vim koj cawm kuv
         Koj txheem kuv lub tswv yim kom dav .
    15 : Kuv yuav qhia koj txoj kev rau cov ntxeev siab .
          Cov neeg txhaum yuav rov los cuag koj .
    16 :  Kuv tus Tswv Ntuj, tus Tswv Ntuj Cawm neeg ,
           kuv tus nplaig yuav cav txog koj txoj kev ncaj .
    17 : Huab Tais ,koj qhib kuv di ncauj-  Kuv lub ncauj yuav cav txog koj txoj kev ncaj.

       Qhov xaus no, peb yuav rov los  xav txog lo lus txais tias  :
      Koj lub siab zoo, Huab Tais, koj zam rau kuv -
    Koj lub siab hlub neeg, Huab  Tais , koj so kuv cov txhaum.
             Cov kwv tij, tshuav sau 3 qib lus ntxiv : 1 : hauv lub tsev teev Ntuj mas hnub 14  ( los hnub 18  ,lub 2 hlis no ) nej yuav saib seb : nej yuav tau kev mus  txais  tshauv hnub twg ?
    2 : Zoo li  2 zaj Nkauj Paj Nruag 130 + 51, mas saib nej yuav mob siab twm 2 ( los  5  zaug tej ) puas tau ?  
     3 : Lub Caij 40 thiaj yog ib lub caij zoo rau yus mus txais LUB CIM  DAWS  TXHAUM, kom xwv peb txais Tswv Ntuj tej txiaj ntsim los pab txhim kho peb tej siab ntsws  kom rov dawb huv tuaj - Yog vim qhov no ,nyob hauv peb lub Koom Txoos, peb thiaj saib LUB  CIM DAWS  TXHAUM   loj thiaj  muaj nqi tas nrho -
         Cov kwv tij, thov kom Tswv Ntuj pub KEV THAJ YEEB NYAB  XEEB  nqes los txawm hauv nej tej  siab tas mus li  .                                
    T.P. Txhiaj Foom   omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 19th February 2018, 11:34 pm



    KEV SIB HLUB RAWS QHOV TSEEB

    Cov kwv tij hmov thiab tshua, yav dhau los lawm, nej tau twm qib lus tim 1 hais tias :
    hauv LUB CAIJ 40, peb yuav thov kom Tswv Ntuj txhim kho peb tej siab ntsws dua .
    Mas peb tau twm 2 zaj Nkauj Paj Nruag xws li zaj 130 thiab zaj 51 ntau ntau zaus - Ua
    li peb yuav rov qog dua lo lus txais tias :”Koj lub siab zoo, Huab Tais, koj zam rau
    kuv - koj lub siab hlub neeg, Huab Tais , koj so kuv cov txhaum”.
    Li ntawd, peb yuav tu siab rau peb tej txhaum ces thiaj hais qib lus me me ntawd, mas
    tsim nyog peb tsa ncauj los taij thov kom Tswv Ntuj pab zam peb tej txhaum- Peb thiaj
    yuav thov Ntuj tas zaj tas zog pab peb- Peb yuav txhob tso lwm zaj tswv yim los laum
    peb lub siab kiag –
    Cov kwv tij, peb yuav ceev faj kawg, kom xwv hauv 365 hnub hauv txhua txhia xyoo peb
    yuav muab siab rau siv zog thov Tswv Ntuj pab peb…Tsis hais tias : tsuas ua zoo li
    ntawd lub CAIJ 40 xwb os mog
    Cov kwv tij, hnub no, tsim nyog peb yuav nthuav piav qib lus tim 2 hais tias : lub CAIJ
    40 , peb yuav thov Tswv Ntuj qhia peb siab kom xwv peb lub siab kub lug siab
    taug txoj kev sib nyiam sib hlub mus raws qhov tseeb..
    Peb yuav twm peb zag lus hauv NTAWV COG LUS TSHIAB - Zaj 1 hauv Mas Tais
    thiab Zam Ntawv Moo Zoo – Zaj 2 hauv tsab ntawv rau cov Kos Lis Nthos - Zaj 3 hauv
    tus Hauv Paus Xa Lus Zam tsab ntawv 1 .
    Cov kwv tij, mas thov kom nej khaws 3 zaj lus tseem ceeb ntawd tseg ntev xyoo sis law,
    ces nej thiaj rov nplua nuj zuj zus hauv txoj kev sib nyiam sib hlub
    2-3 zag hauv Mas Tais Ntawv Moo Zoo :
    Mas Tais 5:43-45 : “Nej yuav nyiam nej cov yeeb ncuab- Nej yuav thov Ntuj rau cov
    tsim txom nej, nej thiaj thiaj yog nej Txiv nyob saum ntuj cov tub “ – Cov kwv tij,Tswv
    Ntuj yeej hu peb sawv daws coj rawv qib lus ntawd- Yeej tsis yooj yim, tab sis peb yuav
    nco ntsoov tias : Thaum Yes Xus dai saum tus Ntoo Cuam, nws cov yeeb ncuab nyob
    ntawm nws xub ntiag - Li cas los ,Yes Xus kuj coj rawv qib lus ntawd ntag - Nws hu
    txog nws Txiv tas zog zoo li no hais tias : “Txiv, thov koj zam rau lawv,vim lawv tsis
    paub tias lawv ua dab tsi “-Mas niaj hnub no Huab Tais kuj hu peb coj rawv Yes Xus
    tus piv txwv tib yam li ntawd , yam peb yuav zam rau lwm tus –peb yuav ua siab zoo
    siab dav fo rau ib cov neeg uas tsis hwm peb- los cov neeg uas thuam peb .Peb lub
    neej thiaj txia ua ib




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 11th March 2018, 8:50 am



    ZAJ 2 : SIB HLUB

    Cov kwv tij hmov thiab tshua, yav dhau los , mas
    nej tau mloog 3 nqe lus tseem ceeb uas yog tej zaj
    lus hais txog kev sib nyiam sib hlub, uas muaj sau
    tseg hauv NTAWV NTSHIAB. Mas yeej muaj tej
    nqe lus uas tau raug nej siab kawg nkaus, xws li
    1 : Nej yuav nyiam nej cov yeeb ncuab – Nej yuav
    thov Ntuj rau cov tsim txom nej – 2 : Nej yuav zam
    txog xya caum xya zaus. 3 :Nej yuav rov sib nyiam
    sib hlub ib yam li kuv tau nyiam nej..
    ..Cov kwv tij phooj ywg ,ob hnub no ,mas thiaj
    yog LUB CAIJ 40., yam peb haj yam yuav khaws
    Tswv Ntuj tej Lo Lus tseg hauv peb nruab siab, yam
    peb rov nplua nuj zuj zus hauv txoj kev paub Tswv
    Ntuj txoj kev khuv leej neeg – Tsis tas li ntawd xwb :
    peb kuj yuav rov sib nyiam sib hlub -Hos hnub no
    zoo hnub : peb yuav kub siab twm 2-3 zaj lus
    tseem ceeb uas qhia peb txog txoj kev sib nyiam
    sib hlub – Ces thov kom nej kawm ib lus no tseg
    hauv nruab siab tias :” Qhov loj tshaj yog txoj
    kev nyiam”-
    Zaj lus 1 kuj nyob hauv tus Hauv Paus Xa Lus
    Paj Lug tsab ntawv 1 rau cov Kos Lis Nthos – Zaj
    lus 13 qib 1 txog qib 13 – Ces tsim nyog peb khaws
    qib lus tseem ceeb no tseg hais tias : Qhov loj
    tshaj yog txoj kev nyiam”….Thov kom nej qhib
    nej siab los mloog Tswv Ntuj Lo Lus hais tias : “Tab
    yog kuv paub tas ib puas tsav yam lus tob, ib puas
    tsav yam txuj ci thiab kuv lub siab ntseeg loj heev
    ,tab sis kuv tsis muaj ib lub siab nyiam, mas kuv
    lub neej tsis muaj nqis dab tsi”.. Cov kwv tij, Leej
    Ntshiab Paj Lug tej lo lus ntawd meej pem tias : kev
    paub ntau yam txuj ci thiaj pab peb ua tus thawj coj,
    los ua tus neeg muaj ,tab sis qhov loj tshaj plaws
    nyob ntawm Tswv Ntuj lub xub ntiag thiaj yog ib
    lub siab nyiam, yog ib lub siab khuv leej neeg
    Leej Ntshiab Paj Lug hais lus ntxiv tias :” Lub siab
    nyiam kuj txawj ua siab ntev, ua siab sib , tsis
    txawj khib, tsis khav theeb, tsis muab hlob- Lub
    siab nyiam kuj tsis ua tub qaug luag, tsis npau
    taws, tsis cib nyeej- Lub siab nyiam tsis zoo siab
    pom luag tej ua tsis ncaj- nws xav pom luag tej
    nrhiav qhov tseeb—Nyem no, txoj kev ntseeg, txoj
    kev tso siab, thiab txoj kev nyiam tseem muaj nyob
    ua peb txog kev . Tiam sis, qhov loj tshaj mas
    yog txoj kev nyiam ”…Cov kwv tij, Leej Ntshiab
    Paj Lug tej lo lus txhib peb siab los mus rub peb
    sawv daws ua neeg siab ntshiab –Ua li, peb yuav
    nquag coj rawv Lo Lus ntawd, ces peb coj tau lub
    neej dawb huv zuj zus, nyob ntawm Tswv Ntuj xub
    ntiag ,
    …………………………….
    .. Hos Zaj lus 2 hauv tsab ntawv rau cov Los Mas,
    ( zaj 12: qib 9-21 yam peb yuav khaws lo lus no
    tseg tias :”Nej yuav sib hlub vim nej yog ib co
    kwv tij ”.Leej Ntshiab Paj Lug tej lo lus txhib peb
    siab, mas yog Tswv Ntuj Lo Lus ntag tias :”Nej tsis
    txhob ua txuj nyiam luag tej - Nej yuav sib hlub
    vim nej yog ib co kwv tij- Nej ib leeg yuav saib ib
    leeg tsim nyog qhuas. Nej yuav xyiv fab nyob hauv
    txoj kev tso siab rau Ntuj –Thaum nej raug txom
    nyem ,nej ua siab ntev mog –Nej yuav nquag teev
    Ntuj – Nej tsis txhob pauj qhov phem uas luag tau
    ua rau nej” .
    Cov kwv tij, thov kom nej muab siab rau kawm 2 qib
    lus no hauv nruab siab - xws li : 1 : qhov loj tshaj
    mas yog txoj kev nyiam”- 2 : Nej yuav sib hlub
    vim nej yog ib co kwv tij- Lub Caij 40 thiaj yog
    ib lub caij muaj nqi heev - Ces saib : qib lus twg haj
    yam raug nej siab kawg nkaus ?
    TEEV NTUJ : “Huab Tais Yes Xus ,koj qhia lo
    lus no tias :”Nej yuav rov sib nyiam sib hlub ib
    yam li kuv tau nyiam nej” ( Zam 13 : 34 ) – Huab
    Tais. peb kuj txiav txim siab mloog koj lo lus qhia
    ntawd tiag - Thov koj xa Leej Ntuj Plig Ntshiab
    nqes los txhab zog rau peb tsoom Hmoob sawv
    daws, ces peb yuav tau mloog koj tej lus -Huab Tais
    siab zoo,ua koj tsaug ntau”

    T.P. Txhiaj Foom




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 18th March 2018, 9:49 am



    TUS HUAB TAIS CAWM NEEG


    Cov phooj ywg hmov thiab tshua , hauv lub Caij 40, thiaj muaj Hnub Chiv 5, yam muaj 3 zag lus tseem ceeb hauv Ntawv Ntshiab uas qhia peb tias
    Tswv Ntuj Leej Tub, uas yog Huab Tais Yes Xus Pleev, nws ua lub luag hauj lwm tseem ceeb dua ntais - Mas peb thiaj yuav sib pab twm zaj hauv Zam Ntawv Moo Zoo hais tias :…..
    PEB PAUB TIAS YES XUS YOG TUS HUAB TAISCAWM LUB QAB NTUJ NEEG TIAG Zam 4: 42
    NUG : hauv Ntawv Ntshiab, puas muaj tej nqe lus uas qhia peb tias Huab Tais Yes Xus thiaj ua tau lub luag hauj lwm cawm neeg ntawm qhov txhaum ?

    TEB : Yeej muaj ntau nqe lus uas qhia qhov ntawd rau peb- Peb sib koom twm ib nqe lus ua ntej tso- .Yog lo lus no tias :” Huab Tais Yes Xus ( uas nws yog Tswv Ntuj Leej Tub ) nws nyiam kuv tas npaud, ces nws rov muab nws rau luag kom nws pab cawm tau peb “ ( Nkas Las Tias 2: 20 ) ..
    Cov kwv tij, Lo Lus tias :” Huab Tais Yes Xus nyiam kuv “ , mas yog tus Hauv Paus Xa Lus Paj Lug uas tau tshaj lo lus ntawd tseg . Tiam sis peb tsoom ntseeg sawv daws kuj muaj peev xwm hais tib lo lus ntawd, ib yam nkaus li tus Hauv Paus Xa Lus Paj Lug thiab ntag - Lo Lus ntawd yeej raug peb siab tshaj plaws. Saib seb : yog tias yus tsis nco qab txog Huab Tais txoj kev nyiam kev hlub tshua sawv daws neeg, mas yus tej kev ntseeg tsis muaj lub hauv paus hauv ntsis ..Tiam sis peb tsoom ntseeg nyias yeej xav tau hauv nyias lub siab tias : “ Tswv Ntuj Leej Tub ( uas yog tus Huab Tais Pleev ) nws nyiam thiab hlub me yau tiag tiag” .
    NUG : Ua cas peb hais tau tus Hauv Paus Xa Lus Paj Lug lo lus ntawd ?
    TEB : Peb hais tau, yog vim 2 yam no : 1 : Thaum Yes Xus dai saum tus Ntoo Cuam, Huab Tais muab nws tej kev nyiam kev hlub los txi Ntuj kom tau pab cawm neeg dim ntawm qhov txhaum - Hos 2 tuaj : Huab Tais Yes Xus tau sawv rov qab los- Nws mam li nce mus pem Tswv Ntuj lub Ceeb Tsheej. Ces nyob pem Tswv Ntuj lub Ceeb Tsheej , Huab Tais tseem muab Nws tib kev hlub ntawd rov txi nws tus kheej rau Ntuj. Nws ua qhov ntawd tag mus li, tiam dhau tiam, rov mus txog txhiab niag tim puas xyoo. Yog vim peb ntseeg qhov tob dua ntais ntawd , ces niaj hnub peb qhib peb siab los txais peb tus Huab Tais nqes los rau hauv peb tej siab ntsws.
    Peb kub siab ua qhov ntawd,vim tsuas yog Huab Tais Yes Xus tib leeg xwb uas pab Cawm tau lub qab ntuj neeg dim ntawm kev phem, thiab kev txhaum. Peb kub siab thov Huab Tais pub thiab pab peb taug kev nyiam kev hlub raws li nws tus piv txwv .Li ntawd , peb nrog Huab Tais Yes Xus koom ua ib lub siab thiab peb xyaum coj kom tau lub neej ntshiab dawb huv zuj zus ces peb yuav coj tau ib lub siab nyob thaj yeeb nyab xeeb nyob ze ntawm peb Txiv nyob saum ntuj tiag

    ZAJ NKAUJ TEEV NTUJ Kuv tso kuv txoj sia rau hauv koj txhais tes…
    .NUG : Kuv kuj ntseeg tias : kuv yuav tsum tsa muag los hu txog Huab Tais vim kawg yog Huab Tais Yes Xus ua tus Cawm neeg dim ntawm qhov txhaum thiab qhov phem - Li ntawd , yuav tau nco txog nws tej txiaj ntsim thiab yuav thov Huab Tais pab me yau dim ntawm tej zaj tswv yim tsis huv, .Ces kuv yuav tsum tsa muag los hu txog Huab Tais- Yuav nco txog nws tej txiaj ntsim thiab yuav thov Huab Tais pab me yau dim ntawm tej zaj tswv yim tsis huv, Tiam sis thaum twg (thiab lub caij twg) kuv thiaj yuav ua tau qhov ntawd ?
    TEB : Yeej muaj ntau zaus uas peb nco txog Tswv Ntuj tej txiaj ntsim thiab peb tsa muag los hu txog Huab Tais pab . Hnub Chiv, thaum peb sib sau ua Thaj Txi Ntuj los thaum yus nyob twj ywm- yus lees tias : « Tau muaj tej lub caij yus tsis ua qhov zoo uas yus xav ua – Hos yus uas qhov phem uas tsis xav ua ..Li ntawd, hauv yus nruab siab, yus txom nyem tas nrho tiag » ( Los Mas 7 : 19 -24)…Mas thaum yus ntsib kev tsaus ntuj , yus nco ntsoov txog Huab Tais tej lo lus nplij peb siab tias : « Tas nej sawv daws, nej tuaj cuag kuv, vim kuv lub siab zoo, ces nej tus plig thiaj yuav nrhiav tau chaw so los siav » Mas Tais 11 :28- 30

    T.P.Txhiaj Foom omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 24th March 2018, 8:31 am




    HUAB TAIS NYIAM PEB TSHAJ PLAWS

    Cov phooj ywg sawv daws, hnub no , nej yuav twm 2 zaj lus txawv txav txog qhov tseem ceeb tias , yam li :
    1: Huab Tais Yes Xus paub peb sawv daws ib leeg dhau ib leeg
    2 : Huab Tais Yes Xus pheej xeeb rau peb tag mus li
    1 : Huab Tais Yes Xus paub peb sawv daws ib leeg dhau ib leeg, ib tug dhau ib tug ……Nyob rau hauv NTAWV NTSHIAB mas peb twm tau tej nqe lus uas qhia peb txog qhov ntawd . Zoo li hauv Zam Ntawv Moo Zoo ,peb thiaj nyeem tau tej nqe lus no tias : “ Tsis tas yuav muaj leej twg qhia txog neeg rau Yes Xus : vim nws paub neeg lub siab sab hauv - Nws paub lawv tas huv si” Zam 2: 24 -25 -
    Huab Tais Yes Xus paub neeg tej siab ntsws vim nws yog Tswv Ntuj Leej Tub , ces nws tsom kwm tau cov neeg tej siab ntsws, ib yam nkaus li Huab Tais Leej Txiv – Ces phim yuav nco txog Nkauj Paj Nruag 138 –Zoo li qib lus no tias : “Huab Tais, koj paub kuv - Koj paub tom kuv qab thiab tom kuv hauv ntej” .

    NUG : Ua li ntawd, peb yuav ntshai Tswv Ntuj tag mus li, puas yog ?

    TEB : Peb yuav tsis ntshai, vim tias Huab Tais Yes Xus “yog txoj kev nyiam” ( Zam tsab ntawv ib , zaj 4 hauv qib lus 8 + 16 )– Ua li phim yuav nco ntsoov txog 2-3 qib lus tseem ceeb tias :” Nej thov ,ces nej yuav tau txais - Nej nrhiav, ces nej yuav ntsib – Nej khob qhov rooj , ces luag yuav qhib rau nej” M.T.7:7 _ “Nej Txiv nyob saum ntuj txawj pub qhov zoo tshaj rau cov neeg thov nws” Mas Tais 7; 11…
    Ua li , txhua txhia zaus uas peb teev hawm Huab Tais ces peb thov Huab Tais pab txhawb nqa peb lub neej, peb txoj sia mas peb yuav nco tias: Huab Tais Yes Xus xub paub tias peb tshaib nqhis txog Ntuj tej txiaj ntsim ” uas yog zoo tshaj qhov peb thov thiab qhov peb xav tau”) ( Es Fes Xos 3 : 20 ) .
    Ua li PEB YUAV TSO SIAB LUG RAU HUAB TAIS YES XUS, ces peb thiaj coj tau ib lub neej nyob tiaj nyob tus, lub neej nyob thaj yeeb nyab xeeb, tsis tu ncua , nyob ntawm Tswv Ntuj lub xub ntiag
    2 : Huab Tais Yes Xus pheej xeeb rau peb tag mus li , Nyob rau hauv NTAWV NTSHIAB , peb twm tau ntau nqe lus uas qhia peb tias: Huab Tais Yes Xus pheej xeeb rau peb tag mus li , Zoo li nyob hauv tsab ntawv Tis Mos Tes tsab ob mas Tswv Ntuj txhib peb siab hais tias :” Tab txawm peb fav xeeb, los Tswv Ntuj tseem pheej xeeb rau peb , vim nws yuav rov tsis lees nws tsis tau ib zaug li “ ( hauv nqe lus 2, qib 13 )
    Hos tus Hauv Paus Xa Lus Paj Lug tseem tshaj tej lus txhib peb siab tias :” Tswv Ntuj yog tus pheej xeeb : yog nws hu nej kom los nrog Nws Leej Tub, peb tus Huab Tais Yes Xus Pleev, koom ib txog hmoov “
    Cov kwv tij , peb tus Huab Tais Tswv Ntuj “ yog tus nplua nuj hauv txoj kev nyiam kev hlub sawv daws neeg” ( EFX 2 : 4 ) . Mas ib txwm los , Tswv Ntuj tus nrus lus kuj mus zoo li no tias : Nws hu cov neeg los npuab Tswv Ntuj siab thiab nws pab peb rov yug los tshiab ua Tswv Ntuj cov me nyuam
    Li ntawd PEB YUAV TSO SIAB LUG RAU HUAB TAIS YES XUS .
    Cov kwv tij ,peb niaj hnub yuav nco txog 2 yam no tias
    1 : Huab Tais Yes Xus paub tias peb tshaib nqhis txog ib lub siab ntshiab dawb huv- Mas Huab Tais yog tus daws tau peb tej kev tshaib nqhis ntawd
    2 : Huab Tais Yes Xus pheej xeeb rau peb tag mus li .
    Vim li ntawd , PEB NIAJ HNUB YUAV TSO SIAB LUG RAU HUAB TAIS YES XUS , TAS TSWV YIM TAS ZOG . Peb niaj hnub zoo siab ntseeg tias Huab Tais Yes Xus yog peb txoj sia .T.P.Txhiaj Foom omi
    PS :Hmo 31 lub 3 hlis no , peb ib cov kwv tij yuav txais lub Cim Ntxuav .Peb sib koom siab thov kom Leej Ntuj Plig Ntshiab nqes los kaj lawv tej siab ntsws os mog .




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 31st March 2018, 4:10 am



    HMO HLA YOG HMO NTSHIAB DAWB HUV

    Hauv peb pawg ntseeg txog Huab Tais Yes Xus , mas HMO HLA yog
    Hmo tseem ceeb tshaj plaws –Saib : peb cov kab ke pab peb nco tias Yes
    Xus , Tswv Ntuj Leej Tub HLA ntawm kev tuag sawv rov qab los - Yog
    Hmo uas tej pab neeg txais lub Cim Ntxuav, txais lub Cim Txhab Zog Ua
    li , Huab Tais Tswv Ntuj rub cov neeg ntawd los mus coj lub neej nyob
    ntawm Tswv Ntuj lub xub ntiag - Lawv rov yug los tshiab ua Tswv Ntuj cov
    me nyuam . “ Lawv yog Tswv Ntuj tsev neeg “ Es Fes Xos 2:19.
    Cov kwv ti sawv daws , thov kom nej maj mam khaws tej qib lus tseem
    ceeb hauv NTAWV NTSHIAB tseg - Nej yuav twm 2 lwm tej puas tau ?
    == Ntawv Moo Zoo qhia peb tias :hnub ntawd, nyob hauv lub zos Npes
    Tas Nias , Yes Xus tsa Las Ntxas Los sawv rov los…” Yes Xus hais rau
    Mas Tas tias :” Kuv yog Txoj Kev Sawv Rov Los thiab kuv yog Txoj
    Sia . Tus ntseeg txog kuv, tab yog nws tuag lawm ,nws yuav muaj txoj sia
    nyob“ Zam 11 : 25
    TEEV NTUJ : Huab Tais Yes Xus ,tus khuv leej neeg tas nrho , koj tau
    hu peb los ua koj cov thwj tim thiab koj cov phooj ywg . Koj tau pub peb
    txia ntshis ua peb Txiv nyob saum ntuj cov me tub me nyuam – Koj tej
    kev nyiam peb loj tas nrho . Huab Tais khuv leej neeg tas nrho, peb ua koj
    tsaug ntau .
    Zaj nkauj teev Ntuj : As les lus yas : Yes Xus sawv rov los . Nws yeej txoj
    kev tuag - As les lus yas
    == Hauv nws tsab ntawv rau ib pab ntseeg Los Mas , mas tus Hauv Paus
    Xa Lus Paj Lug tshaj lub Moo Zoo no tias :” Huab Tais Yes Xus Pleev
    sawv hauv qhov tuag los lawm - Nws yuav tsis rov tuag dua- Txoj
    kev tuag yuav tsis muaj cuab kav tuaj raug nws ib zaug ntxiv…Ua li nej,
    mas nej kuj zoo li ntawd thiab- Nej yuav saib nej tus neeg txhaum tuag
    lawm- Tshuav nej tus neeg tshiab npuab Tswv Ntuj uas muaj txoj sia
    nyob hauv Huab Tais Yes Xus Pleev mus li “ Los Mas 6 : 9 + 11
    TEEV NTUJ : Huab Tais, peb txoj sia nrog koj tsiv nraim hauv Tswv Ntuj –
    Koj yog peb txoj sia –Huab Tais khuv leej neeg, peb ua koj tsaug ntau
    == Leej Ntshiab Paj Lug tseem tshaj tej lo lus nplij peb siab tias :” Kuv ua
    neej nyob hauv txoj kev ntseeg txog Tswv Ntuj Leej Tub, uas nws
    nyiam kuv ,ces nws rov muab nws los txi Ntuj rau kom nws pab
    tau kuv “ Nkas Las Tias 2: 20
    TEEV NTUJ : Huab Tais khuv leej neeg tas nrho, peb pom tsis tau koj
    ntsej muag - Peb kuj hnov tsis tau koj lub suab, tab sis peb ntseeg ruaj
    nreb khov kho tias koj ua peb luag - Koj nyob txawm hauv peb tej siab
    mus li - Ua li thov koj muab koj tej kev nyiam kev hlub los txhim kho peb
    kom peb rov ntshiab dawb huv zuj zus ,nyob ntawm koj siab npaj tseg os
    mog - Huab Tais, peb nyob kaj lug kaj nrig los ua koj tsaug
    == Hauv tsab ntawv rau cov Es Fes Xos, mas peb twm tau 2 qib lus meej
    pem tias :” Tswv Ntuj lub siab zam txhaum dav tis ua dav , nws muab
    nws txoj kev nyiam los hlub peb.. Tswv Ntuj tsa peb nrog Leej Pleev
    sawv rov los - Nws coj peb los zaum saum cov txheej ntuj , nyob
    hauv Yes Xus Pleev” Es Fes Xos 2:4 + 6
    TEEV NTUJ : Huab Tais siab khuv leej neeg tas nrho, tus Hauv Paus Xa
    Lus Paj Lug zaj lus ntawd tob kawg .Tab sis peb ntseeg tias : peb ib txhij
    ua neej nyob ntiaj teb no thiab peb kuj yog Tswv Ntuj cov me nyuam nyob
    saum cov txheej ntuj . Ua li peb nyob kaj lug kaj nrig hais zaj teev Ntuj tias
    :” Peb Txiv nyob saum ntuj…”
    …………………………………………………………………………………….
    Cov kwv tij, HMO HLA yuav luag txog - yog tag kis ntag - Thov kom
    Tswv Ntuj pub nws tej txiaj ntsim uas muaj nqe heev tuaj rau nej, ces nej
    yuav tau nyob thaj yeeb nyab xeeb, tsis tu ncua
    T.P. Txhiaj Foom omi
    .




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 5th April 2018, 9:32 pm




    .. HUAB TAIS , KOJ YOG KUV TXOJ SIA

    Cov kwv tij hmov thiab tshua, txhua txhia xyoo peb sib koom siab koom ntsws nyob kaj lug kaj nrig khaws Huab Tais Yes Xus Lo Lus tseg tias :” KUV YOG TXOJ KEV SAWV ROV LOS THIAB KUV YOG TXOJ SIA – Tus ntseeg txog kuv, tab yog nws tuag lawm, nws yuav muaj txoj sia nyob mus li “ Zam 11:25.. Txawm li cas los ,peb yuav qhib peb tus ntsuj tus plig los twm ntau qib lus ntxiv hauv Ntawv Ntshiab - Ces peb haj yam yuav nplua nuj zuj zus hauv kev nyob kaj lug kaj nrig ua neeg ntseeg Ntuj .

    == Hauv phau ntawv ZAM NTAWV MOO ZOO , mas peb twm tau zaj lus tias : Yes Xus nrog Nis Kos Des Mos tham –Hos tsim nyog khaws Yes Xus Lo Lus tseem ceeb tseg tias : “Tus tsis yug saum txheej siab los ,mas nws pom tsis tau Tswv Ntuj lub Ceeb Tsheej “- ( Zam 3 : 3 ) –Muab txhais tias : peb yuav qhib peb tej siab ntsws rau Tswv Ntuj , ces yuav tshaib nqhis txog Ntuj txoj sia uas peb txais tau hauv lub Cim Ntxuav- Peb mam li txia ntshis ua Tswv Ntuj tus me nyuam ntag .
    == Hauv ZAM TSAB NTAWV IB, mas peb kuj zoo siab twm qib lus no tias :”Nej ntsia saib : Huab Tais Leej Txiv txoj kev nyiam loj tas npaum no : yam li peb hu ua Tswv Ntuj cov me nyuam - Hos peb yog Tswv Ntuj cov me nyuam tiag” - ( Ib Zam nqe lus 3, qib 1 ) . Ua li, peb puag peb ib tug me nyuam uas nyuam qhuav txais lub Cim Ntxuav lawm, mas peb kuj nyob twj ywm los tau – Ces peb tsa muag ntsia Tswv Ntuj pem txheej ntuj tau , ces kub siab hais 2-3 lo lus ua Tswv Ntuj tsaug -- Peb ib txhij thov peb Txiv nyob saum ntuj hlub tshua thiab pov hwm Nws tus me nyuam, uas tau yug los dua tshiab ,rov mus txog hnub kawg ..
    Ntau ntau zaus , thiaj tsim nyog hais tseg tias :

    .. HUAB TAIS YES XUS , KOJ YOG KUV TXOJ SIA
    == Leej Ntshiab Pob Zeb tau tshaj tej lo lus meej pem rau ib cov neeg uas nyuam qhuav txais lub Cim Ntxuav tias :” Nej sawv daws tau txais Ntuj txoj kev khuv leej - Txhais tias : nej yog tsav neeg uas Tswv Ntuj xaiv los ua Nws tug - Nej yog haiv neeg ntshiab - Ua li nyem no mus, nej thiaj yuav tau tshaj lus txog Tswv Ntuj uas Nws tau hu nej ntawm qhov tsaus ntuj los nyob hauv Nws qhov pom kev zoo saib – 1 Pob Zeb nqe lus 2 , qib 9 thiab qib 10
    Ua li 1 : thaum peb teev hawm Tswv Ntuj, mas thawj thawj yam uas phim yuav ua thiaj mus li no tias : peb yuav ua Ntuj tsaug ntau,vim tias Tswv Ntuj khuv leej peb tas npaud ces peb tau tig los yuav siab tshiab los mus ntseeg Ntuj tib leeg thiab peb lub neej plhis tshiab tuaj, kuj yog vim lub Cim Ntxuav .
    2 : Yeej muaj tej lub caij uas peb ua tim khawv txog peb kev ntseeg rau ib cov swm neeg - Zoo li peb ua tub tshaj Ntuj lus tias Tswv Ntuj tau hu peb ntawm qhov tsaus ntuj los nyob hauv Nws qhov pom kev zoo saib.
    HUAB TAIS YES XUS, KOJ YOG KUV TXOJ SIA
    Nyob hauv Zam Ntawv Moo Zoo , peb twm tau ib zaj lus qhia peb tias : cov mov pub txoj sia yog Yes Xus - Huab Tais Yes Xus tshaj lo lus no tias :” Kuv yog cov mov muaj txoj sia nqes saum ntuj los : leej twg noj cov mov no , nws yuav ciaj nyob mus li ..Hnub kawg kuv yuav tsa nws sawv rov qab los “ – Zam Ntawv Moo Zoo nqe lus 6 , qib 51 thiab qib 54
    Peb yuav nco tias Huab TaisYes Xus qhia peb txog Lub Cim Yug ..Vim li ntawd ces txhua txhia Hnub Chiv , nyob hauv tsev teev Ntuj , peb nrog ib cov kwv tij phooj ywg Kav Tos Liv sawv los mus txais lub Cim Yug ( uas ntim Huab Tais Yes Xus lub Cev ntshiab huv ), mas peb tsis hais ib nyuag lus nrov, tab sis hauv qhov tob hauv nruab siab peb ua Huab Tais Yes Xus tsaug rau qhov tias hauv lub Cim Yug Huab Tais txhab zog rau Ntuj txoj sia hauv peb siab kom rov loj hlob tuaj - Ces peb yuav xyiv fav coj lub neej ntshiab dawb huv zuj zus, nyob ntawm Tswv Ntuj xub ntiag. Ua li ,yav tom ntej, Huab Tais yuav tsa peb sawv rov qab los - Ua li peb yuav ciaj nyob mus li nyob pem Tswv Ntuj lub Ceeb Tsheej

    ………………………………………………………………………..
    NUG : hauv Ntawv Ntshiab mas Tswv Ntuj puas qhia peb tias : dhau lub caij muaj ib siab ob qig mas peb yuav nyob li cas ?
    TEB : peb nrhiav tau ntau zaj lus qhia peb txog qhov ntawd- zoo li hauv tsab ntawv rau cov Fis Lis Pos , peb thiaj twm tau ob qib lus uas txhab zog rau peb tej kev tso siab zoo li no tias :” Ntawm peb mas peb lub tsheej nyob saum ntuj, vim peb tos Huab Tais Yes Xus Pleev yuav los cawm peb - Huab Tais yuav muab peb lub cev txom nyem no hloov ua ib lub cev muaj hwj chim, xws li Nws lub -- Huab Tais yuav ua li ntawd tau , vim Nws muaj hwj huam tswj txhua tsav txhua yam “. ( Fis Lis Pos nqe lus 3 qib 20 thiab qib 21.. )
    Cov kwv tij Huab Tais Tswv Ntuj Lo Lus yog Lo Lus Tseeb . Yog vim qhov ntawd ces tab txawm peb laus zuj zus los peb tsis ntaus siab yau – Tab sis peb tos nrhw txog hnub uas Huab Tais yuav muab peb lub cev txom nyem no hloov ua ib lub cev muaj hwj chim, xws li Nws lub –
    Cov kwv tij, peb yuav thov Ntuj tas zog kom xwv peb niaj hnub yuav tau nyiam peb tus Huab Tais Yes Xus Pleev - peb yuav vam txog Huab Tais pov hwm peb mus li - Ces peb nyias yuav kub siab hais nyias lo lus no tias :

    … HUAB TAIS YES XUS, KOJ YOG KUV TXOJ SIA

    T.P. Txhiaj Foom omi










    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 19th April 2018, 1:35 am




    YUAV TIG LOS YUAV LUB SIAB TSHIAB MUS LI

    Nyob hauv hnub Chiv 3, hauv lub Caij HLA

    - Ntawv Moo Zoo 24:36 -48
    Cov Hauv Paus Xa Lus kuj tau ntseeg txog Huab Tais Yes Xus , tsis yooj yim - Saib : hnub ntawd Yes Xus tawm tuaj sawv ntsug nyob hauv nruab nrab lawv - Nws hais rau lawv :” Nej nyob thaj yeeb nyab xeeb”. Cov Hauv Paus Xa Lus ntshai tshee na : lawv xav tias lawv pom ib tug dab. Tiam sis Yes Xus muab nws tes taws rau lawv saib. Ces lawv thiaj rov kub siab ntseeg txog Yes Xus ntag - Lawv zoo siab dhau - lawv qhuas dhau -
    Ntawm peb mas muaj tej lub caij uas peb kuj ua xyem xyav thiab ,- Yus txoj kev ntseeg txias txias .

    === Saib : muaj tej lub caij peb tsis pom qab hwm tus Ntoo Cuam - Peb kuj yws yws los nug Tswv Ntuj ; “ Tim li cas Yes Xus raug sab tas npaud ? ”. - Ces 5 hnub los 10 hnub tom qab , peb rov nco txog tus Hauv Paus Xa Lus Paj Lug lo lus meej pem tias :” Kuv ntseeg txog Yes Xus, uas yog Tswv Ntuj Leej Tub uas nws tau nyiam kuv tag npaud, nws thiaj rov muab nws lub neej txi Ntuj kom nws pab cawm tau kuv “ Nkas Las Tias 2:20 – Ces ib ntus ntxiv yus thiaj rov zoo siab ntseeg.

    == Hos muaj lwm zaus tias : yus rov yws yws dua :” Yes Xus lub neej txi Ntuj puas yog ib yam muaj nqe los txhawb nqa kuv lub neej ? “ – Hos 5 hnub los 10 hnub tom qab, nyias rov xav txog qhov tseeb hauv nyias siab hais tias :” Huab Tais Yes Xus nyob pem Tswv Ntuj lub Ceeb Tsheej, - Nws tseem rov muab nws los txi Ntuj kom tau yaug kuv tej txhaum pov tseg - Huab Tais kuj ua nws tej hauj lwm txhab zog rau kuv lub neej ua Tswv Ntuj tus me huam, tas mus li - Yus rov xav qhov ntawd tsis tu ncua , ntxiv mus – Yus kuj zoo siab mus txais yus tus Huab Tais, uas nyob txawm hauv lub Cim Yug - Qhov kawg ces yus lub siab rov nyob tiaj tus dua - yus rov zoo siab ntseeg.

    = = Hos tshuav tej lub caij yus ua xyem xyav txog yus lub neej yav tom ntej- Yus raug kev nyuaj siab ntxhov plaws lawm - Yus tej siab ntsws txias txias tias :” Peb yuav nyob li cas ? “ - Tab sis yus rov xav txog lub Moo Zoo , uas Huab Tais Yes Xus tshaj tawm rau Mas Tas (uas yog Las Ntxas Los tus muam ) hais tias :”Kuv yog txoj kev Sawv Rov Qab Los - Kuv yog Txoj sia – Tus tib neeg ntseeg txog kuv, nws yuav muaj txoj sia nyob mus li “ – Zam 11 : 25 - Vim li ntawd yus tej kev nyuaj siab thiaj ploj ntais kiag- Yus tsis ntshai tso ntiaj teb no tseg - Yus laj tos txog hnub zoo tshaj plaws uas Huab Tais Yes Xus “ yuav muab yus lub cev txom nyem no hloov los ua ib lub cev muaj hwj chim xws li nws lub” : Fis Lis Pos 3 : 21

    Ua li ntawd peb yuav rov tig los yuav lub siab tshiab, tas mus li - Ces peb yuav rov thov Huab Tais Yes Xus dua tias : “ Huab Tais ,kuv ntseeg - Tab sis thov koj pab kuv vim kuv ntseeg me me xwb “ ( Mas Kos 9: 24 )

    T.P. Txhiaj Foom.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th May 2018, 8:54 am



    NEJ  NYOB  KAJ  LUG  KAJ  NRIG MOG


    Hnub 9  lub 4 hlis yoo 2018, mas Vaj Qhia Faas Xuas   tau muab ib zaj lus tseem ceeb  luam tawm - Yeej yog tus nrus lus  uas Tswv Ntuj hu peb los taug mus, nyob hauv tas peb lub neej ntag -  Lub ntsiab lus kuj mus li no tias  : NEJ  NYOB  KAJ  LUG  KAJ  NRIG  MOG - Vaj Qhia tshaj zaj lus txhib peb tsoom ntseeg kom xwv sawv daws rov kub siab COJ  LUB NEEJ   NTSHIAB  DAWB  HUV .Ua li Tswv Ntuj hu peb  taug  kev sib nyiam sib hlub uas mus raws 10 qib lus tseem ceeb hauv Mas Tais Ntawv Moo Zoo zaj 5, qib 3 txog qib 12 tis : COV  MUAJ TXOJ  HMOOV  ZOO..
    Ua li tas peb tsoom ntseeg huv tib si yuav txiav txim  ib siab ” tsa rog tiv cov dab phem –Peb sawv  daws yuav siv siv zog ua qhov ntawd, ces peb  thiaj nyob ruaj “  Es Fes Xos 6 : 12-13- …..

    Peb yuav coj  rawv txoj hauv kev ntawd yeej tsis yooj yim, yam peb niaj hnub yuav rov soj ntsuam saib : peb tus yam ntxwv  puas haum peb tus nrus lus raws li Tswv Ntuj nyiam ? Thaum twg peb lees  tias : peb tus yam ntxwv yeej tsis haum peb tus nrus lus lawm, peb cia li yuav rov siv zog txhim kho kom haum . Hos hauv nqe lus 162, hauv Vaj Qhia zaj lus meej pem ,peb nyeem tau 8 txoj hauv kev tseem ceeb  kom peb tsa rog tiv  qhov phem kom tau txais yeej  .

    = 1 : Thawj txoj hauv kev thiaj yog txog kev teev hawm Tswv Ntuj -  Yam peb  niaj hnub rov muab peb tus ntsuj tus plig los cev rau Huab Tais Tswv Ntuj - Peb thov Ntuj pab peb coj lub neej raws li Huab Tais Yes Xus tus piv txwv –Ua li, thiaj hais  nug nej  tias :  puas qee tej lub sij hawm uas nej ua  niam ua txiv, nej cia li sau tas nej tsev neeg sib sau los teev  Ntuj ua  ke  ?

    = 2 : Txoj hauv kev tim 2 uas peb yuav taug mus kuj  yog kev txais Ntuj Lo Lus – Vim tias tus tib neeg ntseeg uas ib siab txhim tsa kev thaj yeeb nyab xeeb thiaj yuav tsum mus twm Ntawv Ntshiab tag mus li - Ua li, nyob hauv Ntawv Ntshiab, Tswv Ntuj thiaj  qhia txoj hauv kev muaj nqe rau peb  taug  mus.  Ua li peb yeej yuav siv hawm ntev los txais Ntuj Lo Lus mus li – Ua li tsim nyog kawm tej qib lus hauv Ntawv Ntshiab tseg hauv nruab siab.  Ua li thiaj nug nej tias : nej puas zoo siab twm cov zaj Nkauj Paj Nruag  ?

    = 3 : Peb ib siab mus nrog yus cov swm neeg ntseeg Ntuj koom siab koom ntsws mus ua Thaj Txi Ntuj ( thiab peb  kub siab txais lub Cim Yug )-  Peb yuav nco ntsoov  tias : tus tib neeg nruam Thaj Txi Ntuj, mas tsam nws tej kev ntseeg thiaj yuav  txias zuj zus lauj. Lub Cim Yug yog peb lub zog  ntag.

    = 4 : Peb  yuav qee sij hawm los mus hawm Huab Tais Yes Xus_ lub Cev Ntshiab Huv uas nws nyob nraim hauv peb lub tsev teev Ntuj - Peb yuav nco ntsoov  tias tus tib neeg ntseeg ( uas nws kub siab teev hawm Huab Tais  ) nws thiaj rov txais Ntuj cov txiaj ntsim ntxiv kom nws  pom kev lug puv nws  tej siab ntsws

    = 5 : Nyob rau hauv peb lub Koom Txoos peb yuav nco ntsoov  tias peb muaj     lub Cim pab peb nrog Tswv Ntuj rov sib haum xeeb. Ua  li  peb kub siab txais lub Cim daws txhaum   vim tias  Ntawv Ntshiab  qhia peb tias :” Yog peb hais tias  :”Peb tsis muaj txhaum”, mas peb rov dag peb - Qhov tseeb  tsis nyob hauv peb lawm ( 1 Zam 1: 8 )-  Peb yuav nco ntsoov tias txhia zaus peb los mus txais lub Cim daws txhaum  mas Huab Tais Yes Xus muab nws tej kev hlub ( uas muaj zog tas nrho ) los yaug tas peb tej txhaum huv si pov tseg tiag  

    = 6  : Peb yuav nco ntsoov txog Huab Tais Yes Xus  ib qib lus hauv Mas Tais Ntawv Moo  Zoo tias :”Nej tau ua npaum li cas rau cov me tshaj hauv kuv tsoom kwv, mas  yog nej ua rau kuv “ ( Mas Tais 25:40 )
    = 7 : Peb txiav txim nrog luag lwm tus sib haum xeeb thiab sib nyiam sib hlub-  Peb  yuav nco ntsoov txog Huab Tais Yes Xus Lo Lus tias :” Thaum ob leeg los peb leeg sib sau ua ke tuav txog kuv lub npe mas kuv nyob hauv nruab nrab lawv” ( Mas Tais 18 : 20 )

    = 8 : Qhov tias zaus puav peb los mus ntsib peb ib tug kwv tij phooj  ywg  uas tseem coj qub kev cai,  mas yog ib lub sij hawm zoo rau peb ua tim khawv txog peb kev ntseeg.  Ces peb tab meeg zoo siab  hais tau me ntsis lus zoo li no tias :” Kuv tej kev ntseeg pab qhia kuv  txog lub hauv paus hauv ntsis ntawm kuv lub neej – Kuv tej kev  kev ntseeg  yeej yog kuv txoj sia ntag “…Ua tim khawv txog qhov ntawd  kuj tsis yooj yim tab sis yeej yog lub luag hauj lwm loj uas peb tau txais ntawm Huab Tais Yes Xus tuaj ntag.……

    TEEV  NTUJ  : Kuv tus Huab Tais  od , kuv lees tias kuv tsis kub siab yoog raws li tas koj cov Lo Lus. Li  ntawd  thov koj pov hwm me yau kom xwv kuv rov muab siab coj lub neej ntshiab dawb huv los mus txhim tsa kev thaj yeeb nyab xeeb nyob ib ncig ntawm kuv. Huab Tais, thov koj xa Leej  Ntuj Plig Ntshiab nqes los txhab zog rau kuv os  mog -  - Huab Tais khuv leej neeg tas nrho, kuv xub ua koj tsaug  ntau .
     
    T.P.Txhiaj Foom omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 10th May 2018, 6:10 am



    KEV THAJ YEEB NYAB XEEB

    Cov phooj ywg sawv daws, peb tsoom ntseeg ib txwm txais tau Tswv Ntuj ntau yam txiaj ntsim nqes los txeem hauv peb lub siab npo - . Hos ib yam loj thiaj yog TXOJ KEV THAJ YEEB NYAB XEEB - Tim li cas hais li ntawd ? Vim peb yuav nco txog 2-3 qib lus tseem ceeb hauv Ntawv Moo Zoo- Peb nco txog Huab Tais qib lus no tias: “Cov tau txoj hmoov zoo yog cov tsim kev thaj yeeb, vim Ntuj yuav hu lawv ua Tswv Ntuj cov me nyuam”-Mas Tais 5:9. Ua li leej twg tsim kev THAJ YEEB NYAB XEEB thiaj yog tus neeg uas nyob kaj lug kaj nrig - Lub Moo Zoo (uas peb zoo siab coj rawv ) thiaj muaj nqe tshaj plaws ntag.Ua li, tsim nyog nco txog Ntuj tej txiaj ntsim .

    Hauv Zam Ntawv Moo Zoo, Huab Tais Yes Xus kuj tshaj Lo Lus no tias :”Nej tsis txhob ntxhov siab : kuv tso KEV THAJ YEEB RAU NEJ - Yog kuv TXOJ KEV THAJ YEEB kuv muab pub rau nej” Zam 14 : 27 ( + Zam 16: 22 :”Yuav tsis muaj leej twg rhuav tau nej txoj kev kaj siab” -
    Peb tseem nco ntsoov tias : dhau lub caij Yes Xus rov ciaj sia sawv rov los mas :”Cov qhov rooj hauv lub tsev cov thwj tim nyob kuj kaw tas, vim lawv ntshai cov Yus Das- Yes Xus los sawv hauv nruab nrab - Nws hais rau cov thwj tim tias : “NEJ NYOB THAJ YEEB NYAB XEEB”- Thaum Yes Xus hais lo lus ntawd tas ,nws muab nws ob txhais tes thiab nws phab tav rau lawv saib - Cov thwj tim rov pom Huab Tais, lawv zoo siab kawg” Zam 20 : 19 – 20.. Ua li , cov thwj tim zoo siab kawg vim tias Yes Xus tau ntaus rog yeej txoj kev tuag lawm, ces nyem no mus lawm yav tom ntej , “Huab Tais Yes Xus Pleev sawv hauv qhov tuag los lawm, nws yuav tsis tuag dua - Txoj kev tuag yuav tsis muaj cuab kav tuaj raug nws ib zaug ntxiv” ( Los Mas 6 : 9 )..
    Tsis tas li ntawd xwb, peb tseem nco txog 2- 3 qib lus hauv Mas Kos thiab Lus Kas Ntawv Moo Zoo tias tus xab txheeb, ( tus tub rog Los Mas ) kuj sawv ze ze ntawm tus Ntoo Cuam uas Yes Xus dai rau saud - Nws hnov tej lo lus Yes Xus hais tias : “ Kuv tus Tswv Ntuj, kuv tus Tswv Ntuj , ua cas koj tso kuv pov tseg ?”- Tab sis Yes Xus tseem hais ntxiv ib lo lus txawv txav ,uas haj yam raug tus tub rog Los Mas tej siab ntsws - Yog lo lus no tias : : “Txiv, kuv tso kuv txoj sia rau hauv koj txhais tes”- ( Lus Kas 23; 46 )… Xam pom tias tus tub rog Los Mas tau txais Ntuj ib lub txiaj ntsim tuaj kaj nws lub tswv yim , ces nws thiaj ntseeg ruaj nreb tias : : “Tus no yog Tswv Ntuj Leej Tub tiag ‘” ( Mas Kos 15: 39 )
    Cov phooj ywg sawv daws, peb kuj to taub tias : Tus tub rog tsis tau muaj ib zaug uas nws tau pom ib tug neeg uas nws raug txom nyem , hos nws ib txhij ua siab loj ua ke raws li Yes Xus uas KEV THAJ YEEB NYAB XEEB ci ntsa iab rau saum nws ntsej muag - Ces tus tub rog uas tau hnov Yes Xus hais lo lus tias : “Txiv, kuv tso kuv txoj sia rau hauv koj txhais tes”, nws thiaj ntseeg ruaj nreb khov kho tias :” Tus no yog Tswv Ntuj Leej Tub tiag”
    Ua li hauv Ntawv Moo Zoo ( uas peb tau txais hnub no ) mas tsim nyog peb yuav khaws Huab Tais Yes Xus lo lus tias : “Kuv tso KEV THAJ YEEB RAU NEJ - Yog kuv TXOJ KEV THAJ YEEB kuv muab pub rau nej” - Li ntawd peb yuav zoo siab ntseeg : Huab Tais Yes Xus niaj hnub no tseem muab pub tau nws TXOJ KEV THAJ YEEB rau peb ntag- Txhais tias : peb raug txom nyem los raug sab thaum twg los, Huab Tais Yes Xus ( uas nws khuv leej peb tshaj plaws) mas nws tseem pub tau ib feem ntawm nws TXOJ KEV THAJ YEEB tuaj rau peb los ua peb ntiag tug- Tiam sis muaj ib yam hauj lwm uas peb yuav xyiv fab ua thiaj yog qhov tias peb yuav tso siab lug rau Tswv Ntuj raws li Huab Tais Yes Xus tus piv txwv tias : :” Txiv, kuv tso kuv txoj sia rau hauv koj txhais tes”

    TEEV NTUJ : thov kom Tswv Ntuj pub Leej Ntuj Plig Ntshiab nqes los hauv nej siab, kom xwv nej sawv daws txais tau Huab Tais Yes Xus KEV THAJ YEEB NYAB XEEB puv nej siab npo tsis tu ncua

    T.P. Txhiaj Foom omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 17th May 2018, 1:16 am



    Ob peb zag teev hawm Tswv Ntuj

    Leej Ntuj Plig, koj los mas :

    Leej Ntuj Plig , koj los mas ! Koj los nyob hauv cov neeg ntseeg txog koj- Koj ua kom lawv lub siab kub li hluav taws- Koj xa koj lub tswv yim los mas ! Mas tas lub ntiaj teb yuav tshiab tuaj-

    Peb sawv daws thov Huab Tais : Huab Tais, koj yog tus tso Leej Ntuj Plig los qhia txoj kev pom kev rau cov neeg ntseeg txog koj – Peb thov koj: koj tso Leej Ntuj Plig los pab peb nyiam qhov ncaj- Koj tso Leej Ntuj Plig los nplij peb kom peb zoo siab mus li- Peb vam txog peb tus Huab Tais Pleev - Ua li -


    Nkauj Paj Nruag 63 :

    Tswv Ntuj, koj yog kuv tus Tswv Ntuj- Kuv tus plig nqhis koj, zoo puav tam li av qhuav qhawv,nkig nkuav,tsis tau dej –Kuv siab ntsws dai dhuam rau koj .


    Nkauj Paj Nruag 118: Nej cav lus zoo txog Huab Tais, vim nws siab zoo – Nws hlub peb tas ib txhiab ib txhis -Huab Tais tuaj kuv tog- Kuv lub zog yog Huab Tais- Nws yog tus cawm kuv.

    Es Fes Xos 1:3-6: Kuv cav lus zoo txog Tswv Ntuj, vim nws ib txwm xaiv peb ua nws cov tub ki tshiab nyob hauv Yes Xus Pleev- Nws pub txiaj ntsim dawb rau peb –

    Nkauj Paj Nruag 33 :Huab Tais, thov kom koj lub siab zoo roos peb : koj yog peb qhov chaw vam khom-

    Nkauj Paj Nruag 27 :Huab Tais yog kuv qhov pom kev- Nws yog tus cawm kuv- Kuv yuav ntshai leej twg ?

    Kuv paub tseeb tias kuv yuav tau pom Huab Tais lub siab zoo nyob hauv tsoom neeg ciaj lub teb chaws-
    Koj nco ntsoov Huab Tais mog ! Koj ua tus muaj zog, koj ua siab loj! Koj nco ntsoov Huab Tais mog .

    Nkauj Paj Nruag 51: Koj lub siab zoo,Huab Tais , koj zam rau kuv – koj lub siab hlub neeg -Huab Tais, koj so kuv cov txhaum.

    Nkauj Paj Nruag 31 :Huab Tais, koj yog tus tseem Tswv Ntuj- Koj txhiv kuv –Kuv tso kuv txoj sia rau hauv koj txhais tes - Vim koj hlub kuv mas koj cawm kuv mas-

    Nkauj Paj Nruag 42: Kuv tus plig nqhis Tswv Ntuj, nqhis tus Tswv Ntuj muaj txoj sia- Thaum twg kuv mam tau mus pom nws lub ntsej muag ?

    Nkauj Paj Nruag 55 : Cev koj lub nra rau Huab Tais ris- Nws yuav ntxiv zog rau koj

    Nkauj Paj Nruag 121 :Txoj kev pab kuv tuaj ntawm Huab Tais tuaj , tuaj ntawm tus tsim lub ntuj lub teb tuaj –

    Huab Tais, koj yog tus kws tshuaj, uas pab txhim kho tau peb tus ntsuj plig thiab peb lub cev nqaij : Huab Tais khuv leej neeg tas nrho, thov koj hlub peb mas .

    Nkauj Paj Nruag 117 :Huab Tais lub siab hlub muaj zog tas nrho :nws lub siab pheej xeeb mus ib txhiab ib txhis –

    Nkauj Paj Nruag 130 : Kuv nyob hauv qab tiv txwv- Huab Tais awb, kuv hu txog koj- Huab Tais,koj mloog kuv lub suab yuad ! Koj yuav tig ntsej los mas! Koj yuav mloog kuv lo lus thov koj .

    Nkauj Paj Nruag 139 : Huab Tais ,koj tsom kuv- koj paub kuv- Huab Tais ,lo lus uas tsis tau nyob saum kuv tus nplaig, koj twb xub paub lawm-Thov koj coj kuv mus taug txoj kev muaj txoj sia nyob mus li .

    Nkauj Paj Nruag 145 :Huab Tais yog tus hlub mos nyoos thiab khuv leej- Nws lub siab phwj kev hlub- Huab Tais ua siab zoo rau txhua leej txhua tus –Nws lub siab hlub mos nyoos puag tas nws tej num -Kuv lub ncauj yeej meem cav txog Huab Tais kom txhua lub cev nqaij foom lus zoo rau nws lub npe ntshiab mus ib txhiab ib txhis !.

    TP. Txhiaj Foom. 15/05/2018






    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 26th May 2018, 7:16 am



    HWM PEB LEEG HUAB TAIS



    Cov kwv tij phooj ywg, hnub no peb tsoom ntseeg Kav Tos Liv zoo siab ua Hmoov hwm PEB LEEG HUAB TAIS uas yog Huab Tais Leej Txiv, Huab Tais Leej Tub thiab Leej Ntuj Plig. Yam li hnub no zoo hnub uas peb yuav twm 3 - 4 zaj lus tseem ceeb hauv Ntawv Ntshiab - Zoo li zaj lus nyob hauv Zam Ntawv Moo Zoo hais tias :“Tswv Ntuj nyiam lub qab ntuj neeg tas npaud, nws thiaj muab nws Leej Tub twm zeej rau, kom xwv tus ntseeg txog Leej Tub thiaj yuav tsis tuag, tab sis kom nws muaj txoj sia nyob mus li” Zam 3: 16 - Mas thawj qib lus peb nyuam qhuav mloog kuj yog lo lus tias “Tswv Ntuj nyiam lub qab ntuj neeg” mas txhais tias : peb tsoom ntseeg niaj hnub nco ntsoov tias : Huab Tais Tswv Ntuj yog tus tsim ntuj tsim teb, tus tsim peb txoj sia, tsis tu ncua - Peb mam li zoo siab ua Ntuj tsaug ntau - Tab sis muaj ib zaj lus uas haj yam raug peb siab tshaj plaws yog lo lus tseem ceeb tias : Tswv Ntuj ua nws tej dej num zoo zoo heev los mus txhawb nqa kev nyob kaj lug los pub rau peb cov neeg - Peb mam li qhuas txog qib lus tseem ceeb hauv Zam tsab ntawv ib tias:”Tswv Ntuj yog txoj kev nyiam – Nws thiaj tau xa nws Leej Tub Twm Zeej tuaj nyob ntiaj teb no, kom peb ciaj nyob hauv nws Leej Tub “ Zam tsab ntawv 1 nqe lus 4,qib 8-9

    …Cov kwv tij, 2-3 qib lus ( uas nej nyuam qhuav mloog no mas saib : nej puas yuav muab siab rau kawm hauv nruab siab ? – Tsuas yog nej ua li ntawd, mas nej thiaj yuav tau nplua nuj hauv kev ntseeg- vim tias peb tus Huab Tais Tswv Ntuj nco ntsoov txog peb txhua leej txhia tus- Nws tej lus kuj nplij peb siab zoo nkaus tiag .

    PAJ NRUAG

    Cov kwv tij, Leej Ntshiab Paj Lug tau zoo siab qhia tej pab ntseeg tias ; Leej Ntuj Plig Ntshiab nrog nraim peb nyob- Leej Ntuj Plig nyob txawm hauv peb nruab siab - Nws pab peb ntseeg ruaj neb khov kho tias peb yog Tswv Ntuj cov me nyuam - Leej Ntshiab Paj Lug zoo siab tshaj lub Moo Zoo li no tias:

    “ Txhua leej txhua tus uas Tswv Ntuj Leej Tswv Yim coj , lawv yog Tswv Ntuj cov me nyuam tas huv tib si- Nej tau txais ib lub tswv yim uas tau tsim nej ua tub ki tshiab - .Leej Ntuj Plig Ntshiab pab nej hu tau Tswv Ntuj ua tias:” As Npas ! Txiv”

    Los Mas 8: 14- 16



    ….. Lo lus tias :” Leej Ntuj Plig nyob txawm hauv peb nruab siab mas tsim nyog peb yuav khaws lo lus ntawd tseg, hauv peb nruab- Ua li peb niaj hnub teev hawm Tswv Ntuj, mas ib zaj lus txawv txav ntawd ( uas peb yuav nco ) kuj yog lo lus no tias ::

    Tswv Ntuj Leej Tswv Yim ( uas yog Leej Ntuj Plig Ntshiab ) nyob txawm hauv peb siab los teev hawm Tswv Ntuj - Tsuas yog Leej Ntuj Plig Ntshiab pab txhawb nqa peb lub tswv yim , ces peb tej lus thiaj nce tau mus hawm peb Txiv nyob saum ntuj.



    TEEV NTUJ : Peb Leeg Huab Tais uas siab ntshiab dawb huv tshaj plaws , peb ib cov kwv tij Hmoob uas tau txais koj lub txiaj ntsim nqes los tshoj peb siab, peb sib koom ua koj tsaug - Peb ib siab yuav ntseeg Ntuj ntxiv mus , tsis tu ncua- Ces peb yuav tau nyob kaj lug kaj nrig , nyob ntawm koj xub ntiag tas mus li lauj -



    T.P. Txhiaj Foom omi



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 31st May 2018, 7:59 am



    HWM CIM YUG



    Cov kwv tij phooj ywg, Hnub Chiv yuav tuaj
    – yog hnub 3 lub 6 hlis,
    mas peb tsoom ntseeg ua hmoov HWM LUB CIM YUG-

    Ua li, txog hnub ntawd , peb txhob txwm nco txog zaj hwj huam yees ntxwv loj tshaj plaws uas, niaj Hnub Chiv , Huab Tais Yes Xus yees ua kiag los mus cawm peb tej siab ntsws ntawm qhov txhaum, uas yog peb THAJ TXI NTUJ NTUJ thiab LUB CIM YUG.

    Ua li , txhua txhia Hnub Chiv ,thawj thawj yam peb sib koom ua thiaj yog qhov tias PEB TXAIS NTAWV NTSHIAB, kom xwv peb lub siab ntseeg rov ruaj nreb khov kho.- Hnub no peb qhib peb siab los twm 2-3 zaj lus hauv Ntawv Ntshiab – Yam li – thawj zaj lus kuj nyob hauv tsab ntawv Hes Nplaws tias :”Yes Xus Pleev muab nws lub cev txi rau Tswv Ntuj kom tau cawm neeg ntawm cov qub txhaum” Hes Nplaws 9:11-15 - Cov kwv tij, niaj hnub no ,peb ntseeg khov kho tias : nyob pem Tswv Ntuj lub Ceeb Tsheej ,Huab Tais Yes Xus tseem muab nws txi Ntuj dua, tsis tu ncua -. Ua li peb kub siab tsa muag los ntsia thiab hawm Yes Xus mus li ( uas tau dai saum ntoo cuam ) thiab peb thov Huab Tais ntxuav peb cov qub txhaum pov tseg ntag.

    Zaj nyeem 2 kuj nyob hauv Mas Kos Ntawv Moo Zoo, hais tias :”Yes Xus yuav ib cov mov mog- Nws lov cov mov- nws muab faib rau nws cov thwj tim- Nws hais tias :” Nej txais – Qhov no yog kuv lub cev raug puas kom tau pab nej”- Yes Xus muab lub ntim rau lawv sawv daws haus- Nws hais rau lawv tias ” Qhov no yog kuv cov ntshav- Yog ntshav cog lus, uas yuav ntws los pab daws tsoom sid cov txhaum –Nej yuav ua li ntawd, kom tau nco txog kuv” -

    Mas Kos 14:12-26-
    Peb zoo siab ntseeg tias :Yes Xus yog Tswv Ntuj Leej Tub- Hos Tswv Ntuj tau pub ib puas tsav yam hwj huam rau nws – Yes Xus thiaj muaj cai ua tau hwj huam yees ntxwv loj tas nrho , yam nws ua kom nws lub hwj chim txeem los tau hauv ib cov mov mog thiab lub ntim cawv – Yes Xus kuj tseem qhia cov Hauv Paus Xa Lus hais tias : Nej yuav ua li ntawd, kom tau nco txog kuv” –

    PAJ NRUAG

    Huab Tais Yes Xus tau txhim tsa Thaj Txi Ntuj thiab lub Cim Yug tau ntau xyoo los lawm – Hos nws qhia cov Hauv Paus Xa Lus zoo li no tias:” Nej yuav ua li ntawd, kom tau nco txog kuv- Mas txij ntawm lub caij puag thaud mus lawm tom ntej, cov pawg ntseeg sawv daws tau ua dab tsi ?

    Lawv kawg mloog Yes Xus lo lus qhia ntag – Saib tsab ntawv HAUJ LWM tshaj lo lus no tias :”Cov ntseeg nquag mloog cov Hauv Paus Xa Lus lo lus tshaj lub Moo Zoo- Sawv daws koom siab ua ib pab kwv tij- Lawv ua kab ke lov ncua mov thiab teev Ntuj ua ke” Hauj Lwm 2: 42

    NUG : Txij ntawm xyoo 33 los mus ,mas cov pawg ntseeg coob tau tshaj lus zoo li cas txog lub Cim Yug ?

    TEB: lawv sib koom hais tib zaj lus tseem ceeb tias : txhua txhia zaus uas peb tsoom ntseeg sib sau los ua Thaj Txi Ntuj mas Huab Tais Yes Xus muab nws tej kev hlub neeg loj tas npaud , los ua kom cov ncuav mov txia ntshis ua Huab Tais lub Cev ntshiab dawb huv, hos ib cov cawv txia ntshis ua Huab Tais cov Roj Ntshav- Qhov no thiaj yog ib yam hwj huam yees ntxwv loj tshaj plaws . Yog vim qhov ntawd ces txhua txhia lub caij uas peb chaws los hauv tsev teev Ntuj, mas peb txhos caug los hawm Huab Tais - Peb hais kam lo lus raws li Leej Ntshiab Tos Mas tias :”Kuv tus Huab Tais- Kuv tus Tswv Ntuj”( (Zam 20:28 ).

    NUG : ib txwm los, peb tsoom ntseeg puas qhuas txog Ntuj tej yam txiaj ntsim muaj nqe uas txeem los hauv tus neeg ntseeg tej siab ntsws ?

    TEB : Yog los mas : tus neeg uas txais lub Cim Yug mas Huab Tais pub ib feem ntawm nws tej kev hlub ( uas yog Leej Ntuj Plig Ntshiab) nqes los hauv tus neeg ntseeg ntawd tej siab ntsws – Ces peb tau kev ntaus rog tiv tus yeeb ncuab Xas Tas kom tau txais yeej - Ces peb haj yam zoo siab ua Tswv Ntuj tus me nyuam ntxim Tswv Ntuj lub siab

    NUG : Huab Tais puas rub peb tej siab ntsws los mus ua raws li Huab Tais Yes Xus tus piv txwv ?

    TEB : Huab Tais txais thiab rub peb lub neej peb txoj sia los nrog Huab Tais koom txi Ntuj ua ke , yam Huab Tais muab peb tej hauj lwm los khi rau nws tus Ntoo Cuam ntag- Yog vim tej yam ntawd peb lees tau tias : Thaj Txi Ntuj yog qhov muaj nqe tshaj plaws nyob ntawm Tswv Ntuj lub xub ntiag

    TEEV NTUJ : Huab Tais Leej Txiv ,peb nyob kaj lug kaj nrig vim tias koj Leej Tub ,Huab Tais Yes Xus Pleev,uas yog tus Huab Tais cawm neeg, nws nrog nraim peb nyob,tag mus li-- Hos Huab Tais Yes Xus txiaj ntsim muaj nqe tshaj plaws thiaj yog Thaj Txi Ntuj thiab lub Cim Yug- Thov koj pub peb tshaib nqhis txog yam txiaj ntsim ntawd os mog .
    T.P.Txhiaj Foom omi









    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 13th June 2018, 10:21 pm



    PEB NROG HUAB TAIS YES XUS KOOM TXI NTUJ

    Cov phooj ywg sawv daws, hnub no ,nej thiaj yuav zoo siab txais Ntuj ib cov lus tseem ceeb uas muaj tuaj hauv Ntawv Ntshiab ,yam li Tswv Ntuj nqes los txhab zog rau nej lub siab ntseeg- Zoo li tus Hauv Paus Xa Lus Paj Lug tshaj lo lus no tias:”Nej yog Tswv Ntuj cov tub- mas Tswv Ntuj thiaj xa nws Leej Tub lub Tswv Yim tuaj nyob hauv nej lub siab- Leej Ntuj Plig Ntshiab qw hauv nej nruab siab tias “AS NPAS ! TXIV !”-Nej thiaj yuav tau txais Tswv Ntuj lub cuab tam, vim Tswv Ntuj pub li ntawd”-Nkas Las Tias 4:6-7. ( Galates 4: 6-7 )

    NUG : Leej Ntshiab Paj Lug tau qhia ib pawg ntseeg zoo li no tias : “Leej Ntuj Plig nrog nej koom teev hawm Tswv Ntuj”, mas puas yog vim Leej Ntshiab Paj Lug nco tias cov ntseeg ntawd twb tau txais Ntuj tej txiaj ntsim lod ?

    = TEB: Leej Ntshiab Paj Lug nco ntsoov tias cov neeg ntseeg ntawd twb tau hu txog Tswv Ntuj lub suab “xaiv lawv ua Ntuj cov tub ki tshiab, nyob hauv Huab Tais Yes Xus Pleev, kom lawv ntshiab huv,tsis lo txhaum rau ntawm Tswv Ntuj lub xub ntiag thiab kom lawv tau los nyob hauv txoj kev nyiam” Es Fes Xos 1:4 ( Ephésiens 1:4 )-

    NUG :thaum twg lawv thiaj tau txia ntshis ua Ntuj cov tub ki tshiab thiab lawv tau nqes tes coj lub neej ntshiab huv ?-

    TEB : lawv tau ua qhov ntawd thaum lawv tau tig los yuav lub siab tshiab ,yam lawv tau qhib lawv siab los txais Yes Xus hauv lawv siab- Hais qhov tseeb mas yog thaum lawv NROG HUAB TAIS YES XUS KOOM TXI NTUJ- Yam li thaum lawv tau txais lub Cim Ntxuav, lub Cim Txhab Zog- Hos qhov loj yog txhua lub caij lawv ua Thaj Txi Ntuj –
    NUG :Cov kwv tij, peb cov kwv tij Hmoob uas twb tau txais lub Cim Ntxuav – Txhua txhia Hnub Chiv , peb kuj zoo siab ua Thaj Txi Ntuj kawg nkaus. Mas puas tshuav Ntuj ib cov lus uas peb tsis tshua nco pes tsawg ?
    TEB :Yeej muaj – Saib : puag tas,nej tau twm Leej Ntshiab Paj Lug tej lus no tias : “Nej yog Tswv Ntuj cov tub- mas Tswv Ntuj thiaj xa nws Leej Tub lub Tswv Yim tuaj nyob hauv nej lub siab- Leej Ntuj Plig Ntshiab qw hauv nej nruab siab tias “AS NPAS ! TXIV !”-Nej thiaj yuav tau txais Tswv Ntuj lub cuab tam, vim Tswv Ntuj pub li ntawd”
    Leej Ntshiab Paj Lug yeej tshaj Tswv Ntuj Lo Lus ntag – Yeej tsim nyog khaws tseg hauv nruab siab , hais tias : “Nej yog Tswv Ntuj cov tub- mas Tswv Ntuj thiaj xa nws Leej Tub lub Tswv Yim tuaj nyob hauv nej lub siab- Leej Ntuj Plig Ntshiab qw hauv nej nruab siab tias “AS NPAS ! TXIV !”-
    Tsis tas li ntawd xwb : txhua txhia zaus peb teev hawm Tswv Ntuj mas Huab Tais Yes Xus nrog nraim peb nyob- Nws nrog peb koom rov ua ib lub suab los hu txog nws Txiv, hais tias: “TXIV ! KUV TSO KUV TXOJ SIA RAU HAUV KOJ TXHAIS TES”

    TEEV NTUJ : Peb Txiv nyob saum ntuj , peb zoo siab ua koj tsaug ntau, rau qhov tias peb tus Huab Tais Yes Xus Pleev thiab Leej Ntuj Plig Ntshiab ib txhij pab cev peb tej zaj teev hawm koj nce mus nyob ntawm koj lub xub ntiag, ces peb nrog Huab Tais Yes Xus koom txi Ntuj- Peb Txiv, thov koj txhab zog rau peb lub siab ntseeg, ntxiv mus,tsis tu ncua os mog T.P.Txhiaj Foom omi







    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5568
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 28th June 2018, 3:40 am



    TSOOM NTSEEG SAWV DAWS UA TUB TSHAJ NTUJ LUS

    Cov kwv tij Hmoob uas tau txais lub Cim Ntxuav thiab lub Cim Txhab Zog ,mas nej twb paub tias nej tau txais Ntuj lub luag hauj tseem ceeb raws li tus Hauv Paus Xa Lus Paj Lug ,yam nej sawv daws ua tau tim khawv txog lub Moo Zoo ntag. Ces thov kom nej mloog tej qib lus uas Leej Ntshiab Paj Lug tau tshaj tawm txog nws lub luag hauj lwm tshaj Ntuj Lus rau tej pab neeg uas nyuam qhuav ntseeg Ntuj-
    Leej Ntshiab Paj Lug sau li no tias :” Peb yog cov neeg nrog Huab Tais Yes Xus Pleev koom siab ua hauj lwm- Peb yog Huab Tais Yes Xus cov tiam lis , kom xwv nej plhis mus ua Tswv Ntuj txoj kev ncaj “ 2 Kos Lis Nthos 5:20 + 6:1 Leej Ntshiab Paj Lug tseem sau lus zoo li no tias :
    “Peb yog ib cov neeg uas Tswv Ntuj xa tuaj” - - 2 Kos Lis Nthos 2:17

    Cov kwv tij, tsim nyog ua Huab Tais Yes Xus tsaug , rau qhov tias Huab Tais ( uas nws mus lawm saum ntuj ) nws niaj hnub no vam txog ib cov neeg ntseeg cuag li Paj Lug los mus tshaj lub Moo Zoo- Ces, peb zoo siab nco tias lub caij puag thaud, ib pab neeg coob tau lawb dab – Dhau qhov ntawd, cov ntseeg tshiab ntawd tau xyaum taug txoj kev nyiam Tswv Ntuj thiab lawv lawv coj tau lub neej ruaj nreb raws li Huab Tais Yes Xus tus piv txwv.
    Cov kwv tij, nej tsoom ntseeg sawv daws, mas lub zim txwv no, nej muaj peev xwm hais tib zaj lus zoo cuag li Leej Ntshiab Paj Lug tias:” Peb yog ib cov neeg uas Tswv Ntuj xa tuaj” . Txhais tias : qhov muaj nqe tshaj plaws hauv nej nruab siab ( uas yog tej kev ntseeg Ntuj tuag nthi thiab tej siab ntsws nyiam Tswv Ntuj ) mas yuav tsis muab yus tej kev ntseeg ntawd los zais twj ywm - Tiam sis nej yuav zoo siab tshaj tawm rau peb ib cov kwv tij, thiab cov phooj ywg uas lawv tseem coj dab qhuas – Lub zim txwv no, nej sawv daws kuj muaj peev xwm ua Ntuj lub luag hauj lwm ntawd ,vim tias :” Nej yog ib cov neeg uas Tswv Ntuj xa tuaj”
    Leej Ntshiab Paj Lug tej lo lus, mas peb nyias zoo siab rov hais dua, hauv nyias nruab siab – Uas yog Lo Lus no tias :” Peb yog cov neeg nrog Huab Tais Yes Xus Pleev koom siab ua hauj lwm - Peb yog Huab Tais Yes Xus cov tiam lis , kom xwv nej plhis mus ua Tswv Ntuj txoj kev ncaj “
    Ua li ntawd, nej lub neej ntseeg Ntuj thiaj yog ib lub neej muaj hwj chim loj ,vim tias “ Huab Tais Yes Xus siv nej lub ncauj los mus hu cov kwv tij ntawd nrog Tswv Ntuj rov sib haum xeeb” 2 Kos Lis Nthos 5:20 .

    TEEV NTUJ : Huab Tais Yes Xus, Tswv khuv leej tas nrho , thov koj xa Leej Ntuj Plig Ntshiab nqes los txhab zog rau cov kwv tij Hmoob ( uas twb ntseeg Ntuj lawm ) kom xwv lawv kub siab mloog koj Lo Lus uas hu lawv mus tshaj lub Moo Zoo rau peb ib cov kwv tij neej tsa , ces thiaj yuav tau muaj peb ib cov Hmoob ntseeg tshiab “plhis mus ua Tswv Ntuj cov me tub me nyuam” –Huab Tais , ua koj tsaug ntau ..


    Txiv Plig Txhiaj Foom omi




    Sponsored content

    Re: TP.Txhiaj Foom lub TSEV Ntawv

    Post  Sponsored content


      Current date/time is 19th November 2018, 1:40 pm