Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


XH. Yaj Zoov Ntxheb lub Tsev THOOB TSIB - Page 15 Empty

Latest topics

» UA KOOB TSHEEJ YES XUS YUG LOS XYOO 2018
by Mim Yesterday at 9:06 am

» COV ZAJ NYEEM HNUB CHIV 2018-2019 xyoo C
by NrhiavTswvNtuj 23rd May 2019, 7:41 am

» Qhia Ntuj Kev Cai.
by Maiv Tooj 23rd May 2019, 7:28 am

» XH. Yaj Zoov Ntxheb lub Tsev THOOB TSIB
by Maiv Tooj 23rd May 2019, 7:22 am

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd May 2019, 7:18 am

» KEV THOOB TSIB & ZAJ NKAUJ SEEV
by Maiv Tooj 16th May 2019, 10:10 pm

» NTUJ MUAJ TXIAJ NTSIM LOJ RAU HMOOB.
by Maiv Tooj 9th May 2019, 6:52 am

» LUB KOOM HAUM KAS TOS LIV.
by Maiv Tooj 3rd May 2019, 8:32 am

» PIAV TXOG THAWJ TUG DAB PHEM.
by Maiv Tooj 25th April 2019, 6:34 am

» QHIA TXOG HUAB TAIS 6 TEEV NTSHAV.
by Maiv Tooj 25th April 2019, 6:31 am

» TUS NTSEEG YES XUS YUAV TSUM UA NEEG PAUB TAB.
by Maiv Tooj 25th April 2019, 6:22 am

» Thov Ntuj rau cov neeg mob TSWV NTUJ LO LUS TAWM TUAJ.
by Maiv Tooj 25th April 2019, 5:51 am

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd January 2019, 8:24 am



    Zaj 358- HMOOB PUAV PHEEJ LOS HMOOB TEEJ HMOOB TUG.

    Hmoob txuj ci thiab puav pheej, muaj ntau yam kawg. Vim Hmoob tsis sib pab thiab Hmoob muaj kev tsis sib raug zoo los tau ntau txhiab xyoo lawm.
    Hmoob tej txuj ci poob tas, tab yog Hmoob cov lus , mas Hmoob twb mus, muab Mab Sua lus qee lo lus los txuam, rau Hmoob lus.
    iB pab Hmoob nyob rau ib lub teb chaws, thiab nrog ib Haiv neeg nyob, mas Hmoob siv tej haiv neeg ntawd li lus los txuam rau Hmoob lus ntau lo lawm.
    Hmoob teej tug thiab Hmoob puav pheej, ces yam loj tsuas tshuav Hmoob lub peb caug, thiab Hmoob tej kab lis kev cai.
    Zoo li kab tshoob kos, los cov zaj tshoob txiv xaiv foom kom ntawd, thiab kwv txhiaj paj ntsha lus taum los dab neeg lawm xwb.
    Thiaj tseem yog Hmoob li puav pheej, cov koom haum uas niaj hnub no Hmoob tsa los nrhiav nyiaj. Tsis yog cov puav pheej qub txeeg qub teg, li tej pog yawg tau tsim los ua puav pheej rau Hmoob.
    Cov koom haum no yeej zoo, yog yuav hais kom raug li ltxoj kab txoj kev. Mas muaj tej lub koom haum nrhiav nyiaj, mas nws yuav poob los ua Haiv Hmoob teej tug.
    Nws tsuas yog poob los ua rau ib pab ib pawg twg li xwb, Cov koom haum tsim txuj ci nrhiav kev vam meej. Tsis nyob hauv Haiv Hmoob li teej tug.
    Lub tsiab peb caug mas yog Haiv Hmoob li teej tug, mas cov nyiaj ntawd. Yuav siv los txais dab txais qhua, ua lub tsiab peb caug, mas yog haiv Hmoob li tiag.
    Yog ua los txhawb Haiv Hmoob, mas yuav muaj kev pom zoo ua ke thiaj siv tau, vim yog ib haiv neeg li.
    Sawv daws yuav saib zoo li cov Koom Haum ub Koom Haum no, mas nws me dua Haiv. Xav kom sawv daws to taub tias, tej koom haum no tsis yog tsim los ua kev sib ntxub, los ua tsov rog, rau sab sib cav sib ceg ntawd.
    Lawv tsuas yog tsim los sib nres rau, sab kev sib txhawb tswv yim. Kom tau kev sib pab, kom cov koom haum no,tau kev sib pab txhawb Haiv Hmoob.
    Kom loj hlob, nyob tiaj tus ua rau luag lwm Haiv neeg saib taus Hmoob tias, lawv yog ib Haiv neeg txawj sib hlub no xwb.

    Txhob muab tej koom haum ub no, los ua kev sib tawm tsam ua rau kev tsis sib haum xeeb. Cais cia nyias nyob nyias tib lub koom haum peb caug thiaj yog Haiv li xwb.
    Peb yuav tig mus ntsuam txog li tej xwm, uas nws poob saum ntuj los thiab tej xwm uas neeg tsim muaj nyob ntiaj teb no los saib kom pom tseeb me ntsis tuaj:

    1. Xyoo 2017 no, nyob hauv lub sim ceeb no,muaj xwv txheej ntau yam. Xws li muaj xob tua thaum tshav ntuj nrig, ua kom muaj hluav taws. Cia li kub toj roob hauv pes, neeg tua tsis tau.
    Cuag hluav taws cia li kub toj roob hauv pes mus tas lawm ntau ev taj. Ua rau neeg tsis muaj vaj tse nyob, los cia li kub hnyiab tsis paub hluav taws kis sab twg tuaj li.
    Ntuj nyob ntuj qhuav qhawv av cia li saus mus tob li ib ntsis ntoo, los muaj. Tej xwv txheej poob saum ntuj los kuj cia li ua rau muaj neeg raug kev ploj tuag los muaj.

    2. Nyob nyob cia li muaj av qeeg, los hluav taws poob saum ntuj los xws li xob tua. Ua rau tej toj roob hauv pes kub hnyiab, los av qeeg hauv dej hiav txwv tuaj.
    Ua rau av ci li saus mus los dej hiav txwv ntas tuaj, ua teeb meem rau zej zog raug dej nyab mus. Neeg cia li hais lus tsis sib haum.
    Tej haiv neeg cia npaj kev sib tua, ua neeg kab theeb yam tsis hwm Ntuj lawm. Tej teeb meem no ua rau tib neeg muaj kev txom nyem loj kawg.
    Sawv daws khiav ua npoj ntws, tsis muaj mov noj. Thiab tsis muaj vaj tse nyob, ua rau ib haiv neeg ntxub ib Haiv, tej Nom Tswv txwv tsis pub ua ntawv hla tej chaws.
    Ntshai tej neeg siab phem tuaj tsim teeb meem, tuaj hlawv nplaum, los tua cov neeg dawb huv kom muaj xaiv lus thiab teeb meem rau cov teb chaws vam meej.

    3. Dej nag cia li poob saum ntuj los, ua rau tej lub teb chaws raug dej nyab los av pob. Kom neeg zej zog mus los sib cuag tsis tau.
    Tseem muaj kev ntxub ntxaug ntiaj teb tham nrho nrooj tias, yuav rau txim kom neeg muaj kev tshaib plab thiab. Lub ntiaj teb no, xyov yog neeg tsim kev txhaum ntau dhau lawm los li cas li.
    Ntuj mloog tsis taus lawm, los yog zim txwv txog lawm, ua cas yuav muaj teeb meem ntau cuag li no tuaj. Neeg tej kev tsis sib haum xeeb no, pib sawv kiag ntawm tej niam txiv nyob ua txij nkawm mus.
    Ti nkaus rau tej nom tswv kav teb chaws ti si lawm, zoo li cov ua hlob los ua tsis haum cov yau lub siab li. Lus xaiv muaj npau to txheej qis mus nto txheej siab.

    4. Tsis hais neeg tej teeb meem no xwb, tej roob daus xib daus npus kwv los puaj tiam nws nyob nws. los nyem no txawj tawg pleb nrug yuav nphau los rau hauv lub hiav txwv.
    Yuav ua rau qee lub pov txwv roob nyob hauv dej Hiav txwv, yuav raug ploj mus thiab. Zoo li dej yuav ntau tuaj, nyab qee lub pov txwv yuav ploj mus cuag li lawv yog cov neeg muaj txhaum chaw nyob, uas yuav raug nplua rhuav tshem mus ntag.

    5. Tsis tas li ntawd xwb, Lam nyob lam cia li xeeb muaj cua moj lwg kaw. Cia li sawv los nplawm dej Hiav txwv los nplawm toj roob hauv pes.
    Ua kom dej sawv ntws nce toj nyab tej suam teb chaws mus. Thiab cov cua moj lwg kaw no tshuab nplawm xyoob ntoo lov ua nqaj tog mus.
    Yuav ua rau tib neeg tau raug kev piam sij, muaj kev ploj tuag mus yam txaus ntshai heev. Leej tib neeg nyob ntiaj teb no yuav thov leej twg ua tus pab kom tau kev dim mus li lauj!

    6. Raws li Tswv Yim xav, mas yeej muaj ib co npe nyob ntawm neeg thiab Tswv Ntuj kis nruab nrab ntawd. Uas neeg yuav tau vam txog lawv cov npe los thov Ntuj pab:
    Cov npe no, yeej muaj ntau lub npe muaj hwj chim loj uas tsim nyog rau neeg yuav mus thov! Tej zaum, lawv yuav muaj cuab kav nce mus txog Tswv Ntuj tau!

    Cov npe uas tib neeg yuav tau mus vam txog ntawd yog:

    a,- Mus vam txog,Yawg Zam, kom nws pab mus thov Tswv Ntuj Zam txim rau tib neeg...

    b.-Mus raws Yawg Hlub tuaj mus thov Tswv Ntuj kom tuaj hlub txog neeg ntiaj teb...

    c.-Mus ntsib Yawg Nyiam, kom nws mus thov Ntuj kev nyiam los rau neeg ntxiv kom tsim nyog rau Ntuj rov tuaj nyiam neeg ntiaj teb dua ib zaug ntxiv....

    d.-Mus cuag, Yawg Ncaj Ncees tuaj mus hais kom Tswv Ntuj khuv leej, leej tib neeg kom lawv nyob tau ua kev mus nrog kev sib raug zoo...

    e.- Neeg tseem yuav muas ntsib kom tau Yawg Txawj ntse tuaj qhia neeg kev sib to taub, kom sawv daws ua neej nyob sib haum thiab raug zoo, nyob thaj yeeb mus tsis txawj kawg ua lub neej kaj siab mus li...
    f.-Hais los mas tseem tshuav coob leej, ntau tus tab sis yuav tau mus cuag Yawg Thoob Tsib los ua tib neeg tus Xib Hwb coj qhia kev ua Yaj Saub, los pab kom nyob tau ua pab ua pawg, thiaj kav ntev mus rau yav tom ntej...
    Raws li tswv Yim xav, mas tshuav Yawg Muaj Txuj Ci no, neeg tseem yuav tau mus vam txog los, qhia kev ua neej rau tej leej tib neeg. kom tau tawm hauv kev tsaus ntuj los nyob rau sab kev kaj no ntxiv thiaj yog qhov tseeb.

    *Sacramento tim 20/7/2017.*
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th January 2019, 8:22 pm



    Zaj 359- XIB HWB VAM MEEJ ZAJ LUS.

    Thaum lub 3/6/2018 no, kuv tau hnov nws hais ib seem lus. Pub rau tsoom kwv tij Hmoob nyob Cob Tsib teb, nws cov lus kuj zoo kho tas lub qab ntuj neeg. Hmoob lub siab lub tswv yim, kom txhua tus txawj nrhiav txoj kev sib hlub.

    Nws zaj lus mas kuj meej kawg rau tsoom Hmoob uas nyiam ua luag tus thawj neeg. Thiab raug rau tsoom pej xeem sawv daws ua neej nyob, sib raws nrog kev ua neej ua tsav!
    Nws tau hais rau tiam neeg nyob rau tiam nees nkaum no tias:
    Haiv Hmoob yog ib Haiv neeg zoo tas nrho, Haiv neeg muaj lub cev, muaj tswv yim laj lim plab plaw zoo. Tseem muaj tus ntsuj plig nrog lub cev thiab lub tswv yim.
    Haiv neeg Hmoob no, txhob mus siv tus cuj pwm txawv txawv, li ib tug tsiaj tsis muaj pob txa. Uas raug luag tsuj thiab nws noj yam qias neeg. Zoo li tug cab cua nab, uas nws nyob qhov chaw phem thiab qias. Tos quav qaib quav npua noo mus ntxooj av ces mam laum mus noj xwb.
    Ib tug leej Tib Neeg muaj lub cev, muaj tes muaj taw txawj txav mus los, tseem muaj lub tswv yim txawj xav qhov phem qhov zoo. Nrog tus ntsuj Plig kom ua haum li Tswv Ntuj lub siab uas Nws nyiam, Ntuj thiaj tau tsim los nyob kom muaj los.

    Txhob mus xyaum ua ib cov neeg, kom tseem txawv dua li tej tsiaj. Nyias xia nyias lub zog loj thiab nyias muaj peev xwm.
    Zoo li tiam neeg nyiam no, tus muaj mas muaj noj tsis tas. Hos tus pluag mas kuj txom nyem tsis muaj chaws xaus li thiab.

    Lub npe hu ua Hmoob no, tas nrho cov muaj cov pluag. Cov txawj ntse, los cov ruam. Thiab txom nyem. Lub ntiaj teb pej Kum Cuab saib zoo li, tas nrho tsoom Hmoob poob nyob hauv ib lub qhov. Los sawv daws mag tas nrho rau hauv ib lub nkuaj tsis muaj kev dim tau li.
    Hmoob yog ib Haiv neeg ntse thiab tsim txiaj kawg, Yav ntuj thaud. Tsis muaj leej twg tau kawm ntawv li, los twb muaj tej tus Hmoob thoob tsib nrog mab Sua ua Nom txij tog txij peg mus zoo li yog phooj ywg muaj txuj, laj lim plab plawv loj sib luag zos.

    Tas nrho cov npe Hmoob uas Suav hu ua Meo no. Txawm yog Hmoob Dawb, Hmoob ntsuab, Hmoob Sib thiab Hmoob Lees los sawv daws hais lu yeej paub zoo.
    Cov Hmoob Dub, Hmoob Sua, Hmoob Xauv thiab lwm cov. Muaj tej pab, mas peb paub li 30% li lus, tej pab mas paub li 80%. Yuav tau kawm mas thiaj li paub tas.
    Li cas los yuav tau nyob ua ke kom sib swm siab thiab swm lus. Vim tias pab twg los yeej yog Hmoob tib si. Lo lus hu ua Hmoob no, mas muaj coob kawg, ntshai twb muaj 10 ntau li Plhom leej neeg lawm.
    Hmoob nyob thoob qab ntuj lawm, Suav teb, Cob Tsib teb, Los Tsuas teb, Thaib teb Australie teb, Fab Kis teb, mes Lis Kas teb, As me li kas pej thiab naj: kas Nas Das, Nkws Yas, As Zaas Tis Nas twb puav leej muaj Hmoob nyob txhua.
    Tej pab Hmoob tseem raug luag lwm Haiv neeg caij tsuj ua lub neej txom nyem ntsuav li peb pom los paub. Ob pab txom nyem dhau ciam li ntiaj teb paub. Mas yog ob pab uas nyob rau Cob tsib teb thiab Los Tsuas teb ntawd.
    Hmoob kev txom nyem tawm ntawm Hmoob cov thawj neeg los tas nrho li xwb. Hmoob twb muaj nyob thoob qab ntuj Hmoob yeej ntse kawg, nyob rau qhov twg los Hmoob yeej mus nrog mab sua ua nom ua tswv. Tswj teb kav chaw, ua cas tsis nrhiav kev thaj yeeb pub rau Hmoob li!
    Cia Hmoob txom nyem tsis paub nyob tsis muaj noj. Me nyuam Hmoob mus xyaum ua tub sab tub nyiag, xyaum ua lag luam cuav dag tib neeg mus cuab phiaj rau neeg ntiaj teb saib thiab pom, thov khawv noj thov khawv haus yam tsis paub txaj muag.
    Puav leej yog cov thawj neeg Hmoob kaw tej neeg txom nyem kev kom raug kev txom nyem loj li no! Koj tau ua thawj neeg koj tsis nrhiav kev hlub Hmoob. Koj tseem yog tus mus hem Hmoob kom Hmoob txom nyem poob plig tas li no.
    Cov Hmoob uas nrog mab suas ua neeg txwj laus saib zej zog, cov mus ua tub rog, cov mus ua tub ceev xwm. Vim li cas nej yuav tso siab rau nej ob peb vam nyiaj hli ntawd xwb.
    Nej tseem ua tsiv ua nyaum rau Hmoob tshaj tej mab sua ua rau Hmoob lawm thiab. Nej muab ib tug Hmoob hiam li no kom Mab Sua qhuas nej no!
    Qhov kawg ces Hmoob tus muaj tus pluag, tus ua nom, tus ua qhev thiab tus txom nyem nyob ntawm kev ua neeg thov khawv no, sawv daws mus nyob ib nkuag xwb lod!
    Nyiam no yog cov thawj neeg Hmoob lub luag hauj lwm lwm. Nej yuav cawm Hmoob ces yog lub caij nyoog lawm od. Txhob tos thaum sawv daws tsw lwj ib yam tas tib si mam hais tias, kuv yuav mus cawm Hmoob.
    Thaum ntawd tus cua nab tseem muaj zog dua tus ua thawj neeg Hmoob lawm mog.
    Txuas ntxiv mus tiam Hmoob tam sim no cov yuav xaiv los ua Hmoob cov thawj neeg yog cov zoo los cas?
    Yuav xub muaj cov no, thiaj tau ib pab Hmoob zoo los ua thawj neeg:

    1.Yog pab Xib Hwb qhia txuj ci kom muaj cov tub txawj tub ntse ua neeg thoob tsib to nrog.

    2. Thiaj mam li yog cov yuav los ua thawj neeg, ua Nom tswv saib Hmoob. Los nrog tej Mab Sua ua kab Xwm txhua fab. Zoo li ua tub rog tub ceev xwm thiab lwm yam kab xwm.

    3. Yog cov ua kws tshuaj saib tej kev mob kev nkeeg cawm neeg txoj sia kom sawv daws tau noj qab haus huv raws li kev vam meej.

    4. Ua ib Haiv neeg yuav tsum muaj ib txoj kev ntseeg tseem ceeb saib kev ncaj ncees kom xws li tej haiv neeg muaj kev ntseeg nyob siab dua leej tib neeg.
    Plaub pab no mas thiab li muaj zoo li Hmoob hais txheem lub tsev kom kho, los teeb lauj kaub yias thiaj tsis ncuav.

    5. Cov thawj neeg saum no lawv yuav tau mloog txog kev cai kav kom ncaj ncees. Ntuj thiaj nyiam thiab neeg thiaj qhuas thiab hlub. Sawv daws thiaj yuav nyob thaj yeeb nrog kev kaj siab lug.
    Cov ua thawj neeg nyob sab twg los kuj yog, tus ua thawj neeg no. Yuav tsum yog tus txawj ntse muaj kev hlub kev qhia thiab kev zam rau sawv daws.
    Hlub tus muaj tus pluag sib luag zos, txhob xaiv neeg hlub li Hmoob ib txwm hais tias: Saib dej ua ntu, saib neeg ua phu xwb.

    Tus ua thawj neeg kuj yuav tsum yog tus nyiam nqis peev pab luag tej! Tsis yog yuav rho nyiaj mus pab, qee lub zog, los qee sij hawm caij nyoog mus pab sawv daws.
    Zaj piav los no, lub keeb Hmoob txom nyem hais tiag los, mas tsis yog tawm ntawm ib qho los xwb:
    Cov ua Nom ua thawj neeg los tsis txawj ua, cov pej xeem los kuj tsis txawj ua pej xeem thiab. Thiaj muaj tej teeb meem rau rau pab neeg hu ua Hmoob no, muaj ntau npaum nplooj li peb paub thiab hnov no ntag.
    Txij thaum muaj Hmoob los txog niaj hnub no, Hmoob yog pab neeg txom nyem tshaj li txhua Haiv neeg. Cov ntse ua thawj neeg mus tsim plaub ntug kom muaj kev txom nyem loj rau Hmoob...

    Cov pej xeem los ua neeg ruam los tsab ntse tsis mloog lus tsim tau teeb meem los. Tsis muaj neeg xav mus daws li. Sawv daws ua ntxoov tes ntsia muab coj los hais ua dab neeg xwb.

    Tsis muaj ib tug yuav ras txog mus kho kom kom raug ib zaug ua qauv cia kom txhob raug lwm zaus ntxiv mus.
    Ib tug thawj neeg zoo, nws muaj zog tshaj lub tej cuab yeej riam phom ua tsov rog tua neeg. Kev ua tsov rog ua tsis txawj tas li.
    Lub sib thoob tsib hais ib lo lus cawm tau tas txhiab txhiab pua vam leej neeg nyob dawb nyob huv mus tsis txawj kawg.

    Tus neeg lub tswv yim zoo hais lus tseeb, nrog kev ncaj ncees yog Qaum Ntuj ib lub zog muaj txoj sia nyob ntev niaj ntau xyoo. Zoo rau luag hwm thiab mloog.
    Hmoob lub laj lim plab plaw yeej ntse thiab zoo kawg, tsuas yog Hmoob tsis xav mloog thiab siv yam zoo xwb. Hais tiag mas Hmoob yeej zoo txaus nkaus lawm.

    Yog Hmoob nyiam kev sib hwm, sib zam los sib pab mas Ntuj yuav qhuas Hmoo yog tus zoo tshaj. Thiab Hmoob tshaj lij kawg.

    Zaj lus no, kuv khaws los ntawm Vam Meej Vaj li lus los sau rau peb sawv daws tau kawm thiab xav ua ke nyob rau peb tej nplooj siab xwb.


    -< Yaj Zoo Ntxheb Xib Hwb->



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th January 2019, 7:04 am


    Zaj 360- UA NEEJ NYOB KEV CIAJ KEV CIAJ KEV TUAG TSIS SIB LUAG.

    Peb neeg lub neej nyob, txoj kev ciaj nyob tsis ruaj. Kev tuag thiaj yog txoj kev khov ruaj. Tus neeg ua zoo, thiaj hloov tau los coj lub neej nyob kaj sib lug.
    Yam nws tau ua zoo, kom yog ib tug neeg, muaj dej siab ntsws zoo, mus nrog nws lub neej. Muaj ntau yam yuav piav li nram no.
    Nyob hauv tus neeg uas nws muaj, lub meej mom zoo nkauj, zoo nraug. Kuj muaj ob sab sib txawv, uas neeg pom tsis tau los paub tsis txog:
    A.Tus neeg, uas nws muaj lub meej mom, zoo nkauj zoo nraug. Nws ua neej nyob muaj kev sov siab, nws tsis muaj kev txaj muag los ntshai thiab ua neeg poob tsim mus.
    Nws tso siab, rau nws qhov zoo nkauj, zoo nraug. Nws ntseeg tau ruaj nyob hauv nws nruab siab tias, nws txoj kev zoo nkauj zoo nraug, yuav dib tau neeg, los nyiam thiab hwm nws coob leej.
    Nws tawm rooj mus txoj kev twg, los nws tsis ceeb, tsis ntshai neeg. Nws tso siab lug tias, yuav muaj neeg cav thiab qhuas txog. Nws txoj kev zoo nkauj, zoo nraug ntawd.
    B. Tus neeg muaj lub meej mom ntsej muag zoo, nws tsis muaj kev ceev faj, txog nws tus kheej. Ces nws lub meej mom zoo nkauj, zoo nraug, yuav mus dib tau kev phem los nrog nws ua neej nyob.
    Vim nws tso siab rau nws kev zoo nkauj, zoo nraug dhau lawm. Nws tsis nco pom coj kev ua yeeb ncuab los paug nws lub neej, thiab muaj kev tawm tsam txhua yam tsis zoo, rau neeg ntiaj teb pom.
    C. Nws tus yeeb yam, meej mom zoo nkauj, zoo nraug ntawd. Yuav ua rau tsoom poj niam txiv neej ua yeeb ncuab coob heev.
    Vim nws qhov zoo nkauj, zoo nraug ntawd, tsis muaj kev ua neeg paub tab. Nws muab nws lub meej mom nthuav rau luag saib yam tsis tsim nuj nqes.
    Nws nyiam ua neeg cuab phiaj, rau luag tej poj niam. Los tsoom ntxhais nkauj xwb, thiab tsoom txiv neej, los tsoom hluas nkauj kom nyiam nws tshaj sawv daws lawm.
    Ntawm sab txiv neej, los zoo tib yam li ntawd thiab. Nws nyiam mus khav cuam dib luag tej ntxhais los luag tej txij nkawm.
    Kom luag qaug muab kev hlub rau nws, yam tsis hwm luag tus leej tub leej roog, yog neeg tsim txiaj muaj nqes. Yus nyiag ua plees yis nrog luag leej tab leej zag.
    D. Vim tej teeb meem hais no ntag, Thiaj muaj lo lus hais tias: Kev ua neej nyob tsis ruaj. Txoj kev tuag thiaj yog txoj khov ruaj.
    Tuas neeg tuag lawm, mas nws tsis ua kev txhaum lawm ntxiv lawm. Nws tsis coj vij sub vij sw, los rhuav neeg lub neej, kom muaj kev puas tsuaj, liam sim mus.
    Thiab tsis ua chaw rau neeg ntiaj tog qaum pes, sib ntxub muaj ua xaiv ua lus, li peb pom niaj hnub no. Leej tib neeg muaj ib nrab, mas nyiam coj li hais no.
    E. Yam uas yuav zoo rau txhua tus neeg. Tsis hais pab twg li, txawm yog tus txiv neej los poj niam, mas nyob tas nrho rau lo lus hais no:
    Tus xeeb tau muaj lub meej mom zoo, thiab cov uas lawv xeeb los tau lub meej mom zoo tsis cuag luag lwm tus.
    Mas nyias yuav txaus siab, rau nyias lub cev ntaj ntsug, nrog nyias lub meej mom. Yus qhuas yus lub meej mom rau Tswv Ntuj paub tias:
    Ntuj e! Kuv ua koj tsaug uas koj tau muab lub meej mom, ua ib tug neeg zoo rau kuv, zoo npaum no. Kuv txawj hais lus, muaj tswv yim nrog luag txawj ua txhua yam xws li tas nrho tsoom neeg sawv daws.
    F. Kuv thov ib lub siab, txawj nyiam txawj hlub luag lwm tus, li kuv nyiam thiab txawj hlub kuv. Kom tas tsoom sid, uas kuv paub, peb nyob sib haum, sib hlub, kom txhua tus muaj kev kaj siab lug os.
    Peb yuav nco ntsoov, hwm peb lub meej mom, txhob muab yus kev zoo nkauj zoo nraug los ua kev sib tawm tsam kom muaj kev tsis sib raug zoo rau leej twg li.
    Yog peb muab lub meej mom, los ua kev tsim yeeb ncuab. Mas tab yog ib lub teb chaws loj thiab dav cuag li Suav, los Kas Nas Das thiab As Mes Lis Kas teb. Los tsis txaus ob tug phooj ywg nyob. Yog ib tug nyob qaum teb lawm, mas lwm tus yuav tau mus nyob puag nram qab teb thiaj zoo rau nkawd.
    G. Yog tias, peb sawv daws coj li no, ces peb muaj lub meej mom zoo nkauj zoo nraug npaum twg. los peb sawv daws yog ib pab neeg pluag, tas tib si mus lawm!
    Txoj kev pluag mas loj tsis tshaj li, pluag phooj ywg, thiab pluag kev txheeb kev ze. Qhov no mas yog pluag mus loj tshaj plaws li.
    Vim tias, kev ncaj ncees tsis muaj, kev hlub los tsis muaj. Phooj ywg los tsis muaj, nws txawm muaj nyiaj ntau npaum li cas los nyiaj tsis zoo siv.
    Tsis muaj neeg kam txais yus tej nyiaj coj mus yuav los siv li thiab, Ces kev pluag raws tau koj lub cev ua neej nyob hauv kev pluag ua neeg kob huam mus tas txhua yam.
    Mas thiaj li poob rau Hmoob los lus hais tias, Neej los tsis yauv. Hos dab los kuj tsis yuav thiab, Ntuj los tsis nyiam.
    Kawg yuav mus thawj thiab ua dab ntxoog, los dab tsov. Los mus thawj ua kooj ziag, kab zaug quaj seev tas yus lub neej rau luag moog mus dhau ntuj tshiab rau ntuj tsaug xwb.
    Kwv tij zaj lus no sau los ua peb sawv daws kev xav nyob hauv lub neej tseem muaj txoj sia, nrog lub cev nyob. Kom paub ua neeg nyob nrog npoj neeg.

    Sacramento Tim 15/6/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th January 2019, 7:00 am



    Zaj 361- TXOJ KEV TUAG NWS YOG TXOJ KEV THAJ YEEB.

    ( Cov lus no siv tau nyob hauv lub ntees pam tuag.)

    Txoj kev tuag yog ib txoj kev mus ua lub neej nyob thaj yeeb mus ib txhiab ib txhis. Thaum peb muaj ib tug neeg tuag, mas peb txhob tu siab heev.
    Leej tib neeg txoj kev tuag, muaj ob sab. Yam li:
    1.Ib sab nws yuav tau mus nyob thaj yeeb, nyob kaj siab lug mus li.
    2. Ib sab, thaum nws ua neej nyob, nws npaj siab tsis tau txaus. Mas nws yuav tau mus ntxuav nws tus ntsuj plig tas, ces nws yuav mus ua lub neej nyob kaj nyob huv nrog tsoom Poj Yawm Txwv Koob uas lawv tau nyob thaj yeeb lawm.
    Txoj kev tuag, mas peb noob neej tsis paub tau tias, nws yuav tau mus rau sab twg li. Kawg Yog Qaum Ntuj thiaj paub tau xwb.
    Txawm yog zoo li cas, los peb tsis txhob ntseeg tias: Nws tus Laus ntawd, muaj kev txhaum los kev khaum.
    Nws yuav tau ncaj qha mus nyob kaj lug, los nws yuav tau mus ntxuav Ntsuj Plig kom dawb huv mam mus!
    Lub ntees pam tuag, yog cov neeg ciaj thiab cov neeg tuag sib pub koob hmoov, lub zim txwv ua lub ntees pam tuag no.
    Nyob hauv peb txoj kev ntseeg Txog Yes Xus peb muaj qhov hais tias: Cov neeg dua ras zoo li peb N… no,nws tos cov tub ki thiab cov txheeb ze ib co koob hmoov mus pab ntxuav Ntsuj Plig kom dawb huv nyob teb chaws them txim, ib ntus.
    Cov neeg ciaj thiab cov neeg tuag lawv sib pab sib pauv txiaj ntsim koob hmoov tau nyob rau lub caij mus them txim no.
    Yog tsoom neeg ciaj lawv nyob rau qhov muaj cai thov kom Tswv Ntuj zam txim txhaum rau tus dua ras kom tau mus nyob dawb nyob huv.
    Thiaj ua lub ntees muaj kab kev thov Ntuj los daws kev ua neeg zoo kom tiav nyob ntiaj teb no. Cov neeg ciaj yuav pab thov kom txhob muaj dab tsis khuam tes khuam taw, muaj los kom ho sib me ntsis rau tus mus lawd.
    Thaum tus mus lawd tau mus nyob thaj yeeb lawm, Nws ho nchuav koob hmoov los pab rau tej tub ki los tej txheeb ze, kom txhob poob ua neej nyob nrog kev ua txhaum.
    Tsam lawv tiam ho yuav tau mus rau teb chaws ntxuv Ntuj plig nyobntev caij nyoog dua xwb. Muaj raws li peb Haiv Hmoob ntseeg uas lawv vam txog tej ua niam ua txiv tej koob hmoov los pov hwm.
    Hmoob ntseeg tias lawv yuav pov hwm lub caij ua neej nyob, hos peb txoj kev ntseeg txog Yes Xus, mas peb thov kom pov hwm lub caij sawv kev mus cuag Tswv Ntuj kom lub caij ntawd, tau mus dawb mus huv mas muaj koob Hmoov ntau dua.
    Vim cov nyob saum ntuj lawm, mas lawv nyob ze Tswv Ntuj thiab nrog sib txuas lus zoo dua. Lawv twb yog Ntuj me nyuam lawm, ces Lawv nchuav koob hmoob los pab cov nyob ntiaj teb no zoo dua.
    Thaum muaj ib tug tas sim neej lawm, mas peb ua lub ntsees peb thiab yuav ua kom muaj cov zaj thov Ntuj pab tus sawv kev mus ntawd, ua yam loj.
    Dhau li cov kab lis kev cai thov Ntuj tas, peb tseem siv raws li Hmoob tej kev sib hlub sib tshua, nrog tej txheeb ze nyob ntawm ob tog uas lawv yog kev neej kev tsav.
    Kom kev sib hlub tsis txhob tu ncua mus. Muaj kev sib pab rau cov tseem nyob ua lub neej rau yav txuas mus ntxiv.
    Peb saib Hmoob tej kev cai tsis yog yam ua dab, mas peb siv raws li leej tib neeg tej kev cai ua neej nyob lub caij ua neeg los nplij tsev xyom cuab

    Yaj Zoov Ntxhev X.H..



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st January 2019, 9:43 am



    Zaj 362- TXOJ KEV SIB HLUB NYOB UA TXIJ NKAWM.



    Neeg ntiaj teb txoj kev sib hlub, nyob hauv kev ua txij nkawm, yog txoj kev tseem ceeb loj tshaj txhua yam tib si! Neeg ntiaj teb, mas Tswv Ntuj paub zoo kawg. Ntuj thiaj tsim kom muaj txiv neej thiab poj niam los nyob ua kev kom tau sib pab sib ua luag.
    Puas yuav muaj leej twg paub txog txoj kev sib hlub uas Ntuj tau tsim los pub rau neeg ua lub neej nyob ntiaj teb no. Yog yuav his kom tas thiab ntxaws, mas muaj ntau kawg, zoo hais thiab piav txog!
    Kuv yuav muab yam puav, uas neeg niaj hnuv xav thiab neeg thuam thiab cem txog kev nyob ua txiaj nkawm los piav me ntsis xwb:
    1.Kev los nyob ua txij nkawm.
    Kev nyob ua txij nkawm yog ib yam tseem ceeb tiag, muaj txhua yam zoo tas nrho nyob hauv txoj kev sib sau los nyob ua txij ua nkawm!
    Ua li cas neb nyob ua txij ua nkawm, neb yuav tau hwm txoj kev nyob ua txij nkawm. Kom raws li txoj kev uas Tswv Ntuj muab rau neb kom tau nyob ua ke, sib hlub thiab sib ua luag!
    Neb nco ntsoov mog, tsis muaj ib tug txiv neej, uas nws tsis nyiam thiab tsis xav hlub poj niam li. Kuj tsis muaj ib tug poj niam, uas nws yuav hais tias, kub tsis nyiam txiv neej li. Tej no tsis tas qhia los neb yeej paub nyob hauv neb nruab siab lawm.
    Neb puas nco thawj cov lus uas neb tau hais ua ntej neb yuav los nyob ua ke ntawd?
    Neb twb tau hais lawm tias, kuv hlub koj no puas yog? Thaum lub caij ntawd, mas tsis hais tus txiv neej los tus poj niam li. Nyob hauv neb, txawm ib tug tsis nyiam ib tug. Los yeej muaj ib tug hais tias, kuv hlub koj no lawm.
    Neb yeej tau hais muaj hais muaj tseg li no, ces neb ib tug thiaj tseg tsis tau ib tug. Txawm koj tsis xav yuav kuv los kuv yeej xav yuav kom tau nkoj.
    Neb ob leeg thiaj tau los nyob ua ke li Hmoob hais tias, Hmab ntoo thiaj hlob tuaj sib nreeg ua ke nyob. Kom ntoo vau twg los hmab qaug nrog ntoo mus ua ke.
    2. Teeb meem nyob hauv kev ua txij nkawm.
    Txoj kev ntxhov siab nyob hauv kev ua txij nkawm, thaum nyob ua kev lawm, tsis nco txog neb thawj cov lus uas thaum nyum qhuav sib ntsib uas neb tau hais tseg los lawd., uas yuav cog khov thiab ruaj.
    Ces teeb meem thiaj nyob nrog neb kev ua neej. Vim neb tsis paub txoj kev sib hlub! Txoj kev sib hlub no yog ib txoj kev loj heev. Ces neb paub tsis tas, nej paub txog yam ntiav ntiav, uas neeg ib txwm muab los siv xwb!
    Yam ntawd yuav hais zoo li cas neeg thiaj li yuav to taub txog! Nws tsis yog qhob pw vov pam ua keb xwb ces yog kev hlub zoo lawm.
    Kev hlub yog txoj kev nyiam, kev qhuas, kev pab thiab kev sib hais lus, nrog kev sib ntseeg siab. Tsis hais neb yog tus niam, los tus txiv li od! Thaum ib tug ua zoo lawm yuav qhuas nws, Nws ua yam twg tsis yeej los yuav tau pab nws ua.
    Yuav zoo siab nrog nws nyob ua ke, txhob sib nrug ntau dhau, nyob ua kev yuav xyaum sib hais lus. Txhob nyob li ua neeg twm zeej tsis muaj neeg nrog yus nyob.
    3. Nco ntsoov txhob ncaim ntawm kev sib hlub mus.
    Cov txij nkawm uas tsis to taub txog kev sib hlub, lawv hom muab lawv kev txaj muag los hais, yam tsis xav txog tias tsis yog lus zoo hais!
    Nco ntsoov yuav muab lo lus tseem ntsiab los hais, Tsis txhob muab yam tsis yog lus zoo los hais: Uas pheej hais tej lus tias, Koj twb tsis hlub kuv es! Koj tus txij nkawm yuav teb li cas no! nws yuav teb koj tias:
    Tsis hlub ua cas ho muaj 5,6 leej me nyuam li no mas! Kev hlub tsis yog muab me nyuam rau poj niam xwb. Poj niam yog tsav xeeb me nyuam, Koj txawm tsis muab me nyuam rau los, nws tawm rooj mus taug kev xwb los.
    Muaj dab txiv neej taw nkhaus los dawm poj niam taw xwb, ces poj niam yeej xeeb muaj tau me nyuam los. Kev hlub yog kev zam, kev qhuas kev pab rau nws.
    Kev npau taws, txawm yog yus xav tau xwb los xyov puas muaj li yus xav, Zam rau nws. Ob leeg xyaum ua li no, Vim neb yeej xub hais ua ntej lawm tias, Kuv hlub koj no, nco ntsoov tseg.
    4. Txhob xav txog tias tus tshiab yuav zoo dua.
    Cia muab ib zaj dab neeg los tso rau ntawm no ua ntej,
    Hais rau tus txiv neej sab, lo lus no hais rau neb ob leeg yuav mog! Puag thaum ub muaj ob tug niam txiv, nkawd ua neej zoo zoo li, muaj qaib npua nyuaj twm nyob huam vam ntws puv qab vag tsib tuaug txhua nrho.
    Nyiaj kub qoob loo los muaj puv nkaus vaj tse. Muaj ib hnub,Tus txiv neej tawm rooj mus pom ib tug hluas nkauj zoo zoo nkauj kawg. Nws xav tias Ua cas tus poj niam ntawd yuav zoo nkauj ua luaj li lauj! Nws txawm hais tias, kuv yuav mus yuav niam yau, kuv pom tus poj niam tod mas zoo nkauj kawg nkaus li.
    Nws poj niam hais tias, thaud koj twb hais tias, koj hlub kuv xwb no. Ua cas nyiam no koj ho pom lwm tus zoo dua kuv lawm thiab…
    Tus txiv hais tias, nws zoo nkauj heev, ces kuv hlub nws heev. Ces nws poj niam hais tsis tau nws, ces nws poj niam cia quaj tu siab nrho lawm xwb.
    Ces tus txiv neej txawm mus yuav tau los laid, nws poj niam muaj peb lub noob pob kws thiab peb tej noob nplej dai saum nthab. Ces nws tus poj niam txawm muab los dhas pub qaib pub npua thiab pub nyuj twm tas.
    Nws poj niam hais rau cov tsiaj txhu tias: Cov me tsiaj me txhuv, Nej txiv tsis yuav kuv lawm. Kuv yuav mus. Thaum kuv nyob yog kuv pub nej noj xwb. Zaum no kuv yuav mus nej nrog kuv peb mus.
    Nej nyob los tsis muaj neeg pub nej noj lawm, tsam nej tshaib tshaib tsis muaj neeg pub rau nej noj! Kuv mus lawm mog!
    Ces tus niam sawv kev mus lawm, tau tsis ntev li ob peb hlis xwb. Qaib npua nyuj twm cia li tuag, cuag li tuag aws tas lawm, nplej pob kws, los ob niam txiv tshiab coj mus cog. Los nas noog muab khawb noj tas tib si lawm thiab.
    Tus poj niam zoo nkauj ntawd, hais rau tus txiv neej tias:
    Koj hais tias, koj muaj qaib npua nyuj twm coob, muaj nyiaj ntau. Koj yuav kuv los nyob noj nyob haus no xwb. Nyiam no koj pluag tas npaum no.
    Kuv nyob los tsis muaj zoo nqaij zoo mov noj, tsis muaj ib daim tshiab los hnav li. Kuv yuav mus nrhiav tus tshiab uas kuv hlub thiab kuv nyiam. Koj mam nyob koj ib leeg od.
    Tus txiv neej mam quaj ntsia lub ntuj lub teb thiab seev tias, Kuv me niam zoo nkauj, niam nquag, niam hau zaub muag koj nyob qhov twg lawd!
    Neb yuav nco ntsoov tias, koj hais tias nws tsis zoo, Koj muab pov tseg kiag luag khaus nkaus lawm, ces luag tau koj tus ntsuag nyiaj ntsuag kub lawm no mog.
    Tus uas koj xav tias nws yuav zoo zoo nkauj no, Nws tsuas muaj tib ce hlaws hnav ci lam lug los rau koj saib xwb od! Nws nchos cev los mqij mov tsis poob saum ntuj los rau koj tau noj li nawj mog.
    Koj txhob ua npua suav mus pom luag tus poj niam los pom luag tus txiv zoo nkauj zoo nraug tshaj koj tus. Ces Koj yuav zoo siab tshaj no, nws yog koj txoj kev lwj siab xwb.
    5. Kev nplua nuj muaj nyiaj txiag.
    A.Nco ntsoo, Tus txiv neej nws yog lub pov haum zoo tshaj cov. Uas yog Qaum Ntuj lub txiaj ntsim, Zoo li tej poj koob yawm txwv lawv tus Xwm kab zov vaj zov tsev ntag.
    Nyob hauv lub tsev ntawd, tsis muaj tus Xwm kab zov tsev lawm. Mas tej dab ntxoog dab tso los dab qus nyob qab roob qab ha, dab pob zeb dab pob ca yuav txeem los nyob hauv koj lub vaj lub tsev.
    Koj yuav tau tsob hwb cov dab no kom zoo tshaj plaws. Koj yuav tau ua cov dab no qhev txhua lub cai nyoog koj thiaj tau zoo nyob.
    Yog koj tsis hwm thiab tsis tsob hwb lawv kom zoo tshaj txua yam, mas dab yuav tom koj kom koj tsis tau zoo nyob. Koj yuav nyob lwj siab mus li tas koj tiam neej od.
    B. Hos poj nam sab, Poj niam mas yog koj tus ntsuag nyiaj ntsuag kub ntag. Tus muaj zoo poj niam, mas nws yog neeg nplua nuj tiag!
    Tus tau zoo poj niam, mas poj niam sawv tsees piav yeev hauv lub vaj tse xwb. Nws nchos cev tho xwb, zaub mov nqaij hno, siav ncho log noj tsis txob haus tsis txhawj li. Tej niam txiv tawm rooj plaws ua zam swb sees, neeg tej hlob tej yau xav sib xav pom.
    Luag thiaj nkaws cuag yog Nom, luag zeem nkawd ua cov txheeb, nyob hauv pab ze lawv. Luag noj nqaig haus dej haus cawv, luag saib yog neeg tsim txiaj, luag rub zog los rau saum luag hauv naij hauv hno. Koob meej hwj chim yus twb tsis muaj, los luag saib cuag li yus ris tej niag nra tuaj.
    Dua toj ntais, leej hlob los qhua leej yau los ntshaw, qab zej hauv zos muab nkawd, nkawm niam txiv no, los ua zaj lus thiab piv hais rau luag tub luag ntxhais.
    Thiab qhia cob rau tej Nkauj nyab thiab Nraug Vauv tshiab kom mus ua neej xyom seej, ua neej nyob kom kiab kiab kais kais. Niam mloog txiv qhuab txiv mloog niam hais.
    Tus txiv neej yuav saib nws tus poj niam zoo nkauj cuag yog niam Nkauj Ntsuab. Hos tus poj niam los yuav saib yus tus txiv zoo tshaj li Txiv Nraug Nab. Ua neej thiaj nyob mus kav laus mog.
    Kwv Tij, zaj lus no yog lus sab sij huam, hais qhia tub cob ntxhais mus ua neej tshiab, kom nco ntsoov tej qub lus uas yus xub tau hais tseg ua ntej thaum tsis tau muaj neeg qhia. Yeej txawm muaj nyob hauv neeg nruab siab los lawd.

    Sau nyob Sacramento tim 10/4/2018.
    -< Yaj Zoov Ntxheb X.H.>-



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 7th February 2019, 8:08 am


    Zaj 363- TSIS MUAJ DAB TSI LOJ TSHAJ PHOOJ YWG.

    Lo lus tias, tsis muaj dab tsi loj tshaj phooj ywg.
    Peb yuav mus saib hauv kev ua txij nkawm, thiab kev ua niam tub, txiv tub hais tias:
    Zoo kawg lawm, twb tseem zoo tsis cuag li phooj ywg. Tus muaj zoo phooj ywg, nws muaj txhua yam ua kom nws nyob kaj siab lug.
    Los tseem loj dua neeg tej kev sib hlub, mus lawm ntau npaug. Nyiaj thiab kub tseem muaj zog, tsis npaum li muaj phooj ywg.
    Nyob hauv kev ua phooj ywg tseem loj zog li kev sib hlub, phooj ywg rhuav tau kev sib hlub tawm mus yam sai kawg li.
    1.Yog koj tsis ntseeg, koj mus saib hauv cov txij nkawm, tsis txawj sib hlub. Los tej niam txiv tsis paub hlub lawv tej tub ki ntawd.
    Uas tej me nyuam tsis tsheej haj, coj tus yam ntxwv phem. Ua rau tej niam txiv tau txais lub koob lub npe, ua neeg phem ntawd los mus saib zoo li cas!
    Vim lawv tsis kam ua phooj ywg, rau lawv tej tub, ntxhais. Nws tso lawv tej tub ki,ua neeg nyob rau kab theeb tim puam, tsis muaj kev cob qhia.
    Los ntawm sab nrog tej tub ki ntawd ua phooj ywg, tej me nyuam thiaj tsis muaj phooj ywg zoo. Lawv thiaj mus ntsib tau cov zoo phooj ywg uas lawv tsis paub tias:
    Yog neeg raug tsim txom uas tsis muaj phooj ywg, ces lawv thiaj li tau ncaim ua neeg tsis tsim txiaj. Txawj mus ua tub sab tho luag qhov vaj qhov tsev, li cov me nyuam mus ua Laib ntawd.
    Vim txoj kev uas cov ua niam ua txiv, tsis hlub raws li txoj kev nrog lawv ua phooj ywg mus ntag.
    2. Tej niam txiv tsis paub kev ua phooj ywg zoo, nyob nrog lawv tej kev ua txij nkawm, kom kev hlub txhob sib ncaim. Kom muaj kev nyob kaj siab, ces kuj ua tau kom lawv muaj xaiv muaj lus tsis sib haum los tsis sib tso siab. Ces lawv thiaj ua neej nyob mus tsis kav laus, li peb pom lawv tej neej tawg tas mus ntawd.
    Vim lawv txoj kev ua txij nkawm tsis muaj kev ua phooj ywg li yav thaum lawv tseem hluas. Uas nkawd sib ntseeg thiab nyob yam kaj siab lug.
    3. Kev ua phooj ywg, mas nws zoo siab qhia txhua yam zoo ua nws nyiam nyob puag nruab siab tawm los sib tuav, sib pab ua phooj ywg nyob nrog kev sib hlub.
    Kev ua phooj ywg yog tias, ua phooj ywg tob lawm, mas nws tseem zoo siab tuag los mus taj tus phooj ywv zoo ntawd txoj sia kiag li thiab.
    Hais los, mas kev ua phooj ywg tseem, txheeb ze dua li niam txiv txij nkawm , los kwv tij thiab nkauj muam tej kev sib hlub sib nyiam ntawd lawm.
    Kev ua phooj ywg, muaj nqes loj tas nrho nyob hauv neeg nruab siab, Leej tib neeg txhua tus twb nyiam thiab nrhia tshuav kom muaj zoo phooj ywg thoob plaws lub qab ntuj no.
    4. Kev sib ua phooj ywg, yog muaj ib hnub nws poob mus lawm. Mas nws yuav tig rov los ua yus tus yeeb ncuab loj tshaj plaws. Nws muaj peev xwm, muab yus xa mus nyob rau dab teb.
    Zoo li Hmoob hais tias, mus kom kawg rau hnub coog hli kawg. Kom muag tsis pom, los ntsej tsis hnov hlo li. Tus tsis paub los txawj ua phooj ywg, mas tus phooj ywg no, yog nws tus yeeb ncuab loj tshaj plaws.
    Tseem loj hla tas nrho nyiaj kub thiab pov haum zoo tas tib si mus. Tus muaj zoo phooj ywg lawd, yuav tsum tau paub sib hwm kom loj sib npaug li kev sib hlub thiaj li yuav nyob thaj yeeb nyob kaj siab lug mus li.
    Tseem tshuav ib lo lus hais txog nyiaj txiag thiab: Nyiaj txiag, kuj muas tau txhua yam, nyob nrog kev hlub thiab kev ua phooj ywg. Los tej kev sib pub noj pub haus ntawm txhua pab txhua paug neeg.
    Cawm los pab tau cov neeg muaj neeg pluag, txom nyem, los ua phooj ywg kom txhua tus rov sib raug zoo nyob ua ke.
    Kom muaj coob leej, dim ntawm luag kev ntxub ntxaug. Rov los rau luag hwm ua neeg muaj txuj ci rau sab ua neeg thoob tsib.
    Yam muaj kev hlub nyob nruab siab. uas tsis muaj neeg paub txog. Rau tej yam uas luag xav txog tias, cov neeg pluag, mas ntshaw noj ntshaw haus, vim lawv pluag.
    Yog hais li qhov tseeb, mas cov neeg muaj lawv yog cov ntshaw noj cov neeg pluag lub zog, kom tas nrho mus. Tsis cia ib qho seem rau cov neeg pluag los txom nyem kom tsis muaj noj kiag li xwb.

    Sacramento tim 7/6/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 14th February 2019, 7:05 am


    Zaj 364- MUAJ TUS DAB NROG TUS XYW.

    Muaj raws li, Hmoob ntseeg los tias: Muaj tus dab zov tsev, tshuav tus xyw raws neeg lub cev. Lo lus hais tias, muaj tus dab zov tsev, tdhuav tus xyw raws neeg lub cev.
    Lo lus no, txhais los, mas muaj ntau yam hais, raug lo lus nyob hauv Hmoob tej kev xav thiab Hmoob ntseeg!
    1. Saib los rau saum ib nkawm niam txiv, uas ua neej nyob tsis nto ntsis. Ib tug tau dua nras mus lawm, tseg ib tug nyob ua ntsuag.

    A. Yog tus leej txiv tau ncaim mus lawm, tsis muaj tus dab pov hwm tsev lawm. Ces tej txiv ces zoo li neej, nruab zej zog saib tsis taus leej niam. Luag tuaj xauj qhov vaj qhov tsev, kom nrhiav kom tau chaws los so taw rau leej niam.
    Luag xav tias ntshai yuav nyiam thiab ntshaw ua nkauj ua nraug cuag li luag ntshaw. Tuaj ua dog dim yam saib tsis taus, muab kev phem kev zoo los hais kom swb cev mus .
    Ua rau zej zog kev txheeb kev ze, ua lub chaw ntxub kom tsis paub nyob. Ua rau luag tau npua kev ntxub tseem loj tshaj li, tej neeg txom nyem neeg pluag npua khaub hlab.

    B. Yog tu poj niam, ho xub duas nras ua ntej lawd, tseg Leej Txiv nyob rov tom qab. Los tsis muaj tus poj niam, nyob ua pov haum roos lub cuav yim.
    Ces Leej txiv nws ntshaw luag txij luag nkawm, kom muaj kev sib ua luag mus ua qoob ua loo. Zoo li cov muaj hmoo nyob koom ib txoj kev taug, koom ib txoj kev taug.
    Ces nws nyob tsis tsheej ua ib tug txiv tsev zoo, nws lub siab yuj plaws txog rau tej niam tab cuab. Nws yuav taug txoj kev, mus kov tej nkauj lig nkauj lag.
    Nkauj feb nkauj fa uas tsis txawj los tab cuab, ces nws ua neej poob qab caum tsis tau luag.

    C. Tus muaj hmoo, ces tsis muaj plaub ntug thiab coj tau kev xyob txhiaj, kev txhawj xeeb los. Rov muaj leej tab zag los ua niam tab cuab.
    Tus tsis muaj hmoo, Ces coj nws mus saws vij txij vij nkawm los tshob cuab. Haj yam muaj xaiv lus plaub ntug ntau nrog kev xyob txhiaj.

    Ua lub neej lwj siab nrog kua muag, kev neej los thuam, kev tsav los ntxub. Cuag li nws hmoov phem los raws tau.
    2. Cov uas tseem muaj txij nkawm nyob, yuav tau ua siab loj siab dav. Nco ntsoov tias, nyob hauv kev ua txij nkawm. Nyias muaj nyias txoj hmoo los sib nres ua kev thiab sib pov hwm lub cuab yim.
    A. Tus tau poj niam los txiv zoo nraug zoo rau sab luag pab yus nyiam thiab qhuas txog kev zoo nkauj zoo nraug.
    Ces nws zoo siab ua neej sib hlub kom mus kav laus, luag tsis nco qab thuam nws lub meej mom. Luag zeem nws ua neej ua tsav, npaj kev ua tshoob kos rau tej tub ki tom qab.
    B. tus ho tsis muaj lub meej mom zoo, los nws ho ua neeg muaj hmoo. Nws muaj tswv yim, ua qoob loo ua lag luam los nce tes. Ua li Hmoob tej laus hais, nws nchos cev xwb los mov nqaij poob los noj tsis tag.
    Nws ho muaj lub siab txawj hlub thiab nyiam neeg, zej zog kuj tau qhuas thiab cav nws lub koob meej nto moo lug.
    3. Kwv tij, zaj lus no yeej muaj li tau hais los tiag. Tej laus yeej muaj li no los lawm. Cov txawj xav, mas ob tug txij nkawm tsuav yog hmoov haum xwb.
    Nkawd los ua neej sib hlub, mas nyiaj txiag los muaj, tub ki huam vam muaj tsheej pab. Tsiaj txhu huam vam nyob muaj tsheej npoj, kwv tij neej tsa phooj ywg muaj xauv npo tsheej nceeg.
    Nws kuj ua lub neej kaj siab lug tsis ntshai dab, ntshais tsov, los ntshai tub sab tub nyiag. Tas nws sim neej, tsis muaj xaiv lus plaub raug ntug.
    Nws ua lub neej tshav ntuj nrig, mus txog thaum lub caij hnub poob qho. Nws lub hnub twb ploj lawm los zeej tsoom saib nws txoj hmoo tseem tsis tau tsaus ntuj. Tseem pom kev muaj sab hnub ci nyob ntev kawg.

    Sacramento ,
    tim 23/6/2018.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd February 2019, 12:58 am



    Zaj 365- THAM TXOG POJ NTXOOG XEEB LOS.


    Peb Haiv Hmoob hais tias, Poj Ntxoog yog dab, nyob hauv lwm Haiv neeg lawv hais tias: Poj Ntxoog yog tsiaj, nws tsis yog dab.
    Lawv cov tub txawj tub ntse, lawv tau tshawb fawb xyuas. Lawv pom tias, Ntxoog yog ib hom tsiaj tsis loj. Nws yeej yog tsiaj tseeb lawm tiag. Tab sis hom tsiaj hu ua ntxoog no, mas nws muaj hwj huam peev xwm,dua lwm yam tsiaj tib si.
    Qhov uas ntxoog muaj hwj huam dua lwm yam tsiaj, yog nws txawj yaj thiab ploj mus. Thiab nws txawj yees tawm tuaj rau neeg pom, nws ib vuag los ib pliag.
    Thaum ntxoog yaj ploj mus, los nws txawj hloov chaw tawm rau ub rau no. Mas ntxoog yuav tsum vam txog ib daim nplooj nplooj los ib yam twg nyob ze ntawd, los ntis nws cev ua chaw nraim, mas ntxoog thiaj ploj mus tau kom neeg tsis pom ntxoog.
    Cov tub txawg hais li ntawd, mas muaj zoo li Hmoob hais tias. Ntxoog lov nplooj los roos nws cev. Ces neeg los lwm yam tsiaj pom tsis tau ntxoog mus lawm xwb.
    -.Ntxoog muaj hwj huam paub tau neej thiab paub tsiaj lus. Ntxoog txuas lus rau neej thiab tsiaj tau, tab sis ntxoog ua tsis tau phem rau neej los rau tsiaj.
    Ntxoog yog ib hom tsiaj me me., nws luaj li tej liab me xwb, neeg thiaj pom nws luaj li tej me nyuam neeg muaj peb peb los tsib xyoos ntawd xwb.
    Ntxoog lub cev tuaj plaub li tsiaj, muaj plaub hau ntev li neeg, ntxoog tsis nyob ua npoj coob coob li neeg. Thaum ntxoog nyob coob ua kev, mas nws tsuas nyob muaj li plaub tug, mas twb yog coob lawm.
    Ib lub xeev loj li lub xeev Sacramneto, coob kawg, mas tsuas muaj li 60 tus los 100 tus li ntawd xwb. Nyob hauv cov tsiaj, nyob nruab zoov nruab tsuag. Mas ntxoog txuas lus tau cov tsiaj nyaum, zoo li tsov, los cov twm npua nyaum heev ntawd.
    Hos nyob li ntawm tib neeg, mas ntxoog yuav txuas lus. Mas ntxoog siv lub caij, neeg muaj dab ntub los txuas lus.
    NZoo li thaum tsaug zog los ua yog toog, los ua npau suav. Vim ntxoog ntshai neeg lub cev ntaj ntsug heev. Neeg muaj ntsuj plig thiab lub cev nyob ua ke. Thiab neeg paub muaj txuj ci siab dua ntxoog.
    txoog tseem ntshai neeg tshaj li neeg ntshai ntxoog, ntxoog tsis tshua yees rau cov neeg paub tab pom.
    Vim tias cov neeg paub tab no, yog lawv pom, mas lawv muaj cuab kav los muaj peev xwm ntes kom tau coj mus saib. Ces luag yuav tau coj ntxoog mus kaw, kom tsis tau kev tawm.
    Ntxoog muaj hwj huam yees ua yam ub yam no, ntxoog tsis xav nyob twj ywm li ib tug neeg los tsiaj raug txim.
    Ntxoog puas muaj chaw nyob?
    Ntxoog nyob tsis muaj chaw, ntxoog nyiam nyob qab ntoo los nyob qab zeb tej no xwb. Thaum ntxoog mus pem tej roob yog ntxoog raws tej tsiaj loj, zoo li tsov, los tus tsiaj nyaum li npua twm tswb.
    Thiab tus tsiaj muaj hwj xyeej ua nws ntshai neeg, Cov tsiaj muaj hwj xyeej ntawd, yog cov tsiaj uas nrog neeg tsis sib haum. Vim cov tsisj nyaum ntawd tsis hwm neeg.
    Nws nyiam tom neeg, vim nws muaj zog thiab rawm. Neeg mas muaj tswv yim txawj ua ntau yam los txov tsiaj txoj sia.
    Ntxoog noj thiab haus dab tsi?
    Ntxoog txawj noj, ntxoog noj tej nqaij lwj los noj cua nab, noj khauj khaum. Vim tias, cua nab thib khauj khaum, yog tsav tsiaj nqaij thiab dej muaj sib npaug.
    Yog ntxoog noj lawm, ces ntxoog tsis nqhis dej lawm. Tej kab uas muaj nqaij thiab muaj kua sib npaug zos ces ntxoog noj tas tib si.
    Ntxoog puas txawj tuag?
    Ntxoog tuag qeeb kawg cuag li yuav luag tsis txawj tuag! ntxoog nyob ntev tshaj li ib rau peb tiam neeg, ntxoog tuag thaum ntxoog tsis nco qab ceev faj nws ntis cev tsis yeej ces dev tom.
    los tej tsiaj xav tias yog ib yam tsiaj, lawv muab ntxoog tom noj thiab thaum nws yees ua ib tug tsiaj neeg muab ntaus tuag.
    Ntxoog yees tau ua ntau hom tsiaj nyob hauv cov tsiaj me, zoo li yees ua plis, los ua mab, los ua tsov si. Thaum ntxoog tuag neeg thiaj pom zoo li tej tsiaj lawm xwb.
    Neeg yuav pom tus ntxoog tseeb li nws muaj, mas thaum nws tsis nco qab roos nws lub cev. Neeg thiaj pom zoo li ib tug me nyuam neeg.
    Tsis hais tsiaj los yog neeg, yam twg tsis ntshai ntxoog, mas ntxoog tsis kam thab yam ntawd. Ntxoog ntshai neeg heev, vim neeg muaj lub cev nyob nrog tus ntsuj plig.
    Mas ntxoog tsuas ua kom neeg pom yuav tseeb tsis tseeb, ib pliag zoo li tus tsiaj los ho zoo li neeg, ib vuag dua ntais. Thiab ntxoog ntshai hluav taws kawg, ntxoog tsi kam nyob ze hluav taws li.
    Tas nrho txhua haiv neeg lawv pom ntxoog ib yam nkaus li Hmoob pom. Lwm Haiv neeg, mas lawv tsis ntseeg tias ntxoog yog dab, ces




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st March 2019, 5:22 am



    Zaj 366- TAS TXHUA TXOJ KEV NTSEEG NYOB NTIAJ TEB.

    Txhua txoj kev ntseeg puav leej chiv los ntawm tib lub hauv paus los. Muaj qee yam, nws yuam kev los ntawm tus tib neeg qhia thiab coj los. Thiaj ua kom ntseeg sib txawv nyob hauv nruab siab!
    Lub keeb puav leej chiv los ntawm kev ntseeg txog Qaum Ntuj los. Tos ho muaj tej yam sib txawv li ntawd, vim Muaj lub tswv yim phem. Tawm ntawm tus phem tuaj, yog tus phem no, nws xwb tim coj kom neeg ntiaj teb tau ncaim ntawm Tswv Ntuj tus siab zoo.
    Qhov ntseeg sib txawv mus raws li lub tswv yim phem coj los. Vim nws ntshai tsam neeg tau nyob zoo dua cov tswv yim phem no mus lawm.
    Lub tswv yim phem no, nws muaj peev xwm thiab ntse dua li leej tib neeg tej tswv yim. Ces nws ua tus cob kom tib neeg sib txawv kom tsis muaj kev sib haum xeeb nyob ua ke.
    Yog cov uas Hmoob hu ua dab no, Vim Dab yog cov ntxeev siab rau Tswv Ntuj. Ces tswv Ntuj tau muab dab cuam los nyob rau ntiaj teb no.
    Ces Dab yog tus ntxub Tswv Ntuj, dab ntshai tsam neeb yuav tau zoo dua cov dab. Ces dab ua zaj ua ntxeev ntxias kom neeg yuam kev tib yam li cov dab.
    Thiaj tshwm tawm tuaj muaj ntau yam kev ntseeg li tam sim no, uas lub Sim Ceeb tau pom thiab paub muaj txhua yam sib txawv li peb tau pom no.
    Nyob hauv txhua hom kev ntseeg puav leej muaj peb yam no:
    A.Cov kev cai thaum yug los.
    B. Cov kev cai thaum sib yuav ua txij ua nkawm.
    C. Cov kev cai thaum puv 120 xyoo.

    1. THAUM YUG LOS.
    Tsis hais Hmoob xwb, thiaj muaj cov kab ke ua rau thaum me yuam yug los. Tas nrho txhua txhua Haiv neeg thaum muaj ib tug me nyuam yug los , yuav tsum tis lub npe rau. Kom paub hu tias, nws yog leej twg, hu li cas thiab yug los thaum twg.

    2. THAUM SIB YUAV LOS UA TXIJ NKAWM.
    Txhua Haiv neeg txawj sib yuav, thiab muaj kab lis kev cai ua tshoob ua kos. Kom niam Txiv ob tog sib paub, sib zeem ua neej ua tsav. Thiab zej zog kom paub tias, tus tub los tus ntxhais no, muaj txij muaj nkawm lawm.
    Kom luag tej txiv neej poj niam nyob sab nraud, txhob lam zij ncaug ntxi muag rau. Coj mus ua plees ua yi, txhua Haiv neeg muaj txoj kev cai no los tswj kav, kom tsheej kiab nyob hauv kev ua txij nkawm.

    3. THAUM PUV 120 XYOO.
    Txhua haiv neeg twb muaj kab lis kev cai, ua rau xa tus Ntsuj Plig mus cuag Poj cuag Yawm. Nyias ua raws li nyias txoj kev ntsee.
    Tej Haiv neeg muaj kev cai ntau, tej Hais ua kev cai tsawg , tab sib puav leej yog lub ntsiab zoo tib yam:
    Piv txwv li no, Hmoob ntseeg tias Hmoob tuag mus ua Tsov. Cov Mab Khub Hmub, lawv ntseeg tias lawv tuag lawv mus ua Muas Lwj, los mus ua noog Xib Txaig los muaj thiab.
    Cov neeg Dub lawv hais tias lawv tuag ces lawv mus ua Nab. Lawv pom cov Nab loj thiab ntsev txog li 7,8, 9, mev lawm, mas lawv hais tias, yog lawv cov Poj Koob Yawm Koob no thiab.
    Hmoob kuj muaj ib lo lus ntseeg tias cov Hmoob muaj hmoo zoo txaus, lawv tus Pog tus Yawg mus ua Zaj no thiab.
    Nyob hauv lub keeb Cov qhia kev ntseeg rau txhua Haiv neeg, Yeej yog Tswv Ntuj tshoj kom qhia thiab hais yam zoo xwb.
    Qhov sawv daws coj sib txawv li hais no, puav leej ncau los ntawm lub tswv yim phem los. Los tawm cov dab los tas nrho! Yog neeg ntiaj teb coj txhua yam zoo tas tib si lawm, mas neeg yuav nyob kaj siab lug. Neeg yuav sib koom ua Tswv N tuj cov me nyuam muaj kev sib nyiam sib hlub. Ces cov neeg siab dawb yuav coob dua, yuav tsis muaj neeg mus nrog Dab tsim kev sib ntxub.
    Yog Dav xwb tim ua kom tej kev ntseeg no, coj neeg sib tawg mus ua ntau pab ntau pawg. Kom muaj kev sib ntxub tsis sib haum ntau li ntau tau.
    Kom Dab muaj yeej, nyob tas nrho rau hauv lub Sim Ceeb no. Thawj txoj kev sib ncaim, ces yog kev sib ntxub tuaj ntawm dab tuaj ntag.
    Vim cov dab no, tau ntxub Tswv Ntuj ua ntej lawm, dab thiab tuaj yob los ntxias neeg kom poob mus nyiam nyob hauv txoj kev sib ntxub, ces thiaj ncaim tau ntawm Tswv Ntuj mus.
    Txoj kev sib ntxub no kuj yog yam uas Tswv Ntuj ntxub heev thiab.
    Tus thawj dab no, nws muaj hwj chim thiab muaj peev xwm kawg nkaus thiab muaj hwj chim tas nrho. Nws ua kom nws yog ib tug Zaj muaj 7 lub taub hau ntoo mom kub tas nrho. Ua rau neeg ntiaj teb no tsis paub hlo li, neeg hwm thiab pe tus tsiaj no loj cuag li ib tug Tswv Ntuj ntag.
    Tus tsiaj no nws ntxub Tswv Ntuj heev, nws qhia neeg kom neeg tsawm Tswv Ntuj thiab ntxub cov neeg muaj lub siab ncaj.
    Tus Tsiaj no cob neeg kom muaj ntau txhiab vam tus tib neeg ntxub cov neeg siab ncaj, nrog ntxub Tswv Ntuj. Cov uas lawv nyob ze lub tswv yim phem no, Nws coj tej npoj neeg coob coob tuaj tsim teb meem rau Ntuj thiab cov neeg siab ncaj.
    Kom lawv tau raug kev txom nyeem ntau, kom lawv ntsia tsis pom tias, Tswv Ntuj muaj txoj kev hlub kev nyiam nyob hauv lawv.
    Ces cov neeg siab ncaj ntaus siab me, tso lawv tus Tswv Ntuj pov tseg. Los hwm tus tsiaj muaj hwj chim no.
    Cov kws txuj thiab cov neeg thoob tsib suav tias nws yog tus tsiaj xam phaj uas yog 666 no. Peb paub tias Yes Xus cov lus nyob hauv ntawv cog lus tshiab twb muaj 2000 xyoo lawm. Cov lus nyob hauv ntawv cog lus qub suav txij li ntuj tsim teb raug los rau dej nyab ntiaj teb.
    Thiab Tswv Ntuj hu Yawg Has Nplas los ua Ntuj Haiv neeg los txog lub zim txwb Yes Xus yug los, rau nyiam no muaj peb tsawg vam xyoo lawm.
    Ntev npaum li no mas Neeg ntiaj teb tej kev teev hawm thiaj ncau ncaim ntawm Tswv Ntuj mus deb tas npaum no.
    Hais ib qho yooj yim txog neeg lub suab seev hauv kev txom nye. Muaj ob lo lus no:
    ->Niam aw!!! Ntuj aw!!!
    Muaj ob lo lus ua lub hauv paus los li no, mas thiaj hais tau tias, txawm huam kev loj thiab ntau heev lawm los lub keeb chiv yeej yog ib hom thiab ib qho los xwb.
    Muaj ntau tus tsiaj lawv tus Tsiaj muaj 7 lub taub hau no los nws kuj tseem yog tib tug tsiaj no lub tswv yim xwb.
    Thaum txog hnub kawg cov tsiaj no los puav leej raug muab rhuav pov tseg tas nrho. Nyiam no peb tau hnov li no lawm, peb yuav pom cov hauj lwm phem tawm tuaj nyob thoob plaws qhov txhia chaw.
    Puv nkaus rau saum lub ntiaj teb, tus neeg xav kom muaj kev dim, mas nws yuav tau khiav tiag kom mus nto saum ncov roob, thiaj tsis rau dej nyab.
    Tswv Ntuj cov lus nyob hauv ntawv cog lus qub los cog lus tshiab hais sib tshuam tas tib si tias: Lub caij lub tiaj teb no yuav kawg, mas yuav rov zoo li lub caij Nom Hes nce mus nyob hauv nws lub nkoj.
    Ua ntej Tswv Ntuj tus neeg siab dawb tshaj kom nej txhob ua kev phem kev qais. Neeg tsis muaj leej twg ntseeg, thaum dej nag nqes los nyab lawd.
    Mam pom dej dag ces lig lawm, niaj hnub no peb pom nej nag los cua thiab dej hiav txwv hluv taws lawv cav txog tswv ntuj heev npaum no.
    Peb twb tsis txawj qhuas txog Tswv Ntuj ib qho li, peg tsuas tos thaum tej ntawd cav txog Tswv Ntuj dhau lawm, ces peb quaj ntsuag hais txog kev txom nyem tuaj xwb.
    Yes Xus twb hais ua ntej tias, thaum lub caij lub ntiaj teb yuav kawg. Mas ob tug txiv neej nyob ua ke ib tug yuav mus tseg lwm tus, thiab ob tug poj niam zom zeb ua ke.
    Xwv txheej yuav raug ib tug tseg lwm tus, lub caij ntawd cov poj niam muaj me yuam thiab cov me nyuam mos ntawd yuav raug txom nyem loj.
    Tej no yog lus ua paj lug hais tas nrho, Cov poj niam muaj me nyuam hauv plab. Lawv tsis paub tias tus me nyuam tseem ciaj los tuag lawm.
    Nyob nyob nws mam sib tsuag taw hauv leej niam plab tuaj tias tseem ciaj no xwb. Cov me nyuam mos no. yog zoo li cov neeg ntseeg uas lawv ntseeg raws lo lus xwb lawv tsis muaj Tswv Ntuj. Zoo li peb ntseeg Ntuj peb tsis muaj Tswv Ntuj nrog peb.
    Peb yuav lub npe ntseeg, peb tsis teev Ntuj, peb tsis qhuas txog Tswv Ntuj li. Ces peb yog cov me nyuam mos ntawd.
    Thaum lub ntiaj teb kawg, peb yuav mus qhov twg? Yuav khiav rau pem hauv roob los khiav rau nram qab roob. Tshai tsam peb khiav mus thawj dej ces peb yuav raug dej nyab peb li cov neeg thov kom Nom Hes qhib qhov rooj.
    Thaum ntawd dej nag ntws sib laub sis lug, Nom Hes yuav tsis paub qhib lub qhov rooj. Vim lub qhov rooj raug kawv tas lawm.
    Cov txom nyem yog cov me nyuam mos ntawd, uas lawv tsis paub xaiv tswv Ntuj. Yog lawv tus Tswv Ntuj muaj lub siab zoo hlub thiab cawm lawv.
    Txhais los tias ntseeg ntawm lub ncauj xwb, lub siab tsis muaj kev ntseeg. Kuj tu siab zoo li lawv nyob hauv plab lawv tsis tau yug los, ces tsis muaj kev pab lawv kom khiav dim tau.
    Los lus hais no, yog hais tias, peb yuav ua lub neej nyob hauv Tswv Ntuj. Muaj Ntuj zaj txuj ci thiab Ntuj lub zog nyob nrog qhov pom kev, Ces peb tau xeeb los ua neeg lawm nrog Tswv Ntuj lawm.
    Thaum txog lub caij kawg cov yug los nyob hauv dej ces lawv yuav tsis raug dej nyab. Ua li mas tus yug los nyob hauv kev ntseeg txog Tswv Ntuj lawv yuav nyob ntsig to tsis tau. Lawv yuav txawj cav txog…
    Yes Xus Hais ib los tias:
    Cov Dav Npoj nyob qhov twg! Mas cov neeg tug yuav nyob qhov ntawd, yog hais txog dab tsis tiag?
    Txhais lod tias:
    Cov Dav Npoj, yog cov Dav noj nqaij lwj, ces cov neeg tuag nyob qhov twg! Cov Dav npoj yuav nyob qhov ntawd. Lawv yuav mus noj nqaij lwj nyob ntawd. Covtsev haus dej haus cawv nyob hauv cov tsev dence. Yog cov tsev uas neeg nyiam mus ua phem ua qias.
    Txoj kev tuag yog nyob hauv tej chaws ntawd lawm ntag. Lawv mus nyob hauv cov Dav npoj yuav mus ntsawv, thaum kawg lawv yuav raug cov dav npoj sib sau los noj.
    Cov Dav npoj no kuj txhais tau tias, yog npoj Dab phem. Yes Xus tau hais rau Nws cov Thwj tim kom muab sau tseg rau hauv ntwv ntsiab hais txog tej ntawd tib si lawm. Peb yuav mus nrhiav nyob hauv Mas Kos, Mas Tais , Lus Kas los Zam lawv plaub phau ntawv Moo Zoo no ces peb yuav ntsib cov lus hais txog thaum Ntuj kawg teb tag ntawd tib si nyob hauv.
    Nco ntsoov cov lus sau ua Paj Lug no, yog cov lus Yes Xus tau xub ceeb toom, ntus peb lawm nyob hauv txhua yam hnub kawg ntawd. Cov tsis paub tab yog cov piv rau cov me nyuam mos no lawm. Zaj lus no tsuas sau los ua kev sib ntuas, peb txhua tus kom peb nyias txawj ceev faj nyias tus kheej xwb.

    -< Yaj Zoov Ntxheb X.H.>



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th March 2019, 8:58 pm


    Zaj 367-   PIAV TXOJ KEV UA NTSUAG.


    XH. Yaj Zoov Ntxheb lub Tsev THOOB TSIB - Page 15 Ntsuag10


    Piav txoj kev ua ntsuag, los ntawm ib tug tub los ib tug ntxhais ua me nyuam ntsuag los lawd.  Nyob hauv ib lub neej ua me nyuam ntsuag!
    Yog zoo li tias, thaum yus yuav tsum raug ua ib tug me nyuam ntsuag. Yog Qaum Ntuj kheev cia yus ua tus xaiv, mas ntshai, yus yuav xaiv tias, cia leej txiv tuag mus ua ntej.
    Es cia tso Leej niam nyob, mas yuav zoo dua rau yus!  Vim li cas ho hais li no, yog leej txiv tuag mus lawm. Cia Leej niam nyob, mas leej niam ho mus ua dua, niam tshiab lawm los. Tus txiv tshiab txawm tsis hlub los, Leej niam nyiag tau li cas.  
    Los nws nyiag pub rau yus noj los pub rau yus hnav, tsuav yog nws txawj nyiag.  Leej txiv tshiab tsis paub ces nws nyiag tau pub rau yus noj thiab hnav.
    Yus txom nyem, los txom tsis cuag li, leej niam tuag mus ua ntej lawm, es cia Leej txiv nyob!
    Ua li cas Ntuj yuav tsis pub, yus muaj cai xaiv txoj kev tuag rau Niam thiab txiv, cia tso tus tsi txawj hlub mus ua ntej.  Kuv pom tias, yog leej  Niam tuag lawm, es cia Leej Txiv nyob.
    Ces yog Leej Txiv mus yuav dua niam tshiab los, mas yog niam tshiab tsis hlub ces Leej Txiv yuav ua nkaus li Niam tshiab lub siab xwb.
    Ces Leej txiv kuj tsis hlub yus li thiab, Nws mloog kiag li Niam tshiab hais xwb.  Niam tshiab tsis pub yus noj los Leej Txiv yeej tsis paub tias, yus tshaib thiab nqhis npaum li cas li.
    Niam tshiab yuav muab yus yoo mov thiab muab yus ntaus npaum li cas, los Leej Txiv tsis paub li.  Niam tshiab niaj hnub muab yus ntaus, los yuam yus ua qhev.
    kom yus mus ua dab ua tsov luag thiab khaub hlab li cas, los Leej txiv ua tus tsis paub tsis pom. Muaj qee tus Niam tshiab, mas kuv pom los lawm, lawv tua npua noj.
    Yus twb tshaib, tshiab nqhis nqhis, los yus hais hias:  Niam kuv tshiab tshaib plab, kuv xav noj mov thiab ib qho nqhaij.  Mas Niam tshiab teb zoo zoo hais tias:
    Koj xav noj ces cug tes los, kuv muab rau koj noj!  Yus cev tes mus cug kiag, niam tshiab hais kiag ib daim nqhaij kub kub tseem npau npau hauv yias los tso plhuav hauv yus xib teg.
    Yus niam hloov tes ob peb zaug, los tes tiv tsis taus qhov kub kub ntawd. Ua rau tes tawg paj tawm hlwv tas, yus tso plhuav nqhiaj poob hauv av lawm.
    Niam tshiab tseem cem tias, niag ntsuag plab hlob nqhis nqaij npaum li ntawd. Kuv twb muab rau koj noj, es tseem muab pov tseg thiab.
    Koj mas tsis phim noj nqhaij li od!  Cia rau dev noj mas tsis huv lawm.  Yus ntsia ntsia, ces cia li tsis muab rau yus noj ntxiv li lawm, ua rau yus kuag niam poob dawb vog.
    Los cia li yuam yus mus ua lwm yam lawm, mov los tsis tau noj li.  Xav mas tu siab kawg li os, Hmoob cov neeg muaj lub siab siab zoo.
    Kuv li mas kuv txiv tuag ua ntej, peb sawv daws kuj tsis muaj hmoo.  Kuv niam kuj cia li tuag mus ua qab sib law sib liag ntawd thiab.
    Txoj kev ua ntsuag, mas tus khaub hlab ua ntej, los yog kuv.  Tus tau mus tsuj kaus nqeeb thiab pos, los tsuj pob zeb lub taw los yog kuv. Tus tau mus tsuj av nko, tiv no tiv nag los yog kuv tib si…
    Cov me nyuam ua tub ntsoj ntxhais ntsuag, peb sawv daws ua ntsuag los nej yog cov lawv kuv qab xwb. Nej tswj nej lub siab nyob kom tus tus mog.
    Ua li tej laus lawv hais tias, yog pob zeb tsis nias taub hau, hmab tsis zoj thiab tsis lov duav, ces muaj ib hnub twg nej yeej yuav lhob los mus tiav nkauj tiav lau, paub txuj paub ci nyob ua luag txwj thiab zaum ua luag laus.
    Nej mam li qhia txuj qhia ci, rau cov uas tau ua luag niam luag txiv kom paub tab.  Txhob xyaum ua li tej laus txheej thaud lawm, ua rau tej tub ntsoj ntxhais ntsuag lawv muaj kev tu tu siab li od.
    Zaj lus no tseem tsis tau tas, tseem yuav txuas los rau cov uas muaj txij nkawm txoj kev sib hlub mus sib theem ntxiv thiab!  Yog ib tug twg tsis muaj txij nkawm mas tsis tsim txiaj thiab muaj nuj nqes los tsis muaj qab hau dab tsi li:
    Yog nws tsis mus ua Hauj Sam los ua Tswv Ntuj ib tug tub txib.
    Muaj ib tug dab laug Hmoo Xyooj hais rau kuv txog nws mus pom ib tug me nyuam ntsuag, yog ib tug me nyuam ntxhais. Niam txiv tuag tas  lawm nws nrog luag nyob xwb, nyob hauv nws lub neej.
    Mas nws ntshaw ib tug me nyuam, Hmoob hu ua nkauj nyab no. yog cov me nyuam roj hmab, lus Fab Kis hu ua pus pes {poupe’} ntawd.
    Luag cov muaj niam muaj txi, yuav rau luag tej me nyuam ntxhais.  Nws mus pom nws txheeb los saib xwb los luag tej me nyuam muab ntaus.
    Cov leej niam los tsis hais dab tsi rau li, cia lawv cov me nyuam muab nws ntaus tej niag teg.  Muab pas, los xuas nrig ntaus thiab muab nws thawb ntog ob peb ntxees li.
    Lawv yuav tau pev xij rau lawv tej me nyuam haus, lawv tsis yuav rau nws.  Ces nws txeeb haus me ntsis xwb los lawv sawv daws muab nws koom ntaus cuag li ntau tsiaj.
    Muaj ib hnub luag coj luag tej me nyuam mus da dej, nws kuj raws lawv mus, luag saib txij li luag cov xwb.  Tsis muaj neeg saib tus me nyuam ntxhais ntsuag ntawd.
    Ces tus me nyuam ntxhais ntsuag ntawd, poob deg tuag lawm, Tsis muaj neeg tsob zeem txog li.  Ces nws pog thiab nws yawg mam tuaj coj nws lub cev mus ua nws lub ntees.
    Tus dab laug Hmoob Xyooj mus pom, nws tus pog yuav tau ib tug me nyuam pus pes {pope’} roj hmab muab tso pw hauv ib lub hleb nrog nws. Yog ib tug me nyuam pus pes roj hmab ua tus duab, zoo lit us me nyuam dais, muab rau nws puag.
    Nyob rau nws sab laug, yuav tau ib hwj pev xij rau nws puag nyob rau ntawm nws sab npab xis.
    Tus dab laug Hmoob Xyooj no, nws nug tus pog tias, koj ua li no yog dab tsi?
    Tus pog ntawd hais tias, yog nws ntshaw tus me nyuam roj hmob no thiab nws nyiam nyiam haus pev xij. Nws tuag mus lawm, kuv thiaj yuav rau nws xwb.
    Thaum kuv hnov zaj lus hais li ntawd, kuv cia li quaj twj ywm kuv ib leeg li. Kuv xav tias, tej niam txiv txij nkawm. Txawm yog zoo li cas los, yuav tau lawm yuav tau sib hlub kom mus txog hnub kawg.
    Txhob sib nrauj sib tso tseg, tej me nyuam tu tu siab es cia li tuag mus, thawj thiab nrhiav dua niam nrhiav dua txiv tshiab no. Txawm phem thiab zoo los yus twb tau sib hais sib cog lus tias kuv nyiam koj no lawm.
    Yuav tsum sib hlub thiab nyob ua kev kom mus kav laus, ces thiaj tsis ua rau tej dab tuag los yuj thiab haub ntxias tau leej twg seev mus rau txoj kev ploj tuag. Tso tej tub ki nyob ua ntsuag lwj siab tas li ntawd.
    Tsis muaj neeg hlub, lawv yog neeg zoo li zeej tsoom.  Lawv txawj ntshaw noj ntshaw hnav thiab ntshaw kev hlub tas nrho.
    Cia peb los saib ob pab me nyuam, uas ib pab muaj niam muaj txiv.  Ho sib pab tsis muaj!  Cov muaj niam muaj txiv, luag yuav yam ub yam no, rau lawv noj los lawv siv.
    Hos sib pab lawv tsis muaj niam muaj txiv, lawv ntsia luag noj los ntsia luag siv.  Mas lawv txom nyem siab thiab ntshaw niam ntsaw txiv hlub npaum li cas!
    Nyob hauv kuv nruab siab, mas kuv xav tias, Cov muaj noj muaj hnav thiab muaj toob xib txaus nkaus lawv lawm. Mas tab yog lawv ua neeg ntse, los lawv ntse qeeb kawg, vim lawv twb muaj tas txhua yam lawm.
    Hos cov me nyuam tsis muaj neeg hlub mas lawv ntse tuaj, mas lawv ntse sai dua, cov uas twb muaj txhua yam siv tsis txhawj lawd.  Thawm sawv daws laus los mus sib xws, los cov ua neeg muaj, yeej ntse swb cov txom nyem.
    Cov me nyuam, txom nyem raug luag ntxub, luag cem los luag ntaus.  Yog nws muaj hmoo, zeb tsis nias nws taub hau, mas nws yuav ua neeg thoob tsib thiab ntse tshaj.
    Saib nyob hauv cov txij nkawm los zoo tib yam li thiab, cov poj niam uas tus txiv hlub heev.  Mas nws tsis ntshai thiab tsis hwm nws tus txiv li, nws yuav mus qhov twg los nws cia li mus raws li nws siab  nyiam thiab xav mus.
    Nws tsis nug tias, koj puas pom zoo thiab tso lus rau nws mus.  Ib pliag tshwm qab zog, tos paub xwb twb tshwm pem hauv zos lawm.
    Nyob hauv kev ua txij nkawm, mas tsis hais poj niam, los txiv neej li. Txawm phem li cas los koj txhob dag koj mog!  Thaum neb yuav sib yuav, mas tus twg los niam hais tias:
    Kuv mas nyiam koj kawg, kuv yuav hlub hlub koj kom mus tas kuv sim neej li.  Nyob hauv Paj Lug cov lus twb muaj lo lus hais tias:
    Nej cov poj niam, nej yuav hlub thiab hwm nej cov txiv, li  nej hlub thiab hwm nej tus Tswv Ntuj. Cov poj niam, mas lawv hais tias lawv hlub lawv tus Tswv Ntuj dua hlub lawv cov txiv.
    Vim muaj qee leej, mas lawv cia lawv cov txiv nyob hauv tsev. Lawv tsis hwm lawv cov txiv li, Lawv hais tias lawv yuav mus hwm lawv tusTswv Ntuj yog tus Tswv zoo thiab loj!
    Lawv yuav mus hawm Tswv Ntuj, lawv thiaj paub hawm. Thaum kawg ces lawv mus hawm, ib co Tim Tswv nyob sab hnub poob ntau xwb.  Lawv muab lawv cov txiv tsuj kiag rau hauv av.
    CovTim Tswv ntawd, tseem ho twb tsis txawj hlub lawv, npaum li lawv cov txiv.  Uas ruam ruam nyob tom tsev. Thaum lawv qaug tas rau cov Tim Tswv ntawd tas lawm, mas cov tim tswvntawd, mam muab lawv yuam mus pe lawv tus tim tswv sab hnub poob no.  Ces lawv raug ua tim tswv tus qhev mus lawm, ces lawv mam paub txog.
    Kuv tsuas xav hais rau cov txij nkawm tias, Nej dag rau luag tej tub luag tej roog tau. Thov kom nej txhob rov dag rau nej li thaud tias:  Kuv mas yuav hlub koj mus txog hnub kawg kiag li ntag.
    Hais rau sawv daws los lus zoo hais thiab ua tau mas, mam hais!  Yog lam hais xwb ua tsis tau, mas txhob lam hais. Tej lus ntawd, yog cov lus uas ua rau luag tsis tso siab rau yus thiab yuav muaj kev tu siab, los ua teeb meem rau yus tus kheej.
    Ua kom ib leeg xav phem rau ib leeg, ces zoo li neb ob leeg ces yog sib dag tau los xwb.
    Hmoob lub siab, mas hais zoo cuag li Tswv Ntuj tej lus.   Tswv Ntuj cov lus uas Tswv Ntuj hais:  Mas Ntuj hais tias:
    Tus tau ib tug poj niam zoo, mas cuag li, nws tau ib tug ntsuag nyiaj los ntsuag kub ntag! Nyob hauv cov Niam Txiv, mas lawv tsuas pom ib sab xwb.
    Lawv tsis pom ob sab loj sib luag, Hmoob tsuas xav tias, tus kawm ntawv zoo mas xav kom yog tus tub xwb. Cov Tub thiaj yog yus cov.
    Tog ntxhais sab, mas mus raws li Tswv Ntuj lo lus tias:
    Tus zoo Poj niam, mas nws zoo li ib thooj kub los ib thooj nyiaj loj kawg, yuav siv tsis paub tag li.  Thaum Hmoob ua tshoob mas Hmoob hais tias, peb kam them $ 5000 diam.
    Tus ntxhais los khwv ob lub hlis xwb twb tau tshaj li 5.000 lawm.  Hais tiag, mas phim yuav hlub niam tais yawm txiv thiab.
    Tus ntxhais no yog koj tus, niam Tais Yawm Txiv lawv pab yug thiab tu rau koj. Nws yog koj thooj nyiaj thiab koj thooj kub tiag tiag li lawm.
    Cov uas yuav tau luag ntxhais txawj ntse, phim tiag, mas sib xyoos yuav tau pab them nqes tsev rau Niam Tais Yawm Txiv ib zaug thiaj li tsim nyog lawv pub tshoob rau koj yuav!
    Ib thooj nyiaj los ib thooj kub loj npaum li no, cia li muab pub rau koj ntaus ua tus nqes tshoob $5000 xwb. Yuav nco Nim Txiv txiaj ntim thiab thiaj li tsim nyog yom.
    Zaj lus no, kuv hais raws li qhov muaj tseeb, uas kuv tau pom los ntawm kuv lub qhov muag. Kuv niam kuv txiv lawv tsis tau ua li ntawd rau kuv.
    Yog tej txheeb ze kuv pom lawv muaj leej puav ua li hais no rau kuv.  Thiab kuv kuj pom qee leej tub ntxhais ntsuag uas yog kuv phaum neeg raug kiag li hais no los lawm.
    Thov kom txheej tshiab no, txhob ua li ntawd lawm xwb.  Ces kuv nyob kaj siab lug lawm. Hos cov tub ntsoj ntxhais ntsuag, los txhob tu tu siab heev yam dhau ces twb dhau nus tas lawm.
    Thiab nyias muaj nyias txoj hmoo, Ntuj muaj qhov muag pom thiab saib txhua tus neeg txoj hmoo.  Nej yuav ntseeg nej tus kheej ua ntej xwb.
    Yam uas nej caum thiab raws luag qab, muas yog nej li kev kawm xwb, Txhob ntseeg luag thiab muab tas nrho yus lub siab los mus ntseeg.
    Muaj tib tug thiaj zoo ntseeg xwb, Yog Tswv Ntuj!
    Yog nej raws luag qab mus li, ces thaum nej caum tau nrog luag sib nrawg lawd. Luag yuav hais tias:
    Yog kuv qhia koj, mas koj thiaj paub! Txoj txhob huas kuv ntej, vim kuv yog koj tus Xib hwb qhia koj mog!  Ces koj yuav qaug zog tuaj, koj yuav tsis muaj siab ua dab tsi ntxiv mus.  Ces koj rov tu siab, koj cia rov nyob zoo li, ib tug neeg ruam ruam tuaj lawm thiab.

    -< Yaj Zoov Ntxheb X.H.->



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd March 2019, 12:12 am



    Zaj 368- NYOB HAUV TXHUA YAM KEV NTSEEG.


    Hais txog kev ntseeg, saib txij li thaum Huab Tais Ntuj. Tsim muaj lub ntuj lub teb los nyob, Haiv Hmoob cov kev ntseeg, yeej ib txwm yog kev ntseeg Ntuj.
    Nyob hauv Hmoob cov kev ntseeg, tsis muaj ib tug tseem Yaj Saub tuaj qhia Huab Tais Ntuj txoj cai thiab Ntuj cov lus rau Haiv Hmoob. Ntuj zaj txuj ci, yeej muaj kev hwm Ntuj nyob nraim hauv Hmoob txoj kev ntseeg thiab cov kab lis kev cai Hmoob coj.

    1.Zoo li Ntuj zaj txuj ci nyob hauv Hmoob cov lus los kwv txhiaj, paj ntsha lus taum nrog tej nkauj suab seev txhua yam. Thiab cov zaj tshoob txiv Xaiv foom kom.

    2. Txhua yam yam uas nyob nrog Haiv Hmoob, kom Hmoob coj tau ua ib pab ib pawg tias, sawv daws tseem koom ua tau tias, yog Haiv Hmoob.
    Nws nyob nrog Hmoob cov thawj neeg paub Hmoob tej kab lis kev cai:
    Zoo li cov Hmoob hu ua cov txwj laus neeg, cov txiv muam paub Hmoob tej kab lis kev cai. Li cov txiv neeb txiv yaig, cov txiv qeej, Thiab cov coj tshoob kos, los cov paub txiv xaiv foom kom.
    Lawv yog pab neeg coj kom Hmoob, kom tseem ua tau Haiv neeg Hmoob nyob los txog niaj hnub no.

    3. Nyob hauv Hmoob tej kab lis kev cai cov lus sib qhia, kom Hmoob txawj saib taus thiab hwm Hmoob. Tej laus ua lus paj lug hais ua ntu zus los mus tias:
    Ntov ntoo yuav tsum saib ceg ntoo qhuav, tsam poob los ntaus taub hau! Zoo li hais lus yuav tsum nco ntsoov saib neeg kom muaj nuj nqes. Tsam koj hais rau luag lwm tus ces tau raug kev txaj muag!

    4. Nyob hauv lub ntees tshoob, Hmoob tsa tub ntxhais yim mus ua neej. Hmoob ntuas tub ntxhais kom mus ua neej xyom hauv xyom seej.
    Mus ua neej kom kiab kiab kais kais, niam mloog txiv qhuab, txiv mloog niam niam hais. Mus ua neej kom tsheej kom kiab, ua neej thiaj tsis muaj kev nyuaj siab rau yav laus.
    Txawm muaj kev tsis sib haum los nyob taus ua cav lwj sis ib nyob mus kav laus. Kom ua neej nyob nqaj mus nto ntuj ploog mus nto ntsis.

    5. Nyob hauv Hmoob lub ntsees ploj tuag, Hmoob cov lus tseem ceeb muaj peb nqe lus hais xwb:

    A.Thawj nqe, tsuas yog hais txog kev ua kwv ua tij, kev neej kev tsav, Hmoob hais tias, Nkauj muam nraug Nus kev sib hlub. Sib ncaim lawm, choj lov kom kev txhob tus. Siv tshiab los tsis nrauj laus.
    Nco txog tsoom txheeb ze kev txwj kev laus, los kev sib pab los ntawm kev iab kev khwv ua hauj lwm sib pab.

    B. Seem lus qhuab qhia tej tub ki, kom ua neeg zoo. Txhob mus twv txiaj yuam pov thiab txob mus ua plees ua yi kom muaj plaub ntug, Mus coj tus dab xyob txhiaj los paug tsev ces tau kev txom nyem ua neej raws tsis cuag luag.

    C. Theem kawg ntawm lub ntees ploj tuag no, tsuas qhuab ntuas tej tub ki xyaum ua neeg tsis txiaj. Paub tab hno xaiv, nrhiav sab kev zoo los coj nrog lub neej.
    Kom Ntuj pom los ntuj hlub, neeg ntiaj teb pom los kom neeg ntiaj teb qhuas, thiaj muaj txoj hmoov zoo. Luag thiaj xaiv thiab tsa yus ua nom ua tswv mus rau yav tom ntej.

    6. Txhua yam kev ntseeg nyob ntiaj teb no puav leej yog nqes ntawm Huab Tais Tswv Ntuj los. Neeg tsis nco txog tias, txoj kev zoo yog rhawv ntawm Tswv Ntuj los, tus Hmoob hu ua Ntuj Niam Ntuj txi no.
    Kuj yog Neeg pom tsis tau Huab Tais Ntuj, Yam uas neeg pom tsis tau. Ces neeg muab hu ua dab no lawm. Ces cov kev ntseeg uas tsis muaj phau ntawv Faj lem raws li Tswv Ntuj tshoj, kom Cov Yaj Saub hais los mus txuas rau Yes Xus cov lus.
    Ces thiaj muaj lub npe hais tias yog kev teev dab no xwb. Nyob hauv Hmoob txoj kev teev hawm, mas tsis muaj kev teev dab nyob hauv li. Hmoob muaj Hmoob ib co dab txawv, yog tej poj koob yawm txwv thiab tej niam tej txiv.

    7. Hmoob cov kev cai, hais tsis meej thiaj hais tias, ua dab no, tsis yog ua dab los yog teev dab li:
    A, Hmoob cov khawv koob yog ib co lus ntiab dab kom dab tawm mus. Hmoob tsis muaj kev tso siab rau Ntuj xwb, Hmoob saib li Hmoob muaj peev xwm txaus Hmoob lawm.
    B. Hmoob ua neeb, yog mus kho tus ntsuj plig. Tus txiv neeb yog tus mus nrog dab hais plaub ntug, vim Hmoob ntseeg tias, ntshai Hmoob mus hla dab taub hau ces tub qaug rau dab lawm Hmoob thiaj mob.
    Tus txiv neeb nws yog tus Lo yawj los tus as vaus kas mus nrog dab sib khom lus tub qaug xwb. Tsis yog tus teev dab. Hmoob cov dab neeb, yog ib pab tub rog tuaj ntawm cov ntsuj plig tuaj.
    Tus Xib Hwb qhia Hmoob ua neeb, Hmoob hu ua Yaj Xib Hwb los thoj xib hwb no. ….Cov dab neeb yog cov ntsuj plig zoo, los ntawm ob pab tub rog! Pab tub rog caij nees hu ua peeb muas. pab tub rog mus taw, yog cov peeb zeej. Hmoob tus txiv neeb nws yog ib tug thawj tub rog sawv mus ntaus tsam nrog dab.
    Ua li cas ho hais tau tias nws yog tus teev dab no! Yog ua twb zoo xav kom paub txog qhov tseeb tiag. Mas tsis tau muaj ib tug Hmoob uas hais tau tias nws teev dab li.
    Tus teev dab tag mas yog tus vam txog dab, tuaj pab nws. Kom nws tso dab mus tom neeg, kom neeg muaj mob thiaj yog tus teev dab.
    Hmoob thiab dab tsis sib haum, Hmoob tsuas ntshai tias, tsam yog raug dab. Dab los kuj ntshai rawg tsam raug neej no thiab.
    Yog hais qhov meej tiag ces yog cov Ntsuj Plig phem qhia lub tswv yim no, rau Hmoob kom hais tias yog teev dab. kom dab txhob los tom Hmoob kom Hmoob muaj mob.
    Txoj kev cai tsis yog yuav hais thiab coj li cov lus niaj hnub Hmoob hais no. Yam tseeb tshaj plaws ces yog cov ntsuj plig phem ces yog dab.
    Cov Ntsuj Plig phem uas hu ua dab no, qhia thiab ntxias kom leej tib neeg yuam kev mus ua yam phem uas tsis haum li Tswv Ntuj siab thiab kom neeg tsis muaj kev sib haum xeeb, los tsis sib raug zoo. Kom Qaum Ntuj muaj kev ntxhov siab rau neeg ntiaj teb, tsis tu ncua mus.
    C. Ob lub tswv Yim no tsis sib haum nyob hauv txoj kev sib hlub thiab sib raug zoo:
    c-a. Lub Tswv Yim thoob tsib, txawj nyiam Ntuj thiab hlub neeg. Nws nyob tsis taus nrog lub Tswv Yim phem nrhiav kev sib ntxub, sib cais kom nyias nyob nyias ua neeg twm zeej. Tsis haum nrog leej twg.
    c-b. Lub Tswv Yim phem muaj kev xam khib thiab cib nyeej los xav ua tus thawj coj, los ua tus kav, nyiam ua neeg muab hlob khav theeb. Nyiam sau vij sub vij sw, kev sib cav sib ceg, muab lwm tus txo, kom muaj kev txom nyem.
    c-c. Nws yog ib lub tswv yim tawm ntawm cov ntsuj plig phem los. Mas nws yeej tsis haum Qaum Ntuj lub siab los neeg ntiaj teb txhua tus lub siab ib yam nkaus li thiab.
    Cov neeg muaj cov ntsuj plig phem no lub tswv yim, mas cov tsuj plig phem kuj pab kom lawv muaj peev xwm, ua phem rau lwm tus neeg tsis tseg li. Lawv kuj muaj ib lub meej mom hwj chim. Khav theeb yam tsis paub txaj muag li.
    c-d. Vim nyob hauv lawv nruab siab, lawv yeej tseg ib qho chaw rau cov ntsuj plig phem no nyob, ua tus coj lawv tej kev tsis zoo thiab tsis ncaj ncees.
    Lawv nyiam hwm thiab tso siab rau cov ntsuj plig phem no, los cuab lawv zog, kom lawv muaj zog nyob rau sab phem no, thiab txwj ua txhua yam phem kom muaj peev xwm nrog kev muaj zog.
    D. Cov neeg muaj lub siab dawb, tab yog lawv muaj txuj ci, los lawv tsis muaj txuj ci. Tus Tswv Ntuj nyob siab yeej maj mam coj kom lawv ua neeg thoob tsib, siv lub tswv yim ua neeg paub tab nyob rau lawv nruab siab.
    Kom ua tau tsoom sid ib tug phooj ywg zoo, muaj lub peev xwm tiv taus luag tej khawv yeej khawv yws thiab ua tau phooj ywg rau txhua tus, nyob mus li ntev ntev.
    8. Nyob hauv txhua hom neeg, los txhua pab neeg, sawv daws txoj kev ntseeg. Yeej yog ib txoj kev ntseeg nqes saum ntuj los.
    Puav leej yog ib txoj kev ntseeg qhia rau sab hwm Ntuj hwm neeg zoo xwb. Thaum cov txiaj ntsim kev ntseeg no, poob los rau ib tug neeg, xeeb tau los nyob hauv nws nruab siab lawm.
    Cov ntsuj Plig phem no, raws thiab caum nws qab tsis tseg. Pheej qhia tej yam kom neeg swb los mus, hloov los ua yam phem kom tsis haum Ntuj kev hlub thiab neeg kev nyiam.
    A.Cov neeg thoob tsib thiab muaj txuj, lub hauv paus nws yeej yog neeg zoo. Yog cov ntsuj Phig phem tuaj cob thiab qhia tas zog tias:
    Qaum Ntuj muab kev thoob tsib ua neeg ntse rau koj lawm. Mas koj yuav txua thiab ntxiv tej yam no rau. Koj thiaj haj yam muaj txuj ci loj thiab muaj peev xwm, rau sab kev ua neeg ntiaj teb. Luag yuav hwm koj loj cuag li koj yog Tswv Ntuj tus tub thoob xo hais txog txhua yam kev tseem ceeb.
    B. Cov neeg tau txais kev thoob tsib, los saum qaum ntuj los. Yog nws tsis ceev faj, mas nws raug cov ntsuj plig phem ntxias thiab muas tau nws sai kawg, los ua neeg phem.
    Peb thiaj pom tej tus thawj neeg muaj koob meej hwj chim nto moo loj raug plaub ntug. Uas lug ntes coj mus kaw rau tsev loj cuj, tau ua neeg nyob txim ntau xyoo.
    Sawv daws coj ib hom kev ntseeg xwb los thiaj pom thiab paub tias nyias muaj nyias ib pab pawg sib txawv li lub ntiaj teb neeg uas peb pom muaj li niaj hnub no.
    C. Cov ntsuj plig phem no lawv yeej caum cov thawj neeg txhua pab li. Tej tus thawj neeg uas peb paub thiab pom nws yog ib tug neeg zoo kawg.
    Nyob nyob peb hnov tias, nws raug txim lawm, vim nws kov tej tub tej ntxhais los kov luag poj niam thiab ua tub sab.
    Puav leej yog cov ntsuj plig phem no ntxias thiab muas tau nws lawm. Nws thiaj poob los raug tej xwv txheej li no tau.
    Cov me nyuam neeg, mas cov tsuj plig phem no. tsuas ntxias kom lawv muaj teeb meem nyob nrog lawv tej txij nkawm los tej kwv tij tsis sib haum xeeb ntau xwb.
    Kom lawv lub neej puas mus, kom ua neej tsis nto ntsis thiab ua neej mus tsis kav laus. Puav leej yog raug cov ntsuj plig phem no, cob qhia los li hais ntawd.
    Txua tus los txhua pab neeg, thaum yus raug poob ua neeg txom nyem tas lawd. Nyias mam xav txog, yus xav hloov ua neeg zoo los tus nyob ze yus tsis kam hloov lawm.
    Luag lwm tus los lwm pab neeg tsis kam rov ntseeg yus lawm thiab. Ces sawv daws tas kev cia siab mus lawm, koj liam rau kuv, kuv kuj liam rau koj, Tsis muaj neeg kam to taub qhov tseeb yog qhov twg tiag.
    D. Cov Ntsuj plig phem no lawv tsis hwm neeg. Lawv twb xub ntxub Tswv Ntuj uas yog tus tsim neeg tuaj nyob ntiaj teb no ua ntej lawm
    Cov phem no, lawv txhob txwm ua kom neeg rov ntxub neeg, ces neeg sib thuam kom neeg tsis yog Qaum Ntuj me nyuam.
    Kom neeg ntiaj teb tau ncaim mus deb ntawm tus Tswv Ntuj yog tus siab zoo, txawj hlub neeg. Kom plam mus ntawm lub npe hu ua Ntuj cov me nyuam mus. Vim cov ntsuj plig dab phem muaj kev khib tsam neeg tau zoo dua lawv lawm.
    Ces neeg cov ntuj plig tiam tom ntej yuav tau mus hloov cov ntsuj plig phem no tej chaw nyob uas thaud lawv tau nyob ze rau Tswv Ntuj thaum lub hauv paus los.
    E. Tsis hais txog kev ntseeg Ntuj xwb Cov Ntsuj plig phem thiaj ntxias li ntawd, Nyob hauv Haiv Hmoob ib lub xeem xwb los cov Ntsuj plig phem yeej ntxias zoo tib yam nkaus kom sib tawg tas mus:
    Cia muab lub Xeem Hmoob Yaj los ua piv txwv, ua cas ho muaj cov Yaj 9 txim, Yaj tsib txig. Yaj xya txim, thiab Yaj taig laig.
    Sawv daws yeej yog kwv tij ib tsob nyob hauv lub xeem Yaj tiag. Thaum sawv daws sib ntsib los. Lawv yuav sib nug tias koj yog pab twg?
    Muaj txiab xeeb mob nkeeg los, lawv sib hais tias, Dab qhuas tsis sib thooj. Koj txhob tu siab pab tsis tau lawm. Kev tus siab los raws cuag. Tu siab nrho tias, yus tsis muaj kwv muaj tig pab.
    Tej no twb yog kev ua tub qaug rau Ntuj Niam Ntuj Txi lawm, vim sawv daws puav leej yog Qaum ntuj me nyuam tas tib si.
    9. Kuv xav tias, cov ntsuj plig phem no, lawv lub tswv yim, mas yog lawv ntxias tau ib tug thawj neeg kom ua kev txhaum mus lawm.
    A. Mas nthai cov ntuj plig phem, uas peb hu lawv ua dab no. Thaum lawv ntxias tau ib tug thawj neeg, mus poob rau kev ua txaum. Mas ntshai dab yuav zoo siab hlo los ua tej lub koob tsheej cav txog tus thawj neeg no loj kawg nkaus.
    B. Nyob ntawm tus neeg lub hwj chim, tej tus neeg, mas dab yuav ua koob tsheej qhuas nws, Txog li ib hnub ib hmos. Tej tus mas dab tseem yuav ua qhuas thiab cav txog nws li peb hnub peb hmos. Los xya hnub xya hmo li.
    10. Muaj qee yam uas peb xav tsis txog:
    A. Cov thawj coj qhia kev ntseeg, muaj cov uas raug cov ntsuj plig phem no, ntxias tau kom lawv ua kev txhaum uas neeg tsis nyiam. Zoo li muab tej tub txhais ua pleeg yi. Los nws muab luag poj luag sev coj mus ua pleeg yi.
    Cov thawj coj, lawv muaj kev sib zais. Ib tug thawj neeg ua kev txhaum lawm, lawv paub lawv tsis muab tshem tawm mus muab nws txo hauj lwm, cia nws so mus.
    Cov thawj neeg ntawd, lawv muab hloov chaw mus rau lwm qho saib puas cawm tau nws rov ua neeg zoo. Nws tau rov mus pib ua kev txhaum nyob lwm qhov chaw lawm thiab.
    Ces thiaj muaj xaiv muaj lus ncha txog tej tus muaj keeb tsis zoo nyob hauv cov ua thawj neeg no. Tej hauj lwm, yam no yog ib yam tsis zoo kiag.
    B. Nyiam no lub ntiaj teb vam meej lawm, yuav rov coj li Ntuj pom zoo li thaum lub hauv paus! Li Yes Xus xaiv Nws cov Thwj Tim.
    Yes Xus 12 tug Thwj Tim, tsuas yog muaj ib tug thiaj yog neeg nyob tab seeb. Dua li cov 11 tug ntawd puav leej yog ib pab muaj txig muaj nkawm tas nrho.
    C. Kuv kuj tsis paub dab tsi zoo, kuv hais raws li lub tswv yim xav tau xwb. Nyob hauv Haiv Hmoob Yeej ib txwm yog cov txiv tsev ua tus tiam dab tiam qhua.
    Zoo li cov tub Tsob Hwb thiab cov ua Leej Choj, mas tus tsim nyog lawm yuav tsim nyog ua ib tug leej choj los tau thiab. Kom cov ntsuj plig phem txhob ntxias tau nws mus poob rau sab kev myiam ua plees ua yi yam tsis haum kev ncaj ncees.
    Kom tus neeg phem uas raug cov ntsuj plig phem ntxias lawd, kom hais tau yam meej tias nws yeej yog neeg phem los neeg zoo. Txhob sib zais li yav ntuj thaum ub uas ntshai tsam tsis muaj Leej Choj txaus siv.
    Nyob hauv Hmoob, mas tseem tsis tau txawj sib pov hwm ib tug Leej choj los ib tug Tub Tsob hwb kom muaj zog thiab txuag lawv lub neej, mus rau txoj kev zoo.
    Cov ua Leej Choj los ua tub Tsob Hwb lawv txom nyem heev, vim cov ntseeg tsis tau txawj txuag thiab pov hwm lawv tus Leej Choj los tus Tsob Hwb.
    Txoj kev xyav moo thiab kev thuam nyob ze Hmoob tej di ncauj heev. Muaj tus puav Leej choj los tsis muaj kev cuab lawv zog, los ntawm cov neeg ntseeg los li.
    Thiaj muaj tej tus ua Leej Choj lawv cia li nyob tsis taus mus kav laus, hauv nws lub hnub nyoog. Cia li ploj yam ntsiag to uas tsis muaj neeg paub li. Sacramen to Yaj zoov Ntxheb.
    Zaj 368- NYOB HAUV TXHUA YAM KEV NTSEEG.
    Hais txog kev ntseeg, saib txij li thaum Huab Tais Ntuj. Tsim muaj lub ntuj lub teb los nyob, Haiv Hmoob cov kev ntseeg, yeej ib txwm yog kev ntseeg Ntuj.
    Nyob hauv Hmoob cov kev ntseeg, tsis muaj ib tug tseem Yaj Saub tuaj qhia Huab Tais Ntuj txoj cai thiab Ntuj cov lus rau Haiv Hmoob. Ntuj zaj txuj ci, yeej muaj kev hwm Ntuj nyob nraim hauv Hmoob txoj kev ntseeg thiab cov kab lis kev cai Hmoob coj.
    1.Zoo li Ntuj zaj txuj ci nyob hauv Hmoob cov lus los kwv txhiaj, paj ntsha lus taum nrog tej nkauj suab seev txhua yam. Thiab cov zaj tshoob txiv Xaiv foom kom.
    2. Txhua yam yam uas nyob nrog Haiv Hmoob, kom Hmoob coj tau ua ib pab ib pawg tias, sawv daws tseem koom ua tau tias, yog Haiv Hmoob.
    Nws nyob nrog Hmoob cov thawj neeg paub Hmoob tej kab lis kev cai:
    Zoo li cov Hmoob hu ua cov txwj laus neeg, cov txiv muam paub Hmoob tej kab lis kev cai. Li cov txiv neeb txiv yaig, cov txiv qeej, Thiab cov coj tshoob kos, los cov paub txiv xaiv foom kom.
    Lawv yog pab neeg coj kom Hmoob, kom tseem ua tau Haiv neeg Hmoob nyob los txog niaj hnub no.
    3. Nyob hauv Hmoob tej kab lis kev cai cov lus sib qhia, kom Hmoob txawj saib taus thiab hwm Hmoob. Tej laus ua lus paj lug hais ua ntu zus los mus tias:
    Ntov ntoo yuav tsum saib ceg ntoo qhuav, tsam poob los ntaus taub hau! Zoo li hais lus yuav tsum nco ntsoov saib neeg kom muaj nuj nqes. Tsam koj hais rau luag lwm tus ces tau raug kev txaj muag!
    4. Nyob hauv lub ntees tshoob, Hmoob tsa tub ntxhais yim mus ua neej. Hmoob ntuas tub ntxhais kom mus ua neej xyom hauv xyom seej.
    Mus ua neej kom kiab kiab kais kais, niam mloog txiv qhuab, txiv mloog niam niam hais. Mus ua neej kom tsheej kom kiab, ua neej thiaj tsis muaj kev nyuaj siab rau yav laus.
    Txawm muaj kev tsis sib haum los nyob taus ua cav lwj sis ib nyob mus kav laus. Kom ua neej nyob nqaj mus nto ntuj ploog mus nto ntsis.
    5. Nyob hauv Hmoob lub ntsees ploj tuag, Hmoob cov lus tseem ceeb muaj peb nqe lus hais xwb:
    A.Thawj nqe, tsuas yog hais txog kev ua kwv ua tij, kev neej kev tsav, Hmoob hais tias, Nkauj muam nraug Nus kev sib hlub. Sib ncaim lawm, choj lov kom kev txhob tus. Siv tshiab los tsis nrauj laus.
    Nco txog tsoom txheeb ze kev txwj kev laus, los kev sib pab los ntawm kev iab kev khwv ua hauj lwm sib pab.
    B. Seem lus qhuab qhia tej tub ki, kom ua neeg zoo. Txhob mus twv txiaj yuam pov thiab txob mus ua plees ua yi kom muaj plaub ntug, Mus coj tus dab xyob txhiaj los paug tsev ces tau kev txom nyem ua neej raws tsis cuag luag.
    C. Theem kawg ntawm lub ntees ploj tuag no, tsuas qhuab ntuas tej tub ki xyaum ua neeg tsis txiaj. Paub tab hno xaiv, nrhiav sab kev zoo los coj nrog lub neej.
    Kom Ntuj pom los ntuj hlub, neeg ntiaj teb pom los kom neeg ntiaj teb qhuas, thiaj muaj txoj hmoov zoo. Luag thiaj xaiv thiab tsa yus ua nom ua tswv mus rau yav tom ntej.
    6. Txhua yam kev ntseeg nyob ntiaj teb no puav leej yog nqes ntawm Huab Tais Tswv Ntuj los. Neeg tsis nco txog tias, txoj kev zoo yog rhawv ntawm Tswv Ntuj los, tus Hmoob hu ua Ntuj Niam Ntuj txi no.
    Kuj yog Neeg pom tsis tau Huab Tais Ntuj, Yam uas neeg pom tsis tau. Ces neeg muab hu ua dab no lawm. Ces cov kev ntseeg uas tsis muaj phau ntawv Faj lem raws li Tswv Ntuj tshoj, kom Cov Yaj Saub hais los mus txuas rau Yes Xus cov lus.
    Ces thiaj muaj lub npe hais tias yog kev teev dab no xwb. Nyob hauv Hmoob txoj kev teev hawm, mas tsis muaj kev teev dab nyob hauv li. Hmoob muaj Hmoob ib co dab txawv, yog tej poj koob yawm txwv thiab tej niam tej txiv.
    7. Hmoob cov kev cai, hais tsis meej thiaj hais tias, ua dab no, tsis yog ua dab los yog teev dab li:
    A, Hmoob cov khawv koob yog ib co lus ntiab dab kom dab tawm mus. Hmoob tsis muaj kev tso siab rau Ntuj xwb, Hmoob saib li Hmoob muaj peev xwm txaus Hmoob lawm.
    B. Hmoob ua neeb, yog mus kho tus ntsuj plig. Tus txiv neeb yog tus mus nrog dab hais plaub ntug, vim Hmoob ntseeg tias, ntshai Hmoob mus hla dab taub hau ces tub qaug rau dab lawm Hmoob thiaj mob.
    Tus txiv neeb nws yog tus Lo yawj los tus as vaus kas mus nrog dab sib khom lus tub qaug xwb. Tsis yog tus teev dab. Hmoob cov dab neeb, yog ib pab tub rog tuaj ntawm cov ntsuj plig tuaj.
    Tus Xib Hwb qhia Hmoob ua neeb, Hmoob hu ua Yaj Xib Hwb los thoj xib hwb no. ….Cov dab neeb yog cov ntsuj plig zoo, los ntawm ob pab tub rog! Pab tub rog caij nees hu ua peeb muas. pab tub rog mus taw, yog cov peeb zeej. Hmoob tus txiv neeb nws yog ib tug thawj tub rog sawv mus ntaus tsam nrog dab.
    Ua li cas ho hais tau tias nws yog tus teev dab no! Yog ua twb zoo xav kom paub txog qhov tseeb tiag. Mas tsis tau muaj ib tug Hmoob uas hais tau tias nws teev dab li.
    Tus teev dab tag mas yog tus vam txog dab, tuaj pab nws. Kom nws tso dab mus tom neeg, kom neeg muaj mob thiaj yog tus teev dab.
    Hmoob thiab dab tsis sib haum, Hmoob tsuas ntshai tias, tsam yog raug dab. Dab los kuj ntshai rawg tsam raug neej no thiab.
    Yog hais qhov meej tiag ces yog cov Ntsuj Plig phem qhia lub tswv yim no, rau Hmoob kom hais tias yog teev dab. kom dab txhob los tom Hmoob kom Hmoob muaj mob.
    Txoj kev cai tsis yog yuav hais thiab coj li cov lus niaj hnub Hmoob hais no. Yam tseeb tshaj plaws ces yog cov ntsuj plig phem ces yog dab.
    Cov Ntsuj Plig phem uas hu ua dab no, qhia thiab ntxias kom leej tib neeg yuam kev mus ua yam phem uas tsis haum li Tswv Ntuj siab thiab kom neeg tsis muaj kev sib haum xeeb, los tsis sib raug zoo. Kom Qaum Ntuj muaj kev ntxhov siab rau neeg ntiaj teb, tsis tu ncua mus.
    C. Ob lub tswv Yim no tsis sib haum nyob hauv txoj kev sib hlub thiab sib raug zoo:
    c-a. Lub Tswv Yim thoob tsib, txawj nyiam Ntuj thiab hlub neeg. Nws nyob tsis taus nrog lub Tswv Yim phem nrhiav kev sib ntxub, sib cais kom nyias nyob nyias ua neeg twm zeej. Tsis haum nrog leej twg.
    c-b. Lub Tswv Yim phem muaj kev xam khib thiab cib nyeej los xav ua tus thawj coj, los ua tus kav, nyiam ua neeg muab hlob khav theeb. Nyiam sau vij sub vij sw, kev sib cav sib ceg, muab lwm tus txo, kom muaj kev txom nyem.
    c-c. Nws yog ib lub tswv yim tawm ntawm cov ntsuj plig phem los. Mas nws yeej tsis haum Qaum Ntuj lub siab los neeg ntiaj teb txhua tus lub siab ib yam nkaus li thiab.
    Cov neeg muaj cov ntsuj plig phem no lub tswv yim, mas cov tsuj plig phem kuj pab kom lawv muaj peev xwm, ua phem rau lwm tus neeg tsis tseg li. Lawv kuj muaj ib lub meej mom hwj chim. Khav theeb yam tsis paub txaj muag li.
    c-d. Vim nyob hauv lawv nruab siab, lawv yeej tseg ib qho chaw rau cov ntsuj plig phem no nyob, ua tus coj lawv tej kev tsis zoo thiab tsis ncaj ncees.
    Lawv nyiam hwm thiab tso siab rau cov ntsuj plig phem no, los cuab lawv zog, kom lawv muaj zog nyob rau sab phem no, thiab txwj ua txhua yam phem kom muaj peev xwm nrog kev muaj zog.
    D. Cov neeg muaj lub siab dawb, tab yog lawv muaj txuj ci, los lawv tsis muaj txuj ci. Tus Tswv Ntuj nyob siab yeej maj mam coj kom lawv ua neeg thoob tsib, siv lub tswv yim ua neeg paub tab nyob rau lawv nruab siab.
    Kom ua tau tsoom sid ib tug phooj ywg zoo, muaj lub peev xwm tiv taus luag tej khawv yeej khawv yws thiab ua tau phooj ywg rau txhua tus, nyob mus li ntev ntev.
    8. Nyob hauv txhua hom neeg, los txhua pab neeg, sawv daws txoj kev ntseeg. Yeej yog ib txoj kev ntseeg nqes saum ntuj los.
    Puav leej yog ib txoj kev ntseeg qhia rau sab hwm Ntuj hwm neeg zoo xwb. Thaum cov txiaj ntsim kev ntseeg no, poob los rau ib tug neeg, xeeb tau los nyob hauv nws nruab siab lawm.
    Cov ntsuj Plig phem no, raws thiab caum nws qab tsis tseg. Pheej qhia tej yam kom neeg swb los mus, hloov los ua yam phem kom tsis haum Ntuj kev hlub thiab neeg kev nyiam.
    A.Cov neeg thoob tsib thiab muaj txuj, lub hauv paus nws yeej yog neeg zoo. Yog cov ntsuj Phig phem tuaj cob thiab qhia tas zog tias:
    Qaum Ntuj muab kev thoob tsib ua neeg ntse rau koj lawm. Mas koj yuav txua thiab ntxiv tej yam no rau. Koj thiaj haj yam muaj txuj ci loj thiab muaj peev xwm, rau sab kev ua neeg ntiaj teb. Luag yuav hwm koj loj cuag li koj yog Tswv Ntuj tus tub thoob xo hais txog txhua yam kev tseem ceeb.
    B. Cov neeg tau txais kev thoob tsib, los saum qaum ntuj los. Yog nws tsis ceev faj, mas nws raug cov ntsuj plig phem ntxias thiab muas tau nws sai kawg, los ua neeg phem.
    Peb thiaj pom tej tus thawj neeg muaj koob meej hwj chim nto moo loj raug plaub ntug. Uas lug ntes coj mus kaw rau tsev loj cuj, tau ua neeg nyob txim ntau xyoo.
    Sawv daws coj ib hom kev ntseeg xwb los thiaj pom thiab paub tias nyias muaj nyias ib pab pawg sib txawv li lub ntiaj teb neeg uas peb pom muaj li niaj hnub no.
    C. Cov ntsuj plig phem no lawv yeej caum cov thawj neeg txhua pab li. Tej tus thawj neeg uas peb paub thiab pom nws yog ib tug neeg zoo kawg.
    Nyob nyob peb hnov tias, nws raug txim lawm, vim nws kov tej tub tej ntxhais los kov luag poj niam thiab ua tub sab.
    Puav leej yog cov ntsuj plig phem no ntxias thiab muas tau nws lawm. Nws thiaj poob los raug tej xwv txheej li no tau.
    Cov me nyuam neeg, mas cov tsuj plig phem no. tsuas ntxias kom lawv muaj teeb meem nyob nrog lawv tej txij nkawm los tej kwv tij tsis sib haum xeeb ntau xwb.
    Kom lawv lub neej puas mus, kom ua neej tsis nto ntsis thiab ua neej mus tsis kav laus. Puav leej yog raug cov ntsuj plig phem no, cob qhia los li hais ntawd.
    Txua tus los txhua pab neeg, thaum yus raug poob ua neeg txom nyem tas lawd. Nyias mam xav txog, yus xav hloov ua neeg zoo los tus nyob ze yus tsis kam hloov lawm.
    Luag lwm tus los lwm pab neeg tsis kam rov ntseeg yus lawm thiab. Ces sawv daws tas kev cia siab mus lawm, koj liam rau kuv, kuv kuj liam rau koj, Tsis muaj neeg kam to taub qhov tseeb yog qhov twg tiag.
    D. Cov Ntsuj plig phem no lawv tsis hwm neeg. Lawv twb xub ntxub Tswv Ntuj uas yog tus tsim neeg tuaj nyob ntiaj teb no ua ntej lawm
    Cov phem no, lawv txhob txwm ua kom neeg rov ntxub neeg, ces neeg sib thuam kom neeg tsis yog Qaum Ntuj me nyuam.
    Kom neeg ntiaj teb tau ncaim mus deb ntawm tus Tswv Ntuj yog tus siab zoo, txawj hlub neeg. Kom plam mus ntawm lub npe hu ua Ntuj cov me nyuam mus. Vim cov ntsuj plig dab phem muaj kev khib tsam neeg tau zoo dua lawv lawm.
    Ces neeg cov ntuj plig tiam tom ntej yuav tau mus hloov cov ntsuj plig phem no tej chaw nyob uas thaud lawv tau nyob ze rau Tswv Ntuj thaum lub hauv paus los.
    E. Tsis hais txog kev ntseeg Ntuj xwb Cov Ntsuj plig phem thiaj ntxias li ntawd, Nyob hauv Haiv Hmoob ib lub xeem xwb los cov Ntsuj plig phem yeej ntxias zoo tib yam nkaus kom sib tawg tas mus:
    Cia muab lub Xeem Hmoob Yaj los ua piv txwv, ua cas ho muaj cov Yaj 9 txim, Yaj tsib txig. Yaj xya txim, thiab Yaj taig laig.
    Sawv daws yeej yog kwv tij ib tsob nyob hauv lub xeem Yaj tiag. Thaum sawv daws sib ntsib los. Lawv yuav sib nug tias koj yog pab twg?
    Muaj txiab xeeb mob nkeeg los, lawv sib hais tias, Dab qhuas tsis sib thooj. Koj txhob tu siab pab tsis tau lawm. Kev tus siab los raws cuag. Tu siab nrho tias, yus tsis muaj kwv muaj tig pab.
    Tej no twb yog kev ua tub qaug rau Ntuj Niam Ntuj Txi lawm, vim sawv daws puav leej yog Qaum ntuj me nyuam tas tib si.
    9. Kuv xav tias, cov ntsuj plig phem no, lawv lub tswv yim, mas yog lawv ntxias tau ib tug thawj neeg kom ua kev txhaum mus lawm.
    A. Mas nthai cov ntuj plig phem, uas peb hu lawv ua dab no. Thaum lawv ntxias tau ib tug thawj neeg, mus poob rau kev ua txaum. Mas ntshai dab yuav zoo siab hlo los ua tej lub koob tsheej cav txog tus thawj neeg no loj kawg nkaus.
    B. Nyob ntawm tus neeg lub hwj chim, tej tus neeg, mas dab yuav ua koob tsheej qhuas nws, Txog li ib hnub ib hmos. Tej tus mas dab tseem yuav ua qhuas thiab cav txog nws li peb hnub peb hmos. Los xya hnub xya hmo li.
    10. Muaj qee yam uas peb xav tsis txog:
    A. Cov thawj coj qhia kev ntseeg, muaj cov uas raug cov ntsuj plig phem no, ntxias tau kom lawv ua kev txhaum uas neeg tsis nyiam. Zoo li muab tej tub txhais ua pleeg yi. Los nws muab luag poj luag sev coj mus ua pleeg yi.
    Cov thawj coj, lawv muaj kev sib zais. Ib tug thawj neeg ua kev txhaum lawm, lawv paub lawv tsis muab tshem tawm mus muab nws txo hauj lwm, cia nws so mus.
    Cov thawj neeg ntawd, lawv muab hloov chaw mus rau lwm qho saib puas cawm tau nws rov ua neeg zoo. Nws tau rov mus pib ua kev txhaum nyob lwm qhov chaw lawm thiab.
    Ces thiaj muaj xaiv muaj lus ncha txog tej tus muaj keeb tsis zoo nyob hauv cov ua thawj neeg no. Tej hauj lwm, yam no yog ib yam tsis zoo kiag.
    B. Nyiam no lub ntiaj teb vam meej lawm, yuav rov coj li Ntuj pom zoo li thaum lub hauv paus! Li Yes Xus xaiv Nws cov Thwj Tim.
    Yes Xus 12 tug Thwj Tim, tsuas yog muaj ib tug thiaj yog neeg nyob tab seeb. Dua li cov 11 tug ntawd puav leej yog ib pab muaj txig muaj nkawm tas nrho.
    C. Kuv kuj tsis paub dab tsi zoo, kuv hais raws li lub tswv yim xav tau xwb. Nyob hauv Haiv Hmoob Yeej ib txwm yog cov txiv tsev ua tus tiam dab tiam qhua.
    Zoo li cov tub Tsob Hwb thiab cov ua Leej Choj, mas tus tsim nyog lawm yuav tsim nyog ua ib tug leej choj los tau thiab. Kom cov ntsuj plig phem txhob ntxias tau nws mus poob rau sab kev myiam ua plees ua yi yam tsis haum kev ncaj ncees.
    Kom tus neeg phem uas raug cov ntsuj plig phem ntxias lawd, kom hais tau yam meej tias nws yeej yog neeg phem los neeg zoo. Txhob sib zais li yav ntuj thaum ub uas ntshai tsam tsis muaj Leej Choj txaus siv.
    Nyob hauv Hmoob, mas tseem tsis tau txawj sib pov hwm ib tug Leej choj los ib tug Tub Tsob hwb kom muaj zog thiab txuag lawv lub neej, mus rau txoj kev zoo.
    Cov ua Leej Choj los ua tub Tsob Hwb lawv txom nyem heev, vim cov ntseeg tsis tau txawj txuag thiab pov hwm lawv tus Leej Choj los tus Tsob Hwb.
    Txoj kev xyav moo thiab kev thuam nyob ze Hmoob tej di ncauj heev. Muaj tus puav Leej choj los tsis muaj kev cuab lawv zog, los ntawm cov neeg ntseeg los li.
    Thiaj muaj tej tus ua Leej Choj lawv cia li nyob tsis taus mus kav laus, hauv nws lub hnub nyoog. Cia li ploj yam ntsiag to uas tsis muaj neeg paub li.

    Sacramento, USA.

    Yaj zoov Ntxheb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd March 2019, 12:17 am



    Zaj 369- HNUB VALENTINE’DAY, XYOO 2019.
    Zaj lus no hais los ua paj tshab pub rau cov txij nkawm, uas sawv daws muaj lub meej Mom, Hwj Chim koob meej zoo.
    1.Nyob hauv cov txij nkawm txhua tus, peb yuav paub thiab saib txoj kev hais lus, yog yam loj thiab tseem ceeb nyob hauv lub neej nyob ua txij nkawm!
    Tsis hais Leej Txiv los Leej Niam li, yuav paub xaiv lo lus zoo los hais rau yus tus txij nkawm. Sawv daws yuav rov nco ntsoov lub caij uas dawv daws tseem ua nkauj xwb nraug xwb nyob tab seeb.
    Lub caij ntawd, mas tsis hais sab yog nkauj los yog nraug li, puav leej txawj xaiv lo lus zoo los hais qhuas thiab cav lus zoo txog lub meej mom, rau lub cev nkauj thiab cev nraug tias, ntxim nyiam thiab ntxim hlub.
    Vim tej lus ua nkawd tau xaiv los hais no, thiaj ua rau nkawd, sib swm rau sab kev nyiam kev hlub. Ces thiaj sib sau tau los nyob ua txij ua nkawm tau.
    Thaum yus los nyob tsheej txij nkawm, los tsheej cuab yim lawm. Yuav nco ntsoov yuav lub siab qub thiab hais tej qub lus, ntxim nyiam ntxim hlub li qub ntawd mus!
    2. Tab txawm yog lub neej laus, los yuav xaiv lo lus tsim nyog los hais hlub thiab qhuas. Los cav lus zoo txog, txhob hais tej lus ntxim ntxub thiab thuam tawm los.
    Ib leeg yuav hwm ib leeg tias, nws yog neeg muaj nuj nqes, saib ua qhov tseem ceeb. Ob leeg thiaj muaj meej Mom, koob meej zoo. Rau zeej tsoom saib li nkawd, yog neeg tsim txiaj.
    Yog yus siv tej lus thuam thiab ntxub los hais, ces ua rau kom nkawd ob lub siab sib ncaim mus. Tsis muaj kev sib hlub, sib ncawg, ces yuav sib dhuav mus, lub neej yuav ntxhov thiab ua neej nyob tsis kaj siab.
    Nyob teb chaws vam meej txawv li nyob ntuj qub qab, yav thaud sib koom mus ua teb nyob ua ke. Li thaud uas Hmoob tsis tau muaj kev vam meej. Nyem no, Leej txiv los txawj, Leej Niam los ntse, nyias muaj nyias hawj lwm ua mus thawm hnub.
    Lub caij hauj lwm tas, yog tsis nrhiav sij hawm nyob ua ke, sib tham thiab xaiv lus zoo los hais. Yus mus ua hawj lwm nrog lwm leeg txiv neej thiab lwm tus poj niam. Sawv daws nyob ua ke 8 teev los 9 teev, ces yus cia li ncawg thiab swm rau lwm tus.
    Ces yus tsis nco qab thiab swm los ncawg yus tus txij nkawm los muaj. Thaum yus swm luag los ncawg luag, ces yus ciav li saib tias, luag thiab yus sib ncawg heev lawm. Ces yus cia li mus hlub luag. Tso tas txhua yam zoo ntawm yus tus txij nkawm muaj ntawv nyiaj kEeb puaj txwm pov tseg, saib tus sab nraud uas yus ncawg nws zoo tshaj lawm.
    Tsuav ib yam uas yus yuav paub kom mus deb zog tias, thaum yus yuav kiag ua yus tug lawm, mas txoj hmoo tseem yuav phem tshaj tus yus xub xaiv los lawd. Thaum yus nyuam qhuav swm thiab cawg, mas yus ntseeg siab tias yuav zoo tshaj xwb no.
    Feem ntau, mas yog yus muab yias thawj tsheb, los pauv lauj kaub av xwb. Feem ntau thaum ntawd, yog txog lub caij yus ua neeg ruam lawm. Ces yus thiaj ua neeg pluag tsis muaj lus zoo nyob hauv nruab siab li.
    Txawm muaj los yus coj mus siv dib rau tus yus tau swm thiab ncawg nws ntawd. Yus muab pub dawb ua tshav ntuj, khoom pub dawb, ces kawg yuav rov ploj mus dawb tas xwb. Tej laus yeej hais tias, yam tau dawb yeej tsis muaj nqes li yam uas xuas nyiaj muas tau, los mus ua zog tau los.
    3. Rov hais dua, nco ntsoov sib hwm thiab nrhiav lub caij los nyob ua ke, kom sib ncwg thiab sib qhuas thiaj muaj kev sib tso sib, thiaj tsis xav sib ncaim mus.
    Kev sib ncaim yog los ntawm kev, sis sib hwm thiab sib ncawg los. Yus pheej muaj kev sib thuam ua kom muaj kev sib ntxub, thiaj ua neej piam cuab mus.
    A.Txhob ua xws li lub pas dej tuag, uas tsuas muaj lwm cov dej ntws los xwb. Tsis muaj cov tawm mus li, uas yuav ntws tawm mus pub rau yus tus txij nkawm li.
    B. Kuj txhob ua zoo li tus dej poob tsag nrov nqaj tos mus lawm tsis muaj chaw tauv tseg li thiab. Cov muaj tus yam ntxwv xws li tus dej poob tsag no.
    Yog cov neeg ncauj ntau pheej txeeb lus hais, tsis cia luag hais li. Lub sij hawm tsawg tsawg ces luag tsis tau kev hais lus rau yus. Ces yus tsis paub tias luag muaj zoo lus nyob nruab siab tsis tau kev hais tawm los.
    Yus cia li muab nws khaws thuam yam tsis hwm thiab saib tsis taus luag. Nco ntsoov tias, ob leeg yeej tsis zoo ib yam. Yog zoo ib yam xwb ces nyias yeej nyob nyias ua neeg twm zeej yeej tau.
    Vim neeg sib txawv li no, mas Tswv Ntuj thiaj tsim kom muaj txiv neej thiab poj niam kom tau los sib pab. Ib tug ncauj ntau los ib tug lus tsawg.
    Tus ncauj ntau hais txhaum luag lawm, los tshuav tus ncauj lus tsawg, nws txawj mus thov txim, vim ncauj ntau dhau lawm thiaj tau hais tub qaug, los thov zam rau nws.
    4. Hais txog kev sib pub khoo los toob Xib, kev sib pub khoom yog txhais tau tias: Yus saib taus nws thiab saib nws ua neeg muaj nqes thiab tsim txiaj.
    Zoo ib yam li Tswv Ntuj saib neeg muaj nqes, Ntuj thiaj muab Ntuj Leej Tub tuaj pub rau lub ntiaj teb neeg. Zoo li Ntuj saib neeg muaj nuj nqes, Ntuj thiaj muab Nws Leej tub pub rau neeg. kom muaj kev cawm neeg tau.
    Tej txij nkawm sib pub khoom kuj yog ib yam qhia tias, Nws yog neeg muaj nqes thiab ntxim hlub tsim nyog yuav qhuas nws tuas muaj txiaj ntsim loj no. Thiaj muab khoom ua paj tshab pub rau nws.
    Txhob rhuav txoj kev sib ncawg sib swm kom muaj nyob mus kav laus kiag.
    5. Dhau ntawm kev txij nkawm lawd, tseem yuav nco saib tej tub ki, kom muaj kev sib ncawg sib swm los. Los ntawm tej niam tej txi los nyob rau hauv tej tub ki los tsoom txheb ze, uas tawm ntawm kev txawj xaiv lus zoo los hais qhuas thiab txawj cav lus zoo rau lwm tus txuas mus. Kom thaum loj hlob los mus lawd, kom nyob hauv tej tub ki nruab siab, lawv muaj kev sib hwm sib ncawg must sis tu ncua.
    Kev hlub, kev plhws los kov tej me nyuam. Mas lawv ntseeg tias, tej niam tej txiv plhw thiab kov lawv, mas yog txoj kev hlub thiab nyiam lawv lawm.
    Ces tej tub ki muaj kev nco thiab ncawg niam ncawg txiv tias, niam txiv hlub lawv heev. Ces lawv cia li txawj mloog lus los hwm niam hwm txiv thiab ncawg lawv niam lawv txiv lawm.
    Ib tug me nyuam yog tsis muaj leej twg, plhws los kov nws li. Mas nws ntseeg tau tias, tsis muaj leej twg tau hlub nws thiab nyiam nws li.
    Tab txawm yog niam yog txiv los tus me nyuam no yeej tsis ncawg leej twg li. Nws tus siab nrho tias nws nyob ua neeg twm zeej tsis muaj kev hlub.
    Ces nws tsis kam ncawg thiab nyob swm nrog leej twg li. Qee tsam mas nws kuj xav tias nws tsis muaj niam muaj txiv yug. Nws tsis swm los ncawg ib tug neeg twg li.
    Ces nws kuj tsis kam mloog leej twg lus, Nws xav tias kawg muaj nws tib leeg xwb. Nws tsis xws luag li lub teb chaws, thaum nws loj hlob los mus, muaj zog puv cev tuaj, nws kuj tsis kam swb rau leej twg li thiab.
    Nws nyiam ua neeg khav cuam sib ntaus yam tsis muaj kev hlub los txuag leej twg txoj sia li. Nws raug kev tshaib kev nqis noj yam tsis txuag thiab saib tias, yog khoom tsis muaj tsw li. Tsuav tau noj kom puv plab xwb, ces nws siab nqig lawm.
    Cov zoo li no, yog cov me nyuam uas lawv pluag kev lhub los ntawm niam txiv los tej kwv tij txheeb ze los. Lawv nyiam ua Laib, coj tus yam ntxwv ua neeg siab tawv, tsis muaj kev ntshai thiab hwm los hlub leej tus twg li.


    Sacramento tim 14/2/2019.
    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th March 2019, 7:27 am


    Zaj 370- NTHUAV LUB MEEJ MOM.

    Lub Meej Mom yog dab tsi? Lub Meej Mom, yog lub hwj chim, lub koob meej, kev txawj kev ntse nyob nrog lub ntsej muag,tus yam ntxwv tas nrho, txhua yam ua ke nyob hauv.
    Lub Meej Mom zoo li yog Tswv Ntuj lub hwj chim, lub txiaj ntsim yog yam muaj nuj nqes tshaj txhua yam los roos leej Tib neeg. Thiaj hais tau lo lus tias, hwm lub Meej Mom.
    Meej Mom,yog Tswv Ntuj lub koob meej, yog Tswv Ntuj lub npe, yog Tswv Ntuj txoj cai, yog TsWv Ntuj kev nyiam kev hlub xws li Leej Niam Leej txi hlub.
    1.Ib tug neeg tsis txawj hwm nws lub Meej Mom, ces nws yuav tsis muaj zog, kom yeej tau tej vij sub vij sw. Vij Sub Vij Sw, yuav sawv los kav thiab coj, nws tsev neeg. Ces sawv daws yuav sib cais kom liam sim puas tsuaj tas mus!
    2. Nyob ua ib tug neeg lawm kawg yuav tsum hwm lub Meej Mom no! Tsis yog hwm luag tej Meej Mom xwb, yuav xub hwm yus lub Meej Mom ua ntej tshaj, koj thiaj paub los txawj hwm luag lub Meej Mom mus.
    2. Yog cov tsis paub hwm lub Meej Mom, ces yog cov txij nkawm ua cia li lam xeeb muaj tsov rog hauv lawv vaj tse. Kwv tij muaj xaiv muaj lus ntau, neej tsa cia li muaj ua plaub ua ntug tuaj.
    Pej xeem txawj ntxub tej Nom Tswv, tej nom me xav muab tej Nom loj txo los muab tua pov tseg. Tej Nom Tswv tsis txawj hlub tej pej xeem. Sawv daws muaj caub chim sib ntxub mus lawm ntau tiam tsis paub tas.
    3. Ces tej Mab Sua tsis hwm Hmoob, Mab Sua qhia kom Hmoob mus ua cov hauj lwm los kev lag luag. Txhaum cai, ces Hmoob tau ris lub npe phem ua neeg tsis tsim txiaj mus tas ib sim:
    Yam li Luag tso cai rau Hmoob tsim tsev muag dej muag cawv, ua tsev niam ntiav, los mus cog yeeb cog xas ua thxua yam kev lag luam txhaum cai.
    Ces Hmoob tau lub npe phem tsis muaj zoo Meej Mom, ces kom yog Hmoob tas nrho.
    4. Tas txhua yam kev ceeb sob thiab kev ntshai puav Leej yog tawm ntawm txoj kev tsis hwm yus tej Meej Mom no los:
    Kev ntshai, Mas Hmoob ntshai yog kev ploj kev tuag, los kev sib twv ua thawj neeg, mas Hmoob ntshai Hmoob tshaj. Li Hmoob ntshai kev khaum, mas ntshai tsam Hmoob, ntxub Hmoob ces muab tus Ntuj Plig xa mus thawj thiab nyob rau dab teb.
    Hos saum Mab Sua, mas Hmoob ntshai txoj cai me ntsis xwb: Luag tsis pom ces yus dim thiab tau nyiaj yuav, hos luag pom ces yuav raug txim mus nyob tsev loj cuj.
    5. Yog muab tej no los tsom nyob hauv nruab tswv yim tas, Mas zoo li Hmoob, mas tsis hais leej twg li. Hmoob noj taus ntxhib dua li tej Mab Sua, cov pheej xav tua neeg pov tseg. Kom tau muab luag tej Ntsuj Plig mus ua neej rau dab teb.
    Yog cov uas luag hais tias, nws noj taus nqaij yoos. Luag hais tias, Mab Sua noj phem thiab noj tej yam tsis huv! Luag tsuas noj nab noj qav, los noj kab noj ntsaum xwb.
    Luag tsis noj neeg, Hmoob noj neeg thiab haus ntshav, yog kev tua neeg pov tseg.Thiaj ua paj lug hais tias, noj taus ntxhib thiab yog noj neeg!
    6. peb txhua tus Hmoob seev tias, Haiv Hmoob yog ib Haiv neeg ua ntsoj ua ntsuag, tsis muaj teb chaws nyob thiab tsis muaj nom muaj tswv, muaj Huab tais.
    Ib tug Hmoob, raug los ua tus thawj neeg coj Hmoob. Nyob hauv txhua txoj dab neeg, thiab kwv huam hais los tias:
    Cov Nom Me muab tus thawj Nom tus pov tseg, los pej xeem ntxhub lawv tus thawj nom no cuag li yog neeg phem kawg!
    Peb cov Hmoob, zoo li cov Ntsuj plig thaum yuav los pem ntuj los ua neeg nyob ntiaj teb no. Zoo li sawv daws puav leej thov daim ntawv los ua Nom ua Tswv los npaj ua Huab Tais txhua tus tiv si.
    Tsis hais leej twg, los pab twg li, sawv daws nyiam sib txeeb ua tus thawj los sib txeeb ua Huab Tais tas nrho txhua tus. Luag tus thawj ua tsis tau kawg luag duas, los tsis tau tas luag kee, yus twb npaj muab txo kom poob mus.
    Xws li Hmoob tej lus Hmoob ib txwm hais tias: Ntxias luag nce nthab, lauj luag taw ntaiv kom luag poob, mas Sawv daws zoo siab kawg. Cov tu siab ces tsuas yog luag cuab kwv tij koom roj koom ntshav thiaj tu siab xwb.
    Tej lus hais no puav leej yog tawm los ntawm kev tsis hwm yus lub Meej Mom thiab tsis hwm luag lub Meej Mom los.
    Ces kuj cuag li tsis Hwm Ntuj lub Meej Mom ib yam thiab, tsis hwm Ntuj txoj cai, los Ntuj tej lus sib nyiam sib hlub los ua kwv ua tij los ua neej ua tsav
    7.Lo lus kawg uas kuv sau zaj lus no. yog sau los ua peb sawv daws kev sib hwm, nyob hauv yus lub Meej Mom thiab hwm luag lub Meej Mom nrog Qaum Ntuj lub Meej Mom nyob hauv Qaum Ntuj txoj cai tswj lub ntuj lub teb.
    Peb Noob Neej nyob ntiaj teb no, tej kev sib ntxub, kev tsis sib haum xeeb, tsis muaj kev sib zam. Puav leej txhawv ntawm Leej Tib neeg lub Meej Mom tsis sib hwm no los.
    Tej lus uas Hmoob ua paj lug hais tias:
    Noj dua nqaij daig dab lawm los haus dua cawv daig nru. Thiab hais tias, ntov ntoo tsis saib ceg qhuav no puav leej yog tsis saib tsis hwm tsis txuag lub meej mom no.
    Thiaj muaj kev txaj muag, ua neej nyob tsis nrog kev thaj yeeb.
    Nyob hauv kuv cov zaj lus uas kuv sau mas kuv tsuas sau ib lub ntsiab me me los kawm cia nrog lub tswv yim xwb. Kuv tsis sau ua tej phau ntawv tuab tuab kom muaj tsheej kis lus ntawv.

    Sau nyob Sacramento tim17/4/2018.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd April 2019, 9:20 pm


    Zaj 371-NKAUJ NTSUAB NRAUG NAB KEEB KWM.

    Hmoob zaj dab neeg, keeb kwm hais txog Nkauj Ntsuab Naug Nab nkawd, li keeb kwm. Nyob rau Tuam Tshoj los rau Xov Tshoj teb, los xaus rau As Mes Lis Kas teb no muaj hais los mus:
    1.Xub pib muaj nyob Tuam Tshoj, uas yog nyob rau Suav teb los, mam los rau Xov Tshoj teb nyob rau As Xias yav qab teb:
    Nyob Los Tsuas teb, thiab Thaib teb, hais txog Nkauj Ntsuab Nraug Nab nkawd li no, nyob rau Los Tsuas teb, muaj cov tim khawv hais txog tej chaw! Koov Toom Choj, Lub Rhawv Zeb nplej, Tsua Nkauj Ntsuab Niam hluas.
    A.KOOV TOOM CHOJ.
    Koov Toom Choj, muaj ib daim lag zeb tuam laug phab tsua tid tuaj rau phab tsua tim no. Zoo li tus choj, tuam tuaj yuav luag txog lub tsua tim ub. Xws xws li tus choj tuam tuaj ntag.
    Yuav luag cob nkaus rau, tshuav li ib ncua zog ntawm ib tug tsiaj dhia ib paj paws mus txawb ntua rau.
    Nyuj qus thiab kauv muas lwj dhia, cov muaj zog dhia mus txawb nkaws rau ces mus tau lawm. Hos tus tsis muaj zog, los nws tsis txawj cuab ceem dhia.
    Ces nws dhia ib tuam yas mus , nws ob sab tes mus txog, ob sab taw tsuj tsis tau, ces nws poob kiag rau hauv qab tsuas tuag lawm.
    B. Lub Rhawv Ncej Zeb, Muaj ib lub rhawv loj li ib lub phawv nplej. Muaj nplej nyob hauv tas thawm niaj thawm xyoo nkaus.
    Lub niaj xyoo uas cov tub liaj tub teb raug kev tshaib plab, tsis muaj mov txaus noj txwm xyoo, mas lub phawv nplej ntawd puv tuaj yuav lug nto ncauj.
    Hos lub niaj xyoo uas, cov tub liaj tub teb, muaj mov txaus noj txwm xyoo, mas lub phawv nplej no, kuj kuj nqig mus txog nrab lawm thiab.
    Nyob ntawm lub roob phawv nplej zeb no, muaj ib pab nquab nyeg coob kawg zov noj lub phawv nplej no.
    C. Lub tsua Nkauj Ntshuab Niam Hluas, Nyob saum phab tsuas uas hu ua Koov Toom Choj yuav mus cob nkaus ntawd. Muaj Nkauj Ntsub Niam hlus tus daub ev ib tug me nyuam, yees ua duab ib tus duab nplaum nyob rau tim phab tsua.
    Yav ntuj thaum tseem muaj zoov nuj txeeg ntau, muaj tsiaj coob Tej nyuj qus, kauv muas lwj, hla los, cov tsiaj tsis cuab ceem zoo, kom lub zog txaus.
    Ces muaj coob kawg dhia tsis dhau tau poob rau qab tsuas tuag. Muaj tshiab tshiab laus laus, poob rau hauv lub qab tsua ntawd, Cov neeg paub ces cia li ris kawm mus hlais nqaij los noj xwb los yeej muaj lawm.
    2. TXUAS LOS RAU COV CHAW POM LOS KUJ TEB.
    Zaj kwv huam dab neeg no, mam li txuas los rau Los Tsuas teb. Nyob rau lub xeev Xiaa Khuam. Ntawm lub qhov tsua hu ua tsua qhov txos thiab lub tiaj Rhawv Zeb ntawd.
    Lub tsua qhov txos yog niam Nkauj Ntsub thiab Txiv Nraug Nab nkawd lub chaw ua zaub mov noj.
    Cov rhawv zeb ntawd, yog nkawd tej cuab yeej rau khoom siv. Los txog tav no, tseem nrhiav tsis tau tau Haiv neeg uas yog lawv xub los rhawv tsim, kom muaj tej keeb kwm dab neeg tias, yog ib pab neeg xub tau los tsim. Kuj tsis paub tias, vim li cas cov Hauj Sam no lawv piav ib co keeb kwm dab neeg xws li Hmoob hais thiab.
    Cov Hauj Sam, lawv hais txoj keeb kwm dab neeg thooj thooj li Hmoob zaj ib yam nkaus. Hais txog tej Neev Taw thiab cuab yeej, txhua Haiv neeg hais tias ntshai yog neeg nyob qaum ntuj los tsuj thiaj muaj ib co Neev Taw li ntawd.
    Hais txog tus Neev Taw ntawd xub pom muaj nyob Suav Teb los mus txog rau Kas Nas Das teb. Li yuav hais txuas mus rau nram qab no.
    3. TEJ DUAB TSHWM SIM NYOB LOS KUJ TEB.
    A. Nyob rau Los Tsuas lub Ceeb Xiaa Khuam. Muaj lub tsua qhov txos thiab cov rhawv zeb uas sawv daws paub thiab pom ntawd.
    B. Sab Luang Prabang, Nkauj Ntsuab Nraug Nab kuj tau los nyob ib vuag rau ntawd. Kuj muaj keeb kwm hais tias mus txog Luang Prabang…
    Ces Nkauj Ntsuab Nraug Nab mam los nyob rau Roob Kub Twm sab Vientine teb ntawd. Nkauj Ntsuab Nraug Nab nkawd los tsuj tau ib tug Neev Taw.
    Nyob rau pem Roob Kub Twm tseg. Kuj muaj neeg hais tias lawv pom muaj rhawv zeb thiab no
    4. LOS TSUAS TEB NTAWM Km 52.
    Nkauj Ntsuab Nraug Nab nkawd.mam los nyob ib vuag rau Lav 52 cov roob pem Phoun Hong ze rau Vientiane.
    Nyob ntawd muaj ib co Roob Zeb, Nkawd kuj tsuj tau ib tug Neev Taws tseg rau lub Roob ntawd. Tom qab no Cov Los Tsuas Liab.
    Lawv yeej teb chaws, cov Nom Tswv thiab cov Hauj Sam. Lawv kuj tau mus ua tau ib lub tsev teev hawm tus Neev Taw ntawd. Lawv ua ib lub tsev vov tus Neev Taw ntawd tseg.
    5. NKAUJ NTSUAB NRAUG NAB TSHWM THAIB TEB.
    A. Nkauj Ntsuab Nraug Nab nkawd, mam sawv kev los mus rau Thaib Teb. Los nyob rau ntawm lub Roob hu ua Phu Kej, nyob ntawd kuj muaj ib lub me nyuam pov txwv, ua roob pob tsuas.
    Nkauj Ntsuab Nraug Nab nkawd kuj mus tsuj tau ib tug Neev Taw tseg rau ntawd, kom paub tias nkawd tau hla los rau ntawd ib lwm thiab.
    B. Kuj hnov neeg tham tias, Nkauj Ntsuab Nraug Nab nkawd, los rau nram lub qhov tsua, Thaib hu ua Vaj Loog tsua los lub Loog Luang Phoj. Nyob ntawd tsuas muaj dab neeg Thaib thiab Hmoob hais li ntawd xwb, puas yuav muaj tseeb npaum li hais, tsis paub paub meej.
    6.MUS RAU SAB HNUB POOB LAWM.
    Zaj Kwv huam dab neeg Nkauj Ntsuab, Nraug Nab nkawd keeb kwm. Cov neeg muaj txuj xws li cov Hauj Sam hais,mas Nkauj Ntsuab Nraug Nab nkawd, sawv kev los mus rau, sab hnub poob lawm.
    Peb mam raws tus Neev Taw saib yuav mus ploj rau thaj av twg!
    A. Nyob rau Kaus Laus Npias teb, muaj ib tug Neev Taw tawm nyob rau Kaus Laus Npias teb. Zoo nkaus li cov Neev Taw, tawm nyob Suav, Los Tsuas thiab Thaib teb.
    Cov neeg Kau Lau Nplias lawv tau hais txog tus Neev Taw no , lawv muaj keeb kwm sau ntawv hais txog tus Neev Taw no tseg
    B. NYOB KAS NAS DAS.
    Nyob rau Kas Nas Das teb, kuj muaj ib tug Neev Taw, Cov Kas Nas Das nyuam qhuav pom tshiab tshiab no. Lawv kuj tshawb fawb tau tias, tus Neev Taw ntawd, nws twb tsuj tau tshaj ntau vam xyoo los lawm.
    Yog Cov neeg Kas Nas Das tshaj tawm li ntawd, mas ntshai, Yog Nkauj Ntsuab Nraug Nab nkawd, tus Neev Taw. Lawv tsis paub Nkauj Ntsuab Nraug Nab, Lawv hais tias, ntshai yog Qaum Ntuj neeg los tsuj. Ntawm Hmoob mas xav tias yog Nkauj Ntsuab Nraug Nab tus Neev Taw kawg yog tus ntawd lawm
    .
    C. Zaj keeb kwm, hais txog Nkauj Ntsuab Nraug Nab no, Haiv Hmoob yeej hais puag ntxov los lawm. Zoo li keeb kwm los ntawm Haiv Hmoob los, thiab yog Hmoob li keeb kwm dab neeg.
    Kuj zoo li yog Hmoob pog Hmoob yawg, Hmoob kuj tsis paub tias, Nkauj Ntsuab Nraug Nab nkawd niam thiab txiv yog leej twg thiab hu ua li cas no li thiab.
    Zaj lus no, kuv sau los ntawm cov Phooj ywg Hmoob thiab Tej Phooj ywg Mab Sua. Cov neeg tawv dawb, tawv daj tib si los,peb tau tham, kuv thiaj tau sau muaj li no los.

    Sau nyob Sacramento,
    hnub tim 9/6/2018
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th April 2019, 12:48 am



    Zaj 372- LUB SIM XEEB NTAWM KEV UA THAWJ NEEG.


    Txoj kev ua ib tug thawj neeg, nrog kev muaj hwj chim thiab kev ua neeg muaj txig nplua nuj.  Nws tsis yooj yim kiag li rau lub siab, kom nyob tiaj tus los nyob thaj yeeb ua rau yus lub siab nyob kaj lug.
    Ua Leej Tib Neeg nyob ntiaj teb no, suav txij li kev ua ib tug Niam tsev los ib tug Txiv tsev,  Nce zuj zus mus txog rau tej  neeg uas tau ua luag ib tug thawj neeg los mus.
    Uas kav txog li ob peb tug neeg, mus txog nees nkaum los ib puas leej mus rov saum.  Thiab ua cov Nom me  nce mus txog cov qib Nom loj zuj zus mus txog tus Txoov Tswv Tim kav teb chaws rau tus Huab Tais uas kav ib ntsug av.
    Thiab los rau cov thawj neeg coj tsoom Ntuj Plig, lis cov Xib Hwb thiab cov Leej Choj qhia kev ncaj ncees rau tej npoj neeg coob coob.
    Cov txom nyem loj tshaj yog cov Nom Tswv kav teb chaws, rau cov neeg coj tej npoj neeg coob coob ntawd.  Xws cov Koom Haum…
    Yog zoo li koj xav ua koj tus thawj neeg kheej, Vim koj nyiam lub Meej Mom muaj hwj chim los txoj kev ua neeg nyob npluaj nuj xwb.
    Mas lub siab yuav nyob tsis tiaj tus, txom nyem siab ntsws loj kawg. Vim koj yeej yuav ua tsis haum tsoom pej xeem hauv lub teb chaws siab li.
    Koj yuav tau ris luag tej khawv yeej khawv yws  mus tas koj lub neej. Koj raug luag cem luag thuam koj los muaj ntau tus yuav ntxub koj li npaud.
    Covneeg ntxub koj los muaj ntau npaum nplooj li thiab.  Muaj tej zaum koj npau taws, koj siv cai los tswj thiab los tsim txom kuj yog tej yam ua dhau kev cai lawm.
    Vim qee lub caij koj tau siv mus raws kev chim siab thiab kev npau taws los ua rau luag. Tsis tau ua kom zoo thiab muaj kev zam rau luag.
    Zoo li koj ua neeg muaj peev xwm dhau lawm, ces kuj yog kev ua txhaum rau Ntuj thiab ua txhaum rau neeg.
    Kev ua txhaum, mas yog Ntuj ua, mas Ntuj muaj kev zam rau neeg.  Hos yog neeg ua lawm, mas neeg tsis muaj kev zam, ces zoo li rov ua txhaum rau Ntuj thiab rau neeg tib si.
    Yog xav txog , mas kev ua neeg tus thawj no, tsis zoo ua li.  Hos yog tias, Qaum Ntuj txib thiab Qaum Ntuj hu koj lawm mas koj kuj yuav tsum ua neeg tus thawj. Vim Ntuj yuav txuag thiab pov hwm koj kom ua tau ncaj nruab nrab.
    Los pub rau neeg ntiaj teb tau siv, mas koj kuj yuav txhob yig thiab.  Yuav tau ua siab ntev mus lees txais los pab rau neeg ntiaj teb kom tau nyob thaj yeeb thiab nyob kaj siab lug.
    Lub caij uas kuv tab tom sau zaj lus no, mas kuv nco txog tias:  Yog ib pab neeg uas lawv muaj ib tug neeg coj lawv lawm mas tsim nyog lawv yuav ua Qaum Ntuj tsaug, Lawv muaj ib tug Tub Txiv zoo lawm. Yog xav kom zoo tiag mus, mas yog npoj neeg nyob ua ke yuav sib pov hwm lawv tus thawj coj no kom zoo mus!
    Zoo li yog sawv daws muab nws cem dhau kev cai lawm lawv tus thawj neeg no, ua neeg ruaj tuaj.  Ces nws yuav ua kom muaj teeb meem rau sawv daws.
    Ces nws yuav ua tej yam yuam kev, nws yuav ua plaub ntug rau luag tej uas hais tsis zoo txog nws.  Los nws yuav yuam thiab muab txim rau neeg tej tus uas nws saib tsis taus ntawd.
    Los nws yuav txua tej kev cai lij choj tsis ncaj ncees los yuam sawv daws. Ua kom sawv daws tsis muaj kev kaj siab nyob ua ke.
    Nyob hauv ib tse neeg, los ib cuab kwv tij thiab ib npoj neeg coob coob nyob ua ke.  Mas sawv daws yuav sib pov hwm mus li no, npoj neeg los pab pawg neeg thiaj tau nyob thaj yeeb mus ua ke ntev.
    Tej kev ntshaw kom muaj txiag npua nuj, los muaj hwj chim koob meej, kawg yog zoo li cua tshuab tuaj ib vuag dua xwb nws tsis kav nyob mus li.
    Thaum cua tuaj xyoob ntoo lov, vaj tse puas tas, ib vuag cua dua lawm xyoob ntoo txawj hlob tuaj.  Vaj tse los neeg rov tsim dua kom zoo tuaj nyob li qub lawm.
    Cov teeb meem tawm hauv neeg nruab siab los ua kev txhaum ntau yam kom neeg nyob tsis thaj yeeb thiab muaj kev tus siab  mus sib kis txog tej tub ki los tej xeev ntxwv tsis txawj tas li.
    Los lus kawg, mas yog nyias txiav nyias txim nyob hauv nyias nruab siab thiaj zoo. Koj tsuas ntseeg koj thiaj yog. Vim tus xav ua zoo los yog koj hos tus xav ua phem los yog koj tib tug xwb.
    Ua li mas koj ntseeg koj thiaj yog qhov tseeb ua Qaum Ntuj thiab koj paub xwb thiaj yog yam tseeb.
    Zaj no yog kev kawm nyob rau nruab tswv yim.


    -< Yaj Zoov Ntxheb X.H.>-



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd May 2019, 8:35 am


    Zaj 373- LUB NTIAJ TEB KEV TXOM NYEM.

    Peb neeg ntiaj teb yuav xav tias, vim li cas neeg thiaj yuav tsum, nyiaj thiab tiv kev txom nyem nyob ntiaj teb, rau tiam no?
    Peb neeg tuaj ua neej nyob rau lub ntiaj teb no, Peb kuj xav tau noj qab hnav zoo tsis muaj kev txom nyem kom tsim nyog! Txoj kev txom nyem nyuaj tas npaum no! Peb xav kom tau nyob zoo rau tiam no.
    Tej kev txom nyem no yog dab tsis tiag?

    1.Hais tseeb thiab meej thuav rau neeg ntiaj teb tias:
    Tswv Ntuj tsis tau muab kev txom nyem, los rau ib tug Leej Tib neeg twg nyob ntiaj teb no!
    Yog Leej Tib neeg tsis mloog Tswv Ntuj lus, ces neeg thiaj raug dab ntxias, kom neeg tau raug kev txom nyem. Nyob ntiaj teb rau tiam no:
    Kom lwm tiam, neeg thiaj yuav tau zoo thiab muaj txoj sia nyob ntxiv mus. Thiaj yuav tsis muaj kev txom nyem ntxiv lawm.
    Thaum Leej Tib Neeg, tuaj ua neej nyob rau saum lub tiaj teb no. Suav txij li hnub, Dab ntxias tau neej swb mus rau txoj kev txom nyem. Mas neeg txhua tus ntshaw txoj kev kom tau nyob zoo kawg nkaus li.
    Leej tib neeg ua txhua yam, tsuav yog yus tau nyob zoo ib vuag los ib hmub, ib hlis los ib xyoos xwb, mas neeg ua kiag. Lwm tus txawm yuav raug kev txom nyem, loj npaum li cas, los tsuav yus tau zoo, ib vuag los ib pliag ntshis xwb, los yus cia li ua tib si, kom yus yog tus yeej.

    2. Yav thaud neeg tsis tau raug dab ntxias, mas neeg muaj txoj kev tau zoo nyob ntiaj teb no ua ntej lawm. Neeg tsis muaj kev sib ntxub, sib cib nyeej, sib cav sib ceg nrog kev sib ntaus sib tua.
    Vim tias, neeg tsis tau paub txog txoj kev tuag. Hnub neeg raug dab ntxias tau lawm, Tswv Ntuj mam qhib neeg lub qhov muag lub tswv yim los pom txoj kev txom nyem.
    Ces neeg hloov siab tig los sib txeeb txoj kev kom tau zoo nyob nyiaj teb no. Ces muaj txhua yam tawm hauv neeg nruab siab tuaj!
    Ces muaj kev khib, kev cib nyeej kev ntxub kev khav theeb, sawv los pab neeg lub siab yuam lwm tus kom nws tau nyob zoo mus ib pliag los ib vuag mus.

    3. Nyob hauv txoj kev txom nyem no, Tswv Ntuj twb yog tus tsim neeg thiab tsim dab los nyob, Mas Tswv Ntuj tseem txom nyem tshaj, leej tib neeg lawm ntau npaug!
    Yam Tswv Ntuj raug txom nyem no, Vim Tswv Ntuj tsis xav muab neeg rhuav pov tseg. Ntuj tau tsim los nyob ua neeg lawm, Ntuj yuav tau xeeb los yuav lub cev neeg. Kom zoo li neeg, kom tau rov qhia neeg.
    Mas yog ib txoj kev txom nyem loj kawg rau Tswv Ntuj,loj dua neeg li kev txom nyem. Tswv Ntuj yuav ua npaum li no, kom tau los pab thiab hlub neeg ntiaj teb no.
    Kom neeg ntiaj teb txawj tiv kev txom nyem, nyob rau tiam no. Kom lwm tiam neeg thiaj rov tau zoo thiab muaj txoj sia nyob mus li, tsis ntsib kev txom nyem mus ntxiv lawm.
    4. Qhov hais tias, Tswv Ntuj txom nyem loj dua neeg, yog dab tsi?
    Peb yuav tsum to taub tias,tas nrho tsoom neeg nyob hauv lub Sim Ceeb no, tsis hais Haiv neeg twg li, sawv daws puav leej yog Tswv Ntuj Nplooj Siab!
    Ua li mas yog neeg raug kev txom nyem vim neeg tsis hwm Ntuj, tsis nyiam ua qhov zoo. Ces Tswv Ntuj hlub neeg dhau vim neeg yog Ntuj tsim los, Ces Ntuj kev txom nyem yog Tswv Ntuj kev hlub neeg.

    5. Tswv Ntuj thiaj tau ua ntau yam los, kom tau pab thiab cawm neeg kom rov muaj txoj sia nyob rau tiam tom ntej, kom txhob muaj kev txom nyem:
    Tswv Ntuj tau tshoj tej tus neeg, kom ua Yaj Saub tshaj Tswv Ntuj tej lus ceeb toom, rau lub qab ntuj neeg. Kom hloov siab ntau zaus txhob ua kev phem tsam raug kev txiav txim , ces sawv daws yuav tau raug ploj tuag mus.
    Tas txhua yam kev neeg ua txhaum thiab kev txom nyem, puav leej poob los rau sawm Tswv Ntuj xub pwg tas tib si. Vim Tswv Ntuj muaj kev hlub tas nrho lub Sim Ceeb no.

    6. Tswv Ntuj tau cog lus tias, Ntuj yuav cawm lub ntiaj teb neeg kom mus txog hnub lub tiaj teb no kawg. Ces tas neeg ntiaj teb cov kev ua txhaum txhua yam nws thiaj poob los rau saum Tswv Ntuj ua lub nra ua hnyav heev rau Tswv Ntuj.
    Leej tib neeg tej kev txom nyem no, yog cov xwv txheej, yog dab tsim tawm los ntawm dab tej siab tsis ncaj ncees los.
    Dab muab los lim rau neeg tej nruab siab, Leej Tib Neeg lub tswv Yim me dua dab tej tswv yim. Lim tsis dhau ces kev txom nyem kum nplaum rau neeg tej nplooj siab tas.
    Txhua tus neeg cia li khaws kev txom nyem, los sib puag ua phooj ywg nyob ruaj rau neeg nruab siab. Cia li ua tau lub vas los zoj neeg tej siab ntsws, nrog neeg cov Ntsuj plig.
    Kom neeg tsis paub txog Tswv Ntuj kev nyiam kev hlub uas Ntuj xav cawm tas tsoom neeg nyob thoob lub qab ntuj khwb no.
    Tswv Ntuj kev txom nyem, tos ho hais tias, Tswv Ntuj txom nyem loj tshaj li peb cov Leej Tib Neeg. Yog Tswv Ntuj tsis xav pub kom ib tug neeg nyob hauv kev txom nyem.
    Ces Tswv Ntuj sau tas tib si kev txom nyem los rau saum Nuj ob txhais npab thiab saum Tswv Ntuj lub xub pwg. Yog peb sawv daws ua kev txhaum ntau npaum li cas, ces yuav hnyav Tswv Ntuj npaum li ntawd, rau Tswv Ntuj.

    Yaj Zoov Ntxheb X.H.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th May 2019, 6:45 am


    Zaj 374- LEEJ TIB NEEG ZOO LI HMOOB TXOJ KEV NTSE.

    Hmoob peb txoj kev ntse nyob qhov twg! Kuv xav muab ib lub tswv yim Hmoob ntse los rau peb sawv daws xav saib, yuav ntse mus txog theem twg thiaj yog?
    Peb txoj kev ntse, ntse mus, ntshai me nyuam nas tsuag liab. Uas hais tias, yog dab ntxoog, es ntshai, los ntshai nab tshai tsov, ntshai poj ntxoog, ntshai kab nyuam dev.
    Tej tus niag neeg laus, tseem ntshai tej no, hais tias yog neeg ntse no lod! Yus yog niam yog txiv lawm, tseem ntshai, tsam tej me nyuam mus ua Laib rov los muab yus tua pov tseg!
    Twb yog yus ntse dhau lawm, es tsis tawj qhia lawv xwb. Peb txoj kev ntse, uas niam txiv Pog Yawg muab los rau peb, es muab los kom peb laus zuj zus tuaj, es peb txawj ntshai tej yam zoo li no xwb lod!
    Niam txiv tsis muab ib txoj kev ntse tshaj no, kom txhob mus ntshai tej yam uas tsis muaj qab hau dab tsi rau peb li! Tus uas yog peb phooj ywg phim peb yuav zoo siab tau rau lawv!
    Tus ntawd, ho yog tus peb tsis ntseeg siab, peb ho liam xaiv liam lus rau, kom tau sib cav sib ceg ua plaub ua ntug rau lawv tias, koj niam liam tias saib tsis taus kuv.
    Nws niam xav tias, yus ruam ruam no, muaj tsis muaj, los liam mus kom yeej, nplua kom tau 100 los 200 nyiaj rau yus tau siv, hais tias yus, mas niam ntse npaum ub npaum no, ua nws swb rau yus kiag.
    Peb twb nyob teb chaws vam meej lawm los, peb tau noj zoo hnav zoo. Nyab dawb paug huv si, li yog me nyuam Nkauj Ntsuab thiab me nyuam nraug Nab xwb.
    Peb txoj kev ntse, yog ntse mus sib twv ua thawj neeg saib tej Koom Haum saib puas txhem tau txhiab puav nyiaj los rau yus siv xwb lod!
    Tej tub ntxhais yug tau los, loj hlob zoo nkauj zoo nraug tshaj nkauj Mab Nkauj Nkauj Su, tub los zoo tshaj Nraug Suav lawm.
    Kawm ntawv siab kawg, tsuas hais mus ncaws pob ntaus nkoj sib twv saib leej twg yeej ces tau mus yuav cawv yuav npias los haus xwb. Zoo li tseem paub qab hau tsis cuaj li tus me nyuam tub Hmoob nyob pem roob.
    Uas lawv nyuam qhuav, txawj mus cuab ntxiab, kom mas tau nas mag tau noog. Cov ne nyuam ntxhais tseem txawj mus nrog tej niam los tej pog saws maj sawv ntuag los ua ntaub hnav.
    Nyob teb chaws vam meej muaj ntxhais zoo nkauj, tub zoo nraug, hlob tiav nkauj tiav nraug lawm, txawj noj xwb tsis tawj ua.
    Yuav noj, los tseem tos leej niam hais rau noj. Yuav hnav los tseem tos niam kho rau hnav, yog tub txawj ntxhais ntse. Los lus Hmoob hais tsis tau, tsis nrog tej pog tej yawg sib rau zoo tau li.
    Vim hais tsis tau lus Hmoob lawm, ua rau tej Pog tej Yawg pluag lus tsis txawj nrog tham. Sawv daws nyob ua ib tse, los tseem qus tshaj li neeg nruag zog lawm.
    Cov Poj niam laus thiab cov txiv neej laus, los twb tsis paub tab li. Tsuas paub nyob sib tham, cia tej txiv neej muab tej poj niam ua li tus npua tuag lawd.
    Muab los phais plab tseev, li tua npua los noj nqaij xwb. ua raws nraim li thaud txheej laus ua los. Twb tsis tau hloov ib qho li.
    Cov neeg ua txwj ua laus, los tsuas lav muaj ua txiv qeej, txiv nruas thiab hais zaj txiv xav foom kom. Tim tsev tuag xwb. Foom kom los twb tsis hais kom hloov mus ua neeg ntse li tej Mab Sua, kom muaj rooj nyob muaj tog zaum.
    Cov tshuab qeej los, tsuas tshuab qeej tsa sawv kev kom cia li mus, nyob ces ciaj neeg, tuag ces mus ciaj dab. Poj rhawv kab yawm rhawv kev yeej yog li ntawd.
    Neeg txawj ntse lawm, tsis muaj ib zaj qeej, tsis paub mus. Tsis muaj ib tug nyab los taws tsau ua ntej kuj tsis pom qab mus thiab.
    Tej nyab no, lus Hmoob twb tsis paub lawm, yuav ua li cas qhia koj mud! Tus txiv xaiv, luag thov mus foom lus zoo rau tej tub ki xwb.
    Nyob tim tsev tuag, luag tsis thov kom mus foom, rau tej nkauj fa los nkauj laug. Mus txog nws yeej txawj, txawj nrhiav, nws mus foom rau Nkauj fa Nkauj laug. Tom tsev mov ua ntej lawm.
    Foom tsawg tiam los Hmoob Huab Tais tsuas sawv tau, los los ua pab thas koom haum xwb. Neeg ntse lawm yuav tau hloov li tej Mab Sua, kom muaj kev sib hlub mus kev zam xws li luag!
    Tiam neeg ntse lawm, mas yuav tsum yuav cov neeg ntse los mus taws tsau, los coj kev li cov neeg ntse thiaj yog txoj kev ntse vam meej.
    Tiam neeg ntse no, ncaws pob los ntaus nkoj, ntaus yeej lawm, yuav nyiaj yuav kub thiaj yog raws kev vam meej! Tsis yog ntaus yeej lawm yuav dej yuav cawv los haus, li peb tej tub mus ntaus yeej ntawd.
    Nyob teb chaws vam meej, luag tej tub txawj tub ntse, luag mus rhiav qhov nyiaj qhov kub khawb. Peb hais tias peb txawj peb ntse lawm.
    Peb mus tsa koom haum tuab ntws los sib txeeb, ua tus thawj kom tau qee. Txhiab puav nyiaj, ntawm tej koom haum los los siv txwb.
    Tej no, yog yoj luag koob, tshav luag yaj ntawg nraus. Ua neeg paub tab, tsis tsis paub cai. Ua rau luag ntxub, tsis ua rau luag ntshai.
    Ua kom muaj xaiv muaj lus, tau sib ntxub, tej no, hais tias, yog kev ntse no lod! Tej no luag hais tias, yog kev ruam kawg nkaus lawm. Yog neeg txam zeb cub xwb, tsis yog txam zeb tsua li.
    Coj li no, mas peb twb rov ntse tsis cuag li, tej me nyuam thaud, uas lawv txawj mus cuab ntxiab kom mag nas mag noog li os!
    Tej poj niam los ruam dua tej ntxhais thaud, uas txawj mus pab tej niam tej Pog saws maj saws ntuag los ua xov. Txoj kev mus cog maj tshiab no, los yuav tsum cog raws li Mab Sua cog.
    Kom tau muab tsheb los thauj tau mus muag rau kiab khw kom muaj nyiaj tiag. Cog me ntsis, kom tau raug xaiv raug lus xwb yog ib txoj kev cog maj ruam ruam.
    Muag tau nyiaj, los tsis tau luag siv nyiaj, tsam luag ho paub txog thiab. Cov tub zoo nraug thiab ntxhais zoo nkauj, muaj muaj siab mus txiav txiv maj txiv ntuag.
    Txiav maj tas, cia txiv neej muab phais plab xyuas li phais npua saib. Ua maj tas lub cev ntaj ntsug tsis dawb huv lawm, ua rau tej txij nkawm plam cuab yig mus.
    Kwv tij los tsis yuav, neej tsa los tsis hlub. Cia li xyaum mus nyob tsev muag paj, rau sab hnub poob ua neeg tos qhua.
    Ua rau tej tub ki poob tsim mus, xws li tej tub ntsoj ntxhais ntsuag. Ho tsis yog cov ua ntuag tseeb, ua ntsuag rau sab ntxij nkawm sib fav xeeb, yog kev tu siab nkaus xwb.
    Cov laus, uas luag hu lawv ua thawj neeg, yuav tau ras txog thiab paub tias. Yuav tau hloov kom zoo dua li tej laus, txhob tsuas txawj muab npua los phais plab saib xwb.
    Ua li no tej me nyuam tsawg tiam, los yuav hloov tsis tau los ua neeg zoo li. Ces yuav ua rau Mab Sua, paub peb lub tswv yim ua neeg ruam, laj laj saib thiab mloog li.
    Kwv tij zaj lus no, tsis yog lus cem los thuam. Thiab saib tsis tau leej twg mog. Tsuas yog ib lo lus nyob saum huab cua qhia tus neeg kom hloov tau los ua qhov zoo xwb.
    Tus txawj mloog, ces yog lus qhia thiab lus kawm. Yuav muaj qee leej xav tias yog lus saib tsis tau qee leej neeg no thiab. Hais tseeb tias, yog lus qhia xwb no yom.

    Sacramento, tim3/11/2017
    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th May 2019, 9:02 pm


    Zaj 375- LEEJ TIB NEEG KEV SIB HLUB.

    Muaj ntau txoj kev sib hlub raws li muaj nyob nram qab no!
    Thawj txoj kev sib hlub, nyob hauv Tswv Ntuj lub hwj chim:

    1. Txoj kev sib hlub, ntawm tej niam txiv ua txij nkawm. Yuav tsum tau sib hlub thiab mloog raws li Tswv Ntuj txoj cai. Zoo li Tus txiv neej thiab tus poj niam, yog Tswv Ntuj tsim los kom muaj txiv neej los pub rau poj niam.
    Thiab Tsim kom muaj tus poj niam los pub rau tus txiv neej. Kom muaj kev sib ua luag, ib leeg ua ib leeg luag, thaum muaj kev zoo siab, muaj tus nrog zoo siab tau, los muaj kev txom nyem kom muaj tus pab hlu nrog.
    Ib leej tau los npliaj ib leeg, kom txhob muaj kev tus siab tias, yus nyob ua neeg twm zeej los nyob twj cuab tsis muaj neeg hlub.

    2. Ntob hauv tej nyob ua niam tub los ua txiv tub, yuav tau sib hlub xws li. Sawv daws yog Tswv Ntuj ib yim neeg, muaj caj hlav ces ncau los ntawm Tswv Ntuj los. Nyob tsheej cuab ntseg yim. Sib haum sib raug zoo nyob hauv Tswv Ntuj lub hwj chim nrog kev sib nyiam sib hlub.

    3. Kev sib hlub nyob hauv tsoom phooj ywg tas txhua cuab neeg, saib zoo li yog Tswv Ntuj ib tsoom tub ki tas nrho ua ke.
    Tsis txhob tshem thiab txiav cais leej twg, xws li Hmoob tej kab lis kev cai. Koj ua koj pab lawv ho ua lwv pawg, kev cai dab qhua tsis sib thooj.

    4. Hais los saum kev ntseeg, mas tsis muaj teeb meem dab tsi yuav los cuam tshuam txog li. Txoj twg hom twg los yeej kawg yog ntseeg Tswv Ntuj tas tib si.
    Thaum neeg tseem noj qab nyob zoo, mas neeg tsis nco txog Tus Tswv Ntuj tsim neeg thiab tsim tas puas tsav yam los li.
    Zoo li thaum luag hais tias, ntuj kawg rau xub zeb, teb kawg rau xub ntoo lawm. mas txoj txwg los kawg nkaus yeej hu Ntuj tuaj pab xwb.
    Dhau plaws tej kev nyuaj siab ntxhov plawv no lawd, neeg rov mus pe tej kab ntsaum mus txog ntua rau tus dab tib si tuaj lawm...

    5. Cov hu ua neeg kab lis kev cai no, yog Leej Tib neeg li. Yog teb neeg tsim los, tsis yog tuaj los nqes saum ntuj los. Vim li ntawd, koj thiaj muaj koj feem, lawv thiaj muaj lawv tug. Ib lub cuab Hmoob koj thiaj ua txawv koj, nws thiaj ua txawv nws mus. Dab qhuas thiaj tsis sib thooj los sib xws, yog Leej tib neeg tsim los tiag. Tsis yog nqes saum ntuj los, tseeb kawg. Yog neeg li neeg thiaj qhia kom caiv hais tsis tau lus Mab lus Suav los xyaw. Thiaj hais tias, yog poj ua tseg yawm ua cia. Vim tsis yog Ntuj hom lus thiab Ntuj hom kev cai uas Ntuj qhia los kom ua.

    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5668
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd May 2019, 7:22 am



    Zaj 376- LEEJ NEEG LUB SIM XEEB.



    Zaj lus no yuav piav zoo li cua tshuab tuaj xwb puas tseeb tiag, los tsis tseeb! Zoo ntseeg mam li ntseeg, tsis zoo ntseeg los txhob ntseeg thiab.
    Suav txij li muaj neeg los nyob ntiaj teb no, uas txhua Haiv neeg muaj ib lub npe hu ua ib Haiv neeg muaj lub npe los ntawd.

    1.-> NTU NYOB TUAM TSHHOJ.
    Haiv Hmoob kuj yog ib Haiv neeg muaj dab neeg thiab kwv huam keeb kwm hais los, mas muaj ntau tus neeg, muaj tej txoj dab neeg zoo kawg li.
    Kuv yuav hais txog li cov keeb kwm thiab dab neeg, uas Hmoob tau hu muaj thiab qhuas txog cov thawj neeg muaj hwj huan hwj chim thiab muaj peev xwm los!
    Zoo li peb Hmoob, tau muab Txiv yawg hu ua Huab Tais Hmoob los no. Yeej yog ib lo lus tseeb lawm, cov zim txwv ntawd, leej twg muaj hwj chim thiab peev xwm hu tau thiab coj tej pab los tej npoj neeg coob, ces nws yeej ua tau Huab Tais ntawm Haiv neeg ntawd mus.
    Tus ntawd, nws muaj laj lib tswv yim zoo thiab muaj peev xwm. Ces nws yeej yog tus thawj ntawm sawv daws, vim nws txawj coj thiab muaj zog nrog txoj kev kav leej tib neeg.
    Nyob hauv Suav ntawv keeb kwm hais tias: Txiv yawg nws sau tau 9 pab Hmoob los sib koom ua ke sib haum xeeb sib mloog lus los koom ua ib Haiv neeg muaj zog.
    Txhua leej txhua tus, hu nws ua Txiv Yawg Huab Tais Hmoob no. Txiv Yawg yog Huab Tais Hmoob tswj kav tas nrho 9 pab Hmoob los yog 9 npoj Hmoob.
    Thaum Txiv Yawg tas sim neej lawm, yog tas sim neej nyob hauv kev tawm tsam ua tsov rog ntau Suav.
    Txiv yawg yog ib tug Hmoob muaj peev xwm loj, Hu tau huab cua tuaj pab ua hwj huam tiv thaiv tsov rog los nws twb hu tau.
    Muaj dab neeg hais tias, yog muaj tej tus tim xyoob khiav mus nrog Suav. Tau qhia rau Suav, tus tim xyoob tau siv tom txwv ua rau Txiv Yawg tau poob tsam mus rau Suav. Nws thiaj li tau tas kee mus lawm.
    Yog ib co lus hais ua dab neeg tseg xwb, tsis paub puas muaj tseeb los cuav. Nws thiaj tau swb rau Suav mus nrog rau kev tag sim neej lawm.
    Ntawm Txiv Yawg tus Huab Tais kav tswj Hmoob, no yeej muaj tseeb raws li Suav ntawv hais tseg. Lub zim txwv ntawd Txiv Yawg hu Haiv Hmoob ua Hmoob Cuaj Lig Ntuj no.
    Tom qab no tsis paub tias, ntev pes tsawg xyoo. Vwj paj Yig sawv los coj Hmoob. Muaj 6 pab Hmoob tau ploj tas nrho lawm, tsis paub tias lawv puas tseem ua Hmoob los lawv mus ua Suav tas lawm.
    Vwj Paij Yig sau tau 3 pab Hmoob los koom ua ib Haiv Hmoob lawm xwb. Ces thiaj hu hais tias, 3 Haiv Hmoob los txog lub zwj Ceeb no.
    Lo lus peb niaj hnub hu ua peb haiv Hmoob no, tsis yog hais tias, tas nrho tsoom Hmoob sawv daws tib si nyob hauv. Qhov tseeb tiag, yog hais tias, muaj peb pab Hmoob no xwb.
    Dhau los ntawm Vwj Paj Yig lawd, tom qab no kuj muaj ntau tus Hmoob sawv los cawm Hmoob xav sau tas nrho tsoom Hmoob los nyob kom ua ib pab ib pawg.
    Sib sau tau los nyob tsis ntev, tej tus nyob tas nws tiam. Tej tus kuj nyob tsis kawg nws tiam li thiab. Lub teeb meej tawm hauv cov dab neeg los hais tias:
    Puav leej yog pab Tim Xyoob ntawd ib tug twb mus qhia Suav, Ces muab Hmoob tus thawj neeg muag rau Suav. Sawv pes tsawg tus thawj Hmoob, los raug muag rau Suav txhua zaus tib si.
    Lub tswv Yim zoo li no, nyob hauv cov dab neeg Hmoob muaj hais ua ntu zus los. Tsis muaj ib tug Hmoob yuav paub tseeb thiab ras txog tias:
    Zaj dab neeg Hmoob cov Tim Xyoob pheej muab Hmoob tus thawj neeg no, muag rau Suav. Los yog Hmoob nrhiav kev txov, txo Hmoob tus thawj neeg ua ntu zus los li no.
    Cov kwv huam thiab dab neeg no paus musj tseeb tiag! Tej hais no yog yav thaum tseem nyob rau Tuam Tshoj. Nyob hauv Hmoobzoo li yog cua tshuab xwb tsis paub puas meej los tseeb tiag.

    2.->NTU NYOB XOV TSHOJ TEB.
    Zaj kwv huam thiab dab neeg txuas los mus, yog lub caij thaum Hmoob los nyob Xov Tshoj teb no. Vwj Paj Cai sawv rog tua Fab kis. Tsis paub tias:
    Puas muaj ib tug neeg los ib Haiv neeg pab nws yam zais ntsis qhia tsis tau tawm los rau leej twg paub! Los nyog Ntuj tshoj, Kom nws muaj nws hwj huam peev xwm sawv los ua tsov rog li ntawd.
    Muaj Hmoob coob leej mus zwm rau Vwj Paj Cai. Nws tau tsa kom muaj ntau lub xeem Hmoob muaj Nom muaj Tswv sawv los ua Nws tim Xyoob. Nyob hauv Nws tsoom thawj peeb.
    Hmoob qhuas kawg, Tsoom Hmoob zoo siab tas nrho. Vwj Paj Cai muaj kev nce mus nyob saum tsob ntoo nrog Niag Neeg tham txuas lus tau txhua hnub.
    Paj Cai cia li muaj tej lub phij xab mus ris tsho rau tsoom tub rog tau hnav. Muaj hwj huam tso kooj tshuab ya puv tsev, kooj cia li tawm hauv phij xab ya puv tsev.
    Muaj tej nplaum zoo li xov paj, muab kauv cuam nraum zoo tawg ua av qawj luaj li zes npua. Thaum kawg cov tim xyoob zoo siab dhau ua tej yam saib tsis taus Mab Sua. Hmoob hais tias raug khaum mus lawm no.
    Ces muaj kev puas tsuaj ua rau Paj Cai nyob tsis tau taus mus kav laus. Paj Cais twb yuav tau nce los ua hmoob ib tug Huab Tais, li Hmoob kev tso siab thiab Hmoob tos ntag.

    3.->NTU LAUJ KIAB TOOM THIAB TUB NPIS LIS FOOM LAWV.
    Ntu no txuam yuaj nrog Mab Sua ua ke nrog Hmoob, Yog kev ua thawj neeg kav nruab zej nruab zog. Yog kev ua neeg tsis paub tab paub cai los ntawm kev nyiam ua tus loj kom raug neeg hwm thiab muaj koob meej.
    Yog sib zam dhau mas tseem yuav muaj ntau tus thawj Neeg yog Hmoob los sib pab. Lub caij nyoog Mab Sua tseem tsis tau muaj kev sib haum xeeb. Ntshai Fab Kis twb muab ib ntsug teb rau Hmoob lawm los kuj yuav mus taus thiab.
    Ob tug kwv tij neej tsa cia li cheem tsis tau lub siab ntshaw ua tus thawj neeg. Ces tsim muaj xaiv muaj lus sib kis txog poj niam tub se.
    Ces tsis muaj hmoo poob rau lub zim Txwv los Tsuas tej kwv tij sib tawg los ntawm kev sib txeeb Huab Tais ua. Lub peev xwm ntawd kuj tsis yog Noob Huab Tais phem.
    Yog pej xeem lub suab nrov ncha ces cia li sawv tsheej ua Huab Tais lawm. Ces sib tawg ntxeev teb chaws. Ces thiaj muaj kob tsov rog los txog Yawg Lwj Txheeb Vaj Pov uas coj Hmoob ib npoj khiav tawm teb chaws li peb tau pom no.

    4.-> NTU VAJ POV SAWV.
    Kuj yog txuam yuaj nrog Mab Sua tsis yog Hmoob ua tus pib kom muaj teeb meem.
    Lwj Txheeb Vaj Pov tsis yog nws xaiv txoj kev ua tsov rog. Muaj ntau yam nyob sib xyaw rau hauv:

    A->Lwj Txheeb Vaj Pov yog ib tug tub rog Los tsuas, lub zim txwv Fab kis tuaj Kav Indoutinne ntawd. Los Tsuas yeej muaj Los Tsuas tej kev ua tsov rog.
    Nws nyob sab twg nws ua tub rog tiv thaiv Tas nrho Los Tsuas, Hmoob, Khub Hmub, txhua Haiv neeg tej poj tub se kom tau nyob thaj yeeb.
    Thaum Fab Kis swb rog lawd, Mes Kuj tuaj Yog cov Mab Dawb no tuaj hu thov kom nws pab cuam rau lawv. Lwj Txheeb Vaj Pob mam lees pab. Tseem Hwv Huab Tais Los Tsuas tau lees paub txog tib si.
    Sij hawm zoo kee los ncav tau, Tab tom Huab Tais Los Tsuas cov Tim Xyoob. muaj muaj kev sib ntxeev siab xav ua tus thawj neeg coj kav ib pab tub rog nyob hauv lub teb chaws. Cov thawj tub rog ua yeeb ncuab, yuav luag tas txhua pab.
    Lwj Txheeb Vaj Pov kuj rau neeg nrhiav kev hiam kom muaj kev liam sim rau nws. Muaj neeg nrhiav kev txo kom nws tis muaj txoj sia nyob.

    Ua li Hmoob hais kam los tias:
    Yog Poj Yawm txwb koob thiab Qaum Ntuj pub txoj hmoov zoo rau Lwj Txheeb Vaj Pov sawv los ua thawj neeg coj tsoom Hmoob kom Hmoob muaj txuj ci txawj pom tej yam mus raws li kev Vam meej.
    Caum cov neeg ua neej, mus raws li txheej tshiab no. kom Hmoob muaj noj muaj hnav thiab ua ib Haiv neeg muaj tsim sib sws li tej Mab Sua.

    Lwj Txheeb Vaj Pov lub caij nws muaj hwj chim ntawd, Nws yeej muaj hwj chim sib luag li Mab Sua tej Lwj Txheeb txhua tus.

    Tab sis kuj tsis paub tias tshuav dab tsis tsis zoo, ho muaj dab neeg hais txog muaj neeg ntxub thiab muab nws caum tua ob peb zaug.

    Tus Neeg muaj Ntuj pab txoj hmoo zoo nyob txog lub caij Huab Tais Los Tsuas tau ploj mus raws li kwv kwv huam hais tej kwv tij plooj siab teev tseg lawm.
    Lwj Txheeb vaj Pov nws tau coj ib npoj Hmoob mus ua neej rau txawv teb chaws.
    Tsoom Hmoob tawm mus txawv teb chaws tej laus kuj tsis luaj twg! Tej tub ki tau paub kev vam meej xws li tej Mab Sua mus lawm ib theem.

    Taug Hmoob li keeb kwm, kwv huam dab neeg los. Pom tias, Hmoob raug mob ua rwj ua aws los lawm ntev kawg!
    Hais txog ob tug thawj neeg los ob pab kwv tij neej tsa tej lus tsis sib raug zoo los tsis xav sib hwm no. Ua kom muaj xaiv lus thiab muaj kev sib ntxub ntawd.

    Mas yog Hmoob tej qub mob ua rwj ua aws los thaum ntxov ntxov tej laus yeej muaj mob los lawd xwb. Nyias xav ua nyias hau Qwj, los sib khav nyias tus kheej, nws tsis yog ib txoj kev zoo.
    Tso tsis tau kev Cib Nyeej kev khib pov tseg, mus pib dua ib txoj kev sib hwm thiab sib raug zoo mus rau yav tom ntej li.

    Tus twg los puav leej yog neeg ntse muaj peev xwm heev, rau sab uas ua tus thawj neeg. Coj zeej tsoom sawv daws mus rau txoj kev thaj yeeb.
    Tsis muaj kev sib hlub thiab sib hwm los sib zam kom mus txog rau qhov hias tias, Hmoob yog ntoo ib tsob xyoob ib txooj nyob ua ke.
    Nyias pheej xia nyias yog thawj neeg, tsa koom haum nplawg ntia ua tus loj coj nyias npoj neeg. Zoo li Hmoob tsis yog ib Haiv neeg nyob koom roj koom ntshav uas puag thaum ntuj tsim teb rau los.
    Tej Koom Haum yuav tsa muaj los ua Hmoob tug yuav sib koom ua ke. Li ua tej Kooj Haum, los sib pab cuam rau ib txoj kev muaj nuj nqes rau Haiv neeg Hmoob. Cov Koom Haum yuav ua tuaj mus yog cov Koom Haum:

    a. Cov Koom Haum qhuab qhia tub ki, kom txawj ua neeg paub tab paub cai thiab txawj ntse mus rau yav tom ntej phim kev vam meej.

    b. Tsim kom muaj koom haum sib pab ua lag luag kom sawv daws muaj txaus noj txaus haus…

    c. Tsim kom muaj Koom Haum saib kev ncaj ncees kom ib leeg hwm ib leeg kom txhua tus neeg muaj kev thaj yeeb…

    d. Ua Koom Haum sib pab, txhawb cov neeg txom nyem rau raug teeb meem los kev ua neej poob tsag mus.

    e. Ua Koom Haum,Sib txhawb, kom sawv daws saib taus nyias muaj nyias li kev xav thiab kev ntseeg, txhob sib thuam. Kev ntseeg yog Ntsuj plig ntiag tug tsis yog tej yam muab los sib tawm tsam ua kev sib ntxub.
    Txhob muab tej Koom Haum no los sib twv sib khav. Ntshaw ua tus loj li yav tas los no. Tej lus tsis txawj xav uas tau xam kev khib,thiaj zoo ntawd, ces puav leej yog kev mob ua rwj ua aws, ua ib tug mob kis rau txhua tus neeg cov muaj lub hlwb ntse thiab paub tab paub cai kom txhob sib kis mus rau rau sawv daws thoob plaws li niaj hnub no.
    Niaj hnub no txhua kab lus los tej xaiv lus kev tsis sib raug zoo no puav leej yog tawm los ntawm tej qub mob ua rwj ua aws los ntxov ntxov puag txheej taud los xwb sub las.

    Vim zoo li peb Hmoob tsis txawj hlob loj tuaj rau sab vam meej ua neeg paub tab paub cai txawj sib zam sib hwm.
    Thaum tias, Mab Sua paub tau tias, Haiv neeg no, yog ib haiv neeg muaj mob lawm. Ces luag haj yam yuav saib tsis taus peb Haiv Hmoob.

    Kuv kuj yog ib tug me nyuam Hmoob, me me li sawv daws xwb. Kuv hais raws li kuv pom thiab paub los. Kuv hais rau sawv daws tias zaj lus no mas yog zoo li cua tshuab xwb cov neeg paub tab thiaj yuav to taub tau. Txij no mus rau yav tom ntej ntshai peb yuav ras tog thiab lees paub tej laus cov rwj aws uas lawv tau raug mob los dua lawd.
    Peb yuav thim xav thiab hloov dua tshiab kom luag hais tau tias: Hmoob mas yog ntoo ib tsob xyoob ib txoog tiag, lawv muaj kev sib hwm sib hlub.
    Yog peb pheej ua li zaj kwv huam dab neeg sib caum sib raws li tej laus ua puag thaum muaj Hmoob los li niaj hnub pom los no. mas yog luag cov Mab Sua paub thoob plaws lawm Hmoob tsis zoo tshuaj rau Leej twg li lawm.
    Hmoob tsuas zoo rau luag tej Mab Sua coj mus rau w rau nas noj saib zov tua nas saib puas yuav tua tau nas xwb. Yuav zoo li tus tsiaj uas luag coj mus cuab rau tsov hma kom los mag nkuaj xwb.
    Yog nkuaj tsi zoo tsov hma tom tau lawm los mam siv dua tus tshiab tuaj rau dua.
    Zoo li tiam no, cov tib neeg sib tham, los sib hais lus, mas zoo li sawv daws raug mob khuab thuas tas tib si lawm. Thaum twg phaum mob khuab thuas no mam yuav dua mus los dhau mus tau!
    Xav kom tej tub ki los tej xeeb ntxwv txhob paub txog tej laus, lawv tej dab neeg kwv huam keeb kwm no. Kom lawv yog ib Haiv neeg zoo li nyuam qhuav yug los tiam nees nkaum no xwb.
    Kom lawv yog ib Haiv neeg muaj meej Mom siab ntsws dawb huv. Ua li tej laus hais, lawv tsis yog cov neeg lo keeb txhaum.
    Thiab ntshaw ua Hmoob tus thawj los paub txog Hmoob tej kwv huam dab neeg qub qub uas twb muaj los ntau pua txhiab xyoo los lawd. Lawv yuav txawj sib hlub zoo dua.
    Mus rau yav tom ntej, yeej yuav tsum tau xav li hais no tiag. Kom txhob mus nrhiav paub txog Hmoob li keeb kwm dab neeg qub uas pheej muab tus thawj muag rau Suav tsim txom kom ploj mus.
    Kom txhob paub txog ib yam hais txog Hmoob li keeb kwm dab neeg. Thiaj tsis pom cov qub mob ua rwj ua aws caum nrog Hmoob txhua tiam los li paub no lawm.
    Yog ua tau, mas xav kom cov tub ki Hmoob no, xav thiab tig mus rau lub sim xeeb no! Yam li:
    Hmoob yeej yog ib haiv neeg zoo, Hmoob nyob qhov twg lawm ntseeg kiag tias Yus lub teb chaws yog lub ntawd ntag. Hwm kiag Haiv neeg ntawd, hlub lawv, nyiam lawv,
    Kho yus tej siab ntsws kom zoo li lawv kiag txhob mus nco txog ib txoj dab neeg keeb kwm nyob lwm qhov los tso rau hauv yus nruab siab.
    Hwm lawv tej nom tej tswv, mus ua luag li Tim Xyoob kawm luag cai. Thaum luag tas zim txwv kee lawm, ces yus yuav sawv los nyob lawv chaws, los pej xeem txaus siab hlo pov ntawv rau yus kom sawv tsees mus ua luag tus thawj nom thawj tsw.
    Lub neej yuav tshav ntuj rau Hmoob yog yuav taug txoj kev no xwb. Lub kee Hmoob ua nom lub teb chaws tas nrho twb yog Haiv Hmoob.
    Hos lub kee Mab ua Nom tas nrho lub teb chaws kuj yuav saib tias, yog pej xeem Mab kom haum kiag li tus thawj Nom lub kee kav mas yog yam tseeb thiab ruaj mus tiag.
    Tsoom Phooj ywg zaj lus no yog sau los ua kev kawm rau nruab siab li koj xav kom koj yog tus zoo xwb. Tsis yog sau los cuab kev tsis sib raug zoo li. Tsis haum siab thiab tsis nyiam, ces tso pov tseg xwb nrhiav dua lwm yam kom Hmoob muaj kev sib raug zoo xwb.

    Yaj Zoov ntxheb X.H.






    Sponsored content

    XH. Yaj Zoov Ntxheb lub Tsev THOOB TSIB - Page 15 Empty Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 25th May 2019, 10:41 am