Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TP.Txhiaj Foom lub TSEV Ntawv

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    TP.Txhiaj Foom lub TSEV Ntawv

    Post  Maiv Tooj on 15th July 2011, 2:43 am


    Txiv Plig Txhiaj Foom

    NTHUAV NTAWV NTSHIAB






    NTSEEG TXOG LEEJ NEEG LUB CEV KEV SAWV ROV LOS


    1 : Kev ntseeg thiab kev tso siab lug txhawv ntawm dab tsi los ?
    2 : Tswv Ntuj Lo Lus yog QHOV TSEEB
    3 : Yus tsis muaj tswv yim txaus los to taub tas txhia yam peb ntseeg txog.
    4 : Yus tej kev ntseeg yog lub teeb ci ci kaj yus tej siab ntsws zoo tshaj plaws
    5 : Hauv tas txhia yam peb ntseeg txog, mas puas muaj tej yam uas peb tsis pom - tab sis peb zeem tau meej tias muaj tseeb tiag ?
    6 : Hauv haiv neeg His Xas Lais thiaj muaj ib cov neeg pib ntseeg txog leej neeg lub cev kev sawv rov los
    7 : Huab Tais Yes Xus yog tus qhia lo lus meej pem tias : tus tib neeg lub cev kev sawv rov los
    8 : Ob tug Hauv Paus Xa Lus Paj Lug thiab Zam kuj tshaj lus txog leej neeg lub cev kev sawv rov los
    = Tswv Ntuj Lo Lus yog Lo Lus Tseeb…

    1: Kev ntseeg thiab kev tso siab lug txhawv ntawm dab tsi los ?

    = Yav dhau los nyob As Xias teb, thiab lub zim txwv no hauv 2 - 3 lub teb chaws mas yus kuj pom tej pab Hmoob nrhiav tau kev nyob kaj lug kaj nrig hauv txoj kev tig los yuav lub siab tshiab. Yam li lawv ntseeg txog Tswv Ntuj tib leeg xwb – Lawv tso lawv lub neej rau hauv Tswv Ntuj txhais tes - Lawv khaub zig txog Huab Tais Yes Xus – Lawv niaj hnub xyaum nyiam Tswv Ntuj ” tas siab tas ntsws tas tswv yim tas zog”.
    Tim li cas lawv ua li ntawd ? Vim tias Leej Ntuj Plig Ntshiab nqes los tshoj lawv tej siab ntsws.(Saib D.V # 5 …*** )
    Ua li « tej lo lus uas peb txais ntawm cov tub tshaj Ntuj Lus tuaj mas peb tsis txais Lo Lus ntawd xws li neeg lo lus xwb - . Tab sis peb txais raws nraim Tswv Ntuj Lo Lus, vim yeej yog Tswv Ntuj Lo Lus tiag »
    Ces peb cov kwv tij Hmoob « nyob kaj lug kaj nrig nyob hauv Leej Ntuj Plig Ntshiab. Peb cov kwv tij ntawd niaj hnub xyaum tsob hwb tus Tswv Ntuj muaj txoj sia tib leeg xwb – Yog tus tseeb Tswv Ntuj ntag » 1 Tes Xas Los Nis 2,13 + 1,6 .
    Nyob hauv peb cov kwv tij lub siab mas « kev ntseeg yug ntawm kev mloog Tswv Ntuj Lo Lus los » Los Mas 10,14-17

    == Muaj lo lus nug zoo li no tias : nyob hauv Ntawv Moo Zoo, puas muaj tej phab ntawv ua puav pheej zeem tseeb tias : « Kev ntseeg yug ntawm kev mloog Tswv Ntuj Lo Lus los »
    == Yeej muaj ntau : Xub xav txog tus Nkauj Tsim Txiaj Mab Liab – Tom qab ntawd thiaj yuav qhuas txog tej pab neeg uas lawv zoo siab mloog lub Moo Zoo
    A : Xub xav txog tus Nkauj Tsim Txiaj Mab Liab:Lus Kas 1,26-38 ; Ntuj tus Tshiab xa xov tuaj rau Mab Liab. Saib Tswv Ntuj tshaj Lo Lus zoo li no rau Mab Liab tias : « Koj yuav xeeb tub - Koj yuav yug ib tug tub - Koj yuav tis nws npe hu ua Yes Xus..Luag yuav hu nws ua tus Nyob Siab Leej Tub »
    Tom qab ntawd ces Tswv Ntuj cog lus zoo li no tias :”Leej Ntuj Plig Ntshiab yuav los nyob saum koj . Tus Nyob Siab lub hwj huam yuav los roos koj”
    Thaum ntawd ces Mab Liab tsis ua xyem xyav. Nws yeej ntseeg khov kho tias : « Tsis muaj ib yam uas Tswv Ntuj ua tsis tau »
    Qhov kawg ces Mab Liab thiaj tuaj yeem ua tus Huab Tais Cawm neeg leej niam. Mab Liab hais tias : « Kuv yog Huab Tais tus ntxhais txib - Kuv xav kom muaj raws li koj hais »
    Mab Liab ntseeg thiab nyob kaj lug kaj nrig.
    A : .Nws ntseeg tias : Tswv Ntuj Lo Lus yog Lo Lus tseeb ,yam li Mab Liab yuav yug tus Huab Tais Cawm neeg, kuj yog vim tus Nyob Siab lub hwj huam yuav los roos nws
    B : Nws nyob kaj lug kaj nrig. Ua cas Tswv Ntuj xaiv nws los ua Tswv Ntuj tej dej num tseem ceeb tshaj plaws. Ces nws tus phauj Es Lis Xas Npes qhuas txog Mab Liab tias : «Koj tau ntseeg tias cov lus ( Huab Tais hais rau koj ), thiaj yuav tsheej xeeb nyob hauv koj, ces koj yuav tau nyob kaj lug kaj nrig tshaj plaws »
    Ib txwm los, lub Koom Txoos saib tus Nkauj Tsim Txiaj Mab Liab loj kawg nkaus kuj yog vim nws txoj kev ntseeg Ntuj( C C C # 148 – 149 )-
    B : Tej pab neeg coob kuj mloog lub Moo Zoo :
    = ++ Mas Tais Ntawv Moo Zoo kuj sau cia li no tias: “Yes Xus pom neeg coob coob tuaj – Nws mam li nce mus saum lub roob - Yes Xus zaum- Cov thwj tim txav los ze Yes Xus . Ces Yes Xus tsa ncauj qhia lawv txog tej zaj lus tshiab, uas thawj thawj lo lus mus li no tias :”Cov tau txoj hmoov zoo” MT 5,1-12
    ++ Lus Kas 4,31 : “Sawv daws qhuas txog Yes Xus cov lus qhia, vim nws hais lus muaj hwj chim”
    ++ Lus Kas 7,16 : ( Tom qab ntawm zaj lus tias: “Yes Xus tsa tus poj ntsuam nyob Nas Ees tus tub twm zeej sawv rov los lawm” mas Lawv cav txog Tswv Ntuj tias : “Ib tug yaj saub sawv los nyob hauv peb : Tswv Ntuj tuaj xyuas nws haiv neeg”
    ++ Lus Kas 19,48 : “Tsoom pej xeem mloog Yes Xus thiab lawv dai dhuam rau nws cov lus“ + Lus Kas 9,43 : “Sawv daws nyob hab nuv vim lawv tau pom Tswv Ntuj lub hwj huam loj tas nrho”.
    Lub zim txwv no, peb ib cov kwv tij kuj ntseeg thiab tso siab lug rau Tswv Ntuj, kuj yog vim tias ,hauv lub Koom Txoos , tej lo lus uas peb txais ntawm cov tub tshaj Ntuj Lus mas : “Peb tsis txais Lo Lus ntawd xws li neeg lo lus – Peb txais raws nraim Tswv Ntuj Lo Lus, vim yeej yog Tswv Ntuj Lo Lus tiag ….Peb thiaj li zoo siab nyob hauv Leej Ntuj Plig Ntshiab - Cov kwv tij ntawd mam li pib xyaum tsob hwb tus Tswv Ntuj muaj txoj sia – yog tus tseeb Tswv Ntuj ntag ”1 Tes Xas Los Nis 2,13 + 1,6
    Rov hais dua : Kev nyob kaj lug kaj nrig hauv txoj kev ntseeg kuj txhawv ntawm kev tshaj Ntuj Lus los – Kev tshaj Ntuj Lus yog kev tshaj Leej Pleev Lo Lus” - Los Mas 10,14-17
    Ces peb zoo siab hais tias: « Ua li »( los « Amen ». = : « Yog tiag tiag »

    2 : Tswv Ntuj Lo Lus yog QHOV TSEEB :
    ( D.V. # 11 )
    Lub ntsiab lus mus li no tias : Tswv Ntuj Lo Lus yog Qhov Tseeb – « Tswv Ntuj dag tsis tau » Hes Nplaws 6,18
    - Hos Leej Ntuj Plig Ntshiab tshoj neeg lub tswv yim kom yuav tau tshaj Tswv Ntuj Lo Lus Tseeb raws li Tswv Ntuj lub siab nyiam - .
    Ces tej pab neeg uas tau txais Ntuj Lo Lus thiaj muaj txoj sia nyob mus li - Tswv Ntuj mam li « pub hwj huam rau lawv kom los ua Tswv Ntuj cov me nyuam tas huv tib si » Zam 1,12

    == Yes Xus hais lo lus tseg li no tias : « Kuv yog Txoj Kev , yog Qhov Tseeb thiab yog Txoj Sia » Zam 14,6
    = = « Yes Xus tseem tau ua lwm cov cim ntau nyob ntawm cov thwj tim xub ntiag, uas tsis tau muab sau rau hauv phau ntawv no – Tau muab cov cim no sau tseg kom nej ntseeg tias : Yes Xus yog Leej Pleev - Yog Tswv Ntuj Leej Tub – Nej ntseeg, ces nej yuav muaj txoj sia nyob hauv Huab Tais Yes Xus lub npe » Zam 20,30-31
    = = « Tas cov Ntawv Ntshiab huv tib si, yog Tswv Ntuj tshoj neeg kom muab sau tseg » 2 Tis Mos Tes 3,16 + D V # 11
    = = « Nej ua tib zoo txais cov Yaj Saub tej lus khov kho – Tej lus ntawd yog ib lub teeb ci hauv qhov tsaus ntuj – Yog lub teeb ci mus txog lub caij nkauj hnub tawm tim hauv ntuj los ziab – Yog lub teeb ci mus txog lub caij uas lub hnub qub kaj ntug tawm los ntsais hauv nej lub siab . Thawj yam uas nej yuav tsum paub yog qhov no : nyob hauv Ntawv Ntshiab, tsis muaj ib lo lus uas tus Yaj Saub yuav lam hais raws li nws xav – Tsis yog vim neeg lub siab xav, ces nws cia li muaj lo lus ua yaj saub tawm los – Yog vim Leej Ntuj Plig Ntshiab tshoj, ces thiaj muaj tej tus neeg hais tau cov lus tuaj ntawm Tswv Ntuj tuaj » 2 Pob Zeb 1,19-21
    Ua li , peb zoo zoo siab txais Ntuj Lo Lus, uas yog Lo Lus Tseeb.
    Saib : « Ntawv Ntshiab zoo pab yus qhia txuj , zoo pab yus tiv cov neeg dag, pab kho tej zaj yuam kev , pab mus taug kev ncaj – Ua li mas Tswv Ntuj tus neeg hlob tiav lawm – Tswv Ntuj tus neeg muaj txhij muaj txhua pab nws ua cov hauj lwm zoo » 2 Tis Mos Tes 3,16-17
    CCC # 2653 : « Tswv Ntuj lo Lus kuj ntim Huab Tais Yes Xus Pleev tej txuj ci ».
    Ua li, thaum yus txais Tswv Ntuj Lo Lus , yus nrog Tswv Ntuj sib tham. Saib : « Thaum peb teev hawm Tswv Ntuj mas peb cev peb tej lus rau Nws – Hos txhua txhia lub caij peb twm Tswv Ntuj Lo Lus mas peb qhib peb lub siab los mloog Nws ntag » - Leej Ntshiab Aas Nplos Xyus (St Ambrose )
    « Tus tib neeg twg tsis paub dab tsi txog Ntawv Ntshiab mas txhais tias : nws tsis paub dab tsi txog Huab Tais Yes Xus Pleev »
    (Leej Ntshiab Yes Los Mius-St. Jerome CCC 133)
    « Tswv Ntuj Lo Lus yees ua kom txoj kev ntseeg loj hlob tuaj » CCC 1102
    « Yog vim Tswv Ntuj Lo Lus, peb thiaj li « nco ntsoov » txog tas cov hwj huam yees ntxwv Tswv Ntuj tau ua los pab cawm peb cov neeg kom rov ntshiab tuaj . Peb thiaj cav lus zoo txog Tswv Ntuj yooj yim – Peb kuj nco txog Tswv Ntuj txiaj ntsha txiaj ntsim, tsis nyuaj lauj » CCC 1103

    3 : Yus tsis muaj tswv yim txaus los to taub tas txhia yam peb ntseeg txog :


    = « Tswv Ntuj cov paj tshab muaj nqis tas nrho ! Tswv Ntuj lub tswv yim thoob tsib tas nrho ! Tswv Ntuj cov txuj tob tas nrho ! Neeg tsom tsis tau Tswv Ntuj Lo Lus”” Los Mas 11,33-36
    = ( Yog Tswv Ntuj tib leeg pub tau kev thoob tsib ) :”Tus neeg twg thiaj yuav paub tau Tswv Ntuj tus nru lus ? Leej twg yuav mem tau qhov uas Huab Tais nyiam ? Leej tib neeg uas txawj tuag, nws zaj tswv yim tsis ruaj . Neeg lub cev txawj lwj, ua nra hnyav qees rau neeg tus plig - Neeg lub cev zoo li ib lub tsev av nkos tsuam tus plig uas muaj kev txhawj nyob puv hauv” “Peb yuav luag mem tsis tau tias muaj dab tsi nyob ntiaj teb no - Peb siv siv zog thiaj nrhiav tau tej yam uas nyob ze ntawm peb txhais tes : ua li mas, yog leej twg thiaj yuav nrhiav tau tej yam uas nyob saum ntuj ?
    “ Huab Tais, leej twg yuav paub tau koj lub lub siab, yog tias koj tsis pub kev thoob tsib thiab koj tsis tso koj lub Tswv Yim Ntshiab tuaj saum ntuj tuaj
    “Vim muaj li ntawd, ces cov neeg nyob ntiaj teb no tej xub ke ncaj tuaj “Thoob Tsib 9,13- 18

    Nkauj Paj Nruag 94, 8-11: “Tsoom neeg ruam, nej yuav tsum paub !
    Tus cog pob ntseg rau neeg, nws tsis txawj hnov lus lod ?
    Tus puab qhov muag rau neeg , nws tsis txawj ntsia lod ?
    Twb yog nws pub kev txawj ntse rau neeg
    Huab Tais paub zaj tswv yim uas neeg xav
    Nws paub tias yam neeg xav yog cua.
    Nkauj Paj Nruag 138,8 :” Huab Tais yuav ua tas puas tsav yam rau kuv.
    Huab Tais,koj lub siab hlub nyob mus ib txhiab ib txhis
    Koj txhob tso cov hauj lwm tawm ntawm koj txhais tes pov tseg
    Nkauj Paj Nruag 139,6 + 17 – 18 : “ Koj txoj kev paub ntau yam, tob dhau rau kuv, siab dua qhov kuv ncav tau !..
    Tswv Ntuj ! Yam koj xav tob ua luaj rau kuv
    - Koj cov tswv yim, muaj ntau tas nrho !
    Kuv xav suav, tab sis koj cov tswv yim ntau dua cov suab puam:”
    Cov Paj Lug 15,33 :” Txoj kev hwm Huab Tais qhia kev thoob tsib .
    Kev nyiam ua neeg me xub mus ua ntej, ces kev nto koob meej mam li lawv qab.
    Cov Paj Lug 16,19: “ Yus yuav nyiam ua neeg me fim cov neeg me, zoo dua nrog cov neeg muab hlob sib huas nyiaj txiag “
    Tswv Ntuj Lo Lus kuj yog ib hom tshuaj pab daws yus tej qhov nqhis:
    “Tswv Ntuj yog txoj kev nyiam: tus twg nyob hauv txoj kev nyiam, mas nws kuj nyob txawm hauv Tswv Ntuj thiab Tswv Ntuj nyob txawm hauv nws”
    1 Zam 4,16
    “ Lub zog yeej lub qab ntuj neeg yog txoj kev ntseeg.“ Tus yeej lub qab ntuj neeg yog tus ntseeg tias Yes Xus yog Tswv Ntuj Leej Tub” 1 Zam 5,4-5
    Tswv Ntuj Lo Lus ” muaj nqe dua ib txhab nyiaj txhab kub” NPN 119.72
    “ Qhov uas Huab Tais xav kom koj ua mus, mas tsuas yog ;
    1: ua raws txoj kev ncaj xwb –2 : yog rau siab hlub luag mos nyoos –
    3 : thiab xyaum ua neeg me nyob ntawm koj tus Tswv Ntuj lub xub ntiag
    ‘Mis Kas 6, 8

    4 : Yus tej kev ntseeg yog lub teeb ci ci kaj yus tej siab ntsws zoo tshaj plaws :

    Xub hais ib lo lus ua piv txwv tso : nyob hauv peb lub neej ua neeg nyob mas yeej muaj ntau yam, uas yus qhov muag tsis pom, tab sis yus lees tias: yeej muaj tseeb tiag, xws li hluav taws xob.. Ib yam ntxiv tias : yus siv lub xov tooj tuav ntawm tes. - Ib ntsis yus hnov lwm tus lub suab – Yog yus niam yus txiv los yus tus phooj ywg. Yus pom tsis tau nws ntsej muag, tab sis yus lees paub tias yeej yog yus niam los yus tus phooj ywg tiag , puas yog ?
    Mas, hauv yus nruab siab, yus ” thiaj pom tau raws li Tswv Ntuj pub yus pom – Yus hnov Tswv Ntuj Lo Lus teb, ces yus qhov muab qhib los” Xam Phaj 24,4.
    Mas yus niaj hnub zoo siab ua neeg ntseeg Ntuj - Yus yeej paub tseeb tias yus yog ib lub tsev rau Leej Ntuj Plig Ntshiab nyob. Ces Leej Ntuj Plig yeej yog lub teeb ci kaj yus lub tswv yim. Li ntawd ”muaj tej yam uas yus qhov muag tsis pom, tab sis yus yeej lees tias muaj tseeb tiag” : Hes Nplaws 11,1
    = ( Yus nyeem Zam Ntawv Moo Zoo 21,19- 23 : Tom qab ntawm qhov tias Yes Xus sawv hauv cov tub tuag rov los , mas Yes Xus tawm los rau cov thwj tim pom, thaum Tos Mas tsis nyob. Thiab zaj lus tias Yes Xus rov yees tawm los rau cov thwj tim pom, thaum Tos Mas nyob. Hmo ntawd mas Tos Mas hnov lwm tus thwj tim lo lus tias :” Peb tau pom Huab Tais lawm”. Tab sis Tos Mas yeej tsis kam ntseeg lo lus lawv hais kiag ( qib 25 )- Nyob tsam Tos Mas thuam lawv tas siab , xws li lo lus tias : “ Nej lam hais xwb. Nej sawv daws poob tswv yim tas tus lauj “-
    . Mas yim hnub tom qab, Yes Xus rov tawm los sawv hauv nruab nrab cov thwj tim – Yes Xus hais rau lawv tias :” Nej nyob thaj yeeb mog !”. Ces Yes Xus hais rau Tos Mas tias:” Tos Mas, kuv tus phooj ywg , koj cev koj ntiv tes rau ntawm no – Koj ntsia kuv ob txhais tes – Muab koj txhais tes los – kov kuv phab tav – Koj txhob ua neeg tsis ntseeg ntxiv – Koj ntseeg mog !”- Tos Mas txhos caug, nws thiaj teb rau Yes Xus tias :” Kuv tus Huab Tais – Kuv tus Tswv Ntuj !”- Yes Xus hais rau Tos Mas tias :” Vim koj pom kuv ces koj thiaj ntseeg - Cov uas tsis tau pom, tab sis lawv ntseeg , mas lawv txoj hmoov zoo”
    Cov kwv tij od, hmo Tos Mas pom xyeem Yes Xus ntawm qhov muag mas Tos Mas txoj kev tsis ntseeg kuj pauv ua kev ntseeg khov kho ntag.
    Saib : nws txhos caug hais rau Yes Xus tias: “Kuv tus Huab Tais =- Kuv tus Tswv Ntuj !”..Txhais tias : Tos Mas yog ib tug me neeg xws li peb sawv daws huv tib si. Nws ntseeg Ntuj nyuaj kawg nkaus - Qhov kawg ces Tos Mas ntseeg ruaj nreb khov kho : tus nyob ntawm nws xub ntiag thiaj yog Tswv Ntuj Leej Tub, uas tau yuav ib lub cev neeg…Tos Mas nyob kaj lug kaj nrig, vim tias Yes Xus sawv hauv cov tub tuag rov los tiag – Nws tau yeej kev tuag. Ua li nyem no mus lawm yav tom ntej “ Yes Xus yuav tsis rov tuag dua – Txoj kev tuag yuav tsis muaj cuab kav rov tuaj raug nws ib zaug ntxiv” Los Mas 6,9
    Cov kwv tij, tsim nyog peb yuav thov Leej Ntuj Plig Ntshiab pab , kom peb tej kev ntseeg loj hlob tuaj li hais no: “Tej yam uas peb tsis pom yeej muaj tseeb tiag”. Ces peb yuav nyob kaj lug kaj nrig ntag.

    = Yus kuj mus twm 2 qib lus hauv tus Hauv Paus Xa Lus Pob Zeb thawj tsab ntawv tias :” Nej tseem tsis tau pom Yes Xus Pleev, tsis kav nej twb nyiam nws – Nej tseem tsis tau pom Yes Xus, tsis kav nej ntseeg - Mas nej yuav tau ib txog kev zoo siab uas piav tsis tau - Ua li mas nej hom khaj mog - Nej twb muaj koob meej, vim nej txais kev ntseeg tus nqi, uas yog txov kev cawm nej tus plig” 1 Pob Zeb 1, 8- - 9.
    Ua li ,tas peb sim neej, peb kuj yuav tsis pom Yes Xus – yuav tsis hnov Huab Tais tshaj lub Moo Zoo rau peb – peb yuav caw tsis tau Yes Xus nrog peb koom noj ib pluas mov..Yog li ntawd peb yuav ua dab tsi, peb thiaj zeem tau meej tias : “ Huab Tais Yes Xus niaj hnub ua peb luag – Nws nrog peb nyob nraim. Qhov peb zeem tau meej kuj yog vim tej qub lus Huab Tais tau cog tseg rau nws cov thwj tim tias: “Kuv niaj hnub nrog nej nyob nraim, mus txog lub zim txwv ntiaj teb kawg” Mas Tais 28,20. ? ?
    Peb tsuas yuav ua ib yam tseem ceeb xwb, yam li peb yuav hu txog Leej Ntuj Plig Ntshiab kom nws nqes los tshoj peb lub laj lim plab plaws, kom peb thiaj yuav” zeem tau meej tias : Huab Tais nyob ze peb tag mus li, tsis tu ncua -. Nruab hnub, hmo ntuj , peb thiaj tau nrog nws tham – peb cev tau peb tej kev nyuaj siab ntxhov plawv rau nws.- peb thov Huab Tais pov hwm peb thiab hlub peb…
    Cov kwv tij hmov thiab tshua , yuav tsum muaj Leej Ntuj Plig Ntshiab tej txiaj ntsim pab, peb thiaj li yuav muaj kev ” zoo siab hom khaj” li Leej Ntshiab Pob Zeb lo lus hais.

    5 : Hauv tas txhia yam peb ntseeg txog, mas puas muaj tej yam uas peb tsis pom - tab sis peb zeem tau meej tias muaj tseeb tiag ?


    Cov kwv tij, tsuas hais txog ob yam xwb.
    1 : Hais txog Thaj Txi Ntuj thiab lub Cim Yug
    2 : hais txog yus zaj ntseeg tias : Ntseeg txog leej neeg lub cev kev sawv rov los -
    = Yam ib tias : txhua txhia Hnub Chiv , peb nrog pawg ntseeg hauv peb zos mus ua Thaj Txi Ntuj- Peb kuj zoo siab mus txais lub Cim Yug. Thaum ntawd peb tsuas pom ib cov ncuav mov me me xwb – Hos peb tsis pom Huab Tais – peb tsis hnov nws lub suab - Tab sis Leej Ntuj Plig Ntshiab niaj hnub tshoj peb siab, ces peb zoo siab hom khaj zeem tau meej tias yog Huab Tais, ib yam nkaus li Tos Mas, hais tias :” Kuv tus Huab Tais - Kuv tus Tswv Ntuj” Zam 20,28
    == Thaum peb hwm Huab Tais Yes Xus zoo li ntawd mas peb ua Ntuj tsaug ntau, kuj yog vim 3 yam;
    1 : Thaj Txi Ntuj thiab lub Cim Yug thiaj yog ib yam hwj huam yees ntxwv loj kawg nkaus uas Huab Tais niaj hnub ua los roos peb siab
    2 : Huab Tais hais tseg tias: “ Kuv yog cov mov muaj txoj sia nqes saum ntuj los” Zam 6,51 - Ua cas Huab Tais tau tsim lub lub Cim Yug ces nws thiaj nyob ze peb tag npaud
    3 : Hauv tas txhia yam Huab Tais tau tsim los, mas lub Cim Yug yog qhov muaj nqe tshaj plaws
    ( In English : 1 :The celebration of the Eucharist is : God’s miracle of love – 2 : It is God’s mystery of proximity – 3 : It is the masterpiece in the new creation . )
    = Peb yeej tsis muaj tswv yim txaus los to taub lub Cim Yug – Li ntawd , peb kuj yuav tsis muaj plhus nrog Tswv Ntuj sib cav tias:” Huab Tais Tswv Ntuj ua qhov ntawd tsis leej tau ib zaug li !”…
    Ua cas peb yuav hais lus ntxhib tag npaud, rau Tswv Ntuj tias : qhov ntawd mas koj ua tsis leej tau kiag ?
    Phim peb yuav khaws Leej Ntshiab Paj Lug lo lus tias ::” Neeg, koj yog leej twg ,koj thiaj nrog Tswv Ntuj sib cav “ Los Mas 9,20….
    “ Peb kuj zeem tau meej tias: tej yam uas peb tsis pom los tab sis yeej muaj tseeb tiag “
    Peb yuav ua neeg me nyob ntawm Tswv Ntuj xub ntiag – Ces peb zoo zoo siab nco txog Ntuj tej txiaj ntsha txiaj ntsim muaj nqe tshaj plaws.

    Yam 2 tias : Hais txog yus tej kev ntseeg tias : ntseeg txog leej neeg lub cev kev sawv rov los : yus muaj ib tug kwv tij neej tsa tau tas sim neej – Yus tsis pom tus neeg ntawd lub cev rov ciaj sia, tab sis nws tau txais Huab Tais Yes Xus lub hwj chim nqes los nyob hauv nws los ua nws ntiag tug .
    Li cas los, yus tsis ua xyem xyav. Yus tsis nrog Tswv Ntuj sib cav. Tab sis yus rov nco ntsoov tias : “Huab Tais Yes Xus” cog lus ruaj nreb tias : Huab Tais yuav pab neeg zoo li ntawd. Mas Tswv Ntuj ib txwm tsis dag ib zaug” Tis Tos 1,2
    Ua li yus ua neeg me- Yus tsis mag kev ntaus siab yau-
    Yus ua Ntuj tsaug ntau, rau qhov tias : muaj ib hnub Huab Tais yuav ua raws li tej qub lus Nws tau cog tseg.
    Yus kuj tso siab lug tias: tus kwv tij uas tau tas sim neej mas muaj ib hnub nws yuav txais ib feem hauv Huab Tais Yes Xus lub hwj chim hauv nws lub cev nqaij daim tawv los ua nws ntiag tug –
    6 : Hauv haiv neeg His Xas Lais thiaj tau muaj ib cov neeg pib ntseeg txog leej neeg lub cev kev sawv rov los


    Hauv tas txhia haiv neeg nyob thoob qab ntuj - thiaj yog thawj thawj haiv neeg uas Leej Ntuj Plig Ntshiab tshoj tej tus neeg lub siab los mus ntseeg txog Tswv Ntuj tib leeg.. Nyob nyob ces ib cov neeg His Xas Lais nplua nuj zuj zus hauv kev ntseeg Ntuj tib leeg thiab kev tso siab lug txog neeg txoj hmoov ,,kuj yog dhau lub caij neeg tau tas sim neej.
    = Nkauj Paj Nruag 16
    “ Tswv Ntuj, thov koj txuag kuv, vim kuv tuaj khaub zig koj
    “ Kuv tsis muaj lwm qhov chaw kaj siab dua ntawm koj”
    “ Kuv cav lus zoo txog kuv tus Huab Tais uas qhia kev xav tswv yim
    “ Kuv cia Huab Tais nyob ntawm kuv xub ntiag tsis tseg .
    “ Vim nws nyob ntawm kuv sab xis, kuv yuav tsis qaij tsis qaug
    “ Koj yuav tsis tso kuv pov tseg rau ntuj txias teb tsaus.
    ” Koj qhia txoj kev muaj txoj sia rau kuv
    “ Nyob ntawm koj sab xis,muaj kev nplij siab tsis txawj tsuag mus ib sid = Txoj Cai Ob 4,39-40 :” Nej yuav tsum paub, yuav tsum nco ntsoov rau nruab siab tias : Huab Tais yog Tswv Ntuj tiag – Nws yog Tswv Ntuj nyob saum ntuj thiab nyob ntiaj teb no tib si – Tsis muaj dua lwm tus Tswv Ntuj ‘ + 5,4 :Huab Tais, peb tus Tswv Ntuj yog tus tseem Huab Tais - Tsis muaj dua lwm tus tswv ntuj . Koj yuav nyiam Huab Tais , koj tus Tswv Ntuj.. Tus koj yuav hwm yog Huab Tais, koj tus Tswv Ntuj – Koj yuav tsob hwb nws tib leeg xwb “ + His Xais 45,5-25
    = Das Nias 12,1-3 :” Cov pw tsaug zog hauv teb chaws plua tshauv plua av yuav rov tsim los ntau leej – Ib txhia yuav tau txoj sia nyob mus li – Ib txhia yuav raug poob ntsej muag, raug kev txom nyem mus ib txhiab mus ib txhis “
    = Mas Kas Npes 2 - 7,14 :” Kuv yeem tuag nyob hauv neeg txhais tes - Kuv tso siab tias Tswv Ntuj yuav tsa kuv ciaj rov los’
    7,17:” Tos tsis ntev , kuv yuav tau pom Tswv Ntuj lub hwj chim loj”
    7,23 : “ Tswv Ntuj siab zoo - Nws yuav rov muab txoj sia thiab lub tswv yim rau nej
    = Yob 19,25 – 26: ( Yob tso siab tias Tswv Ntuj yuav tsa nws sawv nyob ze Tswv Ntuj ) : “ Kuv paub tias tus txhiv kuv, nws muaj txoj sia – Hnub kawg, nws yuav sawv tsees los txiav txim rau lub ntiaj teb - Thaum kuv yuav xeev rov los, mas nws yuav tsa kuv sawv nyob ze nws, ces kuv cev nqaij yuav tau pom Tswv Ntuj.
    ==== Thaum Yes Xus ncig teb chaws His Xas Lais,mas nws kuj ===
    ==== tau ntsib ob peb tug Xas Dus Kais - Lawv yog cov uas === hais tias neeg tuag tsis muaj kev sawv rov los - LK 20,27-40 ===



    7 : Huab Tais Yes Xus yog tus qhia lo lus meej pem tias : tus tib neeg lub cev kev sawv rov los .

    = Huab Tais Yes Xus yog Tswv Ntuj Leej Tub .” Nws tej Lo Lus yog Qhov Tseeb” Zam 14,6
    = “Txog lub sij hawm uas tas ib tsoom neeg nyob hauv ntxa yuav hnov Neeg Leej Tub lub suab : Ces lawv yuav tawm los – Cov tau ua zoo, yuav sawv rov los los txais txoj sia – Hos cov tau ua phem, yuav sawv rov los raug txim” Zam 5,28-29
    =” Tus Xa kuv tuaj lub siab xav yog zoo li no : kom kuv tsis txhob ua ib yam ( uas nws muab rau kuv ) ploj li - Tab sis nws xav kom Hnub Kawg kuv tsa yam ntawd sawv rov los” Zam 6,39
    = “ Kuv hais qhov muaj tseeb tiag rau nej : leej twg khaws kuv cov lus, nws yuav tsis pom txoj kev tuag ib zaug” Zam 8,51
    Cov kwv tij, phim yuav qhib xyuas zaj 11 hauv Zam Ntawv Moo Zoo- Yog zaj tias :” Yes Xus tsa Las Ntxas Los sawv rov los, nyob Npes Tas Nias . Zam 11,1-44 ( Mas Tas yeej ntseeg tias Hnub Kawg leej tib neeg lub cev yuav sawv rov los )
    Qib 22 – 27 :” Mas Tas hais rau Yes Xus tias: “Kuv paub tias koj thov yam twg ntawm Tswv Ntuj, mas Tswv Ntuj yuav muab rau koj”- Yes Xus
    hais rau Mas Tas tias :” Koj tus nus yuav sawv rov los” – Mas Tas hais rau Yes Xus tias : “Kuv paub tias : thaum txog Hnub Kawg, lub caij leej tib neeg lub cev yuav ciaj rov los. mas kuv tus nus yuav sawv rov los”- Yes Xus hais rau Mas Tas tias :” Kuv yog Txoj kev Sawv Rov Los thiab yog Txoj Sia – Tus ntseeg txog kuv ( tab yog nws tuag lawm ) nws yuav muaj txoj sia nyob - Leej twg ua neej nyob ntseeg txog kuv, nws yuav tsis tuag ib zaug …Mas Tas, koj puas ntseeg qhov ntawd ?”
    “ Mas Tas hais rau Yes Xus tias :” Huab Tais, kuv ntseeg – Kuv ib txwm ntseeg hais tias koj yog Leej Pleev – yog Tswv Ntuj Leej Tub tuaj nyob hauv lub qab ntuj no” –

    8 : Ob tug Hauv Paus Xa Lus Paj Lug thiab Zam kuj tshaj lus txog leej neeg lub cev kev sawv rov los :

    = Tus Hauv Paus Xa lus Paj Lug kuj tshaj tej lo lus meej pem zoo li no tias:” Leej Pleev sawv hauv cov tub tuag rov los lawm tiag – Nyob hauv ib tsoom neeg, uas mus tsaug zog lawm, mas Huab Tais Yes Xus Pleev thiaj yog thawj tug uas tau sawv rov los “ 1 Kos Lis Nthos 15.20
    = “ Leej Pleev yog lub Hauv Paus - Nws yog tus xub yug los hauv cov tub tuag los” Kos Los Xais 1,15 – 16.
    =” Leej Pleev nyob hauv nruab nrab nej : nws yog peb txoj kev tso siab lug tias : nej yuav tau txais lub hwj chim” Kos Los Xais 1,27
    Tsim nyog peb khaws lo lus ntawd tias: “ Huab Tais Yes Xus yog thawj tug uas tau sawv rov los”. Ua li, lwm hnub tuaj, peb thiaj yuav raws nws qab – Peb lub cev nqaij daim tawv yuav txais ib feem hauv Huab Tais lub hwj chim los ua peb ntiag tug ntag –
    Tsis tas li ntawd xwb, Leej Ntshiab Paj Lug thiab Zam nkawd tseem tshaj lo lus no tias:” Huab Tais Yes Xus Pleev muaj hwj huam tswj txhua tsav txhia yam – Li ntawd, peb lub tseem ceeb tsheej nyob saum ntuj, vim peb tos Huab Tais yuav los cawm peb – Nws yuav muab peb lub cev txom nyem no hloov ua ib lub cev muaj hwj chim, xws li nws lub” Fis Lis Pos 3,20 – 21 + Fis Lis Pos 1,23 .
    Tus Hauv Paus Xa Lus Zam : “ Cov zoo nyiam, nyem no, peb yog Tswv Ntuj cov me nyuam - Qhov uas yav tom ntej peb yuav plhis mus zoo li cas, tseem tsis tau tawm los rau qhov muag pom xyeem - Peb paub tias : thaum Leej Pleev yuav tawm los rau qhov muag pom xyeem, mas peb yuav nyob zoo li Huab Tais , vim Huab Tais Yes Xus zoo li cas, mas peb yuav pom nws zoo li ntawd “ 1 Zam 3,2.

    TSWV NTUJ LO LUS LUS YOG LO LUS TSEEB Peb thiaj ” nrauj kev ntshai kev txhawj pov tseg “ 1 Zam 4,18
    “Peb ntseeg tias: Yes Xus tuag thiab sawv rov los - Tus tib neeg ntseeg tsis tu siab xws li cov neeg uas tsis muaj kev tso siab – Peb tso siab lug tias Tswv Ntuj yuav coj peb mus nrog Nws nyob mus li - Peb thiaj rov sib pab ua siab loj” 1 Tes Xas Los Nis 4,13 – 18

    Leej Ntshiab Tes Les Xas ntawm tus me nyuam Yes Xus(St. Therese of Lisieux) lo lus kawg rau ib pab Leej Phauj, xyoo 1897, tias :” Thov kom nej tsis txhob hais lus yuam kev tias:” Ib ntsis nws thiaj yuav tuag !” – Qhov tseeb mus li no tias :” Nyem no mas thiaj txog lub caij kuv yuav chaws los hauv txoj sia” CCC 1011

    C C C = Catechism of the Catholic Church = Phau ntawv pab nthuav piav kev ntseeg hauv lub Koom Txoos Kas Tos Liv
    * * *…D V = Dei Verbum - Lo lus no yog xeem lus Las Tis Nas – Txhais ua lus Hmoob mas thiaj hais = Tswv Ntuj Lo Lus. Yog txhawv ntawm lub Rooj Ncauj Lus Vas Tis Kas 2… lub 11 hlis, tim 18, xyoo 1965.

    Lub 12 hlis tim 26 – 2010
    T.P. Txhiaj Foom omi





    Last edited by Maiv Tooj on 15th August 2011, 9:29 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 18th July 2011, 6:56 am



    LUB NEEJ UA LEEJ CHOJ # 5



    ……………………………………………………………………………………………..
    Cov niam txiv , hnub no zoo hnub – Yog Hnub Chiv, uas yog lub hauv paus ntawm peb lub neej ntseeg Ntuj – Saib : Yes Xus sawv ntawm cov tub tuag rov los . Nws muab nws txoj kev hlub, uas muaj zog tas nrho, los yeej kev txhaum thiab kev tuag .ces txhua txhia Hnub Chiv peb zoo siab nrog ib pawg ntseeg cav txog Huab Tais Tswv Ntuj lub npe . Peb kuj nrog Huab Tais Yes Xus koom siab koom ntsws cav txog Tswv Ntuj lub txiaj ntsim, kuj yog nyob hauv Thaj Txi Ntuj - Peb saib Thaj Txi Ntuj loj tshaj lwm yam tas nrho, nyob hauv lub qab ntuj - Txhua txhia Hnub Chiv peb mam li kub siab nrog yus pawg ntseeg sib koom ua Thaj Txi Ntuj – Hos hauv tej lub zos uas tsis muaj tus Leej Choj , peb mam li zoo siab sib txoos teev hawm Tswv Ntuj..
    Ib ntsis nej yuav mloog zaj lus tseem ceeb ua Vaj Qhia Npes Nes Dis 16 tau tshaj tawm los qhia peb txog lub neej ua Leej Choj .
    Zaj nkauj : Yes Xus lub npe ….
    Zoo li hnub tim 13 lub 4 hlis, xyoo 2006 , yog Hnub Tsib Ntshiab mas nyob hauv lub tuam tsev teev Ntuj Leej Ntshiab Pob Zeb, tim lub lub nroog Los Mas, teb chaws Is Tas Lias, mas Vaj Qhia Npes Nes Dis 16 kuj tau tshaj tej lo lus tseem ceeb los txhab zog rau peb txoj kev ntseeg - yam tsoom Tswv Qhia sawv daws , tsoom Leej Choj, thiab tas tsoom pej xeem ntseeg Kav Tos Liv huv tib si yuav rov kub siab nyiam lub txiaj ntsim muaj nqe kawg , uas Huab Tais Yes Xus pub rau nws cov thwj tim, uas yog lub Cim Tiag Tes.- Ua li Vaj Qhia Npes Nes Dis 16 nthuav piav 2 lo lus no tias
    1 :Yog vim lawv txais lub Cim Tiag Tes, ces cov Leej Choj nrog Huab Tais Yes Xus Pleev koom siab koom ntsws ua tau Tswv Ntuj tej dej num ntag
    2 : ( Yog ib nyuag lus hauv Ntawv Moo Zoo - Yog Huab Tais Yes Xus Lo Lus tias ::” Kuv hu nej ua phooj ywg “ Zam 15,15
    NQE LUS 1 : yog vim lawv txais lub Cim Tiag Tes, ces cov Leej Choj nrog Huab Tais Yes Xus Pleev koom siab koom ntsws ua tau Tswv Ntuj tej dej num, ntag
    Vaj Qhia xub twm zaj teev Ntuj, uas cov Tswv Qhia hais rau ib pab neeg uas npaj siab ua Leej Choj . Hos Vaj Qhia tab meeg hais tias : thaum Tswv Qhia tiag tes, mas yog Huab Tais Yes Xus ua tus Tiag Tes rau tus tib neeg ntawd ntag
    Zaj teev Ntuj kuj mus li no tias :” Huab Tais Leej Txiv, peb tus Huab Tais siab ntshiab , koj yog tus pub tau IB LUB TSWV YIM THOOB TSIB rau ib cov neeg uas lawv yuav ua cov thawj coj tsoom ntseeg hauv koj lub npe – Huab Tais Leej Txiv, thov koj pub LEEJ NTUJ PLIG NTSHIAB nqes los puv cov neeg nyob ntawm kuv xub ntiag no lub siab, ces lawv yuav ua Leej Choj tau – Thov koj txhawb nqa lawv tej siab ntsws kom xwv lawv thiaj muaj peev xwm ua 5 yam no:
    1 : kom lawv lub siab tsis muaj ib kab txoom, tsis muaj ib yam xyeej, ces lawv yuav muaj peev xwm mus ua Thaj Txi Ntuj
    2 : kom lawv mus tshaj lub Moo Zoo hais txog Tswv Ntuj lub Ceeb Tsheej
    3 : kom lawv kub siab tshaj qhov tseeb –
    4 : kom lawv muab cov Txim Ntshiab los cob rau Tswv Ntuj
    5 : kom lawv pub lub Cim Ntxuav los ua kom koj haiv neeg, uas yog lub Koom Txoos plhis tshiab tuaj. Ua li ntawd, txog hnub cov Leej Choj tshiab no yuav mus ntsib peb tus Huab Tais loj, uas yog koj Leej Tub Twm Zeej, Huab Tais Yes Xus Pleev – yog tus Cawm Seej, mas cov Leej Choj tshiab no yuav tau txais koob haum ntawm koj txhais tes los , vim lawv tau ua koj tej dej num tiav lawm “
    Vaj Qhia nyeem zaj teev Ntuj tseem ceeb no tas ces nws thiaj nthuav piav 4-5 zaj lus uas mus zoo li no tias :
    ==== Zaj lus tim 1 1 tias : Vaj Qhia hais li no tias : Huab Tais Yes Xus Pleev yog tus Tuam Leej Choj khuv leej neeg tas nrho ( HN 3,1 + 4,14-15 + 10,21 )- Huab Tais Yes Xus yog tus “ nyob ntawm Tswv Ntuj thiab tsoom neeg kis nruab nrab – Nws yog tus cev lus rau Huab Tais Leej Txiv “( 1 TMT 2,5 ) - Nws yog “ tus rub cov neeg los cuag Huab Tais Leej Txiv “ Z 12,32 - Kawg yog Yes Xus tib leeg xwb, uas muaj peev xwm hais tau lo lus no tseg tias ::” Qhov no yog kuv lub Cev “ – “ Nej sawv daws txais – Nej haus – Yog lub ntim rau kuv roj ntsha cog lus tshiab nyob mus li “.. Ua cas Huab Tais Yes Xus khuv leej neeg tas npaud, nws thiaj pub Tswv Ntuj ib lub txiaj ntsim loj rau cov neeg me, uas tsis muaj nqe dab tsi xws li peb, ces muaj ib cov neeg hauv peb uas muaj peev xwm nrog Huab Tais koom ua Leej Choj, “ nyob hauv Huab Tais Pleev lub npe ntshiab dawb huv”, ces cov Leej Choj thiaj hais tau tib lo lus foom hmoov zoo rau cov mov thiab lub ntim cawv ib yam nkaus li HuabTais - . Li ntawd peb tsoom neeg ntseeg hais tau lus xws li Leej Ntshiab Paj Lug tias : tus Leej Choj tej dej num num “ tob kawg nkaus “ EFX 5,32
    === Zaj lus tim 2 tias :Vaj Qhia hais li no tias :niaj zaus ib tug neeg txais lub Cim Tiag Tes mas Huab Tais Yes Xus yog tus Tiag Tes rau tus neeg ntawd .. – Ces muab txhais tias : : Huab Tais xaiv tus neeg ntawd los ua Tswv Ntuj ntiag tug .. Li ntawd , : ib tug tib neeg txais lub Cim Tiag Tes , mas zoo li Huab Tais Yes Xus tab meeg hais lus tseg rau nws tias :”Nyem no mus lawm yav tom ntej, kuv txhais tes yuav roos koj – Kuv txhais tes yuav pov hwm koj - Ces koj yuav nyob nraim hauv kuv tej kev nyiam kev hlub, uas loj tas nrho . Tseev kom koj muab koj tej nplooj siab nplooj ntsws rau kuv , ces kuv yuav pov hwm koj ntxiv mus lawm yav tom ntej , uas yuav tsis muaj caij kawg lauj “
    PAJ NRUAG
    ==== Zaj lus tim 3 :tias ntev puas xyoo ua Yes Xus yug los ntej mas tus Yaj Saub His Xais tshaj lus rau cov His Xas Lais tias : yuav muaj ib hnub Leej Ntuj Plig Ntshiab yuav nqes los rau hauv ib tug tib neeg , kom xwv Tswv Ntuj lub hom phiaj cawm neeg thiaj yuav tsheej tiav – Leej Ntuj Plig Ntshiab yuav nqes los nyob puv tus tib neeg ntawd, kom xwv nws muaj peev xwm ua tau Tswv Ntuj tej qav tej num cawm lub ntiaj teb neeg . Tus Yaj Saub xub cog lus zoo li no tias :” Huab Tais Lub Tswv Yim nyob saum kuv , vim nws pleev roj los qee kuv -. Nws xa kuv mus tshaj lub Moo Zoo rau cov pluag - Nws xa kuv mus ceeb toom rau cov nyob txim tias lawv yuav dim , rau cov dig muag tias lawv yuav rov pom kev , rau cov rau luag yuam tias lawv yuav rov tau ua neeg twj lij, kom kuv tshaj tias yog xyoo Huab Tais yuav pub txiaj tsim” HX 61,1-2 . – Mas peb nco tias : hnub Yes Xus txais lub Cim Ntxuav tom tus dej Yos Las Das, mas “ Zam Ntxuav Plig pom Tswv Ntuj tus Ntsuj Plig nqes xws li ib tug nquab los rau saum Yes Xus. ces ib lub suab nrov saum ntuj tuaj hais tias :” Koj yog kuv Leej Tub uas kuv nyiam kawg – Koj yog kuv qhov chaw zoo siab “. Txij ntawm hnub ntawd mus mas Yes Xus yog tus Huab Tais Pleev , vim Leej Ntuj Plig Ntshiab nyob txawm hauv nws tus ntsuj tus plig – Li ntawd nws nquag ua Tswv Ntuj tej dej num cawm neeg dim ntawm qhov txhaum,kom tsheej tiav - Yog tej dej num pab txhim kho neeg lub siab kom tshiab tuaj , li tus Yaj Saub His Xais xub hais tseg . Saib : tau muaj ib hnub Yes Xus coj lub txoos teev Ntuj hauv nws lub zos Nas Xas Les, mas nws tab meeg tshaj lus tseg rau nws cov kwv tij His Xas Lais tias :;” Hnub no, tus Yaj Saub His Xais cov lus thiaj tsheej xeeb raws li nej tau hnov “ LK 4 1,8-21.
    Cov niam txiv, hnub uas Tswv Qhia tiag tes rau ib pab txiv neej tas, mas Tswv Qhia muab ib ib cov Roj Ntshiab los pleev cov neeg ntawd txhais tes, - ces Leej Ntuj Plig Ntshiab kuj nqes los pleev cov neeg ntawd tej nplooj siab nplooj ntsws - Tswv Ntuj kuj pleev cov neeg ntawd los qee rau Tswv Ntuj. - Li ntawd . txij ntawm lub caij ntawd mus mas cov Leej Choj ntawd txhais tes thiaj ua Huab Tais Yes Xus ib txhais tes tshiab los mas - Saib : lawv tus tseem tswv thiaj yog Huab Tais Yes Xus ntiag tug -.Lawv lub hom phiaj hauv lawv lub neej mas tsis yog qhov uas peb cov neeg xav tau – Yeej yog Tswv Ntuj lub hom phiaj pab cawm neeg dim ntawm qhov txhaum los mas . Cov Leej Choj mam li yuav tsum nquag siv tas lawv lub neej raws li Yes Xus tus piv txwv los mas - Phim peb yuav nco tias : Huab Tais Yes Xus tau siv tas nws lub neej los ua Tswv Ntuj tej dej num , ces nws ua tus yaj saub – nws yog tus Leej Choj khuv leej neeg tas nrho , Nws ua Vaj saib Tswv Ntuj haiv neeg . Li ntawd. cov Leej Choj mam li muaj tib lub hom phiaj raws li Yes Xus tus piv txwv. Yes Xus xub ” leg nws Txiv tej qav tej num” LK 2,49
    Zaj lus tim 4mas Vaj Qhia Npes Nes Dis 16 kuj sau li no tias :ntawm peb tsoom Leej Choj sawv daws mas tau muaj ib hnub peb kuj tau ntsib Huab Tais - peb tau hnov nws lub suab hu tias :” Koj raws kuv mus!” – Mas peb tau kawm txuj ci txheej siab ntau xyoo , peb tau txais lub Cim Tiag Tes – Li cas los , yeej tau muaj tej lub sij hawm uas peb tau ua xyem xyav me ntsis - Zoo li peb hnov qab tias : lub neej ua Leej Choj muaj qab qab hau tseem ceeb - Puas yuam kev no ned ? Hos tau muaj tej lub caij uas peb” xav tig ntsia rov tom qab “ LK 9.62 Thaum peb tau xav li ntawd kuj yog vim peb hnov qab saib tej dej num ua Leej Choj loj kawg nkaus thiab peb rov lees tias peb tsis tsim nyog ua Tswv Ntuj tej qav tej num ntxiv mus. Mas xam pom tias : yeej muaj tej hnub uas peb kuj poob siab nthav, raws li Xis Moos Pob Zeb, uas yog hnub uas nws tau plhuav cov vas ntses rau hauv dej ntuj, ces tam sim ntawd lawv puav tau ntses ntau kawg, ua lawv cov vas yuav luag ntuag Ces Pob Zeb txhos caug ntua pe Yes Xus - Nws hais tias:” Huab Tais, koj txav mus deb kuv, vim kuv yog ib tug neeg txhaum” ( LK 5 , 8 ) – Txawm li cas los, Yes Xus tsis tso Pob Zeb pov tseg – Nws tseem yuav Pob Zeb los ua Tswv Ntuj tej qav tej num .- Mas lub zim txwv no Huab Tais kuj ua tib yam li ntawd rau peb tsoom Leej Choj thiab ., yam nws khuv leej peb kawg nkaus, nws thiaj rov hu peb dua ua Ntuj tej qav tej num ntxiv mus -– Nws rov rub peb nrog nws nyob . Hauv peb nruab siab mas zoo li peb tau hnov Yes Xus lo lus nplias nplias tias :” Koj txhob ntshai – Kuv nrog koj nyob nraim. Kuv tsis tso koj pov tseg – Ntawm koj, mas koj yuav tsis tso kuv pov tseg os mog !” . Peb mam li rov ib siab ua Tswv Ntuj tej qav tej num ntxiv mus.
    Tsim nyog xav txog lwm zaj hauv Ntawv Moo Zoo tias : hnub ntawd , Yes Xus mus teev Ntuj rau ib qho xu kev – Nws cia cov thwj tim nce nkoj mus tim ub . Hos, hmo ntuj dej nphau nphw tuaj nplawm lub nkoj,,vim cua tshuab tom hauv ntej tuaj. Thaum yuav kaj ntug, Yes Xus mus ko taw saum nplaim dej – Nws tuaj caum cov thwj tim.- Lawv ib ce xob – Lawv ntshai kawg , ces lawv qw qw – Tam sis ntawd Yes Xus hais rau lawv tias :” Nej tso siab mas ! Yog kuv ! Txhob ntshai “ – Pob Zeb teb rau Yes Xus tias tias :” Huab Tais, yog koj tiag no, koj kheev kom kuv tsuj nplaim dej tuaj cuag koj”- Yes Xus teb tias :” Tuaj mas !!’. Ces Pob Zeb nqes nkoj tso ko taw tsuj saum nplaim dej mus cuag Yes Xus – Tab sis nws pom cua hlob – Nws ntshai, ces nws pib tog hauv dej - Nws qw tias :” Huab Tais, cawm kuv mas !” – Yes Xus cev tes tam sim ntawd tuav Pob Zeb.- Ib ntsis nkawd nce hlo rau hauv nkoj, ces cua tu nrho” MT 14,22-33
    Vaj Qhia Npes Nes Dis 16 muab zaj Ntawv Moo Zoo txhais li no tias : yeej muaj tej lub caij peb ntshai xws li Pob Zeb - peb tej siab tsis tus-. Peb ntxhov siab txog ntau yam. Thaum ntawd, peb ntshai tsam peb yuab tog hauv dej,, yam peb yuav tig nraub qaum rau peb tej hauj lwm, ces yuav mus ua lwm yam hauj lwm muaj qab hau dua lub neej ua Leej Choj lauj -. Thaum ntawd, peb kuj ua raws li Pob Zeb – peb qw nrov nrov tias : « Huab Tais, koj cawm kuv mas ! ». Thaum peb thov Huab Tais zoo li ntawd mas peb tsuas xav txog yus tej lus thov xwb , kom Yes Xus kav tsij pab peb dim ntawm peb tej kev nyuaj siab ntxhov plawv . Ces Yes Xus rov ua li qub :. Nws kav tsij cev tes tam sis ntawd tuav peb tes, coj peb kev - Ua li ntawd ob peb hnub tom qab peb tej siab ntsws mam li rov nyob tiaj nyob tus .
    Vaj Qhia tseem hais ntxiv tias : Pob Zeb lo lus tias : « Huab Tais, cawm kuv mas ! » mas peb tsoom Leej Choj kuj tsis hais lo lus no ib nyuag zaus xwb - Peb hais ntau ntau zaus ntag . Ces Huab Tais. tseem cev tes los cawm peb dim ntawm peb tej kev nyuaj siab ntxhov plaws – Huab Tais muab nws txoj kev hlub, uas muaj zog tas nrho , los pov hwm peb siab – Nws txoj kev hlub kuj nqes los nplij peb siab thiab. Qhov tias peb yim « rov ntsia ntsoov Yes Xus » HN 12,2, Huab Tais yim nres peb lub neej thiab txhab zog rau peb siab _ Ces ib siab rov sawv dua - ib siab nrog Yes Xus koom ua hauj lwm . Peb yim hu txog Huab Tais pab, ces Huab Tais yim rov tuav peb tes, coj peb peb kev , uas tsis muaj caij kawg
    Vaj Qhia tseem hais ib nyuag lus ntxiv tias : Hauv peb lub Thaj Txi Ntuj mas yeej muaj ib zaj thov Ntuj luv luv uas kuv nyiam dua cov - Yog zaj uas peb hais kam, ua ntej ntawm lub caij peb los mus txais lub Cim Yug - Zaj teev Ntuj ntawd kuj hais li no tias :; » « Huab Tais Yes Xus Pleev, kuv thov kom koj lub Cev thiab koj cov ntshav pab kuv dim ntawm kuv cov txhaum – Koj txuag kuv kom kuv coj koj cov lus qhia – txhob txav mus deb ntawm koj ib zaug li ». Li ntawd , tas tsoom Leej Choj kuj yuav tsum thov Huab Tais Yes Xus mus li = Peb yim laus zuj zus, peb yim rov kub siab khaub zig txog Huab Tais, uas yuav tsis muaj caij tag lauj
    Cov niam txiv , phim yuav thov hu txog Huab Tais pab txhawb nqa peb tej siab ntsws , kom xwv Huab Tais txhab zog rau peb tej siab ntsws ., uas yuav tsis muaj caij kawg . Peb thiaj ruaj nreb zuj zus ua Huab Tais tej qav tej num ntxiv mus
    Tshaj zaj nkauj thov Ntuj His Xais 49 : Ntuj siab zoo ! Ua cas peb raug kev txom nyem .
    Nqe lus tim ob tias : yog ib qib lus hauv Zam Ntawv Moo Zoo tias : « Kuv hu nej ua phooj ywg »Vaj Qhia Npes Nes Dis txhib tas tsoom Leej Choj nyob tas qhov txhia chaw nyob thoob ntiaj teb, uas coob txog ntawm 400.000 leej ,, kom lawv rov nco ntsoov txog qib lus hauv Zam Ntawv Moo Zoo tias :: « Kuv tsis hu nej ua kuv cov tub txib,vim tus tub txib tsis paub qhov uas tus tswv ua - Tab sis kuv hu nej ua phooj ywg,vim tas puas tsav yam kuv hnov ntawm kuv Txiv, mas kuv tau qhia rau nej paub tas huv si » Z 15,15 - Vaj Qhia zoo siab tshaj lus ceeb toom no rau tas tsoom Leej Choj tias : « : Yog vim nej tau txais lub Cim Tiag Tes mas nej yog Huab Tais Yes Xus cov phooj ywg – Nej yog cov neeg uas Huab Tais Yes Xus hlub tshua .. Saib : Huab Tais tso siab lug rau nej kawg nkaus – Huab Tais vam txog nej pab, kom xwv Ntuj lub hom phiaj thiaj tsheej tiav lauj »
    Vaj Qhia txhib cov Leej Choj kom xwv lawv soj qab ntau yam txiaj ntsim uas Huab Tais Yes Xus pub rau lawv los ua - Yeej muaj 4 – 5 yam txiaj ntsim ntag …
    === Yam 1 : Huab Tais yog tus pub Lub Cim Tiag Tes rau cov Leej Choj, kom xwv lawv muaj peev xwm « tshaj Ntawv Moo Zoo nyob hauv Huab Tais lub npe ntshiab dawb huv » === Yam 2 : Huab Tais Yes Xus pub lub Moo Zoo rau cov Leej Choj los mus tshaj rau tej pab neeg coob
    === 3 : Huab Tais pub nws lub Cev Ntshiab thiab lub ntim rau nws cov Ntshav Muaj Nqe Tas Nrho rau cov Leej Choj,, yam Tswv Ntuj yuav daws ib cov neeg lawv kev tshaib nqhis
    === 4 : Ib yam loj uas Huab Tais pub rau cov Leej Choj thiaj yog lub hwj huam pab daws neeg tej txim txhaum, nyob hauv Huab Tais lub npe
    === 5 : Qhov tias Huab Tais yeej xav pab cov neeg uas lawv mag kev tsis huv, kev txhaum, mas Huab Tais pub cov Leej Choj nco ntsoov txog cov neeg txhaum ntawd, ces thiaj yuav tsum thov Ntuj tas zog los pab cov neeg ntawd – Cov Leej Choj mas lawv muaj tus yawm sij los mus qhib Huab Tais Leej Txiv lub qhov rooj rau tej pab neeg coob yuav tau kev mus nyob hauv Tswv Ntuj lub Vaj Tsev, pem Tswv Ntuj lub Ceeb Tsheej –
    Vaj Qhia rov hais dua : Kuv hu nej ua phooj ywg » .: lub txiaj ntsim ntawd thiaj yog lub txiaj ntsim muaj nqe kawg nkaus uas cov Leej Choj txais ntawm lawv tus Huab Tais tuaj - .
    Mas Vaj Qhia rov twm 2 – 3 qib lus hauv Ntawv Ntshiab, uas cov Leej Choj yuav tsum siv zog coj raws tag mus li.- Tej qib lus ntawd hauv tsab ntawv rau cov Fis Lis Pos, hais tias : « Nej yuav muaj tib lub siab xav – tib lub siab nyiam – tib tug plig , thiab tib lub tswv yim xwb – Nej tsis txhob swb txoj kev ua ob peb lub siab - txhob swb lub koob meej cuav – nej nyias yuav saib nyias yog tus me dua cov – yuav saib luag tej loj dua nej – Nej nyias txhob nrhiav yam zoo rau nyias – yuav nrhiav yam zoo rau luag. Nyob hauv nej, sawv daws yuav muaj tib lub tswv yim. zoo li Yes Xus Pleev lub » FLP 2 , 2-5
    Mas Vaj Qhia paub meej tias lub neej ua Leej Choj kuj tsis yooj yim.- Yog vim qhov ntawd ces Vaj Qhia rov ceeb toom rau tas tsoom Leej Choj nyob thoob ntiaj teb los mus qee tej lub caij los mloog Huab Tais Yes Xus - Thaum twg lawv mloog tau Huab Tais Yes Xus lub suab ? yog thaum lawv qhib Ntawv Ntshiab los mas - Ua li txhua txhia lub caij lawv txais lub Moo Zoo mas cov Leej Choj ( thiab tas cov pej xeem ntseeg huv tib si ), sawv daws los mus ntsib Huab Tais Yes Xus ntag –
    Hos Vaj Qhia kuj paub tseeb tias : tsuas muaj ib txoj hau kev rau cov Leej Choj taug xwb,, yam lawv rov kub siab ua tau Huab Tais cov phooj ywg ywg thiab lawv yuav pom qab tshaj lub Moo Zoo rau tej pab neeg coob raws li Tswv Ntuj lub siab nyiam – Txoj hau kev ntawd thiaj txoj kev teev Ntuj. raws Yes Xus tus piv txwv. Saib : hauv ntawv Moo Zoo kuj muaj muaj ntau qib lus qhia peb tias ::” Thaum Yes Xus xa zeej tsoom rov qab mus tas lawd , nws nce mus saum roob, rau ib qhov chaw xu kev, ces nws teev ntuj – Thaum tsaus ntuj, tshuav nws tib leeg xwb “ MT 14,23 – LK 9,18 + + MK 1,37 + LK 9,18 + LK 9.29
    Ua li cov Leej Choj mas zoo li lawv yuav tsum ua Yes Xus luag los mus “nce mus saum lub roob”, lawv thiaj yuav nrog Yes Xus teev Ntuj ywj ywm . Vim li cas lawv yuav tsum ua qhov ntawd ? vim tias kev teev Ntuj yog Tswv Ntuj lub zog, kom xwv lawv tej hauj lwm yuav tau txi txiv ncw..
    Vaj Qhia rov sau dua :” Kuv hu nej ua phooj ywg “Tej qav tej num no mas tsis yog ib hnub ib hmo thiaj ua tsheej tiav lauj !! . Qhov tseeb mus li no tias : txhua txhia hnub hauv lawv lub neej mas cov Leej Choj yuav tsum siv siv zog ua kom lawv tej kev ua Yes Xus tus phooj ywg rov muaj muaj cag ruaj hauv lawv lub siab. – Huab Tais Yes Xus yeej xav rov nqes los hauv lub ntiaj teb neeg dua , mas tas tsoom Leej Choj yuav tsum nyiam Huab Tais Yes Xus tas siab tas ntsws , tas tswv yim tas zog. Ces lawv thiaj pab tau Huab Tais ua tej dej num pab txhim kho neeg tej nplooj siab nplooj ntsws kom rov tshiab tuaj los mas
    TEEV NTUJ : Huab Tais Leej Txiv, peb zoo siab ua koj tsaug rau qhov koj tau xaiv koj ib cov tub zog los mus” sau koj cov qoob” MT 9,38. Lawv tej dej num muaj nqe kawg nkaus. Mas peb hu txog koj pab txhawb nqa tas tsoom Txiv Plig nyob thoob ntiaj teb, uas coob txog ntawm 400.000 leej, yam lawv yuav kub siab mloog koj Leej Tub Yes Xus thiab tus Hauv Paus Xa Lus tej lus tias :” Nej yuav muaj tib lub tswv yim xav , tib lub siab nyiam, tib tug plig thiab tib lub tswv yim xwb - Nej tsis txhob swb txoj kev ua ob peb lub siab - Txhob swb lub koob meej cuav .. Nej yuav saib nyias yog tus me dua cov - yuav saib luag tej loj dua nej – Nej nyias txhob nrhiav yam zoo rau nyias – nej yuav nrhiav yam zoo rau luag - Nyob hauv nej, sawv daws yuav muaj tib lub tswv yim zoo li Yes Xus Pleev lub“ FLP 2,2-5 + LM 12,15-29- Peb Txiv khuv leej neeg tas nrho, peb vam txog koj tib leeg pab . Peb ua koj tsaug ntau NTUJ AIB peb thov koj, Huab Tais Leej Txiv siab zoo

    = Huab Tais Leej Txiv, peb zoo siab ntseeg tias : txij ntawm hnub uas Leej Ntuj Plig Ntshiab tau nqes rau hauv 12 tus Hauv Paus Xa Lus lub siab, rov los txog lub zim txwv no mas tej pab neeg coob tau txais lub Cim Tiag Tes, ces thiaj tau ua Leej Choj nrog Huab Tais Yes Xus koom ua koj tej dej num cawm lub ntiaj teb neeg , mas cov Leej Choj mam li yuav tsum nco txog tus Hauv Paus Xa Lus Paj Lug tej lus txhib nws tus phooj ywg Tis Mos Tes tias :” Kuv thov ntuas koj, kom koj rov txhib lub txiaj ntsim uas Tswv Ntuj tso rau hauv koj hnub kuv tiag tes rau koj – Lub TSWV YIM uas Tswv Ntuj pub rau peb, nws tsis yog ib lub tswv yim ntshai – Tiam sis yog ib lub TSWV YIM muaj zog, ib lub tswv yim nyiam, ib lub tswv yim pab yus tswj yus lub neej” 2 TMT 1,6-7 - Mas thov koj ua Txiv txhib cov Txiv Plig sawv daws kom xwv lawv kub siab nco txog Leej Ntuj Plig Ntshiab,, uas yog lawv lub zog thiab yog lawv qhov pom kev kaj lawv lub neej . Peb ua koj tsaug ntau . NTUJ AIB , peb thov koj, Huab Tais Leej Txiv siab zoo
    = Huab Tais Leej Txiv, hauv peb haiv Hmoob, mas peb tsuas muaj 8 tus Leej Choj xwb - , lawv kuj siv zog ua koj tej dej num. – Yog vim qhov ntawd ces peb yuav tsum thov koj pab hu ib cov tub hluas Hmoob coob kom xwv lawv npaj siab ua koj leej Tub Yes Xus cov tiam lis. Ces zoo li koj yuav siv lawv lub ncauj mus qhuab qhia peb cov kwv tij Hmoob coob leej - ..Lawv yuav tshaj lub Moo Zoo nyob hauv Huab Tais Yes Xus Pleev lub npe, nyob ntawm koj xub ntiag “ 2 KLN 5,20 + 13,3. Peb xub ua koj tsaug ntau - NTUJ AIB , peb thov koj, Huab Tais Leej Txiv siab zoo



    Hu nkauj : Kuv tau txiav txim….




    Yes Xus lub npe…..
    1-Yes Xus lub Npe no zoo tag nrho
    Leej twg hnov, lawv yeej kim caug hawm
    Nws yog Tswv Ntuj uas nqes tuaj cawm
    Sawv daws kom dim ntawm txoj kev txhaum

    2-Yes Xus lub npe nov muaj hwj huam
    Nrov ua peb dim plaws kev txhaum
    Nws yog Tswv Ntuj uas hlub peb kawg nkaus
    Nws yeem raug tuag kom cawm peb dim.

    3-Yes Xus lub npe muaj hwj chim
    Dab Phem hnov, lawv yeej tsis xav tiv
    Nws raug luag nkaug vim peb lub txim
    Tiam sis nws rov txais kev yeej lawm

    4- Yes Xus lub siab nov zoo kawg nkaus
    Nws tau hlub peb haiv Hmoob sawv daws
    Peb yuav zoo siab txais Yes Xus hawm
    Ua peb Hmoob sawv daws tus vaj mog.


    Mab Liab zaj : Kuv tus plig cav txog …








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 21st July 2011, 9:15 am



    Tswv Ntuj Vam Txog :


    Tswv Ntuj vam muaj ib leej ua txiv rau Tswv Ntuj haiv neeg
    Nws xaiv tau Has Nplas Has, ib yawg laus laus! Has Nplas Has sawv los.

    Tswv Ntuj vam muaj ib tug tshaj xo :
    Nws xaiv tau tib nyuag txaj txaj muag, ib niag nrhiav lus! Mais Xes sawv los.

    Tswv Ntuj vam muaj ib tug thawj los coj nws haiv neeg,
    Nws xaiv tau tus me dua tej, tus muag luav tshaj cov ! Das Vis sawv los.

    Tswv Ntuj vam muaj ib tug ruaj nreb li caj zeb txhim nws lub tsev.
    Nws xaiv tau tus tais caus ! Pob Zeb sawv los

    Tswv Ntuj vam muaj ib lub ntsej muag zoo nyiam hlub neeg.
    Nws xaiv tau ib niag niam ntiav ! Mab Liab Mas Ntas Las sawv los

    Tswv Ntuj vam muaj ib tug pov thawj tshaj nws lub Moo
    Nws xaiv tau ib niag siab nyoos ! Paj Lug sawv los

    Tswv Ntuj vam muaj ib leeg los txoos nws haiv neeg thiab mus fim luag.
    Nws xaiv tau koj, txawm ua rau koj txhawj tshee na,
    txawm koj mloog koj zog ntaug zuj zus…
    Koj puas yuav sawv tsees los ?

    Tswv Qhia Liab Zam Ntxuav Plig Pham Minh Man nyob Saigon

    Txhais ntawm Guy Gilbert “ Kuv cov zaj thov Ntuj cov zoo tshaj” P136

    Ua li koj ne, zim txwv no ?

    Nws xaiv tau koj :


    -Nws yeej paub ntsoov tias koj tsis tsim nyog,
    tsis kav, nws caw koj ua nws tus cev lus thiab piav nws rau luag.

    - Nws vam txog koj, txawm tias koj « yuav tsis txij nws lub siab tos »
    thiab koj « yuav ntaus tsis taus nqe » los nws tso siab lug rau koj.

    -Nws paub ntsoov tias nws tus dej num loj tshaj koj lub zog,
    tsis kav nws vam thiab tos ntsoov koj. Nws cog lus yuav muab Leej Ntuj Plig Ntshiab thiab nws lub txiaj ntsim tuaj txhawb koj.


    Koj puas yuav tsis kam sawv tsees los ?

    -Koj puas yuav teb rau Huab Tais tias nws nug ntau yam dhau ?
    -Koj puas yuav yig kom dhau nws cov lus thov koj ?
    -Koj yuav ua li tus yaj saub Yos Nas,
    yig tsis kam thiab khiav kom dhau txoj dej num ntawd lod ?
    -Koj puas yuav yig kom dhau Huab Tais ?

    Txhob ntshai sawv tsees los :

    -Txawm koj tsis paub tag kis yuav zoo li cas
    -Txawm Tswv Ntuj tsis cev ib tsab ntawv piav yam dej num dab tsi rau koj.
    -Txawm koj tsis paub dab tsi txog koj lub neej ua ntej

    Tso siab lug :

    -Tso siab rau nws kev pheej xeeb :
    Koj yuav tsis muaj tus tsi txhawj txog tag kis
    Tso siab lug, yuav tsis muaj tus tsi txhawj,
    koj yuav ua tau koj txoj dej num khov kho.

    -Cia nws coj koj kev, nrog koj ua ke, ua kom koj muaj zog li nws.
    Cia nws deev koj siab kom koj muaj nws lub siab hlub neev tsis kawg ,li nws.

    -Zoo siab hlo loj npab ntshuas nrog nws leg qav num ua ke
    thiab ua dab tsi, ua kom dawb paug.

    -Nws vam koj pab nws : zoo siab, ua nws tsaug pom nws lub txiaj ntsim.
    -Nws cev txoj dej num zoo dua tej tib si rau koj : zoo siab hlo ua.

    SAWV TSEES LOS ! TXHOB POOB SIAB ! NTAUS THAWJ UA NTEJ….

    TP Txhiaj Foom omi 9.8.2009






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 25th July 2011, 5:00 am



    TEEV HAWM TSWV NTUJ # 1




    Cov kwv tij , hnub no yog Hnub Chiv uas peb tsoom ntseeg zoo siab sib sau los mus cav txog Tswv Ntuj hauv Thaj Txi Ntuj- Peb kuj zoo siab txais Tswv Ntuj tej txiaj ntsim nqes los txhawb nqa peb tej siab ntsws – Ces hnub dhau hnub, hlis dhau hlis , Ntuj txoj sia hauv peb nruab siab thiaj loj hlob zuj zus. Mas hmo no nej yuav tau zoo siab mloog tej zaj lus tseem ceeb hais txog kev teev Tswv Ntuj. Txij ntawm xyoo 1994 los mus , peb twb tau tshaj ntau zaj lus txog kev teev hawm Tswv Ntuj. Hos hmo no thiab 2-3 hmo ntxiv peb yuav rov hais qhia nej me ntsis txog qhov ntawd.
    Peb sawv daws yeej paub tias kawg yog Leej Ntuj Ntuj Plig Ntshiab tib leeg xwb, uas muaj peev xwm tshoj peb tej siab ntsws, peb thiaj yuav zoo siab tsa muag ntsia Tswv Ntuj uas yog tus Huab Tais tsim tas ib puas tsav yam peb pom, thiab tas ib puas tsav yam peb tsis pom.. Yuav tsum muaj Leej Ntuj Plig Ntshiab nqes los tshoj peb siab ,peb thiaj qhib tau peb lub siab los teev hawm Tswv Ntuj mus raws qhov tseeb
    Peb teev Ntuj : Hu txog Leej Txiv … As les lus yas, Leej Ntuj Plig koj los mas…
    Hmo no nej yuav zoo siab mloog ob peb zag hauv NTAWV NTSHIAB- Nej thiaj yuav rov nco tias : tus tib neeg ntseeg Ntuj, mas nws thawj dej num tseem ceeb thiaj yog kev cav lus zoo txog Huab Tais Tswv Ntuj -
    - Saib : Tswv Ntuj muab nws txoj kev nyiam uas muaj zog tas nrho los mus tsim lub ntuj lub teb, tsim tas ib puas tsav yam nyob ntiaj teb no thiab nyob saum ntuj
    Thawj thawj zaj peb yuav tshaj rau nej , mas yog NKAUJ PAJ NRUAG 104, uas muaj lub ntsiab lus zoo li no tias : Cav lus zoo txog tus Huab Tais tsim lub sim ceeb :
    « Kuv tus plig, koj cav lus zoo txog Huab Tais - Huab Tais, kuv tus Tswv Ntuj, koj loj tas nrho – Koj hnav hwj chim ci ntsa iab .
    Koj hnav qhov pom kev zoo li ib lub tsho – Koj nthuav lub ntuj zoo li ib chaws ntaub.
    Nws txhim nws cov tsev ua ntau txheej rau saum cov dej nyob txheej ntuj saud.
    Nws muab huab ua nws lub tsheb : nws mus kev saum cua ob phab tis
    Nws muab cua uas nws cov tub coj xo : muab nplaim taws ua nws cov tub txib
    Nws tsim ntiaj teb txawb rau chaw ruaj - ntiaj teb nyob ib sid,tsis ua zog.
    Koj muab dej hiav txwv los vov ntiaj teb xws li daim tsoos tsho :
    Dej nyob tus yees saum cov roob Thaum koj tso hem thawj rau dej , dej khiav . Thaum koj tso xob quaj, dej dhia tawm plaws.
    Dej dhia nce roob, khiav nqes hav mus txog qhov chaw uas koj npaj rau nws nyob . Koj txwv tsis pub dej hla dhau ciam, dej yuav tsis rov los vov ntiaj teb.
    Nws xa nws cov dej txhawv mus rau hauv tej kwj: dej ntws nruab nrab tej kis roob. Dej yug cov tsiaj txhu nyob nruab liaj nruab teb - Cov luj qus tau dej los daws lawv qhov nqhis
    Cov noog ya saum ntuj khiav los nkaum ze dej – noog quaj hauv cov nplooj ntoos tuaj
    Koj tso nag saum koj cov tsev siab los ywg cov roob – Ntiaj teb tau noj tsau haus txaus, vim cov hauj lwm koj ua. Koj ua kom nroj tsuag hlob los yug tsiaj, ua kom neeg cov qoob los hlob, kom neeg tau mov tawm nruab av los .
    Koj ua cawv los nplij neeg lub siab, ua roj los pleev neeg lub ntsej muag kom ci tshiab- Koj ua kom mov ntxiv zog rau neeg lub plawv ,
    Huab Tais, cov ntoo tau noj tau haus ib yam li cov ntoo mej ciab nyob Lis Npas uas nws cog .
    Noog tuaj ua zes nyob hauv cov ntoo ntawd- Os qus ua tsev rau hauv cov thuv. Roob siab yog sai tej chaw nyob - Roob zeb roob tsuas yog nas maum kawv tej chaw nkaum.
    Huab Tais tsim lub hli los cia tau xam hnub xam nyoog- tsim tau lub hnub- Hnub paub nws lub caij poob qho,
    Koj tso plhuav kev tsaus ntuj nqes los, ces yog hmo ntuj – Yog lub caij tsiaj qus hauv hav xub tsuag nkag zom zaws – Tsov ntxhuav nyooj laws caum nqaij taij nqaij hno ntawm Tswv Ntuj .
    Thaum hnub tawm plaws tuaj, cov tsov nyias mus nraim nyias . Lawv pw hauv lawv tej chaw nkaum
    Tib neeg tawm mus pib nws lub luag hauj lwm , ua nws tej qoob loo txog tsaus ntuj.
    Huab tais, koj cov hauj lwm ntau ua luaj ! Koj tsim tas txhua yam raws kev thoob tsib - Cov tsiaj koj tsim los nyob puv tas ntiaj teb .
    Nej ntsia ntawd – Yog dej ntuj, loj los loj dav los dav rau txhua fab – Nyob hauv muaj tsiaj loj tsiaj me coob, suav tsis tau, ntaug leev rau txhua qhov.
    Nyob hauv dej ntuj, nkoj mus mus los los – Tus Les Vis Taas uas koj tsim los nrog koj ua si kuj nyob hauv .
    Txhua leej txhua tus tso siab rau koj, vam ntsoov tias koj yuav pub txhiam xws rau lawv raws caij raws nyoog : koj puab – lawv cev tes txais – Koj qhib koj txhais tes – lawv tau noj tsau.
    Koj zais koj lub ntsej muag – lawv ntshai ua plhu thim xem tas –
    Koj thau txoj pa ntawm lawv , lawv txoj sia tu – Lawv rov mus ua hmoov av.
    Koj tshuab koj txoj pa tuaj , lawv ciaj muaj sia – koj ua kom npoo av rov tshiab tuaj
    Xav kom Huab Tais lub koob meej nyob mus li – kom Huab Tais zoo siab rau nws tej qav tej num ! Huab Tais tig ntsia ntiaj teb – ntiaj teb tshee ua zog koog – Nws kov cov roob , roob ncho pa lug .
    Kuv yuav hu nkauj rau Huab Tais tas kuv sim neej – Kuv yuav ntaus paj nruag rau kuv tus Tswv Ntuj txog hnub kawg .
    Xav kom kuv cov lus paj huam ntxim nws siab ! Xov kom Huab Tais yog kuv qhov chaw zoo siab ! Thov kom cov neeg txhaum ploj hauv ntiaj teb. kom txhob muaj cov neeg tsis hwm ntuj ntxiv !

    Kuv tus plig, koj cav lus zoo txog Huab Tais ! As les lus yas.
    Cov kwv tij, puag tas, nej tau mloog NPN 104, uas lub ntsiab lus mus li no tias : Cav lus zoo txog tus Huab Tais tsim lub sim ceeb
    – Yus nrhiav tau zaj no hauv phau NTAWV COG LUS QUB .- uas nyob rau hauv phau TSWV NTUJ LO LUS - Mas zaj teev Ntuj no mas tus twg yog tus sau tseg ?. Peb tsis paub nws npe. Tab sis tsoom ntseeg Ntuj sawv daws kuj paub tias ; tus sau Nkauj Paj Nruag no yog ib tug tub tes tub tes hauv haiv neeg His Xas Lais –Peb tseem nco tias : haiv neeg His Xas Lais yog thawj thawj haiv neeg uas Leej Ntuj Plig Ntshiab tau tshoj lawv lub siab los mus teev hawm Huab Tais Tswv Ntuj tib leeg xwb., Mas peb sawv daws nco tias Yes Xus, tus Huab Tais cawm neeg kuj yog tus neeg His Xas Lais ntag – Ua li , txij ntawm lub caij uas tau muaj tus tib neeg ciaj sia nyob ntiaj teb los mus mas cov His Xas Lais ntawd thiaj yog peb pog yawg txwv txoob hauv txoj kev ntseeg Ntuj tib leeg xwb - . Mas cov His Xas Lais ntawd kuj nyiam hu txog Tswv Ntuj pab – kub siab thov Tswv Ntuj pov hwm lawv tsev neeg . Tab sis lawv coj tus yeeb yam txawv txav, tsis xws li lwm haiv neeg - Tim li cas hais li no ? vim tias cov ntseeg His Xas Lais lawv niaj hnub sib ntuas ib leeg rau ib leeg tias : » Peb thawj thawj dej num tseem ceeb uas Tswv Ntuj tos txais ntawm peb thiaj yog peb zaj cav lus zoo txog Tswv Ntuj –
    Peb niaj hnub saj Tswv Ntuj tej txiaj ntsim pov hwm peb tag npaud, ces phim peb yuav tsa muag los cav lus zoo txog tus Tseem Tswv Ntuj uas yog tus tsim lub ntuj lub teb, tus tsim tas ib puas tsav yam peb pom thiab tas ib puas tsav yam peb tsis pom »
    . Cov kwv tij , tsim nyog peb raws cov His Xas Lais qab los mus ras dheev qhuas txog tas ib puas tsav yam uas Tswv Ntuj niaj hnub ua kiag, los tsim lub ntiaj teb, tsis tu ncua los mas.
    Cov kwv tij puag tas nej tau mloog thawj qib lus haus NPN 104 tias : » Kuv tus plig, koj cav lus zoo txog Huab Tais : « Huab Tais, kuv tus Tswv Ntuj, koj loj tas nrho. » Hos lo lus xaus NPN ntawd kuj sau cia zoo li no tias : » Kuv tus plig, koj cav lus zoo txog Huab Tais ! As les lus yas « .
    Ua li peb kuj yuav nuam ntsia tas ib puas tsav yam hauj lwm Huab Tais Tswv Ntuj ua kiag los tsim lub ntiaj teb kom xwv peb thiaj nyob tau – NPN sau cia li no tias : « Huab Tais, koj txwv tsis pub dej hla dhau ciam – Dej yug cov tsiaj txhu nyob nruab liaj nruab teb..Cov noog ya saum ntuj khiav los nkaum ze dej. - Huab Tais ,ntiaj teb tau noj tsau haus txaus, vim cov hauj lwm koj ua - Koj ua kom mov ntxiv zog rau neeg lub plawv. Tib neeg tawm mus pib nws lub luag hauj lwm, ua nws tej qoob loo txog tsaus ntuj. .Txhua leej txhua tus tso siab rau koj, vam ntsoov tias koj yuav pub txhiam xws rau lawv raws caij raws nyoog «
    Li ntawd , peb nuam ntsia tas ib puas tsav yam, uas Tswv Ntuj niaj hnub tsim los, - Mas tom qab ntawd, peb thiaj yuav cav lus zoo txog Huab Tais lub hwj huam thiab nws tej kev txuag lub ntiaj teb kom xis nyob
    - Yam li yuav hais tib zaj lus sau cia hauv NPN 104 tias : » Kuv tus plig, koj cav lus zoo txog Huab Tais
    - Huab Tais, kuv tus Tswv Ntuj, koj lo tas nrho.. Huab Tais, koj cov hauj lwm ntau ua luaj – Koj tsim tas txhua yam raws kev thoob tsib ..Xav kom Huab Tais lub koob meej nyob mus li !..Kuv yuav hu nkauj rau Huab Tais tas kuv sim neej – Kuv yuav ntaus paj nruag rau kuv tus Tswv Ntuj txog hnub kawg….Xav kom Huab Tais yog kuv qhov chaw zoo siab. Kuv tus plig, koj cav lus zoo txog Huab Tais – As les lus yas «
    Cov kwv tij, peb yuav rov rua qhov muag los qhuas txog tej yam muaj nqes, tej yam ntxim peb siab, hauv peb tsev neeg ..Zoo li cov me nyuam kuj yog neeg ntse, kawm tau ntaub ntawv. Kawm ntawv xws luag, ces npaj ib lub neej ruaj dua niam txiv.,,Neb ob tug niam txiv ib leeg pheej xeeb rau ib leeg ..Neb ob tug niam txiv muaj zog txaus ua tas ib puas tsav yam hauj lwm ,ces thiaj yug tau lawv mov.. Tsis tas li ntawd xwb : peb tseem nco tias : yog vim Tswv Ntuj khuv leej peb , peb thiaj tau tig los yuav lub siab tshiab los ntseeg nws tib leeg xwb
    Li ntawd, cov kwv tij, phim yuav tsis ua neeg mom txheej mom ntsig. Tab sis peb niaj hnub yuav tsa muag ntsia txog Ntuj, ces peb thiaj nyob kaj lug kaj nrig cav lus zoo txog Tswv Ntuj, uas nws muab nws tej kev khuv leej neeg los pov hwm peb tsis tu ncua.
    Ua li yuav muaj tej lub caij peb yuav hais lo puav lus raws li hauv NPN 104 tias : » Kuv tus plig. Koj cav lus zoo txog Huab Tais
    - Huab Tais, kuv tus Tswv Ntuj, koj loj tas nrho..Huab Tais, koj cov hauj lwm ntau ua luaj – Koj tsim tas txhua yam raws kev thoob tsib...kuv yuav hu nkauj rau Huab Tais tas kuv sim neej »…
    ob zaug sis law , yuav tshaj qib lus tim
    1 ntawm zaj nkauj teev Ntuj TAS IB PUAS TSAV YAM. tias : Tas ib puas tsav yam tawm ntawm Huab Tais Ntuj txhais tes los aib – Nej cav lus zoo txog Huab Tais Ntuj..
    Tshaj qib lus 1 no ob zaug sis law…
    Cov kwv tij nyem no mus mas nej yuav zoo siab mloog NPN 103, uas lub ntsiab lus mus li no tias : Cav txog Tswv Ntuj lub siab khuv leej neeg”..
    Ces Nkauj Paj Nruag no yeej yog ib zaj lus tseem ceeb kawg nkaus. Saib : peb tsoom ntseeg zoo siab teev hawm Tswv Ntuj li no tias :” Huab Tais, kuv tus Tswv Ntuj, koj loj tas nrho – Kuv tus plig, koj cav lus zoo txog Huab Tais”… Tab sis hais qhov tseeb rau nej tias : hauv tas txhia lub zos , tas txhia lub nroog nyob thoob ntiaj teb, uas muaj tej pab neeg ntseeg, mas tsoom ntseeg niaj hnub saj Tswv Ntuj tej txiaj ntsha txiaj nsim, ces thiaj zoo siab cav txog Tswv Ntuj lub siab khuv leej neeg Li ntawd, thov kom nej mloog NPN 103 ntawd os mog : “ Kuv tus plig, koj cav lus zoo txog Huab Tais – Kuv tej siab ntsws, nej cav lus zoo txog nws lub npe ntshiab ! Kuv tus plig, koj cav lus zoo txog Huab Tais- - txhob hnov qab nws tej paj tshab ib qho li ! Nws zam koj cov txhaum tas – Nws kho koj cov mob tas tib si - Nws txeeb koj txoj sia ntawm qhov ntxa los - Nws lub siab hlub nqee mos nyoos roos koj. Nws pub tej yam zoo los yug koj lub zog, ces koj rov hluas zoo li tus dav – Huab Tais ua cov hauj lwm ncaj -. Cov raug luag tsuj, nws tsa lawv cai – Nws qhia nws tej kev rau Mais Xes - Nws qhia nws cov hauj lwm nto koob meej rau tsoom HisXas Lais - Huab Tais hlub mos nyoos – Nws khuv leej neeg - - Nws npau taws qeeb – Nws hlub neeg tas nrho- Nws tsis nrog neeg ua plaub mus li – Nws tsis chib nyeem ntev – Nws tsis nplua peb xws li peb tau txhaum – Nws tsis pauj rau peb xws li tej txhaum peb ua Nws lub siab hlub cov neeg hwm nws npaum li lub ntuj nyob siab lub ntiaj teb - Nws xyeeb peb cov txhaum mus deb peb , deb cuag li sab hnub tuaj nyob deb sab hnub poob - Huab Tais hlub nqee mos nyoos rau cov hwm nws, zoo li ib leeg txiv tsev hlub nqee mos nyoos nws cov me nyuam - Nws paub tias nws xuas dab tsi los puab peb - Nws nco ntsoov tias peb yog plua av – Leej tib neeg lub hnub nyoog ua neej nyob zoo li tsob nroj- nws tshuab li tsob paj tawg nra tom teb - Cua tshuab ib nthwv tuaj – Lub paj ploj lawm – Qhov chaw uas puag tas nws ciaj sia twb tsis nco qab nws lawm - Tab sis Huab Tais txoj kev hlub roos cov hwm nws, txij puag txheej tshoj thaud los, tsis muaj hnub kawg – Huab Tais ua ncaj rau lawv tsoom tub ki cov xeeb ntxwv - Huab Tais ua ncaj rau cov uas khaws tej lus nws cog thiab ua ncaj rau cov ua raws li nws txib kom ua - Huab Tais tsa nws lub theej kiab rau txheej ntuj saud - Nws lub hwj chim ua vaj kav tas txhia yam - Nej uas yog nws cov Tshiab , nej uas yog cov tub muaj peev xwm loj , nej mloog nws lus - Nej uas xyiv fab mloog nws lub suab, nej cav lus zoo txog Huab Tais - Nej uas yog nws tsoom tub rog – nej uas yog nws cov tub txib ua raws li nws lub siab xav, nej cav lus zoo txog Huab Tais - Nej uas yog cov hauj lwm tawm ntawm nws txhais tes los, nej uas nyob hauv tas txhia lub teb chaws nws kav , nej cav lus zoo txog nws - Kuv tus plig , koj cav lus zoo txog Huab Tais “
    Zoo li hauv zaj NPN 103 no mas thawj qib lus thiab qib lus xaus kuj zoo ib yam nkaus li hauv NPN 104, uas puag tas nej tau mloog- Yog lo lus meej pem tias :” Kuv tus plig, koj cav lus zoo txog Huab Tais”. Mas txhais tias : hauv 2 zaj NPN no, mas Tswv Ntuj rov qhia peb txog thawj dej num uas peb yuav xyiv fab ua kiag, yam li peb nuam ntsia siab tas ib puas tsav yam hauj lwm uas Tswv Ntuj niaj hnub ua los pov hwm peb lub neej peb txoj sia . Dhau ntawm qhov ntawd mus , peb tseem nco ntsoov tias : Huab Tais Tswv Ntuj niaj hnub muab nws txoj kev hlub los roos peb txoj sia thiab los daws peb tej txhaum. Mas tus tib neeg twg ntseeg txog Tswv Ntuj ob hom hauj lwm ntawd lawd, mas nws yuav ua ib yam tseem ceeb, uas ntxim Tswv Ntuj siab – Yam, peb tsis txhob ua neeg mom txheej mom ntsig. Tab sis peb yuav nyob kaj lug kaj nrig ua Ntuj tsaug thiab nco txog Tswv Ntuj txiajntsha txiaj ntsim.
    Ua li, cov kwv tij od, thov kom nej muab siab nco txog qib lus ntawd tias :” Kuv tus plig, koj cav lus zoo txog Huab Tais.
    Zoo li hauv NPN 103 mas lo lus tias :”Ntuj hlub peb kawg nkaus – Tswv Ntuj khuv leej neeg”, mas kuv tau tshawb xyuas NPN 103 ntawd 3 lwm tej, ces thiaj pom tias : twb sau lo lus ntawd 8 zaus sis law. Zoo li hauv qib lus 8 tias :” Huab Tais hlub mos nyoos – Nws khuv leej neeg “….thiab hauv qib lus 17 tias :” Huab Tais txoj kev hlub roos cov hwm nws , txij puag hnub txheej tshoj thaud los, tsis muaj hnub kawg”
    Cov kwv tij, peb zoo siab khaws qib lus tias:” Huab Tais paub tias nws xuas dab tsi los puab teb- Nws rov ntsoov tias peb yog plua av- Leej tib neeg lub hnub nyoog ua neej nyob zoo li tsob nroj : nws nthuav ib tsob paj tawg nra tom teb : cua tshuab ib nthwv tuaj - Lub paj ploj lawm”
    Mas saib : tab txawm peb yog tej yam me me thiab peb yog neeg txhaum los, tsis kav” Huab Tais hlub nqee mos nyoos rau cov hwm nws – zoo li ib leeg txiv tsev hlub nqee mos nyoos nws cov me nyuam
    Cov kwv tij, yav dhau los mas txog lub caij raug xwv txheej, peb tsoom kwv tij kuj qw ib suab tias:” Ntuj lauj ! “..mas txhais tias ; ib txwm los peb cov kwv tij yeej xav txog tus Nyob Siab, thiab thov nws pab ..Mas hais qhia nej paub tias : cov ntseeg Ntuj haiv neeg His Xas Lais thiab peb tsoom ntseeg txog Huab Tais Yes Xus mas Leej Ntuj Plig Ntshiab kuj tshoj peb siab – Li ntawd peb qhib xyuas Tswv Ntuj Lo Lus thaum twg , peb thiaj zoo siab hnov txog lub Moo Zoo tias ::” Huab Tais hlub nqee mos nyoos rau cov hwm nws zoo li ib leeg txiv tsev hlub nqee mos nyoos nws cov me nyuam”…
    Cov kwv tij, hauv phau NTAWV COG LUS TSHIAB, yeej muaj ntau zaj lus tseem ceeb uas qhia peb txog qhov ntawd uas tuaj nplij peb siab kom zoo..Saib; nyob hauv Zam Ntawv Moo Zoo, muaj lo lus sau cia li no tias :” Tswv Ntuj nyiam lub qab ntuj neeg npaum no : nws thiaj muab nws Leej Tub Twm Zeej rau, kom xwv tus ntseeg txog Leej Tub txhob tuag, Tab sis kom nws muaj txoj sia nyob mus li . Tswv Ntuj tsis xa Leej Tub tuaj hauv lub qab ntuj kom nws muab txim rau lub qab ntuj neeg- Tab sis Tswv Ntuj xa Leej Tub tuaj cawm lub qab ntuj neeg “ Z 3.16-17..Tsis tas li ntawd xwb - . hauv Leej Ntshiab Zam thawj tsab ntawv , yus thiaj nrhiav tau ob 2 qib lus, us muaj nqe npaum li ib txhab nyiaj txhab kub tis :” Tswv Ntuj yog txoj kev nyiam - Tswv Ntuj txoj kev nyiam peb tawm los rau qhov muag pom xyeem li no : Tswv Ntuj xa nws Leej Tub Twm Zeej tuaj nyob ntiaj teb no kom peb ciaj nyob hauv nws Leej Tub - - Tswv Ntuj txoj kev nyiam yog zoo li no : tsis yog peb tau nyiam Tswv Ntuj – tab sis yog Tswv Ntuj tau nyiam peb thiab nws tau xa Leej Tub tuaj ua nqi txhiv peb ntawm peb cov txhaum’ 1 Zam 4,9-10
    = Peb teev Ntuj : Huab Tais Leej Txiv , peb ua koj tsaug ntau , yam koj xa Leej Ntuj Plig Nthiab nqes los tshoj peb siab ;peb mam li nyob kaj lug kaj nrig ntseeg ruaj nreb khov kho tiaqs : Koj yog txoj kev nyiam. Ces koj khuv leej peb cov me neeg tag npaud ” zoo li ib leeg txiv tsev hlub nqee mos nyoos nws cov me nyuam”. Thov koj pab txhawb nqa peb lub siab kom xwv peb rov nco tias : peb thawj thawj hauj lwm peb cob tau rau Tswv Ntuj thiaj yog peb tej zaj cav lus zoo txog Tswv Ntuj ..thiab kom peb rov siv zog coj lub neej ntshiab dawb huv ntxim koj siab – NTUJ AIB. Peb thov koj , Huab Tais Leej Txiv siab zoo

    Tshaj tas Zaj nkauj teev Ntuj : Tas ib puas tsav yam tawm ntawm Huab Tais Ntuj txhais tes los . Aib ..






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd August 2011, 9:33 am




    19 LO LUS PAB XAV TXOG YUS TEJ KEV NTSEEG NTUJ ...



    ( Nej mam li ua tau tej yam no los teb : 1 : yuav los mus twm tej zaj lus hauv TSWV NTUJ LO LUS – 2 : Yuav los mus twm tej phab ntawv hauv phau ntawv C C C ( = Catechism of the Catholic Church) ( Nej tej lo lus teb mas nej cia li sau tseg…
    1 : Yog tias kuv tsis tau txais lub Cim Ntxuav mas kuv yuav txais xwb kuj yog vim CCC # 1262 – 1284 + Z 3,13 + L M 8,14-17 - K L X 3,1 - 4
    + L M 6,2-18 + N L T 3, 26 – 28 N L T 4,6 - E F X 3,14- 21 - K L X 1, 22 - 1 P Z 3,18 -22 + HN 6,9

    2 : Vim lub Cim Ntxuav mas kuv twb yug los tshiab lawqm – Li cas los.kuv niaj hnub yuav tsum plhis ua tus neeg tshiab zuj zus, tsis tu ncua, kuj yog vim..

    C C C # 2742 – 2745 + # 2755 - L M 7,18-25 + 1 Z 1, 8-10
    + L K 18,9-14
    K L X 3,1- 10 - 1 P Z 1,15-16 - 1 PZ 5,5 – 11


    3 : Thaum Yes Xus dai saum Ntoo Cuam mas nws lub siab kuj nyob tus – Vim li cas hais li no.. ? N P N 16 - H L 2, 24-32
    - L K 23, 46 Z 14, 27-31

    4 : Pem lub roob Nkos Nkos Tas thiaj tau muaj tej yam uas zeem tseeb tias Yes Xus yog tus yeej kev txhaum thiab qhov tuag. Niaj hnub no kuj muaj tej yam uas zeem tseeb txog tib yam ntawd. yam li… :
    === Pem lub roob Nkos Nkos Tas ; M K 15, 39 - L K 23,33- 43 -

    LK 22 ,61 – 62 LK 23,47-48 …MT 26,75 LK 23,26-27

    .=== Niaj hnub no…..: CCC 863 – 945
    + MT 5,1-12 + 5,13-16 + 5.38-48
    + HL 2,36-41 - HL 4,1-5 +18-21 + 1 Z 3,1-19 + 1 PZ 4,16-18 + 1 Z 3,18-19 +

    5 : Lub pob zeb uas Yes Xus muab nws lub neej los khuam rau, thiaj yog dab tsi ?
    NPN 18,,2-3 + 32- NPN 31,4 + NPN 92,16 + NPN 144,2 - + HX 26,4
    + HX 28,16 MT 7,24-27 + HL 2,14 + 22 – 32


    6 :” Ntseeg txog leej neeg lub cev kev sawv rov los “
    NPN 16
    + Z 6, 52-59 + Z 11,21-26 + LM 8,11 + FLP 3,20-21 + 1 KLN 15,51-57
    2 KLN 4,14 CCC : 992 – 1019

    7: Thaj Txi Ntuj yog lub hauv paus hauv ntsis ntawm yus lub neej.
    CCC # 1322- 1419
    -- LM 12,1 MT 5,23-24 1 PZ 2,9-10


    8 : Tus Nkauj Tsim Txiaj Mab Liab yog tus piv txwv rau peb taug raws nws qab…
    LK 1, 26 – 38
    - CCC # 148-149 + # 721-726 + # 967 – 971


    9 : 4 yam tseem ceeb uas zeem tseeb tias yus yog Huab Tais Yes Xus tus thwj tim
    1 : Kev nyob thaj yeeb nyab xeeb :
    Z 14,27 + Z 20,18-20
    + K L X 3,15-17 1 P Z 3,,15-17

    2 : Yus ua neeg me- MiK 6,8
    + NPN 25 + NPN 131 + HX 53,4-10
    MT 11,28-29 + LM 9,20 + EFX 4,32-5,2 + 1 PZ 5,5-7

    3 : Yus nyiam Tswv Ntuj : : MK 12,29-34- Z 17,26 + 21,15-17
    E F X 6,24 + 1 PZ 1,8-9 + 1 Z 4,20

    Yus nyiam luag tej ob cag : MT 5,43-48 + MT 6,14-15 – MT 25,31-46
    Z 15,13 - LM 12,5-21 - 1 KLN 12,31 - 13,13 + 1 Z 4,19-21
    4 : Yus ua siab loj siab tawv qhawv:
    MT 26,41 - EFX 6.10-18
    – FLP 1,27,30 - 1 TMT 6,10- 12 – YK 2,4+12 - 1 PZ 5,8-11

    10 : Huab Tais Yes Xus yog Tswv Ntuj Leej Tub
    :M T 16,16 - Z 1,12-18
    - EFX 1, 17,23 + KLX 1,12-20
    E F X 3,12-19 + KLX 1,15- 20 –

    11 : Huab Tais Yes Xus yog peb txoj sia ; Z 15,1-17 + LM 8,28-30 + NLT 2,20 +
    EFX 3,14-21 – FLP 1,21-26 - FLP,3,5-8 + HN.6,9 ++ 1 PZ 1,8-9 + 1 Z 5,13
    12 : Huab Tais Yes Xus yog peb tej kev tso siab lug txog lub neej muaj hwj chim
    :LM 8,14-17 + 2 KLN 4,14-51 + FLP 3,1014 + KLX 1,27 >

    13 : Qhov loj dua cov uas Tswv Ntuj xub tos txais ntawm peb
    : yog tej zaj lus ua Tswv Ntuj tsaug , tej zaj lus cav txog Tswv Ntuj lub hwj chim+ yus tej kev hlub
    Huab Tais Ntuj Lo Lus qhia 1 .- NPN 117 - NPN 145-150 – CPL 23,26 - MiK 6,8 -
    MT 9,13 + MT 11,25-27 + LK 1,39-56 + Z 14, 15-21

    14 : Yus muab tej kev ua dab ua qhua los piv rau yus tej kev ntseeg Ntuj, mas qhov uas koj saib muaj nqe tshaj plaws hauv kev ntseeg yog dab tsi ?
    15 : Hauv tej kev mob kev nkeeg, kev ploj kev tuag mas Tswv Ntuj kuj sim peb siab – koj mam li ua tus dab tsi, koj thiaj nyob taus ?
    NPN 117 + NPN 25 + NPN 130 + MT 10,17-,22 – LK 23,46 + HN 5,7-10 - HN 12 ,4-7+11 - YK 1,2-4 + 12 .

    16 : Txog kev teev hawm Tswv Ntuj hauv yus tsev – Koj xav li cas txog qhov no ?
    17 ::Nej thov Tswv Ntuj pab, tab sis nej tsis txais qhov nej thov- Nej mam li xav li cas ? MT 18.19-20 - LK 11,5-13
    – LK 18,1-8 – 2 KLN 12,9-10 –
    18 : Txhim tsa tej lub ROOJ SIB NTXIV NTSEEG ( Faith Sharing Group ) hauv nej pawg ntseeg : nej ua tau dab tsi los ua qhov tseem ceeb no ?


    19 : Txog kev paub TSWV NTUJ LO LUS ntau dua qub , mas koj yuav vam txog leej twg pab ?



    OB PEB LO LUS NUG NTXIV

    1 : Txhua txhia Hnub Chiv ,koj mus ua Thaj Txi Ntuj. Koj zoo siab ntseeg ruaj nreb khov kho tias :: peb tus Huab Tais Yes Xus Pleev lub Cev Ntshiab kuj nyob txawm hauv lub Cim Yug tiag ( « . In English, they are used to say : “The Real Presence “:
    CCC# 1373-1381 )
    Hos muaj ib hnub, ib tug kwv tij ( uas yog Plos Tes Taas ) tuaj nug koj tias:” Puas muaj li nej hais tiag ?”.- koj cia li zoo siab teb rau nws…………….

    2 :Koj zoo siab mus txais lub Cim Daws txhaum (= lub Cim pab yus nrog Tswv Ntuj rov sib haum xeeb ). Koj nco tias : hauv lub Cim ntawd mas koj rov txais lub Cim Ntxuav tej txiaj ntsha txiaj ntsim dua ( CCC # 1425 – 1433 + 1468-1470+ 1496 ). – Koj nthuav piav qhov ntawd, puas tau ?

    3 : Koj hnov tias:” Ib cov ntseeg Kav Tos Liv poob hauv qhov txhaum hnyav - Ces pawg ntseeg poob siab nthav,,,lawv txaj muag…lawv poob ntsej muag ( ?? In English: there is a scandal). Koj mam li xav li cas ? Koj ua dab tsi ? .


    QHOV TAV LAWV KEV KOM TXHOB NTSEEG, YOG DAB TSI ?


    = Tsaib no, ob zaug sis laws, Txiv Plig Joe Thotsaphon + XH Nom Thoob ( uas nkawd nyob Lomsak ) thiab T.P. Tshaj Xwm, lawv 3 leeg kuj tau nrog ib pab txiv neej Hmoob sab laj, hauv lub nroog Vees Cas lawm . Saib : 4-5 xyoo saum no lawv puas yuav txawj ua Xib Hwb hauv lawv zos…
    = Hos xyoo no lub 2 hli thiaj tau muaj lub rooj sab laj tim 3 nyob hauv Vees Cas. Tswv Qhia Txwj Choo Tho Pan Hong kuj tuaj ib hnub thiab. Tswv Qhia Jean Khamsé tuaj txhib lawv siab - Ntawm kuv mas kuv tau nrog lawv sab laj 3 hnub sis laws.
    = T.P. Joe Thotsaphon kuj tau cia kuv hais lo puav lus rau cov txiv neej ntawd ( 12 leeg.) Hauv lawv pab 12 leeg, tsuas muaj 3-4 leeg tau txais lub Cim Ntxuav xwb.
    = Tim Lomsak,Ham Kub tim Lomsak wb tau npaj sau ib zag lus nug lawv 12 leeg. .

    QHOV TAV LAWV KEV KOM TXHOB NTSEEG, YOG DAB TSI ?

    Lawv 12 leeg tau xav tswv yim ib nyuag ntus. Ces lawv tau teb tej lo lus no tias:

    1 : Tsis muaj T.P. los X H ua tus txhawb nqa peb pawg ntseeg
    2 : « Tim li cas nej thiaj ntseeg Ntuj ? Kev ntseeg txhawv ntawm qhov twg los ? »
    3 : Kev mob kev nkeeg,kev ploj kev tuag, Hos tsis muaj tus pab.
    4 :Cov thawj coj saib peb nruj : lawv txwv tsis pub peb sib sau teev Ntuj, .
    5 : Yog ntseeg mas zoo li yus ncaim ntawm yus niam yus txiv.
    6 : Yog ntseeg - Hos yus nco txog niam txiv uas tau tas sim neej lawm-
    Ua li peb ntseeg - Mas peb ncaim ntawm lawv lauj !
    7 : Peb tsis pom qab xav: qhov loj hauv kev ntseeg yog dab tsi ?
    8 : Yus cov ntseeg tsis coob, ces ntseeg nyuaj
    9 : Hauv yus zos, ib tug neeg ntseeg tsis coj rawv Tswv Ntuj Lo Lus:
    Ces tsis ntseeg lauj ..
    10 : Tsam ua txhaum dab lauj
    T.P. Txhiaj Foom omi






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 15th August 2011, 9:33 pm


    YEEJ TSIS XAV KOM IB LUB HNUB QUB PLOJ
    Last Updated on Tuesday, 2 August 2011 03:49
    Written by zootswvzovyaj
    Tuesday, 2 August 2011 03:38



    Nyob zoo ib tsoom kwv tij phooj ywg !

    Hnub no kuv yuav tham txog cov hnub qub nyob saum ntuj, uas yog ploj ntais lawm, mas txhais tias lub ntuj yuav tsis zoo nkauj cuag li qub, vim tias cov ci ci tsis muaj ntsais lawm puas yog ?

    Yog vim li ntawd, mas kuv yuav muab tas txhia haiv neeg li lus uas nyob thoob ntiaj teb no los piv rau tas txhia lub hnub qub uas nyob saum ntuj, tias tej yam ntawd zoo qhia peb txog dab tsi.

    Li ntawd mas kwv tij phooj ywg, yog yus muab hom lus Hmoob los piv tias yog ib lub hnub qub kuj tau. Yog tias tsis muaj ib tug tib neeg Hmoob hais tau thiab sau tau lus Hmoob lawm, mas txhais tias haiv neeg Hmoob tej txuj ci yuav ploj zuj zus mus ntag. Vim tias tib neeg tej txuj ci uas Tswv Ntuj foom pub rau, ib txhia haiv neeg tej lus ploj lawm, ces cuag li cov hnub qub uas ci ci nyob saum ntuj tau ploj ib txhia, mas lub ntuj yuav tsaus nti tsis muaj qhov pom kev rau lub ntiaj teb cuag li qub.

    Yog vim li ntawd, mas kom sawv daws saib hauv teb chaws Suav, teb chaws Cob Tsib, teb chaws Los Tsuas thiab teb chaws Thaib, tias : “Tsoom Hmoob puas yuav kub siab txuag lus Hmoob kom ciaj sia ntxiv mus li luag lwm haiv neeg ?”

    Kwv tij phooj ywg, thov kom sawv daws nco tias txij ntawm xyoo 1953 los mus, mas Txiv Plig Nyiaj Pov kuj tau kub siab tsim ib phau ntawv me me thiab muab luam tawm ntau txhiab phau los khaws Hmoob tej lus tseg cia. Phau ntawv ntawd muaj lub npe tias : “XYAUM NYEEM NTAWV HMOOB THOOB TEB.”

    Tsis tas li ntawd xwb, txij ntawm lub 12 hlis xyoo 1994 los mus, mas hauv peb lub tshaj xo Zoo Tswv Zov Yaj, peb kuj tau pab qhia me ntsis rau cov kwv tij Hmoob kom nej tau kev kawm thiab sau ntawv Hmoob. Niaj hnub no peb tseem niaj hnub nrhiav kev qhia ntawv Hmoob tsis tseg. Txhua txhia lub lis piam, peb tseem qhia nej me ntsis raws li peb ua tau rau hauv lub xov tooj cua.

    Li ntawd, mas hauv 4 lub teb chaws uas muaj peb cov kwv tij Hmoob nyob, thiaj muaj ntau txhiab tus Hmoob txawj nyeem thiab sau tau ntawv Hmoob thiab kuj muaj coob leej sau tau ntau phau ntawv Hmoob los cim txog Hmoob tej txuj ci lawm. Tsis tas li, ib txhia Hmoob kuj siv tus ntawv Hmoob no sau ntawv mus fim tsoom kwv tij uas nyob rau ntau lub teb chaws lawm thiab.

    Mas saib nyem no mus lawm yav tom ntej, sawv daws yuav ua li cas ntxiv ?

    Peb cov tub lis tej dej num hauv lub tshaj xo Zoo Tswv Zov Yaj, peb yeej tso siab lug tias nyem no mus lawm yav tom ntej, nej sawv daws hauv tej zej zos Hmoob, nej yuav muab siab rau qhia cov kwv tij neej tsa hauv nej lub zos thiab kom cov me nyuam sawv daws txawj ntawv Hmoob. Yog ua tau qhov ntawd, ces Hmoob tej lus thiab tej txuj ci yuav ciaj sia ntxiv mus. Hos yog nej tso tseg, nej tsis quav ntsej rau nej tus ntawv Hmoob, ces nej Hmoob lub hnub qub yuav ploj.

    Cov kwv tij, peb xav qhia ib tsab xov xwm tseem ceeb rau nej paub, saib seb nej sawv daws xav li cas. Tsab xov xwm no, mas yog li no :

    Nyob ze ze ntawm Thaib teb sab hnub poob, uas yog npuas lub teb chaws MIAS MAS, mas yog teb chaws NPEES LAS DES. Cov pej xeem Npees Las Des coob txog ntawm 150 plhom leej neeg. Hauv 150 plhom tus pej xeem NPEES LAS DES no, mas muaj txog 45 haiv neeg tsawg thiab lawv kuj hais 45 hom lus sib txawv.

    Cov haiv neeg tsawg ntawd, mas nyob hauv lub teb chaws NPEES LAS DES, tsuas coob txog ntawm 3 plhom tus neeg xwb. Mas hais qhia rau nej tias yav dhau los, cov me tub me nyuam NPEES LAS DES mus kawm ntawv, mas cov kws qhia ntawv tsuas qhia hom lus NPEES NKAS LIS thiab lus Aas Kiv rau cov me nyuam kawm xwb. Zoo cuag li tseem hwv tsis quav ntsej txog 45 hom lus txawv txav ntawm cov haiv neeg tsawg hauv lawv lub teb chaws NPES LAS DES, ces thooj li 45 hom lus ntawd tsis muaj qab hau kiag, ces ntev mus lawv cov lus yuav ploj yam tsis muaj leej twg xav txog.

    Mas hais qhia rau nej paub tias nyob hauv lub teb chaws NPEES LAS DES, muaj ib haiv neeg tsawg uas hu ua cov NKAS LAUS. Cov neeg NKAS LAUS no coob txog ntawm 130,000 leej xwb, tiam sis ib txhia kuj yog neeg ntseeg Ntuj. Cov tub tshaj Ntuj Lus kuj tau tsim ib cov tsiaj ntawv NKAS LAUS, ib yam nkaus li hauv peb tsoom Hmoob tus “Ntawv Hmoob Thoob Teb.” Tab sis los txog tav no mas hauv tej tsev kawm ntawv, tseem hwv NPEES LAS DES yeej txwv tsis pub qhia tus ntawv NKAUS LAUS rau cov me nyuam kiag li. Tab sis thaum lub 3 hlis xyoo 2010 uas dhau los no, tseem hwv NPEES LAS DES kuj tau tsa dua ib txoj cai tshiab uas pub qhia tus ntawv NKAS LAUS rau cov me nyuam NKAS LAUS uas muaj hnub nyoog 6 xyoo mus txog hnub nyoog 11 xyoo tej lawm.

    Mas hais qhia nej paub tias pem tej toj siab uas cov neeg NKAS LAUS nyob, kuj muaj ntau lub tsev kawm ntawv uas yog lub Koom Txoos Kav Tos Liv ntiag tug. Cov kws qhia ntawv uas lawv qhia cov me nyuam NKAS LAUS, mas lawv kuj zoo siab heev txog txoj cai tshiab uas tseem hwv NPEES LAS DES tso cai pub qhia tus ntawv NKAS LAUS. Ces nyem no mus lawm yav tom ntej, tas cov kws qhia ntawv rau cov me nyuam NKAS LAUS uas hnub nyoog 6 xyoo txog hnub nyoog 11 xyoos tej, mas lawv npaj qhia cov me nyuam txog hom lus NKAS LAUS ntawd, ces hom lus NKAS LAUS no yuav ciaj sia ntxiv mus lawm yav tom ntej yam tsis muaj hnub kawg, uas thooj li cov hnub qub yuav tsis txawj ploj nyob saum ntuj.

    Ua li mas hauv teb chaws NPEES LAS DES, ib lub hnub qub uas tau ci me me nyob saum ntuj, yog hom lus NKAS LAUS thiab hom ntawv NKAS LAUS, nws haj yam yuav ci ntsa iab nyob ntawm sawv daws lub xub ntiag ntxiv mus zuj zus.

    Ib tsoom kwv tij phooj ywg, peb tshaj zaj lus no los ua piv txwv rau nej paub tias : “Nej puas xav kom nej hom lus Hmoob ciaj sia nyob saum ntuj li luag ?”

    Cov lus ntawm zaj xov xwm no, yog Txiv Plig Txhiaj Foom uas nws yog ib tug neeg Fab Kis ua tus txhais thiab muab sau tawm los tshaj rau peb tsoom Hmoob xav tswv yim.

    Li ntawd, mas thov kom Hmoob nco tias nyob tim lub teb chaws Npees Las Des, ib haiv neeg tsawg uas yog cov Nkas Laus, lawv tsuas coob txog 130.000 leej xwb, tiam sis lawv kub siab pab txuag lawv hom lus kom tsis pub ploj. Mas hauv haiv neeg Hmoob ned, nej twb coob dua haiv neeg Nkas Laus, vim tias tsoom Hmoob coob txog ntawm 7 plhom tus neeg diam. Mas vam tias tsoom Hmoob haj yam yuav muab siab rau txuag Hmoob tus ntawv thiab cov lus Hmoob kom tsis pub ploj.

    Peb paub zoo tias yeej muaj ntau hom lus Hmoob nyob rau Suav teb, tiam sis nyob Cob Tsib teb, Los Tsuas teb thiab Thaib teb, nrog rau cov Hmoob uas nyob ntau lub teb chaws rau sab hnub poob tsuas muaj 2 hom lus xwb, yam li lus Hmoob Dawb thiab lus Hmoob Lees, mas saib yuav ua li cas ?

    Tej lus Hmoob uas ib nyuag sib txawv li no, Tswv Ntuj foom hmoov zoo rau nej haiv neeg lawm, ces nej yuav tau sib pab txuag mus, kom thooj li rev paj uas muaj ntau tsos nyob saum nej Hmoob lub theej kiab, kom nej lub rooj ntaub rooj ntawv thiaj li zoo nkauj, zoo saib.

    Luag lwm haiv neeg tuaj pom nej, tuaj fim nej, luag yuav pom tias nej muaj ntau hom lus sib txawv me ntsis, cov roos tsho kuj sib txawv me ntsis, tsis kav nej kuj sib koom ua tau ib haiv neeg xws li luag, uas muaj ib lub hnub qub ci ci nyob saum ntuj thiab, ces luag yuav pom tias nej tsis yog ib haiv neeg toj siab li yav tag los lawm.

    Kwv tij phooj ywg, yav dhau los muaj phau ntawv qhia lus Hmoob Dawb lawm, tiam sis kuj yuav muaj phau ntawv qhia lus Hmoob Lees thiab. Tsis tas li ntawd, kuj tseem tshuav cov Hmoob uas nyob rau Suav teb, hais ib co lus txawv ntawm ob hom lus Hmoob no lawm, yam li : “Moob Dub, Moob Saus thiab Hmoob Kanao”, mas xyov yuav ua cas haiv neeg Hmoob thiaj li koom siab siv tib tug ntawv tau. Tiam sis qhov tseem ceeb, yog Hmoob nyob thoob ntuj siv tib tug ntawv lawm, ces mam li sau raws li lub suab lus uas yus hais tawm. Qhov no yuav pab tau rau kom haiv neeg Hmoob ua tau ib tug xws li lwm haiv neeg, kom Hmoob lub hnub qub txhob ploj nyob sau ntuj.

    Li ntawd, kev qhia ntawv Hmoob rau nej tej me nyuam, rau nej tej zej zos, mas yog ib yam hauj lwm uas tseem ceeb heev. Yav dhau los nej coob leej twb tau ua tej hauj lwm li no los lawm, mas yog ib yam hauj lwm txuag nej haiv neeg Hmoob lub hnub qub ci ci uas yog hom lus Hmoob no ntag !

    Peb vam tias txoj hauj lwm no, nej coob leej yuav tsis tso tseg thiab nej haj yam yuav ua mus ntxiv, kom Hmoob lub hnub qub ci ntsa iab nyob saum ntuj ib yam li luag lwm haiv cov hnub qub.

    This entry was posted on Tuesday, August 2nd, 2011 at 3:38 am and is filed under Xov Xwm Hmoob. You can follow any responses to this entry through the RSS 2.0 feed. You can leave a response, or trackback from your own site.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 7:54 am

    HUAB TAIS YES XUS YOG TUS YEEJ


    3 yam uas zeem tseeb tias Yes Xus yeej kev txhaum thiab qhov tuag...







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:08 am



    2 ZAJ UAS ZEEM TSEEB TIAS YES XUS YEEJ KEV TXHAUM THIAB QHOV TUAG...








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:11 am


    YES XUS SAWV HAUV KEV TUAG ROV LOS.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:15 am

    LUB CIM NTXUAV-PEB YUAV RAWS YES XUS QAB.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:22 am


    LEEJ NEEG LUB CEV SAWV ROV LOS.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:27 am


    PEB COJ TAU LUB NEEJ THAJ YEEB








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:33 am


    NWS TXOJ SIA CIAJ NYOB HAUV PEB.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 2nd October 2011, 8:37 am


    NWS YOG PEB LUB ZOG.








    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TP.Txhiaj Foom lub TSEV Ntawv

    Post  Npuagtub on 2nd October 2011, 3:38 pm

    Mt,

    Wow.......ua cas nws yuav tso tau ib cov zaj zoo ua luaj rau hauv no, yog ib yam zoo heev rau peb cov ntseeg ua lawv nyob twj cuab tsis muaj pab muaj phawg los yog tsis muaj TP. ua lub txoos teev ntuj rau lawv.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TP.Txhiaj Foom lub TSEV Ntawv

    Post  Maiv Paj Lug on 3rd October 2011, 2:22 am

    Ua tsaug ntau os Maiv Tooj, uas koj muab cov zaj teev ntuj los rau peb mloog ntawm noT.P txhiaj-foom-lub-tsev-ntawv , lawv hais tau cov zaj thiab hais tau tej lus zoo tag nrho, nws yog ib lub txiaj ntsim zoo rau sawv daws, peb txhua tus zoo siab heev tau pom tej yam zoo npaum li no tau tshwm sim nyob Radio.....zoo kawg li cheers




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 3rd October 2011, 8:35 am



    Nyob zoo Maiv Paj Lug thiab XH.Npuag Tub,

    TP.Txhiaj Foom lawv ua tau ntau yam zoo kawg li, tab sis yav nram ntej twb mloog tsis tau lawv lub xov tooj cua ces twb khaws tsis tau dab tsi, zaum no mam mloog tau ces ntshe tej zoo twb dhau tag lawm. Tab sis khaws tau li cas yuav khaws me ntsis tseg, tsam ces lawv hloov website ces ploj tag li cov thaum i nyob hauv Dynalias ais ploj tag nrho khaws tsis tau dab tsi li. Tab sis kuv tsis tshua muaj caij mus mloog ib qho zuj zus seb qhov twg zoo khaws cia. Yog neb muaj caij mloog no neb ho nrog mloog thiab nrog kaw cia coj tuaj khaws cia rau hauv nov.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 3rd October 2011, 7:58 pm




    ZOO TSWV ZOV YAJ.


    Zoo Tswv Zov Yaj, tus Web Site tshiab :

    http://www.rveritas-asia.org/hmong

    Kev nkag mus mloog cov zaj :
    - Click Cov Zaj Tshaj Tawm.
    - Yuav pom muaj 3 yam li no.
    1. Live Broadcast
    Yuav ib txhij mloog tau cov zaj tib lub sij hawm tshaj tawm hauv xov tooj cua yam li nyob rau Cob Tsib Teb, Los Tsuas Teb thiab Thaib Teb yog sij hawm 7.00pm. – 7.30pm. hos nyob rau Suav Teb yog sij hawm 8.00pm. – 8.30pm.

    2. On Demand
    Yuav mloog cov zaj uas tau tshaj tawm lawm txij 7 hnub rov los.

    3. MP3
    Yog cov zaj uas muab ua file mp3 lawm. Yuav mloog nyob hauv internet los yog xav download coj los khaws cia kuj tau yuav muaj cov zaj raws li no.

    - Kawm Ntawv Hmoob

    - Mloog Nkauj
    Mloog cov zaj nkauj muaj 3 yam li no.
    - Kwv Txhiaj
    - Nkauj Hmoob
    - Nkauj Teev Ntuj

    - Mloog Xov Tooj Cua
    Yuav rov mloog cov zaj ua twb tshaj tawm tag lawm txij xyoo 2010 los txog tam sim no cia. Yog leej twg xav mloog cov zaj uas twb tshaj tawm tag lawm kuj mloog hauv internet tau. Hos yog leej twg xa download cov zaj coj los khaws cia kuj download tau.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 3rd October 2011, 9:19 pm

    LUV THIAB YES XUS Tsab Ntawv.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th October 2011, 12:03 am

    Dab Neeg Tus Nas.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th October 2011, 4:59 am

    Keeb kwm Yes Xus lub Moo Zoo txeem mus rau Moos Kaus Lias.



    Last edited by Maiv Tooj on 5th August 2012, 1:43 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 4th October 2011, 5:34 am

    KEV HAIS LUS TSEEM CEEB.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 5th October 2011, 1:45 am

    Koom Txoos Liv Xwm Asia





    Yes Xus lub Koom Txoos Catholic pla mus rau Suav teb





    Last edited by Maiv Tooj on 5th August 2012, 1:55 am; edited 3 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 5th October 2011, 1:49 am


    Koom Txoos Liv Xwm Zim Pees







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TP.Txhiaj Foom lub TSEV Ntawv

    Post  Maiv Tooj on 12th June 2012, 6:21 am


    THAJ TXI NTUJ 1



    Nyob zoo ib tsoom kwv tij Hmoob hmov thiab tshua.
    Hnub no yog ib hnub zoo, vim yog Hnub Chiv, uas tas nrho tsoom neeg ntseeg Kav Tos Liv nyob thoob ntiaj teb yuav zoo siab mus sib sau koom thaj txi Ntuj rau hauv nyias lub tsev teev Ntuj.

    Li ntawd, hnub no peb thiaj li xav tshaj lo puav lus qhia txog tej yam li ntawd rau nej paub. Ua li mas peb sawv daws koom hais zaj nkauj : “Tswv Ntuj tsim peb los ua neeg,” ua ke. (Pov Txiv Plig tias koj tso zaj nkauj no rau lawv mloog)

    Kwv tij phooj ywg, muaj lo lus nug tias : “Vim li cas Hnub Chiv, yog ib hnub ntshiab dawb huv rau tas cov neeg ntseeg nyob thoob ntiaj teb mus sib sau teev hawm Tswv Ntuj ua ke ?”

    Lo lus teb : “Yog vim tias hnub ntawd, yog hnub uas Yes Xus yeej kev tuag thiab nws sawv rov los muaj txoj sia nyob mus ib txhiab ib txhis saum Tswv Ntuj lub Ceeb Tsheej.”

    Ua li mas thiaj xav qhia rau nej paub tias : “Txij ntawm xyoo 33 los mus, uas yog hnub Leej Ntuj Plig Ntshiab tau nqes los rau saum cov Hauv Paus Xa Lus txog lub zim txwv no, mas tsoom neeg ntseeg Kav Tos Liv thiaj li mus sib sau teev hawm Tswv Ntuj ua ke txhua txhia zaus rau hnub ntawd.”

    Tseem muaj lo lus nug tias : “Nyob rau hauv Ntawv Ntshiab, puas muaj tej lo lus sau tias thawj pab neeg ntseeg sib sau teev Ntuj hnub chiv ?”

    Lo lus teb : Muaj ntau qib lus hais txog qhov ntawd, yam li phau ntawv qhib yav tom ntej, kuj sau tseg tias : “Cov ntseeg sib sau teev hawm nyob rau hauv Tswv Ntuj hnub.” (QYTN 1:10)
    Tseem muaj hais nyob rau hauv phau ntawv Hauj Lwm tias : “Thawj pab neeg ntseeg mas lawv nquag tuaj mloog cov Hauv Paus Xa Lus qhia lawv, ces lawv sawv daws koom siab los ua ib pab kwv tij, los ua cov kab ke lov ncuav mov thiab teev Ntuj ua ke.” (HL 2:42)

    Lo lus tias :“Ua cov kab ke lov ncuav mov”, mas txhais tias lawv sib koom los ua Thaj Txi Ntuj raws li cov neeg ntseeg lub zim txwv no niaj hnub ua kam nyob rau hauv Hnub Chiv.”
    Tsis tas li ntawd xwb, tseem muaj lo lus sau nyob rau hauv phau Ntawv Ntshiab tias : “Hnub chiv ntawm thawj lub lis piam, peb sawv daws tuaj sib txoos ua cov kab ke lov ncuav mov, yam li yog nyob hauv phau ntawv Hauj Lwm zaj 20 qib 7.”
    Ua li mas tsoom neeg ntseeg Ntuj yuav tau nco ntsoov tias : “Yes Xus tau tsim lub Cim Yug nyob rau hmo uas nws tau tawm tuaj ntsib cov thwj tim thiab nrog lawv noj pluas mov kawg, mas Yes Xus kuj tau foom hmoov zoo rau cov ncuav mov thiab cov cawv, kom txia ua nws lub cev ntshiab thiab ua nws cov ntshav, uas muaj nqis tas nrho.”
    Kwv tij phooj ywg, Huab Tais Yes Xus tseem hais rau cov Hauv Paus Xa Lus tias : “Nej yuav ua qhov ntawd kom tau nco txog kuv.”
    Li ntawd, thawj pab neeg uas mloog Yes Xus lo lus qhia no, lawv thiaj sib sau los ua Thaj Txi Ntuj, kom tau kev nco txog Huab Tais txoj kev tuag thiab sawv rov los.
    Ua li mas peb cov Hmoob uas ntseeg Ntuj thiaj muaj ib zaj nkauj, uas muaj lub ntsiab lus hais tias : “Thaum peb noj cov mov no, thaum peb haus lub ntim no, peb hawm peb tus Huab Tais uas peb ntseeg txog…”

    Kwv tij, tseem muaj lo lus nug tias : “Thawj pab neeg ntseeg uas lawv sib sau txhua txhia hnub chiv los teev hawm Tswv Ntuj, mas lawv ua cov kab ke zoo li cas ?”

    Lo lus teb :
    “Lawv tau ua 2 yam kab ke tseem ceeb, xws li : Lawv nquag mloog Yes Xus cov lus qhia thiab ua cov kab ke lov ncuav mov uas yog qhov tseem ceeb nyob hauv lawv lub Thaj Txi Ntuj.”

    Li ntawd, nyob rau hauv txhua txhia hnub chiv, peb tsoom neeg ntseeg yuav tsum nco ntsoov qhib peb sawv daws lub siab los txais Tswv Ntuj cov lus ua ke, ces peb yuav pom meej tias : “Tswv Ntuj yog tus tsim lub ntuj lub teb thiab yog tus Huab Tais cawm neeg.”

    Hais txog qhov uas Tswv Ntuj tsim lub ntuj lub teb, mas Ntawv Ntshiab hais tias : “Tswv Ntuj tau tsim lub ntuj lub teb thiab tsim tas puas tsav yam nyob hauv lub sim ceeb no, ces nws thiaj yog tus Huab Tais uas kav lub ntuj lub teb.”

    Tsis tas li ntawd, Tswv Ntuj tseem yog tus Huab Tais uas pub txoj sia txoj pa thiab tas ib puas tsav yam rau ntiaj teb neeg, ces peb thiaj ua lub neej nyob rau hauv Tswv Ntuj txhais tes thiab peb thiaj muaj txoj sia, txawj nti thiab ciaj tau.

    Ua li mas phim peb sawv daws yuav nco txog Tswv Ntuj txoj kev nyiam kev hlub uas muaj zog tas nrho.
    Yog vim tej lo lus tseem ceeb no, ces peb thiaj li txiav siab tsis teev dab thiab tsis teev mlom lawm, peb thiaj tig los teev hawm Tswv Ntuj tib leeg. (HL 14:16-17)

    Kwv tij phooj ywg, tib neeg ntiaj teb lub neej thiab txoj sia, mas yog Huab Tais Tswv Ntuj cov txiaj ntsha txiaj ntsim. Uas li mas tsim nyog peb sawv daws yuav zoo siab luag ntxhi los cav txog Tswv Ntuj cov lus qhuab qhia, lub koob meej thiab nws lub hwj huam uas zoo thiab loj tas nrho.

    Txuas ntawm no, yog Das Vis zaj nkauj paj nruag 8, uas thaum ub tus vaj Das Vis sau thiab siv los hu cav txog Tswv Ntuj, mas lub ntsiab lus zaj no hais tias :



    “Tswv Ntuj muaj hwj xyeej, nws tsa neeg ua tswv.”


    Huab Tais, peb tus Huab Tais.
    Koj lub npe muaj hwj xyeej mus puv tas ntiaj teb.
    Koj tsa koj lub koob meej nyob siab dua cuaj txheej ntuj.
    Koj ua kom cov me nyuam yaus thiab cov me nyuam mos
    lub ncauj cav lus zoo txog koj,
    kom lawv tiv cov sawv los ntaus koj,
    kom tus yeeb ncuab rob caub nyob qhov ncauj kaw nti cia.
    Thaum kuv ntsia cuaj txheej ntuj uas koj ntiv tes tsim los,
    ntsia lub hli, cov hnub qub uas koj muab dai saum ntuj.
    Neeg yog dab tsi, koj thiaj nco txog ?
    Leej tib neeg yog dab tsi, koj thiaj txhawj txog ?
    Koj muab neeg tsa siab yuav luag cuag ib tug tswv ntuj.
    Koj muab koob meej phim qhov zoo nkauj zoo saib los rau neeg ntoo.
    Koj tsa neeg kav txhua yam koj txhais tes tsim los.
    Koj tso tas puas tsav yam rau hauv neeg qab xib taws.
    Tas tej me yaj, me nyuj huv tib si,
    tas tsoom tsiaj qus nyob nruab nrag,
    me noog ya saum ntuj, me ntses nyob hauv dej ntuj,
    tas txhua hom tsiaj khiav hauv dej ntuj.
    Huab Tais, peb tus Huab Tais,
    Koj lub npe muaj hwj xyeej mus puv tas ntiaj teb.

    Paj nruag


    Kwv tij phooj ywg, txuas no mus thov caw nej los kawm Tswv Ntuj cov lus nyob hauv phau Ntawv Ntshiab, uas qhia peb tias : “Huab Tais Yes Xus, yog tus Huab Tais cawm neeg kom dim ntawm qhov txhaum.”

    Qib lus no, yog nyob rau hauv Zam phau ntawv Moo Zoo, xws li :
    Yog vim Tswv Ntuj nyiam lub qab ntuj neeg npaum no, nws thiaj muab nws Leej Tub twm zeej rau, kom xwv tus ntseeg txog Leej Tub txhob tuag, tab sis kom nws muaj txoj sia nyob mus li.

    Tswv Ntuj tsis xa Leej Tub tuaj hauv lub qab ntuj kom nws muab txim rau lub qab ntuj neeg. Tab sis Tswv Ntuj lub hom phiaj, yog xa nws Leej Tub tuaj cawm lub qab ntuj neeg. Tus twg ntseeg txog Leej Tub, nws tsis raug txiav txim.

    Ua li mas kwv tij, lo lus tias : “Tswv Ntuj nyiam lub qab ntuj neeg” thiab lo lus tias “Tswv Ntuj yog txoj kev nyiam”, mas 2 qib lus no zoo coj los siv nplij peb lub siab thiab zoo coj los txhim kho peb lub siab lub ntsws, kom peb muaj ib lub siab txawj nyiam luag tej thiab txawj hlub luag tej.”

    Rau qhov Yes Xus yug los ua neeg, mas nws yeej kam tuag raws li Leej Txiv pom zoo, ces thiaj tau kev cawm tas ntiaj teb neeg kom dim ntawm qhov txhaum. Ua li mas tus neeg twg ntseeg txog Huab Tais Yes Xus thiab coj rawv Yes Xus cov lus qhia nyob rau hauv nws lub neej, mas nws tsev yim neeg thiab nws lub tswv yim yuav plhis dua tshiab tuaj, ces nws thiab tsev neeg yuav los ua Ntuj ib cov me nyuam uas zoo nyiam.”

    Yog vim li ntawd, peb sawv daws yuav tau khaws Tswv Ntuj lo lus no los siv nyob rau hauv peb sawv daws lub neej, thiab peb kuj tseem yuav nco txog Tswv Ntuj txoj kev nyiam kev hlub uas zoo tas nrho no mus ib txhiab ib txhis yam tsis tu ncua.

    Kwv tij phooj ywg, Huab Tais Yes Xus tus thwj tim Paj Lug, mas nws kuj sau tau ib tsab ntawv rau cov neeg ntseeg nyob Kos Los Xais, tias :
    Tswv Ntuj lub hwj chim muaj zog yuav tuaj nres nej, kom nej muaj ib lub siab loj thiab ib lub siab ruaj. Ua li mas nej yuav zoo siab ua nej Txiv tsaug, vim nej Txiv hu nej los nrog cov ntshiab koom txais ib txog hmoov zoo nyob hauv qhov pom kev.

    Huab Tais Leej Txiv thiaj tau rho peb dim ntawm dab phem lub qhov hluas taws uas kub ntaiv thiab nyob tsaus ntuj nti los, ces Huab Tais Tswv Ntuj thiaj tau coj peb los nyob rau hauv nws leej tub Yes Xus lub Ceeb Tsheej. Ua li mas peb thiaj tau los nyob hauv Yes Xus lub Koom Txoos lawm, peb tau pom, tau txais txoj kev cawm thiab txoj kev zam txhaum ntawm Tswv Ntuj, ces peb thiaj tso siab lug tias : “Thaum peb tig los hloov siab ua neeg zoo lawm, mas Tswv Ntuj yuav zam txhaum pub rau peb thiab yuav coj peb mus nrog nws nyob saum nws lub Ceeb Tsheej uas muaj txoj kev zoo mus ib txhiab ib txhis.”

    Li ntawd mas kwv tij phooj ywg, hnub no yog hnub chiv, yog hnub uas peb cov neeg ntseeg teev hawm Tswv Ntuj thiab kawm Tswv Ntuj cov lus ua ke, mas peb yuav tau qhib siab txais Yes Xus cov lus los txhim kho peb tej siab ntsws, peb lub tswv yim, peb thiaj yuav loj hlob thiab nyob ruaj rau hauv txoj kev teev hawm Tswv Ntuj tib leeg.

    Yog tias peb ua li hais no, mas peb txoj kev ntseeg txog Tswv Ntuj, yuav tau txais tej yam ci ci uas yog Ntuj cov txiaj ntsim los kaj peb tus ntsuj plig thiab los kaj peb lub neej txoj sia, ces thaum peb sawv daws uas tseem muaj txoj sia nyob rau hauv lub ntiaj teb no, sawv daws lub neej yuav nyob thaj yeeb yam kaj siab lug.
    Ua li mas kwv tij phooj ywg, thov caw nej los nrog peb koom cev lus thov Tswv Ntuj ua ke, xws li no :
    “Huab Tais Leej Txiv, uas khuv leej neeg tas nrho. Koj tau xaiv peb los ntseeg txog koj, uas yog tus tsim lub ntuj lub teb thiab tsim tas ib puas tsav yam nyob hauv lub sim ceeb no. Koj tau xaiv thiab tshoj peb kom tig los ntseeg txog koj leej tub, uas yog peb tus Huab Tais Yes Xus Pleev thiab yog tus Huab Tais cawm tas ntiaj teb neeg kom dim ntawm qhov txhaum, mas peb thov ua koj tsaug ntau.

    Tsis tas li ntawd, peb tseem thov koj xa Leej Ntuj Plig Ntshiab nqes los tshoj peb lub siab, kom xwv peb pom kev ua neej thiab txawj coj peb tsev neeg los teev hawm koj tas peb sim neej.”
    Ntuj aib..! Peb thov koj, Huab Tais Leej Txiv siab zoo.

    Tso 2 zaj nkauj :

    Tswv Ntuj tsim peb los ua neeg..
    Tus tuaj cuag Yes Xus, nws yuav tsis tshaib…

    Paj nruag

    Txiv Plig Txhiaj Foom ua nyob Lomsak.
    Haam Kub pab ntaus thiab kho.
    Hnub tim 11 lub 5 hlis xyoo 2011







    Sponsored content

    Re: TP.Txhiaj Foom lub TSEV Ntawv

    Post  Sponsored content Today at 3:42 am


      Current date/time is 10th December 2016, 3:42 am