TP.Txhiaj Foom lub TSEV Ntawv

Cov  kwv tij, hnub no  zoo hnub  yog Hnub Chiv 2  hauv lub  caij Tos Huab Tais  =Xyoo  C
Ib ntsis yuav nthuav piav 2 zaj lus tseem  ceeb :

**  Zaj lus 1   yog tej lo lus  hauv tsab ntawv  uas tus Hauv Paus Xa Lus Paj Lug sau mus rau pawg  ntseeg tshiab  uas nyob hauv  lub nroog Fis Lis Pos ,hais tias : “ Kuv ua Tswv Ntuj tsaug  vim tias  txij ntawm thawj hnub los txog tav no nej tau nrog kuv tshaj lub Moo .Zoo  -Kuv paub tseeb  tias Tswv Ntuj pib ua txoj hauj lwm zoo ntawd nyob hauv nej. Mas Tswv Ntuj  yuav ua ntxiv kom tiav mus txog  Huab Tais Yes Xus Pleev lub hnub nyoog “

Cov kwv tij,  Leej Ntshiab  tau mus tshaj lub Moo Zoo rau ib pab neeg  hauv lub nroog  Fis Lis Pos.  Cov neeg ntawd  kuj tau txais lub Cim Ntxuav, ces lawv rov yug  los tshiab thiaj txia ntshis ua Tswv Ntuj  cov me nyuam  zoo  nyiam
Ces  txij ntawm hnub  lawv tau txais lub Cim Ntxuav mus ,mas Leej Ntuj Plig  Ntshiab tseem tshoj cov neeg  ntseeg ntawd  zoo kawg nkaus - Ces pawg ntseeg tshiab no los mus tsham cov swm neeg thiab cov kwv tij  neej tsa uas coj  qub kev  cai, mas  kawg yuav tsum hais tej lo lus  ua tim  khawv  txog txoj kev ntseeg Ntuj thiab txog lub neej tshiab ua Tswv Ntuj cov me nyuam ces thiaj tau muab lawv lub siab nyiam Tswv Ntuj  tas siab tas ntsws, tas tswv yim zog. Tsis tas li ntawd xwb ,pab ntseeg tshiab no zoo siab qhia lawv cov kwv tij neej tsa txog  lawv tej kev tso  siab lug tias : dhau lub caij lawv hnub nyoog 120 xyoo, lawv yuav tau coj lub neej muaj hwj chim , pem Tswv Ntuj lub Ceeb Tsheej, rov mus  txog  txhiab  niag  tim puas xyoo .
    Cov kwv tij ,nyem no thiaj yog lub caij tos Huab Tais mas phim peb yuav  nthuav piav lub Moo Zoo rau nej tias  peb tej siab nyob tiaj nyob tus thiab nyob thaj yeeb nyab xeeb kuj yog vim peb tau txais Huab Tais Yes Xus lub Moo Zoo nyob txawm  hauv peb  siab, ib yam nkaus  li  ib pab neeg uas nyob tim lub nroog Fis Lis Pos

PAJ  NRUAG    -  Hu nkauj   : Los mas, los mas

Hauv nws tsab ntawv rau pawg ntseeg tim Fis  Lis  Pos mas Leej Ntshiab  Paj Lug  tseem sau ntxiv  tias : Kuv paub tseeb  tias Tswv Ntuj pab nej ua txoj hauj lwm tshaj Ntuj Lus zoo - Mas Tswv Ntuj  yuav ua ntxiv kom tiav mus txog  Huab Tais Yes Xus Pleev lub hnub nyoog “

   Leej Ntshiab Paj Lug tso siab lug tias :  yav dhau los  Leej Tswv Yim Ntshiab tau nqes los kaj  cov ntseeg  tim  lub nroog Fis Lis Pos lub siab. Mas  nyem no mus lawm  yav tom ntej Leej Ntuj Plig  Ntshiab, yuav ua ntxiv kom tiav mus txog  Huab Tais Yes Xus Pleev lub hnub nyoog..
     Cov kwv tij , Leej Ntshiab Paj Lug ua  Ntuj tsaug kuj yog vim cov ntseeg tim Fis Lis Pos muaj peev xwm  qhia  luag tej ob cag  tias Huab Tais Yes Xus  tau  cawm  lawv dim ntawm lub qub neej  ces  lawv tau nqes tes teev hawm Tswv Ntuj tib leeg  thiab lawv muab lub siab  dav fo los hlub  sawv daws,   tsis kws leej twg cai
     Cov kwv tij ,lub Caij Tos Huab Tais no, peb yuav xyiv  fab mloog Ntuj Lo Lus qhia  ib yam nkaus pawg ntseeg tim lub nroog  Fis Lis Pos
Ua li. thov kom nej mloog lo puav lus uas tus Hauv Paus Xa Lus  Zam  tau sau tseg tias :
“Tswv Ntuj Lo Lus Qhia yog zoo li no : Peb yuav ntseeg  txog nws Leej Tub Yes Xus Pleev lub npe thiab peb yuav sib nyiam  sib hlub raws li  Yes Xus tau qhia kom peb ua “ 1 Zam 3:23
    Cov kwv tij, peb  sawv  daws  paub tseeb tias kev thaj yeeb nyab xeeb yuav tawg paj txi txiv hauv peb zej zos, tsuas yog  peb coj rawv tus Hauv Paus Xa Lus  tej lo lus  meej pem,uas  nej nyuam qhuav mloog no .
Tsis  tas li ntawd xwb –Peb yuav coj  rawv  Huab Tais Yes Xus  lo lus  :”Nej  sawv daws  yog  tib  pab  kwv tij  phooj ywg “  Mas Tais 23 : 8
   Cov kwv tij  sawv  daws ,lub Caij Tos Huab Tais mas   peb  sawv daws  yuav xyiv fab mloog Ntuj Lus tias  : peb yuav sib nyiam sib hlub raws li  Yes Xus tau qhia kom peb ua “  Thiab peb yuav muab siab rau coj rawv lub Moo Zoo tias : “Nej  sawv daws  yog  tib  pab  kwv tij  phooj ywg “
    Lub Caij Tos Huab Tais no thiaj  yog lub zoo caij rau peb  coj  rawv Ntuj Lo Lus tias :”Nej tseem  tau hnov qhov hais rau nej tej laus tias : ”Koj yuav nyiam koj tus txheeb ze –hos koj yuav ntxub koj tus yeeb ncuab – Ho kuv hais qhia rau nej tias :” Nej yuav nyiam nej cov yeeb ncuab -Nej yuav thov Ntuj rau cov neeg tsim txom nej- Nej thiaj yuav yog nej Txiv nyob  saum ntuj cov tub”  Mas Tais 5:43-44
PAJ   NRUAG
(  Zaj  Los mas,los  mas  lo lus txais+ nqe lus 1 xwb xwb

Cov kwv tij. Zaj lus 2  uas  tsim nyog nthuav mas nws kuj nyob hauv Lus Kas Ntawv  Moo Zoo 3 :1-6    hais tias
“Tswv Ntuj Lo Lus nrov tuaj rau Ntxas Kas Lias  tus tub Zam
hnov haiuv teb chaws suab puam.- Zam tshaj ib co kab ke  ntxuav pab tig los yuav lub siab tshiab kom tau  daws txhaum raws li tus Yaj Saub His Xais cov lus tau sau tseg hauv Phau Ntawv tias :
“Muaj ib lub  suab qw hauv teb chaws suab puam  tias :
Nej kho Huab Tais txoj xub .ke .
Nej tshav ncaws nws tej xub ke kom tiaj tus.
Yuav txhub av rau co      v kwj ha .
Yuav ncaws tej toj roob hauv pes kom  qis  tuaj .
Yuav kho txoj kev nkhaus kom ncaj .
Yuav meem tej kev qawj kom  xwm yeem .
Tas txhia tus neeg  yuav pom Tswv Ntuj  txoj kev cawm “

   Cov kwv tij phooj ywg, lub caij thaud Zam Ntxuav Plig tau tshaj Ntuj tej lo lus ntawd los mus hu ib pab neeg His Xas Lais tig los yuav ib lub siab  tshiab . Ces txog lub caij Yes Xus yuav tshaj lub Moo Zoo mas lawv mam li yuav tau txais Ntuj tej txiaj ntsim cawm neeg dim  ntawm  qhov txhaum.
   Mas nyem no ,xyoo no ,hauv lub caij Tos Huab Tais., mas Tswv Ntuj tseem tshaj tib zaj lus ntawd  los txhib peb siab kom   xwv peb thiaj rov tig los yuav lub siab tshiab dua
       Zoo  li  lo  lus tias :  Nej kho Huab Tais txoj xub .ke .
Nej tshav ncaws nws tej xub ke kom tiaj tus.
Mas yuav muab zaj lus no txhais  raws li tus Hauv Paus Xa Lus Yas Kos  lo lus tias :  “Tswv Ntuj yuav pub nws lub txiaj ntsim rau leej twg ntau dua ? Tswv Ntuj tiv cov neeg  muab hlob -  Nws pub nws lub txiaj ntsim rau cov neeg nyiam  ua neeg me – Li ntawd, nej yuav tsum zwm  rau Tswv Ntuj tib leeg  -Nej tiv  dab phem  ces dab phem yuav khiav mus deb ntawm nej - Nej txav los ze  ntawm Tswv Ntuj ces Tswv Ntuj  yuav txav los ze ntawm nej-  Cov neeg  txhaum, nej yuav ua kom nej  tes huv tuaj –Cov neeg uas muaj ob lub siab, nej yuav ua kom  nej lub siab ntshiab tuaj –Nej yuav ua neeg  me –Tswv Ntuj mam li yuav tsa  nej siab “     Yas Kos 4:6-10

    Cov kwv tij , peb sawv daws  tsis tshua xav ntsib  tej pab neeg uas khav theeb tag mus li .Hos nyob hauv Ntawv Ntshiab peb  hnov  Lo Lus no tias :.Tswv Ntuj tiv cov neeg  muab hlob -  Nws pub nws lub txiaj ntsim rau cov neeg nyiam  ua neeg me.
   Ua li ntawd  hauv lub Caij Tos Huab Tais  peb puas yuav coj tus yam ntxwv tshiab ?..Peb puas npaj siab hais tej lo lus qhuas tus txiv los  poj niam los cov me nyuam  = Hos tom qab ntawm qhov tias yus tau npau taws,  mas ib ,me ntsis  yus puas mus thov txim ntawm lwm tus uas yus tau cem heev  heev  ?
,,, Tsis tas li ntawd xwb :peb tseem xav txog ib qib lus  hauv  Lus Kas Ntawv Moo Zoo  tias :” Yuav ncaws tej toj roob hauv pes kom  qis  tuaj
Qib lus no pab peb nco txog  tus Nkauj Tsim Txiaj Mab Liab  zaj teev Ntuj tias :
“  Huab Tais yuav ua kom cov nom tswj pej xeem lawv poob ntawm lawv lub theej kiab-  Nws tsa cov neeg me kom nyob siab”

Cov kwv tij peb tseem xav txog 2-3 qib lus tseem ceeb tias :
….. nej yuav tsum zwm  rau Tswv Ntuj tib leeg  -Nej tiv  dab phem ces dab phem yuav khiav mus deb ntawm nej - Nej txav los ze  ntawm Tswv Ntuj ces Tswv Ntuj  yuav txav los ze ntawm nej
Cov neeg uas muaj ob lub siab, nej yuav ua kom  nej lub siab ntshiab tuaj
    Cov  kwv tij , peb yuav tsis txhob muaj ob lub siab,,tab sis peb yuav npuab Tswv Ntuj  tib leeg  xwb – Peb yuav nyiam Huab Tais Ntuj heev dua qub. Saib  hauv lub caij Tos Huab Tais  no,mas  tas   peb puas yuav sib sau teev hawm Tswv Ntuj hauv tsev yav tsaus ntuj ..?  Peb twb paub tias  Tswv Ntuj haj yam nqes tes pov hwm cov ntseeg  uas sib  sau los nco  txog Tswv Ntuj tej txiaj  ntsim thiab lawv sib koom siab koom ntsws thov Ntuj  pab

THOV  NTUJ   : Huab Tais Leej Txiv, peb  zoo siab ua  koj tsaug vim tias  koj  tau xaiv  peb los ua koj cov me nyuam yog vim Huab Tais Yes Xus  Pleev  thiab nyob hauv  Leej  Ntuj Plig Ntshiab..Tiam sis peb tej siab ntsws txias txias- Peb laj tos txog hnub uas Huab Tais Yes Xus  thiab Leej Ntuj Plig  Ntshiab yuav nqes los tswj kav peb tej zaj tswv yim  thiab tej lo lus  peb hais thiab  tas peb tej hauj lwm  -  Li ntawd thov koj  tso Leej Ntuj Plig Ntshiab nqes los hauv  peb, ces peb yuav xyiv fab rau  “ua tas txhia yam khi peb lub  siab  rau koj ib leeg  “  (1  Kos Lis Nthos 7:35 ).Huab Tais Leej Txiv ,  peb ua koj  tsaug  ntau .

Zaj  nkauj  teev Ntuj
   = Huab  Tais , txhob  ncua  ntev…..
   =  Los mas, los mas, Es  Mas Nus  Es…

+ZAJ  TS0  SIAB
 ZAJ  NYIAM
 ZAJ  TU SIAB

Cov kwv tij ,hnub no zoo hnub- Yog hnub Tsuj Xeeb Yes Xus yug los- Tsim nyog yuav rov twm zaj lus tseem ceeb hauv Lus Kas Ntawv  Moo Zoo  zaj 2 qib 1 rov mus txog qib 14.
Ib ntsis , nej yuav  mloog 2 zaj lus  nthuav piav zoo li no
1: Peb zoo siab ua Tswv Ntuj tsaug
2 : Peb ib siab yoog raws li Yes Xus tus piv txwv

PAJ NRUAG  :” Peb mus hawm peb tus Vaj……..

1: Peb zoo siab ua Tswv Ntuj tsaug
Cov kwv tij, hnub no peb  los hauv peb tsev teev Ntuj ,peb los mus saib lub me nyuam tsev uas luag tau txhim tsa  kom xwv peb yuav nco ntsoov tias :yav dhau los, uas yog tau 2.015 xyoo los lawm, tus Nkauj Tsim Txiaj Mab Liab daws cev- Nws yug nws tus tub- Nws thiaj muab ntaub los qhwv thiab tso pw hauv ib lub dab nyuj, vim tsis muaj chaw rau lawv so nyob hauv lub tsev txais qhua
Peb kuj txhos caug los nco txog tus me nyuam Yes Xus uas pw hauv ib lub dab nyuj thiab peb nco txog Leej Ntshiab Yos Xes thiab ib pab  tub zov yaj –
 Thaum peb saib lub me nyuam tsev ntawd, mas peb haj yam ntseeg ruaj nreb khov kho tias Tswv Ntuj khuv leej neeg tas npaud ,nws thiaj xa nws Leej Tub nqes ua neeg kom tau cawm peb dim  ntawm qhov txhaum.
 Cov kwv tij, phim yuav khaws Ntuj tej lus tseg  tias:
“ Tswv Ntuj nyiam lub qab ntuj neeg npaum no :
Nws thiaj muab nws Leej Tub rau, kom xwv tus ntseeg txog Leej Tub txhob tuag, tab sis kom neeg muaj txoj sia nyob mus li  “Zam 3:16
THOV   NTUJ :Leej Txiv Tswv Ntuj, tus khuv leej neeg tas nrho, koj cia koj Leej Tub nqes ua neeg kom xwv peb rov yug los tshiab.-Ces lwm tiam peb thiaj yuav tau nrog koj nyob, pem Tswv Ntuj lub Ceeb Tsheej, tas ib txhiab ib txhis.- Ntuj siab zoo tas nrho . Peb zoo siab ua koj tsaug.
PAJ  NRUAG  zaj nkauj    :  Hmo ci ntsa…

. 2 : Peb ib siab yoog raws li Yes Xus tus piv txwv
Cov kwv tij, peb saib daim mlom qhia peb txog tus  me nyuam Yes Xus uas pw hauv ib lub dab nyuj ,peb txhos caug los hawm Huab Tais,mas peb ib txhij nco txog Huab Tais Yes Xus lo lus txhib peb siab tias :”Nej kawm ntawm kuv mog,vim kuv siab zoo- kuv tsis muab hlob - Nej tus plig thiaj yuav nrhiav tau chaw so los siav “Mas Tais  11:29
  Cov kwv tij ,peb yuav tau chaw so los siav –thiab peb yuav tau coj lub neej nyob thaj yeeb nyab xeeb, tsuas yog peb txiav siab yoog raws li Yes Xus tus piv txwv, yam peb yuav ua neeg me- tsis txhob ua neeg muab hlob thiab  “peb yuav siv peb txoj sia rau luag tej ob cag”– Zam 15:13
Cov kwv tij ,phim yuav khaws Ntuj lo lus no tias :” Huab Tais Yes Xus tau coj lub neej zoo li cas nyob ntiaj teb no,
mas peb yuav coj lub neej raws li Huab Tais, thiaj yog”,  peb thiaj yuav tau lub neej nyob thaj yeeb nyab xeeb, ib lub neej nyob tiaj nyob tus  -1 Zam 4: 17

THOV  NTUJ  : Huab Tais Yes Xus, koj lub siab zoo- Koj tsis muab hlob. Thov koj muab koj lub siab khuv leej neeg tas nrho los txhim kho peb tej nplooj siab nplooj ntsws- Peb thiaj txiav siab coj lub neej raws li koj tus piv txwv – Xub ua koj tsaug ntau  
Zaj nkauj :Peb mus hawm peb tus Vaj     Hmo ci ntsa…

Cov kwv tij ,hnub no zoo hnub, vim tias yog hnub peb sib sau tom tsev teev Ntuj. Peb sib koom siab ua Thaj Txi Ntuj .
Hnub no thiaj yog thawj zag tshaj tawm uas yuav hais txog KEV KHUV LEEJ NEEG. Vim li cas hais txog qhov no ? vim tias peb tus thawj coj, Vaj Qhia Faas Xuas tau sau ib tsab ntawv txhib peb tsoom ntseeg KavTos Liv nyob thoob ntiaj teb kom xwv xyoo 2016 peb sawv daws thiaj yuav rov siv siv zog taug kev khuv leej neeg thiab kev sis nyiam sib hlub.
PAJ NRUAG : Thaum peb nyiam peb hlub,sib pab … ( Tshaj 2 zaug sis law )
= Thawj zaj lus kuj muaj lub ntsiab lus li no: KEV KHUV LEEJ NEEG YOG IB HOM TSHUAJ Cov kwv tij, peb los mus xyuas peb ib tug kwv tij uas raug mob nkees tau ntau hnub ntau hlis, peb mam li nrog tus ntawd tu siab kawg.
Tsam peb yuav yws yws tias :“Tim li cas tus kwv tij ntawd raug kev mob hnyav tas npaud ? “ =Tej zaus peb yuav ntaus siab yau tias :”Peb lub neej ua neeg nyob ntiaj teb no thiaj yog ib lub neej txom txom nyem loj tas npaud ?”
Hos peb yog neeg ntseeg Ntuj mas peb yeej tsis xav li no tias :“Yog vim peb teev hawm Tswv Ntuj, ces peb tej kev mob kev txom nyem yuav tau yaj ntshis sai sai los mas“.
.Tab sis peb tej zaj teev hawm Tswv Ntuj raws qhov tseeb kuj zoo li KEV KHUV LEEJ NEEG YOG IB HOM TSHUAJ uas txhim kho tau peb siab dim ntawm kev ua siab yau.
Tseev kom txoj kev khuv leej neeg nyob xyaws peb tej lo lus teev Ntuj – Tswv Ntuj thiaj yuav rub tus neeg mob ntawd lub siab rov npuab Huab Tais Yes Xus lub siab – Huab Tais Tswv Ntuj yuav pub nws tej txiaj ntsim muaj nqe tas nrho,uas yog ib lub siab nyob thaj yeeb nyab xeeb thiab nyob tiaj nyob tus rau tus neeg raug mob hnyav thiab peb cov neeg ntseeg huv si- Txiv Tswv Ntuj ib txhij yuav pub tib yam txiaj ntsim ntawd rau peb thiab ntag .
Cov kwv tij, tseev kom peb tso siab lug rau Tswv Ntuj tiag -Tswv Ntuj yuav mloog peb tej lus thov, tsuas yog peb taug kev khuv leej neeg nyob xyaws peb tej lo lus vam txog Tswv Ntuj.
PAJ NRUAG : Kuv tso kuv txoj sia….

== Hnub tim 11 lub 4 hlis xyoo 2015 ,Vaj Qhia Faas Xuas sau ib tsab ntawv uas txhib peb siab los mus taug kev khuv leej neeg – Yeej tsim nyog khaws Vaj Qhia tej lus tseg hauv peb nruab siab mus li
= Zaj lus 1 kuj mus li no tias: Huab Tais Yes Xus tshaj lo lus no tias :” Cov nyob kaj lug kaj nrig yog cov hlub luag tej,vim tias Tswv Ntuj yuav hlub lawv”--Mas Tais 5:7.Txhais tias : peb sawv daws yeej tshaib nqhis txog Tswv Ntuj tej txiaj ntsim hlub peb thiab khuv leej peb.--Tswv Ntuj niaj hnub npaj siab pub peb nyob kaj lug ntawd, tsuas yog peb muab siab rau khuv leej luag.-Yog tias peb coj lub neej zoo li ntawd ,mas peb yuav tau nyob kaj lug kaj nrig, tsis tu ncua.- Ua li,kev npau taws thiab kev rob caub yuav tsis txeem hauv peb siab los mas
Zoo li tus Hauv Paus Xa Lus Paj Lug sau
ntawv li no tias :”Tsis txhob npau taws tsheej hnub,mus txog hnub poob qho” Es Fes Xos 4:26
Zaj lus 2 tias Vaj Qhia tseem txhib peb siab los khaws Huab Tais Yes Xus lo lus tseg tias:” Nej yuav khuv leej luag tej , ib yam nej Txiv khuv leej neeg “ Lus Kas 6:36 Txhais tias : Yes Xus lo lus thiaj yog txoj cai uas tuaj kaj peb tej siab ntsws . Peb kuj paub tias : yeej mloog Ntuj lus kuj nyuaj- Tiam sis tus twg ib siab mloog mas nws coj tau lub neej nyob kaj lug kaj nrig, ib lub neej nyob thaj yeeb nyab xeeb .
Qhov kawg ces nyob hauv peb lub zos,thiaj yuav tau muaj ib yam loj tuaj rau sawv daws pom xyeem ,raws li tus Hauv Paus Xa Lus Paj Lug sau tseg tias : “ Huab Tais Yes Xus lub neej thiab txoj sia yuav rov tawm dua los rau sawv daws pom xyeem ntawm qhov muag “ 2 Kos Lis Nthos 4:11
Zaj lus 3 tias :Vaj Qhia rov tshaj lub Moo Zoo no tias:” Nej yuav nyiam nej cov yeeb ncuab –Nej yuav ua zoo rau cov neeg ntxub nej –Nej foom lus zoo rau cov foom phem rau nej –Nej thov Ntuj rau cov neeg xyav nej lub moo” Lus Kas 6:27
Zaj lus no kuj zoo ib yam nkaus li tus Hauv Paus Xa Lus Paj Lug tej lus tias :”Koj tsis txhob cia txoj kev phem yeej koj- Tiam sis koj ua zoo,ces koj yeej txoj kev phem”Los Mas 12:21

THOV NTUJ : Huab Tais Leej Txiv, peb ua koj tsaug, rau qhov tias koj Leej Tub, peb tus Huab Tais Yes Xus Pleev txhib peb
siab los coj lub neej KHUV LEEJ NEEG, raws li Yes Xus tus piv txwv – Thov koj xa Leej Ntuj Plig Ntshiab nqes los hauv peb siab npo, ces peb nrhiav tau kev nyob kaj lug kaj nrig nyob ntawm koj xub ntiag mus li.

Zaj nkauj teev Ntuj: Kuv tso kuv txoj sia
+ Thaum peb nyiam , peb hlub….

T.P. Txhiaj Foom omi

2 – 3 zag teev Ntuj

Cov kwv tij ,hnub no yog Hnub Chiv ces peb rov tuaj xyuas nej.

PAJ NRUAG : LEEJ NTUJ PLIG NTSHIAB , KOJ LOS MAS

Ib tug kwv tij tau hais lo lus nug no tias :” Kuv yuav ua dab tsi thiab dab tsi, ces thiaj rov nplua nuj zuj zus hauv kev ntseeg Ntuj
thiab kev npuab Tswv Ntuj lub siab ?
Cov kwv tj , peb yeej yuav ua 2-3 yam ,peb thiaj rov nplua nuj zuj zus hauv kev ntseeg Ntuj .
1 : peb yuav kub siab twm ntau zaj lus tseem ceeb hauv NTAWV NTSHIAB – Hos ,hauv peb tsoom Hmoob thiaj muaj peb ib cov kwv tij ntseeg Ntuj, uas lawv kuj khaws tej qib lus hauv NTAWV NTSHIAB - ces muab siab rau kawm tej qib lus ntawd hauv nruab siab kiag.
Mas peb vam ntsoov tias : lawv yuav kub siab ua qhov ntawd ntxiv mus, tsis tu ncua , vim tias lawv haj yam zoo siab paub Tswv Ntuj lub siab khuv leej neeg zuj zus
2 : Zaus puav, peb los mus txais lub Cim daws txhaum ces peb thiaj nrog Tswv Ntuj rov sib haum xeeb dua, Hos peb txais Leej Ntuj Plig Ntshiab nqes txhawb zog hauv peb nruab
3 : Tsis tas li ntawd xwb : hauv peb lub Koom Txoos Kav Tos Liv, cov kab ke tseem ceeb , uas peb saib loj tshaj plaws ,thiaj yog Thaj Txi Ntuj.-- Txhua txhia Hnub Chiv.-- Huab Tais Yes Xus , Tswv Ntuj , uas nws yog tus Huab Tais cawm neeg dim ntawm qhov txhaum, nws nqes los txais peb lub neej thiab peb txoj sia los mus cev rau peb Txiv nyob saum ntuj - Peb kuj txais lub Cim Yug- peb txais peb tus Huab Tais los ua peb txoj sia.- .Li ntawd peb ib siab tsis nruam Thaj Txi Ntuj .-Peb tej siab ntsws thiaj loj hlob zuj zus hauv lub neej NYOB THAJ YEEB NYAB XEEB zuj zus .
Cov kwv tij peb zoo siab nco ntsoov tias txhua txhia zaus, uas peb teev Ntuj twj ywm ,mas peb kuj muaj peev xwm rov hais dua tej zaj teev Ntuj txawv txav , los hawm Tswv Ntuj .. Zoo li tej zaj no :
:
1 : “Txiv siab zoo, kuv tso kuv txoj sia rau hauv koj txhais tes “ ( Yog Huab Tais Yes Xus lo lus

2 : “ Huab Tais, koj paub tas ib puas tsav yam : koj paub tias kuv
nyiam koj kawg nkaus “ – ( Yog Leej Ntshiab Pob Zeb lo lus )

3 : “ Tswv Ntuj Leej Tub nyiam kuv kawg nkaus ,
Nws thiaj rov muab nws txi Ntuj kom nws pab tau kuv “ ( Yog Leej Ntshiab Paj Lug lo lus )

4 : “ Huab Tais siab zoo : nws lub siab hlub nyob tas ib txhiab ib txhis “ ( Nkauj Paj Nruag 136 )

5 : “ Huab Tais ,kuv cev kuv tus plig nce tuaj rau koj – Kuv tus Tswv Ntuj , kuv tso siab lug rau koj tib leeg “ ( Nkauj Paj Nruag 25 )

6 : Leej Nshiab Paj Lug tau sau tej zaj teev Ntuj zoo li no :
“ Kuv xav nrog Huab Tais Yes Xus koom ua ib lub siab, pem Tswv Ntuj lub Ceeb Tsheej
“ Ces kuv zoo siab tso ntiaj teb no tseg : txoj kev nrog Huab Tais nyob thiaj yog ib yam muaj nqe tshaj qhov ua tus tswj kav tas ib puas tsav yam hauv lub ntiaj teb “ ( Yog Leej Ntshiab Nyas nyob Aas Tias Kias

7 :” Huab Tais Tswv Ntuj uas siab zoo tas nrho , koj yeej ua tus tswj kav tas lub sim ceeb . Koj yog tus cawm neeg ntawm qhov txhaum
.Koj yog tus Huab Tais khuv leej neeg tas nrho- Thov koj nqes los xyuas tas cov neeg raug kev txiab nkees – Thov koj pab txhim kho lawv sawv daws “ ( Yog Leej Ntshiab Xes Las Pis Oos sau los pab peb thov Ntuj pov hwm cov neeg raug mob nkees )

8 : “ Tswv Ntuj khuv leej neeg tas nrho ,peb Txiv , tab txawm kuv raug tej yam hnyav tas tas , los kuv tseem tso siab lug rau koj
“ Thov koj coj kuv lub neej ywj koj siab – Li cas los, kuv tus Tswv Ntuj ,kuv muab tas kuv lub neej los cev rau koj, vim tias kuv nyiam koj kawg nkaus - Tswv Ntuj ,peb Txiv siab zoo tas nrho , kuv niaj hnub nco txog koj tej txiaj ntsha txiaj ntsim “ ( Tus pab sau yog Txiv Plig Sas Dws Fus Kaus )

9: “Peb tus Huab Tais Tswv Ntuj, koj khuv leej neeg tas nrho – Yog
vim koj Leej Tub kev txom nyem thiab nws txoj kev sawv rov los, mas koj yeej tas puas tsav yam phem kom ploj ntais – Thov koj pov hwm tas sawv daws neeg, kom xwv lawv sawv daws thiaj soj qab tau koj tej kev khuv leej neeg tas nrho ,ces lawv yuav ua siab loj siab tawv thiab lawv yuav soj qab kev tso siab lug mus li “ ( Tus sau zaj no yog Leej Ntshiab Zam Paj Lug 2 )

10 : “ Huab Tais Yes Xus Pleev, koj ib txwm ua siab ntev – Hos koj ib txhij khuv leej neeg tas nrho –Ntawv Moo Zoo kuj qhia peb tias : hnub ntawd koj ob tug thwj tim sawv kev mus tom lub nroog Es Mas Ws - Koj mam li ua nkawd luag . Koj twb paub tias nkawd kho kho siab ,vim tias koj tau tas sim neej - Nyuaj nkawd siab tas nrho- Ces koj txhob txwm ua 3 yam kom xwv nkawd rov kub siab ntseeg tias koj hlub nkawd thiab kom nkawd paub koj tsis tso nkawd pov tseg .
1 : Koj txhob txwm ua nkawd luag- Nkawd nthuav piav nkawd kev kho kho siab rau koj paub.- Nkawd hais lus ntau ntau – Mas koj cia li mloog nkawd tej lus huv tib si. Koj ua siab ntev tag npaud
2 Koj mam li qhia tas txhua yam uas cov Yaj Saub tau tshaj los tias
Leej Pleev yuav tsum raug kev txom nyem , nws thiaj mus tau hauv nws lub koob meej. Koj ua siab ntev los maj mam qhia lub Moo Zoo rau ob tug thwj tim uas tau ntseeg qeeb qeeb .
3 : Qhov kawg koj tsis tso nkawd pov tseg ,tias koj nrog nkawd noj ib pluag mov
Huab Tais Yes Xus, koj niaj hnub no hlub hlub peb ib yam nkaus li lub caij koj nyob ntiaj teb .Zoo li thaum peb kho siab ,mas koj yeej to taub tas – Tab txawm peb pom tsis tau koj , los koj tseem ua peb luag tag mus li – Tab txawm peb txav mus deb ntawm koj mus ,los koj tseem tos nrhw saib thaum twg peb yuav rov qab cuag koj dua .
Huab Tais Yes Xus od, koj niaj hnub khuv leej peb tag mus li-
Thov koj pab kom xwv peb tshaib nqhis txog koj tej kev hlub, ces peb yuav ua siab ntev cuag li koj “ Tus sau zaj no yog Vaj Qhia Faas Xuas.

11 :” Peb tus Huab Tais Yes Xus Pleev, thaum twg koj ntsia ib tug neeg, mas koj hlub hlub nws ntag - Zoo li koj ib txhij ntsia Mas Tais thiab koj khuv leej nws , ces Mas Tais mam li ib siab yuav tsis zwm rau nyiaj nyiag- Hos ntawm Pob Zeb mas nws tsis lees koj -: yog ib qhov txhaum loj - Ib ntsis koj ntsia Pob Zeb ces Pob Zeb tu siab ntawm nws qhov txhaum, nws mam li quaj .
Huab Tais ,thov koj pov hwm lub Koom Txoos, kom xwv tsoom ntseeg sawv daws thiaj taug kev hlub hlub neeg, raws li koj tus piv txwv “ Tus sau lo lus no yog Vaj Qhia Faas Xuas

PAJ NRUAG Tus Zoo Tswv Zov Yaj
Koj txhob ntshai

    Cov  kwv  tij hmov thiab tshua,  Hnub Chiv no zoo hnub  rau qhov tias peb los mus mloog Tswv  Ntuj Lo Lus thiab Huab Tais Yes Xus, tus Huab Tais Cawm neeg pub nws tej txiaj ntsim txhim kho peb tej siab ntsws kom rov ntshiab dawb huv zuj zus, kuj yog vim  Thaj Txi Ntuj .
    Tim li cas yuav  tshaj tej lo lus tseem ceeb no tias : NIAM  MAB  LIAB  LO  LUS  TXHIB  PEB  SIAB  ?  vim tias Tswv Ntuj siab khuv leej neeg tas nrho  tso lus rau lus  Huab Tais Yes Xus niam tshwm  sim tuaj rau tej tus neeg ntseeg pom xyeem  ntawm qhov muag. Niam Mab Liab tau hais nws tej lo lus tseem ceeb rau peb rov tig los yuav ib lub siab.  Peb mam  li yuav rov kub siab coj lub neej ntxim Tswv  Ntuj lub siab.-Peb nrog Huab Tais Yes Xus koom  ua ib lub  siab

Zoo li  lub 2 hlis,hnub 11 , xyoo 1958,  nyob tim Fab Kis teb, hauv  LUB  ZOS  LUS  NTWS mas 18 zaus sis laws ,tus Nkauj Tsim Txiaj Mab  Liab tshwm sim tuaj rau rau tus  ntxhais Npes Nas Des pom  xyeem ntawm qhov  muag . Ces peb zoo siab rov hais qhia nws tej Lo Lus ntawd rau nej :  
=  Lo lus 1 tias : “Nej tig los yuav lub siab tshiab -  Rov hais dua
Nej tig los yuav lub siab tshiab  -Nej yuav thov Ntuj pab tej pab neeg txhaum.
= “ Nej mam li mus nram lub qhov dej txhawv.-Nej haus me ntsis dej thiab nej yuav ntxuav nej ntsej muag  “

Zoo li lub 1 hlis, tim 17 , xyoo 1871,nyob tim Fab Kis teb ,hauv lub zos  POOS  MEES, mas peb nco tias : us Nkauj Tsim Txiaj Mab Liab tshwm sim  tuaj rau 2 tug tub thiab 2 tus ntxhais pom xyeem ntawm qhov muag.-2 tug tub  ntawd yog  kwv tij -Nkawd npe hu ua Ws Ntses Npas Npws Des ,12 xyoo  thiab Yos Xes  Npas Npws Des 10 xyoo- Ib tug ntxhais npe hu ua Faas Xuas Tis Tshaws 11 xyoo- Tus ntxhais 2 npe hu ua Zam Mab Liab Lws Npos Xes 9 xyoo
      Niam Mab Liab  tshaj lo lus no tias :
“ Kuv cov me nyuam  : “ Nej teev hawm Tswv Ntuj tas zog –Nej tej lo lus thov, mas tshuav tsis ntev ,Ntuj thiaj yuav  mloog nej  tej zaj  .Kuv Leej Tub  kuj yuav mloog nej  tej lus thov xwb ntag “
== Zoo li  xyoo 1917 ,hauv teb chaws Pos Tws Nkas , tim  Aws Los Pas qab teb, hauv lub zos  FAS  TIS  MAS, 7   zaus  sis laws, tus Nkauj Tsim Txiaj Mab Liab tshwm sim tuaj txhib ib cov tub ntxhais hluas lawv lub siab ntseeg . Mas lub zim txwv no , peb niam Mab Liab  ib txhij txhawb nqa peb tej kev tso siab lug rau Tswv Ntuj tib leeg.
= Thawj zaug mas  lub 12 hlis xyoo 1927 , Niam Mab Liab tshaj lus qhia peb tias:” Tus tib neeg  ntseeg  twg hwm kuv tej  siab  ntsws ,uas tsis lo neeg lub keeb txhaum  ,mas kuv cog lus rau nws tias nws yuav tau txais kev cawm, pem Tswv Ntuj lub Ceeb Tsheej.
Tus neeg ntseeg ntawd lub neej zoo li yog ib re paj ntoo, uas kuv yuav tso ze ntawm Tswv Ntuj lub theej kiab” .
= ( Cov kwv tij peb nco  ntsoov tias : txij ntawm xyoo 1914 -1918 ,mas lub ntiaj teb neeg tau ua tsov ua rog ,mas hnub 13 , lub 5 hlis ,xyoo 1917 ,. peb Niam  Mab Liab txhib peb siab zoo li no tias : “ Nej tsoom ntseeg niaj hnub yuav hais Txoj Saw Mab Liab , kom xwv tej pab neeg tsis txhob sib ntaus sib  tua, ces kev thaj yeeb  nyab xeeb yuav tawg paj txi txiv  mus nyob thoob ntiaj teb “
..Cov kwv tij, hnub 13 ,lub 5 hlis xyoo 1917 ntawd  yog thawj thawj zaug uas niam Mab Liab  txhib cov ntseeg thov Ntuj tas zog kom xwv lub ntiab teb neeg yuav rov nyob thaj yeeb  nyab xeeb dua )
= Ua li , hnub 13,lub 6 hlis,xyoo 1917, thiaj yog zaus 3  uas niam Mab Liab tshwm sim tuaj, tim lub zos FAS  TIS  MAS , zoo cuag li nws txhib peb sawv  daws  ua siab loj siab tawv qhawv tias :” Ob hnub no,koj raug mob nkees heev, puas yog ?- Mas tseev kom  koj  ua siab loj siab  tawv qhawv los mas :  kuv yuav tsis tso koj pov tseg ib zaug li . Saib : kuv tej siab ntsws ( uas tsis lo neeg lub keeb txhaum ) thiaj yuav yog koj qhov chaw nkaum – Ces kuv yuav coj koj kev mus nrog Tswv Ntuj nyob nraim”

PAJ   NRUAG    :    Koj nyob kaj lug,  Mab Liab…

=  Hnub13 lub 7 hlis xyoo  1917 : Niam Mab Liab rov  tshwm sim tuaj rau lawv pom nws xyeem ntawm qhov  muag -  Nws hais tias :
“Txhua txhia zaus uas koj ib siab  rov coj tus yeeb yam ntshiab dua yav dhau los, mas koj teev Ntuj li no kuj tau tias : “ Huab Tais Yes Xus, yog vim kuv nyiam koj, kuv thiaj tau ua qhov zoo zoo ntawd-  Ua li ,thov koj txhib tej pab neeg txhaum kom xwv lawv tig los yuav  lub siab tshiab -  “
== Cov kwv tij  tib hnub 13 lub 7 hlis ntawd, xyoo  1917, mas tus  Nkauj Tsim  Txiaj Mab Liab  rov txhib cov ntseeg dua  zoo li no tias :” Hais txog Txoj Saw Mab Liab, mas thov kom nej hais  ntxiv mus, tsis tso tseg --  Nej  niaj hnub hais kuj yog ib yam muaj nqe heev.  Nej thov tas zaj tas zog kom  xwv tej pab  neeg tsis txhob  ua tsov ua rog-  Ces kev thaj yeeb nyab xeeb thiaj yuav  rov tawg paj txi txiv dua, nyob ntiaj teb “
( Cov kwv tij, txij ntawm hnub 13, lub 7 hlis ntawd  mus mas xam pom tias :hauv teb chaws Pos Tws Nkas thiab hauv ntau lub teb chaws thiaj muaj ntau ntau plhom tus neeg ntseeg Kav Tos Liv tau hais Txoj Saw Mab Liab tas zog -  Ces 16 hlis tom qab thiaj tau muaj dab tsi ? Nej puas nco ntxoov ?  Hnub tim 11 lub 11 hlis xyoo  1918,  tej pab tub rog Yes Las Mas tau sau yuas los  lees swb rog ntag . Mas phim yuav muab zaj  ntawd txhais tias :” Huab Tais Tswv Ntuj, uas khuv leej neeg tas nrho, nws kuj mloog peb tej lus thov tiag
( Hais qhia nej paub tias hauv ntau lub teb chaws ,  niaj xyoo ,thaum txog hnub  11 lub 11 hlis ib cov pej xeem coob  nco ntsoov txog zaj  kwv huam ntawd lauj .
PAJ   NRUAG  : Koj  nyob  kaj lug, Mab Liab …

=   Zaus 6 uas peb  niam  Mab Liab tau tshwm sim tuaj tim lub zos FAS  TIS  MAS , mas nws hais qhia lo lus  no tias :” Nej tau pom tej pab neeg txhaum uas tau poob hauv dab phem lub teb chaws-  Mas hais qhia nej paub tias : Huab Tais Tswv Ntuj yeej hu cov ntseeg hwm kuv lub siab  dawb  siab huv ,  uas tsis tau lo neeg lub keeb txhaum-  Tswv Ntuj yeej hu nej thov Ntuj ntau ,kom tau cawm tej pab neeg uas tau poob hauv dab phem lub teb chaws
= Cov kwv tij, zaus  kawg uas tus  Nkauj Tsim  Txiaj Mab Liab  tshwm sim tuaj nyob puag tim teb chaws Pos Tws Nkas thiaj yog hnub 15 lub 8 hlis xyoo 1917 -  Mas nej  sawv  daws nco  ntsoov tias : hnub twg peb  tsoom   ntseeg Kav Tos Liv niaj xyoo  ua Tswv Ntuj tsaug , vim tias  hnub uas  niam Mab Liab txoj sia tu, mas peb Huab  Tais  Tswv Ntuj pab txais Mab Liab  lub cev thiab nws tus ntsuj tus plig ncaj qha mus pem Tswv Ntuj lub Ceeb  Tsheej ? Yog hnub 15 lub 8 hlis ntag )
Ua li lo lus kawg nkaus uas tus Nkauj Tsim Txiaj tau hais los txhib peb txoj kev ntseeg kom ruaj nreb  zuj  zus kuj  yog lo lus no tias :”
“ Nej  yuav teev hawm Tswv Ntuj zuj  zus  -Nej thov Ntuj tas zog kom tau pab cawm tej pawg  neeg  txhaum dim  ntawm lawv lub neej ntshaw qhov phem phem – Vim  li cas yuav thov Ntuj pab li ntawd ? vim  tias muaj tej pawg neeg raug txim mus hauv dab phem teb chaws- Lawv raug txim li ntawd ,vim cov neeg thov Ntuj tsis txaus “

…Cov kwv tij, peb ib siab vam txog niam Mab Liab ntau zuj zus. Ces kev thaj yeeb nyab xeeb yuav tau ri mus nyob tas qhov txhia chaws, thiab tej pab neeg yuav tau tig los yuav lub  siab tshiab, tsuas yog peb khaub zig txog Tswv Ntuj thiab peb yuav tso siab lug rau tus Nkauj Tsim Txiaj Mab  Liab ..Nws kuj mloog peb tej lus thov tag   mus li

Zaj nkauj teev Ntuj  :  Poj Huab  Tais…
                               Koj nyob kaj lug ,Mab Liab….  ( 2 zaug diam
                                Qhov peb xav pom…

Cov kwv tij, hnub no yog Huab Tais Ntuj hnub - Yog Hnub Chiv ,uas peb zoo siab ua Thaj Txi Ntuj- Peb nrog ib pawg ntseeg nco txog hnub tseem ceeb tshaj plaws hauv tas tsoom neeg kwv huam- Yam li Huab Tais Yes Xus sawv ntawm cov tub tuag rov los – Ua li Huab Tais Yes Xus yog tus cawm cov neeg dim ntawm dab phem lub hwj huam - Huab Tais yog tus pab tsim ib lub siab dawb huv tuaj rau peb raws li Huab Tais tus piv txwv

Cov kwv tij , Huab Tais Yes Xus yeej txhib peb siab hais tias :” Nej tsis txhob txiav xim- Ntuj thiaj yuav tsis txiav txim” Mas Tais 7:1 Ua li, yuav tsis luj luag tej txoj hmoov,vim tias kawg yog Tswv Ntuj tib leeg xwb,uas tsom kwm neeg tej nplooj siab ntsws.
Tab sis hauv peb pawg ntseeg Ntuj hauv lub Koom Txoos Kav Tos Liv, peb kuj zoo siab ntseeg tias mas ib cov tub hluas thiab ib cov txiv neej Kav Tas Liv neeg uas txais lub Cim Tiag Tes kuj coj ib lub neej muaj nqe.
NUG : lawv ua hauj lwm dab tsi, ces thiaj coj tau ib lub neej muaj nqe ?
TEB : Cov Txiv Plig yog cov nrog Huab Tais Yes Xus koom siab koom ntsws. Ces hais ob lo lus ua piv txwv tias: cov Txiv Plig muaj peev xwm ua Thaj Txi Ntuj - Lawv kuj muaj cai daws txhaum –Ua li, yog vim ob yam ntawd,Tswv Ntuj tej txiaj ntsim cawm neeg thiaj txeem los hauv tej pawg tus ntsuj tus plig –
Ua li ntawd , cov Txiv Plig zoo siab ua Tswv Ntuj tsaug. Mas fab hauv tus ntsuj tus plig, cov T.P.coj tau lub neej muaj nqe
( Peb kuj thov Leej Ntuj Plig tso qhov pom kev kaj peb
( lub siab kom xwv peb rov kub siab ntseeg ruaj nreb


PAJ NRUAG
( zaj nkauj: As les lus yas : Leej Ntuj Plig, koj los mas.

Cov kwv tij hmov thiab tshua ,yav dhau tas , kuv tau ntsib 2 tug niam txiv Hmoob ,uas tau txais lub Cim Ntxuav hauv lub Koom Txoos Kav Tos Liv, tau 50 xyoo- Nkawd tau xeeb 3 tug tub thiab 2 tug ntxhais - Ib ntsis tus tswv tsev hais ib lo lus meej pem- Tsam nws xub xav txog qhov ntawd 100 tawm zaus lauj –
Nws hais tias : “ Ntau ntau zaus kuv kuj thov Ntuj pab xaiv wb ib tug tub los npaj siab ua Leej Choj, ua Txiv Plig ntag “
NUG : Vim Ii cas tus ntawd thov Ntuj tas npaud ?
TEB tias vim nws ntseeg khov kho tias lub neej ua Leej Choj muaj nqe kawg, kom xwv kev ntseeg Ntuj thiab kev thaj yeeb nyab xeeb thiaj yuav tau txeem los hauv tej pawg ntseeg Ntuj -.Hos tus phooj ywg thov Ntuj zoo li ntawd, tsis tu ncua – Nws tso siab lug rau Tswv Ntuj tiag.

NUG : Cov phooj ywg uas lawv ua Leej Choj hauv lub Koom Txoos Kav Tos Liv, mas tsam lawv ua neeg nplua nuj ,puas yog ?
TEB : Cov Txiv Plig muaj noj muaj haus, tab sis lawv tsis yog neeg muaj- Ua li ib tug tub hluas txiav txim ua Leej Choj, kuj yog vim nws xav xa me ntsis nyiaj pab niam txiv – Tab sis nws tsis muab tas nws lub siab los txhawb zog rau kev ntseeg mas nws yuam kev – Ces vam tias nws yuav nrhiav lwm txoj hauj lwm, thiaj yog.
NUG : Ib tug tub hluas yuav tsum yog ib tug neeg paub txuj ci tob thiab nws yuav tsum ntse heev nkaus, ces yuav tau muaj neeg txais nws tuaj kawm ntaub kawm ntawv thiab kawm ntau yam tob tob txog Ntuj Kev Cai , puas yog ?
TEB : Tsis yog li ntawd thiab..Hais qhia rau nej paub tias hauv tas cov tub hluas uas lawv mus kawm txuj ci, npaj siab ua Txiv Plig- mas lawv feem coob yog cov paub ci cuag li lwm leej lwm tus li – Tsis tas ua neeg paub txuj ci tob tob li - Tiam sis qhov loj tshaj plaws thiaj yog tias : yuav tsum ntsuam saib :cov tub hluas ntawd , lawv nyob kaj lug kaj nrig puas yog vim lawv nyiam Tswv Ntuj heev thiab lawv txiav txim ib siab coj lub neej qee rau Tswv Ntuj- lawv yuav tsis yuav poj niam.
NUG : Saib : yeej muaj ib cov tub hluas uas Tswv Ntuj pub lub tswv yim rau tej pab tub hluas kom xwv lawv ib siab coj lub neej tab seeb los mus ua Tswv Ntuj tej qav tej num tas ib sim neej. Tsam yuav muaj ib cov T.P ceeb laj coj lub neej zoo li ntawd –Ces cov T.P.ntawd raug kev nyuaj siab tas ib sim neej..Thiab yuav tsis muaj neeg hlub tshua cov T.P. ntawd lauj !!
TEB : Tsam muaj ib cov T.P. ( hnub nyoog 35- 40 xyoo) uas lawv raug kev ntxias ces lawv thiaj mus ntshaw yuav poj niam –Thaum ntawd ,Tswv Ntuj yuav pab cov T.P. ntawd zoo li cas rau li cas ?..
TEB : Hauv NTAWV NTSHIAB, peb twm tau tus Hauv Paus Xa Lus Paj Lug ib zaj lus meej pem los txhib tej pab neeg uas nyuaj siab, xws li 2-3 tus T.P. uas tau hais lawm .

Leej Ntshiab Paj Lug sau lo lus no tias :”Thaum neeg raug kev ntxias, mas txoj kev ntxias tsis loj tshaj tus neeg ntawd lub zog- Tswv Ntuj pheej xeeb tas nrho- Nws yuav tsis pub kom nej raug kev ntxias dhau nej lub zog- Lub caij raug kev ntxias, Tswv Ntuj tseem yuav pab kom nej dim thiab kom nej yeej kev ntxias” 1 Kos Lis Nthos 10:13
- Ua li tus tub hluas los tus txiv neej uas tau mus kawm txuj ci npaj siab ua Leej Choj , nws yuav khaws tus Hauv Paus Xa Lus Paj Lug lo lus tseg ,nws thiaj tsis ua xyem xyav tias :“Tas ib sim neej, kuv puas yuav muaj peev xwm coj lub neej qee rau Tswv Ntuj mus li ? “ Tab sis nws kuj ua siab loj siab tawv qhawv thiab tso siab lug rau Tswv Ntuj tias “Tswv Ntuj yuav pov hwm kuv tag mus li, vim Tswv Ntuj pheej xeeb tas nrho” – Ua li ntawd ces tus tub hluas los tus txiv neej ntawd yuav nyob kaj lug kaj nrig ua Ntuj tsaug - thiab nws yuav mob siab kawm txuj ci ntxiv mus los mas –

PAJ NRUAG :
Zaj nkauj teev Ntuj “ KUV NYOB NOV, NTUJ “: ( Tab sis tsuas tshaj tej lo lus zoo li no xwb tias: Txais + Nqe lus 1 + Txais )
NUG : kuv tau hnov tias nyob thoob ntiaj teb thiaj muaj txog 405.000 tus T.P. -. Nyob hauv teb chaws twg kuj xij, hauv As Xias teb ,.As Mes Lis Kas teb ,nyob As Fis Kas teb - Mas tas cov Leej Choj ntawd sawv daws yuav tsum ua dab tsi ,ces lawv thiaj yuav tau tso siab lug rau Ntuj ruaj nreb thiab lawv yuav ua tau Ntuj lub luag hauj lwm kom tom thawj ? thiab lawv yuav coj tau lub neej tab seeb ,rov mus txog lawv hnub nyoog 120 xyoo no ned ?
TEB : qhov 1 mas yav sawv ntxov thiab yav tsaus ntuj lawv yuav tsum teev hawm Tswv Ntuj ntev hauj sim , kwv yees 2 teev
Ob peb yam tseem ceeb uas cov T.P. muab siab rau ua kuj mus li no tias : lawv yuav kub siab nyeem ntau phab ntawv hauv phau NTAWV NTSHIAB thiab lawv yuav rov mus twm tej phau tseem ceeb uas pab nthuav piav Ntuj kev Cai - Tsis tas li ntawd xwb : hauv ib xyoo ,cov T.P.sawv daws yuav tsum qee 5 los 6 hnub los nrog ib cov pej xeem ntseeg thiab ib cov T.P sau siab ua ke . Peb tseem nco ntsoov tias : txhua txhia Hnub Chiv , cov T.P. zoo siab ua Thaj Txi Ntuj rau tej pawg ntseeg.-
Ib zaj lus ntxiv tias :- Hauv tas ib xyoo ,cov T.P. yuav muab siab rau txais lub Cim daws txhaum 5 los 6 zaus tej ,ces lawv coj tau lub neej kaj huv zuj zus.
Cov kwv tij , phim yuav tshaj ib zag lus txawv txav rau nej paub tias : txhua txhia lub hlis mas peb tus Vaj Qhia Faas Xuas los mus txais lub Cim daws txhaum ob zaug diam .vim tias nws ntseeg khov kho tias Huab Tais Yes Xus nqes los yaug nws tej txhaum thiab Tswv Ntuj txhab zog rau nws tiag , kuj yog vim lub Cim daws txhaum ntawd -
NUG : Xam pom tias Huab Tais Yes Xus tso siab lug rau cov T.P. kom lawv muab siab rau ua ntau yam hauj lwm ntxiv, puas yog ?
TEB : Yeej yog li koj hais :
= Qhov 1 tias : cov T.P. nrog ib cov pej xeem ntseeg koom siab pab qhia Ntuj kev cai rau tej tsev neeg uas tig los yuav lub siab tshiab, kom xwv lawv npaj siab txais lub Cim Ntxuav ,lub Cim Txhab Zog thiab lub Cim Yug
Cov T.P. kuj saib ib cov me nyuam thiab ib cov tub ntxhais hluas kom xwv lawv npaj siab txais 3 lub Cim tseem ceeb ntawd thiab
2 : Cov Txiv Plig los mus txhib tej txij nkawm uas npaj siab txais lub Cim Cog Lus, , ces cov ntseeg ntawd yuav tau txais lub Cim Cog Lus
3 :Cov T.P. hnov tias ib tug neeg twg raug mob nkees mas cov T.P. mam li mus xyuas - Nws thov Ntuj rau– ces pub lub Cim daws txhaum. Hos nws ua lub Cim Pleev cov neeg mob thiab pub lub Cim Yug rau
Saib : ib tag hmo, ib tug neeg raug mob nkees hu xov tooj rau cov T.P.,mas kawg yuav tsum sawv los mus xyuas xwb ntag
4 :Yeej muaj tej pab neeg ntseeg, tsis hais cov hlob los
cov tub ntxhais hluas, lawv xav sib sau los txais Ntuj lus ua ke. mas cov T.P. kuj zoo siab mus xyuas pab neeg ntseeg ntawd nyob hauv lawv tsev ces cov T.P.nrog lawv koom siab koom ntsws teev Ntuj ua ke.
5 : Cov Txiv Plig yuav ua siab dav fo - Tsis ua siab nqaim -.Lawv kuj mus xyuas tej yim neeg ntseeg ,-Hos lawv kuj yuav nrog luag lwm leej lwm tus ntaus phooj ntaus ywg, tsis hais cov neeg coj qub kev cai los pab neeg uas lawv coj Phus Thas kev cai
,,,,,,,,,,,,,,,,
Cov kwv tij, niaj hnub nyem no mas cov Txiv Plig Hmoob kuj tsawg tsawg lauj . Mas thov kom nej rov muab siab rau thov Ntuj tas zaj tas zog. Tej zaus yuav thov Ntuj zoo li no tias :’
“ Peb Txiv khuv leej neeg tas nrho, thov koj hlub tshua peb tsoom Hmoob.- Los txog tav no ,koj tau pub kom tej pab kwv tij Hmoob coob tig los teev hawm koj – Peb yeej nco txog koj tej txiaj ntsim ntawd. Tab sis cov Txiv Plig Hmoob tsawg tsawg. Ua li thov koj xa Leej Ntuj Plig Ntshiab nqes los tshoj tej pab tub hluas Hmoob kom xwv lawv thiaj txiav txim mus kawm txuj ci ces npaj siab ua Leej Choj , Peb Txiv khuv leej neeg tas nrho, thov koj hlub peb

NTUJ AIB Peb thov koj , Huab Tais Leej Txiv Siab Zoo

ZAJ NKAUJ : KUV NYOB NOV,,,NTUJ

Cov kwv tij hmov thiab tshua, hnub no zoo hnub- Yog Huab Tais Ntuj hnub uas peb sib sau los ua Thaj Txi Ntuj – Peb mam li cav lus zoo txog Huab Tais Ntuj ,uas nws tau tsa Yes Xus sawv rov los. Nyem no mus, nej yuav zoo siab mloog peb ib tug qub Vaj Qhia,uas lub npe hu ua Npws Nuas 16 nws tsab ntawv uas txhawb nqa peb txoj kev ntseeg.
Thov kom nej qhib nej siab mloog 3 nqe lus hauv tsab ntawv ntawd.
NQE LUS 1 := Tus neeg tsa muag ntsia Tswv Ntuj, nws mam li pib coj ib lub neej tshiab mus raws qhov tseeb .
= Tus neeg tuaj ntsib Tswv Ntuj uas ciaj sia nyob txawm hauv Leej Pleev, nws mam li muaj peev xwm coj ib lub neej tshiab mus raws qhov tseeb
= NQE LUS 2 := Tswv Ntuj yog tus Txiav Txim tsim peb los ua neeg
=Tswv Ntuj yog tus khuv leej neeg tas nrho- Yog tus hlub tshua peb sawv daws ib leeg dhau ib leeg,
NQE LUS 3 : Tus twg txais Huab Tais Yes Xus Pleev lub Moo Zoo hauv nws tej siab ntsws , nws thiaj los mus ntsib qhov zoo saib tshaj plaws hauv nws siab .
Tus twg soj qab nyiam thiab hlub tshua Huab Tais Pleev, hos nws muab nws txoj kev hlub pub rau lwm leej lwm tus, nws thiaj los mus ntsib qhov zoo saib tshaj plaws hauv nws siab thiab
PAJ NRUAG: Zaj teev Ntuj : Leej Ntuj Plig, koj los mas..Ces rov qab twm.. NQE LUS 1 := Tus neeg tsa muag ntsia Tswv Ntuj, nws mam li pib coj ib lub neej tshiab mus raws qhov tseeb.
.. Tus neeg tuaj ntsib Tswv Ntuj uas ciaj sia nyob txawm hauv Leej Pleev, nws mam li muaj peev xwm coj ib lub neej tshiab mus raws qhov tseeb.
Cov kwv tij, nyob hauv tas txhia haiv neeg nyob thoob ntiaj teb thiaj muaj ntau plhom tus neeg uas khwv khwv kawm ntau txuj ci thoob tsib- Hos peb tsoom ntseeg sawv daws haj yam xav txog ntau zaj lus thoob tsib uas muaj nqe tshaj plaws= Peb tsoom ntseeg kub siab twm NTAWV NTSHIAB uas pab txhawb nqa peb tej siab ntsws kom rov ntshiab dawb huv zuj zus tuaj .
Saib : yog vim Tswv Ntuj Lus, ces Tswv Ntuj niaj hnub pab txhim kho peb tej siab ntsws,ces hauv peb tej siab ntsws, peb mam li ua neeg nplua nuj zuj zus ntag .
Thov kom nej mloog 2-3 qib lus uas Huab Tais Yes Xus tshaj Ntuj Lus hauv NTAWV NTSHIAB mus raws qhov tseeb.-Huab Tais cav lus zoo txog nws Txiv nyob saum ntuj tias :” Txiv, txoj sia uas nyob mus li kuj yog mus zoo li no tias : kom sawv daws daws neeg paub koj uas yog tus Tseem Tswv Ntuj thiab kom sawv daws paub koj Leej Tub ,Huab Tais Yes Xus Pleev- Nws yog tus koj xa tuaj pab cawm sawv daws neeg “ Zam 17:3
Cov kwv tij,peb zoo siab coj tau lub neej mus raws qhov tseeb,vim peb ntseeg khov kho tias:” Muaj ib tug Tswv Ntuj xwb- Hos Tswv Ntuj yeej xav kom tas zeej tsoom txais kev cawm thiab paub qhov tseeb- Hos, nyob ntawm Tswv Ntuj thiab tsoom neeg ki nruab nrab, tsuas muaj ib tug cev lus los hawm koj : yog Huab Tais Yes Xus Pleev- Nws kuj yog neeg thiab –Hos nws muab nws tej siab ntsws los ua nqe txhiv peb sawv daws” 1 Tis Mos Tes 2:4-5
Cov kwv tij, peb muaj peev xwm coj tau lub neej mus raws qhov tseeb. Yog vim li cas peb muaj peev xwm coj lub neej mus raws qhov tseeb ? kuj yog vim nyob hauv peb nruab siab, peb yeej muaj peb tus Huab Tais Yes Xus Pleev, uas nws cawm peb dim ntawm qhov txhaum- Huab Tais khuv leej peb “zoo tshaj qhov peb thov” Es Fes Xos 3:20
Peb mam li zoo siab ua Tswv Ntuj cov me nyuam, nyob hauv Huab Tais Yes Xus Pleev.- Peb niaj hnub zoo siab nco txog Tswv Ntuj tej txiaj ntsim.
PAJ NRUAG
Cov kwv tij, thov kom nej mloog NQE LUS 2 := Tswv Ntuj yog tus Txiav Txim tsim peb los ua neeg.=Tswv Ntuj yog tus khuv leej neeg tas nrho- Yog tus hlub tshua peb sawv daws ib leeg dhau ib leeg,
Cov kwv tij,peb yog ib cov neeg lawb dab - Peb tau txais lub Cim Ntxuav, yam” peb nyob ntawm tog zoo, peb nyob ntawm Tswv Ntuj tog, yog tog uas txais kev cawm”( Hes Nplaws 6:9 )
Yog vim li ntawd,peb niaj hnub khaws Tswv Ntuj Lo Lus tias :” Tswv Ntuj tsim lub ntiaj teb thiab tsim tas puas tsav yam nyob hauv lub sim ceeb- Nws yog tus Huab Tais kav lub ntuj lub teb- Nws yog tus pub txoj sia rau sawv daws’ ( Hauj Lwm
17:24-25
Zoo li txhua txhia zaus peb nrog ib pab kwv tij sib sau los ua Thaj Txi Ntuj, mas peb hais kam lo lus no tias ::”Kuv ntseeg txog Tswv Ntuj- yog Leej Txiv muaj hwj huam tas nrho- Yog tus tsim ntuj tsim teb”
Peb zoo siab hais lo lus ntawd- Tsam peb tsuas hais ntawm di ncauj xwb-
Saib: nyem no mus lawm yav tom ntej, peb puas yuav khaws Tswv Ntuj ib lo lus tseem ceeb tseg tias :”Peb nyob hauv Tswv Ntuj txhais tes,mas peb thiaj muaj txoj sia- Ces peb txawj nti ces peb ciaj sia” Hauj Lwm 17:28
Saib :peb puas khaws Tswv Ntuj lwm zaj lus tseem ceeb tias :”Tswv Ntuj hlub mos nyoos- Nws khuv leej neeg tas nrho- Nws zoo li ib leeg txiv tsev hlub nqee mos nyoos nws cov me nyuam “ Nkauj Paj Nruag 103
Ua li ,tsim nyog thov Ntuj tas zog tias :”Sawv ntxov tsees: thov koj pub koj lub siab hlub rau peb saj kom tsau, ces peb yuav qw zoo siab tas ib sim neej” NPN 90:14

NKAUJ PAJ NRUAG
Cov kwv tij, thov kom nej rov nco NQE LUS 3 tias : Tus twg txais Huab Tais Yes Xus Pleev lub Moo Zoo hauv nws tej siab ntsws ,tus neeg ntseeg thiaj los mus ntsib qhov zoo saib tshaj plaws hauv nws siab .
Tus twg soj qab nyiam thiab hlub tshua Huab Tais Pleev, hos nws muab nws txoj kev hlub pub rau lwm leej lwm tus, ces lwm tus ntseeg nws thiaj los mus ntsib qhov zoo saib tshaj plaws hauv nws siab thiab.
Cov kwv tij ,peb tus qub Vaj Qhia Npws Nuas 16 tau tshaj lo lus txhib peb siab no tias :
Tus twg soj qab nyiam thiab hlub tshua Huab Tais Pleev, hos nws muab nws txoj kev hlub pub rau lwm leej lwm tus paub, nws thiaj los mus ntsib qhov zoo saib tshaj plaws hauv nws siab thiab.
Mas phim peb yuav muab siab rau coj raws Vaj Qhia lo lus kuj yog vim Huab Tais Yes Xus xub tshaj tej lo lus txhib nws cov thwj tim zoo li no:” Nej mus – Nej yuav ua kom tas ib tsoom haiv neeg tig los ua kuv cov thwj tim – Nej qhia kom lawv coj tas puas tsav yam lus uas kuv tau qhia rau nej”.Mas Tais 28 :19-20
Niaj hnub no Huab Tais Yes Xus rov hais tib zaj lus txhib peb siab ntawd rau peb.
Cov kwv tij, zaj lus tias:”Peb nyiam thiab hlub peb tus Huab Tais”, mas Huab Tais hais qhia peb nthuav piav tej kev kaj lug rau lwm leej lwm tus, kom xwv lawv nyob kaj lug kaj nrig ib yam nkaus li peb tsoom ntseeg -..Huab Tais vam txog peb ua tub tshaj Ntuj lus ntag
THOV NTUJ : Huab Tais siab zoo ,thov koj pab peb ua lub luag hauj lwm tshaj Ntuj lub Moo Zoo rau luag raws li koj siab xav. Huab Tais,ua koj tsaug
ZAJ NKAUJ TEEV NTUJ : Kuv nyob nod, Ntuj….

Cov kwv tij hmov thiab tshua , hnub no zoo hnub, rau qhov
tias Huab Tais Tswv Ntuj hu peb los nrog ib pawg ntseeg
sib sau los ua Thaj Txi Ntuj-
Thaum ntawd mas peb sib koom los txais Ntuj Lus ( kom xwv
peb thiaj rov tig los yuav ib lub siab tshiab - Tom qab ntawd
ces peb nrog cov kwv tij neej tsa muab peb tej siab ntsws
thiab tas peb tej hauj lwm los cev rau Tswv Ntuj thiab peb
cav txog Huab Tais Ntuj lub koob meej- Huab Tais Yes Xus
yees muab peb neej ,peb txoj sia los khi rawv rau nws
tus Ntoo Cuam ces peb nrog Huab Tais Yes Xus koom siab
hawm peb Txiv nyob saum ntuj --
– Cov kwv tij hmov thiab tshua,peb zoo siab ua Huab Tais
Yes Xus cov thwj tim nyob hauv lub Koom Txoos Kav Tos Liv.
Vim li cas peb muaj peev xwm hais lo lus ntawd ?
Vim tias Thaj Txi Ntuj yog qhov uas peb saib loj tshaj plaws-
Yeej yog qhov muaj nqi tshaj plaws nyob tas qhov txhia chaws
nyob thoob ntiaj teb.--Yeej yog lub qhov chaw uas Tswv Ntuj
cawm peb dim ntawm ntau yam tsis huv.
Cov kwv tij ,hmo no mas thaum chiv thawj ,mas peb yuav
sib koom qhib peb lub siab los txais Nkauj Paj Nruag 25
uas lub ntsiab lus hais li no tias :TSO SIAB LUG RAU NTUJ
Peb xub thov kom Leej Ntuj Plig Ntshiab nqes los
tshoj peb tej siab ntsws puv npo
PAJ NRUAG:Leej Tswv Yim Ntshiab,koj los mas….
Ua li ,thov kom nej mloog Nkauj Paj Nruag 25.
“Huab Tais,kuv cev kuv tus plig nce tuaj rau koj.
Kuv tus Tswv Ntuj , kuv tso siab rau koj -
Koj txhob cia kuv poob ntsej muag-
Xav kom kuv cov yeeb ncuab txhob yeej kuv .
Cov neeg tos koj, tsis muaj ib tug poob ntsej muag li –,
Hos cov neeg ntxeev siab poob ntsej muag ,
lawv nyob tes dawb tes npliag.
Huab Tais, koj qhia koj txoj xub kev rau kuv paub.
Koj coj kuv mus taug koj txoj kev tseeb,
vim koj yog tus Tswv cawm kuv .Kuv niaj hnub tos koj –
Huab Tais, koj xav txog koj lub siab hlub mos nyoos thiab
koj lub siab nyiam ruaj uas koj ib txwm muaj- Huab Tais,
ib txwm los, koj nco txog kuv vim koj hlub kuv –
Koj xav txog kuv vim koj siab zoo—.Huab Tais,thov koj
zam kuv cov txhaum uas loj tas nrho,vim koj lub npe nto
koob meej-
Thov koj tig los ntsia kuv- Thov koj khuv leej kuv, vim kuv
ib leeg twm zeej- kuv tu siab –
Thov koj so kuv cov txhaum tas tib si .-Koj txuag kuv txoj sia !
Koj npo kuv mog ! Kuv muab koj los ua kuv lub chaw nkaum !
Thov kom kev ncaj ncees thiab kev siab dawb
txuag kuv, vim kuv tos koj--.Thov koj npo peb dim ntawm
peb tej kev txhawj xeeb mas !”
PAJ NRUAG .
Cov kwv tij ,tim li cas peb yuav hu txog peb Txiv
nyob saum ntuj tas npaud ? vim tias peb TSO SIAB LUG
txog Tswv Ntuj kev nyiam kev hlub uas muaj zoo tas nrho.
Peb paub tseeb tias muaj Ntuj tej lo lus txhib peb tej kev
ntseeg txog zaj lus no tias : Kuv niaj hnub tos koj –
Huab Tais, koj xav txog koj lub siab hlub mos nyoos thiab
koj lub siab nyiam ruaj uas koj ib txwm muaj -
.Huab Tais,koj nco txog kuv vim koj hlub kuv –
Koj xav txog kuv vim koj siab zoo
Cov kwv tij, peb niaj hnub zoo siab ntseeg tias : Huab Tais
Tswv Ntuj yog tus tsim ntuj tsim teb- Nws lub hwj chim lub hwj
huam loj tas nrho. Tab sis Ntuj Lo Lus uas haj yam nplij peb
siab kom zoo thiaj yog tej lus uas peb nyuam qhuav mloog
hauv Nkauj Paj Nruag 25..Hos muaj ntau phab ntawv
hauv Ntawv Ntshiab uas
qhia peb txog zaj tib yam ntawd. Zoo li hauv Zam
Tsab Ntawv 1peb zoo siab twm 3-4 qib lus meej pem
zoo li no tias :”Tswv Ntuj nyob txawm hauv nej
–Nws loj dua tus nyob hauv lub qab ntuj
neeg –Tswv Ntuj yog txoj kev nyiam- ces peb ntseeg ruaj
tias Tswv Ntuj yog txoj kev nyiam-
Tus twg nyob hauv txoj kev nyiam, mas nws kuj nyob txawm
hauvTswv Ntuj thiab Tswv Ntuj nyob txawm hauv nej”
1 Zam 4:4 + 8 + 16
Cov kwv tij, tsim nyog kawm 2 qib lus no hauv nruab siab
tias :
Tswv Ntuj yog txoj kev nyiam thiab Tswv Ntuj nyob txawm
hauv nej..
Cov kwv tij, yog vim 2 qib lus,mas tsim nyog peb ntseeg txog
Tswv Ntuj tib leeg- thiab tsim nyog peb TSO SIAB LUG
txog 2 yam tseem ceeb no tias
1 : Niaj hnub no Tswv Ntuj cawm peb dim ntawm qhov txhaum
2 : Peb yuav txais lub cuab tam pem Tswv Ntuj lub Ceeb Tsheej.
NQE LUS 1 : 1 : Niaj hnub no Tswv Ntuj cawm peb dim
ntawm qhov txhaum-
= Nyob ub nyob no,mas tej tus neeg ntseeg xav tswv yim yuam
kev tias : Peb tsuas txais Ntuj tej txiaj ntsha cawm peb dim
ntawm qhov txhaum ib nyuag zaug xwb , uas yog hnub
peb tau txais lub Cim daws txhaum ..
= Teb tias : txhua txhia hnub hauv peb lub neej, mas ntau ntau
zaus peb yuav tsa muag TSO SIAB LUG thiab peb hu txog
Tswv Ntuj
los yaug peb tej txhaum pov tseg.-Yog thaum peb sib sau ua ke
hauv peb tsev neeg, thiab yog txhua txhia Hnub Chiv
uas peb ua Thaj Txi Ntuj- Tsis tas li ntawd xwb, peb ntseeg tias
nyob hauv peb lub Koom Txoos Kav Tiv ,peb zoo siab txais ib
lub Cim tseem ceeb, uas lub npe hu ua lub Cim Daws Txhaum-
Yam li hauv lub Cim daws txhaum ntawd,
mas Huab Tais Yes Xus yees muab nws tej kev hlub uas muaj
zog tas nrho los cawm peb ntawm qhov txhaum neeg ,
raws li Huab Tais lub Moo Zoo qhia peb tias: “Txawm tias yog
muaj ib tug tau ua txhaum lawm, los peb muaj ib tug cev lus rau
Leej Txiv : tus ntawd yog Yes Xus Pleev, tus siab ncaj- Yes Xus
yeem tuag, vim nws muab nws los ua nqi txhiv peb cov txhaum –
Tsis yog txhiv peb xwb - Nws txhiv tas lub lub qab ntuj dim
ntawm lawv cov txhaum huv tib si “ 1 Zam 2:1-2
Li ntawd ,hauv ib lub xyoo, mas ib zaug los 2 zaug tej,
peb mam li zoo siab mus txais LUB CIM DAWS TXHAUM
PAJ NRUAG
NQE LUS 2 :.. Peb yuav txais lub cuab tam pem
Tswv Ntuj lub Ceeb Tsheej.
Cov kwv tij, tab txawm peb xav txog kev mob nkees thiab
kev ploj kev tuag , los peb tsis ntaus siab yau- Peb ua siab loj,
ua siab tawv qhawv, vim tias peb TOS NRHW thiab
TSO SIAB LUG txog hnub zoo tshaj plaws uas yog hnub
peb yuav tau nrog Tswv Ntuj nyob , rov mus txog txhiab niag
tim puas xyoo,nyob pem Tswv Ntuj lub Ceeb Tsheej ,tsis tu ncua.
Cov kwv tij,thov kom nej mloog tus Hauv Paus Xa Lus Paj Lug
lo lus , uas yog Lo Lus tseeb tias :” Nej yuav zoo siab
ua peb Txiv nyob saum ntuj tsaug- Saib : peb Txiv tau hu nej
los nrog nws cov ntshiab koom txais ib txog hmoov
nyob hauv qhov pom kev -.Huab Tais Leej Txiv tau rho peb
dim ntawm lub Ceeb Tsheej tsaus ntuj los- Nws coj peb los
nyob hauv nws Leej Tub Yes Xus lub Ceeb Tsheej –
Nyob hauv Leej Tub, peb tau txoj kev cawm” Kos Los
Xais 1:12-14
Cov kwv tij, peb yuav nco ntsoov tias yog vim peb tau lawb
dab thiab peb tau txais lub Cim Ntxuav thiab lub Cim
txhab zog mas “-.Huab Tais Leej Txiv tau rho peb dim
ntawm lub Ceeb Tsheej tsaus ntuj los- Nws coj peb los
nyob hauv nws Leej Tub Yes Xus lub Ceeb Tsheej –
Cov kwv tij, Ntuj Lo Lus no yog tej lus tob kawg tias : peb
tseem tsev tsis yog nyob ntiaj teb no – Tab sis peb tus ntsuj
tus plig twb nyob hauv Tswv Ntuj lub Ceeb Tsheej-
Zoo li nyem no mas tseem tsis tau txog hnub uas peb lub cev
nqaij chaws los hauv Tswv Ntuj lub Ceeb Tsheej.
Tab sis ,peb TSO SIAB LUG tias yuav tau muaj ib hnub lom
zem tshaj plaws uas peb yuav tau txais lub cuab muaj hwj chim
raws li Tswv Ntuj lo lus hais -Thov kom nej mloog tus Hauv Paus
Xa Lus Pob Zeb lo lus hais txog lub hauv ntsis ntawm peb lub
neej tias : peb yuav tau nrog Tswv Ntuj nyob ntag :Leej Ntshiab
Pob Zeb tshaj tej lo lus no tias :“Tswv Ntuj xav pub lub cuab tam
uas tsis txawj lwj ,tsis tsuas thiab tsis txawj nphob rau peb-
Tswv Ntuj tshwj zias lub cuab tam ntawd rau peb nyob saum ntuj-
Yog vim nej ntseeg, mas Tswv Ntuj muab nws lub hwj huam los
txuag nej, kom nej yuav tau txais txoj kev cawm neeg
uas yuav tawm tuaj hnub kawg “ 1 Pob Zeb 1:4
== Cov kwv tij, peb lub cuab tam uas tsis txawj lwj ,tsis tsuas
thiab“ tsis txawj nphob thiaj yog txoj sia muaj hwj chim, raws li qhov
uas Huab Tais Yes Xus tau txais ntawm Huab Tais Leej Txiv los.
Cov kwv tij Tswv Ntuj Lo Lus ( li Leej Ntshiab Pob Zeb tau
tshaj tawm ) thiaj yog zaj lus mus raws qhov tseeb tias :” Tswv
Ntuj yuav pub peb “txais txoj kev cawm neeg uas yuav tawm
tuaj hnub kawg “.
PAJ NRUAG
Cov kwv tij ,2 zaj lus ( uas muaj tuaj hauv NTAWV NTSHIAB,)
raws li ob tug Hauv Paus Xa Lus Paj Lug thiab Pob Zeb tshaj
tawm mas xam tias: tsim nyog yuav rov pub rau nej mloog ib zaug
ntxiv, thiaj yog .
Thov kom nej rov mloog tus Hauv Paus Xa Lus Paj Lug zaj lus
tias :” Nej yuav zoo siab ua peb Txiv nyob saum ntuj tsaug-
Saib : peb Txiv tau hu nej los nrog nws cov ntshiab koom
txais ib txog hmoov nyob hauv qhov pom kev -.Huab Tais
Leej Txiv tau rho peb dim ntawm lub Ceeb Tsheej tsaus ntuj los-
Nws coj peb los nyob hauv nws Leej Tub Yes Xus lub Ceeb
Tsheej – Nyob hauv Leej Tub,peb tau txoj kev cawm”
….Tsis tas li ntawd ,thov kom nej rov mloog tus Hauv Paus Xa
Lus Pob Zeb zaj lus uas txhib peb siab kom xwv peb TSO SIAB
LUG mus raws qhov tseeb tias :”. Tswv Ntuj xav pub lub cuab
tam uas tsis txawj lwj ,tsis tsuas thiab tsis txawj nphob rau peb-
Tswv Ntuj tshwj zias lub cuab tam ntawd rau peb nyob saum ntuj-
Yog vim nej ntseeg, mas Tswv lub hwj huam thiaj txuag nej,
kom nej yuav tau txais txoj kev cawm neeg uas yuav tawm tuaj
hnub kawg “
---Cov kwv tij, thov kom nej mloog ib zag lus txawv txav tias
:.nej twb paub tias hauv peb tej pawg ntseeg Kav Tos Liv ,
peb twb muaj 6 tus Txiv Plig thiab 4 tus Leej Phauj
Hos peb zoo siab tshaj xov xwm rau nej tias : tom Cob Tsib
teb thiaj yeej muaj peb 2 tug phooj ywg uas tab tom kawm
txuj ci .Ces nkawd siab ruaj nreb npaj siab ua Leej Choj
( ua Txiv Plig). Tab sis yeej tsis txaus.Yog vim li ntawd ,thov
kom nej sawv daws kub siab ua ib yam tseem ceeb .Yam li
kom nej thov Ntuj tas zog, tseev kom Tswv Ntuj pab xaiv
peb ib cov tub ntxhais hluas los mus kawm txuj ci, ces lawv
yuav npaj siab ua Leej Choj thiab ua Leej Phauj- Thaum nej
thov Ntuj pov hwm peb tsoom Hmoob Kav Tos Liv, uas yog
hais txog qhov tseem ceeb no,mas yuav nco txog qib lus uas Huab
Tais Yes Xus tau cog tseg tias :”NEJ THOV , CES NEJ YUAV
TAU TXAIS “.Mas Tais 7:7


=== LUB NTSIAB LUS ntawm zaj lus uas hmo no
peb tau zoo siab tshaj tawm tuaj rau nej mloog-
Ces nej mam li coj tau
lub neej nyob thaj yeeb nyab xeeb thiab lub neej
nyob tiaj tus, tsis tu ncua kiag .
--Thaum chiv thawj, peb tau zoo siab txais Ntuj Lo Lus
uas nplij peb siab – Tej lo lus ntawd txhawv ntawm
Nkauj Paj Nruag 25 tias : Huab Tais, koj xav txog koj
lub siab hlub mos nyoos thiab koj lub siab nyiam ruaj
uas koj ib txwm muaj- Huab Tais, ib txwm los,
koj nco txog kuv vim koj hlub kuv – Koj xav txog kuv
vim koj siab zoo…
Tom qab ntawd ,peb tau ntaus tswv yim txog NQE LUS 1
tias :.. 1 : Niaj hnub no Tswv Ntuj cawm peb dim ntawm
qhov txhaum-- Thov koj so kuv cov txhaum tas tib si .
-Koj txuag kuv txoj sia ! Koj npo kuv mog !
Kuv muab koj los ua kuv lub chaw nkaum !
Thov kom kev ncaj ncees thiab kev siab dawb
txuag kuv, vim kuv tos koj--.Thov koj npo peb dim ntawm
peb tej kev txhawj xeeb mas !”
== Hos peb tau ntaus tswv yim txog NQE LUS 2 tias:
.. :.. Peb yuav txais lub cuab tam pem Tswv Ntuj
lub Ceeb Tsheej. Cov kwv tij , ob nqe lus
ntawd kuj txhawb zog rau peb lub neej ntseeg . Yog vim
qhov ntawd ces Huab Tais Yes Xus yuav tau pub peb
TSO SIAB LUG ,yoog raws li Huab Tais Yes Xus thiab
nyob txawm hauv Huab Tais, tsis tu ncua .

THOV NTUJ :Peb Txiv khuv leej neeg tas nrho. Peb nco
ntsoov tias :yav dhau los,nyob teb chaws Suav ,teb chaws
Cob Tsib thiab teb chaws Los Tsuas ,koj tau xaiv ib cov
kwv tij Hmoob txiav txim hloov siab los pib ntseeg ruaj
txog koj ,uas yog peb Txiv siab zoo nyob saum ntuj –
Lawv kuj ntseeg txog tus Huab Tais Yes Xus, tus cawm neeg
, thiab ntseeg txog Leej Ntuj Plig Ntshiab-
--- Peb Txiv khuv leej neeg tas nrho ,koj tau pov hwm
peb ib cov kwv tij zoo kawg nkaus, ces lawv yog koj cov
me nyuam – Lawv kuj yog Huab Tais Yes Xus cov kwv
cov muam – Lawv kuj yog ib lub tsev rau Leej Ntuj Plig
Ntshiab nyob -
Txiv siab zoo, ib txwm los, koj pheej xeeb rau tej pab Hmoob
uas koj xaiv los ua koj tug. Li ntawd, peb TSO SIAB LUG
tias nyem no mus lawm yav tom ntej koj yuav hlub tshua
lawv sawv daws thiab koj yuav pheej xeeb rau peb
tsoom Hmoob , tsis tu ncua.
Tsis tas li ntawd xwb ,thov koj xaiv ib cov tub ntxhais hluas los mus
kawm txuj ci. Ces lawv yuav ua Leej Choj thiab ua Leej Phauj .
Peb Txiv khuv leej neeg tas nrho . Peb zoo siab nco txog koj
tej txiaj ntsim tag mus li.
T.P. Txhiaj Foom omi .

HU NKAUJ : Tswv Ntuj tsim peb los ua neeg….
+ “ Yes Xus, peb yuav rov yug los

Cov kwv tij hmov thiab tshua, hnub no zoo hnub, uas peb tsoom ntseeg Kav Tos Liv sib sau ua Thaj Txi Ntuj . Yog txoj hauj lwm tseem ceeb tshaj plaws uas Huab Tais Yes Xus qhia Ntuj Lo Lus rau peb thiab nws pub peb nrog Huab Tais koom txi Ntuj ua ke. Ho peb ib txhij zoo siab txais Huab Tais Yes Xus lub Cev Ntshiab dawb huv.
Cov kwv tij, txhua txhia xyoo, txog lub 11 hlis,hnub 2 mas peb tsoom ntseeg nco txog peb cov kwv tij neej tsa uas tau tas sim neej .Nyob tom ntxas peb haj yam nco txog lawv. Peb kuj hais tej zaj teev Ntuj los thov Tswv Ntuj khuv leej peb cov kwv tij ntawd huv tib si .
Yog vim qhov ntawd ces hnub no peb yuav nthuav piav 2-3 zaj lus no tias
Lub hauv ntsis ntawm peb lub neej yog dab tsi ?
Tswv Ntuj yeej xav kom peb coj lub neej nyob kaj lug kaj nrig..
1 : : Lub hauv ntsis ntawm peb lub neej yog dab tsi ?-

Peb tsoom ntseeg paub tias : lub hauv ntsis ntawm peb lub neej yog qhov tias peb yuav tau nrog Tswv Ntuj nyob. Peb kuj yuav tau zoo siab txais ib feem ntawm Huab Tais Yes Xus lub hwj chim pem Tswv Ntuj lub Ceeb Tsheej tuaj - Peb kuj yuav teev hawm peb tus Huab Tais rov mus txog txhiab niag tim puas xyoo .
Thov kom nej xub mloog ib zaj lus ua piv txwv tias: zoo li muaj ib tug neeg zaum hauv lub tsheb nqaj tau 50 los 90 xyoo. Nws tau kev noj kev haus…nyeem tau tej phau ntawv tseem ceeb, nrog lwm tus sib tham…Tab sis tsis muaj ib nyuag zaus uas tus neeg ntawd nws yuav tau nug lwm tus uas nyob ntawm nws ib sab tias ;”’ Thaum peb txog qhov chaw peb mus mas peb yuav ua dab tsi no ned ? “.Thiab nws tsis nug tias : “ Ib ntsis, thaum peb txog qhov ntawd mas leej twg yuav tos txais kuv ?”
Peb yuav xav li cas txog tus neeg ntawd uas nws tsis paub tias : “Hnub no kuv yuav nqes ntawm lub tsheb nqaj, kuv thiaj yuav ua dab tsi ? Puas yuav tau muaj neeg tos txais kuv ? “ ,Mas tsam peb yuav muab zaj ua piv txwv no txhais zoo li no tias : “Tsam tus neeg ntawd tsis xav txog qhov tseem ceeb rau hauv nws lub neej.. Nws tsis xav txog ib zaj lus thoob tsib kiag .zoo cuag li nws yog neeg vwm lauj !”
Cov kwv tij od , tus tib neeg twg uas tsis xav txog lub hauv ntsis ntawm nws lub neej mas tsis muaj txoj kev thoob tsib hauv nws lub siab lawd – Ces hais tau tias nws lub neej mag kev tsaus ntuj nti .
Ntawm peb tsoom neeg ntseeg Ntuj, mas peb zoo siab qhib xyuas Ntawv Ntshiab uas Tswv Ntuj qhia ntau zaj lus thoob tsib txog lub hauv ntsis ntawm peb lub neej ,ces peb thiaj pom kev zuj zus
Saib : Ntawv Ntshiab qhia peb zoo li no tias:” Huab Tais Tswv Ntuj , peb yuav luag mem tsis tau tias muaj dab tsi nyob ntiaj teb no. Peb siv siv zog thiaj nrhiav tau tej yam uas nyob ze ntawm peb txhais tes.- Ua li mas yog leej twg thiaj yuav nrhiav tau tej yam uas nyob saum ntuj ? Huab Tais, leej twg yuav paub tau koj lub siab yog koj tsis pub kev thoob tsib tuaj saum ntuj tuaj ? yog paub li ntawd, cov neeg nyob ntiaj teb no tej xub ke ncaj tuaj .Kev thoob tsib tau cawm lawv” ( Thoob Tsib 9:16 –18)
Cov kwv tij, kev thoob tsib yuav tau nrog peb nraim, tsuas yog peb qhib xyuas Ntawv Ntshiab. Peb yim kub siab nyeem Tswv Ntuj Lo Lus, peb yim mloog Tswv Ntuj lus qhia peb txog lub hom phiaj ntawm peb lub neej, peb mam li nyob kaj lug kaj nrig coj tau lub neej ntxiv mus los mas .
Thov kom nej qhib nej siab los mloog 2 zag lus tseeb hauv Zam Ntawv Moo Zoo.
= Zaj lus 1 mas hauv zaj 11, peb thiaj nyeem tej lo lus no uas txhib peb siab tias ; “Hauv lub zos Npes Tas Nias ,Huab Tais Yes Xus tus phooj ywg Las Ntxas Los tau tas sim neej- Nws twb zwm ntxa tau 4 hnub lawm- Hos Yes Xus mam li txog Las Ntxas Los lub qub tsev. Yes Xus hais rau Mas Tas ,uas yog Las Ntxas Los tus muam tias :”Koj tus nus yuav sawv rov los”- Mas Tas hais rau Yes Xus tias :”Kuv paub tias thaum txog Hnub Kawg, lub caij leej tib neeg lub cev ciaj rov los, mas Las Ntxas Los yuav sawv rov los”- Yes Xus hais rau Mas Tas tias:” Kuv yog Txoj Kev Sawv Rov Los thiab yog Txoj Sia. Tus neeg twg kuj xij mas tab yog nws tuag lawm, nws tseem yuav muaj txoj sia nyob- Koj puas ntseeg qhov ntawd ?”- Mas Tas hais rau Yes Xus tias :”Huab Tais, kuv ntseeg.- Kuv ib txwm ntseeg hais tias koj yog Tswv Ntuj Leej Tub tuaj nyob hauv lub qab ntuj no” Zam 11:23-27
Cov kwv tij, Huab Tais Yes Xus tshaj lus ruaj nreb tias cov neeg tus ntsuj plig yuav ciaj sia nyob - Peb yuav nco tias : Yes Xus yog Tswv Ntuj Leej Tub -Tej lo lus uas Huab Tais Yes Xus tau tshaj tawm thiaj yog Lo Lus Tseeb- Ces ntau plhom tus neeg kuj tau paub tias tas sawv daws tus ntsuj plig yuav ciaj sia nyob- nws yuav tsis ploj ntais.
Ces niaj hnub no, hauv ntau lub teb chaws, tej pab neeg coob zoo siab ntseeg tias txog lub hauv ntsis ntawm peb lub neej raws li lo lus Huab Tais Yes Xus tau hais tseg, tias tus tib neeg tus ntsuj plig tseem muaj txoj sia nyob .
Ces peb cov neeg ntseeg zoo siab ntseeg ruaj nreb khov kho tias : Yes Xus sawv ntawm cov neeg tuag rov los - Ces txog hnub muaj ib siab ob qis, mas cov neeg ntseeg ntawd tseem ua siab loj siab tawv qhawv .Lawv tos nrhw txog hnub lawv lub cev nqaij daim tawv yuav sawv rov los thiab yuav tau nyob pem ntawm Tswv Ntuj lub xub ntiag – Ces dhau lub caij them txim txhaum lawd, neeg thiaj yuav tau mus pem Tswv Ntuj lub Ceeb Tsheej.
Thov kom nej mloog ib tug neeg ntseeg tej lus tso siab lug txog lub hauv ntsis ntawm nws lub neej. Nws lub npe hu ua Leej Ntshiab Is Nyas Xyus .Nws sau tej lus no tias: ”

: “Txhua txhia hnub uas yus nyob hauv Huab Tais Yes Xus lub npe ntshiab dawb huv thiaj yog qhov muaj nqe dua kev ua vaj tswj kav tas lub ntiaj teb- Hos tus uas kuv saib loj tshaj plaws yog Huab Tais Yes Xus uas nws muab nws lub neej txi Ntuj kom tau pab cawm sawv daws neeg.- Li ntawd thaum kuv yuav tso lub ntiaj teb no tseg mas kuv thiaj tso siab lug kuv yuav nyob pem Tswv Ntuj lub Ceeb Tsheej – Kuv thiaj yuav tau nrog Huab Tais Yes Xus nyob nraim rov mus txog txhiab niag tim puas xyoo . Ua li ,kuv yuav tau coj ib ib lub tsheej neeg ntag“

Zaj lus 2 hauv Zam Ntawv Moo Zoo : “ Nej tsis txhob ntxhov siab mog- Nej ntseeg txog Tswv Ntuj - Nej kuj yuav ntseeg txog kuv thiab mog – Nyob hauv kuv Txiv tsev, muaj ntau chav- Thaum kuv npaj tau ib qhov chaw rau nej lawm, kuv yuav rov qab los coj nej mus nyob ze kuv, kom xwv kuv nyob qhov twg, nej thiaj yuav tau nrog kuv nyob qhov ntawd - Kuv yog Txoj Kev,yog Qhov Tseeb thiab yog Txoj Sia”
Zam 14: 1-6
Cov kwv tij hmov thiab tshua, peb tau ntseeg Ntuj khov kho kuj yog vim Leej Ntuj Plig Ntshiab tau nqes los tshoj peb siab puv npo tias Huab Tais Yes Xus Lo Lus yog Lo Lus tseeb- Peb thiaj tso siab lug txog lub hauv ntsis ntawm peb lub neej yuav tau mus raws li Huab Tais Lo Lus hais tiag : peb yuav tau nrog Huab Tais Yes Xus nyob,pem Tswv Ntuj lub Ceeb Tsheej .
Tsim nyog peb khaws Huab Tais Lo Lus tias :” Kuv yuav rov qab los coj nej mus nyob ze kuv, kom xwv kuv nyob qhov twg, nej thiaj yuav tau nrog kuv nyob qhov ntawd”.
PAJ NRUAG .
Cov kwv tij, phim yuav khaws ib cov Hauv Paus Xa Lus tej zaj lus tseem ceeb.- Peb thiaj tsis ua xyem xyav txog lub hauv ntsis ntawm peb lub neej. Thov kom nej qhib nej siab los mloog cov Hauv Paus Xa Lus lawv tej zaj lus.
Leej Ntshiab Paj Lug tshaj lub Moo Zoo no tias :
“Peb xav kom nej paub txog cov neeg uas pw tsaug zog mus li-Thaum nej muaj ib tug neeg tuag, nej yuav tsis txhob tu siab xws li cov neeg uas tsis muaj kev tso siab- Yes Xus tuag thiab sawv rov los lawm- Peb thiaj tso siab lug tias cov neeg mus pw tsaug zog nyob hauv Yes Xus, mas Tswv Ntuj yuav coj lawv mus nrog Tswv Ntuj nyob mus li – Peb sawv daws yuav nco ntsoov txog cov lus no, peb thiaj rov sib pab ua siab loj “ 1 Tes Xas Los Nis 4:13-18
1 Tes Xas Los Nis 4:13-18
Tim li cas peb yuav tsis ua xyem xyav, ces yuav tsis ntshai kev mob kev nkeeg kev ploj kev tuag ? vim tias… Tswv Ntuj yuav coj peb mus nrog Tswv Ntuj nyob mus li. Lub Moo Zoo uas nplij peb siab kom zoo thiaj yog Tswv Ntuj Lo Lus ntawd ntag.-Yeej yog lub hauv ntsis ntawm peb lub neej .
Cov kwv tij,hauv Ntawv Cog Lus Tshiab, mas tseem tshuav ntau qib lus uas txhab zog rau peb lub siab ntseeg. Thov kom nej mloog Leej Ntshiab Paj Lug qib lus no tias :”Tswv Ntuj uas muaj hwj huam loj tas nrho, nws thiaj tau tsa Huab Tais Yes Xus sawv rov los- Nws kuj yuav tsa peb nrog Yes Xus sawv ntawm kev tuag rov los- Nws yuav coj peb mus nrog nej nyob ze Yes Xus thiab“ 1 Kos Lis Nthos 6:14 + 2 Kos Lis Nthos 4:14
Cov kwv tij, peb nyob kaj lug kaj nrig ntseeg Leej Ntshiab Paj Lug Lo Lus tias : “ Tswv Ntuj yuav coj peb mus nrog nej nyob ze Yes Xus thiab“.
Mas muab txhais tias :pem Tswv Ntuj lub Ceeb Tsheej peb thiaj yuav rov nrog peb niam peb txiv. thiab peb cov kwv tij neej tsa nyob ntag.
Cov kwv tij, tsim nyog peb yuav mloog Ntuj Lus ,uas txhib peb siab nco txog Tswv Ntuj tej txiaj ntsim,uas loj tas nrho, xws li Leej Ntshiab Paj Lug lo lus txhib peb siab no tias:” Nej yuav zoo siab ua nej Txiv tsaug,vim tias nej Txiv hu nej los nrog nws cov ntshiab koom txais ib txog hmoov nyob hauv qhov pom kev- Huab Tais Leej Txiv tau rho peb dim ntawm lub ceeb tsheej tsaus ntuj los- Nws tau coj peb los nyob hauv nws Leej Tub lub Ceeb Tsheej- Nyob hauv Tswv Ntuj Leej Tub, uas yog peb tus Huab Tais Yes Xus Pleev,peb tau txoj kev cawm thiab txoj kev zam txhaum” Kos Los Xais 1:12-14
Cov kwv tij,Tswv Ntuj lub luag hauj lwm cawm peb dim ntawm qhov txhaum, mas Tswv Ntuj ua qhov ntawd tag mus li, tsis tu ncua- Ces tsim nyog tsa muag nco txog Tswv Ntuj, tsis muaj caij so li.
Cov kwv tij, xam pom tias nej tau khaws Leej Ntshiab Paj Lug qib lus meej pem tias :”Yav dhau los, nej yog qhov tsaus ntuj nti- Zaum no,nej yog qhov pom kev nrig “ Es Fes Xos 5:8
PAJ N RUAG
TEEV NTUJ : Peb Txiv khuv leej neeg tas nrho, peb ua koj tsaug, vim tias koj tau qhia peb txog lub hauv ntsis ntawm peb lub neej, yam peb lub hom phiaj muaj nqe tshaj plaws yog lub neej ci ntsa iab pem Tswv Ntuj lub Ceeb Tsheej. Nyob ntawm koj xub ntiag, peb thiaj yuav tau nyob kaj lug kaj nrig, rov mus txog txhiab niag tim puas xyoo. Peb kuj thov koj xa Leej Ntuj Plig Ntshiab nqes los tshoj peb ib cov kwv tij neej tsa Hmoob, ces fab hauv peb tus ntsuj tus plig , peb thiaj yuav tau npuab koj lub siab tas mus li- Huab Tais Leej Txiv,tus Tswv khuv leej neeg tas nrho, peb ua koj tsaug ntau ntau.

T.P. Txhiaj Foom omi

Zaj nkauj : Qhov peb xav pom yog tus Leej Txiv
Tswv Ntuj, niaj hnub sawv ntxov ..
= Tswv Ntuj tsim peb los ua neeg ….

Cov kwv tij hmov thiab tshua, hnub no zoo hnub: yog Hnub Chiv uas peb tsoom ntseeg Kav Tos Liv nyob kaj lug kaj nrig mus tom tsev teev Ntuj ces thiaj ua Thaj Txi Ntuj. Tim li cas peb nyob kaj lug kaj nrig mus ua qhov ntawd ? vim tias txij ntawm xyoo 33 ( uas Huab Tais Yes Xus nce mus lawm saum ntuj ) rov los txog xyoo no mas peb kuj ntseeg khov kho tias : hauv Thaj Txi Ntuj mas Huab Tais Yes Xus ( uas tau yeej txoj kev tuag lawm ) nws thiaj txais peb nrog Huab Tais koom ua Thaj Txi Ntuj ua ke . Huab Tais txais peb lub neej, peb txoj sia, peb tej hauj lwm, peb tej kev zoo siab kev nyuaj siab los khi rawv rau nws tus Ntoo Cuam- ces Huab Tais muab cev rau nws Leej Txiv. Li ntawd Huab Tais thiab peb tsoom ntseeg sib koom siab koom ntsws hawm peb Txiv thiab thov peb Txiv nyob pem Tswv Ntuj lub Ceeb Tsheej txhab zog rau hauv peb siab- Li ntawd txhua txhia Hnub Chiv thiaj yog hnub tseem ceeb tshaj plaws, peb thiaj tsis nruam Thaj Txi Ntuj ib zaug li- Thaum ntawd peb nplua nuj zuj zus hauv Tswv Ntuj tej txiaj ntsim . Cov kwv tij, hnub no yog zaus 2 uas peb zoo siab tshaj lus nthuav piav zaj lus tseem ceeb tias :” ntseeg txog leej neeg lub cev kev sawv rov los- ntseeg txog muaj txoj sia nyob mus li”
Peb sib koom siab koom ntsws hais zaj teev Ntuj ‘LEEJ NTUJ PLIG , KOJ LOS MAS
Yav dhau los mas nej twb tau mloog 7 nqe lus hauv Ntawv Ntshiab hais txog LEEJ NEEG LUB CEV KEV SAWV ROV LOS.+ NTSEEG TXOG MUAJ TXOJ SIA NYOB MUS LI.- Hnub no nej yuav rov zoo siab mloog 4-5 zaj lus ( hauv NTAWV NTSHIAB ) uas hais txog tib zaj ntseeg ntawd uas yog qhov tseeb – Peb tej kev ntseeg niaj hnub txhab zog hauv peb lub siab, peb mam li tsis ntshai kev mob kev nkeeg, kev ploj kev tuag- Hais qhov tseeb : Huab Tais Yes Xus yees pub peb tso siab lug, raws li Huab Tais thiab nyob hauv Huab Tais
NQE LUS 1 tias : “Peb twb paub tseeb tias yuav tau muaj ib hnub peb yuav pom Huab Tais Yes Xus lub hwj chim- ..1 Zam 3:1-2 + Kos Los Xais 3:4
NUG : “ Peb twb paub tseeb tias yuav tau muaj ib hnub peb yuav pom Huab Tais Yes Xus lub hwj chim-;.Li ntawd, peb tso siab lug tias : thaum Huab Tais Yes Xus yuav tawm los rau pom xyeem, mas peb yuav tau nrog Huab Tais koom tawm los thiab peb yuav muaj hwj chim zoo li Huab Tais” 1 Zam 3:1-2 + Kos Los Xais 3:4 Cov kwv tij, phim yuav xav tias :. Ua cas peb twb paub tseeb tias yuav tau muaj ib hnub peb yuav pom Huab Tais Yes Xus lub hwj chim-?;..
TEB tias : Peb twb paub tsmaseeb qhov ntawd ,kuj yog vim chiv thawj yog lub caij twg peb tau pib ntseeg Ntuj – Thiab yog thaum peb lawb dab thiab tau txais lub Cim Ntxuav thiab lub Cim Txhab Zog- Tsis tas li ntawd xwb,,mas txhua txhia Hnub Chiv peb los mus ua Thaj Txi Ntuj, mas Leej Ntuj Plig Ntshiab tau nqes los tshoj peb siab- Peb niaj hnub no zoo siab ntseeg khov kho tias Huab Tais Yes Xus,uas yog Tswv Ntuj Leej Tub , tau txais yeej kev tuag thiab nws nce mus lawm saum ntuj. Ces txhua txhia ua Thaj Txi Ntuj, peb zoo siab hais lo lus tseem ceeb no tias : Kev ua Vaj, kev muaj hwj huam, kev nto koob meej yog koj tug mus tas ib txhiab ib txhis.
.. PAJ N RUAG : zaj teev Ntuj ZAJ NTSEEG
Zaj ntseeg kuj mus li no tias :” Kuv tus Huab Tais, koj tsis txawj yuam kev- Koj tsis xav kom peb yuam kev- Kuv ntseeg tas ib puas tsav yam koj qhia rau peb- Kuv ntseeg tas ib puas tsav yam lub Koom Txoos qhia rau peb”.
Nyem no mus , peb yuav nthuav piav zaj lus no tias :”. Peb tso siab lug tias : thaum Huab Tais Yes Xus yuav tawm los rau pom xyeem,mas peb yuav tau nrog Huab Tais koom tawm los thiab peb yuav muaj hwj chim zoo li Huab Tais”
Cov kwv tij ,peb twb tso siab lug txog qhov ntawd vim tias hauv Ntawv Ntshiab Tswv Ntuj qhia peb tias :Dhau lub caij peb muaj ib siab ob qis mas peb tsis mus thawj thiab - peb yuav tsis rov qab los coj ib lub neej tshiab ( los ob peb lub neej tshiab )-.Hauv tsab ntawv rau cov Hes Nplaws zaj 9 qib 27 peb thiaj twm tau ib lo lus meej pem tias:” Leej tib neeg tsuas tuag ib zaug xwb”- Ces peb tsoom ntseeg tsis xav xws li cov Hmoob ib txwm xav txog kev mus thawj thiab li -
Yes Xus, uas yog Tswv Ntuj Leej Tub, tau txais yeej kev tuag thiab nws nce mus lawm saum ntuj- Nws thiaj tau txais Ntuj txiaj ntsim uas tau tsa nws ua Vaj khuv leej tas nrho thiab nws pheej xeeb rau tej pawg neeg, uas Huab Tais Leej Txiv pub rau Yes Xus pov hwm txog txhiab niag tim puas xyoo.
Cov kwv tij,vim li cas peb tso siab lug tias peb tus ntsuj plig yuav ciaj sia mus li thiab peb lub cev nqaij yuav sawv rov los muaj hwj chim, nyob pem Tswv Ntuj lub Ceeb Tsheej ? Yog vim Huab Tais Yes Xus tau cog lus ruaj nreb khov kho txog qhov ntawd. Ua li thov kom nej khaws tej qib lus tseeb tseg uas Huab Tais Yes Xus tau tshaj tawm rau nws cov thwj tim khaws tseg mus txog txhiab niag tim puas xyoo , tsis tu ncua . Huab Tais tshaj lub Moo Zoo li no :
:” Tus Xa kuv tuaj lub siab xav yog zoo li no: kom kuv tsis txhob ua ib yam ( uas Leej Txiv muab rau kuv ) kom ploj li ,thiab Hnub Kawg, kom kuv tsa yam ntawd sawv rov los – Tsis muaj leej twg tuaj cuag kuv tau, yog Leej Txiv ( uas xa kuv tuaj ) tsis rub nws los- Hos kuv mas Hnub Kawg, kuv yuav tsa nws sawv rov qab los” Zam 6:40+44
Cov kwv tij, hauv 2 qib lus ( nej nyuam qhuav mloog no ) mas thiaj muaj ib cov lus uas Huab Tais Yes Xus hais tseg 2 zaug diam . Yog lo lus no tias :” Hnub Kawg kuv yuav tsa nws sawv rov qab los “.
Ua li ,peb tso siab lug tias : Huab Tais Yes Xus uas nws yog Qhov Tseeb thiab nws khuv leej neeg tas nrho ,nws yeej yuav ua hwj huam yees ntxwv tsa peb sawv rov los raws li nws tej qub lus tiag tiag . Cov kwv tij, nyob rau hauv NTAWV COG LUS TSHIAB, thiaj muaj ntau qib lus uas txhib peb siab, kom xwv peb ”ntseeg txog leej neeg lub cev kev sawv rov los thiab ntseeg txog muaj txoj sia nyob mus li “.Ces tsim nyog kawm tej qib lus tseem ceeb hauv nruab siab, xws li nqe lus hauv tsab ntawv rau ib pawg ntseeg tshiab hauv lub nroog Fis Lis Pos. Leej Ntshiab Paj Lus sau lo lus no tias:”Ntawm peb, mas peb lub tsheej nyob saum ntuj,vim peb tos Huab Tais Yes Xus Pleev yuav los cawm peb – Huab Tais yuav muab peb lub cev txom nyem no hloov los ua ib lub cev muaj hwj chim ,xws li Huab Tais lub- Nws yuav ua li ntawd tau, vim nws muaj hwj huam tswj txhua tsav txhua yam” Fis Lis Pos 3:20-21
Cov kwv tij ,tej lo lus ntawd kuj txhib peb siab los xav txog lub hauv ntsis ntawm peb lub neej. Txhais tias :Yuav tau muaj ib hnub uas Huab Tais yuav pab peb nce mus pem Tswv Ntuj lub Ceeb Tsheej, peb thiaj yuav tau nrog Huab Tais nyob mus li “ 1 Tes Xas Los Nis 4:17
Qhov tias” peb yuav nrog Huab Tais Yes Xus nyob mus li” ces” Huab Tais Yes Xus nyob li cas, peb mam li yuav tau nyob ib yam nkaus li Huab Tais “ 1 Zam 4:17
Qhov tias peb yuav tau nyob ib yam nkaus li Huab Tais,mas txhais tias : Huab Tais yuav pub peb nrog nws koom siab koom ntsws muaj “kev ua Vaj, kev muaj hwj huam,kev nto koob meej mus tas ib txhiab ib txhis “
PAJ NRUAG : Zaj Tso Siab
Zaj tso siab Kuv tus Huab Tais , koj cog lus hais tias koj yuav pub Ntuj txiaj ntsim rau peb tseem nyob ntiaj teb no, thiab koj yuav pub peb tau nyob zoo mus li nyob saum ntuj - Kuv tso siab hais tias koj yuav nco ntsoov txog koj lo lus thiab koj yuav ua raws li koj lo lus
Cov kwv tij, peb nco ntsoov: tus tib neeg twg uas ntseeg Ntuj khov kho, mas nws coj tau ib lub neej txawv txav,vim tias: thaum twg muaj ib tug nug tus neeg ntseeg tias :”Ntawm koj mas koj puas ntshai kev mob kev nkeeg ,kev ploj ,kev tuag ?”. Mas tam sim ntawd ,tus neeg ntseeg thiaj luag ntxhwb ntxhis. Hos nws thiaj muaj peev xwm ncaj qha teb tias:” Kuv tsis ntshai kiag”..Nyaj tej zaug tus neeg ntseeg ntawd yuav nco ntsoov txog Leej Ntshiab Paj Lug thiab yuav nco txog Leej Ntshiab Tes Les Xas ntawm lub nroog Lis Xyws – Xub hais txog Leej Ntshiab Paj Lug tso – Nws yog ib tug Hauv Paus Xa Lus. Hauv nws tsab ntawv rau ib pawg ntseeg tshiab hauv lub nroog Fis Lis Pos, Leej Ntshiab Paj Lug sau tej lo lus txawv txav tias:”Kuv hnov ob lub siab ua xyem xyav muab kuv dua ua ob sab - :ib lub siab xav ua neej ntxiv kom yuav tau pab tshaj Ntuj Lus rau nej- Tiam sis yeej muaj ib lub siab xav mus nrog Huab Tais Yes Xus Pleev nyob- Qhov ntawd yog qhov kuv nyiam dua “ Fis Lis Pos 1:22-23.
.Hos hais ib nyuag lus txog Leej Ntshiab Tes Les Xas. Thaum nws hnub nyoog 24 xyoo, nws raug mob thoob ntsws uas cov kws tshuaj kho tsis tau- Ua li txog hnub nws yuav tso lub ntiaj teb no tseg, mas Leej Phauj Tes Les Xas mam li nthuav piav nws kev tso siab lug zoo li no tias : “Thov kom nej tsis txhob quaj los mas, vim tias raws li nej xav mas ib ntsis kuv txoj sia thiaj li yuav tu. Tab sis qhov tseeb mus li no tias :kuv yuav los mus chaws hauv txoj sia “
TEEV NTUJ : Huab Tais Yes Xus., thaum koj dai saum tus Ntoo Cuam, lo lus kawg koj tau hais yog lo lus no tias: “Txiv, kuv tso kuv txoj sia hauv koj txhais tes “ ( Lus Kas 23:46 ). Huab Tais siab zoo ,thov koj pab peb ,ces niaj hnub peb yuav tso siab lug rau peb Txiv nyob saum ntuj ib yam nkaus koj “
T.P. Txhiaj Foom omi
+Zaj nkauj;
1 : Koj txhob ntshai..Kuv yuav nrog koj nraim..
2 : Qhov peb xav pom yog tus Leej Txiv Tswv Ntuj : niaj hnub sawv ntxov…


Txiv Plig Txhiaj Foom omi

VAJ QHIA FAAS XUAS

Vam ntsoov tias nej sawv daws tseem noj qab nyob zoo li qub
Cov kwv tij hmov thiab tshua, hnub 20 lub 11 hlis..los hnub 4 lub 12 hlis ,mas nej yuav zoo siab mloog zaj lus hais txog peb tus Vaj Qhia Faas Xuas .- Mas nej yuav zoo siab mloog tej zaj lus tseem ceeb uas txhib peb siab kom xwv nej rov kub siab ua Tswv Ntuj cov me nyuam- Peb yuav nthuav piav peb nqe zoo li no tias:
1: : Peb yuav qhib peb siab los txais Tswv Ntuj kev khuv leej neeg
2 : : Peb yuav cia Tswv Ntuj dauv muag los ntsia peb
3 : Lo lus qhia tshiab
Peb xub thov kom Leej Ntuj Plig Ntshiab nqes los txeem hauv peb siab npo .
PAJ NRUAG : Zaj nkauj teev Ntuj : Leej Ntuj Plig, koj los mas
= Vaj Qhia thawj lo lus kuj mus li no tias: Peb yuav qhib peb siab los txais Tswv Ntuj kev khuv leej neeg -Vaj Qhia tshaj lo lus noo hnub 11 lub 12 hlis xyoo 2014…..”Tswv Ntuj niaj hnub nyob ze ze ntawm peb tag npaud, ces thiaj tsim nyog muab Tswv Ntuj los piv rau ib tug leej niam uas hais ib zaj nkauj zoo mloog los nplij nws tus me nyuam mos liab . Ua li, tus tib neeg twg qhib qhib nws tej siab ntsws los txais Tswv Ntuj kev hlub mos nyoos thiab kev khuv leej neeg,mas tus neeg ntawd thiaj yuav tau soj qab kev nyob twj lij thiab kev nyob tiaj tus ,kev thaj yeeb nyab xeeb, tsis tu ncua”
Cov kwv tij,peb tsoom ntseeg nco ntsoov txog ib qib lus hauv Nkauj Paj Nruag 103 hais tias:’Huab Tais hlub mos nyoos- Nws khuv leej neeg tas nrho, zoo li ib leeg txiv tsev hlub nqee mos nyoos nws cov me nyuam” qib 8-13
Vaj Qhia lo lus 2 tias :Peb yuav cia Tswv Ntuj dauv muag los ntsia peb- Vaj Qhia tau tshaj lo lus no hnub 19 lub 8 hlis xyoo 2013, nyob tim lub nroog Los Mas … Kuv yog ib tug neeg txhaum. Tab sis Huab Tais niaj hnub dauv muag los ntsia kuv” - ….Cov kwv tij, peb tsoom ntseeg nco ntsoov txog 2-3 qib lus hauv Nkauj Paj Nruag 130 hais tias :” Kuv nyob hauv qab tiv txwv- Huab Tais aib, kuv hu txog koj-Huab Tais ,koj mloog kuv lub suab yuas. Koj tig ntsej los mloog kuv lub suab- Huab Tais,yog koj nco ntsoov tej txhaum, Huab Tais, leej twg thiaj yuav nyob taus ? Tab sis nyob ze koj, muaj txoj kev zam, ces sawv daws hwm koj- Kuv tos txog Huab Tais- Kuv tos txog nws tas siab ntsws- Nyob ze koj ,muaj lub txiaj ntsim -Nyob ze koj , muaj kev txhiv neeg loj “.
PAJ NRUAG : zaj nkauj” Kuv nyob hauv qab tiv txwv…
Vaj Qhia lo lus 3 tias Lo lus qhia tshiab:….”Nyob hauv peb lub neej thiaj muaj tej lub caij uas tas ib puas tsav yam tsaus ntuj nti – Yeej muaj tej lub caij uas peb npau taws- peb zoo li yuav tawm tsam –xav hais tej lo lus phem phem rau tus ub tus no hauv yus tsev neeg – Thaum ntawd peb mam li yuav ua tau ib yam me me: tom tsev teev Ntuj, peb mam li txav los ze ntawm Niam Liab tus mlom, ces kov nws daim tiab ntev,ces qw ib suab tias :”NIAD ,OS”. Zoo cuag li ib tug me nyuam uas nws ntshai ub,ntshai no , nws qw ib suab tias: “NIAD ,os”..
2 : Peb yuav cia Tswv Ntuj dauv muag los ntsia peb
Cov kwv tij, peb paub 2-3 tug swm neeg kub siab teev hawm Tswv Ntuj, peb hais tau lo lus nug lawv tias:” ”Thaum nej los mus teev hawm Tswv Ntuj, nej mam li muaj lus dab tsi los hais rau Tswv Ntuj ?”- Ces tsam muaj ib txhia teb tias :” Kuv tsuas ua ib yam xwb, yam li kuv thov Huab Tais Ntuj pab “
Cov kwv tij, peb thov Tswv Ntuj tuaj pab, mas yog zoo heev. Tab sis ib yam tseem ceeb uas ntxim Tswv Ntuj ntag. Ua li ntawd peb yuav ceev faj,vim tias ib yam loj kuj yog ua raws li Vaj Qhia Faas Xuas lo lus tias:” Peb yuav cia Tswv Ntuj dauv muag los ntsia peb..Mas nyem no mus, peb mam li mloog Vaj Qhia saib , nws xav li cas txog qhov ntawd , ces peb lub neej haj yam ntxim Tswv Ntuj siab – peb yuav paub txog 2-3 yam tshiab uas yog qhov tseeb.
Nqe lus 1 mas Vaj Qhia hais lus txhib peb siab los txhab zog rau peb lub siab ntseeg zoo li no tias: “ Peb zoo siab teev Ntuj tau li no tias :”Peb Txiv siab,uas koj khuv leej peb tas nrho, kuv yeej xav ntseeg txog koj, ces thiaj yuav ua raws li ib tug me nyuam uas nws hlub tshua niam thiab txiv- Ntawm kuv mas kuv kuj xav xav ntseeg khov kho txog Huab Tais Yes Xus ,uas nws niaj hnub pub nws tus Ntsuj Plig rau peb – yog Leej Ntuj Plig Ntshiab. Tsis tas li ntawd xwb : Huab Tais Yes Xus tuav kuv tes coj kuv kev, kom xwv lwm hnub tuaj kuv mam li yuav tau chaws los pem Tswv Ntuj lub Ceeb Tsheej. Peb Txiv siab zoo tas nrho, kuv yeej xav taug kev nyiam kev hlub kom zoo dua qub. Kuv tso siab lug tias koj lub siab ntev ces koj thiaj yuav dauv muag los ntsia kuv”..Vaj Qhia Faas Xuas tau tshaj lo lus tseem ceeb no xyoo 2013
Cov kwv tij, Huab Tais Tswv Ntuj ib txwm mloog tej lo lus thov Ntuj pub Leej Ntuj Plig Plig Ntshiab nqes los txeem hauv peb nruab siab, mas ib ntsis Tswv Ntuj kuj yuav ua raws li peb thov, vim tias (nyob ntawm Tswv Ntuj lub xub ntiag), peb yuav tsum ua neeg me los lees txhaum tias peb ntseeg Ntuj tsis txaus thiab peb ib txhij lees tias peb taug kev nyiam kev hlub ,tsis tom thawj.

Nqe lus 2 tias :Vaj Qhia sau tej lo lus no tias : ” Huab Tais siab zoo, qhov loj tshaj plaws hauv kuv lub neej thiaj yog txoj kev tso kuv lub neej, kuv txoj sia rau hauv koj txhais tes. Hos thov koj pub Leej Ntuj Plig nqes los hauv kuv nruab siab, kom nws qhia qhov tseeb ntawd tuaj rau kuv- Ces kuv yuav mloog nws lub suab qhia txoj hauv kev zoo rau kuv taug. Yog thaum kuv lub siab mag kev tsaus ntuj nti thiab thaum txog lub caij kuv txoj sia yuav tu”.
Cov kwv tij, tej lo lus no mas Vaj Qhia Faas Xuas tau hais tim lub nroog Los Mas hnub 14 lub 3 hlis xyoo 2016 .Kuv cov kwv tij, hais qhia rau nej paub tias : Vaj Qhia tej lo lus ( ua nej nyuam qhuav mloog no ) mas niaj hnub Vaj Qhia coj rawv kiag.-Saib :txhua txhia hnub Vaj Qhia kuj sawv ntxov- Nws yeej twm cov Zaj Ntxuag Qeej los teev hawm Tswv Ntuj. Ib ntsis nws los mus ua Thaj Txi Ntuj- Hos nruab hnub nws los mus hais Txoj Saw Mab Liab. Hos tau muaj ib hnub Vaj Qhia hais lo lus tseem ceeb tias:” Peb mus teev hawm Tswv Ntuj ,mas zoo li peb mus khob nws qhov rooj”( Mas Tais 7:7- Mas peb yuav tsum khob Nws qhov rooj nrov nrov” .Tus tib neeg ntseeg kub siab teev hawm Tswv Ntuj zoo li ntawd ces ( Vaj Qhia sau tias) ib ntsis Tswv Ntuj haj yam tsa tsev hauv peb nruab siab
3 : Lo lus qhia tshaib
-Vaj Qhia sau li no tias:” Peb yuav coj rawv Tswv Ntuj tus yam ntxwv-- Hauv Zam Ntawv Moo Zoo 13:12-15 :” Yes Xus ntxuav cov thwj tim taw,,Ces hais tias:”Txawm tias kuv yog nej tus Xib Hwb thiab nej tus Huab Tais, kuv ntxuav nej ko taw,mas nej ib tug yuav tsum rov ntxuav ib tug ko taw thiab – Kuv muab ib tug piv txwv rau nej pom : kom nej ua raws li kuv tau ua rau nej”…Txhais tias: Tswv Ntuj yeej hu peb sib nyiam sib hlub, zoo cuag li nws tau nyiam peb- Yuav muab yus txoj sia los pab luag”..
Vaj Qhia tau hais lo lus ntawd hnub 24 lub 3 hlis xyoo 2016..Hnub ntawd kiag Vaj Qhia ntxuav 11 tus neeg ( uas nrhiav hauj lwm ) lawv ko taw
= Vaj Qhia nco ntsoov txog Leej Ntshiab Faas Xuas uas nws nwj ib cov neeg raug mob ruas -Ces tau muaj ib hnub Vaj Qhia txais ib pab neeg uas tsis muaj tsev nyob..thiab ib pab neeg raug cov kab mob ”em” .Nws hais lo lus no tias :” Qhov tias yus ntseeg Ntuj kuj yog ib qhov muaj nqe kawg..Tab sis hos yus ib txhij hlub tshua cov neeg pluag,neeg txom nyem,neeg laus nkoos…Yus hais tias yus teev hawm Tswv Ntuj,mas yuav xav saib yus ib txhij puas kov cov neeg txom nyem ntawd los mas..Zoo cuag li yus ev tus neeg ntawd rau saum yus nraub qaum,thiaj yog”
Vaj Qhia hais lo lus ntawd hnub 28 lub 3 hlis xyoo 2013
= Hnub 26 lub 3 hlis xyoo 2015,Vaj Qhia tau txais ib cov neeg tsis muaj tsev nyob= Nws hais tias :” Ib cov neeg xws li nej ,mas kuv yeej xav txais nej tej zaj teev Ntuj kom tau pab kuv “ .
= Vaj Qhia txais ib cov tub hluas uas tuaj ntawm lub pov txwv Xas Ntes .ze ntawm teb chaws Is Tas Lias-.Nws puag nkaus ib tug tub hluas.- Vaj Qhia Faas Xuas hais tias:” Kuv yeej nrog nej uas raug ntxhov siab koom ua ib lub siab “
= Tim teb chaws Npos Lis Vias ( tim As Mes Lis Kas qab teb ),hnub 9 lub 7 hlis,xyoo 2013,Vaj Qhia hais lo lus no tias :”Txhua txhia zaus kuv ntsib tej tus neeg raug mob nkees..los ib cov neeg raug lawv cov nom tswv ntxub..los ib cov neeg uas tau tso lawv nws lub teb chaws tseg mus nrhiav hauj lwm nyob pej kum teb,vim tiass lawv nyob tsis taus hauv teb chaws lawv yug los,..mas kho kuv siab tas tas,ib yam nkaus li nej“
= Hnub 16 lub 5 hlis xyoo,ib cov tiam lis tshiab tuaj xyuas Vaj Qhia.-Ib ntsis nws hais rau lawv tias “ Ib yam hauj lwm uas tus Vaj Qhia yuav tsum ua kuj mus li no tias:” Huab Tais Yes Xus txhib peb siab zoo li no tias : Tseev kom tus neeg nplua nuj khuv leej cov neeg pluag, cov tus neeg txom txom nyem- thiab hwm tus neeg ntawd thiab pab txhawb nqa cov neeg ntawd kom xwv lawv lub neej loj hlob zuj zus thiaj yog “
= Hnub 24 lub 11 hlis xyoo 2013, Vaj Qhia Faas Xuas hais lo lus no tias “Tus tib neeg ( uas yog Huab Tais Yes Xus tus thwj tim ) nws thawj thawj hauj lwm kuj mus li no tias : Yuav pab qhia Huab Tais Yes Xus kev khuv leej tas tsoom neeg .- Yus ua tau qhov ntawd nyob tas qhov txhia chaws, yam li nyob ntawm qhov chaw uas sawv daws mus kev los tom qhov chaws tej pab neeg sib fim.. los hauv lub qhov chaw yus mus ua hauj lwm”
= Hnub 24 lub 11 hlis xyoo 2013, Vaj Qhia tshaj ib zaj lus tseem ceeb los txhawb zog rau peb tej kev ntseeg Ntuj- Nws tshaj lus zoo li no tias:”Hauv kuv lub neej , kuv thiaj tau soj qab kev nyob kaj lug kaj nrig kom tob tshaj plaws kuj yog thaum twg ? Yog thaum kuv tau mus ntsib tej pab neeg pluag, uas lawv muaj hauj lwm zoo cuag li cov neeg nyob ib ncig ntawm lawv – Txawm li cas los, lawv kuj tau khaws kev ntseeg Ntuj tseg kom ciaj sia hauv lawv nruab siab - Cov neeg ntseeg ntawd ua siab dav fo hlub tas sawv daws uas nyob ib ncig ntawm lawv tiag- Lawv kuj nyiam Tswv Ntuj tas siab ntsws- Lawv ua ntau yam kom xwv kev nyiam kev hlub ntawd loj hlob zuj zus hauv lawv lub siab. Hos lawv tej kev nyob kaj lug kaj nrig kuj txhawv ntawm Ntuj kev nyiam kev hlub, uas tau tshwm sim tuaj vim Huab Tais Yes Xus Pleev .
= Hnub 24 lub 3 hlis,xyoo 2013, Vaj Qhia Faas Xuas tseem txhib peb siab kom xwv peb tso siab lug tag mus li – Nws hais lo lus zoo li no tias : “ Tus pub kev tso siab lug tuaj rau nej thiaj yog Huab Tais Yes Xus ntag.- Huab Tais siab zoo nyob hauv nruab nrab peb- Ces nej yuav tsis ua siab yau kiag lauj”.
== Xyoo 2013 Vaj Qhia tseem tshaj ib zaj lus zoo li no tias:”Nej twb tau khaws ib zaj paj lug tseg hais txog ib hub nyiaj tias :”Ntuj lub Ceeb Tsheej zoo li ib hub nyiaj faus rau hauv ib daim teb .Muaj ib tug neeg nrhiav tau -. Nws rov muab zais..Nws zoo siab heev –Nws muag nws lub cuab tam, ces nws mus muas daim teb ntawd ..Mas .cov kwv tij, peb twb nrhiav tau ib hub nyiaj uas muaj nqe tshaj plaws ntag : tshaj plaws ,yam li peb nrhiav tau Huab Tais Yes Xus uas nws hlub tshua peb- Hos nws tau siv nws txoj sia los cawm peb ntawm qhov txhaum- Hos niaj hnub,nyob pem Tswv Ntuj lub Ceeb Tsheej , Huab Tais pub peb coj tau lub neej ntshiab dawb huv, uas yog txoj sia ua Tswv Ntuj cov me nyuam zoo nyiam “..
Cov kwv tij,yeej muaj ib yam hauj lwm muaj nqe uas yuav ua kom nej nyob kaj lug ua neej ntxiv mus. Yam li nej ntaus tswv yim los suav saib : yav dhau los mas Huab Tais Yes Xus tau pub nej ua neeg nplua nuj tshaj plaws fab hauv tus ntsuj tus plig, yam li kev ntseeg,kev tso siab thiab kev nyiam kev hlub..Huab Tais tau pab txhawb nej tej siab ntsws zoo tas npaud..Ces nej nco ntsoov txog Tswv Ntuj tej txiaj ntsim. ntau yam - Ua li hnub no nej siv tus cwj mem los sau 2-3 txoj kab txog Tswv Ntuj txiaj ntsim..Hos tag kis ,nag kis,nej thiaj rov nco qhov ntawd ntxiv mus..Yuav ua tib yam ntawd pes tsawg zaus, mas nyob ntawm nej- Li cas los, kuv cog lus tau rau nej tias: lwm hnub tuaj, nej yuav tsis ua siab yau- Tab sis nej haj yam yuav ua siab loj siab tawv qhawv. Nej yuav tso siab lug zuj zus tsis tu ncua los mas.”
PAJ NRUAG : 1 zaug los 2 zaug tej,thiaj hais ZAJ TSO SIAB
Hnub 12 lub 3 hlis xyoo 2015,Vaj Qhia sau ib zaj lus tseem ceeb zoo li no tias:” Nag hmo kuv tau txais ib tsab ntawv, yam ib tug neeg ntseeg thov kom kuv thov Ntuj tas zog,kom xwv nws haj yam coj lub neej ze ze ntawm Huab Tais kom zoo dua qub. nws thiaj yuav ua Tus sau ntawv rau kuv hais txog nws tej hauj lwm ntxiv..Saib ;tus ntawd niam laus nkoos mus tsis tau kev- Nws tus nus mob tes mob taws. Nws siv ib lub rooj zaus uas nws yog tus thawj. Kuv nyeem tsab ntawv ntawd tas, kuv mam li txhais tsab ntawv ntawd zoo li no : tus sau nws zaj nyuaj siab ntawd, mas nruab hnub,hmo ntuj, nws siv tas nws lub zog los pab txhawb nqa 2 tug neeg hauv nws tsev- nws yeej tsis muaj sij hawm los nco txog nws tus kheej. Yog vim li ntawd kuv haj yam to taub tias :” Kev nyiam kev hlub uas mus raws qhov tseeb thiaj yog ua raws li tus sau ntawd rau kuv ntag”
PAJ NRUAG : tshaj ZAJ NYIAM 2 lwm
TEEV NTUJ : Huab Tais Yes Xus, koj yog peb tus Vaj, koj niaj hnub muab koj lub hwj huam los khuv leej peb thiab koj pab txhim peb tej siab ntsws kom ntshiab dawb huv zuj zus -Peb zoo siab nco txog koj tej txiaj ntsim. “Huab Tais, koj lub siab hlub nyob mus ib txhiab ib txhis – Koj txhob tso koj cov hauj lwm ntawd tawm ntawm koj txhais tes pov tseg “: (Nkauj Paj Nruag 138:
Zaj nkauj :- Thaum peb nyiam peb hlub…
- Kev thaj, kev thaj yeeb… ( tshaj 2 zaug sis law )
IB ZAJ LUS TSEEM CEEB.
Cov kwv tij, vam tias nej nco ntsoov tias xyoo 1960,tim Los Tsuas qaum teb,ib tug XH ,uas npe hu ua XH Paj Lug Thoj Xyooj nrog ib tug T.P raug ib cov neeg phem tua tuag, vim tias XH Paj Lug Thoj Xyooj ua tim khawv txog kev ntseeg Ntuj - nkawd mus xyuas ib lub zos Hmoob. Nyob ntawd , nkawd tshaj Ntuj rau ib cov kwv tij Hmoob – Hnub 25 lub 4 hlis xyoo 1960 ,ib pab neeg siab phem ( lawv ntxub kev ntseeg Ntuj tas tas ) ,lawv ntes XH Paj Lug Thoj Xyooj nkawd, ces muab nkawd tua tuag ntag. Ces muab txhais tias : nkawd raug tuag, kuj yog vim nkawd ua tim khawv txog Ntuj kev cai .
Hais qhia nej paub tias : txij ntawm xyoo 1960 rov mus txog xyoo 1969,nyob tim Los Tsuas teb thiaj tau muaj 17 leej ntseeg Ntuj uas raug ib cov neeg phem tua tuag kuj yog vim lawv tau ua tim khawv txog kev ntseeg Ntuj. Hauv lawv 17 leej , ib txhia thiaj yog cov Txiv Plig Fab Kis ( uas tau mus tshaj Ntuj lus tim Los Tsuas teb ) thiab ib cov pej xeem Los Tsuas uas ntseeg Ntuj - Hauv cov neeg ntawd thiaj muaj XH Paj Lug Thoj Xyooj ntag.
Ces hnub no thiaj zoo siab tshaj xov xwm tseem ceeb heev ,hais tias : hnub 11 lub 12 hlis, nyob hauv lub tuam tsev teev Ntuj , nyob tim Vees Cas, nyob Los Tsuas teb ,ib tug Tswv Qhia Liab yuav tshaj lus tseem ceeb. Nws kuj yuav hais nws tej lus nyob hauv Vaj Qhia Faas Xuas npe. Tswv Qhia Liab ntawd yuav tau tshaj lus tseeb tseeb tias :” Lawv 17 leej ( uas raug tuag ua tim khawv txog kev ntseeg Ntuj ) lawv 17 leej kuj taug kev kaj lug kaj nrig,pem Tswv Ntuj lub Ceeb Tsheej lawm”
Mas thiaj zoo siab tshaj lo lus tias : XH Paj Lug Thoj Xyooj kuj nrog lawv 16 kuj yog tus taug kev kaj lug kaj nrig nyob pem Tswv Ntuj lub Ceeb Tsheej lawm
Cov kwv tij hnub 11 lub 12 hlis no mas thov kom nej kub siab ua 2 yam hauj lwm uas muaj nqe li no tias : 1 tuaj : thov kom nej nco txog Tswv Ntuj txiaj ntsim,vim tias XH Paj Lug Thoj Xyooj thiab 16 leej yeej taug kev kaj lug kaj nrig pem Tswv Ntuj lub Ceeb Tsheej.
2 tuaj : thov kom nej hu txog XH Paj Lug Thoj Xyooj sawv peb chaw thov Ntuj pov hwm tsoom kwv tij Hmoob ,nyob hauv ntau lub teb chaws
Xub ua nej tsaug ntau
Kev Thaj Yeeb Nyab Xeeb…

Txiv Plig Txhiaj Foom omi

Cov kwv tij, txhua txhia xyoo, lub 12 hlis,hnub 25,mas peb tsoom ntseeg ua hmoov tsuj xeeb Yes Xus yug los,- Yog hnub uas peb nyob kaj lug kaj nrig vim tias tus Huab Tais cawm neeg yug los tim lub zos Npes Les Hes,hauv teb chaws His Xas Lis, tau 2016 xyoo los lawm- Hos hnub 25 ntawd , tom tsev teev Ntuj ,peb kuj ntsia qhuas ib lub me nyuam tsev,uas muaj tej mlom,pab peb nco tias tus me nyuam Yes Xus pw hauv lub dab nyuj-.Hos lub caij peb mloog tej zaj lus hauv Ntawv Ntshiab- Peb mam li mloog 2 lo lus uas pab peb ntseeg tias Yes Xus yog tus twg thiab nws tej hauj lwm yog ua dab tsi thiab dab tsi- Lo lus 1 yog lo lus ES MAS NUS ES, uas muab txhais tias TSWV NTUJ NROG PEB NYOB thiab lwm lo lus tias YES XUS ,uas muab txhais tias HUAB TAIS CAWM.
Xam pom tias hnub 25 lub 12 hlis ntawd thiab niaj hnub hauv peb lub neej kiag thiaj tsim nyog peb tsa peb tej siab ntsws nyob ze Huab Tais, ces peb kub siab hawm Ntuj thiab vam txog Ntuj pab tias : YES XUS, TUS HUAB TAIS CAWM NEEG, KUV YOG NEEG TXHAUM : THOV KOJ HLUB …Thov kom nej rov mloog zaj teev Ntuj no ib zaug ntxiv :. YES XUS, TUS HUAB TAIS CAWM NEEG, KUV YOG NEEG TXHAUM : THOV KOJ HLUB
NUG : Ib zaj lus tseem ceeb ,hauv Ntawv Ntshiab ,uas peb niaj hnub yuav khaws tseg hauv peb nruab siab yog lo lus twg ?
TEB : Yeej muaj ntau zaj lus. Tab sis lo lus 1 yog zaj lus no tias: “Tswv Ntuj yog txoj kev nyiam “ 1 Zam 4;8. Cov kwv tij,peb tsoom ntseeg sawv daws huv tib si yuav nco txog lwm zaj lus tias:” Tswv Ntuj nyiam lub qab ntuj neeg npaum no: nws thiaj muab nws Leej Tub twm zeej rau, kom xwv tus ntseeg txog Leej Tub txhob tuag,tab sis kom tus tib neeg muaj txoj sia nyob mus li” Zam 3:16
PAJ NRUAG : Peb mus hawm…
Cov kwv tij, peb tsoom ntseeg zoo siab ua hmoov Tsuj Xeeb Yes Xus yug los. Mas peb txiav txim ib siab coj lub neej haum lub Moo Zoo, raws li Huab Tais Yes Xus tau tshaj tawm. Peb mam li yuav xyiv fab taug 3 txoj hauj kev tseem ceeb- 1 : kev ntseeg – 2 : Kev tso siab lug – 3 : Kev nyiam kev hlub.
1 : KEV NTSEEG: Tus Yaj Saub His Xais tshaj tej lo lus no tias :” HUAB TAIS hais tias :” Kuv yog HUAB TAIS- Tsis muaj dua lwm tus HUAB TAIS loj li kuv- Npoo ntiaj teb, nej tig los rau kuv, nej thiaj yuav dim- Tsuas yog nyob hauv HUAB TAIS xwb thiaj muaj kev yeej thiab kev muaj zog “ His Xais 45:21-24 -Cov kwv tij,yav dhau los, nej tau zoo siab khaws Ntuj Lo Lus ntawd tseg- Peb mam li muab peb tej siab ntsws los teev hawm HUAB TAIS TSWV NTUJ tib leeg – Peb tej kev ntseeg mam li rub peb siab nyob ntawm Tswv Ntuj tog,uas yog tog tseeb ,yam peb txais tau kev yeej thiab kev muaj zog .
2 : KEV TSO SIAB LUG : Thov kom nej mloog ib qib lus hauv Ntawv Ntshiab tias :Huab Tais Yes Xus” yog tus ntaus thawj coj cov ntseeg. Nws pab peb ntseeg kom tom thawj- Nws raug cov neeg txhaum tiv nws. Nej thiaj yuav tsis ntaus siab me” Hes Nplaws 12:2 -3.
Cov kwv tij, peb tsis ntaus siab me, peb ua siab loj siab tawv vim tias Yes Xus TSO SIAB LUG rau Tswv Ntuj kom tom thawj - Yes Xus tau npuab nws Txiv siab ruaj nreb, yog thaum nws dai saum tus ntoo cuam- Lub caij ntawd ,Yes Xus muab tas nws lub siab los teev hawm Ntuj zoo li no tias : “TXIV , KUV TSO KUV TXOJ SIA RAU HAUV KOJ TXHAIS TES “ Lus Kas 23:46 Hos Huab Tais Yes Xus hlub tshua peb npaum no,nws thiaj pub peb TSO SIAB RAU TSWV NTUJ tib leeg xwb, zoo cuag li Huab Tais thiab nyob hauv Nws. Cov kwv tij, zaj lus nej nyuam qhuav mloog no tias : Huab Tais Yes Xus pub peb rov TSO SIAB LUG RAU TSWV NTUJ, kuj yog cuag li Nws thiab nyob hauv Nws mas yeej yog zaj lus tob kawg. Tab sis yog zaj lus tseeb ntag- yam Huab Tais ( uas nyob txawm hauv peb siab ) rov TSO SIAB LUG RAU TSWV NTUJ dua, kuj yog nyob hauv peb thiab yog vim peb ntag. Cov kwv tij,,phim yuav rov kub siab ntseeg ruaj nreb khov kho tias : Huab Tais Yes Xus pub peb nrog Huab Tais koom siab ntseeg Ntuj thiab TSO SIAB LUG rau peb Txiv nyob saum ntuj. Ces niaj hnub peb muaj peev xwm hais Huab Tais tib zaj lus TSO SIAB LUG tias : TXIV , KUV TSO KUV TXOJ SIA RAU HAUV KOJ TXHAIS TES .
3 : KEV NYIAM KEV HLUB :Cov kwv tij ,Yes Xus tej qib lus yeej qhia peb txog lub hauv pauv hauv ntsis hauv peb lub neej- Zoo li qib lus no tias :”Kuv lo lus qhia yog lo lus no tias : nej yuav sis nyiam sis hlub zoo li kuv tau nyiam tau hlub nej – Kuv hais tej no rau nej kom kuv txoj kev kaj siab nyob txawm hauv nej, nej thiaj txais kev kaj siab puv nej “ Zam 15: 12 :
Cov kwv tij,Tswv Ntuj Leej Tub yug los ua neeg :Nws yog ES MAS NUS ES,txhais tias TSWV NTUJ NROG PEB NYOB , kom xwv Nws txoj kev nyiam kev hlub yuav tau yug los nyob txawm hauv peb ces, nyob hauv peb nruab siab, kev nyiam kev hlub maj mam loj hlob mus zuj zus, tsis tu ncua .Ua li,peb txoj hmoov zoo kawg nkaus yeej zoo tshaj qhov peb tau xub xav: Peb Txiv hlub sawv daws neeg siab zoo npaum no : Nws Leej Tub yug los ua neeg,kom xwv peb thiaj tau rov yug los dua tshiab. Peb thiaj muaj peev xwm taug 3 txoj kev tseem ceeb cuag li Yes Xus tus piv txwv thiab nyob hauv Huab Tais- yam 1: peb taug kev ntseeg mus raws qhov tseeb – 2 : peb taug txoj kev tso siab lug- 3 :peb muaj peev xwm taug kev nyiam kev hlub, cuag li Yes Xus tus piv txwv thiab nyob hauv Nws..Huab Tais Leej Txiv, peb ua koj tsaug ntau
ZAJ NKAUJ TEEV NTUJ : Peb mus hawm peb tus Vaj yug los…
Tuaj mas, cov kwv tij phooj ywg .. Hmo ci ntsa, hmo ntshiab huv…..
Hmo ntuj hmo teb ntsiag tos….
T.P. Txhiaj Foom omi

  Cov  phooj ywg Hmoob, hnub 14 lub 12 hlis  no ,peb tus Vaj Qhia Faas Xuas tau tshaj tej lo lus meej pem txog lub hmoov tsuj xeeb Yes Xus yug los nyob Npes Les Hes tau 1983 xyoo los lawm - Hos muab 2 nqe lus txhais ua lus Hmoob- 1 : Peb tej siab ntsws nyob thaj yeeb nyab xeeb – 2 : Peb yuav tshaj lus txog kev tso siab lug
1 : Peb tej siab ntsws nyob thaj yeeb  : yog raws li tus dab ntuj hais  rau cov zov yaj :” Kuv xa ib lub moo lom zem tuaj rau nej thiab rau tas tsoom sid : ib tug cawm nej yug los- Yog tus Huab Tais Pleev “. Ib sij huam,ib pab dab ntuj zoo siab hu zaj nkauj tias : “Nyob yaj ceeb,cov neeg nyob thaj yeeb,vim Tswv  Ntuj  nyiam lawv “-  Ua li,hmo uas peb ua hmoov Yes Xus yug los ,peb yuav tsa suab qw tej zaj nkauj lom zem,vim tus Huab Tais hlub tshua tas cov neeg ces nws  thiaj nqes los ua neeg  kom tau yaug peb tej txhaum huv si pov tseg…Vaj Qhia tseem hais ntxiv tias:”Huab Tais muab nws txog kev hlub los cawm kuv ntawm qhov hais txhaum”---Vaj Qhia  hais ntxiv tias :” Qhov txhaum hnyav tshaj plaws,phem tshaj plaws,mas Huab Tais puas muaj peev xwm muab tshem tawm, muab pov tseg ?- Nws yeej muaj peev xwm ua qhov ntawd ,kuj yog vim  nws tej kev hlub uas loj tshaj plaws”.
Cov kwv tij, Huab Tais Tswv Ntuj tsis tso cov neeg pov tseg:;Cov neeg uas tau ua txhaum hnyav,mas Huab Tais Yes Xus ua tsov ua rog los ntaus yeej qhov txhaum ntawd tau - Ces nyias hais tau nyias zaj teev Ntuj no tias:
“Yes Xus,tus HuabTais cawm neeg, kuv yog neeg txhaum : thov koj hlub”
- -Nyias kuj muaj  peev xwm thov Huab Tais tas zaj tas zog, ces hais tau zaj nkauj teev Ntuj tias :
“Koj yuav nco txog Yes Xus Pleev- Nws tau txais yeej - Nws sawv rov los- Nws rhuav peb lub txim txhaum thiab pub txoj sia nyob mus li..   “Nws  daws tas peb qhov nqhis- Nws pub kev thaj yeeb- Txiaj ntsim txhawv ntawm nws los thiab kho peb zoo hlo ..  ““Koj yuav nco txog Yes Xus Pleev- Nws tau txais yeej - Nws sawv rov los- Nws rhuav peb lub txim txhaum thiab pub kev nyob tiaj nyob tus nyob rau hauv pub txoj sia nyob mus li.”
Vaj Qhia teem sau zaj lus no tias :  “ Peb tej siab ntsws nyob thaj yeeb nyab xeeb . –Huab Tais yaug tas kuv tej txhaum-Nws zam kuv tej txhaum huv si –Nws khuv leej me yaus - Nws nqes los cawm  kuv tiag-  Lub hmoov tsuj xeeb Huab Tais Yes Xus yug los thiaj pab nqa kev kaj lug kaj nrig puv kuv tej siab ntsws npo-“
….2 : Peb yuav tshaj lus txog kev tso siab lug –Ntau ntau zaus, peb hnov xov xwm tias : zoo li lub ntiaj teb raug mob nkeeg hauv nruab siab- Kev ua tsov ua rog kuj muaj ntau-  Hos nyob ub nyob no, tej tsev neeg tsis sib  haum-  Tab  sis Ntawv Moo Zoo kuj qhia peb tias :Huab Tais yog tus rov tsim tau ib lub ntiaj teb neeg tshiab tshiab-  Yog vim Huab Tais khuv leej peb  tas tas,mas qhov phem yuav tsis nyob zoo li ntawd tag mus li-  Kev  mob nkeeg thiaj yuav tau yau zog, vim tias Tswv Ntuj nrog peb  nyob nraim,  tsis tu ncua. Yog vim li ntawd peb yuav tso siab lug txog lub neej tom ntej. Ces peb  niaj hnub yuav kub siab hu txog Tswv Ntuj pab- Peb yuav nco tias lub hauv paus ntawm peb tej kev tso siab lug kuj nyob hauv Huab Tais Yes Xus ,uas tau yug los tim Npes Les Hes,- Phim yuav nco tias :tas lub ntiaj teb neeg tshaib nqhis kev ncaj ncees – txog qhov tseeb thiab kev thaj yeeb nyab xeeb-  Ua li ,peb nrog Tswv Ntuj sib pab txhim tsa ib lub ntiaj teb neeg tshiab tshiab-  Peb ua qhov ntawd tau,  kuj yog vim Huab Tais Yes Xus tseem nyob ze ze peb tag mus li. Huab Tais Yes Xus ,thov koj pab txhawb nqa peb tej siab ntsws kom xwv sawv daws rov tso siab lug txog lub neej yav tom ntej, nyob tas txhia qhov chaw nyob ntiaj teb-  Huab Tais siab zoo tas nrho ,thov koj pov hwm peb tag mus li os mog- Peb yuav nco ntsoov txog koj tej txiaj ntsha txiaj ntsim tag mus li. Ua li -


T.P. Txhiaj Foom   omi

Cov kwv tij phooj ywg hmov thiab tshua,peb sawv  daws tseem nco ntsoov tias dhau hnub ua hmoov tsuj xeeb Yes Xus yug los ,mas  txhua txhia xyoo , lub 1 hlis hnub 1 peb yuav rov txiav txim ib siab TSIM KEV THAJ YEEB. Hnub ntawd  peb sawv daws thiaj yuav zoo siab coj rawv 2 nqe lus no tias : 1 : Hauv Ntawv Ntshiab, Tswv Ntuj txhib peb TSIM KEV THAJ YEEB- 2 :Tej hauj lwm tseem ceeb los mus tsim KEV THAJ YEEB. Ua li
1 : Hauv Ntawv Ntshiab, Tswv Ntuj txhib peb TSIM KEV THAJ YEEB-
=  Thawj thawj nqe lus uas tsim nyog tshaj tawm,mas yog lo lus uas ib pab dab ntuj zoo siab hais rau cov zov yaj tias :”Nyob saum cov txheej ntuj siab,Tswv Ntuj nto meej nto moo – Nyob ntiaj teb,tsoom neeg ,uas Tswv Ntuj nyiam,nyob thaj yeeb”.Mas peb zoo siab ntseeg tias tau 2017 xyoo los lawm,Tswv Ntuj Leej Tub  Yes Xus Pleev yug los nyob Npes Les Hes – Nws tus nru lus yog kev txhiv tsoom neeg dim ntawm qhov txhaum ces thiaj nrog Tswv Ntuj rov sib haum xeeb – Ua li Huab Tais Yes Xus ( uas nws rov mus lawm pem Tswv Ntuj lub Ceeb Tsheej )  nws niaj hnub muab nws txoj kev khuv leej neeg uas muaj zog tas nrho los cawm peb ntawm tus yeeb ncuab Xas Tas ,ces Yes Xus pub tsoom neeg rov yug los tshiab.-.Ntawv Moo Zoo rub peb siab tsim  ib lub neej tshiab dawb huv ,raws li Yes Xus tus piv txwv.
Nqe lus 2  mas  txhua txhia Hnub Chiv uas peb los mus ua Thaj Txi Ntuj, peb kuj mloog kam qib lus no hais tias :”Kuv tso kev thaj yeeb rau  nej- Kuv pub kuv txoj kev thaj yeeb rau nej “-  Nqe lus tseem ceeb no mas peb kuj nyeem tau hauv Zam Ntawv Moo Zoo hauv zaj 14,qib 27.-Muab txhais tias : kev thaj yeeb nyab xeeb thiaj yog Tswv  Ntuj lub txiaj ntsim- Hos Huab Tais Yes Xus yog tus pub txiaj ntsim ntawd nqes los txeem hauv peb tej siab ntsws –Yeej tsis muaj lwm tus neeg uas yuav pub qhov ntawd rau peb….Cov kwv tij,kev thaj yeeb nyab xeeb txhawv ntawm Huab Tais Yes Xus tib leeg tuaj..Peb mam li muaj ib qhov chaw vam khom ruaj nreb – Qhov chaw  vam khom ntawd thiaj yog Huab Tais Yes Xus- Peb  niaj hnub qhib peb siab los txais Ntuj lub txiaj ntsim uas muaj nqe tas nrho.
PAJ  NRUAG : Kev thaj, kev thaj yeeb,Huab Tais Yes Xus coj los
Nqe lus 3 tias : ”Cov tau txoj hmoov zoo yog cov tsim kev thaj yeeb,vim Ntuj yuav hu lawv ua Tswv Ntuj cov me nyuam”.Cov kwv tij,hauv Mas Tais Ntawv Moo Zoo zaj 5 qib 9,peb mam li twm qib lus meej pem ntawd –Ua li , tsim  nyog peb yuav ua Huab Tais Yes Xus tsaug, vim tias qib lus txhib peb siab thiaj yog Tswv  Ntuj tuaj nplij peb siab tas tas.  Qhov tias peb siv zog coj rawv qib lus ntawd, vim tias tus tib neeg uas tsim kev thaj yeeb, nws tsis nkim zog dag -Saib :“ Tswv Ntuj pub nqe zog loj kawg nkaus rau peb tias : Ntuj yuav hu lawv ua Tswv Ntuj cov me nyuam”..Txhais tias peb txia ntshis ua tau Tswv Ntuj cov me nyuam – Yeej nrhiav tsis tau ib lub hwj chim muaj nqe dua qhov ntawd lauj -.Saib : Huab Tais Leej Txiv hlub tshua zoo cuag li nws hlub tshua nws Leej Twm Zeej, uas yog Huab Tais  Yes Xus Pleev- .Tsim nyog peb  niaj hnub kub siab yuav ua Tswv  Ntuj tsaug..Tsis tas li ntawd xwb : peb yuav thov kom Leej Ntuj Plig  Ntshiab rov nqes los txeem hauv peb siab, yam peb tej kev ntseeg loj hlob zuj zus ntag.
Nqe lus 4 tias : ( yog tus Hauv Paus Xa Lus Paj Lug ua tus sau los txhawb zog rau peb tej kev tso siab lug.-Peb nrhiav tau qib lus ntawd tias :” Tswv Ntuj txoj kev thaj yeeb zoo tshaj qhov yus xav tau: Tswv Ntuj txoj kev thaj yeeb yuav txuag nej lub siab thiab nej lub tswv yim kom nyob hauv Huab Tais Yes Xus Pleev “ .( Es Fes Xos 4:7 )  Lo lus tias.: Tswv Ntuj txoj kev thaj yeeb zoo tshaj qhov yus xav tau” mas  muab txhais  tias : Thaum peb coj qub kev cai ua dab,mas peb tsis xub xav txog kev thaj yeeb nyab xeeb ,kev  nyob tiaj nyob tus, raws li nyem no peb soj qab  lauj –Yog vim li ntawd peb txiav txim ib siab tsis thim kev ntseeg.- Tsis tas li ntawd,lwm qib lus tias : Tswv Ntuj txoj kev thaj yeeb yuav txuag nej lub siab thiab nej lub tswv yim kom nyob hauv Huab Tais Yes Xus Pleev ,mas qib lus no yog ib zaj lus tob tob uas qhia peb tias : txij ntawm hnub peb  pib ua neeg ntseeg Ntuj mus, mas peb tau taug kev thaj yeeb nyab xeeb kuj yog vim Huab Tais Yes Xus nrog peb nyob nraim thiab Huab Tais nyob txawm hauv peb siab - Ua li mas Huab Tais muab ib feem hauv nws txoj kev thaj yeeb los pub rau peb los ua peb ntiag peb tug . Lo lus no mas “ tsis yog lam hais”—yeej yog qhov tseeb, vim tias tus Hauv Paus Xa Lus Paj Lug hais lo lus no tseg peb tias ” Tsis yog kuv uas muaj txoj sia ntxiv lawm- Qhov tseeb mus li no tias :” Yog Huab Tais Yes Xus Pleev txoj sia ciaj nyob txawm hauv kuv : ( Nkas Las Tias 2:20 )  .Cov kwv tij, yeej muaj ib yam me me uas nej ua tau – Yog qhov tias: qib lus ( uas nej  nyuam qhuav mloog ) ,mas nej  yuav muab siab rau kawm hauv  nruab siab tias :” Tsis yog kuv uas muaj txoj sia ntxiv lawm- Qhov tseeb mus li no tias :” Yog Huab Tais Yes Xus Pleev txoj sia ciaj nyob hauv kuv” .
Nqe lus 5 tias : Leej Ntshiab Paj Lug tseem sau ib zaj lus tshiab zoo li no tias :”Thaud, nej tsis paub Tswv Ntuj- Nej nyob deb ntawm Tswv Ntuj lauj-.Hos  nyem no  mas nej nyob txawm hauv Huab Tais Yes Xus Pleev :Huab Tais yog peb txoj kev thaj yeeb kom xwv nej cia li nyob ze Tswv Ntuj- Nej tau kev mus cuag Huab Tais Leej Txiv “ ( Es Fes Xos 2;12-18 )….Cov kwv tij, phim yuav ua Tswv Ntuj tsaug,vim tias Huab Tais Yes Xus yog tus tuav peb tes,coj peb kev,ces Huab Tais yog tus rub peb  tej siab ntsws los nrog Huab Tais Yes Xus koom mus teev hawm peb Txiv nyob pem Tswv Ntuj lub Ceeb Tsheej..Cov kwv tij, zaj lus ( uas Leej Ntshiab Paj Lug sau tseg ) thiaj yog zaj lus uas tsim nyog khaws tseg tias : txhua txhia zaus peb nrog ib pawg ntseeg sib sau los teev Ntuj,mas Huab Tais muab peb tej zaj teev Ntuj los xyaw Huab Tais zaj lus teev hawm Tswv Ntuj…Cov kwv tij, thov kom nej rov mloog Leej Ntshiab Paj Lug  lwm zaj lus tseeb tseeb ,tias :” :”Thaud, nej tsis paub Tswv Ntuj- Nej nyob deb ntawm Tswv Ntuj lauj-.Hos  nyem no  mas nej nyob txawm hauv Huab Tais Yes Xus Pleev :Huab Tais yog peb txoj kev thaj yeeb kom xwv nej cia li nyob ze Tswv Ntuj- Nej tau kev mus cuag Huab Tais Leej Txiv.”  Es Fes Xos 2: 12-18
Cov kwv tij . 4 nqe lus  ( uas puag tas nej tau mloog lawd ),mas phim yuav rov tshaj tawm dua -  Nqe lus 1 tias : Nyob saum cov txheej ntuj siab,Tswv Ntuj nto meej nto moo – Nyob  ntiaj teb, tsoom neeg ,uas Tswv Ntuj nyiam, nyob thaj yeeb”
Nqe lus 2 tias :’ :”Kuv tso kev thaj yeeb rau  nej- Kuv pub kuv txoj kev thaj yeeb rau nej “..Nqe lus 3 tias : “Cov tau txoj hmoov zoo yog cov tsim kev thaj yeeb,vim Ntuj yuav hu lawv ua Tswv Ntuj cov me nyuam”.-  Nqe lus 4 tias : Tswv Ntuj txoj kev thaj yeeb zoo tshaj qhov yus xav tau: Tswv Ntuj txoj kev thaj yeeb yuav txuag nej lub siab thiab nej lub tswv yim kom nyob hauv Huab Tais Yes Xus Pleev “
PAJ   NRUAG :Huab Tais Yes Xus txoj kev thaj yeeb nrog nraim
2 :Tej hauj lwm tseem ceeb los mus tsim KEV THAJ YEEB.
Peb  sawv  daws huv si yeej paub tias  muaj txog 36 yam sib txawv uas peb muaj peev xwm ua los tsim kev thaj yeeb nyab xeeb- Hos hnub no tsuas tshaj 2 yam  Qhov 1 : peb thov Tswv Ntuj tas zaj tas zog los pab tsim kev thaj yeeb- Qhov 2 : peb xyiv fab zam rau luag tej ob cag;
.. Qhov 1 : peb thov Tswv Ntuj tas zaj tas zog los pab tsim kev thaj yeeb-
Cov kwv tij,lub zim txwv no mas hauv ntau lub teb chaws cov pej xeem tsis sib haum – Muaj ib cov neeg siab phem nrhiav kev kub ntxhov, tsis hais tias  muaj qhov ntawd tshwm sim tuaj nyob As Xias teb xwb.—Tab sis nyob Aws Los Pas teb ( xws li nyob Is Tas Lias teb ,Yes Las Mas teb, thiab  nyob Fab Kis Teb ) thiab  nyob As Mes Lis Kas teb yeej muaj tej pawg neeg nrhiav kev kub ntxhov coob dua qub - Ib txhia muaj plhus hais tias : “Yog nej cov neeg no tsis coj kev caj teev hawm cuag li peb mas phim yuav muab nej cov tua tuag.” Hos muaj tej lub teb chaws xws li Is Las thiab Xis Lias, cov neeg nrhiav kev kub ntxhov ntes tej tus neeg ces thiaj txiav lawv taub hau ntag.  –Hos hauv tej lub teb chaws ( uas peb nyuam qhuav hais ) mas ib cov pej xeem lam xav tias :”Peb nyob deb ntawm tej teb chaws uas cov neeg nrhiav kev kub ntxhov coob, mas peb  ua tsis tau dab tsi kom xwv kev thaj yeeb nyab rov tshwm sim tuaj li –Peb tsis ua nom kav tej teb chaws ntawd lauj “..Mas yuav tsum hais tej lo lus txhib tej pab neeg uas lawv ua siab yau ntawd.- Saib :qhov loj tshaj plaws ( uas nej muaj peev xwm  ua )  thiaj yog kev thov Tswv Ntuj tas zaj tas zog kom xwv kev thaj yeeb nyab xeeb thiab kev sib haum xeeb rov tshwm sim  tuaj dua…Thov kom nej mloog tej lo lus uas Vaj Qhia Faas Xuas tshaj tawm tias :”Peb yuav nco ntsoov txog Huab Tais Yes Xus,,uas ris kev tuag nyob saum Ntoo Cuam kom tau pab cawm neeg dim ntawm kev txhaum thiab kev phem – Txhua txhia hnub no mas Huab Tais Yes Xus  tseem muab nws txoj sia cev rau Tswv Ntuj, tsis tu ncua,los cawm neeg- Ua li peb tsoom ntseeg yuav thov Huab Tais Yes Xus tas zog kom xwv tas cov rab phom rov ploj ntais- Peb yuav rov ntseeg ruaj nreb thiab tso siab lug tias : yeej yuav tsum  muaj ib hnub uas ib cov neeg nrhiav kev kub ntxhov yuav tau tso lawv tej kev ntxub neeg rhuav pov tseg.-Tseev kom peb tsoom ntseeg ua siab dav fo los hlub tshua tej teb chaws ntawd,yam peb yuav thov Tswv Ntuj pab txhim kho cov neeg phem ntawd lawv lub siab”
Cov kwv tij,lub zim txwv no mas lub ntiaj teb neeg raug mob nkeeg loj,vim muaj qhov phem nyob tas qhov txhia chaws mas peb tej zaj teev Ntuj kuj zoo li ib cov tshuaj uas muaj zog kawg nkaus,kom xwv lub ntiaj teb neeg rov kheev zog .- Ua li  tsim nyog peb yuav coj rawv Ntawv Moo Zoo tias :’Nej thov,ces nej yuav tau txais- Nej  nrhiav ,ces  nej yuav ntsib – Nej khob qhov rooj, ces luag yuav qhib rau nej ..vim tias leej twg thov,nws yuav tau txais – Leej twg nrhiav,nws yuav tau ntsib- Leej twg khob qhov rooj,mas yuav muaj tus qhib qhov rooj rau  nej “  Mas Tais 7:7-8..
Mas phim yuav muab lub  ntiaj teb neeg los piv rau peb ib tug me nyuam uas raug mob nkeeg..Yus nrhiav ib cov tshuaj los pab kho yus tus me nyuam kom zoo—Mas niam thiab txiv ib txhij thov Ntuj heev dua yav tas los lawm- Ua li,lub zim txwv no ,lub  ntiaj teb neeg raug mob nkeeg- Ces  phim yuav thov peb tus Huab Tais Tswv Ntuj ntau dua yav tas lawm lauj.  Cov kwv tij, thov kom nej tsoom ntseeg nco ntsoov tias Huab Tais khuv leej sawv daws neeg, tsis tu ncua os mog- Yuav muaj ib hnub Tswv Ntuj yuav mloog peb tej lus thov los mas
Qhov 2 : peb xyiv fab zam rau luag tej ob cag  . Peb tsoom ntseeg sawv daws tau khaws Huab Tais Yes Xus ib qib lus tseem ceeb hauv Ntawv Moo Zoo  tias :”Kuv tsis hais rau koj tias:”Koj yuav zam luag tej qhov txhaum, qhov phem xya zaus xwb. Tab sis kuv hais rau koj tias “Koj yuav zam txhaum xya caum xya zaus,thiaj yog “ Mas Tais18:20..Tus tib neeg txawj zam txhaum rau luag,  mas nws tsim kev thaj yeeb tag- Hos muaj lo lus nug “ Yuav zam tag mus li kuj  nyuaj kawg- Yuav ua li cas thiaj ua tau raws li Huab Tais Yes Xus lo lus qhia ntawd ?“. Teb tias :” Huab Tais Yes Xus tau zam txhaum rau ib cov neeg phem uas tau tsim txom nws heev kawg nkaus , kuj yog vim Tswv Ntuj tau tso kev nyiam ,kev khuv leej neeg nqes los txeem hauv Yes Xus  lub siab-  Ua li peb yuav kub siab thov Tswv Ntuj txhab zog rau peb siab, cuag li nws tau pab Yes Xus.- Li ntawd peb yuav xyiv fab thov Tswv  Ntuj tas zog, Ces,nyob nyob ,”peb yuav txhob cia txoj kev phem  yeej peb-  Tab sis peb yuav ua zoo,ces peb yuav tau yeej txoj kev phem” Los Mas 12:21
Cov kwv tij,  thawj yam peb yuav muab siab rau ua yog qhov tias peb yuav thov Ntuj  pab tsim kev thaj yeeb nyob hauv tas txhia teb chaws nyob thoob  ntiaj teb – Dhau qhov ntawd peb yuav zam rau luag-  yuav khuv leej luag tej ob cag huv tib si ,ces kev thaj yeeb nyab xeeb yuav tawg paj txi txiv zuj zus mus

Zaj  nkauj  teev Ntuj :  Kev thaj,kev thaj yeeb..
Huab Tais Yes Xus Txoj Kev Thaj Yeeb nrog nraim…
Yes Xus, peb tus Vaj….
Cov muaj hmoov zoo yog cov pluag..
( T.P. Txhiaj Foom   omi

Cov kwv tij hmov thiab tshua, hnub no zoo hnub vim tias peb
tsoom ntseeg zoo siab nrog cov swm neeg sawv kev mus ua
THAJ TXI NTUJ – Peb tsis nruam Thaj Txi Ntuj, vim tias Huab
Tais Yes Xus coj peb kev los mus teev hawm peb Txiv nyob
saum ntuj -= Huab Tais kuj rov pub Ntuj tej txiaj ntsim cawm
peb dim ntawm qhov phem thiab qhov txhaum
= Peb sib koom siab hais zaj nkauj teev Ntuj tias
LEEJ TSWV YIM NTSHIAB
, koj tuaj mas – Ib txwm koj …”
Cov kwv tij, raws li tej pab neeg coob xav, mas lawv sib tham
zom zaws : “ Tus tib neeg twg xav coj ib lub neej nyob
tiaj nyob tus mas qhov uas :peb yuav
tsum muaj ua ntej ntawm lwm yam mas yog nyiaj txiag.”
Lawv hais li ntawd yog vim peb yuav tsum yug peb tsev neeg
thiab peb yuav tsum pab cov me tub me nyuam mus kawm
ntaub ntawv ces lawv thiaj npaj siab coj lub neej khov kho- “
.Qhov ntawd kuj yog tej yam hauj lwm uas Huab Tais Tswv
Ntuj pub peb sawv daws ua ntag.
Tab sis peb yuav ceev faj kom peb tsis txhob ua nyiaj txiag
tus qhev . Hauv Ntawv Ntshiab , Huab Tais Tswv Ntuj txhib
peb siab kom xwv peb yuav ua neeg xyuam xim - Ua li, tsim
nyog nyias yuav thov Huab Tais Ntuj hauv nyias siab zoo li no
tias :” Tswv Ntuj, koj tsis txhob pub kom kuv pluag dhau los
kuv muaj dhau .: koj tsuas pub mov rau kuv noj xwb.- Tsam
kuv muaj dhau lawm ces kuv yuav hais tias: “HUAB TAIS
.YOG LEEJ TWG ?- “ Los yog pluag dhau, mas kuv yuav ua
tub sab, ces. kuv yuav tsis hwm kuv tus Tswv Ntuj lub npe “ ( Cov Paj Lug 30:9 )
Cov kwv tij.yav dhau los, peb twb tau khaws Huab Tais Yes
Xus lub Moo Zoo tseg tias :” Tsis muaj leej twg ib txhij tsob
hwb ob tug tswv tau - :nws yuav ntxub ib tug- nyiam lwm tus-
nws yuav npuab ib tug – thuam lwm tus - Nej ib txhij tsob hwb
Tswv Ntuj thiab nyiaj txiag tsis tau” Mas Tais 6: 24 + Lus Kas 16: 13
PAJ NRUAG:(zaj nkauj ) NEEG TSIS KAWG MUAB MOV
Cov kwv tij, tus tib neeg ntseeg txiav txim ib siab mloog lub
Moo Zoo tas siab ntsws mas tsis yooj yim - Mas saib ; nyob
hauv lub Koom Txoos puas muaj tej pab neeg uas Tswv Ntuj
pab hu lawv coj lub Moo Zoo kom tom thawj ? Yeej muaj
ib txhia uas Tswv Ntuj pub ntau yam txiaj ntsim rau - Yog tej
pab Txiv Plig thiab tej pab Leej Phauj uas Leej Ntuj Plig txhab
zog rau ob pab ntawd , ces lawv mam li coj tau lub neej qee
rau Tswv Ntuj,tas ib sim neej - Li cas los ,cov Txiv Plig thiab
cov Leej Phauj ntawd kuj coj tau lub neej nyob tiaj nyob tus
tiag .
Zoo li hauv teb chaws Fab Kis hauv ib lub Koom Haum
ua Leej Phauj thiaj muaj Leej Phauj Klé Mab Liab Liab, ( hnub
nyoog uas muaj 39 xyoo ). Hauv cov Leej Phauj ntawd lub
tsev thiaj muaj 25 tus Leej Phauj uas nrog Phauj Klé Mab Liab
koom coj lub neej nyob tab seeb los cev rau Tswv Ntuj.
Thov kom nej mloog zaj lus tseem ceeb uas Leej Phauj Klé
Mab Liab sau tseg hais txog nws lub neej nyob tiaj nyob tus
nyob ntawm Tswv Ntuj lub xub ntiag. – Leej Phauj Klé Mab
Liab sau zaj lus no tias: “Kuv niam kuv txiv kuj yog neeg
ntseeg Ntuj- Yav dhau los, thaum kuv hnub nyoog 13 xyoo,
kuv nrog ib pab tub ntxhais hluas koom siab teev hawm Huab
Tais Yes Xus uas nyob txawm hauv lub Cim Yug- Hnub ntawd
Leej Ntuj Plig Ntshiab tshoj kuv lub siab tas npaud , kuv thiaj
txav txim ib siab tias yuav tau muaj ib hnub kuv yuav tau nrog
ib pab Leej Phauj nyob ua ke ces nrog cov Leej Phauj ntawd
koom coj lub neej qee rau Tswv Ntuj ntag.- Ces yuav tsis yuav
txiv – Hos kuv yuav tsis xeeb me nyuam Ua li ntawd., kuv
yuav tsum kawm txuj ci 8 xyoo – 9 xyoo tej tso - Thaum
kuv hnub nyoog 22 xyoo, kuv thiaj chaws los hauv cov Leej
Phauj tsev-..Kuv teem nco tias : thaum kuv kawm txuj
ci ntawd 8 xyoo – 9 xyoo tej ,kuv tau khwv tswv yim tias :”Hauv
tas lub neej kuv thiaj yuav tau ua dab tsi tseem ceeb ? Yuav
txiv los yuav coj lub neej qee rau Tswv Ntuj tas ib sim neej no
ned “- Tab sis kuv tau tso siab lug tias: yuav siv tas kuv
lub neej qee rau Tswv Ntuj tib leeg xwb , ces thiaj yuav tau coj
lub neej nyob tiaj nyob tus thiaj yog - Ua li, lu zim txswv no ,
kuv hnub
nyoog 39 xyoo- tseem ua Leej Phauj li qub, tsis this tom qab--
Tej lub caij kuv nyuaj siab me ntsis- Tab sis Tswv Ntuj tej txiaj
ntsha txiaj ntsim tseem niaj hnub txhawb nqa kuv tej siab
ntsws, tsis tso tseg kiag - Ua li kuv coj tau ib lub neej nyob
kaj lug kaj nrig, tsis tu ncua ntag “
PAJ NRUAG
Cov kwv tij , muaj peb ib cov swm neeg uas lawv tau mloog
zaj lus txog Leej Phauj Klé Mab Liab, lawv mam li nug tias :”
Hauv Ntawv Moo Zoo, puas muaj 2-3 phab ntawv qhia peb tias
: “Tswv Ntuj pab qhia ib cov tub ntxhais hluas peb txog lub
neej tab seeb los lub neej qee rau Tswv Ntuj tas ib sim neej
?”– Yeej muaj tej nqe lus hais txog qhov no ntag - Zoo li
hauv Mas Tais Ntawv Moo Zoo, mas Huab Tais Yes Xus txhib
peb siab tias : “ Yeej muaj ib cov neeg nyob tab seeb vim lawv
yug los, ua tsis taus txiv neej - Ho muaj ib co nyob tab
seeb,vim neeg muab lawv sam- Tab sis muaj ib co neeg txhob
txwm nyob tab seeb vim Ntuj lub Ceeb Tsheej – Leej twg txawj
to taub, mas cia nws to taub” - Mas Tais 19:12
NUG : Lo lus tias :” Muaj ib co neeg txhob txwm nyob tab
seeb vim Ntuj lub Ceeb Tsheej “ ,mas yuav tsis muab zaj lus
no txhais li no tias :” Cov neeg ntawd saib lub
neej ua txij ua nkawm qis qis “ – Cov ua xav li ntawd mas lawv
xav yuam kev, vim niaj hnub lawv nco tias niam thiab txiv
nkawd tau sib hlub, ces nkawd thiaj tau nyob tiaj nyob tus .
Ua li, ib cov neeg txhob txwm nyob tab seeb vim Ntuj lub Ceeb
Tsheej” .mas yuav muab txhais tias :” Cov neeg ntawd txhob
txwm nyob tab seeb ,vim tias lawv nyiam Tswv Ntuj tiag , Ces
Tswv Ntuj tau xaiv lawv ( Nws tau hu lawv )
coj lub neej tab seeb,tas ib sim neej ..
NUG:” Tswv Ntuj uas hu ib cov tub ntxhais hluas los mus coj
lub neej nyob tab seeb, mas Tswv Ntuj muaj ib lub siab zoo li
cas los hu lawv ua qhov ntawd?- “ Tus Hauv Paus Xa Lus Paj
Lug teb tias :”Tswv Ntuj uas tau hu nej, Nws pheej xeeb “ ( 1
Tes Xas Los Nis 5: 24 ). Mas phim yuav nco ntsoov tias : txhua
txhia zaus Tswv Ntuj hu ib cov tub ntxhais hluas ua Leej Choj
los ua Leej Phauj mas Tswv Ntuj ib txhij cog lus ruaj nreb rau
lawv tias : Tas nej sim neej, kuv yuav txhab zog rau nej tej
siab ntsws, tsis tu ncua.- Ua li,tus Hauv Paus Xa Lus Paj Lug
sau ib zaj lus thov Ntuj zoo li no tias:”Thov kom tus Tswv Ntuj
(uas yog tus tsim kev thaj yeeb ) nqes los ua kom nej
ntshiab tuaj- Tseev kom nej txuag tau nej lub tswv yim, nej tus
plig , kom nej lub cev txhob muaj chaw xyeej mus txog lub caij
peb tus Huab Tais Yes Xus Pleev rov los “ ( 1 T X L N 5:23)
Cov kwv tij, Leej Ntshiab Paj Lug tseem sau lo puav lus ntxiv
los txhab zog rau peb txoj kev ntseeg ,hais tias :”Huab Tais
Tswv Ntuj pheej xeeb : nws yuav nres nej kom ruaj nreb- Nws
yuav txuag nej ntawm tus phem . Thov kom Tswv Ntuj coj nej
lub siab, mus txog txoj kev nyiam Tswv Ntuj thiab txog Huab
Tais Yes Xus Pleev txoj kev ruaj nreb“ ( 2 Tes Xas Los Nis 3:3 + 5)
Cov phooj ywg, tsoom pej xeem ntseeg thiab cov Txiv Plig, cov
Leej Phauj ,peb sawv daws coj tau lub neej nyob tiaj nyob
tus kuj yog vim peb tso siab lug txog Tswv Ntuj uas muab nws
txoj kev nyiam ( uas muaj zog tas nrho ) los mus pab peb tiv
thaiv tas cov lus haub lus ntxias kom peb tau txais yeej - Thov
kom nej khaws Leej Ntshiab Paj Lug lo lus meej pem tias :
:”Tsuas yog peb tso siab lug rau Tswv Ntuj tas siab ntsws, ces
txoj kev ntxias yuav tsis loj tshaj tus neeg ntawd lub zog : Tswv
Ntuj pheej xeeb tas nrho- Nws tsis pub kom nej raug kev
ntxias dhau nej lub zog – Lub caij raug kev ntxias, Tswv Ntuj
tseem yuav pab kom nej dim, thiab kom nej yeej kev ntxias” 1 Kos Lis Nthos 10: 13
TEEV NTUJ : Huab Tais Leej Txiv, peb zoo siab ua koj tsaug,
vim tias koj Leej Tub Yes Xus pheej xeeb tas nrho. Nws cog
lus tias nws yuav tso Leej Ntuj Plig nqes los hauv peb nruab
siab los txhab zog rau peb tej siab ntsws, tsis tu ncua. Peb
mam li yuav tau coj lub neej nyob tiaj nyob tus. nyob
ntawm koj xub ntiag.- Huab Tais Yes Xus mam li ua raws li
nws tej qub lus , tag mus li - Txiv khuv leej neeg tas nrho ,
Peb zoo siab ua koj tsaug ntau”

Zaj nkauj : Nyob hauv koj tes…
Kev thaj, kev thaj yeeb….
Thaum peb muaj kev hlub, nrog luag koom siab…

T.P. Txhiaj Foom omi 18, 2 , 2017

TIM LOS TSUAS TEB
Cov phooj ywg , zoo li nej tseem nco txog zaj lus tias 17 TUS NEEG
NTSEEG TIM LOS TSUAS TEB TUAJ YEEM TUAG..Mas tsam ( ! )
zaj lus ntawd luv dhau los tsis sub ! ! ,Ces npaj siab sau lo puav lus
ntxiv, thiaj yog Zoo li xub hais lo puav lus txog XH Paj Lug Thoj Xyooj
tso :” Nws yug los xyoo 1941, pem lub zos Kiukacham.,tim Los Tsuas
teb- Thaum Xyooj hnub xyoo 16 xyoo nws mam li txais lub Cim
Ntxuav- Thaum nws hnub nyoog 18 xyoo ., mas nws thiaj pib ua Xib
Hwb—Yog vim nws ntseeg Ntuj khov kho ( thiab nws hlub cov kwv tij
Hmoob zoo kawg nkaus ) nws rub tej pawg neeg coob tig los yuav lub
siab tshiab thiab tus T.P. tau pub lub Cim Ntxuav rau cov kwv tij
ntawd ,Lub 4 hlis 1960 T.P. Npos Ntxas Nkas nkawd mam li sawv
kev mus xyuas 2-3 lub zos Hmoob. Nyob ntawm kev mas ib pab neeg
nrhiav kev kub ntxhov , muab Txiv Plig nkawd tua tuag …Txog lub caij
nkawd yuav raug tuag, mas XH Thoj Xyooj kuj hais lo lus ( uas tsim
nyog khaws tseg ) Nws hais tias :” Kuv ib siab nrog tus T.P. no nyob ua
ke xwb - Yog tias nej npaj siab muab tus T.P. no tua tuag , mas nej cia li
muab kuv nrog tus T.P no koom tua kiag los mas- Tus T.P. yuav tau
raug tuag rau qhov twg , mas kuv ib siab nrog nws raug tuag nyob rau
qhov chaws ntawd ntag “
Xyoo 1967, lub 12 hlis, T.P. Zam Vaus Ties pab saib ib cov neeg khiav
tsov khiav rog - Yog cov kwv tij KHMU .Nws lees tias tsis pom muaj
kev pab saib cov kwv tij KHMU raws kev ncaj ncees, mas T,P. ua siab
loj yws yws rau ib cov thawj coj- Ces ib pab neeg ( uas saib cov KHMU
qis qis ),lawv xuas phom tua T.P. Vaus Ties ntawd tuag kiag – Thaum
ntawd ,cov neeg ( hauv zos ) lawv tu tu siab kawg nkaus ces lawv
hais kiag lo lus tias:”Peb txiv ploj lawm lauj”
Ces hais txog lwm tus T.P, tias :Yav dhau lawm, T.P. Lus Xyaaj xub mus
teb chaws Suav ib ntus- ces nws los txog Los Tsuas qab teb, nyob
pem lub roob Npos Los Vees- Xyoo 1968 nws mam li mus xyuas ib
pab neeg uas npaj siab txais lub Cim Ntxuav..Hos nws ib tug tub kawm
ntawv nrog nws koom mus ua ke thiab, vim nws ntshai kev nyuaj siab
ntxhov plawv nyob ntawm kev- Nws lub npe hu ua Khampheuane –
Nws hnub nyoog 16 xyoo- Nyob ntawm kev , nkawd mam li raug tua
tuag kiag – Nkawd roj ntshav ntws los pem teb, ces peb tso siab lug tias
yav tom ntej nyob Los Tsuas teb thiaj yuav tau muaj tej pab neeg ntseeg
coob thiaj yuav rov yug los tshiab
Hais txog lwm tus T.P. - Xyoo 1969 tus T,P, Yos Xes Npuas Xes ( hnub
nyoog 60 ) kuj mus xyuas ib pab neeg ntseeg ze ntawm .lub nroog
Paksane . Nws kuj raug luag tua tuag thiab.-- Xyoo 1970 . XH Lus Kas
Xis nrog ib tug phooj ywg Maisam Pho In Peng nkawd sawv kev mus
xyuas ib pab neeg ntseeg pem Vang Vieng. Thaum nkawd sawv ntawm
cov neeg ntseeg ntawd lub zos mus mas nkawd raug poob hauv cov
neeg nrhiav kev ntxhov lawv tes - Nkawd mam li raug tua tuag thiab-
Nkawd tau hliv nkawd roj ntshav kuj yog vim lawv nyiam Huab Tais
Yes Xus thiab nyiam Huab Tais haiv neeg tas siab ntsws ntag. XH
Lus Kas Xis kuj muaj poj niam me nyuam…Tom qab ntawd mas ib tug
T.P. ( uas nws paub lawv 17 leej ),cia li hais lo puav lus qhuas txog lawv
hais tias :” Lawv sawv daws yog cov tseem tub tshaj Ntuj Lus - Txog
hnub yuav tsum raug tuag, mas lawv yeem muab lawv lub neej los txi
Ntuj ntag- Lawv nrog cov neeg pluag, cov neeg txom nyem koom coj
lub neej xws li cov neeg ntawd . Lawv yees ua tiag nyiaj ris kev txom
nyem ,kev ploj kev tuag - Yeej tsis muaj ib yam uas lawv tsis kam ris.
Qhov ib mas lawv tshaj lub Moo Zoo – Dhau qhov ntawd ,lawv ncig ntau
lub zos- lawv pab kho tej tus neeg raug mob nkeeg thiab”
Cov kwv tij, txhua txhia zaus uas peb nco txog 17 tus neeg ntseeg ( uas
tuaj yeem ris kev ploj kev tuag ntawd ) mas peb ib txhij xav tias : “Huab
Tais Yes Xus tau nyiam tas lub qab ntuj neeg nyob hauv lub qab ntuj
no tas npaud, nws thiaj nyiam lawv mus txog thaum kawg” Zam 13:1..
Lo lus tias : “… mus txog thaum kawg” mas txhais tias :” mus txog lub
caij Yes Xus dai saum tus Ntoo Cuam. .Tsis tas li ntawd xwb : peb
yuav nco txog ib qib lus, uas tsim nyog kawm hauv nruab siab - Nej
twb xav txog qib lus tseem ceeb no tias :” Tsis muaj leej twg muaj txoj
kev nyiam loj dua tus, uas siv nws txoj sia rau nws cov phooj ywg “
Zam 15: 13…Yes Xus cov phooj ywg mas yog peb sawv daws huv tib
si ntag
Ces rov hais dua : “Tsis muaj leej twg muaj txoj kev nyiam loj dua tus,
uas siv nws txoj sia rau nws cov phooj ywg” T.P. Txhiaj Foom om

Cov kwv tij, hnub no zoo hnub- Yog Huab Tais Ntuj hnub, uas peb
tsoom ntseeg zoo siab coj rawv Ntuj Lo Lus Qhia 3 tias :” Peb :
koj yuav caiv Huab Tais Ntuj hnub” Ces peb tsoom Kav Tos Liv
muab lo Lus Qhia no txhais tias : “ Hnub Chiv , koj mus ua Thaj Txi
Ntuj “..Peb ib siab tsis nruam Thaj Txi Ntuj, vim tias thaum ntawd tus
Huab Tais Cawm neeg , uas yog Huab Tais Yes Xus, muab 1
feem puas ntawm nws lub siab khuv leej neeg los pub rau peb
los ua peb ntiag peb tug -= Hos Tswv Ntuj pub Ntuj tej txiaj ntsim
los yaug peb tej txhaum pov tseg thiab Huab Tais pub peb
rov yug los dua tshiab ntag “ .
Cov kwv tij, peb thov kom Leej Ntuj Plig Ntshiab nqes los txeem hauv
peb nruab siab ,,ces peb yuav ntseeg txog Tswv Ntuj kev hlub
peb tiag tiag ,
Zaj nkauj :Leej Ntuj Plig Ntshiab ,koj tuaj mas.Ib txwm …
Cov kwv tij,.peb niaj hnub tsa muag los ntsia ib lub Cim uas zeem
tseeb tias : Huab Tais Yes Xus, Tswv Ntuj Leej Tub, khuv leej peb
tas nrho- Lub Cim tseem ceeb ntawd thiaj yog Tus Ntoo Cuam.
Saib muaj qib lus tseem ceeb hauv Ntawv Moo Zoo uas hais li no
tias :”Yes Xus pom tsoom pej xeem - Nws hlub lawv, vim lawv
sawv daws sab thiab qaug zog, zoo li ib cov yaj tsis muaj tswv zov

“ Mas Tais 9:36
Tsis tas li ntawd xwb : “Yes Xus nyiam thiab hlub sawv daws neeg
mus txog thaum kawg “- ( Jean 13:1 ) Yeej yog raws li tej lo lus
Yes Xus hais tseg tias :“Tsis muaj leej twg muaj txoj kev nyiam
loj dua tus uas siv nws txoj sia rau nws cov phooj ywg “ Zam
15:13-
Peb ntseeg khov kho taug Yes Xus txoj kev nyiam kev hlub tshua
loj tshaj plaws ,kuj yog thaum nws dai saum tus Ntoo Cuam . Nws
muab nws lub neej txi Ntuj los mus cawm nws cov phooj ywg - Hos
peb zoo zoo siab ntseeg khov kho tias : Yes Xus cov phooj ywg thiaj
yog tas sawv daws neeg, uas yog cov neeg yav dhau los thiab tas
sawv daws neeg uas ciaj sia nyob lub zim txwv no thiab tas sawv
daws neeg yuav yug los rov mus txog txhiab niag tim puas xyoo .
Cov kwv tij, Ntuj Lo Lus uas raug peb siab thiaj yog Lo Lus uas
Yes Xus xav hais qhia rau sawv daws neeg ,ib tug dhau ib tug , ib

leeg dhau ib leeg.thiaj yog Ntuj Lo Lus no tias : “Nyob ntawm kuv
xub ntiag, koj yog tus uas muaj nqe thiab koj yog tus uas kuv
nyiam kuv hlub kawg nkaus “ His Xais 43: 4

PAJ NRUAG
Tswv Ntuj Lo Lus tias’ KOJ MUAJ NQE THIAB KUV NYIAM
KUV HLUB KOJ KAWG NKAUS “ thiaj yog ib qib lus uas sawv
daws neeg, ib tug dhau ib tug , yeej ntshaw mloog kawg –Saib :
nyob ub nyob no , tej tus neeg muaj ib lub siab tawv li zeb – xws li
lawv tsis kam hnov ib nyuag lus txhib lawv coj tus yam ntxwv tshiab -
Cov neeg uas tsuas xav txog lawv tus kheej xwb mas lawv puas
kam txais Ntuj Lo Lus tias :” Kuv yuav pub ib lub siab tshiab rau nej –
Kuv yuav dawj nej lub siab tawv li zeb- kuv yuav cog ib lub siab
muag li nqaib nyob hauv nej lub cev “ ( Es Xes Kias 36: 26 ) ,mas
muab Ntuj Lo Lus ntawd txhais tias : tus tib neeg uas qhib nws tej
siab ntsws los txais Tswv Ntuj kev nyiam kev hlub thiaj yog tus tib
neeg uas nws mloog kam tej lo lus pab txhib kom tau hloov siab =
yog tus tib neeg khuv leej luag thiab yog tus tib neeg xav nrog luag
tej sib haum xeeb - yog tus tib neeg uas ib siab tsim kev thaj


yeeb nyab xeeb – Ua li tus tib neeg ntawd kuj “ yuav nrhau cag
hauv txoj kev nyiam- Nws yuav coj ib lub neej tshiab ntag ‘ ( Es
Fes Xos 3: 17
NUG tias :Lo lus tseem ceeb tias : “..KOJ MUAJ NQE THIAB
KUV NYIAM ,KUV HLUB KOJ KAWG NKAUS “ thiaj yog Tswv

Ntuj Lo Lus : ho thaum twg Tswv Ntuj hais Lo Lus ntawd tseg rau ib
tug tib neeg ?

TEB : thawj thawj zaus uas Tswv Ntuj hais los pub rau ib tug tib
neeg uas tig los yuav lub siab ntseeg thiab nws los mus txais lub Cim
Ntxuav - Peb nco txog 3-4 lo lus uas tus Txiv Plig hais,yog thaum

nws ua lub Cim Ntxuav rau ib tug tib neeg tias :” Kuv hu txog Leej
Txiv thiab Leej Tub thiab Leej Ntuj Plig lub npe, ,kuv ntxuav koj”.
Mas lub caij ntawd kiag Tswv Ntuj ua hwj huam yees ntxwv loj, hais
tias :
Tswv Ntuj “ tsuas mloog nws lub siab khuv leej neeg – Tswv Ntuj
cawm peb dim ntawm lub qub neeg, kom peb rov yug los tshiab nyob
hauv Leej Ntuj Plig Ntshiab- Tswv Ntuj tso Leej Ntuj Plig Ntshiab
nqes los nyob puv hauv peb siab , nyob hauv Huab Tais Yes Xus
Pleev, tus cawm peb- Huab Tais ua kom peb ntshiab tuaj”Tis Tos

3:5-7
Cov kwv tij, peb ib txwm ntseeg ruaj nreb khov kho tias : Tus tib
neeg twg txais lub Cim Ntxuav mas “Tswv Ntuj yees kom tus neeg
ntawd rov yug los tshiab ces nws txia ntshis ua Tswv Ntuj tus me
nyuam - nws txia ntshis ua Huab Tais Yes Xus tus kwv ( los ua
Huab Tais tus muam – Tus tib neeg ntseeg ib txhij ua ib lub tsev rau
Leej Ntuj Ntshiab nyob tiag –

NUG : Tej pab Hmoob uas tau txais lub Cim Ntxuav thiab lub Cim
Txhab Zog lawm mas lawv cia li hais tau lo lus dab tsi txog lawv lub
neej tshiab ?
TEB : Peb twb tau hnov peb ib cov kwv tij lawv tej lus zoo li no tias :
1:” Zoo li nyem no mas kuv rov rua qhov muag dua , ces rov pom
kev lug“ – 2 :”Txij ntawm lub zim txwv no mus lawmyav tom ntej mas
sab hauv kuv nruab siab kuv thiaj yog neeg nplua nuj tiag “ - 3 : “
Kuv ras dheev los xav txog Huab Tais Yes Xus kev hlub
hlub neeg” - 4 : Yav dhau los ,kuv tsis tshua xav txog kev zam
txhaum thiab kev hlub neeg mos nyoos -– Hos nyem no mus kuv
saib ob yam ntawd loj kawg nkaus : txhais tias kuv yuav tsis xaiv

neeg li qub lauj “
PAJ NRUAG

Cov kwv tij,. phim yuav rov qhia Tswv Ntuj ib qib lus tseem ceeb rau
nej khaws tseg dua tias :.. KOJ MUAJ NQE THIAB
KUV NYIAM ,KUV HLUB KOJ KAWG NKAUS
Ua li , Ntuj Lo Lus ntawd niaj hnub pub ib feem ntawm nws tej kev
nyiam kev hlub dawb tag – Tswv Ntuj tsis hais lo lus no tias :”Koj
yuav tsum xub coj lub neej ntshiab dawb huv tso, ces kuv mam li
yuav tau pov hwm koj lauj” - Cov kwv tij ,ib txwm los ,Tswv Ntuj tsis
cev lo lus nruj ntawd tuaj rau peb ib zaug…Ua li qhov uas Tswv Ntuj
tos ntawm peb sawv daws ib tug dhau ib tug kuj mus li no tias :”
Koj yuav cia Tswv Ntuj nqes los txeem hauv koj mus li no tias : ces
Tswv Ntuj tej kev nyiam kev hlub thiaj yuav yog ib lub zog loj tas
nrho los nres koj - Ces koj yuav soj qab kev thaj yeeb nyab xeeb –
Ua li ,Tswv Ntuj tej kev nyiam kev hlub yuav rub koj los mus taug
kev kev nyiam kev hlub, zoo cuag li Ntuj tus piv txwv los mas -
TEEV NTUJ : ( Nyias hais tau lo lus no hauv nyias siab tias :

Cov kwv tij phooj ywg hmov thiab tshua, nej twb tau tau twm tus
Hauv Paus Xa Lus
zaj lus meej pem tias: “ KEV NTSEEG TXHAWV NTAWM KEV
TXAIS NTUJ LUS : ( Los Mas 10: 17
Li ntawd peb yuav tau ua neeg nplua nuj hauv kev ntseeg mas
tsuas yog peb qhib NTAWV NTSHIAB , ces peb txoj kev ntseeg yuav
tsis pluag zuj zus
Ua li ,peb yuav kub siab txais Ntuj Lus zuj zus, peb thiaj nplua nuj
zuj zus hauv kev ntseeg Ntuj , kev tso siab rau Tswv Ntuj tib leeg thiab
kev nyiam Tswv Ntuj -
Hnub no peb sib koom xyuas Nkauj Paj Nruag 31 , uas lub ntsiab
lus hais li no : “ TUS RAUG KEV TXHAWJ XEEB LOJ THOV NTUJ
PAB “ ….Hauv NTAWV NTSHIAB,,nej qhib phab 244 – 245
Peb sib koom thov Leej Ntuj Plig nqes los tshoj peb siab
Zaj nkauj teev Ntuj : As les lus yas; Leej Ntuj Plig ,koj los
mas…
Thov kom nej xub twm tej qib lus hauv Nkauj Paj Nruag 31 ntawd
( uas yuav nthuav piav me ntsis
2 : Huab Tais ,kuv muab koj los ua kuv lub chaw nkaum
6: Kuv tso kuv txoj sia rau hauv koj txhais tes .
7 : Kuv tso siab rau HUAB TAIS
8: Kuv hom khaj zoo si ab, vim koj hlub kuv
Thawj qib lus mus li no tias : Huab Tais,kuv muab koj los ua kuv
lub chaw nkaum
Thaum twg yus hais tau lo lus no ? Yog thaum yus raug kev mob
nkeeg../.Thaum 2-3 leeg hauv yus tsev , ib tug tsis kam hais ib nyuag
lus rau ib tug ....Thaum ib leeg npau taws ntau zaus rau ib
leeg….Thaum ib tug cem ib tug, zoo cuag li nws tsis kam cheem
nws qhov nkauj


Cov kwv tij, txhua txhia zaus uas peb sib sau teev hawm Tswv Ntuj
, mas phim yuav tsa muag los “muab Tswv Ntuj los ua yus lub
chaw nkaum

Qib lus tim 2: Kuv tso kuv txoj sia rau hauv koj txhais tes. Cov
kwv tij ,peb nco tias : thaum Yes Xus dai ntawm tus Ntoo Cuam.mas
Huab Tais Yes Xus kuj hais lo lus ntawd tiag ( Lus Kas 23 : 46 )
Ces phim yuav nco txog qib lus ntawd, mas
Yus cia Huab Tais rov hais nws zaj teev Ntuj dua, uas yog nyob hauv
yus lub siab ntag
Lo lus 3 : Kuv tso siab rau HUAB TAIS. Mas yus muaj peev xwm rov
hais qib lus ntawd dua pes tsawg puas zaus, pes tsawg txhiab zaus..vim as
Tswv Ntuj yog peb qhov chaw vam khom- Yeej yog raws li Ntuj Lo Lus hais
as :””Kuv yog HUAB TAIS : tsis muaj dua lwm tus
HUAB TAIS loj li kuv”His Xais 45 21
Lo lus 4 tias : Kuv hom khaj zoo siab, vim koj hlub kuv. Ces
vam ntsoov tias peb yuav khaws Ntuj Lo Lus no tseg tias : NYOB
NTAWM KUV XUB NTIAG, KOJ YOG TUS UAS MUAJ NQE
THIAB KOJ YOG TUS UAS KUV NYIAM, KUV HLUB KAWG
NKAUS “ His Xsis 43 :4
Xam pom tias nej twb paub tias:: nyob Fab Kis Tes ( thiab hauv tej
lub teb chaws ), cov neeg coob hais kam lo lus PAPA
rau lawv txiv yug .
Ces hais zaj nkauj PEB TXIV NYOB SAUM NTUJ,,..
Nyob rau hauv Nkau Paj Nruag 31, thiaj pom muaj 3 qib lus
no tias
1 :Kuv tso siab rau koj, HUAB TAIS
– Kuv hais tias :”Koj yog kuv tus Tswv Ntuj “
2 : Kuv lub hnub nyoog nyob hauv koj txhais tes
3 ; Thov kom koj lub ntsej muag ci rau koj tus tub txib mas
–
Koj cawm kuv vim koj hlub kuv !

1 : Kuv tso siab rau koj, HUAB TAIS
– Kuv hais tias :”Koj yog kuv tus Tswv Ntuj “
Cov kwv tij, lo lus ntawd mas tsim nyog peb rov haisdua
ntau ntau zaus..
Ua li ,hauv Ntawv Ntshiab , Tswv Ntuj qhia zaj lus pab yus
coj lub neej raws li Tswv Ntuj lub siab nyiam, hais tias :”
Yog kuv txawj hais ntau haiv neeg cov xeem lus thiab txawj
hais Ntuj cov Tshiab cov xeem lus huv tib si, tab sis kuv tsis
muaj ib lub siab nyiam, mas kuv tsuas yog ib lub nruas tooj
nrov dag, thiab lub nruas npuaj nchav xwb ---Yog kuv txawj
ua yaj saub, los kuv paub tas ib puas tsav yam lus tob , ib
puas tsav yam txuj ci, tab txawm kuv lub siab ntseeg tshem
tau tej lub roob rau lwm qhov , tab sis kuv tsis muaj ib lub
siab n yiam, mas kuv tsis muaj nqis dab tsi “,,1 Kos Lis Nthos
13: 1 – 2
2 : .. : Kuv lub hnub nyoog nyob hauv koj txhais tes .
Peb tsis paub tias : peb yuav tau coj lub neej rov mus txog peb
hnub nyoog 89 los 95 xyoo, mas peb tsis paub li--. Vim li cas
peb tsis paub qhov ntawd ? Vim tias tus tseem tswv uas pab saib
peb lub neej peb txoj sia mas yog Tswv Ntuj tib leeg xwb ua tus
paub – Qhov tias peb noj mov haus dej los peb noj tej hom tshuaj
los pab yus, mas qhov ntawd thiaj yog tej hauj lwm uas Tswv Ntuj
pub peb ua- tiam sis tus tseem pab saib peb txoj sia kom yuav tau
ciaj sia nyob rov mus txog xyoo twg ,los txog lub hlis twg thiaj yog
Huab Tais Tswv Ntuj tib leeg ntag. Saib: yav sawv ntxov peb
sawv los npaj siab ua peb tej hauj lwm,mas yog vim tias tas ib hmo
Tswv Ntuj tau u txuag peb txoj sia tag ib hmo . tsis tu ncua . Thaum
peb tau sawv los, peb puas tsa muag los hais 2-3 .lo ua Ntuj tsaug.
? Ua li, tsim nyog peb qhuas txog tas ib puas tsav yam uas
TswvNtu pub peb ua…Saib : zaus puav, tsim nyog xyuas twm tej qib
lus peb hauv Nkauj Paj Nruag 8 ,hais tias :” Thaum kuv ntsia cuaj
txheej Ntuj uas koj ntiv tes ua , ntsia lub hli, cov hnub qub uas koj
muab los dai saud, neeg yog dab tsi, koj thiaj nco txog ? Leej tib
neeg yog dab tsi , koj thiaj txhawj txog ? Koj tso tas puas tsav yam
rau hauv neeg qab xib taws -,HUAB TAIS , peb tus Huab Tais,
koj lub npe muaj hwj xyeej mus puv tas ntiaj teb “

3 :. ; Thov kom koj lub ntsej muag ci rau koj tus tub
tub txib mas –Koj cawm kuv vim koj hlub kuv ! Qhov
tias peb ib txhij yog Tswv Ntuj cov tub txib thiab peb yog nws cov me
tub me nyuam- ces txiav txim mloog Huab Tais Ntuj thawj thawj lo
lus qhia : “Ib : koj yuav teev Huab Tais Ntuj ib tug xwb thiab koj
yuav nyiam Huab Tais Ntuj tshaj tas puas tsav yam “..
Zaj nkauj teev Ntuj : NYOB HAUV KOJ TES….
Nyob hauv tib Zaj Nkauj Paj Nruag 31 mas peb tseem pom
3 qib lus hais tias 1 : Huab Tais nto meej nto moo, vim nws lub
siab hlub tau ua hwj huam yees ntxwv pab kuv .
2 : Tej pab neeg hwm HUAB TAIS, mas nej nyiam nws mog –HUAB
TAIS txuag nej sawv daws .
3 : Tej pab neeg od ,, nej tso siab rau HUAB TAIS los mas – Nej ua
siab loj siab tawv qhawv , vim tias nej tso siab lug rau nws mas .
1 : .. Huab Tais nto meej nto moo, vim nws lub siab hlub tau ua
hwj huam yees ntxwv pab kuv . Cov kwv tij, phim yuav hais zaj cav
txog Tswv Ntuj lub npe ntshiab dawb huv raws li tus Nkauj Tsim Txiaj
Mab Liab lo us hais tias : “ Kuv tus plig cav txog Huab Tais Ntuj lub
hwj chim - Kuv lub tswv yim hom khaj nyob hauv Tswv Ntuj uas
nws cawm kuv- Tus muaj hwj huam tas nrho , nws ua tej yam loj
rau kuv : nws lub npe ntshiab –HUAB TAIS lub siab hlub cov neeg
hwm Ntuj - Huab Tais hlub lawv txog txhiab niag tim puas xyoo. Cov
neeg me, HUAB TAIS tsa lawv nyob qhov chaw siab “ Cov kwv tij
od ,,.tus Nkauj Tsim Txia j Mab Liab nyob kaj lug kaj nrig, vim tias
Tswv Ntuj tau ua huam yees ntxwv loj rau nws., yam Mab Liab yuav
yug tus Huab Tais cawm neeg , uas yog Huab Tais Yes Xus Pleev -
Hos ntawm peb sawv daws , peb nrog Mab Liab koom ua ib lub siab
cav txog Tswv Ntuj lub koob meej, vim 2 yam no ; 1: Tswv Ntuj pub
peb yug los ua neeg - 2 : Tswv Ntuj tau pub peb rov yug los tshiab
dua, kuj yog vim lub Cim Ntxuav- Yeej yog raws li tus Hauv Paus
Xa Lus lo lus, hais tias :” “ Es Fes Xos 1: 5 + 2: 18-19 : “ Tswv Ntuj

TXHIM KHO NKAUJ PAJ NRUAG 31
KEV NTSEEG NTUJ TXHAWV NTAWM KEV TXAIS NTUJ LUS

Los Mas 10:17
Cov kwv tij phooj ywg hmov thiab tshua, nej twb tau nyeem tus Hauv Paus Xa Lus Paj Lug zaj lus meej pem tias : “KEV NTSEEG NTUJ TXHAWV NTAWM KEV TXAIS NTUJ LUS “
Zoo li , yav dhau los, tau muaj tus Txiv Plig los tus Xib Hwb uas tau los txog nej zos. Ua li, tau muaj ntau hnub ntau hlis, nej tau xyiv fab txais lub Moo Zoo -Nej tau kub siab txais Ntuj Lus- Zoo li Lo Lus tias :” Yeej muaj Huab Tais Tswv Ntuj , uas yog tus tsim tas ib puas tsav yam- Nws niaj hnub muab nws tej kev hlub los pov hwm peb cov neeg thiab txhim kho peb tej siab ntsws kom rov ntshiab dawb huv tuaj –“ Tswv Ntuj yog txoj kev nyiam - Tswv Ntuj txoj kev nyiam peb tawm los rau qhov muag pom xyeem li no : Tswv Ntuj xa nws Leej Tub Twm Zeej tuaj nyob ntiaj teb no kom peb ciaj sia nyob hauv nws Leej Tub-..Huab Tais Tswv Ntuj lub siab hlub nyob tas ib txhiab ib txhis “ ( 1 Zam 4:8-9 + Nkauj Paj Nruag 136: 26 ).. Ua li, nej mam qhib nej siab los mus ntseeg txog Tswv Ntuj tib leeg – Nej pib tso siab lug rau Tswv Ntuj, uas nws yog peb Txiv khuv leej neeg tas nrho- Tsis tas li ntawd xwb , nej kub siab “nyiam tas siab tas ntsws, tas tswv yim,tas zog “. Hos nej tau muab siab kawm tej zaj teev Ntuj—Tsis yog ib yam yooj yim, puas yog ? ! !– Nyob nyob , nej cia li lees tias Tswv Ntuj tej txiaj ntsim nqes los txeem hauv nej siab – Nej kuj tau nrauj kev ntshai kev txhawj - Ces tau muaj ib hnub zoo tshaj plaws uas nej tau txais lub Cim Ntxuav- ces nej txia ntshis rov yug los dua, ces thiaj ua cov tub ki nyob hauv Huab Tais Yes Xus Pleev..Nej mam li yog Tswv Ntuj tsev neeg “. ( Es Fes Xos 1:5 + 2:18-19…Cov kwv tij, peb nrog nej koom nco txog Tswv Ntuj txiaj ntsim ,rau qhov tias Tswv Ntuj tau pab nej qhib nej siab los txais Ntuj lus- ces nej mam li tig los yuav lub siab tshiab .
Peb nrog nej koom siab thov kom Leej Ntuj Plig Ntshiab nqes los tshoj peb siab -
Zaj hu nkauj teev Ntuj zoo li no:
As les lus yas, Leej Ntuj Plig, koj los mas ; koj los nyob hauv..
Nyem no mus, thov kom nej xub txais 4 qib lus uas nyob hauv Nkauj Paj Nruag 31. Tom qab ntawd ,yus yuav nthuav piav 4 qib lus ntawd. Zoo li qib lus 2 hauv Nkauj Paj Nruag 31 tias : Huab Tais , kuv muab koj los ua kuv lub chaw nkaum - Qib lus 6 tias :kuv tso kuv txoj sia rau hauv koj txhais tes. Qib lus 7 : Kuv tso kuv txoj sia rau HUAB TAIS - Qib lus 8 : Kuv hom khaj zoo siab vim koj hlub kuv .
= Thawj qib lus yog qib lus 2 hauv Nkauj Paj Nruag 31 tias : Huab Tais,, kuv muab koj los ua kuv lub chaw nkaum Saib : thaum twg yus hais tau qib lus ntawd ? Yog thaum yus raug kev mob nkeeg…Yog thaum 2 leeg nyob hauv yus tsev, ib tug tsis kam hais ib lo rau ib tug .. Yog thaum ib leeg npau taws heev rau ib leeg..Yog thaum ib tug npau taws sai ces nws tsis kam cheem nws qhov ncauj..Mas thaum tej yam ntawd tshwm sim tuaj, peb kav tij nrhiav lub chaw nkaum tseem ceeb, uas yog peb tus Huab Tais siab zoo tas nrho. Peb hu txog nws tas zog, Tswv Ntuj muaj peev xwm txhim kho cov neeg ntawd lub siab, kom xwv sawv daws sib zam - ib tug qhuas txog ib tug.
= Lwm qib lus hauv Nkauj Paj Nruag 31 yog qib lus 6, hais tias Txiv, kuv tso kuv txoj sia rau hauv koj txhais tes: “ “ :…sawv daws tseem nco ntsoov tias : thaum Yes Xus dai saum tus ntoo cuam , nws kuj hais 7 lo lus tseem ceeb - Hos lub ntsiab teem ceeb hauv Yes Xus txoj kev ntseeg kuj yog tib lo lus ntawd tias: “ Txiv ,kuv tso kuv txoj sia rau koj txhais tes “.Cov kwv tij, tsis yog Huab Tais tib leeg uas hais tau lo lus ntawd- Qhov tseeb mus li no tias :peb sawv daws kuj zoo siab hais tau qib lus ntawd ib yam nkaus li Huab Tais Yes Xus. .Mas peb niaj hnub nco tias :Huab Tais uas nyob txawm hauv peb siab, nws ib txhij nrog peb koom rov hais lo lus ntawd dua ntag – Peb nyob kaj lug kaj nrig ntseeg txog qhov ntawd – Huab Tais Yes Xus nrog peb koom tso peb txoj sia rau peb Txiv nyob saum ntuj- Qhov ntawd thiaj yog qhov loj kawg nkaus hauv peb lub neej ntseeg Ntuj
= Lwm qib lus hauv NPN 31 ntawd thiaj yog qib lus 7 tias : “Kuv tso siab rau HUAB TAIS “- Cov kwv tij, txhua txhia zaus peb hais lo lus teev Ntuj ntawd, mas phim peb yuav nco txog lwm qib lus, uas Tswv Ntuj hais tseg tias : “Kuv yog HUAB TAIS : tsis muaj dua lwm tus Huab Tais loj li kuv “ ( His Xais 45: 21 )
= Hos tshuav qib lus 8 hauv NPN 31 tias :” Kuv hom khaj zoo siab, vim koj hlub kuv” . Cov kwv tij, peb niaj hnub tseem khaws Lo Lus uas Tswv Ntuj hais rau peb sawv daws ib tug dhau ib tug, ib leeg dhau ib leeg hais tias :”Nyob ntawm kuv xub ntiag, koj yog tus uas muaj nqes, vim tias koj yog tus uas kuv nyiam kuv hlub kawg nkaus . His Xais 43 :4

Hu nkauj teev Ntuj ; PEB TXIV NYOB SAUM NTUJ.

Nyob rau hauv Nkauj Paj Nruag 31 thiaj pom muaj 3 qub lus no tias :
Qib lus 15 : kuv tso siab rau koj, HUAB TAIS - Kuv hais tias :”Koj yog kuv tus Tswv Ntuj” –
Qib lus 16 : Kuv lub hnub nyoog nyob hauv koj txhais tes
Qib lus17 : Thov kom koj lub ntsej muag ci rau koj tus tub txib mas- Koj cawm kuv vim hlub kuv .
Qib lus 15 : Kuv tso siab rau koj , HUAB TAIS – kuv hais tias:” Koj yog kuv tus Tswv Ntuj” .
Cov kwv tij, lo lus ntawd ,mas tsim nyog peb rov hais dua ntau ntau zaus ..vim tias, hauv Ntawv Ntshiab ,mas Leej Ntshiab Paj Lug qhuab qhia peb tias peb yuav coj lub neej raws li Tswv Ntuj lub siab nyiam, hais tias :” Yog kuv txawj hais ntau haiv neeg cov xeem lus thiab txawj hais Ntuj cov Tshiab cov xeem lus huv tib si , tab sis kuv tsis muaj ib lub siab nyiam, mas kuv tsuas yog ib lub nruas tooj nrov dag thiab lub nruas npuaj nchav xwb - Yog kuv txawj ua yaj saub, thiab kuv paub tas ib puas tsav yam lus tob, tas ib puas tsav yam txuj ci, tab txawm kuv lub siab ntseeg tshem tau tej lub roob rau lwm qhov , tab sis kuv tsis muaj ib lub siab nyiam, mas kuv tsis muaj nqis dab tsi “ 1 Kos Lis Nthos 1 : 1-2
Qib lus 16 hais tias : kuv lub hnub nyoog nyob hauv koj txhais tes :
Peb tsis paub tias: peb yuav ciaj sia rov mus txog hnub nyoog 90 xyoo los 120 xyoo tej, mas peb tsis paub li .Saib: yav sawv ntxov, peb rov tsim los peb tseem ciaj sia li nag hmo, vim tias Huab Tais Tswv Ntu tau txuag peb txoj sia tag ib hmo, tsis tu ncua. Thaum ntawd,xam pom tias tsim nyog nco txog Ntuj kev nyiam kev hlub uas muaj zog tas nrho- ces yuav rov hais Nkauj Paj Nruag 8 tias :” Thaum kuv ntsia cuaj txheej ntuj uas koj ntiv tes tsim los , ntsia lub hlis, cov hnub qub uas koj muab los dai saud, ces thiaj xav tias : neeg yog dab tsi,koj thiaj nco txog ? Leej tib neeg yog dab tsi , koj thiaj txhawj txog ? Koj tso tas puas tsav yam rau hauv neeg qab xib taws - HUAB TAIS , peb tus Huab Tais, koj lub npe muaj hwj xyeej mus puv tas ntiaj teb “ -
Qib lus 17 : Thov kom koj lub ntsej muag ci rau koj tus tub txib mas- Koj cawm kuv, vim koj hlub kuv ! Qhov tias peb ib txhij yog Tswv Ntuj cov tub txib thiab peb yog nws me tub me nyuam- ces peb txiav txim ib siab mloog Huab Tais Ntuj thawj lo lus qhia tias : “Ib : koj yuav teev Huab Tais Ntuj ib tug xwb, thiab koj yuav nyiam Huab Tais Ntuj tshaj tas puas tsav yam “ .
Zaj nkauj teev Ntuj ; NYOB HAUV KOJ TES..

Nyob hauv Nkauj Paj Nruag 31, tshuav muaj 3 qib lus qhia peb tias:
Qib lus 22 : Huab Tais nto meej nto moo, vim nws lub siab hlub tau ua hwj huam yees ntxwv pab kuv
Qib lus 24 : Tej pab neeg hwm HUAB TAIS, mas nej nyiam nws mog- HUAB TAIS txuag nej sawv daws
Qib lus 25 : Tej pab neeg od , nej tso siab rau HUAB TAIS los mas – Nej ua siab loj siab tawv, vim nej tso siab rau nws mas..

… Qib lus 22 : Huab Tais nto meej nto moo, vim nws lub siab hlub tau ua hwj huam yees ntxwv pab kuv.,
Qhov 1 uas Tswv Ntuj tos txais ntawm peb kuj mus li no tias: peb yuav nco txog Tswv Ntuj tej txiaj ntsha txiaj ntsim,,1 : Tswv Ntuj pub peb yug los ua neeg 2 : Tswv Ntuj kuj pub peb rov yug los tshiab dua ( ho hnub dhau hnub Tswv Ntuj pub kom nws txoj sia hauv peb siab thiaj loj hlob zuj zus ntag ) - Yeej yog raws li Ntuj Lo Lus hais tias : “ Tswv Ntuj ib txwm xaiv peb ua nws cov tub ki tshiab nyob hauv Yes Xus Pleev …Peb tau kev mus cuag Leej Txiv..Peb yog Tswv Ntuj tsev neeg” ( Es Fes Xos1:5 + 2: 18 -19

Qib 24 : Tej pab neeg hwm HUAB TAIS, mas nej nyiam nws mog- HUAB TAIS txuag nej sawv daws
Qib lus 25 : Tej pab neeg od , nej tso siab rau HUAB TAIS los mas – Nej ua siab loj siab tawv, vim nej tso siab rau nws
Tej pab neeg uas tig los yuav lub siab tshiab, lawv ib siab teev hawm Tswv Ntuj tib leeg -.Lawv zoo siab ua qhov no - Tab sis lawv tsis pom qab taug txoj kev nyiam Tswv. Xam pom yuav tsum hais qhia lawv tias :” Peb kuj tau txais Tswv Ntuj tej txiaj ntsim uas muaj nqes kawg nkaus - Ces peb tsis txhob ua neeg mob txheej mob ntsim - Peb yuav kub siab nyiam Tswv Ntuj los mus pauj tas puas tsav yam ( uas loj kawg nkaus ) Tswv Ntuj tau pub peb dawb. Yog ua tau qhov zoo no mas tsim nyog muaj lub npe hu ua Tswv Ntuj cov me nyuam

Cov kwv tij, peb yuav los mus twm NPN 116 tias “ Kuv nyiam HUAB TAIS, vim HUAB TAIS hnov kuv lub suab taij - Nws tig poj ntseg los ze kuv- Kuv yuav hu txog nws tas kuv sim neej “ ( Peb kuj los mus twm NPN 18, qib 2-4 thiab ) - Tsis tas li ntawd, peb tau khaws Leej Ntshiab Pob Zeb lo lus tseg tias:” Huab Tais,koj paub tas ib puas tsav yam – Koj paub tias kuv nyiam koj tiag ) Zam 21:17
Tsis tas li ntawd xwb, peb yuav” ua siab loj siab tawv qhawv, vim peb tso siab lug rau Tswv Ntuj, uas muaj zog tas nrho” .Ua li tsuas yog peb yim ntseeg txog Tswv Ntuj , peb yim tiv thaiv tej zaj tswv yim phem kom tau txais yeej zuj zus ntag ..

IB ZAG HAWM TSWV NTUJ: “ Peb Txiv khuv leej neeg tas nrho, peb zoo siab khaws koj tej lus tseg tias : KEV NTSEEG TXHAWV NTAWM KEV TXAIS NTUJ LUS ”- Tas ib sim neej , peb mam li ib siab txais Ntuj Lo Lus kom ntau dua qub – Ua li peb yuav zoo siab teev hawm Tswv Ntuj zoo li no tias : ”Huab Tais Tswv Ntuj, koj lub siab hlub nyob tas ib txhiab ib txhis” NPN 136:26
ZAJ HU NKAUJ : 1 : Tus Nkauj Tsim Txiaj Mab Liab zaj lus tias;’ Kuv tus plig cav txog….
2 :“Koj nyob kaj lug, Mab Liab” los : Koj nyob zoo, Mab Liab…”

T.P. Txhiaj Foom omi