Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Yesterday at 9:11 am

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 8:53 am

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 8:46 am

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 8:44 am

» Saib duab txawv txawv
by Maiv Tooj 24th July 2017, 1:26 pm

» TP.Txhiaj Foom lub TSEV Ntawv
by Maiv Tooj 19th July 2017, 9:25 am

» Txiv Plig Neej Vaj
by Maiv Tooj 18th July 2017, 4:31 pm

» Xib Hwb Thoj Xyooj lub neej
by Maiv Tooj 3rd July 2017, 2:58 pm

» Sib pab txuag tswv ntuj pab yaj
by Maiv Tooj 3rd July 2017, 7:08 am

» MOO QAIJ QAUG
by Tub Kawm 2nd July 2017, 6:06 pm

» VAJ QHIA FRANCIS TSA TSWV QHIA LING THIAB PLAUB TUG TSWV QHIA NTXIV UA CARDINALS
by Mim 29th June 2017, 7:20 pm

» PIAV LUB XYOO TEEV NTUJ.
by Maiv Tooj 15th June 2017, 10:06 am

Suav neeg tuaj saib, txij hnub 17/09/2010 los mus.


    TP Txhiaj Foom zaj lus pov fhawj txog kev ntseeg

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1890
    Date d'inscription : 2009-10-16

    TP Txhiaj Foom zaj lus pov fhawj txog kev ntseeg

    Post  Mim on 14th September 2010, 3:05 pm

    HMOOB UA TIM KHAWV TXOG TXOJ KEV NTSEEG
    Sau Lub 6 hlis 1989
    tu sau
    TP. Txhiaj Foom


    Txiv plig Txhiaj Foom xa tau ob zaj lus pov thawj no tuaj, kuv muab tso rau hauv no. Muaj ib zaj yog TP Nyiaj Pov sau.

    HMOOB UA TIM KHAWV TXOG TXOJ KEV NTSEEG

    ( Peb ib cov kwv tij ua tim khawv txog kev ntseeg ) Lub 6 hlis 1989


    Yaj Zam Nob
    = Xyoo 1953 , nws yog thawj tus Hmoob uas tig los ntseeg Ntuj nyob Los Tsuas teb: “ Thaum Txiv Plig Nyiaj Pov tsis tau tuaj, kuv yog ib tug neeg ua neeb Kuv txawj ua neeb, ,txawj ua khawv koob. Kuv tau kawm thoob plaws puas tsav yam los rau ntawm kev ua neeb ua yaig , kev kho ntsuj kho hlau
    = Ntawm Yes Xus kev cai mas lub Moo Zoo tias : tsis ntshai dab – tsis ntshai dig muag - tsis ntshai ceg tawv - tsis ntshai puas dab puas qhua…..
    Peb zwm kiag rau tus Huab Tais kiag lawd , ces tej nyuag dab me yeej tsis yeej txog tus Huab Tais tsim lub ntuj lub teb, tsim cov dab ntawd ...
    Tso siab rau Ntuj mas kev txhob kev txhawj poob tas nrho lawm
    - Yus tsis txhawj hlo kiag li lawm.
    = Huab Tais Tswv Ntuj tsim lub hnub lub hli
    - Ntuj yuav ua cov huab cov cua txias los yug tej qoob loo
    – Peb saib xyuas qhov no
    – Qhov no yog qhov tias : tsis teev dab los yeej tau noj
    – Rau siab nquag ua, ces yus yeej tau yuav
    – Qhov no mus li no xwb
    = Txog kev ua dab, los qhuas kev ua dab
    - Txog kev teev Ntuj, los qhuas kev teev Ntuj
    – Tsis plhaw tom ntej, plhaw tom qab
    - Ob yam ua, tsis tau . Mus txoj kev twg, tso siab kiag rau lub ntuj lub teb…
    Tsis nrog luag khuv xim txog hais tias : luag nyiam ua neeb…Tej no mas kuv tsis nco txog lawm

    Leej Tsob Hwb Vam Thaiv Lauj ::

    Txhua yam kawg yog tawm ntawm Huab Tais Ntuj los
    – Yog li, peb thiaj ncaj qha teev hawm Tswv Ntuj ib leeg xwb
    – thov nws pab xwb . Peb tsis vam txog dab hlo li lawm…
    His Xais 45, 5- 25 + 40,28- 35 + 54,10
    Tswv Ntuj yog tus tswv tsim peb tus ntsuj plig, vim nws xav coj peb tus ntsuj plig nrog nws nyob ( Hauv Paus 1,26 + 2,7 ) + Kos Los Xais 1,12-14
    Zam 14 , 1-3 : “Nej tsis txhob ntxhov siab mog . Nej yuav ntseeg txog Tswv Ntuj
    – Nej yuav ntseeg txog kuv thiab mog.. Kuv yuav rov los coj nej mus nyob ze kuv, kom xwv kuv nyob qhov twg, nej thiaj yuav tau nrog kuv nyob qhov ntawd “
    …1 Tes Xas Los Nis 4,13-14 + 17-18 : Thaum nej muaj ib tug neeg tuag, nej tsis txhob tu siab xws li cov neeg tsis muaj kev tso siab . Peb ntseeg tias : Yes Xus tuag thiab nws sawv rov los. Peb kuj tso siab lug tias : cov neeg mus pw tsaug zog nyob hauv Yes Xus, mas Tswv Ntuj yuav coj lawv mus nrog nws nyob…Peb yuav mus cuag Huab Tais nyob saum ntuj
    - Peb yuav mus nrog Huab Tais nyob “
    Zoo nkaus li peb yuav niaj hnub hu nkauj los cav txog Huab Tais Ntuj, los thov Ntuj pab peb, los saib peb lub neej, los kho peb tej kev nyuaj kev ntxhov
    ( Zaj nkauj : : Kuv tsa muag ntsia hauv toj hauv pes saib : yog leej twg yuav tuaj pab kuv ? Tus yuav tuaj pab kuv yog tus Huab Tais tsim lub ntuj tsim lub ntiaj teb ZNP 120
    Sawv daws yeej ntshai txog tsam ua dab yuam kev, ces thaum ntawd dab ho yuav nplua yus, los yog dab tsis pov hwm yus tsev neeg
    – Yog vim li ntawd, peb sawv daws txhua leej txhua tus, peb yeej ntshai txog tej ntawd - Tsis hais leej twg hlo li, tseem ceeb, yog nyob rau hauv peb Hmoob kev cai, hais txog ntawm uas peb ntshai tshaj plaws, ua dab rau tej laus. Mas yuav tsum tau ua kom tsis txhob yuam kev hlo li
    – Yog yuam kev lawd, mas dab yuav tsum nplua : yus tsev neeg yuav tsum muaj ploj muaj tuag xwb
    - Yog li ntawd, peb sawv daws txhua leej txhua tus ntshai txog qhov ntawd
    – Tsis kav peb tsis nco qab xam pom hais tias : puas muaj ib txog hau kev twg uas yuav pab cawm peb tau..Vim thaum ntawd peb yeej tsis paub txog Huab Tais Ntuj Yog vim li nyem no peb sawv daws, cov ntseeg, los cov tsis tau ntseeg, peb yeej paub hais tias : muaj ib txog kev cawm kom peb dim ntawm peb tej kev dab kev qhua ntawd
    Mas Kos 12,32 : “Peb tus Huab Tais Tswv Ntuj, nws tib leeg xwb yog Huab Tais
    - Tsis muaj dua lwm tus Tswv Ntuj dhau ntawm nws “ ( + His Xais 45. 5,25 )
    Peb txhua leej txhua tus, uas peb muaj kev ntxhov. saib, peb yuav tsum muab cob cog tau ntawm tus Tswv Ntuj ib leeg nkaus xwb
    - Nws thiaj yog Tus Tswv.- Nws thiaj yog tus cawm tau, yuav pab peb dim tau ntawm tej kev teeb meem, puas tsav yam tib si tau
    – Nws yog tus muaj hwj chim tiag – Peb thiaj yuav tau txais yeej
    1 Pob Zeb 5,7 :’ Nej txo nej tej kev ntxhov siab huv tib si rau Tswv Ntuj, vim nws yog tus txuag nej “
    Hnub peb sau laus lawd, peb muaj ib lub neej kaj siab hais tias : peb tau hla ntawm lub ntiaj teb kev txom nyem no mus rau hauv lub neej, uas peb yuav nyob kaj lug, , nrog tus Huab Tais Tswv Ntuj, tus tsim peb tus ntsuj plig
    - Peb thiaj li yuav tsis muaj kev txhawj hais tias : ntshai yuav tshaib tshaib nqhis nqhis
    – Ntshai tseem yuav los nrhiav tub nrhiav kiv tom qab , los yuav nyuj dab npua tai zoo li peb lub neej qub uas tau tas lawd.

    Xib Hwb Yaj Nom Rwg

    Yes Xus tau hais tseg rau nws cov thwj tim, thaum nws yuav nce mus pem Ntuj: Yog vim lo lus Yes Xus hais ( Zam 14, 1-3 ), mas kuv thiaj paub hais tias : Yes
    Xus yuav tsis tso peb tseg ib zaug
    – Tab txawm hais tias peb lub cev tau ncaim ntiaj teb, los peb tus ntsuj plig yeej yuav tau mus pem Ntuj .
    Kuv tau ib tug Huab Tais tseem tseem ceeb mas kuv thiaj tso siab mas yog fab ntsuj plig :
    - fab uas yus qhov muag tsis pom, mas fab ntawd loj dua lub cev
    1 Kos Lis Nthos 7 ,31 + 35 :
    “ Ntiaj teb lub ntsej muag yuav dua…Ces kuv xav coj nej mus cuag tej yam tsim nyog , tej yam khi nej rau Huab Tais tib leeg”
    1 Zam 2,17 :”
    Lub qab ntuj neeg thiab nws txoj kev ntshaw yuav dua - Hos tus ua raws li Tswv Ntuj lub siab, mas nws nyob mus li,tas ib txhiab ib txhis”
    Kuv zoo siab kawg rau qhov tias : kuv tau ib tug tseem Tswv Ntuj tas nrho uas kuv tso siab hais tias : tiam no thiab lwm tiam, mas kuv yeej yuav tau ua neej nyob mus li
    - Kuv tsis poob siab txog dab tsi. Yog vim kuv ntseeg Ntuj, kuv thiaj tau ib lub neej kaj kaj siab kawg li
    - Muaj ib qhov chaw uas nres kuv lub siab lub tswv yim, mas yog kuv tus Huab Tais Tswv Ntuj ua tus nres.
    Leej twg xav ntseeg txog Yes Xus, mas kuv hais rau nej hais tias : yuav tsis nkim nej lub zog
    – Ntshai nej yuav kaj siab zoo li kuv thiab vim Tswv Ntuj xav pub ib lub txiaj ntsim rau neeg ua kom yus kaj siab, ua kom yus muaj ib lub siab pom ib qhov yav tom ntej, uas yus kaj siab lug rau
    Hes Nplaws 11,1:
    ” Txoj kev ntseeg yog txoj kev zeem tau meej tias : peb yuav txais yam uas peb cia siab tos
    - Kev ntseeg ua puav pheej tias : yam uas peb tsis pom, yeej muaj tseeb tiag”
    Zoo li yus tseem nyob ntiaj teb no, yus lub tswv yim twb pom zem zuag txog Tswv Ntuj lub Ceeb Tsheej lawm
    - Yog peb tso siab rau Tswv Ntuj mas yeej zoo li ntawd
    Kuv kev ntseeg mas yog zoo li no : kuv tso siab tias : kuv tso kuv lub neej thiab kuv txoj sia, uas tseem muaj lub cev thiab tus ntsuj plig , tso rau Yes Xus thiab Huab Tais Tswv Ntuj ua tus tswj, ua tus tsav, ua tus pus
    – Tas ib sim neej, txog hnub kuv yuav ncaim lub ntiaj teb, los kuv yeej yuav tsum nrog nraim kuv tus Huab Tais,
    - nws ua tus tswj, tus kav tas ib sim neej zoo li ntawd
    – Kuv yuav tsis ncaim nws, vim kuv nrhiav nws mas meej kawg , ntxim kuv siab kawg, haum kuv zaj tswv yim tas nrho
    Kuv hais lub ntsiab loj rau nej xwb
    - Nej ho coj mus mloog, coj mus soj ntsuam , saib : nej puas nyiam txog Huab Tais Tswv Ntuj
    - Nej puas xav ua Yes Xus cov thwj tid,,
    - nej los coj Ntuj kev Cai li kuv thiab
    - Kuv hais tias : tsis txhob poob siab Nej ho coj tau ib tug Huab Tais tseem ceeb kawg
    - Leej twg ntseeg txog Yes Xus, mas leej twg nrhiav tau leej twg txoj sia lawm ..Yog yus tsis ntseeg txog Yes Xus, mas yus kuj nrhiav tsis tau yus txoj sia, vim Yes Xus, mas kuv hais meej rau nej hais tias : Yes Xus yog peb txoj sia ntag …Tsis yog kuv lam xev hais : Yes Xus yeej hais tias :” Kuv yog nej txoj sia “( Zam 14,6 ) …Nej nrhiav nyob hauv Ntawv Ntshiab , mas yeej pom nyob hauv
    - Kuv hais raws li Yes Xus cov lus nyob hauv Ntawv Ntshiab ( Kos Los Xais 3,1-4 )
    Fab yus tus ntsuj plig, yus lub cev, tiam no thiab lwm tiam, yuav tau txais ib qhov tseem ceeb, ib lub teb chaws zoo rau yus mus ua ib lub neej tom ntej . ( Hes Nplaws 6,9:: “ Peb tso siab tias nej nyob ntawm tog zoo, ,yog tog uas txais kev cawm”

    Yaj Tooj Txhim - - Kas Kaus - Teb chaws Nkws Yas

    Kuv qhia nej hais tias : thaum ub, kuv coj dab mas coj tiag tiag
    – Tiam sis thaum kuv tau ntseeg lawd, mas kuv ntseeg tiag tiag
    - Tso plhuav dab pov tseg .
    Koj ntseeg hais tias : muaj Huab Tais Ntuj
    - Huab Tais Ntuj yeej pov hwm koj zoo kawg nkaus li .
    Txoj kev ntseeg tseem zoo tshaj li txawj tej ntawd ( xws li zaj khawv koob ) :
    Kev lawb dab mas lawb dab tas nrho ib puas tsav yam
    – Nyuag xyob txhiaj, ib puas tsav, , lawb tau tas nrho
    Yog koj nyuaj siab ntxhov plawv, koj mus txog tom tej teb qhov twg, koj nco txog Huab Tais Yes Xus, Huab Tais Tswv Ntuj thiab txog niam Mab liab
    – Koj hu zaj teev Ntuj :” Peb Txiv nyob saum ntuj “
    - Koj hu 30 zaj nkauj "Koj nyob zoo Mab Liab".
    – Koj nco ntsoov ob zaj ntawd xwb, tau lawm
    – Koj pw hmo ntuj, koj ua npau suav tsis zoo
    – Koj tsim dheev los
    – Koj sawv tsees los hais 30 zaj ntawd tas,
    - koj rov qab pw, tsis ua cas ntxiv tom qab lawm
    Kuv tsis ntshai dab tsi li..
    Dab tsis los, tsis caiv lawm
    – Dab tsi los ,koj tsis tuag lawm
    - Koj nco tias muaj Ntuj
    – nco txog hais tias muaj Huab Tais Ntuj
    – Ntuj pov hwm yus
    – Tas ib puas tsav yam nyob ntiaj teb no yog Ntuj tsim
    – Nyuag nab nyuag qav, tej neeg , xyoob ntoo, nroj tsuag ib puas tsav yam yog Ntuj tsim.
    Ib vas this kuv yuav tsum mus teev Ntuj ib zaug
    Yus ntseeg ntev heev lawm , mas Ntuj tso siab rau yus
    - Huab Tais Ntuj tseem loj dua dab thiab pab tau kuv lawm
    – Kuv zoo siab ntau los yav ntuj no .
    Txij li kuv txais kev ntseeg los txog tav no, kuv yeej tsis ntshai txhaum dab dab tsi li lawm thiab
    – Ntuj los yeej tsis phiv Ntuj qhov twg li. .

    Niam Paj Nus Thoj Appleton WI
    Kuv ua Ntuj kev cai tau 30 tawm xyoo no;
    – Kuv tso siab plhuav rau Tswv Ntuj xwb .
    Yog leej twg tso siab tiag tiag los Tswv Ntuj yeej pab tiag tiag
    – ib yam yus cov me nyuam yus yug,
    - Tus twg hu txog yus heev heev thiab hlub yus heev heev los , yus yeej nco ntsoov nws thiab hlub nws kawg nkaus
    - Tswv Ntuj los ib yam thiab.+-
    Yus yeej tso siab rau Tswv Ntuj
    - tsis txhob ntshai ntshai
    – Ib tug neeg ua Ntuj kev cai tsis txhob ntshai ntshai tuag
    - Yus yeej tsis ntshai ub ntshai no.
    - Yus yeej ua siab loj siab tawv coj yus txoj kev cai mus txog hnub kawg uas raws tau Huab Tais Yes Xus qab.
    – Yus tsis ntshai leej twg li nawj .
    Yus qhov chaw nyob tiag tiag yog nyob saum Ntuj xwb.
    - Ntiaj teb no yog qhov nyuag chaw so ua si xwb.

    Nplias Yaj - St Paul MN
    Muaj ntau zaus Tswv Ntuj tsis ua tej yam rau yus pom tam sim ntawd – Tiam sis, nws maj mam muab lub zog uas yog yam uas yus thov nws tuaj rau yus tom qab - Yus yuav tsum tau ua siab ntev tos
    Tswv Ntuj lub siab hlub peb tiag tiag - Tswv Ntuj, nws ua tau tas ib puas tsav yam ( Lus Kas 1,37 ) Yog peb tso siab rau Tswv Ntuj, mas peb thov yam twg ntawm Tswv Ntuj, ntawm niam Mab Liab, peb tso siab rau Tswv Ntuj, peb yeej yuav tau txais qhov uas peb thov = . Peb yuav tau thov Ntuj pab peb tiag tiag,, peb thiaj muaj lub zog nyob hauv peb .

    X H Nyiaj Thoj Tsab Detroit MI :
    Yog yus ua ib lub neej , uas yus nyiam Tswv Ntuj los yog , nyiam Huab Tais Yes Xus tas yus lub siab lub ntsws, thiab yus muab yus lub siab los tso rau Ntuj mus li mas yog yus muaj teeb meem los yog muaj kev ntxhov siab , yus thov Ntuj, ces nws yuav pab thiab yuav zam rau yus xwb xwb, rau qhov tias Tswv Ntuj yog tus hlub neeg - Tswv Ntuj yog tus khuv leej neeg – Tswv Ntuj yog tus xa nws Leej Tub, Yes Xus, tuaj cawm peb ntiaj teb neeg kom sawv daws dim tau ntawm txoj kev txhaum thiab kev tuag rov qab los muaj txoj sia.
    Qhov tseem ceeb, mas yog zoo li no : txoj kev uas cawm thiab txoj kev tshiab uas tuaj ntawm Huab Tais Yes Xus tuaj, mas thiaj li tseem ceeb dua thiab thiaj muaj nqe dua txoj qub kev cai, uas yog txoj kev teev dab teev qhua
    _______________________________________________________________________________________________


    Txiv Plig Nyiaj Pov Green Bay WI - June 23 1989
    1 : Cov neeg teev dab NTSHAI DAB ( ntshai tsam tsis nco qab yug dab…..ntshai hla ib qhov caiv…..ntshai raug kev mob kev nkeeg kev ploj kev tuag……ntshai dab kev quab yuam thiab kev looj loov…thiab ntau yam…
    2 : Tus ntseeg Huab Tais Yes Xus, nws paub tias Tswv Ntuj zam txhaum + pov hwm yus thiab hlub yus. Tus neeg ntseeg Ntuj, nws pib ua lub neej TWJ LIJ TSIS NTSHAI DAB ( Zam 8,32 : “Txoj kev tseeb yuav ua kom nej twj lij” .

    3 : Tus ntseeg txog Huab Tais Yes Xus, mas hauv nws nruab siab : Tswv Ntuj yees ua kom kev ntshai dab hloov ua ib txog kev TSO SIAB RAU TSWV NTUJ -

    Tus tib neeg ntseeg yim pheej xav txog Tswv Ntuj sai thiab yooj yim.

    Nws ua Ntuj tsaug

    Cov ntseeg saib Tswv Ntuj nrog lawv nyob, pov hwm lawv tiag.- Tswv Ntuj yog tus yeej cov dab tas huv tib si.

    4 : Tus Hmoob txiav siab ntseeg txog Huab Tais Yes Xus, nws thiaj paub tias : kev ntseeg txog Yes Xus tsis yog kev dim ntawm dab xwb.

    Nws paub tias kev ntseeg Huab Tais Yes Xus yog XYAUM TIG LOS COJ TUS YAM NTXWV NTSHIAB ZUJ ZUS ( Nws txog M T 5 : Cov muaj hmoov zoo..

    5 :Tas nws sid, tus ntseeg txog Yes Xus kuj tiv lub neej dog dig – Nws xyaum ua Yes Xus tus thwj tim – Nws nrog lub Koom Txoos pab cawm zeej tsoom .

    6 : Cov teev dab tseem hem tus mus ntseeg txog Yes Xus . Lawv tos kom tus neeg ntseeg raug kev mob kev tuag, ces lawv yuav tuaj ntxias, tuaj hem tus ntseeg kom rov ua dab - Lawv kuj xev ntau zaj dag thiab – Tus txiav siab meej tiag , nws tso siab lug rau Tswv Ntuj tib leeg- Nws yuav tsis ua ib yam dab tsi los teev dab li.

    Tus neeg ntseeg ( uas rov ua dab ) thiaj yog lub cim ua pov thawj tias yus tsis tso siab rau Tswv Ntuj

    Yog koj nrog cov teev dab sib tham los sib cav txog tej yam koj tau ntseeg thaum ub lawd, mas koj rov ua xyem xyav tias tus Tswv Ntuj puas yog nws tib leeg thiaj cawm tau pab ?. Kev sib tham txog txoj kev teev dab mas tab kaum koj xwb -

    Tab sis tus neeg ua ywj fab ywj fwj, mas nws txom nyem tiag – Nws ib txhij taug ob txog kev. Nws rov ua tus Hmoob vam txog dab – Nws swb nws haiv neeg teev dab .

    7 : Kev teev dab yog neeg lub tswv yim xev thiaj muaj – Yus tsis hais lo lus no rau tus ntseeg dab . Tab sis yus paub qhov ntawd meej hauv yus nruab siab

    8 : Koj ntsib tej tus neeg, uas lawv thov tham txog Yes Xus lub Moo Zoo, mas koj cia li tshaj lub Moo Zoo qhov Tseeb rau lawv mloog..Yus npaj tej lo lus piav meej meej tias : yus chaw tso siab khov kho yog nyob hauv Tswv Ntuj tib leeg

    Txiv Plig Nyiaj Pov omi



    Last edited by Mim on 16th September 2010, 6:05 pm; edited 1 time in total
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: TP Txhiaj Foom zaj lus pov fhawj txog kev ntseeg

    Post  Maiv Tooj on 15th September 2010, 3:26 am



    Nyob zoo Mim,

    Ua tsaug nws muab ob zaj nov tuaj tso ua puav pheej cia rau peb keeb kwm kev ntseeg. Yog muaj leej twg muaj cov puav pheej nov, kuv xav thov nej nqa tuaj rau peb khaws cia hauv nov.

    Mim, yog muaj lawv cov tim khawv li duab mas zoo heev. Kuv lam kho me ntsis rau, kuv tsuas muab tau Yaj Zam Nob li duab xwb, tshuav Yaj Nom Rwg li, yog tau mas yuav zoo heev. Koj saib seb koj puas nyiam li kuv ua nov thiab?



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: TP Txhiaj Foom zaj lus pov fhawj txog kev ntseeg

    Post  Maiv Paj Lug on 15th September 2010, 4:34 am

    Wow...nyob zoo os Niamlaus Mim thiab Maiv Tooj, Kuv ua Tswv Ntuj tsaug ntau ntau tsis txawj tag li lauj, vim hais tias cov lus pov thawj nyob rau hauv hoob topic no mas yog nkaus li kuv txoj kev ntshaw kom muaj neeg tuaj pab peb ua tim khawv thiab tuaj pab peb sau qhia rau txhua leej txhua tus tiag.

    Mim, kuv xav coj Txiv Plig Txhiaj Foom cov lus ua tim khawv qhia txog peb cov ntseeg coj tus yam ntxwv tso siab zoo li cas mus ua ib daim video lawm nawb. Kuv mam li tuaj post rau peb saib os. Vim hais tias tam sim no neeg nyiam saib video nyob hauv Youtube ntau heev li, ces kuv yuav tau muab ua tawm rau hauv thiab, kom leej twg mus tshawb tau nyeem ho muaj kev tso siab rau Tswv Ntuj.
    cheers




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: TP Txhiaj Foom zaj lus pov fhawj txog kev ntseeg

    Post  Maiv Tooj on 15th September 2010, 9:28 am



    Maiv Paj Lug,

    Yog ib lub tswv yim zoo heev uas koj muab cov lus nov mus ua Youtube tawm. Yog koj dhos tau duab rau thiab mas yuav zoo heev. Kuv ua koj tsaug ntau.




    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1890
    Date d'inscription : 2009-10-16

    Re: TP Txhiaj Foom zaj lus pov fhawj txog kev ntseeg

    Post  Mim on 15th September 2010, 5:03 pm

    Tais Tooj thiab Maiv Paj Lug,

    Kuv los yeej xav tias lawv cov lus no zoo pab kom peb cov ntseeg muaj kev ntseeg thiab kev tso siab rau Tswv Ntuj tiag tiag, kuv thiaj li coj tuaj tso rau hauv no.

    Tais Tooj, koj muaj lawv cov duab ces koj coj tuaj tso rau los haj yam zoo mas... Kuv twb tsis muaj lawv duab li, thiab txawm kuv muaj los kuv yeej tsis txawj coj tuaj tso li ces koj kav tsij tso rau os nawb.

    Maiv Paj Lug, koj xav coj lawv cov lus mus ua video los kuv xav tias yuav tsum zoo xwb no...

    Kuv xav thov tais Tooj neb ib yam puas tau nab?... Kuv xav thov hais tias kom neb pub kom kuv tuaj tso post muaj kev kho "edit" thiab puas tau no? Nyob li tam sis no mas, tsis yooj yim kiag li. Niaj zaus mas twb xav hais tias kho tau zoo zoo lawm, muab send tas rov mus saib mas tseem muaj ntau yam yuam kev, tiam sis twb mus kho tsis tau li... Nyob hauv zaj lus pov thawj no, tshuav ob tug neeg lub npe uas kuv tsis tau muab ua "bold" rau, ces xyov nej puas pom nkawd npe li. Tiam sis kuv twb mus kho tsis tau lawm. Ob tug neeg ntawd npe, ib tug yog XH Vam Thaiv Lauj, ib tug yog Yaj Tooj Txhim.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: TP Txhiaj Foom zaj lus pov fhawj txog kev ntseeg

    Post  Maiv Tooj on 15th September 2010, 8:06 pm



    Nyob zoo Mim,

    Ua li os, cia kuv mam hais Admin tuaj kho kom koj muaj Edit rau thiaj ua hauj lwm yooj yim. Thov txim tos Admin ho tsis tso kev ywj pheej rau s d los yib vim muaj tej tus neeg siab tsis tus, thaum nws zoo siab nws tuaj sau thaum nws tsiv siab nws tuaj muab tshem. Ces cov lus tham nws puv li qub, nyeem tsis to taub lawm thiaj li tau muab tshem kom yog xav kho qhov twg los mam hais cov Moderators pab kho xwb no.
    Xav kom sawv daws coj lub siab loj, txhob pom nws tus kheej xwb, yuav xav txog Tswv Ntuj mus li, es txoj hauj lwm peb tuaj sau hauv nov tsis yog nrhiav kev nto moo los yuav koob meej yog tuaj sib koom tes nrhiav Txoj Hauv Kev mus pem Tswv Ntuj lub Ceeb Tsheej xwb. Txhua yam peb sau tau txawm zoo thiab tsis zoo, thoob tsib thiab ruam los peb yuav khaws cia kom nyob tsis muaj caij kawg. Peb lub neej ib hnub hloov zuj zus raws lub caij nyoog, peb yuav tsis rov hluas li qub, peb yuav tsis rov los ua yam qub lawm. Ua li ntawd yam twg ua tau, tsim tau yuav khaws cia ua puav pheej tsis muaj caij kawg. Tu siab heev uas muaj tus puav, muab nws tej duab tshem tag, tsis tuaj nrog peb sib fim xa moo kom ntiaj teb paub txog nej kev coj kev noj haus. Yuav txhawb zog txhawb siab rau lawv cov uas tsis muaj kev ywj pheej thiab thoob txib...
    Tswv Ntuj kuv thov koj xav ib co neeg kub siab mus sau koj cov qoob loo, kom koj lub koob meej nto mus txog plaub ceg kaum ntuj...UA LI.


    Last edited by Maiv Tooj on 6th November 2016, 7:18 am; edited 1 time in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: TP Txhiaj Foom zaj lus pov fhawj txog kev ntseeg

    Post  Maiv Paj Lug on 16th September 2010, 5:43 am

    Mim wrote:Tais Tooj thiab Maiv Paj Lug,

    Kuv los yeej xav tias lawv cov lus no zoo pab kom peb cov ntseeg muaj kev ntseeg thiab kev tso siab rau Tswv Ntuj tiag tiag, kuv thiaj li coj tuaj tso rau hauv no.

    Tais Tooj, koj muaj lawv cov duab ces koj coj tuaj tso rau los haj yam zoo mas... Kuv twb tsis muaj lawv duab li, thiab txawm kuv muaj los kuv yeej tsis txawj coj tuaj tso li ces koj kav tsij tso rau os nawb.

    Maiv Paj Lug, koj xav coj lawv cov lus mus ua video los kuv xav tias yuav tsum zoo xwb no...

    Kuv xav thov tais Tooj neb ib yam puas tau nab?... Kuv xav thov hais tias kom neb pub kom kuv tuaj tso post muaj kev kho "edit" thiab puas tau no? Nyob li tam sis no mas, tsis yooj yim kiag li. Niaj zaus mas twb xav hais tias kho tau zoo zoo lawm, muab send tas rov mus saib mas tseem muaj ntau yam yuam kev, tiam sis twb mus kho tsis tau li... Nyob hauv zaj lus pov thawj no, tshuav ob tug neeg lub npe uas kuv tsis tau muab ua "bold" rau, ces xyov nej puas pom nkawd npe li. Tiam sis kuv twb mus kho tsis tau lawm. Ob tug neeg ntawd npe, ib tug yog XH Vam Thaiv Lauj, ib tug yog Yaj Tooj Txhim.


    Mim, kuv muab koj tso rau theem Moderator lawm, koj Edit thiab kho tau txhua yam, tsis hais kho koj cov ntawv xwb, lwm tus li los koj nrog kho tau tib si, qhov twg koj pom tsis zoo thiab yog muaj neeg tuaj hais phem tsis zoo los koj yuav pab tau peb tiv thaiv tshem mus. Moderator yog ib tug saib xyuas txhua txhia yam hauv no. Ua tsaug ntau.




    <3 <3 Pab kuv rov los cuag koj Huab Tais Yesxus <3 <3
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1890
    Date d'inscription : 2009-10-16

    Re: TP Txhiaj Foom zaj lus pov fhawj txog kev ntseeg

    Post  Mim on 16th September 2010, 6:12 pm

    Maiv Paj Lug wrote:
    Mim wrote:Tais Tooj thiab Maiv Paj Lug,

    Kuv los yeej xav tias lawv cov lus no zoo pab kom peb cov ntseeg muaj kev ntseeg thiab kev tso siab rau Tswv Ntuj tiag tiag, kuv thiaj li coj tuaj tso rau hauv no.

    Tais Tooj, koj muaj lawv cov duab ces koj coj tuaj tso rau los haj yam zoo mas... Kuv twb tsis muaj lawv duab li, thiab txawm kuv muaj los kuv yeej tsis txawj coj tuaj tso li ces koj kav tsij tso rau os nawb.

    Maiv Paj Lug, koj xav coj lawv cov lus mus ua video los kuv xav tias yuav tsum zoo xwb no...

    Kuv xav thov tais Tooj neb ib yam puas tau nab?... Kuv xav thov hais tias kom neb pub kom kuv tuaj tso post muaj kev kho "edit" thiab puas tau no? Nyob li tam sis no mas, tsis yooj yim kiag li. Niaj zaus mas twb xav hais tias kho tau zoo zoo lawm, muab send tas rov mus saib mas tseem muaj ntau yam yuam kev, tiam sis twb mus kho tsis tau li... Nyob hauv zaj lus pov thawj no, tshuav ob tug neeg lub npe uas kuv tsis tau muab ua "bold" rau, ces xyov nej puas pom nkawd npe li. Tiam sis kuv twb mus kho tsis tau lawm. Ob tug neeg ntawd npe, ib tug yog XH Vam Thaiv Lauj, ib tug yog Yaj Tooj Txhim.


    Mim, kuv muab koj tso rau theem Moderator lawm, koj Edit thiab kho tau txhua yam, tsis hais kho koj cov ntawv xwb, lwm tus li los koj nrog kho tau tib si, qhov twg koj pom tsis zoo thiab yog muaj neeg tuaj hais phem tsis zoo los koj yuav pab tau peb tiv thaiv tshem mus. Moderator yog ib tug saib xyuas txhua txhia yam hauv no. Ua tsaug ntau.

    Maiv Paj Lug,

    Ua nws tsaug ntau ntau nawb... Kuv ces xyov puas txawj mus nrog nej ua moderator li os... tiam sis tsuav kuv tau kev tuaj kho kuv cov posts kom ua ntsuas yuam kev ntau dhau xwb ces kuv yeej zoo siab heev lawm.

    Nws muab Yawg Zam Nob cov lus coj mus ua tau zoo kawg li... Zoo siab peb muaj ib tug neeg tshaj lij ua tau ntau yam li nws nawb.


    Sponsored content

    Re: TP Txhiaj Foom zaj lus pov fhawj txog kev ntseeg

    Post  Sponsored content


      Current date/time is 28th July 2017, 4:03 am