Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 5:50 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 20th July 2017, 8:48 am

» XH. Yaj Zoov Ntxheb lub Tsev THOOB TSIB
by Maiv Tooj 20th July 2017, 8:44 am

» XH.Zoov Ntxheb Yaj Nthuav Ntawv Ntshiab.
by Maiv Tooj 20th July 2017, 8:39 am

» TP.Txhiaj Foom lub TSEV Ntawv
by Maiv Tooj 19th July 2017, 9:25 am

» Txiv Plig Neej Vaj
by Maiv Tooj 18th July 2017, 4:31 pm

» Xib Hwb Thoj Xyooj lub neej
by Maiv Tooj 3rd July 2017, 2:58 pm

» Sib pab txuag tswv ntuj pab yaj
by Maiv Tooj 3rd July 2017, 7:08 am

» MOO QAIJ QAUG
by Tub Kawm 2nd July 2017, 6:06 pm

» VAJ QHIA FRANCIS TSA TSWV QHIA LING THIAB PLAUB TUG TSWV QHIA NTXIV UA CARDINALS
by Mim 29th June 2017, 7:20 pm

» PIAV LUB XYOO TEEV NTUJ.
by Maiv Tooj 15th June 2017, 10:06 am

» Thov Niam Mab Liab daws pob caus teev li cas.
by Maiv Tooj 15th June 2017, 9:57 am

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th September 2016, 6:39 am



    Zaj 253- QHOV TSEEB RAU IB TUG NEEG NTSEEG.

    Yam tseeb rau cov neeg ntseeg yuav tsum muaj, uas lawv coj nraim ua pov haum,kom tau pov hwm lawv tus ntsuj plig.
    1. Tswv Ntuj yog qhov tseeb.
    Tswv Ntuj dag tsis tau leej twg li,yog Tswv Ntuj hais thiab ua yam twg mas Ntuj yeej ua tseeb xwb. Peb leej tib neeg yuav txais Tswv Ntuj los lus tseeb no mas nyuaj kawg.
    Vim peb Haiv Hmoob muaj kab lis kev cai, los dab qhuas sib txawv. nyias coj nyias raws li dab qhuas kev sib hlub, los coj raws li dab qhuas kev tu siab, uas tsawg kwv tsawg tij.
    Tswv Ntuj kev thoob tsib thiab lo lus tseeb,mas Hmoob kuj txais nyuaj li ntawd thiab. Tswv Ntuj thiaj tau tso tej lub txiaj ntsim,kom tuaj nyob nrog tej tus tib neeg, muaj peev xwm:
    Nyob nrog tej tus tib neeg muaj hwj chim koob meej, ua thawj neeg, coj tej pab neeg, ua cov tswj kav teb chaw, los ua thawj neeg coj kev teev dab qhuas. Uas lawv muaj lub peev xwm coj tej pab neeg, sib fim nrog tej Nom Tswv qib siab.
    Kom Tswv Ntuj kev tseem ceeb thiab yog qhov tseeb no tau txav los nyob ze cov neeg muaj lub siab dawb huv ntawd, kom neeg txais tau yooj yim dua.
    Peb Haiv Hmoob tau hnov thiab paub Tswv Ntuj lo lus tseeb, mas muaj ib lub txiaj ntsim xub tuaj mus nyob ze cov thawj neeg ntawd ua ntej.
    Yog peb zoo tuaj lawm,mas peb mom tsis nyog cov thawj neeg ntawd,lub txiaj ntsim uas Tswv Ntuj tau ua nrog lawd. Zoo li cov tub txawj tub ntse, uas lawv xub tau ua nom ua tswv los lawd, thiab cov txiv muam uas lawv paub Hmoob kab lis kev cai, coj dab teev qhua ua ntej ntawd.
    Raws li kuv paub,Tswv Ntuj kev thoob tsib uas yog kev tseeb tuaj txog Haiv Hmoob. Thawj theem ncau ntawm Yaj Zam Nob los, nws yog ib tug txiv neeb ua neeb dav heev nyob sab Luang Prabang.
    Theem ob Tswv Ntuj los lus thoob tsib yog qhov tseeb no ncau ntawm cov tub nom tub tswv los, zoo li Tub Npis Lis Foom tsev neeg,thiab Vaj Pov nkawd los thiab.
    Ua cas ho hais li ntawd, Luag yog tub ua nom ua tswv, luag yog neeg paub tab. Luag tsis txwv tsis txiav Ntuj kev thoob tsib, Luag tseem pab qhuas tias yog kev tseem ceeb kom sawv saws coj thiab kom loj hlob vam meej mus nrog mab sua sib xws.
    Thawj lub tsev teev hawm Tswv Ntuj nyob Looj Ceeb, Yaj Xib Hwv Zoov Ntxheb tsa tau nyob Looj Ceeb. Nws hu Vaj Pov tuaj ua tus qhib, Vaj Pov tau hais lo lus tias:
    Kuv nyob txog twg, kom Cov ka Tau li no mus tsa tsev teev hawm Huab Tais Ntuj nyob txhua nrho,kom vam meej mus thoob cheeb tsam uas kuv nyob ntawd.
    Theem kawg, cov me nyuam Hmoob mus kawm txuj nyob hauv nroog yog cov tub nom tub tswv, lawv tuaj vam txog Lub Koom txoos Ka Tau Liv Hmoob pab lawv cov me nyuam.
    Qhov kawg kuj yog pab me nyuam Hmoob no xub ua cov txais kev ntseeg uas yog qhov tseeb thiab. Tswv Ntuj los lus tseeb maj mam hlob tuaj li no.
    Txij thaum tsoom Hmoob hloov mus nyob ntau lub teb chaws, ces muaj ntau pab Hmoob paub Tswv Ntuj los lus yog lus tseeb ntawd, mam muaj ua ntau pab ntau pawg sib raws los mus li niaj hnub no.
    Ntseeg tau tias dhau lub caij Ntuj txib tej tus neeg muaj peev xwm lawm ces yog cov uas muaj Ntuj txiaj ntsim yuav sib xa Ntuj lo lus tseeb pub rau tsoom Hmoob hnov ntau tshaj.
    Yam li thaum Hmoob ri mus thoob qab ntuj lawm mas cov Hmoob Tsoob Kuj, los viam Nam, thaim Kuj los cov mus nyob qhov ub qhov no lawv, tau ntsib Tswv Ntuj lo lus tseem ceeb ntau tshaj li thiab.
    Nyiam no Hmoob paub txog Yes Xus lub Moo Zoo raws li cov lus Yes Xus tau hais tseg tias:
    Kuv yog txoj kev tseem ceeb, Kuv yog qhov tseeb,thiab kuv yog txoj sia. Yes Xus cov lus no tau ua tim Khawv tseeb rau Haiv Hmoob coob leej tias, nej ntseeg ces nej muaj txoj sia nyob hauv Yes Xus lub npe.
    Thaum peb tsoom Hmoob nyob Los Kuj teb, peb sib ntsib nyob hauv Hmoob cov xeem los cov dab qhuas uas peb coj, thiab ntsib nyob hauv kev ua neej ua tsav, uas koj txheeb kuv li cas xwb.
    Niam no peb muaj ob peb yam kev sib txheeb:
    Sib txheeb nyob hauv caj ces lub xeem, sib txheeb nyob hauv cov neej tsa, uas los ntawm yus thiab yus tus tij los tus kwv pab neej tsa los.
    Nyiam no tseem muaj kev sib txheeb loj dua ntxiv tuaj lawm, yam li peb tsis hais lub xeem twg li. Peb rov sib txheeb nyob hauv sawv daws koom ua Ntuj cov tub ki ua ke ntxiv los thiab.
    Tswv Ntuj lo lus tseeb no ntim tau ntau yam zoo rau peb kawg li. Peb ua tau kwv tij nkauj muam nraug nus, los neej tsa coob dua tuaj nyob hauv lawm.
    Peb tseem txheeb dua ntxiv thiab, zoo li peb koom niam koom txiv ua kev,hauv Tswv Ntuj lub npe, ua Ntuj cov me nyuam mus li ntxiv.
    2. Peb muaj kev ntseeg kev tso siab.
    Peb kev ntseeg kev tso siab txhawv li cas los. Ua ntej tsis tau muaj tsov rog, thiab lub caij ntawd. Tswv Ntuj npaj txoj kev nyob ze cov thawj neeg li hais ntawd. Dhau lub zim txwv Hmoob tau sib ncaim ntawm Los Kuj teb los lawd.
    Mas muaj Hmoob coob leej tig los zeem Yes Xus lub Moo Zoo los ntawm Hmoob raug kev txom nyem ncaim ntawm cov thawj neeg coj Hmoob lub xeem thiab kev teev dab qhuas.
    Ces coob leej lawv saib kev tso siab rau Tswv Ntuj yog yam yooj yim dua rau Hmoob,thiab kuj yog ib txoj kev zoo sib fim sib ntsib, nyob ua ke hauv kev sib zeem ua Ntuj me nyuam, muaj kev tso siab thiab sib hlub zoo dua.
    Tab sis tseem muaj tej yam zoo li Hmoob cov kev teev tiam dab qhuas qub, uas sawv daws yog ib lub xeem tab sis dab qhuas tseem muaj ib co txawv ib co me ntsis thiab.
    Yog cov pab pawg ntseeg Yes Xus lub Moo Zoo,vim muaj ib co lawv tsis nyob hauv lub Koom Txoos. Uas Yes Xus Pleev tau tsa rau saum lub pob zeb, uas nws tuav Tswv Ntuj cov yawm sij qhib rooj ntug.
    Cov ntawd yog tus uas Yes Xus cov thwj Tim hais rau Yes Xus tias,muaj ib tug tsis nrog peb, nws tuav txog koj lub npe los ntiab cov dab phem. Yus xus kuj hais tias, nej txhob txwv lawv.
    Tus uas nws tsis tau hais kuv lub npe phem mas nws nrog peb. Peb yuav to taub tias lub npe ua Xib Hwb mas ceeb laj pov hwm nws kawg li od! Kom yog lub npe tseeb!
    Leej twg zwm rau lub Pob Zeb Yes Xus tsa mas txhob khi dab tsi tseg rau ntiaj teb no, tsam tsis muaj tus pab daws nyob saum ntuj. Peb yuav ua raws ncaim li Yes Xus tau hais tseg tias, Koj daws yam twg mas kom Ntuj daws nyob saum ntuj.
    Hmoob txawj txawj xav thiab txawj txawj txua li, cov tub tshaj Ntuj lus rau Hmoob yuav ua twb zoo cev Yes Xus lub Moo Zoo, rau Hmoob kom to taub zoo.
    Kom Hmoob muaj kev tso siab lug rau lub Moo Zoo uas yog Tswv Ntuj lo lus tseeb. Thiaj thaiv tau tej xwv txheej uas yuav los raug Hmoob sab ntsuj plig.
    Kom Hmoob tso siab lug rau lub thaj txi ntuj nyob saum Yes Xus tus ntoo cuam, thaum ntawd Yes Xus tau thov Leej Txiv tias, Txiv Koj zam rau lawv, vim lawv tsis paub tias lawv tau ua dab tsi.
    3. Tab txawm peb tsis muaj tswv yim kom txaus to taub tas txhua yam uas peb ntseeg txog.
    Peb twb paub tias muaj Leej Tswv Yim Ntshiab, uas Yes Xus thov kom Leej Txiv tso tuaj nrog peb nyob. Peb vam txog Leej Tswb Yim ua lub teeb kaj peb lub neej, ib zaug dhau ib zaug me ntsis.
    Ces peb maj mam txav los ze tus Tswv Ntuj siab zoo, uas Nws yog qhov tseeb, Nws niaj hnub pov hwm peb nruab hnub hmo ntuj tas niaj tas xyoo ntawd.
    Nws twb tau pov hwm peb tej pog tej yawg ntau tiam dhau los lawm.
    Tsis muaj neeg mem tau qhov uas Tswv Ntuj nyiam, vim tias, neeg lub tswv yim tsis ruaj, thiab neeg lub cev hnyav dhau, ua rau neeg tus tsuj plig muaj kev txhawj xeeb txog.
    Los ntawm tej kev neeg ntshaw noj qab nyob zoo, tso siab rau lub ntiaj teb lub cuab tam. Yog tej yam los thaiv Tswv Ntuj kev nyiam kev zam, kom neeg txais tsis tau.
    Ua kom neeg pom tej yam nyob ntiaj teb no xwb, neeg tsis paub txog tej yam nyob saum ntuj. Nyob hauv zaj nkauj paj nruag 94:8 -11 hais tias,cov neeg ruam nej yuav tsum paub!
    Tus muab pob ntseg los txuas rau nej kom hnov lus, thiab muab qhov muag los cog rau nej. Nws tsis hnov lus thiab nws tsis txawj ntsia los!
    Nws yog tus pub kev thoob tsib kev ntse rau neeg, Huab Tais paub zaj tswv yim uas neeg xav. Huab Tais paub tias yam neeg xav mas yog cuav...Tswv Ntuj tau hais Nws cov lus ntau zaj zoo li no, nyob hauv cov nkauj paj nruag sib xws, los ntuas kom neeg pom kev thiab muaj kev tso siab.
    Tswv Ntuj cov tswv yim muaj ntau tas nrho, tshaj cov suab puam nyob tom tug hiav txwv, uas neeg yeej suav tsis txheeb li.
    Tswv Ntuj los lus yog thawj hom tshuaj, zoo kho mob nkeeg, thiab yog txhua yam lus zoo daws teeb meem pob caus kom pluam mus tau tib si.
    Txoj kev ntseeg yog lub teeb ci kaj neeg lub siab zoo tshaj lwm yam, uas pom kev tuaj rau neeg ntiaj teb no. Nws tsom tau kom pom nruab yeeb li tus muaj lub yeeb yaj tsom, tsom mus saib nruab yeeb.
    Zoo dua cov Suav laus uas Hmoob hais tias, lawv txawj tsom tau mus saib nruab yeeb. Nyob hauv neeg lub neej muaj ntau yam uas neeg qhov muag pom tsis tau, tab sis nws yeej muaj tseeb.
    Piv zoo li cov hluav taws xob los cov sab xov tooj. Nws coj tau hluav taws xob, thiab xa tau lus rau neeg hnov, tab sis pom tsis tau xwb.
    Peb pom tau Tswv Ntuj me ntsis nyob hauv peb nruab siab, thiab hnov Tswv Ntuj lo lus nyob nruab siab, yeej muaj tseeb tiag.
    Peb lub cev yog Leej Ntuj Plig lub tsev nyob. Leej Ntuj Plig niaj hnub ci kaj peb lub tswv yim ib hnub me ntsis, ces tsis ntev peb yuav paub tseeb zoo li thaum Yes Xus sawv rov los.
    Nws tawm tuaj rau cov Thwj Tim pom xyeem ces lawv zeem tseeb tau Yes Xus yog tus tseeb tiag. Tos Mas tsis ntseeg, 8 hnub tom qab Yes Xus tawm tuaj rau cov Thwj Tim pom, Yesb Xus hais rau Tos Mas tias:
    Koj muab koj txhais tes los kov kuv lub qhov txhab no, koj ntsia kuv ob lub qhov ntawm kuv ob txhais tes. Tos Mas hais tias, kuv tus Huab Tais, Kuv tus Tswv Ntuj...
    Peb yuav coj raws li Pob Zeb thawj tsab ntawv nws hais, Nej tsis pom Nws,nej twb ntseeg lawm, thiab nej twb nyiam tswv Ntuj lawm,mas nej txoj hmoov zoo.
    Nej twb muaj koob meej, vim nej tau txais kev ntseeg. Peb ntseeg, peb tsis tau pom Yes Xus, peb tsis tau caw Yes Xus tuaj noj mov hauv peb tej tsev. li Cov Thwj Tim los,peb yuav lees paub tias muaj tseeb.
    Yes Xus twb tau hais ua ntej tias, nej ua zoo npaum li cas rau cov neeg me mas nej tau ua rau kuv lawm. Lo lus no yog koj lam zeem koj xwb mas koj tsis to taub.
    Koj yuav thov kom tus Leej Nplij neeg uas Yes Xus thov ntawm Leej Txiv, pab tshoj koj kom koj to taub, ces koj yuav maj mam to taub txog lo lus tseeb ntawd.
    5. Lo lus hais tias ntseeg txog Leej neeg lub cev kev sawv rov los ntawd.
    Niaj hnub chiv peb tuaj koom nrog Thaj txi Ntuj uas tus Leej Choj ua thaj cav txiaj ntsim. Cov Thwj Tim mas lawv tau saib nyob hauv thaj cav txiaj ntsim no, muaj ob yam loj:
    a. Thaj txi Ntuj uas Yes Xus tsim lub Cim Yug.
    b. Hais txog zaj ntseeg uas Leej neeg lub cev sawv rov los.
    Txhua hnub chiv muaj pab ntseeg,nrog Leej Choj koom ua thaj cav txiaj ntsim, raws li Yes Xus Tsim lub Cim Yug. Peb yuav hnov lub suab uas Leej Nplij neeg tsoj peb kom peb hnov tias Yes Xus nyob ze peb.
    Lub Cim Yug nyob hauv thaj txi Ntuj, yog thawj lub hwj huam loj uas niaj hnub tuaj roos peb. Vim Yes Xus tau hais tseg tias:
    Kuv yog cov mov muaj txoj sia nqes saum ntuj los, Yes Xus txhob txwm tsim lub Cim Yug kom Nws tau nyob ze peb.
    Nyob hauv txhua yam uas Tswv Ntuj tsim los rau neeg, mas lub Cim Yug yog Yam muaj nqes tshaj uas Tswv Ntuj tus hu ua Leej Txiv muab rau peb.
    Tab peb tsis muaj tswv yim kom to taub tas txhua yam. los peb ntseeg li tus hauv paus xav lus Paj lug hais tias,Neeg koj yog leej twg! Koj thiaj nrog Huab Tais sib cav!
    6. Nyob hauv Haiv His Xas Lais thiab cov hauv paus xa lus, lawv ntseeg tias,yuav muaj Leej neeg lub cev kev sawv rov los. Ces lawv nyiam hais zaj nkauj paj nruag 16 tias:
    Tswv Ntuj, thov koj txuag kuv, vim kuv khaub zig koj.
    Kuv tsis muaj lwm qhov chaw, dua ntawm koj. Kuv cav txog kuv tus Huab Tais txawj qhia kev xav tswv yim. Kuv cia Huab Tais nyob ntawm kuv xub ntiag tsis tseg. Vim Nws nyob ntawm kuv sab xis, ces kuv tsis qaij tsis qaug. Koj yuav tsis tso kuv pov tseg rau ntuj txias teb tsaus. Koj qhia koj txoj kev rau kuv. Nyob ntawm koj sab xis muaj kev nplij siab mus ib txhis, tsis txawj tsuag mus ib sid.
    Peb yuav tsum nco ntsoov tias Huab Tais yog tus Tswv Ntuj nyob saum ntuj thiab nyob ntiaj teb no tib si. Tsis muaj dua lwm tus tswv Ntuj.
    Tus koj yuav hwm yog Nws, thiab tus koj yuav tsob hwb, kuj yog Nws tib leeg xwb. Nyob hauv cov nkauj paj nruag muaj ntau zaj hais txog Tswv Ntuj cov lo lus tseeb.
    Uas Yog tus tseem ceeb mas muaj ntau zaj ua tim khawv txog leej neeg txoj kev sawv rov los. Cov neeg ntseeg muaj ntau pab neeg niaj hnub siv los ua cov lus nrog Tswv Ntuj sib txuas lus.
    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd September 2016, 9:59 pm



    Zaj 254- KEV SIB HLUB UA TXIV TUB THIAB NIAM TUB.

    Kev sib hlub hauv kev ua txiv tub niam tub, nyob hauv lub ntuj nqaim los ntuj dav.
    Lub ntuj dav thiab lub ntuj nqaim yog dab tsi thiab ho sib txawv li cas?
    Los lus no kuj xav nyuaj kawg thiab, yog txhais mus rau sab twg los kuj yog tib si.
    A. Nyob hauv lub ntuj nqaim, yog zoo li puag thaum ub uas xyoo 1000 ntawd los.
    B. Lub ntuj dav ces zoo li txij xyoo 2000 los mus rau tam sim no thiab yuav mus rau yav tom ntej no.
    1. Thaum ub peb tej pog tej yawg los rau tej niam tej txiv, mas lawv nyob rau lub ntuj nqaim. Yam li lawv nyob koom zej koom zos los sis nyob koom teb koom chaw. Ces lawv yog niam tub txiv tub los yog kwv tij, nkauj muam sib txheeb ze tiag.
    Koj hlub taus kuv, kuv kuj hlub taus koj noj sib ce haus sib faib tau. Ib tug tsis muaj noj los ib tug pom tau. Tas sawv daws lub siab lub ntsws nyob ua ke. Ib tug paub mob siab txog ib tug, noj pluas tsuag tsis luaj twg, hnub twg muaj pluas qab noj, ces sawv daws sib koom noj.
    2. Nyiam no peb nyob ces yog zoo li nyob rau lub ntuj dav lawm. Nyias nyob muaj nyias ntuj, nyias musj nyias teb chaws. Cov txawm nyob koom ib lub teb chaws, los ntuj dav dav li. Sawv daws nyob nrog hauj lwm, kom muaj noj muaj haus xws lub teb lub chaw.
    Ces sawv daws cov nplooj siab sib nrug lawm, ces tas txhua yam sib nrug nrog mus ua ke tas. Koj tsis hmov txog kuv, hos kuv kuj tsis hmov koj li lawm thiab.
    Peb tej kev sib hlub ua txiv tub, los tej niam tub, rau tej viv ncaus, kwv tij sib ncaim nrog ncua dej ntsuj av thiab huab cua mus lawm, koj nyob tsheej xyoo los tsis nco kuv, kuv nyob tsheej xyoo los zoo li tsis muaj koj li.
    Yus mus muab luag niam luag txiv zeem ua yus niam yus txiv, muab luag kwv luag tij zeem ua yus kwv yus tij tas. Yus cov ces zoo li tshuav tias muaj ib lub npe yog yus li lawm xwb. Tus tseeb ces yog cov koj mus zeem los lawm xwb. Nyob txij li ib xyoos mus rau kaum xyoo yus tsis tau pom lawv los yus nyob taus. Hos tus yus mus zem los mas tseg peb hnub xwb yus twb yuav nrhiav kev mus saib, yuav yam ub yam no mus peb tau noj ua ke.
    3. Kuv pom tseeb lawm txij nyiam no mus peb yuav tau ua siab loj. Peb mus saib cov ntawv ntshiab lo lus Yes Xus tau hais nyob Kas Fas Naus tias:
    Kuv niam thiab kuv cov kwv tij yog cov nrog kuv nyob ntawm no.
    Nej nyob qhov twg ze leej twg, tej tus laus tsim nyog yog niam yog txiv, tus hlob nej, cov yau nej, los phaj me dua nej lawd. Nej yuav sib zeem ua niam tub txiv tub, ua kwv ua tij, ua viv ua ncaus, los ua tub ua kiv mus, tsuav nej lub siab kaj thiab nej qab los noj mov kom nej muaj txoj sia nyob ntev dhawv xwb, ces nej siv li ntawd ces yog qhov zoo rau nej lawm.
    4. Muaj ib qho ntxiv, cov niam txiv yug ib la uas yog nej tej kwv tij thiab viv ncaus ntawd. Kom nej txhob sib yws sib txiav tias tus ua tij niam phem li ub li no los tus ua kwv niam tsis hwm tus ua tij li ub li no xwb ces zoo lawm.
    Ntshai yog lub ntuj tig lub teb tshoj los mus li ntawd lawm los tsis paub. Lub neej tej me nyuam tus yuav mus sib txis ua txij ua nkawm nrog tus dawb tus dub los tus daj tsis ua li cas li. Vim ntuj dav lawm los yog ntuj nqaim mus lawm los tsis paub. Ua li cov ua Saub lawv txawj paub yav dhau los lawd los yav tom ntej yuab tuaj no ntxiv mus,tsam lub ntuj dav lawm niam txiv yug tau nej los, nej nqaij tawv yog niam txiv li nqaij tawv. Ntsuj duab ntsuj ntsuj cev yog Mab Sua li ntsuj. Lawv lub siab ntsws zoo tsis sib xws, los yog lawv ntawv txij nkawm xub sib raug los ua ntej tiam thaum ub lawm, uas koj paub txog. Ces koj yuav txwv tsis nyog, cheem tsis tau. Koj tsuas muaj cai hais tias, pom xeeb sib yuav lawm, tsis yog yuav los ua si. Yuav tsum yauv kom tas ib faj. Ua kom raws nkaws li txhua tus niam pog thiab txiv yawg thaum lawv sib yuav, lawv yeej tsis xav kom leej twg cheem lawv li thiaj yog.
    5. Lub ntuj tshiab no peb yuav mloog thiab yoog li Tswv Ntuj lub siab dav coj, kev nyiam thiab hlub peb.
    Koj nyob thaj chaw twg ces koj zeem cov ntawd los ua koj niam koj txiv thiab koj cov kwv tij mus. Luag niam luag txiv ces yog yus niam yus txiv. Luag cuab kwv tij ua yus cuab. Yus cuab ho mus ua luag cuab. Yuav ua siab loj txog tej no thiaj tsis muaj txiab xeeb txiab nkeeg koj thiaj yuav nyob kaj siab lug. Yus txhob xav txog yus cov xwb. Lawv nyob deb deb, ib xyoo los lawv twb hlub tsis txog koj li. Lawv nco los lawv tsis pom koj. Ces lawv nyob li tsis muaj koj lawm.
    Yuav kom nej txhob tus siab heev heev thiab, tsam muaj dua ib txoj kev, uas Qaum Ntuj muab yus cuab kwv tij uas txawj txawj sib hlub faib ib leeg los ib txoj kev mam los sib ntsib nyob ntiaj teb no xwb ces thiaj sib hlub.
    Hos cov uas yog koj los kuv li kwv tij, tsam tiam thaum ub wb tau ua yeeb ncuab dua los lawm niag neeg loj yuav tso wb los ua ke koom niam koom txiv, los ua kwv tij sib hlub pauj yav ntuj pem suab uas wb tau sib ntxub dua los lawd.
    6. Hais rau sawv daws kom xav tau raug thiab paub tob me ntsis ntxiv:
    Koj tsev neeg, poj niam me nyuam thiab koj. Yog koj pheej txib li koj tsev neeg yog los ua koj tus qhev xwb. Koj hais lus tsis muaj lo lus hais los kom muag siab, tias koj hlub lawv los yog kev cob qhia,ces koj twb siv koj txoj cai tias lawv yog koj cov yeeb ncuab xwb.
    Koj hais lus tsis muaj kev hwm lawv, los ib sim neej tsis muaj kev qhuas lawv li, ces koj yeej saib tias koj tsev neeg, koj pab niam tub, los pab txiv tub ntawd yog koj ib pab yeeb ncuab li lawm.
    Nco ntsoov txog thiab tseem hloov tau kav tsij nrawm me ntsis. Koj tos thaum koj tsis nco qab lawm tsis muaj txoj pa lawm ces tsis muaj leej twg pab tau koj li.
    Vim tiam tom ntej sawv daws yuav rov tau nyob ua ib tse neeg dua, koj tsis hloov, ces yuav pom tus neev tes nyob ntawm koj tus txij nkawm los koj tus tub los tus ntxhais sab plhu siav tej kab ua ntaj teg yog koj tus neev tes. Tshai yuav tau txaj muag los tu siab mus tsis txawj tas li.
    Qib lus no kuv hais kom haum li me nyuam neeg zaj xav thiab nws lub tswv yim xwb. Txhob xav tias tseeb li ntawd lawm mog. Koj ho xav li los kuj tsis ua cas, tsuas yog kev xav ntawm koj xwb.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th September 2016, 9:01 am



    Zaj 255- TUS CAG KEV SIB HLUB.

    Hais txoj kev sib hlub rau peb fab neeg, uas yuav tsum hlub. Vim lawv nyob ua ke,ua ib pab neeg txheeb ze.
    1. KEV HLUB THEEM IB.
    Hais rau sab ob leeg nyob ua txij ua nkawd, kom ob leeg muaj kev kaj siab lug. Ua kev hom khaj,nyob hauv nkawd kev ua neej nrog kev ntseeg, kom nkawd sib to taub tias:
    Kev hlub muaj ib co ntsiab lus zoo,uas yuav tau nrhiav kom paub, muab los siv rau tus nrog koj nyob ua ke ntawd, kom muaj nuj nqes rau nws.
    Thawj yam yuav xav tias,nws yog kuv lub txhab nyiaj, los txhab qoob uas muaj nqes tshaj. Nws los kuv wb muaj nyiaj ntau txaus siv, los muaj mov ntau txaus noj. Ces wb ua neej nyob kaj siab lug, wb tsis ntshaw luag lwm tus sab nraud.
    Vim nws muaj nuj nqes koob hmoov, hwj chim,txaus nkaus rau kuv lawm. Wb muaj kev sib tso siab, yog tsis muaj kuv, los tsis muaj nws lawm, mas ib tug yuav nyob li cas.
    Kuv los nws ib tug ua neej nyob xwb,tsis muaj ib tug nrog mas tsis muaj qab hau dab tsi li. Wb yuav nco tias,tos wb ua lub neej muaj qab hau, thiab muaj nuj nqes, vim muaj nws, uas yog kuv txoj kev zoo siab, thiab hom khaj.
    Yog wb ib tug tso ib tug pov tseg lawm,mas nyob hauv wb lub ntsiab muag, ntshai yaj ntshis mus, tsis muaj dab tsi zoo rau tus nyob. Ces lub qab ntuj neeg yuav ntsia tias saib ib tug los nws zoo li cas xwb.
    Muab hais tias tas nrho, txhua yam nyob hauv kuv lub neej,yog koj li txiaj ntsim koob hmoov nkaus xwb. Kuv tsis muaj dab tsi tseem ceeb li. Yog koj lub peev xwm, thiab koj koob hmoov nrog rau kuv, mas thiaj muaj nuj nqes npaum no.
    Txawm kuv twb ua tsis ncaj rau koj, los koj tsis tu siab, koj tsis tau pauv siab rau kuv. Koj ua tus tsis paub kuv lub siab phem li. Koj tseem ua ib siab txais kuv nyob hauv koj nruab siab, txhua li sij hawm.
    Tej yam uas koj paub lawd los koj zam tas txhua yam, koj qhib qhov rooj rau kuv los tsev. Sab uas tus neeg muaj kev hlub raws li txoj kev ncaj, nws teb nyob hauv nws nruab siab tias:
    Kuv hlub koj, Kuv txoj kev ua neej nyob ntiaj teb no, yog ua rau koj xwb. Kuv txiav siab ua puas tsav yam zoo rau koj, raws li kuv ua tau.
    Kuv cov koob hmoov uas kuv nyob saum ntuj, kuv kom Tswv Ntuj muab los pub rau koj kom tas nrho. Kom koj tau ua ib lub neej kaj siab nyob luag ntxhi, nyob yaj ceeb no.
    Kom muaj lub txiaj ntsim,rau leej tib neeg nyiam thiab ntshaw. Kuv hais rau Tswv Ntuj kom muab txhua yam,uas kuv muaj coj los cog rau hauv koj.
    Kom koj muaj kev zoo siab loj rau koj tus kheej, yog lub txiaj ntsim uas kuv hlub koj. Kom nws txi tau lub txiv ua neeg siab dawb nyob hauv koj.
    Kuv muab kuv txoj kev hlub zoo tshaj ntawd, los ua lub tsho rau koj hnav. kom koj muaj kev kaj siab, thiab zoo hom khaj.
    Kuv tso lus kheev kom, koj yuav ua koj tus neeg txib rau koj. Kuv yog koj txoj kev txib uas koj tos, koj yeej meem siv los ua kev hlub kom loj hlob nyob hauv koj lub peev xwm. Kom koj tsoom txheeb ze tau nrog koj qhuas.
    Nyob hauv txhua yam uas zoo nkauj,uas koj tau ua los. Koj yeej meem tuav kom zoo thiab loj hlob raws li txoj hmoo. Yog lub peev xwm uas wb sib faib Ntuj cov txiaj ntsim.
    Ntawm kuv mas kuv zam tas txhua yam rau koj, tej koj tau ua rau kuv mob siab, los ua rau kuv tsis muaj siab ua neej ntawd, mas twb ploj tas mus lawm, tsis muaj dab tsis khuam nyob hauv kuv nruab siab li.
    Muaj ntau zaus uas koj tsis ntseeg kuv li, los kuv txhawb koj lub zog,kom rov pib dua lub neej tshiab kom zoo txuas mus. Kom koj ua lub neej nyob tawg paj paug, zoo nkauj, zoo saib rau lub ntiaj teb neeg pom.
    Thiab kom koj tau ua lub neej zoo siab hom khaj, los ua Tswv Ntuj ib tug me nyuam. Ua lub teeb ci kaj pub rau cov neeg muaj kev ntxhov siab.
    Uas lawv tsis paub kev ua neej kaj siab nrog lawv tus txij nkawm, kom muaj kev ncaj ncees, uas koj niaj hnub ntsib los ntawm cov neeg koj nrog sib paub ntawd.
    Kom Ntuj kev thaj yeeb tuaj txog lawv, ces lawv thiaj xav ua neej nyob ntiaj teb no txuas ntxiv mus. Muaj neeg xav hnov, cov lus pub kev kaj siab, kev hom khaj tawm ntawm tej tus neeg lub ncauj los, tus ntawd kom yog koj.
    Cov lus sib hlub li hais no, daws tau neeg tej teeb meem pob caus kom pluam mus tau. Kom neeg to taub zoo tias, tus uas nws hlub koj, yog thawj lub pov haum zoo tshaj cov.
    Koj txhob lam ua kom nws ploj los poob mus, tsam luag khaws tau ces luag tau koj lub tseem pov haum lawm. Ceeb ceeb laj mus nrhiav tau lub tseem li.
    Cov neeg uas lawv pluag txoj kev sib hlub,mas vim lawv tsis pom tas 5 txoj kev sib hlub zoo li no:
    1-kev pw ua ke koom vov pam. 2-kev qhuas nws tus txij nkawm nrog kev hwm. 3-Kev pab txhua yam ua hauj lwm. 4-Kev sib tham los hais lus . 5-Kev nyob ua ke.
    Lawv tsuas saib thawj yam xwb,4 yam tom qab no, lawv tsis paub txog. Ces muaj neeg siab phem nyeem tau nkawd ob lub zeem muag, Ces luag nyiag tau ib tug nplooj siab mus.
    Luag coj mus siv ua plees ua yi, ces nkawd tau lub neej lwj siab. Sib tso tsis tau los ib tug tau ua dej txiag paug siab lawm, ces lub neej lam nyob ua cav lwj sis ib xwb.
    Tsis muaj kev kaj siab nrog kev hom khaj, nyob hauv lub neej li, ua lub neej nyob nrog dab tso,dab nyxoog xwb. Ntshaw luag kev sib hlub, ua npau suav toog txog.
    Tsim los ua cas tseem nrog cav lwj sib paug pw, xav tias yog neej los yog dab xa npau suav los ned!

    2. KEV HLUB THEEM OB.
    Kev hlub rau pab pawg neeg nrog los tsoom txheeb ze sawv daws koom nyob ua ke.
    Cov ua Leej Tsob Hwb, cov Xib Hwb, cov ua thawj neeg, thiab tsoom ntseeg sawv daws tib si. Peb ntseeg thiab coj Yes Xus lub Moo Zoo tau 5 xyoos los 10 xyoo, los 30-40, xyoo lawd.
    Yes Xus lub Moo Zoo tau coj kom peb sib hlub zoo li cas?
    Peb puas paub nrog tus Leej Tswv Yim Ntshiab, uas Yes Xus thov kom Leej txiv tso tuaj nrog peb nyob ntawd, qhia qhov tseem ceeb uas yog qhov tseeb ntawd rau peb.
    Qhov tseem ceeb uas yog Tswv Ntuj txoj kev hlub tuaj nrog peb nyob loj hlob li cas rau peb thiab tsoom txheeb ze.
    Yog tus txawj hlub tsoom txheeb ze, mas nws yog tus txawj nthuav lub Moo Zoo pub rau luag hnov tau. Kev nthuav lub Moo zoo, yog tsim kev hlub kev zam rau cov txheeb ze.
    Yus yuav hwm sawv daws,mloog lawv lus, los lawv lo lus vam txog hais lo lus tseeb thiab ncaj ncees rau lawv ntawd.
    Hais lus qhib siab lug rau luag, vim sawv daws yog Ntuj tsoom tub ki tas nrho. Tswv Ntuj twb nyiam thiab hlub lawv, txij thaum Nws Leej tub Yes Xus Pleev tuaj hla hauv lub sim ceeb no los lawm.
    Raws li Pob Zeb tau hais los lawd tias,nyob thoob lub qab ntuj khwb no, tus ntseeg txog Yes Xus Pleev lub npe xwb, ces nws tau txais kev cawm kom nws tau muaj txoj sia nyob.
    Nws muaj cai nrog Ntuj cov tshiab thiab Leej Pleev nyob hauv Tswv Ntuj lub ceeb tsheej. Txhua txoj kab xwm hu ua hauj lwm, tsis hais hauj lwm dab tsi li.
    Tsuav yog ua dawb huv, nrog Leej Tswv Yim Ntshiab lub tswv yim coj xwb, ces ntxuav tau neeg tus ntsuj plig kom dawb huv tuaj lawm.
    Cov hauj lwm neeg ua dawb huv ntawd,nrog Leej Tswv Yim kev coj,mas twb tseeb li Tswv Ntuj muab neeg tig kom rov yug dua tshiab los, hloov dua niam dua txiv tshiab zwm rau tus tsis muaj keeb txhaum.
    Nyob hauv lub sim ceeb no yeej tsis muaj ib tug neeg uas nws tsis muaj txhaum li.
    Suav tas nrho cov neeg ntseeg Yes Xus, lub Moo Zoo Phiaj hlob nqes los txog pliaj yau sawv daws tib si. Txoj kev sib hlub ua kom hloov tau los ua Ntuj me nyuam, mas nws zwm rau Leej txiv thiab Leej tub nkawd,txoj kev sib hlub loj heev ntawd,ces cia li xeeb kom muaj Leej Ntuj Plig los.
    Tas cov neeg ntseeg Yes Xus lub Moo Zoo yuav yoog qhov ntawd tib yam. Peb sawv daws sib hlub nyob hauv Leej Pleev lawm, ces Leej Pleev txoj sia cia li xeeb los ua rau peb muaj txoj sia xws li Leej Pleev.
    Ces lub txiaj ntsim uas Leej Txiv,thiab Leej tub, thiab Leej Ntuj Plig lawv sib hlub nrog peb ces peb cia li tau txoj sia zoo li Leej Pleev txoj sia,nyob mus li ntawd los ua peb tug.
    Hnub Tswv Ntuj xeeb peb kom rov yug los dua tshiab ntawd, mas peb zoo sib xws, vim peb sawv daws coj tib lub npe, ua Tswv Ntuj me nyuam muaj txoj sia, sib luag zos.
    Qhov tsis zoo nyob ntawm peb, yog nyias xia nyias ntshaw ua tus loj tshaj. Nyias pheej xav rov qhuas nyias xwb, lwm tus mas peb tsis saib tias luag muaj yam zoo.
    Muab hais qhov tseeb nws xub yog thawj tus neeg muaj tus mob tsis huv ua ntej, ces nws kis rau luag. Ces sawv daws thiaj mam tsis zoo tuaj.
    Yuav kom sib kho tau, mas yog leej twg ua tus xub muaj mob thiab kis rau luag, tus ntawd yog tus kho mas thiaj zoo mus tu qab tau.
    Cov tshuaj zoo kho cov neeg muaj tus kab mob tu siab no, yog nyias thim nyias cov lus ces kawg zoo. Txhob mus kom ib tug laus neeg los ib tug ua hlob kho.
    Nws kho tsis tau, yog koj siv tus laus neeg ntawd tuaj kho,mas ob tug neeg ntawd pheej sib tos.
    Nws xav kom kuv xub hloov, kuv los kuj xav kom nws xub hloov, ces tsis muaj leej twg kam ua tus xub hloov ua ntej li, ces kho tsis tau yog qhov ntawd lawm.
    3. KEV HLUB THEEM PEB.
    Lub txiaj ntsim sib hlub nyob hauv ib pab neeg ua hauj lwm sib xws, los lawv nyob ua ke.
    Ib pab thawj neeg zoo li cov Leej Tsob Hwb, los cov Xib Hwb. Lawv tshaj Tswv Ntuj cov lus tseeb pub rau lub ntiaj teb neeg hnov los paub ntawd.
    Lawv yog zoo li cov kws tshuaj kho neeg mob. Ib tug kws tshuaj, yuav tsum yog nws tsis muaj mob, nws thiaj mus kho cov neeg mob kom zoo tau.
    Lawv kawm tiav sab kho mob los lawm,mas sawv daws yeej paub tias kev kho mob muaj sab kho kom ciaj, los kho kom tuag mus.
    Sab kho kom ciaj, zoo li muab cov tshuaj tua tus kab mob, ces tseg tus neeg mob txoj sia nyob. Hos sab kho kom tuag, muab tshuaj lom los txo neeg txoj sia kom tuag, ces tseg tus kab mob cia kis rau neeg.
    Cov kws tshuaj lawv sawv daws paub yam no zoo. Cov ua Leej Tsob Hwb, cov ua Xib Hwb lawv kho sab ntsuj plig, lawv kuj paub txog zoo li cov kws tshuaj ntawd thiab.
    Koj yog tus kws tshuaj lawm koj txhob xav tias muab tshuaj lom neeg ces tsis muaj neeg paub li. yog koj txawj lom kom tuag, ces lwm tus kuj txawj paub tias, koj ua kev phem lawm.
    Nyob hauv kev hais lus los tus yam ntxwv nthuav ntawv ntshiab,yog zoo li ntawd kiag ntag. Tus nthuav raws li Leej Tswv Yim Ntshiab qhia mas neeg to taub tias yog Yes Xus zaj lus tseeb li lawm.
    Hos tus nthuav raws li Dab Phem nyob tom kev tshuam tau qhia los xwb, los koj nthuav mus raws li sab koj nyiam ua neeg khav theeb mas yeej muaj neeg paub tias, nws thuav leej twg cov lus.
    Vim thaum nej sawv daws kawm tiav los lawd, tsis hais cov paub lus Mab nrog lus Hmoob los cov paub lus Hmoob xwb, Leej Tswv Yim yeej muab lub teeb tsom kom pom kev rau lawv tsom saib qhov tseeb yog dab tsi.
    txoj kev sib hlub nyob hauv Tswv Ntuj lub siab, mas nws yeej xav kom cov Leej Tsob Hwb,lawv sib raug zoo nrog cov Xib Hwb thiab cov ntseeg. Nej sib faib Ntuj lub txiaj ntsim nyob hauv kev sib haum xeeb los kev ua hauj lwm.
    Tus txawj hais lus ntau, los yog Leej Tswv Yim qiv lus rau nws hais kom neeg to taub zoo. Tus ncauj lus tsawg nws hais tsawg los yog kom nws txhob yuam kev mus deb xwb.
    Sawv daws yuav sib tuav tes mus ua ke.Txhob saib tias lawv yog yus cov yeeb ncuab, ces tsis hais lus,tsis fi xov rau leej twg li. cia nws nyob ua neeg twm zeej, rau luag hais nws dab plig, kom nws poob tsim mus.
    Zaj koj xav li ntawd tsis yog Tswv Ntuj zaj lus uas koj tau mus kawm los. Xyov koj mus khaws qhov twg los thiaj coj li ntawd. Tswv Ntuj zaj lus uas Nws tso Leej Ntuj Plig los pab coj sawv daws,yog kom peb ua ke sib faib Ntuj txiaj ntsim.
    Kom Leej Tswv Yim coj sawv daws mus ua ke, txhob sib ncaim. Lub Koom Txoos Ka Tau Liv cov Tswv Qhia, cov Leej Choj,cov Leej Tsob Hwb los cov xib Hwb, thiab cov ntseeg, Leej Tswv Yim hwj lawv kom nyob ua ke, sib faib Ntuj lub txiaj ntsim.
    Cov Tswv Qhia lawv sib mloog, cov Leej Choj los lawv sib yoog. Cov Leej Tsob hwb, tsis hais neeg dab tsi, lawv yeej sib mloog tas. Tsuas yog tshuav cov hu ua Hmoob no, ib leeg thiaj tsis mloog ib leeg xwb.
    Yog ua li no ces Cov Leej Tsob Hwb Hmoob lawv hais tias, lawv tsuas muaj Leej Tswv Yim Ntshiab xwb lod! Lawv tsis muaj ib cov Leej Tsob hwb, nyob ua phooj ywg kom tau sib ua luag li.
    Dhau ntawm Leej Tswv Yim ntshiab lawm, mas lawv tsuas muaj lawv tus kheej,nrog leej puav Mab sua nyob sib ua luag xwb. Cov Leej Tsob Hwb Hmoob zoo li yog ib pab yeeb ncuab xwb.
    Ua li no mas ib co yog cov txawj hais Ntuj lus,hos ib co yog cov txawj hais dab lus. koj tus leej Tsob Hwb,koj kawm ntawm lub Koom Txoos twg los?
    koj ho hais tau li ntawd. Koj yuav rov nug koj saib koj coj leej twg, txoj kev thoob tsib,los zeem ua kwv ua tij nrog leej twg tiag!
    Koj suav ib pab neeg ntseeg nyob hauv koj lub tsev teev Ntuj ua Phooj ywg xwb, lwm pab cuag li tsis muaj Yes Xus lub Moo Zoo nrog lawv nyob li.
    Peb yuav nco txog muaj ib zaug Yes Xus mus ntsib ib tug neeg mob,vim nws raug ib tug dab tsis huv. Tus neeg mob ntawd paub Yes Xus zoo. Nws hais tias, kuv paub koj zoo, Koj yog Tswv Ntuj Leej Tub. koj yuav ua dab tsi rau kuv?
    Yes Xus nug tias, koj lub npe hu ua li cas?
    Nws teb tias, kuv lub npe hu ua Npoj no. Vim peb coob kawg. Yes Xus hais tias, Koj tawm ntawm tus neeg no mus. Ces tus dab Npoj no,tawm mus nkag rau ib pab npua.
    Ces pab npua ntawd, cia li dhia mus poob dej tuag tas lawm. Tab peb txawm yog neeg muaj mob tsis huv los kom peb txhob mus siv lub npe hu ua Npoj no.
    Peb yuav siv lub npe tias, koj lub siab ntseeg cawm tau koj lawm. Koj rov mus, koj txhob ua txhaum ntxiv lawm, thiaj yog cov npe zoo. Yog cov npe uas zwm rau lub Pob Zeb,uas Yes Xus tsa los nres lub Koom Txoos.
    Peb cov Leej Tsob Hwb los Xib Hwb,peb yuav sis hlub nyob saum lub Pob Zeb ntawd, yog tus tuav Leej Pleev tus yawm sij qhib rooj ntug, uas Nws hais tias, Kuv muab Ntuj tus yawm sij rau koj.
    Dab pheb cov rooj loog yuav tsis yeej lub Pob Zeb no. Koj khi yam twg nyob ntiaj teb no,mas Ntuj saib yog khi nyob saum Ntuj. Hos Koj daws yam twg, mas Ntuj kuj saib yog daws nyob saum ntuj thiab.
    Kwv tij yeej muaj tseeb li Yes Xus hais no tiag, Peb yuav ua Ntuj tsaug. kom peb sawv daws tau nrog Leej Pleev txhim lub Koom Txoos nyob sam lub Pob Zeb ntawd kom hlob tuaj nyob ntiaj teb no.
    Peb yuav thov kom Leej Tswv Yim Ntshiab tshoj peb, kom peb txawj qog,Nws lo lus tseeb rau ntiaj teb neeg,kom sawv saws paub thiab hnov txhua tias,yog qhov tseeb.
    Yog ib tug neeg ua dab tsi nws tsis ua nyob hauv leej Tswv yim, mas nws yuav tsis pom dab tsi tseem ceeb tshwm sim los li.
    Peb yuav tau ua raws lis Yes Xus lo lus, Nws hais tias:
    Yog nej ob peb leeg nyob ua ke thov ib yam dab tsi, ntawm kuv txiv,mas kuv nyob nruab nrab hauv nej. Kuv yuav cev rau Leej Txiv.
    Tswv Ntuj tau hais dab tsi lawm,mas Nws dag tsis tau. Thaum kuv sau zaj lus no kuv nco txog nej sawv daws nyob hauv kuv nruab siab.
    Yam uas kuv txhawj txog, tsam tsis muaj neeg lawv nej qab ua nej luag mus ntxiv, ces kev txom nyem siab ntsws raws tau ces kho nej siab tsis txawj tag.
    Tsis yog kuv muaj kev tu siab rau leej twg li,kuv xav nrog nej ua phooj ywg. kom tau sib ua luag, mus dhau zoov los sib tuav tes mus dhau dej xwb.


    Sau hnub tim 20/10/2015.
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 6th October 2016, 9:09 am



    Zaj 256- LUB SIM CEEB ZOO NKAUJ.




    Leej Tib neeg pom lub Ntuj lub teb zoo nkauj, tab sis Leej Tib Neeg nws tsis txawj pom nws tus kheej zoo nkauj los zoo nraug.  Thiab muaj tsim, muaj koob meej. Ces Neeg thiaj li dag lub Ntuj lub Teb, thiab dag txhua yam.
    Txij thaum neeg pib vam meej los, mas neeg sib dag los txog lub zim txwv no:
    Neeg xub dag lub Ntuj lub Teb ua ntej, ces neeg mam li dag txhua yam nrog mus.
    Yeej muaj ib tug yog tus zoo!  Tus zoo uas yav ntuj pem suab sawv daws hu ua Qaum Ntuj no.  Tus no Nws yog tib tug xwb, tab sis neeg ntiaj teb muab Nws hu muaj ntau lub npe:
    Nws yog Qaum Ntuj, tus tsim lub ntuj lub teb. Txij thaum Tswv Ntuj qhia nws lub npe hu ua Tswv Ntuj rau Yawg Has Nplas los mas, neeg ib nrab hu ua Tswv Ntuj.
    Haiv Hmoob hu ua Qaum Ntuj  los Dab xeeb teb xeeb chaw, nyiam no cov coj kev ntseeg hu muaj ntau lub npe:
    Cov Ka Tau Liv hu ua Huab Tais Ntuj, Los Tswv Ntuj.  Lwm  cov lawv hu ua Vaj tswv los yawm Saub no. Tswv Ntuj tau qhia rau Yawg Mas Xes tias, kuv lub npe hu ua tus NYOB thiab yuav NYOB MUS LI.   Yav tom ntej mas neeg tseem yuav muab nws hu ua li cas ntxiv los tsis paub.
    Neeg xub dag Ntuj thiab dag neeg tas ces neeg yuav dag los rau saum txhua yam mus.
    Tib neeg dag rau saum kev noj kev haus.
    Tas txhua yam rau neeg noj los neeg haus puav leej yog cov zoo.
    Nyiam no neeg hais tias, noj mov npej dawb los tsis zoo, noj qe ntau los tsis zoo, noj nqaij muaj roj los tsis zoo.  Noj piam thaj qab zib los tsis zoo, noj qab ntsev los tsis zoo, noj tsuag los tsis muaj zog.
    Haus dej caw los tsis zoo,haus yeeb haus tshuaj los tsis zoo. Ua rau neeg muaj 50, 60 xyoo xwb muaj mob muaj nkeeg ntau:
    ua rau neeg muaj ntshav qab zib, los ntshav muaj roj,ua rau ntshav siab, muaj mob plawv mob raum, cov kws tshuaj kho tsis tau. Mob ua kaas xej, ua neeg tuag tes tuag taw mus.
    Kuj muaj cov hais tias yog qav nom qav tswv, tsis muaj noj yog neej npluag neeg txom nyem. thiaj tsis muaj noj, yauv noj li nom  thiaj yog neeg muaj koob meej thiab yog neeg nplua nuj.
    Cov neeg tsis muaj noj lawv lub cev kuj txawv cov muaj noj muaj haus.  lawv tsis los plhu ntsej muag tsis tshiab, thiab muaj zog tsis txaus.
    Hais qhov tseeb,Kev noj kev haus yog yam zoo, yug neeg lub cev,yeej yog qhov zoo thiab qhov tseeb. Neeg ib txwm noj haus thaum paub noj paub haus los yeej yog tsav zoo.
    Koj yuav tsum txawj noj txawj haus kom tau los pab koj lub cev. Yam twg los xij, yog koj noj nws haus nws mas yeej zoo, qhov tsis zoo yog koj xis dhau lawm ces koj cia nws noj los nws haus koj lawm,ces mam tsis zoo rau koj.
    Yam li noj ntsev, noj qab zib los roj yog yam zoo, koj cia ntsev thiab qab zib,noj koj lawm ces koj mam li ua mob ua nkeeg mus rau koj, lawm mam tsis zoo.
    Txhua yam puav leej yog,los ntawm kev paub tsis zoo los. vim tias kev tseeb kev cuav muaj sib npaug, tus hais tseeb kuj muaj, los hais cuav raws li nws kev paub tsis meej los muaj.
    Yam yuav hais tseeb,mas neeg ntseeg tsis npaum li  sab hais lus cuav. Sab hais cuav no hais raws li kev ua npau suav xav tau xwb.
    Yog tus muaj zoo tswv yim mas nws pab tau nws kom nyob laus nkoos, tus tswv yim tig rov qab lawm, ces nws xav tias,nws mas tau zoo noj tau zoo haus cuag li nom, ces nws tau txais lub txiv los raws li kev ua npau suav,yog ntseeg sab cuav.
    Ces kev puas tsuaj raws tau nws lub neej txoj sia, ces nws ho muab liam rau dab los liam rau Ntuj tias, yog Ntuj tsis  pab tsis pov hwm nws.  Nyias yuav txawj pab nyias,mas thiaj zoo mus nto ntsis.
    Cov tsis paub uas lawv ntshaw noj ntshaw haus ces lawv tau txais yam uas lawv ntshaw ntawd, tsis yog kev khaum.  Feem coob yog lawv tsis paub, vim tsis muaj kev tso siab mus raws li nws kev ntseeg. Lo lus tseeb txhua yam yeej yog lo lus lig.
    Lo lus neeg txua los phim, mas yeej muaj zog ua kom neeg ntseeg sai. Vim neeg ntshaw kev tau zoo,txoj kev tau zoo yog txoj kev yuav tau so nrog kev mob kev nkeeg, uas neeg xav tsis txog.
    Nyob hauv kev kav teb chaws,kuj tib yam li  kev noj kev haus no thiab. Txoj kev coj kom sawv daws zoo yeej muaj, tsuas yog coj nyuaj dua me ntsis, vim yuav tau sib hwm, ib leeg saib taus leeg kom muaj nqes.  
    Nyias tsa nyias ua tus zoo tshaj luag lawm, ces sawv daws ntsib yam cuav uas ua kom puas xwm, lub ntiaj nteb vam meej mus raws sab kev cuav ntau dua sab kev tseeb.
    Tus tsim tau txoj cai zoo los coj, mas kuj muaj tus tsim txoj cai phem los sib tiv kom muaj hawj lwm ntau ua kom txoj kev zoo mus qeeb dua txoj kev phem, thiav siv nyiaj ntau dua ntxiv.
    Ob hom neeg no, cov ua thawj neeg saib kev ncaj ncees ntawm neeg ntiaj teb, lawv tsis muaj zog tsis cuag li, cov ua thawj saib kev ua tub sab tub nyiag.
    Txoj kev cuav no yooj yim, cuag li kev ua yees siv uas neeg pom tawg paj txi txiv sai sai ntawd, zoo li twb tsaus ntuj lawm, nws mam mus cog dib, kaj ntug xwb dib twb txi, nws de tau puv kawm ris los noj lawm.
    Txoj kev ncaj nws xeem mus thov av los ua teb, nws mam luaj teb mam hlawv mam cog.  Yuav siv ntau lub hli mam de tau los, tab sis cov txiv xub txi twb zeeg thaum twg lawm kuj tsis pom nws chaw poob li thiab.
    Txoj kev dag coj xwv txheej los rau neeg loj heev, yog tus neeg raug dag lawm tsis ntseeg, mas nws yuav tau txais kev txom nyem.  Tus neeg raug dag lawd, mas nws tsis yeem tuag hnub no, nws xav tos li tag kis mam tuag saib puas muaj dim.
    Tus neeg ntse lub tswv yim zoo mas tsis ploj sai, tab sis sawv thiab vam meej qeeb kawg. Yuav tsum muaj neeg thoob tsib ntse sawv los txheem ob peb tiam mas pom xyeem ntawm neeg qhov muag.
    Cov neeg thoob tsib mus rau sab kev ncaj ncees lawv tiv kev txom nyem los ntawm ntau caum ntau txhiab tus leej tib neeg, kev ntxub ntxaug, ua rau NWS tsis tau nyob thaj yeeb.
    Muaj cov tso tes khiav mus ua neej nyob txawv teb chaws deb, zoo li Hmoob hu nkauj,los hais kwv txhiaj tias, koj tsis ntseeg kuv hais ces cia wb daws hlab sia, koj nyob koj, kuv yuav nrauj ncua qab hlua tsi nrog koj ua.
    Kuv yuav nrog dej ntab, koj mam nrog iav teev, koj pom koj paub koj siab mam nqig.{ Tus sau zaj lus no xav tias nws yog ib tug tau hais dua kwv txhiaj los lawm.}
    Nyob hauv txhua yam kev ntseeg kuj sib xws:
    Txoj kev ntseeg tseem ceeb,ua neeg muaj hmoo nqes saum ntuj los,mas neeg tsis ntseeg.  Tej txoj me nyuam kev ntseeg tuaj ntawm tej tus tib neeg tuaj xwb, mas neeg ntseeg npaum li yog hmoov Ntuj poob los.
    Thawm kawg yog mus xaus rau ib tug neeg txawj hais lus thuam los tiv Ntuj niam ntuj txiv xwb, xws li Hmoob txoj dab neeg, Nuj Nplaib nyiam me nkauj Nog,yog ntxhais nquag. Nkauj Nrhee niam muab quav ciab los plooj Nkauj Nog qhov muag cia.  Kom Nuj Nplaib tuaj ces Nkauj Nog tsis pom, Ua cas ho plooj tau nws Nkauj Nrhee lawm.  Ces Nuj Nplaib tuaj txog ces Nuj Nplaib tos tau Nkauj Nog mus lawm.
    Nkauj Nrhee niam xav tias, Nkauj Nrhee nrog Nuj Nplaib mus dhau toj lawm, ces seev tias, kuv me Nkauj Nrhee thiab Nuj Nplaib nkawd nce nto toj lawm lauj. Nkauj Nrhee mam teb tias, niad kuv tseem nyob nov os.
    mam mus saib no,ua cas plooj tau nws me Nkauj Nrhee qhov muag lawm. Txoj kev dag ces tsis txawv txoj dab neeg no li.  Tsawg tiam los tseem nyob qhov qub tsis tau tshais mus ib kauj ruam tom ntej li.
    Nyob hauv cov kev ntseeg zwm rau Yes Xus lub Moo Zoo,cov tsis zwm rau lub Pob Zeb uas Yes Xus hais tias: kuv tsa koj ua Pob Zeb, Kuv muab Ntuj tus yawm sij rau koj.
    Dab phem cov rooj loog yuav tsis yeej lub Pob Zeb no. Koj khi yam twg nyob ntiaj teb no,Ntuj saib yog khi nyob saum ntuj. Koj daws yam twg Ntuj kuj saib yog daws nyob saum ntuj.
    Muaj ib tug neeg nyob hauv cov ntseeg Yes Xus lub Moo Zoo, Nws hias tias, nws twb caij dav hlau mus nto plaws saum ntuj ntsuab lawm.  Nws tsis pom Tswv Ntuj nyob saud, tus Vaj Tswv uas muaj lub tuam tsev loj nyob ntiaj teb no, uas cov neeg tuaj tso nyiaj 1/10,mas thiaj yog tus tseeb.
    Lo lus hais tias leej twg tso nyiaj ntau, nyob Ntuj ceeb tsheej mas nws yuav nplua nuj loj. Muaj tseeb tus tso nyiaj nws yeej yuav nplua nuj. Hos tus sau sawv daws cov nyiaj 1/10 no, nws puas yuav nplua nuj, lo lus no tsis tau muaj neeg paub txog.
    Vim nws kom sawv daws qee 1/10 los ua nws tug.
    Kuv kuj txhais tsis tau lo lus ntawd thiab. Vim lo lus hais thiab tus yam ntxwv sib txawm deb heev.
    Qhov txawv ntawd, yog nyiaj los hloov Vaj Tswv chaw nyob lawm,thaum muaj kev sib hloov li no, ces tsis yog tus Vaj Tswv muaj txoj sia lawm. Cov tso 1/10 lawv teev tus muaj txoj sia. Tus sau 1/10 nws teev tus tsis muaj txoj sia.
    Nyob Ntuj ceeb tsheej Yes Xus hais tias,muaj ntau chav, tab sis Yes Xus tsis tau hais tias muaj txhab nyiaj txhab kub nyob saud nrog.
    Nyiaj Yes Xus tsuas hais tias,kom koj pab cov neeg pluag no xwb, nyiaj txiag tsis yog Qaum Ntuj li. Hnub lawv sau cov nyiaj se rau Xes Ntxhas.
    Yes Xus tau xyuas ib lub txiaj nyiag,Nws nug Pob Zeb tias, tus duab  Yog leej twg tus duab?
    Pob Zeb teb tias, yog Xes Ntxas tus duab.  Yes Xus hais tias, yog Xes Ntxas li muab rau Xes Ntxas. Yog neeg ntiaj teb li.
    Nyiaj txiag yog neeg ntiaj teb li,muab pub rau neeg ntiaj teb cov txom nyem siv.  Muaj ib hnub Yes Xus ntsias cov neeg tuaj tsos nyiaj, ib tug poj ntsuam nws txom nyem, nws qee ib lub xees liab los pab xwb.
    Yes Xus hais rau tsoom sid tias, tus poj ntsuam no nws yog tus pub ntau tshaj sawv daws. Cov tso txog txhiab los pua ntawd, lawv tsuas muab cov uas yog lawv cov nyiaj seem los tso.
    Sab kev ua tsov rog, kuj yog tawm los ntawm kev sib dag los, thiaj ua rau lub qab ntuj neeg muaj kev txom nyem tsaus nti ri mus thoob qab ntuj khwb no.
    Cov tuag saum ntsis ntaj ntsis phom los npaud, cov khiav sib dawm taw tuag los muaj npaud thiab. txoj kev dag no yog kev ua txhaum nkaus xwb. ua rau tej poj niam me nyuam los cov laus raug kev ploj tuag li no,mas tsis yog lawv kev ua txhaum.
    Muaj tsawg leej kawg thiaj yog nws ris nws kev khaum tuag los mus li ntawd. Yog Tswv Ntuj thiaj li luj tau saum Nws rab teev los rab tsi, kom ncaj ncees.
    Tsis tas li ntawd xwb, thaum yeej teb chaws lawm sawv daws sib cog lus rov los ua kwv ua tij nyob. Kev txhaum tsis muaj sib zam. ib co raug mus kawm, lwm cov raug ua cov txiav txim pub muaj txoj sia nyob, ib co raug kev tuag.
    Puav leej yog kev dag tsis hwm neeg, thiaj muaj tej txoj cai zoo li ntawd. Neeg koj yeej tsis pom koj kev txhaum, tus pom luag muaj kev txhaum, tsam kis rau tej tub ki tiam tom qab. Tej no tsis yog kis rau tej tub ki xwb. Yeej kis txog lub ntuj lub teb,rau tas lub qab ntuj neeg thiab tej pog tej yawg uas xub los ua neeg nyob ntiaj teb no tib si lawm thiab.
    Luag muaj tub muaj ki,xeeb leej xeeb ntxwv yog neeg dawb huv. uas saib tsis taus lwm caj ces,txhua tus neeg yeej muaj keeb zoo los ua ntej lawm.
    Yam tsis muaj kev sib haum xeeb no tsuas yog koj ib leeg thiab nws ib tug xwb tsis yog tas caj ces cuab xeem haiv neeg. Saum tus leej tib neeg, nws muaj cai txiav plaub ntug txog ib tug neeg xwb. Nws tsis muaj cai txiav txim tua cov neeg zoo nrog tus neeg phem.
    Cov neeg siab dawb lawv yeej swb cov neeg siab phem dag teb dag chaw. lawv muab lawv roj ntsha los them cov neeg siab phem cov nuj nqis dag no, ua rau av liab kiag los tseem tsis tau txaus siab li thiab.
    Zaj lus no yog sau los ua kev kawm kom txawj ua neeg thoob tsib to nrog kom paub lub sim ceeb kev zoo nkauj xwb.                
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th October 2016, 10:48 am



    Zaj 257- KEV ZOO MUAJ NUJ NQES.



    Txoj kev zoo muaj nuj nqes nyob ntiaj teb no, yog txhob ua neeg DAG.
    Muaj plaub yam tseem ceeb uas koj niaj hnub DAG:
    a. Koj yuav xub txaus siab rau koj tus kheej tso.
    b. Koj txhob dag rau lub Ntuj lub Teb.
    c. Koj txhob dag rau lub hnub lub hli.
    d. Koj txhob dag rau koj.
    1. Koj yuav zoo siab rau koj tus kheej.
    Koj tau ua tib neeg nyob rau lub qab ntuj khwb no, yog Ntuj tsim kom koj tau xeeb ua neeg. Koj zoo tshaj puas tsav yam uas Ntuj tau tsim los.
    Ntuj pub koj siv txhua yam nyob saum lub sim ceeb no cuag li koj yog tus tswv. Loj dua txhua yam Ntuj tsim los lawd.
    Yam zoo uas koj muaj nrog koj. Koj muaj ib lub cev, muaj txhij muaj txhua nyob hauv:
    Koj ob txhais taw nrog ob sab ceg,txawj coj koj mus kev, pab koj sawv ntsug pus koj lub cev yuav khoov yuav xyab kom ncaj los tau. Koj muaj qhov muag, pob ntseg pom thiab hnov lus tau. Ob txhais tes pab tau koj kov los ua txhua yam tau.
    Tsiaj txhu kab noog mloog, los hwm,ntshai koj, Muaj neeg nyiam koj pab koj, ua koj phooj ywg rau koj. Koj txawm ua neej muaj los khwv txaus noj xwb los koj yuav txaus siab rau koj tus kheej.
    Txuj ci txawm paub ntau paub tsawg,thiab lub zog muaj npaum li cas los txaus siab rau koj tus kheej. Tias koj twb yog yam zoo lawm. Lwm yam sab tsis yog neeg, tsis muaj tus yuav tshaj koj lawm. Koj nyiam koj thiab zoo siab rau koj. Txhob Dag tias, koj tsis zoo,tu siab rau koj, ces ntshaw luag tug, nyiag luag li los ua koj li.
    2. Koj txhob Dag rau lub Ntuj lub Teb.
    Vim Ntuj yog tus tsim koj kom tau xeeb los ua neeg. Lub ntiaj teb no muaj av rau koj nyob, muaj nroj tsuag xyoob ntoo, zoo noj zoo sail. Muaj nag muaj lwg, dej ntws, tsiaj txhu, rau koj ua txhiam xws noj, yug siav.
    Koj yog tus zoo tshaj txhua yam, koj yuav zoo siab txaus siab rau koj. Ces txhob DAG rau lub Ntuj lub Teb. Nyiaj txiag, los kev txawj kev ntse muaj tawg muaj ntau,los cia li txaus siab,rau txhua yam uas koj muaj ntawd.
    Koj yuav xav tias koj yog tus zoo tshaj lawm ua Ntuj tsaug xwb. txhob tu siab rau koj ces thuam lub Ntuj lub Teb. Ces DAG tas zog rau. Lub Ntuj lub Tes Nws tsis tsaug zog thiab so li koj. Txhua yam nws hlob tuaj yog hlob hmo ntuj.
    3. Koj txhob DAG rau lub Hnub lub Hli,txog caij tuaj Nws tuaj, txog caij poob Nws poob. Lub Hnub lub Hli Nws tsis tsaug zog. Koj DAG, koj ua dab tsi los Nws pom tas nrho. Koj DAG tsis tau.
    Nws suav txij thaum koj yug los, mus tas koj sim neej. Koj yug los hnub twg, tav li cas, yog Hli xiab los Hli nqig, nruab hnub los hmo ntuj. Lub caij los nag,los tshav ntuj. Nws nco tau txhua lub caij nyoog.
    Koj DAG rau leej twg yam twg los Nws pom Nws paub tib si lawm. Koj ua zoo ua phem los nws cim tau. Nws nrog koj suav caij suav nyoog nraim. Koj DAG tsis tau, Koj DAG ces yog hmoov phem lawm.
    4. Koj txhob DAG koj tus kheej.
    Kev ua neej nyob, yog koj DAG lub Ntuj lub Teb, DAG lub Hnub lub Hli, thiab DAG koj,ces hmoov tas nrho li lawm. Koj xav tias DAG neeg xwb tsis ua li cas no!
    Lo lus xaus kiag ces koj tsis tau xub DAG leej twg li, koj rov xub DAG koj nkaus xwb. Thaum koj rov DAG koj ces ntaus nqes tias, koj tsis tsim txiaj los tsis muaj qis li lawm.
    Cov zoo tshaj koj, ces koj twb DAG lawv tas tib si lawm. Koj zoo li cov kua dej luag ntxuav tes ntxhuav taw tas ntawd, muab nchuav pov tseg nws tsis huv lawm,tsam tsuas rau lwm yam,ho tsis huv tuaj lawm thiab.
    Txoj kev ua neej nyob ntiaj teb no, yeej muaj tej lub caij uas neeg tsis sib haum. Lub caij ntawd, koj yuav hlub koj tus kheej. Koj lub siab lam puv puv ces tsis xav ua zoo rau leej twg los muaj.
    Koj tsis ceev faj koj lam muab koj ntaus ib tug nqi pheej yig lam muab pub rau lwm tus. Kom tau daws koj kev tshaib nqhis. Koj noj ib pluag li ntawd tsis tsau plab mus li, haj yam ua kom koj tshaib nqhis heev tuaj, ua rau koj nyob tsis taus.
    Lub teeb meem loj,mas yog nyob rau hauv cov ua txij nkawm. Yog koj hlub koj tus kheej, mas rov los noj mov hauv tsu, noj nqaij hauv yias.
    Hais rau cov muaj txig muaj nkawm, yog txoj kev hwm kev hlub thiaj ntxuav tau tej yam ntawd,kom rov huv me ntsis tuaj. koj twb paub tias nws ua li ntawd lawm, los yog koj tsis pom ces koj txhob hais tawm los.
    Txoj kev phem tshaj plaws, mas yog koj mus qhia siab rau luag tus txij nkawm, ces koj nyiag tau luag nplooj siab. Koj cia li muab ua nkauj ua nraug, koj hais kom luag sib nrauj, ces koj yuav luag poj luag sev. los yuav luag tub luag roog. Los ua koj tug,yog kev phem thiab kev DAG, koj tus kheej loj tshaj plaws.
    Koj yeej yuav hlub tsis kawg,yog kev ua npog tsis nphau los, mas kev mob nkeeg nphau los, ces koj ua neej tsis nto ntsis, muaj kev ntxhov siab loj los ntawm, kev DAG, koj tus kheej li ntawd.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 20th October 2016, 9:43 pm



    Zaj 258- KEV KHAUM ZAJ PEB NO MUAJ OB TUG PIV TXWV.





    Zaj kev khaum no yog Zam Tooj Muas hais los:
    Yog lub zim txwv uas, Vaj Pov coj tsoom Hmoob ua tsov rog thaiv Los Tsuas teb. Thaum lub caij ntawd, muaj ib tug Los Tsuas mus ua Xib Hwb qhia ntawv nyob pem zos Hmoob.
    Nws ua Xib Hwb ces nws ib tug ntxhais kawm ntawv ntawm cia li nyiam nws. Nws tau yuav ua poj niam tsis ntev, nkawd nyuam qhuav muaj ib tug me nyuam ntxhais xwb. Lub teb chaws kub ntxhov loj zuj zus tuaj, Tus Xib Hwb Los Tsuas thiab Zam Tooj Muas nkawd cia li tau mus ua tub rog thaiv lub teb chaws lawm. Nkawd mus tau nees nkaum hnub.
    Nkawd rov los xyuas tsev, thaum nkawd los yuav txog lub zos, nkawd txawm hnov hais lus ntsuag qees los. Nkawd zam kev tom ntug kev mloog siab yog leej twg, ua cas yog ib pab Nyab Laj mus tua lawv lub zos los.
    Nkawd tua ib leeg ib zag phom rau,tuag plaub tsib leeg li. Cov Nyab Laj khiav nkaum ib leeg nkaum ib tsob ntoo lawm. Nkawd lug kev tau los.
    Lub zos cov neeg khiav tas los muaj, cov tuag pawg lug los muaj. Tus Los Tsuas ntawd nws poj niam tuag kiag lawm, tshuav nkawd tus ntxhais tseem mos mos. tsis muaj mis noj, nws mas quaj tas zog li xwb. Tus los Tsuas thov leej twg pub mis rau noj los tsis muaj neeg kam li. Nws yuav tu tsis tau tus me nyuam no kom hlob mus.
    Nws tau hais tias, Hmoob nej Leej twg kam yuav kuv tus me nyuam no, nej coj mus tu. Kuv zos nyob deb, ntshai kuv yuav pab tsis tau nws kom mus txog kuv niam kuv txiv thiab kuv cov kwv tij.
    Muaj ob tug niam txiv tseem hluas hluas, tsis tau muaj me nyuam, ces nkawd lees tu. Tus Los Tsuas tso nws tus me nyuam rau nkawd tu. Yog ib tug me nyuam ntxhais zoo nkauj thiab ntxim hlub kawg.
    Thaum nws hlob muaj 13 xyoos lawm, nws twb txawj ua zaub ua mov noj cuag ib tug laus. Ob tug niam txiv no, nkawd yug tau ib tug tub, ces nkawd cia li tsis hlub tus me nyuam no lawm.
    Noj cais hlo hnav los cais mus li tsis hlub txawm tsis hlub li, tus tsiaj tseem hlub dua lawm. Tus ntxhais no yoo tshaib yoo nqhis ntshaw noj ntshaw hnav. Ces nws tau mus nyiag Hmoob qaib los tua noj.
    Hmoob pom Hmoob ntses tau, Hmoob hais ces nkawd tsis lees paub li. nkawd tso lus rau Hmoob tias, nej yuav ua li cas rau los tau. neeg tsis muaj tsw, thiab neeg tub sab. wb tsis paub nws mus ntxiv lawm.
    Ces hmoob muab nws khi com rau ntawm ncej, nrhab tes nrhab taw, ces rauv taws txhiab tus ntxhais no lub plab thiab lub ntsej muag kub hiav nti ua kaub puab dub nciab lawm xwb. Ces tus ntxhais no tuag mus lawm.
    Ob niam txiv no nkawd tus tub tab tom muaj li 12 xyoos, lawv los nyob ib lub zos muaj muaj qav li. Qav mas quaj taug pob ntseg, me nyuam yaus mus ntaus qav xwb los tau noj li.
    Nkawd tus tub thiab ob twg phooj ywg lawv mus ntaus qav, nkawd tus tub pom ib tug qav luaj li lub khauj khaum Vaub Kib, nws tib npuag rau ua cas nkaum zog ces xyab hlo tuaj nthos nkaus nws lawm, muab nws kauv yeem mus , muab zawm kiag. Nws qw tias Nab tom kuv lawm lauj, no xwb ntsiag to lawm. Ob tug phooj ywg mus txog nab twb muab nws kauv zawm tas lawm.
    Nkawd khiav mus qhia nws niam nws txiv, lawv tuaj txog nab twb nqos lub taub hau mus txog ntawm lub duav lawm. Nkawd thov Zam Tooj, kom Zam Tooj muab nws rab phom tua tus nab ntawd, Zam Tooj tua peb phom rau nab lub cev, ces nab caws zog xwb. Hmoob ntshai ntshai nab tsis muaj leej tws kam mus rub li.
    Ob niam txiv ua ib siab mus rub ib leeg rub ib sab ceg, tus nab twb xoob zog lawm. nkawd rub tau ces me nyuam twb tsis muaj txoj sia lawm. Cuag kev khaum pom kiag tam sid ntawd rau koj saib li.
    Koj tsis hlub luag tud, ces Qaum Ntuj coj koj tud mus thiab. Nkawd ces tsuas muaj tib tug tub ntawd thiab xwb tsis muaj ntxiv li lawm.
    Cov zoo li no twb pom los hnov dua los lawm, koj yuav luag tub los ua pov haum, kom koj muaj tub, koj tsis hlub. Cov Ntuj muab rau koj los tsis muaj koob muaj hmoov li thiab. ua neej nyob los tseem tsim txiaj tsis cuag nws los liam txwv dua nws lawm thiab.
    ZAJ OB:
    kuj yog ib zaj kwv huam Hmoob ua los thiaj muaj thiab:
    Muaj ib leej txiv nws yug tau ob leeg tub xwb.Tus hlob ncauj lus tsawg me ntsis, ces leej txiv tsuas nyiam tus yau xwb, vim ncauj liab dua. Mus qhov twg los coj tus yau nrog nws mus, hlob me ntsis coj tus yau mus kawm qeej, yav thaud mas hmoob nyiam cov tub txawj qeeg, loj tiav hluas hlo coj mus kawm zaj tshoob txiv xaiv kom paub thoob plaws, nto txiv neej yawg paub tab lawm coj mus kawm khawv koob los thaiv dab.
    Hmoob muaj lo lus hais tias neeg txawj neeg zoo mas neej los nyiam, dab los nyiam nws tib si. Thaum paub tej no tas, mas leej txiv zoo siab heev.
    Muaj ib hnub tus tub no txawm ua ib zaj npau suav tias:
    Lawv muaj ib tug ntxhais mus yuav txiv, ces Hmoob tuaj thov nws mus tshuab qeej xa tshoob rau lawv no. Tsim los cas yuav luag kaj ntug xwb. Nws tham qhia leej txiv li ntawd, ces leej txiv teb tias tsis ntshai, cia kuv mam mus hu ib tug txiv neeb tuaj ua ib thaj neeb saib koj.
    Kaj ntug tav tshais dua zog, nws txawm nqa qeej mus tshuab nraum zoov. Nws txawm hnov zoo li dias tau hau me ntsis. Nws hais tias cas kuv hnov dias tau hau ne! Leej txiv hnov tsis tseeb xav tias nws hais dab tsi no xwb.
    Ib pliag tawm mus xyuas cas nws twb tuag nws thaum twg lawm. Leej txiv muab nqa los tsev hu zej zog tuaj lawv muab tu zam tas. Tso ob tug hluas kom mus thov txiv qeej rau lub zos nram hav tuaj pab ua txiv qeej.
    Ob tug hluas ntawd mus txog ua cas,lawv lub zos quaj nyiav ntshuab qeej ntaus nruas ntsuag qees thiab xwb. nkawd mus txog ua cas leej txiv tus tub tab tom tshuab qeej hauv lub ntees ntawd.
    Nkawd mus tham nrog cov kav xwm ntawm lub ntees tias: “ wb tuaj mas yog leej txiv nws tus tub tuag es wb tuaj thov txiv qeej mus tshuab qeej rau nws. Ua cas tus tshuab qeej ntawd ho yog leej txiv tus tub thiab?” Cov tub ncig lawv mus tuav nkaus tus txiv qeej ntawd, nug tias koj yog leej twg? Koj tuag lawm los koj tsis tau tuag?
    Nws hais tias kuv pw tsaug zog xwb muaj neeg coj kuv tuaj tshuab qeej ntawm no ces kuv cia li tuaj lawm. Lawv coj rov los rau leej txiv, txog pem tsev leej txiv tab tom pam ib ya kav tsawv xwb.
    Leej txiv zoo siab heev, nws muab yav kav tsawb ntawd pov tseg, ces nws muab quav nyuj los tsau nws tus tub kom dab txhob nyiam. Nws tsau tau ntau thiab ntev zog lawm.
    Ces nws tus tub cia li ua neeg ruam tsis txawj hais lus li lawm. Leej txiv tus siab nws quaj. Ces tus tub hlob hias tias:
    Txiv koj txhob quaj, tshuav kuv, kuv txawj li cas kuv mam pab koj. Peb sawv daws peb ua neej nyob peb muaj tub ki coob los peb pheej xaiv cov zoo li ncauj ncab los pab los qhuas thiab nyiam xwb. Lwm tus peb pheej xav tias niag ruam li ntawd ntshais yuav tsis muaj qab hau rau neeg siv li.
    Muaj leej puav cov tub txawj tub ntse, lawv kuj hais tias, lawv yog neeg txawj ntse lawv muaj txuj ces lawv tsis nyiam cov laus los kuj muaj. Lawv xav tias niam txiv ruam ruam nrog lawv tsam lawv poob ntsej muag los puas suab puas npe kuj muaj, ces lawv tsis kam lees thiab nyob ze niam txiv los muaj thiab.
    Thaum kawg mas niam txiv raug cov lus hais tias lawv yog neeg ruam, cia cov ruam lawv nyob lawv ua ib pab. Peb tsoom Hmoob Muaj cov coj li ntawd, thiab sawv daws yoog li ntawd ntau.
    Lub zim txwv no cov hais tias lawv txawj ntse, lawv kawm cov hauj lwm ua nyob rau tom office los tom Companies xwb. Cov neeg ntse ua hauj lwm tau rau tom office thiab tom tsev tib si mas yog cov lus tsawg me ntsis ntawd ntag.
    Txoj kev khaum no los ntawm peb cov ua niam ua txiv los. Peb liam tsis tau rau cov tub ki. Cov tub ki ntawd lawv kev ruam kev ntse muaj sib npaug ua ke neeg paub tsis txog. Yuav tau nyiam hlub qhuas ob tog tib si, sib npaug zos.
    Txhob coj li Hmoob hais, saib dej ua ntu, ces saib neeg ua plhu. Koj coj li no ces tus raum ntawd yog koj lawm. Ces koj raug khaum los ntawm koj kev ruam los.
    Tej zaj li no kuj yog peb kev kawm tib si. Hmoob li txuj ci nyob hauv kwv huam dab neeg los kuj zoo kawg li thiab.


    Yaj Zoov Ntxheb Xwb Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th October 2016, 6:41 am



    Zaj 259- KEV KHAUM ZAJ OB.


    Kev khaum zaj ob no, hais txog tej kev khaum uas twb pom dua los lawd.
    1. Yam li tej kev khaum uas nws txhob txwm ua, los sis ua saib tsis taus cov ruam, los saib tsis taus tej me nyuam ntsuag muab lawv ntaus,thiab ua saib tsis taus tej neeg tsis muaj zog.
    2. Nws ua saib tsis taus cov ntxhais ntuag,cov ntxhais,niam txiv yog neeg txom nyem,los cov ntxhais ruam. Muab lawv ua plees ua yi, tas ces tsis muaj cuab kav yuav lawv.  
    Ua rau lawv txom nyem, los muaj me nyuam tsis yuav lawv, ntshai tsam nws poob hwj chim tias, tham poj ruam los tham cov neeg tsis muaj tsim no.
    Ua rau nws poob tsim,poob noob mus rau cov neeg ruam los cov ntxhais luag tsis muaj zog ntawd. Lawv tau nws txwv feej noob ntse, noob zoo nkauj zoo nraug muaj hwj chim mus rau lawv caj ces.
    Nws caj ces tsis tsim txiaj, thiab ua neeg tsis paub tab, txom nyem mus yav tom ntej. Tej yam no twb muaj thiab pom dua ntawm qhov muag los lawm.
    3.Cov kev khaum no tawm sai kawg, nyob rau tej tub ki lub neej. Niam txiv tseem ua neej nyob,mas twb muaj lawm.  Tos nws ho tawm sai npaum no, mas cov neeg muaj zog ntawd, nws ua cov kev txhaum no tas, ces cov neeg tsis muaj zog, los cov ntxhais ntsuag thiab cov ntxhais  ruam no.
    Lawv raug neeg saib tsis taus, muaj qee leej tseem raug muab tua pov tseg. sawv daws tsis muaj leej twg pab tsa lawv txoj cai.  Ces kev khaum thiaj tawm los sai rau neeg pom.
    Raws li Qaum Ntuj kev tsim neeg mas cov ntawd,yog tib cov neeg siab siab dawb thiab ntshiab huv ntau xwb.  Raug cov muaj zog muab lawv yuam ua li ntawd.  
    Lawv lub suab quaj suav seev ntawd nce mus txog saum ntuj sai dua thiab.
    4. Cov neeg siab phem,ua kev khaum rau nws tus txij nkawm, los ib tug neeg sab nraud, tsis hais txiv neej los poj niam:
    Tau tua neeg npog nroj ntsuab, los lom kom tuag thiab nyiag tua neeg pov tseg, kom neeg tsis paub, thiab deev luag poj niam tias, yuav pab ua tim kawv txheem paub ntug kom dim mus ua dua neej tshiab. Mas ib kuag leej kev khaum tawm los sai, hos ib kuag leej kuj tawm qeeb.
    Muaj tus puav mas mus txog dab teb mas kev khaum mam tawm los. Yog cov uas nws tuag mus lawd.  Hmoob hais tias,plaub ntug pheej tsis tas,dab thiaj los tos tej kwv tij los tej tub ki mus hais plaub rau Dab Teb.  Ces tud tuag tas los tud ho tuag lawv qab mus thiab.
    Vim cov kwv tij los tej tub ki,twb paub tias nws ua tsis ncaj ncees,los lawv tsis cheem tsis pab hais, ces nws thiaj  kom dab los tos lawv mus ua nws tim khawv,hais nws cov plaub ntug ntawd.
    Lub tswv yim no, yog Hmoob xav li ntawd xwb. Hais tiag mas kev tseeb, thiab cuav tsis muaj neeg paub txog.  Vim muaj kab mob ntau hom,los muaj xwv txheej ntau tsav raug rau neeg. Nws lam ntshai, ces ntshai tau es ho tuag mus lawm.
    Ces nws ntseeg tias, yog kev khaum uas niam txiv tau ua los raug lawv. Tej no tsuas yog lus hais kom txhob ua kev txhaum,tsam muaj kev khaum, rau tej tub ki yav tom ntej.  Nyob hauv Hmoob lub neej mas zaj no Hmoob ntseeg kawg.
    Nyob rau Qaum Ntuj sab, xyov puas zoo li ntawd. Kev txhaum kev khaum, mas ntshais nyuj ua nyuj thauj, nees ua nees ris xwb. Tsis muaj kis rau lwm tus.  Zoo li tej tub ki yog cov me nyuam tsis paub txog niam txiv tej kev txhaum kev khaum ntawd.
    Yam yuav kis tau muaj, yog tus neeg pom thiab paub muaj cai cheem thiab txwv, hais kom txhob ua tej kev khaum ntawd. Nws xwb tim tsis pab los nws pab npog cia rau cov tsis muaj zog raug xwv txheej mus.
    Haiv Hmoob yog ib Haiv neeg ntseeg cov dab neeg ntawd kawg li.  Muaj ib yam tsis zoo, yog vim neeg ntseeg cov dab neeg tias, niam txiv ua txhaum ces khaum txog tej tub ki no.
    Yog qhov ntseeg ntawd ua kom cov tub ki tsis zoo, los tsis muaj peev xwm rau sab kev txawj kev ntse thiab ua neeg siab loj.  Yog koj lam ntshai ces koj raug xwv txheej, los koj cia li ntseeg tias yog lawm no xwb.  Qhov Hmoob ntseeg feem ntau yog qhov ntawd ntag.
    Ib yam li cov tsiaj, tus noj tau tshuaj kuab lom, mas tsuas tuag tus ntawd xwb. Cov tsis tau noj mas,lawv tsis raug xwv txheej. Kev ntseeg coj neeg mus rau txoj kev zoo,los txoj kev phem kuj tau,yog tus neeg nws xaiv nws, liam tsis tau tias kev ntseeg tsis zoo.
    Hauv kev ntseeg yam tseem ceeb muaj qab hau mas muaj loj kawg. Yam tsis tseem ceeb li neeg cav ncha ntws los muaj. Yuav yog koj txawj ntsuam xyuas kom meej qhov tseeb thiab qhov cuav ntawd xwb.
    Tus txawj mloog mas hnov xwb nws twb paub tias tseeb cuav muaj zoo li cas lawm.  Vim neeg sawv daws tsis thoob tsib ib yam, mas lub sim ceeb no thiaj muaj ntau pua txoj kev ntseeg, ua rau neeg tau sib cav sib ceg txog, neeg tej kev txhaum kev khaum no.
    Tej no Qaum Ntuj paub zoo, Ntuj tsis nplua leej twg, Nws zam rau neeg cia nyias xaiv nyias. Lwm hnub nyias yuav nqa nyias li kev ntseeg mus qhia Qaum Ntuj tias, Kuv twb ntseeg qhov no, los yam no ntag.
    Ib yam li cov neeg ntseeg pov haum, ib co ntseeg kaus ntxhw, hos ib co ntseeg kaus npua foob. ib co ntseeg pob zeb xob hnia, ib co lawv ntseeg khawv koob los ntawm neeg hais los. thiab ib co ntseeg cov mlom tooj mlom hlau neeg ua khawv koob rau, cov ntseeg kub twj kum los muaj.
    Cov kev khaum no los li no lawm, ib leeg dag dhau ib leeg, yog tsis muaj khaum ces tsis muaj li. Yog muaj khaum ce khaum tas pab li thiab.
    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd November 2016, 10:39 am



    Zaj 260- KEV HLUB HLOOV MUS UA KEV MOB.

    Txoj kev hlub ntawm txij nkawm, yog ib txoj kev muaj zog thiab loj heev. Dhau ntawm kev sib hlub ces txia mus ua kev mob.
    Cov kev mob uas xeeb ntawm kev hlub los:
    a->Sib hlub dhau, ua kom neeg ruam los vwm tuag.
    b->Sib hlub tsis txaus ces dhau mus hlub lwm tus, ces coj tus kab mob siab los rau neeg.
    1. Cov neeg uas sib hlub dhau lawd, ua kom lawv ruam los vwm tau tuag mus:
    Cov uas ob leeg yeej tsis muaj tswv yim li, tau sib hlub lawm,ces hlub ciaj hlub tuag,dab tsi los ua tsis tau. ib tug yuav ua los ntshai tsam ib tug muaj kev tu siab,tsis paub txiav txim siab, ib leeg tos leeg, ua tsis tau dab tsi los yuav li.
    Cov ib tug ntse, ib tug ruam me ntsis,tus ntse tos tsis taus tus ruam. Tus ruam pab tsis taus tus ntse, ntev mus muaj lus tsis sib haum,ces nyob tsis tau ua ke.
    Cov zoo li no, kheev yog cov uas muaj lus ntau,lawv muaj txoj kev hlub tiag. lawv txoj kev hlub mas lawv muab cia rau hauv txaj, muab pam vov cia xwb.
    Lawv ntseeg thiab cia siab tias,tsuav yog pw ua ke koom vov pam xwb ces yeej hlub heev lawm. Lawv tsis muaj qhov kev hlub los ntawm kev sib hwm,sib pab , thiab sib qhuas,sib hais lus,los sib khi zoj txoj kev hlub kom nyob ruaj mus tas ib sim neej.
    Txog hnub uas kev hlub ruam, thiab kev hlub ntse, ntawd khia los sib dawm taw. Kuj tsis paub tias,puas yog tus ruam zog, los tus ntse zog, yuav pauv siab.
    Ces ob leeg yuav tau txais kev mob, yog tus nrawm los tus qeeb li. Tus xub raug mob siab yog tus tsis xav pauv siab. Tus kab mob siab no yuav coj nkawd,kom mus zwm rau tus kab mob siab, mus txog qhov uas nkawd yuav vwm tuag mus.
    Zoo li mob siab dhau, ces ntshav nce taub hau, los plawv cia li nres ces tuag mus. Thiaj raug li thawj lo lus xub hais tias,kev hlub hloov los ua kev mob.
    2. Sib hlub tsis txaus.
    Sib hlub tsis txaus ces muaj ib tug yuav pauv siab, ces yog cov tsis paub kev sib hlub. Muab sib hlub heev dhau, ces hlub tsis tom thawj. Nws hloov los ua kev npau taws, los ib tug tsis to taub ib tug kev hlub.
    Muab sib hlub loj dhau, ua tsis raws li lub siab xav,los lwm tus to taub ua kev tub qaug los kev xu siab.
    Kev sib hlub nyob hauv kev ua txij nkawm, yuav tau xyuam xim,thiab paub tias, muaj nuj nqes heev. koj yuav tau muaj txhua yam no:
    Sib hlub nrog kev paub tab paub cai, koj yuav hwm koj tus txij nkawm. Yuav paub tias txiv neej yog neeg zog loj. Poj niam zog tab dua. Nco ntsoov sib pab, sib hais lus, sib qhuas, vim ib leeg nyob sov ib leeg siab.
    Nyob hauv nruab siab kev hlub tsis yog ib hom xwb. Nyob hauv kev hlub,qee leej siv kev sib hais lus, qee leej siv kev sib pab,tej tus siv kev sib qhuas los ua qhov loj, nyob hauv kev hlub.
    Qhov pw ua ke koom vov pam tsis yog kev hlub tus cag. Yam ntawd,txiv neej yog poj niam tug. Poj niam yog txiv neej li. Tsis yog tus kheej li,yuav pub rau nws.
    Yuav tsum paub tias neeg ntiaj teb, muaj neeg zoo, neeg phem nyob sis xyaws. Cov txij nkawm tsis paub kev sib hlub mas,cov neeg phem luag txawj nyeem tau neeg nruab siab, thiab txawj txhais neeg zaj xav.
    Cov ntawd yog cov yuav nyiag tau txiv neej los poj niam nplooj siab yooj yim. Luag nyeem tau lawm, ces luag siv kev hais lus, kev qhuas los kev pab los ntxias. Ces nws to taub hais tias, luag hlub nws heev, ces nws cia li swb lus thiab swb cev rau cov ntawd.
    Qhov ua neeg kheev hais lus, txawj qhuas neeg, thiab pab neeg. Yog cov hauv thawj muaj zog nyob nrog neeg tus yam ntxwv. Tus neeg paub cov no, nws ntaus phooj ywg rau txiv neej los poj niam tau sai heev.
    Cov neeg siab zoo, mas lawv muaj zog,ces lawv muaj phooj ywg pab lawv. Cov neeg siab phem lawv kuj muaj zog, lawv txawm yog cov thawj tub sab. Nyiag neeg nplooj siab mus ua si kom luag ua neeg lwj siab,los ua neeg piam cuab mus.
    Thawj lo lus chiv thiaj hais tias, kev hlub hloov tau los ua kev mob, ces yog tus mob lwj siab no ntag.
    Cov neeg sib sau los nyob ua txij ua nkawm, ua neej tsis nto ntsis,ces yog raug tus dab mob lwj siab no.
    Cov raug mus ua poj nrauj, thiab nraug fav, puav leej yog raug tus dab no. Cov neeg raug tus kab mob lwj siab no, ua rau lawv plawv nres, thiab ua neeg tuag tsis tu siav.
    Nyob hauv kev ua txij nkawm, tseem muaj kev sib txeeb noj sib txeeb huas:
    Yog sib txeeb dab tsi, thiaj hais tau li ntawd. Yam li tej niam txiv, uas nyias cia nyia nyiaj, ib leeg siv tsis tau leeg li.
    Thaum ntuj tsim teb raug los kev cai cov nyob ua txij ua nkawm lawd, mas yeej tsis muaj qhov hais los no li. Yam no yog Mab Sua, cov tsis mloog Ntuj lus thiaj tsim tej yam tsis yog kev cai no los siv.
    Tej no tsis yog kev ywj pheej los kev twj li li, yog tus cai tsis txawj ua neeg sib hlub lam txua los siv lawm xwb. Ua li no ces, txiv qee txiv nyiaj mus pub rau nws niam nkauj mog. Niam qee niam nyiaj mus pub rau tub nraug mos.
    Tab yog tseem sib hlub nyob ua ke, los ua li no ces raug kiag li Hmoob los lus tias, ua dej txiag paug siab lawm. Hnub twg muaj kev sib cov nyom los, lis sis hais tau tej lo lus tsis zoo mloog.
    Ces yeej ntaus nqes ua kev xav tsis zoo lawm,yog kev ua plees ua yi tus cag ncaim mus ua txoj kev sib hlub rau lawm tus neeg.
    Lo lus hais tias sib txeeb noj sib txeeb haus no, yog kev piam cuab lub yis yuav chiv tuaj los tom ntej no ntag. Cov neeg ua li no, lawv tuam ntaiv nce, los nqes mus rau kev siv ncaim.
    Hnub twg hnov,los hais lus tsis sib nkag kis,ces yeej ntaus nqi tau tias, tog sib faib nyiaj mas yeej npaj ua ntej lawm. Tsis zoo lam ua li ntawd lod!
    Mob ua S-rauj hlab ntsha hlwb taub hau txhaws, los tuag tes tuag taw, zaum laub,ces yog xeeb los li no, ncau ntawm kev hlub los. Tus kab mob lwj siab no, tseem heev dua kev mob raug dab ntxoog los dab tso. ua neej nyob los neeg ntxub, tuag mus los dab kuj tsis nyiam li.
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th November 2016, 10:54 am



    Zaj 261- KEEB KWM LOS NTAWM YAJ TSHUAS LWM.

    Yaj Tshuas Lwm piav txog cov cov npe NOM coj Hmoob ua ntu zus los. Yaj Tshuas Lwm ua neej nyob txog 109 xyoo.
    Lub keeb kwm no nws piav txij li xyoo 1854 los.
    Nws Hais txog cov npe nom no, lawv tsis yog Huab Tais Hmoob. Lawv tau ua Thawj coj Hmoob xwb.Lawv cov ua ntej no,tau ua tsov rog tiv thaiv Suav los Mab, kom Hmoob tau nyob thaj yeeb xwb.
    Lawv tsis tau coj tsoom Hmoob dav lis Vaj Pov,lawv coj Hmoob nyob ib lub xeev ntuj xwb. Cov xeev ntuj nyob deb tsuas tau hnov moo xwb sawv daws tsis tau pom cov nom no tes dej num.
    Tej tus lawv sawv los coj Hmoob ib vuag li ib los ob xyoos li ntawd los muaj. Cov npe no tsis nyob hauv Suav cov ntawv teev neeg npe cia. Hmoob hais ua keeb kwm muaj ntsis xws li dab neeg.
    Nyob hauv cov dab neeg mas qee leej hais, mas lawv muaj zog cuag li ib tug huab tais. Qhov yuav tseeb tiag, mas cov pom thiab paub yog cov tsawg. Cov hnov xwb lawv tau txua me ntsis los phim rau ces muaj ceem li yog Huab Tais lawm.
    Yuav qhia lawv lub npe thiab lub xeem:
    1. Zeej Xov Kim, yog Xeem Lauj.
    2. Mas Sej Xeeb,yog xeem Yaj.
    3, Yawj Tuam, Yog Xeem Lis.
    4. Tsab Tuam Txhab, yog Xeem Vaj.
    5. Nuj Qiam, yog Xeem Kwm.
    6. Nuj Loob, yog Xeem Phab.
    7. Ntsuag Mov Kum Loj, yog Xeem Vwj.
    8. Nuj Yob, yog Xeem Ham.
    9. Tub Ntsuag, yog Xeem Lauj.
    10. Maum Nyaj Lwj, yog Xeem Hauj.
    11. Tub Ntsuag Tuam Laj Kob, yog Xeem Yaj.
    12. Txhiaj meej Pem Ceeb, yog Xeem Yaj.
    13. Hawj Foob, yog Xeem Hawj.
    14. Vam Tooj, yog Xeem Lauj.
    15. Tswb Tsoj, yog Xeem Vaj.
    16. Txiaj Xab, yog Xeem Vaj.
    17. Txooj Tsab, {Hnab riam tawv plis,} Xeem Yaj.
    18. Fav Yias, yog Xeem Muas.
    19. Nkaj Maim, yog Xeem Thoj.
    20. Paj Tub Hlau,yog Xeem Lis.
    21. Khaiv Nploog, yog Xeem Muas.
    22. Paj Txhim, yog Xeem Lauj.
    23.Txhiaj Foom, yog Xeem Lis txuas los rau Tub Npis Lis Foo. Tub Ntxawg Lis Lis Foom...
    24. Npliaj Yob, yog Xeem Lauj txuas los rau Faiv Ntaj...
    25. Vaj Pov, yog Xeem Vaj, Tus coj Hmoob sawv ua neeg vam meej nce ib theem yog ncau ntawm, Tub Npis Lis Foom thiab Lwj Txheeb Vaj Pov ob tsev neeg no los.
    Lwm xeem tsis tau hais txhob xav li cas. Vim ob tsev neeg no yog ob tse neeg tau pib thiaj muaj sawv daws. Suav tau tias Hmoob Vam Meej tas tib si lawm.
    tas.

    Hmoob tseem muaj ib hom xam hnub nyoog raws li no.
    Yog ib co lus hais tas yuav tau txhais kom paub tseeb dua. Saib nws poob rau lub caij twg lawm. Lub caij twg nws yog ntuj hloov li cas lwm, yuav ua hauj lwm zoo li cas.
    1. Liaj qhiab = Yog liaj qhua.
    2. Liaj qhuam = liaj av tawg pleb.
    3. Liaj qhib = ntuj qhib tshiab.
    4. Caiv muas = caij pib hlav nplooj.
    5. Paj siab =caij hlav nplooj tawg paj.
    6. Paj tuam = tawg paj hlav nplooj teeb.
    7. Liaj qaub = dej nag nqis nyab nras.
    8. Liaj quam = caij ntuj nag.
    9. Paj ntaub = dej nag hlob.
    10. Paj ntuam = ua ntos.
    11. Caij saub = caij sau qoob.
    12. Caij suam = caij so[muas tsham teb chaws.]

    MUAJ IB HOM XAM ZIM TXWV LI NO THIAB:
    1. Muas tawb = Kev sib dag.
    2. Muas yuaj = tsis puv.
    3. Xab tawb = kev sib zeg.
    4. Xab tuaj = yuav tuaj{ yuav los.}
    5. Yawm seeb = ntxhuav tes so.
    6. Yaj lim = pw {so.}
    Cov xam zim txwv no Hmoob hom xam rau kev ua luam los tawm rooj mus tsham kwv tij neej tsa. Yog poob lub tsuam txwv twg ces muaj ntsis raws lus, uas yus tsis ntsib. Los raug luag dag tsis tseem ceeb. Muaj rau lub tsuam txwv.


    Yaj Zoov Ntxheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th November 2016, 6:17 am



    Zaj 262-HAIS TXOG KEV KHAUM.


    Kev khaum yeej muaj, nws muaj vim tus neeg ntawd txhob txwm ua. Nws tau ua dhau txoj cai lawm, nws ua yam uas saib tsis taus lub Ntuj. Vim tias txhua yam yog Ntuj tau tsim los, Yam Ntuj tau tsim los puav leej yog yam zoo xwb.
    Cov kev phem tawm los raug rau tus neeg ua phem, mas puav leej yog cov kev ua phem, uas tub qaug rau Ntuj los neeg, thiab saib tsis taus yam Ntuj tau tsim los los ntawd xwb.
    1. Zoo li nws ua yam saib tsis taus rau cov neeg tsis muaj zog,nws xwb tim ua los yuam tus neeg tsis muaj zog kom luag ntshai nws. Los ua los tsav hwj hwj chim kom luag swb nws mus.
    2. Nws ua los los txeeb yuav ntiaj teb lub cuab tam, kom muaj nyiaj txiag. Siv neeg los ua nws qhev,kom tau nyob muaj koob meej li ib tug huab tais.
    3. Nws tsis hwm neeg, yog nws ntxub leej twg lam muab luag tua pov tseg zoo li ib cov tsiaj tsiv tsaim, ntshai luag kev rob caub, tua cov tub ki los tej neeg ruam tsis paub tab mus li thiab.
    4. Nws yuam luag poj tub se ua plees ua yi, ntshai plaub ntug, los ntshai kev rob caub, lam muab tua pov tseg kom plaub ntug ploj mus. Dab quaj los neeg tsis paub.
    5. Ib tug neeg ua tej yam hais los saum cov qib lus no, mas yeej muaj kev khaum. Tsis paub tias txoj kev khaum ntawd puas poob los rau tej tub ki. Vim tias neeg tshwm sim los, txhua tus puav leej nqa ntawv ua neeg pem Ntuj los.
    Kev txhaum kev khaum, ntshais nyias ua nyias ris nyias xwb. Niam txiv txawm muaj kev khaum kev txhaum los tej tub ki sab ntsuj plig yuav ua neeg dawb huv.
    Lawv tsuas muaj cov roj ntsha me ntsis los ntawm niam txiv tus ntsuj roj ntsuj ntsha muaj keeb txhaum xwb,lawv yuav tsis muaj kev khaum nyob nrog lawv.
    Lo lus Hmoob hais kam lostias, yog niam txiv ris kev khaum ces lawv cov ntsuj pheej tshoj tej tub ki kom ua neeg zoo. txhob taug lawv tus neev taws tsam kev khaum npau los ces sawv daws tau taug tib txoj kev no xwb.
    6. Muaj tej yam kev phem los rau neeg, uas neeg paub tsis txog:
    Zoo li neeg muaj mob nkeeg mus raws huab cua, los kev noj haus,noj txhaum los noj tsis huv, kis tau kab mob siab daj, los kis mob uav mob ruas, muaj ntshav siab ntshav qab zib. Tej no tsis yog kev txhaum kev khaum, los ntawm cov keeb kwm niam txiv tau ua los.
    Tseem muaj tej yam uas tej kws tshuaj tau ua yuam kev, los lawv tsis tau paub txog. lawv hais tawm los ua rau tib neeg ntshai ces neeg tau ceeb tuag mus kuj muaj thiab.
    Tej yam zoo li no hais tau tias, yog raug xwv txheej,mob tuag xwb, tsis yog los ntawm kev txhaum kev khaum mam li tuag mus.
    Txhob ntseeg tas nrho tias, yog kev txhaum kev khaum los ntawm niam txiv pog yawg tej keeb kwm los tas huv si. Tsis muaj npaum li xav tau ntawd. Tus neeg tsis muaj kev sib hwm, mas lawv thiaj muab ntaus nqi li ntawd.
    Vim tias neeg tsis paub tab, thiab tsis muaj kev thoob tsib sib luag. Tej tus zoo neeg kuj tsis paub qab hau los muaj, hos tej tus neeg saib tsis tawm twb ho paub txog thiab.
    Neeg feem coob lawv mloog thiab hais, sab phem tawm los ntau dua sab zoo. Qhov tau ua zoo neeg tsis tshua nco qab txog. Nws ua phem ib zaug xwb muaj peev xwm muab plooj thiab npog, los vov tas nrho cov zoo, cuag li nws lub neej tsis tau ua zoo dua los li.
    Yog nco tau thiab cim tseg tau, mas qhov nws tau ua zoo twb yuav muaj li 70%. Hos yam phem tsuas muaj li 30% xwb los lub moo twb nrov muaj tias,nws mas phem heev kawg li.
    Vim tias, muaj ib feem yog hnov los ntawm lus moo cua, uas tsis pom thiab paub tseeb los. Lam ntseeg ces hais tawm los , tsis yog lus tseeb.
    Yog tias muaj tseeb li Hmoob hais kam los tias, muaj kev khaum kev txhaum poob los rau tub ki tiag. Mas cov tub ki yuav raug kev liam txwv mus tas txhua tiam li. Yuav tsis muaj tub tsim txiaj sib txuas los mus tsheej neeg ib tug li mas yog tseeb tiag.
    Cov tub ki tiam tom qab twb ho muaj tej tus ua neeg thoob tsib siab ncaj ncees coj tau zej zog teb chaws vam meej nto moo lug mus thoob ntiaj teb los muaj thiab.
    Lawv tes hauj lwm kuj raug Ntuj nyiam los raug neeg qhuas txhua tus.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st December 2016, 12:33 pm



    Zaj 263- HMOOB MUAJ PEEV XWM.






    Nyob hauv lub qab ntuj khwb no,Haiv Hmoob yog Haiv neeg nws rov hu nws ua neeg muaj peev xwm. Vim nws tsis kam txo hwj chim thiab tsis kam swb leej twg li. Lub peev xwm uas nws hu ntawd tsis zoo li Vaim kuj Haiv neeg, uas lawv hu.
    Vaim Kuj Hais neeg lawv hu mas, lawv muaj peev xwm los pab thiab hlub lawv Haiv neeg. Haiv neeg Hmoob lub peev xwm coj, ntawm nws lub hwj chim, nws kev thoob tsib, kev ua tus thawj neeg thiab kev ntse, txawv lwm vaim kuj neeg.
    Haiv neeg no,sawv daws nws saib nws los nws nyiam, ua tus loj. ua thawj neeg, ua tus ntse, kom kom tas zeej tsoom qhuas,los hwm,mas nws zoo siab heev. Hmoob ntshai tsis tshuav ib tug li uas nws tsis nyiam los ntshaw ua tus loj.
    Yus twb tau xav li ntawd thiab, yog hais li muaj, mas Hmoob tsis kam swb leej twg li. zaj tswv yim zoo li hais no,mas zoo li tsuas khav nyob hauv haiv Hmoob xwb.
    Kev hlub kev nyiam, mas ntsib xwb twb nyiam los hlub lawm. Tus neeg muaj kev txom nyem piav nws zaj los, mas yog Hmoob pab tau,mas yeej pab kiag li uas nws yog Tswv Ntuj ntag.
    Hos tus uas hais lus siab rau nws lawm, mas nws ntxub loj cuag li ntxub ib tug dab kiag li thiab. Neej thiab dab, mas yeej nyob tsis taus ua ke. Yav thaud xyov neej thiab dab ho muaj kev sib ntxub npaum li cas los lawm?
    Tus neeg uas nws nyiam, mas nws pab tsis tau los thov kom Ntuj pab tseev kom tau xwb. Thiab yog muaj chaw ntxub leej twg lawm, mas yog ua tsis tau dab tsi rau, mas hu dab kom dab tuaj tom kom tuag kiag mus li thiab. Kom txhob tau ua neej nyob rau ntiaj teb no.
    Hmoob ntxub tej Mab Sua,tsis npaum li Hmoob rov ntxub Hmoob. Zoo li nws nyiam ntxub tib cov neeg zoo li nws,thiab nyob ze nws ntau xwb.
    Tsis paub yog vim li cas, puas yog Ntuj tsim lawv los yeej zoo li ntawd. Los yog av luaj tawg pleb lawv cia li xeeb los tau zoo li ntawd lawm. Cov plaub ntug xav kom neeg raug kev txom nyem,los ua neeg liam txwv mus,los mob tuag mus, mas feem ntau yog ua rau Hmoob.
    Xub pib ua ntawm nws cov neeg txheeb ze tuaj, ces maj mam kis mus rau cov xeem neej tsa txhua pab txhua pawg li. cuag Hmoob yog ib Haiv neeg txhob txwm,tsim muaj los kom tau sib ua yeeb ncuab nkaus xwb.
    Thawj zaug uas Hmoob sib ntsib, mas sib nyiam sib hlub npaum li ib nkawm nkauj nraug xwb. Thaum sis paub dhuav lawm, tawb qhia siab tas txhua yam rau kom paub. Nyob ntev paub siab lawm ua tsis tshua haum li nws nyiam, mas ntxub tuaj, tsis nco tas nrho tej txiaj ntsim kev zoo tau ua dhau los lawd li.
    Zoo li tus txheeb ze ntawd,tseem nyob deb dua tej qhua Mab qhua Suav ua loj leeb tuaj txog. Cia li zoo li ob tug tsiaj,los ob pab tsiaj raug kab mob vwm sib tog kom tuag tas mus,tsis khuv xim li. Lub ntiaj teb no loj thiab dav npaum no, tsis txaus rau ob tug los ob pab neeg ntawd nyob.
    Ib pab mas yuav nyob saum lub yaj ceeb, hos lwm pab mas yuav tau mus nyob rau nruab yeeb uas yog dab teb. Ua tsis tau qhov ntawd lawm, mas ib tug yuav mus nyob sab hnub tuaj. lwm tus yuav mus nyob rau sab hnub poob. Kom txhob tau sib pom los sib ntsib li.
    Thaum no yeej txhais tau hais tias ib pab ces yog neej, hos lwm pab ces yog dab li lawm xwb. Lawv cov lus hais rau neeg hnov mas muaj zog cuag li, lub muas txwv tawm ntawm ntsis phom mus lawm xwb.
    Hnov xwb yeej rhiab pob ntseg lawm. tej lus xaiv ua lawv hais los lawd, mas mloog zoo li twb yog ua rog neeg tuag mus lawm tsheej nceeg li. Cuag li yog kab mob aws sib kis mus tas tsheej pheev toj, muaj zoo kwv zoo tij los zoo neej tsa twb tsis tau luag mus tsham lawv. Ntsia neeg mas tus twg los zoo li pheej xav muab yus xa mus ua neej nyob rau dab teb li lawm xwb.
    Ua ntej koj hnov mas zoo li yog ntxub tej Mab Sua xwb, mloog mus ua cas yog txhub tej neeg sib ua phooj ywg dua los lawd. ces cia kis rau yus thiab.
    Sawv daws seev zom zaus tias xav kom muaj av nyob, muaj nom muaj tswv coj. Kom xws li Masb Sua,thawm kawg tus nws ntxhub tshaj yog kiag tus uas nws xav kom tau ua tus nom loj tshaj ntawd ntag.
    Tej Mab sua mas muab av nplaum los puab ua qe av pleev tshuaj kob liab ntsuab ntxias dag tias,yog pov haum mas ntseeg kawg li. Tus Hmoob uas tau qee kiag nws cov ntshav los pab txoj sia, los tseem hu tau ua tus dab tsiv tsaim no thiab.
    Cov neeg muaj nyiaj noj zoo,hnav zoo luag qhuas me ntsis xwb, nws twb xav tias nws nce mus nto txheej ntuj siab saud lawm. Tej niam txiv ua neeg nplua nuj muaj txiag, ua thawj neeg muaj koob meej, lub suab lub npe xwb twb kav tau tej tub ki tsim txiaj mus ntau faj neeg.
    Yuav niam txiv suab npe kom luag hu,yus ua yawg hlob mus li. Txuj ci tsis muaj nws ua neeg nyob dawm luag taw xwb, los nws twb tsis paub. Nws niam nws txiv tau ua thawj neeg ib zaug xwb los kav nws mus lawm ob peb tiam neeg hu ua me Nom tub.
    Yog cov neeg tsis paub tab, thiaj nyiam lub npe no, kom mus kav laus,ces zoo siab txaus lawm. Cov neeg nyob hauv kev txom nyem, lawv niam lawv txiv tsuas khwv kom muaj mov txaus noj txwm hnub xwb, lawv tej tub ki rau siab mus kawm txuj dua.
    lawv kuj kawm tau tiav qib,tiav quas los mus nto ntsis. Hnov hais txog tej no, mas txhob muab ntaus nqi tias yog lus thuam neeg. Zoo li sawv daws tseem yog ib Haiv neeg ruam thiab nyob qis heev.
    Hmoob muaj lus hais tias lub txiv,mas yeej poob tsis deb ntawm lub hauv paus ntoo. Tej lus no lam hais kom zoo mloog ntau xwb. cov neeg tsis muaj tswv yim, mas thiaj poob ze nws lub hauv paus.
    Cov muaj zoo tswv yim, mas lawv tsis yog zoo li ntawd. Lawv zoo li cov ntoo txi txiv muaj lub paj txuas rau. Thaum lub noob qoos lawm, yog lub paj ntawd nrog cua ya mus poob deb rau lwm thaj av zoo, kom tsob ntoo ntawd haj yam zoo, thiab loj los siab dua tsob ntoo laus txi lub txiv ntawd. cov poob rau thaj av zoo, nplooj los zoo ua tshuaj kho neeg mob, txiv los zoo noj yug neeg txoj sia, tus kav los tseem zoo ua vaj ua tsev nyob thiab.
    Cov neeg ntseeg tias lawv tau txwv feej zoo,ces yog cov txiv poob ze lub hauv paus ntoo:
    Niam txiv muaj nyiaj,lawv tau ua thawj neeg, cov tub ki tau zoo muaj noj muaj hnav, tawm rooj los muaj nyiaj siv. Hlob tuaj niam txiv muaj nyiaj yuav tsheb rau caij. lawv tsis muaj kev txhob txhawj.
    Ces lawv tsis siv zog kawm txuj ci,lawv ntse tsis cuag li lawv txiv, ces lawv yog cov txiv ntoo poob ze lub hauv paus ntoo tiag, thiab lawv txwv feej zoo tiag. Yuav poj yuav sev los niam txiv them tas, khwv tsis txaus noj los niam txiv pub rau.
    Niam txiv yug tau tu hlob los, niam txiv tseem yuav yug kom laus thiab. Yog cov tau zoo thiab muaj hmoo li Hmoob hais lawm. Lawv cov tub ki lwm tiam mas tseem yuav poob ze lub hauv paus ntoo dua thiab.
    Lawv tau Looj Mem thiab Txwv Feej zoo, lawv mus nrhiav hauj lwm txog twg los tsis muaj neeg txais lawv. Lawv tau ris luag tej khawv yeej khawv yws lus cem foom tias:
    Ntxhais cev luaj niam cev, mis nrwg vias li hnab tsob taum ua yam twg los ua tsis tau. tub khoom luaj li txiv khoom dai cuag taub hau nas tsau, ua yam twg los ua tsis tau.
    Cov uas lawv ntseeg txwv Feej looj mem kab teg, lawv ua neeg nquag. Lawm siv zog khwv, rau siab kawm lawv tau ua dov tawj Los yawj, hais lus xwb nyiaj poob saum ntuj los. lawv ua txhab rau nyiaj, thiab muab tsev rau mov xwb lawv noj tsis tshaib haus tsis nqhis li.
    Cuag li lawv pom muaj ntsuag nyiaj ntsuag kub, txhawv tawm los. Lawv yog cov uas lub txiv poob deb deb ntawm lub hauv paus ntoo. Lawv txawj ya mus puv qab ntuj, tus yub twg hlob tuaj tau, tsis muaj dab tsi ntxoov ces lawv hlob mus puv roob puv hav.
    Tsuas muaj lawv laum nroj tsuag, kom hlob tsis taus xwb. Cov hluas ua neej txhob ntshai yug tub ki coob. cov yug tsawg ces lawv muaj txaus noj txaus hnav thiab muaj Nyiaj siv, lawv yuav ua cov poob ntawm hauv paus ntoo.
    Lawv yuav ntse tsis npaum li lawv niam lawv txiv. Cov yug tub ki coob lawv noj sib faib lawv ntshaw noj ntshaw hnav lawv yuav siv zog ces lawv yuav tau ua luag ntej.
    Tiam tam sim no zoo li ntawd tiag. Lawv muaj noj muaj hnav muaj nyiaj txaus siv lawv cov tus ki kawm ntawv mus tsis txog Npav Sas lawj. Cov niam txiv yug coob lawv txom nyem lawv rau siav khiav tiag, lawv tau huas ntej mus txog dov tawj los yawj tas.
    Tseem muaj lus ntau yuav hais, zaj no kuv sau los ua kev kawm kom cov tub Hmoo paub tias kev taug mus tshuav deb. thiab muaj kev mus tsis tau kawg rau cov me nyuam Hmoob paub.
    Sawv daws txhob mus vwm txog kev ntshaw ua thawj neeg sai, thiab ntseeg Looj mem txwv Feej, ces pw tos,nyiaj txiag tsis txawj khiav los thawj rau koj li.
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th December 2016, 12:18 pm



    Zaj 264- HMOOB LUB TSWV YIM THOOB TSIB LAUB LUG NQES HAV LAWM.

    Haiv neeg Hmoob muaj zoo ib lub tswv yim thoob tsib, tas nrho. Lub Tswv yim no tsis khiav nce toj li. Nws nyiam khiav nqes hav xwb.
    Thaum Hmoob sib koom xav tswv yim ua ke mas txaus txhawj thiab ntshai txog kawg li. Saib los mas Mab Sua yuav caum tsis tau li ntag. Yog ua neej mus nce toj mas yeej tseeb li lawm. Tab sis ho lem fias rov nqes hav lawm.
    Cuam twg txheej twg los thaum pib saib mas nce toj xwb, pib mus zoj xwb mas txawm siv lem fias nqes hav lawm.
    1. Hais sab kev thoob tsib ntsuam xyuas seem neeg muaj kev tu siab, kev txom nyem thiab kev quaj ntsuag mas Hmoob hnov tseeb kawg thiab mloog,los kawm tau zoo tshaj plaws li. Txhua tus yog Hmoob mas tig loo los ntsia thiab sib tw hlub nws, cuag li leej twg los yeej muaj peev xwm tshaj plaws li.
    Ntsia mas zoo li tej zaum, Hmoob tseem paub zoo dua Qaum Ntuj lawm thiab. Yog muab tej neeg txom nyem quaj ntsuag no los saib mas yog plhis tau los txua dua tshiab tau mas ntshai Hmoob twb muab txua kom yog dua tshiab tas lawm. Ib tug neeg txom nyem mas nyob tas nrho rau hauv txhua tus Hmoob nruab siab, sawv daws muab txoj kev hlub loj kawg tuaj pub los pab nws. Cuag li kev hlub mas muaj ntau kawg siv tsis tas li.
    2. Thaum pom los muaj ib tug Hmoob txom nyem quaj ntsuag li no. Mas tas tsoom Hmoob sawv daws quaj thiab nrog nws tu siab,cuag li yog Ntuj thiab neeg txhob txwm tsis hlub tus neeg ntawd.
    3. Zoo li txawj hais xwb ho tsis tawj hlub li, zoo li paub paub hais kom neeg qhuas tias, ntshai nws siab yuav zoo tshaj li mloog thiab xav tuaj nruab siab mas zoo li co Hmoob lawv puav leej yog Qaum ntuj ib pab tub ki siab dawb tas nrho los xwb.
    4. Zaum no ho hais txog li ib tug neeg uas nws twb zoo lawm, muaj kev zoo siab nrog luag ua neej mus lawm,los tseem yuav muaj kev zoo mus ntxiv. Mas hmoob ho muaj kev khib, tsis txaus siab rau tus ntawd. Cuag li yog Qaum NTuj tsim nws los ua nws tus yeeb ncuab xwb. Hais lus thiab ntsia lub ntsiab muag mas twb ntsia tsis ncaj rau tus ntawd li.
    Lub ntiaj teb dav npaum no, zoo li yog koj xub nyob lawm ces tsis txaus nws nyob, hos nws yog tus xub nyob lawm ces tsis txaus rau koj nyob li. Yog ua tsis dhau ntawm tej nom tswv lawm mas, ib leeg yuav tsum mus nyob rau ib sab ntuj!
    Nws nyob rau sab hnub tuaj lawm, mas koj yuav tau mus nyob rau sab hnub poob. Tej xov tooj qhia tsis tau rau leej twg li.
    5. Ua li mas nyob hauv Haiv Hmoob, yuav tau kawm thiab twv tiag kom tau. Nws xeeb tau los ua neeg zoo li cas tiag!
    Hmoob tsuas ntxub Hmoob xwb thiab tsis nyiam Hmoob xwb.
    Hmoob ntshaw ua plaub rau Hmoob, kom Hmoob pom tias, tus yeej los yog Hmoob hos tus swb los kom kuj yog Hmoob thiab
    6. Yog tsis muaj Hmoob lawm mas ib tug hu ua Hmoob nyob tsis taus li thiab. Hmoob sib ntxub npaum no, ua plaub ua ntug, sib thuam npau taws npaum li no. yog luag tsiv lawm mas nws nyob tsis taus vim tsis muaj Hmoob nyob lawm.
    Tab yog nws tsis tau luag mus nyob ua ke nrog cov nws ntxub los nws yuav tum mus nyob ze tsawv kom tau hnov lawv moo thiab, nws lub siab thiaj li kaj.
    7. Thaum Hmoob nco hmoob tuaj lawm mas, nws pom ib tug los ib pab zoo li Hmoob mas raws nws mus lawm tsheej ncua kev. Mloog saib puas txawj hais lus Hmoob, vim nws nco hmoob dhau lawm.
    8. Puas yog lub npe, lub tswv yim, los hom roj ntsha ntawd yeej yog yeeb ncuab los li cas ne!
    Hmoob kuj tsis tshua nyiam ua plaub rau tej Mab Sua thiab. Yuav ua rau Mab Sua mas kuj yog ua rau cov tau kawm lus Hmoob los paub Hmoob li txuj kuj mam ua thiab xwb.
    9. Hmoob kuj nyiam mus qog Hmoob tej teeb meem xaiv lus rau Mab Sua cov thawj neeg mloog kawg li thiab. Hmoob saib Mab Sua cov nom tswv ntawd zoo li lawv muaj cai ntug ntoob puag tim qab ntug los,tos ntsis hnyoo muaj xaiv lus xwb, mas twb rawm coj mus hais qog qhia Mab Sua kawg li.
    10. Saib Hmoob tus yam ntxwv mas zoo li Hmoob khaws tau Los Tsuas lo lus hais tias,koj ua neeg{ phim xoom huam,}
    Hais tias neeg muaj ob lub taub hau dab:
    a.->Thawj lub taub hau yog Qaum Ntuj lub, txawj hais, txawj hlub txawj nyiam zoo tas nrho li, ua kom neeg lub siab yuj lias qaug nrog nws kiag li. saib li nws zoo npaum li Qaum Ntuj kiag li lawm.
    b.->lub taub hau ob yog dab phem lub, ua yuam ntiag, kom nws yeej xwb, tsis saib leej twg li. Tsis suav tias tus neeg ntawd yog Qaum Ntuj ib lub txiaj ntsim li. Nws tsuas paub tias yog nws tus yeeb ncuab ces yeej npaum li cas ces zoo siab npaum li ntawd xwb.
    11. Yuav nug tias, ua li ne! Hmoob puas yog nej thov ntawv pem Ntuj yug los ua neeg kom tau sib ua yeeb ncuab rau Hmoob?
    Thiab yam nej xav ua Hmoob thiab qhov nej xav yeej ntawm ib tug Hmoob no yog dab tsis tiag?
    Saib Huab Tais Hmoob los kuj tsis txawj hlub tus Hmoob ua qhev, tus Hmoob ua qhev los kuj tsis hwm tus ua Huab Tais Hmoob thiab.
    12. Yog tias xav yug los kom tau ua Nom ua Tswv thiab ua huab Tais kom tau meej mom zoo,no ces nco ntsoov tiam tom ntej kiav koj Haiv neeg thiab koj lub xeem mus yug ua Mab Sua thiaj tau zoo ua Huab Tais thiab ua Nom Tswv loj mog.
    13. Lub Tswv Yim thoob tsib laub lug nqes hav no sau los rau peb sawv daws twv saib vim li cas pheej coj zoo li ntawd. Kuv tus kheej kuv twb xav li ntawd lawm, ua li koj ne!
    Koj ho xav li cas thiab?
    Vim koj los vim kuv, los vim tas nrho cov roj ntsha hu ua Hmoob no. Thaum twg peb mam txawj qhuas txog txhua yam zoo uas yog Hmoob paub thiab txawj ua tau los ntawd.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd December 2016, 9:07 am



    Zaj 265- COV NEEG MUAJ HMOO.


    Tus neeg muaj hmoo,yog ob tug neeg nyob ua txij ua nkawm. Uas yog cov uas Hmoob hu ua tus zoo niam tsev, los tus zoo txiv tsev no.
    Tus neeg muaj hmoo tsis yog tus tau zoo ntsej muag, los yog neeg zoo nkauj zoo nraug. Cov zoo nkauj los zoo nraug yog cov uas luag hu lawv ua, tus zoo poj niam, los zoo txiv neej no.
    Cov ntawd mas lawv raug neeg nyiam heev,luag cia li khaws nyiam los khaws hlub. Lawv lub cev ntaj ntsug ntawd, cuag li yog tus neeg muaj hmoo.
    Lawv lam nyob lam cia li raug luag nyiam, thiab cav lus zoo txog. Muaj ob txoj hmoo uas cov neeg mus khaws tau los coj:
    a. Cov hais tias tau txoj hmoo zoo.
    b. Cov uas ho tau txoj hmoov phem.
    1. Cov hais tias tau txoj hmoo zoo.
    Yog tus zoo niam tsev, los tus zoo txiv tsev. Uas nkawd txawj to taub txoj kev ua neej nyob ua ke. Nkawd paub muab nkawd txoj kev sib hwm, sib hlub, sib pab los them nkawd tej nuj nqes uas ib leeg txawj ua zoo rau ib leeg,ces nkawd yog tsev neeg uas muaj hmoo.
    Nkawd ob leeg yeej zoo tas,tab sis tus txiv neej, mas nws muaj zog thiab muaj hwj chim. Ces nws tsis nco qab ceev faj, nws muaj qhov yuam kev ntau dua tus poj niam.
    Tus txiv neej no mas nws xav ceev nws lub hwj chim,kom muaj nyob mus li,nws tau siv lo lus hnyav zog los nthe. Tab twb tsis yog lawm,los nws tsis xav kom lwm tus muaj lus cav rau nws.
    Cov zoo niam tsev no muaj ob pab, cov tsis muaj peev xwm, mas lawv paub los lawv tsis cav, pab no ua neej nyob tsaus ntuj zog.
    Hos ib pab mas lawv lub tswv yim nrawm thiab muaj peev xwm zog,lawv ntse txaus , lawv tsis ntxub,lawv xav txawb kom tus zoo txiv tsev, nyob rau qhov tseeb.
    Nws pom tus zoo txiv tsev no ua tsis yog, los nws siab kub lawm,mas nws qhia rau tam sis ntawd tias, qhov koj hais mas yuav tau hloov. Koj yuav ua li no, txhob npau taws.
    Ib tug zoo niam tsev li no, mas nws txoj sab pob ntseg hnov lus tseeb, thiab mloog tau lus meej. Yog nws hnov tus txiv tsev seev los hais tias, cas kuv nqhis tej yam zoo li ub los zoo li no ne! Tsis ntev, ces tus zoo niam tsev no, nws twb ua tau tej yam zoo li siab xav ntawd los noj lawm.
    Tus zoo niam tsev ntawd, mas nws lub tswv yim khiav raws lub ntiaj teb. Nws pom lub ntiaj teb, hnav tsoos tsho sib txawv raws lub caij ntuj sov los ntuj tsaug.
    Mas nws twb npaj tau rau nws tsev neeg hnav, txhua nrho, nws paub zoo txog tej ris tsho, phim zam los phim cev ntawd rau neeg hnav.
    Ob tug zoo niam tsev txiv tsev zoo no, mas nkawd tsev neeg , cuag li Hmoob hais tias, ua cas yuav tau zoo txwv feej los muaj zoo mem toj mem av ua luaj li.
    Lawv ua neej nyob vam meej thiab nto moo lug xwb,yam twg los twb muaj tas. Lawv tsev neeg tus hlob tus yau los nyob thaj yeeb, thiab kaj siab lug xwb.
    2. Cov uas zoo li yog tau txoj hmoov phem.
    Tsis yog txoj hmoov phem li, hu ua neeg ces yug los sawv daws yeej muaj hmoo sib xws. Cov uas luag hais tias tau txoj hmoo tsis zoo.
    Nws tsis yog los ntawm, tus niam tsev los txiv tsev uas tsis muaj hmoo los. Vim tias nyias xia nyias yog tus zoo tshaj luag lawm, nws saib nws qhov zoo nkauj , los zoo nraug ntawd loj dua luag, ces nkawd tsis muaj kev sib hlub sib hwm.
    Tus twg los xav cia luag xub hwm thiab qhuas nws ua ntej tias, koj yog tus zoo tshaj li. Ob leeg ua neej nyob ua ke, los nws twb tsis muaj kev pauj txiaj ntsim rau qhov luag tau ua zoo los pub rau nws.
    Nws nyob tos kom tus tod them nqes dawb los qhuas, thiab cav lus zoo txog nws mus li. Tus nrog nws ntawd ua tsis tau raws li lub siab ntshaw,ces nws tig mus ntsia lub ntiaj teb kev ua nkauj, ua nraug.
    Nws muab nws ntaus ua tus nqes tsim txiaj heev,rau tus nrog nws nyob. Nws ho muab nws txo nqes pheej yig rau cov sab nraud saib, ces nws qhib siab lug mus tos, tus tshiab, kom yog tus zoo tshaj.
    Tus tshiab nws tos ntawd kuj yog tib hom neeg pheej yig li nws thiab. Ces nkawd sib raug zoo sai, cov uas lawv pheej yig thiab pheej yig ntawd tau los nyob ua kev, mas haj yam yog cov nyob tsis ruaj.
    Nkawd ob leeg yog tib co seem uas luag xaiv dhau los lawd xwb. Ua neej nyob txog twg los thiaj zoo li tsis muaj hmoo. Vim nkawd tsis paub tias, kev ua neej nrog ib tug twg, los muaj nuj nqes yuav tau them.
    Koj yuav tsum paub nyob hauv nruab siab tias,tus nrog koj nyob ntawd, Nws hloov tej nom tswv qhov chaw sau se them nuj nqes.
    koj yuav txaus siab,tab nws tsis ua dab tsi los, nws nyob ntawd sov koj siab lawm, ces koj yuav tau them tus se ntawd rau nws.
    Yuav muab kev hwm, kev hlub, kev nyiam,kev qhuas, thiab kev pab, ua nws tus nqes them rau nws. Tej hais no yuav them ib sim neej kom txog hnub, tsis muaj koj los tsis muaj nws lawd mam tas.
    Txhob nyiam ua tus neeg nyob dawb,uas tsis muaj se them. Tus neeg ntshaw noj dawb nyob dawb luag sau tsis tau nyiaj se ntawm nws, mas nyob qhov twg, los luag lam zam rau nws, nyob qhov chaw seem xwb, ib sim neej yeej tsis puv siab li.
    Cov neeg zoo li no yog cov uas lawv tsis muaj hmoo, lawv hais lawv cov lus mas yog ncauj pauv ncauj, nrig pauv nrig. Ua li no mas tab yog koj tsis phem, los lub ntiaj teb yeej saib tias,koj yog neeg phem li.
    Vim koj tsis paub kev them nuj nqes rov qab rau tus tau pab koj ntawd,tas nrho cov neeg ua nkauj fa, thiab ua nraug fav, lawv txoj hmoo xeeb ntawm lo lus hais no los, vim lawv tsis tau them lawv tej nuj nqes uas lawv tshuav ntawm tus nrog lawv nyob no.
    Tsis yog nws tsis muaj hmoo,thiaj yug los tau lub neej, tsis zoo. Nws tsis paub tias txoj hmoov zoo yuav pib ntawm nws mus.
    Cov zoo li no, lawv cov lus yog hom lus uas Hmoob hais tias, ncauj pauv ncauj, nrig pauv nrig, ib leeg zam tsis tau leeg li. Nws nyeem tsis tau luag zaj xav, nws hais tau cov lus tub tub qaug neeg.
    Nws xav tau kev phem rau luag, ces ua dej txiag paug luag siab, ces luag muaj kev kho siab. Ces luag ntshaw txog kev pauv siab, mus nrhiav lub neej tshiab. Kev ua plees yi,thiaj raws tau.
    Ces txoj hmoov phem mam los qhwv lub neej, los ua txoj hmoov phem mus. Kev tsis muaj hmoo thiab kev poob koob meej yug ntawd los.
    Tsis yog nws ua neej tsis coj hmoov pem ntuj nqes los, Qaum Ntuj yeej muab koob hmoov txaus nkaus rau nws lawm. nws xav kom luag tiam nws cuag li tiam Vaj Ntxwv, nws thiaj ntsib txoj kev lwj siab li no.
    Hmoob hais tias tsis pom dej dag ces siab tsis nqig, yog li tiag. Thaum nws pom dej dag lawm, ces yog txoj kev lig, tej koob hmoov tswv yim,zaj twg los dej tshoob mus tag li lawm.
    Cov nyob ua txij nkawm tau sib hlub, xws li qaib nqhis dej ntawd xwb, mas thaum lawv laus muaj 60-70 xyoo, mas lawv mam paub txog. Ces yog kev lig, lawv tsis muaj txiaj ntsim zoo los foom rau tej tub ki. lawv lam nyob li cav lwj sis ib.
    Lawv txoj kev sib hlub, zoo li hlub tej tus moj zeej dag, uas tsis txawj hais lus, luag muab ris tsho los phim zam rau neeg zaib xwb. Tej tub ki tsis tau xeeb los nrog lo lus qab zib.
    Ces tub ki ua neeg ruam tiam dhau tiam mus. Lo lus qab zib ya nrog cua nrov li lub suab muv doom uas mloog tsis tau, xyov yog ya nrov loos los nrov les li.
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th December 2016, 9:38 am



    Zaj 266- TXOJ KEV SIB HLUB NTAWM LEEJ TIB NEEG.

    Kuv yog Hmoob ib tug phooj ywg kwv luag, Kuv ntshaw txoj kev sib hlub. Vim Ntuj tsim peb sawv daws los, koom ib leej niam los ib leej txi, thaum lub hauv paus los.
    Sab ntseeg Ntuj luag hais txog,Yawg As Das thiab Es Vas nkawd. Txij hnub nkawd hla lo lus tsis nyiam Tswv Ntuj uas nkawd ntshw ua neej loj thiab paub txhua yam li Tswv Ntuj.
    Ces nkawd nyuam qhuav yug tau ob leeg tub xwb. Kas Ees tau muaj As Npes tua lawm. Kas Ees yog thawj tus neeg uas tau tua 1/4 neeg nyob ntiaj teb no.
    Txij thaum ntawd los ces, kwv tij tua kwv tij, phooj ywg tua phooj ywg. Ib pab tua ib pawg, ib lub teb chaws tua ib lub teb chaws los txoj niaj hnub no.
    Peb thiaj pom cov Haiv neeg nyob toob fab, los rau cov nyob toob fab nrab sib ua rog, sib tua ua rau neeg tuag sis tsub sis nias li peb hnov thiab pom duab los.
    Thiab muaj sib kis rau tej tus neeg phem, neeg zoo sib tua, ib tug los ib pab nyob thoob plaws lub qab ntuj no. Lawv tau tuag tseg lawv poj tub se los tseg kwv tseg tij cia.
    Ua rau cov tseem ua neej nyob muaj kev tu siab, noj tsis qab pw tsis taug zog. Muaj neeg thoj nam khiav tsiv teb tso chaw tseg. Mus ua neeg thov khawv noj haus, puv qab ntuj khwb.
    Tsis muaj chaw nyob chaw noj, tus raug neeg nyiam los raug neeg ntxub sib puas suab npe tuab ntws los, sawv daws tau hnov no, mas txaus tu siab.
    Kuv yog nej ib tug phooj ywg me me xwb, Kuv nyiam kom peb sib hlub. Saib peb tej kev sib hlub me me no, puas ntxim rau Ntuj nyiam, kom Ntuj pab hloov lawv tej siab ntsws los sib hlub, kom neeg ntiaj teb tau nyob thaj yeeb.
    Li lub keeb Ntuj tsim ob tug niam txiv hauv paus los,kom nkawd sib hlub. Tswv Ntuj yeej xav txaus lawm, Ntuj thiaj tsis muab av los pub ib tug zuj zus.
    Tus ob yuav los ua neeg, Ntuj rho thawj tug nws ib tug txha los tsim kom sib hlub li yog ib pawg av xwb,thiab tsim neeg los kom tawm hauv ib tug los xwb.
    Kom txhob sib txawv deb deb li xyoob thiab ntoo, thiaj txawj sib hlub. Ntuj tau tsim tus txiv neej ib leeg, tsis muaj tus hlub. Ntuj yeej xav thoob tas lawm, Ntuj thiaj tsis muab ib tug txa nyob siab los nyob qis dua los tsim
    tus ob.
    Ntuj muab tus txha uas nyob nruab nrab, kom ze lub sisb lub plawv los tsim tus nws. Kom ob leeg yog ib tug ntsuj duab los ntsuj ce zoo sib xws.
    Lub keeb ob tug niam txiv no yeej muaj Ntuj kev nyiam kev hlub loj. Nkawd ib leeg noj tsis cais ib leeg li. Thaum dab phem tuaj ntxias Es Vas kom noj lub txiv uas Ntuj txwv tsis pub noj ntawd.
    Es Vas thiaj noj ib sab mus poob plab, Nws thiaj nqa sab ib los rau As Das noj mus khuab As Das dab. Ces nkawd tsim dheev los nkawd thiaj pom tias, nkawd ua neeg liab qab.
    Ces kev sib ntxub sib tua ua kev phem kev qias,kev lwj siab thiaj raws tau nkawd qab. Leej tib neeg txhua tus thiaj nthaw ua dev txaij dev kuas,sib tog tuaj mus sib tua yoog rau dab sab.
    Cov twb muaj zoo txij zoo nkawm, zoo kwv zoo tij los tseem tig rov mus ua neeg lwj siab nyiam thiab ntshaw, tsis nrauj kab. Tej kev ua phem ua qias thiaj niaj hnub los ua ywj siab taug nraim mus tsis thaub qab.
    Thiaj li ua tau tus dej txiag los paug siab, Sawv daws tej txij nkawm los kwv tij, lam ua lub neej nyob koom ua ib cuab los tus ncauj lus ces hais nrov tuaj xws li yog yeeb ncuab
    Zaj lus hais no, xav kom cov neeg uas lawv hais tias,lawv yog ib cuab paub Ntuj lus, hnov Ntuj suab,los sib hlub. Hais tseeb kiag tias yuav pib nyob hauv koj lub cuab tuaj:
    Tas ib puas tsav yam kev xeeb kom muaj tsov muaj rog nyob ntiaj teb no. Yog los ntawm peb sawv daws tus xyw, ua peb sib ntxub sib cav sib ceg, hais tej lus txog luag dab plig.
    Ces muaj sib ceg sib ntaus, dhau ntawd mas loj txaus ua tsov ua rog mus. Peb twb koom ib hom roj ntsha, noj ib hom qav yug siav hlob thiab laus.
    Zoo nkaus li Hmoob lo lus hias tias, Koj tus ntsuj plig, nrog niam txiv tus ntsuj ntsha, thiab cov ntsuj xyoob ntsuj ntoo. koom nrog ntsuj qaib ntsuj noog los ntsuj tsiag ntsuj txhu.
    Dhau ntawm tus ntsuj pli ntsuj roj ntsuj ntsha lawm, cov tom qab ntawd, yog tas txhua yam ua neeg noj los pab neeg lub cev kom loj hlob taus, kom neeg hlob tiav niam tiav txiv mus kav laus xwb.
    Koj tus ntsuj Plig thiab lub cev yog Ntuj muab,ntsuj plig los ntawm Ntuj los, ntsuj roj ntshuj ntsha los niam txiv los. puav leej yog Ntuj tsim los, mam sawv taus ua neeg.
    Txij no mus yav tom ntej, xav kom cov txij nkawm sib hlub. Cuab kev tij los sib nyiam, tsoom phooj ywg txheeb ze los sib hwm, sawv daws sib raug zoo ua ib cuab neeg nyob nrog Qaum Ntuj.
    Txoj kev hlub no loj thiab muaj zog kawg nkaws li. Tus muaj txoj kev hlub nws yog tus muaj zog. Neeg nyiam thiab mloog nws lus, hwm nws ua tus neeg zoo.
    Kev hlub coj lub txiaj ntsim muaj zog tuaj rau neeg. Tus neeg muaj kev hlub nws pw tsis tsaug zog. Vim nws nyiam pab sawv daws.
    Nws nyob txog twg, muaj kev nyiam kev hlub, nrog tswv yim txuj ci ntse puv ntoob. Cuag li lub xyoo zoo muaj nag muaj lwg los ywg roob hav nroj tsuag xyoob ntoo hlav ntsuab mus li.
    Thaum nroj tsuag xyoob ntoo tawg paj, Lub roob ntawd, vam meej:
    Ntab muv tuaj nqus zib, kab noog tuaj haus paj zib, nas noog, tsiaj txhu, tuaj noj txiv. Ua npoj ntws li txhua tsav neeg tuaj nqaum paj nqaum nruas.
    Thaum zoo li no lawm koj yog neeg muaj koob nto npe ua tus neeg muaj hmoo nyob. Tej koob hmoov koj muaj no txawm me me li lub tsig zeb xwb los sawv daws mus sis puab lawm ces luaj li lub roob, ces lub roob no yog Qaum Ntuj me nyuam puab tau, ces zoo lawm.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th January 2017, 10:09 am


    *********



    Zaj 267- CEEV FAJ HWM TXOG HAIV HMOOB LUB NPE.


    Peb Haiv Hmoob muaj lub npe zoo tias, yog ib Haiv neeg ntse nrog lub ntiaj teb sib tw ua neej. Txhua tus Hmoob,tsis hais nyob lub teb chaws twg li,Hmoob nyiam kom Hmoob yog ib tug neeg ntse thiab paub tab paub cai.
    Tau ua thawj neeg los ua Nom ua tswv, los ua tus thawj coj luag. Thiaj hais tias yuav tau ceev faj! Qhov yuav tsum ceev faj no:
    Yog yuav ceev faj kom zam dhau tej teeb meem yuav muaj los txog rau Haiv Hmoob lub npe. Tsam ho muaj teeb meem poob los rau Haiv Hmoob ces tsis tsim nyog rau Hmoob lub npe.
    Ces ntiaj teb neeg yuav hais tias, Haiv Hmoob no, lam tsab ntse xwb. Hmoob txoj kev ntse, tsis haum li ntiaj teb Mab Sua txoj! Hmoob ntse mus rau sab nkaus thiab siv tsis tau:
    1.Txoj kev ntse,mas yog kev txawj sib hwm,tsis yog kev tsab ntse ua neeg khav theeb tsis txawj hwm neeg!  Thiab saib tsis taus lwm tus thiab cov hluas:
    Zoo li cov txiv neej laus, nyiam mus deev cov me nyuam ntxhais hluas tsis tau nto nkauj.  Los cov pog laus mus tham cov tub hluas tsis tau qoo txiv neej ntawd.  Yog koj yog ib tug neeg ntse tiag, mas koj yuav hwm cov tub ntxhais hluas lawv lub cev.
    Tsis hais tus laus los tus hluas li,txhob sib dag ua kev tuam choj hla dej tas ces ua teeb meem rau, koj laus nws hluas ua neej tsis sib phim.
    Siv luag tuam choj kom tau nyiaj siv, los ua lwm yam kev txhaum. kom muaj kev mob siab tus siab, sib dag, sib tsawg, rau dab thiab neej los rau Ntuj hnov.
    Nws yog ib tug tsis tau muab nws lub siab los cog rau koj tias,yuav ua neej dawb huv li tus tsiaj uas yuav muab los ua ib co txim ntshiab huv los txi rau koj lub siab, li kev ua neeb ua yaig thiab kev hu plig ntawd.
    Sawv daws yuav tsum paub tias, kev ua nkauj feb thiab nraug fav no, yog ib txoj kev tsis zoo hlo hlo li.  Nws yuav ua rau ob tug neeg ntawd, muaj kev tu siab lwj siab. kho siab mus tas ib sim neej.
    Vim nej tau sib dag ua kev tuam choj xwb, tus roj tus neev taw cog lus tsis muaj raws li kev tseeb.
    Neb tau ua kom muaj kev txhaum rau niam txiv ob tog, los rau niam txiv poj yawm thiab Ntuj niam Ntuj txi. Tej no tsis ncaj ncees rau kev neej kev tsav ob tug tib si lawm.
    Neb txoj kev cog lus cuav no, yuav tshwm sim mus ua plaub ntug nyob rau dab teb.{ Mus txog dab teb kawg neb yuav tsum sib yuav ua neej nyob rau dab teb xwb thiaj lis muaj tas mus...}
    Yog tsi muaj kev ceev fa lub hauv paus losj:
    Mas txoj kev ua plees yi sib cog lus cuav no, txawm nyob teb chaws  twg los yeej muaj kev raug txim tau. Yog muaj neeg ua li hais no tuab ntws los mus.
    Ces yuav xeeb tau plaub ntug ntau, nrov mus paug tej nom tswv pob nteg ces yeej yuav muaj ib tug raug mus nyob tsev los faj, vim txoj kev ua neeg ntse tig rov qab mus ua li tsiaj lawm.
    Tej no tsis paub kev ua txhaum los qhov twg los li, Ob leeg muaj kev txhaum tib yam nkaus,tab sis nom Tswv txiav txim poob mus rau tus laus ntau dua.
    Yog Hmoob tsis muaj kev ceev faj, mas txoj kev phem no yuav poob los rau Haiv Hmoob tib si:
    Haiv Hmoob yog haiv neeg  uas cov Laus nyiam deev cov tub ntxhais hluas uas tsis muaj hnub nyug. Sawv daws yuav ris lub npe no rau ntiaj teb neeg paub.
    2. Txoj kev ua luam yeeb tshuaj tsis raug kev cai los tib yam thiab Hmoob nyiam ua luam yeeb los luam tshuaj luam xas cuag li cov Tuam Los Pav Loj ua.
    Cov tuam los pav Mab Sua lawv ua loj kawg nkaus, tab sis lawv siv Hmoob los ua, ces Hmoob nyiam ua li thaud tej laus ua yeeb taum  ua me xav kom tau ntau.
    Ces yam twg tsis raug kev cai los  me nyuam Hmoob mus lees ua tas nrho. ib tug ua muab npe rau lwm tus ua tus cuav, ces kis mus tas phab tas pheevtias Hmoob ua xas.
    Haiv Hmoob yuav nto moo lug mus rau sab neeg tsis dawb huv.   Kuj yog ib txoj kev txhawj xeeb rau tej tub ki yav tom ntej. Yuav muaj tej tus tsim txiaj yuav ua nthawj neeg.
    Yuav nce mus txog txheej ua HuabTais Txoov Tswv Tim los kav teb chaws. Nws kuj yuav ris lub npe tias yog hom neeg nyiam deev me nyuam tub ntxhais hluas,thiab cog yeeb tshuaj, Xas tej ntawd.
    Peb Hmoob yog ib Haiv neeg tsawg, xav kom tau lub npe tias yog ib Haiv neeg siab zoo, txawj hwm neeg txheej siab txheej qis, los txheej laus thiab txhej hluas huv si.
    Thiab muaj kev ncaj ncees rau txhua Haiv neeg nyob hauv lub Sim Ceeb no. Kom txhob muaj keeb kwm hais tsis zoo txog tej yeeb tshuaj hais saum no mus ntxiv lawm.
    Txhob muaj plaub ntug txog Haiv Hmoob thiab plaub ntug txog Mab Sua los kom txhob muaj. Thiaj tsim nyob Neeg ntiaj teb tso siab rau Hmoob.
    Tus sau tsab ntawv no nws xav kom sawv daws paub txog Ntiaj teb tej nom tswv txoj cai tswj kav.  Thiab Qaum Ntuj txoj cais dawb huv. Kom zam dhau kev sib ntxub. Txhob muaj kev xeeb ua tsov rog.
    Tas lub qab ntuj neeg tsis hais Dawb  Dub los Daj li, sawv daws koom tib co Ntsuj Roj Ntsuj Ntsav los ntawm ob tug  niam txiv,Niam Nkauj Iab thiab Txiv Nraug Oo nkawd los xwb.Txhob sib ua rog. Tsov rog muaj ob yam:
    A. Tsov rog Kub zoo li ob pab neeg sib ntxub. Hu ntiaj teb mus pab sib tua, cov no yog tsov rog kub. Ua kom ib pab nyob tsis taus nrog ua ke.  Ces yuav tau ua neeg thoj nam khiav mus kiav xeem ua Lwm Haiv neeg Mab Sua.
    B.Tsov rog txias, Zoo li tej niam txiv tsis sib haum xeeb, los kwv tij thiab neej tsa tsis sib raug zoo. Ib leeg los ib pab sib ntxub,ua plaub ua ntug.
    Siv riam siv phom sib nyas sib tua, los siv dej tshuaj sib lom kom ib tug los ib pab tsis muaj txoj sia nyob. Cov tsov rog txias no, saib mas tsis loj. Tab sis tsis muaj neeg tu tau lub plaub ntug no. Xam los mas yog Tsov rog loj tshaj. Ua ntau tiam neeg los tsis txawj tas li.
    Tus sau ntawv no xav kom peb muaj kev sib rau zoo nyob hauv lo lus hais tias.  Peb koom tib hom Ntsuj Roj Ntsuj ntshav  los ntawm neeg lub keev hauv paus los.
    Thiab peb ua ke ua Ntuj me nyuam. Peb yuav sib raug zoo thiab sib haum xeeb nyob haub Ntuj Niam Ntuj Txi lub Npe lub hwj chim koob meej mog.


    Sau nyob Sacramento. Tim26/12/2016.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 19th January 2017, 10:10 am


    Zaj 268- HAIS TXOG OB HOM TSOV ROG.

    Kev xeeb tsov rog muaj ob hom yam li: Cov tsov rog kub ntaiv, thiab cov tsov rog txias.
    1. COV TSOV ROG KUB.
    Cov Tsov Rog kub no, nws xeeb los ntawm ob tug kwv tij, los sis ob pab neeg los ob npoj neeg tsis sib raug zoo. Los yog ob pab ntawd sib txeeb tus thawj neeg lub hwj chim loj ua.
    Tus twg los pab twg kuj xav ua tus Nom loj, yuav hwj chim kav teb chaws. Los sib txeeb nyiaj txiag cuab tam kom muaj ntau.
    Thiaj ua kom muaj kev sib khib thiab sib ntxub mus txog qhov ua rog. Cov plaub ntug tsov rog loj thiab kub ntaiv niaj hnub no, feem ntau yog li ntawd.
    Ces neeg sib faib ua ob pab sib tawm tasm, ib pab mus zwm rau cov teb chaws vam meej tuaj pab. pab ob kuj ua sib xws li ntawd, ces muaj tsov rog kub ntaiv rau tej niam txiv kwv tij nyob tsis thaj yeeb.
    Thiaj muaj ntau txhiav vam leej neeg raug ua neeg thoj nam, mus nyob thoob qab ntuj khwb no. Cov raug luag nyiam kuj muaj, cov raug luag ntxhub los coob npaum thiab.
    Sawv daws nyuam qhuav sib ntsib li ib pab tsiaj txhu, tseem sib ntsuas pa tsis tau tau haum siab. Feem coob lawv tuaj nyob twb tsis tau txog ib tiam neeg, mas tseem nyuaj kawg li thiab.
    Tej laus hais tias, plhis tau lus los tseem plhis tsis tau suab,plhis tau siab los plhis tsis tau cev. Lam ua neej nyob ua ke los tsis sib xws, yam tus tsiaj uas tseem tsis tau seej los swm tshav.
    Hom tsov rog kub niaj hnub no muaj tuab ntws saum cov teb chaws nyob hauv qab kev vam meej. Nws nrov mus thoob qab ntuj khwb lawm.
    2.COV TSOV ROG TXIAS.
    Hais txog cov tsov rog txias no, mas nws xeeb los ntawm cov neeg txheb ze los:
    A. Los ntawm cov niam txiv ua txij nkawm tsis paub tab ntawd los ib feem. Thiab los ntawm kev ua phooj ywg los kwv tij los thiab.
    Sab los ntawm cov txij nkawm no los, Lawv hais tias lawv ntse thiab ua neeg thoob tsib txaus lawm. Lawv tsis kam ua tus swb leej twg li.
    Lawv twb yog neeg ruam tsis paub tab, los lawv ua neeg tsab ntse. Muab kev zoo nkauj zoo nraug los ua neeg khav theeb.
    Muab ntsej muag los tseev zam cuab phiaj tos kev ua plees yi. Nws muab nws txo nqi ua neeg pheej yig, nws ncov ntsoov yaim hmoov piam thaj.
    Kom ncauj nplaig qab zib hais lus tawg paj kom muas tau txiv neej los poj niam nplooj siab. Coj mus nthuav ua si rau nruab zoov nruab tsuag. kom luag lub neej puas.
    Cov tsov rog xeeb los ntawm kev ua txij nkawm los thiab ntaw kwv tij phooj ywg los, mas hais tiag nws tseem hnyav thiab raug mob loj dua cov tsov rog kub ntaiv tau hais los lawd.
    Cov tsov rog kub txawj pib thiab txawj xaus. xyoo puav xwb. thaum muaj yeej muaj swb los lawd,rov ua phooj ywg sib pab sib hlub dua mus.
    Cov tsov rog txias no ua rog tsis paub tas li, ob tug txij nkawm no, Tus txiv neej yees ua dab hem poj niam peb zaug los tseem tsis tau tsaus ntuj. Hos Tus poj niam kuj yees ua tsov tom tus txiv neej peb zaug hnub tsis tau poob qho thiab.
    Ob leeg sib nrug kiag ib pliag xwb rov los sib ntsib,twb raug tias, Niag tsov tom cas tseem nyob ntawd thiab lod. Dab kuj tawm plaws los hais tias, Niaj poj Dab koj heev diam lod!
    Cov tsov rog no yog tau ntxub tuaj lawm, mas ntxub mus txog thaum ntxa tuaj nroj. los tseem tsis tau ploj. Yuav tos txog hnub tsis muaj ob leeg tib si lawd mas plaub thiaj tas.
    Tos hais tias cov tsov rog txias no loj dua cov tsov rog kub, mas vim nyob ntiaj teb no tsis tus nom Txiav tau cov plaub ntug saum cov tsov rog txias no.
    Cov tsov rog no rau txhua phiaj neeg, tus pej xeem me me mus ti nkaus rau tus thawj Nom loj thiab tshaj plaws hauv lub teb chaws sawv daws puav leej muaj tib hom tsov rog sib xws.
    Muab hais los, ntshai yog tus xub tuag yog tus yeej. nws tuag nws plaub ntug tas, Tus yeej yuav tau ua tus swb, vim cov txheeb ze tseem yuav caw nws mus nyob tsev loj faj li peb hnub, peb hlis los peb xyoo. Qee zaus nws yuav mus nyob txog 30 xyoo li thiab,
    zoo li nws Swb lawm. Tsis muaj leej twg paub txiav txim rau cov txij nkawm los cov kwv tij no cov kob tsov rog txias no tau. Hu ua tus leej tib neeg.
    Yog sib ntaus, mas tus ntog mus ti av yog tus swb, tus tseem sawv ntsug yog tus yeej. hos sib tua lawm, mas tus tuag yog tus yeej, vim nws tau tuag nws qaug mus ti av lawm.
    Tus nws tseem sawv ntsug, mas nws yog tus swb mus lawm, lub txim neeg txiav, yuav poob los rau nws.


    Sau nyob Sacramento, Tiim 23/12/ 2016.
    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th March 2017, 9:53 am



    Zaj 269- QHIA TXOG NEEG LUB CEV NYOB HAUV KEV TEEV NTUJ.



    Kwv tij zoo nyiam,niaj hnub Chiv uas tsoom neeg ntseeg Ka Tau Liv nyob kaj siab lug nrog thaj txi ntuj hauv txhua lub tsev teev Ntuj. Tim li cas, peb thiaj nyob kaj lug mus rau qhov hais ntawd!
    Vim tias txij thaum xyoo 33 { Uas Huab Tais Yes Xus nce mus saum ntuj lawd} los txog niaj hnub no Tsoom neeg ntseeg tau ntseeg khov kho tias, Thaj txi Ntuj no, mas Huab Tais Yes Xus tau yeej txoj kev tuag lawm.
    Yes Xus thiaj txais peb nrog Nws koom ua Thaj Txi Ntuj ua ke. Huab Tais Yes Xus txais peb lub neej,txais peb txoj sia, peb tej hauj lwm peb tej kev zoo siab los kev tu siab, kev ntxhov siab ib puas yam tsav, los khi rau Yes Xus tus ntoo cuam.
    Ces Huab Tais muab txhua yam cev rau Nws Leej Txiv. Kom peb tsoom ntseeg tau koom siab los hawm Leej Txiv Tswv Ntuj. Thiab thov Peb Txiv nyob saum Ntuj, kom tau kev txhab zog rau peb lub siab.
    Ua li mas txhua hnub Chiv yog cov hnub uas tseem ceeb tshaj plaws rau cov neeg ntseeg. Tsim nyog peb yuav txhob nruam lub txoos Txi Ntuj.
    Lub Thaj Txi Ntuj, yog peb txoj kev nplua nuj nyob hauv Tswv Ntuj cov txiaj ntsim. Kwv Tij hnub Chiv yog ib hnub uas peb zoo siab nthuav thiab piav txog zaj tseem ceeb tias: Ntseeg txog Leej Neeg lub cev kev sawv rov los ntseeg txog muaj txoj sia nyob mus li.
    Thaum peb sib koom hais ib zaj teev Ntuj li hais zaj:
    LEEJ NTUJ PLIG KOJ LOS MAS.
    Yav dhau los, mas peb twb mloog cov nqe lus nyob hauv cov ntawv ntshiab hais txog LEEJ NEEG LUB CEV KEV SAWV ROV LOS.-NTSEEG TXOG MUAJ TXOJ SIAB NYOB MUS LI- Hnub no peb yuav rov zoo siab mloog cov zaj lus
    { HAUV NTAWV NTSHIAB} uas hais txog tib zaj ntseeg li ntawd, uas yog qhov tseeb. Peb txoj kev ntseeg niaj hnub txhab zog rau peb lub siab.
    Peb yuav tsis ntshai kev mob kev nkeeg, tsis ntshai kev ploj tuag.Hais qhov tseeb,Huab Tais Yes Xus yeej pub peb muaj kev tso siab lug,raws li Huab Tais, kom peb tau nyob hauv Huab Tais.
    Nqe lus hais tias: Peb twb paub tseeb tias, muaj ib hnub peb yuav tau pom Huab Tais Yes Xus lub hwj chim. raws li 1 Zam3:1-2 + Kos Los Xais 3:4.
    Peb twb paub tseeb tias: muaj ib hnub peb yuav tau rov pom Huab Tais lub hwj chim: Li ntawd, peb tso siab lug tias,Thaum Huab Tais Yes Xus yuav tawm tuaj rau peb pom xyeem. Mas peb yuav tau nrog Huab Tais tawm los muaj hwj chim li Huab Tais. lo lus no nyob hauv 1 Zam3:1-2+ Kos Los Xais 3:4.
    Kwv tij, phim peb yuav xav tias: Ua cas peb twb paub tseeb tias,muaj ib hnub peb yuav tau pom Huab Tais lub hwj chim!
    Peb tau paub tseeb lawm, mas qhov ntawd yog thawj hnub peb pib ntseeg ntuj thiab txais lub cim ntxuav, lub cim yug thiab lub cim txhab zog.
    Uas peb niaj hnub mus ua thaj txi Ntuj nrog Leej Ntuj Plig Ntshiab. Uas Nws tau los tshoj peb lub siab. Kom peb niaj hnub zoo siab ntseeg khov kho tias, Huab Tais Yes Xus yog Tswv Ntuj Leej Tub.
    Tus tau txais kev yeej los ntawm kev tuag thiab nce mus lawm saum ntuj. Ces nyob hauv txhua thaj txi Ntuj peb thiaj zoo sisb hais Zaj, KEV UA VAJ, KEV MUAJ HWJ HUAM, KEV NTO KOOB MEEJ, YOG KOJ TUG MUS TAS IB TXHIAB IB TXHIS.
    Zaj ntseeg uas hais tias:
    Kuv tus Huab Tais,koj tsis txawj yuam kev,Koj tsis xav kom peb yuam kev, Kuv ntseeg tas ib puas tsav yam koj qhia rau peb, Kuv ntseeg tas ib puas tsav yam lub Koom Txoos qhia rau peb.
    Peb yuav nthuav zaj lus no tias,Peb tso siab lug rau lo lus, uas Huab Tais Yes Xus yuav tawm tuaj rau peb pom xyeem. Mas peb yuav tau nrog Huab Tais tawm los, thiab muaj hwj chim zoo li Huab Tais.
    Kwv Tij peb tso siab lug rau qhov ntawd,vim nyob hauv Huab Tais cov lus hu ua ntawv ntshiab. Tswv Ntuj qhia peb tias, dhau lub caij peb ncaim ntawm lub ntiaj teb no mus,mas tsis muaj kev mus thawj thiab li Hmoob hais lawm.
    Nyob hauv tsab ntawv Hes Nplaws, zaj 9 qib27, peb nyem tau ib los lus meej tseeb tias:{ Leej tib neeg tsuas tuag ib zaug xwb} Cov neeg ntseeg peb txhob xav li Hmoob ib txwm hais los tias, yuav mus thawj thiab tau.
    Yes Xus yog Tswv Ntuj Leej Tub,tau txais kev yeej ntawm kev tuag sawv rov los. Nws nce mus lawm saum ntuj, Nws tau txais Ntuj txiaj ntsim tsa Nws ua Vaj kav tas nrho ntiaj teb lub Sim Ceeb no mus nto plaws rau txheej ntuj siab saud.
    Huab Tais Leej Txiv tau pub rau Yes Xus ua tus pov hwm tej pab neeg tsawg tsawg mus ib txhiab ib txhis kom vam meej mus thoob qab ntuj khwb.
    Vim li cas peb thiaj tso siab lug tau tias,peb tus ntsuj plig yuav tau ciaj nyob mus li. Thiab lub cev nqaij yuav tau sawv rov los muaj hwj chim nyob pem Tswv Ntuj lub Ceeb tsheej nrog Yes Xus.
    Yog vim Huab Tais Yes Xus tau cog lus ruaj khov txog qhov ntawd. Ua li mas thov kom peb khaws tej lus tseeb uas Yes Xus tau hais rau nws cov thwj tim tseg. Kom Yes Xus lub Moo Zoo nto moo mus li tsis tu ncua mus txog txhiab niag tim puas xyoo. Ua li.
    Thiab kom muaj raws li Yes Xus lo lus tias: Tus xav kuv tuaj Nws lub siab xav, kom kuv tsis txhob ua ib yam ploj mus li. Thiab hnub kawg kom kuv tau tsa yam ntawd sawv rov los.
    Thiab tsis muaj leej twg tuaj cuag kuv tau,yog Leej Txiv tus uas xa kuv tuaj tsis rub nws los. Hos kuv mas hnub kawg kuv yuav tsa nws sawv rov qab los. Qib lus no nyob hauv Zam 6:40-44.
    Kwv tij, Cov lus uas peb niaj hnub hnov yeej muaj cov lus uas Huab Tais Yes Xus tau hais ib ob zaug tias: Hnub kawg kuv tuav tsa nej sawv rov los.
    Ua li mas peb tso siab lug tias, Huab Tais Yes Xus yeej hais qhov tseeb tiag, Thiab nws yeej khuv leej neeg tas nrho, Nws yeej yuav ua hwj huam tsa sawv daws sawv rov los, raws li Nws cov qub lus tiag.
    Nyob hauv cov ntawv cog lus tshiab muaj ntau qib lus zoo txhib peb lub siab, ntseeg txog Leej neeg lub cev yuav sawv rov los. Thiab yuav muaj txoj sia nyob mus li.
    Mas tsim nyog peb yuav kawm tej qib lus tseem ceeb no tseg, nyob hauv peb nruab siab. Xws li tej nqe lus nyob hauv tsab ntawv uas Paj Lug sau tuaj rau tej pab neeg tsawg tsawg nyob hauv lub nroog Fis Lis Pos tias:
    Ntawm peb mas peb lub tsheej nyob saum ntuj, vim peb tos Huab Tais Yes Xus Pleev yuav los cawm peb. Huab Tais yuav muab peb lub cev txom nyem no hloov los ua ib lub cev muaj hwj chim xws li Huab Tais lub.
    Yes Xus yuav ua li ntawd tau,vim Nws muaj hwj huam tswj tas txhua yam. Raws li tsab ntawv nyob hauv Fis Lis Pos. Zaj 3:20=21.
    Nyob hauv,1 Zam zaj 4:17 kuj hais zoo tib yam thiab.Peb yuav nyiam hais zaj tso siab tias:
    Kuv tus Huab Tais,Koj cog lus hais tias, koj yuav pub Ntuj txiaj ntsim rau peb tseem nyob ntiaj teb no. Thiab koj yuav pub peb tau nyob zoo mus li nyob saum ntuj. Kuv tso siab hais tias, koj yuav nco ntsoov txog koj lo lus,thiab koj yuav ua raws li koj lo lus.
    Kwv tij, peb nco ntsoov tias,tus tib neeg twg uas nws ntseeg khov kho, mas nws coj tau lub neej txawv txawv vim tias: Thaum muaj ib tug neeg nug koj tias,koj puas ntshai kev mob nkeeg thiab kev ploj tuag?
    Koj yog neeg ntseeg, mas koj muaj peev xwm teb ncaj qha rau nws ua ntsej muag luag ntxhis tias: Kuv tsis ntshai! Ces koj tau ua xws li Leej Ntshiab Paj Lug thiab Leej Ntshiab Tes Les Xas hais nyob ntawm lub nroog Lis Xyws.
    Leej Ntshiab Paj Lug, yog ib tug Hauv paus xa lus qhia ib pab neeg ntseeg me me nyob hauv lub nroog Fis Lis Pos. Leej Ntshiab Paj Lug tau sau tej los lus txawv txawv tias:
    Kuv hnov zoo li muaj ob lub siab, muab kuv dua ua ob sab! Ib lub siab xav ua neej nyob mus ntxiv,kom tau pab neeg thiab tshaj Yes Xus txoj kev cawm neeg.
    Hos muaj ib lub siab xav mus nrog Huab Tais Yes Xus nyob. Qhov no yog qhov kuv nyiam dua. Lub ntshiab ntawm lo lus no nyob hauv Fis Lis Pos 1:22-23.
    Lo lus hais txog Leej Ntshiab Tes Les Xas. Thaum nws muaj hnub nyoog 24 xyoos. Nws raug ib tug mob, cov kws tshuaj kho tsis tau. Yog hnub nws twb yuav tso lub ntiaj teb no tseg,nws mam hais tias: nws txoj kev tso siab lug zoo li no:
    Nej tsis txhob quaj, raws li nej xav mas ib pliag saum no xwb kuv yuav tau ncaim nej mus. Qhov tseeb mas kuv yuav los mus kwm txoj sia, kom kuv tau muaj txoj sia nyob mus li.
    Nws mloog lo lus tias:koj txhob ntshais, kuv yuav nrog koj nraim.
    Qhov peb xav pom yog leej Txiv Tswv Ntuj, uas thaum kaj ntug peb sawv tsees los Nws nyob ntawm peb xub ntiag.
    Nrog rau Ntuj cov tshiab, thiab peb tsoom pog tsoom yawg uas lawv twb xub tau nrog Tswv Ntuj nyob ntxov ntxov los lawm

    * Sacramento tim 24/11/2016
    Yaj Zoov Ntxheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd March 2017, 9:15 pm



    Zaj 270- ZAJ LUS QHUAB NTUAS NTXHUA PLIAB THOJ TUS NIAM NTXAWM LUB NTEES.



    1. Nej tsoom tub ntxhais raug ua xyom cuab, hnub no nej niam tau qaij qaug hla lub ntiaj teb no mus lawm. Kuv tuaj mas kuv yuav hais tej yam kom nej paub tias Leej tib neeg muaj nqes npaum li cas!
    -Qaum Ntuj tsim peb leej tib neeg los nyob ntiaj teb no, Ntuj tsis tau tsim kom los ua neeg txom nyem. Ntuj tau pub txhua yam zoo tas nrho rau peb.
    -Xws li peb muaj zoo ib leej niam thiab ib leej txiv, qhov ntawd yog Ntuj hauj lwm thiab hwm txog txoj kev uas Ntuj tau tsim kom muaj Noob Neej nyob rau ntiaj teb no.
    -Kom Leej Tib Neeg huam vam mus thoob lub qab ntuj khwb, niam txiv yug muaj tub ki,tub ki hlob tuaj. Lawv sib yuav ua txij nkawm rov yug muaj tub ki, yog Ntuj txoj kev tsim noob neej.
    -Xav kom nej paub txog Tswv Ntuj tes hauj lwm tsim neeg no. Neeg tus Duab yog Tswv Ntuj puab, tus Ntsuj plig yog kuj yog Tswv Ntuj muab los ua ke.
    -Tswv Ntuj tsim tau ib zaug, ces Ntuj ua kom muaj caj hmab hlav ces ncau los mus. Peb tus Ntsuj Duab hlav ncau ntawm peb thawj tus pog koob yawg koob los.
    -Hos peb tus Ntsuj Plig yog Tswv Ntuj ua kom xeeb tau los nyob, Ua li mas peb muaj peb niam peb txiv cov Ntsuj Roj Ntsuj Ntshav nyob hauv peb.
    -Ua kom peb muaj nqaij muaj txha yoog raws li peb leej niam los Leej Txi. Peb yuav hwm lawv, tam li peb hwm Ntuj. Vim lawv yog Qaum Ntuj me nyuam. Lawv tau Ntuj tus Duab zoo li Ntuj.
    -Thaud Ntuj tsim peb tus pog koob yawg koob los, yeej yog neeg zoo, Qhov qee leej ua tsis zoo ntawd, lawv ua neeg tsis paub tab. Ces lawv tsis mloog Ntuj lus.
    -Leej tib neeg vim tsis paub tab, sawv dawv thiaj ua tub qaug rau neeg thiab rau Ntuj. Thiaj tau ua kev txhaum, tsis sib hlub li peb niaj hnub pom no.
    - Nyias yuav txais nyias kev txom nyem raws li nyias tau ua los. Hais rau nej cov me nyuam, tsis hais leej twg li. Yuav tau sib hwm sib raug zoo nyob hauv kev ua txij nkawm thiab kev ua kwv ua tij ua ntej.
    -Peb txoj kev ua neej nyob yuav tau tawg lub paj kom tshiab thiab txi tau lub txiv los qoos. Zoo rau Ntuj saib thiab rau neeg qhuas, thiaj tsis muaj Kev txom nyem, kev tu siab nyob ntiaj teb no.
    -Nej yuav paub tias, kev mob kev nkeeg tsis yog raug dab thiaj mob, nws yog kev raug neej mob ntau xwb. Thaum muaj kev sib cav sib ceg ua kev tu sib tuaj ntawd.
    Ces yog raug neej lawm, mam muaj kev tu siab, noj hno tsis poob plab haus dej tsis poob cev, ces ua mob nkeeg tuaj, tsis yog kev raug dab.
    -Cov mob nkeeg xws li mob srauj... puav leej yog raug neej mob ntau xwb... Txhob hais tias raug dab, Yog dab ua plaub tuaj mas neej tsis muaj cai yeej dab li lauj.
    -Zaun no txoj kev ua zoo, yuav pib qhov twg tuaj! Yuav pib ntawm koj tus txij nkawm tuaj mas koj thiaj muaj zog. Nej yuav paub tias,Kev ua txij nkawm yog nej tsis paub.
    -Mas nyob hauv kev txij nkawm, yog ib txoj kev ua tsov rog txias loj tshaj, lwm yam tsov rog tib si. Kev tsov rog ntawm ib lub teb chaws rau ib lub, mas yog cov tsov rog kub ntaiv heev, muaj caij pib thiab muaj caij xaus.
    -Swb lawm kuj rov sib pab muab nyiaj, los xa toob xib coj mus tsim kho, kom rov muaj kev vam meej tuaj. Hos tsov rog txij nkawm, mas muaj qee leej mas tu sib mus txog thaum ntxa tuaj nroj tas los tseem ntxhub.
    -Ces ua puas koob puas npe, txog tej kwv tij neej tsa txhua pab.
    -Cov txij nkawd ntawd lub neej, mas nkawd niaj hnub peem mus ua dab ua tsov ib hnub peb zaug los tseem tsis tau tsau ntuj thiab.
    -Cov me nyuam nej yuav coj li no mog! Kev ua txij ua nkawm yog sib yuav los kom tau sib hlub sib pab thiab sib ua luag. Kev ua luag tsis yog ua luag, tsam tsov tom los rau dab hem li od.
    -Yog kev sib ua luag thaum ib tug muaj kev tu siab, los kev txom nyem tau kev sib nplij kom nws rov zoo siab tuaj. Hos thaum muaj kev zoo siab, los muaj tus qhuas kom ua tau siab loj, muaj zoo tswv yim ntse thiaj xav ua neej nyob.
    -Thiaj li noj hno poob plab, haus dej paug cev, kom muaj zog yeej sab foob khaub thuas. Thiaj tsis muaj kev tus siab, nrog lus xaiv lus los sib cav sib ceg sib ntaus, ces lub siab thiaj nyob kaj lug.
    -Nej yuav paub tias tos muaj teeb meem pob caus puv ntia nyob nrog kwv tij los neej tsa. Mas yog tej Tib Neeg sawv daws tsis thoob tsib ib yam, ib leeg hais lus ib leeg txhais tsis tau lub ntsiab lus.
    -Ces muab ntaus nqi xav mus ua lwm yam, thaum rov los txog, lus txawv tas tib si lawm. Tus hais nws xav hais lub paj tawg tshiab. Rov los txog tus tswv, ces kuj txi tau lub txiv lwj tsis qoos lawm. Ces yog lus xaiv qaub pob ntseg thiab rhiab qhov muag kawg.
    Tshuav ib lo lus kuv yuav hais ntxiv rau nej li no:
    -Cov txiv neej mas zoo li lawv nqes saum lub plawv yis ntuj los, lawv coj hwj chim peev xwm thiab lub zog tuaj. Txiv neej nyiam kom luag hwm lawv ua tus tswv thiab tus thawj.
    -Ua li mas phem zoo los yuav hwm lawv ua tus thawj thiab tus muaj hwj chim, li uas nws yog tus xwm kab. Cia nws nyob pov hwm lub vaj lub tsev.
    -Kom dab txeeg dab qus, tsis txhob los txeem qhov vaj qhov tsev, luag thiaj saib taus tsev neeg, mas yog qhov zoo.
    -Hos cov poj niam mas lawv tuaj tom qab, lawv tuaj sab pem hauv ntuj tuaj. Lawv coj kev nyiam kev hlub thiab kev zoo nkauj tuaj.
    -Lawv nyiam kev hlub ntau dua cov txiv neej, poj niam yog tsav nyiam paj xyoob paj ntoo, lawv nyiam ua paj ntaub.
    - Ntawm lub tswv yim mas poj niam ntse dua txiv neej, tab sis lawv ntse tau kub zog lawm, cov ua poj niam lawv nyiam kom kev hlub lawv heev.
    Ua li mas sawv daws yuav ua kom sib haum thiab sib raug zoo, thiaj tsis muaj teeb meem. ntawm kev sib cav...
    -Tus txiv neej mas thaum nws hais lus nrov thiab pib nthe, mas nws twb yuav swb lawm od. Yog nej ua ntxiv mus ces kev swb los ti cev, ces nws ua kev txhaum ntag. Nws yuav raug kev txaj muag, los tau mus nyob txim.
    - Hais rau nej txhob sib hem, nej cov txiv od. Txiv neej hem poj niam, mas poj niam xav tias phab tsua vau los ces yuav tsuam nws pluav kiag xwb. Tab tom ua rau lawv kawm tau ib lub tswv yim zoo los tswv yim phem xwb.
    - Hos poj niam hem txiv neej, mas lawv khiav mus phoom pob ntoos tuag. los khiav mus poob deg kiag od.
    -Thov kom nej txhob ua tej yam hais no, thaum nej pom dej dag, siab mam nqig, ces yog kev lig lawm.
    -Cov poj niam nej xav kom nej tus txiv tsim txiaj rau neeg ntiaj teb hwm thiab saib taus. nej yuav hlub yuav hwm thiab qhuas lawv, Ces lawv yuav ua neeg ntse tuaj kom muaj hwj chim thiab muaj koob meej.
    -Yog nej thuam nej tus txiv ces nej tau ib tug txiv ruam tas ib sim neej. Luag txib los nej thuam, ces nws tsis kam pab luag, luag thov li peb zaug xwb luag tsis vam txog nws lawm.
    - Nws txawj npaum li cas los luag tsis siv lawm, ces nws cia li yog neeg ruam tsis muaj nqes siv tsis tau. Hos nej cov txiv neej, mas nej yuav muaj kev hlub nrog kev qhuas, rau nej cov poj niam, ces lawv yuav ua neeg paub tab paub cai.
    -Tiam tau nej lub hwj chim rau luag cav thiab qhuas,qhov kawg no, nej sawv daws yuav tau ua neeg txo hwj chim. Ib tug neeg ruam tsab ntse mas yog nws rov cuab ntxiab kom rov mag nws xwb.
    -Yog luag caws ntxiab rau nej, mas mag tsis mob npaum li cas. Yus rov mag yus rooj ntxiab, mas mob kawg. hwj chim meej mom koob meej poob tag, neej los tsis nyiam, dab los tsis yuav.
    - Qhia rau nej, kev hlub muaj ntau txoj:
    1. Ib co neeg mas lawv saib txoj kev hlub, yog pw vov pam ua ke ces yog sib hlub lawm.
    2. Ib co mas lawv hais tias, kev hlub yog kev sib hwm thiab sib mloog lus.
    3. Ib co lawv hais li no, kev hlub yog kev sib qhuas thiab sib hais lus zoo thiaj yog.
    4. ib co lawv hais tias, kev hlub yog kev sib pab.
    5. Ib co kuj hais tias kev hlub yog,kev nyob ua ke, nej saib ob tug kwv npawg, ntawd nyob ua ke ib hnub. Nkawd tsis tham lus li, nkawd kuj hais tias nkawd sib hlub kawg li thiab.
    -Cov nyob ua txij nkawm tsis paub tas tej no, mas muaj tej tus neeg siab tsis ncaj paub txog. Mas lawv xav rhuav nej lub neej tau yooj yim kawg:
    -Lawv nquag, nquag tuaj pab, los kheev,kheev,hais lus rau nej, Ces Nej xav tias lawv nyiam thiab hlub nej lawm, Ces cia li ua neeg txo nej tus nqi kom pheej yig rau luag, ces luag nyiag tau nej nplooj siab mus ua si lawm.
    -Luag twb tsis muaj kev hlub rau nej ib qho li, luag lam siv ua si li thaum neeg tshaib plab. Mov tsis qab los lam noj tuav siav xwb.
    -Thiab nws saib tias tsuav yog khau haum taw lawm, ces lam mub looj taw kom mus dhau av nkos thiab tsuj dhau pos xwb. Luag twb tsis tau hlub txog nej li.
    Nej hnov luag hais kwv txhiaj nrog lus ntxhi, nej txhob mus hais. Tsam muaj neeg paub txog ces nplooj siab yuav mob nyob lwj lis dhi.
    Nej tsis txhob mus twv txiaj los yuam nqi, tsam tau muab tej tub tej ntxhais mus nyob yuam ua nuj ua nqi. Nej khaws cov lus no mus ua neej mog.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 30th March 2017, 8:40 am



    Zaj 271- TXOJ KEV NTSHAW LUAG CUAB TAM.



    Hais txog lub tswv yim, uas ib tug hluas ntshaw ib tug laus lub cuab tam. Uas saib tias luag yog neeg muaj txiag thiab nplua nuj.
    Tsis hais tus tub los tus ntxhais,uas hnov los paub tias tus yawg laus los tus pog laus ntawd muaj nyiaj ntau. Nws mus yuav kom nws tau txoj kev nplua nuj muaj nyiag ua ntej tso, nws mam li muab tso pov tseg.
    Mus yuav dua ib tug hluas kom phim nws ntawd, tsis zoo li lub siab xav. Nws txawm muaj nyiaj ntau los, Nws lub cev thiab nplooj siab twb puas tas lawm.
    Thaum nws nrog nws tus txij nkawm laus ntawd, ua neej tsis nto ntsis, tus hluas ntawd, nws tsuas xav txog nyiaj thiab cuab tam xwb. Nws tsis muab txoj kev hlub los cog rau tus laus nrog nws ua txij nkawm laus ntawd.
    Mas nws ua neej mus tsis ntev, nws tsi muaj kev hwm los tsis hlub. Ces nws tsim kom muaj kev ua yeeb ncuab, ua rau muaj kev dhuav siab rau ob tog kom tau sib ncaim mus taug dua ib txoj kev tshiab.
    Nws mus ua dua lub neej tshiab, los nws tawg paj tsis zoo nkauj thiab txi txiv tsis qoos rau laug saib lawm. Nws lub neej tom ntej los, tsis dawb huv,vim nws twb hu ib co vij sub vij sw los nyob nrog nws nplooj siab lawm, ces nws yuav tsis muaj kev kaj siab tas nws sim neej.
    Nws txoj kev dag rau tus laus ntawd thiab dag rau Ntuj, mas tsis yog ib yam me. Nws yuav nco ntsoov cov xwv txheej uas nws tau ua rau tus laus ntawd mus li.
    Nws txoj kev nplua nuj muaj nyiaj ntau kuj yuav tsis kav nws ua neej laus kom mus nto ntsis. Nws txhua yam kev nplua nuj tsis yog yam tseeb, yog txoj kev txo ib tug neeg laus lub neej kom piam sij mus xwb.
    Nws muab nws lub cev los ua kev hlub, hos lub siab tsis nyob hauv. Nws txoj kev ua npau suav tsis yog kev ncaj ncees, nws lub siab thiab nws lo lus muaj tshuaj lom neeg los ua rau tus laus ntawd tus ntsuj plig kev tuag sai. Lub tswv yim, nws ua ntawd tsis yog txoj kev hlub, uas Ntuj muab rau leej tib neeg siv. Nws kev nplua nuj thiab muaj cuab tam ntau ntawd, yuav ua kev rob caub rau nws.
    Nyiaj thiab cuab tam daws tsis tau nws kev kaj siab ib qho li. Kawg yog coj kab mob kev nkeeg thiab kev tu siab los tsub rau nws lub neej kom ua neej tsis kaj siab mus xwb.
    Nws yuav rov pom lub teeb meem uas nws tau ua rau tej neeg laus ntawd nyob tsis ploj hauv nws nruab siab. Ces nws yuav muaj kev ntxhov siab tsis txawj tas li.
    Yuav kom koj tau nyob kaj siab mus li, mas koj ib txhij yuav nyiaj txiag cuab tam nrog kev hlub kom mus nto ntsis. Mas koj thiaj tau tsim koob hmoov nyob ntiaj teb no, zoo xws li ib zeej tsoom neeg, mas thiaj yog.
    Qaum Ntuj yuav nco ntsoov txhua yam uas koj tau ua rau tus laus ntawd, mus tsis muaj hnub kawg. Yog koj ua rau nyiaj thiab cuab tam xwb, mas yog koj cuab ntxiab tos koj kom ib hnub twg koj rov mag koj rooj ntxiab.
    Yuav ua rau koj muaj kev ntxhov siab lwj siab yam tsis muaj kev tawm mus li. Nws yuav tu siab heev, vim nws tsis tau muab nws txoj kev hlub uas nws nqa saum ntauj los hlub nws tus txij nkawm.
    Txoj kev hlub tseem ceeb uas nws nqa pem ntuj los, nws muab los ua kev hlub rau tej tus neeg tsis muaj nuj nqes. Nws cia li muab pub dawb rau tej neeg tsis muaj txiaj ntsim dab tsi li rau luag.
    Tus uas nws muab kev hlub pub rau ntawd, los luag tsis ris nws txiaj. Luag khaws dawb tau zoo li yam nuj tsis muaj nqes li, Luag tsuas saib tias tsuav yog khau yoj ko taw, ces lam muab looj taw kom txhob lo av xwb.
    Txhais khau uas luag muab looj taw mus dhau av nkos, los hla dhau pos, ces luag muab hle pov tseg yam tsis khuv xim li. Luag tsuas thwj kev yooj yim kom hla mus tau ib vuag xwb.
    Peb sawv daws ua neej nyob, yog koj muaj peev xwm tiag, mas ua tawm hauv nruab siab los hlub mas thiaj tsim nyog muab los ua ib yam txim zoo los txi rau Ntuj.
    Kom raug Ntuj nyiam thiab raug rau neeg qhuas, ces koj ua tau ib lub neej muaj hmoo thiab dawb huv tiag.
    Zaj lus kuv piav no tsis yog hais los rau ib tug neeg twg li, nyob nyob ces pob ntseg kub kub. Kuv sau tau li no los yog ua kev kawm rau tej tus xav paub xwb od.

    Tim 17/2/2017.
    Yaj Zoov Ntxheb X.H.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th April 2017, 9:33 am



    Zaj 272- PIAV SAB SIJ HUAM TXOG KEV SIB HLUB.

    Kev sib hlub nyob hauv kev ua txij ua nkawm,Muaj kev phem kev zoo sib npaug zos. Ua ib tug neeg yuav tau kawm kom paub txog,tus tsis paub thiab tsis ceev faj txog. Mas nws yuav hlub nws tus txij nkawm raws li kev ua plees nkauj nraum xwb.
    Nws paub hlub ib vuag mus dhau ib vuag, zoo li tsis tau muaj kev sib hlub dua los. Nws txawj hlub li kev ua phooj ywg ob peb hnub los hli puav xwb.
    Cov uas nws tsis muab nws lub siab los cog rau nws tus txij nkawm tiag. Saib zoo li tias,nkawd yog nkauj txhav qaib, nraug txhav noog.
    Mas lawv yog cov ua txij ua nkawm mus tsis nto ntsis, lub neej yuav plam mus ua nkauj seem nraug so. Vim lawv tsis nco los tsis paub tias, kev sib hlub hauv kev ua txij nkawm muaj qab hau.
    Lawv tsis txawj pom tias,nws tus txij nkawm ntawd, twb zoo mus txog li 80 feem pua lawm. Nws pheej saib tias, tshuav 20 feem pua uas nws tsis txawj los tsis paub ua.
    Nws nyiam kom muaj 20 feem pua ntxi qhov nws nyiam thiab tshaw ntawd. Nws pib ntxub,thiab nrhiav lus,hais lus tsis zoo rau tus txij nkawm ntawd pob ntseg mloog.
    Ua rau nkawd, muaj kev sib cav sib ceg. Muaj kev sib tawm tsam ntau zuj zus tuaj,nyob tsis taus ua ke. Ib tug fav xeeb tso ib tug pov tseg los sib nrauj mus.
    Tus nws xaiv tau ntawd, yog tus muaj 20 feem puas uas nws nyiam thiab nws ntshaw ntag. Ces nws zoo li rov pluag dua qhov uas tus qub muaj ntawd lawm.
    Tus tshiab uas nws xaiv tau ntawd, mas nws tsuas muaj qhov zoo txog 20 feem pua xwb. Nws tsis muaj lwm yam kom muaj txog li 80 feem pua ntxiv li.
    Qhia rau sawv daws tias S.D cov txij nkawm puav leej muaj qhov zoo nyob rawv li 80 feem pua. Tsis hais txiv neej los poj niam sab li.
    Hnub koj tau kev txom nyem siab los lawd, mas koj rov nco txog mas ntshai yuav nco li koj nqhis ib khob dej txias, kom lub siab rov laj me ntsis tuaj.
    Cov uas nej twb nyob muaj txig muaj nkawm lawd, nej yuav kawm kom paub li zaj sab sij huam no. Nco ntsoov koj tus txij nkawm neb tau ua ke kawm ntau yam thiab tau sib pauv ntau yam los lawd thiab.
    Yog koj muab pov tseg luag lwm tus khaws tau,coj mus ua neej. Txoj kev sib hlub uas neb tau sib kawm ua ke los lawd,nws coj mus hlub lwm tus, ntshai luag yuav zoo siab cuag li hmoov ntuj poob los ncaj chaw kawg nkaus li.
    Luag tus ntawd cia li khaws tau 80 feem pua dawb los ua neej tshav ntuj nrig. Qhov ntawd twb yog koj muab xyeeb pov tseg ntag.
    Zaj lus sab sij huam no, yog kuv nco txog cov txij nkawm tsis txawj sib hlub lawv lub neej xwb. Tsis sib pab,tsis sib qhuas, uas koj pheej xav tias lwm tus zoo tshaj koj tus lawm.
    Kev nyiam thiab kev hlub hauv kev ua txij ua nkawm, muaj nqes cuag li hmoov nyiaj hmoov kub poob saum ntuj los rau koj ntag.
    Nej yuav nco ntsoov sib hlub thiab sib pauj kev ua zoo, ib leeg mus dhau ib leeg ces nej yuav tau nyob kaj siab lug mus kav laus mog.
    Nyob hauv lub ntiaj teb no, muaj dab coob dab ntau, Dab yuav muas tau cov neeg tsis tsim txiaj mus ua neeg xyob txhiaj yooj yim nyob pub qhov txhia chaw rau luag saib.
    Cov neeg zoo li hais no, nws kheev muab nws txo nqes ua neeg pheej yig kom luag muab lus qab zib los muas xwb twb tau lawm,tsis tas yuav siv nyiaj los muas li.
    Nej yuav nco ntsoov tias yog kev ua si xwb, tsis zoo coj los ua zam pub rau ntiaj teb saib tias, Yog neeg muaj nuj nqes siab li no od.
    Yog koj paub lawm rau siab kawm kom txoj kev zoo muaj nuj nqes nrog koj nyob, tuav koj lub neej lub siab ua neeg nyob kaj siab lug mus.


    tim23/12/2016.

    Yaj Zoov Ntxheb Xib Hwb.






    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 20th April 2017, 3:25 am



    Zaj 273- NEEG NTIAJ TEB TXOJ KEV YUAV SIB HLOOV.



    Lub ntiaj teb neeg yuav sib hloov mus rau yav tom ntej, xws li cov neeg txheej tshiab no. Cov hluas lawv yuav mus nrawm dua cov laus.
    Tsis hais neeg Haiv twg thiab cov xeem lus, los cov neeg tawv dawb tawv daj los tawv dub li. Sawv daws yuav zoo li ib co kab noj nploog, yuav plhis los zoo li cov npauj npaim.
    Sib tw plhis kom ua tau tus npauj npaim ces yuav ya ua npoj mus nqus cov paj zib, los nqus cov suab puam suab zeb uas muaj dej noo. Lawv cov tis kuj tseem yuav muaj tso dawb los tsos daj thiab dub.
    Tab sis lawv saib lawv yog ib pab lawm xwb,lawv yuav rov mus txog lub qub lws uas thaud, ntuj tsim teb raug uas lawv tawm ntawm ob tug niam txiv hauv paus los.
    Cov laus uas lawv yog niam yog txiv, los lawv yuav nrog lees paub txog thiab. yog cov laus tsis kam lees thiab paub txog, mas zoo li lawv mus qeeb dua luag lwm pab lawm.
    Ces lawv yuav ua ib co neeg tsis muaj kev sib raug zoo, tsis sib nyiam. Ces lam tu siab los chim siab, ces zoo li cov laus pheej ua rog rau cov hluas tsis txawj tas li.
    Ua li no mas yuav tsis muaj kev sib raug zoo,hais lus tsis sib nkag siab. Ces pheej saib zoo li tub ki thiab niam txiv muaj kev sib ntxub. ces sawv daws ua ib pab yeeb ncuab.
    rau tus koj nyiam thiab koj hlub, ua nyob ze koj tshaj ntawd mus li. Ces pheej yuav zoo li muaj kev txhaum thiab kev khau.rau niam txiv los tub ki tsis txawj tas.
    Cov yuav xub plhis li hais no yog cov pab neeg nyob tsis thaj yeeb,uas tau ua neeg thoj nam khiav mus nyob rau luag lwm teb chaws.
    Sawv daws yuav xav tias lwm haiv neeg txais cov neeg thoj nam,ntshai yog ib txoj kev Ntuj npaj kom sawv daws plhis zoo li cov kab noj nploog ntawd. Kom sawv daws plhis tau ua ib pab npauj npaim ya mus ua npoj.
    Yog peb paub tej lus hais no lawm,peb nyob qhov twg los yeej zoo lawm. Peb cia li plhis ua ib co kab noj nploog kom plhis tau ua npauj npaim ya nrog luag. Ces nrog luag ya mus haus paj zib kom sib xws, thiaj ua tau ib tug zoo phooj ywg nrog luag.
    Ib tsoom neeg thoj nam,leej twg mus txog lub teb chaws los haiv neeg twg. Ces cia li txiav siab ua luag haiv neeg,nrog luag sib raug zoo sib nyiam sib hlub.
    Ua lub neej dawb huv rau Haiv neeg ntawd,xyaum ua neeg nquag nyiam sib pab. Luag ua thawj neeg los koj nrog luag ua tus lwm, kom muaj kev sib ntseeg siab thiab tso siab.
    Koj thiaj nrog luag ua tau ib pab npauj npaim ya mus ua npoj. ces koj nyob thaj yeeb. ua neeg siab kaj lug, txhob nrhiav ua yeeb ncuab rau laug.
    Tiam no luag ua Nom los ua thawj neeg, Lwm tiam luag kuj yuav hais rau koj tias, koj ua peb tus thawj neeg thiab ua Nom coj peb, thiaj yog txoj kev zoo.
    Zoo li Hmoob tej laus lo lus hais tias. Tus ua Huab Tais thiab tus qhev, mas qee zaus tseem yog tus ua qhev ntse dua tus ua Huab Tais.
    Muaj ib pab yeeb ncuab, Huab Tais xav kom tus tub qhev mus tua cov yeeb ncuab, Tub qhev paub tias mus tua,los yuav tsis yeej.
    Tub qhev hais rau Huab Tais tias,Txiv Huab Tais xam wb qiv kauv txhais xwb lauj! Ces Nkawd mam mus npaj tau ib pab coob dua kom yeej tau cov yeeb ncuab.
    Lub ntiaj teb yuav mus zoo li no rau yav tom ntej, txhob xav thiab cem tias luag yog ib haiv neeg tsis zoo no. Twb yeej zoo li hais no los tau ob peb puas xyoo lawm los neeg tseem tsis tau paub txog li.
    Txoj kev xav ua luag thawj neeg yeej yuav tawm li no los, txhob xav tias peb yuav ua thawj neeg saib thiab kav peb ib pab neeg zoo sib xws. Cov xav li no, mas yog cov neeg tsis paub nws txoj kev ua neeg.
    Yuav tsis muaj ib lub teb chaws uas muaj ib pab neeg tsawg tsawg tau nyob ua ke li kev ua npau suav lawm, thiab yuav tsis pom ib zaug li. Cov xub plhis tau yog cov khiav tau ua luag ntej.
    Thaum peb pom cov hluas lawv mus taug txoj kev no,zoo li kev ua txij nkawm. Peb txhob ntxub lawv,peb lub cev thiab lub siab yuav phis los kom sib phim. Yuav plhis lub cev thiab lub siab ua ke koj thiaj tsis muaj kev txom nyem siab ntsws,

    Sacramento tim23/11/2016. Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th April 2017, 10:25 am



    Zaj 275- ZAJ LUS PAB QHIA COV TXWJ NKAWM.




    Ib co lus pab qhia tej txij nkawm kom,ua tau lub neej zoo. Qaum Ntuj tsim neeg los ua neej nyob rau ntiaj teb no, Ntuj tsis tau tsim neeg los ua lub neej txom nyem.
    Ntuj tau tsim neeg los kom tau pab Ntuj ua txoj hauj lwm tsim Noob Neej raws li Ntuj txoj hauj lwm tsim neeg.  Kom neeg tau haum vam mus puv lub qab ntuj khwb no.
    Ntuj tau pub txhua yam zoo tas nrho rau neeg. Yam li tso neeg ua ib co Tim Tswv nyob ntiaj teb no, saib tas txhua yam uas Ntuj tau tsim los kom muaj nyob.
    Thawj yam uas Ntuj pub rau neeg yog txoj kev zoo siab thiab sib hlub.  Nyob hauv ib leej niam los leej txiv, nkawd txoj kev sib hlub ntawd, sib hlub kom  tau tsim kom muaj tu tub ki.
    Txoj kev tu tub ki no, yog kev nrog Tswv Ntuj tsim Noob Neej los nyob ntiaj teb.  Ob leeg zoo li poj niam thiab txiv neej, nkawd sib hlub lawm, mas mam tsim tau ib tug neeg tuaj nyob ntiaj teb no ntxiv.
    Txoj kev sib hlub yog ib txog kev loj nyob hauv Tswv Ntuj.  Kev tsim Leej Tib Neeg.  Ua li mas thaum koj tau pom ib tug tib neeg lawm, koj yuav tsum hwm vim yog Ntuj txoj kev sib hlub.
    Txhob lam tso ib tug neeg pov tseg mus tsis zoo, koj twb xub muaj kev hlub rau ib tug neeg ua ntej lawm.  Koj twb tau xav tias, nws zoo cuag li, ib tug ntsuag kub lawm tsis txhob hais tias ua cas nws yuav yog tus neeg ntxim ntxub.
    Thaum kom pom dheev xwb, koj twb hais tias, zaum no kuv ntsib ib tug ntsuag nyiaj. Thaum koj tau nws, koj saib tias nws yog neeg tsis tsim txiaj.
    Kev ntxub ib tug neeg yog ib yam phem, tsis haum Ntuj siab. Koj ua li ntawd, mas Ntuj yuav saib tias, yog kev thuam Ntuj lawm.
    Vim leej Tib neeg tus duab yog Tswv Ntuj tus duab, koj saib, vim li cas ho hais li ntawd.  Thaum koj raug xwv txheej los koj ntshai, koj hu tias Nim aw, Txiv aw, pab au!
    Tsis yog lawv pab koj lub caij ntawd, Yog Ntuj ua tus pab koj kom ua siab loj, rau tej xwm txheej ntawd xwb od. Thaum lub hauv paus, Tswv Ntuj tau tsim Nkauj Iab thiab Nraug Oo nkawd xub los nyob.
    Ntuj xub puab tus txiv neej ua ntej, mam rho txiv neej ib tug txha los puab tus poj niam.  Kom nkawd koom ib co ntsuj roj ntsha thiab ib hom txha.
    Los nyob ua txij nkawm, kom nkawd sib hlub zoo li yog ib lub cev xwb. Kom Leej tib neeg sib hlub, sib nyiam thiab sib hwm zoo li yog ib tug  neeg xwb.  Txhob hais tias nyias muaj nyias thiab sib txawv.
    Txhob coj li tej tsiaj, tsiaj lawv tsis nyob ua txij nkawm li neeg.  Luag thiaj hu tsiaj ua tus maum los tus txiv. Vim lawv tsis muaj kev sib hlub.
    Tsiaj tsuas muaj kev sib nraus ib tuam sib tog. Luag thiaj hu ua twm nyuj, los twm npua. Tus twg muaj zog, kub ntev thiab kaus ntse, ces nws tau kav maum ob peb hnub.
    Dhau lub caij nyoog lawm ces lawv nyob ua npoj, kom tsov hma tom tsis tau, lawv nyob ua ke kom paub mus nog zaub raws npoj los noj zaub puv plab xwb.
    Tswv Ntuj txoj kev sib hlub loj thiab tob kawg, neeg ntsuas tsis tau, paub tsis txog. Thaum neeg tsis sib haum xeeb lawm, mas neeg sib liam tias yog vim koj ua li ub li no.
    Tus neeg uas yeej xav taug txoj kev phem yeej muaj,ntau leej, tab sis yus twv tsis tau qhov tseeb,lam xav tias yog muaj li ntawd lawm.
    Peb yuav xav li Tswv Ntuj xav thiaj yog qhov tseeb, yam li Leej Txiv thiab Leej tub nkawd sib hlub loj heev, ces  mam muaj Leej Ntuj Plig xeeb los nyob hauv nruab nkawd txoj kev sib hlub.
    Lawv peb leeg Koom yog ib tug Tswv Ntuj, loj sib luag zos. Leej txiv nyob qhov twg. Leej tub thiab Leej Ntuj Plig nkawd kuj nyob qhov ntawd ua ke, lawv tsis sib cais los sib ncaim.
    Li ntawd, mas Tswv Ntuj txoj kev hlub yeej loj tiag, Leej Tub ua raws li Leej Txiv lub siab. Leej Ntuj Plig kuj ua raws li Leej Txiv thiab Leej tub lub siab. Lawv peb leeg ib txhij pom zoo tas txhua yam ua ke.
    Li thaum Leej Tub thov yam twg ntawm, Leej Txiv kom zam txhaum rau neeg ntiaj teb, Mas Leej Txiv thiab Leej Ntuj Plig cia li pom zoo zam tas nrho rau tib neeg.
    Vim neeg ntiaj teb sawv daws tau Tswv Ntuj tus duab, thiab zoo li Tswv Ntuj kiag lawm.  Tswv Ntuj cov tub txib, xws li cov Leej choj,thiab cov Xib hwb, mas lawv zoo li Tswv Ntuj.  Hos Tswv Ntuj kuj zoo li yog tas nrho Tsoom Neeg ntseeg sawv daws ua ke tib si.
    Li ntawd tas nrho ntiaj teb neeg peb sawv daws koom tib hom roj ntsha thiab tib co pob txha, tib tug duab zoo li Tswv Ntuj, Peb yog ib cuab ib yim li Tswv Ntuj kiag.
    Tsis yog cov tau nyob ua txij ua nkawm lawd, lawv thiaj yog koom ib lub cev thiab tib tug neeg xwb. Qhov hais tias cov ua txij nkawm lawv yog ib lub cev no.
    Yog tib qho lawv muaj kev sib hlub, kom tau kev tsim tub ki, ces thiaj hais li ntawd kom meej dua.
    Ua li mas txawm yog nyob deb nyob ze, los peb yog neeg ib pab xyoob ib txooj thiab ntoo ib tsob xwb. Txhob siv kev sib ntxub tsis sib raug zoo, los rau ib pab los ib tug twg li.
    Yog peb tsis paub txog tej no, mas sawv daws yuav ua tsov rog tsis txawj tas li. Cov tsov rog txias uas peb xav tias tsis muaj qab hau no, yog cov tsov rog uas Ntuj tsis nyiam hlo ib qho li.
    Yam li kev sib cav sib ceg los sib ntxub hauv kev nyob ua txij nkawm. Yog cov tsov rog phem tshaj.  Neeg siv ncauj lus, siv nrig los tshuaj lom neeg, los sib ntaus, xuas hlua dai caj dab, los siv riam sib tua tuag.
    Tej no muaj cis tub neeg tau ua li ntawd los lawm, luag hu ua tsov rog txias no. Hom tsov rog no ua tsis muaj chaw xaus li, luag tseem hais tias ntxa tuaj nroj tas los tseem ntxub qees.
    Muaj xaiv muaj lus txog tej kwv tij los neej tsa ua ntu zus li, sawv daws sib cav sib ceg txiav tshoob txiav kos, los txiav caj ces tsis pub sib yuav. Thiaj li mus tshuam rau txoj kev ua tsov rog txias no.
    Tej tsov rog ib lub teb chaws ua rau ib lub, yog tsov rog sib txeeb hwj chim, los sib txeeb kev lag luam.  Nyias xia nyias muaj zog txeeb kom tau ntau.
    Cov tsov rog no hu ua tsov rog kub ntaiv, txawj pib txawj xaus mus. Xaus lawm kuj ua phooj ywg sib pab nyiaj los pab toob xib mus rov mus tsim tsa, kho kom muaj kev vam meej tuaj dua.
    Hais txog kev ua tsov rog ob yam no, yam twg los yeej tsis zoo ua li. Yuav tau xav kom thoob. kev ua tsov rog yog rhuav Qaum Ntuj kev tsim neeg thiab rhuav Ntuj kev sib hlub tas nrho mus xwb.
    Thaum koj tua ib tug neeg tuag lawm, tsis yog nws ua siab phem xwb tim tsim teeb meem.  Mas koj tau thuam Ntuj thiab saib tsis taus Ntuj lawm.
    Ces nyias yuav tau txais nyias li kev txhaum, li ntawd peb neeg yaj ceeb thiaj yuav tau sib hwm.  Sib nyiam sib hlub nyob hauv Tswv Ntuj kev Tsim Neeg los mus nyob kom puv lub qab ntuj khwb no.
    Sawv das txhob xav tias neeg tsis muaj txiaj ntsim qab hau dab tsi zoo no. Yim muaj neeg coob, qhuas thiab cav lus zoo txog koj mas koj muaj hmoo cuag li yog Ntuj foom los rau koj ntag.
    Muaj neeg coob qhuas koj luag thiaj pov ntawv rau koj ua luag tus thawj neeg.  Muaj neeg coob Kev lag luam thiaj loj hlob mus dav mus.  Muaj neeg coob sawv daws thiaj muaj hauj lwm ua tsis txawj tas li.
    Ua li mas txhua tus neeg puav leej yog neeg tsim txiaj thiab muaj nqes.  Hu ua leej tib neeg yeej yog neeg tsim txiaj tas tus li, tshwj tus yug los  nws xub muaj xwv theej ua ntej yug los lawm, nws thiaj tsis xws luag.
    TXawm lub cev ntaj ntsug thiab lub meej mom tsis zoo los lub sib thiab lub tswv yim yeej zoo. Muab daim duab no rau nej xyuas tso.
    Ob tug neeg xeeb los, thawj tug zoo nkauj zoo nraug kawg, nws ho tsis ntse heev, hos ib tug xeeb los nws tau phem meej mom me ntsis.
    Kev tham hais lus tus phem txawj tham txawj hlub neeg zoo dua tus zoo. Thaum luag pom thawj zaug, mas luag xav tias tus muaj meej mom zoo ntawd coj nws tuaj ua qhev los ua luag xwb.
    Tham tas luag cav lus zoo txog tus meej mom phem. Tus meej mom lub cev ntaj ntsug zoo, nws kawg yog zoo rau luag thau duab los saib xwb.  Nws tseem muaj nqes tsis cuag li tus tau lub meej mom phem ntawd.
    Yog yuav xaiv los ua thawj neeg, mas luag xub xaiv tus phem meej mom ua ntej.  Kev zoo nkauj zoo nraug yog txawj hais lus thiab siab zoo mas luag yuav qhuas tshaj.  Luag yuav cav txog cuag li tau pov haum los kaus ntxhw thiab kub twj kum.
    Tus neeg yuav yog ncauj lus pab nws kom zoo, ces cuag li nws muaj hmoo thiab muaj tswv yim zoo. sab twg los yog qhov zoo tas nrho li.
    Ib tug neeg nws tsis txawj hais lus, los siab tsis ncaj. ces nws yuav saib tias, ua cas luag teej luag tug yuav zoo dua yus tug.
    Ces nws lub siab nyob tsis tus nws thiaj ua neeg vwm xav tsis nrog xav.  Ces nws yuav rov tsis hwm yus tus kheej.
    Cov uas muaj lub neej nyob nrog txij nkawm, los nyob nrog niam txiv kwv tij neej tsa zoo. Nej txhob saib luag zoo li rab txiab txiav ntaub, thaum nej tau los nyob ua ke lawm, ho muab nws ntxub ciav kom nws ciaj khaub.
    Thaum nej nyuam qhuav pom dheev xwb, nej saib mas nws zoo cuag li las nyiaj los yog las kub.  Nej tau nws lawm nej ho muab nws ciav ua kev ntxub.
    Thaum hluas koj twb saib zoo cuag li las kub los las nyiaj, koj tau lawm koj ho saib tias ,nws tsis tsim txiaj. Koj tus txij nkawm no, twb yog neeg siab ncaj, los koj pheej xav tias, yog nws xav ua nkauj fa.
    Thaum muaj tus qhua neej qhua tsav tuaj poob, nws twb nta tus qhua neej qhua tsav.  Kom koj lub suab lub npe nyob puv ntoob, kom koj tau nyob muaj meej nrog muaj koob.
    Nej yuav txhob ntshai mus ua daim teb quav nqeeb los teb quav nroj.  Tsam ntiaj tog qaum pes yuav niaj hnub muab nej cem piv zias ua neeg quav yeeb los quav roj no.
    Nyob ua txij nkawm twb xeeb muaj tub muaj ki rau tej nqaws awv lawm.  vim li cas koj thiaj hais tias koj tsis ntshaw
    Tim li cas  neb ho xav sib nrauj sib tso, cia tej tub tej ntxhais tsis tau zoo niam zoo txiv.  Lawv mus zaum rau luag saib ua tsheej pab tsheej pawg.
    Ua rau tej kwv tij los tej neeg tej tsa saib lawv mas cas yuav zoo ntxim xuas ncaw taw, tej tub tej ntxhais twb tsis muaj qhov zoo rau luag ntshaw. Nej ua li no mas tab yog lub ntuj tshoj los teb ntxeev, los yeej tsis muaj neeg yuav ntseeg.
    Tej laus hais kwv txhiaj tias, nyuj tsaw nog zaub hlaw, pom nyuj tsaw tus neev kaim tej sib zuag. Nej puas paub tias nej yug tau tej tub tej ki los, mas lawv yeej tsis xav ua ntsuag.
    Nej nim xav tias txoj kev ua lub neej tshiab, mas nej ntshaw, Kev ua lub neej tshiab ces zoo li nej mus tsuj quav dev lo nej taw ntag.
    Nej yuav thim xav mog, tso tseg txoj kev mus ua hluas, tig rov los mus sib hlub, sib tuav tes rawv los ua dua lub neej zoo rau tej kwv tej tig thiab tej neeg tej tsav lub chaws tau qhuas mog.
    Nco ntsoov mus ua nej daim teb fab, thaum twg muaj kev nyuaj siab ntxhov plawv los muaj mob nkeeg.  Ces mus nrhiav ntsuj qaib ntsuj npua los mus thiav kab mog.
    Nej txhob ua neej seev yaj yaum lis yeev rau txoj kev tuag  kom tau ncaim txij ncaim nkawm mus ua dab, ua tsov luag.  Tsam ces nej yuav mus nrog niam dab poj ntxoog, khaws qwj plhaub qwj yeeg sib yoog nqos mus rau nruab plab.
    Luag tej laus hais tias lag luam zoo tsis cuag li thawj ntsug, txij nkawm los yeej zoo tsis cuag thawj tug. Luag thiaj hu ua nkauj txhav qaib nraug txhav noog, yog nej txoj hmoo.
    Nej txhob mus ntshaw luag poj luag sev, tsam luag hais tuaj ces,luag saib nej zoo tam tej txiv dev. Thiab txhob ntshaw luag tub luag roog,tsam luag hais tuaj ces rhiab nej pob ntseg tsis xav mloog.
    Nco ntsoov muab los xav kom tag, Tsam nej tej txij nkawm twb ho yog neeg siab ncaj. tsis tau ua siab deb. Ces nej twb muab ntaus nqi los mus ua nkauj fa, los yog  xav ua nraug feb.
    Txoj kev ntshaw mus ua plees ua yi tsis yog ib txoj kev zoo ua si.  Thaum nej xav tias kheev lam xub paub li, ces yog txoj kev lig.
         *Sacramento tim 2/3/2017.*


    Yaj Zoov Ntxheb X.H



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th May 2017, 9:47 am



    Zaj 276- COV NEEG UA TXHAUM UAS LAWV TSIS TXAJ MUAG

    Cov neeg ua txhaum vim lawv tsis muaj kev hlub, mas lawv tsis txaj muag. Lawv yuav muaj ntau yam xwv txheej caum raws lawv qab, lawv nyiam zwm nrog kev ua txhaum nyob nrog lawv ua phooj ywg.
    Thaum lawv ntsib tus Phooj Ywg pluag kev hlub, los ua lawv tus phooj ywg. Ntuj los lawv tsis tso siab rau, ces neeg los lawv tsis nyiam. Lawv tsis xav mloog lus, los txiav siab ua neeg zoo.
    Lawv tus Huab Tais kawg yog lawv lub Plab lawm xwb. Thaum lawv tsau plab, lawv kuj yog neeg zoo. Hos thaum lawv tshaib plab tuaj lawd, Lawv kuj txawj mus tho luag qhov vaj qhov tsev.
    Yog tsis muaj neeg pom, kawg yog tub sab tub nyiag lawm xwb. Yog muaj neeg pom thaum lawv tho qhov Vaj qhov tsev ntawd. Kuj yog ua kev txhaum tua neeg tuag mus li ib los ob peb leeg.
    Cov neeg pluag kev hlub no, lawv ua txhaum yam tsis txaj muag yog cov no:

    1. COV PLUAG KEV HLUB, LOS NTAWM NIAM TXIV KWV TIJ NEEJ TSA, LOS PHOOJ YWG TXHEEB ZE LOS.

    Lawv yog cov neeg muaj lub meej mom qis, neeg lam tsis nyiam, tsis hlub. Los yog cov Tub ntsoj Ntxhais ntsuag, thiab cov txhais yim neeg raug laug saib tsis taus ntawd.
    Ces lawv mam ua neeg tu siab, ruam mus tsis thoob tsib, ua neeg tsis paub cai. Lawv xub khaws tau kev ntxub ntxaug nyob nruab siab lawm. Lawv Thiaj tsis xav Hwm leej twg, lawv cia li ua neeg txawj xam khib.
    Lawv xyaum ua neeg tes ua nqe lauj, nyiam hais lus cuav. lawv ua li ntawd, vim lawv pluag kev hlub. Los ntawm cov muaj cai hlub lawv ntawd, hlub tsis txaus.
    Qhov tseeb lawv kuj tsis xav ua neeg phem, lawv cia li qaug mus rau kev tu siab xav pauj khawv chim. Ces lawv mam dhau mus rau sab phed lawm.
    Lawv tsis muaj kev khuv leej neeg, ces leej twg muaj toob xib zoo lawv cia li lam ntxub thiab muab rhuav pov tseg. Yam zoo ces lawv nyiag mus yuav.
    lawv tsis qab siab ntaus tswv yim mus khwv noj, vim lawv lub tswv yim nyob rau qhov pluag kev hlub. Muaj ntau yam uas, tsis muaj kev hlub los txhawb lawv lub zog. Vim lawv raug kev tsim txom ua ntej. Thaum lawv yuav loj hlob kom tsheej neeg.
    Thaum lawv pluag kev hlub lawm, ces lawv ua neeg txom nyem. Ces lawv cheem tsis tau lawv lub siab phem kom txhob pwv hauv kev ua tsis zoo.
    Lwv ntxub neeg ces lawv ua li neeg ruam tsis xav mloog lus, lawv cia li swb mus rau txhua yam ua neeg tsis ncaj ncees. Lawv tsuas muaj kev tu siab nrog kev txom nyem uas luag saib tsis taus lawv ntawd xwb...

    2. COV PLUAG KEV HLUB LOS NTAWM TXIJ NKAWM NYOB UA KE LOS.
    Cov pluag kev hlub los ntawm ob tug nyob ua txij nkawm ua ke los!
    Tsis hais sab poj niam los sab txiv neej li, ob tug txij nkawm nkawd. Raug ib tug tsis hlub tsis nyiam los tsis hwm nws, ces tus raug ntawd cia li puas siab mus.
    Vim tsis muaj kev nyiam kev hlub nrog kev qhuas, kev pab, ces ua rau nws tu siab tuaj. Nws cia li tsis xav ua neeg zoo, nws tas kev cia siab lawm.
    Ob tug txij nkawm ntawd, ib leeg dhuav ib leeg,ces pib hais lus tsis zoo nkauj thiab tsis zoo mloog tuaj. ces muaj lus sib cav, hais lus sib chob. Hais tej lus tsis muaj tseeb kom ua kev tu siab mus.
    Ua rau txoj kev tu siab loj zuj zus, muab nkawd kev hlub tshem mus kom sib nrug deb, ces npaj kev sib ncaim. Ces tsis ntev ib tug yuav nrhiav kev hlub los ntawm lwm tus sab nraud los.
    Nws yuav nyiam kev ua nkauj ua nraug nrog luag, Ces kev ua plees ua yi raws tau. Nws cia li zoo siab pw nyob nrog kev ua plees yi los kev ua txhaum yam tsis txaj muag.
    Nws tawm rooj mus deb mus ze los nws nyiam thab cov ntshaw ua plees yi, kom tau nrog lawv ua nkauj ua nraug mus, Vim nws tshaw kev hlub.
    Thaum muaj kev txhaum los ti cev lawm, nws yuav raug cov lus xyav ua neeg tsis tsim txiaj, yuav muaj xaiv lus rau sab ua neeg phem, rau neeg ntiaj teb neeg paub. Ces nws yuav nyob li tus neeg tsis paub txaj muag.
    Vim nws tsis ras txog, Cov neeg pluag kev hlub, mas lawv hom raug tej teeb meem ntawm. Ob yam hais los saum no, vim lawv pluag kev hlub tuaj lawm.
    Yuav ua rau tej neeg los tsis nyiam, hos kuj zoo nkaus li ua rau Ntuj los tsis hlub thiab. Ua li mas cov muaj hmoo uas lawv muaj kev hlub. Kuj yuav nco ntsoov tias:
    Sawv daws tshuav hauj lwm ua tsis tas, peb dawv daws ua neej tsis pom hmoov. Yuav tau xyuam xim thiab ceev faj kawg nkaus.
    Tab yog cov neeg muaj kev hlub zoo, tsis zoo lam plhom moj, yuav muab siab rau txhob lam xav tias yog kev ua si xwb no.
    Lo lus ua si tsis zoo lam ua thiab, tej kev pluag los ntawm kev hlub los, cia li muab hloov tau yam tsis paub txog los muaj. Cia li ua rau nws tws kev, vim tsis xyuam xim.
    Cov kev txhaum los ntawm pluag kev hlub los no, Yog muaj ntawv Sau Cim Cia , muab los sau tseg. Mas tsis yog raug rau tus neeg phem ntawd ris xwb.
    Yuav poob ib nrab rau cov neeg tsis txawj hlub luag tej thiab, vim yog lawv xub muab ib lub noob ua neeg pluag kev hlub los cog ua ntej kom tus ntawd lub siab tsis lim laj nthuav ntxeev los ua neeg zoo.
    Lawv yuav tau nrog nws txais ib feem kev ua txhaum los ua lawv tug thiab.

    3. TSEEM MUAJ LWM COV PLUG KEV HLUB TXAWV OB YAM HAIS LOS SAUM NO THIAB.

    Yog sawv daws tsis nrhiav kawm kom paub tseeb los ntawm nws tus kheej, Sawv daws nyob ua ke. cov tsis txawj ua siab ntev thiab tsis kam sib zam thiab sib qhia.
    Lam nyob lam npau taws rau luag, kuj kis tau mus kom pluag kev hlub. Zoo li nws hais lus tshaj tshaj, thiab xyaum ua neeg muab hlob los khav theeb.
    Nws tsis paub li thaum twg, nws twb pluag kev hlub mus lawm thiab. Nws coj li tus neeg tsis qhib siab, los qhia siab rau luag, ces luag kuj tso nws pov tseg.
    Nws kev thoob tsib thiab kev ntse, yuav maj mam ploj zuj zus mus, vim neeg tsis ntseeg thiab hwm nws ntxiv lawm. Nws kuj yuav raug kev thuam ntau zuj zus tuaj, ces nws tso kev sib ntsib sib hwm neeg tseg.
    Nws cia li muaj kev tu siab tuaj, vim luag tsis hwm nws thiab tsis nyiam nws. Nws poob phooj ywg mus ces nws cia li txais tau, kev ua neeg ruam siab luv, muaj kev khib nyob tsis haum leej twg.
    Mas zoo li nws haj yam pluag, tseem pluag dua cov kwv tij los cov txij nkawm pluag kev hlub nyob ua ke mus lawm. Muaj qee leej cia li tuag mus nyob hauv kev ua txhaum npau tws ntawd.
    Thaum zoo li ntawd, ces yog zoo li Hmoob hais kam los tias, Nws raug kev khaum mam li tuag nyob hauv kev ua txhaum.

    4. HAIS QHIA TXHUA TUS TIB NEEG PAUB.
    Sawv daws cov neeg muaj los pluag, cov neeg thoob tsib to nrog. Los cov me nyuam neeg txom nyem. Yog tsis txawj ua neeg xyuam xim ces sawv daws yuav mag tas nrho los tau tib si od.
    Txoj kev sib hlub yog Qaum Ntuj li hauj lwm, Ntuj tsim peb Leej Tib neeg los nyob ua kwv tij los ua phooj ywg. Peb yuav hwm txog tus ruam los tus txom nyem, ib yam li tus nplua nuj muaj koob meej nyob nto moo lug.
    Txhob xaiv neeg lhub thiab hwm xwb, vim dawv daws muaj Nkauj Iab Nraug Oo nkawd cov Ntsuj Roj Ntsuaj Ntshav nyob hauv peb. Peb mam xeeb tau ua ib tug Tib Neeg los nyob.
    Thaum peb thuam los tsis nyiam ib tug neeg twg mas yog peb ua neeg Thuam Ntuj lawm. Koj tsis nyiam los tsis hlub lawv los nyob ua koj luag. Mas koj saib cov lus nram qab no:
    A. Thaum koj nyob ib leeg twm zeej, koj tsis tau luag, koj cia li txav kom mus ti ti rau Mab Sua ua phooj ywg kom koj muaj luag thiab paub nyob.
    B, Thaum koj tus siab tuaj los pluag kev hlub, ntawm kev nyob ua txij nkawm ntawd. Mab Sua los koj cia li nyiam thiab yuav los ua koj kev hlub mus, koj twb zoo siab txaus nkaus tsis nco leej twg ntxiv lawm .
    Txoj kev hlub tib neeg muaj ntau yam hlub, Koj yuav hlub kom haum li kev hlub los ntawm hlub niam los hlub txiv, los hlub li kwv tij phooj ywg phooj ywg hlub.
    Thiab hlub haum li kev hlub txij nkawm nyob sib ua luag thiaj yog Qaum Ntuj kev nyiam kev hlub neeg.

    C, TXOJ KEV SIB HLUB SIB HAUM LOS SIB RAUG ZOO.
    Cov neeg muaj kev sib hlub khov tas lawv sim neej, yog cov coj li cov qib lus hais nram no:
    Thaum lawv txoj kev sib hlub nyob ruaj, zoo li lub luaj qoob. Lawv ntseeg thiab rau siab ua lawv plaj qoob, kom tsis pub fab.
    Thaum lawv muaj kev txom nyem los kev tu siab,lawv nco ntsoov mus nrhiav pwj qaib pwj npua los thaiv kab. Kom Ntxwj Nyoog tus nees dawb caum tsis cuag nws qab.
    Nws thiaj tsis tau mus nrog niam dab poj ntxoog khaws qwj plhaub, los yoog ncauj, khaws qwj yeeg los noj tsau plab.
    Lawv nco ntsoov mus ua lawv plaj qoob zoo, nyob tuaj rau nraum toj los nram taug. kom yub nroj yub ncaug hlav tsis taus.
    Thiaj tsis muaj kev tus siab tu saus, niaj hnub seev yeev yees, yuav mus pw rau Ntxwj Nyoog tus nees ncau. Thiaj tsis tau mus nrog niam dab poj ntxoog.
    Mus khaws qwj plhaub los yoog plab, khaws qwj yeeg los noj kom plab tsau.
    Thaum nws plaj qoob plaj loo fab, thiaj muaj kwv muaj tig los muaj neeg muaj tsa nqis tes tuaj pab. Thaum plaj qoob siav nyob tuaj mus laus txaus, thiaj muaj kw muaj tig nrog tus kev neej kev tsav tuaj nrog sau.
    Ces lub ntuj los nyiam hos lub teb los qhuas, nws txoj kev ua lub neej kaj siab, tiam no los lwm tiam tseem yuav muaj txuas tsis tu ncua.
    Thaum koj pluag kev hlub los ntawm kev txij nkawm los lawm, koj mus nrhiav dua txij nkawm tshiab. Koj twb yug muaj tub los muaj ntxhais.
    Koj niag laus nkuj nkoos, tej tub tej ntxhais noj los luag tsis ntsia los luag tsis xav hais.
    Koj mus yug muaj ntxhais los muaj tub nyob tsheej pawg, koj niag laus nkuj nkoos. Tej ntxhais tej tub luag noj los luag twb tsis xav hu.
    Xav zaj twg los cas yuav ua rau koj, chim siab zoj xav mus de ntsis nroj, rov mus rau tuam tshoj xwb os yuad.
    Peb tshwm sim tuaj ua neeg nyob ntiaj teb no, mas yog tsis muaj kev hlub los ntawm lwm leej lwm tus los mas ua neeg tsis muaj nuj nqes dab tis li.
    Ua tsiaj tseem zoo dua, tus tsiaj neeg tseem ntshaw nqaij los noj. Ntshaw kub los ntshaws kaus yuav cia tau saib dab muag. Neeg tseem hu ua pov haum no thiab.

    Sacramento, tim 14/3/2017.
    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 11th May 2017, 10:53 am



    Zaj 277- MUAJ IB SEEM LUS QHIA COV TXWJ NKAWM.
    Nyob hauv kev ua txwj nkawm, muaj ntau txoj kev coj nqes saum ntuj los. Raws li cov tsiaj ntawv A B C D.

    A. THAWJ YAM YOG TSWV NTUJ KEV TSIM NEEG.
    Ntuj tau tsim kom muaj ib tug txiv neej. Ntuj mam qee tus txiv neej ntawd, nws tus Ntsuj Roj Ntsuj ntshav, nrog tus Ntsuj txha los puab ua tus poj niam, raws li ntawv Faj Lem hais tseg.
    Kom tau nyob sib ua luag nrog tus txiv neej, kom muaj kev zoo siab thiab kev lom zem nyob ua ke. Txoj kev sib ua luag, tsis yog ua luag tsam ho ntshai tsov, los ntshai dab tom thiab hem.
    Kev sib ua luag, yog thaum ib tug raug kev txom nyem los kev tu siab. Muaj tus nyob ze los hlub thiab nplij kom lub siab kaj tau ua lub neej nyob cus plaws.
    Qhov hais no yog Tswv Ntuj txoj kev tsim noob neej nyob rau ntiaj teb no. Tswv Ntuj xav tsa Leej Tib neeg ua ib co Tim Tswv nyob rau saum npoo av.{ Tim Tswv yog tib neeg}
    Kom neeg paub thiab saib tas txhua yam, uas Ntuj tau tsim los muaj nyob hauv lub ntiaj teb no. Raws li txoj koob txoj hmoov uas Ntuj pub los rau tib neeg nyiam thiab ntshaw.
    Lub ntiaj teb los yog lub sim ceeb no, muaj xwv txheej ntau tsav ntau yam, yuav tsum muaj ib tug txiv neej nrog ib tug poj niam. Kom tau sib pab daws teeb meem ntawm kev ntxhov siab.

    B. YOG TXOJ KEV SIB HWM.
    Neb yuav sib hwm ntawm neb ib leeg dhau leeg, nrog rau kev hwm Niam hwm Txiv. Hwm cov ua Tij ua Viv ntawm cuab kwv tij nrog rau cuab neej tsa txhua tus ib yam li neb hwm neb kev ua txij nkawm.
    Neb sib sau los ua txij nkawm, zoo li neb sau niam txiv kwv tij neej nus, cov Ntshuj roj Ntsha los sib koom ua ib co nyob hauv neb lawm.
    Ob pab kwv tij los koom ua ib pab lawm, neb yuav hwm thiab hlub lawv xws li ib pab neeg xwb. Neb yuav ua ib tug choj tuam los ua ib txoj kev rau lsawv daws taug los sib hlub ua ib cuab neeg sib raug zoo nyob ua ke mus tiam dhau tiam.

    C. YOG NEB TXOJ KEV SIB COG LUS.
    Neb tau sib sau los nyob ua txij nkawm li no, mas yog neb txoj kev sib cog lus tias. Ib leeg yuav ua ncaj thiab zam rau ib leeg, Neb yuav sib nyiam sib hlub thiab sib qhia siab ntawm niam los rau ntawm txiv.
    Neb los ntawm ob caj ces neeg thiab ob leej niam los ob leej txiv los. Thaum neb tsis tau los nyob ua ke,mas neb sib txawv me ntsis. Vim neb nyias muaj nyias siab.
    Txij hnub no mus,mas neb los koom ua ib lub cev thiab ib lub siab lawm. Neb kev cog lus mas tau hais li cas rau ib tug lawm mas yuav tau ua raws li ntawd.
    Txhob xav tias yus tau hais li no, ces mus dhau lawm, ces ua lwm yam txawv, ua dej txiag los paus siab lawm. Ces yuav ua chaw cais nplooj siab tawm mus nyob sib nrug.
    Ces yuav ua rau neb ib leeg tsis muaj kev tso siab rau leeg, ces lub neej nyom mus tsis kav laus mog.

    D. NEB YUAV TSUM TAU PAUB TXOG KEV HLUB.
    Txij nkawm kev hlub muaj ntau txoj:
    D-1. Kev hlub yog pw koom vov pam ua ke. Cov xav li no mas lawv txoj kev hlub loj hlob tsis tau txaus.
    D-2. Kev hlub yog kev hwm thiab mloog lus...
    D-3, Kev hlub kuj yog kev sib qhuas thiab cav lus zoo txog rau nws...
    D-4. Kev hlub kuj yog kev sib pab...
    D-5. Kev hlub kuj yog kev nyob ua ke....
    -> Cov neeg tswv yim tsawg, mas lawv tsuas saib qhov pw vov pam ua ke ces yog kev hlub loj lawm.
    -> Hos cov muaj zoo tswv yim, mas lawv yuav qee yam hais saum cov A B C D no, nrog rau neeg tus yam ntxwv coj thiab ua. mas lawv paub xaiv yuav thiab coj kom los sib haum.
    Yam li: kev qhuas,kev hwm,kev pab,kev hais lus los kev nyob ua ke los ua kev hlub nrog. Ces zoo li lawv txoj hmoov zoo dua.
    Muab ua piv txwv li no: Ob tug neeg nyob ua ke ib hnub nkawd tsis tham txog dab tis li, los nkawd kuj hais tias, nkawd sib hlub kawg li thiab.
    Cov lus hais no, mas cov tub ntxhais thaum lawv tsis tau sib sau los ua txij nkawm mas lawv yeej xav nrhiav paub coj li hais no lawm.
    Tab sis hnub lawv yog txij nkawm lawd, mas lawv tso pov tseg tas, lawv tsuas saib qhov pw vov pam ua kev ntau lawm xwb, tsis nco ceev faj txog tej lus hais no.
    Ces muaj ntau yam tsis raws li lub siab xav, ces thiaj ua tau tus dej txiag los paug siab. Ces ho muaj xaiv muaj lus ua rau kev hlub tau plam mus los muaj.
    Ib tug neeg mas yuav tsum kawm thiab nrhiav paub txog tej lus hais no, Yeej muaj qee tus neeg paub ces lawv siv tej lus no los dib txiv neej los poj niam.
    Ces lawv nyiam tham, hais lus los pab ua yam ub yam no. Thiab tuaj nrog nyob ua ke, vim lawv nyeem tau cov neeg ntxhov siab thiab lub tswv yim.
    Lawv tuaj dib kom neb lub siab tig mus ua neeg pheej yig, tsis kheev nqi siab, los lam tuaj yeem swb kev lag luag rau. Ces muas tau yus nplooj siab coj mus ua si.
    Qhov tseeb mas lawv twb tsis tau nyiam thiab hlub yus ib qho li. Yam txhais khau pheej yig ces lam muab looj taw kom sov xwb.
    Qhov kawg mas neb yuav tau paub tias kev nyuaj siab tawm qhov twg tuaj!
    a. Kev nyuaj siab los ntawm yus tsis muaj kev ntseeg zoo tuaj. Yus tsis nteeg yus lub peev xwm muaj zog.
    b. Ces kev nyuaj siab tawm ntawm kev pluag los.
    c. Zoo li yus tsis ntseeg yus tus txiv siab, los tsis ntseeg tus poj niam siab. Ces yus tas kev cia siab rau Ntuj thiab rau neeg nrog tas rau tsoom txheeb ze tib si. Ces yog raug kev nyuaj siab rau yus lawm.
    d. Neb yuav paub tias, Tus thawj neeg ua Xib Hwb zoo li yog Tswv Ntuj. Hos Tswv Ntuj zoo li tas nrho tsoom neeg sawv daws tib si, Peb yuav sib hlub sib hwm li ntawd.
    e. Kom Tswv Ntuj foom txoj hmoov zoo pub rau peb, mas peb thiaj zam dhau tej xwv txheej teeb meem nyuaj siab no mus. Peb thiaj tau lub neej nyob kaj siab lug.

    * Sacramento tim18/2/2017.*

    Yaj Zoov Ntxheb X.H.











    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5298
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th June 2017, 9:32 am



    Zaj 279- KEV NTSEEG NTUJ.

    Kev ntseeg Ntuj, muaj lub ntshiab lus loj kawg. Uas neeg Yaj Ceeb paub tsis txog! Muaj ntau lub tswv yim los ntawm ntau tus Leej Tib Neeg lawv nug tias:
    Vim li cas thiaj xav kom Hmoob los ntseeg txog tswv Ntuj. Txoj kev ntseeg Ntuj yog ib txoj kev zoo tas nrho. Haiv Hmoob yog ib Hais neeg, tseem ceeb, txawj ntse thiab muaj kev thoob tsib loj kawg.
    Haiv Hmoob sawv daws yug los, puav leej yog yug los nyob hauv lub hwj chim. Nyiam ua luag tus thawj neeg, tej tus yug los nws tsis muaj kev thoob tsib ntau.
    Los nws yeej nyiam txoj kev ua thawj neeg, nyob hauv ib pab neeg koom nrog nws, nyob ua pab pawg. Hos tus yug los nrog kev thoob tsib tiag, mas nws nyiam kev ua thawj neeg coj teb kav chaws.
    Zoo li ua nom loj nyob txheej siab, los ua cov tuam los pav muaj txiag nplua nuj. Kom muaj tub txib tub txuas coob, kom muaj koob meej nto moo lug.
    Li ntawd mas tus neeg ntse, neeg ruam los thiaj qi muag mus ua tau tej hauj lwm cuav tsis haum kev cai. Uas muaj plaub ntug khi nrog kev raug xaiv raug lus tsis zoo.
    2. Yog Hmoob tig los ua neeg ntseeg Ntuj tas, Hmoob muab txoj kev ntseeg ntuj los kawm kom thoob plaws. Ces Hmoob yuav yog thawj pab neeg.
    Paub Tswv Ntuj txoj kev nyiam kev hlub loj thiab tob tshaj lwm Haiv neeg tib si, Txhua tus Hmoob yuav zoo mus txog li 100%.
    Vim Hmoob lub tswv yim, yeej yug los nyob txheej siab.
    Yog Hmoob tig los ntseeg Ntuj tas, Hmoob zoo txog 100% lawm. Ntuj yuav Foom kev ua thawj neeg rau Hmoob coob leej kom tau ua thawj neeg.
    Vim Hmoob nyiam kev ua thawj neeg heev, leej tib neeg yog nws nyiam dab tsis. Mas Ntuj yeej yuav Foom pub kom tau raws li lub siab ntshaw.
    Cov neeg muaj kev ntshaw, mas yeej yog xeeb nrog Ntuj kev tsim noob neej los. Tus neeg yug los, Nws yiam yam twg mas zoo li Ntuj yeej muab txoj hmoo ntawd rau nws nqa pem ntuj los.
    Yeej yuav tau raws li nws nyiam,Cov neeg ntshaw ntawd yeej yog xeeb los nrog Ntuj kev tso los ua tus thawj neeg.
    Tos hais tias, yuav tau ntseeg txog Ntuj, Vim kev ntseeg Ntuj, muaj txhua yam kev zoo. Coj leej tib neeg hwm Ntuj ces nws txawj hwm leej tib neeg, nrog txhua yam Ntuj tsim los nyob ntiaj teb no.
    Tus ntseeg Ntuj lawm, nws ua raws li Ntuj kev cob qhia. Ces nws yuav yog tus ua zoo tshaj, ces neeg kuj yuav nyiam thiab hwm nws lub hwj chim.
    Vim nws nyob nraim nrog Ntuj kev nyiam kev hlub thiab kev zam. Nws tau ua thawj neeg mas txhua tus twb nyiam. Cov Dab los kuj hwm nws.
    Ntuj tsis kheev kom dab ntxias nws ntau dhau, Vim tus neeg siab ncaj mas Ntuj yeej pov hwm nws. Vim nws ua luag thawj neeg zoo, nws muaj qhov xws li yog luag niam luag txiv.
    Ces nws muaj hmoo txaus nkaus los ua thawj neeg, Cov ua thawj neeg ntawd lawv yog Ntuj cov tiam lis, hloov Ntuj ua txoj hauj lwm nyob ntiaj teb. Txhob ua liaj noj rau saum luag nraub qaum, li Hmoob hais qee leej neeg. Siab tsis ncaj tau ua los lawd.
    3.Hmoob feem coob yog ib cov Hmoob siab ncaj. Yog Hmoob ntseeg Ntuj tas nrho, mas Hmoob yuav zoo li ib pab Tim Tswv, ua Ntuj cov hawj lwm tseem ceeb pub rau Ntuj cov tub ki nyob ntiaj teb no.
    Ntuj yuav pov hwm Hmoob txoj kev nyiam ua luag tus thawj neeg kom nyob ruaj. Neeg ntiaj teb yuav tsis kam muab ib tug Hmoob rhuav yam saib tsis taus Hmoob.
    Ntuj yuav ua kom Hmoob saib tas rho tej uas Ntuj tau tsim los nyob ntiaj teb no: Li Hmoob yog Ntuj cov Tshiab.
    Ces Ntuj yuav pab Hmoob pov hwm thiab txuag neeg cov Ntsuj plig, kom noj qab nyob zoo, nrog rau tus Ntsuj Av, Ntsuj deg, Ntsuj huab Ntsuj cua, Ntsuj nag nrog tus NTsuj kub thiab Ntsuj no.
    Thiab saib xyuas tas nrho cov Ntsuj xyoob Ntsuj ntoo, me Ntsuj Qaib Ntsuj Noog los rau tej Ntsuj tsiag Ntsuj txhu. Uas Neeg muab los ua txhia xws noj yug siav.
    Kom Neeg nyob taus thiab coj txhua yam kom haum vam mus thoob plaws lub qab ntuj khwb. Ntuj yuav saib Hmoob zoo cuag li ib co Tim Tswv thoob tsib.
    Txawj nrog Tswv Ntuj tu lub ntiaj teb no zoo, kom lub ntiaj teb tshiab tuaj tas txhua yam, li Ntuj nyaim. Yog Hmoob ua tau li no, mas Dab los yeej ntshai Hmoob.
    Dab yuav tsis tuaj haub ntxias kom muaj ib tug Hmoob yuam kev rov taws tuam Ntuj. Vim Hmoob yog Ntuj me nyuam thiab yog Haiv neeg dawb huv uas Ntuj nyiam.
    Dab los yuav zwm rau Hmoob tas nrho, Hmoob yuav txawj ua Khawv Koob los yuam Dab kom Dab tsis muaj phus tsa taub hau sawv.
    Cov neeg ntseeg Ntuj, lawv muaj cov khawv koob ntawd, yog lawv cov zaj teev Ntuj. Uas lawv niaj hnub lawv hais rau Ntuj kom los pab cuam rau Hmoob.
    Hais tseeb tus neeg ntseeg Ntuj tseeb, mas nws tsis rov dag rau nws tus kheej ib zaug li. Ces nws kuj tsis tau dag rau Ntuj.
    Vim cov ntseeg Ntuj mas lawv muaj Ntuj lub zog pab lawv txhua lub caij nyoog kom muaj zog tiv tej kev ua phem rau luag. Lawv nyiam kom muaj kev hlub kev zam rau lwm tus, raws li Tswv Ntuj nyiam thiab zam rau neeg.
    Lub npe hu ua Yes Xus yog Tswv Ntuj rov qee Nws tuaj yuav lub cev neeg. Vim Tswv Ntuj xav qhia zaj lus no, kom neeg paub txhua.
    Ntiaj teb kuj tau pom tej tus neeg ntseeg Ntuj ua tsis ncaj, tus ntawd nws ntseeg tsis zoo, thiab nws tsis nyiam Ntuj tiag. Nws lam yuav lub npe ntseeg kom tau ua thawj neeg xwb, nws yuav poob rov mus ua neeg tsis tsim txiaj rau ntiaj teb thuam nws.
    4.Kev Ntseeg, nyias muaj nyias kev ntseeg, ib hom txawv ib yam. Los kuj tsis yog kev phem. Kev Phem yog tus tsis ntseeg dab tsi li, mas yog kev phem ntag.
    Nws saib nws loj cuag li Huab Tais Ntuj kiag lawm, nws tsis muaj hwj huam dab tsi, los nws tseem ua neeg muab hlob khav theeb.
    Nws muab nws lub Plab saib ua tus loj tshaj txhua yam, rau nws pe hawm, Thaum tshaib plab tuaj nws txawj mus tho luag qhov vaj qhov tsev. Nws ua tub sab tub nyiag loj li ib tug thawj neeg tsiv tsaim siab phem.
    Tsis muaj neeg pom kuj yog tub sab nyiag lawm xwb, Yog muaj neeg pom. ces kuj ua tsiv ua nruj li tej neeg phem ua tau xwv txheej loj, ces kuj yuav muaj neeg tuag rau nws tes thiab.
    Tus neeg zoo li no, nws tsis muaj kev zam kev hlub rau leej twg li. Yog nws tau swb ib lub zog los ntawm lwm tus los, muaj lub zog loj dua nws,mas neeg thiaj tsis muaj kev ploj tuag.
    Hom neeg zoo li no, cov neeg coj kev ntseeg txhua pab, sawv daws ntshai nws thiab ntxub nws kawg. Vim nws tsis muaj kev ntseeg ces nws tsis ntshai kev txhaum thiab kev khaum
    Nyob hauv Hmoob cov kev cai, yog ib co kev cai nqes pem ntuj los, ntxov ntxov lawm. Tswv Ntuj tau tshoj tej pog koob yawg koob siab dawb los qhia kom Hmoob coj.
    Tej kev cai zooj li sawv daws pom Hmoob coj no, Hmoob tsis muaj cov Yaj Saub los qhia sau ntawv. Ntuj txib cov Yaj Saub los qhia lus ua txuj ci xwb. Hmoob kawm ntawm ncauj los ceev tseg rau nruab siab ntau xwb.
    Qhov nco tau tseeb los muaj, qhov nco tsis tau lawm los ntxiv me ntsis rau, kom zoo mloog rau pob ntseg. Hais tseeb yam zoo yeej yog Ntuj qhia los.
    Qhov tsis zoo yog tej yam neeg txua rau, Cov Ntsiab lus zoo, puav leej yog Ntuj lus. Tib neeg ntxiv tej lus hais tias, yog lus txhiaj txhais. Ib co lus tseem Ceeb mas tsis muaj cov lus txhiaj txhais ntawd.
    Muaj me ntsis cov lus hais ua paj lug nrog, Thaum hais ua paj lug yog hais lub ntsiab lus zoo qhuab qhia xwb. Tsis yog hais los rau neeg twv thiab txhais.
    Muaj tej yam uas tsis haum Hmoob kev cai thiab tsis yog li. Yog cov lus tus kws ntawd txua rau tshaj lawm:
    Lo lus hais tias Dab Thawj, lo lus no tsis tseeb. Dab ntxias xwb dab thawj tsis tau. Vim Ntuj tsis pub dab yuam neeg, kom neeg yuam kev mus poob qhov ntuj.
    Ntuj tsuas kheev kom dab tuaj ntxias neeg xwb Thaum yuam kev lawd, yog neeg hais tias, dab yuam kom ua. Yog mus ua plaub mas neeg kawg swb rau dab tas nrho li.
    Yog yuav hais qhov tseeb thiab muaj, mas tsis yog neej ntshai dab. Yog Dab ntshai neej tshaj, vim neej yog Ntuj me nyuam. Hos Dab yog cov Ntuj tsis yuav lawv, Ntuj muab pov los rau ntiaj teb no.
    Neej hais tej lus ntawd, vim neej tsis muaj kev ntseeg thiab kev tso siab rau Ntuj. Yam uas neej txhais tsis tau lawm ces neej cia li hais tias yog dab ua los dab thawj no xwb.
    Yam uas neej ntshai, mas ntshai tsam Ntuj tsis pab. Ces tuag ces tau mus ua dab lawm xwb. Neej lam ntshai dab, ces thaum neej muaj mob nkeeg neej xav tias.
    Ua tub qaug dab lawm, yuav muab nyiaj txiag xyab ntaw thiab tsiaj txhu mus pauj rau dab. Kom dab zoo siab.
    Dab yeej tsis muaj tug thiab tsis muaj feem xyuam nyob ntiaj teb no ua dab tug li. Thaum Dab ntxeev siab rau Ntuj, Ntuj twb muab lub sim ceeb no cob rau neeg ua tswv kav tas nrho lawm.
    Nyiam no neeg muab dab tsi rau dab, los ua nuj nqes mas dab cia li yuav yam twg. Dab cia li mloog neej lus hais.
    Lo lus yuam kev yog lo hais tias:
    Yog Dab thawj los dab qhia thiab dab yuav noj yuav haus, pauj rau dab coj mus noj mus haus. Zoo li ib lo lus ntxias me nyuam yaus los dab mloog tib si.
    Tej hais no Tswv Ntuj yeej tsis tau thuam neeg ntiaj teb tias, cas yuav ruam ua luaj li. Vim neeg yog ib tsav ntsuj plig me me, ces tswv yim los zog me tas tib si.
    Neeg txawm yuam kev tsheej pheev, los Ntuj Zam rau neeg. Neeg txawm tuav txog tej tus Tim Tswv me me los hloov Ntuj chaw los Ntuj txais coj mus ua paj tshab.
    Pom txog neeg nplooj siab xav ua neeg siab dawb. Yam neeg hu txog kom tuaj pov hwm neeg, los lawv puav leej yog Ntuj ua tus tsim lawv los nyob ntiaj teb no,thiaj muaj yam ntawd.
    Txhua yam tseem ceeb puav leej yog Ntuj qhia los, thaum Ntuj qhia ib tug twg tas. Ces dab tuaj ntxias tus neeg ntawd kom txua me ntsis ntxiv rau kom lo lus hais txawv zog tuaj.
    Dab qhia kom tshooj ib co lus txawv kom tsam peev tuaj, kom hais tias, yog dab qhia. Kom muaj ib yam ntseeg txawv tsis yog Ntuj hom.
    Dab mas dab txawj ua tej tus Moj Zeej, tuaj ntxhi rau neeg tej pob ntseg kom nws txawj txua tej yam ze dab zaj tswv yim uas neeg tsis nco txog tias, yog nqes saum ntuj los.
    Zoo li tus mus kawm tshuaj, Yuav tsum them nyiaj, mas dab thiaj tso hwj huaj los rau. Tshuaj thiaj zoo nrog tes. Yam Ntuj qhia yeej zoo, qhov tsis zoo yog qhov ntxiv tias; Muaj dab tshuaj.
    Hais txog Hmoob kev cai, nej mloog Hmoob cov kev cai pam tuag saib Hmoob hais li cas! Tas nrho tsuas muaj peb theem lus zoo xwb,cov lus tseem ceeb ntawd.

    A. thawj theem yog hais Hmoob kev noj sib hlub haus sib ce. Los ntawm, kev kwv tij los nkauj muam nraug nus kev sib hlub xwb.
    B. Theem ob yog hais rau tej tub ki ua neej nyob, txhob ua tub sab tub nyiag los txhob deev luag poj luag sev thiab txhob mus twv txiaj yuam pov tsam ua neeg xyob txhiaj mus....
    C. Theem peb yog Ntuj lus thiab yog lus faj lem xwb. Dab tsis tau qhia tej txuj no rau neej. Theem kawg Yog ua siab ntev kom txawj ua neeg sib hlub sib nyiam nrog kev sib zam.
    Txawj sib mloog lus ua zoo, kom Ntuj pom Ntuj hlub, neeg pom kom neeg qhuas. Nej thiaj muaj siab xav ua lub neej nyob ntiaj teb no.
    Kom ua neeg nyob kaj siab lug tsis muaj dab tsis nyob khuam tes taw. kom tau ua lub neej nyob dawb huv tiam tas tiam tuaj....
    Kev ntseeg Ntuj muaj tej yam zoo npaum no, thiaj xav kom tej Haiv neeg thoob tsib li Haiv Hmoob los paub txog Kom muaj txoj hmoov zoo nrog Hmoob nyob coj lub neej zoo mus li.


    *Sacramento,Tim 23/3/ 2017.

    Yaj Zoov Ntxheb X.H.




    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 24th July 2017, 9:42 am