TP.Txhiaj Foom lub TSEV Ntawv

**Maiv Tooj** 13th February 2015, 12:34 pm

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°121

Re: TP.Txhiaj Foom lub TSEV Ntawv

Post Maiv Tooj 13th February 2015, 12:34 pm

February 15 2015 - Nruab Xyoo- Hnub Chiv 6 - Xyoo B

Cov kwv tij, hnub no zoo hnub, rau qhov tias peb nrog Huab Tais Yes Xus koom siab koom ntsws muab peb tej siab ntsws los cev rau peb Txiv nyob saum ntuj.
Hos, yav dhau los, peb twb tau mloog Ntawv Moo Zoo qhia peb txog Huab Tais Yes Xus muab nws tej kev nyiam kev hlub los pab kho ib tug neeg raug dab tsis huv thiab Yes Xus kho Xis Moos niam tais kom zoo hlo. Hos hnub no mas Ntawv Moo Zoo tseem qhia ib zaj hwj huam yees ntxwv ntxiv tias Yes Xus hais ib lo lus rau tus neeg mob ruas ces tam sim ntawd tus neeg ntawd cia huv tuaj .
= Mas hnub no tsim nyog peb yuav khaws ob zag tswv yim tseem ceeb tias ;1 :Huab Tais Yes Xus nrog peb sawv daws koom siab koom ntsws – 2 : Huab Tais Yes Xus yog tus cawm peb kom peb rov ntshiab huv zuj zus.

1 : Huab Tais Yes Xus nrog peb sawv daws koom siab koom ntsws. Peb tau hnov lub Moo Zoo tias : tus neeg mob ruas ( uas txom nyem tas nrho ) tuaj thov Yes Xus pub ib lub cev huv rau nws. Ntawv Moo Zoo sau cia tias :” Yes Xus hlub tus neeg mob ruas ntawd “..Yes Xus hlub tus neeg ntawd,.vim Yes Xus paub tias tus neeg ntawd raug ib yam mob phem- Nws nrog luag nyob ua ke yeej tsis tau. Nws yuav tsum nyob rau ib cag . Hos nyob ntawm sawv daws lub xub ntiag mas nws txaj muag tas niaj tas xyoo . Hos Yes Xus ntsia tus ntawd – Nws hais tias :”Koj huv tuaj mas” Ces tam sis ntawd tus neeg ntawd cia li huv tuaj -Yes Xus hlub tus neeg mob ruas .Yes Xus nrog tus neeg ntawd koom ua ib lub siab ntsws ces ib ntsis Yes Xus muab nws tej kev hlub uas muaj zog tas nrho,los txhim kho tus ntawd kom zoo ..

Cov kwv tij lub zim txwv no lub Moo Zoo uas nplij peb siab kuj mus li no tias Huab Tais Yes Xus paub peb sawv daws . Nws hlub peb ib tug dhau ib tug, ib leeg dhau ib leeg, xws li yav dhau los, nws hlub tus neeg mob ruas ntawd . Huab Tais puag peb sawv daws huv si hauv nws nruab siab .Yes Xus nrog peb sawv daws koom siab koom ntsws..Muaj kev lom zem hauv peb lub neej – Peb raug kev nyuaj siab ntxhov plawv kuj yog vim ntau ntau yam, ces peb lub neej tsaus ntuj nti, mas Huab Tais paub tej yam ntawd huv tib si. Huab Tais nrog peb koom siab koom ntsws, tsis tu ncua.
THOV NTUJ PAB : Huab Tais khuv leej neeg tas nrho, koj yog tus txuag peb. Koj niaj hnub pov hwm peb .Koj niaj hnub saib peb. Peb ua koj tsaug ntau. Peb mam li tso peb tej kev ntxhov siab huv tib si rau koj.(1 P Z 5:7 ). Yog tias tsis pom koj pab mas peb nyob tsis tau. Huab Tais , thov koj hlub peb os mog “ .

2 : Huab Tais Yes Xus yog tus cawm peb kom peb rov ntshiab huv zuj zus.
Cov kwv tij ,peb hu txog Huab Tais pab, ces peb cev peb lub siab rau Huab Tais ,mas peb yuav muab tas peb lub tswv yim los tso siab lug rau Huab Tais- Peb tsuas xav txog yus tej lo lus teev Ntuj xwb, thiaj yog - Yuav tsis xav txog lwm yam. Ces hais 2-3 lo lus ua piv txwv tias :
1: Kuv raug mob nkeeg tau ntev hli- Ces nyob nyuaj siab tas. Huab Tais siab zoo, thov koj pab.
2 : Hauv peb tsev ,peb kuj tsis tshua sib haum pes tsawg - Ib leeg tsis mloog ib leeg .Huab Tais khuv leej neeg tas nrho, thov koj cawm peb sai os mog..
3 : Wb ob tug niam txiv ntxhov siab txog kev pab wb cov me nyuam coj lub neej nyob txheeb siab me ntsis –Nyuaj kawg nkaus. Huab Tais, thov koj pab kom xwv wb ob tug niam txiv noj qab nyob zoo, ntxiv mus lawm yav tom ntej - Huab Tais, thov koj pab
4 : Zaum puav , me yaus xav txog tej zaj tswv yim phem phem. Huab Tais, thov koj
cawm me yaus dim ntawm qhov ntawd sai sai,kom xwv ”Me yaus tej siab ntsws thiaj ntshiab huv tuaj, tsis lo txhaum li qub ,ces thiaj loj hlob zuj zus vim koj tej kev nyiam kev hlub “ ( Es Fes Xos 1;4)
Cov kwv tij, tsim nyog peb sawv daws yuav tso siab lug rau Huab Tais Yes Xus yam tuag nthi. Huab Tais dai saum ntoo cuam -Nws raug sab kawg. Li cas los ,Yes Xus haj yam tso siab lug rau nws Txiv. Nws lub siab thiaj nyob tus yees. Li ntawd Huab Tais Yes Xus siab zoo, thov koj pub ib feem hauv koj tej kev ntseeg tuaj rau peb. Ces ” peb thiaj nyob tau, raws li koj tus piv txwv”. ( 1 Zam 4:27 ) Ua koj tsaug ntau
Cov kwv tij, kev ntseeg Ntuj, kev npuab Tswv Ntuj lub siab, kev tso siab lug rau Tswv Ntuj, tus Cawm Neeg thiaj yog qhov loj tshaj plaws yog qhov muaj nqes tshaj plaws hauv peb lub siab. Ces thov kom Leej Ntuj Plig Ntshiab nqes los txhab zog rau peb tej kev ntseeg
Niam Mab Liab, thov koj nplij peb siab kom xwv peb thiaj ntseeg Ntuj ruaj nreb zuj zus os mog

T.P. Txhiaj Foom omi

**Maiv Tooj** 13th February 2015, 12:36 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°122

Re: TP.Txhiaj Foom lub TSEV Ntawv

Post Maiv Tooj 13th February 2015, 12:36 pm

VIM LI CAS PEB NTSEEG NTUJ No 2

Cov kwv tij hmov thiab tshua, hnub no zoo hnub, rau qhov tias peb tsoom ntseeg zoo siab sib sau los ua Thaj Txi Ntuj. Peb mam li txais Tswv Ntuj Lo Lus los kaj peb lub neej.
Lub lis piam dhau los, peb tau tshaj tias : VIM LI CAS PEB NTSEEG NTUJ ?
Peb sawv daws niaj hnub ua Ntuj tsaug ,vim tias ib tug tib neeg twg qhib nws lub siab los txais Ntuj Lo Lus thiab nws tig los yuav ib lub siab tshiab, kuj yog vim Tswv Ntuj tau tshoj tus neeg ntawd lub siab. Yam li peb ntseeg Ntuj kuj yog vim Tswv Ntuj pub nws tej txiaj ntsim los kaj peb lub siab. Li ntawd, peb zoo siab ua Ntuj tsaug, xws li tus Hauv Paus Xa Lus Paj Lug lo lus tias: “Yog Tswv Ntuj lub txiaj ntsim ua kom kuv lub siab hloov los zoo li no. Tswv Ntuj lub txiaj ntsim nyob hauv kuv - nws tsis nyob dag” (1 KLN 15:10)
Cov kwv tij, peb zoo siab ntseeg Ntuj yog vim Tswv Ntuj pub peb txais Ntuj Lo Lus. Yog vim qhov ntawd, ces hmo no kuv thiaj yuav rov twm zaj lus tseem ceeb uas hais tias : “TXOJ HMOOV ZOO”
“ Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li. Cov tau txoj hmoov zoo yog cov siab zoo, vim lawv yuav txais lub ntiaj teb los ua lawv tug - Cov tau txoj hmoov zoo yog cov quaj ntsuag, vim Ntuj yuav nplij lawv – Cov tau txoj hmoov zoo yog cov tshaib thiab nqhis txoj kev ncaj, vim Ntuj yuav daws lawv qhov nqhis- Cov tau txoj hmoov zoo yog cov hlub luag tej, vim Ntuj yuav hlub lawv. Cov tau txoj hmoov zoo yog cov siab huv, vim lawv yuav pom Tswv Ntuj – Cov tau txoj hmoov zoo yog cov tsim kev thaj yeeb, vim Ntuj yuav hu lawv ua Tswv Ntuj cov me nyuam. Cov tau txoj hmoov zoo yog cov raug luag hiam vim txoj kev ncaj – Ntuj lub Ceeb Tsheej yog lawv tug . Thaum luag thuam nej, hiam nej thiab liam ntau yam phem rau nej vim kuv, mas nej txoj hmoov zoo. Nej zoo siab thiab nej hom khaj mog, vim nej yuav tau txais koob haum loj nyob saum ntuj. Cov yaj saub ua nej ntej kuj raug luag hiam zoo li ntawd thiab”

PAJ NRUAG : “As les lus yas, Leej Ntuj Plig, koj los mas..”
Hos peb kuj yuav nco ntsoov tias : peb nrog ib pab neeg nyob ua ke hauv peb lub zos, mas peb cov kwv tij ntawd , uas lawv zoo siab ntseeg Ntuj tib leeg, mas phim yuav nrog lawv ua phooj ywg thiab nrog lawv tham txog txoj kev ntseeg .. Lawv ntseeg Ntuj zoo . mas zaum puav phim yuav tsham lawv, ces peb haj yam yuav to taub tias VIM LI CAS PEB NTSEEG
Li ntawd, peb cov kwv tij pub txiaj ntsim rau peb los txhab zog rau peb txoj kev ntseeg.

Cov kwv tij, hnub no, peb yuav tshaj tej lus tseem ceeb uas 3 tus neeg tim Fab Kis hais kam, los zeem tseeb txog txoj kev ntseeg. Ces thov kom nej mloog 1 tug txiv neej thiab 2 tug poj niam lawv tej lus.
Thawj tus neeg, yog tib tug txiv neej. Nws lub npe hu ua Tis Es Npis Zos. Nws hnub nyoog 51 xyoos. Nws kuj muaj ob tug tub. Nws ua hauj lwm nrog ib pab neeg hais lus nyob rau hauv lub tshaj xyam los, yog lub TV. Nws kuj tau sau ib phau ntawv nthuav piav txog tej yam xwm uas tshwm sim tuaj hauv nws lub neej ,ces nws thiaj tau tig los yuav lub siab tshiab ?
Mas thov kom nej mloog tus Tis Es Npis Zos no cov lus , -Nws sau li no tias :
“ Yav dhau los, kuv tau kawm ntau yam txuj ci, tab sis kuv tsis tau ua neeg ntseeg. Kuv tau xav tias : “Tus tib neeg twg ntseeg Ntuj mas yeej tsis pom muaj ib yam dab tsi tshiab tshiab tawm tuaj nyob rau hauv tus neeg ntawd lub neej li.” Ua li, kuv thiaj tsis tau ntseeg txog Tswv Ntuj kiag .tab sis, kuv lub siab nyob tsis tus . Kuv tsuas khwv ua kuv tej hauj lwm ntxiv mus los mus yug kuv tsev neeg xwb. Ces kuv kuj ua lub neej nyob xws li luag thiab.
“Mas tau 3 xyoo dhau los, kuv tau ua ib yam tshiab tshiab, uas yav dhau los kuv tsis tau xav txog ib zaug. Yam li kuv muaj ib tug phooj ywg, uas lub npe hu ua Zam - Nws yog tus qhia txuj ci rau kuv tus tub hlob, uas hnub nyoog 17 xyoo. Zam wb yeej sib hwm,. Muaj xwm dab tsi hauv nws lub neej mas Zam kuj hais rau kuv paub. Kuv kuj ua tib yam li ntawd rau nws thiab- Muaj ib hnub kuv hais rau Zam tias : “Kuv tsis yog neeg ntseeg Ntuj. Tiam sis, kuv tseem ua xyem xyav txog kev ntseeg Ntuj !” Ces tom qab ntawd, Zam tau hais qhia kuv tias : “Zoo li Zam tseem tsis tau txais lub Cim Ntxuav, tab sis, Zam nrog ib pab neeg kawm Ntuj Kev Cai. Zam hais li ntawd tas ,ces nws thiaj caw kuv nrog nws mus tom lub tsev uas lawv qhia Ntuj kev Cai. Auj ! Yav dhau los kuv tsis tau ua qhov ntawd ib zaug li,. Ces thiaj xav tias: “ “Zam caw kuv mus ,mas saib puas yuav zoo, los tsis zoo ? “ Ces kuv thiaj lam nrog Zam mus tom lub tsev uas lawv qhia Ntuj kev Cai rau 8 leej, uas lawv hnub nyoog ntau li kuv. Kuv kuj tau mloog tej zaj lus tseem ceeb txog Tswv Ntuj kev nyiam kev hlub neeg thiab hais txog kev tso siab lug rau Tswv Ntuj thiab hais txog lub Cim Ntxuav. Kuv kuj tau nrog Zam mus nrog lawv sab laj ua ke 3 zaug diam. Ces thiaj tau xav txog Ntuj Lub Moo Zoo thiab lub neej tshiab ua Tswv Ntuj tus me nyuam. Ces tau muaj ib hnub kuv pib ntseeg tias :” Tej zaj lus lawv nthuav piav rau peb yeej yog Qhov Tseeb. “Ces kuv tau kawm tej zaj teev Ntuj. Nyob nyob, kuv tau txais lub Cim Ntxuav, hauv lub Koom Txoos Kav Tos Liv. Li ntawd, niaj hnub no, kev thiaj ntseeg Ntuj nyob nraim hauv kuv nruab siab. Ua li mas kuv ua Ntuj tsaug ntau rau qhov nws tau pub ib lub txiaj ntsim muaj nqes rau kuv, uas ib txwm los kuv tsis tau xav txog ib zaug li, yam kuv tau ntsib Huab Tais Yes Xus ntag.”

PAJ NRUAG ;

Tus neeg ntseeg 2 thiaj yog ib tug poj niam. Nws lub npe hu ua Kas Tias Kus Nas. Nws hnub nyoog muaj 35 xyoos. Nws muaj 2 tug tub.

Ua li tus Kas Tias Kus Nas tau sau tej lo lus zoo li no tias : “Kuv tus txiv ua tub rog. Nws nrog ib pab tub rog nyob ua ke, nyob deb ntawm peb lub nroog - Yog vim qhov ntawd kuv nyuaj siab heev - Kuv tus txiv tau txais lub Cim Ntxuav yog thaum nws tseem yau, mas yav dhau los wb tau txais lub Cim Cog Lus nyob rau hauv tsev teev Ntuj, hauv lub Koom Txoos Kav Tos Liv. Tab sis, tsaib no, thaum txog Hmo Hla, kuv tau txais lub Cim Ntxuav los ua ib tug neeg ntseeg Ntuj lawm.
Hos kuv tus txiv wb yug tau ob tug tub. Tus hlob hnub nyoog 10 xyoo. Hos tus yau hnub nyoog 5 xyoos..Nkawd tab tom kawm Ntuj Kev Cai los npaj siab txais lub Cim Ntxuav thiab. Hauv kuv nruab siab ,mas muaj ib yam kuv xij ua kam kuj yog tias: kuv nrog Huab Tais Yes Xus tham - Ua li, tas ib puas tsav yam ,uas muaj tuaj hauv kuv tsev neeg mas kuv yeej nthuav piav tej yam ntawd huv si rau Huab Tais. Nws yog kuv tus phooj ywg. Kuv yeej tso siab lug rau kuv tus phooj ywg yam tuag nthi.
Kuv yeej nco ntsoov txog qib lus hauv Zam Ntawv Moo Zoo uas Huab Tais Yes Xus tau hais lo lus ntawd rau 12 tug thwj tim. thiab niaj hnub no Huab Tais kuj tseem hais tib lo lus ntawd dua rau peb sawv daws huv tib si, hais tias :” Kuv tsis hu nej ua kuv cov tub txib, vim tus tub txib tsis paub qhov uas tus tswv ua. Tab sis kuv hu nej ua phooj ywg, vim tas ib puas
tsav yam kuv hnov ntawm kuv Txiv, mas kuv tau qhia rau nej paub tas huv si” (Zam 15:15)
Yog vim qhov ntawd ces hauv qhov tob tob hauv kuv nruab siab , kuv yeej paub tias Huab Tais Yes Xus yog kuv tus Phooj Ywg siab zoo uas niaj hnub txhawb nqa kuv tej siab ntsws tsis tu ncua. Ua li, thaum txog hnub kuv haj yam raug kev nyuaj siab ntxhov plawv, mas kuv yeej vam txog Huab Tais Yes Xus tam sim ntawd, kuv thov kuv tus Phooj Ywg tas zaj tas zog.
Txhua txhia hnub kuv yeej soj qab ib yam loj tias : Huab Tais Yes Xus, kuv tus Phooj Ywg , nrog kuv nyob nraim – Nws yog tus nplij kuv lub siab, tsis tu ncua. Zoo li Tswv Ntuj hais tej lo lus no rau kuv tias : “Txhob txhawj los mas . Ib ntsis koj tej kev nyuaj siab ntxhov plawv yeej yuav ploj mus xwb mas.”

Cov kwv tij, zaj lus uas tus poj niam ntawd tau hais tseg kuj yog ib zaj lus zeem tseeb tias : nws ntseeg Ntuj, vim tias nws tau txais Ntuj ntau yam txiaj ntsha txiaj ntsim los pab txhawb nws lub dag zog. Ua li, thaum nws raug tej kev nyuaj siab ntxhov plawv mas nws tseem ua siab loj siab tawv qhawv ,vim tias Tswv Ntuj niaj hnub nplij nws siab mus li. Ces tus Kas Tias Kus Nas ntawd yeej nco ntsoov txog nws tus Phooj Ywg, uas yog Huab Tais Yes Xus mus li…
Li ntawd peb yuav thov Ntuj pub nws tej txiaj ntsim uas loj tas nrho rau peb sawv daws ,zoo ib yam li nws tau pub rau tus poj niam ntawd los mas

PAJ NRUAG :

Tus neeg ntseeg 3 kuj yog ib tug poj niam Fab Kis thiab. Nws lub npe hu ua Mab Liab. Nws hnub nyoog muaj 30 xyoo .Nws tau yug 3 tug me nyuam .Nws lees tias nws zoo siab ntseeg Ntuj kuj yog vim Tswv Ntuj pub nws ntseeg txog Thaj Txi Ntuj thiab lub Cim Yug.
Nws tau sau tej lo lus tseem ceeb zoo li no tias:
“ Txhua txhia Hnub Chiv, mas Huab Yes Xus tos ntsoov kuv tuaj nrog ib pab ntseeg hauv kuv lub nroog sib sau los nrog Huab Tais koom siab koom ntsws ua Thaj Txi Ntuj – Kuv ntseeg txog lub Cim Yug, vim tias kuv nco txog Huab Tais Yes Xus Lo Lus tias :”Kuv yog cov mov muaj txoj sia nqes saum ntuj los. Cov mov uas kuv muab pub rau lub qab ntuj neeg kom lawv muaj txoj sia yog kuv lub cev nqaij.. Kuv lub cev nqaij yog ib co tseem txhiam xws noj thiab kuv cov ntshav yog ib yam zoo haus. Tus noj kuv cev nqaij thiab haus kuv cov ntshav, nws nyob txawm hauv kuv thiab kuv nyob txawm hauv nws “ Zam 6:51-56
“ Yog vim kuv tau khaws lub Moo Zoo ntawd tseg hauv kuv nruab siab, ces kuv thiaj saib lub Cim Yug yog qhov loj tshaj plaws hauv kuv lub neej. Kuv yeej ntseeg ruaj nreb khov kho txog Huab Tais Yes Xus uas tau yeej txoj kev tuag. Huab Tais pub peb txais Nws nyob rau hauv lub Cim Yug, kom xwv Huab Tais Yes Xus txoj sia nqes los rau hauv peb siab los ua peb ntiag peb tug. Ces kuv qhuas txog lub Cim Yug kawg nkaus, vim tias yog qhov paj tshab muaj nqes tshaj plaws nyob tas qhov txhia chaw thooj ntiaj teb . Ua li mas, txhua txhia Hnub Chiv uas kuv los mus txais lub Cim Yug, kuv cia Huab Tais nqes los txeem rau hauv kuv nruab siab, ces Huab Tais yuav xuas kuv thiab tsoom ntseeg sawv daws, kom xwv Huab Tais kev nyiam kev hlub ri mus rau hauv luag lwm leej lwm tus, kuj yog vim peb tsoom ntseeg ntag…Ua li ntawd kuv lees tias lub Cim Yug pab txhawb nqa kev nyiam kev hlub puv peb siab npo.”

Cov kwv tij, thov kom peb kub siab ntseeg txog lub Cim Yug khov kho, xws li tus poj niam Fab Kis ,uas lub npe hu ua Mab Liab ntawd. Txhua txhia hnub, mas lub Cim Yug kuj yog Tswv Ntuj lub dag lub zog pab txhawb nqa peb siab, kom xwv peb txoj kev ntseeg loj hlob zuj zus

ZAJ NKAUJ ;
“Tswv Ntuj tsim peb los ua neeg”
“Tus tuaj cuag Yes Xus”
“His Xais 49”

**Maiv Tooj** 18th February 2015, 9:50 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°123

Re: TP.Txhiaj Foom lub TSEV Ntawv

Post Maiv Tooj 18th February 2015, 9:50 am

February 22 - 2015 - LUB CAIJ 40 - Hnub Chiv 1 - Xyoo B

NEEG TSIS KAWG MUAB MOV LOS YUG SIAV XWB
- NEEG TSEEM YUAV COV LO LUS LUS TAWM NTAWM TSWV NTUJ LUB NCAUJ LOS YUG SIAV THIAB

TP.Txhiaj Foom lub TSEV Ntawv - Page 6 Jeyne10

Cov kwv tij, txhua txhia xyoo, lub 2 hlis thiab lub 3 hlis, thiaj muaj lub Caij 40, vim tias peb siv 40 hnub los ib siab rov coj lub neej tshiab tshiab raws Huab Tais Yes Xus Lo Lus tias :
Nej tig los yuav lub siab tshiab - Nej mloog lub Moo Zoo.
Ntawv Moo Zoo sau cia li no tias : “Yes Xus mus rau teb chaws suab puam Ib ntsis tus niag ntxias neeg tuaj ze Yes Xus. Nws hais rau Yes Xus tias :” Yog tias koj yog Tswv Ntuj Leej Tub tiag, mas koj qhia kom cov pob zeb no txia ua mov, saib puas tau ?”. Yes Xus teb rau dab phem tias : “NEEG TSIS KAWG MUAB MOV LOS YUG SIAV XWB - NEEG TSEEM YUAV COV LO LUS LUS TAWM NTAWM TSWV NTUJ LUB NCAUJ LOS YUG SIAV THIAB” Ces dab phem tso Yes Xus tseg”, .vim tias nws swb Yes Xus lub tswv yim thoob tsib. Nws swb Yes Xus uas nws ntseeg Ntuj khov kho thiab nws tso siab lug rau nws Txiv yam tuag nthi.

Cov kwv tij, Yes Xus tshaj Lo Lus tseem ceeb ntawd zoo cuag li Yes Xus txhib peb siab tias ;” Nej khwv khwv los yug nej tsev neeg, mas yog ib yam muaj nqes kawg . Tab sis qhov loj tshaj plaws thiaj tsis yog tas ib puas tsav yam peb pom tau .Tsis yog kev nrhiav noj haus, tsis yog nrhiav kev nto koob meej .
Tab sis, peb tsoom neeg ntseeg Ntuj ib txwm yeej xav tias : qhov loj tshaj plaws thiaj yog qhov tias : peb yuav siv zog coj lub neej ntshiab dawb huv zuj zus.

=== Thaum Txiv Plig muab cov tshauv los pleev yus lub hauv pliaj, mas nyias yuav hnov lo lus no tias ;..
1 : Koj nco ntsoov tias koj yog av : koj yuav rov qab mus ua av
2 : Koj tig los yuav lub siab tshiab ; koj mloog lub Moo Zoo mog

==== 1 : Koj nco ntsoov tias koj yog av : koj yuav rov qab mus ua av.. Peb niaj hnub ,peb laus zuj zus, ces thiaj nco tias ; yuav muaj ib hnub peb thiaj yuav muaj ib siab ob qis.,ces yuav tso lub ntiaj teb no tseg .Ua li, peb tsoom ntseeg kuj nco tias ; qhov muaj nqes tshaj plaws tsis yog tas ib puas tsav yam peb pom tau los peb suav tau. tab sis qhov muaj nqes tshaj plaws thiaj yog qhov tias peb yuav loj hlob zuj zus hauv lub neej ntshiab dawb huv- Ua li hauv lub Caij 40 no mas peb haj yam npaj siab los mus chaws hauv Tswv Ntuj lub Ceeb Tsheej.
Ntawv Ntshiab sau li no tias :” Peb yuav tsum mus sawv ntawm Huab Tais Yes Xus lub rooj txiav txim - Yuav tsis muaj dab tsi thaiv peb. Ces nyias yuav pom txhua yam uas thaum nyias nyob hauv nyias lub cev, nyias tau ua zoo los tau qhov phem” 1 KLN 5:10 .
Ces phim yuav ntaus tswv yim zoo li no tias : “ Kuv tsis ntshai kev mob nkeeg, kev ploj kev tuag kuj yog vim kuv yog Tswv Ntuj ib tug me nyuam . Kuv ua siab loj siab tawv yog vim Huab Tais Yes Xus khuv leej me yaus, tsis tu ncua .
.Saib : peb puas xav tswv yim zoo li ntawd tiag ?“

2 : Koj tig los yuav lub siab tshiab ; koj mloog lub Moo Zoo mog. Ces saib thaum peb ua Thaj Txi Ntuj mas thiaj muaj tej Hnub Chiv, peb tau khaws Tswv Ntuj ib qib lus tseem ceeb tseg. Zoo li qib lus no tias;” Nej yuav yoog raws li Huab Tais, xws li cov me nyuam zoo nyiam . Nej yuav taug txoj kev nyiam, raws li Yes Xus tus piv txwv ; EFX 5:1-2
Ces phim yuav ntaus tswv yim zoo li no tias : 1 : Kuv yuav ua dab tsi ces thiaj nrog tus no, nrog tus ntawd rov sib haum xeeb ? – 2: Kuv puas tso siab lug rau Tswv Ntuj yam tuag nthi ?. 3 :Kuv teev hawm Tswv Ntuj txaus los tsis txaus ,no ne ? 4 : Puas muaj tej lub caij kuv hais qhia luag tej tias : “Kuv coj lub neej nyob tiaj nyob tiaj tus kuj yog vim kuv ntseeg Ntuj ntag “? Los peb tsis hais tej lo lus no ib zaug li

THOV NTUJ : Huab Tais khuv leej neeg tas nrho , hauv lub Caij 40 no, yeej muaj 2-3 yam kuv npaj siab txhim kho kom zoo dua qub ,ces thiaj rov ib siab tig los yuav lub siab tshiab.. Huab Tais, thov koj txhab zog rau kuv tus ntsuj tus plig.. Huab Tais, thov koj pab kuv os mog .

T.P. Txhiaj Foom omi

**Maiv Tooj** 27th February 2015, 1:10 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°124

Re: TP.Txhiaj Foom lub TSEV Ntawv

Post Maiv Tooj 27th February 2015, 1:10 am

ZIM TXWV NO NTIAJ TEB TEEB MEEM LOJ
Zaj 384 : Ib cov ntseeg nyob Los Tsuas teb raug ntes.

…………………………………………………………………………………………………..

Nyob zoo ib tsoom kwv tij phooj ywg hmov thiab tshua sawv daws !
Hnub no kuv yuav muab 3 zag xov xwm coj los tshaj tawm pub rau nej sawv daws mloog xws li no :
1. Nyob Los Tsuas teb, muaj ib cov neeg ntseeg Plos Tes Taas raug tseem fwv ntes.
2. Nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj.
3. Nyob Suav teb, muaj ib tug Tswv Qhia Suav laus laus tau tas sim neej.
Paj nruag
Hais txog zaj xwm 1 : Nyob Los Tsuas teb, muaj ib cov neeg ntseeg Plos Tes Taas raug tseem fwv Los Tsuas ntes, mas yog li no :
Kwv tij phooj ywg, yav dhau los nyob Los Tsuas teb hauv luv xeev Xab Vaam Nab Khej, mas cov nom tswv ua nruj kawg rau cov neeg ntseeg Ntuj, yam li lawv ua ntau ntau yam los tav txoj hauv kev kom tsis txhob muaj cov neeg ntseeg Ntuj ntxiv.
Piv txwv : Nyob hauv lub zos Xais Xoom Npoos thiab nyob ntau ntau lub zos, mas cov nom tswv tau txwv tsis pub cov neeg ntseeg sib sau los teev Ntuj lawm. Thiab kuj tseem muaj qee zaus uas cov nom tswv txhob txwm ntes ib cov neeg ntseeg, los yog ib cov txwj laus coj mus kaw rau hauv nkuaj, kom xwv cov neeg no thim ntawm kev ntseeg Ntuj rov los coj kev teev hawm Phus Thas.
Kwv tij, nyob hauv lub zos Xais Xoom Npoos, mas cov neeg ntseeg Plos Tes Taas kuj coob hauj sim, lawv tus Xib Hwb hu ua Kais Thoos.
Hnub tim 24 lub 6 hli xyoo 2014, tus Xib Hwb Kais Thoos no nrog rau nws 3 tug phooj ywg uas lawv puav leej yog Xib Hwb tib si thiab ib tug neeg ntseeg raug cov tub ceev xwm ntes coj mus kaw. Vim hnub tim 24 lub 6 hli ntawd, cov tub ceev xwm tau liam tias lawv 5 leeg no tau muab ib tug poj niam uas yog neeg ntseeg Ntuj hu ua Caas tua pov tseg.
Kwv tij, tus poj niam uas hu ua Caas, mas xyoo 2013, nws thiab nws 8 tus me nyuam lawv txawm txiav siab tig los ntseeg Ntuj nyob hauv lub Koom Txoos Plos Tes Taas. Vim tias tus poj niam Caas no nws muaj mob los tau ntev ntev heev lawm, ces nws thiaj coj nws cov me nyuam lawv los ntseeg Ntuj ua ke tib si.
Tab sis hnub tim 22 lub 6 hli xyoo 2014, tus Xib Hwb Kais Thoos thiab nws 4 tug phooj ywg lawv txawm txhob txwm mus xyuas tus pog Caas no rau hauv tsev kho mob. Lub caij thaum lawv mus txog hauv tsev kho mob, mas lawv tau sib sau los thov Ntuj pub rau tus poj niam uas hu ua Caas.
Thaum lawv yuav rov qab los tsev, tus poj niam Caas no nws tau thov kom lawv 5 leeg pab thauj nws rov qab mus tsev, vim tias nws tsis xav nyob hauv tsev kho mob ntxiv lawm. Lub caij ntawd, mas tus Xib Hwb Kais Thoos thiab nws 4 tus phooj ywg kuj hlub thiab hmov tshua txog tus tus poj niam Caas no kawg nkaus, ces thaum kawg lawv thiaj txiav siab pab thauj tus poj niam Caas rov qab mus tsev raws li tus pog no thov. Tab sis thaum lawv tab tom tsav tsheb los txog ntawm ib tog kev xwb, ces tus pog Caas txoj sia cia li tu twj ywm lawm.
Yog vim li no, ces hnub tim 24 lub 6 hli, cov tub ceev xwm Los Tsuas thiaj tau iab liam tias Xib Hwb Kais Thoos thiab nws 4 tug phooj ywg tau muab tshuaj los lom tus poj niam uas hu ua Caas, ces tus pog Caas thiaj tau tag sim neej lawm.
Hnub ntawd, mas tus Xib Hwb Kais Thoos tab tom ua cov kab ke pam tuag raws kev ntseeg Ntuj rau tus pog Caas. Thaum lawv tab tom ua cov kab ke pam tuag, tau muaj ib cov tub ceev xwm nrog 5 tug hauj sam txawm mus txog lub tsev uas lawv sib sau pam tuag.
Lub caij ntawd, cov tub ceev xwm tau quab yuam kom Xib Hwb Kais Thoos txhob ua cov kab ke pam tuag raws kev ntseeg Ntuj, tab sis kom cov hauj sam ua kab ke pam tuag raws kev teev hawm Phus Thas rau tus pog Caas thiab coj tus pog Caas no mus faus nyob rau hauv cov toj ntxas hauj sam. Cov tub ceev xwm kuj tsis kam muab tus Ntoo Cuam mus txhos rau ntawm tus pog Caas lub ntxa thiab.
Tsis tas li ntawd, cov tub ceev xwm kuj tau ntes tus Xib Hwb Kais Thoos nrog rau nws 4 tug phooj ywg uas lawv pab thauj tus pog Caas tawm hauv tsev kho mob rov los tsev, es ua rau tus pog no tau tag sim neej. Lawv 5 leeg puav leej raug coj mus kaw tas huv tib si rau hauv nkuaj.
Yog vim li no, ces ua rau cov neeg ntseeg hauv lub zos Xais Xoom Npoos chim siab kawg rau cov tub ceev xwm, tab sis lawv tsis pom qab ua cas.
Kwv tij, ua li mas peb thov koom nrog cov neeg ntseeg Plos Tes Taas hauv lub zos Xais Xoom Npoos koom tu siab thiab thov koom nrog lawv 5 leeg uas tau pab tus pog Caas no koom tu siab thiab. Vim tias yog muaj tseeb li hais, mas cov tub ceev xwm uas ua li no rau cov Xib Hwb, tau hla txoj cai txuag tib neeg kev ywj pheej lawm.
Paj nruag
Hais txog zaj xwm 2 : Nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj, mas yog li no :
Kwv tij phooj ywg, hnub tim 17 lub 2 hlis tas los no, nyob rau hauv lub nroog As Npas Das Dis, teb chaws Is Lav, mas tau muaj ib cov neeg teev hawm kev cai Mawv Xis Lim uas lawv hu ua cov Ais Es, muab 45 tus neeg hlawv ciaj ciaj rau tsoom pej xeem sawv daws saib.
Ua li mas xav qhia rau nej tias cov Ais Es no, yog ib cov neeg dab tsi ?
Kwv tij, cov Ais Es, mas yog ib cov neeg uas teev hawm kev cai Mawv Xis Lim, uas nyob Is Lav teb thiab Xis Lias teb. Cov Ais Es no, lawv xav muab ib nrab ntawm lub teb chaws Is Lav thiab ib nrab ntawm lub teb chaws Xis Lias los tsim dua ua ib lub teb chaws Mawv Xis Lim tshiab.
Yog vim li no, ces yog leej twg tawm tsam lawv, tsis hais tej nom tswv, los yog cov pej xeem kuj xij, cov Ais Es puav leej muab ntes coj los tua thiab hlawv ciaj ciaj rau ib zeej tsoom saib, kom xwv sawv daws yuav tsum koom tes nrog cov Ais Es tsim dua ib lub teb chaws tshiab rau cov Mawv Xis Lim.
Cov Ais Es no tsis yog muaj nyob Is Lav thiab Xis Lias teb xwb, tseem muaj nyob rau ntau ntau lub teb chaws thiab, yam li nyob Lis Npias teb, Zos Das Nias teb, Hais Nkws Tos teb thiab kuj muaj ib txhia nyob lwm lub teb chaws mus koom thiab.
Kwv tij, hnub tim 7 lub 2 hlis tas los no, mas nyob Lis Npias teb, cov tub rog Mawv Xis Lim uas hu ua Ais Es tau ntes 21 tus neeg ntseeg Ntuj coj mus suam hlab pas tuag tag tib si. Ua rau cov tseem fwv Lis Npias npau taws kawg nkaus rau cov Ais Es.
Tsis tas li ntawd, thaum Vaj Qhia Faas Ntshis Kus hnov qhov xwm phem phem no, Vaj Qhia kuj tau tshaj lus tawm tias : « Cov neeg uas ua phem li no, mas thooj li yog ib cov neeg qus uas tsis txawj hlub neeg».
Kwv tij, hnub tim 13 lub 2 hlis xyoo 2015 no, mas nyob rau hauv lub nroog Kis Kus, Is Lav teb, tseem muaj ib cov tub rog Ais Es mus ntes ib cov pej xeem uas yog haiv neeg tsawg hu ua Khawj, coj mus kaw rau hauv ib cov nkuaj hlau thiab tseem muab tsheb thauj lawv coj mus ncig lub nroog kom ib zeej tsoom pom, kom sawv daws ntshai cov Ais Es thiab koom tes nrog.
Tsis tas li ntawd xwb, hnub tim 3 lub 2 hlis, tseem muaj dua ib cov tub rog Ais Es mus ntes ib tug kws tsav dav hlau uas yog neeg Zos Das Nias hu ua Muas As Kas Xes As Npes, vim tias nws ua lub dav hlau poob ces cov Ais Es txawm txhom tau nws thiab coj nws mus tsim txom hlawv ciaj ciaj rau hauv ib lub nkuaj hlau rau zeej tsoom saib. Ua rau cov tseem fwv Zos Das Nias npau taws kawg thiab chim siab heev tshaj paws, ces cov tseem fwv Zos Das Nias thiaj tau muab 2 tug neeg uas yog cov Ais Es tsim kev kub ntxhov tua kiag rau hnub ntawd thiab tseem txhib ib cov dav hlau ya mus tua cov Ais Es uas nyob ntau ntau thaj tsam hauv Xis Lias teb.
Kwv tij, lub caij no nyob hauv teb chaws Is Lav nram yav qab teb, mas kuj muaj ib cov tub rog Mes Kas uas qhia rawv cov tub rog Is Lav kom txawj tiv thaiv cov tub rog Ais Es. Tab sis los txog tav no mas cov tub rog Ais Es kuj tseem muaj zog kawg nkaus.
Yog vim li no, ces thiaj ua rau cov tseem fwv Mes Kas thiab cov tseem fwv Aws Los Pas xav tias ntshe yuav tsum pab cov tub rog Is Lav thiab cov tub rog Xis Lias cheb ntxuav cov Ais Es ntxiv mus kom heev dua qub. Ua rau lub caij no cov tseem fwv Fab Kis tau xa ib lub nkoj uas thauj dav hlau tua rog mus nyob ze ze rau ntawm lub hiav txwv Paws Xias npaj tua cov Ais Es.
Paj nruag
Hais txog zaj xwm 3 : Nyob Suav teb, muaj ib tug Tswv Qhia Suav laus laus tau tas sim neej, mas yog li no :
Kwv tij phooj ywg, tus Tswv Qhia Suav ntawd lub npe hu ua Sis Ees Xaas, nws hnub nyoog 94 xyoos lawm, nws yog tus Tswv Qhia nyob hauv lub Ceeb Koom Txoos Yis Xis Aas hauv xeev Huj Npej. Tus Tswv Qhia Sis Ees Xaas no nws raug cov tseem fwv koom tshaj Suav txhom coj mus kaw hauv nkuaj ntev txog 53 xyoos nkaus.
Tswv Qhia Sis Ees Xaas raug kaw xyoo 1962, ces lub caij uas nws nyob hauv nkuaj 53 xyoos ntawd mas nws tau raug quab yuam ua ntau ntau yam hauj lwm rau tseem fwv Suav.
Kwv tij, txij lub 4 hlis tim 13 xyoo 2001 los mus, mas tsis paub tseeb tias tus Tswv Qhia no raug cov tseem fwv Suav tshais chaw coj mus kaw rau qhov twg lawm. Vim tias nws tej txheeb ze thiab cov neeg ntseeg sawv daws uas nyob hauv lub Ceeb Koom Txoos Yis Xis Aas puav leej tsis muaj leej twg hnov nws lub moo kiag li.
Tab sis hnub tim 30 lub 1 hlis xyoo 2015 no, cov tseem fwv Suav tau ceeb toom rau nws tsev neeg tias : « Tswv Qhia Sis Ees Xaas tau tag sim neej lawm ». Tiam sis los txog tav no cov neeg ntseeg hauv lub xeev Huj Npej thiab nws tej txheeb ze puav leej laj tos txog hnub uas lawv pom Tswv Qhia lub cev ntaj ntsug uas tau tag sim neej.
Li ntawd, nyob ntau ntau thaj tsam hauv Suav teb, mas cov neeg ntseeg Ntuj raug tseem fwv Suav ua nruj nruj kawg rau lawv, ces ua rau cov neeg ntseeg tsis tshua muaj kev ywj pheej pes tsawg nyob hauv txoj kev teev Ntuj thiab kuj ua rau lawv ntxhov siab kawg nkaus.
Kwv tij phooj ywg, 23 xyoos sis law, mas Tswv Qhia Sis Ees Xaas raug cov tseem fwv Suav quab yuam kom mus ua hauj lwm hnyav hnyav rau hauv tej qhov thee av thiab nyob rau hauv tej liaj teb. Hos xyoo 1989, Tswv Qhia Sis Ees Xaas kuj tawm hauv tsev loj faj los nyob rau hauv lub nroog Yis Xis Aas ib zaug, ces nws tau nrog ib cov Tswv Qhia hauv lub Koom Txoos Zais Ntshis sab laj. Lub caij ntawd lawv sib tuav xam tau 2 hnub, ces txawm muaj ib cov tub ceev xwm coob coob tuaj ntes cov Tswv Qhia ntawd thiab coj lawv mus kaw rau hauv nkuaj. Lawv lub txim, mas yog raug kaw ntev li 4 xyoos.
Thaum cov neeg ntseeg nyob Suav teb hnov qhov xwm no, ua rau lawv sawv daws ntxhov siab kawg txog tej yam li no. Tiam sis txawm li cas los xij, cov neeg ntseeg Suav yeej paub tias Tswv Qhia Sis Ees Xaas tau ua tim khawv zoo heev rau hauv txoj kev ntseeg txog Tswv Ntuj lawm.
Kwv tij, tseem muaj dua ib tug Tswv Qhia hu ua Yas Kos Xus Zees Mis, hnub nyoog 84 xyoos, nws yog tus Tswv Qhia saib cov neeg ntseeg hauv lub Ceeb Koom Txoos Npaus Dees, uas nyob Suav teb. Xyoo 1997 thaum lub 10 hli hnub tim 8, mas Tswv Qhia Yas Kos Xus Zees Mis kuj raug cov tseem fwv Suav ntes coj mus kaw rau hauv nkuaj los txog niaj hnub no tseem tsis tau tso tawm thiab.
Li ntawd, mas hais rau peb tsoom Hmoob sawv daws paub tias : « Peb twb nyob rau cov teb chaws uas muaj kev ywj pheej lawm, xav kom peb tsoom Hmoob uas yog neeg ntseeg Ntuj sawv daws huv tib si sib hlub thiab sib pab li ib cov kwv tij tiag tiag nyob hauv Huab Tais Yes Xus lub Koom Txoos. Vim tias nyob rau cov teb chaws koom tshaj thiab cov teb chaws Mawv Xis Lim, mas muaj ntau ntau zaus txoj kev ntseeg Ntuj raug tej nom tswv txwv thiab ua phem los tsim txom cov neeg ntseeg Ntuj heev kawg nkaus, ua rau cov neeg ntseeg thiab lub Koom Txoos Kav Tos Liv muaj kev ntxhov siab ntau yam ».
Kwv tij phooj ywg, ua li mas peb vam tias sawv daws yuav muaj txoj kev sib hlub sib pab nyob rau hauv peb tsoom Hmoob. Hnub no kuv tsuas coj 3 zag xov xwm tuaj ntsib nej sawv daws xwb, yam li :
1. Hais txog nyob Los Tsuas teb, muaj ib cov neeg ntseeg Plos Tes Taas raug tseem fwv ntes.
2. Hais txog nyob Is Lav teb, muaj 45 tus neeg raug cov tub rog Ais Es muab lawv hlawv ciaj ciaj.
3. Hais txog nyob Suav teb, muaj ib tug Tswv Qhia Suav laus laus tau tag sim neej.
Kwv tij, ua li mas txuas ntxiv ntawm no mus thov caw nej los mloog ib zag nkauj. Tom qab zaj nkauj tag, peb mam rov sib ntsib dua, sawv daws nyob zoo !
Paj nruag

Zaj no Txiv Plig Txhiaj Foom ua nyob Lomsak.
Haam Kub pab ntaus thiab kho me ntsis.
Hnub tim 24 lub 2 hlis xyoo 2015

**Maiv Tooj** 27th February 2015, 1:12 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°125

Re: TP.Txhiaj Foom lub TSEV Ntawv

Post Maiv Tooj 27th February 2015, 1:12 am

March 1- 2015 LUB CAIJ 40 Hnub Chiv 2 Xyoo B

NTSEEG TXOG LEEJ NEEG LUB CEV KEV SAWV ROV LOS
NTSEEG TXOG MUAJ TXOJ SIA NYOB MUS LI

Cov kwv tij , peb nyob hauv lub Caij 40,
uas yog ib lub caij zoo rau peb sau siab los mus txhab zog rau peb tej kev ntseeg Ntuj kom ruaj nreb khov kho

Ntawv Moo Zoo qhia peb zoo li no tias :” Saum ib lub roob siab Yes Xus txia ntshis ua ib tug neeg tshiab nyob ntawm lawv xub ntiag. Yes Xus tej ris tsho ci dawb vog - Nyob ntiaj teb tsis muaj ib yam tshuaj yuav ua tau kom dawb vog cuag li ntawd..Ces txawm muaj ib tw huab los ntxoov roos lawv. Lub suab nrov hauv twv huab ntawd yeej yog Huab Tais Leej Txiv lub suab .- Nws hais tias: “Tus no yog kuv Leej Tub uas kuv nyiam kawg.- Nej mloog nws mog”..Ib ntsis Yes Xus txhib peb tus thwj tim kom xwv lawv tos kom Leej Neeg tus Tub sawv hauv cov tub tuag rov los tso , ces lub caij ntawd mas cov thwj tim yuav qhia tau tias Yes Xus lub hwj chim tau tawm los.. Thaum ntawd mas peb tus thwj tim poob siab nthav- Lawv rov sib nug tias :” Lo lus tias :” Kev sawv hauv cov tub tuag rov los “ thiaj yog lo lus hais txog dab tsi ?“ Mas Kos 9;2-10
Lub ntsiab lus tseem ceeb kuj mus li no tias: Yes Xus, uas yog tus Yaj Saub tseem ceeb, nws xub paub tias : Yuav muaj ib hnub nws yuav raug luag ntes, thiab ib cov neeg phem yuav muab nws tua , mas thaum tej yam ntawd yuav tshwm sim tuaj , cov thwj tim yuav ntseeg khov kho tias Yes Xus yog Tswv Ntuj Leej Tub - Tswv Ntuj lub hwj chim yeej nyob txawm hauv Yes Xus. Ces Leej Txiv nyob saum ntuj kuj yuav tsa Yes Xus ntawm cov tug tuag rov los. Thaum ntawd, Tswv Ntuj tib lub hwj chim uas Leej Txiv nyuam qhuav muab hauv Yes Xus lub cev, raws li lawv 3 leeg pom no, mas Huab Tais Leej Txiv kuj yuav rov muab los pub rau Yes Xus. Ua li ntawd Yes Xus hais rau cov thwj tim kom lawv tej kev ntseeg txhob ua zog los mas.”
Cov kwv tij, hnub no peb zoo siab rov nco tias peb tau txais lub Cim Ntxuav mas “ Peb txoj sia nrog Huab Tais Yes Xus Pleev tsiv nraim hauv Tswv Ntuj - Huab Tais Yes Xus Pleev yog peb txoj sia. Ua li thaum Huab Tais yuav tawm los rau pom xyeem, mas peb kuj yuav nrog nws tawm los muaj hwj chim “ K L X 3:3-4
NTSEEG TXOG LEEJ NEEG LUB CEV KEV SAWV ROV LOS
NTSEEG TXOG MUAJ TXOJ SIA NYOB MUS L I.
Cov kwv tij, peb niaj hnub zoo siab khaws Huab Tais Yes Xus tej lo lus tseeb tseeb tias :” Kuv yog Txoj Kev Sawv Rov Los thiab yog Txoj Sia- Tus ntseeg txog kuv, tab yog nws tuag lawm, nws yuav muaj txoj sia nyob “ Z 11:25
Peb yuav nco txog Huab Tais lo lus tias : “ Thaum kuv mus npaj tau ib qhov chaw rau nej lawm, kuv yuav rov los coj nej mus nyob ze kuv ,kom xwv kuv nyob qhov twg, nej nrog kuv nyob qhov ntawd “ Z 14:3

Tsis tas li ntawd xwb, peb niaj hnub zoo siab khaws tus Hauv Paus Xa Lus Paj Lug tej lo lus tseeb tias : “ Thaum nej muaj ib tug neeg tuag ,mas nej yuav tsis txhob tu siab xws li ib co neeg uas tsis muaj kev tso siab…Peb kuj tso siab tias : peb yuav mus cuag Huab Tais nyob saum ntuj- Peb yuav mus nrog Huab Tais nyob mus li Peb sawv daws nco ntsoov txog cov lus no, peb thiaj rov sib pab ua siab loj”
1 TXLN 4:13-18

Yog vim Tswv tshaj lo lus tias : “Peb rov sib pab ua siab loj “,mas peb tsis ntshai kev mob kev nkees,,kev ploj kev tuag
Peb kav tsij ” siv peb txoj sia los pab peb cov kwv tij , raws li Yes Xus tus piv txwv”. .Ces lwm xyoo, puag lwm xyoo, “peb yuav tau coj lub neej muaj hwj chim mus li zoo cuag li Huab Tais Yes Xus nyob pem Tswv Ntuj lub Ceeb Tsheej ntag “ 1 Zam 3:16 + 4; 17

THOV NTUJ : Huab Tais Leej Txiv, peb ua koj tsaug, rau qhov tias koj tau xaiv peb los ua koj cov me nyuam . Peb zoo siab NTSEEG TXOG LEEJ NEEG LUB CEV KEV SAWV ROV LOS - NTSEEG TXOG MUAJ TXOJ SIA NYOB MUS L I.
Li ntawd lwm hnub tuaj ,peb thiaj yuav tau nrog koj nyob mus li, pem Tswv Ntuj lub Ceeb Tsheej..Tab sis peb thov koj txhab zog rau peb tej kev ntseeg..yam peb yuav ua siab loj siab tawv qhawv mus li

T.P. Txhiaj Foom omi

**Maiv Tooj** 27th February 2015, 11:40 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°126

Re: TP.Txhiaj Foom lub TSEV Ntawv

Post Maiv Tooj 27th February 2015, 11:40 am

LUB NEEJ QEE RAU TSWV NTUJ :

Cov kwv tij hnub no yog Hnub Chiv, uas peb sib sau ua Thaj Txi Ntuj. Mas tsim nyog
peb yuav mloog ib zaj lus tseem ceeb uas Vaj Qhia Fas Ntshis Kus tau tshaj tawm los txhab zog rau peb tej kev ntseeg Ntuj hauv lub Koom Txoos Kav Tos Liv .Nws tau sau nws zaj lus hnub tim 21, lub 11 hlis xyoo 2014. Yog vim Vaj Qhia zaj lus ntawd mas nyob rau hauv xyoo 2015 no txij ntawm hnub tim 2 lub 2 hlis mus, mas peb tsoom ntseeg Kav Tos Liv nyob thoob ntiaj teb kuj yuav rov xav txog LUB NEEJ QEE RAU TSWV NTUJ. Peb nco tias cov Txiv Plig, cov Leej Tij thiab cov Leej Phauj kuj coj lub neej tab seeb- Yog ib lub txiaj ntsim muaj nqes kawg.
Cov kwv tij, peb sawv daws nco tias : nyob thoob ntiaj teb yeej muaj cov Txiv Plig coob txog ntawm 420,000 leej . Hos tsoom Leej Phauj kuj coob txog 830,000 leej .Hos nyob rau hauv 2-3 lub teb chaws, uas peb tsoom Hmoob Kav Tos Liv nyob, mas thiaj muaj 7 tus T.P. Hmoob thiab 12 tus Leej Phauj Hmoob. Zoo li tseem tsis tau coob
Cov kwv tij, hnub no ,peb zoo siab muab Vaj Qhia tej lo lus tseem ceeb tshaj tawm rau nej sawv daws khaws tseg - Vaj Qhia kuj tshaj tej lo lus meej pem txog lub neej qee rau Tswv Ntuj - Yeej muaj txog 5 nqe lus hauv tsab ntawv ntawd.

NQE LUS 1 : Vaj Qhia xub tshaj tej lus zoo li no rau tas cov Txiv Plig thiab tas tsoom Leej Phauj nyob thoob ntiaj teb tias :” Nej sawv daws ,uas yog cov Txiv Plig thiab cov Leej Phauj mas nej coj lub neej qee rau Tswv Ntuj, mas tsoom ntseeg yeej pom tseeb tias, nej niaj hnub soj qab kev nyob kaj lug kaj nrig. Yog vim nej coj lub neej zoo li ntawd mas Tswv Ntuj thiaj pab qhia sawv daws tias ; Tswv Ntuj muaj peev xwm pub kev nyob kaj lug kaj nrig tuaj puv nej lub siab npo. Ua li ntawd, yog vim nej coj lub neej qee rau Tswv Ntuj, mas thiaj muaj tej pab neeg rov pom tseeb tias ; muaj raws li Lo Lus hauv Ntawv Ntshiab tias : “Thaum kuv tsis muaj zog mas kuv thiaj muaj zog”
2 KLN 12:10
Cov kwv tij, tas tsoom tub ntxhais hluas uas yav dhau los, Tswv Ntuj tau hu lawv los coj lub neej tab seeb mas lawv nyias lees hauv nyias lub siab tias : “Thaum kuv hnub nyoog 19- 20 xyoo ,mas kuv yeej tau xav tias kuv yuav tsis muaj zog txaus los mus coj lub neej tab seeb zoo li ntawd, Tab sis tau muaj ib hnub ,kuv teev Tswv Ntuj, ces kuv thiaj tso siab lug tias :”Nyem no mus lawm yav tom ntej, Huab Tais Tswv Ntuj, uas nws hu kuv, nws yuav pub nws lub hwj huam uas loj tas nrho nqes los nres kuv thiab roos kuv. Ces kuv thiaj “yuav muaj zog nyob hauv Huab Tais” EFX 6:10
Li ntawd, txij ntawm lub caij kuv tau teev Ntuj li ntawd, kuv thiaj tau ua siab loj siab tawv coj lub neej, raws Tswv Ntuj lub siab nyiam.”

NQE LUS 2 : Vaj Qhia sau lo lus no rau cov T.P.thiab cov Leej Phauj huv tib si tias : “Nej cov uas coj lub neej tab seeb ntawd mas phim yuav muab nej los piv rau ib cov poov xab, raws li lo lus hauv Mas Tais Ntawv Moo Zoo tias : “Ntuj lub Ceeb Tsheej zoo li ib co poov xab uas ib tug poj niam muab tso rau hauv peb kawg hmoov nplej mus txog thaum uas tas cov hmoov ntawd su tuaj.” MT 13:33. Ces Vaj Qhia nthuav piav qib lus ntawd tias : “Nej cov Txiv Plig thiab cov Leej Phauj tau txais lub Moo Zoo thiab nej vam txog Huab Tais cov txiaj ntsim pab nres nej lub siab mas nej yuav muab siab rau ua ntau yam muaj nqes thiab ntau yam zoo, uas zoo li yuav tau ntsu tuaj rau hauv tej pab neeg nyob thoob ntiaj teb. Tej yam muaj nqe ntawd kuj yog qhov tias : yuav txhib tej pab neeg siv zog sib pab sib nres - yuav txhib lawv los tsim kev ua phooj ua ywg – Yuav txhib lawv kom lawv sib npuab siab, yuav tsis saib leej twg qis qis.”
Cov kwv tij Hmoob, nej yuav los mus tsham ib cov T.P. thiab ib cov Leej Phauj, nej thiaj yuav tau pom tias, cov Txiv Plig thiab cov Leej Phauj ntawd kuj coj lub neej txhib tej pab neeg kom txawj sib nyiam sib hlub thiab tsim kev ncaj ncees hauv tej zej zog uas lawv nyob. Mas txhais tias 2 pab neeg ntawd kuj muaj tej lub luag hauj lwm tseem ceeb kawg nkaus.
PAJ NRUAG
NQE LUS TIM 3 : Vaj Qhia tseem sau lo lus no rau tas tsoom Leej Choj thiab tas tsoom Leej Phauj, nyob thoob ntiaj teb tias : “Nej cov T.P. thiab cov Leej Phauj sawv daws, nej yuav siv siv zog los pab txhib tej pab neeg kom txawj sib npuab siab thiab sib nyiam sib hlub ; yam li nej yuav pab txhawb nqa peb lub Koom Txoos, kom xwv luag tej ob cag saib lub Koom Txoos zoo li ib tsev neeg uas sawv daws niaj hnub xyaum coj lub neej sib nyiam sib hlub thiab lub neej sib npuab siab. Li ntawd hauv teb chaws twg kuj xij, yeej muaj ntau pab neeg uas nyias muaj nyias txuj thiab nyias coj nyias tus yam ntxwv sib txawv. Mas nej ob pab no, uas yog cov T.P.thiab cov Leej Phauj thiaj yuav txhim tsa kev sib haum xeeb nyob nruab nrab tej pab neeg ntawd.
Rau qhov tias nej muab siab rau coj rawv lub Moo Zoo. Ua li, hauv pab neeg twg uas tsis muaj kev tso siab txog lub neej tom ntej, mas nej yuav siv zog txhim tsa kev tso siab rau hauv cov neeg ntawd. Hos hauv pab neeg twg uas sawv daws tsis sib hlub, mas nej yuav siv zog txhim tsa kev sib hlub rau hauv lawv lub siab thiaj yog.”
Cov kwv tij, peb sawv daws yeej paub tias, cov T.P. thiab cov Leej Phauj kuj tsis xaiv neeg. Lawv ob pab yeej ua kom tej pawg neeg rov sib ntsib sib hwm thiab ua kom tej pab neeg nyob ib ncig ntawd sib tuav tes- ib pab ua zoo rau ib pab – Ib pawg ua zoo rau ib pawg

NQE LUS TIM 4 hais tias : Vaj Qhia kuj sau tej lus tias : “ Kuv vam ntsoov tias nej ob pab ntawd, uas yog cov T.P. thiab cov Leej Phauj, kuj yuav soj ntsuam nej tus yam ntxwv zoo, saib ; puas muaj tej yam tshiab uas nej yuav tsum ua los txhawb nqa lub Koom Txoos kom ruaj nreb dua qub. Hos thaum twg nej pab saib tej pab neeg pluag, mas nej yuav rov xav tias : “Tej yam tshiab tshiab pab txhawb nqa cov neeg ntawd mas ti tes ti taws yuav tsum ua xwb, mas kawg yuav tsum ua thiaj yog.” .
Cov kwv tij, Vaj Qhia kuj txhib cov T.P. thiab cov Leej Phauj sawv daws kom tsis txhob tsaug zog ..Tseev kom ob pab neeg ntawd sawv daws rov qhib lawv qhov muag los xyuas saib : yuav tsum pab tus twg thiab pab neeg twg.”

NQE LUS TIM 5 : Vaj Qhia Fas Tshis Kus kuj ib txhij sau tej lo lus ntuas tas cov pawg ntseeg Kav Tos Liv huv si nyob thoob ntiaj teb hais tias : “Xyoo 2015 no, kuv ib txhij xav txhib tej pawg ntseeg Kav Tos Liv. Thov kom nej nco tias : lub neej qee rau Tswv Ntuj yog Ntuj ib lub txiaj ntsim muaj nqe kawg. Tsis tas li ntawd xwb . Thov kom tsoom pej xeem ntseeg ntawd los mus tsham cov T.P. thiab cov Leej Phauj ntawd. Nej yuav nrog lawv sab laj thiab nej yuav hlub tshua lawv, rau qhov tias, tej pawg ntseeg sawv daws, cov Txiv Plig thiab cov Leej Phauj kuj nco txog lub Moo Zoo tias : “Nej yuav sib nyiam sib hlub ib yam li kuv tau nyiam nej. Qhov yuav ua kom sawv daws paub tias nej yog kuv cov thwj tim, thiaj yog qhov tias : nej sib nyiam sib hlub.” Zam 13:34- 35
Cov kwv tij, tsim nyog nej yuav khaws Ntawv Moo Zoo thiab Vaj Qhia lo lus ntawd tseg, vim tias tsoom pej xeem ntseeg thiab cov Txiv Plig, cov Leej Phauj sawv daws huv tib si tau txais tib lub luag hauj lwm loj kawg hais tias : “Huab Tais Yes Xus vam txog peb sawv daws los ua kom Huab Tais kev nyiam kev hlub yuav rov tshwm sim tuaj rau lwm pab lwm pawg pom xyeem ntawm qhov muag.”

PAJ NRUAG Zaj nkauj : Thaum peb nyiam peb hlub nrog luag….
Cov kwv tij, nyem no mus, thov kom nej mloog ib cov T.P., cov Leej Tij thiab cov Leej Phauj uas nyob Fab Kis teb, lawv tej zaj tswv yim.
Xub hais txog ib cov T.P., cov Leej Tij lawv tej lus ua tim khawv txog lawv lub neej qee rau Tswv Ntuj ua ntej. Hos tom qab ntawd, peb yuav khaws ib pab Leej Phauj lawv tej lus tseg thiab.
Xub hais txog ib cov T.P. ib cov Leej Tij : Muaj ib lub nroog, muaj ib co T.P.thiab co Leej Tij lawv nyob ua ke, lawv nyob 5 leeg ua ib vaj ib tse. Lawv lub Koom Haum npe hu ua “Koom Haum ntawm Yes Xus cov me kwv.” Lawv hais li no : “Niaj hnub, peb yuav tsum nco ntsoov tias : Peb coj lub neej qee rau Tswv Ntuj, ces peb thiaj tsis mus yuav txij nkawm, kuj yog vim tias peb ua ib siab muab peb lub neej, peb txoj sia los cev rau Tswv Ntuj thiab los cev rau luag tej ob cag. Ua li thaum txhua txhia zaus peb nyob twj ywm los hawm Huab Tais Yes Xus uas nyob nraim hauv lub Cim Yug, mas peb nyias rov hais tau lo puav lus teev hawm Huab Tais tias : “Huab Tais, tas ib puas tsav yam hauv peb lub cev nqaij daim tawv thiab hauv peb tus ntsuj tus plig, thov koj txais los ua koj tug. Huab Tais, peb nyiam koj , peb hlub koj kawg nkaus.”
Tsis tas li ntawd, peb los mus tsham tej pab neeg hauv peb lub nroog, mas peb yuav muab siab rau siv sij hawm ntev hauj sim los mloog saib lawv zoo siab ua neej ntxiv mus yog vim li cas. Ces peb thiaj nrog lawv koom zoo siab thiab.
Hos muaj qee zaus peb kuj tau los mus nug tej tug phooj ywg zoo li no tias : “Zoo li koj muaj kev nyuaj siab txog ntau yam, puas yog ? Thov koj piav lo puav lus txog qhov ntawd puas tau ?” Ua li thaum peb kub siab mloog qhov lawv xav, mas zoo cuag li peb rov hais Tswv Ntuj lo lus rau lawv, xws li lo lus nyob hauv phau ntawv His Xais zaj 43, qib 4 , tias: “Koj lub neej yeej muaj nqe.”
Hauv peb lub Koom Haum mas txhua txhia zaus peb los mus tsham tej pab neeg thiab peb mloog tej yam lawv xav, ces ib ntsis cov neeg ntawd kuj zoo siab luag ntxhwb ntxhi, rau qhov lawv feem ntau kuj tsis tau kev nthuav piav lawv tej tswv yim rau leej twg kiag. Ua li txhua txhia zaus peb mloog lawv tej zaj tswv yim tas, mas hais qhov tseeb tias kuj pab kom lawv muaj kev kaj siab tuaj me ntsis thiab.”
PAJ NRUAG : Thaum peb muaj kev hlub…
Ces hais lo puav lus txog ib pab Leej Phauj. Ces yuav paub tias ib txwm lawv lub neej tab seeb kuj muaj nqe, kuj yog vim li cas. Nyob hauv ib lub nroog tim teb chaws Fab Kis, ces muaj ib pab Leej Phauj lawv 7 leej nyob ua ke, ua ib vaj ib tsev– Lawv lub Koom Haum npe hu tias : “Peb tus Poj Vaj, Leej Ntshiab Mab Liab cov niam hluas.” Lawv tau sau lus zoo li no tias : “Xyoo 2005 no thiaj yog ib lub caij zoo, rau qhov peb rov sib tham thiab sib tawm tswv yim ua ke txog peb lub neej qee rau Tswv Ntuj. Peb niaj hnub zoo siab nco ntsoov tias : peb coj lub neej tab seeb, kuj yog vim Tswv Ntuj ,uas lub siab khuv leej neeg tas nrho ,nws tau hu peb cov no coj lub neej qee rau Tswv Ntuj. Peb thiaj li tso siab rau Tswv Ntuj, yam tuag nthi- Yog vim li ntawd peb coj tau ib lub neej nyob kaj lug kaj nrig ,ib lub neej nyob thaj yeeb nyab xeeb, nyob ntawm Tswv Ntuj lub xub ntiag, tsis tu ncua. Zaj tswv yim uas peb yeej xav txog tas mus li, thiaj yog ib zag hauv Ntawv Ntshiab tias : “Huab Tais Tswv Ntuj hlub mos nyoos – Nws khuv leej neeg tas nrho. Nws hlub tshua cov hwm nws, zoo li ib leeg txiv tsev hlub nqee mos nyoos nws cov me nyuam.’ ZPN 103
Peb cov Leej Phauj hauv peb tsev no, peb tseem xav tias : Huab Tais Tswv Ntuj lub siab hlub neeg tas npaud, nws thiaj muaj peev xwm pab txhawb nqa tau ib cov neeg ntseeg ,ces nws thiaj hu lawv, lawv muab lawv tus ntsuj tus plig thiab lawv lub cev nqaij daim tawv los mus cev rau Tswv Ntuj .Ua li peb cov Leej Phauj hauv no coj tau lub neej nyob tiaj nyob tus.”
THOV NTUJ : Huab Tais Tswv Ntuj, peb Leej Txiv khuv leej neeg, yav dhau los, koj tau hu ib pab tub ntxhais hluas Hmoob los mus coj lub neej tab seeb ,lub neej qee rau Tswv Ntuj, tas ib sim neej. Peb nqa tes ua koj tsaug. Peb Leej Txiv siab zoo tas nrho, peb thov koj rov hu ib pab tub hluas ntxhais hluas Hmoob tshiab, ces yav tom ntej nyob rau hauv 4-5 lub teb chaws ,uas peb tsoom Hmoob nyob thiaj yuav tau muaj ib pab Txiv Plig thiab ib pab Leej Phauj coob. Peb xub ua koj tsaug ntau.
NTUJ AIB ! Peb thov koj, Huab Tais Leej Txiv siab zoo.

ZAJ NKAUJ : “Kuv nyob nov,Ntuj”
- “Thaum peb muaj kev hlub.”
- “Kuv tau txiav txim siab.”

**Maiv Tooj** 11th March 2015, 8:17 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°127

Re: TP.Txhiaj Foom lub TSEV Ntawv

Post Maiv Tooj 11th March 2015, 8:17 pm

Tim 15-03-2015 CAIJ 40 - HC 4- B - TSWV NTUJ NYIAM

Lub Caij 40 no thiaj yog ib lub caij tseem ceeb rau peb rov kub siab ntseeg ruaj nreb khov kho dua qub. Peb mam li tau coj tau lub neej nyob thaj yeeb nyab xeeb .
Cov kwv tij, tsoom neeg sawv daws nyob thoob ntiaj teb nyias ntshaw txog ib yam muaj nqes hauv nyias nruab siab tias :” Peb yuav tsum muaj 2-3 tus neeg nyiam thiab hlub tshua peb…peb thiaj nyob tau”.
Hos hnub no peb tau mloog Tswv Ntuj lo lus nplij peb siab tias :
TSWV NTUJ NYIAM LUB SIM CEEB TAS NPAUD, NWS THIAJ MUAB NWS LEEJ TUB TWM ZEEJ RAU, KOM XWV TUS NTSEEG TXOG LEEJ TUB TXHOB TUAG, TAB SIS KOM NWS MUAJ TXOJ SIA NYOB MUS LI . Zam 3:16
Cov kwv tij, hauv peb tsoom kwv tij Hmoob mas peb ib txhia tau txais Tswv Ntuj lub txiaj ntsim pab ntseeg txog Huab Tais Yes Xus, uas yog Tswv Ntuj Leej Tub twm zeej thiab nws yog tus Cawm neeg dim ntawm qhov txhaum.
Li ntawd hnub no zoo hnub, rau qhov tias peb zoo siab rov mloog Tswv Ntuj tej qib lus uas qhia peb txog Huab Tais Yes Xus tej hauj lwm hlub neeg thiajb cawm neeg dim ntawm qhov txhaum
= Thawj qib lus uas raug peb lub siab thiaj yog lo lus no tias:
“Tsis muaj leej twg muaj txoj kev nyiam loj dua tus
uas siv nws txoj sia rau nws cov phooj ywg “ Zam 15:13
Peb zoo siab ntseeg tias peb yog Huab Tais Yes Xus cov phooj ywg.- Huab Tais khuv leej peb sawv daws ib tug dhau ib tug, ib leeg dhau ib leeg, peb mam li khaws Yes Xus Lo Lus ntawd tseg ntag
= Tsis tas li ntawd xwb peb nyias khaws tau qib lus tim ob tseg hauv nyias lub siab , uas yog tus Hauv Paus Xa Lus Paj Lug sau tias :” Tswv Ntuj Leej Tub tau nyiam kuv , ces nws rov muab nws txi rau Ntuj, kom nws pab tau kuv” NLT 2: 20

Ua li, peb ua Ntoo Cuam lub Cim thiab peb nrog ib pawg ntseeg sib sau ua Thaj Txi Ntuj, mas nyias zoo siab rov hais dua tus Hauv Paus Xa Lus Paj Lug tib lo lus ntawd hauv nyias lub siab tias: Tswv Ntuj Leej Tub tau nyiam kuv, ces nws rov muab nws txi rau Ntuj, kom nws pab tau kuv”

.Tswv Ntuj Lo Lus ntawd yog ib qib lus uas tsim nyog kawm hauv nruab siab.

Cov kwv tij, peb tsoom ntseeg Ntuj muaj peev xwm rov hais tus Hauv Paus Xa Lus Paj Lug qib lus ntawd dua, kuj yog vim Huab Tais Yes Xus, Tswv Ntuj Leej Tub tau muab nws txoj sia txi Ntuj tau 1982 xyoo lawm los mus pab cawm neeg dim ntawm qhov txhaum mas niaj hnub nyem no “Yes Xus, uas muaj txoj sia mus li nyob pem Tswv Ntuj lub Ceeb Tsheej, nws tseem muab nws txi Ntuj los pab sawv daws neeg “ Hes Nplaws 7:25

Yog vim qhov ntawd ces peb sawv daws yuav nco ntsoov hauv nyias lub siab tias :” Huab Tais Yes Xus khuv leej neeg tas nrho thiab hlub tshua me yaus tsis tu ncua kom xwv me yaus thiaj dim ntawm qhov txhaum thiab me yaus rov yug los tshiab dua, tsis muaj caij kawg li ces “ Yeej yog lub Moo Zoo uas tuaj nplij peb siab.”
Peb niaj hnub vam txog Tswv Ntuj pab. Tab sis hauv peb tej zaj teev Ntuj, mas peb thawj thawj zaj lus uas phim yuav hais thiaj yog lus no tias :” Peb zoo siab ua peb Txiv tsaug ntau, vim Huab Tais Leej Txiv niaj hnub rho peb ntawm qhov tsaus ntuj thiab nws txais peb los nyob hauv Huab Tais Yes Xus lub Ceeb Tsheej. Peb mam li txais txoj kev cawm thiab txoj kev zam txhaum “ Kos Los Xais 1:12-14

THOV NTUJ : Peb Txiv khuv leej neeg tas nrho, ua koj tsaug ntau,vim koj niaj hnub pub koj tej txiaj ntsim muaj nqe kawg nkaus los yaug peb tej txhaum pov tseg thiab koj txhawb nqa peb siab kom ntshiab dawb huv. Ua li ntawd peb nyias zoo siab hais tus Hauv Paus Xa Lus Paj Lug qib lus hauv nyias lub siab tias
“ Tswv Ntuj Leej Tub tau nyiam kuv,
ces nws rov muab nws txi rau Ntuj, kom nws pab tau kuv”
Peb Txiv uas khuv leej neeg tas nrho, thov koj xa Leej Ntuj Plig Ntshiab nqes los tshoj peb siab, ntxiv mus, ces peb tej kev ntseeg thiaj yuav tau loj hlob zuj zus. Peb yuav tau coj lub neej nyob thaj yeeb nyab xeeb . Huab Tais Leej Txiv, ua koj tsaug ntau .

T.P. Txhiaj Foom omi

**Maiv Tooj** 20th March 2015, 1:03 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°128

Re: TP.Txhiaj Foom lub TSEV Ntawv

Post Maiv Tooj 20th March 2015, 1:03 am

CAIJ 40 – HC 5 - Xyoo B -
KUV YUAV RUB IB TSOOM NEEG LOS CUAG KUV

March 22 2015

Lub Caij 40 no ( thiab txhua txhua hnub uas peb kub siab teev hawm Tswv Ntuj ) mas ib yam uas peb kub siab ua mus li thiaj yog qhov tias : peb ua Ntoo Cuam Lub Cim .. Thaum peb ua li ntawd, peb haj yam rov nco ntsoov tias Yes Xus, Tswv Ntuj Leej Tub, nws tau muab nws txi rau Tswv Ntuj, tau 1982 xyoo los lawm mas peb zoo siab ntseeg tias Yes Xus, niaj hnub, nws nyob pem Tswv Ntuj lub Ceeb Tsheej, nws tseem muab nws txoj kev nyiam kev hlub los rov txi Ntuj dua, uas yeejtsismuaj caij kawg. Yog vim li ntawd ces peb thiaj hais kam lo lus no tias

YES XUS, TUS HUAB TAIS CAWM NEEG-
KUV YOG NEEG TXHAUM, THOV KOJ HLUB

Cov kwv tij, 10 hnub saum no peb kuj yuav pe hawm Yes Xus tus Ntoo Cuam. Ua li yeej tsim nyog twm tej qib lus tob kawg hauv Ntawv Ntshiab uas hais qhia peb txog Huab Tais lub luag hauj lwm pab cawm neeg
Cov kwv tij Huab Yes Xus yog Tswv Ntuj Leej Tub. Nws hais tseg tias : “ Kuv yog Txoj Kev, yog Qhov Tseeb thiab yog Txoj Sia” Zam 14,6 .Yes Xus lo Lus yog Lo Lus Tseeb”..
Ces peb niaj hnub zoo nco txog Zaj Tso Siab, tias :” Kuv tus Huab Tais…kuv tso siab hais tias koj yuav nco ntsoov txog koj lo lus thiab koj yuav ua raws li koj lo lus “

Hnub no, Huab Tais Yes Xus cog lus tseeb rau peb sawv daws tias :” Leej twg tsob hwb kuv, mas nws yuav tsum los raws kuv qab. Ua li kuv yuav mus nyob qhov twg, ces leej twg raws kuv qab thiaj yuav tau nrog kuv nyob nraim, nyob rau hauv qhov chaw ntawd. Tus neeg ntseeg ntawd kuj yuav tau muaj txoj sia nyob mus li” Zam 12: 26 +Zm 3:15
….Ua li, pab neeg twg thiaj yog cov raws Yes Xus qab ? yog cov neeg uas coj rawv Tswv Ntuj lo Lus.xws li 1 : “Nej yuav hlub luag tej, ib yam li nej Txiv hlub nej”.., yam li :”Nej yuav yoog Ntuj Lus xws li cov me nyuam zoo nyiam “ Lus Kas 6:36” + Es Fes Xos 5 :1
2: “Nej yuav taug txoj kev nyiam, raws li Yes Xus tus lwj lwm, vim tias Yes Xus tau nyiam peb thiab nws tau siv nws txoj sia los pab peb thiab Yes Xus rov muab nws txi Ntuj” Es Fes Xos 5: 2
Cov kwv tij , Tswv Ntuj txhib sawv daws neeg zoo li no tias :” Qhov kuv xav yuav ntawm nej los thiaj yog txoj kev nyiam thiab kev khuv leej Tswv Ntuj thiab tas sawv daws “ Os Xes 6: 6 + MasTais 9: 13
Huab Tais Yes Xus yog tus mloog Tswv Ntuj Lus kom tom thawj thiab nws taug kev nyiam kev hlub yam tuag nthi kuj yog thaum nws dai saum ntoo cuam, nws muab nws lub siab los txi rau nws Txiv nyob saum ntuj, Qhov ntawd thiaj yog txoj hauv kev rau peb taug,”raws li Yes Xus tus piv txwv” . Peb thiaj coj tau ib lub neej zoo zoo nkauj tshaj plaws thiab lub neej muaj hwj chim muaj nqe tshaj plaws ntag .
….
Huab Tais cog lus ruaj nreb khov kho tias :” Thaum luag yuav tsa kuv siab rau saum ntiaj teb, mas kuv yuav rub tas ib tsoom neeg los cuag kuv “ Zam 12: 32
THOV NTUJ : Huab Tais Leej Txiv, peb ua koj tsaug, vim koj tau pub peb ntseeg txog Yes Xus uas luag tsa nws siab ,yog thaum nws dai saum tus Ntoo Cuam, Hos koj tau tsa Huab Tais Yes Xus nrog koj nyob nraim pem Tswv Ntuj lub Ceeb Tsheej
“Txiv siab zoo tas nrho, peb tso siab lug tias Huab Tais Yes Xus yuav rub peb los nrog nws nyob
Peb Txiv siab zoo, Huab Tais Yes Xus kev nyiam kev hlub, uas yog qhov loj tshaj plaws thov koj pub ib feem nqes los hauv peb nruab siab
“Txiv khuv leej neeg tas nrho, peb tso siab lug hais tias Huab Tais Yes Xus yuav txais peb nyob pem Tswv Ntuj Lub Ceeb Tsheej, Yeej yog lub neej muaj hwj chim uas yuav nyob tas ib txhiab ib txhis raws li Yes Xus tej lo lus uas nws tau cog tseg. Peb ua koj tsaug ntau.
KUV YUAV RUB IB TSOOM NEEG LOS CUAG KUV

T.P. Txhiaj Foom omi

**Maiv Tooj** 20th March 2015, 1:04 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°129

Re: TP.Txhiaj Foom lub TSEV Ntawv

Post Maiv Tooj 20th March 2015, 1:04 am

ZIM TXWV NO NTIAJ TEB TEEB MEEM LOJ
Zaj 385 : Nyob Fis Lis Pees teb, cov ntseeg tsim kev thaj yeeb.

…………………………………………………………………………………………………..

Nyob zoo ib tsoom kwv tij phooj ywg hmov thiab tshua sawv daws !
Hnub no kuv yuav muab 2 zag xov xwm coj los tshaj tawm pub rau nej sawv daws mloog xws li no :
1. Nyob Fis Lis Pees teb, cov neeg ntseeg tsim kev thaj yeeb.
2. Nyob Fab Kis teb, muaj ib cov neeg tsim kev sib haum xeeb.
Paj nruag
Hais txog zaj xwm 1 : Nyob Fis Lis Pees teb, cov neeg ntseeg tsim kev thaj yeeb, mas yog li no :
Kwv tij phooj ywg, hais qhia rau nej sawv daws paub tias nyob rau teb chaws Fis Lis Pees, mas tsoom pej xeem 90% yog ntseeg txog Huab Tais Tswv Ntuj nyob hauv lub Koom Txoos Kav Tos Liv.
Tiam sis nyob nram Fis Lis Pees qab teb, mas muaj ib cov pej xeem Fis Lis Pees uas lawv coj kev cai teev hawm Mawv Xis Lim. Nyob hauv thaj tsam nram qab teb ntawd, kuj muaj ib cov haiv neeg tsawg uas lawv yog neeg txom txom nyem, tab sis lawv tig los ntseeg txog Huab Tais Tswv Ntuj nyob hauv lub Koom Txoos Kav Tos Liv.
Ua li mas hais qhia rau nej paub tias txij li xyoo 1939, yam li twb tau 75 xyoos los lawm, mas nyob rau nram Fis Lis Pees qab teb ntawd tau muaj ib cov tub tshaj Ntuj Lus, los yog ib cov Txiv Plig uas lawv zwm rau lub Koom Haum Os Nplas, lawv tau mus tshaj Ntuj Lus rau cov haiv neeg me, ces lawv tau tsim ib cov tsev qhia ntawv pub rau cov haiv neeg me nram Fis Lis Pees qab teb.
Tsis tas li ntawd xwb, cov Txiv Plig Os Nplas kuj tau ua ntau yam kom cov pej xeem uas ntseeg txog Huab Tais Tswv Ntuj thiab cov uas coj kev cai teev hawm Mawv Xis Lim sawv daws muaj kev sib haum xeeb. Tab sis txij li xyoo 1939 los txog niaj hnub no, mas cov Txiv Plig Os Nplas raug xwv txheej ntau tsav ntau yam kawg, yam li :
1. Txij li tsov rog ntiaj teb zaum 2 uas cov tub rog Zis Pees mus txeeb kav tau Fis Lis Pees teb tas lawm, mas cov tub rog Zis Pees tau muab cov Txiv Plig Os Nplas tua tuag lawm 3 leeg.
2. Txij li xyoo 1971 los, mas kuj tau muaj ib cov neeg tsim kev kub ntxhov muab 4 tug Txiv Plig Os Nplas tua tuag thiab.
Kwv tij, ua li mas ib qhov xwm loj uas cov tub tshaj Ntuj Lus Os Nplas, los yog cov Txiv Plig Os Nplas tau tsim tseg, mas yog lawv tau sib pab txhim 60 tawm lub tsev qhia ntawv Kav Tos Liv, los qhia ntaub ntawv thiab txuj ci pub rau tsoom pej xeem sawv daws.
Yog vim li no, mas tsis hais cov neeg ntseeg los yog cov pej xeem uas coj kev cai teev hawm Mawv Xis Lim, lawv sawv daws tej me tub me nyuam kuj tau kev kawm txuj ci nyob rau hauv cov tsev ntawv Kav Tos Liv no.
Tsis tas li ntawd, dhau ntawm kev uas cov Txiv Plig Os Nplas tsim ib cov tsev qhia ntawv ntau ntau li hais no lawm, mas kuj muaj ib yam uas cov Txiv Plis Os Nplas tau muab siab rau los ua thiab, mas yog qhov uas lawv tsim ib tsab ntawv xov xwm hu ua « Mees Das Naus Tus Ntoo Cuam».
Kwv tij, tsab ntawv xov xwm Mees Das Naus Tus Ntoo Cuam no, mas ib lub lis piam twg lawv luam xov xwm tawm ib zaug. Nyob hauv tsab xov xwm no, cov Txiv Plig Os Nplas kuj tau sau tej zaj lus los txhib kom tsoom pej xeem Fis Lis Pees tas huv si sawv daws yuav tsum qhib siab los sib fim ua phooj ua ywg thiab sib pab tiv thaiv txoj kev txom nyem uas tuaj raug sawv daws.
Tsis tas li ntawd, nyob rau hauv tsab ntawv xov xwm Mees Das Naus Tus Ntoo Cuam no mas kuj tau tshaj ib cov lus los txhib sawv daws kom yuav tsum muaj kev ncaj ncees thiab txhob mus taug txoj kev ua neeg phem lim hiam.
Kwv tij, nyob rau nram Fis Lis Pees qab teb, mas kuj muaj ib tug Tswv Qhia Liab uas hu ua Aus Laas Dos–Kes Ves Dos, uas nws yog tus Tswv Qhia saib cov neeg ntseeg Kav Tos Liv hauv lub Ceeb Koom Txoos Mees Das Naus, nws tau tshaj lus tawm tias : « Peb tsoom neeg ntseeg twb tau nrog ib zeej tsoom sawv daws hais sib haum lawm tias txij no mus, mas peb sawv daws yuav sib pab los txhim kho kom muaj kev kev ncaj ncees thiab muaj kev thaj yeeb nyob rau hauv peb lub teb chaws».
Ua li mas ib yam uas peb sawv daws yuav tau nco ntsoov yog qhov tias : «Nyob teb chaws twg kuj xij, yog sawv daws sib pab txhawb kom tib neeg paub txuj ci siab zuj zus tuaj lawm, mas yuav ua rau muaj kev ncaj ncees tshwm sim tuaj. Tab sis qhov uas peb muaj lub hom phiaj xav txhim kho tib neeg kom paub txuj ci siab zuj zus tuaj no, tsis yog peb xav ntxias kom sawv daws tig los ntseeg txog Huab Tais Tswv Ntuj ».
Qhov uas peb ua li no, mas yog vim peb ua raws li Huab Tais Yes Xus lo lus uas nyob hauv Mas Tais Ntawv Moo Zoo zaj 25 tias : « Nej tau ua npaum li cas rau cov me tshaj hauv kuv tsoom kwv, mas yog nej ua rau kuv».
Li ntawd, mas peb vam tias sawv daws yuav sib pab los txhim kho kom muaj kev vam meej thiab muaj kev ncaj ncees nyob rau hauv lub teb chaws.
Paj nruag
Hais txog zaj xwm 2 : Nyob Fab Kis teb, muaj ib cov neeg tsim kev sib haum xeeb, mas yog zoo li no :
Kwv tij phooj ywg, thaum lub 1 hlis hnub tim 7 xyoo 2015 no, mas nyob tim lub tuam ceeb Pas Lis, Fab Kis teb, tau muaj ib cov neeg uas teev hawm kev cai Mawv Xis Lim, tau mus tsim kev kub ntxhov muab 17 tus neeg tua tuag, yam li hauv 17 leej uas tuag no mas ib txhia yog cov tub xov xwm, hos ib txhia kuj yog cov tub ceev xwm.
Yog vim li no, ces cov thawj coj ntawm txoj kev teev hawm Mawv Xis Lim uas nyob Fab Kis teb thiaj tau tshaj lus tawm tias : «Nyob teb chaws twg kuj xij, thov kom sawv daws txhib kom cov neeg ntseeg txog Yes Xus thiab cov neeg ntseeg Mawv Xis Lim muaj kev sib hwm thiab sib haum xeeb, ces sawv daws thiaj li yuav nyob tau yam thaj yeeb nyab xeeb».
Kwv tij, tseem muaj dua ib tug thawj coj Mawv Xis Lim hu ua As Zes Dis-Nkas Xis, uas nws nyob ze rau ntawm lub nroog Lis Yoos, nws tau tshaj lus tawm tias : « Cov neeg uas tshaj lus tawm tias cov Mawv Xis Lim yog neeg tsim kev kub ntxhov, mas cov neeg ntawd lawv yuam kev loj heev. Vim tias feem coob ntawm cov neeg uas teev hawm kev cai Mawv Xis Lim, mas sawv daws kuj puav leej yog neeg siab zoo ib yam li zeej tsoom. Tab sis tsuas muaj tus puav nyuag thiab tej pab neeg tsawg tsawg uas lawv nyiam nyiam mus tsim kev kub ntxhov rau luag tej xwb ».
Li ntawd, tsis hais cov neeg ntseeg txog Yes Xus thiab cov Mawv Xis Lim, mas kawg yuav tsum sib fim thiab sib hwm, sawv daws thiaj yuav nyob tau ua ke yam thaj yeeb. Rau qhov tias nyob hauv cov Mawv Xis Lim phau ntawv Kos Laas, mas muaj ib qib lus tseem ceeb kawg nkaus uas qhia rau cov Mawv Xis Lim tias : « Leej twg muab ib tug neeg twg tua tuag, mas yog thooj li nws muab tas nrho tib neeg hauv lub ntiaj teb no tua tuag tib si. Hos yog leej twg cawm tau ib tug neeg twg txoj sia lawm, mas yog thooj li nws cawm tau tag nrho ntiaj teb neeg txoj sia ».
Yog vim li ntawd, mas tsis hais cov neeg ntseeg Yes Xus, los yog cov neeg ntseeg Mawv Xis Lim, sawv daws tej hauj lwm uas qhia txuj ci rau cov me tub me nyuam, yuav tau ua tib zoo qhia kom lawv to taub txog 2 lo lus nug tias : « Vim li cas kuv thiaj li tau yug los nyob hauv lub ntiaj teb no thiab ntiaj teb neeg yuav tsum coj tus ywm ntxwv li cas sawv daws thiaj li yuav nyob tau ua ke ?»
Li ntawd, mas tsim nyog cov thawj coj ntawm txoj kev ntseeg Yes Xus thiab txoj kev ntseeg Mawv Xis Lim, mas 2 pab neeg no cov thawj coj yuav tsum saib lwm pab neeg kom muaj nqis thiab qhia rau yus cov tib neeg kom saib lwm pab muaj nqis ib yam thiab. Yog sawv daws ua tau zoo li no, mas lub teb chaws yeej yuav nyob thaj yeeb xwb xwb.
Kwv tij, tseem muaj dua ib tug thawj coj Mawv Xis Lim uas yog poj niam, nws hu ua Las Tis Fas-Zias Tees, nws yog tus saib cov tub ntxhais hluas Mawv Xis Lim uas nyob Fab Kis teb, nws tau tshaj lus tawm tias : «Cov niam thiab cov txiv yuav tsum qhia kom cov tub ntxhais hluas txawj hwm luag tej uas lawv tsis yog coj txoj kev teev hawm ib yam li yus. Vim tias nyob rau hauv cov tsev qhia ntawv uas cov tub ntxhais hluas tuaj kawm txuj ci, mas cov Xib Hwb yeej qhia kom tsoom tub ntxhais hluas txawj sib hwm thiab sib hlub sib pab lawm. Tab sis yeej tseem tsis tau txaus, ces thiaj xav kom cov ua niam ua txiv sib pab qhia rau tej me nyuam kom txawj hwm luag tej tiag tiag».
Kwv tij, tseem muaj ib tug poj niam Fab Kis uas teev hawm kev cai Mawv Xis Lim hu ua Npas Lis Ntsas-Khias Lis, nws yog ib tug nom sawv cev ntawm tsoom pej xeem Fab Kis, nws kuj tau tshaj lus tawm tias : «Yav dhau los mas nyob Fab Kis teb, tau muaj ib cov pej xeem uas coj kev teev hawm Mawv Xis Lim, sawv daws yeej tau hnov tej lo lus tseem ceeb uas cov tseem fwv Fab Kis xav kom sawv daws yuav tsum txawj sib hwm thiab txhob tsim kev kub ntxhov rau luag tej. Tab sis tej hauj lwm uas ceeb toom qhia rau tsoom pej xeem Mawv Xis Lim mas yeej tsis txaus kiag, mas kawg yuav tsum muaj kev tshaj tawm tsi tseg kom xwv sawv daws paub txog tseem fwv tej lo lus tseem ceeb no, thiaj yuav tsis muaj ib cov neeg Mawv Xis Lim mus tsim kev kub ntxhov zoo li zaum tas los uas tau ua rau neeg tuag txog 17 leej».
Kwv tij phooj ywg, tseem muaj ib cov kws txuj Fab Kis uas yav dhau los lawv tau sau tej phau ntawv tseem ceeb thiab muab luam tawm rau ib zeej tsoom saib, mas lawv tau hais zoo li no :
Tus ib, nws hu ua Zam Dos Mes Xoos, nws tau tshaj lus tawm tias : “Ib yam tseem ceeb uas peb sawv daws yuav tau muab siab rau ua los tiv thaiv txoj kev kub ntxhov, mas yog qhov tias peb yuav tsum nrog ib zeej tsoom neeg cog kev phooj ywg raws li Tswv Ntuj lub siab xav. Vim tias peb cov neeg ntseeg txog Tswv Ntuj, mas peb yeej muaj lub dag zog uas los pab tiv thaiv txoj kev sib thuam thiab sib ntxub kom ploj mus, yam li yog peb xyaum ua lub neej raws li Tswv Ntuj tej lus qhia, ces txoj kev sib thuam thiab sib ntxub no yuav ploj mus».
Tus ob, nws yog ib tug Txiv Plig hu ua Nkas Nplias Lees Les, nws tau sau ib zaj lus tseem ceeb tawm rau hauv ntawv xov xwm tias : « Yeeb vim kuv yog ib tug uas ntseeg txog Huab Tais Yes Xus thiab tuav ib lub luag hauj lwm nyob rau hauv Huab Tais Yes Xus lub npe, mas thaum kuv ntsib ib cov phooj ywg uas coj kev cai teev hawm Mawv Xis Lim, kuv thiaj hais kom cov phooj ywg Mawv Xis lim pab tshaj lus rau lawv cov neeg tias, txoj kev cai Mawv Xis Lim yog ib txoj kev teev hawm uas pab qhia kom tib neeg muaj kev sib hwm thiab sib hlub».
Tus peb, yog tus Tswv Qhia hu ua Mis Kas Dws Npos, nws yog tus Tswv Qhia saib cov neeg ntseeg Kav Tos Liv hauv lub Ceeb Koom Txoos Es Vis, uas nyob Fab Kis teb. Tswv Qhia Mis Kas Dws Npos tau tshaj lus tawm tias : « Tas tsoom pej xeem tib si nyob Fab Kis teb, mas sawv daws yuav tsum ua siab loj siab tawv. Vim tias txij no mus cov neeg ntseeg Ntuj thiab cov Mawv Xis Lim yuav sib fim kom ntau dua qub thiab yuav qhia rau kom sawv daws txawj sib hwm, kom txhob nyob twj ywm li yav dhau los lawm. Rau qhov tias kev uas ob pab neeg no nyias nyob nyias twj ywm tsis sib fim pes tsawg mas yog ib yam tsis zoo ».
Tsis tas li ntawd, Tswv Qhia Mis Kas Dws Npos tseem hais ntxiv tias : «Nyob hauv peb lub Ceeb Koom Txoos Es Vis, mas tau muaj 1,000 tawm tus neeg tuaj sib sau sab laj ua ke txog kev sib pab tsim kev thaj yeeb uas nyob nruab nrab ntawm txhia txoj kev teev hawm, yam li tsis hais cov pej xeem uas coj kev cai teev hawm Phus Thas, cov Mawv Xis Lim thiab cov Kav Tos Liv, mas lawv 1,000 tawm leej no tau xub pib sab laj nyob hauv cov Phus Thas lawv lub tuam tsev ua ntej, ces tom qab ntawd lawv sawv daws mam li mus sab nyob hauv cov Mawv Xis Lim lub tsev. Qhov kawg, ces lawv los xaus kev sib sau sab laj nyob rau hauv tus Tswv Qhia Mis Kas Dws Npos lub tuam tsev teev Ntuj uas nyob hauv lub Ceeb Koom Txoos Es Vis».
Kwv tij, nyob hauv lub rooj sab laj uas muaj neeg coob txog ntawm 1,000 tawm leej tuaj sib sau tuav xam txog kev sib pab tsim kev thaj yeeb nyob nruab nrab ntawm txhua txhia txoj kev teev hawm no mas kuj mus raws li siab xav lawm. Vim tias sawv daws puav leej pom zoo qhib siab los sib hwm thiab cog kev phooj ywg rau yav tom ntej kom ntau dua qub thiab zoo dua qub tuaj.
Kwv tij, ua li mas muaj tej yam uas peb sawv daws ua tau yooj yim nyob nruab nrab ntawm peb tsoom Hmoob uas coj kev teev hawm sib txawv, mas yog qhov tias : « Tsis hais lub caij peb muaj ib roog qav noj haus, tsis hais lub caij peb ua liaj ua teb, peb ua lag ua luam, peb Hmoob lub tsiab peb caug, los yog peb nyob tsev xwb thiab mus tos me nyuam tom tej tsev kawm ntawv kuj xij, mas peb sawv daws yuav tau ua tib zoo fim nrog luag tej thiab cog kev phooj ywg nrog luag tej, kom xwv sawv daws muaj kev sib hwm thiab nyob tau ua ke yam thaj yeeb ».
Li ntawd, mas peb vam tias 2 zaj xov xwm hnub no yuav muaj txiaj ntsim qab hau zoo rau nej sawv daws coj mus xav tswv yim, kom xwv peb haiv Hmoob txawj sib fim thiab txawj sib pab los tsim kev thaj yeeb nyob nruab nruab ntawm peb haiv neeg lub neej.
Ua li mas hnub no kuv tsuas coj 2 zag xov xwm tuaj ntsib nej sawv daws xwb, yam li :
1. Hais txog nyob Fis Lis Pees teb, cov neeg ntseeg tsim kev thaj yeeb.
2. Hais txog nyob Fab Kis teb, muaj ib cov neeg tsim kev sib haum xeeb.
Kwv tij phooj ywg, ua li mas txuas ntxiv ntawm no mus thov caw nej los mloog ib zag nkauj. Tom qab zaj nkauj tag peb mam rov sib ntsib dua, sawv daws nyob zoo !
Paj nruag

Zaj no Txiv Plig Txhiaj Foom ua nyob Lomsak.
Haam Kub pab ntaus thiab kho me ntsis.
Hnub tim 17 lub 3 hlis xyoo 2015

**Maiv Tooj** 20th March 2015, 1:06 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°130

Re: TP.Txhiaj Foom lub TSEV Ntawv

Post Maiv Tooj 20th March 2015, 1:06 am

KUV YOG LEEJ TWG ?

Lub Caij 40 no yog ib lub caij tseem ceeb uas peb tsoom ntseeg haj yam nco ntsoov txog Yes Xus tej qav tej num cawm ntiaj teb neeg dim ntawm qhov txhaum. Ua li, ob peb hnub saum no uas yog hnub tim 3 lub 4 hlis uas yog HNUB RAU NTSHIAB. Hnub ntawd peb kuj yuav pe Yes Xus tus Ntoo Cuam. Thaum ntawd, tus Leej Choj kuj yuav hais zaj nkauj teev Ntuj zoo li no tias :
NEJ NTSIA TUS NTOO CUAM NO:
TUS CAWM LUB NTIAJ TEB DAI NTAWM TUS NTOO NO :
Ces tsoom ntseeg uas tuaj teev Ntuj pe tus Ntoo Cuam thiaj kub siab teb tias :
PEB SAWV DAWS PE ZOJ MOG
Peb yuav hais zoo li no 3 zaug. Txhais tias : peb tsoom ntseeg yuav kub siab ntseeg khov kho tias :
“Yes Xus, Tswv Ntuj Leej Tub tau nyiam ntiaj teb neeg tas npaud, nws thiaj rov muab nws txi rau Ntuj kom pab tau tsoom neeg sawv daws nyob thoob ntiaj teb” NLT 2:20.
= Cov kwv tij, nyob hauv ib lub xyoos mas tsuas muaj ib zaug xwb peb ua cov kab kev tseem ceeb no. Tab sis yeej muaj ntau ntau yam peb ua kam kom tau rov nco ntsoov txog Yes Xus kev nyiam kev hlub, uas Yes Xus muab nws txi rau Tswv Ntuj yog thaum Yes Xus dai saum tus Ntoo Cuam. Zoo li thaum peb tsoom ntseeg sib sau teev Ntuj, mas thawj thawj yam uas peb ua kam thiaj yog qhov tias, peb ua Ntoo Cuam lub Cim.
Tsis tas li ntawd xwb, nyob rau hauv peb tsev thiaj muaj tus Ntoo Cuam uas nyob ntawm phab ntsa.
Cov kwv tij, txhua txhia lub caij peb tsa muag ntsia Yes Xus tus Ntoo Cuam thiaj yog ib lub caij zoo rau peb yuav tsum rov xav saib : niaj hnub no, mas Yes Xus uas dai saum tus Ntoo Cuam, nws yeej hu peb “taug txoj kev nyiam raws li Yes Xus tus lwj lwm, yam li Yes Xus nyiam peb tag npaud nws thiaj siv nws txoj sia los pab tau peb” Es Fes Xos 5:2.
Saib : nyob ntawm tus Ntoo Cuam lub xub ntiag ,peb nyias yuav tau soj ntsuam saib hauv nyias lub siab tias: “Yus puas yoog raws Yes Xus tus lwj lwm tiag tiag ? Raws li Tswv Ntuj lub siab xav.
Cov kwv tij, lo lus nug tias “Nyob ntawm tus Ntoo Cuam lub xub ntiag, kuv yog leej twg ?” mas thiaj yog lo lus uas tsaib no hnub tim 26 lub 5 hlis, nyob tim lub nroog Yes Lus Xas Les, peb tus Vaj Qhia Fas Tshis Kus tau hais rau ib pab neeg ntseeg, uas sib sau teev Ntuj nyob rau hauv lub Tsev Teev Ntuj Nkes Txes Mas Nis. uas yog hauv thaj tsam hu ua Lub Roob Txiv Ntoo Roj.
Peb tseem nco tias, hnub ntawd, Yes Xus nrog nws cov thwj tim mus pem lub Roob Txiv Ntoo Roj .Nws hais rau cov thwj tim tias : “Nej teev Ntuj mog, kom nej txhob swb kev ntxias.” Ces Yes Xus ncaim ntawm lawv rau ib qho. Yes Xus txhos caug. Nws teev hawm Tswv Ntuj. Nws hais tias : “Txiv, yog koj pom zoo, thov koj tshem lub ntim no mus deb kuv. Tab sis koj txhob ua raws li kuv xav – Koj ua raws li koj xav “Thaum ntawd, Yes Xus txhawj kawg. Nws teev Ntuj heev dua. Nws tawm tej cev hws xws li tej tee ntshav nrog rau hauv pem teb. Ib ntsis Yes Xus sawv los cuag cov thwj tim. Nws pom lawv tsaug zog, vim lawv tu siab. Ces Yes Xus hais rau lawv tias : “Vim li cas nej tsaug zog ? Nej sawv. Nej teev Ntuj kom nej txhob swb txoj kev ntxias”
PAJ NRUAG
Cov kwv tij, dhau lub caij nyeem Ntawv Moo Zoo lawm, mas Vaj Qhia tab meeg txhib pawg ntseeg uas tau sib sau ua ke hauv lub tsev teev Ntuj Nkes Txes Mas Nis ntawd kom xwv sawv daws nyias soj ntsuam hauv nyias lub siab tias : “Kuv niaj hnub nco txog Yes Xus uas tau dai ntawm tus Ntoo Cuam - Ua li nyob ntawm tus Ntoo Cuam lub xub ntiag, kuv yog leej twg ?”
Cov kwv tij, Vaj Qhia tej lo lus ntawd, mas peb nyias yuav soj ntsuam saib peb puas coj rawv Tswv Ntuj Lo Lus ?
Yes Xus tau hais rau cov thwj tim: “Nej tsis muaj peev xwm nrog kuv zov hmo lod ? Nej zov hmo mas, nej teev Ntuj kom nej txhob poob rau hauv txoj kev ntxias.”
= Vaj Qhia mam li hais tias : nyem no, tsim nyog peb sawv daws nyias yuav tau xav hauv nyias lub siab tias : “Kuv yog leej twg tiag ? Tsam kuv tsaug zog raws li cov thwj tim ntawd - Tsam kuv npog kuv lub siab rau Tswv Ntuj, ces tsis kam mloog Ntuj lus kiag – Tsuas mloog kuv tej zaj tswv yim xwb.
= “Kuv yog leej twg ? Tsam kuv ua raws li tej pab neeg uas tsis kam hais rau luag tej tias, peb yog neeg ntseeg Ntuj -Tsam kuv ua raws li Xis Moos Pob Zeb uas nws tsis lees Yes Xus 3 zaug sis law.
= “Kuv yog leej twg ? Tsam kuv coj lub neej dog dig, ces yeej tsis quav ntsej txog kev teev hawm Tswv Ntuj li -Tsam kuv lam xav tias : “Kev teev Ntuj tsis muaj qab hau - Kev teev Ntuj pab tsis tau ib yam dab tsi rau kuv kiag.”
Cov kwv tij, hnub uas Vaj Qhia txhib ib pawg ntseeg lub siab hauv lub tsev teev Ntuj Nkes Txes Mas Nis, mas Vaj Qhia tseem hu lawv nyias xyuas zoo, saib nyias yuav rov nug nyias tias : “nyob ntawm tus Ntoo Cuam lub xub ntiag, kuv yog leej twg ? Saib peb puas muaj peev xwm hais raws lo lus uas yuav tshaj rau nej mloog no ?
1 : Niaj hnub no mas Leej Ntuj Plig Ntshiab tau txhab zog rau kuv heev kawg nkaus, ces kuv yog tus xyaum nyiam Tswv Ntuj tas siab tas ntsws, tas tswv yim tas zog. Ces tau yoog raws li tus Nkauj Tsim Txiaj Mab Liab thiab tus Hauv Paus Xa Lus Zam, uas nkawd sawv ntsug ze ntawm tus Ntoo Cuam
2 : Niaj hnub no mas kuv yog ib tug neeg siab loj siab tawv qhawv tab meeg hais qhia luag tias : “Kuv niaj hnub xyaum coj lub neej raws kev ntshiab dawb huv vim Tswv Yes Xus pab kuv tsis tu ncua.”
3 : Niaj hnub no, mas kuv yog tus ntseeg ruaj nreb khov kho txog Huab Tais Yes Xus kev nyiam kev hlub, uas yog qhov loj tshaj plaws nyob thoob ntiaj teb. Ces kuv kub siab xyaum coj lub neej ncaj ncees .
4 : Niaj hnub no, kuv yog Huab Tais Yes Xus tus phooj ywg. Huab Tais
tuav kuv txhais tes ruaj nreb mus li – Huab Tais tsis tso kuv pov tseg ib nyuag zaus ntag. Kuv tus HuabTais ,kuv tus Tswv Ntuj tej kev nyiam kev hlub ,nws tej kev khuv leej neeg yeej muaj nqes tshaj plaws. Kuv tus Huab Tais ua kuv luag tag mus li, tsis so ib pliag. Ua li, yeej tsis muaj ib zaug uas kuv ua siab yau zoo li kuv nyob kuv ib leeg li.
5 : Niaj hnub no, kuv yog ib tug neeg nyob kaj lug kaj nrig, vim kuv ib siab raws Huab Tais qab thiab ib siab ris kuv tej kev nyuaj siab ntxhov plawv, kuj yog vim kuv tus Huab Tais pub ib feem ntawm nws tej kev hlub nqes los hauv kuv los ua kuv ntiag kuv tug.
6 : Niaj hnub no, kuv yog tus Nkauj Tsim Txiaj Mab Liab ib tug me nyuam. Tsis muaj ib zaug uas peb niam Mab Liab tsis mloog peb tej lo lus thov li.

THOV NTUJ: Huab Tais Leej Txiv, peb thov koj pab peb khaws Huab Tais Yes Xus lub Moo Zoo tseg tias : “Leej twg tsob hwb kuv, mas nws yuav tsum los raws kuv –Kuv nyob qhov twg, kuv tus tub txib kuj yuav nyob ntawd thiab.” Zam 12: 26
Zaj nkauj : “Neeg tsis kawg muab mov…”
“Koj txhob ntshai – Kuv yuav nrog ..”
“Yes Xus, peb tus Vaj..”
“Nej tsis txhob ntshai”
“Kuv tso kuv txoj sia.”

TP. Txhiaj Foom omi

**Maiv Tooj** 8th April 2015, 11:57 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°131

Re: TP.Txhiaj Foom lub TSEV Ntawv

Post Maiv Tooj 8th April 2015, 11:57 pm

ZIM TXWV NO NTIAJ TEB TEEB MEEM LOJ
Zaj 388 : Tib neeg muaj hnub nyoog ntev zog lawm.

…………………………………………………………………………………………………..

Nyob zoo ib tsoom kwv tij phooj ywg hmov thiab tshua sawv daws !
Hnub no kuv yuav muab 4 zag xov xwm coj los tshaj tawm pub rau nej sawv daws mloog. Cov xwm hnub no muaj xws li no :
1. Nyob thoob ntiaj teb, tib neeg muaj hnub nyoog ntev zog lawm.
2. Nyob As Fis Kas tuam teb, cov Ais Es tua neeg tuag coob coob.
3. Tim li cas cov Ais Es ho tsim txom cov neeg ntseeg txog Yes Xus.
4. Nyob Pas Kis Taas teb, muaj ib tug poj niam uas ntseeg Ntuj raug cov Mawv Xis Lim txhom coj mus rau txim.
Paj nruag
Hais txog zaj xwm 1 : Nyob thoob ntiaj teb, tib neeg muaj hnub nyoog ntev zog lawm, mas yog li no :
Kwv tij phooj ywg, xyoo 1990, cov tub xov xwm nyob rau 190 lub teb chaws lawv tau tshaj lus tawm tias : « Tib neeg mas feem ntau hnub nyoog tsuas nyob ntev li 65 xyoos xwb ces tuag lawm. Hos xyoo 2013, cov tub xov xwm rov tshaj lus tawm tias tib neeg mas lub zim txwv no feem ntau hnub nyoog nyob ntev txog 71 xyoos mam li tuag. »
Tab sis nyob teb chaws Fab Kis, mas niaj hnub no cov txiv neej feem coob hnub nyoog nyob ntev txog 78 xyoo ces mam tuag. Hos cov poj niam Fab Kis, mas feem coob 85 xyoos mam li tuag.
Tsis tas li ntawd, cov tub xov xwm Fab Kis kuj tau tshaj lus tawm ntxiv tias : « Lub zim txwv no mas nyob rau Fab Kis teb, thaum muaj 100 tus me nyuam mos liab yug los tshiab, mas tsuas muaj kwv yees li ntawm 50 leej thiaj yuav muaj txoj sia nyob ntev mus txog 100 xyoo. »
Kwv tij, vim li cas cov tub xov xwm Fab Kis ho tshaj lus tawm li ntawd ?
Yog vim 3 yam xws li no :
1. Tsoom pej xeem Fab Kis yuav se los pov hwm kev mob nkeeg, ces ua rau lawv tau txais kev kho mob thiab ib cov tshuaj uas zoo heev los pab tus kheej.
2. Teb chaws Fab Kis, yog ib lub teb chaws uas huab cua laj ntxuj ntxiag tas mus li, ces ua rau tsis tshua no thiab kuj tsis tshua sov heev.
3. Tsoom pej xeem Fab Kis muaj txiaj xws noj zoo dua yav dhau los lawm ntau npaug, ces ua rau lawv lub cev tsis tshua muaj mob li yav tag los.
Tab txawm li cas los tsoom pej xeem Fab Kis ib txhia kuj tseem muaj mob plawv, mob nqaij hlav uas yog Cancer thiab ib txhia kuj yog neeg liam liam ces mus haus tej tshuaj muaj yees, yam li tshuaj nees thiab txhaj yeeb dawb, ua rau lawv txoj sia nyob ntev tsis txog 100 xyoo.
Kwv tij, ua li mas xav hais qhia rau nej sawv daws ntxiv tias nyob rau teb chaws Zis Pees, mas feem coob ntawm cov poj niam Zis Pees, lawv hnub nyoog kuj nyob ntev txog ntawm 86 xyoo.
Yog vim li no, ces nyob thoob ntiaj teb mas cov poj niam Zis Pees thiaj muaj txoj sia nyob ntev tshaj plaws lwm haiv neeg tib si.
Paj nruag
Hais txog zaj xwm 2 : Nyob As Fis Kas tuam teb, cov Ais Es tua neeg tuag coob coob, mas yog li no :
Kwv tij phooj ywg, hnub tim 8 lub 3 hlis dhau los, nyob rau hauv teb chaws Mas Lis, muaj ib cov Ais Es uas yog cov neeg teev hawm kev cai Mawv Xis Lim uas nyiam tsim kev kub ntxhov thiab xav tsim dua ib lub teb chaws Mawv Xis Lim tshiab, lawv kuj tau txawb ib cov hoob pob rau saum ib lub yeej tub rog, ces ua rau cov tub rog Mas Lis tuag coob kawg.
Hos nyob rau teb chaws Nis Ntses Lias, mas kuj muaj ib cov Ais Es uas tsim kev kub ntxhov thiab, yam li cov Ais Es tau cuam hoob pob mus rau ntawm ib cov pej xeem, ces ua rau 58 tus neeg tuag pawg lug.
Paj nruag
Hais txog zaj 3 : Tim li cas cov Ais Es ho tsim txom cov neeg ntseeg txog Yes Xus, mas yog li no :
Kwv tij phooj ywg, cov Ais Es uas nyob Xis Lias teb, mas lawv tau xa ib cov tub rog mus muab cov neeg ntseeg txog Yes Xus uas nyob hauv tej lub zos me me caum tua thiab txhom coj mus tsim txom.
Yog vim li ntawd, ces niaj hnub no cov neeg ntseeg Yes Xus uas nyob Xis Lias teb, thiaj muaj 5,000 tawm leej uas nyob rau hauv cov zos me me ntawd, mas lawv tau khiav mus nkaum rau lwm lub nroog tag lawm, yam li lawv khiav mus rau lub nroog Kas Mes Sis thiab lub nroog As Xas Kes.
Hos nyob rau teb chaws Is Lav, mas cov Ais Es kuj tau txhom ib cov neeg ntseeg Ntuj coj mus pav tes taw khi ntsia rau ntawm tej tug ntoo cuam ib yam li Yes Xus.
Kwv tij, vim li cas cov Ais Es ho pheej ua phem phem rau cov neeg ntseeg Ntuj ?
Yog vim tias tsoom pej xeem feem coob uas nyob rau cov teb chaws As Xias nrab, mas lawv teev hawm kev cai Mawv Xis Lim, ces lub zim txwv no lawv xav kom cov Mawv Xis Lim muaj dua ib lub teb chaws tshiab uas loj thiab dav heev tuaj txog ntua rau As Xias tuam teb ib yam li yav puag thaum ub uas Yes Xus tseem tsis tau nqes los ua neeg nyob His Xas Lais teb.
Tsis tas li ntawd, cov Ais Es uas nyob rau As Xias nrab ntawd, mas lawv tsis xav kom lawv cov pej xeem Mawv Xis Lim xyaum ua lub neej raws li cov neeg uas nyob Mes Kas teb thiab nyob Aws Los Pas tuam teb, uas feem coob cov neeg nyob sab hnub poob no lawv hwm cov poj niam thiab xav kom cov poj niam mus kawm txuj kom muaj kev txawj ntse ib yam li cov txiv neej, thiaj muaj cai nrog cov txiv neej sib tw ua hauj lwm tswj kav lub teb chaws.
Kwv tij, yeeb vim cov neeg uas coj kev cai Mawv Xis Lim nyob As Xias nrab xav li no, ces lawv thiaj ua phem phem rau cov neeg ntseeg Ntuj. Ua rau 40 feem pua ntawm cov neeg ntseeg Yes Xus uas nyob Xis Lias teb, lawv thiaj tau khiav tawm hauv lawv lub teb chaws mus nkaum nyob rau pej kum teb tag lawm.
Piv txwv yav dhau los, mas nyob Xis Lias teb, cov neeg ntseeg txog Yes Xus coob txog ntawm ib plom thiab 800 txhiab tawm leej uas lawv teev hawm Tswv Ntuj. Tab sis lub zim txwv no tau muaj 700 txhiab tawm leej khiav mus rau pej kum teb lawm. Vim tias lawv ntshai tsam cov Ais Es tuaj tua thiab txhom coj mus tsim txom.
Paj nruag
Hais txog zaj 4 : Nyob Pas Kis Taas teb, muaj ib tug poj niam uas ntseeg Ntuj raug cov Mawv Xis Lim txhom coj mus rau txim, mas yog li no :
Kwv tij phooj ywg, tus poj niam uas hais no mas lub npe hu ua As Xias Npis Npis, nws hnub nyoog 48 xyoo thiab nws muaj 4 tug me nyuam lawm.
Xyoo 2010 thaum lub 10 hli ntuj, tau muaj ib cov neeg uas teev hawm kev cai Mawv Xis Lim liam tus poj niam As Xias Npis Npis tias : « Nws tau thuam txoj kev teev hawm Mawv Xis Lim, ces cov Mawv Xis Lim txawm ntes nws coj mus kaw rau hauv nkuaj los txog tav no. »
Yog vim li ntawd, ces thiaj muaj ib cov nom tswv uas nyob ntau lub teb chaws thiaj thov kom tus txoov tim tswv Mas Noos Hus Xais uas nyob Pas Kis Taas teb, tso lus rau As Xias Npis Npis tawm hauv tsev loj faj mus.
Li ntawd, tus nom uas kav lub tuam ceeb Pas Lis nyob Fab Kis teb thiaj tau tshaj lus tawm tias : « Kuv zoo siab txais As Xias Npis Npis thiab nws tsev neeg los nrog kuv nyob hauv lub tuam ceeb Pas Lis. »
Kwv tij, hnub no kuv tsuas coj 4 zag xov xwm tuaj ntsib nej sawv daws li xwb, yam li :
1. Nyob thoob ntiaj teb, tib neeg muaj hnub nyoog ntev zog lawm.
2. Nyob As Fis Kas tuam teb, cov Ais Es tua neeg tuag coob coob.
3. Tim li cas cov Ais Es ho tsim txom cov neeg ntseeg txog Yes Xus.
4. Nyob Pas Kis Taas teb, muaj ib tug poj niam uas ntseeg Ntuj raug cov Mawv Xis Lim txhom coj mus rau txim.
Kwv tij, txuas ntxiv ntawm no mus, thov caw nej los mloog ib zag nkauj. Tom qab zaj nkauj tag peb mam rov sib ntsib dua, sawv daws nyob zoo !
Paj nruag

Zaj no Txiv Plig Txhiaj Foom uas nyob Lomsak.
Haam Kub pab ntaus thiab kho me ntsis.
Hnub tim 8 lub 4 hlis xyoo 2015

**Maiv Tooj** 8th April 2015, 11:58 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°132

Re: TP.Txhiaj Foom lub TSEV Ntawv

Post Maiv Tooj 8th April 2015, 11:58 pm

April 12 - 2015
CAIJ HLA Hnub Chiv 2 Xyoo B

AS LES LUS YAS- YES XUS SAWV ROV LOS - AS LES LUS YAS. NWS YEEJ TXOJ KEV TUAG- AS LES LUS YAS.
Hnub no zoo hnub, rau qhov tias : nyob hauv tas tej pawg ntseeg Kav Tos Liv nyob thoob ntiaj teb, peb thiaj cav txog Huab Tais Tswv Ntuj kev nyiam kev hlub uas loj tas nrho.
Hnub no peb haj yam ntseeg ruaj nreb khov kho txog lub Moo Zoo tias Yes Xus sawv rov los- Tswv Ntuj Leej Tub yeej txoj kev tuag; “Txoj kev tuag tsis muaj cuab kav rov tuaj raug nws ib zaug ntxiv” Los Mas 6:9.
Ua li,hnub no, peb yuav nco ntsoov txog 2 yam tseem ceeb no tias ; 1 : Huab Tais Yes Xus tuaj xyuas nws cov thwj tim- 2 :Tus Hauv Paus Xa Lus Tos Mas kuj taug kev ntseeg nyuaj kawg.
1 : Huab Tais Yes Xus tuaj xyuas nws cov thwj tim Peb kuj paub tias : dhau lub caij Yes Xus sawv hauv cov tub tuag rov los lawm , mas nws kuj muaj cai ncaj qha sawv kev rov qab mus pem Tswv Ntuj lub Ceeb Tsheej. Tab sis Yes Xus tsis ua li ntawd . Saib : nws txhob txwm tuaj xyuas nws cov thwj tim, vim nws hlub lawv kawg.
Yes Xus hais tias :” Nej nyob kaj lug!”. Hais li tas,Yes Xus muab nws ob txhais tes thiab nws hauv siab rau lawv xyuas..Cov thwj tim pom Huab Tais, lawv zoo siab kawg “
Huab Tais Yes Xus yog Tswv Ntuj Leej Tub. Nws yog tus nyiam tus hlub tas sawv daws neeg . Yes Xus tau muab nws lub neej txi Ntuj kom tau daws peb cov neeg tej txim txhaum. Huab Tais Yes Xus yeej txoj kev tuag. Li ntawd, txij ntawm lub caij ntawd mus ,mas tej pab neeg ntseeg coob kuj yuav tau txais Ntuj tej txiaj ntsim yaug tej txhaum huv tib si pov tseg, Tsis tas li ntawd, tus tib neeg ntseeg kuj yuav rov yug los tshiab los txia ua Tswv Ntuj cov me nyuam zoo nyiam .
Lub Caij Hla no ,peb thiaj zoo siab rov ntseeg tias : Huab Tais Yes Xus ,uas tau yeej txoj kev tuag, nws thiaj muab tas nws tej kev nyiam klev hlub uas loj tas nrho los CAWM peb thiab pab txhim kho peb lub siab kom ntshiab dawb huv zuj zus.
Ces peb zoo siab teev hawm Huab Tais tias :
YES XUS, TUS HUAB TAIS CAWM NEEG:
KUV YOG NEEG TXHAUM , THOV KOJ HLUB
2: Tus Hauv Paus Xa Lus Tos Mas kuj taug kev ntseeg nyuaj kawg
Nws yuav tsum pom 2-3 yam ces nws thiaj yuav tau ntseeg :”Yog kuv tsis pom lub qhov txhab ntsia nyob hauv nws ob txhais tes, Yog kuv tsis muab kuv tus ntiv tes ntxig lub qhov ntsia hlau thiab yog kuv tsis muab kuv txhais tes rau ntawm nws phab tav, mas kuv tsis ntseeg “
Qhov kawg Yes Xus txhib Tos Mas ntseeg khov kho, Hos lub zim txwv no Yes Xus kuj txhib peb sawv daws huv tib si tias :”Cov uas tsis tau pom, tab sis lawv ntseeg mas lawv txoj hmoov zoo”
Lub zim txwv no mas thaum peb xav txog lub Cim Ntxuav, lub Cim daws txhaum thiab lub Cim Yug, mas zaus puav peb tsoom ntseeg kuj ua xyem xyav me ntsis tias :” Puas muaj tej yam raws li Tswv Ntuj lo lus hais thiab raws li lub Koom Txoos lo lus tshaj tawm ?”’
Li ntawd ,thaum peb ua xyem xyav zoo li ntawd mas tsim nyog peb nyias yuav thov Leej Ntuj Plig Ntshiab tas zog hauv nyias lub siab tias :” Huab Tais khuv leej neeg tas nrho ,thov koj tshoj kuv lub siab kom xwv kuv zeem tau meej tias tej yam peb tsis pom yeej muaj muaj tseeb tiag” Hes Nplaws 11:1
Yeej muaj tej lub caij uas peb nyias yuav ua neeg me hauv nyias lub siab, los lees tias : ” Huab Tais, kuv ua xyem xyav xws li Tos Mas, ces kuv xav thov koj tias “ Huab Tais khuv leej neeg tas nrho, thov koj pab kuv vim kuv ntseeg me me xwb “
Mas Kos 9: 24
Tej lo lus no, mas peb yuav kub kub siab hais , NTAU PUA ZAUS , thiaj yog..Huab Tais khuv leej neeg tas nrho yuav mloog peb tej lus thov tiag tiag . Peb thiaj yuav tau nyob kaj lug kaj nrig ntseeg khov kho .
Ua li thaum peb sawv los mus txais LUB CIM YUG, peb thiaj yuav tau nyob kaj lug hwm Huab Tais tias :” Kuv tus Huab Tais – Kuv tus Tswv Ntuj

T.P.Txhiaj Foom omi

**Maiv Tooj** 16th April 2015, 8:50 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°133

Re: TP.Txhiaj Foom lub TSEV Ntawv

Post Maiv Tooj 16th April 2015, 8:50 am

April 19 2015
CAIJ HLA - Hnub Chiv 3 - Xyoo B

Cov kwv tij, lub Caij Hla no thiaj yog ib lub caij muaj nqes rau peb rov txhab zog rau peb tej kev ntseeg ,yam li 1 : Huab Tais Yes Xus tseem muab nws txi Ntuj kom tau cawm peb - 2 :Yog vim peb kub siab mloog Ntawv Moo Zoo,mas peb taug txoj kev kaj lug kaj nrig, tsis tu ncua..
1 : Huab Tais Yes Xus tseem muab nws txi Ntuj kom tau cawm peb
= Tus tib neeg uas tseem tsis tau qhib nws lub siab rau lub Moo Zoo, mas txhua txhia zaus nws lees nws tej txhaum,mas nyob tsam nws yuav ua siab yau..Zoo li :”Ua cas kuv tseem ntog hauv kuv tej qub txhaum xws li qub.” Kuv txom nyem tas nrho tiag” LM 7:24
= Tiam sis tus tib neeg twg niaj hnub txais Huab Tais Yes Xus los hauv nws lub siab, mas nws ua siab loj siab tawv thiab ” nws nyob kaj lug kaj nrig,” cuag li cov Hauv Paus Xa Lus, yog thaum Yes Xus sawv ntawm cov tub tuag rov los, nws tuaj xyuas lawv. Saib : thaum Yes Xus tshwm sim tuaj rau lawv pom xyeem ntawm qhov muag, mas thawj lo lus Yes Xus hais thiaj yog lo lus no tias :
NEJ NYOB THAJ YEEB NYAB XEEB MAS
= Cov Hauv Paus Xa Lus uas tau qhuas txog tus Huab Tais muaj hwj chim.,lawv zoo siab ntseeg khov kho tias Yes Xus yog tus yeej qhov txhaum kev tuag .Ces txij ntawm lub caij ntawd mus lawm yav tom ntej ,peb mam li ntseeg tias : Huab Tais nyob pem Tswv Ntuj lub Ceeb Tsheej , nws “ muaj txoj sia mus li, ces nws tseem muab nws txi Ntuj los cawm peb xws li hnub nws dai saum tus ntoo cuam – Huab Tais Yes Xus, niaj hnub thov Tswv Ntuj txhiv peb ntawm qhov txhaum, tsis tu ncua” Hes Nplaws 7:35

== UA HUAB TAIS YES XUS TSAUG : Huab Tais khuv leej neeg tas nrho, peb ua koj tsaug ntau, vim tias koj muaj txoj sia mus li, Ces koj tej kev hlub neeg yeej “ muaj zog tshaj qhov peb thov thiab qhov peb xav tau” EFX 3:20. Koj niaj hnub tseem muab koj txi Ntuj los cawm peb dim ntawm peb tej txhaum. Ua li txhua txhia Hnub Chiv peb sib sau los ua Thaj Txi Ntuj, koj mam li nqes los pab peb HLA ntawm lub qub neej los mus coj lub neej ntshiab dawb huv - Huab Tais siab zoo tas nrho, “ koj lub siab pheej xeeb mus ib txhiab ib txhis” NPN 117:2 Thov koj pab peb kom xwv “ Ntuj lub luag hauj lwm cawm peb ntawm peb tej txhaum thiaj yuav tau tsheej xeeb tau mus li os mog - Huab Tais siab zoo tas nrho, peb zoo siab ua koj tsaug ntau.
2 : Yog vim peb kub siab mloog Ntawv Moo Zoo, mas peb taug txoj kev kaj lug kaj nrig, tsis tu ncua..
=Cov kwv tij, hnub Yes Xus tshwm sim tuaj rau cov Hauv Paus Xa Lus pom xyeem ntawm qhov muag, mas lawv ntshai tshee na - Lawv xav tias lawv pom ib tug dab .Yes Xus hais lus zoo tias :”Nej ntsia kuv ob txhais tes thiab ob txhais taw : yog kuv tiag. .Nej xuas kuv saib ! Cov dab tsis muaj nqaij tsis muaj pob txha xws li nej pom kuv muaj “. Ib ntsis Yes Xus kuj noj ib qho nqaij ntses nyob ntawm lawv xub ntiag “ Ua li cov Hauv Paus Xa Lus zoo siab kawg. Lawv taug kev kaj lug kaj nrig
= Lub zim txwv no mas peb pom tsis tau Yes Xus. Tab sis peb ntseeg txog nws tuag nthi, ces peb khaws Huab Tais Yes Xus 4- 5 lo lus hauv Ntawv Moo Zoo tseg tias :
“ Tseev kom kuv txoj kev kaj siab nqes los nyob hauv nej” Zam 15:11
“ Yuav tsis muaj leej twg txeeb tau nej txoj kev kaj siab” Zam 16:22
“ Nej txoj kev kaj siab yuav puv phwj yaws” Zam 16: 24
Cov kwv tij, yog vim Huab Tais Yes Xus nyob txawm hauv peb siab ( 1 Zam 4:4 ),
:” Huab Tais kev kaj siab lug puv meem mias nyob hauv peb “ 1 Zam 1:4
Tim li cas peb taug kev kaj lug kaj nrig, raws li Yes Xu lo lus hais ? Vim tias : Huab Tais Yes Xus khuv leej peb, ces yeej muaj tej yam zoo saib uas mus raws li Huab Tais lo lus hais .Li ntawd
“Peb paub tseeb tias tsis muaj dab tsi yuav cais tau peb ntawm tus Tswv Ntuj uas nyiam peb nyob hauv peb tus Huab Tais Yes Xus Pleev “ Los Mas 8:38- 39

UA HUAB TAIS YES XUS TSAUG : Huab Tais khuv leej neeg tas nrho, peb ua koj tsaug ntau, rau qhov tias koj tej lo lus yog qhov tseeb. Peb tso siab lug rau koj, mas txhua txhia Hnub Chiv peb sib sau los ua Thaj Txi Ntuj, koj rov nqes tiv thaiv peb tej txhaum. Tsis tas li ntawd xwb : koj tseem pub ib feem ntawm koj tej kev kaj lug kaj nrig los puv meem mias nyob hauv peb los ua peb ntiag tug -Yeej yog ib yam txiaj ntsim muaj nqe kawg uas ua kom peb coj tau lub neej nyob thaj yeeb nyab xeeb. Txhua txhia Hnub Chiv , Huab Tais siab zoo, thov koj pab txhawb nqa peb tej siab ntsws , kom xwv “Yuav tsis muaj leej twg txeeb tau peb txoj kev kaj siab. Peb ua koj tsaug ntau..

T.P. Txhiaj Foom omi

**Maiv Tooj** 23rd April 2015, 8:28 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°134

Re: TP.Txhiaj Foom lub TSEV Ntawv

Post Maiv Tooj 23rd April 2015, 8:28 am

April 26 2015
CAIJ HLA - Hnub Chiv 4 - Xyoo B

Cov kwv tij, peb hais kam ib zaj nkauj teev Ntuj tias TUS ZOO TSWV ZOV YAJ, NWS SAIB KUV- KUV TSIS PAUB TXOJ KEV TSHAIB TXOJ KEV NQHIS , TXOJ KEV TXHAWJ.

Peb kuj tau kawm zaj nkauj teev Ntuj ntawd hauv nruab siab- peb tej kev kaj lug kaj nrig thiaj nyob nraim puv peb tej siab ntsws npo mus li, tsis muaj caij kawg.
Li cas los, hauv lub Caij HLA no, thiaj tsim nyog rov xav dua txog Ntawv Moo Zoo ntawd hauv Zam Ntawv Moo Zoo zaj 10 : 11-18 tias :
= “ Kuv paub kuv cov yaj thiab kuv cov yaj paub kuv , zoo ib yam li Leej Txiv paub kuv, thiab kub paub Leej Txiv “

Phim yuav nco tias : Nyob rau hauv Ntawv Ntshiab, thaum peb nyeem lo lus tias : “Tswv Ntuj paub peb” mas peb nyias yuav tau xav txog lwm zaj lus hauv nyias siab tias :” Tswv Ntuj nyiam thiab khuv leej neeg sawv daws huv tib si” los pauj lo lus “Tswv Ntuj paub peb “ kuj tau los mas

=== Li ntawd peb yuav khaws Leej Ntshiab Aus Nkus Tis Nus ib zaj teev Ntuj tseg tias “ Tswv Ntuj uas khuv leej neeg tas nrho thiab muaj hwj huam loj kawg nkaus ,koj niaj hnub pov hwm peb thiab koj hlub tshua peb sawv daws ib tug dhau ib tug, ib leeg dhau ib leeg, kuj zoo cuag li tsuas muaj ib tug tib neeg nyob ntiaj teb xwb “

=== Txhais tias Peb niaj hnub yuav taug kev kaj lug kaj nrig thiab peb yuav nco txog Tswv Ntuj tej txiaj ntsim, uas yog qhov loj tshaj plaws.
Tsis tas li ntawd xwb, peb nyias haj yam yuav zoo siab ntseeg hauv nyias lub siab tias “ : Peb Tus Tswv Ntuj hlub tshua thiab khuv leej me yaus loj tas nrho Koj tej kev hlub loj tshaj plaws..yeej loj hlob dua qhov tias yus hlub yus poj niam los yus tus txiv ,yus tus kwv los yus niam hluas.”
Cov kwv tij , peb yim ntseeg ruaj nreb zuj zus , peb yim coj lub neej kaj siab lug zuj zus, uas yuav tsis tu ncua thiab peb yuav ua Tswv Ntuj tsaug tag mus li ntag..
==== Ib qib lus ntxiv hauv Ntawv Moo Zoo, uas yog Huab Tais Yes Xus lo lus tias : “Kuv muab kuv txoj sia los cawm kuv cov yaj” Txhais tias Yes Xus kuj coj rawv lwm zaj lus tseem ceeb tias : “Tsis muaj leej twg muaj txoj kev nyiam loj dua tus uas siv nws txoj sia rau nws cov phooj ywg “ Zam 15:13
Thaum twg Yes Xus muab nws txoj sia los cawm peb cov neeg kom dim ntawm kev txhaum qhov tuag ? Yog thaum ” nws nyiam nws cov thwj tim uas nyob hauv lub qab ntuj no mas nws nyiam lawv mus txog thaum kawg ‘ ( Zam 15:13 ), uas yog thaum Yes Xus dai saum tus Ntoo Cuam.
Peb kuj ntseeg khov kho tias : Huab Tais Yes Xus kev nyiam kev hlub ntawd ciaj sia rov mus txog txhiab niag tim puas xyoo. Li ntawd txhua txhua zaus peb tsa peb lub siab nyob ze Huab Tais, peb mam li thov Huab Tais Yes Xus tas zaj tas zog . Peb thov Huab Tais pab cawm peb dim ntawm peb tej txhaum
===== Hos txhua txhia lub caij peb los mus txais lub Cim Daws txhaum thiab thaum peb nrog ib pawg ntseeg sib sau los ua Thaj Txi Ntuj, peb mam li thov kom tus Huab Tais cawm neeg muab nws txoj kev nyiam kev hlub los rov txhiv peb ntawm peb tej txhaum .
Cov kwv tij, Hnub Chiv ,peb nyob hauv lub tsev teev Ntuj ,mas thaum txog lub caij peb yuav sawv los mus txais lub Cim Yug, mas lo lus peb hais kam kuj mus zoo li no tias : “Huab Tais, kuv tsis tsim nyog txais koj hauv kuv vaj tsev, thov koj hais ib lo, mas kuv lub siab yuav zoo hlo”, mas thaum ntawd peb ib txhij xav tau txog 2-3 yam no tias
1 : Huab Tais khuv leej neeg ,kuv yeej tu siab ntawm kuv tej txhaum., ces thov koj so kuv tej txhaum pov tseg os mog
2 : Huab Tais , kuv tseem thov ib yam ntxiv tias : “ Huab Tais, thov koj pab kom xwv kuv yuav rov siv siv zog tiv thaiv ntau zaj tswv yim tsis huv kom yuav tau txais kev yeej. Huab Tais, kawg yog koj tib leeg muaj peev xwm cawm kuv kom ntshiab dawb huv zuj .zus . Huab Tais khuv leej neeg tas nrho, thov koj hlub tshua me yaus os mog
Yus hais tej lo lus ntawd kuj zoo. Hos yus hais lwm zaj lus kuj tau. Saib yus puas tso siab lug rau Huab Tais tas zaj tas zog.
Zoo li hnub uas tus Hauv Paus Xa Lus Pob Zeb pib tog hauv dej, mas nws qw nrov nrov tias : HUAB TAIS, CAWM KUV MAS !” Ces ib ntsis Yes Xus tuav Pob Zeb
txhais tes ,los cawm Pob Zeb ntawm kev tuag.
HUAB TAIS, CAWM KUV MAS !”

T.P.Txhiaj Foom omi

**Maiv Tooj** 29th April 2015, 8:18 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°135

Re: TP.Txhiaj Foom lub TSEV Ntawv

Post Maiv Tooj 29th April 2015, 8:18 am

TAS COV NTSEEG NTUJ YUAV TSUM SIB NYIAM SIB HLUB

Cov kwv tij phooj ywg, hnub no yog Hnub Chiv uas peb zoo siab los teev hawm Tswv Ntuj. Peb tsoom ntseeg Kav Tos Liv kub siab sib sau ua Thaj Txi Ntuj. Yeej yog lub luag hauj lwm loj tshaj lwm yam hauj lwm huv si, vim tias, hauv Thaj Txi Ntuj, peb los mus txais Ntuj tej txiaj ntsim pab cawm peb ntawm peb tej qub txhaum. Huab Tais Yes Xus, tus Huab Tais cawm neeg, kuj tseem rov pub dua ib lub siab ntshiab dawb huv tuaj rau peb..
Li ntawd, hnub no, peb yuav rov txais Tswv Ntuj tej lus tseeb, kom xwv peb tsoom ntseeg txog Tswv Ntuj Ntuj tib leeg thiaj yuav muab siab rau taug kev sib nyiam sib hlub. Peb xub thov Ntuj pub Leej Ntuj Plig Ntshiab lub zog txhawb nqa peb tej nplooj siab nplooj ntsws.

PAJ NRUAG : “Los Leej Ntuj Plig los coj tas kuv lub neej….”
Cov kwv tij, ib ntsis, nej yuav mloog 2 zaj lus tseem ceeb zoo li no :
1 : Yav dhau los, thiab lub zim txwv no, mas tej pawg ntseeg kuj tau hla Tswv Ntuj Lo Lus.
2 : Ntawv Ntshiab thiab lub Koom Txoos qhuab qhia sawv daws kom xwv peb yuav xyiv fab sib hwm thiab sib nyiam sib hlub.
1 : Yav dhau los, thiab lub zim txwv no, mas tej pawg ntseeg kuj tau hla Tswv Ntuj Lo Lus.
Qhov tias, nyob thoob ntiaj teb, thiaj muaj 3 pab neeg loj uas kub siab ntseeg Tswv Ntuj tib leeg, raws Huab Tais Ntuj Lo Lus Qhia nqe lus tim 1 tias : “koj yuav teev Huab Tais Ntuj ib tug xwb, thiab koj yuav nyiam Huab Tais Ntuj tshaj tas puas tsav yam.” Peb pab neeg ntawd thiaj yog cov no.
1: Yog pab neeg His Xas Lais, uas yog thawj pab neeg ntseeg txog Huab Tais Ntuj ib tug xwb.
2 : Yog tej pab neeg uas ntseeg txog Huab TaisYes Xus, uas yog cov Kav Tos Liv, cov Plos Tes Taas thiab cov Os Thos Dos.
3 : Yog pab neeg uas coj kev cai Mawv Xis Lim.
Peb tseem nco ntsoov tias, yav dhau los, thiab lub zim txwv no, mas tej pawg ntseeg txog Huab Tais Ntuj ib tug xwb, kuj tau hla Tswv Ntuj Lo Lus. Xws li:
1 : Zoo li thawj pab neeg ntseeg txog Huab Tais Yes Xus kuj raug ib cov His Xas Lais tsim txom. Nyob rau hauv phau ntawv “Cov Hauv Paus Xa Lus tej hauj lwm” kuj hais txog qhov no.
2 : Txij ntawm xyoo 1600 mus txog kwv yees xyoo 1700, mas tej pab neeg Kav Tos Liv kuj tau tsim txom tej pab neeg Plos Tes Taas, hauv 3 - 4 lub teb chaws nyob Aws Los Pas teb.
3 : Lub zim txwv no, mas nyob hauv teb chaws Is Lav teb, Xis Lias teb thiab hauv lub tuam teb As Fis Kas, hauv 3-4 lub teb chaws ntawd, mas tej pab neeg uas coj kev teev hawm Mawv Xis Lim kuj tsim txom tej pab neeg ntseeg Kav Tos Liv thiab cov Plos Tes Taas..
Cov kwv tij, zaj lus uas nej nyuam qhuav mloog no. mas yog ib zaj lus tseeb- uas zais tsis tau.
Mas saib : vim li cas yav dhau los 3 pawg neeg ntseeg Ntuj tau ua qhov ntawd ? Vim li cas lub zim txwv no thiaj tseem muaj kev sib ntxub sib tua ? Kuj yog vim 3 pawg neeg ntseeg ntawd teev Tswv Ntuj tsis txaus, ces lawv thiaj tau hla Tswv Ntuj Lo Lus, thiab lawv lub siab nqaim, vim lawv hais rau luag tej tias : “Nej tej kev cai teev hawm yeej yuam kev tas tas. Nej yuav tsum coj kev cai teev Ntuj raws li peb thiaj yog.”
Cov kwv tij, nyem no mas thov kom nej mloog saib : Ntawv Ntshiab qhuab qhia neeg sawv daws kom xwv peb thiaj yuav sib hwm thiab sib nyiam sib hlub.

PAJ NRUAG : Thaum peb muaj kev hlub..
Xam pom tias : nyob hauv Ntawv Ntshiab, Tswv Ntuj kuj qhuab qhia ntau zaj lus tseem ceeb uas tsim nyog peb yuav khaws tseg. Ua li peb tsuas tshaj 4-5 zaj lus pub rau nej mloog xwb.
Thawj lo lus hauv tus Yaj Saub Mas Las Kis hais li no : “Huab Tais Tswv Ntuj yog sawv daws Txiv. Nws kuj yog tus tsim peb tsoom neeg sawv daws. Vim li cas muaj tej tug neeg nrog luag tsis sib haum ?”
MLK 2:20…
Tsis tas li ntawd xwb, tus Hauv Paus Xa Lus Paj Lug tseem sau lo lus no tias : “Muaj tib tug Tswv Ntuj xwb. Yuav txhob hais tias : “Tswv Ntuj tsuas yog tus tswv saib cov Yus Das ( cov His Xas Lais ) xwb - Peb yuav tsum nco tias : “Tswv Ntuj kuj yog cov neeg teev pej kum dab tus Tswv Ntuj thiab ,vim muaj ib tug Tswv Ntuj xwb” 1 Tis Mos Tes 2:10
+ Los Mas 3:29.
Hos Huab Tais Yes Xus tab meeg hais qhov tseeb tias : “Neeg sawv daws yog ib cov kwv tij. “Mas Tais 23:8
Cov kwv tij, lo lus tias, “Muaj ib tug Tswv Ntuj xwb”.. thiab lo lus tias : “Nej sawv daws yog ib co kwv tij.” Mas peb yuav khaws Ntuj Lo Lus ntawd tseg, ces yuav tsis saib leej twg qis qis. Yuav tsis xaiv neeg. Yuav tsis ntxub ib tug neeg twg. Yuav tsis sib ntaus sib tua.
,== Lo lus tim ob uas nyob hauv Mas Tais Ntawv Moo Zoo hais tias : “Nej yuav nyiam nej cov yeeb ncuab Nej thov Ntuj rau cov tsim txom nej, ces nej thiaj yog nej Txiv nyob saum ntuj cov tub ,vim nej Txiv ua kom lub hnub tuaj ziab cov neeg phem thiab cov neeg zoo – Nws ua kom nag los rau cov siab ncaj thiab cov neeg nkhaus - Yog nej nyiam cov neeg nyiam nej xwb, mas nej yuav tau tau koob haum dab tsi ?”
M T 5:44-46
Cov kwv tij, Huab Tais Tswv Ntuj siab zoo siab dav fo. Mas phim peb sawv daws yuav ua siab zoo siab dav fo raws li Tswv Ntuj. Peb yuav sib hwm thiab sib npuab siab, raws li Tswv Ntuj tus piv txwv.
=== Zaj lus tim 3 kuj qhia peb tias, yuav ua li cas peb thiaj coj tau ib lub neej uas tsheej neeg.. Tus Hauv Paus Xa Lus Paj Lug kuj tshaj lus zoo li no tias : “Tswv Ntuj tau pub Leej Ntuj Plig Ntshiab tuaj rau peb. Tswv Ntuj txoj kev nyiam nyob txawm hauv peb siab. LM 5; 5..
Ua li ntawd “Peb tau txais ib lub tswv yim ua tub ki tshiab, mas peb thiaj hu tau Tswv Ntuj tias : “As Npas ! Txiv !” LM 8:15
Ua li, peb yuav ua dab tsi los coj tau ib lub neej uas tsheej neeg ? Tus Hauv Paus Xa Lus Zam teb tias : “Tus neeg twg nyiam, thiab hlub nws cov kwv tij thiaj yog tus hla ntawm txoj kev tuag los nyob hauv txoj sia - Li ntawd tus neeg twg nyob hauv txoj kev nyiam, nws kuj nyob hauv Tswv Ntuj thiab Tswv Ntuj nyob txawm hauv nws. Ua li, thaum txog hnub txiav txim, mas peb yuav tso siab lug, vim tias, Yes Xus tau coj lub neej sib nyiam sib hlub, mas niaj hnub no peb yuav coj lub neej zoo li Huab Tais Yes Xus.” 1 Zam 3:14 + 4:16.
Cov kwv tij, phim yuav qhuas txog lub hom phiaj muaj hwj chim loj kawg nkaus ntawm peb lub neej nyob ntiaj teb no , yam li Tswv Ntuj yeej hu peb coj lub neej uas tsheej neeg, taug kev nyiam kev hlub raws li Huab Tais Yes Xus tus piv txwv thiab nyob hauv Huab Tais.
Cov kwv tij, muaj tej zaus uas peb yuav npau taws, los peb yuav rob caub, mas phim nyias yuav xav tswv yim me ntsis hauv nyias nruab siab tias : “Yog tias kuv npau taws, los kuv xyav luag moo, los kuv rob caub, mas kuv puas ua raws li Yes Xus tus piv txwv ?” Yog peb lees tias : “Yog kuv ua phem li ntawd, mas tsam kuv tsis ua raws li Yes Xus tus piv txwv.”
Ua li .mas phim peb yuav txiav txim ib siab tsis ua qhov ntawd.

PAJ NRUAG
Zaj lus tim 4 : Tus Hauv Paus Xa Lus Paj Lug tseem txhib peb siab zoo li no tias : “Nej sawv daws puav leej yog Tswv Ntuj cov tub huv tib si nyob hauv txoj kev ntseeg txog Huab Tais Yes Xus Pleev. NLT 3;26
Cov kwv tij, peb niaj hnub yuav nco txog Leej Ntshiab Paj Lug tej lo lus. Tsis tas li ntawd ,peb yuav nco tias peb tej kev sib nyiam sib hlub kuj zoo li ib lub teeb kaj rau lwm tus. < Ces yuav khaws Huab Tais Yes Xus tej lus hais tias : “Nej lub teeb yuav tsum ci nyob ntawm zeej tsoom xub ntiag, kom lawv pom nej cov dej num zoo, ces lawv yuav cav txog nej Txiv nyob saum ntuj. MasTais 5: 16
Cov kwv tij, phim yuav nco ntsoov tias : thaum peb taug kev sib nyiam sib hlub, mas txhais tias, Huab Tais siv peb los mus tshaj Huab Tais Yes Xus lub Moo Zoo rau luag.

THOV NTUJ : Huab Tais Yes Xus, Huab Tais siab zoo tas nrho ,koj niaj hnub hu peb taug kev nyiam kev hlub, uas yuav tsum yog raws li koj tus piv txwv, ces peb yuav coj tau lub neej uas tsheej neeg, uas yuav tau ntxim Tswv Ntuj lub siab. Tab sis peb lees tias, peb tej kev sib nyiam sib hlub kuj tsuag tsuag. Thov koj pab xa Leej Ntuj Plig Ntshiab nqes los puv tej siab ntsws npo , ces peb tej kev sib nyiam sib hlub thiaj yuav tau loj hlob zuj zus.
Huab Tais khuv leej neeg tas nrho, peb ua koj tsaug ntau.

HU NKAUJ Thaum peb nyiam peb hlub
Ntuj lub txiaj ntsim….
Sawv.,, kuv yuav sawv tsees mus

**Maiv Tooj** 1st May 2015, 7:59 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°136

Re: TP.Txhiaj Foom lub TSEV Ntawv

Post Maiv Tooj 1st May 2015, 7:59 am

May 3 2015
CAIJ HLA HNUB CHIV 5 - Xyoo B

Yav dhau los , mas peb kuj tau hnov txog ob tug niam txiv Hmoob uas nkawd hais kam lo lus no tias : “Ob hnub no mas wb ob tug niam txiv no coj tau lub neej khov kho dua lub caij uas wb nyuam qhuav sib yuav. Yam ib tug hwm ib tug – Ib leeg qhuas txog ib leeg. Wb lub neej mam li nyob kaj lug kaj nrig ntag”
Ua li hauv peb lub neej ntseeg Ntuj mas yeej yuav tsum coj lub neej khov kho mus raws li 2 tug niam txiv ntawd thiaj yog ,vim tias :
HUAB TAIS YES XUS YOG PEB TXOJ SIA .
Hnub no mas Huab Tais Yes Xus kuj nplij peb siab zoo li no tias :
“Kuv yog tsob tseem txiv cawv. Nej yog cov ceg. Tus uas nyob txawm hauv kuv thiab kuv nyob txawm hauv nws, mas nws txi txiv ncw “ .
Zaj paj lug tias : “ Kuv yog tsob tseem txiv cawv. Nej yog cov ceg” kuj muaj ib lub ntsiab tseem ceeb qhia peb tias : ib cov kua txhawv ntawm tus cag ntoo los , ces thiaj nce mus hauv tas cov ceg . Mas txhais tias : Txoj sia ua Tswv Ntuj cov me nyuam kuj txhawv ntawm Huab Tais Yes Xus tuaj tiag. Huab Tais Yes Xus thiaj yog tus Huab Tais uas muaj txoj sia mus li. Nws pub Ntuj txoj sia nqes los rau hauv peb siab ces peb ua tau neeg raws li Huab Tais thiab nyob hauv Huab Tais ..
Ua li ,peb niaj hnub yuav tau ntseeg khov kho :” Tab txawm peb pom tsis tau Ntuj txoj sia nyob hauv peb tej siab ntsws , tsis kav peb muaj peev xwm rov hais ib lo raws li tus Hauv Paus Xa Lus Paj Lug lo lus tias “ Kuv muaj txoj sia ua neeg ,tab sis yog Huab Tais Yes Xus txoj sia ciaj nyob hauv kuv” NLT 2:20
Cov kwv tij, tsim nyog peb yuav rov rua peb tus ntsuj plig qhov muag los mus zeem tau meej qhov tob ntawd tias : “Huab Tais Yes Xus nyob txawm hauv peb – Huab Tais yog peb txoj sia “ KLX 3:4
= Huab Tais Yes Xus tseem hais tias : “Tus tib neeg uas nyob txawm hauv kuv thiab kuv nyob txawm hauv nws, mas nws txi txiv ncw”
Peb txi txiv zoo li cas ? Peb kuj hnov qab txog Ntuj tej txiaj ntsim uas muaj nqe kawg, yam li :
1 : Peb coj tau lub neej nyob thaj yeeb nyab xeeb , kuj yog vim Huab Tais Yes Xus muab nws tej kev khuv leej neeg uas muaj tas nrho los txhab zog rau peb. Peb thiaj tawm tsam tiv thaiv tus yeeb ncuab Xas Tas , peb mam li tau txais yeej
2 : Peb coj tau lub neej ua neeg me, ces peb tsis muab hlob – Peb kuj tsis khav theeb, thiab peb tu siab ntawm peb tej txhaum ( 1 Zam 1:8-10 ).Hos, ib yam uas peb ua kam kuj mus li no : zaus puav peb ib tug qhuas txog ib tug. Ib leeg qhuas txog ib leeg
3 : Peb kuj taug kev nyiam kev hlub, vim tias Leej Ntuj Plig Ntshiab pub peb taug kev nyiam Tswv Ntuj thiab kev sis nyiam sis hlub zoo raws li Huab Tais Yes Xus tus piv txwv . Li ntawd mas hauv peb tsev, sawv daws kuj sib npuab siab Peb kuj ib siab zam rau luag tej ob cag, tsis tu ncua .
4 : Peb kuj ua siab loj siab tawv, vim peb coj tau lub neej ze ze ntawm Tswv Ntuj, ces peb tawm tsam tiv thaiv ntau yam phem, ces thiaj txais kev yeej (1 Zam 2:13-14 )
UA TSWV NTUJ TSAUG : Huab Tais Yes Xus, tus Huab Tais cawm neeg, peb tsoom ntseeg zoo siab hu txog koj thiab ua koj tsaug ntau, vim tias koj ua peb luag thiab koj pub peb coj lub neej zoo li koj me ntsis. Thov koj pheej xeeb rau peb mus li ces peb yuav tau coj lub neej nyob tiaj nyob tus , nyob ntawm koj xub ntiag , mus li .
… HUAB TAIS YES XUS YOG PEB TXOJ SIA .

T.P. Txhiaj Foom omi

**Maiv Tooj** 15th May 2015, 5:24 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°137

Re: TP.Txhiaj Foom lub TSEV Ntawv

Post Maiv Tooj 15th May 2015, 5:24 am

MAY 17 2015 CAIJ HLA HNUB CHIV 7-
YES XUS MUS SAUM NTUJ

TP.Txhiaj Foom lub TSEV Ntawv - Page 6 Yes_xu13

Hnub no uas peb ua Hmoov Huab Tais Yes Xus mus lawm saum ntuj, thiaj yog zoo hnub, rau qhov peb yuav ROV TSO SIAB LUG tos nrhw txog hnub zoo tshaj plaws uas yog lub hauv ntsis ntawm peb lub neej, hais tias nyob pem Tswv Ntuj lub Ceeb Tsheej peb yuav tau coj lub neej muaj hwj chim, raws li Huab Tais rov mus txog txhiab niag tim puas xyoo
Thov kom nej qhib nej siab los txais Ntuj ib cov lus tseeb uas tsim nyog peb yuav kawm hauv nruab siab ..
1 : Hauv Mas Kos Ntawv Moo Zoo 16: 15- 20 : Thaum txog hnub uas Yes Xus yuav sawv kev mus pem Tswv Ntuj lub Ceeb Tsheej mas nws txhib nws cov thwj tim los mus ua tub tshaj lub Moo Zoo .Hos, lub zim txwv no Huab Tais kuj txhib peb siab ib yam nkaus tias : “Nej mus thoob qab ntuj khwb . Nej tshaj lub Moo Zoo rau txhia leej txhia tus uas Ntuj tsim los “ Ces cov thwj tim mus tshaj lub Moo Zoo nyob tas txhia teb chaws..Huab Tais nrog lawv nyob .Nws ua hwj huam pab nres Lo Lus “
Cov kwv tij zim txwv no ,niaj hnub no, Huab Tais Yes Xus tseem xaiv peb los ua nws cov thwj tim thiab . Peb mam li yuav yoog raws li 12 tug Hauv Paus Xa Lus tus piv txwv . Peb niaj hnub khaws Tswv Ntuj Lo Lus tias :” Lub Moo Zoo yog Tswv Ntuj lub zog cawm tas tsoom neeg ntseeg “ Los Mas 1: 16
Ua li thaum peb ua tim khawv txog lub Moo Zoo rau peb ib cov kwv tij neej tsa ,mas peb yuav ua siab loj siab qhawv yam nkaus li cov Hauv Paus Xa Lus uas tau sawv kev mus tshaj lub Moo Zoo rau ntau pawg neeg. Ces qhov kawg peb thiaj yuav tsim nyog mus pem Tswv Ntuj lub Ceeb Tsheej
2 : Hauv Zam Ntawv Moo Zoo 14: 1-3 Thaum Yes Xus noj pluas mov kawg mas Yes Xus txhib nws cov thwj tim tias “ Nej tsis txhob ntxhov siab mog Nej ntseeg txog Tswv Ntuj- nej yuav ntseeg txog kuv thiab .Nyob hauv kuv Txiv tsev muaj ntau chaw – Yog tsis muaj, mas kuv yuav tsis hais rau nej tias kuv mus npaj ib qhov chaw rau nej - Thaum kuv mus npaj tau ib qhov chaw rau nej, kuv yuav rov qab los coj nej mus nyob ze kuv, kom xwv kuv nyob qhov twg, nej thiaj yuav tau nrog kuv nyob qhov ntawd “
Cov kwv tij, Huab Tais Yes Xus paub tias nws yuav tau mus lawm saum ntuj, ces nws xub cog lus tseeb tseeb rau peb tias : yeej yuav muaj ib hnub peb yuav tau nrog Yes Xus nyob pem Tswv Ntuj lub Ceeb Tsheej. Huab Tais Yes Lo Lus yog Lo Lus tseeb. Ces peb TSO SIAB LUG vim tias hnub uas peb yuav tau nrog Tswv Ntuj nyob peb yuav rov yug los tshiab dua thiab peb yuav tau coj lub neej muaj hwj chim raws li Huab Tais Yes Xus 1 TXLN 4:13-18
3 : Tus Hauv Paus Xa Paj Lug sau ntawv rau pawg ntseeg tim Fis Lis Pos 1:21-23 : “Kuv saib Huab Tais Yes Xus Pleev yog kuv txoj sia. Ces kuv ib lub siab xav mus nrog Huab Tais Yes Xus nyob - Qhov ntawd yog qhov kuv nyiam dua “
Tus Hauv Paus Xa Lus laj tos txog hnub zoo tshaj uas nws txoj sia yuav tu , ces nws yuav tau nce pem Tswv Ntuj lub Ceeb Tsheej, yuav tau nrog Huab Tais Yes Xus nyob ntag. Saib peb puas ntaus tswv yim xws li Leej Ntshiab Paj Lug ?
.TEEV NTUJ : Huab Tais Yes Xus , peb ntseeg koj tej lus tias: “ Kuv npaj ib qhov chaw rau nej nyob , ces nej yuav nrog kuv nyob mus li “. Huab Tais khuv leej neeg tas nrho thiab muaj hwj chim, peb ua koj tsaug ntau thiab thov koj pab txhim kho peb lub siab kom ntshiab dawb huv zuj zus. Ces peb thiaj yuav tsim nyog mus pem Tswv Ntuj lub Ceeb Tsheej.

T.P. Txhiaj Foom omi

**Maiv Tooj** 27th May 2015, 8:08 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°138

Re: TP.Txhiaj Foom lub TSEV Ntawv

Post Maiv Tooj 27th May 2015, 8:08 am

May 24 2015 - HNUB NYOOG LEEJ NTUJ PLIG NQES LOS
LEEJ NTUJ PLIG , KOJ LOS MAS

Xyoo 2013 mas hauv lub zos Huab Xais, mas peb ib tug txiv ntxawm hais kuv tias : : “ Kuv xav kawm Ntuj Kev Cai, vim kuv xav xav coj lub neej ntshiab “
Kuv tau hnov lo lus ntawd ces thiaj zoo siab teb nws tias :” Kuv ua Ntuj tsaug vim tias koj mloog Tswv Ntuj uas tau tshoj koj lub siab yam koj tau qhib koj lub siab rau Huab Tais. Kuv kuj yuav thov Ntuj pab koj.”
Hnub no uas peb ua hnub Nyoog Leej Ntuj Plig nqes los, tsim nyog peb yuav nco tias : :” Kev ntseeg Ntuj kuj txhawv ntawm Leej Ntuj Ntshiab los—“ Ua li peb niaj hnub yuav thov Ntuj tas zaj tas zog, kom xwv Tswv Ntuj lub hwj huam thiab nws qhov pom kev rov nqes hauv peb siab mus li”
Phau ntawv COV HAUV PAUS XA LUS TEJ HAUJ LWM kuj qhia peb tias :” Tim Yes Lus Xa Les, cov Hauv Paus Xa Lus sib sau hu txog Tswv Ntuj pab , ces txawm muaj ib lub suab nrov saum ntuj tuaj xws li ib nthwv cua hlob hlob ntsawj – Lub suab ntawd nrov thoob plaws hauv lub tsev uas cov thwj tim nyob. Lawv pom tej ntshua nplaim me ya tuaj tsaws saum cov thwj tim txhua tus. Ces Leej Tswv Yim Ntshiab tuaj nyob puv lawv lub siab “.. Ces txij ntawm hnub ntawd mus, mas cov Hauv Paus Xa Lus yuav ua tim khawv txog lub Moo Zoo. Lawv pib ua Tswv Ntuj lub luag hauj lwm tseem ceeb ntawd nyob Yes Lus Xa Les, nyob tas Yus Das teb, mus txog puag tim npoo ntuj… “
Li ntawd, txij ntawm lub caij ntawd mus thiaj tau muaj tej pawg ntseeg coob tau tig los yuav lub siab tshiab.
NUG : Leej Ntuj Plig Ntshiab niaj hnub ua Ntuj lub luag hauj lwm zoo li cas hauv peb siab ?”
TEB : Leej Ntuj Plig Ntshiab nyob txawm hauv peb lub siab. Nws teev hawm Tswv Ntuj tias :” As Npas “. Lo lus As Npas yog lo lus His Xas Lais ,ces muab txhais tias : “TXIV “
Ua li ntawd, peb haj yam paub tias Huab Tais Tswv Ntuj yog Tswv Ntuj khuv leej neeg tas nrho. Peb yog nws cov me tub me nyuam.. Ces txhua txhia lub caij peb hu txog Tswv Ntuj ,mas peb haj yam kub siab hais tau rau Tswv Ntuj tias peb zoo siab ua Tswv Ntuj cov me nyuam zoo nyiam thiab peb zoo siab nyiam Tswv Ntuj ntag.
NUG : nyob hauv peb lub Koom Txoos puas muaj tej zaj teev hawm Leej Ntuj Plig Ntshiab ?
TEB : yeej muaj ntau zaj , xws li :
= Leej Ntuj Plig Ntshiab ,koj los hauv peb nruab siab vim koj yog tus nplij peb siab kom nyob tiaj nyog tus mus li.
= Yog tias peb tsis muaj koj hauv peb nruab siab mas peb lub neej zoo puav tam li “av qhuav, nkig nkuav,tsis tau dej : NPN 63
= Thov koj rov nqes los rov ntxuav peb siab kom rov dawb huv tuaj
NUG : Leej Ntuj Plig Ntshiab puas txhab zog hauv peb lub siab,kom xwv peb muab siab rau coj lub neej raws li Yes Xus tus piv txwv ?
TEB : Nws yeej ua li ntawd, yog vim peb muaj Leej Ntuj Plig Ntshiab hauv peb ces :” Peb yuav nyiam Tswv Ntuj - Peb yuav zoo siab ua neeg, Peb yuav tau nyob kaj lug –Peb yuav ua siab ntev. Peb yuav xyiv fab pab luag tej. Peb yuav tso siab rau luag. Peb yuav txawj kav peb lub cev zoo .Peb yuav ua siab ntev ris tas puas tsav yam nyuaj “ Nkas Las Tias 5:22-23 + 1 Kos Lis Nthos 13: 5-7
NUG : Thaum peb tau txais lub Cim Ntxuav ,mas peb kuj tau txais Leej Ntuj Plig Ntshiab hauv peb siab..Ua li peb tsuas txais nws ib zaug xwb. Puas yog ?
TEB : tsis yog li ntawd lauj, Saib txhua txhia lub caij peb sib sau los ua Thaj Txi Ntuj thiab peb los mus txais lub Cim daws txhaum, mas Tswv Ntuj rov pub Leej Ntuj Ntshiab dua rau peb , tsis tu ncua . Ua li phim peb yuav thov Ntuj rov pub Leej Ntuj Plig tuaj rau peb, uas yuav tsis muaj caij kawg

TEEV NTUJ : “ Leej Ntuj Plig, koj los mas ! Koj los nyob hauv cov neeg ntseeg txog koj . Kom ua kom lawv lub siab kub li hluav taws – Koj xa koj lub tswv yim los mas ! Mas tas lub ntiaj teb yuav tshiab tuaj
Peb sawv daws thov Huab Tais : Huab Tais, koj yog tus tso Leej Ntuj Plig los qhia txoj kev pom kev rau cov neeg ntseeg txog koj . Peb thov koj : koj tso Leej Ntuj Plig los pab peb nyiam qhov ncaj - Koj tso Leej Ntuj Plig los nplij peb kom peb zoo siab mus li . Peb vam txog peb tus Huab Tais Pleev .Ua li “

Txiv Plig Txhiaj Foom omi .

**Maiv Tooj** 27th May 2015, 8:11 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°139

Re: TP.Txhiaj Foom lub TSEV Ntawv

Post Maiv Tooj 27th May 2015, 8:11 am

ZIM TXWV NO NTIAJ TEB TEEB MEEM LOJ
Zaj 392 : Coob leej mus txog Aws Los Pas tuam teb.
…………………………………………………………………………………………………..

Nyob zoo ib tsoom kwv tij phooj ywg hmov thiab tshua sawv daws !
Hnub no kuv yuav muab 5 zag xov xwm coj los tshaj tawm pub rau nej sawv daws mloog. Cov xwm hnub no muaj xws li no :
1. Ib cov pej kum neeg coob coob khiav mus txog Is Tas Lias teb.
2. Cov Fab Kis uas yug nyob pej kum teb mas coob kawg.
3. Cov neeg thoj nam uas mus nyob Fab Kis teb, lawv ua lub neej li cas ?
4. Tseem fwv Fab Kis kuj pab yug cov pej kum neeg thiab.
5. Nyob Fab Kis teb, thaum ib tug neeg twg tau tag sim neej, mas cov txheeb kuj muaj cai so hauj lwm thiab kuj tau txais nyiaj hli li qub.

Paj nruag
Hais txog zaj xwm 1 : Ib cov pej kum neeg coob coob khiav mus txog Is Tas Lias teb, mas yog li no :
Kwv tij phooj ywg, hnub tim 1 lub 5 hlis xyoo 2015 no, muaj ib cov neeg thoj nam coob coob caij tej lub nkoj me me ntawm Lis Npias teb hla lub hiav txwv Mes Dis Tes Las Nes mus rau Is Tas Lias teb.
Cov neeg no lawv coob txog ntawm 5,800 tawm leej thiab sawv kev ntawm ob lub teb chaws mus sib txoos ua ke rau Lis Npias teb, yam li ib cov yog tuaj ntawm Xis Lias teb thiab tuaj ntawm Mas Lis teb.
Kwv tij, qhov teeb meem uas ua rau muaj ib cov neeg thoj nam caij nkoj hla lub hiav txwv Mes Dis Tes Las Nes zoo li no, mas yog vim nyob teb chaws Xis Lias, muaj ib cov tub rog Mawv Xis Lim hu ua Ais Es sawv los txeeb kav teb chaws Xis Lias thiab Is Lav, ces cov Ais Es no lawv tsim txom cov neeg uas tsis zwm rau lawv heev, ua rau tsoom pej xeem feem coob nyob tsis thaj yeeb, ces ib txhia kawg yuav tsum caij nkoj hla lub hiav txwv Mes Dis Tes Las Nes khiav mus kwm siav nyob rau Aws Los Pas tuam teb.
Hais txog cov neeg uas khiav ntawm teb chaws Mas Lis mus rau Aws Los Pas tuam teb, mas kuj muaj 2 yam teeb meem loj, xws li no :
1. Lawv tsis muaj dab tsi noj.
2. Lawv raug cov tub rog Maws Xis Lim Ais Es tsim txom heev kawg nkaus.
Li ntawd, ces hnub tim 2-3 lub 5 hlis, thiaj muaj ib cov nkoj Fab Kis thiab Is Tas Lias, txhob txwm mus pab cov neeg thoj nam no nyob hauv lub hiav Mes Dis Tes Las Nes. Tom qab ntawd, ho thauj lawv mus rau Is Tas Lias teb.
Yog vim li ntawd, ces 5,800 tawm leej no lawv yuav tau mus ua lub neej tshiab nyob rau hauv Aws Los Pas tuam teb, yam li mus nyob Is Tas Lias teb, Aas Kiv teb, Fab Kis teb, Zes Mas Nias teb thiab teb chaws Xws Ves Lis.
Kwv tij, ntawv xov xwm tseem tau tshaj lus tawm ntxiv tias nyob Is Tas Lias teb, mas xyoo 2015 no, cov neeg thoj nam uas khiav mus rau hauv Is Tas Lias teb yuav coob txog ntawm 200,000 tawm leej. Vim tsaib no twb coob txog ntawm 170,000 tawm leej lawm.
Ua li mas cov tseem fwv uas nyob Aws Los Pas tuam teb, lawv thiaj txhawj tias tsam txij nyem no mus rau yav tom ntej yuav muaj cov neeg thoj nam khiav tsov rog zoo li no coob zuj zus tuaj.

Pa nruag
Hais txog zaj xwm 2 : Cov Fab Kis uas yug nyob pej kum teb mas coob kawg, yog li no :
Kwv tij phooj ywg, txhua txhia xyoo mas yeej muaj ib cov pej kum neeg coob txog ntawm 90,000 tawm leej khiav mus ua dua lub neej tshiab nyob Fab Kis teb.
Yog vim li ntawd, ces cov pej kum neeg uas nyob Fab Kis teb lub zim txwv no mas lawv thiaj coob txog ntawm 6 plhom tawm leej lawm. Txhais tias 9% ntawm cov neeg Fab Kis, mas yog ib cov pej kum neeg uas tseem fwv Fab Kis pub lawv los ua pej xeem Fab Kis xwb.
Li ntawd, mas thawj xyoo thaum cov pej kum neeg no mus txog Fab Kis teb, lawv yuav tsum rau siab mus kawm ntawv ua ntej, ces tom qab ntawd lawv mam li mus ua hauj lwm nyob hauv cov los pav tej tsev lag luam uas tsim toob xib, kom tau me ntsis nyiaj los pab yug lawv tsev neeg.
Kwv tij, cov pej kum neeg uas khiav mus nyob Fab Kis teb li hais no, mas feem coob yog cov neeg uas nyob rau As Fis Kas tuam teb.
Tsis tas li ntawd, kuj muaj ib cov neeg nyob Aws Los Pas sab hnub tuaj, lawv kuj khiav los nyob hauv Fab Kis teb thiab, yam li yog ib cov neeg uas nyob teb chaws Pos Kas, cov neeg Los Mas Nias thiab cov neeg Pos Tws Nkas uas nyob rau sab Aws Los Pas qab teb.

Paj nruag
Hais txog zaj xwm 3 : Cov neeg thoj nam uas mus nyob Fab Kis teb, lawv ua lub neej li cas ?
Kwv tij phooj ywg, hais txog qhov no mas cov pej xeem uas ib txwm yug los nyob Fab Kis teb, ib txhia lawv kuj yws yws tias : « Cov pej kum neeg no txhob txwm tuaj txeeb peb tej hauj lwm ua xwb, tab sis qhov tseeb mas tsis yog li ntawd. Vim tias cov pej kum neeg no lawv ib txhia kuj tuaj yeem ua tej yam hauj lwm uas cov neeg Fab Kis tiag tiag tsis xav ua lawm, yam li yog cov hauj lwm cheb kev tsheb, cheb vaj cheb tsev, kaus kwj hoob, ntxuav tej tsev plob thiab cov hauj lwm tsaws tej yam qias qias neeg rau hauv tsheb coj mus pov tseg. »
Cov pej kum neeg no lawv kuj kam ua tej yam hauj lwm li no thiab, vim tias lawv xav tau me ntsis nyiaj los pab yug lawv tsev neeg, ces lawv thiaj tsis xyeej tej yam hauj lwm li no kiag li. Thov kom muaj hauj lwm rau lawv ua xwb, ces yeej zoo kawg lawm. Yog vim li no, ces ntev ntev xyoo cov tseem fwv Fab Kis thiaj tso cai pub lawv los ua pej xeem Fab Kis.

Paj nruag
Hais txog zaj xwm 4 : Tseem fwv Fab Kis kuj pab yug cov pej kum neeg thiab, mas yog li no :
Kwv tij phooj ywg, niaj hnub no cov pej kum neeg uas ua tub sab khiav mus nyob hauv Fab Kis teb, mas lawv kuj coob txog ntawm 250,000 tawm leej lawm. Cov neeg no tsis muaj ntaub ntawv raug kev cai ua pej xeem Fab Kis. Tab sis cov tseem fwv Fab Kis kuj pab kho mob dawb pub rau lawv thiab.
Kwv tij, thaum cov pej kum neeg no mus txog rau Fab Kis teb tshiab tshiab, mas ib yam uas lawv ua kam, yog lawv xub xub mus nrog cov swm neeg nyob ua ntej, ces ua rau lawv tsis raug them nqe vaj nqe tsev thiab lawv cov me nyuam kuj tau kev mus kawm ntawv ib yam li cov neeg Fab Kis.
Ua li mas hais rau sawv daws paub tias cov neeg ntseeg Ntuj uas nyob Xis Lias teb thiab Is Lav teb, mas lub caij niaj hnub no lawv raug cov tub rog Mawv Xis Lim Ais Es tsim txom heev kawg nkaus, ces ua rau lawv ib txhia txiav siab caij nkoj hla lub hiav txwv Mes Dis Tes Las Nes mus txog rau Fab Kis teb.
Li ntawd, txij ntawm lub 7 hli ntuj xyoo 2014 los txog niaj hnub no, mas cov tseem fwv Fab Kis twb pub 1,500 leej los ua pej xeem Fab Kis kiag lawm. Vim tias tseem fwv Fab Kis hlub cov neeg uas raug tsim txom no heev.

Paj nruag
Hais txog zaj xwm 5 : Nyob Fab Kis teb, thaum ib tug neeg twg tau tag sim neej, mas cov txheeb kuj muaj cai so hauj lwm thiab kuj tau txais nyiaj hli li qub, mas yog li no :
Kwv tij phooj ywg, nyob Fab Kis teb, mas thaum lub caij uas yus tsev neeg ib tug twg tau tag sim neej, yam li tsis hais yus niam yus txiv, yus cov kwv tij, yus cov muam, yus tus txwj nkawm thiab yus cov me nyuam ib tug twg tau tag sim neej lawm, mas tseem fwv Fab Kis kuj tso cai rau cov txheeb ze so hauj lwm tau thiab kuj tseem muab nyiaj hli txwm ib yam li qub pub rau tus neeg uas nws tsev neeg raug xwv txheej, xws li :
1. Yus niam yus txiv, yus cov kwv cov muam tau tag sim neej, mas pub so hauj lwm 5 hnub.
2. Yus cov me nyuam thiab yus tus txwj nkawm tag sim neej, mas pub so 10 hnub.
Li ntawd, yog tias yus muab txoj cai Fab Kis no los piv rau cov cai nyob pej kum teb, mas xam pom tias muaj ntau ntau lub teb chaws lawv cov tseem fwv kuj tsis tau tso cai rau kom tus neeg uas nws tsev neeg ib tug twg tau tag sim neej muaj cai so hauj lwm thiab tseem tau txais nyiaj hli li qub.

Yog vim li no, mas cov pej kum neeg uas nyuam qhuav khiav mus ua dua lub neej tshiab nyob rau Fab Kis teb, mas lawv thiaj muaj chaw vam khom thiab zoo siab rau txoj kev uas tau los ua pej xeem Fab Kis.
Kwv tij phooj ywg, ua li mas hnub no kuv tsuas coj 5 zag xov xwm tuaj ntsib nej sawv daws xwb, yam li :
1. Hais txog muaj ib cov pej kum neeg coob coob khiav mus txog Is Tas Lias teb.
2. Hais txog cov Fab Kis uas yug nyob pej kum teb mas coob kawg.
3. Hais txog cov neeg thoj nam uas mus nyob Fab Kis teb, lawv ua lub neej li cas ?
4. Hais txog tseem fwv Fab Kis kuj pab yug cov pej kum neeg thiab.
5. Hais txog nyob Fab Kis teb, thaum ib tug neeg twg tau tag sim neej, mas cov txheeb kuj muaj cai so hauj lwm thiab kuj tau txais nyiaj hli li qub
Li ntawd, mas txuas ntxiv ntawm no mus, thov caw nej los mloog ib txog nkauj. Tom qab zaj nkauj no tag, pem mam rov sib ntsib dua rau lwm hmo, sawv daws nyob zoo !
Paj nruag

Zaj no Txiv Plig Txhiaj Foom ua nyob Lomsak.
Haam Kub pab ntaus thiab kho me ntsis.
Hnub tim 25 lub 5 hlis xyoo 2015

**Maiv Tooj** 27th May 2015, 8:11 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°140

Re: TP.Txhiaj Foom lub TSEV Ntawv

Post Maiv Tooj 27th May 2015, 8:11 am

May 31 2005 HWM PEB LEEG HUAB TAIS - XYOO B

PEB YOG HUAB TAIS TSWV NTUJ COV ME NYUAM TIAG

Cov kwv tij phooj ywg, hnub no zoo hnub rau qhov Hnub Chiv no peb tsoom ntseeg Kav Tos Liv nyob thoob ntiaj teb, peb zoo siab hwm PEB LEEG HUAB TAIS, yam li Huab Tais Leej Txiv, Huab Tais Leej Tub thiab Leej Ntuj Plig Ntshiab.
Peb kuj nco tias tsoom ntseeg teev txoj cai Mawv Xis Lis, mas lawv kuj ntseeg txog Huab Tais Tswv Ntuj tib leeg xwb yog tus tsim ntuj tsim teb. Tab sis lawv tej kev ntseeg tsis tau tiav .
Hos peb tsoom ntseeg hauv lub Koom Txoos Kav Tos Liv thiab cov kwv tij Plos Tes Taas, peb ib txhij ntseeg txog Peb Leeg Huab Tais. uas yog Huab Tais Leej Txiv, Huab Tais Leej Tub thiab Leej Ntuj Plig Ntshiab..Ua Ii phim peb yuav rov xyuas cov kab ke teev Ntuj hauv peb lub Koom Txoos Kav Tos Liv thiab peb rov qhib Ntawv Ntshiab, ces peb thiaj rov nco ntsoov tias Huab Tais Tswv Ntuj lub hwj chim zoo li cas thiab peb yuav rov qhuas txog Tswv Ntuj lub luag hauj lwm cawm neeg dim ntawm qhov txhaum.
= Hauv zaj cav txog Tswv Ntuj tej txiaj ntsim mas peb thiaj hais kam tej lo lus teev Ntuj tias
“Tswv Ntuj muaj hwj huam nyob mus li, tsim nyog peb yuav ua koj tsaug mus thoob ntuj thoob teb. Huab Tais Leej Txiv ,koj nrog koj Leej Tub twm zeej thiab nrog Leej Ntuj Plig Ntshiab yog ib tug Tswv Ntuj. Nej muaj peb leeg, hos nej yog tib tug Tswv Ntuj .
Huab Tais Leej Txiv, yog vim koj qhia peb paub txog nej peb leeg lub hwj chim, ces peb thiaj ntseeg tau - Peb ntseeg tias koj Leej Tub thiab Leej Ntuj Plig Ntshiab muaj lub hwj chim loj sib luag zos - .Vim li ntawd, peb nrog Cuaj Phiaj Tshiab uas nyob saum ntuj koom suab hu nkauj mus li tias “ Ces hais Faj tim Huab Tais Ntshiab
Cov kwv tij , thawj txoj hauj lwm tseem ceeb uas peb tsoom ntseeg niaj hnub ua thiaj yog peb tej zaj cav txog Huab Tais Peb Leeg thiab peb tej kev nyiam Huab Tais Tswv Ntuj tas zaj tas zog
Hauv NTAWV NTSHIAB, mas Huab Tais Peb Leeg kuj qhia qhov tseeb tias : “Tswv Ntuj yog txoj kev nyiam - Tswv Ntuj txoj kev nyiam tas tsoom neeg tawm tuaj rau qhov muag pom xyeem li no: Tswv Ntuj xa nws Leej Tub Twm Zeej tuaj nyob ntiaj teb, Yes Xus ua nqe txhiv peb ntawm peb tej txhaum, kom peb ciaj hauv nws Leej Tub “ 1 Zam 4:9 + Zam 3:16-19
“Txhua leej txhua tus uas Leej Ntuj Plig Ntshiab coj, mas lawv yog Tswv Ntuj cov me nyuam tas huv tib si. Ces peb thiaj yuav tau nrog Huab Tais Yes Xus muaj hwj chim, pem Tswv Ntuj lub Ceeb Tsheej“
Los Mas 8:14- 17
Peb tso siab lug tias : yuav muaj ib hnub, Peb Leeg Huab Tais yuav pub Huab Tais Yes Xus Pleev lub hwj chim rau peb, raws li cov lus uas Tswv Ntuj tau cog tseg
Cov kwv tij, peb niaj hnub, peb nyob kaj lug kaj nrig ,vim tias nyias rua tau nyias tus ntsuj tus plig ob lub qhov muag, ces thiaj rov kub siab ntseeg ruaj nreb khov kho tias “ “Kuv yeej yog Tswv Ntuj ib tug me nyuam, uas Peb Leeg Huab Tais hlub tshua, tsis tu ncua- Tswv Ntuj kev nyiam kev hlub, nws nyob mus li, tsis txawj kawg ,tsis txawj hloov. Tswv Ntuj kev nyiam kev hlub ,uas tshiab tag mus li. Nws tsis txawj qub, zoo li tus dej ntws, uas tsis txawj tu”
Cov kwv tij, peb nyias qhuas txog Tswv Ntuj txiaj ntsim no tias :”Ib tug me neeg zoo li kuv thiaj yog Huab Tai Leej Txiv tus me nyuam. Kuv yog Huab Tais Yes Xus tus kwv los tus muam thiab kuv ua tau ib lub tsev rau Leej Ntuj Plig Ntshiab nyob “ Los Mas 8: 11 + 1 Kos Lis Nthos 3:16-17
PEB TEEV HAWM TSWV NTUJ : Huab Tais Leej Txiv, peb ua koj tsaug ntau, vim niaj hnub koj tseeem pub peb ua koj cov me tub nyuam, Ces peb coj tau lub neej nyob kaj lug kaj nrig nyob ntawm koj xub ntiag, tsis tu ncua . “ Thov koj txhob tso cov hauj lwm tawm ntawm koj txhais tes pov tseg “ NPN 138:8
PEB YOG HUAB TAIS TSWV NTUJ COV ME NYUAM TIAG

T.P. Txhiaj Foom omi

**Maiv Tooj** 4th June 2015, 8:14 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°141

Re: TP.Txhiaj Foom lub TSEV Ntawv

Post Maiv Tooj 4th June 2015, 8:14 pm

June 7- 2015 UA HMOOV HWM LUB CIM YUG - Xyoo B

TP.Txhiaj Foom lub TSEV Ntawv - Page 6 Url10

Kwv tij phooj ywg, hnub no zoo hnub, peb zoo siab heev los mus hwm lub Cim Yug, uas ntim Huab Tais Yes Xus lub Cev thiab nws Roj Ntsha. -Yeej yog Ntuj lub txiaj ntsim uas peb tsoom ntseeg Kav Tos Liv saib loj tshaj dua lwm yam huv tib si nyob hauv lub qab ntuj khwb . Hnub no peb thiaj yuav nyob kaj lug kaj nrig ua Ntuj tsaug ntau
NUG : Niaj zaus peb ua Thaj Txi Ntuj mas Huab Tais Yes Xus puas nrog peb nyob nraim ? Huab Tais nrog peb nyob nraim ntag vim Huab Tais tau cog lus tseg tias :”Thaum ob leeg los peb leeg sib sau ua ke tuav txog kuv lub npe, mas kuv nyob nyob hauv nruab nrab lawv’ MT 18:20.

Peb tsis pom Huab Tais ntsej muag, Peb tsis hnov nws lub suab. Tab sis peb xav txog 2 yam no:
Saib : 1 : Txhua txhia zaus peb sib sau ua Thaj Txi Ntuj, mas thaum chiv thawj peb sib koom txais lub Moo Zoo ua ke, mas txhais tias Huab Tais Yes Xus rov tshaj Ntuj Lus tias Huab Tais Tswv Ntuj khuv leej peb tas nrho - Peb qhib peb siab los txais lub Moo Zoo, ces peb haj yam rov ntseeg Ntuj ruaj nreb dua qub.

2 : Hauv Thaj Txi Ntuj mas Huab Tais siv tus Txiv Plig rov hais Huab Tais tej qub lus thooj ib yam nkaus li hmo Yes Xus noj pluas mov kawg – Ua li, nyob hauv nruab nrab peb ,Huab Tais rov foom hmoov zoo rau lub mov mog tias :”Nej sawv daws txais- Nej noj- Yog kuv lub Cev uas yuav raug puas kom tau pab nej”
Huab Tais Yes Xus hais tias:” Nej sawv daws txais.nej haus – Yog lub ntim rau kuv Roj Ntsha cog lus tshiab nyob mus li – Yog roj ntsha uas yuav ntws los daws nej thiab tsoom siv cov txhaum “
Tsis tas li ntawd xwb , Huab Tais rov txhib nws cov thwj tim zoo li no tias:” Nej yuav ua li ntawd kom tau nco txog kuv “
Cov kwv tij, hauv peb Thaj Txi Ntuj mas Huab Tais Yes Xus muab nws tej kev hlub uas loj tas nrho ,los ua hwj huam yees ntxwv tias lub mov mog txia ntshis ua Huab Tais lub Cev Ntshiab – Ib cov cawv txia ntshis ua Huab Tais Roj Ntsha uas muaj nqes tas nrho. Ces tsim nyog nyias yuav txhos caug los hais tias:

HUAB TAIS YES XUS, KOJ YOG KUV TUS HUAB TAIS , KUV TUS TSWV NTUJ Zam 20:28

NUG : Thaum peb sib sau uas Thaj Txi Ntuj, mas Huab Tais puas txhib peb siab los nrog Huab Tais koom los hawm Ntuj ?

Peb ua tau qhov ntawd ntag - Peb niaj hnub nco tias Huab Tais muab nws lub neej los txi Ntuj pem lub roob Nkos Nkos Tas – Ho hauv Thaj Txi Ntuj, Huab Tais rov muab lub neej txi Ntuj, tsis tu ncua. Huab Tais ib txhij txais peb nrog Yes Xus koom siab txi Ntuj ua ke
Ua li peb hais kam zaj nkauj teev Ntuj tias:” Peb zoo siab hlo cev peb lub neej lub siab los nrog Yes Xus txi Ntuj, ua Huab Tais tsaug “

UA NTUJ TSAUG : Huab Tais Yes Xus, thov koj txais peb lub siab, peb tej hauj peb khwv ua, peb tej kev zoo siab, kev nyuaj siab huv tib si. Thov koj muab tej ntawd huv si los khi rawv rau tus Ntoo Cuam, los hawm peb Txiv nyob saum ntuj
NUG : Ntawv Moo Zoo tseem qhia peb txog Lub Cim Yug ntxiv lod ?
Hauv Zam Ntawv Moo Zoo mas Yes Xus tshaj lo lus tseeb zoo li no tias :” Kuv yog cov mov muaj txoj sia nqes saum ntuj los. Leej twg noj cov mov no, nws yuav ciaj nyob mus li. Cov mov uas kuv yuav muab pub rau lub qab ntuj neeg noj kom lawv muaj txoj sia thiaj yog kuv lub cev. Kuv lub cev yog ib co tseem txhiam xws noj tiag thiab kuv cov ntshav yog ib yam zoo haus tiag “ Zam 6:51-55

TEEV HAWM HUAB TAIS YES XUS : Huab Tais khuv leej neeg tas nrho, koj hlub peb tas npaud, koj thiaj tau tsim lub Cim Yug –Peb ntseeg tias koj nyob txawm hauv lub Cim Yug tiag - Tab sis peb lees tias peb ntseeg tsis txaus. Peb lub siab kuj txias txias . Li cas los , peb tseem nco tias :”Tsis muaj ib yam uas koj ua tsis tau “ Lus Kas 1:37 -Ua li, peb thov koj xa Leej Ntuj Plig Ntshiab nqes los hauv peb siab- Peb thiaj yuav tshaib nqhis txog lub Cim Yug, tsis tu ncua. Huab Tais khuv leej neeg tas nrho, koj niaj hnub yog peb txoj sia . Thov koj pub ib feem hauv koj tej kev nyiam kev hlub los nqes los hauv peb lub siab…Ces peb nyias yuav nyob kaj lug kaj nrig hais tau lo lus no tias :”Kuv muaj txoj sia nyob hauv kuv lub cev, Tab sis qhov loj plaws kuj yog qhov tias Huab Tais Yes Xus Pleev txoj sia ciaj nyob hauv kuv“ Nkas Las Tias 2:20

HUAB TAIS YES XUS, KOJ YOG KUV TUS HUAB TAIS , KUV TUS TSWV NTUJ

T.P. Txhiaj Foom omi

TP.Txhiaj Foom lub TSEV Ntawv - Page 6 112_1

**Maiv Tooj** 5th June 2015, 10:41 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°142

Re: TP.Txhiaj Foom lub TSEV Ntawv

Post Maiv Tooj 5th June 2015, 10:41 am

HAIS TXOG LIAJ LUV XA MOO

Kuv vam tias nej sawv daws yuav nyob zoo li qub.
Los txog tav no mas nej coob leej tau zoo siab twm phau ntawv me me Liaj Luv
Xa Moo.
Nej feem coob yeej xav txais ntxiv, tab sis nyem no peb yuav muab cov zaj tshiab
coj mus tso rau hauv Liaj Luv Xa Moo uas peb npaj yuav luam tawm, kom xwv
nej yuav tau kev nyeem sai.
Hnub no kuv thiaj txhob xwm sau lo puav lus rau nej coob leej.
Thov kom nej sau tej zaj lus tseem ceeb uas phim yuav tso rau hauv Liaj Luv Xa
Moo mus rau peb hauv Zoo Tswv Zov Yaj
Ces thov kom nej xa nej tej zaj SAI SAI , yam li ua ntej ntawm tim 20 lub 6 hlis
2015.
Li ntawd, mas kuv vam tias nej yuav xa tej zaj lus mus fim tsoom kwv tij Hmoob
sawv daws nyob hauv tsab xov xwm Liaj Luv Xa Moo xyoo no.
Ua nej sawv daws tsaug ntau.

TP. Txhiaj Foom o m i

**Maiv Tooj** 12th June 2015, 6:24 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°143

Re: TP.Txhiaj Foom lub TSEV Ntawv

Post Maiv Tooj 12th June 2015, 6:24 am

June 14 - 2015
HWM HUAB TAIS YES XUS LUB SIAB NTSHIAB

TP.Txhiaj Foom lub TSEV Ntawv - Page 6 24211810

Cov kwv tij, hnub no zoo hnub ,vim tias peb tsoom ntseeg Kav Tos Liv nyob thooj ntiaj teb zoo siab ua hmoov hwm Huab Tais Yes Xus lub siab ntshiab. Peb mam li yuav rov kub siab thov Huab Tais txhiv peb ntawm qhov txhaum, Peb yuav rov kub siab ntseeg tias Huab Yes Xus Yes Xus yog tus cawm ntiaj teb neeg ntawm qhov txhaum
Zoo li, nyias yuav khaws Ntuj lo lus hauv nyias lub siab tias “ Tswv Ntuj Leej Tub nyiam kuv ces nws rov muab nws los txi Ntuj kom nws pab tau kuv” NLT 2:20
Hnub no,phim peb yuav khaws Tswv Ntuj tej Lo Lus tseem ceeb tseg- Yog tej Lus uas hais txog Huab Tais Yes Xus kev hlub neeg thiab kev khuv leej neeg tas nrho..Zoo li tej qib lus no tias
1: : Nej cav lus zoo txog HuabTais- Nws siab zoo, vim nws lub siab hlub tas ib txhiab ib txhis “ NPN 136: 1

2 : “Huab Tais hlub mos nyoos . Nws khuv leej neeg – .Nws tsis pauj rau peb raws li tej txhaum peb ua- Huab Tais txoj kev hlub tsis muaj hnub kawg “ Nkauj Paj Nruag 103
3 : ”Huab Tais lub siab hlub muaj zog tas nrho. Nws lub siab pheej xeeb mus ib txhiab ib txhis “ Nkauj Paj Nruag 117:2
Peb yuav ua li cas thiaj khaws tau Tswv Ntuj tej Lo Lus tseg ?
Peb ua tau ib yam yooj yim tias : Zoo li Hnub Chiv no, yog thaum peb ua Thaj Txi Ntuj mas thov kom nej xaiv ib qib lus,uas yeej raug nej siab kawg nkaus, ces thiaj rov twm qib lis ntawd 3 los 4 zaug
Ib ntsis peb mam li yuav muab siab rau kawm Ntuj qib lus ntawd hauv nruab siab – Zoo li tej qib lus no tias :
Huab Tais hlub mos nyoos . Nws khuv leej neeg – .Nws tsis pauj rau peb raws li tej txhaum peb ua
Cov kwv tij , nyob hauv hauv Ntawv Ntshiab yeej muaj ntau qib lus uas qhia peb txog Huab Tais Yes Xus lub siab ntshiab – Zoo li qib lus no tias : : “Tswv Ntuj txoj kev nyiam yog zoo li no tias : tsis yog peb tau nyiam Tswv Ntuj- .Qhov tseeb mus li no tias : yog Tswv Ntuj tau nyiam peb thiab nws tau xa nws Leej Tub tuaj ua nqe txhiv peb ntawm peb cov txhaum ‘ 1 Zam 4:
Txhais tias : tab txawm peb tsis tsim nyog txais ib yam dab tsi ntawm Tswv Ntuj los, tsis kav Tswv Ntuj siab zoo siab siab dav fo “ tsis pauj rau peb raws li tej txhaum peb ua “
Peb yuav nco ntsoov txog Tswv Ntuj tej lo lus ces peb yuav tsis ntaus siab yau. Tab sis peb yuav ua siab loj siab tawv qhawv – Hos peb haj yam nplua nuj zuj zus hauv kev ntseeg ruaj nreb txog Huab Tais Yes Xus lub siab ntshiab –Peb kuj yuav rov ntseeg txog Tswv Ntuj tej txiaj ntsim kawg nkaus .
= Tsis tas li ntawd xwb: peb yuav khaws lwm qib lus tseem ceeb tias :”
Huab Tais lub siab hlub muaj zog tas nrho. Nws lub siab pheej xeeb mus ib txhiab ib txhis “
Txhais tias : Huab Tais Tswv Ntuj thiab Huab Tais Yes Xus lub siab khuv leej neeg tas nrho kuj ciaj sia tag mus li. Ces peb niaj hnub yuav thov Huab Tais Yes Xus hlub tshua peb, tsis tu ncua
Ua li hnub no, hnub no zoo hnub rau qhov tias : peb ib siab kawm Tswv Ntuj tej qib lus tseg hauv nruab siab. Ces hauv tas lub lis piam tuaj no los tas lub hlis yuav tuaj no, peb yuav rov xav txog tib qib lus ntawd tas siab ntsws.

TEEV HAWM HUAB TAIS YES XUS : ( Nyias hais tau lo lus no hauv nyias lub siab tias
“ Huab Tais khuv leej neeg tas nrho, uas koj nyob pem Tswv Ntuj lub Ceeb Tsheej, koj niaj hnub tseem muab koj txoj sia los txi Ntuj kom tau cawm me yaus dim ntawm qhov txhaum thiab koj txhawb nqa kuv kom xwv kuv coj tau lub neej ntshiab dawb huv zoo cuag li koj.- Huab Tais. kuv niaj hnub yuav tsa muag los ntsia koj uas dai saum tus Ntoo Cuam .- Huab Tais. siab zoo tas nrho , ua koj tsaug ntau. “

T.P. Txhiaj Foom omi

**Maiv Tooj** 17th June 2015, 9:23 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°144

Re: TP.Txhiaj Foom lub TSEV Ntawv

Post Maiv Tooj 17th June 2015, 9:23 am

June 21 2015 HNUB CHIV 12 XYOO B

NEJ THOV CES NEJ YUAV TAU TXAIS…

TP.Txhiaj Foom lub TSEV Ntawv - Page 6 Jesus10

Hnub no mas Tswv Ntuj txhib peb siab kom xwv peb thiaj kub siab ua 2 yam , 1 : Peb yuav ua neeg me 2 : peb yuav tso siab lug rau Huab Tais Yes Xus tas zaj tas zog
1 : Peb yuav ua neeg me . Saib : hnub ntawd Tswv Ntuj hais lo lus dab tsi rau Yob ? Tswv Ntuj hais li no: “Thaum cov dej hiav txwv txhawj hauv tiv txwv los nrov nroo ntws, mas leej twg tau muab cov dej hiav txwv kaw thiab xov ? Puas yog koj ?” Thaum kuv tau hais rau cov dej hiav txwv tias :” Koj yuav tsis txhob mus dhau qhov no
:- Koj cov dej nphau nphwv yuav tsum nyob twj ywm ntawm no”, mas thaum ntawd koj nyob qhov twg ?”
Ua li thaum Yob hnov Tswv Ntuj lo lus mas nws tsis nrog Tswv Ntuj sib cav, xws li yav dhau los. Yob teb rau Tswv Ntuj tias :” Kuv lam tau lam cav xwb ! Kuv cov lus tsis tseem ceeb dab tsi . Kuv yuav teb dab tsi rau koj ? Kuv yuav muab tes los npog kuv qhov ncauj, kom kuv txhob cav koj ntxiv .Kuv tau hais ib zaug. Kuv tsis rov hais zaum ob ntxiv” ( Yob 38:8+11 = Yob 40:4-5 )
Cov kwv tij, yeej muaj tej lub caij uas peb yws yws rau Tswv Ntuj tias :” Tswv Ntuj od ! Tim li cas kuv raug mob li ntawd ? Tim li cas kuv kawm tsis tau ntawv ? Tsam koj hnov qab kuv lauj ?”
Thaum peb hais lo lus yws yws zoo li ntawd, mas zoo cuag li peb tej kev ntseeg txog Tswv Ntuj siab zoo kuj ploj ntais.. Ces peb yuav tsum “ Tab txawm peb tsis to taub Tswv Ntuj tej zaj tswv yim tob npaum li cas ,los kuv yuav tsum rov ntseeg tias : Tswv Ntuj tseem hlub tshua me yaus npaum li qub. Nws yuav tsis tso kuv pov tseg ib zaug li “
Cov kwv tij, phim yuav ua neeg me nyob ntawm Tswv Ntuj lub xub ntiag, thiab nyob ntawm sawv daws lub xub ntiag, ces peb yuav rov coj lub neej nyob tiaj nyob tus..

2 : Peb yuav tso siab lug rau Huab Tais Yes Xus tas zaj tas zog
Hnub ntawd mas Yes Xus thiab nws cov thwj tim nyob hauv nkoj – Lawv mus lawm sab ntug dej tim ub. Txawm muaj ib nthwv cua hlob tuaj .Dej nphau tej niag twv los ntsawj lub nkoj, ces dej los puv lub nkoj . Yes Xus nyob ntawm tog taub hau pem hauv nkoj.Nws tsaug zog, Cov thwj tim tsa Yes Xus sawv. Lawv hais tias :”Xib Hwb, peb yuav tuag ! Cas koj tsis liam faj “-.Yes Xus tsim dheev los . Nws txwv cov cua . Nws hais rau lub hiav txwv tias :” Tswm seeb ! koj ua twj ywm ! “.Ces tam sim ntawd cua tu nrho- Ntuj teb ntsiag to “
Cov kwv tij, yeej muaj tej lub caij uas peb raug kev nyuaj tshaj plaws,Zoo li peb hais tias :” Ob hnub no mas kuv lub neej tsis muaj qab hau ..vim tias nyob hauv kuv tsev sawv daws tsis sib haum,- ib leeg tsis mloog ib leeg – Ib tug tsis mloog ib tug .Sawv daws sib cav sib ceg tag mus li…”
Thaum ntawd peb haj yam tsa muag ntsia Hub Tais,uas nws nyob ntawm peb ib sab ..Nws nrog peb nyob nraim,tsis tu ncua. Ces peb tsuas ua ib yam xwb .Peb yuav tso siab lug rau Huab Tais YesXus tas zaj tas zog tias :” Huab Tais siab zoo, yog tias koj tsis nqes tes los cawm kuv, mas kuv nyob tsis tau “
Cov kwv tij peb thov Huab Tais tas zaj tas zog… Tsuas xav txog peb tej lus thov Huab pab xwb .Huab Tais npo peb dim ntawm peb tej kev nyuaj siab ntxhov plaws’
Tsim peb yuav khaws Huab Tais Yes Xus tej lo lus, uas muaj nqes xws li ib txhab nyiaj txhab kub tias :
“ Nej thov, ces nej yuav tau txais .Nej nrhiav, ces nej yuav ntsib –Nej khob qhov tooj, ces luag yuav qhib rau nej “Mas Tais 7:7 + Yas Kos 5: 16

T.P.Txhiaj Foom omi