DEACON YOG DAB TSI? Tub Tsob Hwb Txoj Huaj Lwm

Nyob zoo XH. Txawj Tuam thiab tsoom ntseeg sawv daws.
ua ke no, thov kom peb tus Huab Tais Yes Xus Pleev txoj kev thaj yeeb tuaj ntxoov tas nej sawv daws tej siab ntsws thiab lub neej kom tau nyob kaj lug. Kuv yog Leej Tsob Hwb Nyiaj Zoo Lis nyob teb chaws Mej Kuj Xeev North Carolina, kuv ntseeg thiab cia siab tias koj thiab tsev neeg, nrog rau tsoom ntseeg nyob Cob Tsib teb sawv daws yuav ntsib kev noj qab nyob zoo. kuv zoo siab thiab ua koj tsaug rau koj ob peb lo lus nug txog ntawm tus Tsob Hwb. kuv yuav txaus siab piav me ntsis lub ntsiab xwb, yog tshuav qhov twg tsis to taub meej rov nug kuv li qhia ntxiv. koj lo lus nug mas koj nug tias; ua li tus tsob hwb txoj hauj lwm yog zoo li cas, ua li thaum ua lub txoos teev Ntuj nws ho ua zoo li cas. kuv lo lus teb mas li no.
1. Hais txog kev ua lub txoos teev ntuj ntawm tus tsob hwb zoo li cas. lub txoos teev ntuj ntawm tus tsob hwb yeej zoo ib yam li cov XH nyob Los Tsuas ua thiab tsis sib txawv, kuv tsis paub tias saib nyob Cob Tsib (Vietnam) ho zoo li cas xwb.
2. Tus tsob hwb yog dab tsi thiab lawv txoj hauj lwm, tus lwj lwm (moj yam) yog zoo li cas?
Phau Ntawv Ntshiab piav me ntsis ntawm lub chiv keeb tsim muaj cov tsob hwb no, yog los ntawm cov Hauv Paus Xa Lus, nyob hauv , tias lawv txoj hauj lwm yog dab tsi, phau ntawv hauj lwm zaj 6: 1-6 thiab Tis Mos Tes tsab Ib zaj 3: 8 - 13. yuav piav me ntsis ntawm cov tsob hwb tes dej num thiab tus yam moj yam, pab tsob hwb no twb ploj los tau ntau tiam neeg lawm, uas tsoom ntseeg yeej tsis paub cov tsob hwb no zoo tias lawv txoj hauj lwm yog muaj mus zoo li cas, thiab lawv ho yog leej twg, yog li no lub npe deacon yog los ntawm cov Greek lo lus diakonos, txhais tias; tub txib, (servant) peb hmoob hu lawv ua Tsob Hwb. Lub rooj ncauj lus vas tis kas ob (1962 - 1965) thiaj mam rov txhim cov tsob hwb no, yog li mas cov teb chaw vam meej mas muaj cov tsob hwb no coob thiab cov ntseeg hauv lub teb chaws thiaj paub. hos zoo li nyob cov teb chaws asia mas cov tsob hwb no tsis muaj coob, yog li mas tus txiv tswv qhia thiaj pub cai rau cov XH ua tau lub cim ntxuav, lub cim cog lug, thiab lub txoos pam tuag pub rau tsoom neeg ntseeg. tiag tiag mas cov hauj lwm uas tus XH ua yog cov tsob hwb txoj hauj lwm. kuv xav hais ib qhov txog cov tsob hwb ntawm cov plotestant thiab cov tsob hwb hauv lub koom txoos Catholic mas tsis sib thooj. yam li; nyob hauv lub Koom Txoos Catholic cov tsob hwb mas ua ntej lawv txais lub cim tiag tes lawv yuav tau siv caij nyoog mus kawm tej txuj ua tsob hwb li 4 - 5 xyoos tej, lawv kawm ntau yam dua cov XH. tom qab thaum lawv kawm txaus thiab dhau lawm mas tus txiv tswv qhia thiaj mam pub lub cim tiag tes tsa lawv ua tsob hwb kom muaj cai ua hauj lwm thiab nrog nws saib tsoom neeg ntseeg nyob hauv nws lub ceeb koom txoos. nyob hauv lub koom txoos catholic mas muaj 3 txheej neeg ua hauj lwm sib koom ib lub cim ntshiab (clergy). 3 txheej neeg no yam li yog; cov txiv tswv qhia, cov txiv plig, cov tsob hwb. cov tsob hwb yog txheej 3, yog txheej qis nyob hauv pab neeg ntshiab hauv lub koom txoos catholic. pab tsob hwb no muaj ob pawg thiab, yam li; pawg ib yog cov txais lub cim tiag tes ua tsob hwb thiab 6 hli mus rau ib xyoo mas lawv nce mus rau txheej ob uas txais lub cim tiag tes tsa lawv ua leej choj. pawg ob no, lawv txais lub cim tiag tes tsa ua leej tsob hwb xwb, pawg no yog cov txiv neej uas muaj poj niam los tsis muaj kuj xij, pawg no lawv yog tsob hwb tas ib neej (permament deacon) lawv tsis muaj cai mus ntxiv los mus txais lub cim tiag tes tsa ua leej choj, yog tias tus uas nws muaj poj niam lawm mam txais lub cim tiag tes, yog hais tias nws tus txij nkawm tas sim neej lawm nws tsis muaj cai yuav dua lwm tus poj niam, hos yog tus uas tsis tau muaj poj niam nws txais lub cim tiag tes tsa ua tsob hwb lawm nws tsis muaj cai yuav poj niam ntxiv. cov tsob hwb no yog txiv tswv qhia ob sab tes (two arms) ua hauj lwm pab tsoom neeg thiab tsoom ntseeg nyob hauv nws lub cheeb koom txoos.
cov tsob hwb tus moj yam (tus lwj lwm) yog tus duab( Icon) rau tsoom ntseeg. lawv pab tus txiv tswv qhia ua hauj lwm pab kom tsoom neeg muaj kev sib poog los sib haum xeeb. tus tsob hwb kuj hnav tsoos zoo li cov leej choj thiab, lawv kuj khuam txoj hla ntxhoo thaum ua lub cim ntxuav, thiab lub cim cog lus, los lub txoos pam tuag, tiam sis lawv txoj hla ntxhoo yog khuam tom xwb pwg sab laug los rau sab xis ( khuam tav toj) yog leej choj txoj mas khuam sawv ntsug los saum caj qwb dau lo hauv ko taw.
hnub no kuv piav me ntsis lub ntsiab xwb, tsis ntxaws, yog tshuav qhov twg tsis paub nug mam rov qhia ntxiv.
Thov kom peb tus Huab Tais Yes Xus lub txiaj ntsim nrog nej sawv daws nyob.

Sau Npe. Leej Tsob Hwb Nyiaj Zoo Lis

Txawj Tuam wrote:Nyob zoo og, Nim hlob,thiab Mp, XH Npuag Tub, Mim, nrog rau LTH Nyiaj Zoo Lis, kuv yog Txawj Tuam nyob cob tsib teb, zoo siab hnub no tau ntsib koj og LTH Nyiaj Zoo Lis,vam tias koj yuav tuaj tham ntau yam rau peb mloog og nawb, yog koj khoom no thov koj tuaj piav txog txoj kev ua Tub Tsob Hwb rau peb mloog og yuam, viv tias peb nyob rau cob tsib teb no, hais txog kev ua TTH mas yeej tsis tau paub li, kuv xav paub txog ntawm kev ua TTH saib nws tus lwj lwm yog zoo li cas? thiab li cas? Thaum ua lub Txoos Teev Ntuj nws ua ho ua zoo li cas? puas txawv mes ntsis xws li cov XH ua thiab, los tus txheej txheem ho zoo tib yam nav? Thov koj tuaj qhia peb thiab og, kom peb thiaj li to taub txog lub neej ua TTsob Hwb ho zoo li cas? Tuaj ntsib nej li no xwb.

Nyob leej tsob hwb nyiaj zoo lis ua tsaus ntau ua nws tuaj tso peb paub tub tso hwb txoj hauj lwm nawb mog .ib qhov ntxiv tej zaum raw hais mas nyob hauv lub txoos teev ntuj peb sab cob tsib teb no mas yuav tsi tau ntau npaum li cov nyob los tsuas teb.thov nug ntxiv tias cov xh nyob los tsos teb lawv puav leej muaj cai ua lub txoos li .lub txoos teev ntuj .thaum tsi muaj choj lov .los hos tshuav qhov twg tsi ua thiab .vim peb nyob teb chaw cob tsib no mas lawv tseem tsi tau muaj ib tug tsob hwb yog peb hmoob li .hais txog ntawm lub txoos teev ntuj mas lawv tsuas pub hais tsaws tsaws xwb os.kuv vam hiab cia siab tias hnub no koj uas leej tsob hwb tuaj nws yuav tham yuav piav txog txoj kev ua xh tub tsob hwb .ua tp .peb sawv daws yuav tau paub os nawb.nyob zoo.os leej tsob hwb nyiaj zoo lis .sib ntsib.dua .xh.ntxoov tsab.

XH.Ntxoov Tsab wrote:Nyob leej tsob hwb nyiaj zoo lis ua tsaus ntau ua nws tuaj tso peb paub tub tso hwb txoj hauj lwm nawb mog .ib qhov ntxiv tej zaum raw hais mas nyob hauv lub txoos teev ntuj peb sab cob tsib teb no mas yuav tsi tau ntau npaum li cov nyob los tsuas teb.thov nug ntxiv tias cov xh nyob los tsos teb lawv puav leej muaj cai ua lub txoos li .lub txoos teev ntuj .thaum tsi muaj choj lov .los hos tshuav qhov twg tsi ua thiab .vim peb nyob teb chaw cob tsib no mas lawv tseem tsi tau muaj ib tug tsob hwb yog peb hmoob li .hais txog ntawm lub txoos teev ntuj mas lawv tsuas pub hais tsaws tsaws xwb os.kuv vam hiab cia siab tias hnub no koj uas leej tsob hwb tuaj nws yuav tham yuav piav txog txoj kev ua xh tub tsob hwb .ua tp .peb sawv daws yuav tau paub os nawb.nyob zoo.os leej tsob hwb nyiaj zoo lis .sib ntsib.dua .xh.ntxoov tsab.

Nyob zoo XH. Ntxoov Tsab,

Kuv lam teb me ntsis rau koj ua ntej, hais txog Leej Tsob Hwb ( Deacon ) kev ua lub Txoos Teev Ntuj, kuv xav tias txawm nyob rau lub teb chaws twg los lawv tsuas ua tau raws li txoj cai muab rau tus Deacon ua raws li nyob hauv txoj cai ( Canon Law ). Yog tshuav qhov twg los Tsob Hwb Lis Pej mam li tuaj sau ntxiv rau.

Thaum xyoo 1968 tsoom Tswv Qhia nrog lub Koom Txoos Rooj Ncauj Lus Vatican II tau tau rov qhib kev dav thiab tso cai kom muaj kev kawm ua Leej Tsob Hwb nyob rau sab teb chaws Meskas, txij li ntawd los nyob rau sab Meskas no kuj muaj cov mus kawm tau ua Leej Tsob Hwb coob tuaj ntau tshaj li 10,000 tawm leej nyob rau hauv 140 tawm lub ( Ard ) Dioceses.

Kev yuav kawm los ua ib tug tub tshaj Tswv Ntuj lub Moo Zoo mas kuj tsis yooj yim thiab yuav tau siv sij hawm ntev thiaj li kawm tiav. Raws li nyob teb chaws Mes Kas mas ib tug Xib Hwb ( Lay Minister ) nws yuav siv cai nyoog kawm ntev li 3 xyoos, hos tus Leej Tsob Hwb mas yuav siv caij nyoog kawm ntev li 4 xyoos, yog muab xam thaum kawm tiav ib tug Leej Tsob Hwb mas yuav ntev li 7 xyoo thiaj kawm tas.

1. Leej Tsob Hwb ( Deacon ) nws tsuas ua tau lub Txoov Teev Ntuj faib Lub Cim Yug ( Communion service ) nws ua tsis tau qhov muab cov mov thiab cawv los cev rau Tswv Ntuj kom txia ua Yes Xus lub Cev thiab cov Ntshav. Nws nyeem tau tsab ntawv Moo Zoo ( Gospel ) thiab nthuav Ntawv Moo Zoo nyob hauv lub Txoos teev Ntuj.

2. Leej Tsob Hwb nws zaum tsis tau Txiv Plig lub rooj, thiab nyeem cov zaj ua lub Txoos ( Liturgy the words ) tsis tau saum lub Thaj Txiv Ntuj ( Altar ). Nws tsuav siv tau lub Rooj Thaj Txiv Ntuj ( Altar ) thaum nws muab lub Cim Yug hauv lub tsev tsam Phooj los faib rau sawv daws xwb.

3. Leej Tsob Hwb ua tau lub Txoov teev Ntuj Ntees ( Funeral ) lub Txoos Teev Ntuj ua lub Cim Cog Lus sib yuav ua txij nkawm thiab lub Txoos teev ntuj ua lub Cim Ntxuav ( Baptism ).


Yam kuv pom sib txawv mas yog li no xwb hais txog ntawm lub Txoov Teev ntuj.

Nyob zoo LTH Paj Lug Lis, thiab XH Npuag Tub, ua tsaug ntau uas neb tau qhia txog kev ua TTH rau peb paub og, neb tham li ntawd ces kuv nkag siab lawd, tej zaum nyob rau peb sab cob tsib teb no kuj muaj thiab, tiam sis yog cob tsib xwb es lawv tis npe lus cob tsib xwb kuv thiaj tsis to taub xwb og. Tiam sis LTH P.L.L koj tau tham hais tias: "cov Tub Tsob Hwb mas muab phaib ua ob pawg" yog li tej zaum kuv tau pom, pawg uas nws ua rau lub hli TTH es nce mus ua Txiv Plig lawm, vim tiab xyoo 2008 kuv tau mus nrog lawv kawm ua lub Txoos Teev Ntuj nyob rau Sas Pas mas lawv tau coj peb mus ncig rau nram lub nroog Muas Luj, vim lawv ua ib lub Koob Tsheej nco txog lub Tuam Tsev Teev Ntuj ntawd tau 100 xyoo, mas kuv kuj pom Txiv Tswv Qhia tau tsa ob tus, lus cob tsib lawv hu hais tias:"Thaij fov tev", Tej zaum lus hmoob yog hu ua " Tub Tsob Hwv" lawm. LTH P Lug Lis thov qhia koj tias kuv tsi yog Xib Hwb, kuv tsuas yog ib tus coj cov ntseeg hu nkauj xwb. koj txhob muab kuv hu XH no og. Koj hu kuv npe xwb tau lawm, vim kuv tsi yog Xib Hwb. Li no xwb. Sib ntsib dua