Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    55 xyoo LTH. Zoov Ntxheb ua Xib Hwb.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    55 xyoo LTH. Zoov Ntxheb ua Xib Hwb.

    Post  Maiv Tooj on 13th January 2015, 9:23 am


    LTH Yaj Zoov Ntxheb lub neej raws li LTH Xov Tsheej Yaj.

    (Hais rau LTH.Zoov Ntxheb thiab leej nkawm lub koob tsheej 55 xyoos sib yuav thiab 55 xyoo ua Xib Hwb
    Sacramento, Tim 29-12-2014).




    Nyob zoo, kuv yog LTH.Xov Tsheej, hnub no ib hnub tshwj xeeb rau peb sawv daws tuaj koom LTH. Thiab niam Zoov Ntxheb rooj mov no.
    Rau nej cov nom cov tswv, cov niam cov txiv, cov tij cov kwv thiab cov muam phauj sawv daws tas nrho tib si.
    Nej twb tau hnov LTH.Zoov Ntxheb thiab leej nkawm cov me nyuam, cov kwv tij neej tsa tau los hais lawm. Yam zoo los nej ho coj mus ua qauv laug li peb hmoob niaj txhi hais, yam tsis zoo txhob coj nrog nej mus cia tso tseg rau hauv kem tsev no.
    Ntawm no mus, kuv ho yuav hais txog LHT. Zoov Ntxheb thiab nws leej nkawm nkawd tej hauj lwm uas nkawd tau ua nyob hauv nkawd lub neej rau nej sawv daws tau paub .
    Kuv yuav xub qhia rau nej paub tias LTH.Zoov Ntxheb nyiam kom lwm tus neeg los piav txog nws tus kheej lub neej seb nws tau nrog leej twg nyob qhov twg thiab tau ua dab tsi hauv nws lub neej. Li ntawd hnub no, peb muaj 6-7 leej yuav los hais txog nkawd lub neej ua ntu zus rau sawv daws paub. Yog tshua yam twg, qhov twg peb hais tsis txhij tsis txhua los nkawd mam li los hais ntxiv (xws li lub caij nyob Nkws Yas).
    Ua ntej no kuv yuav xub qhia tias LTH.Zoov Ntxhiab nws leej nkawm yog leej twg.
    Zoov Ntxheb thaum yau :
    Zoov Ntxheb yug nyob rau lub zos Phuv Miam, nyob xeev Xeev Khuam, hnub tim 03 lub 5 hlis 1940. Xyoo 1950, cov tij laug tau coj Zoov Ntxheb tsiv los nyob rau Roob Nyuj Qus. Xyoo 1952, nrog cov tij laug los coj Ntuj kev cai, lawv yog yim thib 4 uas los coj kev ntseeg ntawm Txiv Plig Nyiaj Pov. Xyoo 1954 Txiv Plig Nyiaj Pov tau xa Zoov Ntxheb thiab nws tus kwv Ntxhos (Faiv Ntxhos) mus kawm ntawv rau nram Paksan.
    Heui Xai:
    Niam Zoov Ntxheb, Tshaus, yug nyob lub zos Npam Pus Las, ze Npam Naj Xees. Thaum lub 1 hlis tim 04 1945, lub xeev Luam Nab Thas. Nws yog Nkaj Huas Lis tus ntxhais hlob.
    Xyoo 1959, TP.Neej Vaj tuaj coj Zoov Ntxheb nram Paksan mus nrog nws ua xib hwb rau lub zos Npam Naj Xees, yog thaum lub 7 hli 1959, thaum ntawd lub zos Npam Naj Xees muaj 15 yim neeg ntseeg. Zoov Ntxheb yog tus xib hwb qhia ntawv thiab qhia kev ntseeg tib si.
    Zoov Ntxheb mus nyob Npam Naj Xees, nws mus ntsib Nkaj Huas Lis tus ntxhais npe hu ua Tshaus, thiaj li tau sib qaws los neej thaum lub 3 hlis 1960 los txog rau niaj hnub no (tim 28-12-2014).
    Tub Rog :
    Xyoo 1961 thaum lub 4 hlis, lub teb chaw lam, Tuam Naj Thuab (Luang Nam Tha) tawg (poob rau tog koom tsha tes), Zoov Ntxheb thiaj li coj nws tsev neeg tsiv los rau Roob Nyuj Qus. Thiaj li los nrog nws tij laug Nkias Keem mus ua tub rog « Es This Yus » , yuav npaj siab mus kawm ua nais xaim rau Thaib teb. Thaum ntawd nkawd muaj ib tug me nyuam , yog Npauj niam Muas Nplooj. Xyoo 1961 thaum lub 11 hlis tim 6, lawv tuaj txog Vees Cam, yuav tuaj mus kawm nais xaim rau Thaib teb. Tuaj txog, yog Colonel Muas Nkaub ua tus txais lawv. Tab sis lawv mus xyuas TP.Nyiaj Pov, Txiv Plig tsis pub Zoov Ntxheb mus ; Txiv Plig thiaj li muab Zoov Ntxheb thiab nws ob tug kwv luag ua nrog nws tuaj zais cia tsis pub mus kawm Thaib teb. Zoov Ntxheb thiaj li nrog TP.Nyiaj Pov ua hauj lwm thiab kawm ua ib tug tshaj Ntuj Lus ntxiv…
    Xyoo 1962 yuav tag txuas rau 1963, TP.Nyiaj Pov, Zoov Ntxheb, Txoov Yeeb thiab Nom Rwg thiaj mus txiav dab rau cov Hmoob Roob Kub Twm.
    Thaib teb :
    Xyoo 1966, Zoov Ntxheb thiaj mus pab TP.Tshaj Sawm tshaj Ntuj Lus nyob Khaj Me.
    Nom Npis Lis yog thawj tug hmoob tuaj Thaib teb tuaj thiab yog thawj tug hmoob tuaj kawm ua xib hwb Vees Cam thiab yog thawj tug hmoob Thaib txais lub cim Ntxuav.
    Looj Ceeb :
    Xyoo 1968, thaum lub 8 hli Zoov Ntxheb thiaj li tau mus ua xib hwb nyob rau pem Looj Ceeb. Xyoo 1969, kuv ua xib hwb nyob Xas Thoos, Zoov Ntxheb thiaj tuaj Looj Ceeb tuaj nrog peb hais cov lus uas ib tug hmoob tua Txiv Plig Jean Wauthier, O.M.l. uas qhia kev ntseeg rau Mab Daum ; kom cov nom tswv tsis txhob txwv cov Txiv Plig Fab Kis tshaj Ntuj Lus nyob rau hauv Phaj 2.
    Tus Cob Kheem Xeev Khuam thiaj li tau tso cai rau cov txiv plig Fab Kis tuaj xyuas Hmoob thiab cov mab daum ntseeg. Li ntawd cov txiv plig Fab Kis thiaj li mus xyuas tsoom ntseeg nyob Phaj Ob no tau ywj siab tshwj xeeb hauv nroog Looj Ceeb kiag thiaj li nkag tsis tau nkaus xwb.
    Kuv cov lus tshaj rau nej no yog qhia kom nej paub tias Ntuj Kev Cai riv mus rau peb cov hmoob coj kev ntseeg Catholic yog zoo li cas.
    Ua tsaug rau nej sawv daws.

    LTH.Xov Tsheej Yaj
    Sacramento, tim 28-12-2014.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 13th January 2015, 9:46 am



    TXIAJ NTSIM



    Sab lauj Maiv Yias Muas, sab xis Mim Lis 12 hlis 1965


    Kuv txiv laus niam laus YAJ ZOOV NTXHEB,  neb tam  peb niam peb txiv rau peb cov yau.

    Kuv txiv laus,

    Xyoo 1959, koj hlob tiav txuj, koj tuaj txog peb ntuj.
    ua Xib Hwb tshaj lub moo zoo txog Tswv Ntuj
    rau peb zos BAN NAM VANG,
    Xeev Luang NAMTHA

    (1961, 11 hli ntuj los rau Moos Loob)

    1960, koj tau kuv niam kuv txiv NKaj Huas  1 tug ncej neeg coj mus cheb plag tsev qawj, ntxuav qab yiag to.
    Kuv niam kuv txiv kuj tau koj los ua ib tug zoo tub tsim txiaj hlo.

    Koj qaws tau kuv niam kuv txiv ib tug ncej neeg mus ciaj koj ib tug zoo nyab,
    los kuv niam kuv txiv kuj tau koj los ua  ib tug zoo tub los tuav ncej dab.

    Koj tau ib tug zoo poj zoo sev
    kuv niam kuv txiv vij yog  tau ib tug zoo tub  tsim txiaj hlo los tuav ncej tse.

    - koj sau zoj peb cov kwv yau los sawv ib txig,
    - coj mus kawm txuj kawm ci. Nyem no peb thiaj tsheej cuab mus tsheej yig,
    - noj tsis tshaib, haus tsis nqhis, vaj huam  thiaj sawv nrog zeej tsoom sib txig.

    Koj txoj kev hlub peb loj thiab ntau tshaj qhov peb lub ncauj, lo lus  yuav hais  tau.
    Zaug tas los zaug tuaj, suav tsis txheeb.  Kuv tseem nco txog koj lub txiaj ntsim  xws li :
    - Xyoo 1964, lub teb lub chaw kub ntxhov, koj tseem pheej txoj hmoo, nce toj roob hauv pes  7 hnub 7 hmo tuaj tos kuv niam thiab peb cov yau pem Ban Nam Vang  los caum kuv txiv nram Naj Vuaj,
    - Nco txog lub caij koj tuaj tos kuv mus kawm ntawv nram Vientiane, Ev tis Ev, ris tis ris.
    - Nco txog koj cov  ntshav uas koj tau txhuav  los mus cawm Dab Laug Neej Co thaum nws raug phais, cawm kuv txiv thiab kuv tus kheej  xyoo 1972.

    Xyoo 1972, tim 15 lub 6 hli,
    Txoj hmoo tsis muaj, kuv niam kuv txiv  NKAJ HUAS LIS
    Ib txhij tuag li nthi, ua ib txig
    Peb cov yau tsis tau muaj cuab muaj yig,
    Ntuj tsaus ntais, teb tsaus nti,
    Muab neb 2 tug hlob saib tam niam tam txiv.

    Neb qaws zoj peb cov yau los tuav ua ib teg,
    Kuv niam kuv txiv lub pag lub xau, yog neb los nres
    Muab hlo neb lub  yeej koob yeej huam  los roos peb




    Neb yog peb qho chaw nraim ntxoo,  peb lub chaw ncooj
    Chaw sov peb chaw so,  peb chaw tso siav,  chaw nyob.

    Tswj nraim peb cov yau txoj xub kev  kawm  txawj  kawm  ntse
    Nyem no peb thiaj ua neej nyob muaj koob mus muaj npe.

    kuv niam kuv txiv tus me tub Txhaij yog tus neb tu hlob hauv neb xub ntiag,  
    txij hnub niam txiv txoj sia tu nhro txog hnub nws hlob tiav txiv.


    Neb 2 tug hlob tam niam tam niam txiv, noj qee ntsis, hnav nco pes ntsoov, tswj nraim peb, peb thiaj loj hlob tiav hlaub tiav ceg, tsheej cuab tsheej yig. Neb lub txiaj ntsim, dag zog kev  hlub,  kev qhuab kev  qhia, tswj hwm peb los lawm tsheej phab yam tsis khuv xim. Neb lub txiaj ntsim peb yuav pauj tsis tau. Vim ntau tshaj qhov yuav pauj tau,  peb tsuas thov muab cog cia rau hauv lub siab ib txhiab ib txhis , nco li ntsoov mus ib tiam.
    -Neb lub txiaj ntsha,  peb yuav thov nqa,
    -Neb lub txiaj lub ntsig, peb yuav thov ris,
    -Tseem yuav qhia meej tseeb rau peb tej tub tej ki
    Dua tag peb lawm los neb lub txiaj ntsa txiaj ntsim, kom  lawv nco ntsoov ris mus ib txhis.
    Neb lub ntxiaj ntsha peb yuav tshaj kom txog ntuj hnub qub nra
    Neb lub txiaj ntsim  peb yuav ris mus txog ntuj hnub qub ci.  

    Hnub no peb cov yau txhua leej txhua tus thov ua neb tsaug thiab thov foom koob hmoov rov qab rau neb 2 tug laus :
    -Neb lub txiaj ntsim hlub peb los lawm tsheej phab, peb txawm pauj tsis tau los hnub no thov foom koob foom hmoov kom neb plig nyiaj plig kub rov mus puv hnab,
    - Neb pub rau peb noj lawm tsheej txub, thov kom neb plig nyiaj plig kub rov mus puv hub.
    - Kom neb noj tsis tshaib haus tsis nqhis, noj  tsis tag coj mus ntiav dag,
    - Haus sis txog, coj mus ntiav zog,
    - Khwv tsawg kom tau ntau, khwv  ntau noj tsis tas.
    Hnub no peb cov yau, nrog Vaj Tsab xeem Lis tuaj txhawb siav txhawb zog rau neb,
    - Kom nyob muaj sia muaj  zog, nce toj tseev kom zog loj,
    - Nce toj kom Tswv Ntuj coj, nqis hav kom Tswv Ntuj kav
    - Nqis hav kom zog nchav, nce toj tseev kom muaj sia,
    - Nqis hav tseev kom muaj zog.
    - Nce toj tsis pub tshaus hlaub, nqi hav tsis pub ntshaus rawg.
    Los nyob ua luag txwj, zaum ua luag laus, nyob daj hau dawb txoob  li paug  txhiab niaj  tsis pub muaj mob, pua  xyoo kom tsis muaj nkeeg, kom tau ua Tswv Ntuj tus tub txib  txhiab vam nyeej.
    Kawg no, yam dab tsi ces peb tsis muaj, peb cov yau tsuas thov muab ib leeg ib kaum nyuag kaum ntaub los tuav pov hwm neb kom neb noj qab nyob zoo mus txog txhiab niaj tim puas xyoo.

    Sacramento, 28 décembre 2014
    Tus sau thiab hais: Tais Mim




    leej nram qab sab lauj rau sab xis:

    1- Ntsuab Lis, 2- Tooj Lis, 3- Txhaij Lis, 4- Mim Lis

    Pem hauv ntej: LTH. Yaj Zoov Ntxheb thiab leej nkawm Tshaus Lis.

    Tim 28-12-2014. Sacramento USA.

    Tshuav coob tus cov lus pov thawj thiab tab sis ntshe yuav ntev mam li yuav sau tau tuaj tso.
    Tshwj xeeb yog XH. Lis Npis, thawj tug Hmoob Thaib txais lub Cim Ntxuav Kas Tos Liv cov lus yog ib cov lus pov thawj muaj nqes heev.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 13th January 2015, 10:15 am



    Hmoov tshwj xeeb 55 xyoo hauv LTH.Zoov Ntxheb lub neej.


    Xyoo 2014 no yog tau 55 xyoos uas LTH.Zoov Ntxheb los ua Xib Hwb tshaj Ntuj Lus. Nws yog thawj thawj tug Xib Hwb Hmoob kawm tiav Xib Hwb qhia ntawv thiab xib hwb tshaj Ntuj Lus nyob Paksan xyoo 1959.

    LTH.Zoov Ntxheb yog thawj thawj phaum me nyuam tub uas Txiv Plig Nyiaj Pov xa pem Roob Nyuj Qus tuaj mus kawm ntawv rau Paksan. Vim nws yog me nyuam ntsuag, niam thiab txiv tuag tag tso nrog tij laug thiab niam tij nyob xwb; ces Txiv Plig Nyiaj Pov pom tias lawv txom nyem thiaj li tau hais seb yog nws tij laug Nkias Keem kam no yuav muab nws thiab nws tus kwv Ntxhos xa mus kawm ntawv nram Paksan vim lawv kuj los ua Ntuj kev cai lawm thiab. Tij laug Nkias Keem pub Txiv Plig coj Ntxheb thiab Ntxhos mus kawm ntawv; tab sis cov phauj thiab cov kwv tij tsis zoo siab rau Nkias Keem vim lawv xav tias yog Nkias Keem hlub tsis taus ob tug kwv yau es lom txwm muab coj mus rau nyav coj mus noj xwb no. Ces Nkias Keem thiaj li tau lav lus tias yog ib xyoos tom ntej tsis pom Ntxheb thiab Ntxhos nkaws rov los no los lawv cov txheeb ze mam li tuaj ua plaub rau Nkias Keem. Thiaj li tso Ntxheb thiab Ntxhos mus kawm ntawv, mus tau ib xyoos rov los tsev, ua cas nkawd hnav khaub ncaws txiav du dais, npliag liag puab cev npws loo, rau khau tawv dub ci nplas cuag tub nom lawm xwb. Cov poj hmoob tuaj plhws nkaws taub haus rau xwb pwg, tuaj qhuas tias cas nkawd yuav zoo tis zoo, tsab tis tsab, cuag tub nom tub tsw muaj meej mom xwb. Yuav ua li cas lawv cov tub thiaj li yuav mus tau zoo li nkawd. Ces rooj plaub thiaj li los xaus li no.



    Ntxheb, thaum txiav moj tuam tag, yuav sawv kev mus kawm ntawv rau Paksan 1954.



    Ntxheb, thaum kawm tiav Xib Hwb, tuaj txog rau zos Npam Naj Xees, xeev Luang Nam Tha 1959.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 13th January 2015, 10:34 am

    Sacramento tim 28-12-2014.


    Lub Txoos teev Ntuj.















    Rooj mov khi hlua.






















    Sab lauj rau sab xis: 1-Mim Lis, 2- Tooj Lis, 3-Ntxheb Lis niam Xyooj Nruag, 4-Ntsuab Lis, 5-Xyooj Nruag (Vam Meej Xyooj), Hmoob Luang Nam Tha tus nom.


    Last edited by Maiv Tooj on 14th January 2015, 7:33 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 13th January 2015, 10:39 am

    55 xyoo hauv ib lub neej.




    Npam Naj Xees 1959.



    Sacramento 2014.




    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: 55 xyoo LTH. Zoov Ntxheb ua Xib Hwb.

    Post  Ntxhuav Mom Xyooj on 13th January 2015, 5:11 pm

    Nyob zoo phauj Maiv Tooj

    Ua koj tsaug ntau uas koj tseem tso tau ib co duab Tsob Hwb Zoov Ntxheb lub Koob Tsheej ua tub tshaj Ntuj Lus tau 55 xyoos rau peb tau saib thiab. Tu siab ntau uas kuv tsis tau tuaj nrog nej koom vim kuv tsis paub. Phauj Maiv Tooj kuv thov qhuas nej tias nej txawj hais tau ib co lus zoo kawg rau Tsob Hwb Zoov Ntxheb lub Koob Tsheej no tsim nyog kawg
    li lawm. Phauj Maiv Tooj kuv tsis paub tias koj yog Tsob Hwb Zoov Ntxheb tus niam hluas li. Ntawm kuv nyob rau nram Tsob Hwb Zoov Ntxheb lawv caij tsheb mus yog 12 xuaj moos. Yog kuv paub mas kuv yeej yuav tuaj kom tau ntsib nej rau nrad thiab.

    Ntxhuav Mom Xyooj

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 14th January 2015, 8:48 am

    Nyob zoo tub Ntxhuav Mom,


    Kuv txiv laus LTH.Zoov Ntxheb thiab kuv niam laus nkawd muaj txiaj ntsim ntau heev rau peb tsev neeg thiab peb tsoom Hmoob. Nkawd tej txiaj ntsim loj tas nrho, peb cov yau twb tsis muaj yam yuav pauj nkawd tej txiaj ntsim, peb thiaj lam hais ob peb lo lus qhuav los ua tshav ntuj rau nkawd xwb.


    Niam LTH.Zoov Ntxheb yog kuv niam kuv txiv tus ntxhais hlob, kuv yog tus thib 6 ntawm nkawd cov me nyuam.

    Kuv tuaj ib lom As Mes Kas teb los kuv tuaj luv luv xwb es thiaj tsis hais rau nej sawv daws paub. Tab cov nyob hauv Sacramento kiag los kuv yeej tsis tau mus xyuas leej twg li, tshwj xeeb ob tug phooj ywg uas ncaim lawv thaum me nyuam yaus tau 40 thiab 42 xyoos nkaus xwb. Ib txhia mas thaum lawv tuaj lub koob tsheej, lawv los hu kuv ces kuv paub lawv, cov uas lawv tsis los hu kuv ces kuv tsis paub lawv lawm vim peb sib ncaim ntev dhau lawm.
    Peb peb tug viv ncaus thiab tus nus yau tuaj nyob ob hnub nyob Sacramnto xwb thiaj li tsis tau mus xyuas thiab qhia leej twg paub ua ntej li.

    Txawm peb tsis tau sib ntsim tim ntsej tim muag los peb sib ntsib hauv kev teev Ntuj, hauv Leej Tswv Yim Ntshiab.



    Thaum kuv niam laus thiab txiv laus Zoov Ntxheb nkawd sib yuav, kuv tseem noj tes.

    Tub Ntxhuav Mom, kuv tsis paub tias lawv puas muab Curé d'Ars cov lus nthuav Ntawv Ntshiab txhais ua lus aas kiv, yog muaj cov txhais tau lawm no koj mus nyeem, yog tsis muaj no koj muab hauv lub site nov mus ua translate, koj nyeem mas nws qhia ntau yam rau koj; ua kom koj pom kev dua qub lawm.

    http://livres-mystiques.com/partieTEXTES/Ars/Sermons/table.html




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 18th January 2015, 9:33 am



    LTH Zoov Ntxheb lub neej ntsuag ua Tswv Ntuj kwv luag.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 18th January 2015, 9:40 am


    Speeches - 55th Anniversary Celebration






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 18th January 2015, 9:49 am


    TP Nyiaj Pov coj Hmoob mus nyob Guyane





    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: 55 xyoo LTH. Zoov Ntxheb ua Xib Hwb.

    Post  Ntxhuav Mom Xyooj on 26th January 2015, 2:20 pm

    Nyob zoo phauj Maiv Tooj

    kuv ua koj tsaug ntau ntau uas koj tseem qhia txog tus SERMONS DU CURE DARS rau kuv paub. Kuv tau mus tshawb fawb thiab nyeem txog nws cov zaj lus,nws hais tau zoo heev.
    Tab sis nyob hauv cov sob lus mas muaj  ib co lus nyuaj nyuaj,vim kuv paub lus America tsis tag. Phauj Maiv Tooj yog koj muaj caij no thov koj pab muab txhais ua lus Hmoob tso rau hauv nov es peb thiaj li tau nyeem kom paub zoo dua.


    Thaum nyeem SERMONS DU CURE DARS cov sob lus no tas mas yus mam tig rov los saib yus cov mas yus yuam kev tag lawm. Zoo nkaus li thaum yus tseem kawm ntawv es yus
    ua tej npaab lej yus twb qhuas hais tias yus yeej ua raug kawg lawm. Yus mam coj mus rau nais khu saib no cas tseem yuam kev tag lawm thiab. Ces kuv tseem muaj ib lub siab
    xav tias,kuv tab tom raug ntxwg nyoog training kuv no tiag.

    Ntxhuav Mom Xyooj

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: 55 xyoo LTH. Zoov Ntxheb ua Xib Hwb.

    Post  Maiv Tooj on 26th January 2015, 9:23 pm



    Nyob zoo tub Ntxhuav Mom,

    Hahahah...! Nws mas yuav hais tau lo lus ntxim hlub ua luaj li!

    Tus neeg nrhiav Tswv Ntuj ces mloog li nws me tshaj tus me nyum yaus,
    tus neeg nrhiav ntxwg nyug ces mloog li nws txawj tshaj tej laus.

    Leej Ntshiab Txiv Plig Ars cov lus ntuas, cov lus nthuav Ntawv Ntshiab mas nws tsis ua paj lug los yog piv lus hais, nws hais cov lus ncaj qha thiab qhia txoj hauv kev meej meej kom yus paub taug li tej niam tej txiv cov qhia me nyuam kom txhob yuam kev thiaj tau lub neej tsheej chim. Thiab LN.Txiv Plig Ars mas nws tsis yog lam hais lus dawb muag li sawv daws xwb, nws tau Ntuj lus, nws cuag tau sab yeeb ceeb los hais. Raws li cov tim khawv uas kuv tau nyeem dhau los (kuv muab ntev hli los nyeem vim kuv tsis muaj caij) mas muaj tus yeej pom nws nrog ib tug poj niam kauv phuam saum taub hau ti nkaus ko taw tham, ib pliag tus poj niam ho cia ploj lawm, lawv pom nraub qaum xwb ces lawv tsis paub tias yog Niam Mab Liab los yog LN.Phis Los Mes (Philomène); thaum lawv hais nws tias kuv twb tuaj nov ntev lawm tab sis koj tseem nrog tus poj niam tham ces kuv thiaj tsis hu koj xwb. Nws hais rau tus pom ntawd tias: "koj tsis txhob qhia leej twg kiag li nawb." Thiab LN.Txiv Plig mas nws paub yus lub neej yav dhau los, niaj hnub thiab lub neej tom ntej; nws qhia kom yus ua qhov tsis yuam kev. Li ntawd thaum nws ua neej nyob, neeg thiaj tuaj ua phab ua pheev tuaj cuag nws, tuaj Daws txhaum ntawm nws, tuaj nug kev pab ntawm nws. Txhua yam nws tau hais rau lawv, tsis muaj ib yam twg uas yuav yuam kev li. Thaum nws ua neej nyob mas ib hmos no nws pw 1-2teev xwb los tuaj kub tseem los nrog nws sib ntaus kom nws tsis tau zoo dab ntub thiab. 3h sawv ntxov nws twb sawv tuaj mus daws txhaum rau neeg lawm; 1 teev ib tag hmo nws nyuam qhuav pib yuav mus pw xwb.

    Kuv kuj xav txhais nws cov zaj ntuas kawg, tab sis khwv heev es xyov yuav ua cas thiaj li txhais tau. Tej zaud yuav txhais tsis tag nrho, tab sis txhais lub ntsiab xwb. Kuv nyeem nws tej ntawv mas ua rau kuv lub siab deeg daws, pom yus tej txheeb ze, tej kwv tij phooj ywg, yus xav xav qhia lawv, xav xav kom lawv tig los hloov siab, qheb qhov muag tab sis lawv tseem ua cov paub tshaj yus lawm ces yus ua tij ywm tuaj sau tseg rau hauv cab sab no es leej twg ho xav tuaj nrhiav los nws mam li pom xwb; yog nws ho tsis pom los xij peem.






    Sponsored content

    Re: 55 xyoo LTH. Zoov Ntxheb ua Xib Hwb.

    Post  Sponsored content Today at 6:24 am


      Current date/time is 9th December 2016, 6:24 am