Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TP.Txhiaj Foom lub TSEV Ntawv

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 9th October 2014, 7:38 am



    October 12 2014 Nruab Xyoos - Hnub Chiv 28 Xyoo A

    PEB YUAV NROG HUAB TAIS NYOB MUS LI


    Cov kwv tij hmov thiab tshua, peb sawv daws kuj zoo siab ntseeg txog Huab Tais Tswv Ntuj , ntseeg txog Huab Tais Yes Xus thiab ntseeg txog Leej Ntuj Plig Ntshiab. Tswv Ntuj tau hu peb los ntseeg txog nws, Li ntawd peb txiav txim ib siab nyob ntawm Tswv Ntuj tog, tsis tu ncua. Thiab peb mloog Ntuj lus kom xwv lwm tiam peb yuav tau mus pem Tswv Ntuj lub Ceeb Tsheej
    = Zaj paj lug hais txog lub ntees tshoob kuj yog hu ib zaj lus tseem ceeb los txhib peb siab kom xwv peb txhob ua raws li cov neeg uas tus tswv caw tuaj noj rooj tshoob. Tab sis lawv nyiam ua lawv tej hauj lwm heev dua qhov ntawd. Ces tus tswv ” tso tub rog mus nplua cov neeg heev kawg nkaus. Ib ntsis. tus tswv hais tias :” Nej mus tom tej ncauj kev - Nej pom tsawg leej, nej nqua hu kom tuaj noj rooj tshoob. Cov tub txib mus txhua txoj kev – lawv sau txhua leej txhua taus uas lawv ntsib. Cov phem cov zoo tuaj huv tib si “
    Cov kwv tij Huab Tais Yes Xus muaj lub neej muaj hwj chim nrog Tswv Ntuj nyob pem Tswv Ntuj lub Ceeb Tsheej . Ces yuav tau muaj ib hnub Huab Tais yuav txais Huab Tais muaj hwj chim zoo cuag li peb yuav noj lub ntees tshoob ,uas sawv daws zoo siab nyob ua ke, haus dej haus cawv.
    - Ua li ntawd hauv tas lub caij peb nyob ntiaj teb,xws li 70 los 90 xyoo tej ,mas peb yuav tos nrhw txog hnub zoo tshaj plaws yog hnub uas peb yuav nyob kaj lug kaj nrig tshaj plaws, yog hnub uas peb yuav cav txog Tswv Ntuj lub koob meej, rov mus txog niag tim puas xyoo
    Saib tus Hauv Paus Xa Lus Paj Lug tau tshaj tej lus tseem ceeb rau ib pawg ntseeg hauv lub nroog Fis Lis Pos tias “ Kuv saib txoj kev tuag yog ib yam paj tshab . Kuv tsis paub tias kuv yuav xaiv txoj kev ua neej nyob ntxiv, los txoj kev tuag. Yog tias kuv yuav ua neej nyob ntxiv mas kuv yuav nyob ze nej sawv daws Kuv yuav pab nej ntxiv kom nej ntseeg tob dua thiab kom nej zoo siab ntseeg..Tab sis qhov kuv nyiam tshaj plaws dua thiaj yog qhov tias kuv xav mus nrog Huab Tais Yes Xus Pleev nyob ( F L P 1:22-25 )
    Cov kwv tij , Leej Ntshiab Paj Lug laj tos txog hnub tseem ceeb tshaj plaws uas nws yuav sawv kev mus pem Tswv Ntuj lub Ceeb Tsheej
    Paj Lug tseem sau tias :” Thaum nej muaj ib tug neeg tuag mas nej yuav tsis txhob tu siab xws li ib cov neeg uas tsis muaj kev tso siab.. Saib yuav tsum ib hnub peb yuav sawv kev mus cuag Huab Tais nyob saum ntuj. Peb thiaj yuav nrog Huab Tais nyob mus li” 1 TXLN 4:13-17
    Peb tsoom ntseeg tau khaws Huab Tais Yes Xus tej lo lus, uas nplij peb siab kom zoo, hais tias : : “Thaum kuv mus npaj tau ib qhov chaw rau nej lawm, mas kuv yuav coj nej mus nyob ze kuv, kom xwv kuv nyob qhov twg, nej thiaj yuav tau nrog kuv nyob qhov ntawd” Zam 14:3
    Cov kwv tij Huab Tais Yes Xus ua Vaj muaj hwj chim zoo saib tshaj plaws mas nws tau cog lus tseg rau peb tias :” Nej yuav tau nyob ze kuv..Nej yuav tau nrog kuv nyob ntag ” . Nej thiaj yuav coj lub neej muaj hwj chim zoo cuag li kuv “
    THOV NTUJ : Huab Tais Yes Xus, koj tau hu peb ua koj cov thwj tim,ces peb tso siab lug tias: yuav tsum muaj ib hnub uas koj yuav txais peb los nrog koj nyob. Ces peb thiaj yuav tau txais ib feem hauv koj lub hwj chim zoo saib tshaj plaws los ua peb ntiag peb tug , rov mus txog txhiab niag tim puas xyoo..Ua li hauv peb Thaj Txi Ntuj no peb zoo siab ua koj tsaug ntau. PEB YUAV NROG HUAB TAIS NYOB MUS LI

    T.P. Txhiaj Foom omi






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 30th October 2014, 10:29 am



    TSWV NTUJ PHEEJ XEEB MUS LI



    Cov kwv tij, yav dhau los,Vaj Qhia Fas Ntshis Kus tau kub siab tshaj tej zaj lus tseem ceeb los txhab zog rau peb tej kev ntseeg Ntuj.Pebmamli zoosiab tshaj tej zaj ntawd rau nej mloog.
    Vaj Qhia Fas Ntshis Kus kuj rov tshaj lub Moo Zoo rau peb tias : Yes Xus sawv ntawm covtubtuag rov los. Peb tsoom ntseeg zoo siab ntseeg tias HuabTais Yes Xus yog tus Haub Tais cawm neeg,nws tau yeej kev phem thiab qhov txhaum.
    Nyob hauv peb nruab siab mas peb txoj kev ntseeg no thiaj muaj nqes kawg nkauszooli yog peb txhab nyiaj txhab kub

    PAJ NRUAG ;( lo lus txais xwb : As Les Lus Yas. Yes Xus sawv rov
    los. As les Lus Yas – Nws yeej txoj kev tuag-.As Les Lus Yas
    ( Tshaj lo lus txais no 2 zaug diam

    Vaj Qhia tshaj ib qib lus tseem ceeb hauv Ntawv Ntshiab tias :” Yes Xus yeem tuag kom tau ntxuav peb cov txhaum pov tseg. Lawv muab nws zwm rau hauv ntxa, ces hnub peb Yes Xus sawv rov los, raws li Ntawv Ntshiab xub hais ‘ ( 1 KLN 15:3-4
    Cov kwv tij peb yeej muaj kev tso siab lug kuj yog vim Yes Xus tau ris kev tuag thiab nws sawv rov qab los.Saib :’ Yog tias Yes Xus Pleev tsis sawv rov los,mas pebtxoj kev ntseeg yog ib txoj kev cuav,ces peb tseem nyob hauv peb cov txhaum “ ( 1 KLN 15:17 )
    Yes Xus Tswv Ntuj Leej Tub sawv rov qab los ces peb tau kev nyob kaj lug kaj nrig tshaj plaws,yam peb paub zaj lus tseeb tseeb tias : HuabTais Tswv Ntuj muaj peev xwm yeej kev txhaum thiab qhov tuag.Yog vim qhov ntawd peb ua siab loj siab tawv qhawv ua tiag nyiaj ris tas ib puas tsav yam kev nyuaj siab ntxhov plawv
    Cov kwv tij zaj lus tseem ceeb tias Yes Xus sawv ntawm cov tub tuag rov los thiaj yog Tswv Ntuj ib lub txiaj ntsim loj kawg uas tuaj kaj peb lub neej txhua txhia hnub ntag
    Yeej yog raws li Ntawv Ntshiab sau tseg tias :”Yog koj di ncauj lees tias Yes Xus yog Huab Tais thiab koj lub siab ntseeg tias Tswv Ntuj tsa Yes Xus tuag sawv rov los,mas koj yuav txais kev cawm neeg “ ( LM 10:9).
    Uali ntawd ces tsim nyog peb yuav nco ntsoov tias : hnub Yes Xus sawv rovlos thiaj tau muaj xwm dab tsi tshwm sim tuaj : Ntuj tus Tshiab tshaj lus rau 2-3 tus poj niam tias :”Nej txhobntshai ! Nej nrhiav Yes Xus NasXas Les, tus uas luag muab tua saum ntoo cuam. Nws sawv rov los lawm. Nws tsis nyob ntawm no“( MK 16;6 )..Cov pojniam zoo siab tshaj vim lawv ntseeg. Tam sim ntawd, lawv thiajkhiav mus tshaj lub Moo Zoo rau Yes Xus cov thwj tim
    Lub zim txwvno, mas phim peb tsoom ntseeg sawv daws yuav ua raws li 2-3 tus poj niamntawd. Lawv khiav mus qhia lub Moo Zoo rau cov thwj tim .Mas ntawm pebsawv daws mas peb kuj nyob kaj lug kaj nrig thiab peb muaj Tswv Ntuj kev pom kev nyob puv npohauv pebsiab..Yeej yog peb txhab nyiaj txhab kub ntag ..Ua li Tswv Ntuj yeej hu peb tsoom ntseeg sawv kev mus faib peb txhab nyiaj txhab kub los pub rau luag tej ob cag. Ces fab hauv lawv tus ntsuj tus plig, lawvthiaj yuav tau coj lub neej nplua nujhauv Tswv Ntuj lub txiaj ntsim.
    Cov kwv tij tej lo lus nej nyuam qhuav mloog no mas yog Vaj Qhia Fas Ntshis Kus lo lus..Ces peb yuav kub siab coj raws, thiaj yog
    Vaj Qhia tseem ntxiv lo lus no tias : niajhnub peb yeej muaj 2-3 yam tseem ceeb los zeem tseeb tias Yes Xus rov ciaj sia. Nws ua peb luag mus li
    2-3 yam tseem ceeb kuj yog li no tias ; peb niaj hnub qhib xyuas Tswv Ntuj Lo Lus uas yog Lo Lus tseeb tseeb - Peb kuj muaj Thaj Thaj Txi Ntuj thiab lub Cim Yug thiab 6 lub Cim tseem ceeb – Hauv nruab nrab peb pawg ntseeg mas peb kuj xyiv fab sib pab sib nres thiab peb tsis nyiam sis hlub raws li Huab Tais Yes Xus tus piv txwv..Tej yam ntawd kuj zeem tseeb tias Yes Xus rov ciaj sia tiag . Yog vim li ntawd, phim peb yuav ua tim khawv txog lub Moo Zoo,uas pab nqa kev tso siab lug rau tas lub qab ntuj neeg
    PAJ NRUAG : zaj nkauj : As les lus yas .Yes Xus sawv rov los

    Cov kwv tij, Vaj Qhia Fas Ntshis Kus tseem rov tshaj 2-3 zaj lus ntxiv.Zoo li zaj 1 tias: Huab Tais Tswv Ntuj yeej yog peb Txiv – Zaj 2 tias: Tswv Ntuj pheej xeeb mus ib txhiab ib txhis
    Zaj 1 tias : Huab Tais Tswv Ntuj yeej yog peb Txiv .
    Hauv nws tsab ntawv rau ib pawg ntseeg tim lub nroog Los Mas,mastus Hauv Paus Xa Lus Paj Lug qhia ib zaj lus uas tuaj kaj peb tej nplooj siab nplooj ntsws hais tias : “ Txhua leej txhua tus, uas yog Leej Ntuj Plig coj lawv lub neej mas lawv yog Tswv Ntuj covme nyuam tas huv tib si . Ua li mas nej tsis txhob rov qab poob rau hauv kev ntshai- Nej tau txais ib lub tswv yim pab nej ua tub ki tshiab..Ces nej hu tau Tswv Ntuj tias “As Npas ! Txiv’ ( Los Mas 8:14-15 )
    Cov kwv tij, tas peb tsoom ntseeg yeej zoo siab nco ntsoov tias : hnub tseem ceeb tshaj plaws hauv peb lub neej uas peb tau plhis ua Tswv Ntuj cov me tub me nyuam thiaj yog hnub uas peb tau txais txais lub Cim Ntxuav. Hnub ntawd peb kuj tau hnav lub tsho dawb, Yog ib yam uas zeem tseeb tiasTswv Ntuj tau ua hwj huam yees ntxwv pab peb txia ntshis ua Tswv Ntuj cov me nyuam ntag . Hnub ntawd, Leej Ntuj Plig Ntshiab kuj tau pub Ntuj txiaj ntsim uas muaj nqes tas nrho los pab peb ua Tswv Ntuj cov me nyuam ntag .
    Cov kwv tij, tus tib neeg ntseeg twg nco txog Ntuj lub txiaj ntsim ntawd mas nws niaj hnub qhuas txog 3-4 yam no tias : 1 ; Tas ib puas tsav yam yus xav mas Tswv Ntuj yeej to taub tej zaj tswv yim ntawd huv tibsi – 2 : Peb Txiv khuv leej neeg tas nrho. Nws kuj muaj peev xwm zam peb tej txhaum. 3 : Peb Txiv siab zoo kuj puag peb nyob hauv nws lub xub ntiag

    Cov kwv tij, Vaj Qhia mam li qhia ib qib lus hauv Ntawv Cog Lus Qub, uas yogib qib lusuas phim peb yuav nco ntsoov tas sib sim neej, hais tias:”Ib tug poj niam puas hnov qab tus me nyuam noj nws mis ? Nws yuav tsis hlub tus uas tawm hauv nws lub cev los lod ? Ho, tab txawm tej niam ntawd hnov qab lawv covmenyuam, maskuv yuav tsis hnov qab nej sawv daws ib zaug lauj !”( His Xais 49:15 )
    Vaj Qhia tseem qhia peb tias : Yog vim Huab Tais Tswv Ntuj yog peb Txiv siab zoo tas nrho mas phim peb yuav coj lub neej nyiam peb Txiv.thiab peb yuav cia Huab Tais Yes Xus nqes los txhim kho peb tej siab ntsws kom zoo, ces peb yuav tau coj lub neej ntxim Tswv Ntuj lub siab uas yog lub neej ntshiab dawb huv raws li Huab Tais Yes Xustus piv txwv

    PAJ NRUAG : As Npas, peb Txiv Tswv Ntuj

    Zaj 2 tias Tswv Ntuj pheej xeeb mus ib txhiab ib txhis ( NPN 117:2)

    Cov kwv tij, peb sawv daws yeej nco tias : yeej muaj tej lub caij uas peb hla Tswv Ntuj Lus, Peb ntog hauv ntau yam txhaum . Lub caij ntawd kiag mas tsam peb nyias kuj xav tswv yim hauv nyias siab li no tias :”Ua cas kuv mag txoj kev txhaum npaum no ? Ua cas kuv tsis ua qhov zoo uas kuv xavua. Tab sis kuv qhov phemuaskuv tsis xav ua ?Ua li mas kuv txom nyem tas nrho tiag !’ ( Los Mas 7: 14-24 )
    Mas Vaj Qhia tshaj tej lus txhib peb ua siab loj tias : ntau ntau zaus peb thiaj ua siab yau thiab peb khuv xim kawg , rau qhov tias peb tsis pom qab txhim kho peb tej siab ntsws
    Thaum ntawd mas phim peb yuav rov tsim dheev ntawm peb tej kev ua siab yau..thiab peb yuav rov vam khom Tswv Ntuj dua. Ces thiaj rov ua siab loj dua – Mas peb yuav rov nco ntsoov txog lub Moo Zoo uas yeej qhia peb tias; Tswv Ntuj pheej xeeb mus ib txhiab ib txhis
    Peb yuav nco ntsoov txog tus Hauv Paus Xa Lus Paj Lug tej lus no tias :”Tab txawm peb fav xeev,los Tswv Ntuj pheej xeeb rau peb, vim nws rov tsis lees nws tsis tau ib zaug li “ (2 TMT 2:13 ). “ Txoj kev ua tsis ncaj rhuav tsis tau Tswv Ntuj txoj kev ncaj,vim tias Tswv Ntuj yog tus tseeb “ ( Los Mas 3:3-4 )
    Cov kwv tij, txhua txhia hnub peb yuav rov tsa peb lub siab nyob ze Huab Tais, ces peb txhob hnov qab tias : Tswv Ntuj pheej xeeb mus ib txhiab ib txhis.
    Yog vim peb tau txais lub Cim Ntxuav mas peb yuav rov muaj chaw tso siab lug, vim tias Huab Tais Yes Xus khuv leej peb tas npaud, ces Huab Tais muaj peev xwm npo peb dim ntawmkev phem thiabqhov txhaumtas mus li - Huab Tais yog peb lub dag lub zog.
    Huab Tais pom peb rov los cuag nws dua, mas Huab Tais thiaj yuav rov txhim kho peb tej siab ntsws dua ,kom xwv hauv peb tus ntsuj tus plig peb thiaj rov nyob twj lij, thiab peb rov nyob kaj lug kaj nrig ua Tswv Ntuj cov me nyuam
    Cov kwv tij ,phim peb yuav khaws Tswv Ntuj lo lus tseeb tseg tias :Tswv Ntuj pheej xeeb mus ib txhiab ib txhis .

    PAJ NRUAG KOJ TXHOB NTSHAI…

    + KUV NYOB HAUV QAB TIV TXW

    T.P Txhiaj Foom OMI.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 30th October 2014, 10:50 am



    November 1 -2014 HWM TSOOM LEEJ NTSHIAB

    HUAB TAIS LUB SIAB PHEEJ XEEB MUS IB TXHIAB IB TXHIS


    Tsoom ntseeg sawv daws, peb yog ib cov neeg uas muaj hmoov zoo, vim Tswv Ntuj qhia peb tias : “Lub hom phiaj ntawm peb lub neej mas yog qhov tias, peb yuav tau mus nrog Huab Tais Tswv Ntuj nyob thiab peb yuav tau txais ib feem hauv Huab Tais Yes Xus, mus ib txhiab ib txhis.”
    Li ntawd, mas nyob hauv tsab ntawv 1, tus Hauv Paus Xa Lus Zam thiaj qhia peb tias : “Nyob saum Tswv Ntuj lub Ceeb Tsheej, cov Leej Ntshiab zoo siab hom khaj.” Hos hauv Ntawv Moo Zoo lub lis piam no kuj tau hais tias : “Tas tsoom Tshiab uas sawv ncig lub theej kiab, ncig cov Laus thiab plaub Leeg Muaj Txoj Sia, lawv txhos caug ntsej muag khoov ti av pe Tswv Ntuj. Lawv hais tias :” Lub hwj chim, kev thoob tsib, kev ua tsaug , kev nto koob meej, kev muaj hwj huam thiab kev muaj zog yog Tswv Ntuj tug, mus tas ib txhiab ib txhis “QYTN 7:11-12
    = Cov kwv tij, txij ntawm hnub peb yuav chaws mus hauv Tswv Ntuj lub Ceeb Tsheej mus lawm yav tom ntej mas peb yuav tau nyob kaj lug kaj nrig teev hawm Huab Tais Tswv Ntuj, tsis tu ncua..Thaum ntawd mas :” Tswv Ntuj yuav nrog cov neeg nyob . Lawv yuav yog nws haiv neeg. Tswv Ntuj yuav nrog lawv nyob . Nws yuav so txhua lub kua muag ntws ntawm lawv qhov muag . Yuav tsis muaj kev tuag ntxiv,” QYTN 21:2-4
    == Cov kwv tij,Tswv Ntuj cog lus ruaj nreb khov kho Lo Lus tias : Yuav muaj ib hnub peb yuav tau nrog Huab Tais nyob nraim. Ntawv Ntshiab sau li no tias : “ Tswv Ntuj lo lus puav leej hais qhov tseeb tas huv si : NPN 145: 13


    HUAB TAIS LUB SIAB PHEEJ XEEB MUS IB TXHIAB IB TXHIS
    == Nyob hauv tsab ntawv 2 , mas Tswv Ntuj kuj qhia tej lo lus tseeb uas nplij peb siab tias : “Peb yog Tswv Ntuj cov me nyuam tiag. Thaum Leej Pleev yuav tawm los rau qhov muag pom xyeem, mas peb yuav nyob zoo li Huab Tais” (1 Zam 3:2 )
    Ua li saib peb puas yuav muaj peev xwm hais raws li tus Hauv Paus Xa Lus Paj Lug lo lus :” Kuv ua ib lub siab nrog Leej Pleev nyob-.Qhov ntawd yog qhov kuv nyiam dua “: Fis Lis Pos 1;23
    === Hos Ntawv Moo Zoo kuj pab qhia peb tias peb yuav coj lub neej ntshiab dawb huv, peb thiaj yuav tau nrog tas ib tsoom Leej Ntshiab nyob:” Cov muaj txoj hmoov zoo 1 Yog cov pluag hauv nruab siab ; 2: Yog cov siab zoo – 3 : Yog cov quaj ntsuag – 4 : Yog cov tshaib thiab nqhis txog txoj kev ncaj – 5 : Yog cov hlub luag tej 6 : Yog cov siab dawb huv – 7 : Yog cov tsim kev thaj yeeb – 8 : Yog cov raug luag hiam, vim txoj kev ncaj ..vim Ntuj lub Ceeb Tsheej yog lawv tug ( Mas Tais 5 :3-12 ) Peb kuj nco ntsoov txog lwm zaj lus tias : Nej yuav ua neeg siab ntshiab, vim nej Txiv nyob saum ntuj yog tus ntshiab” ( Mas Tais 5:48 )
    THOV NTUJ : Huab Tais Leej Txiv, Tswv Ntuj khuv leej neeg tas nrho, peb ua koj tsaug rau qhov tias Huab Tais Yes Xus qhia 8 zaj lus tseem ceeb rau peb -.ces peb yeej xav coj lub neej ntshiab dawb huv , ib lub neej nyob thaj yeeb nyab xeeb ntxim Tswv Ntuj siab -Tab sis peb yuav ua raws li lub Moo Zoo kuj nyuaj kawg nkaus.. ..Thov koj ua Txiv pab xa Leej Ntuj Plig Ntshiab nqes los puv npo hauv peb tej siab ntsws,,ces peb yuav tau coj lub neej ntshiab dawb huv, tsis tu ncua, nyob ntawm koj xub ntiag
    HUAB TAIS LUB SIAB PHEEJ XEEB MUS IB TXHIAB IB TXHIS

    T.P. Txhiaj Foom omi




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 3rd November 2014, 10:46 pm


    ZIM TXWV NO NTIAJ TEB TEEB MEEM LOJ.

    Zaj 371: Nyob hauv lub xeev As Lis Ntxos Nas, USA teb.



    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 3 zag xov xwm coj los tshaj tawm pub rau nej sawv daws mloog xws li no :
    1. Nyob USA teb, muaj ib cov neeg thoj nam mus tuag nyob rau hauv lub xeev hu ua As Lis Ntxos Nas.
    2. Nyob Vas Tis Kaas, Vaj Qhia Faas Ntshis Kus tau tshaj lus tawm tias muaj ib txoj hauj lwm phem uas ua rau ntiaj teb neeg raug kev puam tsuaj.
    3. Nyob thoob ntiaj teb, mas tau muaj ib cov neeg raug mob sab thiab raug tuag, vim lawv mus tsuj cov hoob pob uas caws nyob hauv pem teb.

    Paj nruag
    Hais txog zaj xwm 1 : Nyob USA teb, muaj ib cov neeg thoj nam mus tuag nyob rau hauv lub xeev hu ua As Lis Ntxos Nas, mas yog li no :
    Kwv tij phooj ywg, zaj xwm no mas thooj li thaum ub peb tsoom Hmoob uas nyob Los Tsuas teb, thaum lub teb chaws Nplog tawg lawm mas tsoom Hmoob ib txhia kuj tau khiav mus ua neeg thoj nam nyob rau Thaib teb thiab nyob rau cov teb chaws sab hnub poob. Yeeb vim cov Hmoob uas khiav tawm txawv teb chaws no lawv ntshai tsam cov nom tswv koom tshaj tshiab ho nrhiav lus rau lawv thiab muab lawv rau txim, los yog tua pov tseg, ces thiaj ua rau muaj ib cov Hmoob khiav coob coob tawm mus ua neeg thoj nam nyob txawv teb chaws.
    Li ntawd, mas lub zim txwv no nyob nram USA qab teb, xws li yog hauv lub xeev As Lis Ntxos Nas, mas kuj tau muaj ib cov neeg pej kum teb coob coob uas lawv khiav ua neeg thoj nam mus nyob rau USA teb, ces txawm mus poob rau hauv lub xeev As Lis Ntxos Nas. Tab sis lub xeev no mas feem ntau tej av yog suab puam ntau xwb, ces thiaj ua rau muaj ib cov neeg thoj nam tuag coob coob kawg nkaus nyob rau hauv lub xeev As Lis Ntxos Nas.
    Kwv tij, cov neeg thoj nam uas khiav mus rau hauv lub xeev As Lis Ntxos Nas, USA teb, mas feem coob yog ib cov neeg khiav tsov rog thiab tej zaum kuj muaj ib txhia feem tsawg yog khiav vim txoj kev txom nyem ntawm cov teb chaws xws li no, yam li : “Mes Xis Kos teb, Xas Vas Dos teb, Khuas Tes Mas Las teb, Nis Kas Las Kuas teb thiab ob peb lub teb chaws ntxiv uas nyob sab As Mes Lis Kas qab teb.”
    Kwv tij phooj ywg, cov neeg thoj nam uas khiav tawm ntawm cov teb chaws hais tas los no, mas lawv puav leej khiav mus rau USA teb. Lub hauv paus tseem ceeb ntawm qhov uas lawv feem coob khiav ua neeg thoj nam, mas yog vim cov teb chaws no tej nom tswv muaj kev sib cov nyom loj heev, ces ua rau muaj kev sib ntaus sib tua, ib txhia pej xeem thiaj li tau khiav tawm mus kwm siav nyob rau USA teb. Tab sis hmoov tsis zoo, ces feem coob ntawm tsoom pej xeem uas khiav ua neeg thoj nam txawm mus poob nyob rau hauv lub xeev As Lis Ntxos Nas, uas feem ntau yog av suab puam xwb xwb.
    Li ntawd, tsoom pej xeem uas khiav ua neeg thoj nam thiaj li ntsib xwv txheej loj heev los ntawm kev tsis muaj dab tsi noj, tsis muaj dej haus thiab tshav ntuj los kuj kub heev, ces ua rau ib txhia tau tag sim neej nyob hauv lub xeev As Lis Ntxos Nas no coob kawg nkaus.
    Kwv tij, cov neeg thoj nam uas tau tag sim neej nyob hauv lub xeev suab puam As Lis Ntxos Nas, USA teb, mas xyoo 1998 txog xyoo 2014 no twb muaj cov neeg thoj nam uas tuag tshaib coob txog ntawm 6,000 tawm leej lawm. Vim tias muaj ib ntus mas cov neeg tuag tshaib tuag nqhis thiab raug tshav ziab tuag no, ib hnub yog tuag coob txog ntawm 370 tawm leej diam.
    Li ntawd, ces thaum lub 3 hlis ntuj xyoo 2014 no, thiaj muaj ib cov Tswv Qhia Kav Tos Liv tau mus sab laj nyob rau hauv lub xeev As Lis Ntxos Nas, USA teb. Cov Tswv Qhia no tau tshaj lus tawm tias : “Peb lub teb chaws USA, tsis muab siab rau pab txais cov neeg thoj nam no, ces thiaj ua rau ib txhia pej xeem thoj nam tuag tshaib tuag nqhis coob coob nyob hauv thaj tsam As Lis Ntxos Nas.”
    Tsis tas li ntawd, niaj hnub no nyob hauv peb lub teb chaws USA, mas kuj muaj txog ntawm 10 plhom tawm leej neeg uas lawv tseem tsis tau muaj ntaub ntawv ua neeg Mes Kas tiag tiag. Hos cov raug txhom nyob rau hauv tsev loj faj, los kuj coob txog ntawm 30,000 tawm leej neeg, uas feem coob lawv yog cov neeg uas khiav tawm ntawm cov teb chaws As Mes Lis Kas nrab thiab As Mes Lis Kas qab teb los rau hauv peb lub teb chaws USA.
    Yog vim li no, mas thaum cov Tswv Qhia sab laj tag, lawv thiaj tshaj lus tawm rau cov tseem fwv tias : “Peb lub teb chaws vam meej, mas yog vim muaj ib cov pej xeem uas yog neeg thoj nam, lawv tau tuaj pab peb txhim kho peb lub teb chaws USA, ces thiaj ua rau peb vam meej sai zuj zus tuaj.”
    Tsis tas li ntawd, kuj tseem muaj ib cov neeg Ais Lis uas nyob Aws Los Pas tuam teb sab hnub poob, lawv muaj 3 plhom tawm leej neeg uas tsis yog neeg thoj nam. Tab sis lawv txaus siab tuaj pab peb khwv khwv txhim kho lub teb chaws ces thiaj ua rau peb lub teb chaws USA muaj kev vam meej sai heev los ntawm lawv txoj kev pab.
    Kwv tij, cov Tswv Qhia uas mus sab laj nyob hauv lub xeev As Lis Ntxos Nas, mas qhov uas lawv sau tej zaj lus li no tawm los rau ib zeej tsoom paub, yog vim lawv vam tias cov tseem fwv USA yuav hloov txoj cai me ntsis, kom xwv cov neeg thoj nam uas khiav tsov khiav rog tau txais me ntsis nyiaj los ntawm tseem fwv USA, kom xwv lawv tsev neeg txhob raug kev txom txom nyem heev thiab ho pab qhib kev rau lawv kom tau ntaub ntawv ua neeg USA tiag tiag.

    Paj nruag
    Hais txog zaj xwm 2 : Nyob Vas Tis Kaas, Vaj Qhia Faas Ntshis Kus tau tshaj lus tawm tias muaj ib txoj hauj lwm phem uas ua rau ntiaj teb neeg raug kev puam tsuaj, mas yog li no :
    Kwv tij phooj ywg, hnub tim 4 lub 10 hli xyoo 2014 no, mas nyob rau hauv lub nroog Los Mas, Is Tas Lias teb. Tau muaj ib cov neeg ntseeg Kav Tos Liv sib sau los xav txog qhov teeb meem tias : “Nyob hauv ntau lub teb chaws, tau muaj ib cov nom tswv thiab ib cov los pav siv ib cov neeg los ua lawv qhev, ces muaj coob coob leej raug cov nom tswv thiab cov los pav quab yuam ua qhev yam tuag nthi thiab kuj muaj ib txhia poj niam raug quab yuam mos deev ywj siab.”
    Li ntawd, Vaj Qhia Faas Ntshis Kus thiaj tau hais rau lawv sawv daws tias : “Qhov uas nej sib sau no, mas yog ib yam hauj lwm tseem ceeb kawg nkaus. Vim tias thooj li nej tau qw qw rau lub ntiaj teb sawv daws kom paub tias ‘TSUM, TXHOB UA TEJ YAM PHEM LI NTAWD NTXIV’. Vim qhov phem ntawd, mas thooj li yog nej ua los raug Huab Tais Yes Xus kiag.”
    Tsis tas li ntawd, Vaj Qhia tseem hais ntxiv tias tsim nyog sawv daws yuav nco ntsoov txog Huab Tais Yes Xus ob peb qib lus tseem ceeb uas nws tau hais txog kev txiav txim thaum lub zim txwv ntiaj teb kawg tias : “Kuv hais tseeb tseeb rau nej, nej tau ua tej yam phem rau cov me tshaj hauv kuv tsoom kwv li cas, mas txhais tias yog nej ua rau kuv.”
    Kwv tij, Vaj Qhia Faas Ntshis Kus kuj hais ntxiv tias yam hauj lwm tseem ceeb uas cov neeg ntseeg sawv daws yuav tsum ua txuas ntxiv mus, mas yog qhov tias : “Peb yuav tau nrog cov tub ceev xwm thiab cov neeg uas saib kev ncaj ncees koom ua hauj lwm ua ke, kom xwv tsoom pej xeem txom nyem uas raug luag quab yuam lub siab lub ntsws thiab lub cev ntaj ntsug, txhob mag tej yam phem phem li no ntxiv nyob rau hauv lawv lub neej thiab peb yuav tau pab kom lawv dim ntawm kev txom nyem sai, kom xwv lawv rov muaj dua ib lub neej tshiab uas nyob tiaj tus thiab nrog luag zoo.”

    Paj nruag

    Hais txog zaj xwm 3 : Nyob thoob ntiaj teb, mas tau muaj ib cov neeg raug mob sab thiab raug tuag, vim lawv mus tsuj cov hoob pob uas caws nyob hauv pem teb, mas yog li no :
    Kwv tij phooj ywg, hnub tim 20 lub 9 hlis xyoo 2014 no, mas ntawv xov xwm tau tshaj tawm tias : “Nyob hauv 67 lub teb chaws, mas tseem muaj ntau plhom lub hoob pob uas tseem raug caws cia nyob rau hauv av uas tsis tau tawg.”
    Li ntawd, mas yav dhau los thiaj muaj ib cov tseem fwv tau tso tub rog thiab ib cov neeg paub txuj mus tshuaj thiab muab cov hoob pob uas tseem tsis tau tawg nyob hauv av, ua kom tawg, kom xwv tsoom laj mej pej xeem thiaj tau kev ua noj ua haus ywj siab thiab txhob raug xwv txheej los ntawm cov hoob pob no.
    Yog vim li ntawd, mas txij li xyoo 1994 los txog xyoo 2014 no, cov hoob pob uas raug muab ua tawg lawm yog ntau txog ntawm 190 plhom tawm lub nyob rau hauv 67 lub teb chaws.  
    Kwv tij, qhov uas cov tseem fwv ntawm 67 lub teb chaws tau los sib pab rhuav tshem cov hoob pob no, mas yog ib lub luag hauj lwm uas tseem ceeb heev. Vim yog ib txoj hauj lwm uas pab kom tsoom pej xeem txhob raug xwv txheej tu taw thiab tau kev ua liaj ua teb yam kaj siab lug.
    Rau qhov tias yav dhau los, mas txhua txhia xyoo yeej muaj li ntawm 17,500 tawm leej raug xwv txheej los ntawm kev tsuj hoob pob. Tab sis niaj hnub no, mas txhua txhia xyoo kuj tseem muaj li ntawm 3,500 tawm leej raug mob sab thiab raug tuag los ntawm kev uas tsuj hoob pob.
    Li ntawd, yog muab xam los mus, ces niaj hnub no kev uas tsoom pej xeem hauv 67 lub teb chaws mus ua liaj ua teb es tsuj hoob pob, mas tsawg dua yav thaud lawm 5 npaug diam.
    Yog vim li no, ces cov tseem fwv nyob thoob ntiaj teb thiaj tau los sib pab ua txoj hauj lwm rhuav tshem cov hoob pob no kom ploj mus, kom xwv lub ntiaj teb neeg txhob raug xwv txheej ntxiv.
    Kwv tij, hais txog ntawm cov teb chaws uas tsim hom hoob pob caws nyob hauv av no, mas yav thaud kuj muaj ntau ntau lub teb chaws kawg thiab. Tab sis nyem no mas tsuas tshuav li ntawm 4 lub teb chaws lawm xwb, uas lawv tseem tsim cov hoob pob no quj qees ntxiv, yam li yog lub teb chaws Is Ntias, lub teb chaws Kos Lim qab teb, lub teb chaws Pas Kis Taas thiab Mias Mas teb.
    Kwv tij, niaj hnub no tseem tshuav li 500 txhiab tawm tus neeg uas lawv raug xwv txheej los ntawm kev tsuj hom hoob pob no, mas ua rau lawv lub neej txom nyem kawg. Vim tias tas nrho cov neeg no tsis muaj taw lawm, ces ua rau lawv pab tsis tau lawv tsev neeg mus khwv noj khwv haus li luag tej, ua rau lawv txom nyem ntsuav uas hais tsis tau rau leej twg.
    Yog vim li no, ces nyob thoob ntiaj teb, cov tseem fwv feem coob thiaj tau hais sib haum tias : “Txij no mus lawm yav tom ntej, mas peb sawv daws yuav tsis txhob tsim hom hoob pob uas caws rau hauv av no ntxiv, kom xwv txhob muaj cov neeg tu taw li niaj hnub no lawm.”
    Kwv tij, ua li mas peb sawv daws hauv Zoo Tswv Zov Yaj, vam tias yav tom ntej cov tseem fwv ntawm 4 lub teb chaws uas tseem tsim cov hoob pob no, lawv yuav tso txoj hauj lwm phem no tseg, kom xwv lub ntiaj teb neeg txhob raug xwv txheej ntxiv.
    Li ntawd, hnub no kuv tsuas coj 3 zag xov xwm tuaj ntsib nej sawv daws xwb, yam li :
    1. Hais txog nyob USA teb, muaj ib cov neeg thoj nam mus tuag nyob rau hauv lub xeev hu ua As Lis Ntxos Nas.
    2. Hais txog nyob Vas Tis Kaas, Vaj Qhia Faas Ntshis Kus tau tshaj lus tawm tias muaj ib txoj hauj lwm phem uas ua rau ntiaj teb neeg raug kev puam tsuaj.
    3. Hais txog nyob thoob ntiaj teb, mas tau muaj ib cov neeg raug mob sab thiab raug tuag, vim lawv mus tsuj cov hoob pob uas caws nyob hauv pem teb.
    Kwv tij phooj ywg, txuas ntxiv ntawm no mus, thov caw nej los mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo !
    Paj nruag


    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 28 lub 10 hli xyoo 2014







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th November 2014, 11:32 pm



    ZIM TXWV NO NTIAJ TEB TEEB MEEM LOJ.
    Zaj 372: Xov xwm Is Ntias teb.




    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 3 zag xov xwm coj los tshaj tawm pub rau nej sawv daws mloog xws li no :
    1. Nyob Is Ntias teb, cov neeg uas coj kev cai teev hawm His Ntus, tsim txom cov neeg ntseeg Ntuj.
    2. Nyob Cob Tsib teb, muaj ib cov Txiv Plig thov kom tseem fwv pub cov pej xeem muaj tau 3 tug me nyuam.
    3. Nyob teb chaws As Fis Kas nrab, muaj ib cov neeg sib pab txhim tsa kev thaj yeeb.
    Paj nruag
    Hais txog zaj xwm 1 : Nyob Is Ntias teb, cov neeg uas coj kev cai teev hawm His Ntus, tsim txom cov neeg ntseeg Ntuj, mas yog li no :
    Kwv tij phooj ywg, xyoo 2008, mas nyob teb chaws Is Ntias, tau muaj ib cov pej xeem uas teev hawm kev cai His Ntus, lawv tau muab ib cov neeg ntseeg Ntuj tua tuag coob coob. Hos niaj hnub no, mas nyob Is Ntias teb, ntau ntau lub xeev kuj tseem muaj ib cov neeg uas teev hawm kev cai His Ntus, lawv tau mus tsim kev kub ntxhov rau cov neeg ntseeg Ntuj yam tsis tu ncua.
    Yog vim li no, ces hnub tim 18 lub 8 hli xyoo 2014 no, tus Tswv Qhia Liab Thos Toos Kas, nws thiaj li mus ntsib tus thawj pwm tsav tshiab uas hu ua Nas Lees Nras Mos Dis. Tswv Qhia Liab Thos Toos Kas tau thov kom tus thawj pwm tsav Is Ntias siv nws lub hwj huam hwj chim los pab txhim kho tsoom pej xeem kom xwv txhob muaj tej teeb meem li no ntxiv.
    Kwv tij, tus Tswv Qhia Liab Thos Toos Kas tau hais tias : “Yav dhau los, mas nyob hauv 50 lub zos ntawm thaj tsam lub xeev Cas Tis Nkas, tau muaj ib cov pej xeem uas teev hawm kev cai His Ntus, lawv tsim kev kub ntxhov txwv tsis pub ib cov Txiv Plig mus rau hauv 50 lub zos.”
    Li ntawd, ces Tswv Qhia Liab thiaj tau thov kom tus thawj pwm tsav pab daws cov teeb meem no, vim tias sawv daws yuav tsum muaj cai sib npaug zos los coj kev teev hawm ywj siab.
    Tsis tas li xwb, Tswv Qhia Liab tseem hais ntxiv tias lub Koom Txoos Kav Tos Liv uas nyob Is Ntias teb, yuav pab txhim kho tsoom pej xeem Is Ntias ntau ntau yam ntxiv mus lawm yav tom ntej, yam li :
    1. Yuav pab tseem fwv qhia txuj ci rau cov me nyuam Is Ntias.
    2. Yuav pab tseem fwv kho tsoom laj mej pej xeem tej kev mob nkees.
    3. Yuav pab tseem fwv txhim kho kom tsoom pej xeem dim ntawm kev txom nyem.
    Tsis tas li ntawd xwb, tus Tswv Qhia Liab Thos Toos Kas tseem hais ntxiv rau tus thawj pwm tsav tias : “Nyob hauv peb lub teb chaws Is Ntias no, mas muaj ib cov neeg txom nyem uas luag tej saib lawv qis qis kawg. Cov neeg ntawd, mas yog haiv neeg me Das Lis.”
    Yog vim li no, mas xav thov kom cov tseem fwv pab txhim kho kom cov Das Lis dim ntawm txoj kev txom nyem thiab kom tej nom tswv nrog rau tsoom pej xeem Is Ntias uas teev hawm kev cai His Ntus, txhob thuam lawv thiab txhob muab lawv saib qis qis li yav dhau los.
    Yog tias tseem fwv ua tau li no, mas tsis hais cov neeg Das Lis uas ntseeg Ntuj thiab ntseeg kev cai Mawv Xis Lim, sawv daws kuj yuav muaj cai sib npaug zos los nrog tsoom pej xeem Is Ntias uas teev hawm kev cai His Ntus kawm txuj ci ib yam nyob thoob Is Ntias teb.
    Paj nruag
    Hais txog zaj xwm 2 : Nyob Cob Tsib teb, muaj ib cov Txiv Plig thov kom tseem fwv pub cov pej xeem muaj tau 3 tug me nyuam, mas yog li no :
    Kwv tij phooj ywg, lub zim txwv no mas nyob Cob Tsib teb, tsoom laj mej pej xeem Cob Tsib coob txog ntawm 90 plhom tawm leej neeg.
    Yog vim li no, ces tseem fwv Cob Tsib thiaj li txhawj tias tsam yav tom ntej, yuav tsis muaj zaub mov txaus rau tsoom pej xeem sawv daws noj.
    Li ntawd, tseem fwv thiaj tau tshaj lus tawm tias tsuas pub cov txij nkawm yug tau 2 tug me nyuam xwb. Yog tsev neeg twg tseem cia muaj 3 tug me nyuam, mas yuav raug nplua hnyav heev, xws li : “Yuav tsum them nyiaj ntau txog ntawm 1 plhom thiab 500 txhiab Doos, uas yog kwv yees li 70 Dos Las.”
    Tsis tas li ntawd xwb, yog tus me nyuam 3 yug los lawm, mas tseem fwv txwv tsis pub cov niam txiv mus nce npe rau tus me nyuam kom nws muaj ntaub ntawv ua neeg Cob Tsib, ces yav tom ntej tus me nyuam 3 no nws yuav tsis tau chaw kawm ntaub ntawv li zeej tsoom.
    Kwv tij, nyob hauv ntau ntau lub xeev, mas tseem fwv Cob Tsib kuj tsis ua nruj pes tsawg rau tsoom pej xeem. Tab sis nyob rau hauv lub Ceeb Koom Txoos Vees, mas tej nom tswv yeej ua nruj nruj kawg rau tsoom laj mej pej xeem txog ntawm kev yug tus me nyuam 3 no, yam li :
    1. Yog leej twg yug tus me nyuam 3, mas yuav tsum raug them nyiaj 1 plhom thiab 500 txhiab nyiaj Doos.
    2. Cov tseem fwv yuav tsis kam ntxiv npe rau tus me nyuam 3, kom nws muaj ntaub ntawv ua neeg Cob Tsib.
    Li ntawd, hnub tim 25 lub 8 hli xyoo 2014 no, thiaj ua rau muaj 8 leej Txiv Plig Cob Tsib uas lawv nyob hauv lub Ceeb Koom Txoos Vees, lawv tau sawv los sib koom siab sau ntawv mus thov kom cov tseem fwv txhob ua li ntawd rau tsoom laj mej pej xeem. Vim cov neeg uas txom nyem, mas yuav tsis muaj peev xwm them nyiaj ntau npaum li ntawd rau tseem fwv.
    Piv txwv, yog lawv mus qiv nyiaj los them tas rau tseem fwv lawm, mas kuj yuav ua rau lawv haj yam ntsib kev txom nyem loj.
    Kwv tij phooj ywg, los txog tav no mas 8 leej Txiv Plig Cob Tsib uas hais los ntawd, lawv twb sau ntau ntau tsab ntawv mus thov tseem fwv lawm, tab sis tej nom tswv kuj tseem ua ntsej lag muag dig tsis tshua quav ntsej pes tsawg. Tab txawm tias hnub tim 30 lub 8 hli dhau los no, cov tseem fwv tau teb ib tsab ntawv rov rau cov Txiv Plig tias : “Peb tau txais nej tsab ntawv lawm, tab sis cia peb xav tswv yim me ntsis tso, yog li cas mas peb mam qhia rau nej paub ntxiv.”
    Tab sis los txog tav no, mas cov tseem fwv Cob Tsib kuj tseem niaj hnub ua nruj nruj kawg rau tsoom pej xeem li qub.
    Yog vim li no, mas thooj li cov tseem fwv Cob Tsib tau hla txoj cai loj uas xyoo 1989, lub Leej Haum Kuj tau teeb tseg tias : “Kom txhia tus txij nkawm nyob thoob ntiaj teb, muaj cai yug tau me nyuam coob leej raws li lawv lub siab xav.”
    Kwv tij, yog peb muab txoj cai nruj nruj uas cov tseem fwv Cob Tsib tau siv los txwv tsoom pej xeem kom txhob pub muaj tus me nyuam 3 ntxiv, mas kuj tseem zoo dua li txoj cai uas nyob rau Suav teb. Yeeb vim tias cov tseem fwv Suav, mas lawv tsuas pub cov txij nkawm yug tau 1 tug me nyuam xwb. Yog tsev neeg twg tseem cia muaj tus me nyuam 2 thiab, mas yuav raug nplua hnyav heev.
    Li ntawd nyob rau Suav teb, thiaj muaj ib cov me nyuam mos liab uas tseem xeeb nyob rau hauv lawv niam lub plab, raug cov kws kho mob Suav muab ua kom nchuav tawm los coob tshaj plaws.
    Paj nruag
    Hais txog zaj xwm 3 : Nyob teb chaws As Fis Kas nrab, muaj ib cov neeg sib pab txhim tsa kev thaj yeeb, mas yog li no :
    Kwv tij phooj ywg, nyob As Fis Kas nrab, mas tsoom pej xeem tag nrho muaj coob kwv yees li ntawm 5 plhom tawm leej neeg. Nyob rau hauv tsoom pej xeem no, mas 50% yog cov neeg ntseeg Ntuj Plos Tes Taas, hos 30% yog cov neeg ntseeg Ntuj Kav Tos Liv.
    Tsis tas li ntawd, kuj tseem muaj li ntawm 20% yog cov neeg uas coj kev cai teev dab thiab coj kev cai teev hawm Mawv Xis Lim.
    Kwv tij, tab txawm tias cov pej xeem As Fis Kas nrab uas coj kev cai teev hawm Mawv Xis Lim tsis tshua coob pes tsawg, tsis kav nyob rau hauv cov Mawv Xis Lim no kuj muaj ib cov neeg uas nyiam nyiam tsim kev kub ntxhov rau luag tej, yam li yog cov uas hu ua “Xes Kes Las”.
    Cov Xes Kes Las no, mas lawv muaj lub hom phiaj xav kom lub teb chaws As Fis Kas nrab txia los ua ib lub teb chaws teev hawm kev cai Mawv Xis Lim.
    Yog vim li no, ces thiaj muaj ib cov neeg uas teev hawm kev cai Mawv Xis Lim sawv los tsim kev kub ntxhov rau qhov ub qhov no nyob thoob As Fis Kas nrab.
    Kwv tij phooj ywg, nyob hauv lub teb chaws As Fis Kas nrab, mas tab txawm tias yuav muaj teeb meem npaum li cas, tsis kav kuj tseem muaj ib cov neeg uas nyiam tsim kev thaj yeeb thiab, yam li yog ib tug Tswv Qhia hauv lub Koom Txoos Kav Tos Liv, uas hu ua Tswv Qhia Ntxas Pas Lees Nkos thiab ib tug Xib Hwb Mawv Xis Lim, uas hu ua Lis Mas Kos Npis, nrog rau ib tug Xib Hwb Plos Tes Taas uas hu ua Nis Kos Las Npas Nkus. Lawv 3 leeg no tau sib koom siab los tsim kev thaj yeeb rau lub teb chaws As Fis Kas nrab.
    Kwv tij, lawv 3 leeg neeg no yeej paub zoo lawm tias twb muaj li 5,500 leej tub rog pej kum teb tuaj pab cov tseem fwv tiv thaiv cov Xes Kes Las lawm. Tab sis lub teb chaws kuj tseem muaj kev sib ntaus sib tua nyob ntau ntau thaj tsam.
    Li ntawd, lawv 3 leeg no thiaj tau sawv kev mus rau tim lub tuam ceeb Nplus Xis uas nyob Npes Zis teb. Lawv tau thov kom cov teb chaws uas nyob Aws Los Pas tuam teb, pab xa ib cov tub rog coob coob mus pab tiv cov Xes Kes Las ntxiv, kom xwv lub teb chaws As Fis Kas nrab rov nyob thaj yeeb.
    Kwv tij, tsis tas li ntawd xwb, lawv 3 leeg thawj coj no kuj tau mus tsham tej lub zos uas cov Xes Kes Las tsim kev kub ntxhov rau tsoom pej xeem heev tshaj, yam li yog lub zos Npos Nkaas Nkos Los, uas yav dhau los tau muaj 200 tawm yim neeg teev hawm kev cai Mawv Xis Lim. Tab sis cov neeg no lawv tau khiav tawm hauv lawv lub zos mus lawm, vim tias cov Xes Kes Las tau hais kom lawv koom nrog cov Xes Kes Las tsim kev kub ntxhov. Tab sis cov neeg Mawv Xis Lim no tsis nyiam tsim kev kub ntxhov, ces cov Mawv Xis Lim uas hu ua Xes Kes Las thiaj tau muab lawv cov tsev hlawv ua kub hnyiab tag tib si.
    Yog vim li no, ces tus Tswv Qhia uas hu ua Ntxas Pas Lees Nkas thiaj tau tshaj lus tawm tias : “Tab txawm tias muaj ib cov neeg uas teev hawm kev cai Mawv Xis Lim hu ua Xes Kes Las, lawv tau tsim kev kub ntxhov rau qhov ub qhov no, los thov kom sawv daws nco ntsoov tias kuj tseem muaj ib cov neeg uas teev hawm kev cai Mawv Xis Lim yog neeg siab zoo thiab. Li ntawd,thov kom sawv daws txhob ua phem rau cov pej xeem uas teev hawm kev cai Mawv Xis Lim.”
    Kwv tij, thaum lub 12 hlis tim 9 xyoo 2013 uas tas los, tau muaj ib tug neeg mus ceeb toom tso lus hem tus Tswv Qhia Ntxas Pas Lees Nkas tias : “Koj txhob nyob hauv lub nroog no ntxiv lawm, vim yuav muaj neeg tuaj ua phem rau koj. Thov koj khiav mus rau lwm lub nroog mas koj thiaj tsis raug xwv txheej.”
    Tab sis Tswv Qhia Ntxas Pas Lees Nkas teb tias : “Kuv tsis khiav, kuv yuav nyob qhov no ntxiv mus li qub.”
    Kwv tij phooj ywg, qhov uas tus Tswv Qhia Ntxas Pas Lees Nkas nyob, nws tsis kam khiav raws li cov lus hem thawj, mas yog vim xws li no :
    Huab Tais Tswv Ntuj yeej tsis xav kom cov neeg txom nyem raug xwv txheej thiab raug mus ua luag qhev, ces peb 3 leeg thiaj tau txiav siab meej tias yuav sib pab tshaj Tswv Ntuj lub Moo Zoo rau luag tej thiab tshaj rau cov neeg me uas lawv tsis muaj cuab kav hais lus los txuag lawv txoj sia ntawm cov neeg phem.
    Kwv tij, dhau ntawm tus Tswv Qhia tej lus uas nyuam qhuav hais tas los no lawm, mas tus Xib Hwb Mawv Xis Lim uas hu ua Us Mas Kos Npis, nws kuj tau los tshaj tawm rau sawv daws ntxiv tias : “Peb yog cov tswv zov yaj, peb yuav txuag cov pej xeem lawv txoj sia, ces peb thiaj tau txiav siab tsis khiav mus nyob lwm qhov.”
    Kwv tij phooj ywg, zaj xov xwm no mas kuj ua rau peb lub xov tooj cua Zoo Tswv Zov Yaj, zoo siab tias lawv 3 leeg thawj coj uas yog cov sawv cev ntawm 3 txoj kev cai teev hawm sib txawv, yam li tus Tswv Qhia Ntxas Pas Lees Nkos uas nws yog tus sawv cev ntawm lub Koom Txoos Kav Tos Liv. Hos tus xib hwb Nis Kos Las Npas Nkus, mas yog tus sawv cev ntawm lub Koom Txoos Plos Tes Taas thiab tus xib hwb Lis Mas Kos Npis, mas yog tus sawv cev ntawm cov neeg teev hawm kev cai Mawv Xis Lim. Lawv 3 leeg no tau sib koom siab los pab txhim kho kom muaj kev thaj yeeb nyob rau hauv lawv lub teb chaws As Fis Kas nrab, mas peb kuj nrog lawv zoo siab.
    Li ntawd nyob rau hauv peb haiv Hmoob, peb sawv daws yuav tsis txhob cais koj pab kuv pawg, yuav tsis txhob tsim kom muaj kev sib tawg, sawv daws yuav tau los sib fim kom xwv peb haiv neeg koom siab los sib pab tsim kom muaj kev thaj yeeb ib yam nkaus li cov thawj coj 3 leeg uas hais tas los no.
    Kwv tij, ua li mas kuv vam tias peb tsoom Hmoob yuav xyaum tej yam zoo zoo los siv nyob rau hauv peb haiv neeg lub neej. Hnub no kuv tsuas coj 3 zag xov xwm tuaj ntsib nej sawv daws xwb, yam li :
    1. Hais txog nyob Is Ntias teb, cov neeg uas coj kev cai teev hawm His Ntus, tsim txom cov neeg ntseeg Ntuj.
    2. Hais txog nyob Cob Tsib teb, muaj ib cov Txiv Plig thov kom tseem fwv pub cov pej xeem muaj tau 3 tug me nyuam.
    3. Hais txog nyob teb chaws As Fis Kas nrab, muaj ib cov neeg sib pab txhim tsa kev thaj yeeb.
    Li ntawd, txuas ntxiv ntawm no mus, thov caw nej mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo !
    Paj nruag

    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 4 lub 11 hlis xyoo 2014














    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 6th November 2014, 10:08 am



    November 9 2014
    NCO TXOG LUB KOOM TXO0S THIAB PEB TSOOM NTSEEG




    Hnub no thiaj yog zoo hnub uas peb rov xav txog 2 yam tseem ceeb
    1 Tswv Ntuj vam txog peb los ua kom lub Koom Txoos ntshiab dawb huv:
    2 : peb tsoom ntseeg lub hwj chim loj kawg nkaus nyob rau hauv lub Koom Txoos

    1 : Tswv Ntuj vam txog peb los ua kom lub Koom Txoos ntshiab dawb huv:
    Nyob hauv Ntawv Moo Zoo , peb hnov zaj lus tias : :Nyob pem Yes Lus Xas Les, Yes Xus ntiab cov tub luam hauv lub Tuam Tsev Ntuj.
    Hauv Zam Ntawv Moo Zoo zaj 2 qib 13-22, thiaj tau sau li no tias “ Nyob hauv lub Tuam tsev Teev Ntuj, nyob Yes Lus Xas Les mas Yes Xus muab ib co hlua ua ib rab nplawm- Nws muab cov tub luam sawv daws huv tib si tawm hauv lub Tuam Tsev Teev Ntuj: Yes Xus mam li hais tseg tias :”Nej tsis txhob muab kuv Txiv lub tsev los ua ib lub tsev ua luam ntxiv.” Ua li Yes Xus lub siab kub lug txhib sawv daws kom tau txuag lub Tuam Tsev kom huv huv zoo”
    Ua li peb ua neeg ntseeg kuj yog vim lub Koom Txoos - Ces lub zim txwv no, mas Huab Tais Yes Xus thiaj txhib peb siab los mus ua kom xwv lub Koom Txoos rov ntshiab dawb huv. Ua li peb yuav mloog Ntuj Lo Lus tias::” Huab Tais Yes Xus hlub lub Koom Txoos . Huab Tais ua kom lub Koom Txoos ntshiab tuaj thiab huv tuaj kom tsis txhob muaj ib tee qias thiab kom tsis txhob muaj ib yam xyeej nyob rau hauv lub Koom Txoos “ ( Es Fes Xos 56:25-27
    Cov kwv tij, yog vim peb nyiam peb lub Koom Txoos, mas peb yuav ua ntau yam, raws li Ntuj lo Lus tias :” Peb sawv daws yuav rov sib ua zoo, sib hlub -Peb yuav ib leeg zam rau ib leeg, ib yam li Tswv Ntuj zam rau peb nyob hauv Huab Tais Yes Xus Pleev ( EFX 4:32 )
    Cov kwv tij, peb yuav muab siab rau pab sawv daws coj lub neej ntshiab dawb huv, ces lub Koom Txoos thiaj yuav tau loj hlob zuj zus hauv kev ntseeg, kev tso siab thiab kev nyiam kev hlub.
    2: Peb tsoom ntseeg lub hwj chim loj kawg nkaus nyob rau hauv lub Koom Txoos
    Cov kwv tij, yog vim peb tau txais lub Cim Ntxuav thiab lub Cim Txhab Zog, mas peb tau txais ib lub hwj chim loj kawg nkaus..Tsis yog lub hwj chim ua nom kav teb kav chaws. Peb lub hwj chim ntawd mas yog ” ib yam qhov muag tsis tau pom dua-- Yog ib yam pob ntseg tsis tau hnov dua “ ( 1 KLN 2:9).
    Ua li peb lub hwj chim uas loj tshaj plaws thiaj mus li no tias :: “Peb lub cev yog Leej Ntuj Ntshiab lub tsev nyob. - Leej Ntuj Plig Ntshiab nyob txawm hauv peb. Vim tias peb txais Leej Ntuj Plig ntawm Tswv Ntuj los.”.”Tswv Ntuj muaj txoj sia lub tuam tsev thiaj yog peb “ ( 1 KLN 6:19 + 2 KLN 6:16 )
    Phim peb yuav nco ntsoov tias “ Leej Ntuj Plig Ntshiab nyob txawm hauv peb .. Ces “peb yuav cia Leej Ntuj Plig coj peb lub neej : peb yuav nyiam Tswv Ntuj, peb thiaj nyob kaj lug ua Tswv Ntuj cov me tub me nyuam- Peb xyiv fab pab luag tej. Peb txawj hlub luag tej” ( NLT 5:22;25 )

    Hnub no peb yuav nco txog 2 yam tseem ceeb no tias :
    1: Tswv Ntuj vam txog peb los ua kom lub Koom Txoos ntshiab dawb huv:
    2 : Peb lub cev yog Leej Ntuj Plig Ntshiab lub tsev nyob – Tswv Ntuj muaj txoj sia lub tuam tsev thiaj yog peb.
    THOV NTUJ : Leej Ntuj Plig, koj los mas ! koj los nyob hauv cov neeg ntseeg txog koj - Koj ua kom lawv lub siab kub li hluav taws…Mas tas lub ntiaj teb yuav tshiab tuaj

    T.P. Txhiaj Foom omi





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 13th November 2014, 10:30 am



    November 16 2014 Nruab Xyoos Hnub Chiv 33 Xyoo A



    Cov kwv tij txhua txhia hnub Chiv thiaj yog zoo hnub vim tias peb zoo siab txais lub Moo Zoo uas Tswv Ntuj txhib peb siab rov xyaum ua neeg siab ntshiab thiab ua neeg txawj xav ntej tom qab. Hnub no peb yuav khaws 2 qib lus tseem ceeb tias :
    1: Lub zim txwv twg Huab Tais yuav rov los
    2 : Huab Tais , thov koj pab kuv vim kuv ntseeg me me xwb
    “Kev ntseeg Ntuj yog qhov loj tshaj plaws”
    1 : Lub zim txwv twg Huab Tais yuav rov los
    == Yus ib tug phooj ywg xub hais tias:” Kuv tuaj xyuas nej tsev neeg hnub twg “,mas yus kuj npaj ntau yam los txais yus tus phooj ywg hnub ntawd
    .. Hos Ntawv Ntshiab sau tseg tias :” Peb tsis xub paub txog lub zim txwv uas Huab Tais yuav rov los Peb mam li yuav zov hmo“ (1 TXLN 5;1--6 + Mas Tais 24:42-44 ).
    Peb tsis xub paub txog lub zim txwv uas peb yuav muaj ib siab ob qis . Mas peb yuav npaj dab tsi tseem ceeb thiaj tsim nyog peb yuav tau mus pem Tswv Ntuj lub Ceeb Tsheej ? Tswv Ntuj tau txhib peb siab zoo li no tias :
    = “Thov kom Tswv Ntuj pab nej ua siab kaj lug thiab pab kom nej ntshiab tuaj – Thov kom nej txuag tau nej lub tswv yim, nej tus plig, kom nej lub cev txhob muaj chaw xyeej, mus txog lub caij peb tus Huab Tais Yes Xus yuav rov los” (1 TXLN 5:23 )
    = “Nej muab nej lub siab khi rau Huab Tais tib leeg” ( 1 KLN 7:35 )
    = “ Nej lub siab yuav dai dhuam rau tej yam nyob txheej saud,,vim tias nej txoj sia nrog Huab Tais Yes Xus tsiv nraim hauv Tswv Ntuj – Huab Tais yog nej txoj sia .Ua li, thaum Huab Tais yuav tawm los rau pom xyeem nej kuj yuav nrog nws tawm los muaj hwj chim “ ( KLX 3: 3-4 )
    === Ua li ntawd, peb niaj hnub yuav siv zog ua kom peb tus ntsuj tus plig rov ntshiab tuaj..Tseev kom peb muab peb lub siab khi rau Huab Tais Tswv Ntuj tib leeg …
    Peb kuj yuav ua tej yam muaj nqes ntawd, vim tias yog vim peb yeej xav nrog Huab Tais tawm los muaj hwj chim, nyob pem Tswv Ntuj lub Ceeb Tsheej, rov mus txog txhiab niag tim puas xyoo..

    2 : : Huab Tais , thov koj pab kuv vim kuv ntseeg me me xwb
    Hauv Ntawv Moo Zoo, Huab Tais Yes Xus txhib peb sawv daws kom txhob ua neeg tub nkeeg xws li tus tub txib uas nws tau txais ib nras nyiaj ntawm nws tus tswv, Tab sis nws mus faus nws nras nyiaj tseg rau hauv av – Nws tsis coj mus ntxeev tau ib nras ntxiv “.
    == Cov kwv tij, peb tau txais ntau yam txiaj ntsim ntawm Tswv Ntuj los. Hos qhov muaj nqes tshaj plaws yog txoj kev ntseeg..mas yus ua tau ntau yam kom xwv yus rov kub siab ntseeg Ntuj khov kho ?
    1: Qhov ib kuj mus li no tias : Yuav thov Huab Tais tas zog tias: “Huab Tais, Thov koj pab kuv vim kuv ntseeg me me xwb” ( Mas Kos 9: 24 ) mas yus yuav tau muab tas yus tej siab ntsws thov Ntuj li ntawd.
    2 : Tej Hnub Chiv, yus kuj zoo siab khaws 1 qib lus tseem ceeb hauv phau Ntawv Ntshiab los .Ces yus yuav rov xav txog tib qib lus ntawd ntau. Ces, nyob nyob ,” Yus paub Huab Tais Yes Xus txoj kev nyiam, uas tob tshaj txhua txoj kev txuj. Ua li txhua hom txiaj ntsim hauv Tswv Ntuj thiaj yuav los nyob puv hauv peb siab” ( EFX 3:19 )
    3 : Zaus puav ,yus hais tau ib nyuag lus rau yus cov kwv tij tias :” Yog kuv tsis muaj kuv tus Huab Tais hauv nruab siab, mas kuv nyob tsis tau ntag”
    4 : Yuav tau coj lub neej nyob kaj lug kaj nrig vim kev ntseeg Ntuj. Ces lwm pab neeg yuav xav tias” Kev ntseeg Ntuj yog qhov loj tshaj plaws”

    T.P. Txhiaj Foom omi




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 13th November 2014, 10:44 am


    NTSEEG  TXOG  LUB  KOOM  TXOOS  NTSHIAB




    Hnub no  zoo hnub, vim tias  yog hnub peb tau sib sau ua Thaj Txi Ntuj, ces peb zoo siab  rov ntseeg khov kho tias  Yes Xus sawv hauv cov tub tuag rov los. Hos peb nrog Huab Tais koom muab peb tej siab tej ntsws thiab peb tej hauj lwm , kev zoo siab thiab peb tej kev nyuaj siab ntxhov plawv los nrog Yes Xus koom  muab los txi Ntuj,  thiab peb los mus txais lub Cim Yug.   Ua li txhua txhia Hnub Chiv,  Huab Tais Yes Xus rov txhim kho peb lub neej kom rov ntshiab dawb huv tuaj . Ces peb kub siab tsis txhob nruam Thaj Txi Ntuj
    PAJ  NRUAG     : As les lus yas. Leej Ntuj  Plg,koj los mas…..
    = Cov kwv tij peb yuav zoo siab  nthuav piav ob zaj lus tseem ceeb uas Vaj Qhia Fas Ntshis Kus tau tshaj tawm,yam li
    1:  Tsoom ntseeg  sawv  daws kuj yuav ua tub tshaj Ntuj  Lus
    2 :  Leej Ntuj Plig Ntshiab yog tus pab txhim kho cov neeg txhaum kom rov ntshiab  dawb huv tuaj.
     : 1:  Tsoom ntseeg  sawv  daws kuj yuav ua tub tshaj Ntuj  Lus
    Zoo li Vaj Qhia kuj tshaj tej lus uas peb nrhiav tau hauv Mas Tais Ntawv Moo Zoo, zaj 28:: 18-20 tias :”Ntuj pub ib puas tsav yam hwj huam rau kuv,nyob saum ntuj thiab nyob ntiaj teb no .Nej mus - Nej mus  ua kom tas ib tsoom haiv neeg  los ua kuv thwj tim. Nej qhia kom lawv coj tas puas  tsav  yam uas kuv tau qhia rau nej – Hos, kuv, mas kuv niaj hnub nrog nej nyob nraim mus txog lub zim txwv ntiaj teb kawg “
    Cov kwv tij   Huab Tais kuj  tseem pub peb ua Tswv Ntuj  tib lub luag hauj lwm ntawd  raws li pab 12 tus Hauv Paus Xa Lus ntag.. Ua li hauv tas txhia haiv neeg kwv huam, phau  ntawv Moo Zoo uas muaj nqe tshaj dua cov xov xwm  uas peb  twm  hauv cov ntawv xov xwm   los  yog  tej zaj lus uas peb saib  nyob hauv lub tshaj xyam…
    Vim li cas yog lub luag hauj lwm  tshaj Ntuj Lus muaj nqe tshaj plaws ? Vim tias  yog zaj lus uas qhia peb  ntseeg khov kho tias  : Peb Txiv siab zoo nyob saum ntuj nyiam thiab hlub  tsoom neeg  sawv  daws  tas npaud , nws thiaj tau xa nws Leej Tub Yes Xus tuaj nrog peb  sawv  daws nyob . Lub ntsiab lus tseem  ceeb ntawd kuj mus li no tias Huab Tais Yes Xus, Tswv Ntuj Leej Tub yog tus pab cawm peb ntawm qhov txhaum - Peb thiaj zoo siab ntseeg Huab Tais Yes Xus uas muaj peev xwm yaug peb cov txhaum tas huv  tib si pov tseg. Hais qhov tseeb. Huab Tais yog tus pab daws txhaum tas mus li, vim tias nws hlub tshua thiab nws khuv leej neeg tas nrho
    Vaj Qhia rov tshaj Huab Tais Yes Xus lub Moo Zoo tias:” Kuv niaj hnub nrog nej nyob nraim mus txog lub zim txwv ntiaj teb  kawg:”  Lo Lus tseem ceeb no mas tsim nyog peb yuav khaws tseg tag mus li. vim tias Tswv Ntuj hu peb nrog Huab Tais koom siab koom ntsws los mus tshaj lub Moo Zoo rau peb ib cov kwv tij Hmoob . Hos qhov uas peb yuav  muab tas peb lub siab los ua mus thiaj yog qhov tias ; peb  yuav  txais  Huab Tais hauv peb nruab siab mas peb yuav ua  tau Huab Tais  tej hauj lwm tshaj Ntuj lus  ...
    Vaj Qhia  tseem  txhib peb siab  los mus  nco txog Huab Tais Yes Xus qib lus no tias : “Yog nej ncaim ntawm kuv, mas nej ua tsis tau dab tsi”  (Zam  15:5 ). Yog tias peb npuab Huab Tais Yes Xus lub siab tuag nthi, mas peb thiaj muaj peev  xwm ua tau ntau yam.  Qhov tias peb nyeem tau ntawv,..los peb tsis paub ib tug ntawv los xij . Li cas los peb kuj ua tau tim khawv txog lub Moo Zoo  Peb kuj ua tau tus tub tshaj Ntuj lus, nyob hauv Huab Tais Yes Xus lub npe..
    Vaj Qhia tseem txhib peb tias : “Nej yuav nco ntsoov tias : tsoom ntseeg  sawv daws ,uas kub siab  mus tshaj Ntuj Lus, mas  ib ntsis nyob hauv nej zos thiaj  yuav tau nej cov kwv tij coob leej  uas yuav rov muaj ib lub siab nyob tiaj nyob tus – thiab lawv yuav rov tso siab lug. Lawv yim loj hlob zuj zus,ces lawv yim rov tso siab rau Huab Tais Tswv Ntuj zuj zus.Yog vim li ntawd ces tsoom ntseeg sawv  daws huv tib si  kuj tuav tau Tswv Ntuj lub  luag hauj lwm tseem ceeb kom xwv lub ntiaj teb neeg rov khov kho zuj zus, thiab rov zoo nkauj zuj zus nyob ntawm Tswv Ntuj lub xub ntiag”
    Cov kwv tij, peb zoo siab ua Vaj Qhia Fas Ntshis Kus tsaug ntau, vim tias  nws rov txhib peb siab ua tub tshaj Ntuj lus rau peb cov kwv tij Hmoob.\
    PAJ  NRUAG  : Kuv nyob nov,Ntuj  (  tsuas tshaj  zaj 1 + lo lus txais   xwb
    . 2 :  Leej Ntuj Plig Ntshiab yog tus pab txhim kho lub Koom Txoos
    kom rov ntshiab  dawb huv tuaj
    Cov kwv tij, txhua txhia lub caij peb sib sau los ua Thaj Txi Ntuj , mas peb hais kam zaj lus teev Ntuj  ntev hauj sim uas lub hauv paus mus li no  tias:  KUV  NTSEEG TXOG  TSWV  NTUJ.  Hos ib ntsis peb mam li hais lo lus no tias : NTSEEG TXOG  LUB KOOM TXOOS NTSHIAB CIA  RAU LUB  QAB  NTUJ  NEEG.
    Mas Vaj Qhia mam li nthuav piav zaj lus ntawd zoo li no tias :”Peb nyeem 2-3 phab ntawv hauv phau ntawv COV HAUV PAUS  XA LUS   COV  HAUJ  LWM  mas   peb thiaj hnov lus tias thawj pab ntseeg txog Huab Tais Yes Xus mas lawv zoo siab xav tias :” Peb yog cov Ntshiab”  Zoo li phau ntawv kuj sau li no tias: “ Tus Hauv Paus Xa Lus Pob Zeb ncig mus rau txhua qhov chaw xyuas sawv daws - Pob Zeb nqes mus txog nram cov ntshiab nyob lub zos Lis Das “ ( HL 9:32 + 9:13 + 41 )
    MUAJ  LO  LUS  NUG  tias : “Peb cov neeg uas tau txais lub Cim Ntxuav mas peb sawv daws kuj lees tias : Li cas los,peb tseem yog neeg txhaum. Ua li peb hais tias ; NTSEEG TXOG  LUB KOOM TXOOS NTSHIAB   Vim li cas peb hais lo lus no ??”
    Vaj Qhia  hais  LO  LUS  TEB   TIAS  :  peb hais tau lo lus tias : NTSEEG TXOG  LUB  KOOM  TXOOS  NTSHIAB  kuj yog vim qhov tias : tab txawm peb sawv daws ua txhaum los, tsis kav peb niaj hnub qhib peb lub siab rau Leej Ntuj Plig Ntshiab tag mus li.- ces   hnub dhau hnub, hlis dhau hlis mas peb soj qab Leej Ntuj Plig Ntshiab tej txiaj ntsim uas nqes los hauv peb tej siab ntsws. Ces nyob ntawm Tswv Ntuj lub xub ntiag,  lub Koom Txoos ntshiab dawb huv  
    LO LUS  NUG;  Leej Ntuj Plig Ntshiab ua nws tej hauj lwm zoo li cas rau li cas rau hauv peb tej siab ntsws ?
    TEB  tias :Leej Ntuj Plig Ntshiab ua ntau yam hauj lwm zoo li no tias : nws yog tus txhim kho peb tej siab ntsws kom rov huv zuj zus tuaj , tsis tu ncua - .Leej Ntuj Plig Ntshiab yog tus rov tsim ib lub siab tshiab, tsis muaj caij so.
    Cov kwv tij, tej lo lus no yog lo lus tseeb -  yog lo lus pab peb ua siab loj siab tawv  qhawv, tsis ua siab yau  ib zaug li..
    Txawm li cas los , muaj tej tus neeg ntseeg uas lawv ua siab yau tias :”Ntawm kuv mas kuv yeej raug kev phem kev qias, mas kuv ua tsis tau tub tes tub taws hauv lub Koom Txoos ib zaug li “
    Mas yuav tsum TEB  lo puav lus rau cov neeg uas lawv ua sib yau tias :”Txhua txhia hnub ,mas  Huab Tais Tswv Ntuj, uas muaj lub siab khuv leej neeg tas nrho, mas nws yeej xav hnov tias koj tej lus ntxub tej txhaum..Tswv Ntuj yeej  xav  hnov koj tej lus zoo  li no :” Tswv Ntuj od  ,kuv tseem ua txhaum rau koj – Kuv tu siab  nrho.: Huab Tais, thov koj zam kuv tej txhaum- Thov koj txhim kho kuv tej siab ntsws kom rov tshiab thiab kom rov ntshiab tuaj os mog “
    Cov kwv tij,  lub Moo Zoo  uas nplij peb siab kuj mus li no ; niaj hnub Tswv Ntuj ( uas muaj lub siab khuv leej neeg tas nrho  ) nws yeej npaj siab yaug peb tej txhaum, tsis muaj caij so thiab tsis tu ncua
    ..Cov kwv tij, hauv peb lub Koom Txoos mas Huab Tais npaj siab  pub Leej Ntuj Plig Ntshiab  nqes los txhim kho peb  tej nplooj siab  nplooj ntsws  kom rov ntshiab huv kuj yog lub caij uas  peb los mus txais  lub Cim daws txhaum thiab lub Cim Yug ..Yog vim ob lub Cim Ntshiab no ( uas yog lub Cim Daws Txhaum thiab lub Cim Yug ) peb thiaj  los mus ntsib Huab Tais Yes Xus.. Huab Tais yuav muab  nws txoj kev khuv leej neeg tas nrho los txhim kho peb lub siab, tsis muaj caij so thiab tsis tu ncua
    Cov kwv tij hmov thiab  tshua , tseev kom peb cia Huab  Tais Yes Xus ua nws tej hauj lwm  hlub neeg los pab peb coj lub neej ntshiab huv zuj zus
    ………((  .Cov kwv tij, tej lo lus ( uas peb  nyuam qhuav tshaj tawm rau nej ,mas  yeej yog Vaj Qhia lo lus, mas tsim nyog peb yuav khaws  tseg)

    PAJ  NRUAG =   ZAJ TU SIAB
                               KUV NYOB HAUV  QAB  TIV TXWV
                               KOJ  LUB  SIAB ZOO ,  HUAB   TAIS…,KOJ  ZAM
    Tus sau  =  T.P.. Txhiaj Foom omi







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 20th November 2014, 9:52 am



    HWM YES XUS UA VAJ

    November 23 2014 NruabXyoo HNUB CHIV 34 XYOO A



    Hauvteb chaws twgkujxij,tsoompejxeemmuajcovthawjcojuaskabtebkavchaws .Lawv mam li cojrawstascovtxojcaikavteb chawshuvsi,thiajpaubtiastej yam uasyuavtsumuayog dab tsi..Tejyam uasyuavtsistxhobuakiagthiajyog dab tsi. Tustibneegtwgkujxijkujyeemmloogtascovtxojcaihuvsi, mam li nyob tau
    = Hos pebtsoomntseeguascojNtujkevCai,pebkujqhibpeblubsiab los cojrawslub Moo Zoo, cespebthiajcoj tau iblubneejnyobtiajnyobtus, nyobntawmTswvNtujlubxubntiag
    Yuavnthuavpiav 2 zag ;1 : PebtusVaj,HuabTais Yes Xuskhuvleejpebtasnrho.2 :PebtusVaj, HuabTais Yes Xus, yogtustxiavtximrawskevncajncees

    ; 1 : PebtusVaj,HuabTais Yes Xuskhuvleejpebtasnrho
    TsimnyogpebyuavkhawsHuabTais2-3 qiblustsegtias:
    “ Nejthovcesnejyuav tau txais- Nejtxojkevkajyuavpuvphwj yaws” (Zam 16:24)
    -“ Tasnejsawvdawsuasnejkhwvthiabrisnrahnyav, nejtuajcuagkuvmog.Kuvyuavcianej so los siav vim kuvsiab zoo - Kuvtsismuabhlob”((T 16:28-29)
    PebyuavcojrawsHuabTaisLo Lus no mas pebtsosiablug ,tsismuajcaijtas

    Tab txawmpebtsispomHuabTais Yes Xus ,pebtusVajxyeemntawmqhovmuag ,los pebtseemntseegruajnrebkhovkhotias : ” “PebtusVajyogtustxuagpeb,cespebtsopebtejkevntxhovsiabhuvtibsirauNws”( 1 P.Z. 5:7 )
    Txoghnubpebmuajibsiabobqis, pebncontsoovtias :: “HuabTaissawvhauvcov tub tuagrov los lawm.Cescovsawv tom qabyogHuabTaiscovneeg”
    . Cespebtsosiab lugtias:” PebyuavmuscuagHuabTaisnyobsaumntuj- PebyuavmusnrogHuabTaisnyobmus li “ ( 1 KLN 15 ;20-23 + 1 TXLN 4;17 )

    Li ntawd,pebniajhnubzoo siabcavlus zoo txogpebtusHuabTaisuaskhuvleejpebtasnrho:” Nwslubsiabhlubnyobtasibtxhiabibtxhis” ( NPN 136 :1- 26 )


    2 :PebtusVaj, HuabTais Yes Xus, yogtustxiavtximrawskevncajncees
    Hauvzajhaistxogkevtxiavtximlubzimtxwvkawg( MT 25:31-46 ) maspebtusHuabTaistshajtej lo lusceebtoomtias :” TswvNtujyeejncontsoovtxogtasibpuastsav yam uaspeb tau ua los lawm” (HN 6;10 ) ,Yam li txoghnubtxiavtximraupeb, mas HuabTais Yes Xusyuav los muslujpebtejkoobhmoovthiabpebtejtxhaumrawskevncajkevncees ..
    Lubcaijntawdmas HuabTaisyuavrovsojntsuamsaibpeb tau teevhawmTswvNtuj zoo li cas, thiabpebpuas tau mloogTswvNtuj Lo Lusqhiapebtxogkev sis nyiam sis hlub.
    Lubcaijntawd mas HuabTaisyuavhaisraucovneegsiabncajtias:”Nej tau uanpaum li casraucov me tshajhauvkuvtsoomkwv mas nej tau uaraukuv .Cesnejtuajtxaistxojsianyobmus li los mas”
    HosHuabTaisyuavhaisraucovneegnkhaustias:”Nejtsis tau uaraucov me tshajhauvkuvtsoomkwvnpaum li cas, mas yognejtsis tau uaraukuv .Cesnejyuavmusraugtximibtxhiabibtxhis“
    Covkwvtij, zajlustxawvtxav nopabqhiaqhovtseebhaistias :HuabTaiskujnyobtxawmhauvtibneegtejnploojsiabnploojntsws.,mas thaumpebmuabmovrautustshaibplabmas lubcaijntawdpebmuabmovrauHuabTaisnoj . Hosthaumpebtuajxyuascovneeg mob maslubcaijntawdpeb tau tuajxyuasHuabTais’
    TsimnyogpebyuavkhawsNtujLo Lusuasyog lo lustseebtias:” Yogmuajib tug haistias:” KuvnyiamTswvNtuj ”, tab sis nwsntxubnwstuskwv,masnwsyogib tug neeg dag.- Tustsisnyiamnwstuskwvuasqhovmuagpom tau, mas nwsnyiamtsis tau TswvNtujuasnwsqhovmuagtsispom. “( 1Zamn 4:20 )
    THOV NTUJ: “HuabTais Yes Xus, pebuakojtsaug, vim tiaslub Moo Zoo yogqhovtseeb. Thovkojpabtxhabzograupebsawvdaws,komxwvpebthiajyuavkubsiabtaugkev sis nyiam sis hlub..Yogpebcojrawskojlub Moo Zoo mas yav tom ntejpebthiajyuav zoosiabhnovkojtejlustxaispebnyobpemTswvNtujlubCeebTsheejtias“ Nej los mog ! NejyogcovuaskuvTxiv pub txojhmoov zoo rau..Vim tiasnej tau uanpaumli casraucov me tshajhauvkuvtsoomkwv , mas yognej tau uaraukuv”

    T.P..TxhiajFoomomi






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th December 2014, 8:52 am



    LEEJ NTSHIAB FAS NTSHIS KUS


    Cov kwv tij , hnub no zoo hnub, rau qhov tias peb zoo siab nrog peb tsoom ntseeg sib sau los ua Thaj Txi Ntuj Ntshiab. Peb sawv los nrog cov ntseeg koom siab koom ntsws nco txog Yes Xus uas tau sawv ntawm cov tub tuag rov los. Peb zoo siab ntseeg tias : Huab Tais Yes Xus yog tus Huab Tais cawm neeg dim ntawm qhov txhaum .
    Hos, ob hnub no thiaj yog lub Caij Tos Huab Tais, ces yuav tau txais Vaj Qhia Fas Ntshis Kus tej lo lus nthuav piav txog Leej Ntshiab Fas Ntshis Kus lub neej. Rau qhov tias Vaj Qhia tau sawv kev ntawm lub nroog Los Mas los mus txog lub nroog As Xis Xis, hauv teb chaws Is Tas Lias. Lub nroog As Xis Xis kuj yog lub nroog uas Leej Ntshiab Fas Ntshis Kus tau coj nws lub neej

    PAJ NRUAG: Huab Tais , txhob ncua ntev
    ( Tsuas hais lo lus Txais- + Nqes lus 1 + Lo lus txais xwb

    Yuav xav txog ob zaj lus li no tias
    1 : Peb yuav ua raws li Leej Ntshiab Fas Ntshis Kus, yam li peb yuav ntseeg txog Yes Xus uas nws ntsia tsoom neeg sawv daws
    2 : Leej Ntshiab Fas Ntshis Kus tau coj lub neej nyob thaj yeeb nyab xeeb\

    1 : Peb yuav ua raws li Leej Ntshiab Fas Ntshis Kus, yam li peb yuav ntseeg txog Yes uas nws ntsia tsoom neeg sawv daws
    Xyoo 1182 Fas Ntshis Kus yug los tim lub nroog As Xis Xis, hauv teb chaws Is Tas Lias. Nws nrog nws txiv ua tub lag tub luam. Lawv muag tej ris tsho zoo nkauj rau tej pab neeg hauv lub nroog ntawd, ces nws ua lub neej nplua nuj.- Nws kuj coj lub neej lom zem xws li cov tub hluas nyob hauv lub nroog As Xis Xis. Li ntawd, tsis kav ,nws kuj tau txiav txim coj lub neej tshiab, yog vim tias : muaj ib hnub Fas Ntshis Kus teev Ntuj hauv ib lub tsev teev Ntuj, uas cov ntseeg nco txog Leej Ntshiab Das Mis Ees.
    Peb tus Vaj Qhia Fas Ntshis Kus mam li rov tshaj txog lo lus ntawd tias; “ Tau muaj ib hnub Leej Ntshiab Fas Ntshis Kus kuj txhos caug nyob ntawm ib tug Ntoo Cuam loj hauj sim lub xub ntiag. Fas Ntshis Kus teev Ntuj thiab qhuas txog Yes Xus uas dai saum tus ntoo cuam- Fas Ntshis Kus pom dheev tias : Huab Tais ntsia sawv daws neeg thiab nws hlub tshua sawv daws neeg. Fas Ntshis Kus rov nco dheev tias ..Yeej muaj tej lub qhov txhab ntsia nyob hauv Yes Xus ob txhais tes thiab hauv txhais taws. Ib cov ntshav ntws ntawm 4 lub qhov txhab ntawd thiab rau ntawm nws phab tav tib si. Fas Ntshis Kus kuj lees tias : thaum Yes Xus dai saum tus ntoo cuam, mas nws tseem ciaj sia. Yes Xus kuj tso siab rau Leej Txiv tuag nthi. kuj yog vim “ nws taug kev nyiam kev hlub sawv daws mus txog qhov kawg “ ( (Zam 13 :1 ) . Fas Ntshis Kus rov xav thiab ntseeg khov kho, thiab nws hais tib zaj lus raws li tus Hauv Paus Xa Lus Paj Lug hais tias : “Tswv Ntuj Leej Tub tau nyiam kuv, ces nws rov muab nws rau luag, kom nws pab kuv “ ( NLT 2:20)

    Fas Ntshis Kus haj yam ntseeg ruaj nreb khov kho tias : Yes Xus ntsia sawv daws neeg. Nws hlub sawv neeg tas nrho Li ntawd, tus tib neeg twg ntseeg txog Yes Xus mas Huab Tais muab nws tej kev nyiam kev hlub uas loj tas nrho, los pab tus neeg ntawd “ kom xwv nws zaj tswv yim tshiab tuaj..”.”Huab Tais txhim kho tus neeg ntseeg ntawd kom nws plhis ua tus neeg tshiab, raws Tus Tswv Tsim neeg tus duab “ (EFX 4:23 +KLX 3:10)
    Cov kwv tij, peb tus Vaj Qhia Fas Ntshis Kus thiaj thov Leej Ntshiab Fas Ntshis Kus pab peb zoo li no tias :” Thov koj pab peb sawv daws kom xwv peb ntseeg khov kho tias Huab Tais Yes Xus niaj hnub ntsia peb sawv daws vim nws lub siab hlub neeg tas nrho. Ces peb yuav thov kom Huab Tais Yes Xus zam peb tej txhaum thiab peb yuav thov kom Huab Tais niaj hnub rov tsim ib lub siab tshiab, kuj yog vim Huab Tais kev nyiam kev hlub ntag. Leej Ntshiab Fas Ntshis Kuv, peb ua koj tsaug ntau”

    PAJ NRUAG : CAWM KOJ HAIV NEEG , TSWV NTUJ

    .. 2 : Leej Ntshiab Fas Ntshis Kus tau coj lub neej nyob thaj yeeb nyab xeeb..
    Cov kwv tij, Leej Ntshiab Fas Ntshis Kus ua tim khawv txog qhov tseeb tseeb no tias : tus tib neeg twg raws Yes Xus qab thiaj txais tau kev thaj yeeb nyab xeeb puv phwj yaws
    Kev thaj yeeb nyab xeeb uas mus raws qhov tseeb, mas kawg Huab Tais Yes Xus tib leeg xwb ua tus pub tuaj rau peb.
    Peb tus Vaj Qhia Fas Ntshis Kus mam li caw peb mloog Huab Tais Yes Xus lub Moo Zoo hais tias :”Tas nej sawv daws uas nej khwv thiab ris nra hnyav, nej tuaj cuag kuv mog ! Kuv yuav cia nej so los siav .Nej txais kuv tus quab - Nej kawm ntawm kuv mog, vim kuv lub siab zoo -Kuv tsis muab hlob –Nej tus plig yuav nrhiav tau chaw so los siav.” (Mas Tais 11: 28-29)

    Cov kwv tij, Leej Ntshiab Fas Ntshis Kus kev thaj yeeb nyab xeeb thiaj yog Huab Tais Yes lub txiaj ntsim. Ua li tus quab peb yuav ris ,mas Huab Tais Yes Xus qhia peb tias peb yuav mloog Huab Tais Yes Xus lo lus tias :’Kuv muab ib lo lus qhia tshiab rau nej; yam li nej yuav sib nyiam sib hlub – Nej yuav rov sib nyiam sib hlub, ib yam li kuv tau nyiam nej “ –“Nej sis nyiam sis hlub zoo li kuv tau nyiam tau hlub nej “ (Zam,13: 34 + Zam 15:12)

    Ua li ntawd, mas kev thaj yeeb nyab xeeb thiaj yog Huab Tais Yes Xus lub txiaj ntsha txiaj ntsim, kom xwv peb txiav txim ib siab taug kev nyiam kev hlub, raws li Huab Tais Yes Xus tus piv txwv thiab nyob hauv Huab Tais - .Peb mam li yuav tau coj lub neej zoo,thiab yuav tsis muab hlob

    Cov kwv tij, Vaj Qhia Fas Ntshis Kus mam li hais ib zag thov Leej Ntshiab Fas Ntshis Kus pab peb zoo li no tias :” Thov koj pab peb tsim kev thaj yeeb nyab xeeb – Yeej yog Huab Tais Yes Xus tib leeg xwb, uas yog tus pub ib feem hauv Huab Tais kev thaj yeeb nyab xeeb. Tseev kom peb ua neeg me nyob ntawm Tswv Ntuj lub xub ntiag thiab nyob ntawm sawv daws lub xub ntiag. Leej Ntshiab Fas Ntshis Kus, peb ua koj tsaug ntau “
    Peb mam li zoo siab ua Vaj Qhia Fas Ntshis Kus tsaug, rau qhov nws tshaj tej zaj lus meej pem txog Leej Ntshiab Fas Ntshis Kus uas tau coj lub neej hauv lub nroog As Xis Xis, tim teb chaws Is Tas Lias

    PAJ NRUAG : Yes Xus lub npe
    Thaum peb nyiam kev hlub
    Ntuj, ua kom kuv tseb kev thaj yeeb
    Nyob hauv koj tes
    Kev thaj yeeb zoo li
    Kuv tau txiav txim siab cia los raws
    Cawm koj haiv neeg, Tswv Ntuj



    .




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 18th December 2014, 9:40 am



    December 21 – 2014 TOS HUAB TAIS Hnub Chiv 4 – XYOO B



    Cov kwv tij. lub Caij Tos Huab Tais thiaj yog ib lub caij tseem ceeb uas peb yuav nco ntsoov txog Tus Nkauj Tsim Txiaj Mab Liab tej kev ntseeg thiab peb haj yam ntseeg txog Tswv Ntuj kev khuv leej neeg tas nrho.

    1 : Peb yuav nco ntsoov txog Tus Nkauj Tsim Txiaj Mab Liab tej kev ntseeg
    Tswv Ntuj tus Tshiab Nkas Nplias nyuam qhuav hais rau Mab Liab tias :”’ Leej Tswv Yim Ntshiab yuav los nyob saum koj- Leej Siab lub hwj huam yuav los ntxoov koj .Ces koj yuav xeeb tub. Nws yog Tswv Ntuj Leej Tub “..Hos tus Tshiab lo lus kawg kuj yog lo lus no tias :” TSIS MUAJ IB YAM DAB TSI UAS TSWV NTUJ UA TSIS TAU.
    Ua li ntawd tus Nkauj Tsim Txiaj Mab Liab zoo siab tas nrho. Ces nws tuaj yeem ua raws Tswv Ntuj lo lus hais tias :” KUV YOG HUAB TAIS TUS NTXHAIS TXIB – KUV XAV KOM MUAJ TUAJ RAWS LI KOJ HAIS “
    Peb kuj zoo siab ua Mab Liab tsaug tias :” Niam Mab Liab, koj tau qhib koj lub siab los ntseeg khov kho txog Tswv Ntuj Lo Lus , ces tus Huab Tais cawm neeg , Tswv Ntuj Leej Tub yug los tau .Peb zoo siab ua koj tsaug ntau. Koj pab thov Ntuj pab txhawb nqa kev ntseeg hauv peb nruab siab,kom xwv peb thiaj yuav tau ntseeg khov kho xws li koj tias ; TSIS MUAJ IB YAM DAB TSI UAS TSWV NTUJ UA TSIS TAU. Niam Mab Liab, ua koj tsaug ntau - Thov koj hlub peb os mog “ .

    2 : Peb haj yam ntseeg txog Tswv Ntuj kev khuv leej neeg tas nrho.
    Yes Xus yug los tau 2014 xyoo los lawm. Nws yeem tuag thiab nws sawv rov los, mas yeej yog raws li Tswv Ntuj lo lus tias :” TSWV NTUJ NYIAM LUB QAB NTUJ NEEG NPAUM NO : NWS THIAJ MUAB NWS LEEJ TUB TWM ZEEJ RAU, KOM XWV TUS NTSEEG THIAJ MUAJ TXOJ SIA NYOB MUS LI ( Zam 3:16 )

    Cov kwv tij, thaum peb yuav saib xyuas thiab yuav qhuas txog tus me nyuam Yes Xus pw hauv dab nyuj. thiab thaum peb ua Thaj Txi Ntuj Ntshiab mas peb nyias hais tau lo puav lus hauv nyias nruab siab tias :” Huab Tais Yes Xus, koj yug los ua neeg nyob ntiaj teb no kuj yog vim koj khuv leej me yau ntau tas nrho. Ces kuv rov yug los tshiab ua Tswv Ntuj tus me nyuam. Yeej yog Ntuj lub txiaj ntsim muaj nqes tshaj plaws. Huab Tais siab zoo ,koj pheej xeeb tas ib txhiab ib txhis . Ua koj tsaug ntau. Thov koj tshoj kuv lub siab, ces kuv yuav tau coj lub neej nyob tiaj tus, yog lub neej nyob thaj yeeb nyab xeeb, tsis tu ncua, nyob ntawm koj xub ntiag, tag mus li”

    T.P. Txhiaj Foom omi




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 9th January 2015, 8:25 pm



    ZIM TXWV NO NTIAJ TEB TEEB MEEM LOJ
    Zaj 379 : Nyob hauv lub nroog Yes Lus Xas Les.
    ………………………………………………………………………………………………
    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 2 zag xov xwm coj los tshaj tawm pub rau nej sawv daws mloog xws li no :
    1. Muaj kev kub ntxhov nyob hauv lub nroog ntshiab Yes Lus Xas Les, His Xas Lais teb.
    2. Muaj ib tug poj niam txais ib tug ntxhais Hais Tis mus nyob Kas Nas Das teb.
    Paj nruag
    Hais txog zaj xwm 1 : Muaj kev kub ntxhov nyob hauv lub nroog ntshiab Yes Lus Xas Les, His Xas Lais teb, mas yog li no :
    Kwv tij phooj ywg, hnub tim 18 lub 11 hlis xyoo 2014 uas nyuam qhuav tas los no, tau muaj 2 tug neeg Pas Les Tis Nas mus rau hauv cov His Xas Lais lawv lub tsev teev Ntuj, ces txawm pib xuas phom, xuas riam thiab ho rho taus los caum tua cov neeg His Xas Lais uas lawv tab tom teev Ntuj. Ua rau muaj neeg tuag coob txog ntawm 5 leeg.
    Lub caij ntawd, cov tub ceev xwm His Xas Lais thiaj tau rho phom los tua 2 tug neeg Pas Les Tis Nas uas mus tsim kev kub ntxhov rau hauv tsev teev Ntuj.
    Kwv tij, vim li cas ho muaj kev sib ntxub txog qib uas sib tua li no nyob hauv lub tuam tsev teev Ntuj ntshiab ntawm lub nroog Yes Lus Xas Les ?
    Hais qhia rau nej sawv daws paub tias xyoo 1947, cov neeg His Xas Lais uas yav thaud lawv tau khiav ntawm His Xas Lais teb mus nyob rau pej kum teb, mas lawv tau rov qab los nyob rau His Xas Lais teb.
    Yog vim li no, ces lawv thiaj muab thaj av His Xas Lais faib rau 2 haiv neeg nyob, yam li yog haiv neeg His Xas Lais mas nyob rau sab hnub poob, hos haiv neeg Pas Les Tis Nas nyob rau sab hnub tuaj.
    Tsis tas li ntawd, thaj tsam ntawm lub nroog Kas Xas uas nyob yav qab teb, kuj tau poob mus ua cov Pas Les Tis Nas tug lawm.
    Kwv tij, txij li xyoo 1947-1993, mas cov His Xas Lais thiab cov Pas Les Tis Nas tsis tshua sib haum pes tsawg.
    Li ntawd, ces xyoo 1993, nyob rau hauv lub nroog Aus Los, Nos Zaws teb, cov thawj coj ntawm haiv neeg His Xas Lais thiab haiv neeg Pas Les Tis Nas thiaj tau koom tes sib cog lus tias : “Txij no mus mas peb 2 haiv neeg no yuav sib hlub thiab sib haum xeeb.”
    Tab sis txij thaum ntawd los txog xyoo 2015 no, cov neeg His Xas Lais thiab cov neeg Pas Les Tis Nas yeej tsis sib haum xeeb kiag, ces ua rau ob haiv neeg no sib ntaus sib tua tas mus li.
    Ib yam teeb meem uas ua rau 2 haiv neeg no tsis sib haum xeeb, mas yog xyoo 1995, ib pab neeg Pas Les Tis Nas tau mus muab haiv neeg His Xas Lais tus txoov tim tswv uas hu ua Is Xas Las Npis tua tuag, ces thiaj ua rau cov His Xas Lais chim siab thiab tsis tso siab rau haiv neeg Pas Les Tis Nas los txog niaj hnub no.
    Kwv tij, xyoo 2014 thaum lub 6 hli ntuj, mas Vaj Qhia Faas Ntshis Kus tau caw tus txoov tim tswv Xis Moos Pes Les uas kav His Xas Lais teb thiab tus txoov tim tswv Mas Mus As Npas uas tswj Pas Les Tis Nas teb, mus nrog Vaj Qhia Faas Ntshis Kus sab laj nyob rau tim lub loog Vas Tis Kaas.
    Lub caij ntawd, Vaj Qhia Faas Ntshis Kus thiab ob tug txoov tim tswv ntawm haiv neeg His Xas Lais thiab haiv neeg Pas Les Tis Nas tau sib tuav tes los sib pab tsim kev thaj yeeb, ces lawv 3 leeg thiaj tau sib koom los cog ib tsob Txiv Ntoo Roj rau hauv lub loog Vas Tis Kaas.
    Hom Txiv Ntoo Roj no, mas nyob thoob ntiaj teb sawv daws saib yog ib yam ntoo roj uas txhais tias “KEV THAJ YEEB”.
    Kwv tij, txawm li cas los haiv neeg His Xas Lais thiab haiv neeg Pas Les Tis Nas yeej tsis sib haum xeeb kiag, ces niaj hnub no thiaj tau muaj kev sib ntaus sib tua xws li no :
    1. Thaum lub 7 hli xyoo 2014, tau muaj ib pab tub rog His Xas Lais nkag mus rau hauv lub nroog Kas Xas, uas yog thaj tsam cov Pas Les Tis Nas nyob. Cov tub rog His Xas Lais tau xuas phom loj thiab tsheb tua rog, mus tua cov neeg uas nyob hauv lub nroog Kas Xas no, ces ua rau cov Pas Les Tis Nas tuag coob txog ntawm 2,000 tawm leej. Hos cov tub rog His Xas Lais mas kuj tuag coob li ntawm 64 leeg.
    2. Txij li xyoo 1995 los txog xyoo 2015 no, mas tau muaj ib cov pej xeem His Xas Lais mus txhim tsa ib cov tsev rau ntawm Pas Les Tis Nas teb sab hnub tuaj. Ua rau cov Pas Les Tis Nas chim siab heev kawg nkaus, tab sis vim lawv tsis muaj riam phom zoo los tiv cov His Xas Lais, ces lawv thiaj kav liam.
    Yog vim li no, ces nyob pej kum teb thiaj tau muaj ntau haiv neeg tsis tshua txaus siab rau cov tseem fwv His Xas Lais. Vim tias cov His Xas Lais tau nkag mus tsim vaj tsev rau hauv Pas Les Tis Nas teb yam tsis raug kev cai. Tab sis txawm li cas los cov His Xas Lais yeej tseem tsim vaj tsev ntxiv mus quj qees yam tsis tu ncua kiag li.
    3. Txij li xyoo 1947 los mus, haiv neeg Pas Les Tis Nas tsuas yog nyob muaj zej zos xwb. Yog vim li no, ces cov Pas Les Tis Nas thiaj thooj li ib haiv neeg uas tseem yog neeg qus tsis nrog luag muaj teb chaws tiag tiag.
    Yog vim li no, ces nyob pej kum teb cov tseem fwv ntawm ntau lub teb chaws thiaj tau sau ntawv mus rau cov tseem fwv His Xas Lais, thov kom lawv pub cov Pas Les Tis Nas muaj teb chaws yam twj lij. Tab sis los txog tav no, mas cov tseem fwv His Xas Lais yeej tseem ua ntsej lag muag dig tsis quav ntsej rau cov Pas Les Tis Nas, kom lawv muaj ib lub teb chaws xws li lwm haiv neeg.
    4. Nyob hauv lub nroog Yes Lus Xas Les, mas haiv neeg His Xas Lais thiab haiv neeg Pas Les Tis Nas nyob ua ke rau hauv. Feem coob ntawm cov Pas Les Tis Nas yog coj kev cai Mawv Xis Lim. Hos feem coob ntawm cov neeg His Xas Lais yog ntseeg Ntuj raws li tus Yaj Saub Mais Xes.
    Nyob hauv lub nroog Yes Lus Xas Les no, mas cov Pas Les Tis Nas uas coj kev cai teev hawm Mawv Xis Lim, lawv muaj ib qhov chaw ntshiab uas lawv saib loj kawg nkaus, yam li yog thaj tsam uas txhim lub tuam tsev teev lawv tus Tswv Ntuj As Las.
    Yog vim li no, ces cov Pas Les Tis Nas thiaj tau muaj txoj cai txwv tsis pub cov neeg His Xas Lais nkag mus rau hauv thaj tsam ntawm lub tuam tsev teev As Las kiag li. Tab sis kuj muaj ib cov nom tswv His Xas Lais uas lawv xav hla txoj cai nruj nruj no, ces ua rau cov Pas Les Tis Nas haj yam npau taws heev thiab chim siab kawg nkaus.
    Kwv tij, lub teb chaws His Xas Lais, mas yog thaj tsam uas Ntuj tus Tshiab tau xa xov rau ib cov neeg zov yaj tias : “Nyob pem Ntuj, Tswv Ntuj nto meej nto moo. Hos nyob yaj ceeb, mas cov neeg Tswv Ntuj nyiam lawv yuav tau kev nyob thaj yeeb.”
    Yog vim li no, mas ua rau ntau txhiab tus neeg nyob thoob ntiaj teb lawv tau tu siab heev kawg rau cov tseem fwv His Xas Lais thiab cov nom tswv Pas Les Tis Nas. Vim 2 haiv neeg no tsis ua raws li Tswv Ntuj lub siab xav, rau qhov ob tog muaj kev sib ntxub, sib thuam thiab sib ntaus sib tua tas mus li.
    Paj nruag
    Hais txog zaj xwm 2 : Muaj ib tug poj niam txais ib tug ntxhais Hais Tis mus nyob Kas Nas Das teb, mas yog li no :
    Kwv tij phooj ywg, tus poj niam uas txais tus ntxhais Hais Tis mus nyob rau Kas Nas Das teb, mas nws lub npe hu ua Dias Las Vuas, hnub nyoog 47 xyoo, nws yog neeg Kas Nas Das thiab nws yog ib tug ntxhais tshaj xov xwm hauv xov tooj cua nyob Kas Nas Das teb.
    Txij thaum nws tseem hluas hluas los, Dias Las Vuas tseem tsis tau yuav txiv ib zaug li, ces nws thiaj yog ib tug poj niam uas nyob tab seeb xwb. Tiam sis thaum Dias Las Vuas hnub nyoog 47 xyoo lawm, mas nws txawm pib xav txog tus kheej rau lub neej yav laus uas ntshai tsam tsis muaj leej twg tu nws thiab nws tej cuab yeej cuab tam los ntshe tsis muaj leej twg yuav los ua tus txais.
    Yog vim li no, ces xyoo 2011 hnub tim 31 lub 1hlis, Dias Las Vuas thiaj thov ua niam qhuav txais ib tug ntxhais uas yog haiv neeg Hais Tis, hnub nyoog 3 xyoos mus nrog nws nyob rau Kas Nas Das teb. Tus ntxhais Hais Tis no lub npe hu ua Mes Los Dis.
    Kwv tij, tus poj niam Dias Las Vuas no, nws zoo siab txais tus me nyuam ntxhais Mes Los Dis mus nrog nws nyob rau Kas Nas Das teb, tab sis tus me ntxhais kuj txhawj xeeb txog ntau yam xws li no :
    1. Tus ntxhais Mes Los Dis nco nco nws niam uas tseem nyob rau teb chaws Hais Tis heev. Tab sis nws niam tsis yuav nws lawm, ces Dias Las Vuas thiaj li hlub hlub tus me ntxhais Mes Los Dis heev thiab nrog tus me ntxhais tu siab kawg txog tej yam no.
    2. Hnub tim 10 lub 1 hlis xyoo 2010, mas nyob hauv lub tuam ceeb Pos Aus Plees, Hais Tis teb, tau muaj av qeeg loj kawg, ces ua rau muaj neeg tuag coob coob. Lub caij ntawd, tus me ntxhais Mes Los Dis kuj nyob hauv lub tuam ceeb Pos Aus Plees, ces ua rau nws poob plig tag.
    3. Tus ntxhais Mos Los Dis yog neeg Hais Tis, uas yog cov neeg tawv dub, ces nws tsuas paub hais lus Khes Os xwb, nws tsis txawj hais lus Fab Kis raws li Dias Los Vuas. Vim nyob rau Kas Nas Das teb, mas ib zeej tsoom hais 2 hom lus, yam li yog hais lus Fab Kis thiab hais lus Aas Kiv.
    Kwv tij, yog vim muaj ntau yam li no ua rau tus me ntxhais Mes Los Dis nyuaj siab kawg, ces tus poj niam Kas Nas Das uas hu ua Das Las Vuas thiaj hlub hlub tus me ntxhais heev.
    Li ntawd, txhua txhia hnub Dias Las Vuas thiaj qhia ntawv thiab lus Fab Kis rau tus ntxhais Mes Los Dis. Tsis tas li xwb, Dias Las Vuas puag rawv tus me ntxhais Mes Los Dis rau ntawm nws xub ntiag thiab maj mam hais lus rau Mes Los Dis tias : “Tab txawm kuv tsis yog koj niam uas yug koj, los kuv yeej yuav hlub koj thiab yuav ua koj niam mus txog hnub kawg.”
    Tus me ntxhais Mes Los Dis mus nyob Kas Nas Das teb tau 4 lub hlis, ces nws kuj paub hais lus Fab Kis tsem tsawv lawm, nws thiaj hais rau Dias Las Vuas tias : “Kuv hlub hlub koj thiab os, tab sis yog kuv nco nco kuv niam xwb.”
    Yog vim li no ces Dias Las Vuas thiaj hais rau tus me ntxhais tias : “Koj txhob txhawj nawb, koj rau rau siab kawm ntawv ua ntej es thaum twg koj hnub nyoog muaj 18 xyoo lawm, kuv mam coj koj rov qab mus ntsib koj niam nyob teb chaws Hais Tis.”
    Kwv tij, zaj xov xwm no zoo qhia peb sawv daws tias : “Tab txawm yus raug xwv txheej npaum li cas los xij, txoj kev hlub yog ib yam muaj zog uas yuav pab tiv thaiv tau txoj kev txhawj xeeb ntawd.”
    Ua li mas thov kom peb tsoom Hmoob ua siab loj sib sib hlub nyob rau lub xyoo tshiab 2015 no, kom xwv peb ntsib txoj kev kaj siab lug mus li, ces peb lub neej thiaj yuav nyob thaj yeeb nyab xeeb.
    Li ntawd, hnub no kuv tsuas coj 2 zag xov xwm tuaj ntsib nej sawv daws xwb, yam li :
    1. Hais txog muaj kev kub ntxhov nyob hauv lub nroog ntshiab Yes Lus Xas Les, His Xas Lais teb.
    2. Hais txog muaj ib tug poj niam txais ib tug ntxhais Hais Tis mus nyob Kas Nas Das teb.
    Kwv tij, txuas ntxiv ntawm no mus thov caw nej los mloog ib zag nkauj. Tom qab nkauj tag, peb mam rov sib ntsib dua rau tag kis, sawv daws nyob zoo !
    Paj nruag

    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 7 lub 1 hlis xyoo 2015






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 14th January 2015, 7:43 pm



    January 18 2015 - Nruab Xyoo - HNUB CHIV 2 XYOO B .






    Cov kwv tij hmov thiab tshua, hnub no zoo hnub,- Peb zoo siab mloog Huab Tais Ntuj Lo Lus nyob rau hauv Huab Tais 10 Lo Lus qhia nqe lus tim 3 tias : Koj yuav caiv Huab Tais Ntuj hnub..Ua li peb tsoom ntseeg hauv lub Koom Txoos Kav Tos Liv mam li nrog peb pawg ntseeg sib sau hauv tsev teev Ntuj – peb kuj ua Thaj Txi Ntuj Ntshiab.

    Ntawv Moo Zoo qhia peb zoo li no : “Hnub ntawd, nyob ze ntawm tus dej Yos Las Das, Zam Ntxuav Plig ntsia Yes Xus hla tuaj mus. Zam mam li hais rau nws ob tug thwj tim tias “Ntsia ! Tswv Ntuj tus Yaj nyob ntawd !”. Ob tug thwj tim hnov Zam hais li ntawd, nkawd mam li raws Yes Xus qab mus... Ob tug thwj tim ntawd ib tug yog As Nres, Xis Moos tus kwv . Thaum kaj ntug, As Nres mus ntsib nws tus tij Xis Moos . Nws hais rau Xis Moos tias :” Kuv tau ntsib tus Mes Xias ..lo lus no txhais tias : Leej Pleev.” As Nres coj Xis Moos mus cuag Yes Xus. Yes Xus ntsia Xis Moos. Yes Xus hais rau nws tias :”Koj yog Xis Moos, Zam tus tub. Nyem no mus lawm yav tom ntej, mas koj lub npe yuav hu ua Kes Fas ,lo lus no txhais tias:Pob Zeb.”
    Cov kwv tij, hnub no peb hnov 2 lo lus txawv txav ( yog lo lus tob kawg ) uas phim yuav nthuav piav rau nej me ntsis – Yog lo lus; 1 :Yes Xus yog tus Yaj Txi Tswv Ntuj. 2 : Yes Xus yog tus Mes Xias, lo lus no txhais tias Leej Pleev .
    Zam ntsia Yes Xus hla tuaj mus Zam mam li hais rau nws ob tug thwj tim tias “Ntsia ! Tswv Ntuj tus Yaj nyob ntawd!”
    Saib :thaum Zam hais lo lus no, nws thiaj nco txog tej qib lus hauv tus Yaj Saub His Xais phau ntawv, uas tau tshaj tawm 400 tawm xyoo ua ntej Yes Xus yug los. Hais tias yav tom ntej, Tswv Ntuj yuav xa nws ib tug Tub Txib uas yuav ua Ntuj lub luag hauj lwm cawm neeg dim ntawm qhov txhaum. “Tswv Ntuj hais tias : Kuv tus Tub Txib yog ib tug neeg txom nyem. tab sis nws raug luag nkaug yog vim peb tej hauj lwm phem, yog vim peb tej txhaum. Lub txim uas nyob saum nws yog tus nqi nws them kom peb tau nyob thaj yeeb. Txoj kev txhaum uas peb sawv daws taug rov los poob rau saum tus tus tub txib .Nws yeem ua tus me - Nws zoo li tus yaj uas luag cab mus rau lub tsev tua tsiaj. Nws nyob twj ywm –Nws ua siab ntev nyiaj. Nws tsis qhib ncauj li. Luag muab tus tub txib tua, vim peb tej kev txhaum.” His Xais 53:3-8.

    Cov kwv tij, Lo Lus ntawd xub hais txog Yes Xus ,uas luag tau muab tua nyob saum ntoo cuam. Yes Xus raug txom nyem tshaj plaws kuj yog vim nws muab nws lub neej txi Ntuj los ris tsoom neeg tej kev txhaum. Nws muab nws kev hlub los txhiv peb dim ntawm qhov txhaum.
    Ho thaum ntawd Yes Xus ua zoo cuag li ib tug yaj uas luag muab tua .
    Cov kwv tij, txhua txhia zaus peb ua Thaj Txi Ntuj mas peb kub siab hais kam zaj nkauj tob tob no tias :” Yaj Txi Tswv Ntuj, Yaj ris qab ntuj neeg txhaum, koj hlub peb cov neeg txhaum. Yaj Txi Tswv Ntuj yaj tuag kom qab ntuj neeg ciaj, koj tuaj yug peb txoj sia”
    Hauv Thaj Txi Ntuj, thaum peb hais zaj nkauj tseem ceeb no, mas 1 tuaj : peb ua Huab Tais Yes Xus tsaug, vim tias niaj hnub no Yes Xus tseem muab nws los txi Ntuj kom tau daws peb tej txhaum – 2 Peb thov kom Huab Tais khuv leej peb ,kom nws yaug peb tej txhaum thiab thov kom nws pub ib lub siab dawb huv tuaj rau peb.
    Hos txhua txhia zaus peb ua Ntoo Cuam lub Cim, peb kuj yuav tu siab ntawm peb tej txhaum thiab peb yuav thov Huab Tais pab peb nrog Huab Tais koom siab koom ntsws, ces peb thiaj yuav tau nrog Yes Xus ua ib lub siab npuab Tswv Ntuj xws li Huab Tais

    THOV NTUJ : “Huab Tais Yes Xus, peb ua koj tsaug rau qhov tias koj zoo li tus yaj uas raug luag muab tua. Huab Tais,niaj hnub, koj nyiam peb cov neeg tas npaud ,koj tseem muab koj los mus txi Ntuj los so peb cov txhaum pov tseg - Huab Tais, niaj hnub no, koj txoj kev nyiam kev hlub neeg kuj tseem ciaj sia, tas ib txhiab ib txhis. Thov koj khuv leej peb . Thov koj pab ntxuav peb lub siab os mog.”

    T.P. Txhiaj Foom omi




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 14th January 2015, 7:48 pm



    LUB CIM NTXUAV



    Cov kwv tij hmov thiab tshua, hnub no thiaj yog Huab Tais Ntuj hnub, yog hnub uas peb zoo siab rov ntseeg tias Huab Tais Yes Xus sawv hauv cov tub tuag rov los. Kuj yog hnub uas peb ua Ntuj tsaug, vim tias Tswv Ntuj tau pub peb rov yug los tshiab, uas yog hnub uas peb tau txais lub Cim Ntxuav. Ces hnub no thov kom nej mloog zaj lus uas hais txog lub Cim Ntxuav .
    Nyob rau hauv peb lub Koom Txoos Kav Tos Liv, peb tsoom ntseeg kuj muaj txoj hmoov zoo, kuj yog vim peb muaj 7 lub Cim uas pab peb nqa Tswv Ntuj cov txiaj ntsim cawm neeg dim ntawm lub qub neej. Mas thiaj muaj tej zaus uas peb zoo siab caw peb cov kwv tij neej tsa tig los ntseeg Ntuj, ces lawv thiaj yuav tau los txais lub Cim Ntxuav ib yam nkaus li peb thiab.

    PAJ NRUAG Zaj nkauj : “peb nco txog hmo peb hnav dawb”
    los : “Yes Xus, peb rov yug los…….”

    Cov kwv tij, peb sawv daws kuj tau khaws tej lo lus meej pem uas tus Hauv Paus Xa Lus Paj Lug tau sau rau ib pawg ntseeg tshiab nyob tim lub nroog Los Mas tias:” Peb cov uas tau txais lub Cim Ntxuav nyob hauv Yes Xus Pleev lub npe, mas yog peb tau txais lub Cim Ntxuav nyob hauv Yes Xus txoj kev tuag . Thaum peb tau txais lub Cim Ntxuav, peb pib coj ib lub neej ntshiab dawb huv xws li Leej Pleev sawv hauv yeeb ceeb rov los. Peb nrog Huab Tais Yes Xus Pleev koom muaj txoj sia .Ces peb yuav rov muab peb lub cev rau Tswv Ntuj, xws li ib co neeg ciaj sawv hauv qhov tuag rov los “ (Los Mas 6:3-13)

    Peb tseem nco txog lo lus uas Yes Xus hais rau ib tus poj niam Xas Mas Lias tias : “ Leej twg haus cov dej no tas , nws tseem rov nqhis dua. Hos tus haus cov dej uas kuv muab rau nws, mas nws yuav tsis nqhis ib zaug (Zam 3:13)
    Li ntawd peb zoo siab ntseeg ruaj nreb khov kho tias : tus tib neeg twg txais lub Cim Ntxuav, mas Peb Leeg Huab Tais uas yog Huab Tais Leej Txiv, Huab Tais Leej Tub thiab Leej Ntuj Plig Ntshiab tau ua hwj huam yees ntxwv pab nws dim ntawm qhov txhaum. Tswv Ntuj tau rub cov neeg ntseeg tej nplooj siab nplooj ntsws los nrog Tswv Ntuj koom ciaj sia.
    Peb kuj zoo siab nco txog zaj hwj huam yees ntxwv uas Huab Tais Yes Xus, Tswv Ntuj Leej Tub, tau ua los kho tus dig muag nruab thiab. Yes Xus kuj tau hais lo lus tseeb tias: “Hauv lub qab ntuj no, mas kuv yog lub qab ntuj neeg qhov pom kev” .Yes Xus hais li ntawd tas, nws muab nws cov aub ncaug ua ib qhov av nkos. Nws muab qhov av nkos ntawd pleev tus dig muag qhov muag. Yes Xus mam li hais rau tus dig muag tias : “Koj mus ntxuav qhov muag tom lub pas dej Xis Los Es, lo lus no txhais tias ; tus Ntuj xa mus. Tus dig muag mus ntxuav tas - Nws rov los .Nws cia li pom kev lawm.” ( Z 9:5-7)

    Peb kuj nco tias : thaum ib pab neeg ntseeg txais lub Cim Ntxuav lawm, mas tus Txiv Plig cev ib tug tswm ciab cig cig rau lawv tuav. Mas txhais tias, yeej muaj raws li tej lo lus uas tus Hauv Paus Xa Lus Paj Lug sau mus rau ib pab neeg uas tau txais lub Cim Ntxuav tias :
    “ Tswv Ntuj lub hwj chim tau tuaj nres nej kom nej muaj ib lub siab loj thiab ib lub siab ruaj – Ua li mas, nej yuav zoo siab ua nej Txiv tsaug, vim Leej Txiv hu nej los nrog nws cov Ntshiab koom txais ib txog hmoov nyob hauv qhov pom kev . Huab Tais Leej Txiv tau rho peb ntawm lub ceeb tsheej tsaus ntuj los . Nws tau coj peb los nyob hauv nws Leej Tub lub Ceeb Tsheej . Nyob hauv Leej Tub, peb tau txoj kev cawm thiab txoj kev zam txhaum :” (KLX 1:11-14)
    PAJ NRUAG

    Cov kwv tij, muaj lo lus NUG tias : “Tim li cas nej ua lub Cim Ntxuav rau ib pab me nyuam ?” Mas peb yuav xyuas saib ; hauv phau ntawv Cov Hauv Paus Xa Lus Cov Hauj Lwm, Tswv Ntuj qhia lo lus dab tsi rau peb ? Ces thiaj twm tej lo lus no tias : “Hnub ntawd, tus Hauv Paus Xa Lus thiab nws cov kwv luag txog lub nroog Fis Lis Pos. Txog hnub Xas Npas Tos, peb tawm mus rau sab loog nraud, nyob ntawm ib tug ntug dej, uas peb paub tias yog qhov chaw uas ib peb neeg ntseeg sib sau teev Ntuj. Peb zaum ces peb thiaj hais lus rau cov poj niam sib sau nyob ntawd. Muaj ib tug poj niam hu ua Lis Dias. Nws mloog peb hais. Nws yog ib tug muag tshuaj zas ntaub liab tsam xem nyob hauv lub tsheej Thias Tis Las. Nws nrog nws tsev neeg teev Ntuj. Huab Tais qhib Lis Dias lub siab kom nws txais Paj Lug cov lus. Thaum Lis Dias thiab nws tsev neeg huv tib si txais lub Cim Ntxuav tas, mas nws thov peb zoo li no tias : “Yog nej saib kuv yog ib tug neeg ntseeg txog Huab Tais Yes Xus, mas thov kom nej chaws los nyob hauv kuv tsev “Ces nws kom peb mus so hauv nws tsev” Hauj Lwm (16:11-15 )
    Cov kwv tij, peb nyuam qhuav mloog lo lus no tias :” Lis Dias thiab nws tsev neeg huv si kuj txais lub Cim Ntxuav.” Ces muab txhais tias, tus Lis Dias cov me nyuam ib txhij nrog lawv niam thiaj tau txais lub Cim Ntxuav thiab. Ua li tsim nyog yuav zoo siab ntseeg tias : Huab Tais Tswv Ntuj siab zoo yeej xav pub cov me nyuam rov yug los tshiab thiab txia ntshis ua Tswv Ntuj cov me nyuam kuj yog vim lub Cim Ntxuav ntag - Ua li, nyob rau hauv peb lub Koom Txoos Kav Tos Liv, peb thiaj muaj txoj cai kheev ua lub Cim Ntxuav rau cov me nyuam. Tab sis thaum cov me nyuam ntawd muaj hnub nyoog 7 los 8 xyoo tej, lawv kuj yuav tsum kawm Ntuj Kev Cai thiab lawv yuav kub siab kawm tej zaj teev Tswv Ntuj thiab lawv yuav xyaum coj lub neej ntshiab dawb huv raws li lub Moo Zoo.
    Cov kwv tij, tsim nyog peb yuav khaws Tswv Ntuj Lo Lus tseg tias : “Tus tib neeg ntseeg twg, uas tau yug los nyob hauv dej thiab nyob hauv Leej Tswv Yim Ntshiab, mas nws tau YUG SAUM TXHEEJ SIAB LOS. NWS MUAJ TXOJ SIA NYOB MUS LI.
    Mas thiaj muaj lo lus NUG tias : raws Tswv Ntuj lub siab xav mas muaj dab tsi tshiab tshiab tshwm sim tuaj rau hauv tus neeg uas tau txais lub Cim Ntxuav tej nplooj siab nplooj ntsws ?
    Lo lus TEB thiaj mus li no tias; tus neeg ntseeg Ntuj uas tau txais lub Cim Ntxuav lawm mas
    Qhov 1 tias : nws txia ua Leej Txiv Tswv Ntuj tus me nyuam.
    Qhov 2 tias: nws txia ua Huab Tais Yes Xus tus kwv los tus muam
    Qhov 3 tias : nws kuj txia ua ib lub tsev rau Leej Ntuj Plig Ntshiab nyob

    Tsis tas li ntawd xwb, saib : yog vim peb tau txais lub Cim Ntxuav, mas niaj hnub peb coj tau ib lub neej tshiab tshiab… Ua li tsim nyog peb yuav qhuas txog Tswv Ntuj uas nws pab peb coj tus yam ntxwv tshiab,- Ces peb tsoom ntseeg sawv daws yuav xav txog 4 yam txawv txav uas tshwm sim tuaj hauv peb tsoom ntseeg lub neej, yam li
    1 : Peb coj lub neej nyob thaj yeeb nyab xeeb, lub neej nyob tiaj nyob tus, vim tias peb nyob ntawm Tswv Ntuj tog.
    2 : Peb ua neeg me nyob ntawm Tswv Ntuj thiab nyob ntawm luag tej ob cag lub xub ntiag.
    3 : peb xyaum nyiam Huab Tais Tswv Ntuj tas siab tas ntsws tas tswv yim tas zog thiab peb kuj ua zoo rau sawv daws.
    4 : Peb kuj siv siv zog tiv thaiv qhov txhaum thiaj tau txais kev yeej.
    Cov kwv tij, yeej muaj lo lus NUG tias : txhua txhua zaus peb cav lus zoo txog Tswv Ntuj thiab peb thov Tswv Ntuj pab mas Tswv Ntuj puas mloog peb zaj lus teev Ntuj ?
    = Lo lus TEB kuj yog tias : Tswv Ntuj yeej mloog peb tej lus ntag. Ua li ntawd txhua txhia zaus peb teev hawm Tswv Ntuj, mas peb tsis ua siab yau thiab peb tsis ua xyem xyav : Tswv Ntuj puas mloog peb hais ?,
    Peb tsis ua xyem xyav vim tias Huab Tais Yes Xus thiab Leej Ntuj Plig Ntshiab yeej coj peb tej zaj teev Ntuj nce mus pem Tswv Ntuj lub Ceeb Tsheej.

    Cov kwv tij , tsim nyog peb khaws ib qib lus uas tus Hauv Paus Xa Lus Paj Lug tshaj tawm rau pawg ntseeg hauv thaj tsam Nkas Las Tias tias :
    “Yog vim nej yog Tswv Ntuj cov tub, mas niaj hnub Tswv Ntuj thiaj xa nws Leej Tub lub tswv yim tuaj nyob hauv peb lub siab . Ces Leej Ntuj Plig Ntshiab qw hauv peb nruab siab tias “As Npas ! txhais tias : Txiv “ (Nkas LasTias 4:6)
    Yog vim qhov ntawd, ces peb tsis ua xyem xyav thiab peb tsis ntaus siab yau.
    PAJ NRUAG

    Cov kwv tij, yeej muaj tej lo lus NUG tias : thaum peb ntog hauv qhov txhaum, mas peb yuav ua dab tsi ?
    Lo lus TEB kuj yog tias : peb yuav tu siab ntawm peb tej txhaum thiab peb yuav thov Ntuj tas zaj tas zog, zoo li tus Hauv Paus Xa Lus Pob Zeb.
    Ntawv Moo Zoo qhia peb tias : “Pob Zeb tsuj saum nplaim dej mus cuag Yes Xus. Ib ntsis cua hlob hlob. Pob Zeb tsis nco qab tsa muag ntsia Yes Xus, ces Pob Zeb ntshai, ces nws pib tog hauv dej. Pob Zeb mam li qw tias : Huab Tais ,koj cawm kuv mas !” Thaum ntawd mas Yes Xus cev tes tam sim ntawd tuav Pob Zeb kom tsis txhob tuag hauv dej.” (M T 14:28-30)

    Cov kwv tij peb yuav xav saib : thaum twg peb yuav thov Huab Tais Yes Xus tas zog xws li Pob Zeb ?
    = 1 : Thaum peb nyob twj ywm, ces nthuav piav rau Huab Tais tias peb tu siab ntawm peb tej txhaum. Thiab peb vam txog Huab Tais nqes los hlub tshua peb
    = 2 : Txhua txhia Hnub Chiv, thaum peb nrog tsoom ntseeg sib sau ua Thaj Txi Ntuj, peb kuj thov Huab Tais ib yam nkaus .
    = 3 : Muaj tej lub caij, peb los mus txais lub Cim Daws Txhaum. Thaum ntawd mas Huab Tais kuj muab nws tej kev hlub uas muaj zog tas nrho los yaug peb tej txhaum huv tib si pov tseg, zoo ib yam nkaus li hnub peb tau txais lub Cim Ntxuav.

    Cov kwv tij ,niaj hnub peb yuav thov Huab Tais Yes Xus tuav peb tes coj peb kev, kom xwv peb rov nce ib theem zuj zus hauv lub neej npuab Tswv Ntuj.
    Peb kub siab thov Huab Tais zoo li ntawd, vim tias niaj hnub peb yuav tsum tshaib nqhis txog lub neej ntshiab zuj zus.

    Zaj Nkauj : “Yes Xus , peb rov yug los…”
    “As les lus yas, Yes Xus sawv rov los”
    “Leej Tswv Yim Ntshiab, koj tuaj mas .Ib txwm…”




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 22nd January 2015, 9:03 am



    January 25-2015 - Nruab Xyoo – HNUB CHIV 3 - XYOO B




    Cov kwv tij hmov thiab tshua, hnub no zoo hnub rau qhov tias peb nco tias Yes Xus sawv rov los thiab Huab Tais Yes Xus rov hu peb los ua Huab Tais cov thwj tim. Tsis tas li ntawd xwb, hnub no peb tsoom ntseeg Kav Tos Liv yuav nrog Huab Tais Yes Xus koom siab koom ntsws ua Thaj Txi Ntuj Ntshiab.

    Li ntawd, nyob rau hauv Ntawv Moo Zoo, mas peb hnov zaj lus tias : “Yes Xus los mus ntsib 2 tug tub puav ntses, yam li nkawd yog Xis Moos thiab As Nres. Yes Xus tseem hu ob tug kwv tij ntxiv, yam li yog Yas Kos thiab Zam. Yes Xus tau hu lawv 4 leeg los “ua Yes Xus cov kwv luag”. MK 3,14 Yes Xus thiaj hais tias : “Nej los raws kuv mas ! Kuv yuav tsa nej ua tub puav neeg”.
    Kwv tij, lo lus tias : “TUB PUAV NEEG”, mas muab txhais tias : “Lawv yuav mus tshaj Tswv Ntuj lub Moo Zoo kom tau kev cawm ntiaj teb neeg dim ntawm txoj kev ua txhaum.” Ua li mas nyob hauv lawv sim neej, cov Hauv Paus Xa Lus no thiaj muaj lub siab kub lug pab Huab Tais Yes Xus tshaj Tswv Ntuj lub Moo Zoo rau ib zeej tsoom.
    Li ntawd, mas niaj hnub no peb sawv daws uas yog Huab Tais Yes Xus cov kwv luag, Huab Tais puas tseem hu peb tsoom ntseeg los ua tub puav neeg thiab ?

    TEB : Huab Tais yeej tseem hu peb ua qhov ntawd tas mus li, vim tias Huab Tais Yes Xus tso siab rau peb sawv daws kawg thiab nws vam txog peb los mus sib pab faib Ntuj cov txiaj ntsim rau ib zeej tsoom uas nyob ib ncig ntawm peb. (2 KLN 4:2) Peb tsoom ntseeg sawv daws thiaj yuav tsum los sib pab tuav Huab Tais lub luag hauj lwm cawm ntiaj teb neeg kom dim ntawm qhov txhaum. Ces peb thiaj mus tshaj Tswv Ntuj lub Moo Zoo rau luag tej thiab zoo siab cia Leej Ntuj Plig Ntshiab coj peb txoj hauv kev. Ua li mas peb thiaj maj mam coj luag tej kev kom xwv lawv los mus tsob hwb Tswv Ntuj, uas yog tus Huab Tais muaj txoj kev hlub thiab nws yog tus Tseeb. ( 1 TXLN 1:6-9 )

    Cov kwv tij, HuabTais Yes Xus tau vam txog peb ua tub tshaj Tswv Ntuj cov lus rau nej tsoom Hmoob sawv daws. Ua li mas peb xav kom nej coj li no :
    1. Nej tsoom Hmoob uas ntseeg Ntuj sawv daws yuav tau nco ntsoov txog Huab Tais Yes Xus lo lus tias: “Nej yog ib cov kwv tij txheeb txheeb.” ( Mas Tais 23:8 ). Li ntawd niaj zaus thaum nej mus ntsib tsoom kwv tij uas tseem coj qub kev cai, nej yuav hwm lawv. Rau qhov tias Huab Tais Tswv Ntuj khuv leej sawv daws, nej tsis txhob xaiv koj pab kuv pawg.
    2. Zaus puav mas nej yuav tau hais rau lawv tias : “Dhau ntawm lub caij peb tso ntiaj teb no tseg lawm, peb txhua tus yuav mus nrog Tswv Ntuj nyob thiab yuav nyob mus ib txhiab ib txhis. ( Zam 14:3) Li ntawd, kom lawv tsis txhob ntshai thiab tsis txhob txhawj txog kev mob kev nkeeg, los yog kev ploj kev tuag. Tab sis kom lawv yuav tsum ua tib zoo coj lub neej kom ntshiab dawb huv zuj zus yam tsis tu ncua, ces yeej tso siab lug txog lub neej muaj hwj chim uas Huab Tais Yes Xus yuav pub rau sawv daws saum Tswv Ntuj lub Ceeb Tsheej.
    3. Niaj Hnub Chiv, peb tsis txhob nruam Thaj Txi Ntuj, vim tias yog Tswv Ntuj lub dag zog uas muab pub rau peb nyob hauv Thaj Txi Ntuj. Ua li mas thiaj yuav tsum thov kom Leej Ntuj Plig Ntshiab nqes los tshoj tsoom kwv tij Hmoob sawv daws lub siab, kom sawv daws xyaum coj lub neej kom ntshiab huv thiab ncaj ncees, ces lawv thiaj yuav tau mus nyob hauv Tswv Ntuj lub Ceeb Tsheej. Li ntawd, kom sawv daws nco ntsoov Tswv Ntuj lo lus tias : “Thaum ib tug neeg ncaj thov Ntuj, mas nws lo lus thov ntawd yuav muaj zog”. (Yas Kos.5;16)
    4. Huab Tais Yes Xus lo lus kawg tias : TXIV, KUV TSO KUV TXOJ SIA RAU HAUV KOJ TXHAIS TES’ ( Lus Kas 23: 46 ), mas yog ib qib lus uas tsoom neeg ntseeg sawv daws yuav tau koom nrog Huab Tais Yes Xus tso siab rau Tswv Ntuj, vim tias : “QHOV TSEEM CEEB TSHAJ PLAWS HAUV PEB NRUAB SIAB, MAS YOG PEB TEJ KEV TSO SIAB RAU TSWV NTUJ TIAG TIAG”.
    5. Nej sawv daws yuav tsum zoo siab rau txoj kev uas nej tau ua neeg ntseeg Ntuj nyob hauv lub Koom Txoos Kav Tos Liv. Vim tias nej tab tom tau txais ib hom tshuaj uas zoo tshaj plaws ntawm Tswv Ntuj los pab txhim kho nej tej nplooj siab nplooj ntsws kom rov zoo tuaj. Ua li mas nej yuav tau hwm thiab nyiam lub Cim Yug yam tuag nthi.

    THOV NTUJ : Huab Tais Leej Txiv khuv leej neeg tas nrho, peb sawv daws ua koj tsaug ntau thiab peb zoo siab ua koj cov me tub me nyuam nyob hauv Huab Tais Yes Xus. Vim tias koj tau pub Leej Ntuj Plig Ntshiab lub txiaj ntsim los pab peb sawv daws kom txawj ua neej mus rau qhov ntshiab huv.
    Li ntawd, thov koj pab kom peb nyob ruaj nreb rau ntawm txoj kev uas ntseeg txog koj tas mus li, kom xwv peb sawv daws thiaj yuav tau txais ib lub neej uas nyob kaj lug kaj nrig. Ua li

    T.P. Txhiaj Foom omi






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 30th January 2015, 9:45 am



    February 1- 2015 Nruab Xyoos – HNUB CHIV 4 - Xyoo B



    Cov kwv tij hmov thiab tshua mas hnub no peb zoo siab khaws ob zaj lus tseem ceeb hauv Ntawv Ntshiab tseg. Tswv Ntuj qhia peb tias 1: Leej Ntuj Plig Ntshiab thiab Huab Tais Yes Xus kuj hu tej tus neeg coj lub neej nyob tab seeb. 2 : Huab Tais Yes Xus yog tus Tseem Kws Tshuaj uas muaj peev xwm txhim kho peb tej nplooj siab nplooj ntsws kom zoo – Thiab Yes Xus hu peb sawv daws tig los yuav lub siab tshiab, tsis tu ncua
    1: Leej Ntuj Plig Ntshiab thiab Huab Tais Yes Xus kuj hu tej tus neeg ntseeg coj lub neej nyob tab seeb.
    Peb kuj paub tias : hauv Thaib teb, Los Tsuas teb thiab Cob Tsib teb, yeej muaj cov hauj sam yam tej tus txiv neej thiab tej tus poj niam coj lub neej tab seeb.

    Hos hauv peb lub Koom Txoos, peb kuj muaj cov T.P. thiab cov Leej Phauj tau cog lus tias tas lawv sim neej, lawv yuav coj lub neej nyob tab seeb, yog lub neej qee rau Tswv Ntuj. Nyob thoob ntiaj teb mas cov T.P. coob txog ntawm 410.000 leej – Cov Leej Phauj coob txog ntawm 800.000 leej.

    Tswv Ntuj hu lawv ua qhov ntawd, tsis yog vim lub neej ua txij nkawm tsis zoo. Lub neej ntawd yeej yog lub neej muaj nqes uas txi tau txiv, ces niaj hnub nyob thoob ntiaj teb thiaj muaj tej pab me nyuam yug los.

    = Muaj lo lus NUG : tim li cas Tswv Ntuj hu tej tus neeg ntseeg coj lub neej nyob tab seeb . LO LUS TEB : Tswv Ntuj xaiv tej tus neeg ua li ntawd thiaj yog ib lub txiaj ntsim uas Tswv Ntuj pub dawb rau lawv .
    “ Tus Hauv Paus Xa Lus Paj Lug nthuav piav lo lus no tias :” Tus txiv neej uas nws tsis muaj poj niam, nws muab siab rau leg Huab Tais cov hauj lwm. Nws nrhiav txoj kev ua xis Huab Tais siab . nws muab tas nws lub neej ,tas nws lub zog los khi rawv rau Huab Tais ib leeg” 1 Kos Lis Nthos 7:32-35

    Saib: lub zim txwv no hauv peb tsoom Hmoob Kav Tos Liv, mas peb kuj muaj 7 tus Txiv Plig thiab 12 tus Leej Phauj.
    = Mas 1 tuaj: peb yuav thov kom Leej Ntuj Plig Ntshiab nqes los tshoj 19 tus neeg ntawd kom xwv lawv coj lub neej xws li tej lo lus ruaj nreb uas lawv tau cog tseg 2 : peb kuj yuav thov kom Leej Ntuj Ntsiab xaiv tej tus txiv neej thiab ib cov poj niam los mus kawm txuj ci siab ces npaj siab ua lub neej nyob tab seeb .Ua li saib : 10 xyoo saum no, peb puas yuav muaj cov Txiv Plig thiab ib cov Leej Phauj coob..” Leej Ntuj Plig Ntshiab, thov koj pab saib peb tsoom Hmoob Kav Tos Liv, nyob hauv ntau lub teb chaws. Ua koj tsaug ntau.

    2 : Huab Tais Yes Xus yog tus Tseem Kws Tshuaj uas muaj peev xwm txhim kho peb tej nplooj siab nplooj ntsws kom zoo – Thiab Yes Xus hu peb sawv daws tig los yuav lub siab tshiab, tsis tu ncua
    Hnub ntawd “ Nyob hauv lub tsev Txoos thiaj muaj ib tug neeg raug ib tug dab tsis huv.Ib me ntsis Huab Tais Yes Xus cem nws kiag tias:” Ua twj ywm Koj cia li tawm hauv tus neeg no mus”. Dab tsis huv siv zog muab tus neeg ntawd co heev heev .Nws nthe ib suab nrov nrov ces nws tawm hauv tus neeg mus Mas Kos 1:23-26
    Peb tsoom ntseeg niaj hnub saib Huab Tais Yes Xus yog tus tseem kws tshuaj muaj hwj huam loj tas nrho. Ces peb yuav kub siab vam txog nws txhim kho peb siab kom rov ntshiab huv tuaj.
    Huab Tais Yes Xus hu peb sawv daws tig los yuav lub siab tshiab, tsis tu ncua, mus li . Ua li , peb yuav tu siab ntawm peb tej txhaum, mas. peb yuav tso siab lug rau Huab Tais –Peb yuav muab peb tej siab ntsws los thov Huab Tais. Ces ib ntsis zoo li peb yuav hnov Huab Tais tej qub lus tias:” Ua twj ywm ! Koj cia li tawm hauv tus neeg no mus “.


    THOV NTUJ : Huab Tais Yes Xus, “ tsis muaj ib yam uas koj ua tsis tau “ ( Lus Kas 1:37 )..Peb niaj hnub lees tias peb ntog hauv qhov txhaum. Peb lees tias yuav tig los yuav tig los yuav lub siab tshiab kuj nyuaj kawg - Ces” Hauv peb tus ntsuj plig mas peb txom nyem tas nrho tiag” Los Mas 7;24
    Huab Tais khuv leej neeg tas nrho, thov koj muab koj tej kev hlub uas muaj zog tas nrho los yaug peb tej txhaum huv tib si pov tseg .” Tsuas yog nyob hauv koj tib leeg xwb ,peb thiaj yuav tau muaj kev yeej thiab kev muaj zog” (H X 45:24).Thov koj txhim kho peb tej siab kom zoo. Huab Tais, ua koj tsaug ntau

    T.P. Txhiaj Foom omi






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 30th January 2015, 9:48 am



    ZIM TXWV NO NTIAJ TEB TEEB MEEM LOJ.
    Zaj 373: Cov kab mob Es Npos Las.



    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 2 zag xov xwm coj los tshaj tawm pub rau nej sawv daws mloog xws li no :

    1. Lub caij no tus kab mob Es Npos Las tau ri mus ntau lub teb chaws lawm.
    2. Nyob ntau lub teb chaws, muaj ib cov Mawv Xis Lim tu siab rau cov Mawv Xis Lim uas lawv tsim kev kub ntxhov nyob Is Lav teb thiab nyob Xis Lias teb.

    Paj nruag
    Hais txog zaj xwm 1 : Lub caij no tus kab mob Es Npos Las tau ri mus ntau lub teb chaws lawm, mas yog li no :
    Kwv tij phooj ywg, xyoo 1976, tau muaj ib tug mob tshwm sim nyob rau teb chaws Koos Nkos Ntxas Is, uas lub npe hu ua Es Npos Las. Tus kab mob Es Npos Las no, yog leej twg tau kis lawm yuav ua rau nws tej hlab ntshav hauv lub nrog cev tawg, ces tuag yam sai kawg.

    Lub hauv paus uas tshwm sim muaj tus kab mob Es Npos Las no, mas yog vim thaum chiv thawj, yog ib cov PUAV DAI TAW tau ya tuaj tom ib cov liab thiab ib cov tshis, ces tau muaj ib cov pej xeem Koos Nkos Ntxas Is txawm mus muab cov tshis coj los tua noj. Ua rau cov neeg uas noj tus tshis ntawd txawm pib mob tus kab mob Es Npos Las. Tau tsis ntev xwb, cov neeg uas mob no ho kis mus rau lwm tus, vim lawv sib tuav tes thiab sib deev.
    Yog vim li no, ces txij ntawm xyoo 1976 los txog rau niaj hnub no, thiaj ua rau tus kab mob Es Npos Las ri mus yam sai heev rau hauv ntau ntau lub teb chaws lawm, yam li yog teb chaws Nkis Nes As, teb chaws Lis Npes Lias thiab teb chaws Xyes Las Los Nes, uas nyob npuas teb chaws As Fis Kas sab hnub poob.
    Kwv tij, cov teb chaws no kis tus kab mob Es Npos Las sai heev, ces niaj hnub no kiag tseem tsis tau muaj ib hom tshuaj twg uas yuav los kho tau, xws li hais meej meej tias : “Tseem tsis tau muaj ib cov tshuaj Vav Xees los tiv thaiv tus kab mob no kiag.”

    Li ntawd, niaj hnub no mas nyob tas ntiaj teb sawv daws yeej ntshai nrhw tsam raug tus kab mob Es Npos Las no kawg nkaus, vim tias sib kis yam sai heev thiab tuag sai kawg nkaus.
    Yog vim li no, ces thiaj ua rau ib cov kws kho mob feem coob tsis hais cov nyob hauv lub teb chaws As Fis Kas, los yog cov kws kho mob uas nyob pej kum teb, lawv sawv daws ntshai mus pab kho cov neeg uas kis tus kab mos Es Npos Las no.

    Tsis tas li ntawd xwb, cov neeg uas twb kis tus kab mob Es Npos Las lawm, mas lawv kuj tsis kam mus kho nyob hauv cov tsev kho mob thiab.
    Kwv tij, tus kab mob Es Npos Las no mas yog leej twg mob lawm, yus tsis paub es ho mus tuav nws txhais tes, los yog khawm nws, hnia nws kuj xij, tus neeg ntawd cov hws yog lo yus xwb ces yeej ua rau kis kiag tus kab mob Es Npos Las rau yus ntag.

    Thaum kis tus kab mob Es Npos Las no lawm, mas yuav ua rau tus neeg uas kis ntawd lub cev kub heev, ces ua rau nws daim tawv nqaij sawv hlwv tas. Hos nws cov ntshav kuj tsawg zuj zus thiab dej hauv lub cev kuj qhuav zuj zus. Dhau ntawd, yuav muaj ib cov ntshav tawm ntawm tus neeg mob lub qhov muag thiab pob ntseg, ces ua rau tus neeg mob Es Npos Las ntawd tuag yam txom nyem tshaj plaws. Vim tias kub kub nws lub cev heev, ces tsis dhau 20 tawm hnub xwb nws cia li tuag kiag.
    Kwv tij phooj ywg, cov kws kho mob hauv lub teb chaws As Fis Kas tau tshaj lus tawm tias : “Txij nyem no mus txog lub 3 hlis tim 21 xyoo 2015, mas yuav muaj neeg tuag vim tus kab mob Es Npos Las no coob txog ntawm 100,000 tawm txhiab leej.”

    Yog vim li no, ces niaj hnub no kiag cov tseem fwv Fab Kis thiaj tau txwv tsis pub lawv cov dav hlau thauj tib neeg ya mus tsham 3 lub teb chaws, yam li yog Nkis Nes As teb, Lis Npes Lias teb thiab Xyes Las Los Nes teb, uas yog cov teb chaws nyob rau As Fis Kas sab hnub poob.
    Tsis tas li ntawd, yav dhau los mas cov kws kho mob uas nyob rau Aws Los Pas tuam teb thiab USA teb, mas lawv coob coob leej tab tom khwv khwv los nrhiav saib puas yuav muaj ib txoj hauv kev twg uas ua tau ib cov tshuaj Vav Xees pab tiv thaiv thiab kho tus kab mob Es Npos Las no. Tab sis los txog tav no mas cov kws kho mob ntawd tseem tsim tsis tau tau cov tshuaj uas yuav los pab kho tus kab mob Es Npos Las no kiag li.
    Yog vim li no, mas cov kws kho mob tsuas yog xav tias : “Ntshe yuav tsum txhim tej lub tsev rau cov neeg mob Es Npos Las, kom lawv nyob twj ywm rau hauv lub tsev ntawd xwb thiab kuj txwv tsis pub cov tib neeg sab nraud mus xyuas.”

    Kwv tij, hais qhia rau nej sawv daws paub ntxiv tias : “Txij li thaum lub ntiaj teb xeeb los, es tib neeg paub nrhiav tshuaj los kho mob, mas hom kab mob Es Npos Las no yog ib hom kab mob uas txaus ntshai tshaj plaws thiab kis sai tshaj plaws. Vim tias yog leej twg kis tus kab mob no lawm, mas nws tsuas nyob ntev li ntawm 20 tawm hnub tej lawm xwb ces tuag.”
    Ua li mas peb sawv daws hauv lub xov tooj cua Zoo Tswv Zov Yaj vam tias tsis ntev tom ntej no cov kws kho mob uas nyob thoob ntiaj teb, sawv daws yuav sib pab nrhiav tau ib cov tshuaj los pab kho tus kab mob Es Npos Las no, kom xwv tib neeg ntiaj teb dim ntawm tej hom mob uas phem phem li hais.

    Paj nruag
    Hais txog zaj xwm 2 : Nyob ntau lub teb chaws, muaj ib cov Mawv Xis Lim tu siab rau cov Mawv Xis Lim uas lawv tsim kev kub ntxhov nyob Is Lav teb thiab nyob Xis Lias teb, mas yog li no :
    Kwv tij phooj ywg, hnub tim 23 lub 9 hlis xyoo 2014 no, mas nyob rau teb chaws As Zes Lias, tau muaj ib cov pej xeem As Zes Lias uas teev hawm kev cai Mawv Xis Lim, lawv tau ntes ib tug kws xov xwm Fab Kis uas hu ua Hes Ves Nkus Des, ces ob peb hnub tom qab cov Mawv Xis Lim ntawd lawv txawm muab Hes Ves Nkus Des coj los txiav caj dab rau zeej tsoom saib.

    Cov Mawv Xis Lim uas nyob hauv As Zes Lias teb ua li ntawd rau tus tub xov xwm Hes Ves Nkus Des, mas ua rau muaj ib cov pej xeem Fab Kis coob coob thiab ib cov neeg uas coj kev cai teev hawm Mawv Xis Lim nyob Fab Kis teb, lawv txawm sawv los sib sau khaj cai qhia rau zeej tsoom tias : “Lawv tu siab heev rau cov Mawv Xis Lim uas nyob As Zes Lias teb, nrog rau cov Mawv Xis Lim uas nyob Is Lav teb thiab nyob Xis Lias teb. Vim tias cov Mawv Xis Lim no tau ua tej yam hla txoj cai txuag tib neeg kev ywj pheej.”

    Yog vim li no, ces hnub tim 26 lub 9 hlis xyoo 2014 no, thiaj tau muaj 300 tawm leej neeg uas coj kev teev hawm sib txawv nyob Fab Kis teb, lawv tau sawv los khaj cai rau ntawm thaj tsam Mos Xis Kes, hauv lub nroog Pas Lis, Fab Kis teb.

    Kwv tij, nyob ntawm thaj tsam Mos Xis Kes no, mas yog qhov chaw uas cov Mawv Xis Lim nyob Fab Kis teb tau sib koom siab los txhim ib lub tsev teev hawm lawv tus Tswv Ntuj As Las rau qhov chaw no thiab. Vim tias nyob Fab Kis teb, mas txij li xyoo 1914 txog xyoo 1918, uas yog lub caij tsov rog ntiaj teb zaum 1, tau muaj ib cov neeg uas teev hawm kev cai Mawv Xis Lim raug cov tub rog Zes Mas Nias tua tuag coob txog ntawm 70,000 tawm leej. Vim cov Mawv Xis Lim no tau koom siab nrog cov neeg Fab Kis tsa rog tawm tsam cov tub rog Zes Mas Nias.
    Kwv tij, lub caij uas cov Mawv Xis Lim nyob Fab Kis teb nrog ib cov neeg Fab Kis sawv los khaj cai tsis txaus siab rau cov Mawv Xis Lim uas nyob As Zes Lias teb, Is Lav teb thiab Xis Lias teb, mas lawv tau tsa ib daig ntaub loj loj piav txog lawv lub hom phiaj uas khaj cai zaum no tias :

    “PEB NCO TXOG TUS TUB XOV XWM HES VES NKUS DES,
    UAS RAUG TXIAV CAJ DAB NYOB AS ZES LIAS TEB.”

    Kwv tij, lub caij ntawd, mas tus thawj coj uas saib cov Mawv Xis Lim nyob hauv lub nroog Pas Lis, Fab Kis teb, uas nws hu ua Das Lis Npus Kas Kaws, nws tau los tshaj lus tawm tias : “Peb ib txhij nrog tas tsoom pej xeem Fab Kis tu siab kawg thiab peb kuj nrog tus tub xov xwm Hes Ves Nkus Des tsev neeg koom tu siab thiab.”
    Tsis tas li ntawd xwb, nyob hauv lub nroog Pas Lis, mas muaj ib lub koom haum uas yog cov Mawv Xis Lim thiab cov neeg ntseeg Ntuj sib koom los txhim tsa lub koom haum no, kom xwv tau kev pab txuag tib neeg ntiaj teb txoj kev ywj pheej.

    Tus thawj tswj ntawm lub koom haum no kuj tau los tshaj lus tawm tias : “Cov Mawv Xis Lim uas nyob As Zes Lias teb, nyob Is Lav teb thiab nyob Xis Lias teb, mas lawv tau hla txoj cai uas nyob hauv phau ntawv Kos Laas.”
    Kwv tij, tsis tas li ntawd xwb, kuj tseem muaj ib tug Tswv Qhia Fab Kis hu ua Mais Kes Dws Npos, uas nws yog tus Tswv Qhia saib cov neeg ntseeg Kav Tos Liv hauv lub Ceeb Koom Txoos Es Vis, nws tau tshaj lus tawm tias : “Peb cov neeg ntseeg Ntuj Kav Tos Liv kuj hwm cov Mawv Xis Lim txoj kev teev hawm As Las thiab tso siab lug tias txij nyem no mus lawm yav tom ntej, mas cov Mawv Xis Lim thiab cov Kav Tos Liv yuav sib koom siab los tsim kom muaj txoj kev thaj yeeb nyob rau hauv ntau ntau lub teb chaws, kom xwv sawv daws tau txais kev ywj pheej los ua tej kab ke teev hawm nyob hauv ob txoj kev ntseeg no.”
    Kwv tij, tseem muaj ib cov pej xeem uas teev hawm kev cai Mawv Xis Lim nyob ntau ntau lub teb chaws, lawv kuj tau tshaj lus tawm ib yam li tus thawj coj Mawv Xis Lim nyob Fab Kis teb thiab tus Tswv Qhia Mais Kes Dws Npos.
    Tsis tas li ntawd, cov Mawv Xis Lim uas nyob Hais Nkws Tos teb thiab nyob Is Ntos Nes Xias teb, lawv kuj tau tshaj lus tawm tias : “Tej yam uas cov Mawv Xis Lim nyob As Zes Lias teb, nyob Is Lav teb thiab nyob Xis Lias teb, mas tej yam uas lawv tau ua ntawd kuj hla txoj cai loj hauv peb txoj kev cai teev hawm Mawv Xis Lim.”
    Kwv tij phooj ywg, ua li mas nyob hauv peb tsoom Hmoob sawv daws, peb yuav tau sib nyiam sib hlub thiab sib haum xeeb, kom xwv peb haiv neeg tau txais kev nyob thaj yeeb nyab xeeb.
    Li ntawd, mas hnub no kuv tsuas coj 2 zag xov xwm tuaj ntsib nej sawv daws xwb, yam li :
    1. Hais txog lub caij no tus kab mob Es Npos Las tau ri mus ntau lub teb chaws lawm.
    2. Hais txog nyob ntau lub teb chaws, muaj ib cov Mawv Xis Lim tu siab rau cov Mawv Xis Lim uas lawv tsim kev kub ntxhov nyob Is Lav teb thiab nyob Xis Lias teb.
    Kwv tij, ua li mas txuas ntxiv ntawm no mus, thov caw nej sawv daws mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo !
    Paj nruag

    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 11 lub 11 hlis xyoo 2014












    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 30th January 2015, 9:53 am



    VIM LI CAS PEB NTSEEG NTUJ ? No 1



    Cov kwv tij hmov thiab tshua, yav dhau los tau muaj ib tug phooj ywg uas coj qub kev cai hais lo lus nug tias : “Nyob hauv nej pawg ntseeg, puas muaj ib cov uas txawj ua tim khawv txog kev ntseeg Ntuj lawm ? Ces peb thiaj tau teb rau nws tias : “Koj yuav tsum los mus ntsib ib tug Leej Choj los ib tug Xib Hwb, koj nrog lawv tham, ces koj yuav maj mam to taub tias : Kev ntseeg Ntuj thiaj yog qhov tseem ceeb ntag !” Tab sis tus phooj ywg ntawd tseem nug ntxiv tias: “Koj pab nrhiav ib tug neeg ntseeg, uas tsis yog Txiv Plig, tsis yog Xib Hwb. Saib ! Nws yuav hais li cas ?
    Cov kwv tij ,hnub no peb thiaj yuav tshaj lus rau nej tias : “Tim Fab Kis teb yeej muaj ib cov neeg uas niaj hnub lawv zoo siab ntseeg Ntuj. Yog tej tus neeg ua teb, los ib cov poj niam uas muaj 3-4 tus me nyuam lawm..Thov kom nej los mloog 3 tus neeg ntseeg uas lawv zoo siab nthuav piav txog lawv tej kev ntseeg rau nej. Thov caw nej mloog lawv tej lus.
    Thawj tus neeg yog ib tug txiv neej. Nws lub npe hu ua Nqes Nkos Lis Tws Pees. Nws hnub nyoog yog 32 xyoos. Nws hais lo lus no tias : “Yav dhau los, mas 3, 4 zaug tej, kuv kuj tau teev hawm Tswv Ntuj thiab thov nws tas zog. Ua cas txhua txhia zaus kuv thov Tswv Ntuj pab kuv txog ntau yam, tiam sis zoo li Tswv Ntuj ua ntsej lag muag dig rau kuv. Li ntawd kuv thiaj li tau txiav txim siab tsis ntseeg lawm tias, Tswv Ntuj khuv leej neeg tas nrho. Tab sis lub caij uas kuv tsis ua neeg ntseeg ntawd, mas kuv lub neej piv tau tias yog zoo li ib lub tsev piam tsuaj. Ces, 2-3 lub hlis sis law, kuv yeej xav tias : Ua neeg nyob zoo li no xwb yeej tsis muaj qab hau dab tsi hlo.” Ces ua rau kuv yuav luag noj ib cov tshuaj lom neeg. Ua cas tau muaj ib hnub kuv twm Leej Ntshiab Tes Les Xas ntawm tus me nyuam Yes Xus ib qib lus ua piv txwv tias : “Nyob rau ntawm Tswv Ntuj lub xub ntiag, mas txawm muaj pes tsawg plhom txhaum nyob thoob ntiaj teb, tsis kav yus muab tau tej yam phem phem ntawd los piv rau ib teev dej uas poob rau saum ib lub cub tawg liab vog.” Mas txij ntawm hnub uas kuv tau twm Leej Ntshiab Tes Les Xas qib lus ntawd los, mas kev thaj yeeb nyab xeeb nyob puv nkaus hauv kuv nruab siab npo..Ua li txhua txhia hnub kuv nyob twj ywm teev hawm Tswv Ntuj, mas kuv yeej paub tseeb tias, Tswv Ntuj khuv leej neeg tas nrho, nws nrog kuv nyob. Nws ua kuv luag. Nws nyob ze ze ntawm kuv tag mus li ntag. Ces tab txawm kuv tsis txais yam kuv thov ntawm Tswv Ntuj los, tsis kav, kuv tseem coj lub neej nyob tiaj nyob tus. Kuv lub siab tseem nyob thaj yeeb nyab xeeb tsis tu ncua.”
    Cov kwv tij, peb tus phooj ywg Nqes Nkos Lis thiaj tau hnov qhov tseeb hauv nws nruab siab. Nyob rau hauv nws lub neej, tau muaj Tswv Ntuj ib qib lus tshwm sim tuaj tias : “Kev hlub muaj zog tshaj txoj kev tuag. Txoj kev hlub kub lug cuag li lub cub tawg, zoo puav tam li Huab Tais ib tug nplaim taws.” (Kwv Txhiaj 8 ;6)
    Cov kwv tij, tsim nyog rov twm dua lo lus tseem ceeb ib zaug tias : “ Kev hlub muaj zog tshaj txoj kev tuag. Txoj kev hlub kub lug cuag li lub cub tawg, zoo puav tam li Huab Tais ib tug nplaim taws.”
    PAJ NRUAG : Tus Zoo Tswv Zov Yaj
    Tus 2 uas nws nthuav piav kev ntseeg thiaj yog ib tug poj niam. Nws lub npe hu ua Xos Fias, nws hnub nyoog 33 xyoos. Nws yog tus qhia txuj rau ib pab ntxhais hluas. Nws muaj 3 tus me nyuam lawm. Nws tau hais ob peb lo lus zoo li no tias : “Yus tej zaj teev hawm Tswv Ntuj yeej yog yus lub dag lub zog. Nws hais tias : “Ntau zaus hauv kuv lub neej, mas nyob tsam kuv tej nplooj siab qhuav qhawv. Zoo li kuv lub neej yeej tsis khov kiag. Ces ib ntus tsis ntev kuv ua siab yau, vim tias, kuv lees tias kuv ua tsis tau dab tsi los pab kuv tus kheej. Tab sis lub caij uas raug kev nyuaj siab ntxhov plawv zoo li ntawd, mas thiaj yog ib lub caij tseem ceeb uas kuv tuaj nkaum hauv kuv tus Tswv Ntuj. Yam li kuv kub siab tso tas ib puas tsav yam ntawd rau hauv kuv tus Huab Tais Yes Xus txhais tes .Mas thaum kuv lub neej qhuav qhawv, mas zoo li tsis pom qab hais ib lo lus teev Ntuj li. Ua li, kuv tsuas xav txog ib zaj lus teev Ntuj xwb– Yog zaj PEB TXIV NYOB SAUM NTUJ.. Zoo li zaj teev Ntuj ntawd muab los piv rau ib lub pob zeb uas kuv txhim tsa kuv lub neej kom ruaj nreb khov kho rau saud. Tsis tas li ntawd, ib yam kuv saib loj tshaj hauv kuv lub neej yog qhov tias : kuv nyiam nrog ib pab neeg ntseeg sib sau ua ke los teev hawm Tswv Ntuj ua ke .- xws muaj ib cov txiv neej, muaj ib cov poj niam thiab muaj ib cov me nyuam sib sau teev Ntuj ua ke. Thaum ntawd, peb soj qab Tswv Ntuj lub dag lub zog txeem los rau hauv peb sawv daws lub siab ntag.”
    Cov kwv tij nyob rau hauv tus Xos Fias ntawd lub neej, mas thiaj muaj ib yam tseem ceeb ruaj nreb khov kho tshwm sim tuaj, raws li Huab Tais lub Moo Zoo nyob rau hauv Mas Tais Ntawv Moo Zoo, zaj 7 ; qib 24-25. Huab Tais Yes Xus hais tias : “Leej twg mloog cov lus uas kuv nyuam qhuav hais, thiab ua raws li cov lus no ,mas tus neeg ntawd piv tau rau ib tug neeg xyuam xim, uas nws txhim tsev rau saum tsua. Thaum los nag hlob dej, sab siv huam ,cua tshuab ntsawj lub tsev. Tab sis lub tsev tsis vau,vim lub tsev cog rau saum tsua “ (Mas Tais 7;24-25)
    Cov kwv tij, tsim nyog rov twm dua ob qib lus tseem ceeb ntawd tias: “Leej twg mloog cov lus uas kuv nyuam qhuav hais, thiab ua raws li cov lus no ,mas tus neeg ntawd piv tau rau ib tug neeg xyuam xim uas nws txhim tsev rau saum tsua. Thaum los nag hlob dej, sab siv huam ,cua tshuab ntsawj lub tsev. Tab sis lub tsev tsis vau, vim lub tsev cog rau saum tsua.”
    PAJ NRUAG : Koj txhob ntshai - Kuv yuav nrog koj nraim
    Tus tim 3 yog ib tug Tij hauv lub Koom Haum Dos Mis Nis Kees. Nws lub npe hu ua Npes Nes Dis. Nws hnub nyoog 35 xyoo - Nws nrog nws ib cov phooj ywg Dos Mis Nis Kees koom siab koom ntsws .Lawv nyob ua ke coob txog 12 leeg. Nws nthuav piav zaj lus txog lub neej tab seeb. Nws tau sau lo lus no tias :
    “Hauv teb chaws Fab Kis thiab nyob tas qhov txhia chaw nyob thoob ntiaj teb, mas 97% ntawm cov neeg sawv daws kuj xav tias; tus tib neeg twg yeej xav coj ib lub neej tseeb, mas kawg yuav tsum ua txij ua nkawm thiaj yog. Txawm li cas yeej muaj ib cov neeg ntseeg ,uas Tswv Ntuj hu lawv xaiv lub neej nyob tab seeb, tas ib sim neej. Mas kuv tau coj lub neej zoo li ntawd tau 15 xyoo. Kuv mam li zeem tseeb tias ; cov Leej Tij, cov Leej Choj thiab cov Leej Phauj sawv daws, kuj coj tau ib lub neej ruaj nreb khov kho. Zoo li peb loj hlob zuj zus nyob ntawm Tswv Ntuj lub xub ntiag. Hauv peb pab neeg ntawd yeej tsis muaj ib tug neeg uas lees tias, nws nkim zog dag, vim tias peb yeej nyiam txais Tswv Ntuj Lo Lus ntau zuj zus - Peb niaj hnub kuj qhib xyuas Ntawv Ntshiab ,txhais tias, Tswv Ntuj hu peb coj lub neej nyob ntawm Tswv Ntuj lub xub ntiag .Yeej tsis muaj ib hnub uas peb yuav tsis hnov ib qib lus tshiab li .Li ntawd peb thiaj txiav txim siab coj lub neej tab seeb los raws Tswv Ntuj Lo Lus ntag.”
    Cov kwv tij, cov Leej Tij, Cov Leej Choj thiab cov Leej Phauj, lawv sawv daws paub tias : lawv coj lub neej nyob tab seeb, tas ib sim neej. Li ntawd lawv ntseeg ruaj nreb khov kho kuj yog vim Tswv Ntuj tau hu lawv, xaiv lub neej zoo li ntawd. Mas peb sawv tsoom ntseeg kuj yuav khaws Tswv Ntuj tej lus tias :
    “Tswv Ntuj pub txoj sia rau sawv daws. Nws pub txoj pa thiab tas puas tsav yam rau peb. Peb nyob hauv Tswv Ntuj txhais tes, mas peb thiaj muaj txoj sia, txawj nti thiab ciaj taus (Hauj Lwm 17;25- 28)
    Cov kwv tij, peb tsoom ntseeg sawv daws tib si, peb mam li yuav rov nco ntsoov tias : Peb ntseeg Ntuj tau kuj yog vim Tswv Ntuj tau xaiv peb los ntseeg Tswv Ntuj ib leeg. Yog vim li ntawd peb zoo siab teev hawm Tswv Ntuj xws 3 tug neeg uas tau hais dhau los no. Tswv Ntuj khuv leej peb tas nrho. Tswv Ntuj txhab zog rau peb tus ntsuj tus plig, tsis muaj caij tag. Ua li peb yuav muab siab rau txais Tswv Ntuj Lo Lus, tsis muaj caij kawg. Ces hauv peb nruab siab, peb mam li loj hlob zuj zus thiab peb yuav nyob kaj lug kaj nrig zuj zus nyob ntawm Tswv Ntuj lub xub ntiag thiab nyob ntawm luag tej ob cag lub xub ntiag.


    ZAJ NKAUJ : Mab Liab zaj hu nkauj
    Tswv Ntuj tsim peb los ua neeg
    His Xais 49




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 5th February 2015, 8:54 am



    February 8 2015 - Nruab Xyoo - Hnub Chiv 5 Xyoo B
    YES XUS, TUS HUAB TAIS CAWM NEEG-
    KUV YOG NEEG TXHAUM , THOV KOJ HLUB .



    Cov kwv tij, hnub no zoo hnub, peb zoo siab sib sau ua Thaj Txi Ntuj..Peb mam li muaj peev xwm nrog Huab Tais Yes Xus koom muab peb lub siab los txi Ntuj. Peb kuj tau nyob kaj lug kaj nrig txais lub Cim Yug thiab
    Hauv Ntawv Moo Zoo, peb hnov lo lus tias : “ Yes Xus tuav Xis Moos Pob Zeb niam tais txhais tes, tsa nws sawv. Tam sim ntawd, tus mob npaws cia li thim hlo.. Nws los tsob hwb sawv daws “
    Hauv tas 3 xyoo Yes Xus tau tshaj lub Moo Zoo rau tej pab neeg coob ,mas Huab Tais kho ntau tus neeg mob kom zoo – Nws kuj tau tsa 3 tus neeg tuag kom sawv rov ciaj sia dua . “
    Mas , peb kuj ntseeg ruaj nreb khov kho tias : Yes Xus tsis ua tej yam loj ntawd, kom xwv nws lub npe nto koob meej. Tab sis Yes Xus ,Tswv Ntuj Leej Tub yeej xav qhia sawv daws paub tias :” Tswv Ntuj lub Ceeb Tsheej twb txog ze ze “.Txhais tias niaj hnub no ,Huab Tais Yes Xus, Tswv Ntuj Leej Tub .Nws muab nws tej kev hlub los cawm cov neeg dim ntawm qhov txhaum, thiab nws pab cov neeg txia ntshis ua Tswv Ntuj cov me nyuam,
    Peb niaj hnub nco txog Pob Zeb lo lus rau cov His Xas Lais tias : “ Leej Txiv Tswv Ntuj tau tsa Yes Xus uas nej tau dai saum ntoo cuam, ua Huab Tais thiab ua Leej Pleev ‘ Hauj Lwm 2:36
    Ua li tej qub lus uas Yes Xus tau hais rau ib cov neeg mob tias :”Me tub, koj cov txhaum daws tas lawm” MK 2;5 mas txhua txhia hnub Yes Xus, tus Huab Tais cawm neeg, yeej xav hais rau peb tsoom Hmoob huv si thiab.
    Mas tsim nyog peb yuav nco ntsoov txog tej qib lus hauv ntawv Moo Zoo tias:” Yes Xus hais ib lo lus ntiab cov dab – Yes Xus KHO COV NEEG MOB ZOO TAS HUV SI” M.T. 8: 16..Peb yuav nco tias Nws KHO COV NEEG MOB ZOO TAS HUV SI
    Txhais tias : hauv peb tsoom Hmoob tas huv tib si, Huab Tais Yes Xus yeej xav muab nws tej kev hlub, uas muaj zog tas nrho, los yaug peb tej txhaum pov tseg.
    Ua li, peb yuav tso siab lug rau Huab Tais yam tuag nthi, tsis hais peb ib cov neeg uas npaj txais lub Cim Ntxuav, los lwm pab uas twb tau txais lub Cim Ntxuav tau 15- 20 xyoo tej, mas Huab Tais yeej xav cawm peb ib tsoom Hmoob sawv daws dim ntawm dab phem lub hwj huam, ces Huab Tais thiaj yuav ” coj peb sawv daws kev los mus nyob ntawm tog txais kev cawm” HN 6:9. Ces peb NIAJ HNUB zoo siab hu txog Huab Tais zoo li no tias :

    YES XUS,TUS HUAB TAIS CAWM NEEG,
    KUV YOG NEEG TXHAUM –THOV KOJ HLUB.

    Txhais : thaum peb ua pa, mas peb hais tau thawj qib lus tias: Yes Xus, tus Huab Tais cawm neeg – ib ntsis peb tso pa , thiaj hais tau tias : Kuv yog neeg txhaum, thov koj hlub.
    Cov kwv tij hais qhia nej paub tias : hauv ntau haiv neeg, nyob thoob ntiaj teb, thiaj muaj ntau plhom tus neeg ntseeg kub siab hais tau 2 qib lus tseem ceeb ntawd.


    THOV NTUJ : Huab Tais Leej Txiv, peb ua koj tsaug, vim koj tau rub peb ib cov kwv tij lub siab los ntseeg txog koj, txog Huab Tais Yes Xus thiab Leej Ntuj Plig Ntshiab. Thov koj rov tshoj peb siab dua, ces peb haj yam yuav rov vam txog Huab Tais Yes Xus zuj zus ,vim nws yog tus Huab Tais cawm neeg .Ua koj tsaug ntau.
    YES XUS ,TUS HUAB TAIS CAWM NEEG.
    KUV YOG NEEG TXHAU\M, THOV KOJ HLUB


    T.P. Txhiaj Foom omi





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 5th February 2015, 9:03 am



    ZIM TXWV NO NTIAJ TEB TEEB MEEM LOJ

    Zaj 381 : Cov ntxhais Npees Las Des yuav txiv.




    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 4 zag xov xwm coj los tshaj tawm pub rau nej sawv daws mloog xws li no :
    1. Nyob Npees Las Des teb, muaj ib cov ntxhais yuav txiv thaum hnub nyoog tseem yau yau.
    2. Nyob thoob ntiaj teb, cov neeg mob ruas tseem coob heev.
    3. Nyob His Xas Lais teb, ib tug Xib Hwb txhib cov neeg ntseeg siab.

    Paj nruag
    Hais txog zaj xwm 1 : Nyob Npees Las Des teb, muaj ib cov ntxhais yuav txiv thaum hnub nyoog tseem yau yau, mas yog li no :
    Kwv tij phooj ywg, yav dhau los mas nyob teb chaws Npees Las Des, tau muaj ib cov koom haum tshaj lus tawm tias peb tau mus ntsib ib cov poj niam uas hnub nyoog 20-24 xyoos, peb nug lawv tias : « Thaum nej yuav txiv, nej hnub nyoog tsawg xyoo ? »
    Muaj 64% tau teb tias : «Peb tau yuav txiv ua ntej hnub nyoog 18 xyoo. »

    Kwv tij, nyob thoob Npees Las Des teb, mas lub zim txwv no muaj 5,600,000 tus poj niam raug kev nyuaj siab tsaus ntuj nti nyob rau hauv lawv lub neej, mas yog vim tias cov poj niam no lawv niam thiab txiv tsis muaj nyiaj xa lawv mus kawm ntawv nyob rau qib siab, ces thaum lawv kawm tag qib 16 xwb, lawv cia li mus yuav txiv lawm.

    Tsis tas li ntawd, cov niam cov txiv kuj paub tias thaum lawv tus ntxhais hnub nyoog 12-17 xyoo, mas yog tias lawv tus ntxhais mus yuav txiv, niam thiab txiv kuj yuav tsis raug them nqe taub hau loj cuag li lwm tus ntxhais uas hnub nnyoog 18 xyoo lawm.
    Kwv tij, hais qhia rau nej paub tias txij li xyoo 1980 los mus, mas cov tseem fwv Npees Las Des tau txwv tsis pub hais txog cov ntxhais li nqi taub hau. Tab sis tsoom laj mej pej xeem tsis kam mloog tseem fwv tej lus.

    Li ntawd mas nyob Npees Las Des teb, thaum lawv qua ib tug ntxhais mus yuav txiv, mas niam tais thiab yawm txiv yuav tsum yuav ib ntiv nplhaib rau tus ntxhais, yuav ib lub Mos Taus rau tus vauv thiab yuav ib lub tshaj xyam rau tus vauv niam thiab txiv.
    Tsis tas li ntawd, ntau zaus tseem yuav ib tug nyuj, los ib tug npua thiab ib thaj av rau tus vauv niam thiab txiv tau siv ua liaj ua teb.

    Kwv tij, yav dhau los mas nyob hauv teb chaws Npees Las Des, thaum cov poj niam xeeb tub, mas yog paub meej tias xeeb ib tug ntxhais, cov txij nkawm Npees Las Des yuav tsum muab tus me nyuam ntxhais ntawd ntaus kom nchuav tawm los. Hos lub zim txwv no, mas cov txij nkawm Npees Las Des haj yam ua phem dua qub tuaj.
    Tsis tas li ntawd, niaj hnub no cov ntxhais uas niam thiab txiv quab yuam lawv mus yuav txiv thaum hnub nyoog 12-14 xyoos tej, mas yeej muaj tej tug ntxhais tau muab roj a coj los ywg nws lub cev, ces ntaus ntais hlawv tus kheej kom tuag, vim nws tsis nyiam tus txiv.

    Ib qho tuaj, tus ntxhais kuj tseem xav kawm ntawv li luag tej, ces yog thaum niam thiab txiv quab yuam nws kom mus yuav txiv thaum tseem yau yau, mas nws thiaj rov txo nws txoj sia kom tu.
    Kwv tij, yog vim li no ces thiaj muaj ib cov ntxhais Npees Las Des uas sib yuav thaum tseem me me mas coob txog ntawm 6 plhom tawm leej diam. Txawm li cas los cov tseem fwv Npees Las Des kuj tsa tej txoj cai los txhib cov tub ntxhais hluas uas tseem kawm ntawv, kom lawv yeej meem rau rau siab kawm kom tiav qib siab thiab xyaum coj lub neej tsim txiaj, lwm hnub lawv thiaj nrhiav tau hauj lwm zoo ua thiab lub neej thiaj li tsis txom nyem.

    Tsis tas li ntawd, cov tseem fwv Npees Las Des tseem muab me ntsis nyiaj mus pub rau cov tub ntxhais hluas uas yog neeg txom nyem, kom xwv lawv tau kev kawm txuj ci mus txog thaum hnub nyoog 18 xyoo. Tab sis feem coob ntawm tsoom pej xeem Npees Las Des, mas lawv tseem xav tias cov ntxhais yog yuav txiv thaum tseem me me mas yeej zoo dua.
    Kwv tij, peb vam tias txij no mus lawm yav tom ntej, cov tseem fwv Npees Las Des yuav tsa ib txoj cai tshiab los tswj tsoom pej xeem dua, kom xwv cov txij nkawm txhob muab tej ntxhais uas hnub nyoog tseem yau quab yuam mus yuav txiv thaum tseem me me. Vim tias yuav ua rau cov ntxhais no lawv tsis tau kev kawm ntawv ntxiv thiab yuav ua rau lawv lub neej ntsib kev txom nyem rau yav tom ntej.

    Tsis tas li ntawd, kuj xav hais rau peb tsoom Hmoob tias : « Thov kom sawv daws txhob muab tej ntxhais quab yuam mus ua txiv thaum hnub nyoog tseem me, tsam lawv txo lawv txoj sia thiab ntsib kev txom nyem ib yam li cov ntxhais Npees Las Des. »

    Paj nruag
    Hais txog zaj xwm 2 : Nyob thoob ntiaj teb, cov neeg mob ruas tseem coob heev, mas yog li no :
    Kwv tij phooj ywg, nyob hauv ntau ntau lub teb chaws xws li nram As Mes Lis Kas naj, As Fis Kas tuam teb thiab As Xias tuam teb, mas muaj li ntawm 100 tawm lub teb chaws uas tsoom pej xeem tseem mob ruas coob coob kawg.
    Li ntawd, xyoo 2013, thiaj tau muaj ib cov kws kho mob muab siab rau pab kho tej tug neeg uas nyuam qhuav mob ruas, kom xwv lawv dim ntawm tus mob uas phem phem no. Vim cov neeg mob ruas no, mas nyob thoob ntiaj teb lawv coob txog ntawm 215,656 leej diam.

    Kwv tij, nyob ntau lub teb chaws, cov kws kho mob kuj kub siab nrhiav thiab tsim ib cov tshuaj Vav Xees los pab tiv thaiv tus kab mob ruas no. Tab sis los txog tav no mas tseem nrhiav tsis tau tau ib hom tshuaj ntsuab twg los ua Vav Xees tiv thaiv tus kab mob ruas no kiag li.

    Yog vim li no, mas kuj ua rau nyob tas ntiaj teb, sawv daws yeej txhawj xeeb txog tus kab mob ruas no kawg nkaus. Vim tias tsis xav kom tsoom pej xeem kis tus kab mob no, rau qhov yog ib yam mob uas txaus ntshai thiab mob tau yam txom nyem heev.
    Li ntawd, mas hais qhia rau nej sawv daws tias : « Nyob rau ntau ntau lub teb chaws uas tsoom pej xeem tseem yog neeg txom nyem, mas tus kab mob ruas no tseem ciaj sia los txog niaj hnub no thiab tsis tau txav mus deb ntawm sawv daws kiag li ».
    Kwv tij, hais rau nej paub ntxiv tias nyob sab Aws Los Pas tuam teb thiab As Mes Lis Kas teb, mas txij ntawm xyoo 1953 los mus, txhua txhia xyoo thaum lub 1 hlis ntuj, mas nyob hauv cov tsev teev Ntuj Kav Tos Liv, yeej muaj tej tus neeg uas ua hauj lwm saib cov neeg mob ruas, lawv tuaj thov cov neeg ntseeg li nyiaj mus pab cov neeg mob ruas thiab tsim ib cov tshuaj vav xees los tiv thaiv tus kab mob ruas no. Vim tias cov neeg uas mob ruas, mas lawv ntsib kev txom nyem loj kawg nyob rau hauv lawv lub neej.
    Yog vim li ntawd, ces cov neeg ntseeg Kav Tos Liv uas nyob rau As Mes Lis Kas teb thiab nyob Aws Los Pas tuam teb, thiaj muaj coob coob leej muab nyiaj mus pab cov neeg uas mob ruas nyob thoob ntiaj teb.
    Kwv tij, peb zoo siab uas tau muaj ib cov neeg siab zoo nyob ntau lub teb chaws, lawv sib koom muab nyiaj coj mus pab kho cov neeg mob ruas thiab nrhiav ib cov tshuaj ntsuab los tsim ua vav xees tiv thaiv tus kab mob ruas, kom xwv ploj hauv lub ntiaj teb no mus, mas peb thov koom nrog ib zeej tsoom neeg zoo siab txog qhov xwm no.

    Paj nruag

    Hais txog zaj xwm 3 : Nyob His Xas Lais teb, ib tug Xib Hwb txhib cov neeg ntseeg siab, mas yog li no :
    Kwv tij phooj ywg, tus Xib Hwb ntawd hu ua Hais Kos Xias, nws yog tus thawj ntawm tsoom pej xeem uas ntseeg txoj kev cai teev hawm His Xas Lais, uas nyob Fab Kis teb. Tus Xib Hwb Hais Kos Xias hais tias : « Hnub tim 7 lub 1 hlis xyoo 2015 no, mas nyob rau hauv lub tuam ceeb Pas Lis, tau muaj 2 tug neeg uas coj kev cai teev hawm Mawv Xis Lim, nkawd tau tsav ib lub tsheb mus nres ze ze rau ntawm lub tsev luam ntawv xov xwm, ces nkawd txawm rho phom los luas tua cov neeg nyob rau hauv lub tsev luam ntawv ntawd. Ua rau muaj 12 tus neeg tuag kiag tam sim ntawd thiab muaj 3 tug tub ceev xwm tau tag sim neej nyob sab nraum zoov. »
    Yog vim li no, ces tus Xib Hwb Hais Kos Xias thiaj txhawj txog yav tom ntej tias : « Tsam cov pej xeem Fab Kis thiab cov neeg uas teev hawm kev cai Mawv Xis Lim uas nyob Fab Kis teb yuav muaj kev sib cov nyom thiab sib ntxub loj, ces yuav ua rau muaj kev kub ntxhov nyob rau qhov ub qhov no. »

    Li ntawd, tus Xib Hwb Hais Kos Xias thiaj tshaj lus tawm tias : « Hnub tim 7 lub 1 hlis no, txoj kev phem thiab txoj kev sib ntxub tau yeej txoj kev ua zoo lawm tiag. Tab sis ntev mus mas peb yuav tsum tso siab lug tias txoj kev ua zoo yeej yuav muaj zog dua txoj kev phem. »

    Kwv tij, hais rau nej paub tias txij li xyoo 2002 los txog niaj hnub no, mas txhua txhia xyoo tus Xib Hwb Hais Kos Xias kuj tau coj 100 tawm leej mus tsham lub nroog Aus Vis, uas nyob teb chaws Zes Mas Nias sab hnub tuaj.
    Lub nroog Aus Vis no mas yog qhov chaw uas yav thaud cov tub rog Zes Mas Nias hu ua Nas Xis, lawv tau muab cov neeg ntseeg His Xas Lais 6 plhom tawm leej tua tuag tag nrho rau hauv lub nroog no. Cov neeg His Xas Lais no, mas lawv coj txoj cai ntseeg Ntuj raws li tus yaj saub Maiv Xes tau teeb tseg.
    Thaum tus Xib Hwb Hais Kos Xias coj lawv mus txog ntawm lub nroog Aus Vis, mas ua rau lawv sawv daws poob siab nthav. Vim tias thaj tsam no mas yav dhau los, yog ib pab neeg ntxub ib pab neeg txog qib uas muab lwm pab tua tuag coob txog ntawm 6 plhom tawm leej.

    Tsis tas li ntawd, lub caij uas lawv mus txog rau ntawm lub nroog Aus Vis, lawv yeej rov qab hnov dua Tswv Ntuj ib lo lus tseem ceeb, uas sau tseg nyob rau hauv phau ntawv Txoj Cai Ob tias : « Kuv tso 2 yam tseem ceeb nyob ntawm koj xub ntiag, yam li yog kev muaj txoj sia thiab kev tua neeg, mas koj yuav tau xaiv txoj kev muaj txoj sia thiaj yog. »
    Nyob hauv cov neeg uas nrog kuv mus, mas kuj muaj ib cov me nyuam yaus nrog mus thiab, ces yog ib lub caij uas zoo ua piv txwv qhia rau cov me nyuam ntawd kom paub tias : « Lub ntiaj teb yuav nyob thaj yeeb, mas yuav tsum yog vim peb tiv thaiv txoj kev kub ntxhov thiab tiv thaiv kev ntxub neeg. »
    Tsis tas li ntawd, ib yam uas peb yuav tsum ua, mas yog qhov tias : « Peb sawv daws yuav sib hwm thiab sib nyiam sib hlub, sawv daws txhob sib ntxub li cov neeg txheej thaud uas muab neeg tua tuag coob txog ntawm 6 plhom tawm leej nyob hauv thaj tsam Aus Vis no. »

    Kwv tij, ua li mas zaj xov xwm no kuj zoo qhia peb tsoom Hmoob tias : « Peb sawv daws yuav tsis txhob cais koj pab kuv pawg, txhob sib ntxub sib tshum ua lwj ua liam, sawv daws yuav tau sib hwm thiab sib pab, kom xwv peb tsoom Hmoob tsis txhob taug txoj kev sib ntaus sib tua li haiv neeg Zes Mas Nias thiab His Xas Lais yav thaud. Vim tias Tswv Ntuj tso peb los ua neeg, nws xav kom peb haiv Hmoob muaj kev sib hlub sib pab mus rau qhov zoo thiab qhov vam meej xwb. »
    Kwv tij phooj ywg, ua li mas hnub no kuv tsuas coj 3 zag xov xwm tuaj ntsib nej sawv daws xwb, yam li :
    1. Nyob Npees Las Des teb, muaj ib cov ntxhais yuav txiv thaum hnub nyoog tseem yau yau.
    2. Nyob thoob ntiaj teb, cov neeg mob ruas tseem coob heev.
    3. Nyob His Xas Lais teb, ib tug Xib Hwb txhib cov neeg ntseeg siab.
    Li ntawd, txuas ntxiv ntawm no mus, thov caw nej sawv daws los mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo.
    Paj nruag

    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 3 lub 2 hlis xyoo 2015







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 13th February 2015, 12:34 pm



    February 15 2015 - Nruab Xyoo- Hnub Chiv 6 - Xyoo B

    Cov kwv tij, hnub no zoo hnub, rau qhov tias peb nrog Huab Tais Yes Xus koom siab koom ntsws muab peb tej siab ntsws los cev rau peb Txiv nyob saum ntuj.
    Hos, yav dhau los, peb twb tau mloog Ntawv Moo Zoo qhia peb txog Huab Tais Yes Xus muab nws tej kev nyiam kev hlub los pab kho ib tug neeg raug dab tsis huv thiab Yes Xus kho Xis Moos niam tais kom zoo hlo. Hos hnub no mas Ntawv Moo Zoo tseem qhia ib zaj hwj huam yees ntxwv ntxiv tias Yes Xus hais ib lo lus rau tus neeg mob ruas ces tam sim ntawd tus neeg ntawd cia huv tuaj .
    = Mas hnub no tsim nyog peb yuav khaws ob zag tswv yim tseem ceeb tias ;1 :Huab Tais Yes Xus nrog peb sawv daws koom siab koom ntsws – 2 : Huab Tais Yes Xus yog tus cawm peb kom peb rov ntshiab huv zuj zus.

    1 : Huab Tais Yes Xus nrog peb sawv daws koom siab koom ntsws. Peb tau hnov lub Moo Zoo tias : tus neeg mob ruas ( uas txom nyem tas nrho ) tuaj thov Yes Xus pub ib lub cev huv rau nws. Ntawv Moo Zoo sau cia tias :” Yes Xus hlub tus neeg mob ruas ntawd “..Yes Xus hlub tus neeg ntawd,.vim Yes Xus paub tias tus neeg ntawd raug ib yam mob phem- Nws nrog luag nyob ua ke yeej tsis tau. Nws yuav tsum nyob rau ib cag . Hos nyob ntawm sawv daws lub xub ntiag mas nws txaj muag tas niaj tas xyoo . Hos Yes Xus ntsia tus ntawd – Nws hais tias :”Koj huv tuaj mas” Ces tam sis ntawd tus neeg ntawd cia li huv tuaj -Yes Xus hlub tus neeg mob ruas .Yes Xus nrog tus neeg ntawd koom ua ib lub siab ntsws ces ib ntsis Yes Xus muab nws tej kev hlub uas muaj zog tas nrho,los txhim kho tus ntawd kom zoo ..

    Cov kwv tij lub zim txwv no lub Moo Zoo uas nplij peb siab kuj mus li no tias Huab Tais Yes Xus paub peb sawv daws . Nws hlub peb ib tug dhau ib tug, ib leeg dhau ib leeg, xws li yav dhau los, nws hlub tus neeg mob ruas ntawd . Huab Tais puag peb sawv daws huv si hauv nws nruab siab .Yes Xus nrog peb sawv daws koom siab koom ntsws..Muaj kev lom zem hauv peb lub neej – Peb raug kev nyuaj siab ntxhov plawv kuj yog vim ntau ntau yam, ces peb lub neej tsaus ntuj nti, mas Huab Tais paub tej yam ntawd huv tib si. Huab Tais nrog peb koom siab koom ntsws, tsis tu ncua.
    THOV NTUJ PAB : Huab Tais khuv leej neeg tas nrho, koj yog tus txuag peb. Koj niaj hnub pov hwm peb .Koj niaj hnub saib peb. Peb ua koj tsaug ntau. Peb mam li tso peb tej kev ntxhov siab huv tib si rau koj.(1 P Z 5:7 ). Yog tias tsis pom koj pab mas peb nyob tsis tau. Huab Tais , thov koj hlub peb os mog “ .

    2 : Huab Tais Yes Xus yog tus cawm peb kom peb rov ntshiab huv zuj zus.
    Cov kwv tij ,peb hu txog Huab Tais pab, ces peb cev peb lub siab rau Huab Tais ,mas peb yuav muab tas peb lub tswv yim los tso siab lug rau Huab Tais- Peb tsuas xav txog yus tej lo lus teev Ntuj xwb, thiaj yog - Yuav tsis xav txog lwm yam. Ces hais 2-3 lo lus ua piv txwv tias :
    1: Kuv raug mob nkeeg tau ntev hli- Ces nyob nyuaj siab tas. Huab Tais siab zoo, thov koj pab.
    2 : Hauv peb tsev ,peb kuj tsis tshua sib haum pes tsawg - Ib leeg tsis mloog ib leeg .Huab Tais khuv leej neeg tas nrho, thov koj cawm peb sai os mog..
    3 : Wb ob tug niam txiv ntxhov siab txog kev pab wb cov me nyuam coj lub neej nyob txheeb siab me ntsis –Nyuaj kawg nkaus. Huab Tais, thov koj pab kom xwv wb ob tug niam txiv noj qab nyob zoo, ntxiv mus lawm yav tom ntej - Huab Tais, thov koj pab
    4 : Zaum puav , me yaus xav txog tej zaj tswv yim phem phem. Huab Tais, thov koj
    cawm me yaus dim ntawm qhov ntawd sai sai,kom xwv ”Me yaus tej siab ntsws thiaj ntshiab huv tuaj, tsis lo txhaum li qub ,ces thiaj loj hlob zuj zus vim koj tej kev nyiam kev hlub “ ( Es Fes Xos 1;4)
    Cov kwv tij, tsim nyog peb sawv daws yuav tso siab lug rau Huab Tais Yes Xus yam tuag nthi. Huab Tais dai saum ntoo cuam -Nws raug sab kawg. Li cas los ,Yes Xus haj yam tso siab lug rau nws Txiv. Nws lub siab thiaj nyob tus yees. Li ntawd Huab Tais Yes Xus siab zoo, thov koj pub ib feem hauv koj tej kev ntseeg tuaj rau peb. Ces ” peb thiaj nyob tau, raws li koj tus piv txwv”. ( 1 Zam 4:27 ) Ua koj tsaug ntau
    Cov kwv tij, kev ntseeg Ntuj, kev npuab Tswv Ntuj lub siab, kev tso siab lug rau Tswv Ntuj, tus Cawm Neeg thiaj yog qhov loj tshaj plaws yog qhov muaj nqes tshaj plaws hauv peb lub siab. Ces thov kom Leej Ntuj Plig Ntshiab nqes los txhab zog rau peb tej kev ntseeg
    Niam Mab Liab, thov koj nplij peb siab kom xwv peb thiaj ntseeg Ntuj ruaj nreb zuj zus os mog


    T.P. Txhiaj Foom omi




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 13th February 2015, 12:36 pm



    VIM LI CAS PEB NTSEEG NTUJ No 2



    Cov kwv tij hmov thiab tshua, hnub no zoo hnub, rau qhov tias peb tsoom ntseeg zoo siab sib sau los ua Thaj Txi Ntuj. Peb mam li txais Tswv Ntuj Lo Lus los kaj peb lub neej.
    Lub lis piam dhau los, peb tau tshaj tias : VIM LI CAS PEB NTSEEG NTUJ ?
    Peb sawv daws niaj hnub ua Ntuj tsaug ,vim tias ib tug tib neeg twg qhib nws lub siab los txais Ntuj Lo Lus thiab nws tig los yuav ib lub siab tshiab, kuj yog vim Tswv Ntuj tau tshoj tus neeg ntawd lub siab. Yam li peb ntseeg Ntuj kuj yog vim Tswv Ntuj pub nws tej txiaj ntsim los kaj peb lub siab. Li ntawd, peb zoo siab ua Ntuj tsaug, xws li tus Hauv Paus Xa Lus Paj Lug lo lus tias: “Yog Tswv Ntuj lub txiaj ntsim ua kom kuv lub siab hloov los zoo li no. Tswv Ntuj lub txiaj ntsim nyob hauv kuv - nws tsis nyob dag” (1 KLN 15:10)
    Cov kwv tij, peb zoo siab ntseeg Ntuj yog vim Tswv Ntuj pub peb txais Ntuj Lo Lus. Yog vim qhov ntawd, ces hmo no kuv thiaj yuav rov twm zaj lus tseem ceeb uas hais tias : “TXOJ HMOOV ZOO”
    “ Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li. Cov tau txoj hmoov zoo yog cov siab zoo, vim lawv yuav txais lub ntiaj teb los ua lawv tug - Cov tau txoj hmoov zoo yog cov quaj ntsuag, vim Ntuj yuav nplij lawv – Cov tau txoj hmoov zoo yog cov tshaib thiab nqhis txoj kev ncaj, vim Ntuj yuav daws lawv qhov nqhis- Cov tau txoj hmoov zoo yog cov hlub luag tej, vim Ntuj yuav hlub lawv. Cov tau txoj hmoov zoo yog cov siab huv, vim lawv yuav pom Tswv Ntuj – Cov tau txoj hmoov zoo yog cov tsim kev thaj yeeb, vim Ntuj yuav hu lawv ua Tswv Ntuj cov me nyuam. Cov tau txoj hmoov zoo yog cov raug luag hiam vim txoj kev ncaj – Ntuj lub Ceeb Tsheej yog lawv tug . Thaum luag thuam nej, hiam nej thiab liam ntau yam phem rau nej vim kuv, mas nej txoj hmoov zoo. Nej zoo siab thiab nej hom khaj mog, vim nej yuav tau txais koob haum loj nyob saum ntuj. Cov yaj saub ua nej ntej kuj raug luag hiam zoo li ntawd thiab”

    PAJ NRUAG : “As les lus yas, Leej Ntuj Plig, koj los mas..”
    Hos peb kuj yuav nco ntsoov tias : peb nrog ib pab neeg nyob ua ke hauv peb lub zos, mas peb cov kwv tij ntawd , uas lawv zoo siab ntseeg Ntuj tib leeg, mas phim yuav nrog lawv ua phooj ywg thiab nrog lawv tham txog txoj kev ntseeg .. Lawv ntseeg Ntuj zoo . mas zaum puav phim yuav tsham lawv, ces peb haj yam yuav to taub tias VIM LI CAS PEB NTSEEG
    Li ntawd, peb cov kwv tij pub txiaj ntsim rau peb los txhab zog rau peb txoj kev ntseeg.

    Cov kwv tij, hnub no, peb yuav tshaj tej lus tseem ceeb uas 3 tus neeg tim Fab Kis hais kam, los zeem tseeb txog txoj kev ntseeg. Ces thov kom nej mloog 1 tug txiv neej thiab 2 tug poj niam lawv tej lus.
    Thawj tus neeg, yog tib tug txiv neej. Nws lub npe hu ua Tis Es Npis Zos. Nws hnub nyoog 51 xyoos. Nws kuj muaj ob tug tub. Nws ua hauj lwm nrog ib pab neeg hais lus nyob rau hauv lub tshaj xyam los, yog lub TV. Nws kuj tau sau ib phau ntawv nthuav piav txog tej yam xwm uas tshwm sim tuaj hauv nws lub neej ,ces nws thiaj tau tig los yuav lub siab tshiab ?
    Mas thov kom nej mloog tus Tis Es Npis Zos no cov lus , -Nws sau li no tias :
    “ Yav dhau los, kuv tau kawm ntau yam txuj ci, tab sis kuv tsis tau ua neeg ntseeg. Kuv tau xav tias : “Tus tib neeg twg ntseeg Ntuj mas yeej tsis pom muaj ib yam dab tsi tshiab tshiab tawm tuaj nyob rau hauv tus neeg ntawd lub neej li.” Ua li, kuv thiaj tsis tau ntseeg txog Tswv Ntuj kiag .tab sis, kuv lub siab nyob tsis tus . Kuv tsuas khwv ua kuv tej hauj lwm ntxiv mus los mus yug kuv tsev neeg xwb. Ces kuv kuj ua lub neej nyob xws li luag thiab.
    “Mas tau 3 xyoo dhau los, kuv tau ua ib yam tshiab tshiab, uas yav dhau los kuv tsis tau xav txog ib zaug. Yam li kuv muaj ib tug phooj ywg, uas lub npe hu ua Zam - Nws yog tus qhia txuj ci rau kuv tus tub hlob, uas hnub nyoog 17 xyoo. Zam wb yeej sib hwm,. Muaj xwm dab tsi hauv nws lub neej mas Zam kuj hais rau kuv paub. Kuv kuj ua tib yam li ntawd rau nws thiab- Muaj ib hnub kuv hais rau Zam tias : “Kuv tsis yog neeg ntseeg Ntuj. Tiam sis, kuv tseem ua xyem xyav txog kev ntseeg Ntuj !” Ces tom qab ntawd, Zam tau hais qhia kuv tias : “Zoo li Zam tseem tsis tau txais lub Cim Ntxuav, tab sis, Zam nrog ib pab neeg kawm Ntuj Kev Cai. Zam hais li ntawd tas ,ces nws thiaj caw kuv nrog nws mus tom lub tsev uas lawv qhia Ntuj kev Cai. Auj ! Yav dhau los kuv tsis tau ua qhov ntawd ib zaug li,. Ces thiaj xav tias: “ “Zam caw kuv mus ,mas saib puas yuav zoo, los tsis zoo ? “ Ces kuv thiaj lam nrog Zam mus tom lub tsev uas lawv qhia Ntuj kev Cai rau 8 leej, uas lawv hnub nyoog ntau li kuv. Kuv kuj tau mloog tej zaj lus tseem ceeb txog Tswv Ntuj kev nyiam kev hlub neeg thiab hais txog kev tso siab lug rau Tswv Ntuj thiab hais txog lub Cim Ntxuav. Kuv kuj tau nrog Zam mus nrog lawv sab laj ua ke 3 zaug diam. Ces thiaj tau xav txog Ntuj Lub Moo Zoo thiab lub neej tshiab ua Tswv Ntuj tus me nyuam. Ces tau muaj ib hnub kuv pib ntseeg tias :” Tej zaj lus lawv nthuav piav rau peb yeej yog Qhov Tseeb. “Ces kuv tau kawm tej zaj teev Ntuj. Nyob nyob, kuv tau txais lub Cim Ntxuav, hauv lub Koom Txoos Kav Tos Liv. Li ntawd, niaj hnub no, kev thiaj ntseeg Ntuj nyob nraim hauv kuv nruab siab. Ua li mas kuv ua Ntuj tsaug ntau rau qhov nws tau pub ib lub txiaj ntsim muaj nqes rau kuv, uas ib txwm los kuv tsis tau xav txog ib zaug li, yam kuv tau ntsib Huab Tais Yes Xus ntag.”

    PAJ NRUAG ;

    Tus neeg ntseeg 2 thiaj yog ib tug poj niam. Nws lub npe hu ua Kas Tias Kus Nas. Nws hnub nyoog muaj 35 xyoos. Nws muaj 2 tug tub.

    Ua li tus Kas Tias Kus Nas tau sau tej lo lus zoo li no tias : “Kuv tus txiv ua tub rog. Nws nrog ib pab tub rog nyob ua ke, nyob deb ntawm peb lub nroog - Yog vim qhov ntawd kuv nyuaj siab heev - Kuv tus txiv tau txais lub Cim Ntxuav yog thaum nws tseem yau, mas yav dhau los wb tau txais lub Cim Cog Lus nyob rau hauv tsev teev Ntuj, hauv lub Koom Txoos Kav Tos Liv. Tab sis, tsaib no, thaum txog Hmo Hla, kuv tau txais lub Cim Ntxuav los ua ib tug neeg ntseeg Ntuj lawm.
    Hos kuv tus txiv wb yug tau ob tug tub. Tus hlob hnub nyoog 10 xyoo. Hos tus yau hnub nyoog 5 xyoos..Nkawd tab tom kawm Ntuj Kev Cai los npaj siab txais lub Cim Ntxuav thiab. Hauv kuv nruab siab ,mas muaj ib yam kuv xij ua kam kuj yog tias: kuv nrog Huab Tais Yes Xus tham - Ua li, tas ib puas tsav yam ,uas muaj tuaj hauv kuv tsev neeg mas kuv yeej nthuav piav tej yam ntawd huv si rau Huab Tais. Nws yog kuv tus phooj ywg. Kuv yeej tso siab lug rau kuv tus phooj ywg yam tuag nthi.
    Kuv yeej nco ntsoov txog qib lus hauv Zam Ntawv Moo Zoo uas Huab Tais Yes Xus tau hais lo lus ntawd rau 12 tug thwj tim. thiab niaj hnub no Huab Tais kuj tseem hais tib lo lus ntawd dua rau peb sawv daws huv tib si, hais tias :” Kuv tsis hu nej ua kuv cov tub txib, vim tus tub txib tsis paub qhov uas tus tswv ua. Tab sis kuv hu nej ua phooj ywg, vim tas ib puas
    tsav yam kuv hnov ntawm kuv Txiv, mas kuv tau qhia rau nej paub tas huv si” (Zam 15:15)
    Yog vim qhov ntawd ces hauv qhov tob tob hauv kuv nruab siab , kuv yeej paub tias Huab Tais Yes Xus yog kuv tus Phooj Ywg siab zoo uas niaj hnub txhawb nqa kuv tej siab ntsws tsis tu ncua. Ua li, thaum txog hnub kuv haj yam raug kev nyuaj siab ntxhov plawv, mas kuv yeej vam txog Huab Tais Yes Xus tam sim ntawd, kuv thov kuv tus Phooj Ywg tas zaj tas zog.
    Txhua txhia hnub kuv yeej soj qab ib yam loj tias : Huab Tais Yes Xus, kuv tus Phooj Ywg , nrog kuv nyob nraim – Nws yog tus nplij kuv lub siab, tsis tu ncua. Zoo li Tswv Ntuj hais tej lo lus no rau kuv tias : “Txhob txhawj los mas . Ib ntsis koj tej kev nyuaj siab ntxhov plawv yeej yuav ploj mus xwb mas.”

    Cov kwv tij, zaj lus uas tus poj niam ntawd tau hais tseg kuj yog ib zaj lus zeem tseeb tias : nws ntseeg Ntuj, vim tias nws tau txais Ntuj ntau yam txiaj ntsha txiaj ntsim los pab txhawb nws lub dag zog. Ua li, thaum nws raug tej kev nyuaj siab ntxhov plawv mas nws tseem ua siab loj siab tawv qhawv ,vim tias Tswv Ntuj niaj hnub nplij nws siab mus li. Ces tus Kas Tias Kus Nas ntawd yeej nco ntsoov txog nws tus Phooj Ywg, uas yog Huab Tais Yes Xus mus li…
    Li ntawd peb yuav thov Ntuj pub nws tej txiaj ntsim uas loj tas nrho rau peb sawv daws ,zoo ib yam li nws tau pub rau tus poj niam ntawd los mas

    PAJ NRUAG :

    Tus neeg ntseeg 3 kuj yog ib tug poj niam Fab Kis thiab. Nws lub npe hu ua Mab Liab. Nws hnub nyoog muaj 30 xyoo .Nws tau yug 3 tug me nyuam .Nws lees tias nws zoo siab ntseeg Ntuj kuj yog vim Tswv Ntuj pub nws ntseeg txog Thaj Txi Ntuj thiab lub Cim Yug.
    Nws tau sau tej lo lus tseem ceeb zoo li no tias:
    “ Txhua txhia Hnub Chiv, mas Huab Yes Xus tos ntsoov kuv tuaj nrog ib pab ntseeg hauv kuv lub nroog sib sau los nrog Huab Tais koom siab koom ntsws ua Thaj Txi Ntuj – Kuv ntseeg txog lub Cim Yug, vim tias kuv nco txog Huab Tais Yes Xus Lo Lus tias :”Kuv yog cov mov muaj txoj sia nqes saum ntuj los. Cov mov uas kuv muab pub rau lub qab ntuj neeg kom lawv muaj txoj sia yog kuv lub cev nqaij.. Kuv lub cev nqaij yog ib co tseem txhiam xws noj thiab kuv cov ntshav yog ib yam zoo haus. Tus noj kuv cev nqaij thiab haus kuv cov ntshav, nws nyob txawm hauv kuv thiab kuv nyob txawm hauv nws “ Zam 6:51-56
    “ Yog vim kuv tau khaws lub Moo Zoo ntawd tseg hauv kuv nruab siab, ces kuv thiaj saib lub Cim Yug yog qhov loj tshaj plaws hauv kuv lub neej. Kuv yeej ntseeg ruaj nreb khov kho txog Huab Tais Yes Xus uas tau yeej txoj kev tuag. Huab Tais pub peb txais Nws nyob rau hauv lub Cim Yug, kom xwv Huab Tais Yes Xus txoj sia nqes los rau hauv peb siab los ua peb ntiag peb tug. Ces kuv qhuas txog lub Cim Yug kawg nkaus, vim tias yog qhov paj tshab muaj nqes tshaj plaws nyob tas qhov txhia chaw thooj ntiaj teb . Ua li mas, txhua txhia Hnub Chiv uas kuv los mus txais lub Cim Yug, kuv cia Huab Tais nqes los txeem rau hauv kuv nruab siab, ces Huab Tais yuav xuas kuv thiab tsoom ntseeg sawv daws, kom xwv Huab Tais kev nyiam kev hlub ri mus rau hauv luag lwm leej lwm tus, kuj yog vim peb tsoom ntseeg ntag…Ua li ntawd kuv lees tias lub Cim Yug pab txhawb nqa kev nyiam kev hlub puv peb siab npo.”

    Cov kwv tij, thov kom peb kub siab ntseeg txog lub Cim Yug khov kho, xws li tus poj niam Fab Kis ,uas lub npe hu ua Mab Liab ntawd. Txhua txhia hnub, mas lub Cim Yug kuj yog Tswv Ntuj lub dag lub zog pab txhawb nqa peb siab, kom xwv peb txoj kev ntseeg loj hlob zuj zus

    ZAJ NKAUJ ;
    “Tswv Ntuj tsim peb los ua neeg”
    “Tus tuaj cuag Yes Xus”
    “His Xais 49”





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 18th February 2015, 9:50 am



    February 22 - 2015 - LUB CAIJ 40 - Hnub Chiv 1 - Xyoo B

    NEEG TSIS KAWG MUAB MOV LOS YUG SIAV XWB
    - NEEG TSEEM YUAV COV LO LUS LUS TAWM NTAWM TSWV NTUJ LUB NCAUJ LOS YUG SIAV THIAB



    Cov kwv tij, txhua txhia xyoo, lub 2 hlis thiab lub 3 hlis, thiaj muaj lub Caij 40, vim tias peb siv 40 hnub los ib siab rov coj lub neej tshiab tshiab raws Huab Tais Yes Xus Lo Lus tias :
    Nej tig los yuav lub siab tshiab - Nej mloog lub Moo Zoo.
    Ntawv Moo Zoo sau cia li no tias : “Yes Xus mus rau teb chaws suab puam Ib ntsis tus niag ntxias neeg tuaj ze Yes Xus. Nws hais rau Yes Xus tias :” Yog tias koj yog Tswv Ntuj Leej Tub tiag, mas koj qhia kom cov pob zeb no txia ua mov, saib puas tau ?”. Yes Xus teb rau dab phem tias : “NEEG TSIS KAWG MUAB MOV LOS YUG SIAV XWB - NEEG TSEEM YUAV COV LO LUS LUS TAWM NTAWM TSWV NTUJ LUB NCAUJ LOS YUG SIAV THIAB” Ces dab phem tso Yes Xus tseg”, .vim tias nws swb Yes Xus lub tswv yim thoob tsib. Nws swb Yes Xus uas nws ntseeg Ntuj khov kho thiab nws tso siab lug rau nws Txiv yam tuag nthi.

    Cov kwv tij, Yes Xus tshaj Lo Lus tseem ceeb ntawd zoo cuag li Yes Xus txhib peb siab tias ;” Nej khwv khwv los yug nej tsev neeg, mas yog ib yam muaj nqes kawg . Tab sis qhov loj tshaj plaws thiaj tsis yog tas ib puas tsav yam peb pom tau .Tsis yog kev nrhiav noj haus, tsis yog nrhiav kev nto koob meej .
    Tab sis, peb tsoom neeg ntseeg Ntuj ib txwm yeej xav tias : qhov loj tshaj plaws thiaj yog qhov tias : peb yuav siv zog coj lub neej ntshiab dawb huv zuj zus.

    === Thaum Txiv Plig muab cov tshauv los pleev yus lub hauv pliaj, mas nyias yuav hnov lo lus no tias ;..
    1 : Koj nco ntsoov tias koj yog av : koj yuav rov qab mus ua av
    2 : Koj tig los yuav lub siab tshiab ; koj mloog lub Moo Zoo mog

    ==== 1 : Koj nco ntsoov tias koj yog av : koj yuav rov qab mus ua av.. Peb niaj hnub ,peb laus zuj zus, ces thiaj nco tias ; yuav muaj ib hnub peb thiaj yuav muaj ib siab ob qis.,ces yuav tso lub ntiaj teb no tseg .Ua li, peb tsoom ntseeg kuj nco tias ; qhov muaj nqes tshaj plaws tsis yog tas ib puas tsav yam peb pom tau los peb suav tau. tab sis qhov muaj nqes tshaj plaws thiaj yog qhov tias peb yuav loj hlob zuj zus hauv lub neej ntshiab dawb huv- Ua li hauv lub Caij 40 no mas peb haj yam npaj siab los mus chaws hauv Tswv Ntuj lub Ceeb Tsheej.
    Ntawv Ntshiab sau li no tias :” Peb yuav tsum mus sawv ntawm Huab Tais Yes Xus lub rooj txiav txim - Yuav tsis muaj dab tsi thaiv peb. Ces nyias yuav pom txhua yam uas thaum nyias nyob hauv nyias lub cev, nyias tau ua zoo los tau qhov phem” 1 KLN 5:10 .
    Ces phim yuav ntaus tswv yim zoo li no tias : “ Kuv tsis ntshai kev mob nkeeg, kev ploj kev tuag kuj yog vim kuv yog Tswv Ntuj ib tug me nyuam . Kuv ua siab loj siab tawv yog vim Huab Tais Yes Xus khuv leej me yaus, tsis tu ncua .
    .Saib : peb puas xav tswv yim zoo li ntawd tiag ?“


    2 : Koj tig los yuav lub siab tshiab ; koj mloog lub Moo Zoo mog. Ces saib thaum peb ua Thaj Txi Ntuj mas thiaj muaj tej Hnub Chiv, peb tau khaws Tswv Ntuj ib qib lus tseem ceeb tseg. Zoo li qib lus no tias;” Nej yuav yoog raws li Huab Tais, xws li cov me nyuam zoo nyiam . Nej yuav taug txoj kev nyiam, raws li Yes Xus tus piv txwv ; EFX 5:1-2
    Ces phim yuav ntaus tswv yim zoo li no tias : 1 : Kuv yuav ua dab tsi ces thiaj nrog tus no, nrog tus ntawd rov sib haum xeeb ? – 2: Kuv puas tso siab lug rau Tswv Ntuj yam tuag nthi ?. 3 :Kuv teev hawm Tswv Ntuj txaus los tsis txaus ,no ne ? 4 : Puas muaj tej lub caij kuv hais qhia luag tej tias : “Kuv coj lub neej nyob tiaj nyob tiaj tus kuj yog vim kuv ntseeg Ntuj ntag “? Los peb tsis hais tej lo lus no ib zaug li

    THOV NTUJ : Huab Tais khuv leej neeg tas nrho , hauv lub Caij 40 no, yeej muaj 2-3 yam kuv npaj siab txhim kho kom zoo dua qub ,ces thiaj rov ib siab tig los yuav lub siab tshiab.. Huab Tais, thov koj txhab zog rau kuv tus ntsuj tus plig.. Huab Tais, thov koj pab kuv os mog .

    T.P. Txhiaj Foom omi







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 27th February 2015, 1:10 am



    ZIM TXWV NO NTIAJ TEB TEEB MEEM LOJ

    Zaj 384 : Ib cov ntseeg nyob Los Tsuas teb raug ntes.
    …………………………………………………………………………………………………..

    Nyob zoo ib tsoom kwv tij phooj ywg hmov thiab tshua sawv daws !
    Hnub no kuv yuav muab 3 zag xov xwm coj los tshaj tawm pub rau nej sawv daws mloog xws li no :
    1. Nyob Los Tsuas teb, muaj ib cov neeg ntseeg Plos Tes Taas raug tseem fwv ntes.
    2. Nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj.
    3. Nyob Suav teb, muaj ib tug Tswv Qhia Suav laus laus tau tas sim neej.
    Paj nruag
    Hais txog zaj xwm 1 : Nyob Los Tsuas teb, muaj ib cov neeg ntseeg Plos Tes Taas raug tseem fwv Los Tsuas ntes, mas yog li no :
    Kwv tij phooj ywg, yav dhau los nyob Los Tsuas teb hauv luv xeev Xab Vaam Nab Khej, mas cov nom tswv ua nruj kawg rau cov neeg ntseeg Ntuj, yam li lawv ua ntau ntau yam los tav txoj hauv kev kom tsis txhob muaj cov neeg ntseeg Ntuj ntxiv.
    Piv txwv : Nyob hauv lub zos Xais Xoom Npoos thiab nyob ntau ntau lub zos, mas cov nom tswv tau txwv tsis pub cov neeg ntseeg sib sau los teev Ntuj lawm. Thiab kuj tseem muaj qee zaus uas cov nom tswv txhob txwm ntes ib cov neeg ntseeg, los yog ib cov txwj laus coj mus kaw rau hauv nkuaj, kom xwv cov neeg no thim ntawm kev ntseeg Ntuj rov los coj kev teev hawm Phus Thas.
    Kwv tij, nyob hauv lub zos Xais Xoom Npoos, mas cov neeg ntseeg Plos Tes Taas kuj coob hauj sim, lawv tus Xib Hwb hu ua Kais Thoos.
    Hnub tim 24 lub 6 hli xyoo 2014, tus Xib Hwb Kais Thoos no nrog rau nws 3 tug phooj ywg uas lawv puav leej yog Xib Hwb tib si thiab ib tug neeg ntseeg raug cov tub ceev xwm ntes coj mus kaw. Vim hnub tim 24 lub 6 hli ntawd, cov tub ceev xwm tau liam tias lawv 5 leeg no tau muab ib tug poj niam uas yog neeg ntseeg Ntuj hu ua Caas tua pov tseg.
    Kwv tij, tus poj niam uas hu ua Caas, mas xyoo 2013, nws thiab nws 8 tus me nyuam lawv txawm txiav siab tig los ntseeg Ntuj nyob hauv lub Koom Txoos Plos Tes Taas. Vim tias tus poj niam Caas no nws muaj mob los tau ntev ntev heev lawm, ces nws thiaj coj nws cov me nyuam lawv los ntseeg Ntuj ua ke tib si.
    Tab sis hnub tim 22 lub 6 hli xyoo 2014, tus Xib Hwb Kais Thoos thiab nws 4 tug phooj ywg lawv txawm txhob txwm mus xyuas tus pog Caas no rau hauv tsev kho mob. Lub caij thaum lawv mus txog hauv tsev kho mob, mas lawv tau sib sau los thov Ntuj pub rau tus poj niam uas hu ua Caas.
    Thaum lawv yuav rov qab los tsev, tus poj niam Caas no nws tau thov kom lawv 5 leeg pab thauj nws rov qab mus tsev, vim tias nws tsis xav nyob hauv tsev kho mob ntxiv lawm. Lub caij ntawd, mas tus Xib Hwb Kais Thoos thiab nws 4 tus phooj ywg kuj hlub thiab hmov tshua txog tus tus poj niam Caas no kawg nkaus, ces thaum kawg lawv thiaj txiav siab pab thauj tus poj niam Caas rov qab mus tsev raws li tus pog no thov. Tab sis thaum lawv tab tom tsav tsheb los txog ntawm ib tog kev xwb, ces tus pog Caas txoj sia cia li tu twj ywm lawm.
    Yog vim li no, ces hnub tim 24 lub 6 hli, cov tub ceev xwm Los Tsuas thiaj tau iab liam tias Xib Hwb Kais Thoos thiab nws 4 tug phooj ywg tau muab tshuaj los lom tus poj niam uas hu ua Caas, ces tus pog Caas thiaj tau tag sim neej lawm.
    Hnub ntawd, mas tus Xib Hwb Kais Thoos tab tom ua cov kab ke pam tuag raws kev ntseeg Ntuj rau tus pog Caas. Thaum lawv tab tom ua cov kab ke pam tuag, tau muaj ib cov tub ceev xwm nrog 5 tug hauj sam txawm mus txog lub tsev uas lawv sib sau pam tuag.
    Lub caij ntawd, cov tub ceev xwm tau quab yuam kom Xib Hwb Kais Thoos txhob ua cov kab ke pam tuag raws kev ntseeg Ntuj, tab sis kom cov hauj sam ua kab ke pam tuag raws kev teev hawm Phus Thas rau tus pog Caas thiab coj tus pog Caas no mus faus nyob rau hauv cov toj ntxas hauj sam. Cov tub ceev xwm kuj tsis kam muab tus Ntoo Cuam mus txhos rau ntawm tus pog Caas lub ntxa thiab.
    Tsis tas li ntawd, cov tub ceev xwm kuj tau ntes tus Xib Hwb Kais Thoos nrog rau nws 4 tug phooj ywg uas lawv pab thauj tus pog Caas tawm hauv tsev kho mob rov los tsev, es ua rau tus pog no tau tag sim neej. Lawv 5 leeg puav leej raug coj mus kaw tas huv tib si rau hauv nkuaj.
    Yog vim li no, ces ua rau cov neeg ntseeg hauv lub zos Xais Xoom Npoos chim siab kawg rau cov tub ceev xwm, tab sis lawv tsis pom qab ua cas.
    Kwv tij, ua li mas peb thov koom nrog cov neeg ntseeg Plos Tes Taas hauv lub zos Xais Xoom Npoos koom tu siab thiab thov koom nrog lawv 5 leeg uas tau pab tus pog Caas no koom tu siab thiab. Vim tias yog muaj tseeb li hais, mas cov tub ceev xwm uas ua li no rau cov Xib Hwb, tau hla txoj cai txuag tib neeg kev ywj pheej lawm.
    Paj nruag
    Hais txog zaj xwm 2 : Nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj, mas yog li no :
    Kwv tij phooj ywg, hnub tim 17 lub 2 hlis tas los no, nyob rau hauv lub nroog As Npas Das Dis, teb chaws Is Lav, mas tau muaj ib cov neeg teev hawm kev cai Mawv Xis Lim uas lawv hu ua cov Ais Es, muab 45 tus neeg hlawv ciaj ciaj rau tsoom pej xeem sawv daws saib.
    Ua li mas xav qhia rau nej tias cov Ais Es no, yog ib cov neeg dab tsi ?
    Kwv tij, cov Ais Es, mas yog ib cov neeg uas teev hawm kev cai Mawv Xis Lim, uas nyob Is Lav teb thiab Xis Lias teb. Cov Ais Es no, lawv xav muab ib nrab ntawm lub teb chaws Is Lav thiab ib nrab ntawm lub teb chaws Xis Lias los tsim dua ua ib lub teb chaws Mawv Xis Lim tshiab.
    Yog vim li no, ces yog leej twg tawm tsam lawv, tsis hais tej nom tswv, los yog cov pej xeem kuj xij, cov Ais Es puav leej muab ntes coj los tua thiab hlawv ciaj ciaj rau ib zeej tsoom saib, kom xwv sawv daws yuav tsum koom tes nrog cov Ais Es tsim dua ib lub teb chaws tshiab rau cov Mawv Xis Lim.
    Cov Ais Es no tsis yog muaj nyob Is Lav thiab Xis Lias teb xwb, tseem muaj nyob rau ntau ntau lub teb chaws thiab, yam li nyob Lis Npias teb, Zos Das Nias teb, Hais Nkws Tos teb thiab kuj muaj ib txhia nyob lwm lub teb chaws mus koom thiab.
    Kwv tij, hnub tim 7 lub 2 hlis tas los no, mas nyob Lis Npias teb, cov tub rog Mawv Xis Lim uas hu ua Ais Es tau ntes 21 tus neeg ntseeg Ntuj coj mus suam hlab pas tuag tag tib si. Ua rau cov tseem fwv Lis Npias npau taws kawg nkaus rau cov Ais Es.
    Tsis tas li ntawd, thaum Vaj Qhia Faas Ntshis Kus hnov qhov xwm phem phem no, Vaj Qhia kuj tau tshaj lus tawm tias : « Cov neeg uas ua phem li no, mas thooj li yog ib cov neeg qus uas tsis txawj hlub neeg».
    Kwv tij, hnub tim 13 lub 2 hlis xyoo 2015 no, mas nyob rau hauv lub nroog Kis Kus, Is Lav teb, tseem muaj ib cov tub rog Ais Es mus ntes ib cov pej xeem uas yog haiv neeg tsawg hu ua Khawj, coj mus kaw rau hauv ib cov nkuaj hlau thiab tseem muab tsheb thauj lawv coj mus ncig lub nroog kom ib zeej tsoom pom, kom sawv daws ntshai cov Ais Es thiab koom tes nrog.
    Tsis tas li ntawd xwb, hnub tim 3 lub 2 hlis, tseem muaj dua ib cov tub rog Ais Es mus ntes ib tug kws tsav dav hlau uas yog neeg Zos Das Nias hu ua Muas As Kas Xes As Npes, vim tias nws ua lub dav hlau poob ces cov Ais Es txawm txhom tau nws thiab coj nws mus tsim txom hlawv ciaj ciaj rau hauv ib lub nkuaj hlau rau zeej tsoom saib. Ua rau cov tseem fwv Zos Das Nias npau taws kawg thiab chim siab heev tshaj paws, ces cov tseem fwv Zos Das Nias thiaj tau muab 2 tug neeg uas yog cov Ais Es tsim kev kub ntxhov tua kiag rau hnub ntawd thiab tseem txhib ib cov dav hlau ya mus tua cov Ais Es uas nyob ntau ntau thaj tsam hauv Xis Lias teb.
    Kwv tij, lub caij no nyob hauv teb chaws Is Lav nram yav qab teb, mas kuj muaj ib cov tub rog Mes Kas uas qhia rawv cov tub rog Is Lav kom txawj tiv thaiv cov tub rog Ais Es. Tab sis los txog tav no mas cov tub rog Ais Es kuj tseem muaj zog kawg nkaus.
    Yog vim li no, ces thiaj ua rau cov tseem fwv Mes Kas thiab cov tseem fwv Aws Los Pas xav tias ntshe yuav tsum pab cov tub rog Is Lav thiab cov tub rog Xis Lias cheb ntxuav cov Ais Es ntxiv mus kom heev dua qub. Ua rau lub caij no cov tseem fwv Fab Kis tau xa ib lub nkoj uas thauj dav hlau tua rog mus nyob ze ze rau ntawm lub hiav txwv Paws Xias npaj tua cov Ais Es.
    Paj nruag
    Hais txog zaj xwm 3 : Nyob Suav teb, muaj ib tug Tswv Qhia Suav laus laus tau tas sim neej, mas yog li no :
    Kwv tij phooj ywg, tus Tswv Qhia Suav ntawd lub npe hu ua Sis Ees Xaas, nws hnub nyoog 94 xyoos lawm, nws yog tus Tswv Qhia nyob hauv lub Ceeb Koom Txoos Yis Xis Aas hauv xeev Huj Npej. Tus Tswv Qhia Sis Ees Xaas no nws raug cov tseem fwv koom tshaj Suav txhom coj mus kaw hauv nkuaj ntev txog 53 xyoos nkaus.
    Tswv Qhia Sis Ees Xaas raug kaw xyoo 1962, ces lub caij uas nws nyob hauv nkuaj 53 xyoos ntawd mas nws tau raug quab yuam ua ntau ntau yam hauj lwm rau tseem fwv Suav.
    Kwv tij, txij lub 4 hlis tim 13 xyoo 2001 los mus, mas tsis paub tseeb tias tus Tswv Qhia no raug cov tseem fwv Suav tshais chaw coj mus kaw rau qhov twg lawm. Vim tias nws tej txheeb ze thiab cov neeg ntseeg sawv daws uas nyob hauv lub Ceeb Koom Txoos Yis Xis Aas puav leej tsis muaj leej twg hnov nws lub moo kiag li.
    Tab sis hnub tim 30 lub 1 hlis xyoo 2015 no, cov tseem fwv Suav tau ceeb toom rau nws tsev neeg tias : « Tswv Qhia Sis Ees Xaas tau tag sim neej lawm ». Tiam sis los txog tav no cov neeg ntseeg hauv lub xeev Huj Npej thiab nws tej txheeb ze puav leej laj tos txog hnub uas lawv pom Tswv Qhia lub cev ntaj ntsug uas tau tag sim neej.
    Li ntawd, nyob ntau ntau thaj tsam hauv Suav teb, mas cov neeg ntseeg Ntuj raug tseem fwv Suav ua nruj nruj kawg rau lawv, ces ua rau cov neeg ntseeg tsis tshua muaj kev ywj pheej pes tsawg nyob hauv txoj kev teev Ntuj thiab kuj ua rau lawv ntxhov siab kawg nkaus.
    Kwv tij phooj ywg, 23 xyoos sis law, mas Tswv Qhia Sis Ees Xaas raug cov tseem fwv Suav quab yuam kom mus ua hauj lwm hnyav hnyav rau hauv tej qhov thee av thiab nyob rau hauv tej liaj teb. Hos xyoo 1989, Tswv Qhia Sis Ees Xaas kuj tawm hauv tsev loj faj los nyob rau hauv lub nroog Yis Xis Aas ib zaug, ces nws tau nrog ib cov Tswv Qhia hauv lub Koom Txoos Zais Ntshis sab laj. Lub caij ntawd lawv sib tuav xam tau 2 hnub, ces txawm muaj ib cov tub ceev xwm coob coob tuaj ntes cov Tswv Qhia ntawd thiab coj lawv mus kaw rau hauv nkuaj. Lawv lub txim, mas yog raug kaw ntev li 4 xyoos.
    Thaum cov neeg ntseeg nyob Suav teb hnov qhov xwm no, ua rau lawv sawv daws ntxhov siab kawg txog tej yam li no. Tiam sis txawm li cas los xij, cov neeg ntseeg Suav yeej paub tias Tswv Qhia Sis Ees Xaas tau ua tim khawv zoo heev rau hauv txoj kev ntseeg txog Tswv Ntuj lawm.
    Kwv tij, tseem muaj dua ib tug Tswv Qhia hu ua Yas Kos Xus Zees Mis, hnub nyoog 84 xyoos, nws yog tus Tswv Qhia saib cov neeg ntseeg hauv lub Ceeb Koom Txoos Npaus Dees, uas nyob Suav teb. Xyoo 1997 thaum lub 10 hli hnub tim 8, mas Tswv Qhia Yas Kos Xus Zees Mis kuj raug cov tseem fwv Suav ntes coj mus kaw rau hauv nkuaj los txog niaj hnub no tseem tsis tau tso tawm thiab.
    Li ntawd, mas hais rau peb tsoom Hmoob sawv daws paub tias : « Peb twb nyob rau cov teb chaws uas muaj kev ywj pheej lawm, xav kom peb tsoom Hmoob uas yog neeg ntseeg Ntuj sawv daws huv tib si sib hlub thiab sib pab li ib cov kwv tij tiag tiag nyob hauv Huab Tais Yes Xus lub Koom Txoos. Vim tias nyob rau cov teb chaws koom tshaj thiab cov teb chaws Mawv Xis Lim, mas muaj ntau ntau zaus txoj kev ntseeg Ntuj raug tej nom tswv txwv thiab ua phem los tsim txom cov neeg ntseeg Ntuj heev kawg nkaus, ua rau cov neeg ntseeg thiab lub Koom Txoos Kav Tos Liv muaj kev ntxhov siab ntau yam ».
    Kwv tij phooj ywg, ua li mas peb vam tias sawv daws yuav muaj txoj kev sib hlub sib pab nyob rau hauv peb tsoom Hmoob. Hnub no kuv tsuas coj 3 zag xov xwm tuaj ntsib nej sawv daws xwb, yam li :
    1. Hais txog nyob Los Tsuas teb, muaj ib cov neeg ntseeg Plos Tes Taas raug tseem fwv ntes.
    2. Hais txog nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj.
    3. Hais txog nyob Suav teb, muaj ib tug Tswv Qhia Suav laus laus tau tag sim neej.
    Kwv tij, ua li mas txuas ntxiv ntawm no mus thov caw nej los mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo !
    Paj nruag

    Zaj no Txiv Plig Txhiaj Foom ua nyob Lomsak.
    Haam Kub pab ntaus thiab kho me ntsis.
    Hnub tim 24 lub 2 hlis xyoo 2015













    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 27th February 2015, 1:12 am



    March 1- 2015 LUB CAIJ 40 Hnub Chiv 2 Xyoo B

    NTSEEG TXOG LEEJ NEEG LUB CEV KEV SAWV ROV LOS
    NTSEEG TXOG MUAJ TXOJ SIA NYOB MUS LI


    Cov kwv tij , peb nyob hauv lub Caij 40,
    uas yog ib lub caij zoo rau peb sau siab los mus txhab zog rau peb tej kev ntseeg Ntuj kom ruaj nreb khov kho

    Ntawv Moo Zoo qhia peb zoo li no tias :” Saum ib lub roob siab Yes Xus txia ntshis ua ib tug neeg tshiab nyob ntawm lawv xub ntiag. Yes Xus tej ris tsho ci dawb vog - Nyob ntiaj teb tsis muaj ib yam tshuaj yuav ua tau kom dawb vog cuag li ntawd..Ces txawm muaj ib tw huab los ntxoov roos lawv. Lub suab nrov hauv twv huab ntawd yeej yog Huab Tais Leej Txiv lub suab .- Nws hais tias: “Tus no yog kuv Leej Tub uas kuv nyiam kawg.- Nej mloog nws mog”..Ib ntsis Yes Xus txhib peb tus thwj tim kom xwv lawv tos kom Leej Neeg tus Tub sawv hauv cov tub tuag rov los tso , ces lub caij ntawd mas cov thwj tim yuav qhia tau tias Yes Xus lub hwj chim tau tawm los.. Thaum ntawd mas peb tus thwj tim poob siab nthav- Lawv rov sib nug tias :” Lo lus tias :” Kev sawv hauv cov tub tuag rov los “ thiaj yog lo lus hais txog dab tsi ?“ Mas Kos 9;2-10
    Lub ntsiab lus tseem ceeb kuj mus li no tias: Yes Xus, uas yog tus Yaj Saub tseem ceeb, nws xub paub tias : Yuav muaj ib hnub nws yuav raug luag ntes, thiab ib cov neeg phem yuav muab nws tua , mas thaum tej yam ntawd yuav tshwm sim tuaj , cov thwj tim yuav ntseeg khov kho tias Yes Xus yog Tswv Ntuj Leej Tub - Tswv Ntuj lub hwj chim yeej nyob txawm hauv Yes Xus. Ces Leej Txiv nyob saum ntuj kuj yuav tsa Yes Xus ntawm cov tug tuag rov los. Thaum ntawd, Tswv Ntuj tib lub hwj chim uas Leej Txiv nyuam qhuav muab hauv Yes Xus lub cev, raws li lawv 3 leeg pom no, mas Huab Tais Leej Txiv kuj yuav rov muab los pub rau Yes Xus. Ua li ntawd Yes Xus hais rau cov thwj tim kom lawv tej kev ntseeg txhob ua zog los mas.”
    Cov kwv tij, hnub no peb zoo siab rov nco tias peb tau txais lub Cim Ntxuav mas “ Peb txoj sia nrog Huab Tais Yes Xus Pleev tsiv nraim hauv Tswv Ntuj - Huab Tais Yes Xus Pleev yog peb txoj sia. Ua li thaum Huab Tais yuav tawm los rau pom xyeem, mas peb kuj yuav nrog nws tawm los muaj hwj chim “ K L X 3:3-4
    NTSEEG TXOG LEEJ NEEG LUB CEV KEV SAWV ROV LOS
    NTSEEG TXOG MUAJ TXOJ SIA NYOB MUS L I.
    Cov kwv tij, peb niaj hnub zoo siab khaws Huab Tais Yes Xus tej lo lus tseeb tseeb tias :” Kuv yog Txoj Kev Sawv Rov Los thiab yog Txoj Sia- Tus ntseeg txog kuv, tab yog nws tuag lawm, nws yuav muaj txoj sia nyob “ Z 11:25
    Peb yuav nco txog Huab Tais lo lus tias : “ Thaum kuv mus npaj tau ib qhov chaw rau nej lawm, kuv yuav rov los coj nej mus nyob ze kuv ,kom xwv kuv nyob qhov twg, nej nrog kuv nyob qhov ntawd “ Z 14:3

    Tsis tas li ntawd xwb, peb niaj hnub zoo siab khaws tus Hauv Paus Xa Lus Paj Lug tej lo lus tseeb tias : “ Thaum nej muaj ib tug neeg tuag ,mas nej yuav tsis txhob tu siab xws li ib co neeg uas tsis muaj kev tso siab…Peb kuj tso siab tias : peb yuav mus cuag Huab Tais nyob saum ntuj- Peb yuav mus nrog Huab Tais nyob mus li Peb sawv daws nco ntsoov txog cov lus no, peb thiaj rov sib pab ua siab loj”
    1 TXLN 4:13-18

    Yog vim Tswv tshaj lo lus tias : “Peb rov sib pab ua siab loj “,mas peb tsis ntshai kev mob kev nkees,,kev ploj kev tuag
    Peb kav tsij ” siv peb txoj sia los pab peb cov kwv tij , raws li Yes Xus tus piv txwv”. .Ces lwm xyoo, puag lwm xyoo, “peb yuav tau coj lub neej muaj hwj chim mus li zoo cuag li Huab Tais Yes Xus nyob pem Tswv Ntuj lub Ceeb Tsheej ntag “ 1 Zam 3:16 + 4; 17

    THOV NTUJ : Huab Tais Leej Txiv, peb ua koj tsaug, rau qhov tias koj tau xaiv peb los ua koj cov me nyuam . Peb zoo siab NTSEEG TXOG LEEJ NEEG LUB CEV KEV SAWV ROV LOS - NTSEEG TXOG MUAJ TXOJ SIA NYOB MUS L I.
    Li ntawd lwm hnub tuaj ,peb thiaj yuav tau nrog koj nyob mus li, pem Tswv Ntuj lub Ceeb Tsheej..Tab sis peb thov koj txhab zog rau peb tej kev ntseeg..yam peb yuav ua siab loj siab tawv qhawv mus li

    T.P. Txhiaj Foom omi








    Sponsored content

    Re: TP.Txhiaj Foom lub TSEV Ntawv

    Post  Sponsored content Today at 3:41 am


      Current date/time is 10th December 2016, 3:41 am