HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


TP.Txhiaj Foom  Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    TP.Txhiaj Foom

    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    TP.Txhiaj Foom  Empty TP.Txhiaj Foom

    Post  NrhiavTswvNtuj 27th July 2013, 8:31 am

    50 xyoo uas TP.Txhiaj Foom ua Tswv Ntuj tes dej num thiab txhawb Hmoob lub neej.

    TP.Txhiaj Foom  Daniel10


    TP Txhiaj Foom ua Thaj Txi Ntuj nyob hauv lub tsev teev Ntuj Saint Barthélémy de Lesquin, Fab Kis teb, nco Tswv Ntuj txiaj ntsim tsa ua Txiv Plig lub 3 hlis 1963 tau 50 xyoo.
    Peb thov Tswv Ntuj pab rau nws thiab zoo siab nrog nws ua Tswv Ntuj tsaug. (Aumônerie Hmong Catholique).




    Keeb kwm Hmoob ua Ntuj Kev cai thiab mus nyob Nkws Yas
    .


    Nyob Fab Kis teb, TP.Cwj Vuam Chiv los yuav npaj siab hloov chaw mus rau Nkws Yas, ua rau tsoom ntseeg muaj hauj lwm ntau yam ua, tsis tau ua ib lub hmoov nco txog TP.Txhiaj Foom lub txiaj ntsim uas tau los ua Tswv Ntuj tub txib, tau muab nws niam nws txiv, nws kwv nws tij tso tseg; tuaj muab haiv Hmoob ua nws txheeb ze, ua nws kwv nws tij tau muaj 50 lub xyoo los.

    Cuag li nws tej txiaj ntsig nyob rau nruab qaig hli, nws tej txiaj ntsha poob puag khuab ha lawm. Tab sis TP.Txhiaj Foom, koj lub txiaj ntsim nyob rawv hauv Peb Hmoob lub ntuj hnub qub ci, koj tej txiaj ntsha nyob nraim Peb Hmoob lub ntuj tshav mog. Kuv tseem nco tau ib qho txiaj ntsim uas koj tau ua rau ib tug ntxhais Hmoob nyob Vees Cam, tom Simouang. Yam li lawv tuaj Roob Kub Twm tuaj muag khaub rhuab, tus ntxhais tsis ceev faj, los txog ntawm Simouang mam saib nws cov nyiaj muab tso rau hauv txoj hlab se xyov poob rau qhov twg lawm; nws quaj quaj, koj nug tias ua cas tus ntxhais ntawd quaj? Ib tug pog nrog nws ib pab ua ke ntawd haiv tias yog nws cov nyiaj poob lawm. Koj nug tias pes tsawg. Yog 3000 kis. Ces koj cia li muab 3000 kis cev rau tus ntxhais, tus ntxhais so kua muag kiag tam sim ntawd.

    Dua li tseem muaj ntau yam loj dua uas peb twb paub tssi txog xws li koj pab kom cov Hmoob nyob tom Noom Thas tau cov av tseem hwv uas yuav muab faib rau pej xeem. Koj tseem nrhiav txoj hauv kev kom tuam tau dej los rau cov Hmoob Noom Thas thiab Nas Haib Diaus tau ua teb raug nyiaj ntau plhom yam peb twb paub tsis txog.

    TP.Koj lub txiaj ntsim yam peb paub txog thiab peb tsis paub, Peb Hmoob yuav nco ntsoov txog mog. Yam li tej laus niaj txiv piv txoj lug, yog peb txawj ua neej ces koj txiaj ntsim peb yuav nqa, yog peb tsis txawj ua neej ces cuag li koj tej txiaj tej ntsig poob puag nram khuab ha lawm xwb mog.

    Thov kom Tswv Ntuj pub lub txiaj ntsim rau koj kom koj noj qab nyob zoo, muaj dag muaj zog ua koj txoj hauj lwm ntev ntev lawm yav tom ntej.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 29th July 2013, 3:46 am



    Hnub Chiv tim 07-07-2013

    TP.Txhiaj Foom txais lub Cim Tiag Tes tau 50 xyoo,
    tub tshaj Ntuj Lus rau hais Hmoob.


    "Kuv xav kom ib hnub twg lub teb chaws Nplog txhob siv lub tswv yim koom tshas es rov los ua ib lub teb chaws ywj pheej.
    Kuv yuav rov mus ua hauj lwm tid...Kuv xav tias ntshe yog kuv npau suav pom lawm xwb!"
    TP.Txhiaj Foom.


    TP.Txhiaj Foom  Daniel10

    TP.Txhiaj Foom, Père Daniel Taillez (OMI), txais lub Cim Tiag Tes lub 3 hlis 1963, caw nej txhua leej tuaj koom thov Ntuj rau lub thaj Txiv Ntuj ua Ntuj tsaug uas nco txog nws cawv xeeb tsib caug xyoo ua Txiv Plig rau Hnub Chiv tim 07-07-2013 nyob rau lub tsev teev Ntuj Saint Barthélémylub zos Lesquin ze Lille, Fab Kis teb.

    Hnub tim 07 lub 7 hli 2013 no, TP.Txhiaj Foom yuav ua lub Thaj Txi Ntuj nco txog tsi caug xyoo uas nws txais lub Cim Tiag Tes nyob rau  lub tsev teev Ntuj Saint Barthélémy, lub zos Lesquin ze Lille, Fab Kis teb. Txiv Plig hnub nyug 77 xyoo uas txog tav nov nws mam kam txo nws lub nra hnub puav los nrog nws cov phooj ywg thiab cov txheeb ze nyob ob peb hnub ua ke, ua ntej yuav rov taug txoj deb deb ntawm Hmoob ib sab mus ntxiv. Tswv Ntuj txoj hauj lwm coj mus mus yuav luag thoob qab ntuj tau ib nrab tiam neeg no, txog ntua rau Thaib teb uas nws yuav rov qab mus thaum lub 8 hli xiab.

    Yog hnub uas nws hnav lub tsho tshaj sab dawb thaum txais lub Cim Yug uas Danel hnov tias nws lub neej hloov. Los yog nws yeej mloog tau tej yam dab tsi txawv txav nyob hauv nws lub siab. Hnub puav tom qab, tus Txiv Plig pab hauj lwm hauv lub tsev teev Ntuj Lesquin hais rau nws tias nws yog tus neeg zoo li cas: "Nws hais rau kuv tias yog zoo mas kom kuv pib kawm ua Leej choj", raws li Txiv Plig Txhiaj Foom tseem nco ntsoov. Nyob hauv ib tug me nyuam yaus hnub nyug 11 xyoos lub taub haus thaum hnov cov lus no ua rau nws zoo siab heev; nws maj zeeg yuav mus qhia rau nws niam thiab nws txiv nrog zoo siab. "Kuv txiv tseem mus tom teb lawm, kuv mus txog tshuav kuv niam ib leeg xwb. Thaum kuv hais rau nws seb nws xav li cas no ces nws muab kuv khawm kiag rau nws xub ntiag ua kua muag poob dawb vog. Yog ib lub sam xeeb zoo rau peb tsev neeg uas yog ib tse neeg ntseeg zoo heev, vim tsis yog yus xaiv los ua Leej Choj tab sis yog Tswv Ntuj hu yus."

    Zoo siab uas nrhiav tau nws txoj hauv kev, Daniel kawm ntawv li yog ib qho yuav tsum ua xwb: Nws kawm Collège Notre-Dame des Anges de Saint-Amand, tau Bac philo hauv cov Txiv Plig Oblats, ua tij tau 6 xyoo, mus xyaum tub rog tau 28 lub hlis tag ces thiaj li txais lub Cim Tiag Tes hnub tim 17-03-1963 hauv lub tsev teev Ntuj Lesquin qhov chaw uas nws zoo siab pom nws txoj kev ntseeg chiv keeb. Tsis pes tsawg hli tom qab, tus tub tshaj Ntuj lus raug xa mus Nplog teb, uas caij nkoj deg mus 28 hnub mam txog rau qhov chaw uas nws tsis tau pom dua thiab yuav nyob raws hauv nws lub siab tag sim neej tsis ploj.

    Yog mus txog tid uas nws mus hauv haiv Hmoob, uas nws nws tseem nrog lawv nyob ua hauj lwm thoob qab ntuj txog niaj hnub no. “Kuv pom dheev lawv, kuv cia li nyiam lawv txoj kev txais qhua, lawv txoj kev zoo luag ntxhi, lawv txoj kev sib pab. Kev txo hwj chim yog ua kom muaj kev sib hwm…”

    Txog rau xyoo 1975, TP.Txhiaj Foom yog tus qhia Ntuj Kev Cai nyob rau tuam ceeb Nplog, Vees Cas. Thiab tau sau nras khiav lub teb chaws Nplog thaum lawv hloov kev tswj hwm . Los nyob tau tsis ntev Fab Kis teb, nws ya mus rau Haïti uas zoo li cov ntsiab lus hu nkauj cav txog Tswv Ntuj lub hwj chim. Lawv hu nws rov los saib cov Hmoob thoj nam, nws thiaj li rov sau cov qub xib hwb thiab tsim lub hauv paus kev ntseeg rau Hmoob nyob Saint Paul, Minnessota. Lub Koom Txoos tus neeg hais tias:“Kuv nyob tau 20 lub xyoo, uas kuv tau ncig mus xyuas ntau haiv neeg me nyob thoob plaws As Mes Liv Kas teb. Nyob St.Paul, kuv tau qhia kev cai rau cov yim neeg. Hmo Hla 1983, peb tau ua lu Cim Ntxuav rau 145 leej. Yog ib zaug tseem ceeb hauv kuv lub neej”

    Zaum no, tus coj kev tseem tshaj Ntuj Lus raws xov tooj cua nyob rau phab Es Xias. TP.Txhiaj Foom yog ib tug siv tau tej twj tshiab ntawm lub caij uas nws nyob: Txij thaum 2001 los, nws npaj cov zaj ua lus hmoov rau xov tooj cua thaum ntej nyob Philipines; txij lub 12 hlis 2011 nws los nyob rau Thaib teb kom ze Hmoob me ntsis. Nws tseem hais ntxiv tias: “Kuv nyob 350 km ntawm qaum Bangkok. Hnub Ob rau Hnub Rau, kuv yog tus zov xov tooj thiab xa kuv cov zaj raws cab sab rau xov tooj cua nyob Philipines hais tawm. Hnub Rau tav su txog tau Hnub Chiv kuv mus rau tim Houaï Saï, sab Nplog teb, ib hnub kuv mus deb zuj zus.” Lub caij nyoog dhau mus, ntsib ntau yam hauv lub neej, kuv tsis yog tus neeg ntseeg qub uas thaum kuv txais lub Cim Tiag Tes xyoo 1963 lawm. Hauv kuv lub tswv yim, kuv tsis ua nyuaj nyuaj rau tej ub no, kuv mus raws lub neej tshiab mus li.   Kuv nco ntsoo Tswv Ntuj lub txiaj ntsim uas tau muab kuv ua Yes Xus ib tug thwj tim li nov, vim kuv yog thawj tus neeg uas tau yuav, tau kawm kev ntseeg ua ntej, yog kuv yog thawj tug, vim kuv muab ces kuv tau txais thiab.”
    Lub koob tsheej hnub no yog ua kom nco txog yav dhau los, zoo li Txiv Plig tsis tau xav tso lub micro thiab hle nws lub tsho dawb sai. Hnub nyug 77 xyoo, nws tseem tshuav hauj lwm yuav ua kom tag. Nws hais tias: “Kuv tau txais ib tsab xov tias kom kuv mus nyob noj nyiaj laus rau tim As Mes Liv Kas, ua rau kuv plawv yuav luag nres thaum kuv nyeem tsab ntawv. Tam sim no tseem tsis tau yog lub caij uas yuav xav txog.”  Yam li TP.Txhiaj Foom tseem xav ua ib qhov hauj lwm ua zaum kawg, kom lub voj hluas los sib cob, nws xyu ib suab thiab hais tias: "Kuv xav kom ib hnub twg lub teb chaws Nplog txhob siv lub tswv yim koom tshas es rov los ua ib lub teb chaws ywj pheej. Kuv yuav rov mus ua hauj lwm tid...Kuv xav tias ntshe yog kuv npau suav pom lawm xwb!"



    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    TP.Txhiaj Foom  Empty HANCA 2013 NYOB MILWAUKEE, WISCONSIN

    Post  Mim 29th July 2013, 12:27 pm

    Nyob zoo Sawv Daws,

    Xyoo no kuv kuj tsis npaj hais tias yuav tau mus koom lub rooj sab laj HANCA li, tiam sis thaum kawg kuv kuj ho cia li tau mus lawm thiab.  Lub rooj sab laj xyoo no, lawv cov coj  kuj khiav tau zoo kawg lawm. Lawv muaj thaj Txi Ntuj niaj hnub; lawv hu cov tswv qhia  tuaj ua thaj txi ntuj rauy sawv daws, thiab xyoo no yog xyoo ua cawv xeeb nco txog TP Txhiaj Foom ua leej choj tau 50 xyoo, ces lawv tso TP Txhiaj Foom ua thaj txi ntuj rau Hnub Xya tim 29 lub 6 hli koom nrog TP Tshaj Xwm uas lawv tau caw tuaj Thaib teb tuaj thiab.  Kuv pom tau hais tias xyoo no lawv muaj kev txhawb kev ntseeg zoo pab rau cov laus. Kuv xav tias lawv yuav ua tau zoo ib yam rau cov hluas thiab, vim cov hluas lawv muaj lawv ces peb tsuas sib ntsib me ntsis thaum sawv ntxov xwb dua li nyias mus nyias lawm.

    Yog lawv muaj kev txhawb kev ntseeg li no niaj xyoo mas yuav pab tau peb cov Hmoob kom kub siab rau lawv txoj kev ntseeg.  Qhov kuv tau mus yog vim muaj ob niam txiv hluas hauv peb pawg ntseeg npaj mus. Nkawd tsis tau mus dua, nkawd caw tias kom kuv nrog nkawd caij nkawd lub tsheb mus, ces kuv thiaj tau nrog nkawd mus.  

    TP.Txhiaj Foom  Dscn0512
    Hmoov zoo kawg, kuv tau mus ntsib coob leej peb cov qub neeg uas tuaj koom TP Txhiaj Foom lub cawv xeeb, xws li XH Zoov Ntxheb Yaj los kuj tuaj, Deacon Lis Pov Yaj los tuaj, Dn Xov Tsheej Yaj los tuaj. Xyoo no lawv tuaj txog li 7-8 leej deacons diam.  Cov qub neeg uas kuv paub yog txiv Koov Tooj Yaj nkawd, txiv Faiv Ntxhos Yaj nkawd thiab tseem muaj coob leej ntxiv. HANCA kuj tau ua ib rooj mov rau nws lub cawv xeeb rau hnub Xya tim 29 ntawd thiab. Thov Tswv Ntuj pab  TP Txhiaj Foom kom nws ntsib kev noj qab nyobv zoo nws thiaj yuav tau pab peb Hmoob ntev niaj ntau xyoo ntxiv.

    TP.Txhiaj Foom  Dscn0511
    Ob tug TP Hmoob thov ntuj rau pab thawj coj HANCA tshiab

    Xyoo no kuj yog xyoo xaiv dua tus thawj coj HANCA, ces poob rau Nruas Lauj uas nyob hauv Fresno los ua tus thawj coj. Thov kom Tswv ntuj txhawb lawv pab los tuav tshiab no kom lawv rub tau peb Hmoob Kas Tos Liv los ua ke, tsis txhob ua kom muaj kev sib tawg sib cais.

    TP.Txhiaj Foom  Dscn0513
    Cov poj niam nrog ob tug TP thiab cov Deacons yees duab

    TP.Txhiaj Foom  Dscn0514
    Cov txiv neej yees duab

    TP.Txhiaj Foom  Dscn0515
    Cov hluas yees duab

    TP.Txhiaj Foom  Dscn0516
    Tus nyob nruab nrab yog ib tug XH, hu ua XH Neeb Xyooj, nrog TP Tshaj Xwm tuaj Thaib teb tuaj. Ob tug nyob ob sab yog ob niam txiv thauj kuv mus koom HANCA

    Xyoo no lawv tshaj tawm tias peb muaj yuav txog ze ntawm 300 leej xam tas nrho cov laus cov hluas tib si.  Tus tub hluas hu ua Pov uas tshaj tawm xov tooj cua Zoo Tswv Zov Yaj kuj tuaj thiab tiam sis kuv yees tsis tau nws daim duab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 30th July 2013, 8:44 am



    Nyob zoo Mim,

    Zoo siab uas Hmoob Mes Kas tseem ua lub koob tsheej 50 xyoo TP.Txhiaj Foom txais Cim Tiag Tes thiab. Zoo kawg, Peb Hmoob Fab Kis tsis tau ua los nej twb ua lawm ces yeej sawv tau Peb Hmoob cev tag nrho lawm; yog ib qho zoo heev. Thov ua nej Hmoob Mes Kas tsaug ntau.

    Zoo siab uas HANCA pib rov muaj zog zuj zus lawm. Thov kom Tswv Ntuj tso Leej tswv Yim Ntshiab los nyob hauv cov coj. Thov kom lawv muaj txoj kev thoob tsib tog nrog, coj sawv daws mus aru qhov yog.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 13th November 2017, 6:22 am




    TXIV PLIG TXHIAJ FOOM LUB NEEJ.

    On November 8, 2017 By zootswvzovyaj

    TP.Txhiaj Foom  Tp_txh10

    Nyob zoo ib tsoom kwv tij Hmoob sawv daws ! Ntawm no, kuv yog Txiv Plig Txhiaj Foom ! Hnub no kuv yuav piav me ntsis txog ntawm kuv tus kheej lub keeb chiv pub rau nej sawv daws tau paub txog me ntsis. Kuv yug los hnub tim 3 lub 8 hli ntuj xyoo 1936, nyob hauv lub zos hu ua Les Kees, nyob Fab Kis qaum teb. Thaum kuv sau zaj no, tshuav 1 hlis mas kuv lub hnub nyoog muaj 77 xyoo txwm nkaus. Kuv niam thiab kuv txiv yug tau peb 5 leeg nus muag. Tus hlob yog ntxhais, nws lub npe hu ua Tes Les Xas. Nyem no nws hnub nyoog twb muaj 82 xyoos lawm. Tus tom qab ntawm Tes Les Xas, mas kuj yog kuv 2 tug tij laug : xws li Pob Zeb thiab Mis Kas nkawd. Kuv yog tus yau Mis Kas thiab kuv tseem muaj ib tug muam yau ntxiv thiab. Nws yog tus yau kuv li 3 xyoos. Kuv tus muam yau kuv yug xyoo 1939, tiam sis nws txoj hmoov tsis zoo, ces thaum nws hnub nyoog muaj 10 hli ntau, mas nws tau ib tug mob hnyav thiab tau tag sim neej nyob hauv kuv niam lub xub ntiag lawm.
    Kuv txiv yog ib tug neeg ua liaj ua teb, nws thaj av ua teb dav li 13-14 hev taj. Niaj xyoo kuv txiv cog nplej ua mov noj, cog qos yaj ywm thiab lwm yam ntxiv. Kuv txiv muaj 2 tug nees pab laij teb thiab cia thauj qoob loo. Tsis tas li ntawd, kuv niam thiab kuv txiv kuj tseem yug 5-6 tug maum nyuj thiab. Ces nkawd tso nyuj cov kua mis los muag. Yug npua li ntawm 5-6 tus thiab 1 pab qaib tsis coob pes tsawg. Tab txawm peb tsev neeg tsis yog ib tse neeg nplua nuj, tab sis kuj nyob nyog xws li luag tej thiab.
    Hnub tim 17 lub 3 hlis xyoo 1963, kuv tau txais lub Cim Tiag Tes ua Txiv Plig nyob hauv lub nroog Xos Lis Nas nyob Fab Kis teb. Kuv txais lub Cim Tiag Tes ua ib tug Txiv Plig nyob hauv lub Koom Haum tshaj Ntuj Lus OMI.
    Tom qab ntawd kuv tau mus kawm txuj nyob ze ntawm lub tuam ceeb Pas Lis li 1 xyoos ntxiv, yog txij xyoo 1963 mus txog lub 6 hli xyoo 1964. Kuv kawm txuj li 1 xyoos tag, mas kuv txiav siab meej meej ua ib tug Txiv Plig mus tag ib sim neej.
    Lub 8 hli xyoo 1964, kuv thiaj txiav txim siab caij nkoj ntawm Fab Kis teb tuaj mus txog rau tuam ceeb Npaas Koj (Bangkok) nyob Thaib teb. Vim lub caij ntawd, mas tsis tau muaj cov dav hlau thauj neeg xws li niaj hnub nyem no, ces yuav tsum caij nkoj tuaj xwb. Kuv tau nyob hauv nkoj hla hiav txwv 28 hnub thiaj tuaj txog Thaib teb. Lub 9 hlis xyoo 1964, kuv tau mus txog Los Tsuas teb thiab kawm ntawv Los Tsuas li 1 xyoos. Kuv pib kawm ntawm xab lab as pos pas tuaj ntag ! Txij lub 1 hlis xyoo 1966 mus txog xyoo 1975, kuv nrog Txiv Plig Nyiaj Pov, Txiv Plig Neej Vaj thiab Txiv Plig Vaj Xwm nyob ua ke hauv tuam ceeb Vees Cas. Kuv nyob hauv lub tsev uas cov tub hluas Hmoob tuaj kawm ua Xib Hwb. Tas 9 xyoos ntawd, mas kuv zoo siab thiab ua Tswv Ntuj tsaug uas Tswv Ntuj tau pub kom cov Tim Hwb lawv muab siab rau kawm kev ntseeg thiab npaj siab tshaj Yes Xus lub Moo Zoo rau cov Hmoob. Xyoo 1975, lub teb chaws Los Tsuas nyob tsis tiaj tus, ces peb cov Txiv Plig thiaj tau khiav tawm Los Tsuas teb mus rau Thaib teb thiab mus rau txawv teb chaws. Lub 9 hlis xyoo 1975, kuv rov mus txog Fab Kis teb thiab rov mus kawm lus Aas Kiv me ntsis ntxiv.
    Xyoo 1976, kuv thiab 3 tug Txiv Plig uas thaum ub peb nyob Los Tsuas teb ua ke, peb tau mus tshaj Ntuj Lus nyob hauv lub pov txwv Hes Tis, uas ze ntawm lub pov txwv Kws Npas, nyob As Mes Lis Kas nrab tau 2 xyoos.
    Xyoo 1978, kuv thiaj ua raws li Txiv Plig Nyiaj Pov cov lus hais kom kuv rov qab mus Fab Kis teb. Vim muaj ib cov Hmoob ntseeg uas nyuam qhuav tuaj ntawm Thaib teb tuaj. Lub 2 hlis xyoo 1981, Xib Hwb Lauj Vam Thaiv tau caw kuv mus tshaj Ntuj Lus nyob As Mes Lis Kas teb (USA), ces kuv thiaj tau mus nyob As Mes Lis Kas teb mus txog xyoo 2001. Lub 8 hli xyoo 2001, Txiv Plig Nyiaj Pov rov hais kom kuv pab nws ua cov hauj lwm tshaj Ntuj Lus nyob hauv lub xov tooj cua Zoo Tswv Zov Yaj (The Good Shepherd) nyob Fis Lis Pees teb, ces kuv thiaj tau sawv kev ntawm USA mus rau Fis Lis Pees teb. Kuv mus nyob hauv lub xov tooj cua Radio Veritas-Asia, nyob hauv lub nroog Mas Nis Las. Tas lub caij kuv nyob Fis Lis Pees teb, mas kuj muaj 2-3 tug Hmoob sib hloov tuaj nrog kuv ua hauj lwm thiab. Peb cov hauj lwm ua nyob Fis Lis Pees teb, mas yog zom lus tshaj tawm nyob hauv lub xov tooj cua Zoo Tswv Zov Yaj. Xyoo 2008 txog xyoo 2011, tus hais lus nyob hauv xov tooj cua Zoo Tswv Zov Yaj yog Pov Lauj.
    Lub 12 xyoo 2011, kuv thiab Pov Lauj wb thiaj tau tshais chaw los mus nyob rau hauv lub nroog Lomsak, xeev Phetchabun, Thaib teb lawm. Nyob ntawd kuj muaj 4-5 tug Hmoob nrog kuv ua hauj lwm ua ke thiab. Ces peb cov hauj lwm tshaj tawm nyob hauv xov tooj cua Zoo Tswv Zov Yaj yog ua nyob hauv lub nroog Lomsak, nyob Thaib teb. Txog xyoo 2015, kuv thiaj rov qab mus so nyob hauv peb cov Txiv Plig lub tsev laus nyob Fab Kis teb, vim kuv laus lawm. Saib puas muaj hnub kuv yuav tau kev rov qab tuaj txog Thaib teb, kom tau ntsib peb cov kwv tij Hmoob dua ! Nco thiab tshua txog ib tsoom kwv tij Hmoob sawv daws kawg ! Thov kom peb Leej Txiv Tswv Ntuj foom hmoov zoo pub rau nej sawv daws mog !

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 14th June 2019, 6:17 am


    Zaum no Txiv Plig Txhiaj Foom los nyob ntawm lub Tsev Laus EHPAD Saint François d'Assise de la Croix rousse ntawm Lyon lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 17th November 2019, 12:33 pm

    Hnub no, tim 17/11/2019
    Txiv Plig Txhiaj Foom, Daniel Taillez tau tso peb tseg lawm.
    Tej zaud nws lub ntees yuav ua rau Saint Foy-les-Lyon, Rhône. Tab tseem tsis tau paub hnub.

    TP.Txhiaj Foom  5521410

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    TP.Txhiaj Foom  Empty Re: TP.Txhiaj Foom

    Post  Mim 17th November 2019, 6:28 pm

    Ua cas TP Txhiaj Foom cia li yuav ncaim peb lawm tiag tiag li os!

    Tswv Ntuj aw, thov koj hlub koj tus tub txib thiab coj nws mus nrog koj nyob kaj siab lug lau...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  Maiv Tooj 22nd November 2019, 4:46 am

    TP. Txhiaj Foom lub neej.

    https://youtu.be/DL3_tGKgTi4
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  NrhiavTswvNtuj 5th March 2020, 9:58 am


    La famille du Père Daniel Taillez
    TP. Txhiaj Foom lub neej.


    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    TP.Txhiaj Foom  Empty Re: TP.Txhiaj Foom

    Post  NrhiavTswvNtuj 5th March 2020, 10:00 am


    Txiv Plig Taillez lo lus kawg


    Sponsored content


    TP.Txhiaj Foom  Empty Re: TP.Txhiaj Foom

    Post  Sponsored content


      Current date/time is 18th March 2024, 7:42 pm