Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

» MOO QAIJ QAUG
by Tub Kawm Yesterday at 5:43 pm

» COV ZAJ NYEEM HNUB CHIV Xyoo B 2017-2018
by NrhiavTswvNtuj Yesterday at 8:10 am

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 8:04 am

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 8:03 am

» 2018 MUS TEEV NTUJ tim DAIM AV NTSHIAB (Israël)
by Maiv Tooj 14th November 2018, 7:21 am

» TP.Txhiaj Foom lub TSEV Ntawv
by Maiv Tooj 28th October 2018, 7:01 am

» COV ZAJ NYEEM NRUAB LIS PIAM XYOO II 2017-2018
by Mim 18th October 2018, 5:13 pm

» Tsa Vaj Qhia Paj Lug 6 ua Leej Ntshiab
by Maiv Tooj 14th October 2018, 6:01 am

» 3 Tug Tij Hmoob Nyab Laj teb.
by Mim 4th September 2018, 2:26 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 31st August 2018, 6:10 am

» Notre Dame du Laus
by Maiv Tooj 9th August 2018, 8:28 am

» Txiv Tswv QhiaTxwj Choo Thoj nyob los tsuas
by Maiv Tooj 27th July 2018, 8:04 am

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 30th November 2014, 11:20 am



    Zaj 145- HMOOB HNUB.




    Hmoob Hnub. Pib hnub tim 14 lub 5 hlis ntuj xyoo1975.

    Xyoo 2014 uas tus Vaj txheeb, los Txoov Tswv Tim Obama kav Mis Kuj teb. Nws tau nrog Hmoob 18 xeem pom zoo muab txhua hnub Tim 14 lub 5 hlis ntuj hauv txhua lub xyoo txij li xyoo 2014 no mus tsis txawj kawg li los ua Hmoob hnub.

    Ntuj yav pem suab los Ntuj Tsim neeg yeej muaj Hmoob nyob ntiaj teb no.
    Hmoob thiab Suav tau ua tsov rog muaj kev sib ntaus sib tua ua ntu zus los tau ntau pua xyoo. Ces Hmoob tsis muaj teb chaws ua Hmoob tug.
    Suav txij li xyoo 1960 los txog 1975 Tsoom Hmoob nyob Los Kuj tau pab As Me Lis Kas ua tsov rog nrog cov Pab thej laus koom nrog cov Vetnam.
    Xyoo 1975 thaum lub 5 hlis ntuj Cov Hmoob nyob Los kuj tau ua neeg Thoj nam mus txog As Mes Lis Kas thiab Fab kis teb. Hmoob mus ua neej nyob Mis Kuj teb tau 37 xyoo rau xyoo 2014. Ces tas tsoom neeg Mis Kuj nrog tus Txoov Tswv Tim Obam nrog rau Hmoob 18 xeem pom zoo kom muaj hnub tim 14 lub 5 hlis ntuj txhua xyoo los ua Hmoob hnub zoo li Hmoob rov yug los dua nyob Mis Kuj teb chaws.
    Haiv Hmoob yog ib haiv neeg muaj txuj thiab Hmoob tej kab lis kev cai yog ib co kev cai zoo xws li ib haiv neeg muaj txuj laus thiab ntxov ntxov los lawm.
    Hmoob cov txuj ci mab sua qhuas txog:
    a. Cov txuj ci uas neeg coj thaum mus kev sib ntib.
    -Hmoob tsab yeeb tsab tshuaj txais so hauv tsev pub mov rau noj thiab tiam neeg taug kev mus ntxiv...
    b. cov txuj ci Hmoob muab nyab qua ntxhais sib zeem ua neej ua tsav.
    Hmoob ua tshoob ua kos cog tshoob cog kos zeem muaj niam txiv, nus tij nus npaws, mus txog muam phauj dab laug. ..
    c. Hmoob cov txuj ci nquam tej laus nce hauv toj.
    Hmoob lub ntees ploj ntees tuag yam loj yog nkauj muam nraug nus, thiab tsoom kwv tij plaus mov kawg. Choj lov kom kev txhob tu mus, tseem muaj kev ntoj kev tuv sib txuas mus tsis tu.
    E. thiab Hmoob cov txuj ci saum kev sib hlub, pub noj pub haus, zoo li thiaj yog neeg li kab lis kev cai. Hmoob hwm thiab saib taus tias cov neeg dua kev los ua qhua tuaj txog yus vaj yus tsev mas yog yus lub luag hauj lwm yuav tau tsob hwb txais los tiam ua kwv ua tij ua yus txheeb yus ze. Tsis hais tus hmoob xwb thiaj yuav txais. Mab sua los yeej tib yam , puav leej yog yus tus tswv tsev hauj lwm txais tos kom dhau. Tus nom tswv tus muaj tus pluag los tsis saib tias yog leej twg li yuav tau txais tiam mus kom dhau.
    Tab txawm muaj qav num los cov qhua no yog yam loj dua tej hauj lwm. Hmoob ntseeg tias yog ib txoj kev cawm seej tuaj txog yus vaj yus tsev yuav tau tab kom dhau.
    Lub tswv yim no tseem tshuav ntau yam yog sau mas tshuav ntau yam yuav sau ntxiv.

    Yaj zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th December 2014, 9:08 am


    PHAU NTWV CAJ CES HMOOB YAJ CUAJ TXIM.



    Phau ntawv no kuv tau nrhiav thiab sau txij li xyoo 1966 los.
    Lub sij hawm ntawd plaub tug tau qhia kuv yog:
    Tus pog Nyiaj Ntxawg uas yog Yawg Txawv Kim niam, tus no yog phaj pog koob ntawm kuv. Peb tug uas lawv yog Phaj txiv ntawm kuv ua lawv tau qhia yog:
    Yawg Tsav Ntxaij, Yawg Laj Laub { Los yawg Vaj Leem.} thiab Yawg Zam Nob. Pab no lawv tau hais txij li Pog Hmov yawg Hmov los txog kuv tiam no. {Yaj Zoov Ntxheb}
    Thawj phau ntawv kuv sau xyoo 1966 los muaj txij li no.
    Peb luam nyob Vees Cas Los Tsuas teb.
    Hos lub caij peb tsiv mus nyob Nkws Yas teb Tus Yawg Yaj Vam Lwm nws piav qhia rau kuv txij li Pog Hmov Yawg Hmov rov rau tom qub qab uas Hmoob hais tias ntuj yav pem suab, yog yav dhau los ntev ntev lawd. Yawg Vam Lwm nws paub txog Yawg Yaj Tsim Nuj yug tau Yaj Laus  thiab Suav Laus nkawd.  Yog ob tug uas tsev Hmoob Yaj no hu ua Yaj Vaug Suav Vaug. Tau ntev ntev los lawm ib leeg hais dhau ib leeg ces puas yog hnov tsis meej ces cia li hu ua Yaj Vaug Suav Vaug no lawm xwb. Lub tseem npe tiag yog Yaj Laus thia Suav Laus.
    Yawg Yaj Vam Lwm qhia Yaj Tsim Nuj  ob tug tub yog Yaj Laus Suav Laus. Yaj Luas tus ua dab qhua 9 txim.  Suav Laus yog tus ua dab qhua 5 txig
    Yawg Yaj Laus yug tus yawg Tsim Txwv, Tsim Txwv yug yawg Nkias Huas.  Nkias Huas yog tus peb hu ua Nkias Teem Taub. Ib co hu ua Nkias tsis muaj txha.Yaj Mis Nus, Yaj Tswv Daus lawv hu ua Nkias txawj qeeg.
    Nkias Huas yug plaub  leeg tub. Plaub leeg tub no yog peb cov yawg koob uas muaj paub pab zoo li no:
    Tus tub hlob hu ua Qhua Ntsaim, Yog yawg Yaj Vam lwm lawv pab, ib co nyob Nkws Yas, ib co nyob Mis Vau Kim USA teb.
    Tus Ob, yog Yawg Txawj pum Ntws,nws yuav tus me nyuam Suav peb pab yog tus tub puag cov xeeb ntxwv Nws yog Yaj Sua cov.Sib txuas los  rau yawg Hmov, yawg txawj Ntxiav, yawg Vaj Sua kaum rau  yawg Nom Kawm. Ncaiv Vwj,Pas Nus, Zoov Ntxheb... Pab no yog pab huaj vam coob tshaj hauv cov 9 txim.
    Tus yawg peb yog Yawg Txawj Pam. Pab no yog Vam Naib laus thaud nyob xeev, khaas Khaib los rau Txooj Txhim Vam Thaiv pab no nyob Nkaws Yas thiab nyob Mis kuj teb. Yog Xib Hwb Yaj Lis Povcov no.
    Tus plaub Yawg Txawj Lam,pab no yog Yaj Luj hu nkauj nyob Thaib teb thiab Keeb Yaj lawv cov lub Caas Vav Naj.
    Peb los sib ncaim rau Los Tsuas teb lub xeev Tuam Naj thuab { Luang Nam Tha.} thiaj ri mus puav Los Tsuas teb los rau Thaib teb li peb paub no.
    Peb yuav sib zeem tej kwv tij ces yog plaub tug yawg  no.Peb tug uas yog yawg Qhua Ntsaim, Yawg Txawj Pam, thiab yawg Txawj Lam yog Cov tub Cag.
    Yawg Txawj Pum Ntws cov ces yog pab Tub Puag.
    Thaum kuv nrhiav tau cov yawg koob no kuv thiaj sau ua phau ob. Yog Yaj Suav Nus pab kuv ntau ntawv ces nws tau sau nws lub npe rau. Tsis ua li cas yog ib yam zoo uas nws tau pab kuv ntaus ntawv.
    Zaum no kuv yuav tso rau lub... no rau Hmoob Yaj nyob thoob ntiaj teb tau paub mas yog zaum peb rov sau dua. Thiaj tau hais kom meej li no  tias leej twg sau thiab cov paub qhia los yog leej twg tiag.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 7th December 2014, 11:29 am



    Zaj 147- PAB TUB KI XEEB LOS NTAWM LEEJ TXIV XUB NTIAG.



    Tus sau zaj lus no nws cov tub ki xeeb los ua ob pab sib txheeb los raws li caj hlav ces ncau muaj:
    a. Thawj pab uas xeeb los nrog roj ntsha,  lawv nyob nrog txoj kev nyiam kev hlub mus raws li dej ntshav ntws los mus ua ke. Muaj dej ntshiab dej nro sib xyaws ua ke. Neeg ntiaj teb yog lawv xav siv dej ces yuav tau siv dej ntshiab nrog dej nro ua ke, vim tias dej ntshiab tov dej nro lawm ces tsis paub tias muaj dej nro xyaw.  Ua li cas los yeej siv tau lawm.
    b. Pab ob yog pab tub ki xeeb los ntawm lub tswv yim nrog tus ntsuj plig. Yog ib pab tub ki  coob npaum nplooj. Thaum luag hais tias coob npaum nplooj, mas kuj muaj cov zoo thiab cov phem sib xyaw pes daws thiab.

    Yam li muaj:
    Tej nplooj laus, nplooj mos. Los nplooj qhua, nplooj khaub hlab. Cov nplooj raug tshav ntuj kub caws hlob tsis taus, los cov nplooj raug kab noj hlav tsis taus kom nus nto ntsis los muaj.
    Tsob ntoo ntawd neeg ntiaj teb pom mas luag tsuas qhuas tias muaj nplooj ntau ces ntsuab zoo nkauj, thiab ntshai yuav muaj ntxoov ntxoo rau neeg los tsiaj tuaj nkaum tshav. Qhov luag nyiam ces tsuas yog muaj nplooj ntau zoo rau luag tuaj so nkaum tshav xwb.
    Yam uas luag ntxub mas kuj muaj ntau yam, xws li:
    Thaum muaj neeg mus sawv ntsia, mas muaj nplooj qhua zeeg poob los pawg lug,cov nplooj kab noj hlob tsis nto ntsis los muaj, cov uas tshav ntuj kub caw caws hlav tsis tau zoo nkauj los muaj, thiab cov raug cua tshuab khaub hlab los muaj.
    Txawm yog zoo li cas los saum tsob ntoo tseem muaj 51% cov nplooj tseem zoo ces twb yog muaj hmoo lawm. Tseem tshuav  ib nrab qhuas tias, nws yog hom noob zoo, muaj hmoo xeeb tau ob pab tub ki sib txheeb los nyob rau saum lub yaj ceeb no.
    Tuaj ua neeg nyob rau lub ntiaj teb no yeej muaj kev phem kev zoo sib npaug zos. Neeg sawv daws nyias tsom nyias los nyiav xav nyias ib zaj tsis sib xws, tus tsom pom sab zoo kuj muaj hos tus tsom pom sab phem los muaj tib si, hais tsis tau tias zoo xwb los phem tas nrho li.
    Vim li no neeg sawv daws thiaj hais tias tsuav yog feem coob pom tias zoo lawm ces nws tau txoj hmoov zoo lawm.
    Ua li mas koj yuav txaus siab tias, koj yog ib tug zoo niam los zoo txiv lawm. Tsim nyog rau koj tuaj ua neej nyob rau ntiaj teb no ib zaug lawm lauj!
    Vim tias kev tuaj ua neej nyob ntiaj teb no qhov tseeb yog tuaj ua ib tug zoo niam tsev los zoo txiv tsev tu tau ib co tub ki zoo nrog lub sim ceeb ua neej kom tsim nyog xwb, ces koj li hauj lwm tiav lawm.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd January 2015, 7:47 pm



    Zaj 149- TXOJ KEV NTSEEG THOOB TSIB.




    Pos pob ntseg, npog qhov muag, kaw qhov ncauj yog ib tug neeg thoob tsib.

    *-Txoj kev ntseeg thoob tsib nyob txawm hauv lub Koom Txoos Ka Tau Liv. Yog Lub Koom Txoos ntseeg Tswv Ntuj, txij thaum Tswv Ntuj tau hu tus yawg Koob Has Npla Has los, sib txuas zws los rau Haiv His Xas Lais,los txog lub caij Yes Xus Pleev yug los, thiab lub zim txwv Yes Xus Thov kom Leej Txiv xa Leej Tswv Yim Ntshiab tuaj nrog Neeg yaj ceeb nyob, kom tau ua ntiaj teb neeg luag los rau niaj hnub no.
    -Lub Koom Txoos Ka Tau Liv yog Thawj pab neeg ntseeg txog Yes Xus lub Moo Zoo uas Yes Xus Pleev hais rau nws tus thwj Tim hu ua Pob Zeb tias, Xis Moos Koj puas nyiam kuv... Kuv yuav tsa kuv lub Koom Txoos nyob saum lub Pob Zeb no. Dab Phem cov rooj loog yuav tsis yeej lub Pob Zeb no. Kuv yuav muab Ntuj cov yawm sij rau koj. Yog koj khi yam twg mas Ntuj saib yog khi nyob saum ntuj. Thiab koj daws yam twg nyob ntiaj teb no,mas Ntuj kuj saib yog daws nyob saum ntuj.
    -Xis Moos Pob Zeb Koj zov kuv cov yaj mog. Thaum Yes Xus hais txog nws pab yaj, thiab cov qoob zoo sau muaj ntau, tab sis cov tub zog muaj tsawg nej thov kom tus Tswv xav tub zog tuaj coob.
    -Nyob ntiaj teb no muaj ntau leej Xib Hwb qhia Yes Xus Pleev txoj lus:
    -Cov KaTau Liv, Cov OsTau Dov, Cov Lws Tes, ntau pab Christiane. Cov Koom Haum ntseeg Vaj Tswv muaj ze plaub puas lub Koom Haum.Leej twg thiaj yuav paub zoo tias Yes Xus Pleev yog Tswv Ntuj Leej Tub tuaj cawm lub qab ntuj neeg, xws li Pob Zeb lees paub. Muaj lub paus los txog lub ntsis,taug tau zoo li Txij thaum Tswv Ntuj hu tus yawg Koob Has Nplas Has los txog lub caij Yes Xus Pleev tuaj nyob ntiaj teb no, thiab txuas rau lub zim txwv Leej Pleev thov kom Leej Txiv tso Leej Txwv Yim Ntshiab tuaj nyob ntiaj teb no kom tau ua neeg ntiaj teb luag.
    -Kwv tij sawv daws lub zwj ceeb no, Yes Xus Pleev cov lus nyob hauv nws lub Moo Zoo tshwm tas los ntau lo lus lawm. Txog lub caij peb yuav tsum paub kom meej, Yes Xus tau hais rau nws cov thwj Tim tias, qoob zoo sau muaj ntau. Tab sis tub zog muaj tsawg! Nej thov kom tus Tswv qoob xa tub zog tuaj coob, los tuaj ntxiv.
    -Cov tub zog no yog Vaj Qhia, cov Tswv Qhia,cov Leej Choj thiab cov Xib Hwb. Yog cov ua lawv kawm kom muaj kws zoo los. Thiab txawj qog Yes Xus Pleev cov lus thoob tsib hauv lub Moo Zoo raws nraim li Leej Pleev tau qhia thiab tso rau Leej Tswv Yim Ntshiab ua tus coj kom meej. Txhob txua tej yam tsis yog li Leej Pleev tau tshaj los lawd.
    -Los lus no twb xub muaj ntxov ntxov los lawm thaum Yes Xus xa nws cov thwj Tim mus tshaj Ntuj lus thawj zaug ntawd los lawm. Thaum cov Thwj Tim mus tshaj Ntuj lus lawv tau pom ib tug neeg tau tuav txog Huab Tais lub npe los ntiab dab. Lawv rov los txog lawv tau qhia rau Huab Tais tias:
    -Xib Hwb peb tau pom ib tug neeg tuav txog koj lub npe los ntiab cov dab tsis huv, peb xav txwv nws. Huab Tais teb tias, nej txhob txwv lawv. Leej twg tsis tiv peb mas nws tuaj peb tog.
    Lo lus no muaj ntau fab lus txhais:
    a.Fab txhais tau yog tias, Muaj ntau pab neeg cov ntseeg Txog Yes Xus lub Moo Zoo, thiab cov neeg tseem teev dab qhuas muaj tej tus siab ncaj lawv hu txog Huab Tais tuaj pab tiv thaiv cov dab tsis huv yeej muaj.
    b. Lwm yam mas tsis meej, tab txawm yog cov ntseeg los lawv tsis ntseeg thiab tso siab tas, lawv tsuas xav vam txog Huab Tais lub npe tuaj ntiab dab xwb. Yam no kuj tsis muaj txiaj ntsim, rau lawv txoj kev xav.
    c. Tseem muaj tej yam txawv txawv li no los tsis paub! Yam li Dab ua hwj huam rau tej tus neeg kom siv Huab Tais lub npe los ntiab dab kom neeg ntseeg los tso siab rau tej yam tsis muaj qab hau, ces ua rau kom muaj coob leej neeg ncaim ntawm kev tso siab rau Tswv Ntuj. Tej yam no yog tuaj ntawm cov neeg vam txog dab tuaj, los dab siv nwslos ua tej yam kom neegt ntseeg yuam kev. Nws yuav mus tsis tshwm qhov twg li. Nyob nyob ces maj mam ploj mus lawm.
    -Cov neeg siab ncaj nyob hauv cov pab neeg no yog cov Uas Yes Xus hais tias lawv tsis tiv peb ces lawv yog peb tog.
    -Yam peb yuav ceev faj, mas yog tej yam peb vam txog tej tus dab pab peb siv Huab Tais lub npe los ntiab dab peb xav yuav Huab Tais lub npe kom muaj hwj huam loj, ces muab los yuam kom neeg ntiaj teb tau them nyiaj rau peb. Thaum tus siv li no lawm Nws tau muab dab tsa ua tus loj dua Huab Tais.
    -Ces nws yuav muaj ntau tus Huab Tais nyob hauv nws:
    -Huab Tais dab Hwj chim. Huab Tais thawj Dab ntshaw nyiaj ntshaw kub, Huab Tais thawj Dab ua plees ua yi. Huab Tais thawj Dab siab coob siab ntau. Ces nws yuav raug tis dua npe tshiab li cov dab npua tsi huv, uas nws tau hais rau Huab Tais Yes Xus tias,Kuv hu ua Npoj, vim peb coob heev.
    -Peb los saib cov npoj neeg 5000 leej tau noj 5 lub ncuav mov tas tib si, saib Lawv tau noj mov tsau plab tas, puas muaj 5000 leej ua Yes Xus thwj Tim?
    -Muaj cov Hwj huam no tas los tsuas tshuav 12 tug thwj tim li qub xwb. Plaub puas lub koom haum ntseeg txog Yes Xus lub Moo Zoo yog npoj neeg tau noj pluas mov ntawm 5 lub ncuav mov nyob saum lub roob txoj hmoov zoo ntawd ntag.
    -Peb tseem yuav tig pob ntseg los mloog Leej Pleev dua thiab. Thaum nws paub tias kev txom nyem los yuav txog, Nws hais qhia cov Thwj Tim, Pob Zeb hais rau Yes Xus tias xav kom tej ntawd txhob tuaj raug koj. Yes Xus hais rau Pob Zeb Tias, Xas Tas koj lawv kuv qab, koj tsis xav li Ntuj xav. Koj xav li neeg xav xwb.
    -Neeg xav kiag li Dab Phem xav. Dab phem nws nyob dawb nyob do cia li khaws noj khaws haus xwb, Dab phem thiaj hais rau Yesb Xus tias: Koj yog Tswv Ntuj tsis tas yuav yoo tshaib li. Koj cia li hais kom tej pob zeb ntawd txia kiag ua mov rau koj noj!
    -Peb yuav nco ntsoov txog lo lus uas xub hais ua ntej tias: Qoob zoo sau muaj ntau tub zog muaj tsawg. Peb yuav txhob nrug ntawg Leej Tswv Yim uas Yes Xus thov kom Leej Txiv xa tuaj nrog peb nyob. Nco ntsoov tias, tus tub txib, nws tsis loj dua tus Tswv. Tus tub txib nws tuaj sau qoob xwb nws tis yog tus Tswv qoob. Txhob ua neeg nyiag qoob coj mus zais,Koj yog tub zog xwb koj ua tsis nyog txhab los rau cov qoob koj nyiag los. Lawv yog cov zoo noob nplej, tsis zoo muab zais cia rau qhov twg li.
    - Yes Xus tseem hais tias:
    Kuv xa nej mus zoo li xa tus yaj mus nyob nruab nrab ntawm cov hma. Peb cov neeg ntseeg, Huab Tais yeej xub hais ua ntej tias, Cov neeg ntseeg, cov tub tshaj lub Moo Zoo. Nej yuav raug luag ntxub, raug luag tsawm nej, nej tsis txhob tos kev hlub los ntawm neeg los. Ntau zaus tseem yog yus cov neeg uas yog cov tsis nyiam yus.
    -Hmoob tej laus thiaj hais ib lo lus tseg zoo li no:
    -Tus ua Yaj saub nyob hauv yus lub zos mas yus tis hwm nws. Tab sis tus yaj saub sawv nyob tim roob tauj mas sawv daws ntseeg thiab hwm nws zoo heev.
    -Tas txhua yam hais los no, mas yog peb cov ntseeg tsis ceev faj, thiab peb tsis vam txog Leej Tswv Yim ntshiab pab mas peb yuav yog hom neeg niaj hnub raug zoo li ntawd ntag. Ib peb yog cov neeg uas luag ntxub. Ob peb hloov los ua cov neeg ntxub luag. Yog yus tsis saib yus ces yus npaj tos ntsoov ob yam no ib yam li lawm.
    -Nyob hauv lub Koom Txoos Ka Tau Liv cov thawj phiaj neeg ntseeg thiab coj tsoom sid mas tsis yog coj li cov neeg kawm txuj siab hais tias nws yog neeg ntse kom los txua thiab tsim tej txoj cai tshiab coj kav kom neeg hwm nws.
    -Cov thawj coj kav yog cov yoog raws Li Leej Pleev kev nyiam kev hlub siv yus lub tswv yim lub zog los pab cov Txom nyem li Tswv Ntuj nyiam. Yog yus txoj sia poob rau luag lub caij yus mus pab luag lawd los kom rov tau txoj sia nyob mus li rov los ua yus tug xws Li Yes Xus siv nws txoj sia los ua tus nqe txhiv neeg ntawm txoj kev ua txhaum tuag los rov tau txoj sia muaj zog dua tuaj:
    Tsis muaj qhov rooj los mus tau qhov rooj kaw tas lawm los los tau.
    -Hais tas nrho lus Tas txhua yam Tswv Ntuj twb tsim tau zoo tas lawm. Tswv Ntuj tos kom neeg qog kom yog li Tswv Ntuj hais. Ua kom raws li Nws nyiam. Thiab ntseeg thiab tso siab tias tsis muaj lwm tus Tswv yuav loj thiab zoo tshaj Tswv Ntuj lawm.
    -Tus Huab Tais Xob nyob saum ntuj los yog nws tsim los, Tus Huab Tais Zaj uas neeg xav tias yog tus Looj Tim Tswv Luaj Tim Looj Tswv av, Yawm Ntxwg los puav leej yog Ntuj ua tus tsim los.
    Tas txhua tus dab nyob saum ntuj los nyob ntiaj teb no, cov nyob saum yaj los nyob nruab yeeb nyob tas nrho hauv Tswv Ntuj xib teg ib txhij nrog lub hnub lub hli lub ntiaj teb, thiab tas tsoom hnub qub ya saum ntuj txhua yam khaum rau Tswv Ntuj lub xib teg ua ke tib si.
    Tsis tshuav dua lwm lub npe hu ua Huab Tais los cov neeg tau muab npe rau kom tau hu ua Huab Tais nyob qhov twg uas tsis yog Tswv Ntuj tsim los li lawm. Tus Hmoob hu ua Siv Yis, los Phus Tas, Lwm tus tib neeg uas neeg ntiaj teb tau tsa los ua Huab Tais rau neeg tau teev hawm lawv puav Leej tuag tas tshuav lawv zaj dab neeg nyob lawm xwb Cov neeg teev hawm cov huab Tais ntawd Tswv Ntuj kuj pov hwm lawv xws li zeej tsoom nyob thoob qab ntuj khwb. Vim tias cov npe uas neeg tau teev ntawd,lawv yog Tswv Ntuj cov me nyuam, lawv kuj tau tsim koob hmoov tseg xws li peb sawv daws cov poj koob yawm txwv tau ua dhau los lawd lawm thiab xwb. Thiab tab tom yog li Yes Xus tau hais tias, Siv Yis thiab Phu Tas tsis tau tiv Tswv Ntuj ces lawv yog Tswv Ntuj tog. Pab kom leej tib neeg txawj rov sib hwm thiab kom tau kev hwm Tswv Ntuj xwb.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 20th January 2015, 9:44 am



    Zaj 150- TSWV NTUJ TXOJ KEV ZAM.



    *-Tswv Ntuj txoj kev zam mas loj thiab dav kawg. Leej twg xav paub tias Tswv Ntuj txoj kev zam loj thiab dav mas yuav mus saib txog cov ntawv ntshiab cog lus qub, uas piav Txog Yas Kos tus Tswv Ntuj tau muab lub npe rau kom nws hu ua His Xas Lais no tus Tub ntxawg muaj lub npe hu ua Yos Xes. Uas raug nws cov tij laug muab nws muag rau cov tub luam Hais Nkws Tos. Thiab hais rau lawv Txiv Yas Koj tias Yos Xes raug hma los tsov tom lawm.
    -Yos Xes nws thiaj yoog tau li Tswv Ntuj kev zam txim rau nws cov tij laug. Thiab tsis nrhiav kev cib nyeej rau cov neeg liam txim rau nws.

    A.Yos Xes cov tij laug tsis nyiam Yos Xes, vim Yos Xes muaj Tswv Ntuj lub Tswv Yim nyob hauv nws thaum nws yau los lawd. Vim tias nws tau ua npau suav pom 11 teg nplej pe nws nyob tom teb. Thiab nws tseem tau ua npau suav ib zaug tias 11 lub hnub qub, nrog lub hnub thiab lub hli pe nws ib zaug thiab. Nws tau hais zaj lus no rau lawv hnov lawm. Ces lawv xav tias nws yuav ua tus thawj kav lawv ces lawv tau txiav txim siab muab lawv tus Kwv Yos Xes no muag mus rau cov neeg pej kum teb.
    Pab tub luam no coj Yos Xes mus txog Hais Nkws Tos teb ces lawv coj mus nws mus muag rau tus Vas Hais Nkws Tos yuav mus ua nws ib tug qhev.
    Yes Xes nws hlob tuaj nws muaj Ntuj lub Txiaj ntsim nyob hauv nws. Ces nws muaj zoo meej mom thiab zoo yam ntxwv, thiab zoo nraug kawg. Ua rau tus poj Vaj Hais Nkws Tos nyiam nws heev. Tus Poj vaj no nyiag nyiam nws tau ntau lub hli los lawm. Muaj ib hnub Tus Poj Vaj cia li kom Yos Xes tham nws xwb. Yos xes hais tias:
    Kuv ua tsis tau yam koj hais no, vim kuv hwm kuv Txiv,kuv yawg,thyiab kuv yawg Koob, Tus Tswv Ntuj thiab kuv hwm kuv tus Vaj uas yog koj tus txiv no.
    Yog kuv ua li no mas kuv tau ua tsis ncaj rau Ntuj thiab kuv tus vaj lawm. Tus poj Vaj no pom tias Yos Xes tsis tuaj tus Poj Vaj tog ces tus poj Vaj txeeb nws lub tsho thiab qw liam tias Yos Xes yauv tham nws,yog nws khiav dim lawm. Kom tus Vaj Hais Nkws Tos muab Yos Xes rau Txim thiab txiav txim rau Yos Xes kom tau xa tej tus neeg tsis tuaj nws tog mus nyob rau Dab teb. {= Muab tua pov tseg.} Thaum Tus vaj muab Yos Xes rau txim yos Xes ua ncaj ncees li qub. Nws tsis cib nyeej rau leej twg. Nyob hauv tsev loj faj nws pab cov neeg raug txim zoo li nws. Nws kuj pab cov neeg zov keeb saib cov neeg rau txim thiab.
    Ces muaj ib hnub ob tug nom raug txim nyob tsev loj faj tau ua npau suav:
    a. Ib tug ua npau suav tias nws yuav tau tawm mus nws txoj hmoov yuav zoo.
    b. Hos ib tug ua npau suav tias nws kuj yuav tawm mus tab sis nws yuav tau txais ib txoj hmoov phem.
    -Ob tug nom ntawd nkawd ob zaj npau suav Yos Xes puav leej txhais raug tas tib si. Ces tsis ntev tus Vaj ua npau suav nws ntxhov siab heev nws tham rau tus nom muaj hmoo tawm tom tsev loj faj los hnov, ces nws hais qhia tus Vaj paub tias tus me nyuam hluas His Xas Lais nyob tom Tsev loj Faj nws txawj txhais npau suav.
    Ces Tus Vaj Hais Nkws Tos thiaj kom mus coj tau Yos Xes los txhais tus Vaj zaj npau suav.
    -Ces Yos Xes txhais tias Tshuav 7 xyoo mas ntuj yuav qhuav. Ces ntuj yuav qhuav 7 xyoo ntxiv, ces ntiaj teb yuav tshaib plab ua tsis tau qoob loo los noj. Yuav kom tsis tuag tshaib mas yuav cog qoob ib xyoo kom txaus noj ob xyoos ua 7 xyoo li no kom muaj txaus noj thawm 7 xyoo ntuj qhuav ntawd.
    -Ces tus Vaj thiaj Tsa Yos Xes ua nws tus lwm Vaj kom tau saib kev cog qoob loo. Kom muaj txaus noj kav 7 lub xyoo ntuj qhuav ntawd.
    Thaum ntuj qhuav lawm tas ntiaj teb tshaib plab tuaj.Ces lawv txiv Yas Kos tus hu ua His Xas Lais hnov tias Hais Nkws Tog teb muaj mov noj. Ces nws kom nws cov tub mus yuav nplej nram Hais Nkaws tos teb los noj.
    -Lawv thiaj mus txog Hais Nkws Tos teb. Yos Xes pom nws cov tij laug tuaj yuav nplej mas nws ua tiag tauv nws lub kua muag kom txhob poob rau lawv pom.
    -Nws muab nplej pub rau lawv, nws nug tias, nej puas tshuav ib tug kwv ntxawg lawm. Lawv poob siab lawv teb tias peb tshuav ib tug kwv thiab.Ntuj twb qhuav tau ob xyoos lawm tseem tshuav 5 xyoos lawv yej yuav tuaj xwb. Yos Xes hais rau nws cov tij laug tias lwm zaus nej tuaj mas nej coj nej tus kwv ntxawg tuaj mas peb thiaj muag nplej rau nej. Yog nej tsis coj mas nej tuaj li cas nej rov li ntawd tsis muab rau nej nplej thauj mus tsev.
    Yos Xes cov tij laug yuav tsum coj lawv tus kwv Npe Yas Mis tus hlob Yes Xes koom niam koom txiv ntawd tuaj.
    -Thaum Yos Xes cov tij laug tuaj zaum ob nws tauv tsis taus nws lub kua muag lawm ces nws quaj rau nws cov tij laug tias:
    Kuv yog nej tus kwv uas nej tau muab kuv muag lawd. Ces nws cheem nws tus tij laug hu ua Npe Yas Mis nyob. Nws cov tij laug tau ntxhov siab loj kawg. Tab sis Yos Xes paub tias nws cov Tij laug lawv Hloov siab lawm ces nws zam rau lawv.
    Nws muab tsheb nees rau nws cov tij laug kom lawv mus tos nws txiv Thiab cov tub zog sawv daws los nyob Hais Nkws Tos teb.
    Nws cov tij laug lawv tso siab tias thaum lawv txiv Yas Kos nyob mas nws yuav zam rau lawv.Thaum lawb txiv tuag lawm mas lawv ntshai heev lawv rov mus thov Yos Xes dua ib zaug ntxiv.Yos Xes hais tias kuv zam rau nej sawv daws tib si. Qhov nej muab kuv muag rau cov Hais Nkws tos no yog ib txoj kev Peb Txiv tus Tswv Ntuj npaj kom tau cawm nej sawv daws txoj sia xwb tsis muaj dab tsi li mog. Yog thawj zaj Yos Xes ua npau suav tias 11 teg nplej pe nws yob tom teb hauv lub tshav nplej. Mam xaus los rau nqhov yog nws yuav cawm nws 11 leeg ua tij thiab nws niam nws txiv lawv txoj sia thaum ntuj qhuav xya xyoo ntawd. Yos Xes zam rau lawv tas nrho txhua tus tib si. Suav nws 11 leeg ua tij thiab nws niam nws txiv tas nrho.
    *-Tswv Ntuj txoj kev zam mas Tswv Ntuj tau kom Yos Xes ua thawj tug nthuav qhia rau ntiaj teb neeg puag thaum ub ntxov ntxov los lawm thaum Tswv Ntuj hu thawj leej Txiv ntseeg, uas yog Has Nplas keeb kwm caj ces los lawm, saib pes tsawg tiam neeg los xwb, Has Nplas Has, His Xas Has, Yas Kos. Yos Xes yog thawj tug tshaj thiab qog Tswv Ntuj txoj kev zam rau peb paub.
    *- Cov txheej xwm tshwm sim ua qab Yes Xus yug los ze xyoo 2000 no tseem muaj tej yam kev zam raws li kev ncaj ncees muaj li no:

    A. Nyob Mis Kuj teb chaws tseem muaj ib zaj kwv huam tawm tuaj zoo lo no thiab:
    -Muaj ib nkawm niam txiv nyuam qhuav pib ua lub neej lawv tseem hluas hluas.Muaj ib hnub nkawd sib tham tias nkawd yuav mus ua si. Thaum nkawd mus txog ntawm lub lub tsev lawv muag cov dov nam. Tus txiv hais rau tus poj niam tias, koj nyob hauv tsheb tos kuv. Kuv khiav khiav mus yuav ob peb lub dov nam tso ib ntsis wb thiaj tau noj. Tus txiv neej no mus txog neeg tuaj yuav dov nam coob coob sawv daws ua nab noj nab tw mus yuav neeg coob li coob Tswv Dov Nam tuaj txog ua cas neeg coob ua luaj li cov tub ua hauj lwm kov tsis yeej li. Tus Tswv maj nroos mus pab nws cov tub txib. Nws tab tom nqa 200 txhiab nyiaj tom tsev tuaj ib ntsis yuav nqa mus tso rau hauv npaaj. Tus txiv neej hluas ntawd txog nws ncig ces kuj yog tus tswv tsev thawj ncig los muag dov nam, ces nws txawm cev loo nws pob nyiaj ob puas txhiab no rau tus txiv neej ntawd. Tus txiv neej ntawd kuj xav tias nws twb ntim tau lawm thiab txais nkaus nqa mus tsis saib li ib tsam tshiab plab mam muab nthuav saib no ua cas ho yog 200 txhiab nyiaj mas ceeb tas li.
    Ob tug niam txiv ntawd nkawd sib tham tus niam hais tias wb yuav kiag nws tsis nco qab tias yog leej twg li. Tab sis tis txiv hais tias yog luag tsis nco qab lawm xwb cia wb xa rov mus rau tus tswv ntawd. Qhov kawg nkawd xa mus rau tus tswv. Rov los txog ntawm lub tsev Tus txiv neej hais rau tus poj niam tias koj nyob twj ywm hauv tsheb cia kuv nqa rov mus rau tus Tswv ntawd.
    -Tus txiv neej ntawd mus txog hauv lub tsev muag Dov Nam, nws nug tias tus tswv tsev nyob twg thiab yog Leej twg? Tus Tswv tsev teb tias, kuv yog tus tswv ua lub tsev Dov Nam no ntag.
    -Ces tus txiv neej hluas ntawd hais tias yawg Tswv tsev tias,tag kis no koj tsis nco qab lawm, kuv tuaj yuav dov nam koj cia li muab koj pob nyiaj no cev rau kuv, kuv kuj xav tias yog dov nam ces kuv nqa mus txog caij kuv thuav noj no yog nyiaj xwb tsis muaj Dov nam nyob hauv. Kuv rov nqa los rau koj.
    *- Tswv tsev no hais tias Ntuj e ua cas nyob ntiaj teb no tseem muaj tej tus neeg siab zoo tas npaum no. Kuv muab 20,000 pub koj. Koj yuav tsis txhob mus qhov twg li kuv yuav hu cov tub qhia xov xwm tuaj thau koj duab thiab tshaj rau ntiaj teb paub tias nyob ntiaj teb no tseem muaj tej tus neeg siab ncaj npaum li no thiab.
    -Tus txiv neej hluas ntawd hais tias, Kuv tsis yuav lub npe koj hais ntawd. Kuv tau ua ncaj lawm ces cia li xwb kuv poj niam nyob nraum zoov tos kuv. Wb tau hais ncaj ces ua ncaj xwb, wb tsis yuav dab tsi ntxiv li.

    B.*-Zaj piav txog kev ncaj tseem muaj dua ib tug piv txwv zoo li no ntxiv, uas Tswv Ntuj ua rau kom tej tus neeg ua tej hauj lwm pab zam nuj nqe rau cov neeg tau ua zoo rau lwm tus ua ntej lawd. Ntuj rov ntxiv rau nws,yog lus tseeb los ntawm ib tug tub hluas txom txom nyem los:
    -Tus tub hluas no nws lub npe yog txhais ua lus Hmoob yog hais tias hu ua Yeej Cuam no.
    Yeej Cuam nws yog ib tug tub hlus mus tswv yim zoo, tab sis nws nyob hauv ib yim neeg txom nyem xwb. Nws Xav tias yus tsis muaj nyiaj lis tsam lwm hnub yus kawm ntawv siab lawm ces tsis muaj nyiaj yuav mus kawm qib siab. Ces nws pib mus khaws tais kas Poom coj mus muag tau nyiaj ces khaws cia ua ib pob lawm hnub kawm ntawv txog qib siab thiaj tau siv.
    Yeej Cuam nws xav tau tseg lawm tias yog nws kawm txog qib siab ces nws yuav mus kawm ua ib tug Dov Tawj kho tswv yim.
    Muaj ib hnub nws mus khaws kas poom mus ib hnub tsis muaj li. Nws tshaib plab heev xyuas hnab ris tsis muaj ib lub txiaj xas leem li. Nws txiav siab tias mus hla tus choj deg tod muaj ib co tsev, nws yuav mus khob qhov rooj yog leej twg tawm los qhib nws qhov rooj ces nws yuav thov noj ib pluas mov. Nws mus txog thawj lub tsev khob qhov rooj tsis muaj neeg nyob, mus txog lub ob khob kuj tsis muaj neeg nyob. Txog lub peb nws khob qhov rooj tawm ib tug ntxhais tuaj. Yeej Cuam ntsia, yog ib tug ntxhais zoo zoo nkauj, Nws tsis muaj peev xwm yuav thov mov noj. Yeej Cuam cia li hais tias, kuv qhis dej heev no rau xwb, Ces tus ntxhais ntawd ntsia zoo li Yeej Cuam tshaib plab heev vim nws tsis musj zos hais lus lawm.
    -Tus ntxhais ntawd cia li mus hliv tau ib khob mis nyuj loj tsawv tuaj pub rau Yeej Cuam haus. Nws maj mam haus tas, Nws nug tias koj khob mis no raug nyiaj li cas?
    -Tus ntxhais ntawd teb tias Peb niam li xwb kuv hliv rau koj haus tsis yuav nyiaj. Peb niam yuav pub rau peb tsev neeg sawv daws haus xwb.
    Yeej cuam ua tus ntxhais tsaug tas ces nws mus lawm. Nyob nyob nws mus kawm tau ua ib tug dov Tawj kho neeg mob Tswv Yim. Nws mus nyob hauv hauv lub nroog Nyuj Yov. Ib hnub ces tus ntxhais ntawd mob cov kws tshuaj kho nws tau ntau xyoo tsis zoo li lawv xa mus rau pem Nyuj Yov. Tus ntxhais mus txog lub tsev kho mob ntawd tus Dov Tawj loj nyob hauv yog Yeej Cuam. Thaum cov kws kho mob hais qhia Dov Tawj Yeej Cuam tias muaj ib tug poj niam co kws tshua nyob Chicago kho tsis tau lawv xa tuaj rau peb lub txev kho. Dov Tawj Yeej cuam hnav tau lub tsho dawb nws mus txog hauv ua cia yog tus poj niam uas tau muab khob mis nyuj rau Dov Tawj Yeej Cuam haus. Nws kho tau ib lis piam ces zoo. Thaum tus poj niam ntawd yuav rov mus tsev lawm cov kws tshuaj xa cov nqe kho mob tuaj rau lub tsev ntawd tas nrho. raug $1,500,000. Lawv tau qhia nws li ntawd. Dov Tawj Yeej Cuam xyuas tas nws sau ob peb npe ntawv rau. Tus poj niam ntawd tsis tau luag qhib lub hnab ntawv los saib li. Mus txog tsev nws ua pa loj me ntsis nws maj mam qhib xyuas saib puas muaj tseeb tiag. Muaj tseeb li ntawd tab sis Dov Tawj Yeej cuam sau ntawv tias Koj cov nuj nqes kho koj tus mob them tas lawm.

    C*- Zaj kev Zam kev hlub kawg hauv zaj lus no. Muaj ib tug tub hluas mus kawm ua Dov Tawj. Nws tus Xib Hwb qhia nws nyob pem Nyuj Yov Thiab. Thaum tus hluas no mus kawm nws tus Xib Hwb siab zoo txais nws mus nyob pw noj ib pua tsav yam kom nws kawm tau tiav ua ib tug Dov Tawj Nyob hauv lub nroog Chicago.
    Tus tub hluas no tswv yim zoo nws kawm tau zoo, thiab kawm tiav tas. Hnub tus hluas yuav rov mus tsev nws hais rau nws tus Xib hwb tias Xib Hwb yog hnub twg koj tuaj txog Chicago mas koj qhia kuv paub. Kuv yuav txais tos koj zoo ib yam li koj tau txais kuv nyob hauv koj lub nroog no. Mas koj yuav tsum ua rau kuv paub xwb kuv thiaj li zoo siab.
    Tus Dov tawj uas yog tus hluas ntawd tus Xib Hwb hais tias: Koj yuav ua rau kuv mas xyov puas yuav muaj lub caij ua li lauj! Kuv hais rau koj Zaum no koj twb yog Dov Tawj lawm kom pom kuv ua zoo li cas rau koj mas tsawg tus neeg tuaj vam khom koj ua dab tsis rau lawv mas koj txais lawv zoo li kuv tau txais koj ces koj tau pauj rau kuv lawm mog. Yog koj tos txog hnub kuv tuaj txog hauv koj lub nroog thiab koj lub tsev mas tsam koj tsis muaj hmoo tau ua li koj xav ua tsam ib sim neej kuv tuaj tsis txog ces koj tsis tau pauj rau kuv li. Koj tau ua zoo rau leej twg los koj suav tias yog koj ua rau kuv tas nrho mas koj thiaj hais tau tias koj tau ua rau kuv lawm no mog.

    *-Cov zaj lus no yog xav hais tias Leej Tswv Yim Ntshiab tsis yog ua hauj lwm nrog neeg ua qab Yes Xus mus saum ntuj lawd xwb. Leej Tswv Yim nws twb xub muaj txawm ua ntej thaumTswv Ntuj tsim ntuj tsim teb los lawd.
    -Lub caij Yos Xes nyob Tswv Ntuj nyuam qhuav hu Yawg Has Nplas Has, Has Nplas yug His Xas Has. Ces His Xas has yug Yas Kos. Yos Xes yog Yas Kos tus tub ntxawg xwb, Leej Tswv Yim Ntshiab twb coj neeg ua hauj lwm kom paub Tswv Ntuj kev zam kev hlub puag ntxov ntxov los lawm.
    Tej niam tej txiv rau tej laus txhua tus lawv ua neej nyob muaj hnub nyug ntev mas yog lawv ntshaw kom tau ntsib Leej Tswv Yim Ntshiab saib yug los yus cov tub ki puas yuav ntsib txoj kev zam zoo li no ntag.
    *-Zaj lus no kuj kis los mus rau sab kev saib tsom Looj mem nrog thiab. Kev nrhiav Looj mem, muaj ob yam hais xws li:
    a. Lub caij niam txiv lub cev qaij qaug puv 120 xyoo, Txhob sib cav sib ceg, los txhob sib thuam. Muaj lus tsis zoo txog fab sib cav sib ceg sib thuam, ces neeg mus dawm pob zeb pob ntoos xwb los neeg cia li hais tias yog khaum lawm. Qhov tsis zoo yog qhov ntawd.
    b. Qhov ob no Looj mem zoo mas yog nqes tes ua kiag. Hais tau tsis nqes tes ua ces tseev zoo li, Looj mem yeej tsis sawv li. Zoo li tus nws ntseeg nws pw tos kom Looj mem sawv, mas nws tos peb tiam los yeej tsis sawv li od. Hos tus nws xav tau nws nqes tes ua li nws tau ua npau suav mus ces thawj xyoo tsis xam, xyoo ob xwb nws twb tau lawm. Qhov zoo yog ua li no.
    *- Tej laus tej niam tej txiv mas txhua tus twb xav tau li no, tab sis lawv tsis muaj peev xwm hais qhia rau lawv tej tub ki, ces thiaj poob los rau Hmoob los lus uas hais tias, Leej Txiv nws xaiv ib tug neeg tuaj hais ces thiaj hu nws ua tus txiv xaiv tuaj hais txiv xaiv Foom Kom ntawd Peb thuam tsis nyog Hmoob cov txiv xaiv foom kom no. Cov lus nyob hauv yog ib cov lus nyob hauv Ntawv Faj lem uas hu ua ntawv Ntshiab cog lus qub thiab ntawv ntshiab cog lus tshiab ntawd xwb. Nws tsuas yog hais ua lus Hmoob raws li ntawv ntshiab cog lus qub. Tej no yog niam thiab txiv li kev xav kom tej tub ki txawj ua neej sib hlub sib zam kom txhob muaj xaiv muaj lus kom nyob taus ua pab ua pawg, nyob sib haum npoj, haum lub cuab lub yig xwb.
    Yog peb yuav zam txim rau luag tej mas peb yuav zam tas nrho cov tau ua txhaum rau peb lawd, thiab peb kuj yuav zam rau cov xav kom yus ua txhaum uas yus tsis kam ua es lawv liam txim tuag rau peb tib si, zam li Yos Xes kom dawb paug tsis tseg cia rau leej twg li mas thiaj yog kev zam tseeb.


    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th January 2015, 10:12 am



    Zaj 151- RUAM NTSE SIB NPAUG ZOS.




    *-Ib tug neeg muaj ob yam txawm los nyob ua ke hauv nws; yam li, Ruam thiab Ntse sib npaug zos nyob ua ke nrog ib tug neeg.
    -Vim li cas thiaj hais tau li ntawd?
    Muaj tseeb, Nyob hauv lwm Haiv mas tsis paub. Tab sis ntawm Haiv Hmoob mas pom muaj li hais no, kev Ruam thiab kev Ntse muaj sib npaug zos,50% ,50%.
    Hais los ntawm kuv tus kheej, tus sau zaj lus no los.
    A. Yog koj tsom mus saib sab ntse, mas zoo li ntse kawg nkaws lawm. Nws ntse mus li no:
    -Xyuas rau qhov ntse, tswv yim los thoob tsib, txawj xav tom ntej tom qab, txawj ua neeg xyuam xim paub ntshai poob tsim poob ntsej muag. Nws txawj txais kwv tij phooj ywg,paub tiam dab tiam qhua, txawj coj kom neeg nyeem tsis tau tias, nws yog neeg phem.
    Sab nws nyiam mas nws txawj ua kom teb chaws pom tias nws yog neeg ncaj ncees neeg dawb huv txaus tso siab rau, thiab ua kom luag ntseeg tau nws nyob hauv phiaj neeg siab ntsiab. Suav nws nrog cov neeg tsim txiaj ua neeg paub tab paub cai txawj hwm Ntuj hwm neeg.
    Nws yob hauv cov neeg muaj hmoo uas raug Ntuj nyiam thiab pov hwm nws zoo.
    Rov tsom los rau sab ua neej nyob nrog txij nkawm los tsev neeg, tsoom txheeb ze. Tus yam ntxwv thiab cov lus thoob tsib nws coj mas cuag li yog neeg dawb huv nqes saum ntuj los xwb. Txawj hlub poj niam tub se, txawj coj haum pheej nruab nreab ntug, nws tej lus qhuab ntuas raug neeg siab. Cov neeg muaj neeg pluag los hwm nws ua txheej neeg muaj koob hmoov roos pov hwm tau luag zeej tsoom txheeb ze pem toj nram hav sawv daws.
    B. Tig rov los xyuas sab Ruam, mas Ruam kawg nkaws li thiab. Muaj tej lub caij mas ua neeg tsis paub kev paub cai, tsis txawj hwm neeg, lam hais lus tsuav yog puv ncauj xwb. Tsis paub tias hais lus tub qaug ntuj los tub qaug neeg npaum li cas li lawm.
    Muaj tej zaum hnov tej tus neeg hais lus tsis haum siab mas twb teb tej niag lo lus ua rau luag siav yuav luag tu ua rau luag nres mus lawm tsheej tsam tsis txawj hais lus. Thaum tej lub caij zoo li hais no mas twb cuag li xav txiav txim thiab qhia rau luag tias, koj ces cia li mus ua neej nyob rau dab teb tam sim no mas zoo dua.
    -Hos nyob li sab ua neej nrog poj tub se thiab tsoom txheeb ze mas, ntsia zoo li twb tsis yog neeg, muaj siab muaj ntsws li neeg. Saib lub cev kuj yog cev ntaj ntsug neeg, tab sis siab ntsws xav li tej tsiaj txhu. Zoo li cov tsiaj tuaj pos, thiab tsiaj kub zuag. Nyias khav nyias kub zuag, los khav kaus ntse. Thiab nyias xia nyias zog loj.
    Hlub tsis tau cov neeg txom nyem, Leej twg vam txog mas cuag li yog mus thov kom nws pab ua tus nrau cuam rau luag. Tos yus paub tseeb luag cov lus twb nrov tuaj txog pob ntseg tias yam xwm puas tsuaj no yog yus ua tus pib tuaj.
    -Muaj li hais no mas thiaj sau zaj lus tias, Ruam Ntse sib npaug zos. Thiaj raug li Hmoob lo lus tias:
    -Nkauj txawg los tshuav ib rau,Nkauj txawg yuav vam nkawj txawg niam qhia nkauj txawg lawm niaj mus ib lo,hos tub txawj los tshuav ib txub, tub txawj kuj yuav vam tub txawj txiv qhia tub txawj lawm niaj mus ib npe.


    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th February 2015, 9:17 am



    Zaj 152- NTSEEG LOOJ MEM ZOO.



    *-Zaj hais txog Tim Looj tus Tswv Luaj, Looj Tim tus Tswv Av no. Yog Hmoob Zaj lus ntseeg, thiab haum raug raws li Hmoob siab ntsws, rau phaj neeg yug los nyob ntiaj teb no, ua ntej lub caij Vaj Pov los ua Nom nyob, thiab peb tiam ua qab Vaj Pov tau mus thawj thiab ua dua neeg tshiab lawd. Yuav los poob ze rau cov xyoo 2050, mas Hmoob cov Looj Mem mam li yuav nyob tus me ntsis.
    Yav ntuj thaud uas Haiv Hmoob khiav Suav teb los rau Los Tsuas teb muaj ntau caum xyoo sib law ua ke ntawd. Haiv Hmoob cov niam cov txiv, tej pog tej yawg los tau zoo Looj Mem nyob Los Kuj teb. Haiv Hmoob cov Looj Mem no zoo txaus nkaus lawm. Hmoob los tej pab ua ntej tej pab lawv qab sib raws tsis tau nyias los nyob nyias ib lub xeev. Saw daws los nyob txhua nrho Los Tsuas teb tej toj roob muaj zoo Mem Toj.Ces cov Tim Looj tus zoo Tswv Av, Looj Tim tus zoo Tswv Luaj Luaj no raug Hmoob yuav los ua Hmoob Pog Hmoob Yawg, Hmoob niam Hmoob Txiv cov Looj Mem tas huv sis lawm. Cov Looj Mem no tug zoo xws tug, ces zoo sib xws, muaj zog tib yam.

    Ces thiaj ua rau Hmoob tsis kam Txo hwj Chim. Ces nyias tsa nyias Koom Haum tuav nyias hwj Chim nplawg ntia nyob Mis Kuj teb los Fuaj Kuj teb kom tau ceev cov hwj Chim no tseg. Thiab tau los coj pab coj pawg kom muaj zog, muaj suab muaj npe cia.
    Cov Koom Haum los tej pab pawg neeg no sib do npaum li tej lub teb chaws sib ua rog, ib lub ua rau lwm lub, muaj teeb meem ntxhov pes hnyo, ua rau Hmoob muaj npe nrov cha ntws puv qab ntuj cuag li sawv tej kob tsov rog loj kawg thoob plaws.
    Lub zim txwv uas Lauj Kiab Toom. Tub Npis Lis Foom thiab Vaj Pov lawv sawv ua Nom, mas yog lub zim Txwv zoo.
    Ntshai yuav tsis muaj ib lub zim txwv zoo npaum li ntawd lawm. Vim tias peb tug neeg hais los no lawv sawv ua Nom mas vim lawv tau ua Huab Tais Los Tsuas cov Phooj ywg, thiab ua nws cov thawj Nom Tswv los thawj tub rog tiv thaiv lub teb chaws rau sawv daws kom tau nyob tiaj tus,pub rau poj niam me nyuam tau kev ua noj ua haus nyob vam meej kom raws cuag li Vaij kum teb chaws.
    Ua ntej Peb tug Nom hais no tsis tau sawv los ua Nom mas Haiv Hmoo tseem tsis tau ua neeg Los Tsuas. Haiv Hmoob 50% hais tau tias tseem ua neeg qus nyob Los Tsuas teb.

    Cov Los tsuas lees paub tias Hmoob yog ib haiv neeg tsawg nyob Los Tsuas teb hu ua cov Los Tuas toj siab.
    {= Laos song.} lawv suav txij li lub hnub nyug Vaj Pov los ua Huab Tais Los Tsuas tus thawj tub rog pawg ob:
    { Lwj Txheeb=Nom rau.} los Haiv Hmoob thiaj yog neeg Los Tsuas ib yam li tus Los Tsuas. Txij hnub Vaj Pov ua neeg thoj nam tau tawm mus nyob rau Mis Kuj teb lawm cov Los Tsuas Liab tsis tshuav lees paub tias Hmoob yog tib haiv neeg li lawv. Tseem muaj tsov rog tub sab nyiag sib tua los hais tau tias rog caub chim ua ntu zus los tau 30 caug lub xyoo li thiab. Cov tsov rog no yog cov tsov rog tsis xeeb plaub xeeb ntug rau leej twg, thiaj hu ua tsov rog tub sab los tsov rog caub chim.

    Lo lus tsov rog caub chim thiab tsov rog tub sab no paub tsis tau lub npe thiab pab neeg li:
    Tej zaum twb yog kwv tij rov sib tua, los kev caub chim ntawm ib tug rau ib tug, los ib pab rau ib pab.
    Hos yog yuav txhais lub ntsiab mas yog Nom Tswv ua rau tej pab neeg tsawg. Vim tias yog tub sab los neeg kwv tij sib chim, vim tsis muaj Nom muaj Tswv tswj plaub tu ntug kom nyob thaj yeej, ces yog los ntawm Nom Tswv los tseeb lawm. Tus ua Nom muaj kev txhaum nrog vim nws tsis muab kev haum pheej sib hlub pub rau txhua pab neeg sawv daws.
    Dhau ntawm cov Nom Tswv uas muaj npe hu ua Lauj Kiab Toom, Tub Npis Lis Foom thiab Vaj Pov lawv cov no lawm. Cov qub nom Tswv sawv nrog Vaj Pov tseem muaj lub npe nyob. Lawv yeej yog ib co zoo neeg.

    Lawv cov chaw muaj zog muaj koob meej tseem yog los ntawm lawv tej pog tej yawg tej Looj Mem los ntau xwb. Yog niam txiv tau zoo Looj Mem ces lawv zoo tuaj. Yog tau Zoo Looj mem nyob Los Tsuas teb los. Peb haiv Hmoob tas nrho sawv daws cov Looj Mem. Lub looj Mem twg los zoo sib xws, ces nyias thiaj tsis xav kom nyias muab nyias lub hwj Chim txo. Nyias tseem yuav tuav rawv nyias lub hwj chim no kom sawd daws mus xaus rau qhov tej laus hais tias, ntuj kawg rau xub zeb, hos teb kawg rau xub ntoos lawm. Ntuj ces tag, teb ces kawg lawm. Tej no mas tej laus luag tsuas yog ua paj lug hais los xwb. Lub ntuj yuav tsis paub kawg hos lub teb los yuav tsis txawj tag li. yog neeg kawg xwb: { Yuav muaj raws li ob tug neeg tsis sib haum ces koj teg kuv tuag nti, kuv teg koj tuag ntais, ces yog koj thiab kuv wb tas thiab kawg xwb, lub ntuj tseem nyob, lub teb tseem muaj.}
    Tej haiv neeg muaj kev ntseeg ntau ntau yam li no mas lawv hom muaj tej Dab Xyw sawv tuaj yob.{ Yob= ntxias.}
    Kev ntxias nws tuaj nyob nrog kev phem kev zoo sib npaug zos thiab. Tej kev coj, nrog tej kev ntseeg kev hais lus, muaj yam zoo yam phem sib npaug zos, ib tug tib neeg nws twb muaj ob yam phem zoo, los ruam ntse nyob ua ke. Ua neeg mas nyem no yuav tsum muaj rab teev los rab tsi nrog nraim xwb. Ib tug neeg tsis muaj rab tsi no nrog ces yeej tsis paub tias nws yog neeg ncaj ncees los neeg phem li.

    Cov Saub uas yog cov niam toj txiv toj no sawv nyob puv qab zej hauv zos txhua nrho. Cov Xib Hwb sawv los coj kev ntseeg Ntuj puas, puas pab neeg xwb. Cov neeg ncaj ncees neeg paub tsis tau tias yog leej twg lawm, Tsuas yog Ntuj thiaj li paub tau xwb. Txhua tus puav Leej sawv los hais txog kev txhaum kev khaum xwb. Tej kev ntseeg txog tej Looj Mem, Looj Tim tus zoo Tswv Luaj Tim Looj tus zoo Tswv av no duav tas nrho cov phiaj neeg muaj txuj no tib sis lawm tsuav yog tus hu ua Hmoob, suav cov Xib Hwb, cov ua saub nrog rau Hmoob cov txiv neeb txiv yaig hu sib los rau cov lawv hu lawv ua tub txawj ntxhais ntse, tau dov tawj ub dov tawj no tas nrho. Cov siab ncaj ncees mas neeg paub tsis tau. Tsuas yoh Ntuj tib leeg thiaj li paub tseeb. Vim tias nyob hauv pab twg los yeej muaj cov neeg siab ncaj nrog cov siab phem 50% 50% nyob ua kev.

    Tas nrho cov phiaj neeg hais los no mas ib tug Xib Hwb los ib tug saub yuav tuaj kho mas tsis tau. Kawg nyias kho nyias tus kheej mas thiaj tau. Yus kho yus tas ces yus mus nrog luag. Yuav luag siab yoog raws luag yus ntsuas yus tias tsuav yus tiv tau lawm yog luag ua li no rau yus ne yus puas tiv taus thiab, tsuav yog yus pom tias yus yuav tau lawm,ces yog Qaum ntuj pom zoo lawm thiab, ces tso kev xam khib, kev cib nyeej kev paub luag ua tub qaug pov tseg nyias kho nyias li no ces thiaj li mus haum rau tus Looj Mem Tshiab uas sawv daws koom tau tib lub toj ntxas, tus xub mus los, los mus tom qab nyob pem toj los nram hav los tau tsis muaj kev tub qaug rau cov tseem ua neej nyob lawd mas peb Hmoob thiaj muaj tib tug Looj Mem kav mas mam yuav zoo li tej Mab Sua tau.

    Mas thiaj rov los haum tau li Hmoob lo lus tias, Txwj laug ua txwj vag tsis rhuav. Txwj Vag ua txwj laug tsis thuam. Mam poob los rau lub caij tej laus hais tias tis tswb rau nkauj ces nkauj nrov, tisw tswb rau lau ces cia lau qua. Sawv daws txhob lam qua zom zaws li tej lau qaib qus qua ruag. Qaib qus ib pab ntawd kawg cia tib tug qua meej xwb lwm cov coob kawg, sawv daws qua ruag tas nrho.
    { qua ruag= qua tsis meej qua ruam.}
    Yog ib pab qaib sawv daws qua meej tas nrho ces neeg yuav paub tias qaib qus coob heev sawv daws yuav sib yaum mus tua qaib qus ces ib vuag xwb tsis muaj pes tsawg caij nyoog qaib qus tuag tu noob tas nrho.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th February 2015, 10:29 am



    Zaj 153- LEEJ TIB NEEG LUB MEEJ MOM.




    { Zaj lus no sau los ntsuam, los tsom txog Txiv Neej thiab Poj Niam lub Meej Mom.}
    *-Lub meej mom ntawm ib tug txiv neej los ib tug poj niam, nyog Tswv Ntuj qee los pub rau neeg. Kom xws li Tswv Ntuj lub me ntsis.
    -Txiv neej thiab poj niam lub Meej Mom no, muaj nuj nqes siab thiab loj,los nrog thawj tug txiv neej uas Tswv Ntuj tau xub tsim los. Poj niam lub meej mom Tswv Ntuj tsis tau xeem tsim dua ib lub tshiab. Ntuj rov qee ntawm thawj tus txiv neej los pub rau thawj tug poj niam ib yam li Ntuj Qee Ntuj lub meej mom hwj chim los pub rau thawj tus txiv neej uas nws xub tsim lawd. Kom nyob sib ze thiab sib raug zoo.
    -Thaum Tswv Ntuj tsim thawj tus poj niam Ntuj tsis muab dua ib co av luaj los tsim, Ntuj rho thawj tus txiv neej ib tug txha los tsim, Ntuj tsis xav kom nqaij txawv nqaij txha txawv txha ces poj niam thiab Txiv neej nyias yuav txeeb tias nyias yog tus muaj meej mom zoo tshaj.
    Tswv Yeej paub tseeb lawm tias tab yog muab tus txiv neej faib los xwb los tseem yuav muaj chaws tsis sib haum ntau yam, ces tswv Ntuj xuas ib hom txha thiab ib hom nqaij tsim los kom sib cais tsis tau. Tab twb yog li ntawd los tej tsam poj niam kuj xav hla txiv neej, poj niam tau txiav tej yam tsis nug txiv neej...
    -Txiv neej thiab poj niam tuaj sib ntsib mas ntsia zoo li sib txawv deb me ntsis ntawm kev xav!
    Ntsia txiv neej tuaj mas nws coj hwj chim tuaj thiab kev hlub tuaj ua kev ntshai yog vim Ntuj xub tsim txiv neej ces nws nyob ze Ntuj dua los li cas. Txiv neej nws nyiam kom hwm nws thiab hlub raws li kev tsim nyog.
    -Hos poj niam nws tuaj nrog kev zoo nkauj thiab kev hlub tuaj ua ke. Kev zoo nkauj txuam nrog kev hlub mas ua kom lub siab tawv tsis txaus. Ces thaum poj niam raug kev txom nyem hnyav zog lawm, ces tus muaj zog muab kev hlub los tsuam rau nws kev zoo nkauj hnyav kom hnyav zos, ces poj niam qaug siab rau. Ces thiaj muaj qhov hais tias nws swb lus ces swb cev nrog lawm.
    -Thawj tug poj niam Ntuj qee nws lub cev los ntawm thawj tus txiv neej los,qhov nws swb rau tus Nab tuaj ntxias kom noj lub txiv ntoo coj noob neej mus zwm rau kev mob kev tuag, ces txawm yog swb rau txoj kev zoo nkauj no ntag.
    Yog tus poj niam noj lub txiv nyob nruab nrab lub Vaj ces nws yuav paub ntau yam li Tswv Ntuj, thaum nws paub lawm mas poj niam yuav yog tus zoo nkauj tshaj, ces nws yuav tau zoo tshaj thiab. Nws thiaj tuaj yeem txais noj.
    -Thawj tug txiv neej yog nws tsis xav nrog thawj tus poj niam noj kuj tau. Vim poj niam twb swb lus rau Ntxwj Nyug lawm uas nws txia ua Nab tuaj ntxias kom noj. Nws twb noj tas tus txiv neej mam paub. Tos tus Txiv Neej ho noj vim nqaij yog tib hom txha yog tib tug. Yog tus txiv neej tsis hlub tus poj niam tsis nrog nws noj mas haj yam yuav muaj kev sib tshuam ntau yam loj tshaj hauv txij nkawm kev sib hlub.
    -Ib yam li Hmoob lo lus hais tias neej dab nyob ua ke, dab neeg nyob sis nce, neej dab nyob ua pawg dab neeg nyob sis xyaws. Yog tsis nrog poj niam noj mas poj niam yuav ua txiv neej tus qhev los tu tub tu kiv xwb. Txiv neej yuav hlub poj niam li hlub ib tug tsiaj lawm xwb. Ces tus txiv neej thiaj ua ib siab nrog poj niam ua txhaum yog hwm Ntuj txoj cai tsim neeg los nyoab ua ke. Vim li ntawd mas, Ntuj thiaj mam rov tuaj cawm neeg dua,zaum ob.
    -Nyob hauv dab neeg Hmoob muaj zaj dab neeg poj niam muab txiv neej hu ua txiv dev no tau ib ntus los. Vim poj niam muab txoj kev zoo nkauj, thiab kev hlub no saib loj heev. Poj niam txiav txim siab sai dhau rau qhov nws siab tawv tsis txaus.Thaum poj niam coj ntug{= ua thawj neeg,}Poj niam muaj khib rau cov txiv neej. Cov txiv neej muaj zoo meej mom tswv yim zoo, cov poj niam sib txeeb ib zaug. Cov Txiv neej siab coob poj niam koom siab muab tua kom tuag mus. Thaum tshuav txiv neej tawg tuaj poj niam sis txeeb lawv, ces muab tua kom sawv daws tsis tau txiv yuav,koj plag, lawv los plag, vim koj los nyiam hos lawv los nyiam. Ua li no ib ntus lub caij poj niam tswj ntug ces txiv neej tuag tas.
    -Tshuav tib tug txiv neej uas Poj Ruam muab zais tau rau hauv qhov tsua... Thiaj ua ib lub tsev siab cia nws nyob, cov poj niam tus txog caij xeeb tub mam cia mus ntsib tau. Lub caij ntawd los cov poj niam Hmoob thiaj pib ntoo phuam paj liab los cov txhais hlob tiav nkauj mam ntoo phuam liab. Cov laus cev tsis xeeb tub lawd mam tsis ntoo phuam liab lawm. Zaj no yog tej laus hais tseg thiaj paub piv txoj lus hais ua ntu zus los.
    - Hais txog lub meej mom no Txiv neej yeej muaj tsim txaus los ua thawj neeg, thiab sawv cev nrog Qaum ntuj txiav txim, thiab txhim kho tej yam nyob ntiaj teb no.
    Tsis hais tias poj niam tsis tsim nyog ua. Poj niam yam zoo nkawj cia kom zoo nkauj nyob mus li. Poj niam yeej muaj peev xwm txhawb thiab hwm txhua txoj cai kom ruaj ntseg. Poj niam tsis tau yog tus txiav txim qhov kawg nkaus. Vim poj niam coj txoj kev zoo nkauj nws tsis tau tsim nyog hais lo lus kawg nkaus tias xa mus nyob rau Dab teb.{=muab tua pov tseg.}
    Txij li cov hnub nyoog cov haiv neeg vam meej pub poj niam muaj cai, muaj vaj huam sib luag li txiv neej los tsis ntev. Muaj cov poj niam deev poj niam. Thiab muaj cov txiv neej deev txiv neej.
    Cov neeg siv tus cai no,mas lawv thuam Leej Tswv Yim Ntshiab uas yog Tswv Ntuj tus ntsuj plig lawm.
    Lub caij cov Txiv neej coj ntug, cov Txiv neej kuj tau ua tsis ncaj rau Tswv Ntuj tus ntsuj Plig thiab. Cov mus taug kev ua plees kev yi tsis raws kev ncaj ncees cov neeg khav theeb no puav leej yog cov uas thuam Leej Ntuj Plig.
    Nyob hauv kev ntseeg yog tseem muaj ib co poj niam los ntaus thawj ua thawj neeg siab li cov Leej Choj los siab dua mas kev thuam Leej Ntuj Plig yuav cha loj zuj zus ntxiv mus xwb lauj. Kuv lam xav, cia kuv xav xwb nej txhob xav li kuv xav:
    Kuv xav puas yog tsis yog kuj tsis paub.Cov Xib hwb yuav mus rau ntuj ceeb tsheej ntshai tsuas muaj 50% yog cov coob. Raws li kuv xav mas kuv twb yog ib tug nyob hauv pab thuam Leej Ntuj Plig lawm. Yam tsis muaj los yus muab txua tsuag tsuag rau kom muaj. Tej yam Ntuj tsis tau qhia los yus hais tias yog Ntuj qhia. Tej yam Ntuj qhia coj nyuaj zog los yus hais tias tsis muaj li ntawd. Nyob hauv cov neeg ntseeg mas cov thuam leej Tswv Yim ntshiab mas feem ntau yog cov Xib Hwb, ua cov thuam sab dua. Cov neeg ntseeg mas lawv tsuas thuam rau tej yam lawv thov ua kev sim siab saib Ntuj puas pab xwb.
    -Hais txog lub meej mom no mas lub zim txwv no kev txom nyem nyiaj txiag los ntawm tej lub teb chaws nyiaj muaj nqes hnyav tsis sib xws, txiv neej tso hwj chim nrog kev hlub los mus yuam poj niam. Hos poj niam kuj tso kev hlub nrog kev zoo nkauj ntxias txiv neej. Mas ua rau ob tog muaj kev puas tsuaj sib npaug zos. Yog muaj teev los muaj tsi muab los ua twb zoo luj saum tus tsi mas poj niam yeej txiv neej tshaj li 20%, lawm.
    Vim lub zim txwv no tsis fab twg li:
    Sab kev ua txij nkawm, kev coj ntug, xav tswv yim, hais txog sab ntawm kev tuav cai nrog kev ncaj ncee cov poj niam zoo tseem muaj 70% yog cov hu tau ua poj niam ntshiab huv,tshuav 30% poj niam coj cai tsis tus. Feem ntau yog los ntawm siab tawv tsis txaus, ua neeg swb lus thiab swb cai ces thiaj tau swb cev lawm ces hloov los mus ua neeg poob tsim. Cov yuam kev nyob hauv 30% ntawd 4%Thaum yog neeg poob tsim lawm cov txiv neej nyiam mus raws qab so taw rau.
    Hos ntawm sab txiv neej ua tsis ncaj ncees muaj li 20% nyob hauv 20% tsis ncaj ncees ntawd, muaj cov yuam kev li 5% uas yog neeg ruam xav tau xu deb zog lawm, Hmoob lo lus tias xav luaj nyug xu luaj ntug no, ces yog cov neeg zoo li ntawd ntag.
    Yog hais qhob ncaj tiag mas nyob hauv 70% pij niam zoo los 80% txiv neej zoo ntawd. Yog muaj yeeb yaj kiab los tsom mas pab poj niam dawb huv dua pab txiv neej.
    Vim txiv neej ua neej nyob nrog hwj chim ces Txiv neej tsis nco qab txog nws lub meej mom tsiam txiaj ntawd, nws tso siab tso qis rau neeg pom ntau zaus.
    Tej no puav leej yog nyob nrog zaj txuj ci uas ntsuam txog txiv neej thiab poj niam lub meej mom hais los no.
    Hnov hais zaj lus no tas mas peb paub tias vim li cas muaj cov Koom Haum kev ntseeg no tshaj txoj kev ncaj ncees coob tas npaum no, los neeg tseem ua kev khaum kev txhaum ntau ua luaj no thiab.
    Los tseem ntxiv rau cov niam toj txiv toj no sawv los ua saub ntuas qab zej hauv zos no coob npaum no thiab. Puav leej tuaj hais tib co kev khaum kev txaum kom sawv daws yeej meem hloov siab kho mus raws li kev ncaj ncees xwb, tsam ntuj kawg teb tag muaj kev txom nyem tuaj rub leej tib neeg cov ntsuj plig mus ua neej nyob ntuj tawg, tsis tau kev mus tghawj thiab.


    Yaj Zoov Ntxhe Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th February 2015, 10:24 am


    Zaj 154-HMOOB KEV TEEV HAWM.


    *-Lo lus hais tias, Hmoob kev teev hawm no muaj ob theem:
    a-Hmoob kev teev hawm yog cia rau Haiv.
    b-Hmoob dab qhuas yog yam cia rau ib tug los cia rau ib pab los, cia rau ib lub xeem.
    A*-Yuav txhais tawm los kom paub thiab sib cais nyias yog nyais yam tsis sib thooj.
    a-Kev teev hawm yog haiv li los ntiaj teb leej tib neeg sawv daws li. Nws yog tej yam xws li nram no:
    *Kev kho mob tuav tseev rau lub cev nqaij los sab ntsuj plig, kom tau nyob zoo, txawm yog cov neeg ciaj thiab tuag mus mas tau mus rau qhov zoo xwb. Tej no yog tej yam loj koom tau nrog luag lwm pab lwm pawg nyob mus los tau. Nws muaj peb yam loj:
    a.Kev kho mob, zoo li ua neeb hu plig.Cov neeg ntseeg Ntuj lawv ua lawv cov kab ke thov ntuj.
    Hmoob yuav ua neeb saib los kho cov Mab Sua tus uas nws yuav yog tawv dawb, tawv daj, tawv dub los kom pab tau lawv sib xws, hais tias ua neeb mus quas tus ntsuj plig kom los puab cev kom nws tau noj qab nyob zoo. Tej yam no lub tswv yim mas yog tuaj saum ntuj tuaj xwb kom ua tau li nws kev tso siab. Qhov zoo ua kom muaj ib lub tsev ua neeb rau cov ua neeb, kom txhob tab kaum sawv daws tuaj saib neeb. Kom tus tiv neeb nws muaj nws xab fab tim xyoob. nws muaj nws hwj sawv, nws muaj nws tub pe neeb. Txiv neeb nws siv nws xyab ntawv. Nws thiaj paub tias nws yuav thaj neeb saib los ua neeb kho txog theem twg. Xws li cov ntseeg ntuj lawv muaj lawv lub tsev teev hawm.
    Tus thov nws tsuas npaj nyiaj txiag tsiaj txhu tuaj rau Txiv neeb xwb. Nws coj tuaj txog nws nyob nws nws dawb do, Cov tub ntsoj tub ntsuag poj ntsuam lawv thiaj ua taus neeb. Lawv tsuas koom siabntsws t5swv yim xwb.
    b.txoj kev ua tshoob ua kos muab tej tub ntxhais los sib txis ua txij ua nkawm. Ib xeem mus yuav ib xem. Los sis ib haiv mus yuav lwm haiv kom sib yuav tau, cog kev neej kev tsav kev txheeb kev ze ua ke tau. Txoj kev sib txis ua txij ua nkawm yog Tswv Ntuj zaj txuj ci. Nws tsis yog neeg li tej niam txiv thiaj txwv tsis tau tej tub tej ntxhais kom tsis txhob sib yuav. Cov paub tab yuav pab kom ob tog siv yuav tsheej nyob hauv Ntuj kev sib hlub los sib cog ua txij ua nkawm kom tsheej kiab Cov haiv neeg tsawg lawv muaj zoo Tswv Yim txuj ci, lawv yuav mus kawm luag txuj hais luag lus noj luag qav ua luag thawj neeg yog tsis mus yuav luag ua tsis tau li lub siab nyiam thiab ntshaw, mas yuav tsum mus li ntawv xwb. Dej twb sib tov tau, neeg yeej yuav sib txuam tau xwb.
    -Txoj kab tshoob kev kos no yog ib txoj kev teev hawm loj ncau ntawm Qaum Ntuj los tib yam li kev teev hawm dab qhuas los kev ploj tuag. Vim muaj qab hau rau qhov ua tau kom neeg xeeb tau los, nws thi8aj tseem ceeb li kev teev hawj.
    c.Kev ib siab ob qig, Hmoob hais tias kev ploj tuag Kuj yog theem siab hauv kev ntseeg dhau los mus ua kev teev hawm. Qhov tseeb yog cov niam cov txiv los rau cov pog yawg lawv hla los mus nyob saum txoj kev teev hawm no. Vim muaj cov dab qhuas sib txuam ntau ntau nyob rau hauv:
    Cov lus ntseeg tias tuag mus cuag poj cuag yawm, tuag mus thawj thiab dua ua tib neeg zoo, los ua tib neeg phem. Los mus thawj ua tsiaj ua txhuv ua kab ua noog.
    -Muaj li xav no. Thaum ua neej nyob ua zoo yav tom ntej kuj yuav tau mus rau qhov zoo, nws ua phem yav tom ntej kuj yuav tau phem txoj kev mus thawj thiab yog hais rau lub neej tom ntej ntau xwb ua neej nyob nws ua zoo Ntuj kuj cia nws tau zoo, nws ua phem yog nws xaiv nws. Hmoob lo lus thawj thiab no yeej yog ib lo lus duav tau zoo lawm.
    -Qhov mus thawj thiab tsis muaj neeg paub tau tsuas yog lo lus hais tau xwb. Qaum Ntuj thiaj paub tau. Nyob hauv Yes Xus lub Moo Zoo yeej hais txog hauv kev ua txhaum. Tus ua Zoo yuav tau zoo, tus ua phem nws yuav tau qhov phem. Tseeb lawm.
    -Txoj kev ploj tuag no yog kev teev hawm los ntawm haiv los:
    Vim li no lub xeem Hmoob twg los sawv daws koom tau tib tug txiv Quab ke, koom tau tib tug txiv qeej, koom tau tib tug txiv nruas, los tib tug txiv nkauj, los txiv xaiv foom kom. Txhua yam lus zoo nyob hauv Hmoob lub ntees ploj tuag no nyon hauv Yes Xus lub Moo Zoo muaj ntau yam zoo sib xws.
    -Cov txheej lus no tsim nyog kom cov kws txuj haiv neeg, los cov kws txuj tej pab tej pawg, los cov kws txuj hauv cov xeem,los sib cog kho kom zoo nkauj tau thiab ua cov kab ke no luv li luv tau, txhob siv nyiaj txiag los tsiaj txhu ntau dhau, ua rau cov tub ntsoj tub ntsuag, thiab cov xeem tsawg kwv tsawg tij nta tsis taus tej thaj neeb kho mob nkeeg, lub ntees tshoob ntawm tub pluag neeg. Nrog lub nteeg ploj ua neej tuaj hauv lub qab tsag.
    =Cov Neej Ntseeg Ntuj phim lawv yuav tuaj nyob nruab nrab txhawb nqa mus rau txoj kev thaj yeeb kom nyob haum pheej txhob tuaj nyob ua rau dawm luag taw kom luag mus tsis taus nto saum lub tsag.
    B*Hais txog ntawm tus dab. Nyuj dab, npua Tai, Dab Roog , Xwm Kab tsis sib thooj muaj tus dab tsawg dab ntau los. Yog cov dab qhua ntawm nws tus kheej. Ntawm lub xeem los ntawm pab pawg neeg. Cov xav yug cia dai hauv tsev los tau. Cov koom pem tsev dab qhuas xwb los tau Cov neeg ua neej tuaj lub qab tsag. Los cov tsawg kwv tsawg tij, thaum tsis paub dab lawm mus kom cov txiv muam ua pem tsev dab los tau. Txawm teev tiam qhov twg los yog dab zoo ces yeej pov hwm tau sawv daws tas nrho.
    *-Zaj lus kuv hais no mas kuv tsuas xav hais kom txhua pab pawg neeg tsis hais cov coj kev ntseeg yam twg li. Txhua yam kev ntseeg yeej tuaj saum ntuj tuaj xwb, txoj twg los yeej Muaj Tswv Ntuj los Vaj Tswv nyob 50% 70% sab kev ncaj ncees Ntuj thiaj pov hwm sawv daws muaj kev noj qab nyob zoo.
    Ib yam ntxiv cov txiv muam txhob txua ib co dab tshiab uas tsis muaj npe rau Hmoob teev hawm.
    -Kuv rov hais dua ib zaug ntxiv.
    Hmoob cov Dab Muaj peb yam:
    a-Pab ib yog cov dab zoo.
    b-Pab ob yog cov Dab uas Hmoob Tsis Paub.
    c-Pab peb yog Ntxwj Nyoog cov dab lawv yog cov dab phem Ntiaj teb neeg txhua haiv puav leej tsis nyiam tus dab no.


    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd February 2015, 9:40 am


    Zaj 155- NEEJ DAB NYOBV UA KE.



    Zaj lus tias, neej dab nyob ua ke, dab neeg nyob sis nce. Neej dab nyob ua pawg, dab neeg nyob sis xyaws no.
    Lub tswv yim thiab zaj lus xav mas muaj lub ntshiab thiab zaj lus piav ntau kawg:
    Txij li lub zim txwv uas tsoom Hmoob tau ua neeg thoj nam tau ri mus nyob ntau lub teb chaws, ces txawm muaj tej teeb meem neej dab nyob ua pawg, dab neeg nyoab sis xyaws los ntau zuj zus lawm.
    Cuag li ib tug mob aws kis neeg los raug peb haiv Hmoob. Kuv yog Hmoob kuv pom haiv neeg Hmoob xwb. Tab sis nyob hauv Mab Sua los tib yam thoob plaws neeg ntiaj teb no.
    Nws yog ib lub tswv yim tuaj ntawm tus phem tuaj! Tus phem no nws xav tsim kev ua tsov rog rau Ntuj, tab tsis nws tsis muaj cai ua. Ces nws ntxias Qaum Ntuj tej me nyuam los sib tawm tsam kom lub ntiaj teb neeg cov ntsuj plig tau tuag nyob hauv txoj kev ua txhaum kom ntiaj teb neeg muaj ntau txhiab vam tus ntsuj plig tau ncaim ntawm Tswv Ntuj mus nrog tus phem nyob.
    Hmoob lo lus hais tias Ntuj mas yog ib lo lus loj tas nrho thiab muaj hwj chim, muaj koob meej, muaj txuj ci siab kawg nkaws li, duav tas nrho cov npe li yuav hais no:
    Qaum Ntuj, Ntuj Niam Ntuj Txiv, Thawj cov npe neeg ntiaj teb xub hu yog cov no.
    Txuas los mus neeg ntiaj teb hu dua li no thiab:
    Hu ua tus Dab xeeb teb Xeeb chaw, los Dab Tim Tswv teb Tim Tswv chaw.
    Txij li thaum Tswv Ntuj hu tus yawg Koob Has Nplas Has los mas Ntuj qhia kom neeg ntiaj teb hu ua Huab Tais Ntuj no lawm. Nyob hauv tej ntaub ntawv thiaj tau sau tias Has Nplas tus Huab Tais los His Xas Has thiab Yas Kos tus Huab Tais Tswv Ntuj. Lub Koom Txoos Ka Tau Liv kuj hu ua Huab Tais Ntuj los Tswv Ntuj no.
    Los ze ntawm xyoo 500, los 1000 xyoo tom qab no lawm Lub Koom Txoos ntseeg Yes Xus lub Moo Zoo tsis muab siab rau mloog Leej Ntuj Plig qhia, ces muaj ntau pab neeg sib ncaim, ces neeg ntiaj teb no tau ntxiv dua tej lub npe rau hu ua:
    Vaj Tswv Los Yawm Saub no rau ntxiv lawm thiab. Txij li thaum Ntuj tsim teb raug los cov npe uas neeg ntiaj teb no tau tis rau tus tsim lub ntuj lub teb no, cov npe no los tsis muaj ib lub yuav yog npe phem li,thiab uas yuav tsis haum rau tus tsim ntuj tsim teb, tsim neeg thiab tsim tas puas tsav yam los.
    Thaum pom tas nrho cov npe no nyob ua kev hauv ib Haiv neeg lawm mas paub tau kiag lawm tias sawv daws yog Ntuj me nyuam tas nrho huv tib si lawm. Ua li mas qhov zoo tshaj yog neeg ntiaj teb txhua tus yuav nrhiav kev sib hlub rau neeg nyob hauv Kev hwm kev nyiam raws li Qaum Ntuj ua Nws yog tus nyiam tas nrho lub ntiaj teb neeg.
    Lub ntsiab lus xav hais qhov tseem ceeb nyob hauv zaj lus no tias neej dab nyob ua ke, dab neeg nyob sis nce. Neej dab nyob ua pawg dab neeg nyob sis xyaws no.
    Txiaj li xyoo 2000 los rau lub zim txwv no thiab mus rau yav tom ntej uas yuav muaj ntau zuj zus ntxiv, hauv leej neeg kev coj tus yam ntxwv thiab kev xav, lub tswv yim yuav mus ntxiv:
    Leej Tswv Yim Ntshiab, uas yog Leej Ntuj Plig li sawv daws paub, Nws tau qhias kev thoob tsib rau tej tus neeg kom muaj tswv yim zoo txawj hais lus txawj qhuab qhia neeg ntiaj teb los rau sab kev Vam meej muaj nuj nqes tseem ceeb kawg nkaws thiab kom zoo tas nrho.
    Tus phem nws kuj cob tej tus tib neeg mus yiag tej tswv yim thoob tsib no los ntxeev ua lus phem kom tau muab ntiaj teb leej tib neeg los sis tiv kom neeg faib ua ntau pab ntau pawg ib leeg tawm tsam rau ib leeg kom lub ntiaj teb muaj kev cov nyom tsis sib hawm muaj nyob thoob plaws rau lub qab ntuj no.
    Yam li cov yuav hais muaj los rau nram no:
    a. Nyob hauv kev ua txij nkawm.
    b. Hauv kev kwv tij sib txheeb ze.
    c. Hauv kev tswj teb kav chaw ua nom ua tswv.
    e. Hauv kev ntseeg coj leej neeg tej ntsuj plig kom ua ntsuj plig dawb huv. Thc...
    A. Nyob hauv kev txij nkawm tus phem tuaj yob kom poj niam Txiv neej ua neeg xyob thiaj sib npaug zos.
    Tej txiv neej laus lawm los tsis txawj laus li yav thaud, es ua neeg txwj nyob ntxoov zej, ua neeg laus nyob ntxoov zos. Laus nplooj los tsis laus kav. Kawm kev vam neej kawm tsis nto ntsis, kawm yuam kev rau sab tsis tuav lub hwj chim los ua neeg. Kawm kev vam meej tig rau sab ua tsiaj ua txhuv dev tseem paub cai dua neeg lawm. Sib dag rau ees thes nev, thiab khoos phiv dawm tias:
    Tseem ua NRAUG XWB, NKAUJ XWB nyob,tab sis tub twb luaj txiv, ntxhais twb luaj niam lawm. Niam xia niam zoo nkauj nrhiav txiv zoo nraug. Hos txiv xia txiv zoo nraug nrhiav niam mos niam yau. Ua mus txog qhov tsis tsheej cuab ntseg yim tsis muaj vag muaj tsev nyob, yog tsis tshuav zoo kwv zoo tij mas qab choj twb ntim tsis tas cov nkauj feb nraug fav no li. Ua rau me tub me nyuam tub ntxhais poob hwj chim koob meej tas nrho, muaj npe hu ua tub quav yeeb ntxhais quav tshuaj, ntxais quav dej,tub quav cawv, nyob tsis muaj chaw.
    Cov txij nkawm no lawv tau tsim tej kob tsov rog loj kawg nkaws, vim tias lawv ua rog tua lub cev nrog tus ntsuj plig tib si thiaj hais tias yog tej kob tsov rog loj no.
    B. Ntawm kev ua Kwv ua tij muaj puv nkaus los rau kev txheeb kev ze, kev neej kev tsav tas nrho tib si muab los sib pleev koj los dub, kuv los phem tas tib si thiab.
    Tus Phem txav los nyob ti ti sawv daws, kom sib txeeb lub meej mom ua thawj neeg. Tus twg los xav ua tus hlob rau luag hwm thiab ua neeg khav theeb tias yus yog tus paub tshaj. Tij hais kwv tsis mloog kwv hais tij tsis tau. Kev neej kev tsav muaj lus sib cib nyeej tuaj nruab siab. Tos tsis hnyoo tej lo lu hais tsis meej los tsis tseeb xwb twb khaws cia ua kev cib nyeej rau lawm zaus lawm. Kev Neej kav tsav hnov cua tshuab lus tuaj txog tsis mloog. Los tsis nug tus ko lus li, khaws nkaus cia ua kev xam khib hais tawm plaws tuaj rau luag hnov thiab mloog, dev nyooj xwb los twv hais tias dev tom lawm. Poj qaib tsauj xwb los twb hais tias yog lau qaib qua lawm. Tej ncauj lus hnov tau tsis tseeb twb ua ua rau neeg siab ntsws nyob tsis tiaj tus muaj xaiv lus npau to, vim lub meej mom khav theeb neeg ruam mus tsab ntse, no coj neeg ua puas xwm.
    Nws kis mus puav toj puv pes li yam li:
    Niam siab dav los txiv siab nqaim ua neeg nplaum qia qia dub.Tej tij ua neeg siab ncaj los tej kwv ua neeg txawj txawj xam khib. Tej niam txiv siab dawb los tej tub ki lim lim hiam thab thab plaub rau qhov txhia chaw.
    Ob kwv tij ib tug siab zoo los ib tug muaj muaj kev tub qaug rau luag zam tsis taus rau leej twg li.
    Tej niam txiv, ua neeg muaj hmoo, los tej tub ki ua neeg phob nyiaj. Ib tug nplua nuj los tug ua neeg xyob txhiaj nyob ua kev ces tsis sib haum li.
    Ib tug txawj hais lus los ib tug ua neeg khav theeb thuam neeg yam tsis saib qab hau li.
    C. Cov kawm tau ua NOM ua TSWV los sib txeeb hwj chim sib cav sib ceg tsim plaub ntug coj kwv tij ua pab ua pawg ua neeg sib ntxub. Tsis sib sau tswv yim los sib txhawb, sib tw nthuav tswv yim los sib thuam saib leej twg muaj peev xwm xyav luag npe loj dua. Ua rau muaj tsov rog nrog nom tswv thoob plaws yus teb chaws. Coj mus kis rau lwm teb chaws thiab ua rau teb chaws phooj ywg tsis muaj kev sib tso siab,tsis sib hlub, sib raug li uas yog Qaum Ntuj me nyuam lawm. Sawv daws ua yeeb ncuab cuag li ib pab yog neej hos ib pab yog dab li lawm ua kom nqaij ntuag ntshav nrog tsim tsov rog. Yeem tsis yeem los hniav ntaj hniav riam thiab ntsis phom yuam kom mus ua dab nyob rau dab teb li.
    D.Nyob hauv kev ntseeg.
    a-Hmoob cov dab qhuas yog tib hom los hais tias txawv, koom tsis tau ua dab ua ke. Dab tsis nyiam ces Dab tsis yuav.
    Hmoob muaj 18 lub xeem ces twb tshaj 18 hom dab lawm thiab.
    b-Sawv daws ntseeg tib tug Tswv Ntuj xwb los nyias muaj nias nyias npe cuag li nyias tus thiaj yog tus tseeb rau nyias, thiab muaj hwj huam hwj chim loj dua lwm tus. Yog nej xav kom peb tus pab nej mas nej yuav tuaj ua peb li Mamber thiaj li tseeb thiab leej.
    c- Lub npe hais tias ntseeg Tib tug Tswv Ntuj tsim lub ntuj lub teb no twb muaj tshaj li 300 tawm lub npe, yuav txog 400 lub lawm. Lawv yog cov ntseeg Huab Tais Ntuj, vaj Tswv Yawm Saub.
    d- Cov ntseeg Saub qub Saub tshiab kuj muaj ntau hom Saub tib yam li ntawd thiab:
    -Cov Saub tuaj Leej Tws Yim tuaj, ua yog Tswv Ntuj Tswv teb txib lawvua Saub.
    -Cov saub tuaj ntawm, yawm Ntxwg, Yawm Xob, Yawj Zaj tuaj, kuj muaj.
    - Cov Saub tuaj ntawm tej Poj koob Yawm Koob tuaj uas yog Hmoob cov pog cov yawg txij li thaum Ntuj tsim teb raug los lawv xa tuaj, los muaj.
    E. Qhov kawg no Txhua yam yeej yog Tus Xeeb teb xeeb chaw tso tuaj. Tos ua cas ho hais tau li no:
    -Txhua yam tuaj yog tuaj zoo xwb. Vim muaj tus phem nyob ntiaj teb no ces tus phem no pom tias yam twg los tuaj pab neeg ntiaj teb hloov siab hloov ntsws kom txhob los ua kev khaum kev txhaum, cov txuj ci no tuaj zoo npaum no ces neeg ntiaj teb yuav tau nce mus txog Ntuj Ceeb tsheej tas nrho lawm lauj. Ces tus phem tuaj loo ib sab muab tswv yim rau neeg kom tej txij nkawm niam txiv kom sib tiv kom mus tsis taus.
    -Tej kwv tij los kom kwv tiv leej ua tij, nkauj muam nraug nws sib tiv ua xaiv ua lus kom muaj chaw sib ntxub thiaj muaj chaws sib ncaim, ces kom nyias taug nyias txoj.
    -Tej Nom Tswv los sis txeeb hwj chium nyiaj txiag kom muaj xaiv lus thiab muaj tsov rog ua rau neeg txom nyem neeg thiaj ntshaw mus sib tua kom tuag hauv kev ua txhaum.
    -Txoj kev ntseeg los ua kom tej pab neeg ntseeg hais tsis sib haum kom neeg ntseeg sib txawv txog tus tsim lub ntuj lub teb, Kom neeg xav tias muaj ntau tus tsim lub ntuj lub teb. Ib haiv neeg nyias muaj nyias tusTswv Ntuj.
    Lub tswv yim no tuaj ntawm tus phem tuaj qhia tias neeg ntiaj teb txoj kev sib ncaim sib tawg ua rau neeg tsis sib haum neeg thiab kom neeg tsis muaj kev tso siab zoo rau tus tseem ceeb uas yog tus tsim lub ntuj lub teb kom neeg nyob ua ywj fab ywj fwj kom tau thuam tus tsim ntuj tsim teb thiab tim neeg los.
    Muaj txhua yam li no mas qhov tseeb tiag thiaj hais tau nyob hauv txhua fab neeg kev mob nkeeg, kev tu siab, txoj kev uas raug dab ua rau neeg muaj mob muaj nkeeg ntawd, yog xav hais kom meej thiab tseeb dua li yog tiag, mas tsis yog rau dab mob. Yog rau neej thiaj mob. Vim tus muaj zog tus nplua nuj tus muaj hwj chim no nws xub cem, xub thuam, xub hem, xub tsawm ua ntej rau tus tsis muaj zog uas nws txom nyem nws tau ntshai, tau txaj muag, tau poob tsim lawm nws mas muaj kev tu siab ces nws mus dawm nws pob ntoos xwb los nws ntseeg tias nws raug khaum lawm ces mam muaj mob muaj nkeeg tom qab cov txiv muam mam hais ntxiv tias raug dab lawm...
    Qhov tseeb yog xub rau neej ua ntej mas raug dab. Los lus Hmoob hais no yeej raug lawm thiab, vim tus phem xub tuaj tshoj neeg siab ua ntej kom neeg coj thiab siv tas txhua yam tau hais los saum no los lawd, ces yeej yog lawm thiab. Tus phem no ces yog dab. Dab tsis ntxias ces neeg kuj tsis txawj tsis paub ua tas txua yam li tau piav no.
    Hais los mas cov neeg hais tias sis nyiam sis hlub no lawv ua tsov rog ntau thiab loj dua cov tsov rog ib haiv neeg mus ua rog xuas phom sib tua tuag ntawd.
    Nyob hauv cov neeg muaj mob nkeeg tuag hauv tej txij nkawm los tej kwv tij uas hmoob hais tias dab tom tuag no puav leej yog raug cov tsov rog tua lub cev thiab tus ntsuj plig kom tuag losntawm neeg kev hlub tsis tom thawj los ces mam muab liam tias raug dab tom tuag. ces mas nyob mus ciaj ua dab.
    Zaj lus kuv sau no yuav yog cov neeg txawj txhais thiaj to taub. Yog tsis txawj txhais zaj lus kuv sau no mas nws yuav xav tias hom neeg sau tej zaj thiab xav lub tswv yim li sau no yog neeg vwm sau tsis muaj qab tsis muaj hau nyeem tsis paub txhais tsis tau. Cov sib hlub no ua rog rau sab ntsuj plig 50 %. Hos cov ua tej kob tsov rog teb chaws rau teb chaws mas tuaj raug sab ntsuj plig nyuam qhuav yog li 0,50% xwb. Vim li cas thiaj suav cov muaj kev sib hlub nce siab txog 50% li no. Vim kev sib hlub, nws hlub tsis kawg ntsis ces ua rau neeg muaj kev tus siab mam muaj mob muaj tuag kev tus siab tu saus, suav tej no los ces nws thiaj nce siab txog li hais no.

    Yaj Zoov Ntxheb X.H.






    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st March 2015, 7:29 am



    Zaj 156- COV NTAWV NTSHIAB COG LUS QUB YOG TSWV NTUJ TEJ KEV THAJ YEEB KEV NCAJ NCEES LOS SIB NRES.





    *-Cov ntawv no zoo muab los nyeem thiab txais Ntuj lus:
    Zoo li thaum yus xav nrog Tswv Ntuj tham ib leeg ua ke xwb mas yus siv ntawv Ntshiab cog lus qub thiab cog lus tshiab no los nrog Tswv Ntuj sib txuas lus mas yog tej yam zoo.Thaum koj ua li no mas tsis yog koj tib leeg xwb.  Muaj ib co neeg siab ntshiab uas lawv xub paub Tswv Ntuj los ua ntej lawm, lawv nrog koj nyob, ces koj txawj tham nrog Tswv Ntuj.
    Zoo li zaj ntawv nthiab cog lus qub ua Mais Xes Nrog Tswv Ntuj tham nyob hauv nkauj paj nruag 55,56 ntawd hais tias:
    - Tswv Ntuj thov koj kev thaj yeeb, kev ncaj ncees, thiab kev tseeb los sib ntsib sib qaws nyob ntiaj teb.  Kom lub sim ceeb no rov zoo nkauj cuag li thaum koj nyuam qhuav tsis tau tshiab  tshiab thawj hnub ntawd.
    - Huab Tais siab zoo thiab txawj zam neeg cov txhaum. Koj ua kom kuv yog koj tus tub txib siab kaj tuaj. Vim kuv ua neeg ruam dhau lawm. Koj ua siab ntev mloog kuv mog.  Koj teb kuv cov lus thaum kuv nyob hauv txoj kev txom nyem.  Huab Tais kuv xav kom tas nrho tsoom kuj cuab tuaj pe thiab cav txog koj lub koob meej uas yog Tswv Ntuj.
    - Kom tas lub qab ntuj neeg mus raws nraim koj txoj kev tseem ceeb.  Kuv ua koj tsaug, Kuv yuav cav txog koj lub koob meej mus ib txhiab ib txhis.  Vim koj tau hlub kuv loj tas nrho. Koj tsis npau taws rau kuv thiab lwm tus neeg tuaj ua neej nyob ntiaj teb no.
    - Tswv Ntuj koj tau ua kom ib tug neeg tawm ntawm Has Nplas los. Tas zeej tsoom neeg nyob ntiaj teb no nrog Tswv Ntuj saib nws zoo. Tas tsoom neeg nyob ntiaj teb no nrog Tswv Ntuj nyiam nws. Tas tsoom sid tuav txog nws lub npe, leej twg kuj cav txog nws. Vim Tswv Ntuj tau pub ib lub hwj chim loj cuag li tsoom tshiab nyob saum ntuj rau nws. Yog Mais Xes.
    Cov lus ua Tswv Ntuj pub rau Mais Xes txawj ua kom lwm tus neeg muaj hwj huam uas tsis yog nqes saum ntuj los txawj yaj mus.
    Tswv Ntuj koj tau ua kom Mais Xes muaj koob meej dua cov xub ua vaj thaum ub.  Tsuas yog Mais Xes thiaj tau hnov Tswv Ntuj lub suab thiab lub hwj Huam, nyob hauv cov huab tsaus ntuj nti ntawd.
    Neeg ntiaj teb tsa tej tus Vaj, los cov mlom uas lawv muab nyiaj thiab kub nchuav los ua lawv tus huab tais mas ntseeg tsis tau. Vim tsis muaj ib lub hwj chim nqes saum ntuj los nyob hauv li. Thiab tsis yog Tswv Ntuj muaj txoj sia, hu tsis tau ua Huab Tais. Tej yam ntawd tawm ntawm neeg txhais tes los xwb mas muab piv tsis tau, rau neeg cov poj nyawm txwv koob, cov mloom neeg tsa no me kawgb tiag li.
    Cov duab thiab cov cim nyob hauv cov Ntawv Ntshiab kuj tsis yog Huab Tais. Cov no yog ib co cim los ib co duab zoo li ib co ntawv sau cim ub cim no tseg xwb. Peb hwm los peb coj zoo li tej phau ntawv qhia txuj tshaj lus tawm tias kom yus tau nco tseg li nco ib co lus nyob hauv ntawv kom meej thiab tseeb, uas txhob hais thiab ua yuam kev. Ntawm cov duab ntawd tsuas yog kev coj siab xwb. Koj ceev nrog koj, koj hwm tsis ua cas li. Vim hwm daim duab txawv li teev daim duab, los teev cov mlom. Tsuas yog ib txoj kev nco txog ib lub txiaj ntsim nqes saum ntuj los kom yus nco tau xwb. Txhob ntseeg tias nws hloov tau Tswv Ntuj.          

    Yaj Zoov Ntxheb.X.H.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th March 2015, 8:38 am



    Zaj 157- LEEJ TIB NEEG YOG TSAV TSIM TXIAJ TSHAJ.




    Neeg yog ib tsav zoo tshaj tsiaj txhu thiab txhua yam uas Ntuj tsim los nyob ntiaj teb no.
    Tas txhua Haiv neeg nyob hauv lub qab ntuj khwb no  tsuas cav tias Pov haum kob pob zeb dub, los kob pob zeb liab thiab xiav, muaj nqes.  Thiab nyiaj kub yog tej yam muaj nuj nqes siab.
    Tab sis tseem muaj nqes tsis tau cuag li ib tug leej tib neeg.
    Zaj lus no yog tsom hauv ib tug neeg lub tswv yim nrog tas nrho yam muaj txawm hauv ib tug leej tib neeg los nrog nws zaj xav txhij txhua ua ke tawm los, mam li tau zaj lus no los saib
    Xam txog tej pov haum, tej nyiaj tej kub uas ib tug neeg nws nhiav los khwv tas ib sim neej kom muaj txhij muaj txhua, mas yog khwv los kom tau ua rau ib tug neeg los ib pab neeg zoo siab xwb.
    Yog koj muaj ib tug neeg los ib pab neeg tias yog koj tus los koj pab mas koj zoo siab hlo khwv. Yam tsis nco sab los tsis nco nkees li.
    Tsis muaj lwm yam uas yuav hais tau tias zoo tshaj neeg lawm.
    Neeg yog yam zoo tshaj,muaj nqes tshaj, muaj hwj xyeej tshaj tib si lawm. Tus koj nyiam los yog NEEG, hos tus koj ntxub los kuj yog NEEG thiab.  Tus Koj Zoo siab tshaj rau los yog NEEG, hos tus koj tu siab kawg nkaus rau los yog NEEG, tus koj ntshai tshaj los kuj yog NEEG thiab.
    Ib tug txiv neej zoo nraug, nws kuj yog ib tsob tshuaj txhaum.  Hos ib tug poj niam zoo nkauj nws kuj yog hom tshuaj lom neeg kom ruam ua ntej, mam li lom neeg tuag tom qab. Txwm lus no yog lus txhaij txhais, tus txawj txhais nws yuav txhais tau ua yam zoo rau nws. Hos tus tsis txawj txhais ces nws yuav txhais tau ib yam phem rau nws thiab.
    Tus koj xav khiav mus kom deb tshaj kuj yog neeg. Hos tus koj xav nyob ze tshaj los kuj yog neeg thiab.
    Tsis muaj lwm hom los lwm tus  xws li neeg txawj muab neeg txua kom zoo li li neeg los zoo dua neeg. Tsuas kawg yog neeg muab lwm yam los txua kom xws li neeg los xws li tej hom tsiaj txhu los saib ces ua kom muaj tes taw sib xws xwb.
    Hos hais txog Leej tib neeg mas nws cia li xeeb los zoo li no lawm. Tsuas hais tau raws li  ntawv faj lem qhia los tias yog Ntuj tsim los no xwb.
    Zaum no pom zoo li no lawm mas yuav tau hwm yus tus kheej kom zoo tsim nyog. Tias yog ib tug leej tib neeg muaj nuj nqes, ces hwm tas nrho tsoom neeg ua yus tsoom txheeb ze...
    Ib tug leej tib neeg twg yeej zoo lawm tiag. Hmoob yeej hais kam tej lo lus xws li, Cia nws nyob kom tau ua tshuaj rau lwm tus neeg siv.
    Muab neeg piv rau dab mas dab tseem zoo zog neeg lawm thiab! Vim li cas hais tau li no. Niaj hnub no yog tus txawj xav thiab txawj paub mas cov neeg muaj mob nkeeg  lub zim txwv no mas, yog raug neej mob ntau xwb. Lam muab los liam tias yog raug dab mob no. txhais yuam kev lawm:
    Ib tug neeg muaj mob los mas muaj ob yam mob!  yog ua rau neeg lub cev mas, yog cov mob uas ua dab tsis los raug thiab tsoo mas cov no yog raug xwv txheej ua mob.
    Hos  mob ua Hmoob hais tias raud dab no, mas yog twb zoo xav los mas, nws raug ib tug neeg xub cem, los xub muab nws thuam, los xub foom lus phem rau nws ua ntej lawm. Ces tus neeg ntawd raug tu siab, los raug poob tsim, los nws txaj muag ces nws ntshais lawm.
    Nws mam li noj hno tsis poob plab haus dej tsis poob cev. Nws tsis tshua meej pem lawm. Tej zaum tsis nco noj, los ho noj tshaj zog lawm, ces nws lub cev mam ua hauj lwm tsis txaus ces nws lub cev tsis muaj zog mam li swb rau tus sab foob khaub thuas ces mam ua mob nkeeg rau nws lub cev.  Hom mob no yog hais qhov tseeb mas nws mob sab ntsuj Plig lawm.
    Hais tiag mas tsis yog raug dab ib qho li.  Yog raug neej ua ntej ces mam muaj mob, tab sis cov  txiv muam saib Hmoob cov mob nkeeg no muab los txhais hais tias:
    Yog  raug dab lawm, Yog raug hom dab uas Neeg tsis paub.  Hom dab no neeg yeej tsis paub tiag. Yuav yog cov neeg nyob teb chaws vam meej kawm txuj txaus mas lawv thiaj paub tau. Hos yog ib tug neeg Hmoob nws pib xeev txog sab kev vam meej tiam 19, los tiam 20 no xwb mas cov paub li hais no, muaj tsawg kawg.
    Cov neeg nyob yaj ceeb no, mas neeg ruam thiab neeg ntse sib npaug zos.
    Cov neeg paub txog Dab zoo mas muaj tsawg. Hos cov tsis paub yog  yog feem coob.
    Dab muaj peb hom dab xwb:
    a. Cov Dab zoo, Hmoob kuj muab Tswv Ntuj hu ua Dab no thiab. Dhau Tswv Ntuj lawm ces yog Dab Niam dab Txiv, Dab Pog Dab Yawg mus lawm....
    b.Cov Dab uas Hmoob tsis paub, cov no yog cov Dab muaj hwj xyeej muaj hwj huaj loj tshaj li ua tub qaug lawm ces kawg raug dab tom kom tuag...
    c.Tus Dab phem thiab nws cov tub ncig tiag, mas tas ntiaj teb Hmoob, los sawv daws yeej paub yog Ntxwj Nyoog nyob hauv ntawv Ntshiab Yes Xus hu ua Xas Tas no....


    Yaj Zoov Ntxheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th March 2015, 8:14 am



    Zaj 158- KEV THOOB TSIB YOG KEV MUAJ TXOJ SIA.



    Muab ob tug duab no los tsom hauv lub yeeb yaj tsom ces yuav pom ob tug duab no sib txawv.

    A. Muab tus neeg siab ncaj los tsom,mas yus maj mam pom li lub hnub tawm tuaj. Pom kev loj zuj zus thiab pom deb zuj zus, kaj lub ntiaj teb mus txog thaum lub hnub ntseg, uas pom kev deb thiab pom qhov txhia chaws, pom txhua yam tseeb tseeb.
    1. Tus neeg siab ncaj nws ua yam twg los xij, nws xub muab siab rau txuag nws txoj sia. Nws saib tias, nws txoj sia txhawv hauv nws nruab siab tuaj xws li tus dej tawm hauv ib lub qhov ntws los.
    2. Tus neeg thoob tsib nws xub hwm Ntuj tas ces nws hwm tsoom poj niam muaj meej mom zoo. Nws tsis taug kev ua plees ua yi. Nws zam kev deb ntawm cov poj niam hais lus qab zib li zib ntab, vim nws tshai tsam nws lub koob meej ploj, thiab nws lub cuab tam poob mus ua luag tug.
    3. Tus neeg thoob tsib, nws mloog Ntuj lus, nws nco ntsoov tsim koob hmoov tseg. Kom tau nyob ze Tswv Ntuj.
    4.Qhov kawg nws txawj ntshai tsam nws kub hnyiab, ces nes nrhiav kev kaj siab nyob ze Ntuj. Nws tso siab rau Huab Tais nrog nws lis nws tes dej num kom tiav rau nws.

    B.Zaum no tig los tsom tus duab phem yuav pom sib txawv li cas:
    1. Kev ua txhaum tawm tas nrho los ntawm tus neeg tsis hwm Ntuj nruab siab los. Nws qhov muag tsis pom tias muaj kev ntshai Tswv Ntuj hlo li. Nws ntseeg hauv nws nruab siab tias tsis muaj neeg pom nws ua txhaum. Yuav tsis muaj leej twg ntxub nws li.
    2. Nws lub ncauj nrhiav txhua yam kom tau hais lus dag. Nws tsis paub tias qhov phem ntawd yuav coj xwv txheej tuaj raug nws li. Nws lub ncauj, tes taw npaj rawv ua neeg npau taws thiab lim hiam rau luag. Nws tsis pom cov nroj qhuav nyob tom tej nras liaj li.
    3. Nws ua neeg khav theeb. Hnov tsis tau ib tug poj niam hais lus qab zib,nws nyiam lawv hom lus vim nplua dua roj nplua mus hauv nws qhov ncauj, nws nyiam nqos tej poj niam cov qaub ncaug qab zib ntawd vim yooj yim rau nws. Ces nws raws ceev npaum li txiv nyuj raws qab. Yog thaum lub caij kawg, mas nws mam hnov tias, iab dua cawv.
    4. Nws tsis paub txog yam ua Huab Tais Ntxub, yam li:
    a-Coj lub ntsej muag ua neeg muab hlob.
    b-Ua neeg muaj tus ntsuj plig dag.
    c-Nws txhais tes rau siab ntso hliv luag roj ntsha, thiab xa neeg mus nyob rau dab teb tsis tseg.
    d-Nws lub siab tsis kam ncaim ntawm kev ua txhaum.
    e-Nws txhais taw maj nroos mus kom txog chaw ua txhaum.
    f-Nws nrhiav tshuav kev ua tim khawv cuav rau luag.
    g-Nws ua neeg txheem plaub ntug yam tsis raws cai.

    C.Zaj lus no muaj sab zoo, sab phem sib raws ntsaws:
    1.Koj txhob ntuas cov neeg thuam luag.
    Tsam koj ua tub qaug rau nwsw, los nws nrhiav lus rau koj.
    2.Koj mus ntuas tus neeg thoob tsib, mas nws nyiam koj dua thiab nws ua koj tsaug.
    3. Koj ua neeg ruam, mas koj nyob kaj lug. Koj tsab ntse, mas koj raug xwv txheej.
    4.Tus neeg tsis txawj xav mas nws saib tias nws taug txoj kev ncaj heev. Hos tus neeg thoob tsib lawm tsis kav nws tseem mloog luag ntuas nws.
    5. Tus neeg xyuam xim nws tsis ntau ncauj. Tus neeg nws twb ruam tsis kav nws tseem khav tias, nws ntse, nws txaus siab qhia nws txoj kev ruam rau luag paub.
    6. Tus neeg nquag nws muaj hauj lwm ntau ua tsis tas, nws tseem huas ua. Hos tus tub nkeeg nws tau nyob zoo kawg, nws tseem ua luag qhev.
    7.Tus neeg tub nkeeg nyob tos noj dawb, tsis muaj dab tsi daws nqhis. Tus neeg nquag, nws noj seem noj so.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th March 2015, 7:28 am



    Zaj 159- COV TUB TSHAJ NTUJ LUS TIAM 20 NO MUS.



    1. Cov ua tub tshaj Ntuj lus txij li xyoo 2000 los mus rau yav tom ntej no, muaj ntau txoj kev taug uas zoo tshaj Lub Moo Zoo nyob hauv tej npoj neeg.

    Ua Tub Tshaj Ntuj lus yuav kawm ib hom los ob hom txuj ci kom pab tau koj lub neej mus ua ke:
    A. Tus tub tshaj Ntuj lus nyuav paub kev ua kws ntawv. Mus ua ib tug xib Hwb qhia ntawv, nyob hauv cov me nyuam tub ntxhais kawm txuj ci muaj neeg coob leej zoo ntsib lawv, yog lub caij zoo tshaj Yes Xus Xus lub Moo Zoo muab cog rau tej hluas no nruab siab, ces thaum lawv kawm txuj tas, ces Lub MooZoo twb muaj nyob nruab siab lawm. Thaum lawv mus ua tej txoj kab xwm, ces lawv muaj Yes Xus lub Zoo Zoo thiab muaj Leej Tswv Yim Ntshiab ua hauj lwm kav hauv nruab siab nrog. Ces Cov hauj lwm muaj qhov zoo nyob nrog tus neeg thiab lub tswv yim. Vim ib txwm cov neeg ntawd paub Leej Tswv Yim thiab lawv lees tias Leej Tswv Yim nrog neeg ua hauj lawm sib pab sib nres pub rau neeg ntiaj teb. Kom lub sim ceeb muaj kev kaj siab, kev thaj yeeb nyob nrog.

    B. Cov ua tub tshaj Ntuj lus yuav nyiam txoj kev mus ua kws tshuaj nrog. Nyob hauv cov neeg muaj mob nkeeg, yuav siv tshuaj, thiab tseem yuav siv Yes Xus cov lus nyob hauv nyob hauv Ntuj kev nyiam, kev ntseeg, kev tso siab, los nplij cov neeg txom nyem kho siab kom tus ntsuj plig muaj zog pab tau lub cev yeej tau tej mob nkeeg ntawd.

    C. Muaj tej yam tseem ceeb nyob hauv ib tug neeg:
    Neeg lo lus thiab neeg kev hlub yog ib hauv tshuaj kho tau neeg tej mob nkeeg zoo tau thiab.
    Nyob hauv cov neeg muaj txiab nkeeg 50% yog raug mob nkeeg tiag. Cov no yog cov mob ntog raug sav ceg sav duav, riam raug los lwm yam xwv txheej raug, ua rau nqaij ntuag txha lov noj txhaum. Cov no yog raug mob ntawm lub cev.

    D. Cov mob Hmoob hu ua raug Dab mob, no mas yog mob tus ntsuj plig. Hom mob no hais los ntawm qhov tseeb thiab yog tiag mas yog raug neej mob! Vim tias:
    1. Tus neeg mob ntsuj Plig no, nws xub raug kev tus siab los ntawm ib tug neeg ua ntej lawm. Nws raug neeg ntxub, raug neeg tsis nyiam, raug neeg tsawm los thuam saib tsis taus nws ua ntej lawm, raug luag hiam los liam tej yam tsis tsim nyog. Kev tu siab muaj nyob puv cev. Kev txaj muag los muaj, kev poob tsim poob hwj chim los muaj, ua rau nws muaj kev lwj siab uas nws ris tsis taus tej kev tu sib lwj siab ntawd ua rau nws lub cev qaug zog tsis xav noj haus kom txaus. Ces nws lub cev tsis muaj zog, nws swb tus mob sab foob khaub thuas mam hloov los ua lwm tus mob nyob rau nws nruab siab nruab cev.

    E. Nws cov txheeb ze coj mus saib yaig, mus ntsib cov txiv neeb txiv yaig, cov txawj saib ub saib no, uas Hmoob hu ua txiv muam. Cov txuj no yog cov qub txuj laus laus uas yog tej pog tej yawg ua ntxov ntxov lub caij neeg tsis tau vam meej. Lawv siv los kho cov neeg muaj mob rau sab ntsuj plig. Zaj no cov txuj yog ib co txuj zoo, tab bsis tus neeg coj txoj kev cai ua tsis raug li cov txuj ntawd:
    Yog qhov hais tias, raug Dab yuav pauj rau dab. Tab sis tej kev pauj ntawd tshwm sim mus li no, Pauj rau dab, tab sis dab haus pa nqaij pa mov, thiab dab yuav pa xyab pa ntawv. Hos tus txiv muam nws yuav nyiaj txiag, thiab nqaij hno.
    Zoo li yog pauj rau tus txiv neeb txiv yaig. Ho hais tias pauj rau dab. Yog ib yam tsis meej, dag rau dab ces neej ho yuav. Zaj ua neeb no yog ib zaj lus uas cov haiv neeg muaj txuj zoo li As Mes Lis Kas thiab Fab Kis hais tias, lus xaiv kaus laus zim los kho neeg mob.

    2. Ua Tub tshaj Ntuj lus kuj yuav nyiam kawm kev cog qoob loo, vim Haiv Hmoob feem coob tiam 19 dhau los lawv yog tub qoob loo feem coob thiab nyob hauv cov teb chaws tseem nyob qab kev vam meej,puav leej yog ua tub qoob tub loo feem coob.

    A. Tus tub tshaj Ntuj lus yuav nyiam npoj neeg ua qoob loo no, vim cov neeg no nyob nrog nroj tsuag qoob loo, thiab huab cua lub ntuj tshav ntuj nag. Tau zoo ib txoj kev tshaj Yes Xus lub Moo Zoo nyob hauv npoj neeg no thiab.
    Cov tub qoob loo feem coob yog cov neeg siab dawb ib yam li lwm npoj neeg thiab. Yuav muaj coob leej tub ki yog neeg siab dawb tawm hauv lawv tej tub ki sawv los ua tub tshaj Ntuj lus. Vim feem coob tsis yog neeg muab hlob.

    B. Lwm txoj kab xwm, los tsuav yog cov kab xwm tsis muaj kev ua neeg muab hlob,thiab nyob ncaj ncees, cov tub tshaj Ntuj lus yeej ua tau, tsuav qee tau lub caij los teev Ntuj kom muaj sij hawm nrog Leej Tswv Yim Ntshiab tham, thiab qhia kev ntseeg rau npoj neeg vam txog yus. Nco ntsoov tias cov Leej Choj,Leej tsob Hwb, xib hwb, Leej Tij, leej Phauj los tas nrho cov ntseeg txais lub cim ntxuav peb sawv daws los koom ua Yes Xus lub cev hlob.

    3. IB tug tub tshaj Ntuj lus mas nws muaj ntau yam los sib cuam tshuam los sis lawv khiav nrog nws lub neej mus sib law sib liag, yuav ua rau sawv daws pom thiaj paub.

    A. Ib tug tub tshaj Ntuj lus nws yuav tsum muaj phooj ywg coob thiaj pab tau! Ib co rhuav nws los thiaj muaj ib co pab thiab. Nws yuav muaj 50% phooj ywg phem, ces ho muaj 50%phooj ywg zoo pov hwm nws thiab.
    Yeej tseeb, ib tug Leej Choj los ib tug Xib Hwb nws lub neej yog ib lub neej muaj xwv txheej ntau kawg. Yog Ntuj hu lawm mas thiaj li leg mus nto ntsis.

    B. Yog muaj cov neeg ntxub thiab thuam nws muaj tshaj 60% lawm ces nws tu siab tsis qab siab ua Tswv Ntuj cov hauj lawm lawm, ces Dab Phem yuav muas tau nws sai.
    Hos yog neeg nyiam thiab qhuas lawv tus Leej Choj thiab Xib Hwb sab zoo muaj txog 70 % xwb ces twb tsis zoo lawm thiab. Vim nws zoo siab tias neeg nyiam nws heev ces nws ceev faj tsis txaus. Nws zoo siab dhau, nws pib khav theeb, ces nws mus txeeb ua Tswv Ntuj tus tub hlob ua ntej Yes Xus Pleev lawm. Nws txua ntau yam tsis yog Yes Xus Pleev lub Moo Zoo uas ib txwm tsis muaj, thiab Ntuj tsis tau tshaj tawm. Nws hais tias muaj li nws hais.

    C. Yog cov neeg ntseeg yuav pov hwm lawv tus Leej Choj, los lawv tus Xib Hwb, kom nyob nrog kev nrog cai. Muab qhuas dhau, Dab phem kuj muas tau nws yooj yim sai thiab. Ces nws yuav coj tej npoj neeg yuam kev ua neeg ncaim nyob hauv lub Moo Zoo uas Yes Xus tsa tseg rau saum lub Pob zeb ruaj khov kho ntawd.

    D. Cov nyiam ua Xib Hwb, ua Leej Choj, ua Leej Tij, los Leej Phauj,Nco ntsoo, ua neeg txo hwj hwj chim, coj ncaj ncees ua neeg siab dawb, ua neeg me nyob nrog Qaum Ntuj kev nyiam kev hlub. Txhob xav txog qhov nyiag los dag ib tug txiv neej los ib tug poj niam nplooj siab los ua si, rau sab kev ua plees ua yi. Tsam dab phem yuab tau ua ib lub hmoov zoo siab rau nws ncha ntws mus li 7 hnub sib law.
    1. Yog Tus tub tshaj Ntuj lus nws mus nrog cov pab pawg neeg ntseeg sab nraud cog phooj ywg kom sib paub zoo sib pauv tswv yim tau, yuav sib hwm txhob muaj kev sib thuam. Thiab txhob mus yoog thiab kawm luag cov lus tsis haum lub Moo Zoo los siv.
    2. Tus ua tub tshaj Ntuj lus nws yuav nco ntsoov tias, Nws yog ib tug choj tuam rau neeg ntau leej kom taug los mus cuag tau Tswv Ntuj. Thiab yog tus choj tuam rau Ntuj los los nplij cov neeg txoj nyem, puas siab puas ntsws tas lawd, kom rov muaj zog thiab muaj chaw tso siab tias Ntuj yeej tos nrhw yuav npaj hlub cov leej neeg nrhiav chaw so los siav.
    Los lus kawg, zaj lus no zoo rau cov neeg ntseeg txhua phiaj, cov paub Yes Xus lub Moo Zoo. Thiab xav xyaum ua neeg ncaj ncees kom tsim nyog ua Leej Pleev lub cev hlob.


    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th March 2015, 9:04 am



    Zaj 60- COV LEEJ POV HAUM POOB SAUM NTUJ LOS.



    *-Cov Leej Pov Haum poob saum ntuj los no, yog neeg yaj ceeb. Yog cov Niam Txiv thiab me nyuam neeg txhua tus tuaj ua neej nyob ntiaj teb no.

    *-Peb Haiv Hmoob, yog ib haiv neeg nyiam zoo thiab ntshaw txoj kev tsim txiaj.
    1. Peb cov ua niam ua txiv zaj tswv yim ntshaw, kom muaj kev sib hlub nyob hauv txoj kev tsim txiaj ntawd, nws txi tau ib lub txiv zoo li cas rau peb?
    - Peb ntshaw txoj kev sib hlub, peb ntshaw kom muaj ntxhais zoo nkauj,tub zoo nraug, nrog rau tub txawj ntxhais ntse, tej yam no nyob rawv hauv peb cov ua niam ua txiv nruab siab txij hnub peb paub kev sis nyiam sis hlub los txog hnub peb ncaim ntawm lub ntiaj teb no mus lawd mas thiaj li tag peb kev ntshaw.
    2. Thaum peb muaj me nyuam tub los me nyuam ntxhais yug los mas peb zoo siab, niaj xyoo peb tsis nruam ib xyoos li. Peb ua npawv dem rau peb cov me nyuam, Peb mus nrhiav tsev kawm ntawv zoo rau txhua tus kawm.
    Peb tsis qhia kom lawv hais lus Hmoob li tsam lawv kawm ntawv tsis zoo. Zoo li peb sawv daws tau khiav huas ntej tej yam peb ntshaw ntawd ces peb tsis nco txog lwm yam lawm.
    3. Peb cov ua niam ua txiv, thiab cov me nyuam, mas peb poob ib yam loj kawg:
    Muab kev ntse los pauv kev ruam. Qhov txhaum ntawd los ntawm peb cov ua niam ua txiv, thiab cov yog pog yog yawg los! Puas yog zoo siab dhau lawm,ces tswv yim ploj tag lawm lod:
    -Peb zoo siab tias peb cov me nyuam mas yuav ntse heev, nws tsis hais ib lo lus Hmoob li. Lwm hnub lawv kawm ntawv tas. Mas law yuav ntsib tej no;
    Mab Sua yuav nug tias, nej yog haiv neeg dab tsis?
    Cov me nyuam lawv yuav teb tias peb niam, peb txiv hais tias peb yog Hmoob. Ces luag yuav nug ntxiv tias,nej yog Hmoob no, lo lus hais tias niam thiab txiv hais li cas?
    Cov me nyuam yuav hais tias:
    Peb hu ua Mav Mim, thiab Dev Dim no. Luag hais tias los lus ko yog peb li lus, peb nug nej cov lus hod! Cov me nyuam rov los nug Peb, ces peb hais rau peb cov me nyuam tias Nej teb tias peb hu ua Aib Pog thiab Aib yawg no mas! Cov me nyuam rov mus hais li ntawd. Lwm tus Mab Suas nyob ntawd luag hnov luag hais tias, los lus koj hais ko zoo xws li Los Tsuas lus thiab sad! Cov me nyuam rov los nug dua tias,cas lawv hais tias zoo xws li lus Los Tsuas no! ces yog ob niam txiv laus yuav sib hais tias:
    Auj, vim koj niaj hnub muab kuv hu ua niag Aib yawg no lauj! Leej niam kuj hais tias Koj twb niaj hnub muab kuv hu ua Aib pog no thiab ne!
    -Peb yuav hloov kuj hloov tsis tau tas, yuav paub kuj paub tsis tau kawg. Peb tej niam tej txi muaj mob nkeeg, yuav kom tej me nyuam coj peb mus ntsib cov Dov Tawj.
    Peb yuav kom tej me tub los me ntxhais txhais lus tias,koj pab hais rau Dov Tawj tias, ua cas xyoo no kuv daj daj ntseg li kuv pheej tsis qab los noj mov li tsis paub yog vim li cas ne?
    -Ces nws yuav ncaj qha txhais tias,” Dov Tawj peb niam hais tias peb niam pob ntseg daj daj es peb niam tsis xav noj mov li no.” Ces Dov Tawj, yuav muab teeb los tsoom xyuas pob ntseg nws yuav hais tias, kuv tsis pom pob ntseg daj thiab txawv li cas ne! Ces Dov Tawj yuav nhiav tsis tau Leej Niam tus mob ntawd los kho li.
    4. Ib qho tuaj ntxiv thiab, yog zoo li no ces niam txiv thiab me nyuam sib ncaim tas, nyias mus taug nyias txoj kev:
    a. Cov me nyuam tsis paub lus Hmoob. Tsis hnov niam Txiv sab, tsis paub niam tais Dab Laug, muam Phauj Yawg Laus. tej npawg, cov Muam Npaws, ces lawv tsis muaj kev txheeb ze ua phooj ywg sab ntawm uas yog Hmoob lawm. Loj hlob los ntawm ib lub xeem los lawv ua nkauj ua nraug, ces yuav kis mus muaj xaiv muaj lus rau cov niam txiv tias, ua ib co kwv tij koom caj ces tsis paub cai.
    b. Cov me nyuam lawv cov txheeb ze, yog cov phooj ywg uas lawv loj hlob ua ke sib paub tom tsev kawm ntawv xwb. Hom neeg zoo li cas los muaj. Lawv ua phooj ywg thaum 6 xyoo mus txog 18 xyoo, ces yog phooj ywg zoo heev lawm hloov tsis tau yooj yim.
    c. Tus ua phooj ywg rau Nom thiab Los Pav tej tub lawv yuav nyiam ua Nom thiab ua Los Pav. Tus ua tau phooj ywg rau Laib tub nws yuav nyiam mus ua Laib vim tias yog ib txoj kev yooj yim tsis khwv ua los twb tau yuav lawm.
    d. Txoj kev ua tub Nom thiab tub Los Pav. Los txoj kev ua tub Laib,no puav leej yog ib txoj ntse, nws tsis yog ib txoj ruam dua, los ib txoj ho nte dua. Ob txoj no puav leej yog kev ntse tas huv tib si.
    e. Yog ib tug neeg yuav ntse kom thoob mas nws yuav kawm ob sab tib sis los ces nws muab los sib ntxiv ua ke, mas nws thiaj coj tau cov ua laib los nrog cov ua Nom thiab ua Los Pav sib kom tau ua ke.
    5. Cov me nyuam no, mas thaum lawv yug los lawv yeej yog ib cov me nyuam pov haum zoo lawm. Qhov tsis zoo ntawd, tsis yog tuaj ntawm cov me nyuam tuaj! Qhov ntawd, yog los ntawm peb cov ua niam ua txiv los. Peb xav tsis raug thiab peb coj tsis yog lawm. Ces peb tso cai yooj yim dhau rau me nyuam, peb yuav lawv siab thiab tso kev ywj pheej rau lawv ntau dhau lawm, ces me nyuam tsis paub peb lus lawv yoog tsis tau zaj peb xav. Txoj kev niam txiv thiab me nyuam sib ncaim yog qhov no.
    6.Yog yuav pib tshiab mas yuav pib li no:
    a. Cov ua niam ua txiv yuav nqes los ua cov me nyuam tus phooj ywg zoo tshaj plaws. Me nyuam muaj dab tsis me nyuam thiaj xav qhia rau niam txiv, ces niam txiv thiaj pab tau, kom me nyuam ncawg niam txiv txhob ntshai cov ua niam ua txiv.
    b. Vim Yus yog niam yog txiv,- yus zoo li yog me nyuam tus { tswv koos panis.} muab nyiaj rau me nyuam siv. Niam Txiv tseem yog me nyuam tus -juge txiav txim rau me nyuam tib si. Niam txiv yog me nyuam tus- Xib Hwb qhia lus qhia ntawv rau me nyuam tib si lawm. Suav cov hais los no xwb ces me nyuam swb tas nrho, yog Niam txiv tsis nqe los ua phooj ywg, ces me nyuam muaj kev ntshai niam txiv,ces me nyuam ua yam twg yuam kev ces me nyuam kawg zais tsis qhia, Me nyuam yuav coj mus qhia nws cov Phooj ywg ces lawv ua Phooj ywg laid, lawv sib hlub, lawv yuav sib pab, ces lawv yuav sib rau Tswv yim rau kom daws tau teeb meem.Yog zais tau ib zaug lawm mas txawv mus deb zog lawm thiab. Thaum me nyuam zais li no mus Nws paub tias zaum no nws yeej Niam thiab txiv lawm ces txawv hlo li lawm ntag yus ntuas tsis tau lawm. { Nco ntsoov lo lus tias nqes los ua me nyuam tus phooj ywg zoo thiab nyob ze rau cov me nyuam mas thiaj pab tau.}
    c. Cov me nyuam yeej yog me nyuam Pov Haum yeej zoo thaum lawv yug los lawm. Tsis yog lawv tsis zoo los lawv tsis xav ua zoo los lawv xeeb txawm los phem.
    Yog yuav hais tias cov me nyuam no phem, mas yog phem nruab thiab los lawm. Phem nruab thiab los no ces yog niam txiv phem ua ntej los lawm mas thiaj tseeb.
    d. Nyiam no peb coj tsis tau tej me nyuam tuaj mus teev hawm txoj kev zoo mas peb tus siab tsis nyog rau tej me nyuam no. Peb yuav tig los hlub lawv ib npaug ntxiv vim peb tsis txawj coj lawv ua rau cov me nyuam no poob tas nrho txhua yam zoo uas nqes saum ntuj los rau lawv,ces lawv thiaj tsis muaj los lawv txais tsis ta. { Ntshai peb yuav los zaum tsaws pos muag quaj rau Qaum Ntuj pom xwb lauj.}
    e. Qib no hais rau covme nyuam, Yog nej tsis paub mas yuav tig los nrhiav paub. Yog thaum nej tseem yog me nyuam nej tsis paub txog thaum nej tau ua niam ua txiv lawd mas nej yuav tu siab tias ua cas peb tsis xub paub ntxov ua ntej thiaj tsis txom nyem siab ntsws.
    f. Lo lus xaus, nco ntsoov tias peb tuaj ua neeg nyob rau lub ntiaj teb no, ces Qaum Ntuj yeej xav kom peb paub tej hauj lwm coj tub coj ki li no ntag.
    Cov tau los ua niam ua txiv, Ntuj tso txhua yam los phim rau txoj kev sib sib nyiam sib hlub kom ib txheej coj ib txheej ua lawv lub neej kaj siab lug thiab tshav ntuj nrig nyob ntawn Ntuj xub ntiag. Ntuj tsis xav kom ib tug neeg twg tuaj ua nws lub neej, es yuav ua ib lub neej nyob noj hno ntxuag kua muag nyob ntawm Ntuj Niam Ntuj txiv lub xub ntiag, Ntuj thiaj xaiv kom muaj miam muaj txiv yug thiab muaj niam muaj txiv hlub. Tus tsis muaj hmoo, niam txiv nce hauv toj lawm los kom tshuav muaj zoo kwv zoo tij nyob tom qab hlub. Txhob cia mus ua luag tus puab rooj los puab ntsa, li tej laus pheej hais kam tias, tsis yog luag liaj ces luag teev tsis ti ntug. Tsis yog luag yug ces luag hlub tuaj tsis tsi plhu no.

    Yaj Zoov Ntxheb X.H.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th March 2015, 9:19 am



    Zaj 161- MUAJ TEJ HAIV NEEG PLOJ LAWM.





    Cov Haiv neeg tuaj nyob ntiaj teb no, muaj ntau pab, ntsej muag sib xws. Hos ncauj lus ib txawv. Tsis paub tias muaj pes tsawg haiv neeg thiab xeem lus.
    Paub tau tias muaj tej Haiv Ploj lawm. Cov ploj ntawd, mas muaj xws li:
    -Nws txia nrog lwm haiv los lwm xeem mus lawm. Lawv yeej txaus siab thiab nyiam mus li ntawd. Hos muaj tej Haiv ces raug yuam mus ua lwm haiv thiab coj lwm xeem lus mus lawm.
    -Muaj piv txwv li cov neeg Is Dias nyob Mis Kuj teb ntawd,{ Cov Qhab ntoo plau qaib, plaub dav ntawd.} los cov neeg Dub uas nyob Fuaj Kuj teb chaws,uas lawv rov hu lawv ua cov Creol lawv cia li siv Fab Kis xeem lus xyaw lawv cov ib nruab nyob hauv.
    -Saib nyob ob lub teb chaws zoo li Los Tsuas thiab Thaib no xwb, twb muaj tej haiv neeg tsawg tsis yog Thaib, thiab kuj tsis yog neeg Los Tsuas Lawv xeem lus txawv lawm deb kawg. Nyiam no cov nyob ze Hmoob lawv kuj hais lus Hmoob Cov nyob ze Los Tsuas lawv kuj Hais lus Los Tsuas Cov me nyuam twb tsis paub tias yus xeem lus yog hais li cas lawm tiag.
    -Cov Haiv neeg tsawg uas lawv nyob ze Haiv Hmoob raws li Hmoob paub thiab hu lawv ua cov:
    Mab Khub Hmub,cov no yog ib haiv neeg tsawg nyob Los Tsuas teb, lawv coob tsis cuag Hmoob.-Muaj cov Co lawv hu lawv ua cov Mian no.-Muaj cov Los Tsuas hu ua Lij Xub. – Muaj cov hu ua Kui. Hmoob hu ua Kwv Txhoob. – Muaj cov hu ua Qhau, Hmoob hu ua Khuaj.-Muaj cov Phaij cov no tseem yog cov qus dua txhua pab nyob Los Tsuas teb,lawv tseem nyob hav zoo ntau. Lawv noj tsiaj thiab txiv ntoo, nplooj hmab nplooj ntoos ntau.
    -Nyob Thaib teb kuj muaj ntau haiv neeg tsawg zoo li ntawd thiab. Raws li pob ntseg tau hnov. Muaj cov Kuj Loom, lawv kuj tsis yog Los Tsuas, kuj tsis yog Thaib thiab. Hmoob hu lawv ua Kuj Loom.- Muaj cov Kas Liaas Th...
    Hom neeg hais los no mas nyiam no lawv hais lus Thaib thiab lus Los Tsuas lawm xwb. Nyob hauv cov Haiv neeg no zaum no cov nyob ze Hmoob hais lus Hmoob nrog Hmoob ua kwv Tij mus lawm los muaj. Cov nyob ze Los Tsuas ces hais lus Los Tsuas hloov tsoos tsho hnav tas lawm. Hos Ob pab neeg tsawg no nyob ua ke ces pab tsawg cia li nrog pab coob koom lus koom xeem mus lawm los kuj muaj li. Cov Haiv neeg tsawg no, nyob Los Tsuas teb thiab Mis Kuj teb feem coob cov lawv sib paub thiab ua phooj ywg mas lawv los yuav xeem Hmoob thiab hais lus Hmoob coob. Vim tias tej xeem lus tsawg tsawg, tsis muaj neeg nrog yus hais lus. Yus niaj hnub hnov lwm xeem lus ces cia li los ua yus xeem lus mus lawm.
    -Txawm zoo li cas los Xij. Peb yuav ceev faj Haiv Hmoob thiab xeem lus Hmoob no. Haiv Hmoob tsis yog ib xeem lus pluag. Xeem lus Hmoob yog ib xeem lus nplua nuj thiab vam meej xws li tej Haiv neeg loj thiab coob. Xeem Hmoob lus no, muaj txuj ci tseem ceeb cuag li yog ib xeem lus nqes saum ntuj los tiag, thiab zoo li raug Ntuj pov hwm los lawm ntau pua xyoo:
    -Nws muaj, paj ntsha lus taum, kwv txhiaj, muaj zaj haiv, qhuab qhia tej tub ntxhais mus ua neej. Muaj Nkauj paj nruag, muaj lus txhiaj txhais, Haiv neeg thiab Xeem lus no muaj neeg thoob tsib paub txuj ci cuag li yog neeg txawj nrog ntuj txuas lus txuas siav nrog Ntuj li lawm:
    Yog Hmoob cov Txiv muam coj Dab Qhuas, Cov sawv ua niam Toj Txiv Toj {= Luag hu ua Saub. Muaj cov neeg paub tab paub cai hwm Ntuj teev Ntuj. Ua Xib Hwb, ua Leej Choj ua Tswv Qhia xws li Pej Kum Haiv neeg loj thiab Vam meej lawd.}
    -Haiv neeg Hmoob txawm tsis muaj teb Chaws nrog luag tuav los muaj ib txhia yog neeg siab dawb thiab ncaj ncees ua kab xwm koom nrog tej Haiv neeg Vam meej mas kuj txawj paub tab paub cai, ua nrog kab nrog kev.
    Tab sis kuj muaj leej Puav tsis tau paub tab paub cai txaus. Lawv tseem muaj tej tus tsiv nraim ua neeg dig muag maub mus kev hmo ntuj los muaj. Yog cov tsawg. Thiab Nws lub siab yeej nyiam tsis tas. Tej zaum yog nws mag ntxiab lawm los lam ua raws nws kev thoj chim lawm xwb. Nws lub pob ntseg tseem tos nrhw ib tug Nom loj los tej leeg zoo niam zoo txiv los nqee nws tsuj plig tias:
    -Me tub koj rov los kuv tseem hlub koj thiab od. Kev zoo tseem muaj ntau txoj nyob tos koj. Koj yuam kev ib vuag lawm los xam tias yog koj mus kawm txuj ib ntus xwb no mog.
    -Muab hais los mas Hmoob xeem lus yob ib xeem lus nqes saum ntuj los tiag:
    Tej tub ntxhais yog txawj mloog cov lus ua niam txiv mus muab nyab qua ntxhais, ua luag qhuab qhia mas twb zoo tas txhua nkawm niam txiv li lawm.
    11.-Hos yog tej tub ntxhais yuav tsim txiaj ces mloog thaum niam Txiv nce hauv toj xwb ces tsim txiaj lawm, Mloog niam txiv cov lus qhuab qhia tas mas cov Xib Hwb qhia txuj tom tsev kawm ntawv hais tsawg lo los nyob rau nruab siab tas. Ib leej neeg mas tau nyog ob los peb daim npav sas lawj daws nqis.
    -Hmoob cov txuj ci cob qhia tej tub ntxhais no thawj zaj niam txiv pib hais ces suav kiag thaum tus me nyuam yug los puv peb tag kis xwb yeej pib hais cov lus zoo rau txog hnub tsheej cuab ntseg yim lawm, ces niam Txiv ob tog muab lub npe txwj npe laus rau, kom nyob ciaj ua luag txwj zaum ua luag laus mas mam li kawg nkaus lawm. Nyob ntiaj teb no yog muaj ib Haiv neeg nws xeem lus muaj cov txuj ci cob qhia neeg ua neej, nws xeem lus muaj kev thoob tsib coj neeg lub neej tawg paj txi txiv nyob nrog tiam dhau tiam li no, uas haiv neeg ntawd tsis ua neej thaub qab mas Haiv neeg ntawd xeem lus yeej tseeb tias yog ib xeem lus nqes saum ntuj los. Xeem lus ntawd yeej yog nrog Qaum Ntuj cog lus los lawm. Yuav hwm thiab coj kom meej pem zoo, txhob tso pov tseg, mus yoog lwm xeem lus ruam dua, yus xeem lus ntawd lawm.
    -Haiv neeg twg yog nws txaj muag rau nws xeem lus lawm mas nws xeem lus kawg yuav ploj mus, ces nws caj ces yuav ruam mus ntau tiam mam li zwm tau rau luag xeem lus, tau thiab tsis nco tias, yus tawm qhov twg tuaj lawm, mas mam tag keeb kwm.
    -Piv li muaj ob tug Hmoob yog ib haiv thiab ib xeem lus. Yog ib tug nug ib tug tsis paub lawm mas nkawd tsis sib ntseeg, thiab tsis sib tso siab lawm. Tus tod yuav xav li cas, rau tus no los muaj. Nkawd coj yam ntxwv xws li yog mab sua li lawm. Tsis muaj qhov sib khi ua kwv tij los phooj ywg, yuav noj siav noj nyoos ua ke tau.
    -Lawv lam ua phooj ywg zoo vim pom luag poj zoo nkauj kom lwm hnub tau hais lus yooj yim xwb. Hos luag los kuj tib yam pom yus tej tub tej roog zoo nraug lam ua phooj ywg kom tau ua luag ib ncua kev xwb. Cov zoo li no caum ib sim neej los caum tsis cuag li.
    -Yog tias yus xav hwm yus haiv neeg kom tsim txiaj tiag, mas txawm zoo li cas los xij, yus muab yus xeem lus ua tus cag yam Txuj tob, thiab siab cia yog cov txuj nyob hauv yus xeem lus. Lwm xeem lus ua xeem lus zeeg ob tuaj tom qab. Saum tus kev cai ua neeg paub tab paub cai muab yus xeem lus los ceev cov txuj ntawd
    -Yam txuj ci loj zoo li:
    Txuj Ci Teev hawm Ntuj, los teev hawm poj yawm txwv koob. Thiab nrog tej kab lis kev cai hwm neeg:
    Paub phaj paub tis, txawj zeem phaj niam phaj txiv, rau phaj hlob phaj yau, paub niam tais dab laug, muam phauj yawg laus, paub nkauj muam nraug nus,cov muam los npawg, rau cov muam npaws, tej xeeb ntxwv. Los rau txhua sab uas yog txheeb ze.
    -Yeej muaj tej Haiv neeg xav yuam kom tej haiv neeg tsawg no ploj mus. Luag tuaj cob qhia kawm luag lus siv luag ntawv ces ib tiam los ob tiam xwb ces hloov tas lawm.
    - Cov uas luag yuam tsis tau mas luag xuas nyiaj ntiav los pub nyiaj dawb rau yuav kom ploj mus los muaj:
    Luag ua txoj hlub yus zoo heev tias:
    Nej yog neeg tsawg ce peb pab nej. Muab nyiaj pub nej kev noj haus, pab nej tej tub ki kawm ntawv. Tab sis tsis pab kom kawg. Pab kom sau tau luag ntawv thiab hais luag lus xwb ua tsis tau hauj lawm vim cov txuj mus tsis txog theem yuav nrog luag ua kab xwm. Tab tom kawm txog qhov xyaum ua neeg tub nkeeg xwb, ces tsis txawj nrhiav noj. Xeev tsis txog los ua neeg thoob tsib paub tab paub cai li. Tab tom kawm tau kev xam khib, cib nyeej thiab paub kev tus siab ua neeg thoj chim xwb.
    -Thaum twg mam xeev los ces haiv neeg ploj tas tsis muaj txuj ci, nuam sab twg mus los tsaus ntuj nti zoo li yus yug los ua neeg puag tom qab luag twb vam meej mus dhau lawm ntau tiam deb lawm. Yus tseem nyuam qhuav xeeb los ua me nyuam yaus xwb. Ces yeem ua tus ploj mus thiaj tsis mob siab lauj.
    -Tsa qhov muag saib Mis Kuj teb saib sawv daws pom dab tsi ne yuam?!!
    Thiab tig Pob ntseg los mloog. Peb hnov luag Hais ib lo lus nrov tias:
    TSHAIS NAS THAUS. Suav li, Suav tsis pov tseg Suav xeem lus. Suav hwm Suav xeem lus. Nyob qhov twg los xij li. Suav mus yuav tsev Suav yuav qhov cuab tha, thiab qhov zoo, nyob ntawm plaub sab yog kev sib tshuam. Suav ua Vaj ua Tsev zoo rau Qhiab Kiab Khw tsim kev lag luam rau Sau Suav lub npe rau. Muab mov muab dej,los cuab kev rau ntawd. Muaj neeg mus pom zoo saib luag mus saib, muaj mov muaj zaub nyob ntawd luag tshiab luag noj. Sau ua Suav npe muaj Suav toob Xib, Suav Tsev, Suav zos. Sawb daws hwm tseg hu muaj npe rau ua Suav npe. Yog TSHAIS NAS THAUS.
    -Tej no los yog lus tsim txiaj, Saib taus Ntuj saib taus neeg. Hwm Ntuj hwm neeg Ntuj thiaj pab, ces neeg kuj pab. Ces thiaj mam hais tau tias muaj hmoo, los hmoov txog thiaj tau. Yuav txo hwj chim ua ncaj ncees ua dawb paug tawm hauv nruab siab tuaj, ces teb chaws yog yus teb chaws. Neeg yog yus neeg luag thiaj nyiam yus, ua yam twg luag thiaj hwm, thiab txhawb.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 19th March 2015, 11:27 am



    Zaj 162- LUB PEEV XWM





    Lub xyoo tshiab ntawm xyoo 2015 no yuav tuaj txog. Ib txwm lub Ntuj lub Teb, nrog lub Hnub lub Hli, lub niaj lub xyoo thiab lub caij nyoog yeej muaj peev xwm.
    Suav txhua yam Ntuj tsim los nyob rau lub sim ceeb no, nyob ruaj nreb puag thaum Ntuj pib txog Ntuj xaus.
    Peb Leej Tib Neeg yuav tau kawm los ntawm lub Ntuj lub Teb, thiab lub niaj xyoo, caij nyoog los tuav thiab coj peb lub peev xwm, kom nyob tus ntoob.
    Tsoom Hmoob los sis Haib neeg Hmoob, thaum Ntuj tsim lawv los mas lawv yog ib haiv neeg muaj peev xwm.
    Hmoob muaj peev xwm tiag. Vim li cas thiaj tsis pom lub peev xwm ntawd hlob? Vim Zoo li Hmoob siv lub peev xwm los tuav ib yam ruaj heev rau ntawm xib teg los rau nruav siab. Qhov ntawd yog qhov yuam kev loj lawm:
    Nws tsis kam txo hwj chim, nws khaws kev cib nyeej cia, nws ceev tej kev paub tias neeg ua tub qaug nws nraim tseg. Zaj no yog ib zaj kev ruam. Nws muab nws lub peev xwm los pov hwm tej yam tsis muaj nuj nqes no tseg.
    Tus neeg muaj tej yam no nrog nws lub siab mas nws yuav mus ntsib ib lub cim xeeb ua neeg tus siab mus li.
    Nws yuav tau ua tej yam li no saib puas hloov tau:
    1. Nws yuav kho nws lub siab kom zoo, pub lwm leej lwm tus txav los ua phooj ywg nrog nws. Kom nws txoj kev kawm txuj nthuav dav, nws lub zeem muag pom deb, nws kev kaj siab muaj puv nrog cev thiaj ua lub neej kaj siab lug.
    2. Kho thiab hloov siab tiag, vim peb cov leej tib neeg mas nyias yeej muaj tej yam zais ntshis nyob nruab siab. Tos cia txog thaum luag ib tug ua ib yam tsis xyuam xim ze rau yus ces thiaj tau cuab ntxiab kom mag rau luag, ua kom luag tau kev tws.
    3.Peb tsis hlub neeg kom sib xws, hlub ib tug tseg lwm tus, qhuas ib tug thuam lwm tus thiab.
    4. Nyias nyiam nyias hom txuj ci, tsis suav tias muaj nqi sib xws, nyias nyiam yam twg nyias qhuas nyias yam lawm xwb. Tsis saib tias txuj ci muaj nqes ib yam, los sib nres. Ces yog cuag li tsis hwm luag lwm tus tib yam.
    5. Yus pheej xav tias yus li txuj ci thiaj yog cov zoo, ces Mab sua li los kuj tsis muaj nqes li thiab.
    Dhau ntawm cov txuj ci no lawm tseem tshuav coj tej tus yam ntxwv tsis paub tab ntxiv:
    1. Xws ua neeg muaj kev txaj muag:
    Nws hnov luag tej hais tej zaj lus los ze nws ces nws txaj muag kiag lawm. Pom luag ua tej yam nws nyiam tsis tas xwb los txaj muag. Luag ua yam zoo los nws tsis paub nws xav tias yog ua los sib thuam, ces nws twb txaj muag lawm...
    2. Nws muaj kev chim:
    Nws pom luag ua tej yam ntxim yuav muaj chaw txaj muag ces nws twb pib chim lawm. Nws pom luag ua neeg muaj peev xwm los chim zoj rau, pom luag tsis muaj peev xws hais lus xwb los chim kiag tias cas neeg yuav ruam tag npaum no thiab....
    4.Ces nws xav paub tas nrho txhua yam txuj ci, tab sis tsis paub ib yam tseem ceeb li nyob nruab siab. Ces nws kawm tsis tau txuj ci. nws lam chim rau tej Xib Hwb qhia txuj, lam chim rau tej niam tej txiv los tej hlob yog neeg thoob tsib li.
    Cov neeg zoo li no mas yog lawv txawj ntsuas muab lub Ntuj lub Teb lub xyoo, thiab cov caij nyoog los kawm mas nws thiaj yuav paub kev kaj siab me ntsis. Yog tsis pau7b txog ces nws ceeblaj kawg nkaus.
    Saib zaj no mas peb zoo li ib co neeg dig muag lawm ntag. Cia muab 6 leej neeg dig muag lawv mus saib tus ntxhw los ces lawv sib cav, nyias pom tus Ntshw ntawd sib txawv deb li cas:
    1. Thawj tug, nws mus xuas tau ntxhw phab tav. Nws los nws hais tias Luag hu ua ntxhw mas loj tiag, kuv mus kov kiag lawm zoo kiag li sab phab ntsa tsev tiag. Nws tuaj plaub ntxhib khuav dav li phab ntsa tsev ntag, kuv ua ib dag los tsis tau tas li thiab tiag...
    2. Tus ob nws mus ncaj rau ntxhw tus tw, nws tuav tau nws xuas tas nrho, ces nws los nws hais tias: Ntxhw mas zoo xws li txoj hlua kiag. Ho muag muag mua j ntsis yuav zoo li rab khaub rhuab khuj tsis tshua yog li ntawd thiab, ho tsis xws li thawj tug nws hais tias dav li sab phab ntsa tsev no!
    3. Tus peb no ces nws mus tuav tau ntxhw tus kaus. Nws hais tias, lawv peb leeg ua ntej mas lam hais li ub li no. Kuv mus tuav tau kiag Ntxhw ces zoo kiag tus ko ntaj nws du cuag li dauj cog tab sis nws ho loj dua li ko riam ntaj tsem loj dua caj npab ntug thiab hos.
    4. Tus plaub nws mus xuas tau ntxhw tus cov txwv. Nws plhws mus plhws los, ces nws los nws hais tias Ntxhw mas zoo kiag tus nab ntag tsuas tsis muaj nplai thiab nplua li nab xwb. Nws ua theem daws kauv pes yeem li niag nab tiag. Nws twb muab kuv sab npab ntswj kiag.
    5. Tus tsib nws mus xuas tau ntxhw sab pob ntseg, nws muab ntxuaj ntxhuaj nws tas nws los hais tias:
    Lawv cov ua ntej mas lawv lam tau lam hais tsis muaj ib yam tseeb li. Kuv mas kuv tau tuav kiag nws zoo li rab ntxuam. Tseem dav zog ib daim nyias ev me nyuam ho, tsuas tab yog zoo li tuaj plaub xwb.
    6. Tus rau nws mus txog, nws tuav ncaj ntxhw sab tes. Nws xuas mus xuas los, nws muab khawm ua ib puag. Ces nws pom Ntxhw zoo li ib tug ntoo. Tsuas yog nws tuaj plaub ntxhib khuav xwb. Nws hais tias ua cas lawv yuav hais li ntawd nyias hais txawv nyias li. Kuv twb xuas kiag phws mus saud nqes hauv yeej zoo li tus ntoo xwb.
    Zaj lus ntawm lub peev xwm no qhov tsis zoo, yog peb sawv daws nyias muaj nyias ib yam ib yam tsis tseeb, los peb ntseeg tias tseeb lawm luag tsis paub li yus paub. Zaj yus paub thiab yus pom mas yus pheej xav tias yog qhov tseeb xwb, ces yus tsis kam txo hwj chim los mloog luag zaj saib puas tseeb thiab. Txawm sib txawv me ntsis los xyuas saib tsam ib leeg pom ib sab tuaj ces sib txawv.
    Lub peev xwm no nws txawj ua ob yam:
    Txawj ua qhov zoo tshaj plaws thiab ho txawj ua rau qhov phem tshaj plaws.
    Thaum peb xav siv lub peev xwm phem mas peb tsis tau nco ceev faj. Peb hom muab los siv rau tus neeg nyob ze yus tshaj:
    Zoo li yog yus tus txij nkawm los yus cov txheeb ze, cov ua niam ua txiv, cov yog tub yog kiv, thiab co ua neej ua tsav. Ces thiaj muaj xaiv muaj lus tsis sib haum.
    Nws yuav hlav mus xaus rau qhov yus ua ib tug neeg pluag tsis muaj phooj ywg.
    Pluag phooj ywg lawm ces pluag ti tes ti taw kiag. Koj muaj nyiaj los nyiaj tsis nrog koj ua phooj ywg. Nyiaj txiag zoo rau tub sab tub nyiag chaw hom khaj xwb. Thaum koj tsis muaj phooj ywg lawm koj muab nyiaj yuav mov los luag tsis muaj mov muag rau koj thiab. Hos tus muaj phooj ywg tab nws tsis muaj nyiaj los luag qee mov txaus nws noj lawm.
    Tus neeg muaj phooj ywg zoo li nws muaj nyiaj ntau nyob qhov txhia chaw. Xws li nws tej chaw cia nyiaj nyob thoob plaws ntawm nws npoj phooj ywg. Mus qhov twg los nws muaj nyiaj siv, muaj mov noj, muaj chaw nyob chaw so tsis ceeb laj khwv tau li Hmoob hais.
    Ib tug neeg tuaj nyob hauv lub ntiaj teb no tsis muaj phooj ywg lawm tsis tsim nyog rau nws txoj kev tuaj xeeb los ua neeg ib zaug rau ntiaj teb no, yog tias koj pluag tsis muaj ib tus neeg ua tau phooj ywg lawm ces tus tsiaj tseem muaj nqis dua koj lawm. Ntsia saib tsiaj tuag neeg xav no nws nqaij, xav yuav nws kub los nws kaus los nws tawv. Hos neeg tuag yog tsis muaj koob meej ces luag pos qhov ntswg thiab nto qaub ncaug xwb.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd March 2015, 8:55 am



    Zaj 163- IB ZAJ ZAM TXIM.



    Muaj ib zaj hais raws li Txoj Saw Mab Liab.
    Hias thov Ntuj zam txim rau Leej Tib neeg.
    Hu ua Yes Xus Mab Liab kev hlub:

    a-Thov Ntuj zam txim rau yus tus kheej.
    b-Thov Ntuj zam txim rau ib pab neeg.
    c-Thov Ntuj zam txim rau tej tus, los tej pab neeg tab tom nyob hauv kev raug xwv txheej.
    d-Thov Ntuj zam txim rau cov neeg dua nras uas lawv nyob teb chaws them txim.{ yus tej pog yawg los tej niam txiv los kwv tij ntsuab ze, los sis cov phooj ywg uas yuas paub lawv.
    *Koj siv txoj saw Mab Liab los hais:
    {Tuav + Koj hais zaj Kuv ntseeg...
    ...0... Yes Xus lub plawv qab zib yog kuv tus cawm seej! Mab Liab lub plawv qab zib yog tus hlub kuv!
    ---0-0-0-0-0-0-0-0-0-0---10 lub pob me no:
    Hais: Yes Xus, Mab Liab kuv hlub neb,cawm txhua tus ntshuj plig...

    *Lo lus xaus hais peb zaug tias:
    1.Yes Xus lub plawv ntshiab huv,ua kom kuv hlub koj tshaj plaws.
    2.Yes Xus lub plawv ntshiab huv, ua kom kuv hlub koj tshaj plaws.
    3.Yes Xus lub plawv ntshiab huv, ua kom kuv hlub koj tshaj plaws.
    *Thaum koj hais 10 lub pob me ua ke ntawd, yog koj muaj caij mas hais kom tas li 50 lub. Caij nyoog tsis txaus mas hais li cas los tau. Mam rov hais dua lwm zaus.}



    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th March 2015, 8:50 am



    Zaj 164-  NTUJ CEEB TSHEEJ THIAB NTUJ TAWG.




    Neeg Yaj Ceeb txoj kev pib thiab xaus. Yuav muab plaub tsib txoj kev tseem ceeb los piav.
    Nyob ntiaj teb no muaj ntau pab neeg ib co lawv xaiv txoj kev kaj hos ib co xaiv txoj  kev tsaus.

    1. Thawj pab neeg, yog cov thawj neeg no mas nyob tas nrho hauv cov tuav hauj lwm txhua pab, qib qis mus txog qib siab, ti nkaus tus txoov Tswv Tim thiab Huab Tais {Txoov Tswv Tim= President}. Nyob hauv txhua lub rooj ua hauj lwm yeej muaj 50, 50% phem thiab zoo nyob ua ke.

    a. Saum txoj Cai neeg tsim los kom tau tswj thiab tiv thaiv tus neeg xav ua Phem xwb. Tab tom zoo rau cov neeg phem thiab cov neeg muab hlob txawj xam khib kom lawv tau kev liam txim rau cov neeg zoo tias, tsim tau saib tsis taus tej cai no nrhiav kev iab liam kom tau muab tus neeg zoo, tsim kom tau kev los txais kev txom nyem tau thiab, los poob nyiaj txiag los ua plaub ntug rau kom tau.

    b. Cov Neeg tsis ncaj ncees nrhiav kev dag tej Nom Tswv kom tau kev muab nyiaj txiag phob mus ua lwm yam kom tau qee nyiaj ntawm tej neeg npua nuj, pob nyiaj mus siv.
    Liam txim tau rau cov neeg siab dawb cuag li txhob txwm muab tshuaj kob dub los zas neeg tej nplooj siab kom lub ntiaj teb neeg tsis muaj kev tso siab.  Kom saib tias neeg ntiaj teb no sawv daws puav leej dub tas. Tsis dub los kom tau raug ceb muag mus tas txhua tus li.  Hais txog tej teeb meem no yog nrhiav mas suav tsis paub tag teeb meem li.

    c. Ua li mas tab yog cov thawj neeg tsim tau tej txoj cai los tswj kav  kom zoo.  Nws tsuas kav tau tus neeg uas ua tau los pom xyeem qhov muag xwb. Tus uas nws xwb tim ua puag nruab siab tuaj mas zoo li nws tau zoo ua kawg nkaus li.

    d. Cov thawj neeg no 50% uas hais tias tsis zoo, ces yog cov, uas muab txoj cai los tsim txom cov neeg siab dawb los hiam cov neeg siab ncaj thiab muab kev lwj siab tseb puv lub qab ntuj no kom neeg tsis tau nyob tiaj tus.
    Nyiam no mas neeg paub tias txhua lub tswv yim tawm ntawm cov thawj neeg los ib hom ntoo xwb txi tau ob hom txiv, zoo sib xws tab sis muaj cov qab zib thiab cov qaub ua ke lawm.

    2.Pab ob no yog tas nrho cov Thawj Neeg nyob hauv txhua hom kev ntseeg. Hauv 120 txoj kev ntseeg. puav leej zoo.  Yuav ua twb zoo saib,zoo sab nraud  ntau dua, sab hauv.

    a. Nyob hauv 120 txoj kev ntseeg mas kawg yog tib txoj thiaj yog thiab tseem ceeb xwb. Lwm cov tsis yog tias tsis zoo. Zoo thiab los  tsuas zoo txog 50% li xwb, tos hais tias zoo txog 50%. Vim tias cov lus teev hawm zoo. Hos txog kev coj thiab ntseeg tsis zoo li kev teev hawm hauv lub siab tawm los.

    b. Muab hais los mas ntseeg tus Tswv thiab kev ncaj ncees tsawg dua ntseeg hwj huam ntau dua lawm. Yuav hais tseeb kiag: Ntseeg tus mlom pob zeb los tus mlom ntoo ua neeg txhais tes txua tau muaj peev xwm dua li ntseeg txog tus Tswv. Ntseeg txog tus Tswv mas tsis muaj qab hau, hos tsuav yog koj muaj tus mlom xwb mas  pab thaiv tau mem toj mem av kom zoo thaib xwv thxeej, pab tau ua neeg nplua nuj tib sis. Yog hnov li no yuav xyuam xim me ntsis txog.

    c. Ntawm txoj kev ntseeg uas ntiaj teb neeg feem coob ntseeg hais tias ntseeg txog Ntuj no xwb twb muaj tshaj puas tawm txoj los pua tawm yam.

    Qhov hais no yog Cov Xib Hwb lawv li kev zoo thiab kev phem nyob nrog sib npaug zos.
    Tas nrho saum cov Thawj neeg txhua pab li. Cov lus thiab txoj cai cov uas Xib Hwb hais, muaj ib co lus tsis yog qaum Ntuj li lus.

    b. Qhov hais tias tsis yog qaum Ntuj lus, vim Tus Xib Hwb nws txua ib co lus los  tsis xws li Qaum Ntuj cov rau.  Los sis nws txhais tsis yog lawm lawm, ces ua rau neeg ntseeg tias tseeb lawm.
    Cov  ntseeg muaj Yes Xus Pleev lub npe nyob hauv yog lawv hais sib txawv tsis xws li cov ntawv ntshiab, lawv niaj hnub tuav txog Leej Ntuj Plig uas Yes Xus hu ua Leej Tswv Yim ntshiab tus tuaj nrog neeg nyob no, mas hais tau tias lawv twb ncaim ntawm nws  mus lawm.

    c.  Cov ncaim ntawm Leej Tswv Yim mas Leej Tswv Yim kuj tsis ntxub lawv. Tab sis Leej Tswv Yim tsis pab pov kom lawb nyiam los nyob ua kev. Nws tsis yog lub tswv Yim zoo. Lub Tswv yim pab tawm tsam tas kho tas nyob ua ke yog lub tswv yim zoo. Hos lub tswv Yim sib tawm tsam tas sib ncaim mus no tsis yog Lub Leej Twv Yim lo lus Leej Ntuj Plig qhia.  Lo lus uas Tswv Ntuj hais tseeb Tshaj nyob hauv Nws los lus yog:
    ->Leej Txiv, Leej Tub, Leej ntuj Plig, lawv ua peb leeg Huab Tais,thiab Peb leeg yog ib tug Huab Tais xwb.

    d. Cov hu ua tub tshaj  Ntuj lus zoo li cov Xib Hwb. Lawv yuav muaj kev ceev faj, yog koj txua ib co lus thiab cai  uas nws tsis yog Ntswv Ntuj li cai koj muab rau cov pej xeem ris mas yuav dawm lawv kev. Cov cai thiab cov lus ntawd Tswv Ntuj yuav tsis leeg yuav.
    Thaum  koj pab neeg ris mus txog pem rooj ntug.  Qaum Ntuj yuav nug cov ntseeg tias. Me Tub koj ris dab Tsi ua cas hnyav ua luaj. Luag yuav qhia Qauj Ntuj tias:
    Puav Leej yog Xib Hwb muab los xwb.  Qaum Ntuj yuav tias Yog Xib Hwb Li ces tso rau ntawm no. Peb Qaum Ntuj muaj ntau, peb siv tsis txog cov no.  Luag coob leej tso ces thaum kawg yuav muaj li peb roob peb ha. Hnub Xib Hwb mus txog ces Qaum Ntuj yuav hais tias:
    Xib Hwb tej lus thiab cai los nyiaj ntawd yog koj li koj nyiam koj txua koj huas ua koj tug tau lawm, Qaum Ntuj tsis yuav muab tas nrho rau koj, yog ko li
    Koj cov lus,cov cai thiab nyiaj kub no yuav muaj tus saib nyob rau lwm qhov chaw. Mus tsis tau rau Saum ntuj.
    Tus yuav rau zov yog, leej twg?...

    3. Cov txiv muam coj ib hom kev ntseeg thiab cov txiv neeb txiv yaig.  Txoj kev ntseeg no lub sim xeeb cov lus tshaj tawm thiab lus coj leej tib neeg lub siab yog ib co lus ncaj ncees. Txoj hauj lwm ua ntawm tes tsis pom kev tseeb. Puav leej yog kev teev dab. Tab sis  muaj qhov yuam kev ntawm cov dab ntau me ntsis lawm.

    a. Thawj cov Dab muab hais los mas yog cov dab zoo. Suav tau Tswv Ntuj nyob hauv nrog:
    Thawj tug dab ces yeej yuav tsum yog Tswv Ntuj li lawm. Nws yog tus dab xeeb teb Xeeb chaw. Tsuas Yog Tswv Ntuj tib leeg thiaj xeeb tau. Lwm hom dab mas yees tau ua tab sis yeej xeeb tsis tau. Xeeb tau mas yog muaj tuaj lawm ces nyob mus li.

    b.Qhov yuam kev yog tej no:
    Cov dab hnub tes hnub taw, tus dab zaj. Dab xob. Dab qhov dej saus, dab qhov dej npau. Dab qhov cub dab qhov txos...
    Cov no puas muaj los tsis muaj?
    Cov dab no yog cov dab tsiv tsaim thiab ua xwv txheej rau neeg uas yog xwv txheej loj xwb. Leej twg ua txhaum los tub qaug lawm kawg tuag. Cov txiv muam txiv neeb thiaj yuav tau muab nyiaj txiag xyab ntawv mus kho los pauj, tseem yuav tau siv tsiaj txhu mus hloov ntsuj lig nyob tub tuag teb kom tau rov los thiab.

    c. Ib qho yuam kev ntxiv,  cov txiv muam no ua rau neeg tsis to taub. Luag tau ntseeg tias: tus txiv neeb no, nws nce tau mus saum ntuj. Los nqes tau nruab yeeb tau mus nrog dab tham tau los lawm yeej tseeb li 100% li ntag.  Twb tau siv tsiaj txhu xyab ntawv mus daws teeb meem txhiv ntsuj plig tas tus neeg tseem tuag mus lawm thiab.

    d. Zoo li cov txiv neeb, niam neeb no lawv ua neej nyob peem tsheej nrab neej nrab dab lawm, yam tsis muaj  tseeb los hais tias tseeb, thiab yog tiag.  Hais tej lus no mas ua rau Leej Tib neeg ntshai, thiab poob siab. Lo lus raug neej ces yog tej lus hais no ntag.
    Hais los mas Hmoob tej kev mob nkeeg ua hais tias raug dab mob mas yog xub raug neej ua ntej mam li mob. Muab liam rau dab tas nrho lawm.

    e. Yog Dab hais yooj yim li  neej mas ntshais  neej thiab dab ua plaub tsis txawj tas li.  Cov plaub no  yog zoo li neej sab, mas ua plaub neej tsis paub yeej dab li. Vim lub keeb dag poob los nyob rau neej nruab siab lawm. Ces neej thiaj tau dag mus li, dag yeej xwb.

    f. Cov txiv muam lawv muaj ib lub nra xws li cov thawj neeg coj ib hom kev ntseeg:
    Tus Txiv Muam nws taus hais cov lus tseeb lus cuav sib npaug zos. Tau ua kom luag tau them nyiaj rau nws tau siv yooj yim. Muaj ntau pua tus ntsuj Plig tsiaj los pauv Ntsuj Plig neeg hloov lawv txoj sia los. Cab thiab ris mus tso pawg lug rau pem rooj ntug.  Yog cov nyiaj txiag, thiab cov tsiaj uas tus txiv neeb kom cov npoj neeg them tuaj rau tus txiv neeb no. Qhov kawg tus txiv neeb yuav tau ua neeg nplua nuj hnub nws mus txog pem lub rooj ntug, uas nws yuav tau txais cov nyiaj txiag thiab cov tsiaj txhu neeg ntiaj teb tau them rau nws thaum ua neej nyob ntiaj teb.
    Tej no puav leej yog nyiaj kub quav tooj quav hlau thiab pob txha xwb tsis paub yaj li, yuav nyob mus li, ces tus tswv yuav tau saib xyuas thiab zov. Txhais tau tias yus raug txim...

    4.  Muaj ib co ntseeg tshiab sawv los, cov Hmoob hu ua Saub no sawv.
    Yog Saub tiag, mas ib Haiv neeg los ib tiam Ntuj tsuas tshoj qhia kom muaj ib tug xwb. Phaum Saub no. ib tse neeg. Los ib lub zos sawv ob peb leeg li no.
    Lawv yog Niam Toj Txiv Toj, Qaum Ntuj pub los kheev lawv siv cov Yaj Saub lub meej mom thiab lub hwj chim.

    a. Vim li cas cov Niam Toj Txiv Toj no thiaj sawv qab zej hauv zos nplawg ntia li no?
    Muaj lawv sawv los, vim tias, Muaj txhua pab pawg neeg cov thawj neeg ncaj tsis tas. Qaum Ntuj tshoj kom lawv sawv los hais txog neeg Yaj ceeb no tej kev khaum kev txhaum.  Uas kuv tau ua rau koj, es koj ho tau ua rau lawv lawm,  lawv kuj tau ua rau luag lwm pab thiab.

    b. Cov Niam Toj Txiv Toj no lawv txoj hauj lwm yog Qaum Ntuj txib lawv los qhia ntiaj teb neeg.  Lawv tau ua raws li lawv tau kawm los:
    Tus kawm tau hauv tev los mas lawv tsuas muaj cai tshaj hauv tsev xwb.  Tus kawm tau tom kev tshuam los tom tshav puav puam puam los mas lawv tshaj rau ib tug neeg los ib pab me nyuam neeg. Los sis ob peb leeg, lawv tsis mus txeeb lus tshaj hauv tej npoj neeg coob li cov luag muaj tsev teev hawm.

    c. Pab neeg no kuj muaj kev phem kev zoo sib npaug zos:
    Suav tas nrho lub hauv paus uas muaj kev ntseeg coj pab coj pawg los thoob plaws mus rau txhua npoj neeg.  Tus ua thawj neeg nws raug Qaum Ntuj hu los ua nws txoj hauj lawm mas yeej yog tus neeg zoo tas nrho xwb.

    d. Cov tsis zoo nyob hauv cov ua npoj ntawm pab thawj neeg no, dhau lub caij Qaum Ntuj xaiv thiab hu lawv lawd, mas kuj muaj tus phem mus tos lawv tom kev thsuam, ces tus phem kuj tau cob kom lawv siv Qaum  Ntuj zaj lus zaj txuj ci los coj cob qhia. Tab si lawv lub tswv yim ncaim ntawm lub niam tswv yim uas tus Leej Tswv yim zoo uas Qaum Ntuj tso los coj neeg Yaj Ceeb no kom muaj kev ncaj ncees rau Qaum Ntuj thiab txhua tus leej neeg.

    e. Cov Niam Toj Txiv Toj no, tas sawv daws kuj tsis zoo li yog ib pab xwb. Muaj ntau pab thiab. Cuag li muaj ntau leej nyob saum qaum ntuj xaiv lawv li nyias muaj nyias tus tswv. Qhov tseeb muaj ib pab yeej yog Qaum Ntuj xaiv. Hos ib pab mas lawv hais tias lawv li yog cov pog Koob yawg Koob xais lawv. Lo lus tseeb tsis tau muaj neeg paub tau li.

    f.  Qib lus no yuav hais rau sawm txhua pab uas yog thawj neeg.  Saum cov thawj neeg muaj 50% yog neeg dawb huv. Hos 50% kuj tsis paub nws feemxyuam. Thaum mus txog ntawm txoj kev kaj thiab kev tsaus sib txuas yuav muaj kev sib ncaim. Txhua tus neeg paub cov thawj neeg no mas yeej xav tias, cov thawj neeg yeej yuav tau mus nyob ntuj kag. Cov mus rau Ntuj tsaus tus yog sawv daws cov tau hla kev ua ncaj ncees lawm xwb.Txhua tus leej neeg tau sib paub nyob ntiaj teb no, yeej ntseeg thiab xav tias cov ua thawj neeg yeej yuav tau mus nyob ntuj kag xwb.

    g. Thaum tsoom pej xeem me nyuam neeg ntau vam leej mus txog ntuj kag, lawv xav tias yuav pom cov thawj neeg nyob ntuj kag yuav tuaj tos lawv. Tab sis pom cov thawj neeg ntawd tsawg leej kawg.
    Tig mus ntsia sab ntuj tsaus  pom feem coob yog cov thawj neeg ntau xwb.  Cov thawj neeg nyob ntuj tsaus, cov thawj neeg ntawd, muaj tas nrho txhua hom los txhua pab thawj neeg nyob rau Ntuj tsaus.

    5. Pab kawg yog pab tsis muaj thawj neeg.  Tsis muaj Xib Hwb coj thiab cov qhia los lawv yeej tsis lees txais yuav leej twg li. Cov no lawv tsis ntseeg li  cov tau xub sau los lawd. Lawv tsis muaj Tswv Ntuj los Huab Tais.  Lawv ua lawv lub plab qhev nkaus xwb. Thaum lawv tsau plab lawm lawv nyob zoo li yog neeg dawb huv. Tab sis thaum lawv tshaib plab tuaj lawm, mas lawv siv zog ua hauj lwm kawg.
    Lawv tuaj yeem maub hmo ntuj tiv nag,  tiv kub tiv no mus kom txog chaw. Lawv muaj peev xwm tho kom tau luag tej qhov vaj qhov tsev mus. Tej tus kuj muaj peev xwm muab nws niam nws txiv tua kom tuag. Lawv ua kom lawv lub plab tsau xwb, ces txaus lawv siab lawm.  Tej tsam mas cov neeg no lawv kuj muaj  hwj chim cuag li cov thawj neeg thiab.

    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th March 2015, 7:57 pm



    Zaj 165- KEV UA TXIJ NKAWM.





    Hais txog lub neej nyob muaj txig muaj nkawm, sib hlub kom mus kawg ntsis, mas yuav nco ntsoov them yus tus nqi tshoob!
    Haiv Hmoob tej niam tej txi, thaum lawv muab nyab los qua ntxhais, kom tau muab tej tub ntxhais los sib txis ua txij ua nkawm.  Mas lawv tau sau ib co nyiaj, cov nyiaj ntawd Hmoob hu ua nyiaj sim tshoob los nqi tu iab tu khwv.  Los hu ua nqi mis nqi hno no.
    Muaj tseeb li ntawd.  Tab sis cov nyiaj no tsis yog tus nqi tshoob.

    Nws poob los ua niam txiv tus nqi mis los tu iab tu khwv. Los deev niam txiv siab kom tshoob kos mus taus xwb.
    Nws tsis yog tus nqi tshoob tiag. Yog muaj tus nqi tshoob li Hmoob hais mas tus nraug vauv yeej them tsis taus li. Vim tus nqi tshoob mas yog ntau vam txiab nyiaj lawm. Hmoob rov tsis paub lus Hmoob ces Hmoob tau hu ua nqi tshoob no xwb.
    a. Tus nqi tshoob tiag,mas Nraug Vauv yuav them nws tus nqi tshoob rau Nkauj Nyab. Hos Nkauj Nyab los nws kuj yuav them  nws tus nqi Kos  rau Nraug Vauv mas thiaj yog!
    Tus ua Nkauj Nyab thiab Nraug Vauv mas nws yuav them nws tus nqi tshoob, nqi kos no mus tas ib sim neej!
    Tus Nraug Vauv pom nws tus Nkauj Nyab  muaj peev xwm nquag txawj ua mov noj txawj txais dab txais qhua zoo, mas Nraug Vauv yuav Nrhiav keb thoob tsib los cav thiab qhuas txog nws tus nkauj Nyab tes mos tes nquag txawj tooj xov ntos ntaub no kom tsim nyog.
    Tus Nyab los thaum nws pom nws tus Vauv muaj peev xwm ua neeg thoob tsib hais lus los coj tau lub zej zog mus haum kev ncaj ncees. Nws yuav qhuas thiab cav txog tias; luag txawj ua tej yam zoo, hos koj tseem ua zoo tshaj luag tej lawm ntau thiab hais lo lus hwm thiab qhuas kom tsim nyog no, los ua tus nqis tshoob them rau yus tus txiv.
    Nkauj Nyab thiab Nraug Vauv, koj them rau kuv, hos kuv them rau koj li no niaj hnub mus tas wb ib sim neej thiaj yog them tus nqi tshoob li hais no ntag.
    b. Nco ntsoov Tus vauv pom tus Nyab ua tsawg yam zoo, mas tsim nyog yuav qhuas thiab cav lus zoo txog nws.
    Tus Nyab los tib yam, pom yus tus vauv muaj peev xwm. Hais lus ua neeg thoob tsib ces hais lus zoo thiab cav txog nws. Tsis yog tos kom nws tau ua tej yam loj mam li qhuas xwb.  Tej hauj lwm tu vaj tse ua mov no tu tub ki no xwb los yeej yog hauj lwm tseem ceeb tas nrho tib si lawm mog.
    c. Yog ob tug txij nkawm neb sib them nqi tshoob nqi kos li no xwb ces, Kev muaj mob nkeeg,tej txiab xeeb yuav tsis los paug neb lub vaj lub tsev li. Neb yuav muaj hmoo zej zog yuav vam txog neb los ua zej zog niam zej zog txiv neb yuav zaum luag hauv rooj, noj luag hauv qav, hais luag hauv lus.  Ntuj niam Ntuj Txi yuav foom koob hmoov rau neb ua Nkauj Hnub thiab Nraug hli mus nruab nrab ntug coj Haiv Hmoob kev mus ib ncua kev lawm mog.
    Ces Neb yuav txawj cob kom luag me tub me nyuam txhob mus qee luag nyiaj nyob nruab hub los tuaj nruab xab. Ces zej zog yuav tsis muaj kev sib ntxub, thiaj nyob koom tau ua ib pab no.



    Yaj Zoov NtxhebXib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st April 2015, 8:09 am



    Zaj 166- LOS TSUA TEB MUAJ ZOO MEM TOJ.



    Lub Teb Chaws Los Tsuas muaj zoo Mem Toj rau cov neeg tuam Tshoj uas tej laus hais tias,Neeg Pej Fab, thiab neeg Toob Fab tuaj nyob.
    Lub ntshiab lus no, nyeem tas txhais tau mas thiaj to taub. Koj nyeem tas txhais tsis tau ces yog lus dag ya nrog huab cua xwb, txhob nrhiav paub mas zoo dua rau koj, thiaj tau so dawb, tsis hnov cua tshuab rau pob ntseg.
    Los Tsuas Teb yeej muaj zoo mem toj, los Looj mem zoo:
    Vim tias Lawv niam lawv txiv tau nyob xwb, los lawv tej tub ki cia li tau Nom ua. Lawv tau cai puag nruab ntug los Tswj kav Huab Tais lub hwj chim, tuav nws lub teb chaws cuag li tau ua Phab Caub tib si lawm.
    Leej twg tseem tawv nyom mas zoo li nws tsis tau kawm txuj thoob. Yuav raug mus cob qhia tas mam li los tsom kav poj tub se mus ntxiv.
    Ntiaj teb me nyuam neeg siab dawb hlub tshua phooj ywg txheeb ze, nws nyob tsis ua caij ua nyoog ploj suab npe mus yam neeg poob deg,los dab tsov ntxoog yuj tau mus poob zoo.
    Phiaj neeg sawv ua tub txawj tub ntse Mem Toj Txwv Feej zoo pab kom muaj cai xa neeg mus txog Yeeb Tim teb, Kom lawv mus ua neej nyob kaj nyob huv mus ib faj.
    Lub ntshiab lus hais tas los no:
    Yog hais rau peb sawv daws hnov, yog peb li Tswv Yim, peb li lub siab xav li lawm. Yus twb yog ib tug tseem los tsis paub.
    Vim peb yog cov neeg tsis muaj kev sib haum xeeb, tsis muaj kev sib hlub, peb hais tias,lub siab txav mus los yeej txav tsis deb hlo li.
    Leej twg los nws ob txhais tes nyob ze nraim ntawm kev xav muab luag roj ntsha hli rau nruab a.
    Coj tus cai hlub neeg tas siab tas ntsws. Tab sis tsis kam ib tug neeg txom nyem kom tau dim ntawm nws kev txom nyem los li.
    Txij hnub no mus cov Sawv Toj los Looj Mem Zoo no Tig rau cov Ntxhais Los Tsuas tog kom zoo tuaj lawm:
    Cov Sawv Toj Looj Mem no coj cov ntxhais Los Tsuas no lawv li Ntawv Nyiaj Keeb Puaj Txwm tuaj ntawm Saj Pej thiab sab Toob Fab tuaj ua cov ntxhais Los Tsuas no lawv ntsib tus hlub ces yuav coj tej poj koob yawm txwv mus thawj thiab ua lwm haiv neeg muaj koob meej, thiab muaj hwj chim dua Los Tsuas lawm.
    Cov tsis muaj ntxhais, thiab cov uas ib txhis thaum Ntuj tawg paj teb tuaj nroj uas yog lawv li ces, tsuas muaj ua dab neeg hais lawm xwb, tias yog lawv li qub tswv luaj los qub tswv av no lawm xwb lauj.
    Los Tsuas ces mus ua thais Iv Xam los yuav muaj dua ib lub npe tshiab xu das los tsis paub.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th April 2015, 7:57 am



    Zaj 167- LUB CEV TSIM NQI MUAJ TXUJ CI.



    Hais txog cov txuj ci kav neeg lub cev, mas yog ib yam tseem ceeb kawg.

    1. Hais txog ib tug neeg, uas nws ua neeg thoob tsib. Tsis hais leej uas yog poj niam los txiv neej li.
    Tus uas nws hnov luag hais lo lus nrov txog nws pob ntseg xwb, ces nws nyeem tau luag lo lus, los sis txhais tau lo lus ntawd.
    Cov neeg no, nws tshaj tawm, los hais mus, los qog leej twg li lus mus tom ntej mas yeej tsis muaj xaiv muaj lus. Nws tsis yuam kev, nws hais tseeb thiab yog. Nws pab sawv daws paub qhov tseeb, sab yuam kev nws muaj nws chaw mus, hos qhov tseeb nws kuj muaj nws kev qhia zoo.
    Tsis ua rau leej twg muaj chaw cib nyeej los khaws kev tub qaug cia, coj luag muaj kev xam khib mus ib ncua. Suav tau tias tus neeg thoob tsib no nws cov lus hais muaj tshuaj cawm cov txheeb ze nyob ua npoj kom sib haum xeeb.

    2. Saum Fab tswv yim los zoo.
    Cov neeg muaj qhov zoo li hais saum no mas, lawv yog neeg thoob tsib, mloog tau zaj lus meej pem. Nws qog leej twg li lus mus rau lwm leej lwm tus los lwm pab lwm pawg tau hnov, nws tsis cog plaub ntug rau leej twg. Nws ua rau cov tau hnov paub qhov tseeb thiab qhov cuav ua ke. Sawv daws koom nyob tau ua ke ua npoj yam muaj kev kaj siab lug xwb.

    3. Nyob hauv fab tswv yim yuav txuas mus tom ntej.
    Cov txuj hais txog tej Looj Mem los tej Sawv Toj, kev muaj Hmoo los ua neeg Nplua Nuj.
    Lub caij thaum tej niam tej txiv ua neej nyob puv caij nyoog lawd. Hmoob hais tias yuav mus saib Sawv Toj los Looj Mem no:
    Thaum tus Txiv Xaiv hais cov lus qhuab Kom los foom Kom no, muaj cov lus qhuab qhia tias:
    Zaum no nej txiv sawv kev lis tsees los mus rau Ntuj Ceeb tsheej lawm, nej ua neej nyob rov tom qab, ces nej mus duj hau li caug rau Tswv Ntuj lub tsev vaj lig muaj tag Nws Leej Tub tus neev tes neev taw txaij nruag lis zees 19 qib. Ces Ntuj Niam Ntuj Txi yuav tso li plhuav 9 txog sab mem ntxa ci lis npuaj Ntuj ceeb tsheej los rau 9 lub roob ces yog qhov mus zoo chaw, nej muab nej txiv coj mus txam lis ntua rau ces nyob Ntuj ceeb tsheej, nej txiv tus ntsuj Plig nqis nroos lub rooj nom, zaum lis ntua lub kim txwv tswv no.
    Tej no puav leej yog lus txhiaj txhais thiab lus paj lug xwb. Nej txiv los mus lawm, nej twb tsis mus teev Ntuj li. Ntuj zaj txuj ci sib nyiam sib hlub twb tsis nyob hauv nej nruab siab li, Tab nej ntawv ua nom ua Tswv poob saum ntuj los rau nej lawm los nej twb tsis paub yuav ua zoo li cas. Nej lub rooj Nom los txog lawm los nej tseem tsis xav zaum qees thiab, nej yeem mus zaum lub rooj qhev uas nej hais lus ywj siab, zaum caws tes caws taw ywj siab. Lub rooj nom los nej twb tsis paub ntshaw. Ces luag cov paub luag txawj mus zaum. Zaum los luag txawj zaus ces ntiaj teb cia li saib luag yog lawm, mus txog thaum luag rov taw tuam tuam Ntuj lawd, lawv mam poob mus.

    4. Sab kev sib hlub ntawm txij nkawm los sib xws thiab.
    Luag to taub, Luag mus xaiv tus zoo ua niam tsev los zoo txiv tsev, thaum luag xaiv tau ces luag tau tus poj niam los tus txiv neej muaj zoo pov haum kav luag lub neej.
    Ces luag tau zoo kev ua neej, luag txawj nyob rau qhov paub tab, ua Hmoob niam Hmoob txiv, tiv thaiv kom tej me tub me nyuam Hmoob nyob haum xeeb nyob thaj yeeb.
    Ces hauv rooj los luag tau zaum, hauv lus los luag tau hais, hauv qav los luag tau noj. Luag tau ua thawj neeg.
    Nej tsis txawj xaiv ces nej mus xaiv tau tus zoo poj niam los zoo txiv neej xwb. Lawv kuj muaj zoo lub meej mom zoo, lawv tsuas yog cov txiv neej los cov poj niam pheej yig xwb:
    Lawv pheej yig, vim yog cov txiv neej uas nyiam cov poj niam txawj hais cov lus qab qab zib uas nplua cuag li roj nplua kom nqos yooj yim xwb. Lawv nyiam raws poj niam qab cuag li cov heev nyuj uas raws muam nyuj qab.
    Hos cov zoo poj niam kuj yog cov uas pheej yig thiab, lawv nyiam cov txiv neej lo lus qhuas tias, koj zoo nkauj thiab zoo nyiam heev. kuv nyiam thiab hlub koj tshaj plaws li. Tsis txawj tuav lub hwj chim ua zoo niam tsev kom muaj koob muaj npe nto npe lug.
    Leej twg qhuas nws ntau xwb ces txawm siv kheev nqi kom luag yuav tau. Lawv ua neeg qhov ncauj loj hais lus ntau swb lus, ces swb cev rau luag tib si lawm.

    5. Qib lus nyob saum qib plaub no mas peb ua neeg yuav ceev faj kawg nkaws, rau cov zoo txiv neej los zoo poj niam no:
    Nws muaj lo lus hais tias pheej yig no, pheej yig tiag, qhuas xwb twb yuav tau lawm. Tsis tau poob nyiaj li:
    Koj muab nws qhuas xub ntiag mus dhau nraub qaum xwb, ces yus tseem xav tias yuav raug nqes li cas, no xwb. Nws twb tuaj yeem muab pub dawb rau koj lawm.
    Tab sis hom neeg zoo li no, nws muaj voj hmab voj hluas, nrog hniav ntaj hniav riam ua neej sib puag tuag od. Thaum tej teeb meem no coj kev tuag txav los ti nkaus koj, mas koj mam paub tias,dab twb muas tau koj lawm, ces koj yuav tau mus peem tsheej ua dab ntag lauj!

    6. Cov uas lawv ntseeg txog Ntuj mas lawv lawv paub lo lus nyob hauv ntawv ntshiab tias, thaum Yes Xus mus tshaj kev ntseeg nws kho cov neeg mob thiab nws ntiab ntau tus dab phem:
    Lo lus no yog txhais rau peb cov ntseeg mas yog tias, Peb txhob tham txog kev kho siab uas neeg tsis sib hlub, txhob tham txog ke ua plees ua yi... Txhob tham txog kev hais luag tej dab plig tsis zoo, txhob xyav luag tej lub moo phem rau leej twg hnov li,txhob xav txog kev npau taws rau luag tej, txhob khaws kev cib nyeej los kev luag ua tub qaug rau yus cia.
    Kev ntiab dab ces yog tej no ntag. Yog koj caiv tau kom txhob hais tej lus saum no, koj hais cov lus zoo xwb, ces koj tau tshaj ntuj cov lus lawm. Koj caiv tsis hais cov lus phem ces koj tau ntiab ntau tus dab phem tawm ntawm koj los tawm ntawm luag mus lawm.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th April 2015, 8:41 am



    Zaj 168- LUB ZOG ME MUAJ PEEV XWM LOJ.



    Ntawv Yus Dis: 13: 17-19 +15:9.

    17. Tas tsoom pej xeem cav txog Yus Dis,nqa Hos Los Fes lub tau hau tuaj nyob hauv lub Tsheej Npes Thus Lias. Mas sawv daws pe Tswv Ntuj thiab cav txog Yus Dis tias:
    Huab Tais foom hmoov zoo rau koj, Nws muab Nws lub zog rau koj, kom koj yuam tau peb cov yeeb ncuab tus thawj neeg.
    18 Tus Huab Tais nyob siab foom Hmoov zoo rau Nws tus Ntxhais Yus Dis. Nws tau foom lus zoo rau koj, zoo tshaj cov poj niam uas tau mloog Tswv Ntuj lus nyob ntiaj teb no.
    Peb qhuas thiab cav txog tus Huab Tais tsim lub ntuj lub teb. Vim nws tau muab lub zog muaj peev xwm pab koj txiav tus thawj yeeb ncuab lub taub hau.
    19 Yus Dis hnub no Huab Tais tau ua kom Loj lub npe nto moo loj. Tas lub qab ntuj neeg yuav cav thiab nco ntsoov Huab Tais lub hwj huam loj mus li. Vim Yus Dis tsis tau ntshai txoj kev txom nyem, thiab raug luag hiam.
    15:9 Yus Dis koj tau npo ntau vam leej neeg ntawm txoj kev tuag. Thiab koj tau ua kom cov neeg paub Huab Tais muaj koob meej.

    Kuv yog Yaj Zoov Ntxheb Xib Hwb.
    Kuv yuav muab Yus Dis zaj no los tham txhawb tswv yim rau cov neeg uas nej tau paub kuv tau ntau xyoo dhau los lawd.
    Cov sawv los ua saub, los cov ua Tswv Ntuj ib txoj hauj lwm pab luag tej. Uas niaj hnub no nrog peb nyob ua ke hauv zos, los nyob qab zej hauv zos txhua nrho no.
    { Cov uas lawv sawv los niaj hnub no mas lawv tsis yog saub. Saub mas ib haiv neeg no, mas ib tiam mam li sawv ib tug xwb, mas lawv yog Saub tiag.}
    Cov uas ib lub zos sawv ob peb leeg, los ib yim neeg sawv ob peb leeg no, mas Luag hu ua Niam Toj Txiv Toj no!
    Vim tias yog sawv thoob plaws qhov txhia chaw tuaj. Lawv yog zoo li sawv los nres tas ib phab toj, kom av txhob ntais, los toj txhob pob mus xwb.
    Kuv muab pab Niam Toj Txiv Toj no los ua Piv Txwv, vim Cov Niam Toj Txiv Toj no lawv feem ntau, tsis yog cov tub kawm txuj, uas lawv yog tub txawj ntxhais ntse.
    Ua li mas nej yuav xav tias lawv yog cov phem los cov zoo?
    Kuv hais rau nej sawv daws paub tias lawv yog ib pab niam Toj, Txiv Toj zoo, tuaj saum qaun ntuj tuaj, lawv tuaj ua Qaum Ntuj ib txog hauj lwm.
    Qhov phem qhov zoo nws kuj muaj sib npaug zos nyob hauv tus neeg. Saib nws puas txawj cais mus rau sab zoo los sab phem xwb.
    Vim li cas Ntuj ho tshoj kom muaj cov Niam Toj Txiv Toj no sawv los nyob?
    Vim muaj tej teeb meej puv ntia qhov txhia chaw. Uas muaj neeg nyob.
    Cov thawj neeg nyob hauv lub qab ntuj khwb no txhua pab neeg siab ncaj tsis tas txhua tus, muaj neeg phem neeg zoo sib npaug zos:
    ->Cov Nom Tswv muaj 50% 50% Phem thiab zoo.
    ->Cov Thawj coj kev ntseeg txhua hom 50% 50%...
    ->Hmoob Cov Txiv Muam, txiv neeb txiv yaig 40% 60%...
    ->Cov neeg tuav kab xwm tuav hauj lwm ncaj 40% 60%...
    ->Cov neeg nplua nuj, txom nyem 40% 60%...
    ->Thaum cov thawj neeg ncaj tsis tas zoo li no lawm, ces Qaum Ntuj thiaj txib ib co Niam Toj Txiv Toj no sawv los txheem lub ntiaj teb, kom khov tuaj.
    Cov Niam Toj Txiv Toj no lawv tej txuj ci ncaj qha nqes saum ntuj los pub kev thoob tsib rau lawv:
    Tej tus lawv tau kawm ntawm ib lub tsev kawm txuj los. Tej tus mas lawv khaws tau hauv tsev los. Tej tus mas lawv cia li khaws ntawm tej kev tshuan, los tom tej tshav puam los xwb kuj yog thiab....
    Tus kawm ntawm qhov muaj cai tshaj rau tej pab neeg mas nws tshaj tau rau lawv. Hos tus kawm tau los tshaj rau ob peb leeg xwb los nws maj mam tshaj li ntawd. Hos tus kawm tau los tshaj pub rau ib yim neeg zuj zus xwb los nyias ua nyias li haub lwm.
    Cov phiaj neeg sawv ua Niam Toj Txiv Toj no tas sawv daws tsis zoo ib yam los sib xws thiab.
    Txoj hauj lwm lawv ua lub ntsiab los ntawm lub hauv paus los mas yog tib txoj hauj lwm, sawv daws puav leej tuaj hais txog kev khaum kev txhaum. Kom nres tseg txhob ua ntxiv lawm.
    Muaj ib yam tsis paub tseeb. Zoo li Qaum Ntuj xaiv tau tus neeg zoo thiab nws raug txib lawm, ces muaj ib tug neeg tshiab tuaj tos nws ntawm kev tshuam coj nws mus rau tswv yim tshiab cob nws los ua Ntuj hauj lwm, tab sis thaum nws ua tas mas nws tsis muab fij rau Ntuj. Nws muab khaws cia ua nws ntiag tug kheej li lawm.
    Cov pab neeg no, lawv paub Qaum Ntuj lus zoo cuag li lawv tau mus kawm saum qaum ntuj los, los cuag li lawv muaj ntawv tuav ntawm lawv tes. Lawv hais lus txaus ntshai, thiab txaus ntseeg tiag.
    Lawv paub txog kev khaum kev txhaum tej pog tej yawg tau ua dhau los lawd. Thiab paub yav tom ntej nrog thiab.
    Tas nrho cov pab neeg hais no lawv puav Leej yog Qaum Ntuj me nyuam tib si.
    Peb txhob sib thuam sib cav txog cov neeg no nyob ntawm peb thiab lawv.
    Qaum Ntuj ib txwm nws hu cov neeg zoo xwb, yam peb yuav ceev faj mas yog:
    Tus neeg zoo uas Qaum Ntuj hu nws los ua ib txoj hauj lwm zoo, kheev muaj tus phem tos tau nws ua ntej tom tej kev tshuam ces tus phem muab nws cob ua ntej lawm, thaum nws pib ua ntuj hauj lwm mas nws ntxiv tus phem cov lus cob rau ces nws zaj txuj ci txawv zog lawm.
    Ces thiaj muaj cov Niam Toj Txiv Toj sib Txawv me ntsis li no thiab. Ces cov raug los ua Niam Toj Txiv Toj no muaj coob, tab sis nyias kuj coj nyias sib txawv me ntsis thiab.
    Kuj tsis paub tias sawv daws yuav vam meej mus txog qhov twg li.
    Tas nrho cov Niam Toj Txiv Toj no nrog rau cov txiv muam coj dab qhuas, cov Thawj neeg coj kev ntseeg, nrog cov Nom Tswv thiab cov tub tuav dej num tseem ceeb.
    Sawv daws yuav mus mag rau saum peb lub voj hluas no los peb rooj ntxiab no huv tib si.
    Tsis hais leej twg li, nws yuav ua mus txog hnub uas tus phem muas tau nws, ces nws xav tias:
    1-> zaum no kuv yog tus loj lawm, muaj txuj ci ntau thiab leej neeg paub kuv coob, ces kuv yuav tshaj qhia tias kuv yog tus tseeb thiab zoo tshaj, kuv yog tus nyob kiag ntawm Qaum Ntuj xub ntiag, nej yuav hwm kuv ua tus loj tshaj plaws mus. Yog kuv hais mas Qaum Ntuj yuav mloog tas nrho.
    Hnub no nws poob mus ib theem, tshuav txiaj ntsim hwj chim li ob theem lawm xwb.
    2-> Nws ua ib ntus mus txog hnub nws xav tau tias, zaum no kuv muaj hwj chim cuag li Qaum ntuj nyob ntiaj teb no lawm,tsoom neeg yuav vam kuv pab mas yuav tau them nyiaj me ntsis kom kuv ua neeg nplua nuj tuaj thiaj tsim nyog kuv tes hauj lwm. Ces nws pib kom luag them nyiaj. Nws poob mus theem ob lawm, tshuav txiaj ntsim ib theem lawm xwb.
    3->Nws ua ntxiv mus, Nws muaj cov txuj ci seev txog Hmoob tej mob nkeeg ntawm neeg lub cev tuaj thiab. Nws ua hauj lwm ntsuam xyuas cov neeg mob ntau, txiv neej poj niam sib npaug zos. Nws kov neeg lub cev ntau, ces muaj ib tug txiv neej, los poj niam txoj sab mem tes dhia haum nws txoj hlab siab, ces nws pib nyiam mus rau sab kev hlub. Ces nws yuav tshaj qhia tias kuv paub koj li ntawv nyiaj keeb puaj txwm uas koj coj los ua neej rau ntiaj teb no... Tiam dhau los lawd koj daim thiab kuv daim ntawv mas yog tib daig uas wb tau tuav rawv saum ntuj nqes los tiag. Los ces nyias mus nyias txoj kev lawm hnub no wb mam rov sis ntsib tau, ces nws tham dav thiab tob zuj zus mus ua rau luag swb lus ces swb cev nrog thiab,ces kev ua plees yi tawm los. Txiaj ntsim koob Hmoov txhua yam poob tas nrho tsis tshuav dab tsi lo ntawm nws cev los ua puav pheej li tias, nws muaj Qaum Ntuj li txuj ci, nrog nws nyob lawm.
    Lub txiaj ntsim kev ua Saub uas Ntuj muab los nrog tej txuj ci yus tau kawm tiav muaj suab muaj npe poob mus du lug.
    Zaj lus no kuv sau los mus pab tiv thaiv thiab txhawb zog rau tus neeg nws xav tuav nws lub Tswv Yim thoob tsib uas nqes saum ntuj los nyob txawm hauv nws kom pab ceev nws cov txuj ci cia kom muaj nuj nqes nyob nrog nraim nws lub koob meej nyob mus li xwb.

    Y.Z.N.X.H.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 20th April 2015, 9:18 am



    Zaj 169- LUS THOOB TSIB QHIA COJ SIAB.

    Cov Zaj Lus Zoo li no mas muaj ntau zaj los sib piv. Tab sis muab peb tug piv txwv no los sau rau peb sawv daws xav.
    .
    1. Ntseeg txog tej tus mlom uas muaj tej tus neeg hais tias, nws muaj hawj huam, pab tiv thaiv mem toj mem av, tiv thaiv kev mob kev nkeeg. Los tiv thaiv kom ua neeg muaj hmoo, tau ua neeg nplua nuj muaj txiag.
    *-Nyob hauv zaj lus no, yuav tau ib nyuag ceev faj. Kev thoob tsib thiab kev ua neeg ruam sib npaug:
    Tsam koj raug dag, kom poob nyiaj, kev tso siab rau ib tug mlom, muab av los puab, los muab ntoo los txua tau muaj ib tug neeg foom lus zoo rau ces yuav tiv thaiv tau ntau yam xwv txheej li no.
    *-Uas tsis muaj lus pov thawj thiab lus tseeb los ntawm ib qho chaw los li, cia li ua tau pov haum.
    Yam xwm yuav los yog:
    Thaiv koj txoj kev dawb huv ua kom koj dig muag mus nrhiav tsis tau kev tawm.
    *-Tej no kev txhaum kev khaum tsis yoj vim koj:
    a-Tus qhia nws tsis paub qhov tseeb. Nws tsuas saib tias zoo ua lag luam cuav kom muaj paj tshab zoo rau nws. Ces ntxab ntxawm dej hlob zoo dov cav kom nws ua neeg nplua nuj mus.
    b- Tej yam zoo li no kuj yuav ceev faj, tsam koj tau dag rau ib pab neeg uas lawv yog qaum Ntuj me nyuam. Thiab koj tau dag rau Qaum ntuj nws tsis yog ib yam tseeb nqes saum ntuj los.
    c. Lub tswv yim no nco tsoo tsam yog tus nyob nruab yeeb nws lub tswv yim, Nws tuaj siv koj ua nws txoj hauj lawm rau nws, ces hnub koj muaj 120 xyoo nws npaj chaw rau koj mus nyob.

    2. Ntseeg txog Leej tib neeg tej Hwj Huaj Cawm ntsuj Plig.
    Zaj no kuj tsis txawv deb zaj ntseeg mlom thiab.
    a. Tus Leej Neeg no, Nws vam txog Leej twg cov Hwj Huam los pab. Yog tus neeg nws hais lus Vam txog tej Poj Koob Yawm Koob thiab Ntuj Niam Ntuj txi lub Hwj Huam mas kuj yog ib yam, uas Ib txwm Hmoob tej pog tej yawg siv los mas yog zoo.
    b.Yam ua tsis muaj Ntuj Niam Ntuj txi nyob hauv uas tuaj ntawm koj tus kheej tuaj, uas koj siv ib co Hwj Huam los ntawm Xob. Zaj, Nab, Tsov, los ib tug neeg nto moo lo xwb.
    Zaj no cov xwm txheej yuav raug ob tog, ib tog tau hnyav, ib tog tau sib me ntsis:
    *-Sab hnyav, Vim koj tau dag lawm tsis tseeb...
    koj tau ua tub qaug rau ib tug neeg tsis paub tab, kom lawv dig muag mus ntev xyoo, ces nws ruam ruam tsis xeev los ua neeg thoob tsib pom kev caum luag tej mus.
    *-Sab sib, tus neeg raug dag nws tsuas nros nws ruam, ces nws ua neeg poob qab.
    *- Los ntawm tus hais los, hhov kawg zoo li koj tau dag rau txhua yam, thiab koj kuj rov dag koj.

    3. Ntseeg tshuaj ntsuab.
    a. Cov Tshuaj ntsuab los ntawm nroj tsuag xyoob ntoo los yog ib yam zoo rau neeg lub cev.70%
    b. Tshuav li 30 % tsis zoo no mas nws kuj los ntawm leej tib neeg kev dag los ntxiv rau thiab. Vim muaj tej tus neeg ntshaw kev nplua nuj kom muaj txiaj ntau tau siv, ces nws lam hais tias, ib hom tshuaj zoo 120 yam mob no tuaj.
    c. Tsob tshuaj zoo 100% yog tsob tshuaj hauv tsev. Yog. Neeg cov ncauj nplaig lus hais.
    *- Ob qib lus no yuav hais tej lo lus tsis zoo mloog:
    Tej niam txiv yeej sib hlub tsuas yog tsis txawj hais lus kom ntxim siab. Tej ncauj lus tsis sib tom thawj, hais lus tsis txawj sib hwm los tsis nco txog kev tub qaug, muaj sib cav sib ceg. Muaj kev nros mov tsis noj, ces lub cev swb tej sab foob khaub tuas. Muaj mob nkeeg los mam li txhawj coj mus rau kws tshuaj, los tsis txawj hais lus, hias rau kws tshuaj tias, kuv niag poj niam vwm lawm koj txhaj tshuaj rau kom txhob vwm. Zaum no poj niam haj yam tu siab chim siab ib npaug ntxiv, ces nws huas siav tuag kiag nkag mus ua poj ntxoog lawm ces mam paub li yog txoj kev lig mus ib sim neej.
    *- Txawm yog zoo li hais no, Tej txiv neej los muaj kev tu siab tsis sib xws, ces muaj hnub nyoog 50 xyoo xwb ces tsis muaj zog ua txiv neej. Mam li txhawj. Ces ho nrhiav tshuaj tawv nruj qab teb mus dhau qaum teb. Yog thawj pob tshuaj ntawd tsis raug lawm mas cov sab nraud tsuas zoo thawj pob uas koj zoo siab hnov lo lus nrog xwb, cov tom qab muab los tshuaj mus tshuaj li lawm, tus nkws tshuaj ces cia li nplua nuj dawb.
    *- Hais tas lus nrho yog tsob tshuaj hauv tsev tsis zoo lawm ces, cov tom phamacy tseev nws kim los yeej tsis raug tus mob li.
    Yog sawv daws txawj siv tsob tshuaj nyob hauv tsev mas ua neej nyob txawm noj mov zaub tsuag xwb los yeej tsis muaj mob thiab tseem ua neej nto moo lug, nrog kev kaj siab lom zem xauv npo.
    Zaj lus no xav tau ces cia li sau xwb yam ua yuav yog nyaj yuav muaj li 20% nyob hauv thiab.

    Yaj Zoov Ntheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5564
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd April 2015, 8:19 am



    Zaj 170- NTSEEG DAB NEEG TSWV XYAS.

    Cov Dab Neeg Tswv Xyas no, yog ib co dab neeg nyob siab dua Hmoob lub Tswv Yim lawm, tsis zoo ntseeg!
    Vim tias tus ntseeg mas nws yuav coj nws lub tswv yim rov mus zwm rau kev ruam ib ncua ntxiv. Hmoob mus tsis tau txog qhov tseeb thiab cuav.
    Yam tsis tseeb nws muab ua tseeb, hos yam tseeb nws ntseeg tsis tau txog.
    Cov dab neeg Tswv Xyas no, puav leej hais los ntawm sab kev txhaum kev khaum los ntau xwb.
    Tsis muaj ib zaug li uas los ntawm tus neeg coj kev ncaj ncees los li. Uas Tswv Xyas nyiam nws.
    1. Sab hais zoo ces yog los ntawm, cov muaj lub meej mom zoo nkauj zoo nraug los ntau.
    2. Kuj yog los ntawm cov txiv neej Hmoob los poj niam Hmoob muaj txuj ci los.
    3. Muab hais los mas yog cov neeg uas lawv muaj lub zeem muag los lub siab xib rau Dab sab ntau dua neej sab.
    Cov neeg hais los saum no feem coob los feem ntau. Mas, lawv muaj kev coj kev xav ntau dua luag. Lawv lub Tswv Yim muaj zog, tab sis lub cev tsis muaj zog ces lawv raug xwv txheej ntau dua ces nres tsis tshua taus tej mob nkeeg. Ua rau lawv txoj sia luv dua thiab.
    Cov poj niam uas Tswv Xyas nyiam kuj yog cov poj niam daws ces yuav nyob nruab hlis, Ib txwm Hmoob tsis muaj cov Kws Tshuaj pab. Yog muaj cov pog laus ces lawv pab hais tej los los nplij kom ua siab loj.
    Txoj dab neeg ntseeg Tswv Xyas no, puav leej yog cov neeg muaj ib yam los cuam tshuam rau tus neeg ntawd lub cev lawm mas Tswv Xyas thiaj nyiam thiab tos mus ua tsov lawm.
    Yog muaj tseeb li zaj dab neeg Tswv Xyas no tiag. Mas nws twb xub muaj los dua cov dab neeg uas tej tus Hmoob sawv los ua thawj neeg ntau tus uas muaj koob meej thiab muaj hwj chim ntawd, ua ntej lawv. Mas phim tias, Tswv Xyas yuav vam meej mus deb lawm. Phim yuav muaj ib lub teb chaws rau Tsov nyob uas nws yuav nyob nca ntws mus.
    Thawj tug mus ua Tswv Xyas yog Hmoob Nws coj cov txiv neej los poj niam muaj txuj, thiab zoo nkauj zoo nraug, muaj txuj ci mus ntau xwb Phim yuav vam meej mus deb heev lawm. Thiab Tswv Xyas yuav muaj siab ntsws nco txog tej pab Hmoob uas lawv nkaum hauv Hav Zoov hav Tsuag raug kev txom nyem los ntawm Mab Sua tsuj thiab quab yuam, muab lawv tsim txom ntawd.
    Nyob hauv pab neeg txom nyem los yeej muaj tus zoo nkauj zoo nraug, thiab muaj txuj ci. Tsuas yog lawv txom nyem tsis muaj kev tawm xwb.
    Yog Tswv Xyas pab tau tsoom Hmoob Txom nyem no mus ua Tswv Xyas, tas nrho ces tej lub teb chaws neeg nyob nruab zoov nruab tsuag li Los kuj teb mas tsis muaj pes tsawg hli ces zej zog yuav nphob tas.
    Tsuas tshuav Tswv Xyas pab thiaj nyob vam meej mus tau xwb.
    Nyiam no tsis muaj hmoob lawm Tswv Xyas kuj tsis muaj lawm thiab.


    Yaj Zoov Ntxheb Xib Hwb.




    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 16th November 2018, 2:43 am